◼️ برنامج محرم 1441هـ / 2019م ◼️
#محرم_1441هـ #2019م
🔺 نعي اليوم الثالث 🔺

نعي
عن لسان العليله


هلي يمكم يزيد العمرويطول
وتزول جروح كلبي الكلت متزول
هلي تانيتكم والبال مشغول
غير الله كريم ابهاي ماكول


هلي رايح ضعنكم وين ماوين
ليش بضيج كلبي وترجف العين
يبويه خايفه هلمره يحسين
احس اجلاي مربوطه ابسجاجين


هلي ياهواليضيف اليمر عناي
ويمكم كل لذيذ الزاد والماي
من يتلكه بويه المعتني وجاي
وحشه الدار بويه بكبر بلواي



خبرهم مادريته وشنهي مظموم
ولايوم اليمرني مثل كل يوم
احس روحي غريبه وكلبي ملجوم
غيبه اهواي طالت مامش اعلوم

الشاعر حسن لعيبي الحريشاوي

https://tttttt.me/ssgadAl

نعي عن لسان العليله بعد رحيل الاهل الى الكوفه وتركوها في الدار


هلي غرب ضعنهم ودعوني
وماكالوا عليله وفاركوني
نهار وماتشوف الضوه عيوني
اشلون الليل لو خيّم عليه


ولاواحد بقالي ليش منهم
اهلي كوطروا وابعد ضعنهم
ملوني الاهل ياحيف اظنهم
وفوك النار خلوا نار بيه


هلي ماغمضت عيني عليهم
روحي امعلكه للدوم بيهم
ابيع العمر كله واشتريهم
الدنيا بدونهم وحشه عليه


للكوفه هلي راحوا تراهم
عيني شعجب ماتعمه تراهم
توالم علهظم كلبي تراهم
عليله مكابله الدار الخليه


الشاعر حسن لعيبي الحريشاوي

https://tttttt.me/ssgadAl

ابوذيات عن العليله

الومن لونفع لومي وردكم
عليله ولاخبر حالي وردكم
كطعتوا الماي بويه عن وردكم
اموت ابدونكم واشبع اذيه

****

حرت مابين علاتي وحداي
رحل بيكم جزه دربي وحداي
عليلة ليش اضل بالدار وحداي
وغفله اضعونكم مرت عليه

*******

العليهم من صغر واعي وراهم
كلبي طار بجناحه وراهم
هلي يرجعون مااصدك وراهم
عليله وزيدوا علتي عليه

شعر حسن لعيبي الحريشاوي

https://tttttt.me/ssgadAl

نعي عن لسان العليله


عليله ومابطل وني ولاساعه اعوف النوح
بياحال التشوف فراك والمنها ابوها ايروح

لالي عين مثل الناس تهجع ليلها وتنام
ولالي كلب ينساهم ويرضه اللوم من ينلام
اكولن بالصبر انسه انسه اشماتمر ايام
يكلبي المايطاوعني ولاعندي قساوة روح

لاعندي قساوة روح ولاكلبي اليطاوعني
شلون انسه نظر عيني ابوي المشه ودعني
حياتي وروحي وعيوني مشت يوم المشه عني
لامن ميته من عكبه ولاعدله واداوي اجروح

مواول العنها احباب مشوا لوسافروا سفره
بس طفله اوعيت عليه ابو الماعافني مره
راح ومني هد الحيل اظن ابروحته خطره
المنايا عليه تتخاطف اشوفنها وعليه تلوح

الشاعر حسن لعيبي الحريشاوي

https://tttttt.me/ssgadAl

نعي عن لسان العليله بعد استشهاد ابيها الحسين عليه السلام


ياشمل الاحبهم راح واجاني الليل والمدمع
شلون الروح بعد تهيد وعيوني بعد تهجع
عليله وجملوا علتي شدّهه من الخبر اسمع
هلي راحوا ذبح كلهم وابوي على الثرى مكطع
كالوا منذبح عطشان كلبه من الضمه اتصدع
وعمامي الظلوا على الكاع حركتهم شمس تلسع
جم حيد وبدر يضوي جسمه على الثرى اموزع
الطلعته بدر مني راح بعينه السهم مايطلع
وبالخيمه اسمعت كالوا زينب تنظر المصرع
تحشمن بعد عباس ولا الها كمر يفزع
عليها وج المخيم وجاها جيش المدّرع
وين اتروح بالايتام ظلّت قهر تتجرع
سلاّبه اجتها الكوم بغير النهب ماتقنع
اطفال الي كتلها الخوف وسياط العده التوجع
كلبي شلون ماينهد وعلى اهلي شلون مايجزع
عليلة ابلا اهل ضليت وشمل الراح مايرجع


الشاعر حسن لعيبي الحريشاوي

https://tttttt.me/ssgadAl

ابيات ابوذيه لفاطمة العليله عليها السلام
..
بمسير أهلي أحّسنْ داي ير داي
وجفاهم موت ألي يا ريت ير داي
علــيّ أشهد لبوي حسين يــرداي
مدامـِع دمْ مسحت أدمــــوع أليه

*

يريـــت الوكـــت ذاك الـــراح ينعـــاد
وجفــاهم مـــوت بالحظـــات ينعـــاد
أعلى أثرهم كوّن جدمي الْيَوْمَ ينعاد
لحد ما أوصل آنه الغاضريه

٣- يعدو - اي يمشي

الشاعر
موسى البديري

https://tttttt.me/ssgadAl

لسان العقيله زينب عليها السلام شعر موسى البديري

علّي صبت الدنيا أسيول من هَم
سبايــا وتنشد الإعــراب منْ هم
صحت عباس يـا عباس من هم
يزيد ويضرب أبــــروح الزچيه

*

مصابـــچ يالعقيله الگلــب عّلاه
وعليه الچان واطي الدهر عّلاه
أريد الحاجه بيدي تصير عّل لا
شامـــت مــــــا يمر فد يوم بيه

*
لسان حال العليله فاطمه عليها السلام

مسيل الدمع ظل يسفح ويهلاي
البواچي مــا بقه منهه ويهلاي
لاني ألي رحـت أمشي ويهلاي
ولاني الميته مـــن راحو عليه

*
ابوذيه الى باب الحوائج ابوالفضل العباس

نخيت لروحي اخوهه منتخلهه
وتخف حاجتي يمك من تخلهه
احلفنك بزينب منته اخــو ألهه
بجــاه الحـــره عندك حله اليه

*

لسان حال العقيله زينب (عليه السلام)........موسى البديري

زمانــي بحـــزن صوبنــي ولا كف
وعجيبه شلون ظل شوفي ولا كف
شفت عبــــاس عالغبـــره ولا كف
طايــح والعلم يمـــه رميــــه

*
شفــت ضيــم وقهــر وأنــوب شفت اه
ونظرت الطشت راس حسين شفتـــه
يــزيد ابعـــود يضـــرب گــام شفتـــه
ويقبلهن گبــل سيد البـــــريه

*
گلبــي مـــن الألــم صــّدگ وجد داي
يمن لاسمك فـــدى أعيالي وجـــداي
أريد اگعـــد انـــه ابــابـــك واجـــدي
وأمد اچفوفي ألك يبن الزچيه

*
يا البسوح الحــرب عبـــاس مـــــارد
وشخصك من طحت لحسين مــــــارد
مــــزامط بالــــزماط اليـــوم مـــا ارد
ﮔلت عباس يگضي الحاجه اليه

*
مره بالطف بقت زينـب مــره أدروس
لمكانتهه الگمر بالطف مـــــرد روس
شافت كربله ولــــوعه ومــــردروس
وبقت زينب شــــــرف بالغاضريه
___________ موسى البديري
*
دين حسين مـــا ارضـــــه سواه دين
واگضي العمـــر لابسلـــه ســوادين
عشگته مو عشگ عادي ســـوادين
أنه مسودن صرت ببن الزچيه
*

على الحره يگلبي أبنـــوح حضر آه
غريبه وألهه وسط الشام حضــره
لگبرها انشد گصد عبــاس حضـراه
لو بعده الگمر بالغاضريه
***
بريــــت أعـــداي كلهـا من براني
وابري إمـــراض كثره من براني
خشـــب لا تعتقدنـــــي منبـر آني
أنصب لحسين بأمر الله ونبيه

الى سفير الحسين مسلم بن عقيل عليه السلام

بچيت اعلى السفير ادموم واجريت
وروحي ابنار چبده اليوم وجريت
دهري شبيك تمشي عكس وجريت
وي مسلم سفير الغاضريه
___

الى اولاد مسلم بن عقيل عليه السلام

گصد گلبي بحزن وبنوح طفلاك
طف لحسين وانت اليوم طفل لاك
يمسلم لو يمر عالبال طفلاك
دمع عيني يهل غصبن عليه
___ موسى البديري

https://tttttt.me/ssgadAl

بيات آبوذيه لفاطمه العليله ....... موسى البديري

جفــو أهلـــي وبقــه خالــي محّنه
وجثيره أفراح من رحتو محه انه
أحـــس بالـــدار مـــا بيهــا محّنه
يـــوم الــــراح أبوي وغاب ضيه
*
ضعن أهلـــي جفــــه عني وراحل
وصحت دخذوني وياكم ورآه حيل
سفــركم والمرض ماكو ورآه حل
يهلي الحـــل أظــــن بس المنيــه
*
يارب كــل عسـر ادري يسر بيه
اوكتي بس حزن ماكـو يسر بيه
ظعنهم ماخـــذ أگليبـي يسر بيه
وتركني أبدار بس النـــوح اليه
*
روحــي لفرگــت أحبابي تعـــالي
وصــوت النــوح لجفاهم تعـــالي
رقيه اصــرخ يبعد اختــچ تعـالي
وشوفي الصار مـــن غبتي عليه
*
الشاعر موسى البديري

https://tttttt.me/ssgadAl

نعي للسيده فاطمة العليله
،،،،،،،،،،،،،،


وياكم اخذوني هلي وياكم
فرگاكم الموت وعلي فرگاكم
شنساكم ودمعي اليصب شنساكم

عليله وحالتي يحسين صعبه
انه ابيتي وعشت يا بويه غربه
الهله يروحون الله يعين گلبه
يدعي يموت من يحچي وي ربه


وحدي اگعد واحسب مية حساب
ها يرجعلي ابوي ونحچي العتاب
احضر ضحكتي وعافيتي علباب
اطشهن من يرد مو طال الغياب


بعيد وداعتك بويه واحاچيك
انه المشتاكه احظننك واشم بيك
من اسيوفهم لو بيدي اغطيك
وجسمي اليحمي طعنات الرمح ليك



حس گلبي الضعن رايح ولا يعود
من وداع ابوي ودمع الخدود
من چلمة اصبري فراگنه يطول
من گالتلي زينب حيلي مهدود


هلي چا وينكم والله حرامات
بداية عمري مو مثل البدايات
اليفارگله وطن شتفيده السنين
اليروح حسين منه مو عدل مات



الله وياكم الله هنا يغاليين
انه الظليت لچمه بروح الحسين
انه الطول عذابي لساعة الموت
اموت وعيني تبقه تناطر العين


هلي طولتو بالغيبه وانا وين
انتم وين علغبره وانا وين ؟
انه الحسره انه الدمعه انا ون
انه الخلاني ابوي شلون بيه


عليله وتثگل الچلمه على شفاي
واظل انشد شمس فوگه ؟ عليه شفي ؟
سبب واحد يساعدني على شفاي
اشوف حسين يمي وهاي هيه


كلمات خادم الحسين
رعد الفريجي
22/7/2019 ميلادي
1441 للهجره

https://tttttt.me/ssgadAl

نعي للعليله.عليها السلام

عندما سار ضعن الحسين.ع.من
المدينه الى كربلاء
ركضت العليله فاطمه خلف الضعن
ولاكن الضعن ابتعد....فقالت


رجعت اهدومي بيدي اتعثر ابممشاي
وعيني اعله الضعن اتناشغ ابمبجاي
بس مكفه اشوفن ماكو واحد جاي
بس اجفوفهم توميلي تاليهه
.........
ضني انه كطعته وئيست من كال
ابوي حسين يبنيتي رجيجة حال
الظعن باجر يبويه لو حدرنه وشال
هدومج من خواتج بويه فرجيهه
...........
ضعن الاهل غرب والتراب حجاب
اطخ شوفي الضعنهم ماكو الاحباب
غديت انحب وون بعتبت الباب
مثل الموت كلها افراك تاليهه
...........
اطب للبيت وحشه وصحت يهل الدار
بس كاروك ضلي من الهل تذكار
ماصدك يهلنه البيه هذا الصار
كل يوم شحلات ارقيه اناديهه
............
ليلتهه بتت انحب انه وداري
حزني يلوذ بيه ماخذ اكتاري
الوني ينوح اشوفه والدمع حاري
ليالي اهلي بعد هيهات الاكيهه
.......
يخلك الله ابوي احكم ..بعدلا
أمل عندي يردولي...بعدلا
اطخ الشوف انه لضعني..بعد لا
ولن بجفوفها تلوح رقيه

.............
علي الصرايفي الشملاوي

https://tttttt.me/ssgadAl

يبويه ماخـــــــذتني وياك ليش بهالسّفر گلّي
يوالي البيت خالي البيت وبي بعدك بعد شلّي
ردت ويّاكُم ترافــگ مثل باقي الضّعن وهلي
يبويه خـــــلافكم بالدّار غير الدّمـــــع ماظلّي
ظلّيت ؛؛ وينك يالعــــــــــــــليّه عُمر
تمنّيتك يبـــــــــــــويه وياي
خـــلافك بالثّنيّه تون؛ ظلّت
عليله ودارها وحشه وخليّه
*
مشيت بكل هلي عنّي وخــــذت ويّاك عمّاتي
وعبدالله ســــوه وياهُم خذيته وخذت أخيّاتي
وظلّت حســـــرتي بگلبي وماتن بيّه چلماتي
وراكُم بويه أصيح بصوت وتجّاوبني دمعاتي
*
مايردّون مشــــــــوا لبعــــــيد عنّچ مايردون
بسچن يالاعيون كافي الدّمع بسچن يالاعيون
ماظن يعودون من هالسّـــــفر ماظن يعودون
كون المشوا كون أدعي بســلامه وخير كون المشوا كون
*
وأتفكّر الهُم ســــــــــار الضّـــعن وأتفكّر الهُم
ماودّعتهُم أحــــــــــباب الگلـــــــب ماودّعتهُم
ولا رافگتهُم ولامن خذوني هلي ولا رافگتهُم
ميته بعدهُم ياروحـــي ريتچ كون ميته بعدهُم
*
وندار ؛؛ يبــــــويه حســـين بيك الدّهر
أون وبحزني أواسـي علــــيك
ردت عُمري اعله عُمرك كون
بس ســــــــالم ترد للوطن ليّه
***




الشّاعر
أبو سجّاد الجعفري
23جمادي الثّانيه1440هـ

https://tttttt.me/ssgadAl

🏴مجموعة في رحاب الحسين🏴
⭕️برنامج محرم1441هـ/2019م⭕️
#قناة_الشعراء

◼️◾️▪️ اليوم الثالث ▪️◾️◼️

💠 رابط القصائد ⬇️ 💠
https://tttttt.me/ssgadAl/4984
••••••••••••••••••••••••••••••••••••••

💠 رابط النعي والأبوذيات ⬇️ 💠
https://tttttt.me/ssgadAl/5028
••••••••••••••••••••••••••••••••••••••

◼️ برنامج محرم 1441هـ / 2019م ◼️
#محرم_1441هـ #2019م
🔺 قصائد اليوم الرابع 🔺

الليله الرابعه
1 قصيده بحق ام البنين عليها السلام

هذا الوفه المنسوب الي
انته الزرعته بداخلي

من عندك انه اتعلمت كل الوفه الزين
من شفتك اندارت حياتي وصارت حسين
..........................

من جابني الداره الولي    والعتبت الباب اوصلت
اول لقاء الشوفتك           ساعة البلبيت ادخلت 
اتسارعت دكات الكلب     وعالوكفه كوه تحملت
ماوالده  وعندي ابن        وحمدت الله وشكرت
 
اختاراني من دون البشر
يمك وما اشبع نظر

فرحانه يمه بشوفتك ياكرت العين
من شفتك اندارت حياتي وصارت حسين
.....................

بدويه بس صار اللقب     ام البنين الاربعه
يحسين لو ما رحمتك      محد ذكرني وضايّعه
وين الملوك اهل العرش   وتيجانها المترصعه
ماينذكر منهم ابد           وذكري يرف  عالمشرعه

بس اليخدمك ياوطن
ذكره على طول الزمن
 
تاليتي لوله انته وحقك ماعرف وين
من شفتك اندارت حياتي وصارت حسين
....................

 عفت الهوه واتنفسك         وللريه صرت انته الهوه
وصدري اختنك لمن رحت   ومن الدمع خدي انجوه
يايمه يوم السافرت            وياك كل عمري انطوه
بصفحه جديده انه ابتدي   وعنوانها موتي الدوه

يحسين وفراكك صعب
وكّفّت دكات الكلب

جان بوجودك من يدك دكاته مرتين
من شفتك اندارت حياتي وصارت حسين
........................

محله كلامك جان الي       مثل النده الينعش ورد
اشتاكيت هسه الشوفتك   وبضحكتك روحي ترد
الام من يضحكها الابن      ينطيها قوه وتستعد
لهموم دنياها بصبر           يمها الولد ما مبتعد

يالغبت عني وماتجي
امن الدنيا بعد اشارتجي

بس الدمع نهران صاير على الخدين
من شفتك اندارت حياتي وصارت حسين
.............................

ضل الالم وسط الكلب    مابيه حيل اتحمله
بيوم الطلع مني الضعن   وّدعتك ويه العايله
وضليت اعاين عالدرب    ودموعي يمه هامله
هنياله اليحصل كبر        يمك ويسكن كربله

تمنيته موتي واندفن
يم مذبحك وبجي واون

ياحيف يتاخر عليه  بجيته البين
من شفتك اندارت حياتي وصارت حسين


محمد هادي العقابي

https://tttttt.me/ssgadAl

نزله وصية ام البنين ع والامام العباس ع

انطي چفيني.. حته ضي عيني
قربتاً لفاطمه قربتا لفاطمه

****************
ابوفاضل هذا اسـمي والفـضل عـنوانــي
غيره واحساس وشجاعه حيدره غذاني
لاتــوصـــينـي يـيـمه عــلـي هـم وصـاني
اطمئني وريحي بالچ عني واعله اخواني

لو يذبحونه. لو يگطعونه.
قربتاً لفاطمه
قربتاٌ لفاطمه
**************
امك انـه وزيـن اعرفـك راح تـرفع راسـي
وتدري يوليدي انذرتكم لعز من كل ناسي
اقصد ابن الزهـره يمـه عايـش بإحـساسي
كون اموت وانه اخدمه لَمَن تگضي انفاسي

خدمة احسيني. واربع ابنيني
قربتاً لفاطمه
قربتاً لفاطمه
**************
مااخـلي بـعيـني زينـب خـوفـي مـن تاليها
من السهم باچر ييمه واختي اخاف اعليها
شلون لو طفالي عيني واختي چانت بيهـا
يعني ياسـتـار زينـب عـينــي اضــن تاذيها

بروحي افديها... اختي احميها.
قربتاً لفاطمه
قربتاً لفاطمه
*****************
فوگ راســك لاتـخـلـهـا راسـك ايـطرونه
بالعمد صـوب الـشريعه ودمـك ايهـدرونه
انه ارفـع راســي يـمــه بنحــرك يحزونه
فدوه ياعباس اريد حسين تـفـدي اعيونه

تدري يوليدي. تنذبح عيدي.
قربتاً لفاطمه
قربتاً لفاطمه.
************

قــربتـاً لـمّه الزچـيـه افــدي الـه چـفـينـي
حسين امامي وبن امامي وجب تطفه عيني
ارفـعـي راسـج يالحنينه وبــعد لتـوصيني
موفقط لحسين اضحي بمـوتي انصر ديني

المذهبي الغالي ونصرت الوالي.
قربتاً لفاطمه
قربتاً لفاطمه
*********
اعزاز عندي اربعتكم والولد عد امه غالي
اجازوني اريدنكم ييمه بتعبي وبسهراليالي
مااريد حسين يعطش ابوسكنه عندي غالي
حسين هم ابني حسبته وهم الي يايمه والي

لاتخلونه. وحده بضعونه
قربتا لفاطمه. قربتا لفاطمه
"*****
الشاعر عمار الدراجي... 1440هـ
اسالكم الدعاء والفاتحه على روح والدي
https://tttttt.me/ssgadAl
🔴رابط قناة الشاعر👇👇
https://tttttt.me/joinchat/AAAAAEEM6pgUfkKxmOJj2g

إذا علتك جبيره تريد تشفيها
أقره الفاتحه وللحره اهديها
اسچب دمعة العين كلها بداعت حسين
ام البنين الحاجه تكضيها
((1 ))*****
هـاي ام البنـين ام الـكـلايـف
بدويه واصيله وبت مضايف
تحضر شدتك لوچنت خايف
معروفه الـوفيه ام المـواقـف

دسـتور الـوفه كـتبت حـروفـه
بسهم عين الگمر وبدم چفوفه
انخاها بالچــفين. گلها بداعت حسين
ام البنين الحاجه تگضيها
*((2)) *
اذا همك ثگل والوسعه ضاگت
يالـعلـتك چبـيره ومـاتـشـافـت
يالـمــالك دوى ودنـيـاك جـارت
انخه الطاهـره واحسبها هانـت

الـكـل علـه دوى مـوجوده هيه
بسم ام البنين الحاجه مگضيه
اندب ام الابنين. گلها بداعت حسين
ام البنين الحاجه تگضيها
****((3)) *
هاي ام الـبنـين الـطـيــبة الذات
مـتـردك خلــي لا والله هـيهـات
اكو باب بإسمــها ام الكــــرامات
بحضرت الگمر ينطي المُــرادات

اطلب حاجتك واحچي التريده
مـيـردك خــلــي باب الـشـهــيده
بيدك دگه مرتين. گلها بداعت حسين
ام البنين الحاجه تگضها
*******((4)) *
هاي ام اليـسـمونه گـمر عدنان
الماجابن مـثلها باقيّ النـسوان
عـطـايت مـراد وعـدهـا بيـبان
بــس انخـاها تجيك بإي مكان

ماخـاب الــذي كلـمــن نـخـاهـا
ام الاربــعـه الـفـگــدت ضــناها
بيهم نصرة الدين. گلها بداعت حسين
ام البنين الحاجه تگضيها
********((5)) *
واســت فـاطــمه بأربـع كـواكـــب
وزيـنـب شـاركــتــهـا بالـمـصـايـب
مثل النجم طاحو ولدها عالترايب
والکمر فـوگ الـشريعه ضيه غايب

الـعـباس الگـمـر وصــت وصـيه
گـطع چـفـوفـك الـخـاطـر رقـيه
والسكنه لا تونين. گلها بداعت حسين
ام البنين الحاجه تگضيها
****((6)) **
بــجــاه ام اٌلــبنــيـن ام الـغــيـاره
يعــود الـغـايـب ونـسمـع بـشــاره
ابوصــالــح يرب طـال انـتــضاره
وفـقــنه ونــكـــون وياه انـصــاره

بسـجل انـصـاره سـجّل اسامينه
ياربي وتــحـقــقـــها امــانــيـــنه
النوره مشتاگين. كلها بداعت حسين
ام البنين الحاجه تگضيها
------------------------------------------
الشاعر عمار الدراجي
https://tttttt.me/ssgadAl

(ميمر مجنس كربلائي بحق ام البنين ع)

ام الوفه. والمعرِفه.
بحب فاطمه متشرِفه
تنبع كرم بنت اجواد ام الگمر وفايه
*
الله الجـعل لام الـگـمـر وَيَاها. "وجاها"
حسين الگضه كل العمر. ويّاها. "معاها"
حين الرحل نار الـگـلب. ويّاها. " حرقها"
بعثت زلم. كلهم عزم
اليوث الوغى ماتنهزم
زود وفخر والعباس بيده يرفها الرايه
****
الـرايـه بيمنته والنعـم حامِلها
كافل اخـيّته وعالخـيم. حاميلها
عالجيش ابنچ من دخل حاميلها

هذا الفخر. يم الگمر
يالربيتـي حزام الضهر
بيهم يتباها الحسين اخوان اليه امرايه
**
لحسين ولدچ اصبحـو. ک مرايه
نبراس انتي اعله النسه ک مرايه. ك إمرأءه
ونرفع الـچ هذا الــمسه. كم رايه

يم الضوى. انشمچ هوى
وللمنجرح. اسمچ دوى
يم البخت والحاجات. تگضي انعرفتي بهايه
******
ابابچ وگـفنه ونـنتـضر. دَخلينه
بـمجلس عزائچ نفتخر. دِخلَينه
واعـلــيـچ يا أم الـوفـه. دخلينه

صوت الخدم. هز الامم
نجري الدمع. حرگه والم
واعليچ احنه بهذا اليوم. نجري الدمع بهدايه
*
بـهداي ايديكم باللطم. شيلوها
عالـفـاگـيده اربع زلـم شلّوها
جنازتها غربه ياوسف شالوها

لايمها إبن. يغمض الجفن
كل العمر تنعى وتون
ضلت تون حد الموت. وشّل دمعها ومايه
****
جواب ام البنين ع
**
من البچي اعيوني مَيّ مابيها
الدنيه بله حسين وعلي ماابيها
ياريت حاضر موتي ابنم ابيها

واشبع نضر. وانسه القهر
وانسه الحزن. وانسه السهر
شوفت حبيبي العطشان حسين اليروي اضمايه
**
ماريـد لمـصـابي اي دمع. يتنازل
حـسـيـن الـذي عـنكم فلا. يتنازل
بمجلس عزائه اشكم ملك. يتـنزّل

عالمنذبح. فوگ الرمح
راسه بحجر. هم منجرح
لحسين اريدن كل يوم. واجب تصير قرايه
****
للخادم
عمارحسن الدراجي ١٨/٢/٢٠١٩ونسالكم الدعاء

https://tttttt.me/ssgadAl

الشاعر موسى البديري:
والنعــم يـــم البنين والنعـــم يــم البنين
*
والنعــم يا ام البنين الطاهــره بهــذا العطــاء
والله شرفتي المواقــف والبطولــه ابكربــلاء
يالي رضعتي بنينچ تضحيه وغيـــره اوفــاء
صرتي باب الحاجه انتي وبيچ مقبول الدعاء
وبيچ نرفعها الادين والنعم يا ام البنين
*
والنعــم يــا أم الاماجــد للفخـر گريتـي عين
احتار تاريـــخ المواقف بيـــچ يم الأكرميــن
أربعه الضحيتي كلهم فدوه صحتي للحسين
يا مــره بهل الدنيا مثلــچ ويــن يا ام البنين
ما تصح بالعالمين والنعم يا ام البنين
*
والنعم يا ام البنين انصاغ الــچ تـاج الفخــر
أترصــع بأجمــل كــواكب وي عباس الگمر
بالوفــه بالطــف يحــره قدميتي أروع صّور
احتارت الألبــاب كلها وبيــچ محتار الدهــر
بيج محتاره السنين والنعم يا ام البنين
*
والنعــم منــچ يحــره جامعـــة عـــز وقيــم
تخرجــوا منها أماجــد شعله صــارو للامـم
ومنها عبــاس التخرج كافــل لكـل الحــرم
ورتبته احزام ابو اليمه وهـوه شيال العلــم
احزام شد ظهر الحسين والنعم يا ام البنين
*
والنعـم منــچ يحــره انطيتي شبــان أربعـــه
دون ابو اليمـه ضحايا وبالسيوف أمــوزعه
انطيتي هامت كمر هاشم والچفوف امگطعه
كلها وتحسين أنتــي امقصره وي الشافعـه
للوفه كريتي عين والنعم يا ام البنين
*
بيــچ يم عبـاس حگها والله تحتار الحــروف
انطيتي للايثار صــوره بولدچ بيوم الطفـوف
انرسمت اللوحه العظيم بيد مكطوع الچفوف
الما يشوفچ انتي ايه هذا كل شي مـا يشوف
أيه يم الاكرمين والنعم يا ام البنين
*
الشاعر موسى البديري

https://tttttt.me/ssgadAl

الشاعر موسى البديري:
كعديه إلى السيده ام البنين عليها السلام

تنوح ام البنين وتدمع العين وتنادي بحزن يوليدي يحسين
مني راحــت الــــروح وصارت سلوتي النوح
وتنادي بحزن يوليدي يحسين
*
أم البنين ام الــــوفــه والفكــر بيهـــا تحّير
للحسن وحسين چانت والده أتباري وتسهر
يا علـــي تگله فاطمـــه لا تسمينــي يحيدر

لا تسمينـي بهل الاسم گلـب الحسن لا ينلچم
وحسين خافن ينهضــم يا علي لهل حاله مگدر
ما اگدر أشوف الحسن مالوم ولا اگدر أشوف حسين مهضوم
ما يحمل تــره أجروح وصارت سلوتي النوح

*

ودَّعت ضعن أبو اليمه والدمـــع عالخد يصـب
تگل أبــو فاضـل ييمه ودعـــت ويــاك الگلــب
يمه گلبي حسين تدري گبله لا تضوگ العذب

وعندي وصيه يا گمر باري أختك أبطول السفر
يا يمه مـــا تحمل كدّر زينب ولا تحمل غــــرب
مـــا تحمل ييمه زينــب إلام انهض باري ضعن أختك يضرغام
وسكن شوغت الروح وصارت سلوّتي النوح


*
محتاره تنشد عالولد وعالدرب تشبح بالظــر
وين عون أوين جعفر عبدالله وينــه والگمـر
والده وحگــي يحادي بربــاي أطالب والسهر

حگي من أطالب بالـــربه عالولد روحـي ذايبه
وكل ساعه أطيح ابنايبه منكم فلا أجاني خبـرْ
محتــاره وأعاتبكم يغياب ما أجاني ييمه منكم أجواب
أوّنـــي يشبه الــدوح وصارت سلوتي النوح


*

محتاره اضمد يا جــرح وأنحب انه ليا فاجعـه
گالولــي ولدچ عالثره بحد السيوف مـــوزعه
وعباس گالولــي بعد منــه الچفـــوف مگطعه

مفجوعه وگليبي انمرد فدوه گلـت كل الــولد
بس كون ابو اليمه يرد ميهمني فگــد الاربعه
فدوه الاربعه يرحون لحسين بس كونه يرد وتشوفه العين
شوفه أيطيب الجــروح وصــارت سلوتي النــوح


*


ناشدت ناعي الفاجعه وبالدمــع والون حايــره
تگله عن حسين انشدك بوليدي خبرني شجـره
كلها شحچيلج مصابه عالتــرب گطعوا منحـره
مــن سمعته ظلت تون كللها ظـــــل إبــلا دفــــن
يا حره واكبر كل حزن من العطش جبده مفطره
يا يمه اصرخت يا ثمر دنيا گالوا جبدتك ما ضاگت الماي
بحد السيف مذبـــوح وصارت سلوتي النوح

*


تعّنـت لضعن ابو اليمه تنشـــغ أبونــــه خفيـه
نـــادت ام حسين انـــه بلله وينـــــج يالسبيــه
زينب اعلى الباب عرفت شريكتها بهل الرزيه
للباب راحـــت وبهضم صاحـــت يشيال العلـم
وأم البنيـن بيـــا ألــــم نادت ذبيــح الغاضريه
ما نشدت الحره عن الجفين خبريني تگلها شصار بحسين
فوگ الغبره مطروح وصارت سلوتي النوح
*
الشاعر
موسى البديري

https://tttttt.me/ssgadAl