🛑 تم نشر برنامج محرم الحرام 🛑
#لمجموعة_في_رحاب_الحسين_ع
1441هـ // 2019م

🔷للأشتراك في المجموعة🔷👇
https://tttttt.me/joinchat/AAAAAEE5ALXrP5lARHOzmg
-------------------------------------------

❇️للأشتراك في القنوات❇️👇

⬛️قصائد ونعي للشعراء👇
https://tttttt.me/ssgadAl
-------------------------------------------

⬛️قصائد ونعي للشاعرات👇
https://tttttt.me/alshuhadaaltafu70
-------------------------------------------

🛑 تم نشر برنامج محرم الحرام 🛑
#لمجموعة_في_رحاب_الحسين_ع
1441هـ // 2019م

🔷للأشتراك في المجموعة🔷👇
https://tttttt.me/joinchat/AAAAAEE5ALXrP5lARHOzmg
-------------------------------------------
قنــٍّــــاة مــلا سجٍّاد البهادلــٍّي

@phadli


❇️للأشتراك في القنوات❇️👇

⬛️قصائد ونعي للشعراء👇
https://tttttt.me/ssgadAl
-------------------------------------------

⬛️قصائد ونعي للشاعرات👇
https://tttttt.me/alshuhadaaltafu70
-------------------------------------------

مجلس بسيط بدون صوتيات

قصيده الأنصار
للموفق حيدر تركي الكربلائي
اداء ملا سجاد البهادلي

#قصائد_الدفن_نعي

(نعي كامل دفن الاجساد )
السجاد عند دفن الحسين ع
،،،،،،،،،،،،،،،،،،،،،،،،،،،،،،،،،،
يبويه اشلون ادفنك هل مسيه
وجسمك طحنته اخيول ا ل اميه
اشيلك بويه واطيح من اديه
عليل ولابعد ضل حيل بيه
،،،،،،،،،،،،،،،،،،،،،،،،،
عند دفن العباس
امن يبو فاضل أي وبختي
انه بيدي يعمي اجتفت عمتي
شوفتهه دوه زينب العلتي
شحده اليوصل البت الزجيه
،،،،،،،،،،،،،،،،،،،،،،،،،،،،،،،،
السيده زينب ع مع قبر الحسين ع
،،،،،،،،،،،،،،،،،،،،،،،،،،،،،،،،،،

يخويه حسين كلي شلون لموك
مابدوا اميه عليك وارووك
ثلث تيام وسط الشمس خلوك
جروحك يبسن ومامش اميه
،،،،،،،،،،،،،،،
مع قبرالعباس ع
صدك عباس تتركني علئ بختك
بين اجناب اروحن وانه اختك
اعرفك ماترد من ضيمي صحتك
بلكي اتكوم موضربوا رقيه

،،،،،،،،،،،،،،،،،،،،،،،،،،،،،،،،
نعي الدفنه
سكينه ع مع قبر الحسين ع
،،،،،،،،،،،،،،،،،،،،،،،،،،،،،،،
يبويه شلون جوه الترب تنحط
وانه السوط سوه بظهري الف خط
يركظوني واصيح احسين وافحط
لحد ماماتت الصرخات بيه
،،،،،،،
مع قبرالعباس ع
يعمي شلون تدخل هاي بلراس
جوه الكاع تنطم وانت عباس
تره عكبك بقينه ابين الارجاس
وشتموا عمتي وصاحوا سبيه
،،،،،،،،،،،،،،،،،،،،،،،،،،،،،
ليلئ مع قبر الاكبر ع
،،،،،،،،،،،،،،،،،،،،،،،،،،
يبعد امك يماخذ هاي العيون
بلاراسك يلاكبر ليش مدفون
تره امك راح تمشي بذيج الضعون
بين ارجاس واحبال ابئديه
،،،،،،،،،،،،،،،،،،،،،،،،
رمله مع القاسم ع
كبر ابني اعرفه وعندي الجواب
امبين كبر جاسم بي عطر شاب
اكله انهض ييمه بريتي عطاب
دم بجفاك موحنه بديه
،،،،،،،،،،،،،،،،،،،،،،،،
الرباب وقبر الرضيع
دللول الكبر عبد الله ذبحوك
اهزن بلكبر حسبالي كاروك
مامفطوم ليش بسهم فطموك
حليبك در يبعد امك عليه
،،،،،،،،،،،،،،،،،،،،،،،،،
الشاعر بشار السامي



https://tttttt.me/ssgadAl

#قصائد_الدفن

المدفن الشريف
.....................

دفناه. وعنج يسولف نحره
دفناه. أنا وعلي والزهره

يعمه دفنته واجيت من الدفن
ورضيعه تركته اعله صدره المنطحن
.....................................................

طبيت لطف وحدي
حسيت محد عندي
ناديت حيدر جدي بالنوح

مذبوح شفت الغالي
مسحوگ صدره گبالي
بسهام گلبه الخالي مجروح

ياعمه من مديت ايدي عالجسد
بظهري اسمع صرخه تعله يالولد


ينادون علي والهادي حضروله
ينادون. وطاحت فاطمه بطوله

الهظمني وكسرني من المنحر يون
ورضيعه تركته اعله صدره المنطحن
.....................................................
والراس راح برمحه
والحال يصعب شرحه
عباس أكبر جرحه النفاس


مديت طولي بطوله
السهام عني تحوله
الجروح مامعقوله. ياناس

والسهام الي اعله صدره خيمن
بالحوافر وي ضلعه تكسرن

يسلوبه هو شبقه من ثوبه
يسلوبه. الترجيه مو بحيوبه

اعله خاتم يبترون الخنصر ياحزن
ورضيعع تركته اعله صدره المنطحن

....................................................

وياي حيدر لمه
بالنوح امه اتشمه
المختار لصدر يضمه حزنان

وابصوت نسمع نحره
جلمات كلبي تكسره
ويصبح يمه الزهره عطشان

الزهره ركضت راحت لصوب النهر
تريد تروي حسين عثرة بالكمر


يكرار صاحت علي ينبراس
يسجاد دلوني جف العباس


تدور جفوفه وتون يمه ونحن
ورضيعه تركته اعله صدره المنطحن

...........................................................
بجمرات يسال تلهب
شخبار عمتك زينب
يابوي لجلك تنحب يحسين

العيال راحت اسره
واطفال ماتت حسره
بحباب كلبك جمرة بالعين

بنتك رقيه منون زركه وخايفه
عطشانه حضنك بردت حروف الوفه

تتانيك ضنتك ترد ليها
تناديك رجع صوتك عليها

تصب ليد دمعها ويالمها المتن
ورضيعته تركته اعله صدره المنطحن
....................................................؟....
والصوت يجرح صبري
لحسين صوت النحري
المفطوم وسده لصدري بالاه

التراب من هليته
مظلوم من خطيته
الكون دم خليته ينعاه

وي علي وجاسم دفنت الامنيات
والصحابه بالافق رسموا حياة

وجمعناه كفيلج ذاك الشكبره
جمعناه موذر صاير شزغره

كلتله غضيدك خيامه توجرن
ورضيعه تركته اعله صدره المنطحن
.........................................................
الشاعر علي السعيدي



https://tttttt.me/ssgadAl

#قصائد_الدفن


تاني هنا يجناز. اجيتك ادفن اعزاز
نزل دمع المصيبه. على الجثه السليبه
تاني هنا يجناز
…… .
عفتهم شوف العيون اهلنه المانسونه
خذانه منهم النوح بعدنه ومالگونه
لا لحگنه توديع ولاهم ودعونه
لا خلونه عالبال ولاهمه خذونه

اجيت وكلشي مجروح. توج وتنطفي الروح
صرت غصبن عليه. اريد ادفن بديه
تاني هنا يجناز
…… .
وصلت الوالد الطاح وانه عيوني حمره
شفته اموسد الگاع واثر خيل اعله صدره
لگيت تلاثه السهام شگن جلد ظهره
بعيني شفت الرماح عشره فوگ عشره

صحت يابويه يحسين. دليني ادفنك وين
مصابك بيه بيه. واجيتك هالمسيه
تاني هنا يجناز
…… .
ادفنك ماالي روح تحطك بالترابه
ادور خنصرك وين ياگلبي وعذابه
يبويه تدري بالحال عمري ويامصابه
انه امعاهد النوح كل عمري وشبابه

اشيلك والحمل مال.بچيتك والدمع سال
شگد احمل اذيه. تهد حيلي الرزيه
تاني هنا يجناز
……..
اليدفن بيده الاحباب تضل روحه غريبه
وانه وداعت حسين اعيشن بالمصيبه
يبويه انه السجاد المئيس طبيبه
گلي شحال الانسان اذا يدفن حبيبه

گلبي شابع اهموم. اجيتك جرحي ملچوم
وصل حد المنيه. عشت كل الرزيه
تاني هنا يجناز
……
اجيت وعفت العيال يعيشون ابظليمه
سبايا كل الاطفال حرمنه ابلايه خيمه
شافوا بين العيون يبويه اكبر جريمه
خذونه اسره يحسين مثل اخذ الغنيمه

حرمنه وكل الاطفال. صفت مچتوفه بحبال
وانه العزت عليه. حال اختي رقيه
تاني هنا يجناز
…… .
دفنت القاسم هناك هوه والنشامه
جبت عبد الله خليت على صدر الكرامه
رحت يم عمي عباس خيال الشهامه
بس اگبور وتراب شحطلهم علامه

دفنت ابروحي الاحباب. وهيلن بيدي التراب
على الضلوا رميه. انوح ابكل مسيه
تاني هنا يجناز
…… .
بعد دفنات العزاز اردن للظعينه
واتصبر على الصار بأمر الله ونبينه
نتاني نسمع اخبار يترسن كل مدينه
مهدي العتره موجود ويفل حبل ادينه

ياخذ ثار الخيام. يرفع اسم الاسلام
يحاسب كل رعيه. يفرحها الزچيه
تاني هنا يجناز
………

علي الحاج الصبييحاوي



https://tttttt.me/ssgadAl

#قصائد_الدفن

قصيده للدفن وممكن تقرأ هوسات



نزله لدفن الحسين ( ع )

عاري ثلث تيام فــوگ الغــبــــــره
بلايه دفن والناس كلها تـنــظــــره
ينزف كرامه حسين بس من نحره
هذا الجره والصار لبن الــزهــــره
خل نحچي وخل يسمعونه

يستاهل اعله الطاح نسچب دمـعــه
ابن الوصي الكرار وابن البـضعـــه
بذاري الترب لحسين شاهد وضعـه
ابـلا رحمه وبخسه يگـص اصبـعـه
ويسلبه الخـاتم وهــدومه

وبيــوم ثـالـث ابـنـه بـس يحـضـره
لرض الطفـوف وبيده شايل صبـره
يحضر علي السجاد يحفـر حـفــره
ويصيح هـذا حسين ابويه وگـبـره
والعالم يسمع ويشاهـد

لـومـا عـلـي السـجـاد الله اخـتــاره
يحضر ابگـلبه اللوعه وتشب ناره
سر الجليـل وهــــاي من اســراره
يـدفـن حـسيـن وثـلـتـه وانـصــاره
يـدفـنهـم بارينه اختاره

هــاي المواقـف بالألـم نـرويـهــــا
والـناس تعــرف اول وتــالـيــهــــا
باچـر الجنه ياهـو يـدخـل بـيــهــــا
بس الـيعـزي الـزهـره ويـواسيهــا
يظمن والجنه ايحصلها



الشاعر السيد رياض الرسل الجابري


https://tttttt.me/ssgadAl

#قصائد_الدفن

قصيده ..للدفن

ياعلي طلبه زغيره
لاتشدوها الحصيره
الطفل وسده اعلصدري
يستر اضلوعي الكسيره
+++++++++++
ايعينك الله يالشفت كل المآسي
ياعلي ادري بسوالي هواي قاسي
نيتك اتطم جسمه وحده وينه راسي
انت ماتنسه واگلك خاف ناسي
ياعلي چا راسي وينه
بالطشت لو رافعينه
بعده ينزف دمّه نحري
من يضربون الاميره
++++++++++
لمني قدر المستطاع وهاي امانه
يبني حاول كل عضو اترده المكانه
الراس لف اعمامتي بنحري بمكانه
الزهره من تحضرني خل تعرفني انه
حاول الخنصر تردّه
يبني بگماط ابني شده
ادري يجرح گلبك امري
المنسحگ هاذه مصيره
++++++++++
وابو فاضل عالنهر قصته عجيبه
ادري دمعك عالگمر ياخذ نصيبه
چفّه ليمن عنه مبعد يبني جيبه
فوگه تلگه اثار بوسات الحبيبه
يمّه اثر وگفت خواته
جاياته امحشماته
الكاتبه بدمعتها خدري
اعرفها هاي اخته الاميره
++++++++++
لا تأخر دفني يبني استعجل اكثر
صار ثلث ايام فارگ عيني الاكبر
من غيابه مو عطش گلبي تفطر
هسّه تجمعنه الزچيه ويمنه تحضر
والگمر هسّه يجينه
والزچيه اتداوي عينه
ايصيح يمه قبلي عذري
حيرت الچفين حيره
+++++++++++
اعليك زينب تنشغل هاي المسيه
عنها لا تتاخر او اخذ الوصيه
لاتقرب راسي حاول يم رقيه
ابدمعه زينب يبني لاتنظر عليه
راسي من ايضربه عوده
لا تنوح اختي اعله موده
من يجيها السوط ادري
والنظر ليها اديره
++++++++++

ثائر الربيعي



https://tttttt.me/ssgadAl

#قصائد_الدفن


أجيتك للدفن بويه أجيتك
وذر عالكاع متكطع لكيتك

ذبيح بلا ذنب يابويه وضامي
أجيت لكربلـــــه يابويــه أدفننــــك
وكفت بمصرعك وبعينـــي اشوفنك
حرت مـــن ياكــتـــر يابويه الزمنك
الظلوع مهشمــــــه وشلون أشيلنك
كمت بدموعــــي والحسرات أندبنك
وياجرح الــــذي مــأذيـــــك اسألنك
يـــروحي ويـــانظر عـيني وحـياتي كبــل موتـــك ردت بـــويه ممــاتي
ولاأشـوفك صريع ونحرك الدامي
عفه صبرك يكلبي وبيدي انزلنه
جتيل بلايه راس شلـــون الحدنه
دفنت الوالد ولــن صوت اسمعنه
صوت من النحر فجـــر مدامعنه
طلب مني رضيعه وياه ادفننـــه
وعلى صدره أبوي يريد اوسدنه
أحــس مووالــدي كلــيبي الدفــنتــه وعـلى طــول الــدهر حزني علـنتـه
يظل رسمك حلم مافارك احلامي
كصدت الشاطي وبصدري غفت عبره
وشـفـــت جثـــه كفيلــــــج عمه متوذره
جســد عمــي حملتــه بلوعــــه وبحسره
واشوفن جن ســـواده لحالــــــي اتنظره
ولنهــــــــــه لمـت جفوفه العلــــه الغبره
وجنهــــــه تكلــــــي أمـــــك أني الزهره
عــلى دفنــه تســاعـدنــي وتنـــادي يــروح الزهره يــايمـه وفـــؤادي
وعله جفوفك يبوفاضل سلامي
على كبـــره صحت وعيوني دم تجري
وتضعضع كل كياني وما حمل صبري
يريته مـــو كبــــر عمي أنحفــر كبري
عجيبــــه عمه ويحير صـــدك أمــــري
شفـــت مــــوقف حيـــرني وشده فكري
وهيــــج بالكلـــــب ناري وسعر جمري
شـفـت سـهم الذي كنـطر كـفيلج ســهم عين الكــمر فــطر دلـيلـج
وعمد راسه يزينب كرب أيامي
مــــواقف بالــدفن ياعمه أتصور
شسولفلج يعمــه عن علي الأكبـر
ذبيح بلايه راس ويرهب المنظـر
وأحس حيلي أنهدم ياعمه ماأكـدر
وكمت بدموعي يازينب أنه أتصبر
وشفت كلبي التكسر ماأظن يجبــر
يـــعمه واللـــي حــيل أثــــرعليــه عـــليل بأيــده من يــدفـن أخــيـــه
ومنظر جثه الأكبر شفت كدامي

الخادم / احمد هادي الشيباني


https://tttttt.me/ssgadAl

#قصائد_الدفن

شوط كربلائي للدفن


هليله علي السجاد حضر يدفن ابوه حسين
يدور خنصره المكطوع ويدور عل نهر جفين
................................................................

حضر للطف ابو الباقر وحده ودمعته بعينه
جسمه من المرض مهدود نحيل والله اليعينه
الله يساعد اكليبه ونايم عل ثره حسينه

اجه وشافه وذر صاير
وبصدره اثر حافر
وكف يمه وبقه حاير

وكف حاير نحل جسمه اليدفنه وياي اجيبه منين
..................................................................

حفر حفره لبو السجاد بحصيره وشاله من الكاع
وبقت عينه تدور الكاع يدور خنصره الي ضاع
ينادي وسفه يالتربان ادفن بيج راح اسباع

ادفن والدي وعمي
وبيج اندفن ابن امي
ما ابطل بعد همي

هليله دفن الاعزاز عليهم عيني دم تبجين
....................................................................

بلحد خله العزيز حسين وعلى كبره وكف صله
ويكله يا والدي وين اخوي العود واوصله
طفل بعده وعليش يموت صحت وينك يعبد الله

طفل بكماطه اثر دمه
عفته تون علي امه
دفنته بصف ابو اليمه

واهل بيدي بقيت اتراب يريت انشلت الايدين
......................................................................

يا ليلى ويرمله اليوم ادفنهم بدي شبان
الاكبر ادفن وجسام هلت فوكاهم التربان
انكسر ظهري مثل الحسين صرتلهم وسف دفان

دفنت بايدي خواني
المثلهم ما يصح ثاني
زماني لوحدي خلاني

بقيت لوحدي واتمنى يلفيني يكون البين
.....................................................................

درت صوبي على العباس وكلتله يا بطل يحنين
عليك اتسلم الحوراء يل كلك وفه يا زين
يالغالي اجيت ادفن لجن ماكو شفت جفين

جفوفك راح ادورهن
اشيلنهن واحبنهن
يعز اعليه ادفنهن

الكمر ما يندفن بالكاع كون تضوي بالكونين
...................................................................

اودعكم وارد يعزاز واهل وي وينب المدمع
واوعدنك يبو الاكبر لكل ظالم ولا نركع
نردلكم لجن يحسين ابنيه ويانه ما ترجع

رقيه بيا ذنب ماتت
بخرابه تريدك وصاحت
بس راسك تره شافت

اجينه باربعينك راح تصير ازيارتك صوبين


خادمكم حسين ابو عباس الكعبي

https://tttttt.me/ssgadAl

#قصائد_الدفن


على طور قصيدة باسم  كطعتهن اديه


جيتك بهل مسيه..........عفت عمتي ورقيه

للدفن احضر......واصبر......عل منظر.....يحسين السليب
باقي بس منحر......ومطبر......وموذر.....بالطف وغريب
......................................................................

انه ابنـك يا حسين الباقي منكم
جيت وبهاي المسيه معتني الكم
للـيسـر كـوه خـذونه بعـيد عنكم
ولا سمعنه من بعدهَ احنه خبركم

من خذونه سبايا.......بويه ردنه المنايا

واحضرلك اني اليوم....يالمظلوم....يالمعصوم...رايد دفنتك

جيتك عفت زينب...بس تنحب....والمعصب...طاح بغيبتك

جيت ادفنك بديه..........عفت عمتي ورقيه
................................................................


بـويـه جسـمك بس نحر مذبوح راسك
وحتى صدرك ماكو بويه الخيل داسك
انـه مـتـعـمـد اجـيــت وعـفـت نـاسـك
حـتـى مــشــوفـك رقــيـه بـلا ثـيـابـك

مسلبينك ثيابك.........لله اشكي غيابك

جنك تحاجيني....تدليني......توديني........لخنصر منكطع
كطعوه من ايدي......وشبيدي......يوليدي......كلبك منشلع

دوره بويه اليه..........عفت عمتي ورقيه
.....................................................................

بـيـدي يا بـويه احفرتلك انه كبرك
وقبل لا ادفنك ابوسن بويه نحرك
عمـتي وصتني بركبتك انه اشمك
بـهـيده كالتلي يـعمه خاف الجمك

من تشمه لا تلجمه.........بهيده عمه من تلزمه

ياعمه هذا حسين....نور العين....أخوي الزين....لمن تدفنه

من ادفنه يا عمه......كلب امه.......لتلجمه......محد جفنه

تباوع عليك الزجيه.........عفت عمتي ورقيه
.................................................................

جني اسمع صوت منك كله احساس
روح تـلـكه عـل نـهـر جـثـه بلا راس
هـذا كـافـل زيـنـب وبالغيـره مقياس
بـويه لا تـنـسى عضيدي ذاك عباس


سلم علي من تشوفه...........بويه لا تنسى جفوفه

يا بويه لو شفته......واعرفته......وادفنته.......يناشد عل الخدر

يناشدك ادري......عل يجري......عن خدري.....راح وي الشمر

مشت زينب سبيه.........عفت عمتي ورقيه
.................................................................

بـويه اودعك يل بديه صار دفنك
راح ابلغنك سلامي وامـشي عنك
بـاربـعـيـنـك انـتظرنه نـجي يمك
بـس رقـيـه ما تـجي تعتذر منك

رقيه يا بويه ماتت.........يا حسين شكثر صاحت

بغربه دفناهه......عفناهه......ردناهه......يمك بالجنان
انت التباريه.....تحاجيهه......تناغيهه.....يحسين بحنان

جتهه يحسين  المنيه..........عفت عمتي ورقيه


خادمك حسين ابو عباس الكعبي


https://tttttt.me/ssgadAl

#قصائد_الدفن

للدفن
.
.
.

اشصاير بيكم .. يالمـنظـركم حـيل اذاني
اشصاير بيكم .. شو محد منكم حاچاني
ماتحچون اوياي
متـغـيرين اهواي
اشـصايـر بـيـكم

___________

من اجــيت انــه الدفنكم خانگــتني الــعبره
يهلــي عايـنـت الجــثثكــم تــارسات الغــبره
طاحت اعيوني اعله جثه ازغيره لكن حمره
اتقـربـت لــَنه الرضيـع السهم غـافي ابنحره

شلته ابأيدي .. ومن دم عـبد الله بچاني
شلته ابأيدي .. اشگد ناغـيته وماناغاني
جبت ابأيدي الماي
متغـيريــن اهـواي
اشـصايـــر بــيـكم

___________

بيمن ابـدي الدفن هـسه فكري حـيل اتحير
ساعه اگوم وسـاعه اطـيح وبالجـثث اتعثر
طيحه من طيحاتي لني فوگ اخويه الاكبر
شفت جسمه شلون شوفه عالتراب امطشر

من لميته .. لميـت اعيوني اويه اوصاله
من لميته .. چيـه شافـن نـص مـن دلاله
براسي ماضل راي
متغــيريـن اهـواي
اشـــصايـر بــيـكم

___________

بين اخوتي واگـف انحـب والدمع متلاطم
وچان ذيچ الساعه فكري من جثثهم هايم
شاب من ابعيـد اشوفه حـنـه بيــده ونايم
اتقــربت يمــه ولگيــته ابــن عمــي جاسم

من حاچيته .. مايگدر يحچي امگطعينه
من حاچيته .. غــافي وبالــدم امحــنينه
هملن هاي وهاي
متغـيرين اهواي
اشــصايـر بيـكم

___________

اتدوهنت مدري شسوي الفـكر مـدري وينه
لـن بطل عالشاطي اشـوفه امـبــتره چفينه
عمــي ابو فاضل عرفــته لكــن امـگطـعينه
گتــله لـَسـه امتانــياتـك عـَمــتي وســكينه

كلشي اتغير .. هـوه ومـيت يـرجف شـفته
كلشي اتغير .. ابهاي الحاله وعرگت جثـته
شاهدت ابعيناي
متغـيرين اهواي
اشـصايـر بـيـكم

___________

الأبـو مـن عـطره عرفتـه وطـحت رأساً يمه
ساعه اشمن صدره ساعه امن النـحر اشتمه
من كثر سحگ الخيول انعـجن لحـمه ابدمه
بلـكي يالوادم حصيـره وبيــها اَلمــن جسمه

جسم الوالد .. اوصاله امن الخـيل ابعيده
جسم الوالد .. لمــيته وضــل خنـصر ايده
اشبيكم يارجواي
متغــيرين اهـواي
اشـصــايـر بيـكم
___________
حيدر تركي الكربلائي

https://tttttt.me/ssgadAl

قصائد_الدفن

ليلة الدفن

شلون ادفنك بويه حيره
راح الـمـك بـالحــصـيـره
وذره وذره. وذره وذره
**************
المصرعك بوي اجيتك. عالثره مگطع لگيتك
للدفن جاي اعتنيتك
بويه بويه
الصدري مااگدر اضمك. مجرّح وخافن الچمك
بـعـده هذا اليجري دمك
بويه. بويه
مدري اضمدلك وريدك. لو ادور خنصر ايدك
عبد الله اوسدنه اعله جيدك
بويه. بويه

بويه بويه بلاغسل اعذرني ما أگدراغسلك
بويه بويه من الـترب يابويه المنك واحملك

بويه وجروحك چثيره
راح الـمك بالحـصيـره
وذره وذره......وذره وذره
*******
بويه جثتك معرفتهه. واعـتـذر مـامـيزتهه
مگطعه لمن شـفتـهه
ياهضيمه
بخيلهم داسو عليهه. والضلوع مهشميهه
جثه ليش مسلبيهه
ياهضيمه
بالحد لمن اوسدك. كون احط تربه اعله خدك
وينه راسك ارد احبك
ياهضيمه

ياهضيمه. راح اقبّل نحرك بلوعت جروحي
ياهضيمه. ريت وياك انـدفن ماريـد روحـي

يامحنتي شگد چبيره
راح المك بـالـحـصيره
وذره وذره. وذره. وذره
*******
جثث عالغبره المهه. من الشمس ضايع رسمهه
مامش الروس بجسمهه
صعبه صعبه
وين الاكبر وينه جاسم ذاك عمي گمر هاشم
عالشريعه هناكه نايم
صعبه صعبه
صور متفارگ خيالي. من شفت هاي الغوالي
شلون اوسدهم لحالي
صعبه. صعبه

صعبه صعبه. بالـجـثث اتعـثر و اوگـع عليـهـه
صعبه صعبه. ثلث تيام الشمس شمخليه بيهه

وكل كتر مرمي اعله ديره
راح الـمــك بـالـحـصـيـره
وذره وذره. وذره وذره
****
امشي للكافل واشوفه. واخذ الرايه و چفوفه
عالنهر اصبح خسوفه
عمي. عمي
هذا درعه وهذا جوده. طاحن بطيحت زنوده
عمي مايخلف وعوده
عمي عمي
الـك ياعـمـي تحـيه. لچن مامـدهـن اديـه
تستحي تباوع عليه
عمي عمي

عمي عمي. يلي وافيت الاخوّه الگطع اليدين
عمي عمي يالمبالغ بالنصيحه النصرت الدين

عمي يابدر العشيره
راح المك بالحصيره
وذره وذره. وذره وذره
*********
عمي تدري تسلبينه. بطيحتك هجمو علينه
والدي راح من ادينه
وعذبونه
عمتي زينب يسروهه. اعذرني عمي شتموهه
العيله كلهه روعوهه
وعذبونه
ريت وياك انذبحنه. من اجه الشمر وشتمنه
وين ياعباس صحنه
وعذبونه

عذبونه. راح ادفنك ياگمرنه بدمعت العين
عذونه. نعود الك ياعمـي يـوم الاربعـيـن


نرد نحييهه الشعيره
راح المك بالحصيره
وذره وذره. وذره وذره
***
الشاعر عمار الدراجي---١٢/محرم ١٤٣٩


https://tttttt.me/ssgadAl

#قصائد_الدفن

السلامُ على الاجساد العاريات



وجوباً وي علي دمعتنه نجريهه
ونعزي العقيله بدفن اهاليهه

*---------------------*---------------------*

انواسي العليل بمحنته و همه
ونعظملة الاجر بمصاب ابو اليمه
وذر صاير يشوفه ومو سهل لمه

عين المابچت لمصابه نعميهه

*--------------------*-------------------*

نشارك بت علي بالدمعه و الحسره
عكب كافل خدرهه بحيره منكسره
هوه بجنب الفرات أوصاله متوذره

للاجيال هاي القصه نرويهه

*----------------------*---------------------*

لازم ام الاكبر ننعه وياهه
خاناهه الدهر من غيب رباهه
صعب فگد اليوصفونه بوصف طه

لوعتهه تجدد بينه ماضيهه

*---------------------*--------------------*

عالقاسم يضل دوم الحزن بينه
ما ننسه الشباب بكل تعازينه
نذر عمره وتخضب من اجل دينه

شرف النه المجالس هاي نحيهه

*--------------------*---------------------*

لدموع الرباب انرخص الدمعه
تعاين للمهد و الروح منفجعه
شمعتهه خذوهه وطفو الشمعه

و دمعات الحزن و الهم تسليهه

*---------------------*----------------------*

وي ام الحزن بالدمعه نذكرهم
داسوا عالمنايه و ضحوا بدمهم
أسود و بالعزم ياهو اليوصفهم

ضلت عالوطيه تراب غاطيهه

*-------------------*---------------------*


✍ بقلم خادم الحسين ع
الشاعر رعد الچريخي


https://tttttt.me/ssgadAl

#قصائد_الدفن

ميمر الدفن


دمعي دمه سيف وضمّه عالغبره ذبحن فاطمه
وبلا غسل لا تكفين روح الزچيـه الزهره
*
حگها المدامع مــن دمــه لو تجري
عالغبره شفت حسين زهرة عمري
تاه الگــلب والــراي حايــر فكــري
مــو نحرك المگطوع گطعو نحري
خيّر البشر دامي النحر والف وسبع ميه انطبر
جسمك يبواليمه حسين طبـره صفت عالطبره
*
ريــت الجســد ويــــاك كون اتخـــذّم
ولا شــاهــدت صــدرك يبويه أمهشم
ضامي وجروحك فيض دمهن زمـزم
ذاري التـــراب الغســلك وي الـــدم
ظل بالفلّه الدم غسلّه جسمك يا حيف أبكربله
يا وسفه ما صح الماي خاطــر يبـــرد جمـــره
*

ادري اليمـوت النــاس كلهـا أتحضره
وتجــري المــدامع أهلــه وي العبره
ليش الغــريب حسيــن فوگ الغبــره
جسمه صريــع وأهلــه كلهم أســـره
ويوم الدفن محد يوّن يمه ولا صاح أبحــزن
ريت العقيله أخته أهناه وتجـري المدامع حمره

*

لا مـــاي يحصـل للغســـل لا دمعـــه
لا أختــه زينب حاضــره أعليه تنعّه
لا بنته سكنــه أهنـاه تشعــل شمعـه
وكت الدفن حايــر دليلي أبوضعــه
أبدم منحره لو خنصره بوصـالهْ المتناثره
يا بويه ضاگت دنياي وگلبي تحيــر أمره
*


اكبــر مصيبــه المــرت أبــدلالــي
وكت الدفن يا نــاس شـدّهــت بالــي
بـس الجـسد وبــلايـه راس الغــالـي
حگي من أصيح أحياه بويه الـوالـي
بس الجسد گلبي انمرد راسك يبويه مَه أنوجد
راسك على راس الرمح متخضب أبـــدم نحره
*
أصعـــب أمـــر يا بـــويه أصبـح أمرك
لا مـــاي بــويــه وبيــه ارشن گبـــرك
وعبدالله يــوم الـــوسديتــه أبصــدرك
يا ابويه اسمعه أبصوت يصرخ نحرك
كون انلچم من السهم عبدالله بعده ما انفطم
لكن يا وسفه ويا حيف نــار السهم مستعـره
*
الشاعر
موسى البديري



https://tttttt.me/ssgadAl

#قصائد_الدفن


يا زينب بلا راس رحت ودفنتـه
ذاك العزيز حسين بچفوفي شلته
::::::::::::::::::::::::::::::::::::::::::

يا عمه جسم حسين شيلمه اليـــه
ما ظل كتر ينشال لبن الزچيـــــــه
رضت ضلوع الدين خيل اعوجيـه
هو الجرح شيطيب لو فوگه ميــــه
سهم الگلب اذاه لمن سحبتــــــــه
ذاك العزيز حسين بچفوفي شلتـه





حاچيني يلسجاد يا عمه وينــــــه
ظنيته رد وياك واگبل علينـــــــه
لتگلي جوه تراب نايم ولينـــــــه
ما آيست مذبوح وتصدلي عينه
يكعدلي عمه ادريه لو يسمع اخته
ذاك العزيز حسين بچفوفي شلتــه





شحچي السبط مذبوح واوصاله طشار
والخنصر المكطوع دورته محتـــــــار
يا عمه ضلع حسين هم صابه بسمــار
دفعو عليه الجيش واتخيلي الصــــــــار
ذكرني بالزهراء بعيوني شفتـــــه
ذاك العزيز حسين بچفوفي شلتـه





لتگلي ما حاچاك ما گلك اختـــــــي ؟
ذاك البعد عمريــن يسمع حسرتــــي
راسه برمح مرفوع ويحسهه ونتي
ما وده صوغة شوگ تمسح دمعتـي
چا گتله زينب ذيچ تنطر گعدتــــه
ذاك العزيز حسين بچفوفي شلته





يا زينب الطعنات والــدم والتـــــــراب
خلن حبيبي حسين فوگ الرمــل ذاب
لو حاضره الزهراء وتشوف المصاب
چا ماتت من النوح ما حاجه للبـــــاب
رغم الضلع مكسور والدمعه سكته
ذاك العزيز حسين بچفوفي شلتـــه





مو گتلك اخذ وياك دمعي وعبــــــاتي
لم بيها اخوي حسين روحي وحياتي
لو يسألك چا وين اختي وبناتـــــــــي
گله بخرابه يصير نومي وصلاتـــــي
ماتت حزن علراس بالغربه بنتـه
ذاك العزيز حسين بچفوفي شلته





يم النهر مطروح زينب كفيــــــلچ
بالچربه مامش ماي خاطر يجيلچ
حيله انتي زينب راح شيرده حيلچ
چنتي بحمى العباس بارد دليلــــچ
هسه الگمر عالگاع فرغت جربته
ذاك العزيز حسين بچفوفي شلتــه





لا عمه اخوي يموت خافنه غافي
ما گتله اخته تگول نوم العوافــي
لو حتى مات الحيد يگعد يوافــي
چا هو بس الزين دلاله دافـــــــي
ناطرته اظل للموت يرجع عرفته
ذاك العزيز حسين بچفوفي شلته


كلمات / رعـــد الفريـــجي



https://tttttt.me/ssgadAl

#قصائد_الدفن

دفن الأجساد
تراث
لحن دهري ذبني 


عمه .. زينب
 بيدي دفنت احسينج الغالي
ــــــــــــــــــــــــــــــــــــــــ
بـ عله وجرح ملجوم ياخذني ليلي
ادفن حبيب الروح واصرخ يويلي
بنار الابو المذبوح يسعر دليلي
يا خنصره المكطوع موتلي حيلي

عمه .. زينب
 بيدي دفنت احسينج الغالي
ـــــــــــــــــــــــــــــــــــــــ
شفت الرضيع هناك ينزف وريده
ليهسه ينطر ماي يوميلي بيده
جنه يكلي الماي ياخويه اريده
شخلاهه امي اليوم عني بعيده

عمه .. زينب
 بيدي دفنت احسينج الغالي
ــــــــــــــــــــــــــــــــــــــــــــــ
ظهري انكسر ويلاه من وضع الاكبر
صعبه واجمعه شلون جسمه التوذر
والقاسم العريس انظرله مكدر
وجفوفه متحنيات من دمه الاحمر

عمه .. زينب
بيدي دفنت احسينج الغالي
ــــــــــــــــــــــــــــــــــــــــــــــــ
للمشرعه اتعنيت عباس اشوفه
زيّد ونيني اونين منظر جفوفه
كاتب عذر عالماي يشرح ظروفه
معذور اذا بالموت خدرج اعوفه

عمه .. زينب
 بيدي دفنت احسينج الغالي
ــــــــــــــــــــــــــــــــــــــــــــــــــ
 ياعمه من اليوم محد يكفلج 
جوه الترب ياحيف مدفونه اهلج
ادري الشمر ملعون رايد يذلج
احسينج وعباس ماتو يكلج

عمه .. زينب
 بيدي دفنت احسينج الغالي

ــــــــــــــــــــــــــــــــــــــــــــــــــ
للشاعر احمد العكيلي


https://tttttt.me/ssgadAl

#قصائد_الدفن


ســـلام الله علــى رسمــك يابوأليمه
ســـلام الله علــى جسمــك يابوأليمه
****
ســـلام الله علــى جسمـك يبو الأكبــر
علــى الغبــره صريــع وبالدمّه أمعفـر
ثلث تيــام فـــوگ الغبــره ظـل بالحــر
يــا وسفه طريــح وعل الثـره امطبــر
سلام الله على أجــروحه ونــزف دمه
*
عــزيز الــزهـره انــته يجفنــك ذاري
جسـد خلّـوك لكــن عالــرمـل عــاري
لجّل الــدين كــل شــي انطيت للباري
يــا ســر الوجـــود الحيّــر أفـكــاري
سلام الله علــى سره الصعــب فهمه
*
عجيبه اشلون داست فــوگه خيالــه
وكتاب الله جسمـك گطعــو أوصــاله
جـــدك والـــزچيه نظــــروا لحــالـه
أمغسأأل بالــدمّــه ومسلّـبه أعيــاله
ســـلام الله عليها گــامـت أتشمّـــه

*

تشم جسمك أظنها وتجري دم العين
يا بويه تصيح شحاله شـوف حسين
يا جــرح اليضهدك يبني صاير وين
جرح عبدالله الأكبــر گطّعَـت الچفين
ســـلام الله عليـــك أتصيــح يـــايمّه

*
جسد وبلا راســـه شلــون يالغــالي
يـــريد أيشوف وجهـــك يبني دلّالي
يريت وياك كون امگطعـه أوصالي
ومثل حــالك يريت أتصير أحـوالي
سلام الله علـى ألي غيــرو رسمــّه
*
يبني اشلون دفــانــك حفـر لحـدك
أوسد يا جسـد والـراس ما عنـدك
يمّن جبريل جـان ايلولــي بمهـدك
ولا چنه محمد يــا الــولــد جـــدك
سلام الله على الي حارو أبجسمه
*
الشاعر
موسى البديري


https://tttttt.me/ssgadAl

#قصائد_الدفن

قصيده في دفن جسد الامام الحسين عليه السلام
لسان حال الامام علي السجاد عليه السلام

اعظم مصيبه
اليدفن حبيبه // بيده ويهيل تراب
.........

يعينه الله اليفارگ بالعمر غالي
ينزله لگبره بيده بمدمعه الهالي
يهيل تراب گبره وينجرح تالي
يرجع من حبيبه ومن يرد خالي
هذا الحال يالتنشدني عن حالي
أنه السجاد جيت ومنشده بالي
جيت بعذابي
جمرة مصابي // ادفن حبيبي الغاب
.........

حبيبي حسين ابويه الغالي من عفته
بلا راس وحوافر خيل ساحگته
اجيت اليوم ادفنه ويلي من شفته
عله التربان دامي مگطعه جثته
اشيله شلون حاير والله من شلته
بحصير حسين ابويه بيدي لملمته
شيخ العشيره
شلته بحصيره // عاري وبلايه ثياب
..........

بلا راس الحبيب حسين بس جسمه
مگطع بالسيوف وغيّروا رسمه
نزلت لگبره داخل باللحد يمه
انوح وابچي وامزچ دمعتي بدمه
حرت ياناس ابوسه منين وشتمّه
كل موضع جرح نسمة هوى تلچمه
روحي عله روحه
ومسح جروحه // بالمدمع السچّاب
...........

شكبر صبري عجيبه ومانفذ صبري
ابويه حسين ادفنه وماخلص عمري
ولن صوت الحبيب اللّي كسر ظهري
سمعته من النحر يحچي وشغل فكري
يگلّي خلّي عبدالله على صدري
علي يبني انذبح عطشان مو تدري
خلّيته بامره
طفله عله صدره // عبدالله كلّه خضاب
...........

دفنت حسين ابويه وريت دفنوني
ولا شوف الجراله وتنعمي عيوني
اظل يم گبره عمري لو يخلّوني
لچن مو بيدي عدواني يأذّوني
عليل وبالأسر لازم يمشّوني
وي عمّاتي امشي وما يرحموني
بجروحي شايل
گيد السلاسل // لا اخوه لا اصحاب

سيد زيد الفحام
____________________________


https://tttttt.me/ssgadAl

#قصائد_الدفن

(عگيلي ليلة الدفنه)

دفان اتعنه من الكوفه
********
راح السجاد ايوســدهم
شلون ابياحاله يشاهدم
شاف حسين وجسمه موذر
واخوانه شباقي من عدهم

ضل واگف يمهم واتحير
وادموعه اعليهم مذروفه
دفان اتعنه من الكوفه
********
راح العوده ايصب المدمع
منك يابويه اشراح اجمـع
ابلا راس وفاگدلك خنصر
جـسمك شو هالكله اموزع

اتوسـد يـمـه وضل يحفر
گبره واتصب دم اچفوفه
دفان اتـعنه مـن الكـوفه
******
بچفوفه شايـل عـبد الله
من يعثر صاحاله اسم الله
وبنحره ايـشم ويــتـحـسر
سهمك خويه ابنحرك صلّى

بالخيمه من حرگو مهدك
امك تسعه اعليه واطوفه
دفان اتعنه من الكـوفه
*******
راح الجاسم شافه اموذر
نايم يـمـه الـحـيد الاكـبر
ابگبر حسين ومن وسدهم
راح العمه حامي الـخـدر

اعليك اعيالك ياعم كلهم
گالـو قَبله من اتشوفه
دفان اتعنه من الكوفه
******
محتاجه اعيالك تحميها
ياعباس وتدري اشبيها
اهل الكوفه صاحو زينب
اخت العباس اميسريها

وماي الحار اعلينه صَبّو
وبحبال ايدينه مچتوفه
دفان اتعنه مـن الكوفه
***********
وسّـد كـل هاشـم وحـده
والراد ايعينه اعليهم رده
يابني اسد انتو اعـليـكم
دفن الانصار اعلي شـده

بعد الدفنه اعليهم صلى
قرآن ورتل بـحـروفه
دفان اتعنه من الكوفه
**********
رد للكوفه وهدمه امترب
دافن اهله. وهـم اتغرب
متعوب هواي من لمدفن
وتناشد بي ضلت زَينَب

عن اخـوتـها ودمع اتفجر
چن شاطي ويلطم بجروفه
دفان اتـعـنه مـن الكوفه
********
عمار حسن الدراجي/١٢/محرم/١٤٤١

https://tttttt.me/ssgadAl