#قصائد_الدفن_نعي


نعي "لدفن الاجساد "
.........
اخـتـنك عبره العليل وهـل عبرته
ويـسـيـل دمـوع مـن دم بـدمعــته
حـين شـاف الوالـد الحـزو ركبـته
شاف عاري مسلب ومرميه جثته
وبعــد ما خلص دفن وكمل مهمته

رجع عـنـد الخـرابه وشـاف عمته
علي عمه كًلي حسين شلون شفته
وعـن حاله سـولفلي ومن نضرته
جـثيره جروح بي عمه ما عـرفته
وجـم جرح بجـروح دلاله حسبته

الصدر مهشـوم يا ضلع الجـمعنه
احجـيلي ابـوك يعـمه لـمن وصلته
عمه اكعـدت يمه احـاجيه وكعدته
عـن يا جـرح اليألمه اكـثر نشدته
عـمه هم جاوب لـون عـني سالته

وهـم كلك وين زينب راحـت اخته
وهم شاف سـبيي لـمن انه عبرته
هم كتله انه بصوت الزجية ندبته
اخـوي حـسيـن عـمه انه عـذرته
أشكلك سكينه لورقية هم راد بنته
..........
الشاعر
اياد الفرح التميمي


https://tttttt.me/ssgadAl

🏴 مجموعة في رحاب الحسين 🏴

◾️ بإمكانكم متابعة قصائد الدفن على الرابط أدناه 👇🏻👇🏻

https://tttttt.me/ssgadAl/5653

#قصائد_السبي


دمعي بغيابك ما رحم بية
كالولي شسمج كلت مسبيه
زينب انه وتدروني
ذبو رمل بعيوني
كالولي شسمج كلت مسبية
*
ز.ينب انه ومتحيرة .. ماكو زلم بس نسوان
طرينة سوك وبي شفت ... يتشمتون العدوان
حرمه جبيرة ابهلعمر .. مو مال ادخل ديوان
شو هسه صرتولي زلم .. جا وينكم لمن جان
عباس .. ابزودك جنت اميرة
عباس .. بعدك صرت اسيرة
دمعي بغيابك ما رحم بية
كالولي شسمج كلت مسبيه
زينب انه وتدروني
ذبو رمل بعيوني
كالولي شسمج كلت مسبية
****
درب اليسر ينزف وجع .. والوجع شل الساني
بجاني مو درب السبي .. افراگم بجاني
برماح شالوكم شفت .. وارجفت من طكاني
خافن تصير العاصفة .. واتطيح روس اخواني
عباس .. راسك نزف وانتة الحب
عباس .. طول الدرب دم اتصب
دمعي بغيابك ما رحم بية
كالولي شسمج كلت مسبية
زينب انه وتدروني
ذبو رمل بعيوني
كالولي شسمج كلت مسبية
*
ابذاك الدرب فوك الهزل .. يحسين الك مشتاكه
مر بية لو مرت حلم .. احسبها عود املاكة
هوة اليحب من ينجرح .. شيسوي بيه افراكة
كلساع اغفة امن التعب .. وبية تطيح الناكة
عباس ..وينك يبعد اعيوني
عباس .. شوف الزلم يسبوني
دمعي بغيابك ما رحم بية
كالولي شسمج كلت مسبية
زينب انه وتدروني
ذبو رمل بعيوني
كالولي شسمج كلت مسبية
*
ابسوك العبيد انا ارجفت.... ايبيعون رادو طفلة
والطفلة ضلت تسألة .. خذني لأبوي اتگلة
يا خوية لو طر الفجر... ريجي افتحة ابهزلة
وليهسه ظهري بي ألم .. من طحت من التلة
عباس .. واعلينة ضل ايحرض
عباس .. خمسين عمري واركض
ظمعي بغيابك ما رحم بية
كالولي شسمج كلت مسبية
زينب انه وتدروني
ذبو رمل بعيوني
كالولي شسمج كلت مسبية
****
ما بينه خويه اعلى الركض .. اطفال وازغار اوياي
والشمر ما عنده رحم .. كدامهم يشرب ماي
لو طفله طاحت بلركض.. ينمرد كلبي ابلا راي
ايصيحون كلهم علضعن .. كملو الركض ماتت هاي
عباس .. ظهري انكسر من همي
عباس ..وامنين اجيبك يمي
دمعي بغيابك ما رحم بية
كالولي شسمج كلت مسبية
زينب انه وتدروني
ذبو رمل بعيوني
كالولي شسمج كلت مسبية


الشاعر علي العبادي


https://tttttt.me/ssgadAl

#قصائد_السبي_أبوذيات


ابوذيات للسيده زينب عليها السلام الشاعر موسى البديري

گالـــــوا للسبــي هـــاليـــوم جـدمـاي
وبـــلا كــافـــل حسافــه ســار جدمـاي
درت صوب المدينه وصحت جد ماي
تغسل حسينك الظل عالوطيه
*
مشينـــه اجســــاد عفنــاهــــا لهنــه
وفــــلا أدروب السبي عنكــم لهنــه
الحــــرم تـــدري يبو الحملــه لهنــه
شباب اعلي الارض ضلوا رميه
*
يـــلايم لا تگــــل الگـــلــــــب كف اه
وكفيلي أعلى النهــر مگطــوع كفـــاه
سهــم عينه حسافـــه الشــوف كفـــاه
شلون يشوف ضعن اخته سبيه
*
دواهي الطـــف مثلهـــا بعــد شدها
اوسيع الراي منـــه الــــراي شدها
چفوفي الشمــــر يا عبـــاس شدها
بحبل مچتوفه يا خويه لرقيه
*

الشاعر موسى البديري

https://tttttt.me/ssgadAl

#قصائد_السبي


لا يهمك...لو شفتني وي الغرب
لا يهمك... أكبالك آني وأنضرب
لا يهمك... راجعه أندل الدرب
................................
ها يعافيتي وبعد ناسي وهلي
ها يرفعة راسي أنته وكافلي
لا يهمك خويه ما كل العلي
بس اريدك تعدل الهودج ألي
ها يروحي... جفوفه ضلت عالنهر
ها يروحي...اعيونه فاركها البصر
ها يروحي...لا تلجمين الكلب
.......................................
لايهمك يا كمر أمر السبي
المهم اشلونك انته يالأبي
جني اسمع صوت خويه اتقربي
أطمئن لاخيمه ضلت لا عبي
جيت اخبرك... يابو فاضل كوم الحك
جيت اخبرك... متني من السوط ازرك
جيت اخبرك... ويني ووين الحرب
.......................................
يا جرح بالي الحلم يجبر بعد
كون ناسي جيت اذكرك بالوعد
اليتامه اتصيح ابو فاضل مدد
حيلي كبل الخيمه طاح وي العمد
أفزعلهم... حايره والحيره حيره
أفزعلهم... واحد انته وماكو غيره
افزعلهم... ماشبعت امن الترب
.........................................
من رحت للماي واني انتضر
ها اجه العباس كالوا يعتذر
حرت مابين اعتنيلك والشمر
منين مادير الوجه خويه انسطر
هذا حالي...من رحت واني غريبه
هذا حالي...المثلك انته منين اجيبه
هذا حالي... انشاف طولي عن قرب
.........................................
يالجبتني امن الوطن واني جنت
لويمر طولي الهوى وينك صحت
يابوفاضل خويه اخبرك من طحت
بلايا كافل هسه مسبيه رحت
ما اعاتب... خايفه اعتابي يجرحك
ما اعاتب... عالي راسك فوك رمحك
ما اعاتب... ادري الموادع صعب
لايهمك لايهمك


خادم خدمة الحسين
الشاعر
محمد الموالي

https://tttttt.me/ssgadAl

#قصائد_السبي


خــويــه يشيــال العَلــم
چم حيـل مـن عنـدي هـدم
درب السبي وحرگ الخيم
يا أبو فاضل

****
ما أعــاتب وانته غايب يالجبتني وياك من ارض المدينه
گلبي ذايب والأجـــانب بعد عينك خويه ضعني امسلبينه

يا خــويه ليلي إبــلا گمر ليــل النــوايب
لخيالي مــا واحد نظـر شوف المصايب
بعــدك سبيـه وبالظعـن تنظــرلي أجانب
ياخويه تسوه معاتبي لــــو ردت أعاتب
ترضه يسيره وانسبي وسر الله بيه والنبي
أية شرف جوّه العبي يــا أبــو فاضـــــــل

*

حگــي انعــه وتبچي سبعه فاگــده كشخت خدر يم الشريعه
روحي شمعه دمعــه دمعـه ذابت أبيوم الهوّت أيـدك گطيعه

خويه يــوم الي هــوّت عالشاطي چفين
انكسر يـا خويه ابــوگعت ظهر الحسين
خويه وألنه مــن طحت حرگو صواوين
خويه اركض بس شفت غربه ودواوين
يا خويه بعيوني أنرسم چفك هوى أبصفه العلم
اعتذرت عيونك بالسهم يــــا أبــو فاضـــــــل
*
يـــا كفيلــي تدري ليلي أظلم وأنته چنت التضّـوي ليلي
عيني سيلي آه يــويلـي عل الكفلني وچفه طايح آه ويلي

ويــاك اجيــت ورايتــك رفّــت عليــــه
تالــي شفتها أعلى النهـر يمــك رميــه
صوبني دهــري شچم سهم بالغاضريه
حرگ الخيام ومن رحــت عنـــك سبيه
خـــويــه يشيــال الــلوه بعدك فلا طاب الهوه
عيني عمت وانته الضوه يـــا أبــو فـــاضــــل

من سبوني وگيدوني وين كافل ضعنچ أتصيــح الشماتــه
من خذوني شتّموني هذا راسه اعلى الرمح هيبة خواته
نــادو الشمّات وأعيــوني اتجـــاره
هـذا راســه الكافــل وانتـــم يسـاره
خويه يـا فگد الاخو ما تطفه نــاره
ريت تنظــر حالــة اضعونك حيـاره
راسك على الرمح ونزف نادني احسه يا وسف
دلالي مــن شافـــك هتف يــــا أبــو فاضـــــــل
*
والــرزيــــه مــن رقـيــه تگلي ويــن الكافـــل أتأخـر علينه
شوفي أديه من أل أميه تنزف وعمي الكمر ما يدري بينه
دمعي يتفايض عالوجن مــن النواظر
گتلهه يــا عمّه يجي ويمرنــه باچــر
خويه تمنيتك لـوَن هالساعه حاضــر
بعينك تشاهد چم گلب يا خويه حـاير
ترضه يسبع الگنطره للشام أروح أميسره
وبين الشماته أمحيره يــا أبــو فاضـــــــل
*
الشاعر
موسى البديري


https://tttttt.me/ssgadAl

#قصائد_السبي


في ليلة 12 محرم

زينب تخاطب أخيها الإمام الحسين (ع)

سكته أون طول الدرب .. و الناكه تبجي اعليه

اجروحك يخويه اعله الصدر .. جنهن خيول أميه

يا حسين يا حسين

&&&&&

أم الحزن إسمي غِدَه .. و امتوني دم كامت تِصُب

او مثل الخيام ابكربله .. يلهب صُفه مني الكلُب

أتنفَّس ابكوَّه صرت .. افراكـ الأهل كلش صعُب

يحسين إذا ابجايِ انسِمَع .. معناها بالسوط أنضرُب


يا خويه من كثر الضرب .. متورِّمات إديه

اجروحك يخويه اعله الصدر .. جنهن خيول أميه

يا حسين يا حسين

&&&&&

يا خويه بـ أيتامك حرت .. ألزَم طِفِل يوكع طِفِل

او محنيه أمشي بالسبي .. بس جرحك ابكلبي عَدِل

أبجي و أنوح الـ فركتك .. و اتون على حالي الهِزِل

آنه الأميره الآمره .. مجتوفه تاليها ابحَبِل


بعد المهابه و الخدر .. صار اسميِ السِّبِيه

اجروحك يخويه اعله الصدر .. جنهن خيول أميه

يا حسين يا حسين

&&&&&

بعيوني أنظر دنيتي .. تنزِف جَرِح فوكـ الجَرِح

و اعله الوجه قصةْ ألم .. مو دمعه حتى تنمِسِح

اتكلي رقيه عمِّتي .. جا وين أبو الوجه السَّمِح

سافر أكِلْها والدِج .. او راسك أمامي اعله الرُّمِح


خوفي تشوفك عالرمح .. و اتموت أصِد رقيه

اجروحك يخويه اعله الصدر .. جنهن خيول أميه

يا حسين يا حسين

&&&&&

ضيَّعني يحسين الزمن .. و أهدانيِ اجروح اشكثر

فَرْكَتْها لِعْزاز او علي .. يا بو علي تسطر سطر

يا خويه أريد آنه أخبرك .. لختك بعد ما ظل خدر

و امتوني زركه صايره .. يا خويه من سوط الشمر


يضربني مرات الشمر .. و أوكع على الوِطيه

اجروحك يخويه اعله الصدر .. جنهن خيول أميه

يا حسين يا حسين

&&&&&

كفَّالي من بعد الكمر .. يا خويه صاير أجنبي

بت آنه حمَّاي الحِمه .. ويني أنا او وين السبي

وِلْيَه وِلُونه هالعِدَه .. او جرَّوا يخويه اِلْنه العِبِي

ابراسك يهزُّون الرمح .. خاطر يجرحون النبي


جِرْحَوا محمد او علي .. ابـ كلمةْ يـ خارجيه

اجروحك يخويه اعله الصدر .. جنهن خيول أميه

يا حسين يا حسين

&&&&&

شَبَّعني لِمْفارَكـ قَهَر .. او هذا القَهَر ما ينحِجِي

لو بي أسولف خايفه .. ايبلِّل لِحِيتك هالحجي

او بيَّه إذا ايميل الوكت .. مدري عليمَن أنتجي

إنته مِتِت منِّ العَطَش .. و آنه مِتِت منِّ البجي


بالطف رِدِت عمري خِلَص .. او وافتنيِ المِنِيه

اجروحك يخويه اعله الصدر .. جنهن خيول أميه

يا حسين يا حسين

&&&&&

خادم زينب (ع) : إبراهيم الدريس


https://tttttt.me/ssgadAl

#قصائد_السبي


يا طوس الماي .... لا تتبدن... يا طوس الماي.
ابنياتة هواي ...ما ينعدن .. يا طوس الماي..

موهينة تطلع بال عرة
عل ماي لو ترگض مرة
يا طوس الماي..
##########
بنياتي ما تدري الناس
الماي ماعده احساس
لازم يموت من هناك
من ذلة عمجن عباس
عباس اجاله وشافاء
عطشان ....واطا مگفاء
اسمي الوفاي ..يا طوس الماي
#########
بنياتي لو صار الصبح
وشفتنه راسي اعله الرمح
امشن بعيد اعله الراس
ماريد كل ساعة انذبح

انذبح حتى من الريح
لو شوف علوية اطيح
امشن بهداي.. يا طوس الماي
#########
باجر ضعن مابي نبي
ابنياتي معناها سبي
واليل لو جاب الشمس
انطنه لون من العبي
اليلة خلنه ايام
من كربله حد الشام
يا ليل الجاي ...يا طوس الماي
########
بنياتي والشام اعيون
ايشوفون زينب يردون
وقرن جعلنا خلفهم
من الله كلهم يعمون
...
الشام وية حشودة
عمچن المقصودة .
صيرلها افياي...


الشاعر كريم البطلي


https://tttttt.me/ssgadAl

#قصائد_السبي


شور…
وداعاً..ياحسين

وداعاً يالنمت عاري بهجير الگاع
عله الناگه وودعنك شني من وداع
وداع التمشي مسبيه..
بحبل شدوهن اديه..
………………………………..
عله الناكه وودعنك..
نربط چفي.. وعليك اخفي.. الم چتفي
گوه عليه اعوفنك..
يبعد اختك.. غصب عفتك.. وانه الردتك

تفيي عليه بضلالك
واضل امخدره بجالك
ولا امشي بسبي ويحدي
بضعني خويه چتالك

شبيدي عله الزمان اللي بخيي خان
مشيت وعفته ضامي مرمي عالتربان
بحسرة گطرة اميه..
بحبل شدوهن اديه..
……………………………………

بأمان الله يمحبوبي
والي الله .. الدرب كله .. سبي وذله
وكلش موحشه ادروبي..
بلا والي .. ويچتالي .. المشي مالي

وي چتالي صرت امشي
ليله ما طبگ رمشي
ميته مشيت انه للشام
وسبايا اليحدن ابنعشي

ياروح البقت بيه يبعد اختك
وانته عله الترب نايم وذر عفتك
روحي مابقت بيه
بحبل شدوهن اديه..
……………………………………
وجهي عليك اديرنه..
بدمع يجري .. آيا عمري .. كسرت ظهري
شلون اوداع اودعنه
بدي حبلي .. الشمر صدلي .. واجه ايگلي

لتأشرين اله بأيدچ
المرمي ذاكَ ميفيدچ
بهذا السيف يازينب
ذبحته من الگفه عضيدچ

وبالمحمل يخويه راسي شجيته
ويذباحك ذبحني وياك ياريته
الدواهي انصبت عليه
بحبل شدوهن اديه..
……………………………………
شفته برجله اجه وداسك
صحت وخر .. ولا تطبر .. ضحك ويجر
من شعرك گلب راسك
رفس خصرك .. سحگ ظهرك .. وبده ينحرك

ودمك نفط ابوجهه
وهامك بالحجر فجهه
وغرز رمحه بعظم نحرك
والدنيه انگلب عجهه

يخويه الدنيه بالعجه اصبحت سوده
ولگيت ايدي عگبها بحبله مگيوده
ويضحك من يصد ليه
بحبل شدوهن اديه..
……………………………………

يخويه راحت الهيبه..
زجر سبني .. وشمر طگني .. بحبل جرني
منين الكافل انجيبه..
وعلى نهره .. نخسف بدره .. نگطع نحره

وگع عباسي بالمصرع
جسمه عالثره مگطع
وماعاتبته بس گتله
اظن يمك بعد مرجع

راح امشي واظن راح اندفن بالشام
شبقه يمك بعد بس ظل رماد اخيام
الگبر بالشام تاليه
بحبل شدوهن اديه..
……………………………………
واظن الاصعب عليه..
اطب مجلس .. وَعليَّ الحس .. الگبل يهمس
اطب مچتفه اديه..
يبو اليمه .. علي زحمه .. الزلم لمه

بنصهم تصعب الوگفه
ونظرات الزلم صلفه
وادينه مربطه بحبال
بدينه شلون نتخفه

الماعدها ولي گوه تطب ديوان
بنص الوادم ايعاينها ياهو الچان
حتلو چان علويه.
بحبل شدوهن اديه..


الشاعر عقيل كاظم الحسناوي


https://tttttt.me/ssgadAl

#قصائد_السبي


الأميرة نامت وصبحت اسيرة..
يا زمن دار اعله اخت شيخ العشيرة..
هيه وبلحضه جزت عزهه وخدرهه..
وع السفر مابيهه الحرمة الجبيرة..

سار...
والضعن من سار..
والكلب محتار...
لا علم يحميه..
والله يدري شصار..

اليل...
من يجلجل ليل..
تفر عليهه الخيل...
حرملة والاصياط..
صوطه ياخذ حيل...

كسرو علم غربو ضعن
بم الخدر دار الزمن
اليل اليمر ابلا كمر
يجوي العلاوي لو بجن
ــــــــــــــــــــ ــــــــــــــــــــ ــــــــــــــــــــ
يسرو عفة علي وعمت الهواشم..
اولا سئل كافلهه ضل عالغبرة نايم..
والدمع من ينزل ايعطش متنهه..
وتروة من صوط السبي سمعو يعالم

ليش...
الا هيه ليش...
زينب بنص جيش..
الخدر والشام..
العفه لا متعيش...

نوك..
حرمة فوك النوك...
والستر محروك...
الما تعرف الباب...
طبت ابنص سوك..

بسوك العدة طب الخدر
وزينب تلوج اعله الكمر
شبعت شماته بت علي
الماعدهه اخو تشبع قهر..
ــــــــــــــــــــ ــــــــــــــــــــ ــــــــــــــــــــ
مانست كل الدرب تنطر اهلهه
كل دقيقة اتضن كمرهه يفزع الهه
خدر ال الله كطع درب الصحاري
هيه حيرة وزينب الحيرة شيحلهه

نار...
بيهه شبت نار..
والكلب محتار..
بالدرب يا ناس..
ضاعو الهه زغار..

صوت...
الهه مامش صوت..
والسبي تابوت..
والعطش والحر...
بالعقيلة موت..

حر الشمس  فت الكلب.
وعالهزله اشطوله الدرب..
مايكضي درب البي صياط..
ما ينحمل درب الغرب...
ــــــــــــــــــــ ــــــــــــــــــــ ــــــــــــــــــــ
والدمع يلجم اديهه من تهمله
من الحبل مجروحه وبخاطرهه عله
الما عرف عباس طول اخته الاميرة
بت علي اتماشي زلم ماهيه سهله

ضيم...
ام ستر وحجاب..
كبعاهه اتراب..
بيا وكت ياناس..
بت علي اويجناب..

خوف...
هزلة اه وخوف...
خلفتهه اطفوف..
من القهر زينب...
ما اضنهه تشوف..

موت وقهر  اه والم
يكسرهه ليل ابلا علم
اتنــــوم اليـــل  وتضل
سهرانه اخت راعي الشيم
ــــــــــــــــــــ ــــــــــــــــــــ ــــــــــــــــــــ
تعبت وتعب المشي ايورم جدمهه
تسولف المن تحجي ويهزله المهه
حته ناكتهه بجت من وگفوهه
اه يباب الساعة مو شيب هدمهه

شيب...
گباعهه الشيب...
والدمع مي غيب...
والشماته اهواي...
الشام مابي عيب...

لون...
خاطفلهه الون...
ويلي يا ام عون..
من القصر جن صوت..
زينب ايصيحون..

گل السلام اعله المشت
بديرت شماته اتغربت
وراس الكفلهه اعله الرمح
كلفه الاميرة لو بجت.
ــــــــــــــــــــ ــــــــــــــــــــ ــــــــــــــــــــ
عباس أديب المالكي...

https://tttttt.me/ssgadAl

#قصائد_السبي


ياروس افزعي ،علي وضعي ،الي ماينحمل
اتلاحكوني ،سبوني ،وشتمني النذل
بعيوني ضاكت يخوتي الوسعه
سوط الشمر محتاجه اليمنعه
،،،،،،،،،،،،،،،1،،،،،،،،،،،،،،،،،
اشكي الروسكم ومشتت البال
ولابيكم عدل ويفل الحبال
هيه المعركه موحصت الرجال
شمسوين ويضربون الاطفال
ورم متنهم ،وضعهم ، يبجي الصخر
اتمنه موتي ،يخوتي، كتلني القهر
فوك الهزل نادتكم الدمعه
سوط الشمر محتاجه اليمنعه



،،،،،،،،،،،،،،2،،،،،،،،،،،،،،
تدك اطبولهه علئ ادموعي الارجارس
ويحركون كلبي بطاري عباس
بنصهم كام شامت صاح ياناس
بثكله الخيل فوك احسينهم داس
يخنك حجيهم ، سبيهم يشيب الكلب
مجتوفه اديه ،وعليه ،تأشر الغرب
ياهو الي صوتي منكم ايسمعه
سوط الشمر محتاجه اليمنعه
،،،،،،،،،،،،،،3،،،،،،،،،،،،،،،
صاحوا شوفي زينب ديري العين
ذاك الجندي لابس محبس حسين
لازم مثل اخوج انتي تعطشين
وبلكت تعثر الناكه وتطيحين
مركب مصابي ، وعذابي ،بسبيهم رسه
شفت الاذيه ،،وبديه ،حبلهم قسه
حبل اليسر صرت احلم بكطعه
سوط الشمر محتاجه اليمنعه
،،،،،،،،،،،،،،،،4،،،،،،،،،،،،،،،
وياي بروسكم جيتوا تحرسون
نزلوا وعن اختكم بعدوا العيون
مجتوفات اديه وحيرتي شلون
ياهو ايسد اذاني من يشتمون
محد رحمني ،وضلمني ،وهضمني الوكت
عذروني اعاتب ،واطالب ،يخوتي تعبت
ضيم الحملته محد ايجرعه
صوط الشمر محتاجه اليمنعه
،،،،،،،،،،،،،،،،5،،،،،،،،،،،،،،،،،
جابوهه وشلتهه طاست الماي
وركضت للرمح حاضنته يمناي
خويه حسين اصيحن انزل احذاي
ماشربه اله تشرب خويه وياي
ماتروه روحي ،وجروحي ،علي شفتك بجت
عطشانه امشي ،علئ رمشي ،فركتك غفت
من ضيمي اصيحن يخوتي الفزعه
سوط الشمر محتاجه اليمنعه
،،،،،،،،،،،،،،،،،،،،،،،،،،،،،،،،،،،
بشار السامي


https://tttttt.me/ssgadAl

#قصائد_السبي


ياضعن السبيه   خله الألم بيه
ظل يبرالچ حسين  وراسه دارلچ عين
        ياضعن السبيه
------------

طلع ظعن السبايه وذاب دلالي
على النوگ الهزل  والروس تبرالي
ايتام وضمايه  تندب الوالي
دخيلك ربي اريدك ترحم بحالي

هاي اعظم رزيه  ياضعن السبيه
-------------

صاحت للعليل اشلون ياعمه
ابوك حسين محد شو بقى يمه
وعلينه الگوم والعدوان ملتمه
صحت وينك يبويه وصحت يايمه

دهري اشسوه بيه  ياضعن السبيه
------------

صرت ام المصايب خل يسموني
وعگبكم ياخوتي عل هزل رچبوني
بسياط  وزجر ياوسفه يولوني
صحت يالزهره حضري شلون يسبوني

يارب البريه  ياضعن السبيه
------------

اريدنك يبويه  بهاي تحضرني
ابفقارك تجي اترجاك خلصني
صرت بالمجلس انه انذال تشتمني
اطفال وحرم  والحاله تهضمني

ياصرخة رقيه  ياضعن السبيه
-----------

رقيه تريد ابوها  والدمع يجري
الرباب تگول عبدالله شعمل دهري
يربي انخاك ونته بحالتي تدري
والسجاد گلي كابري وصبري
وقفه زينبيه  ياضعن السبيه
------------

بقلم الخادم ابو حسين العبادي


https://tttttt.me/ssgadAl

#قصائد_السبي


اليوم عباس بالطيف اجاني
بين الأيتام ابجي لكاني
بحسره الكفلني شلونج سألني
()()()()()()()()()()()()()()()()()()
إجه حبني بكصتي مسح بيده دمعتي
كعد يمي وفل الاحبال امن اديه
المشكله مو بالحبل الشام كاتلني كتل
عكب ذاك الخدر تاليهه سبيه
كتله حيل اتمرمرت عليه ليش اتاخرت
خويه جنك بطلت تسأل عليه
هسه همزين بطيوفي شفتك
بطلت ليش تسأل عله اختك
فراكك كتلني شلونج سألني
()()()()()()()()()()()()()()()()()()
ذبل عودي من السهر خويه موتني القهر
احجيلي يازينب يكلي بروح الحسين
كتله ماعندك علم طولي شافوه الزلم
انه زينب ويني أوين الدواوين
عليك سألوني بقصد تحيرت مدري شرد
بعيني شفتك عالشريعه ابلايه جفين
من وره الماي ادري خسرتك
ماتجي راح بس انتظرتك
كلبي لجمني شلونج سألني
()()()()()()()()()()()()()()()()()()
عله الفركه اتعودت بصبري كلشي تحملت
طحت يا عباس بيد الما يرحمون
كلبي شوغات انترس الدم عله امتوني يبس
كام نفسي ينكطع من ظرب المتون
الناس جنهه ماتحس حركت ايتامي الشمس
امنين اجيبن ماي وطفالي يريدون
اكره الشام يعذب طريقه
صارت ابعام تمر الدقيقه
مايدري عني شلونج سألني
()()()()()()()()()()()()()()()()()()
لحزني خويه استسلمت احسب ايامي كمت
كربله كلش علي صارت بعيده
نظرت الشامت جرح وانته راسك عالرمح
وكت خله الشمر هسه يهزلي بيده
بيش طالبني الدهر جرح الموادع كبر
والبجي للفاكد اخوانه شيفيده
مثل الهلاال ظهري تقوس
بالسبي ظاع خدري المقدس
بحزاني خلني شلونج سألني
()()()()()()()()()()()()()()()()()()
لا تكطع اوياي الامل بطيف مرني اعله الاقل
عله جروحي اليوجعني خل ادليك
جفي بالخيمه انجوه وشوفتك هيه الدوه
عيوني من دم يابوفاظل يبجن اعليك
حسين ابو حجي الترف جرحه مابطل نزف
عليه يسأل دومه ادري وظل يوديك
ادري الحسين شابك رضيعه
كلبه مالوم من الشريعه
بجروحي ذني شلونج سألني
()()()()()()()()()()()()()()()()()()
تمت----علاء الزيدي


https://tttttt.me/ssgadAl

#قصائد_السبي



مشت ع الناكه وتدير عيونهه
تريد تنزل لجن ميخلونهه

العذر يخواني    الشمر ماخلاني

الحرمه والماعدهه اخو يولونهه
..........

راح اعوفك خويه والتمسك عذر
راح  اعوفك  نايم  بحر  الظهر
اتوسلت مايقتنع خويه  الشمر
اخر  موادع  ردت   ماينتظر

والشمر مايقتنع    اوشل بعيني الدمع

الحرمه والماعدهه يولونهه
.........

باوعت ع الناكه ماشفت اللوه
ناكه هزله وتنهطر من الهوه
وين جانت طلعتي وياكم سوه
هسه اباوع صوط بمتوني التوه

متوني زركه من الشمر    خويه كلي شتنتظر

الحرمه والماعدهه اخو يولونهه
..........

خلي عينك يابو فاضل ع الدرب
راح اروح اخلافكم وي الغرب
تدري لديوان من اوصل واطب
منين ماباوع شتم سب وضرب

عودك انه مدلله   شو بقيت معلله

الحرمه والماعدهه اخو يولونهه
..........

تدري زينب تستحي من الاخو
خويه شيخلص الدرب وي العدو
راح اطب ديوان بس خمره ولهو
اذكرت ديوانه وذاك الابو

اذكرت حيدر علي    ولمت اخواني وهلي

الحرمه والماعدهه اخو يولونهه
.............

خويه محتاره شيخلصلي السبي
بالي يم احجابنه ويم العبي
احجابي المحجبني مختاره النبي
كون اموت ولا يكظ طرفه اجنبي

كون اموتن باليسر    ولا يباوعلي الشمر،

الحرمه والماعدهه اخو يولونهه

...........

موسى البطلي

نسألكم الدعاء،



https://tttttt.me/ssgadAl

#قصائد_السبي


لاخيمة لا حرك العبي..اكبر جرح جان السبي
لا مو عبايات ..اكبر جرح بات .. للهاشميات ..جرح السبي
################################
لامو حرك خيمة ..لانسوة فرت لا رعب داخل للزغار
لافزعة سكينة..لاعمه ارقية لاسلب لاهاي الخطار
اكبر جرح زينب..للمهدي من هذا الجرح واصل لهب نار
والله دنية..اتصير زينب بت علي ياناس اسيرة
والله دنية..المو اميرة اعلة البشر للجنة اميرة
زينب يشدوهة ابحبل ..وفوكاهة تركب عالهزل
هينات لجروح ..ليطلع الروح..للهاشميات ..جرح السبي
#################################
الشمر بحبالة ..لمن اجاهن جان اشد من ذبح الحسين
هذا الكتل عادة.. بس مو بنات المصطفى اتصدلهن العين
ما صارت الهاشم..ايطلعن بنات ميسرات من الصواوين
وين صارت..لال هاشم تنجتف بحبال نسوان
وين صارت..من صواوين الفخر دخلوهة ديوان
للال النبي عادة الكتل.. بس ماكو عادة اعلة الحبل
موعادة لحبال..وتصد الرجال ..للهاشميات ..جرح السبي
#################################
كلمن ملك غيرة..السبي ايكتلة مو حرك ذيج العبايات
قصت عرض هاية.. مو اي نساء الطالعة ذن فاطميات
صح عالمة الحرة..ثورتهة جانت عالكفر ثورة حجابات
ثورة سوت..وما رأيت الا جميل الصار بينة
ثورة سوت..صح حجتهة بس بقت زينب حزينة
صح ثورة علنت عالكفر..بس وسفة اذاهة الشمر
قادتهة لضعون..بس صدت عيون ..للهاشميات..جرح السبي
#################################
الفاكد اخوانة..ابكلب العقيلة اتصور حسين ومصابة
الطيحة مو سهلة..بس صعبة زينب تكعد ابنص الخرابة
الدنية دوارة.. الخلت يزيد اعلة النسة ايسولف خطابة
ياعملت الشام ..راس الحسين ابنص طشت وتشوفة لعيون
ياعملت الشام.. ايزيد يضرب بالثغر خاطر يشوفون
بالمخصرة ايطك الثغر..خلة العقيلة تشب جمر
ياموقف الشام.. ياذيج ليام ..للهاشميات ..جرح السبي
#################################
هذا الجرح باقي ..موقف دمع كل مايمر ذكرة اعله الايام
من يذكر الراوي ..اكبرجرح شاف الزمن زينب وليتام
والذبحت الشيعة ..هند ابقصر والحرة ماضلت بالخيام
اتبات بقصور ..خادمتهة والاميرة بلاية خيمة
اتبات بقصور ..وصاعدة فوك الهزل زينب هضيمة
هند اصبحت متخدرة ..ولبوة علي متيسرة
دورات ليام ..ماخلت اخيام ..للهاشميات ..جرح السبي
#################################
ذوالفقار الزيدي



https://tttttt.me/ssgadAl

#قصائد_السبي


قصيده نزله... حال السيده زينب عليها السلام في السبي

زينب المحجوبه
عالهزل مهيوبه // والكفيل وياها
..........

هاي زينب بت نبينه كلكم تعرفوها
عرفوا سيرتها وقدرها لمن توصفوها
الگال ذلت يخسه والله حاشا ما ذلّوها
ثنين جبرائيل نفسه والگمر حرسوها
حيدر مربيها
زينب مسمّيها // والكفيل وياها
............

عالهزل لمن خذوها من عكب عباسها
صح سبيه هيه لكن ما تدنّگ راسها
هاي اخت عباس زينب عايش بانفاسها
طلعت وكل الملائك بالدرب حرّاسها
زينب بايمانها
خورست عدوانها // والكفيل وياها
..........

عالرمح وياها ماشي راس اخوها الغالي
يباري زينب ما تركها تطلع بلا والي
ابو فاضل كافل خته كل وكت للتالي
ما تدنّگ راس زينب راسها يضل عالي
عالهزل مشّوها
عجزوا يذلّوها // والكفيل وياها
........

ذلّت ابن زياد زينب خطبت بديوانه
كشفت الوجه الحقيقي عن ابن مرجانه
والله ما خوّفها والله بسطوته وطغيانه
هزت الكوفه بحچيها چن علي بميدانه
هذه لبوة هاشم
ما تهاب الظالم // والكفيل وياها
...........

يا مرَه الصبرت مثلها وما شكت آلامها
چانت ايام السبايا اقسه كل ايامها
صبرت وذلّت عدوها لحظه ما طخ هامها
من عكب عباس هيه تكفلت ايتامها
الله حفها بنوره
عالسبي مجبوره // والكفيل وياها
...........

عالهزل راحت اميره هيه زينب هيه
تبقه خت عباس حره حتى لو مسبيه
هذه ترباة الزچيه الراضيه المرضيه
يخسه كلمن گال ذلت زينب العلويه
حتى لو مهضومه
بالخدر محشومه // والكفيل وياها

سيد زيد الفحام
__________________________________


https://tttttt.me/ssgadAl

#قصائد_السبي


محـــرم ١٤٤١ هــ
الأطفال يخاطبون السيدة زينب عليها السلام
اثناء السبي...

عـمـه اشـيـريــدون....نـوﮔـف يـضـربــون
نمـشـي ويـزجـرون....نــركــض يـجــرون
عــمـه اشـيـريــدون

عـمـه واشـيـردون مـنَّـه....جاي نمـشـي امـﭽـتفـيـن
والـدمـع ماكـل وجـهـنـه....وهـمَّـه عمـه امـكـيـفـيـن
والطـفـل مـحـد يـضربه....مـن أهـلـنـــه امـعـلـمـيـن
اسيـاطهـم شـو تشتهـيـنه....اكبـار خـاف امبـيـنـيـن

خـاف احـنـه الازغـار....انـبـيـنــلـهــم اكـبـــار
كـبــرتــنـه الاخـطــار....وشـيــبــنَّــه بـالـنـــار
عــمـه اشـيـريــدون
ـــــــــــــــــــــــــــــ1ـــــــــــــــــــــــــــــــــ

ويـن مـا حـفـره هـزلـهـم....يـمـشـن الـهـا امـعـلمـات
حـتـى يـاذنَّـﭻ قـصـدهـن....عـمــه ذنــي امــدربــات
ومثل ذيـﭻ الخيل بالطف..ايسحـﮔن بكل صدر مات
وﭽـنهن إنتصرن نحسهن....مـن تـطَـيَّـح امـخـدرات

والـيــوﮔــع هـــنـــا....انـﮔـلـه عـلـي اويـاه
وحـقـداً نـظــرنـاه....اسياط اعله مـﮔـفـاه
عــمـه اشـيـريــدون
ــــــــــــــــــــــــــــــ2ــــــــــــــــــــــــــــــــ

عـمـه ذولـه الـلي سـبونـه....هـيـﭻ وي كـل الاطفـال
ابـيـتهـم يـعـنـي طـفـلهـم....هم يـﭽَـتفـونـه ابحِـبال
إحـنـه ﭽـا شعلـينـه بيهـم....عـمــي ﮔـلـيـلـه تـعـــال
وخـل نروح اعله الشريعه....وخـل يـشوفـون الدلال

ﮔــلــيــلــه عــبـــاس....خـيـعَــلَّـــم الـنـــاس
عن معنى الاحسـاس....ﭽـا ذولـه الارجـاس
عــمـه اشـيـريــدون
ــــــــــــــــــــــــــــــ3ــــــــــــــــــــــــــــــــ

ذولـه مـحد ﮔـايـل إلـهـم....المـراءه مو مالت هـزيـل
المـراءه بالخيمه بعبـايه....هـيـﭽـﻲ عَـلَـمـنه الكفـيل
وسيفـهـم يـنجـر علينـه....واحنـه بـيـهـم مـا نـعـيـل
عـمي شـو سيفه يجرده....بوسط جيش إلا وثـﮔـيل

بـس مِـن الاطـفــوف....بيـهـم بـقـى الخـوف
وما ظل اله اﭽـفـوف....إلـمـن هـالاسـيــوف
عــمـه اشـيـريــدون
ــــــــــــــــــــــــــــــ4ــــــــــــــــــــــــــــــــ

الطـفـل مـن محد يلـزمـه....ايطيح واهله أيـﮔومـوه
هنـانه ﮔـوه أيـطـيـحـونـه....ومـن يـﮔـوم ايطيحـوه
وعمه لـيـسألـونه ابـن من....غـيـر يـذكـر اسـم ابـوه
ليـش ﭽـا بينـه اليجـاوب....حـيـل حـيـل إيـعـذبـوه

وما مـش أبـو العاد....انـذبـحـو ولا فـاد
رجـعــــو عــالاولاد....صبـوهـا الاحـقـاد
عــمـه اشـيـريــدون
ــــــــــــــــــــــــــــــ5ــــــــــــــــــــــــــــــــ

عـمــه خـل إيـعـذبـونــه....وفدوه بينه الطاح طاح
انـتـي ما دامـﭻ اويـانــه....مـن نشـوفـﭻ نـسـتـراح
اللـيـل مظـلـم بالخـرابـه....ويـمـﭻ إيـبـيـن صـبــاح
وصح عباتـﭻ سوده لكن....كـل ضـوه الله منها لاح

مـشــكــوره يـالــدام....بـﭽـفــوفـﭻ اســـلام
يَـمـطَـيَّـحــه الشـــام....باعـبــايـه وايــتـــام
عــمـه اشـيـريــدون
ــــــــــــــــــــــــــــــ6ــــــــــــــــــــــــــــــــ

أحمد البصراوي العبادي


https://tttttt.me/ssgadAl

#قصائد_السبي


سجن الخرابه

اغرب سجن مابي سگف سجن الخرابه
بيـبانـه كلـها امـفتـحه بـس الغـرابـه
مسجونه مايقبل يفر
زين ولگه حايط ستر
سجن الخرابه
+++++++++++
من شمس ماساترتنه وبسجنها راضيات
ناصيه الجدران چانت الا نمشي امدنگات
لا عرف يسأل علينه واليسيرن شامتات
الصوت من يناصاح بينه سكته نبقى خايفات

چانت عقوبة كل طفل مايبچي سكته
ايشدوها عينه حـته ما تنـزل دمعـته
چان المهم عدنه الخدر
زين ولگه حايط ستر
سجن الخرابه
++++++++++
باب مـاينـدگ عليـنه بالخـرابه ماكو باب
والعصر كلساعه داخل شماته اويه عياله طاب
كلهم التموا عليها بالهـوى اتلولي الـرباب
اتنادسو شمضيعه يمكن بالمهد ماضنه شاب

بگماط ابنها اشّرت للناشدتها
چلمة دللول الولد ما فاركتها
واليفگد بهذا العـمر
زين ولكه حايط ستر
سجن الخرابه
+++++++++++
كلمن وتروي حلمها من يجي وكت الصبح
فوگ جدران الخرابه كلمن وترسم جـرح
الراس لترسمه الرباب ازغير وچبير الرمح
انه اول ما رسمت الخيمه فجئه وتنمسح

مـن ارسمتـها تنچـوي حسيت اديـه
وسكينه خافت تحترگ صاحت عليه
لا يرجع اعلينه الشمر
زين ولگه خاط ستر
سجن الخرابه
+++++++++++
وكت الاغروب وصفنتي عاليتامه حايره
وحشه ياليل الخرابه وانه حارسهن مره
تتعب تغفه اليتامه وانه عيني مسـاهره
التلچم الگاع بمتنها صعـبه نومتها تـرى

وارقيه مثلي ماغفت حسره بصدرها
اشما حاولت ماتقتنع حيرني امرها
المثلچ اگلها عنده سر
زين ولگه حايط ستر
سجن الخرابه
++++++++++++++
سهرت ارقيـه ابتعبها وسلهمت وجه الفـجر
فـزت بصرخه اذكرتها بيوم سحگت عالجمر
هسّه ابوي اتگول جاني ضمني حيل اعله الصدر
گـعدت ابـاب الخرابه ايـرد عليها تنـتظر

مو عالـمهر راس بطشت سيـير عليها
برموشه ما ادري شحچه ومدت اديها

الراد المنيه امن الزغر
زين ولگه حايط ستر
سجن الخرابه

ثائر الربيعي


https://tttttt.me/ssgadAl

#قصائد_السبي


محـــرم ١٤٤١ هــ
الأطفال يخاطبون السيدة زينب عليها السلام
اثناء السبي...

عـمـه اشـيـريــدون....نـوﮔـف يـضـربــون
نمـشـي ويـزجـرون....نــركــض يـجــرون
عــمـه اشـيـريــدون

عـمـه واشـيـردون مـنَّـه....جاي نمـشـي امـﭽـتفـيـن
والـدمـع ماكـل وجـهـنـه....وهـمَّـه عمـه امـكـيـفـيـن
والطـفـل مـحـد يـضربه....مـن أهـلـنـــه امـعـلـمـيـن
اسيـاطهـم شـو تشتهـيـنه....اكبـار خـاف امبـيـنـيـن

خـاف احـنـه الازغـار....انـبـيـنــلـهــم اكـبـــار
كـبــرتــنـه الاخـطــار....وشـيــبــنَّــه بـالـنـــار
عــمـه اشـيـريــدون
ـــــــــــــــــــــــــــــ1ـــــــــــــــــــــــــــــــــ

ويـن مـا حـفـره هـزلـهـم....يـمـشـن الـهـا امـعـلمـات
حـتـى يـاذنَّـﭻ قـصـدهـن....عـمــه ذنــي امــدربــات
ومثل ذيـﭻ الخيل بالطف..ايسحـﮔن بكل صدر مات
وﭽـنهن إنتصرن نحسهن....مـن تـطَـيَّـح امـخـدرات

والـيــوﮔــع هـــنـــا....انـﮔـلـه عـلـي اويـاه
وحـقـداً نـظــرنـاه....اسياط اعله مـﮔـفـاه
عــمـه اشـيـريــدون
ــــــــــــــــــــــــــــــ2ــــــــــــــــــــــــــــــــ

عـمـه ذولـه الـلي سـبونـه....هـيـﭻ وي كـل الاطفـال
ابـيـتهـم يـعـنـي طـفـلهـم....هم يـﭽَـتفـونـه ابحِـبال
إحـنـه ﭽـا شعلـينـه بيهـم....عـمــي ﮔـلـيـلـه تـعـــال
وخـل نروح اعله الشريعه....وخـل يـشوفـون الدلال

ﮔــلــيــلــه عــبـــاس....خـيـعَــلَّـــم الـنـــاس
عن معنى الاحسـاس....ﭽـا ذولـه الارجـاس
عــمـه اشـيـريــدون
ــــــــــــــــــــــــــــــ3ــــــــــــــــــــــــــــــــ

ذولـه مـحد ﮔـايـل إلـهـم....المـراءه مو مالت هـزيـل
المـراءه بالخيمه بعبـايه....هـيـﭽـﻲ عَـلَـمـنه الكفـيل
وسيفـهـم يـنجـر علينـه....واحنـه بـيـهـم مـا نـعـيـل
عـمي شـو سيفه يجرده....بوسط جيش إلا وثـﮔـيل

بـس مِـن الاطـفــوف....بيـهـم بـقـى الخـوف
وما ظل اله اﭽـفـوف....إلـمـن هـالاسـيــوف
عــمـه اشـيـريــدون
ــــــــــــــــــــــــــــــ4ــــــــــــــــــــــــــــــــ

الطـفـل مـن محد يلـزمـه....ايطيح واهله أيـﮔومـوه
هنـانه ﮔـوه أيـطـيـحـونـه....ومـن يـﮔـوم ايطيحـوه
وعمه لـيـسألـونه ابـن من....غـيـر يـذكـر اسـم ابـوه
ليـش ﭽـا بينـه اليجـاوب....حـيـل حـيـل إيـعـذبـوه

وما مـش أبـو العاد....انـذبـحـو ولا فـاد
رجـعــــو عــالاولاد....صبـوهـا الاحـقـاد
عــمـه اشـيـريــدون
ــــــــــــــــــــــــــــــ5ــــــــــــــــــــــــــــــــ

عـمــه خـل إيـعـذبـونــه....وفدوه بينه الطاح طاح
انـتـي ما دامـﭻ اويـانــه....مـن نشـوفـﭻ نـسـتـراح
اللـيـل مظـلـم بالخـرابـه....ويـمـﭻ إيـبـيـن صـبــاح
وصح عباتـﭻ سوده لكن....كـل ضـوه الله منها لاح

مـشــكــوره يـالــدام....بـﭽـفــوفـﭻ اســـلام
يَـمـطَـيَّـحــه الشـــام....باعـبــايـه وايــتـــام
عــمـه اشـيـريــدون
ــــــــــــــــــــــــــــــ6ــــــــــــــــــــــــــــــــ

أحمد البصراوي العبادي



https://tttttt.me/ssgadAl

#قصائد_السبي


قصيده نزله... حال السيده زينب عليها السلام في السبي

زينب المحجوبه
عالهزل مهيوبه // والكفيل وياها
..........

هاي زينب بت نبينه كلكم تعرفوها
عرفوا سيرتها وقدرها لمن توصفوها
الگال ذلت يخسه والله حاشا ما ذلّوها
ثنين جبرائيل نفسه والگمر حرسوها
حيدر مربيها
زينب مسمّيها // والكفيل وياها
............

عالهزل لمن خذوها من عكب عباسها
صح سبيه هيه لكن ما تدنّگ راسها
هاي اخت عباس زينب عايش بانفاسها
طلعت وكل الملائك بالدرب حرّاسها
زينب بايمانها
خورست عدوانها // والكفيل وياها
..........

عالرمح وياها ماشي راس اخوها الغالي
يباري زينب ما تركها تطلع بلا والي
ابو فاضل كافل خته كل وكت للتالي
ما تدنّگ راس زينب راسها يضل عالي
عالهزل مشّوها
عجزوا يذلّوها // والكفيل وياها
........

ذلّت ابن زياد زينب خطبت بديوانه
كشفت الوجه الحقيقي عن ابن مرجانه
والله ما خوّفها والله بسطوته وطغيانه
هزت الكوفه بحچيها چن علي بميدانه
هذه لبوة هاشم
ما تهاب الظالم // والكفيل وياها
...........

يا مرَه الصبرت مثلها وما شكت آلامها
چانت ايام السبايا اقسه كل ايامها
صبرت وذلّت عدوها لحظه ما طخ هامها
من عكب عباس هيه تكفلت ايتامها
الله حفها بنوره
عالسبي مجبوره // والكفيل وياها
...........

عالهزل راحت اميره هيه زينب هيه
تبقه خت عباس حره حتى لو مسبيه
هذه ترباة الزچيه الراضيه المرضيه
يخسه كلمن گال ذلت زينب العلويه
حتى لو مهضومه
بالخدر محشومه // والكفيل وياها

سيد زيد الفحام
__________________________________


https://tttttt.me/ssgadAl