الشاعر موسى البديري:
ام البنين ع تتمنى لو انها ذهبت لكربلاء ودون الحسين وزينب عليهما السلام قتلت
********
يا يمــه كـون اشبـع ضمّه
و أتغسل أبفيــض الـــدمّه
دونـــك يضنــوة فاطــمـه
حبيبي يا حسين حبيبي يا حسين

*
كــون متعنيه الطفـوف وابـره ضعنـك بالــدرب
ومـن تحنْ للــزهره يبني آنــه أضمــك للگلـب
ادري يبني حسين خايـف مثـل أمــك أنضــرب
الصار بيها ريته بيه والله يبني شگـد صعب
وبعيني يــا ريت أنسطر
ومثــل الــزچيه أنعصـر
وظلعــي بغدرهم ينكسر
حبيبي يا حسين حبيبي يا حسين

*
كـــون ويــاكــم ييمّــه آنـــه رحـــت لكــربلــه
ومثــل زينــب واليتــامــه انسبــي وي العايلـه
كــون ســوط الحره زينـب ابمتني انه استقبله
وكون مـو زينب شتمـها لا شتمنـــي حــرملـه
و بأيــدي يــاريته الحبّل
ودون زينـب عل الهزل
ولا شمــتْ بيــها النــذل
حبيبي يا حسين حبيبي يا حسين
*
كون ضامي اگليبي دونك مــا وصــل گلبك عطش
وكون جسمي الطاح دامي وعالرمل يبني أنفرش
ودون زينب آنــه أنوحن عل الاخــو بليل اهـدعش
شلون وانتــه ابن الزچيه مــا حمل جسمك نعش
دونك يريــت أعلــى الــرمل
أبفيض الدمه جسمي أنغسل
لا والـــي يمّــي ولا أهــــــل
حبيبي يا حسين حبيبي يا حسين
*
كــــون دونك آنــه اطيحن رضــت أبصدري الخيــول
وريت صدرك يبني سالم وفوگ صدري اتظل تجول
خــايفه أربــــع بنينــي مــــا وفـــــو وي البتــــول
باچــر بيوم القيامـــه شنهو عـــذري وشــرد اگــول
يا وليدي دونك عل الثره
جثتـــي ييمــه امــــوذره
ومن چفي گطعو خنصره
حبيبي يا حسين حبيبي يا حسين
*
ريت بالطف انه وانظر طيحت ابني أعلى النهر
شلون يــا روح الـزچيه صحت يـا خويه الگمر
انته جيشي أحــزام ظهري وانكسر مني الظهر
كون ظهري انكسر يبني ومني محزوز النحـر
يــا يمه محتــاره بحـرم
من حرگوا علينه الخيم
وماكو رفيف مـن العلم
حبيبي يا حسين حبيبي يا حسين
*
كـون مسبيه وأروح أعلــى الهــزل متيسره
دون زينب بالضعينه أدروب وحشه ومقفره
و أوگف أبديوان أميـــه بالحـــرم متحيــره
وتبقه بــت حيــدر أميره معــززه ومقـــدره
وبالطشت راس ابني الگمر
يضـربه يــزيد أعلــى الثغر
ومنــك فـــلا گطعـــو نحــر
حبيبي يا حسين حبيبي يا حسين
*
الشاعر
موسى البديري

https://tttttt.me/ssgadAl

وصية ام البنين

ها عباس رايح للطف الله وياك
بس عندي وصيه اليوم أوصيها

سترالله كفيله أنته راح أتصير
يبني أبرمش عينك انته غطيها

ناذرتك فـــده للزهره وأنت ازغير
وأعرفك لو تموت أمك توافيهه

مريم هزت النخله واجاها الروح
واريدن الدنيا بالطف بيك اهز بيها

شد بيدك علگ من شيلت الحوراء
حتى أتفور غيره أعداك تفنيها

لها بقيه
موسى البديري

https://tttttt.me/ssgadAl

مثــل تضحيتچ فـــلا ضحّــت نســاء
يالنذرتـــي أربـــــــع بنين بكــربلاء
*
يالنـــذرتي اهروش گلبـچ بالطفوف
وطعمّـه صــارو للنبـــال وللسيـوف
حره مثلج بالزمن مــا اظـن نشوف
يــا وفيــه وأنتــه صرتي ام الوفـاء
*
يــا وفيــه وطاهــره واصلچ نجيب
يل لي غذيتي البنين اطهــر حليـب
بيه حــب حسين أبو اليمه الغريب
وحب ابو اليمه مشه ابذيج الدماء
*
حــب أبــو اليمـه تـغــذّوه البنيـن
ونــذر للزهــره بنينــچ والحـسين
أربعــه انطيتــي وبعــد تتعـــذرين
كــون عشــره دون ابو اليمه فداء
**

كون عشره انطيهم أنــه امقصـره
فــدوه لحسين الغــريب وخنصـره
ودون أبو اليمه يريت أعلى الثره
وفدوه يروحن ولبواليمه العـــزاء
*
فدوه يرحــون البنين ويـه الگـمر
والله گــدام الـــزچيه أعظـم فخــر
وكون يــرجع ما يحزولّه النحــر
ولا تسحگه أخيول ابــن الطلقاء
*
ريت مو فوگك يبو اليمه الخيول
فوگ ولدي كون بالعاشر تجـول
وانت سـالم يمّه يـا روح البتول
ترد يبن المرتضى وخير النساء
*
تــرد سالم كــون وابني الماسلم
دون زينـب طايــح ودون الخيم
يطيحن اچفــوفه گبــل ذاك العلم
وكـــون مــن دمــه يحنيه اللواء
*
يحني مــن دمّـه العلم گبــل الممـات
وشرط ما يشرب ولايضوگ الفرات
شلـون يشــرب والفواطم ضــاميات
انــه أمـــه الغذته إخــلاص وإبـــاء
*
انــه غــذيته وفه وناطــرته ليــل
ادري أبــوه خــلاه للحــره كفيــل
وگتله دون أختك تطيح انتـه چتيل
لان زيـنب قبــلة العـــز والحــياء
*
الشاعر
موسى البديري

https://tttttt.me/ssgadAl

قصيدة من وزن الميمر إلى ام البنين عليها السلام


هااا. دنيّتك

هااا.. دنيّتك لو ضكتك بالدمعه اطلب حاجتك
ناديهــا يأم العبــاس ولحــاجتــك تگضيها

*
لــو ضكتـــك دنيـاك خانــك صبــرك
لربـــك توجـــه لله فــوض أمــــرك
بــأم الـبنـيـن انخـــــاه راح يســرك
بالطاهره بالصابره كل العسير أيسره
يا ربي بأم العباس هاي الكروب امحيها

*

بــاب الكــريمه اگصـد أتِعنـاهـا
ما تصعب الحاجات من تنخاها
بس بيقين الفاتحه ألهـا اقرأها
بدمعه تصب وفطرت گلب من كربله اتشوف العجب
تدريها يم كبـــر حسين تجـــري الدمــع تـــدريها
*

بــاب الحـوائــج ربــك اخـتـاراهـا
بهاي الكـرامـه البـاري اختصـاها
انطت ولـدها والله عـــزِه أنطـاهـا
الهل مدمّعه ونــاح ودعّه بـــأم البنين الاربعــــه
بارينه يگضي الحاجات وللوافـــت أيـــوافيــها

*

حلفــها بالمظلــوم ابـــن الـــزهــــره
بشيبه الخضيب وخنصره ودم نحره
گلبــك لــون مهمــوم هيّــه اتســـره
گلها أبفخر يأم الگمر بحسين احلفچ والنحر
متقصر آم العبـــاس ثــق جمرتــك تطفيها

*


مــن البقيع الصوت هيــه أتسمعه
اختصــاها ربها بمنــزله وبالرفعه
النـــذرت ولـد لحسين نذرت دمعه
رب السمه لسر فاطمه عــزز أسمها وكــرمّه
النذرت ولدها لحسين ربــــك قَـــدر منطيها
*
الشاعر
موسى البديري
13/2/2019
الكراده

https://tttttt.me/ssgadAl

مقدمة ليلة ام البنين ع
.
.
.


أمــوت أنــي وراك .. أذا مـا شــم هواك
يـالـّمـوتــنـي شــــوگ
الــهـوه يـخـنـك بـلاك

_

يـلتـريـد اتــروح عنــي يــمــي خلــــي احساسك
أنــت تــدري أم البـــنيــن امعلمــه أعـلـه أنـفاسك
خــايــفــه امن تــروح يــمه النــاس لا مـو ناسـك
بـكربــلـه خــاف اكــو وادم يـبـنـي تـگطـع راسـك

أذوب أنـــــي بـچـفــاكـ .. اذا مــا شــــم هــواك

يالــمـوتـنــي شــوگ
الــهوه يخـنـكـ بــلاك


_

يـاهــواي ويـــا ضــوأي ويــــا نـــبــــض دلالــــــي
تدري يــوم المـا أشــوفـك مـوتي أشوفــــه أگـبـالي
بــدنـيتــي مـا عــنــدي غــالـــي انــته بـــس الــغالي
يا نـفـس لـــمــن تــروح الــــهـوى يـگـصــي ابـحالـي

نـــفـــس مــاكـــو ســواك .. اذا مــــاشــم هـــــواك
يالــمـوتـنــي شــوگ
الــهوه يخنـك بــلاك



عطـــر شــخصـــك مــن اشــمــه أشهگ ابــطاريــــه
يـانــفــس تــارسنــي صـيت امــروتــك ضـل بــــيـه
بــيــك أتــنفــس واحــســك جــاي فـيـــت اعلــيــــه
اخـــتنــكـ يــبنـــي امـن اعـوفــك تـــره مــو بـيديــه

يـذوبنـي لـقــاك .. أذا مــا اشـم هواك
يالــمـوتـنــي شــوگ
الــهوه يخنـك بــلاك

_

أنـــي مـــن ويـاك أســولــف أنــت تــدري ابـــنيــتـي
أبــــد مــاعـنـــدي ريــــاء وتـــعـــرف بشـخصـيــتـي
بــيـــه لــو مــليــون عــلــــه وحــايـــره بوضـعيـتـي
ضــوه وجـــهك بــس اشــوفــه تــرد الــي عـافيــتي

صعـب أطـــلـب رضـاك .. أذا مــا شـــم هــــواك
يالــمـوتــنــي شــــوگ
الــهــوه يخـنـكـ بــلاك



ألسـانـي وانـته هــنانــه يمــي مايـمـل مــن ذكــرك
نــاظــري يـــعـمـــه يــيمـــه ساعــه لــو مــينـضــرك
عنــــي يــالــرايــد تــهــاجـر صـعبه مـا اشـم عـطرك
خــوفــي مــن تـروح عـنــي الخـــيل تطـحن صدرك

أحـــــس بالارتـــبـــاك .. اذا مـاشـــم هــــــــواك
يــالـــمـــوتــــنــي شـــــوگ
الــــــهـــوه يـخنــكـ بــلاك

_

أنـتــه الــِتراب التــدوســه بــيه اكــحــل عـــيونــي
شـــلــون يــابـــو اليــمــه عنك بــاچــر ايــفــرگـوني
والـــيذبــحونـك ييــمـه بـــالــــهــوه يــذبحــونـــــي
ولـــمـن يــسحـكـون جـسمــك مـثـلـك ايــسحـگوني

يــسحــكــونـي مــعاك .. اذا مــاشـــم هــــواكـ
يــالــمـوتـنــي شــــوگ
الـــهوه يخنـگ بـــلاك
_
تمت والحمد لله
حيدر تركي الكربلائي

https://tttttt.me/ssgadAl

قصيدة ليلة ام البنين

وصية ام البنين لولدها ابالفضل العباس س قبل السفر الى كربلاء
.
.
.

احچــیها وتشــهد هـاي الـناس
مــا مبــري الـذمــه يـا عـــباس
لو قصرت اويه حسين .. ولـو ماتـنطي الچـفين
لا مــاعــذرك بـعــدين
ياعباس
_____

يبني عندي بس كلمه .. مــاباريتـك الذمه
مــن تقصر اويـه حــسين لتگلي بـعد يمه

يمـه لا تسـمـيني .. او وجهـك لا تراويني
من ماتوفي لحسينك ازعل حـيل تدريني

يبني اليوفي لحسينه ..ايقدم كون چفینه
ولا ميــگول کلمة اخ مــن يتـصوب ابعينه

يــوليــدي ازعـــل انـي اعلـيك
لـو ما عالـشاطي اتذب ايديك
مطلوب الأمك دين .. ولوماتنطي الچفین
لا مـا عــذرك بعدین
یاعباس
________

وحق كل كلمة بلساني .. من هالســاعه تنساني
اذا ماراضــي بــيك حســين ما ارضه عليـك اني

من اخوك اتشوفه بالهيمه .. سوي عمامتك خيمه
ومـن يعطــش ابو السجاد كــون اتصـيرله غــيمه

شــد ابروحك اجــروحه .. واحـذر جرحه لتلوحه
واذا يحــتاح مــنك روح حـط روحـك على روحه

يايـمـــه ابــروحـك لا تحـــتار
ارد اسمع مـنك خـوش اخـبار
وبالك ماتنـطي العين .. لو قصرت ويه حسين
لا مـاعــذرك بــعـدين
ياعباس
___________

شــد ابچـفك الرايه .. وادخــل عالمـسنايه
ولا تتروه گبل حسین اذا شفت النهر مایه

النهر لو شفت صافیه .. لتـــغــرك معـــانيه
شيل الماي بـس ذبـه واحـرگ گلــب راعیه

لــو تتگطع ازنودك .. لازم تـوفـي بوعـودك
الماي الماي يا عباس لا يــتبده مــن جودك

لـو مــاي الجــربه مــنك ضاع
ذب ماي اعـيونك فـوگ الگاع
عن امك تمـشي وين .. ولو ماتـنطي الچفین
لا ماعــذرك بــعـدين
ياعباس

_____________

وحگ السمتك كافل .. اذا بيك اسمع امجامل
مــاگولن بـعد عنــدي ابــن واسـمـه ابـو فاضل

كل خــوفي يغـيرونك .. وحــته لـو يجــبرونك
لا تــخـتار غــير حسـين هـمــه مـن يــخــيرونك

والمنك يريد اجواب .. طاري حسين من ينجاب
الیگلـك عـوف ابو اليـمه حط ابحلگه صـم اتراب

اشما تملك قدمه الاهل البيت
يـبني اعـله العـسكر لو هديت
ويمك ما يلفي البين .. لـو ما تنطي الچفین
لا ماعــذرك بعــدين
ياعباس

____________

يبنــي ابينــك وبيــني .. اوصــيك ابنظــر عيــني
زينــب كـون تحــچي بيــك باچــر مــن تــلاگـیني

كــون اتگلــي ماقصــر .. عــالمـــشرعـه مــن كــبر
خطب بالجيش خطبت موت صار الماي اله المنبر

من تــرضه علــيــك اقــبل .. یــــا كـــفال تـــدلــــل
يبـني ولو رضــت زيـنب مــبـري الــذمه ومحـــلـــل

ومـن تـرجـع سالــم ما ابـريك
ولا لتحـاچــیني اولا حــاچیك
ولازم تــعرفــهـا زين .. لو ماتنطي الچفین
لا مـاعــذرك بعــدين
ياعباس
_____________
لخادمكم
حيدر تركي الكربلائي

https://tttttt.me/ssgadAl

من الارشيف
نزلة
وصية ام البنين لأولادها الاربعه
.
.
.

زيـنــب البحـماكم * آيــاكـم * تـنـسـوها
زينـب البحـماكم * أيــاكــم * تــنـسـوها

● ● ●

هــا يولدي الأربعه . أمـكــم اتوصـيكم
أمّـنِـتكم بت علي . وانتو گدها ادريكم
تره هاي امّ الخدر . كـــون ماتـشكيكم
والله لو مسها خطر . الـذمه ما ابـريكم

موتوا لو تنخاكم ... إيّــاكم ..تـنـسـوها

● ● ●

مـن تنادي يخوتي . فزّوا زينب هايه
طلب لـَـتردُّون ابــد . إلـهـا يـا وفــايه
جيبوا لو ماي اطلبَت . الفـرات ومايه
تـــره أمّ الأربـــعه . ابزينب امـوصايه

وعلي هم وصاكم ... إياكم .. تـنـسـوها

● ● ●

مـن تروح الكربله . التفـّو انـتو اعليها
يُـمّه عـبّاس الگمر . ابـرايـتك غـطـيها
لا تشاهدها الشمس . حــارّه وتاذيـهـا
امدلـّـلــه أمّ الخـدر . يــاگـمر تــدريـها

رايحه وياكم ... إياكم ... تـنـسـوها

● ● ●

سمعوا وِلدي الأربعه . لـزينب اتسِِـمعونها
هيهَّ تـآمــركم امــر . وانـتـم اتـطـيعـونهـا
من تـظل ابكــربله . امحـيّـره اتـشوفونها
اعليكم اقسم بالضـلع . ابحـيره لـتخلونها

رفـُّـوا يُـمّه الواكم ... اياكم .. تـنـسـوها

● ● ●

أرْدَ اخـــبّـركــم أمـــر . ولازم اتعـيـنــوني
اشگدّ احبّ امّ الحسن . كـلكم اتعرفـوني
عفْـيه وِلـْـدي الأربــعـه . اوياها لتفشلوني
بيــكم آنــــه بالحــشـر . ارْد اگـــرّ اعيوني

الموت لو يلفاكم ... إيّـــاكم .. تـنـسـوها

● ● ●

انتـــو تِـربات الفحَـل . وبيكم ارفــع راسي
ما تخيبوني اعـرفـت . هيچ گال احساسي
ما أوصــّـيـكـم بـعــــد . السفر يمكن قاسي
داري اخـتك بالـــدّرب . يُــمّه يا عــبّـاسي

تتعب ابلياكم ... إيّــــاكم ... تـنـسـوها

● ● ●

الظعن باچر من يرد . راح انه اسئلها
القَصر بحـق زينبه . اعذاوه ما اقبلها
وارد اشوف ابكربله . وشعـمل كافلها
المهم زينب من ترد . راكبه ابمحملها

مومهم ملكاكم ... اياكم .... تنسوها
................................
حيدر تركي الكربلائي

https://tttttt.me/ssgadAl

مقدمة ليلة ام البنين ع
.
.
.

الفاگدله محبوب .. لـو صـار الغـروب
گلـبه تـره يذوب
مـن گــد الفراگ

---------------------------------

المامچــوايين مـثلي ومــا امتــانين
بطـلي نـوحچ كافـي گــالو لاتــونين
امن الدرب موكافي وگفه يم البنين
ذوله حقــهم نــار گلــبي مامجربين

والعنده محجوب .. لــوصار الـغروب
گلبه تره ايذوب
مــن گــد الفراگ

----------------------------------

زارعه اعيوني اعـله درب الغاضريه
ونار فگد احسيـن چنهـا اتچوي بيه
اوف من يلفــيني وكــت المــغـربيه
انه احس حـته النفس يصعب عليه

البالحسره مصحوب .. لو صــار الغــروب
گلبه تره ايذوب
مـن گـــد الفراگ

---------------------------------

اليشــبه ام الاربـعـــه بدمــوع خــده
خـل يحضـرله چـفن هسه اعـله گده
المنــجـرح دلالــه دلالــه اشـــيــشده
وگلبي هجر حسـين كل ساعه يمرده

والمثلي محسوب .. لــو صار الـغـروب
گلبه تـره يذوب
مـن گــد الفراگ

----------------------------------

المثلي الله ايساعده الـفاگدلـه غالي
من يصبره وعـاميه اعـيونه اللــيالي
البيه سامع عالحچي ون اعله حالي
المابچه كل عمره طگ گلبه وبچالي

والحزنه مكتوب .. لــو صار الغـروب
گلبه تره يذوب
من گــد الفراگ

----------------------------------

اتراب طييه ابكثر ماحس ابحنيني
ظل يـون اوياي چــيه يسمع ونيني
الــناس ظــنها امتـانيه اربــع بنيني
وانه كــل همــي ابو اليــمه يجـيني

والعمره مسلوب .. لو صار الغروب
گلبه تره يذوب
من گــد الفراگ

----------------------------------

حسـين عني بعيــد وگريبــه المنيه
خاف تـبقه بــشوگه نيــراني سريه
نــاذرتــله والله مــن يــرجــع الــيه
روحي اطشنها اعله جدمه واهليه

الگاعد بالدروب .. لو صـار الغروب
گلبه تره يذوب
من گـد الفراگ
----------------------------------
خادم الحسين ع
حيدر تركي الكربلائي

https://tttttt.me/ssgadAl

قصيدة ليلة ام البنين
.
.
.

مكسور خاطري . وناظري . يحچي المـعانات
مـن گــد ما آون . عــالأبن . بخدي الدمع مات
وماتت حته هالعين
لـمــن راح الحـسين
معانات

------------------------

اني وي عيـــني اسـولف سالفه اتجر سالفه
والمدامع عشره عشره عله اخدودي التالفه
الگاع كون الـسان عدهه تسولــفلكم حالفه
چيه ابدرب حسين عمري خلص واني واگفه

لنفاسي انتظر .. عالجمر .. مـو عجبه لو ابات
امتانــيته عــمـر .. والهجر .. تارســـني چويات
گلبي حدره نارين
لمن راح الحـسين
معانات

--------------------------------

گلبي چيه محروگ احس النار جوة امتوني
الناس فــَزعت عــرب فــزعو رادو يطفوني
حسيـــن گتــــلهم اتــاني ابــراحتي خلوني
ناذرتلــه لـمن يرجــع انـه اطشـــــله عيوني

ليلية الجرح .. يـــــنفتح .. عالمـــــــاخذ الروح
ولو صار الصبح .. چن ملح .. يـوگع عالجروح
جروحي بيهن الفين
لــمــن راح الحسـين
معانات

---------------------------------

الناس كل ظــنها الــنـوايـح هــاي لوليداتي
حالــفه ماجيـــب الهــم طاري بحـــچاياتي
انه بــس لحسين ابـچي وتــشتعل جمراتي
ومن كــثر ماعيني تجري مـولحت وجناتي

گلــبي امـن البـعد .. ينمــرد .. كلــما يجي الليل
مدري شبيه احس .. منغرس .. جن حافر الخيل
بصدري چن سحگتين
لمـــــن راح الحســـين
معانات

----------------------------------

انطيته اولادي اربعتهم وانه احـس مقصره
المفترض وياهم امشـــي فـدوه لبن الزهره
عالاقــل افرشــله عيــني لو وگــع عالــغبره
ومن الالف وتـسع ميه عــاد اشـيلن طــبره

ماضلي صبر .. والطــبر .. يتراوه الي دوم
لا هـــوه حلم .. وفتهــم .. لا هـوه جيـثوم
انه عايـــشه البين
لــمن راح الحسين
معانات

-------------------------------

انــه كــل ما اجـه طـارش اشهــگ بطاريه
ومــن ابن حذلم اجــــــــاني وگــَع البيديه
گالـي بطلي انـــــتظـارچ كــافي يالــبدويه
حسـين آيسي مايردلــچ بــعـد مابــي جيه

من جاب الخــبر .. هــالنـــظر .. مابي بعد شوف
يوليدي صحت .. من طحت .. أوف اوالف اوف
وين انطي الوجه وين
لمــن راح الحســــــين
معانات
&&&&&&&&&&&&&&&&&&&&&
لخادمكم حيدر تركي الكربلائي

https://tttttt.me/ssgadAl

نزلة ليلة ام البنين
.
.
.

اربع اولاد .. قدمتهم قدمتهم .. فدوه لحسين
__________

وفــايه وفــايـه .. ويــــلادي وفــــايه
من انه اوصيهم .. ايسمعون الحچايه
الرايه يبو فاضل .. بيــهـا تــره غـــايه
علـــيهـا علـــيهـا .. ولاتـــوگــع الــرايه

مايقصرون .. ونذرتهم ونذرتهم .. لجل الحسين

___________

من أذن ابـراسي .. صوت الوفه وكبر
حــي الله اولادي .. ضنوة علي حيدر
ادري بلبن صدري .. يالاربــعـــه غــزر
متحــلفه انطـيـهم .. فـدوه لبو الاكبر

وبيدي للموت .. سلمتهم سلمتهم .. فدوه لحسين

_________

لــو مــيــه اولادي .. ايـشبهون ابو فاضل
لحــسين اقدمــهم .. صـدگوني يــستاهل
ولو عندي بس كافل .. هم انطي هالكافل
والمــولـى جربــنــي .. وبـهــايه ماجــامل

ابدمع العيون .. كبرتهم كبرتهم .. فدوه لحسين

_________

عباس ابـو فاضل .. اهوايه انه حاچيته
لاتنــسه الــوصيه .. عالـخـــوه حثــيــته
شديت اله المعصب .. وبيمــينه شـديته
اتبــره مــن عــنـدك .. لـو تـنسه وصـيته

الاربعه اوياه .. كلفتهم كلفتهم .. فدوه لحسين

___________

القدمته ميـَكفي .. خـجـلانـه والــزهره
هالدنيه اخسرها .. وحـسيني ماخسره
لـو انـطــي دلالي .. هـم اشعر امقصره
عمري وعمر ولدي .. كـلنه فـده العمره

لرض الطفوف .. جندتهم جندتهم .. فدوه لحسين

________

عباسي وصــيته .. يايــمـه گـــدامه
لو سولفت انـتثه .. لاتــرفـع الــهامه
هوه الزچيه امه .. والواجـب اكرامه
وامك يبو فاضل .. عند اهله خدامه

الخدمه مو عيب .. علمتهم علمتهم .. فدوه لحسين

___________

حــزني لبـــو اليــمــه .. اتـصوره ابـكــبري
وعالاربعـه الــراحــو .. دمـعاتي ماتجــري
لحسين اون وانحب .. والطم على صدري
گـالــولــي ماجــوره .. لامــو مــهم اجــري

الحمد لله .. سجلتهم سجلتهم .. فدوه لحسين

___________

اشما قـدمت اني .. اشتسوه عطائاتي
خجلانه خجـلانه .. من الزهره مولاتي
همه اربعه العندي .. وهـوايه حسراتي
كلشي فــلا امــلك .. بس ذنـي دمعاتي

لاتــردون .. حلفــتهم حلفــتهم .. فدوه لحسين

_______
خادم الحسين حيدر تركي الكربلائي

https://tttttt.me/ssgadAl

ام البنين تتكلم مع سيد الشهداء ع




تودعني تريد أتّسَلبّ افكاري
مو بس الدمع حتى العمر جاري
انه ام البنين وماطفت ناري
شلتلك يمنتي يوليدي ويساري

ودعتك وگلبي نهطر
يمكن يبو اليمه نفطر
بيك المدامع وشلن
يرادلي اداين نهر
يبو اليمه

يتاركني..على الفرگه يبو السجاد مابيه
يتاركني..اظل صوره بجدار وناس معميه
يتاركني..حزني يطول وانه مريه بدويه
يتاركني..بحراحيري جمر ونوگلت ايديه

يايمه اخذني بشوفتك اتسله
گلبي المعذب وين رايح خله

***

يموگ العين عگبك طافيه عيوني
اخاف اعله الحرم وياكم خذوني
چبيره عليه من وحدني تخلوني
اظل الوحدي وتتكسر ضنوني

يبني الدمع هم بي دمع
صوت الگلب يبني انسمع
عيشني غربة فاطمه
وانطيني محسن لو ظلع
يبوي اليمه

يبعد امك..اشمن بيك ياروحي ونبض گلبي
يبعد امك..بعد لا ماهنيت بأكلي لاشربي
يبعد امك..معناهه الضوه ينشال من دربي
يبعد امك..يتبده الدمع من عيني ويعبي

تتوسل بچفك اهالي الديره
ياحيرتي الماشبهت كل حيره

****

ياذكرةّ ايامي ودمعة الذكره
يبو الايتام ياصيوان للفقره
ياعطر المحنه وريحة الزهره
انه امك عفتني وگلبي شيصبره

يالماشي مو كلشي مشه
دگات گلبي ويه الحشه
ماهيس بگلبي صرت
يايمه صدري وفتشه
يبو اليمه

نضر عيني..رايح ياهواي وتدري غرگانه
نضر عيني..وأنه ميته عشگ يايمه ولهانه
نضر عيني..شكاسر بالغياب وخالي مچانه
نضر عيني..حتى البيت صاير ينحب ويانه

طف كربله سولفلي عنه شلونه
شو گمت احسن ضعنك يطشرونه

***

احسن بالطفوف سيوف ملتمه
وچن اسمع رقيه تصيح ياعمه
وزينب جاي اشوف بضعنك تلمه
الهوى بغيرك اضل مختنگه ماشمه

ياهو اليطيح اعله الارض
شو اسمع تگلي الفرض
اسمع عطش شنهو العطش
واسمع على الشاطي رگض
يبو اليمه

انچوت روحي..تسولف عالجمر وتگلي ياذيهن
انچوت روحي..هذا ياشمر يسلب تراچيهن
انچوت روحي..على یا نار ماخذهن موديهن
انچوت روحي..من هالحضه جاي اسمع بواچيهن

يمه التراچي صعبه ويسلبوهن
فوگ الهزل ياويلي ويركبوهن

***

زينب عالهزل يحسين مابيها
وهيه اعله النهر مطروح واليها
يمه وي الخيم حرگوا طواريها
حسره اجيبها وحسره توديها

يضربوها توگع عالترب
مريه جبيره وتنضرب
معقوله زينب تنسبي
والنوبه تمشي ويالغرب
يبو اليمه

ابو فاضل..يبني جفوف اديك تردهن بهاله
ابو فاضل..وأفزع لو لگيت بروحك وشاله
ابو فاضل..على صدر النبي تسحگ الخياله
ابو فاضل..بساعك گوم يبني وألحگ عياله

عاون چفوفك ياگمر ياضاوي
ضمد جروحك ياعزيزي وداوي



عبد زينب
محمد الابراهيمي

https://tttttt.me/ssgadAl

ام البنين عليها السلام....

كون بس رفت رمش منج علينه
كون يأم الأربعه تشوفين ادينه
لطمن .. خدمن ....لبنج حسين
**
سجلات الخدم بجفوفج تصير
بس لا اسمي يمه يصير تقصير
أسويلي خلگ مثل العصافير
شگد تتعب بعشهه خاطر اطير

اصيرلج حرس شاطر
أجر الأمس والباجر
حارس..عابس....لبنج حسين
**************
اصيرلچ عبد كل عمري وياچ
بلال وأنجلد بس اصرخ اهواچ
على جفوفچ اسلامي وأوگف احذاچ
أشتريتيني بثمن بس ياهو الأنطاچ

الثمن عباس منطيچ
بطبرت راسي ارضيچ
اسطر......وأطبر....لبنج حسين
***************
اذا طحت بمصيبه وماتحضرين
موش الفاتحه اقرالچ حسين
اشوفنچ تجين بلمحت العين
أدلل عليج وصارلي سنين

طفل ووحيد بالبيت
اريد شما تمنيت
قاسم......خادم.......لبنج حسين
******************
أنه اتونس نده اخدملي معشوگ
لوما انتي بالعباس مخنوگ
العمر لوما انتي بي حسيته مبيوگ
الطاريچ احنن حنت النوگ

شعندي اهناك وادنه
اذا مو انتي بالجنه
حایر.......زایر.......لبنج حسين
*****************
اشوفج بالمشي يايمه مرات
من تصير دمعه بكل الاوكات
اضنن بالمجالس روحج تبات
تنطين الخدم من آهچ آآهات

بچفچ كلشي تنطين
انطيني دموع لحسين
احجي..وابچي....لبنج حسين



محمد الإبراهيمي
https://tttttt.me/ssgadAl
🔴رابط قناة الشاعر👇👇
https://tttttt.me/shydv123456789

من الكلام النمطي (البدوي) ام البنين تتكلم مع ولدها ابا الفضل .....




يولــدي الحــراب يازود الحــمايل
أچفي فوگ الگوم وانثرها الگبايل

والأصايل شدها
والفـوارس ردها
----------------------------------
ياطــويل العـــمر ياشـــيخ المشايم
ياگـــــبيل النــــاس يالبـــشده گايم
ألتگي وي ضعـــون زينب كالنسايم
وألتگي وي اعداك وأحرگها العمايم

يدك بيد السبط حطها ينشمي
يافياي الروح گول وكالت أمي

بالترايب خدها
والفوارس ردها
----------------------------------
ويش هالــــمگبل يســالوفت عربنه
يالگمر هــــون ترى سارگ فــــكرنه
سيــر يا خير المله وأحدي بحرمنه
وعلى رچابك وانحني ونزل فخرنه

هاي زينب وأگطع اسيور المضاوي
يالهـــــويت المرجله غانم يهـــاوي

وعلى چتافك يدها
والفرارس ردها
----------------------------------
وشتبي زينب تگلها يبني حاضر
خيتي گلها تامري هاي النواضر
عـــن خيمها ياشهم سد المعابر
وآنه ابيك انته الحرس للخيمه صاير

ياچريم الگوم وسهامك لجمها
يانـسل عدنان وجفوفك لزمها

وزمها حيل وصدها
والفــــــوارس ردها
----------------------------------
يامليح الوجه وضّـــــميري ودادي
ياحياتي ومعصبي ونبض الفؤادي
ياحشا روحي يســـــواگ الجيادي
سوگهم عباس وأشـــــتد بالعنادي

يافريه النفس ياعــــــود الأمامه
يحفظك راعي الجلاله بالسلامه

ياوديــــد أودها
والفوارس ردها
---------------------------------------------------
لاتحسب شباجي منـــــهم وله باجي
يبني شد اعله النهر وأنوي السواجي
اتشرعب اعله انفاسهم واكصي المواجي
وخلهم يرفون وألويها العـــواجي

يازماط أم البنـــين أمن المگامط
وآنه ادريبك شهم هل آنه ازامط

بالمجابل هدها
والفوارس ردها


🔸️عبد زينب🔸️
محمد الابراهيمي

https://tttttt.me/ssgadAl

اذا مو انتي وحزامج يشدني
يأم الاربعه ياهو الجذبني
بهمت عاشگ ومو صاحي مجنون
بس حسين والمجلس يهمني

انطيني.. من فراگك العيله
خليني.. حيلي ميهد حيله
حزميني.. وأنذر للعاشر
ومن عيني.. كون جرحي اتسيله

يم البنين شال الحسين
اسمج رهم ام الونين

مولاتي. ياطاهره
……
دوله من العشگ يمشيبه العين
يامشدوده روح بروح بحسين
يالمعلمه اليتامه من يونون
والحيطان تبچي بيوم تبجين

بالعبره.. ترسي صدري وروحي
بالحسره.. كون اموت بنوحي
كل مره.. نضرتچ تشملني
بالجمره ... چوي كون جروحي

كون الحزن بيه يون
واعله الدمع يايمه احن
……… .
انتي الفاتحه لو انتي الاخلاص
لا ماشال دمعچ كاتب وقاص
مسافات الهجر محسوبه دمعات
وانتي الدمع مالج بالجفن غاص

مهمومه.. والجروح هوايه
ملچومه.. ودمعتچ ملايه
يايومه.. ياحسين ورايح
لهدومه.. يالنصبتي اقرايه

فز الجرح مثل الصبح
لو شايفه راس الرمح
………
ليلچ والجرح والباب والبيت
وانتي وياهم تصيحين حنيت
الوجه حسين والچلماته الزغار
كون ويه الضعن يمه تمنيت

ياروحچ .. خلصت منتضره
وجروحچ .. ضايگات العصره
مذبوحچ .. بالذره وبهيمه
من نوحچ .. الحسره صارت صفره

انتي الوفه جرح انچفه
بگاع الهجر ومامش شفه
…… ..
من رد الضعن من غير ميعاد
گلتي حسين وين وعفتي الاولاد
كلولچ بصدره الحافر يعيش
وبراس الرمح يفتر بالبلاد

ونيتي.. للسبي ولوعاته
حنيتي..للجفه بنياته
لطميتي.. مثل لطم سكينه
وديتي…. گلبج وصيحاته

هذا العمر كله الم
كله جرح نار الخيم


عبد زينب
محمد الابراهيمي

https://tttttt.me/ssgadAl

ام الساده انتي مربيه علويه
حبينه البدو چه انتي بدويه
للحنيه وتوزعين حنيه
نجمه وطلعيتي اقمار دريه

يا أم البنين احتار من ارثيچ
وياجلمه الاحطها التوصف الحاله

فديتي اربع شبول ومنهم العباس
بس سالم يرد حسين لعياله

اديبت حيدرى شعاع الاخرى
على مر الزمن مثال الكل مره

ام البنين ام الحسين ... مولاتي مولاتي
*
انتي بالمدينه وگلبچ الهام
وي ضعن الحسين الروح گدام
شفتي الگوم لمن مطرت اسهام
وحسيتي اكيد بحرگ الاخيام

عشتي الواقعه يم البطل عباس
وضگتي آلام زينب لحضه باللحضه

يم حسين چنتي من برز عباس
طفر گلب الحسين بكربله أشضه

انچويتي بحسرتچ چبيره علتچ
مشه گلبچ تعب محرم عبرتچ


عطف شايل فؤادچ عبر السنين
بالجنه ودمعتچ تحچي بحسين
تاج اعله الزمن يا ام البنين
من راحو وصرتي ام الونين

عنوان الدمع صرتي اعله الدموع
وحدر جفون عينچ شايه الويل

محد سوه مثلچ من تلطمين
بس انتي لطمتي بحافر الخيل


تون الاصبعه نسيتي الاربعه
تتاني جيته بحزن متگبعه
****

تاريخ الوفاء الطولچ يدور
كل لحضه بغايبه بيچ عاشور
عمرچ والسهر والشوف منذور
ياشمس الوفه ومطلعه البدور

ضليتي بعبر كل جيل يحچي الجيل
بصلاتي الفاتحه هم الچ من اقره

طلعتي الوفه حد ما ترستي الگاع
هاي اربعه وهيچ شلون لو عشره

عجيبه ام الگمر يريعان السهر
صيوان الحزن نهر وام النهر

****
يالصرتي مثل فوگ اليونون
روحچ رايحه مو بس العيون
الف مره يموت العنده مدفون
والعنده جرح ماينسه المتون

الليل شويه بس جروحچ هواي
بس جرح الطفل يراد عمرين

چا للماي جم عيون تبچين
يا أم البنين وراس الحسين

شتگولي اعله الرمح واذا شفتيالجرح
وبعد حتى السهم عزيزچ منذبح


عبد زينب
محمد الابراهيمي

https://tttttt.me/ssgadAl

ام البنين
ام البنين

شما يخلص ونيني
انتي تحزميني .... شهرين المحرم
يالانتي الوفيه
أم الغاضريه .... .. شهرين المحرم
چويني بمخيم
هب عطره محرم ... شهرين المحرم
ومحضر المدامع
ومن حزنه آنه ضايع .... شهرين المحرم

****
رآيد كون أوآسي
وأطبر بيدي راسي .... المولاتي العقيله

گلبي كون اجرحه
وبحزني اذبحه .... المولاتي العقيله

بگلبي تسري ناره
عاشگ ماله چاره .... المولاتي العقيله

كون اركب هزيله
واصرخ ياعقيله .... المولاتي العقيله
*
كل همي البواچي
وجروح التراچي .... واويلاه رقيه

ارسمها بحسرتي
واجريها دمعتي .... واويلاه رقيه

عاشور المصيبه
مضروبه الحبيبه.... واويلاه رقيه

ماترهم خرابه
وتنادي ي بابا .... واويلاه رقيه


ياگلبي انت وينك
لا يبرد ونينك ... گدام الزجيه

خل دمعاتي حمره
ومشيني اعله جمره ....

ولزم كل حواسي
واحني حتى راسي

ارد اخدم امامي
وأقرا اعله الخيامي
****
والهزله اعله بالي
مرسومه بخيالي .... بمصباح ومسيه

معقوله العقيله
تصعد عالهزيله

ماصارت محاله
چا وين الكفاله

عباس الوديعه
گوم من الشريعه


عبد زينب
محمد الابراهيمي

https://tttttt.me/ssgadAl

يمتـه شــباچچ نــلزمه * يم البنين
وعطر گبرچ بس نشمه * يم البنين
يالتعـّــبچ ثگل الصخر
لزيارتچ گلـبي انفطــر
يم البنين * يم البنين
ـــــــــــــــــــــــــــــ
يمته اشوفلج مناير مثل حــيدر
والحمامات اعله گبرچ تبقى تفتر
يمته بالشباچ اشدلچ علگ اخضر
ارد اثوبلچ دموع ومجلس احضر

هواي عدنه نذور بسمج * يم الاطياب
بيا ضريح انذبها يمچ * گبـــرچ اتراب
مولاتي كاتلني القهر
لزيارتچ گلبي انفطـر
يم البنين * يم البنين
ـــــــــــــــــــــــــــــ
يمته اشوفن بالصحن صارت مآتم
وكون عالمنبر يغــرد صــوت باسم
يمتــه راياتچ ترف يم گمـــر هاشــم
امنيتي اشوف بمرقدچ چم شيعي خادم

وشيعي شايل ورده بيده * وينطي ليزور
وين نقـرالــچ قصـــيدة * وگبرچ اصخـور
ما چنچ ام ذاك الگمر
لزيارتچ گلبي انفطــر
يم البنين * يم البنين
ـــــــــــــــــــــــــــــ
امنيتي اشوفن سفرتچ منصوبه يمچ
واربعين حسين چنه يصـير صحــنچ
الله لا ينطي الحـرمنه سنـــين مــنچ
وخله مجلســنه يصــير بعيــد عنــچ

يمته ننعاچ ونطوفچ * مرّن اسنيــن
كون من مكه نشوفچ * واحنه ماشين
وبكل جدم نلعن عمر
لزيارتچ گلبي انفطـر
يم البنين * يم البنين
ـــــــــــــــــــــــــــــ
يمتــه مشـــاي اعتنيلچ يا وفـــيه
يمته عن گـــبرچ تروح الناصبــيه
حتـه نحيـــيلچ ليــالي فـاطــميه
عالأقل نقره ونحس يمنه الزچيه

تصير اجـواء المــدينه * بلايا شمـّـات
مقصريـلچ لو قــريـنه * اتلــث روايات
وندعي لظهور المنتظر
لزيارتچ گلبي انفـطــر
يم البنين * يم البنين
ـــــــــــــــــــــــــــــ
يمته اشوفن عالگبر مولاتي رايه
وعالفضائيـات نسمعها القـــرايه
دولة آل سعـود گربــت للنهــايـه
انتي اميرتهم غداً وهمه السبايه

المهدي باچر يجلي همچ * بيده بتـّـار
والبقيـــع يصــير بسمچ * يم الاطــهار
ومن گبرچ ايزيل الخطر
لزيارتچ گلبي انفطــر
يم البنين * يم البنين
ـــــــــــــــــــــــــــــ
انتي وام حسين باچر نقره يمچـن
ومثل بين الحرمــين يصيـر عدچن
المهدي باچر ينـتقـم من الظلمـچن
وسيفه يفتك بيهم بگد ما صـبرتن

صاعقة وينزل عليهم * ذولي كفــّـار
ذولي عصور بت نبيهم * شـبـّو الـنار
وينقلهم بسيفه لسقر
لزيارتچ گلبي انفطــر
يم البنين * يم البنين
ـــــــــــــــــــــــــــــ


مهدي التقي

https://tttttt.me/ssgadAl

لمولاتي ام البنين


راح اموت إمن الحنين
يومي ينعد بسنين
ذكرياتك تعصر بگلبي الجريــح
ذكرياتك يمته من عدهه استريح *********
يبني كل خطوه بسفركم
چانت توسع الجروح
ولو ردتني وياكم امشي
اوداعت امك ما اروح
گلت اظل بالدار وحدي
گاعده ابابي و انوح
ولا اشاهدكم ضحايه
يالصوركم ما تروح

هالسفر مابي رجوع
بس جراحات و دموع
ما اسافر وانظر النحرك ذبيح
ذكرياتك يمته من عدهه استريح **************
عالجدم ما اگدر اوكف
و اشتعل راسي مشيب
ذكرياتك تعبتني
وخاطري يودي و يجيب
آنه امك يابو الاكبر
وانت الي قدوه و حبيب
راح اموت و انته تدري
ما احب موت الغريب

راح ابطل ما انوح
و اگعد احسب بالجروح
كل جراحي بيهه هجرك يستبيـح
ذكرياتك يمته من عدهه استريح ************
يالخذت مني بنيني
رايده بس شوفتك
سلوتي دمع الليالي
ودمعي حن اليمنتك
يبني كل يوم واگولن
هذا موعد رجعتك
وزعت عيني اعله بابي
بنتظار الجيتك

ناحله و عودي هزيل
يبني من يوم الرحيل
يمته اشوفك گلبي و الساني
يصيح ذكرياتك يمته من عدهه استريـــح ************
حتى لو ترجع يغايب
لا تضن استقبلك
هالحنين اشخله بيه
وانت خالي منزلك
لا تضن تلگاني يمه
گاعده و اتأملك
راحت الروح السماهه
من رحت عني بهلك

لا تضن ام البنين
تنسه شي اسمه الحسين
آنه ريه يا امامي و انته ريـــح
ذكرياتك يمته من عدهه استريح ***************
اربعه بدوري و خذتهم
وامست الدنيا ظلام
علمتهم بس محبتك
وانه فاطم بت حزام
لا تسمونه يخونه
يمه هذا اسمه الامام
يمه لو ما رد عليه
لا تردون بسلام

هذا ابن خير النسه
يمه والله إمقدسه
طيحو دونه وآني وياكم اطيــح
ذكرياتك يمته من عدهه استريح *************
ادري بيك اعله الترابه
طايح ودمك يسيل
وادري راحو كل اخوتك
وما بقه بس العليل
صرت اشوف خيول عشره
تركض و اسمع صهيل
وحين داست فوك صدرك
رضرضت جسمي النحيل

وانظر الذيج القناة
چن مناير عاليات
وصرت اشوفك يالوفي گبه و ضريح
ذكرياتك يمته من عدهه استريــــح
----------------------------؛
ش/علي الإبراهيمي

https://tttttt.me/ssgadAl

لوردت تتوفق...والحلم يتحقق
روح دك باب باب ام البنين

..............
اولا يحتاجلك نيه سليمه
حتى تدخل عالم المرأه العضيمه
تدخل ابهيئة فقير اعله الكريمه
لاتجي ابهيئة شمر ضارب يتيمه

ابفطرتك حاجيهه...حاجتك تكضيهه
روح دك باب باب ام البنين
.........

صلي يم شباجهه واسجد يسامع
سولف وياهه اذان ابنص جوامع
انته يم الرائعه ام الروائع
احضر ابمجلسهه واخذلهه المدامع

كلهه ذن ادموعي..اتخبرج ابموضوعي
روح دك باب باب ام البنين
............

كلهه اريد احسين دليني اعله دربه
علميني اشلون ادكن باب كلبه
وصب دمعتك بأي طلب منهه تطلبه
واجبه الدمعه تصب مومستحبه

وفرغلهه احساسك..وهيه ترفع راسك
روح دك باب باب ام البنين
...........

كلهه بدويه جذب هاي الكنايه
انتي علويه واميره بالعطايه
الخلفت عباس موبدويه هايه
وموكلابيه اشكن بالروايه

ليش اسمهه اتخلد.. لوردت تتأكد
روح دك باب باب ام البنين
...........

روح دك الباب باب الله ونبيه
وكلهه ياام الوفه حني عليه
يالترستي الدنيه اخلاص وحميه
ابركات احسين اترسيلي اديه

لامنياتك توصل...فرصه ماتتحصل
روح دك باب باب ام البنين
.............

منهه اطلب ماتشاء وماتفشلك
استريح ابمجلسي اتفضل تكلك
يالتواسيني بدعائي اليوم اشملك
ابلطمتك وابحركتك خادم اقبلك

يلله صفي النيه...واحضر اللطميه
روح دك باب باب ام البنين

#العبدالحسيني_محمدالجماسي

https://tttttt.me/ssgadAl

المتوضيه بإحسـاس الگمر سمّوهه قدّيسه
مـــريم قـــرتلـــچ فاتـحـه من إنولد عيسه
العدهه اربع آيات
من السمــــاوات
سمّــوهه قّديسه

ــــــــــــــــــــــــــــــــــــــــــــــــــ

أُمنياتچ ... من ســافــرت مـاعــودت
أُمنياتچ ... وي الحُسين أستشهـدت
أُمنياتچ ... يـــــمـــه زيـنـــب رددت

أم البنين أم البخت گــالــولـي بدويه
وإحنه كرامه الفاطمه إنسميچ علويه
يانغمة الناعي بشر ويا أحلى لطميه
كل غايتچ يام الوفه الخدمه الحُسينيه

زينب بچيتيهه إبألم لمن شبگتيهه
وناگة رقيه بالسـفـر حبيتي رجليهه
التملك كـرامات
من السمـــاوات
سمّــوهه قدّيسه

ــــــــــــــــــــــــــــــــــــــــــــــــــ

أشگد بچيتي ... أبگــد النـجوم البالسمه
أشگد بچيتي ... من مشت ريحة فـاطمه
أشگد بچيتي ... يعگــوب لو شافــچ عمه

أربــع تــراتـيـلـچ مـشــو ترتيلـه تـرتيـله
وإحسينچ انـجــوم وگمر بالـطــف نذرتيله
المهدي باچر لو ضهر بأسمچ يشـد حيله
يالحــره وانتي من الگـبر هم چـا طلعتيله

المفروض اسمهه ام الضوه العدهه گمر هاشم
اترسمين يم گـبــر الحسن صينية الـــقــاسـم
هاي المواسات
من السمــــاوات
سمّــوهه قدّيسه

ــــــــــــــــــــــــــــــــــــــــــــــــــ

وي سفرهم ... مارحـتــي يالگلبـچ يحن
وي سفرهم ... وديتي بس شيله وحضن
وي سفرهم ... شيبت عينـچ والجــفــن

رأساً كبـرتي من مشو وأصبحتي حجيه
ويراد حيل الــكــربله واثنعش عــوچـيه
من گــد نــدبتچ والبـچــي بالنــوم ليله
محبس يمــرلـچ بالحلم وإبصفه ترچيه

علمتي نبضات الگلب عالدمعه والونه
بصمه تركتي إبخدمتچ ياريـحـة الجنه
والبيهه لمسات
من السمـــاوات
سمّـوهه قدّيسه

ــــــــــــــــــــــــــــــــــــــــــــــــــ

يالوفائچ ... عد الله قرآن انحسب
يالوفائچ ... لازم يـوزنــونه إبذهب
يالوفائچ ... مابيه ولا چلمـة عتب

ليش اليجـــون الكــربله كلهم ينـدبــونچ
إبشباچ ابو فاضــــل عطر يمكن يشمونچ
إتمنيتي ماحـرگــو خيم بالطف يحرگونچ
وچن الزراگ البالسمه خـضـر عله إمتونچ

إبنص الصــحـاري زينبچ طگگن رجليهه
واحد يطگهه اعله الوجه واحد يجر بيهه
الشافت بلائات
من السمـــاوات
سمّـوهه قدّيسه

ــــــــــــــــــــــــــــــــــــــــــــــــــ

المغربيه ... لـوزينـب أبالــچ تمر
المغربيه ... أنفاســچ أتورث چمر
المغربيه ... تبدي النواعي للفجر

وأبليلة الجمعة شــرط مجلس تقيمينه
أتروحين يم گبر النبي اهناكه تواسينه
ومابين قبــره ومنبـره وجهـچ تلطمينه
الله الله اشكبـر جــرحـــك يبو سكينه

بهاي التراتيل وعلي خلصتي أيــامــچ
إنتي خدمتي ســادتچ بس احنه خدامچ
والبيهه نبضات
من السمــاوات
سمّوهه قدّيسه

ــــــــــــــــــــــــــــــــــــــــــــــــــ

بالمجالس ... يالذكرچ إشگد بي طعم
بالمجالس ... إسمـچ صبـح أم اللطـم
بالمجالس ... ريحـة عــزائــاتـچ نشم

إنتي العـــزاء الزينبي خطيتي دستــوره
وإحسين بأسمچ يفتخر يهـــلال عاشـوره
ابطن امه جاهلنه يون وإدمـوعه منــذوره
وينولد بي ريحة سبي وإظلوعه مكسـوره

إبمجلسنه إحضري إبداعت ال متسبله إهدومه
وإعله الــــمــدامـــع واللـــطم هاليله معـزومه
وختمي الجوزات
من السمــــاوات
سمّـوهـه قدّيسه




#العبدالحسيني_محمدالجماسي

https://tttttt.me/ssgadAl