#وفاة_أم_البنين
#(١٣) جمادى_ الاخر
#نخوة

نذرن يأم لبنين .. لو حاجتي تگضين
أنطي العمر لحسين ... كل روحي أفديها
---------
(1)
يل حاير او مهموم .. عندك قضيه
دارت بك الأهوال .. شده و بليّه
اقصد لام عباس .. اهيه الشفيه
اقسم وحگ احسين .. حني عليه

لو زادت الأوجاع ... تايهه بليا اشراع
حلفها بالأضلاع ... وكل الجرى عليها

---------
(2)

شفنا اشكثر آيات .. لأم الأشاوس
ما تنحصر بكتاب .. او لا مدارس
بس اخلص النيات .. چفها تلامس
تتسهل الحاجات .. ما تبقى عانس

من تحضر الدمعات .. خليها على الوجنات
تتسهل الشدات ... كل حاجة تگضيها

---------
(3)
اليتمنى لو فذ يوم .. ذريه بعده
و من الولد محروم .. كل حيره عنده
لزيارته ابعاشور .. يجعلها ورده
عن معرفه وإيمان ... لا ما ترده

تتحق الآمال ... ينجب طفل بالحال
ينذر خدمته الآل ... للعتره يهديها

---------
(4)

من معجم الأسرار .. توضح معاني
كل عاجز او مشلول .. جسمه يعاني
لم البنين ابهاي .. لا لا يتأني
يقرأ بصدق آيات .. سبع المثاني

هذا الفعل موصوف .. لهل العلم معروف
كل حاير او ملهوف ... چم آيه يهديها

---------
(5)

لام البطل عباس .. سُفره عجيبه
بيها شفاء الناس .. واهيّه الطبيبه
مشفى إلى الآلام .. زاد الحبيبه
باب الحوايج هاي .. ما ترد كئيبه

كلمن اخذ هالزاد ... ما تنظره الحساد
فدوه لبو السجاد ... كل عله تشفيها

---------
(6)
العنده ذنوب اهواي .. غفله و جهاله
يقصد لأم لبنين .. أم البساله
ويصلي على الأطهار ..أحمد وآله
ميه العدد تكرار .. ما كو بداله

تتوضح الأسرار ... للعترة الأطهار
متخيب الأبرار ... كلمن قصد ليها

------

🖋 عبد مُحمد وآل مٌحمد / #مُفضل_حبيب

◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

قناة قصائد في رحاب الحسين ع

https://tttttt.me/ssgadAl

لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#وفاة_السيدة_خديجة
ــــــــــــــــــــــــــــــــــــــــــــ


🏴 بوالد علي 🏴

⚫ نخوة لأنصار الرسالة المحمدية ابو طالب عليه السلام ، والسيدة خديجه عليها السلام

🔘 طور : خادم أنا على بابك حسين
.
.
.

ِبوالد علي .. بِوالد علي .. بِوالد علي
وبأُم البتول .. وبأُم البتول
〰〰〰〰
لبابهم هالليله جينا .. باب أنصار الرساله
لباب أبو طالب اجينا .. ومايخيب اللي إجاله
واِلخديجه أم الزچيه .. اِلقلب صوته تعاله
كلمن ابخده دَمِعْته .. يبدي هالليله سؤاله

كل مبتلي .. كل مبتلي .. كلي مبتلي
آلامه تزول .. آلامه تزول
〰〰〰〰
يا حنينه من حنانچ .. اغمرينا هالمسيه
نخوه يامولاتي نخوه .. لخاطر اعيون الزچيه
بدمعة الزهره اللي سالت .. من دنت ليچ المنيه
عالمرض هالليله رايد .. مسحي مولاتي عَليَّه

وآنه وهلي .. آنه وهلي .. آنه وهلي
كل حاجه نِنول .. كل حاجه نِنول
〰〰〰〰
يا بو طالب يا رجانه .. بطبرة الكرار حيدر
فَرِّج الليله كُرُبنا .. وكل أمر عدنه تعسر
خلي اعيونك علينه .. بالبقى مطروح بالبر
الشيعه كل يوم بمصيبه .. الظلم زاد وماتغير

هم ينجلي .. هم ينجلي .. هم ينجلي
بينا وما يطول .. بينا وما يطول
〰〰〰〰
بشيبة الوالي الخضيبه .. بمنحره وسبي النساء
بطفلته الماتت غريبه .. فوق راسه امن البكاء
يظهر الموعود لينه .. شايل ابإيده اللواء
ايصيح يا ثارات جدي .. الظامي ابطف كربلاء

انشوف الولي .. انشوف الولي .. انشوف الولي
والمدمع هَمول .. والمدمع هَمول
〰〰〰〰
تمت بحمد الله تعالی
✒بقلم الشاعرة/ فاطمہ كريم
•••• الكويت ••••
◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

#وفاة_السيدة_خديجة

يمولاتي خديجه الزهره حاجيها
بعدهي ازغيـره ليش ويتميتيها
صح علي يرعاها انتي كون اويــــــــاها
*******************
خديجه الكبرى يامن شرّفج طــــــاها
وربّج بيج ظل عالحور يتبــــــــــــاها
وعاء الزهره انتي الربها خـــــــلاهـا
تمنيتج كضيتي العمر ويّـــــــــــــــاها
مثل ماعشتي عمرج كلّه بالوحـــــــــــده
الزجيه اخلاف عينج عاشت بشــــــــــده
والدمع سلـــــــــــواها انتي كون اويــــــــــــــــاها
********************
رضيتي اويه النبي اتعيشين ذاك الهم
لأن شفتي اليعاضد طاها ماينـــــــــدم
من مثلج ترخّص كلشي ماتهتــــــــــم
لذلك ثنه اعليج الخالق وسلّـــــــــــــم
التخلّف فاطمه سر هاذي من ربـــــــــها
مدينه ايحير كلمن رايد ايطبــــــــــــــــها
يللي جبتي ام طـــــــاها انتي كون اويـــــــــــــاها
********************
يمولاتي مثل ام الحسن تنعـــــــــــــــاف
عليها احمول عفتي اثكال موش اخفاف
وحكَّج حالها اخلافج دمع ينشـــــــــــاف
واهيّه بدارها جبريل حج وطـــــــــــــاف
عليج اتهون مابطّلت دمعتــــــــــــــــــــها
يريت اعيونج بفركاج شافتــــــــــــــــــها
ذوّبت عينـــــــــــــــــــــاها انتي كون اويــــــــــاها
******************
زفّوها العلي امدنكَه وتهل العيـــــــــــــــن
تهظمها التجيها اتكَلها امج ويـــــــــــــــن
تون وتكول اجيبج يالحنينه امنيـــــــــــــن
غفل عن عيني يايمه خذاج البيــــــــــــــن
رغم حيدر حنانه امخيّم اعليـــــــــــــــــها
بس من تذكر احضينج يأذيــــــــــــــــــها
وحده تتمناهـــــــــــــــــــــا انتي كون اويــــــــاها
*******************
من صاروا ولدها اتمنتج يمـــــــــــــــــــها
طفلها الأم تكيّف من تشيله امـــــــــــــــها
غيابج ياخديجه الزهره يلجمـــــــــــــــــها
شمسويه الدهر بالزغر يهضمــــــــــــــها
ولمّن مات ابوها اتصوّري الحـــــــــــــــاله
علي ايسكّتها ظل وادموعه همّالـــــــــــــــه
الموت من وافــــــــــــــــاها انتي كون اويــــــــاها
****************

الشاعر الحسيني
علي محسن الزيادي
◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

#وفاة_السيدة_خديجة

طور مالي غيرك -لحن الفراق


لسان حال النبي ص و اله ، بعد فقده للسيدة خديجة عليها السلام


يا خديجه
انكسر ظهري ابفراقچ
يا خديجه
قلبي يلهب لاشتياقچ
يا خديجه
روحي تتمنى لحاقچ


فتحي عينچ
شوفي اشصاير عليه
فتحي عينچ
مو إلي الخاطر زچيه
فتحي عينچ
رجعي للزهره و إليه


شوفي بتنه
فاطمه قلبي و فروعي
شوفي بتنه
تبچي و اتهز كل ضلوعي
شوفي بتنه
نوبه هم تمسح دموعي


لا تموتين
لن تموت البسمه وياچ
لا تموتين
لا تخلي الموت يدناچ
لا تموتين
لو رحلتي وين ألقاچ
.
.
.
===========
📝 #الشاعرة_الملاية_زينب_المؤيد
◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

*بعض من أدلة إيمان أبي طالب ...*

#وفاة_أبي_طالب
#(٧)_شهر_رمضان
#مؤمن_قريش

---------

*يا درع الرسـالة و الإمــامة*
*بعد عينك علي و طه يتامى*

----
(١)
يبو طالب نعزي اليوم شبلك
ذاك اللي انأمر بيده يغسلك
و الما يتبـع المختـــار يهـــلك
*حجة عالخلگ لا شك كلامه*

----------
(٢)
ينعاك النبي والكعــبة واللوح
و الينعاه محمــد شآنه يلوح
من بعدك يتيمك ظل مجروح
*و مثل الليل مُسوده أيامه*

-------
(٣)
و إذا كان النبي محــزون لجلك
و بعام الحزن امسمي فصـــلك
معناته العقل ما يحصي فضلك
*يا عم النبي الـ عالي مقـــامه*

--------
(٤)
ما نگـدر يبو طالب نوصــفك
بس الله و حبيبه اللي يعرفك
مثل نهر الكرم يالغـالي كفك
*و بطول الزمن تارك علامه*

-------
(٥)
يبو طالب حمــلت أعظـــم مُهمــــه
و اليحـــمل مُحمـــــد گاعـه قمــــه
بعـــد عينك صبـــــح بالدين ثُلــمه
*و لا يسّد الشمس طيف الغمامه*


--------
(٦)
على صدرك ربى دين الجــلاله
و من غيرك كفل وحي الرسالة
او تالي ما رعــوا أجر الكفــاله
*و كل حاقد عليكم سل سهامه*

----------
(٧)
قالـــــوا يبو طــالب چنت كافــــر !
و أنت اللي چــنت للهــادي ناصـر
و قبل حســان بأشعــارك يفاخـــر
*و على جيش الكفر شعرك حسامه*

------
(٨)
صافــي يبو طالب در نبعكــم
لكـن عالكفــر يرهــب فزعكـــم
قلت والله ما يوصل جمعكــــم
*ولا يمس النبي نسمة ظلامه*

----
(٩)
و من شعـــرك يبو طالب عـرفنا
بِأن الدين النبي هو ديــن ربنـا
و على دربك يبو الأطهـار سرّنا
*ندين الله تعــالى بإســلامه*

----
(١٠)
يا مؤمن قريش الـ ضحـــى للدين
على دربك مشى عباس و حسين
وما قصر شبيهك ضحـــى ليدين
*عبــاس الگــمر ليث الكـــرامه*

----
(١١)
و بعدك يبو طالب ما جــرى دم
و ظل خــير الورى طــه مُكـــرم
و بعد عباس صار الكــون مأتم
*و دخلت بت علي مجلس ملامه*

وزن النصاري - رباعي


🖋 عبد مُحمد وآل مٌحمد / #مُفضل_حبيب

◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

*من وصية السيدة خديجة ( عليها السلام ) إلى ابنتها فاطمة الزهراء ( عليها السلام )*

#وفاة_السيد_ خديجة
#(١٠)_شهر_رمضان
#رداء_النبي

---------

*يا فاطمـــة يا فاطمــة قربت منيتـي*
*كفنوني ابثوب النبي هاذي وصيتي*

--------
(١)

لمن دنى وگــت الأجـل بأم الزچــيه
نادت يا طه استمــع منـي الوصيه
آخر ليالي بالعمــر هــاذي المسـيه
*وباچر اكون موسده آنا ابحفرتي*

--------
(٢)
أول وصـــية بالعفـــــــو آنا طلــــبتك
خوفي اكون امگصره ابحگ خدمتك
لا مــال ينفــع لا ولد كــان بنصــرتك
*الا تكون ابهالفعل تقبل خدمتي*

---------
(٣)
ثاني وصــية فاطمــة عــندك وديعـــة
خوفي عليها اتضيق ارحاب الوسيعة
و بعدك يا طــه تبتلي بزمره وضـيعه
*واللي يأذي فاطمـــة قــرر أذيتي*

-----
(٤)

و ثالث وصية الـ فاطمة يختص كلامي
وبس بنتي اهيا الـ تستمع دون الأنامي
قـربي لي يا بنت النبي طـــه التهـامــي
*و بإذنچ أهمس يا طهر سمعي طلبتي*

----
(٥)
بنتي يا بنت المصطفى الـ عالي سماءه
عندي طلب حـگ گبري الـ ضــيگ فناءه
و اخجل يـ بنتي امن النبي اطلب رداءه
*عـندي عقيدة هــالردا يسكـن روعتــي*

-----
(٦)

كفــنوني ابهــذا الردا لو حــــن مماتــي
خوفــي أنا يا فاطمـــــة تذبـــل رفــــاتي
يمكن أشـم عطــر النبـــي و ترد حـياتي
*و ارجع لبوچ المصطفى اجدد نصرتي*

-----
(٧)

نادت و حنت فاطمة يا يمه مگدر
لا تنعي حالچ يا طهر گلبي تفطر
يومــي قبل يومــچ يَـ ريته يتقــرر
*ولا اشوف گبرچ وأجري بقربه دمعتي*

---------
(٨)
أمرچ يـا يمه والحــــزن عالرآس شلته
و أدري أبوي المصطفـــى مَــيرد بنتــه
لكن علي گاسي الأمر لو بيدي جبتــه
*يمكن اموت ابحسرتي وگبلچ منيتي*

الفائزي - رباعي



عبد مُحمد وآل مٌحمد / #مُفضل_حبيب

-----------


◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

#وفاة أم البنين
#طور يروحي الأحبهم *سيد فاقد الموسوي *


خلصن سنيني وكضن دمعه اعله دمعه
ونعشي لون مات الجسد ياهو اليشيعه

✿يون كليبي ماهاد .. راحو كل الأولاد✿
خلصن سنيني وكضن دمعه اعله دمعه

⌘⌘⌘⌘⌘⌘⌘⌘⌘⌘⌘

والله حيرة اه يادهري وحيل حيرني زماني
من مشو عني الغوالي مرافكه الونة تراني
ردت منكم شخص يحظر لاولاواحد اجاني
صعبة يفراك النحبهم عاش بعيوني وعماني

✿بطلي وكافي الونين .. مايرجعلج حسين✿
خلصن سنيني وكضن دمعه اعله دمعه

⌘⌘⌘⌘⌘⌘⌘⌘⌘⌘⌘

ادفنت وياكم حياتي وريت وافتني المنيه
خلصت سنيني بجفاكم آه وشعظم الرزيه
ضيعتكم يالغوالي ورحتو ياويلي من ايديه
تحلى دمعاتي لأجلكم تبقى مسفوحه وجريه

✿شبعت روحي اهات .. ميرجعولي هيهات✿
خلصن سنيني وكضن دمعه اعله دمعه

⌘⌘⌘⌘⌘⌘⌘⌘⌘⌘⌘

انه اتمنيت روحي تطلع لا ولاهاي المصيبه
واللي اصعب من سفرهم كلبي تركوه بنحيبه
يجري دمعي للاودهم صعبة لييفارك حبيبه
يظل بيه الحزن عايش وبالكلب نار ولهيبه


✿عذب روحي الفراك .. الهم روحي تشتاك✿
خلصن سنيني وكضن دمعه اعله دمعه

⌘⌘⌘⌘⌘⌘⌘⌘⌘⌘⌘

طبع كل أم تحن لأبنها تريده يحضر ينظر الها
وانه اتاني كل سنيني روحي فكدت كل املها
دمــعي يهمــل للغــوالي والنيــاحه ما املها
ظل دليلي بهمه حاير لو اجه لروحي اجلها

ردت يحضرلي عباس .. بجيته يرفع الراس
خلصن سنيني وكضن دمعه اعله دمعه

⌘⌘⌘⌘⌘⌘⌘⌘⌘⌘⌘

تمت بحمد الله
17/2/2018
✍🏻آلّشآعرهً آلــــّ؏ــلّويِـــــه آلّمٌوسويِــــۿ
❌لاإجيــــز حذف الأسم❌◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

#وفاة_أم_البنين
#(١٣) جمادى_ الاخر
#نخوة
قناة الشاعر / #مفضل_حبيب
‏ @mofadhal

*مدد يا أم البنين* ... *و أقسم ابنحر الحسين*
————— (١) —————

أقسـم و حـق الذي محــزوز نحـره
و إعلى صدره داسته اخيول عشره
فــاز كلمــن نادى يم لبنين نظـــره
و اللي يحضـر مأتمچ حلي له أمره

يلطم الخد و الجبين .. مدد يا أم البنين

————— (٢) —————

كل سـنه إلـ مأتمــچ أصـبر و آتــاني
و أحسب ابكل لحظة اجزاء الثواني
عندي كومه امن المدامع والأماني
مــدد يا أم البنين يلهـــج لســــاني

أختصرها بكلمتين ... مدد يا أم البنين

————— (٣) —————

يالكريمــه جيت إلـچ أحــمل شمـــوعي
و يلهج بأسمچ لساني ابكــل خشـــوعي
إعلى بابـــچ واقــف و أجــري دمــــوعي
و إعلى ظهري اهموم احنت لي ضلوعي

هذا هو باب اليقين ... مدد يا أم البنين

————— (٤) —————

إلـ مضيفچ تلتجي كل الحــيارى
كعبــه أنتي للــذي رايد بشـــاره
سفـريتچ يم البنين أربح تجــاره
و تتسع كلمن اجا دمعه يتجارى

ما ترد الطـالبين ... مدد يا أم البنين

————— (٥) —————

منهو مثلــچ للكرم أصــبح علامــه
و إعـلى إيديچ انبنى ســور الإمامه
طلبه يم العـــباس يا تاج الكــرامه
وإعلى خدي تجري ادموع اليتامى

كلي آهات و حنين ..، مدد يا أم البنين

————— (٦) —————

أقـــراچ ســــوره نازله كلـــچ فضـــايل
و أعتقـــد لجلــچ ترى جــــبريل نازل
و إعلى گلب المرتضى أوحى الرسـايل
قال هـــاذي المـا ترد الجــاها ســايل

ملجى كل السائلين ... مدد يا أم البنين

————— (٧) —————

جيت لچ أسعـي و اذنوبي ثچيله
و أنا غيرچ أبد ما عــندي وسيله
أقسم ابحب الحسين اويا العقيله
شافي عافي كل عليل وكل عليله

و أشفعي للمذنبين ... مدد يا أم البنين


🖋 عبد مُحمد وآل مٌحمد / #مُفضل_حبيب
القطيف
٩- جمادى الآخر - ١٤٤٠◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

*أعتذار أم البنين لـ فاطمة الزهراء*

#وفاة_أم_البنين
#(١٣) جمادى_ الاخر
#نعي
قناة الشاعر / #مفضل_حبيب
‏ @mofadhal
---------
*أعذّريني يـ بنت المصطفى طاها*
*إذا نصــرت بنينـــچ ما وفيناهــا*
----
(١)
أنا أم البنين الاربعــــه العــــزوه
و بعد ذبحة بنينچ ما إلي سلوه
لعد قبرچ إجيت و خجله الخطوه
*أخاف الترضي الله ما رضيناها*

-----
(٢)
صــدق راحو بنيني فدوه لبنينـــچ
بس امگصـــره وأقســم بضلعينچ
نذرت آنا سنيني وابني لحسينچ
*وبعد عينه حياتي والله مقساها*

----
(٣)
ما ريد العمـــر يا زهـــره أخذيني
و لتراب الگبر بدموعــي ضمــيني
أنا مگدر أشوف الطاهره اتجيني
*زينب بت علي او لا عزها وياها*

------
(٤)
الچــــــانت عزيزه ابعـــــزوة أخــــوتها
عسى عيني العمى او لا شفت دمعتها
لو شفتيـها يزهـــــــره والحـــــزن فتها
*أنا و خيّها محمـــــــد ما عرفناهـــا*

---
(٥)
شفت حرمه نحـيله والوجه أصفر
قلت منهـــي الغريبه البيننا تفتر
حچت زينب أنا يأم الگمر لزهـر
*بس بنتچ يـ يمه الضُر مساها*

------
(٦)
لو شفتي يزهره اللي جــرى إعليها
اشقد ناحل جسمها و شيب غازيها
قلت يمكــــن بنيني ما وفـــــــو ليها
*وتخيب اضنون أم النذرت ارباها*

--------
(٧)
على هالحال صوت امن الگبر يظهر
عليه البــــوح والونـــه او يتحســـــر
يقول آنا الزچيه الضلعها اتكســــر
*ويأم لبنين حقــــي بيچ اتباهــــــا*

----
(٨)
لا تحــاتين يأم لبنين لا تحــــاتين
البحجرچ تربوا ما هم امقصرين
أنا أشهد يا حـــره أبطال ربيتين
*و حاشا نصرتچ يا وافيه انساها*

-----
(٩)
أنا ما أنســى بنينچ والله ما أگدر
و علي واجب أرد هالدين و اتشكر
المثل عثمان عون اويا البطل جعفر
*وعن التقصير هالأبطال حشاها*

----
(١٠)
و لا أنســـى البطل الوفّا للخــــوه
عباس الذي عــــاف النهـــر فدوه
و ذب الماي إعلى الماي ما أتروى
*ولجل احسين حتى الروح أهداها*

وزن التچليبة - رباعي
----

عبد مُحمد وآل مٌحمد / #مُفضل_حبيب◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

#وفاة السيدة خديجة الكبرى عليها




مَاتَت خَدِيجَه يَا عَلِي
او مَا ظَل عُگُبْهَا حَد إِلِي
مَلْچِ الأَجَل وَافَاهَا. وَافَاهَا
وَ اَنَا احْزَنِت بَعْدَاهَا. بَعْدَاهَا
او نَاحَت عَلِيهَا فَاطِمَه
او نَاحَت عَلِيهَا فَاطِمَه
****
مِن سَمَاء الحَسْرَه وَحْيِ الهَم نِزَل
ايگِلِّي أُمِّ الزَّهْرَا وَافَاهَا الأَجَل
يَا عَلِي لَتْلُومَه دَمْعِي لُو هِمَل
الجِبَل شَايِل عَلَه امْتُونَه جِبَل

مِن عَايَنِتْهَا امَدِّدَه
ثُوب الحِزِن گَلْبِي ارْتِدَه
او ظَلِّيت اَحِن وَ انْعَاهَا . وَ انْعَاهَا
وَ اَنَا احْزَنِت بَعْدَاهَا. بَعْدَاهَا
او نَاحَت عَلِيهَا فَاطِمَه
او نَاحَت عَلِيهَا فَاطِمَه
****
رَاحَت اللي أَنْطَت الدِّين النَّفِس
او غَابَت ابْغِيبِتْهَا عَن دَارِي الشَّمِس
أَطْلَقِت بَعْدَاهَا دَمْعِي الـمِنْحِبِس
وِ بْوِنِينِي حَس ضَمِير الـمَا يحِس

أَنْظُرْهَا وَ انْظُر بَضْعِتِي
لُوعِتْهَا تِشْبَه لُوعِتِي
يدْمِي دِلِيلِي ابْچَاهَا. إِبْچاهَا
وَ اَنَا احْزَنِت بَعْدَاهَا. بَعْدَاهَا
او نَاحَت عَلِيهَا فَاطِمَه
او نَاحَت عَلِيهَا فَاطِمَه
****
ظَلَّت اتْبَاوِع خَدِيجَه امِّ الحَسَن
او تِقْرَا بِمْحَيَّاهَا آلام الزِّمَن
اتْگِلْهَا چِنِّي أَنْظُرِچ بِين الـمِحَن
وَرْدَه گِطْعَتْهَا چُفُوف اَهْلِ الظِّغَن

يسْفَح دَمِعْهَا اعْلَه الوَجِن
تِذْكُر مُصَايبْهَا او تِحِن
تِتْمَنَّى اَظَل وَيَّاهَا. وَيَّاهَا
وَ اَنَا احْزَنِت بَعْدَاهَا. بَعْدَاهَا
او نَاحَت عَلِيهَا فَاطِمَه
او نَاحَت عَلِيهَا فَاطِمَه
****
يَا عَلِي فَقْدِ الأَحِبَّه مُو سَهِل
يجْرَح الگَلْبَه تَرِف ينْحِل نَحِل
او هَذَا اَنَا طَاهَا النِّبِي سَيْد الرُّسِل
مَدْمَعِي الـمُوتِة خَدِيجَه دَم يهِل

رَاحَت وَ احِس حِيلِي وِگَع
او دَلاَّلِي نُوح او وَن شِبَع
يَاهُو اليگُول اَنْسَاهَا. أَنْسَاهَا
وَ اَنَا احْزَنِت بَعْدَاهَا. بَعْدَاهَا
او نَاحَت عَلِيهَا فَاطِمَه
او نَاحَت عَلِيهَا فَاطِمَه
****
تِدْرِي يَا حِيدَر أَلَـمْهَا اشْگَد صَعِب
او جِرْحِي مَا بَطَّل عُگُبْهَا امْنِ النَّحِب
غَسَّلِتْهَا او حِزْنِي صَخْرَه اعْلَه الگَلِب
غَسَّلِتْهَا او مَنْبَع اعْبَارِي يصِب

مِن شَيَّعِتْهَا لِلْگَبُر
شَيَّعْهَا وَيَّايَه الصَّبُر
بِيد الهَضِم وَارَاهَا. وَارَاهَا
وَ اَنَا احْزَنِت بَعْدَاهَا. بَعْدَاهَا
او نَاحَت عَلِيهَا فَاطِمَه
او نَاحَت عَلِيهَا فَاطِمَه
****
آنَا يَا حِيدَر دِفَنْتِ اُمِّ الطُّهِر
سَالِـمَه او مَا بِيهَا ضَرْبَه او لا عَصِر
أَرْدَ اَنِشْدَك يَا عَلِي او لا تِعْتِذِر
اشْحَالِتَك وِ الزَّهْرَا يَمَّك تِنْسِطِر

صَبْرَك يَخُويَه اليَامَدَه
مِن ينْكِسِر ضِلْع الهُدَه
مَحَّنِي هَم بَلْوَاهَا. بَلْوَاهَا
وَ اَنَا احْزَنِت بَعْدَاهَا. بَعْدَاهَا
او نَاحَت عَلِيهَا فَاطِمَه
او نَاحَت عَلِيهَا فَاطِمَه
****
علي أحمد العاشور
4 رمضان 1438هـ
أبُو شُبَّر

◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg