الامام الحسين عليه السلام يستقبل الخدام بالجنه...


يا هلا بخدامي ميت هلا
العاشت بأنفاسكم بس كربله
أمقصرين الكَال منكم
انه راضي وراضي عنكم
مسّجل الجنه بأسمكم ... تفضلو خدام
****(١)**************
منتظركم ساعه ساعه الدنيه مو الكم تره
الدنيه للما عنده مأتم ينصب بالآخره
العمره خلص بالخدامه بدمي أوقع دفتره
والشرط مخلص أريده مو فقط اسمه انقره
__________________
ماكو بالجنه نفاق ولا دجل
هنانه الينفعك فقط بس العمل
حاضر اشفع للخدمني
الجنه اله ياخذها مني
الما خدمني ما عرفني ... تفضلو خدام
*(٢)*************
الشاعر الرادود يحضر خلي نقره لفاطمه
بمجلس الزهراء تلكه بهمها فضه محزمه
والحسن والحره كعدو والدمع صاير دمه
وابو فاضل عل الشريعه يذبحه لو فات ازلمه
__________________
يسكَي الي يلطمون من مي جربته
اليدعي بالمجلس تخلص حاجته
ما تظل اي حاجه صعبه
ابو فاضل من تطلبه
ما يسده باب كلبه ... تفضلو خدام
*(٣)*************
مقدّر الناس وتهابك يا الخِدمتك من صدكَ
اليوفي وي معشوكَه هذا اليفتهم معنى العشكَ
اليلطم بحركَه عليه وصارت أمتونه زركََ
ما يشوف النار اصلاً ياهو كَلك يحتركَ
__________________
بجنة الفردوس كَاعد خادمي
واسمه بالجنه حسيني فاطمي
اتباها يا خادم امامك
شتطلب نسمعه كلامك
مرتفع يبقى مقامك .. تفضلو خدام
*(٤)*************
بكَبره اتلكَه الخدمني بوحشه ما خلي يحس
انتظره صاير انه فتره لا اليوم ولا امس
بالنهار أفرش عباتي خافن اتلوحه الشمس
واكطع ايده العله كبره الحاول يمدها ويمس
__________________
وأشعل الشمعات لو مات الضوه
لريته لو مخنوك اصيرله هوه
دمعي يمه ابقه اسيله
انه اقراله عديله
غيري ما عده وسيله ... اتفضلو خدام
****(٥)**************
اليسألك عن سنينك عمرك انته اجم سنه
كله عمري بس خدمتي الباقي ما حسبه انفنه
خلصت عمري مجالس باللطم ساسي انبنه
ومن كثر ها كد خدمتي ظهري يا ناس انحنه
__________________
قابل بكلشي انه لو حته انذبح
ابقه احبك لو ملح وانه جرح
ربي لا يحرمني منكم
يا احبابي شكد احبكم
اليوم اجازيكم تعبكم ... اتفضلو خدام
***************
خادم الحسين عليه السلام
ملا حازم البزوني

https://tttttt.me/ssgadAl

يحسين موبس النه
يالخذت ماتتمنه
بكل ريه ياطبع الهوه
شهكة عشك بالونه
يبتلي الحبك من صدك
وسوالفك كتلنه
والمايحبك يبتلي
عيون الله مايردنه
يحسين مو بس النه
كلمن يريدك بس اله. بركضة نبي مضيع ابن. نركضلك استعجلنه
يچتاف مابيهن خلگ. شايل سفينه اعله المتن. ونريد نصعد كلنه
يحسين مو بس النه
كلك عله بعضك صرت. لله ويحبك هاكثر. بالعرش دمك حنه
من كثر ماشايل طعم.
السوّاك اخذ منك عطر وطش منه وسط الجنه
جابو جمالك للعطش. ذبحو حلاتك من طحت
صاحولك تعادلنه
وليهسه ربك بالزعل. طيح وراك اشچم عرش
يرضه ابد ماچنه
ونطاك ميزه اطب عشك. كل كلب تاه بلادرب. وجروحك يداونه
يحسين موبس النه
للي يخدمك عن قصد. رايد رضاك ونظرتك. وبس ترضه رايد عنه
يحسين مو بس النه

نسألكم الدعاء
حسين صادق العقابي

https://tttttt.me/ssgadAl

لا يحافر هذا اخوي \ استحي من امي وابوي

لا تسحكه وتكسر بصدره الضلع \ارحم ايتامه النشف منهه الدمع

لا يحافر

.......................................................

يعاينن كلهن بناته عليه شو ارحم دمعهن

من تسحكه اسمع ونين وعينه دارت من سمعهن

وحده توكف وحده توكع صاحن ولزمن ضلعهن

سكنه تصرخ يارقيه وذبو بالطف شمعهن

يهلن بدمع العيون \ وين اهلنه خل يجون

تصيح سكنه بصوت بس ماينسمع\ارحم ايتامه النشف منهه الدمع

لا يحافر

..........................................................................

كافي مو اسمع رقيه اتكول عمه امشيله ابونه

عمه مو ذبحو ابونه ليش صدره يكسرونه

خاف اروح انه وسكينه ويمه خاف يعذبونه

لو يسطروني عله خدي شلون لو شافت عيونه

انتي ويانه ونروح \ نضمد بصدره الجروح

انه وياج وابونه وننجمع \ ارحم ايتامه النشف منهه الدمع

لا يحافر

لا يحافر امي فوك وناحت وصاحت رقيه

لا تروحين عله كيفج يمه ما ترحم اميه

بعدي عن نار الخيام وانه اضمدنه بأيديه

عندي قصه ويه الضلوع بيوم من هجمو عليه

اعرف الام الضلوع \ تحجي وتهل الدموع

بدمعي اضمده خاف اشيله وينوجع \ارحم ايتامه النشف منهه الدمع

لا يحافر

........................................................................

يمه لو رحتو سبايه انه اضمدله الجروح

يمه اكعد لو مشيتو وامسح ادمومه التفوح

الزم الخنصر بيديه واكعد كباله وانوح

ياعزيزي وياحياتي انه ما اعوفك واروح

حته لو بيه الالم \ انه اجيبله العلم

وابقى اضلله الشمس تلسع لسع \ارحم ايتامه النشف منهه الدمع

لا يحافر









يمه لو نرحل امانه حسين يبقى عله التراب

ضلي من نرجع ييمه انجدد عليه المصاب

يمه يمه راح اترك رقيه هناك وشلون الجواب

لو سأل هذا السؤال وكلبي ما يحمل عتاب

لو سأل هذا السؤال \ وين ودوها الجهال

يمه جم مره الكلب بيه ينفجع \ارحم ايتامه النشف منهه الدمع

لا يحافر

✍🏻 علاء المياحي

https://tttttt.me/ssgadAl

ملك الموت يعتذر عن قبض روح الامام الحسين ع


ربي اعتذر ما اكدر اقبض روحه
ربي اعتذر هواي حيل جروحه

طعناته صارن كل كتر
كاعد على صدره الشمر
...................................................

انه ملك الموت يارب مستحي هواي
مثل هيج مصيبه ما شافتهه عيناي
ربي خل جبريل ينزل كون وياي
بلكي نلكه بي نفس ونجيبله الماي

نمشي اله ونشربه ماي شويه
نمشي اله عطشان يابو رقيه

حسين احسه يحتضر
كاعد على صدره الشمر
...................................................

عيوني ما تكدر تصدله بهيجي حاله
ينذبح واشوفه زينب والثكاله
وين وصلت يا شمر بيك النذاله
فوك صدره كاعد وتنظر عياله

عيني تشوف منظر ولا شايفته
عيني تشوف مذبوح عاين لخته

وعيوني تنظر هالامر
كاعد على صدره الشمر
...................................................

منين اقبض روحه يا رب كله طعنات
وجاي اشوفن بالجسم طعنات شمات
وانه يمه جاي اسمعه يكول جلمات
نشفي دمعج خويه ما يرجعلج المات

وشامت اجه يتمضحك ويتمرجل
شامت اجه يكله جبت الهزَل

والهزَل بزينب تفر
كاعد على صدره الشمر
...................................................

ربي حكي من ارجع وروحي حزينه
حسين شفته بل حجر صابو جبينه
خنصر من ايده يربي كاطعينه
وخيل عشره داسته ومسلبينه

ربي شفت ضلوع بصدر متكسره
ربي شفت ذكرني بامه الزهره

اتشابهو نفس الكسر
كاعد على صدره الشمر
...................................................

موقف العباس انه كافي عليه
من خذت روحه وكسرت بظهر اخيه
ربي تعفيني احلفك بالزجيه
من ابوهه ما اريد احرم رقيه

بس هالامر اعفيني منه ربي
بس هالامر كاسرلي ظهري وكلبي

يا ربي منك اعتذر
كاعد على صدره الشمر
...................................................

ها يملك الموت انه نازل للحسين
نازل بلهفه علي لهفة محبين
ها ينفس المطمئنه من ترجعين
ويه ربج للسمه انتي تصعدين

ها يالنفس مرضيه ارجعي لربج
ها يالنفس والجنه صارت جنتج

من اجلي ضحه بالعمر
كاعد على صدره الشمر


خادمك حسين ابو عباس الكعبي

https://tttttt.me/ssgadAl

 مقتل الحسين عليه السلام …

إسمع للنِهايه  ..  شتگول الرِوايه
أقرالك تفاصيل  ..  عن أعظم جِنايه
”“”“”“”“”“”“”“”“”“”“”“”“”“”“”“”“”“”“
ظل وحده ضامي   انصاره واولاده واخوته اعله الترايب
للماي گاصد   راد ايتروّه وحيله يرجعله ويحارب
شال ايده يشرب   ابحلگه السهم صابه ونزل دم بيده ساچب
يحمل دمائه   للسمه يرميهه يويلي وچبده ذايب
ظل يهتف يربّي  ..  ياربّي انت حسبي
عطشان وتِوجّه  ..  للباري ابشِكايه
”“”“”“”“”“”“”“”“”“”“”“”“”“”“”“”“”“”“
يم المُخيّم   دارو عليه الراجِله وما بيه هِمّه
ابهاللحظه لَنّه   من الخيم طالع غلام ايفور دمّه
يشبه القاسم   عبد الله ابن الحسن لا تنسون اسمه
إيده اگطعوهه   من حاول بإيده يصد ضربه اعله عمّه
اشگد حاول يضُمه  ..  حسين وما يقدمه
يبقه اويه الحراير  ..  مو كلهم ضحايه
”“”“”“”“”“”“”“”“”“”“”“”“”“”“”“”“”“”“
خلصان حيله   أيّس امن الدنيا وگف يم الثنيه
طلعن بناته   صاحن يبويه استسلمت چن للمنيه
والشمر ناده   "ويحَكم ماذا تَنظَرون" اجيوش اميه
يله نذبحه   وانشيل راسه اويانه فوگ السمهريه
هجمو كل عددهم  ..  علنو عن حقدهم
ما بيهم حميه  ..  اولاد البَغايه
”“”“”“”“”“”“”“”“”“”“”“”“”“”“”“”“”“”“
كِثرت جراحه   واتمدد اعله الگاع من شِدّة اذاهه
بِسهامه يسحب   وامحاوطينه وجثْته يتفايض دِماهه
إطلَعت زينب   نادت يبن سعد وسِمع عَبره ابنداهه
ايذبحون اخويه   اگبالك يموت وچتلته اعيونك تراهه
يسمع كل حچيهه  ..  وظل يبچي البچيهه
حتّى الطاغي يبچي  ..  اشصاير من رزايه
”“”“”“”“”“”“”“”“”“”“”“”“”“”“”“”“”“”“
گرّبو يمّه   چفّه اليسار انظربت وحيل اضربوهه
لن ثاني ضربه   ما بين چتفه ورگبته ابدم خضّبوهه
عافو يعاني   ينهض ويوگع على اجروحه الصوبوهه
لا رمح باقي   لا سيف ظل لا نبله بي ما جربّوهه
ما ظل كل شي مِنّه  ..  إلطعنه اعله طعنه
والطبره اعله طبره  ..  واشفافه ضَمايه
”“”“”“”“”“”“”“”“”“”“”“”“”“”“”“”“”“”“
حاول يذبحه   "خولي" ورجف سيفه ورجع خطوه وتعذّر
والشمر بعده   داس اعله صدر حسين يا ويلي وتجسّر
واثنعش طبره   ابجسم الحُسين ابلايه رحمه الشمُر طَبّر
وثنّه ركُبته   من الگفه داره وبِده يگطَع المنحر
شاله من لِحيته  ..  وايصيح گطعّيته
لِيزيد اهدي راسه  ..  من اغله الهدايه
”“”“”“”“”“”“”“”“”“”“”“”“”“”“”“”“”“”“
الله اكبّر   السمه مطرت دم عله حسين ومصابه
والگاع تبچي   ما رفعو احجار الّا تحته الدم خضابه
ضجّه تِعالَت   ثاري الملايك بالسمه اتون لا غرابه
اعظم مصيبه   الجن والشجر والطير مفجوعه الغيابه
يا ربنه لَتَرحم  ..  مَنْ أسْرَج وألْجَم
واليترَضّه عنهم  ..  إسبيهم سِبايه
”“”“”“”“”“”“”“”“”“”“”“”“”“”“”“”“”“”“

ياسر حسن
ذي الحجة ١٤٣٩

#محرم_١٤٤٠

https://tttttt.me/ssgadAl

حسين    حسين   ياحسين

كل وداع اويه ثنين
يبن امي عين بعين
بس انته وداعك وين
محيرني وياك
برسومك شمسوين
منين موادعنه منين
متروس الطف حسين
بيا وذره الگاك

حسين   حسين   ياحسين

يموذر لا ماهيد
شيلمك من ابعيد
يحسين عيوني تريد
تقراك احساس
بيني وبينك يالعيد
سوالف خوه وتعويد
خل نرجع ايد بأيد
ونسكت الناس

حسين  حسين  ياحسين

گلبي شما هجرك طال
يشتاگ لعينك ظال
يحسين انه بيا حال
وانته بيا حال
من خلو بيدي حبال
صرت امنالعوز اخيال
ماظلت راحة بال
ياراحة بال!!!!

حسين  حسين   ياحسين

يالمذبوح اعله الكيف
بذبحك شوفني السيف
شلون يذبحون الطيف
گدام العين
يبرودة ماي بصيف
لعيونك چم ياحيف
معزب ويذبحك ضيف
الله يحسين

حسين   حسين   ياحسين

العافك بسنينه اشاف
يالكلش ماتنعاف
گلبك وي گلبي انداف
حنّــه وعِشره
شوگي اعله جروحك طاف
اسمك مثلك شفاف
يثمر بيك الصفصاف
من تنظره

حسين حسين   ياحسين

يحسين الحب معناك
وماعرفتلك دنياك
خلت حافر فوگاك
رادتلك اه
وانته تحن عالاذاك
وتريده يصير وياك
ما طلعت من شفاك
بس ال الله

حسين  حسين   ياحسين

الشاعر حيدر سامي السعدي

https://tttttt.me/ssgadAl

الشاعر خالد جيري:
حسين .. غريب .. يا ابا عبد الله
حسين .. غريب .. يا ابا عبد الله


"""""""""""""""""""""""""""""""""""

بجدم عاثر .. وكسر خاطر .. اجـيت الليله ادورنك
يبو الاكـبر .. تره الــخدر .. اجن كلـهن يشــوفنك
اجن وياي .. بديــهن ماي .. رادن بس يشــــربنك

رقيتك .. وحگك تكسر الخاطر
رقيتك .. تگلك باجر انــــسافر


حسين .. غريب .. يا ابا عبد الله
حسين .. غريب .. يا ابا عبد الله


"""""""""""""""""""""""""""""""""""

حرت يحسين .. اشوفك وين .. گـوم اتلگه عايلتك
لمجانك جيت .. بس شلگيت .. اثر دم اولا شفــتك
اثاري الخيل .. تسحگ حيل .. اثاري ابعيد ماخذتك


رقيتك .. بأديه جــايبه امـــيه
رقيتك .. تگلك الحـــگ ارقيـه


حسين .. غريب .. يا ابا عبد الله
حسين .. غريب .. يا ابا عبد الله


"""""""""""""""""""""""""""""""""""

اثر دمـــك .. وعطــــر جسمك .. هذني اعليك دلني
الجروح اشــگد .. ولا تنعـــد .. جــــروحك حيل اذني
يريحت هيل .. تسحگك خيل؟؟.. يريت الخيل سحگني

رقيتك .. تريد الشبگه اعرفنها
رقيتك .. بس اســــهام منعنها


حسين .. غريب .. يا ابا عبد الله
حسين .. غريب .. يا ابا عبد الله


"""""""""""""""""""""""""""""""""""

تجمـــعنه .. ابمـــدامعنا .. العـــــليل وجـــاب عماته
عليك تطيح .. رقيه تصيح .. اريد اغفه اعله ادياته
تدني الــماي .. تون بهداي .. يعــــمه اهواي طعناته

رقيتك .. تشـــبگ رادت ابهــيده
رقيتك .. تگول اصبع نقص بيده

حسين .. غريب .. يا ابا عبد الله
حسين .. غريب .. يا ابا عبد الله


"""""""""""""""""""""""""""""""""""

بجينالك .. حجيـنالك .. سوالف تكسر الخاطر
يخو زينب .. الگلب شيب .. اه ياليلت العاشر
اودعنك .. واعـــوفنك .. ومشينه ابخطوة الحاير

رقيتك .. مشت وعليك تتحسر
رقيتك. .. تگلك گوم لو تگدر



حسين .. غريب .. يا ابا عبد الله
حسين .. غريب .. يا ابا عبد الله

"""""""""""""""""""""""""""""""""""


الشاعر خالد عبد الثابت البجيري

https://tttttt.me/ssgadAl

رحلت عمروياك من زغري من زغري
لوماخدمتك هاي مابيه طعم عمري
حسين حسين حسين
*
يحسين احبك من صدك موبس شعر وحجايه
للباب جنت ازحف زحف لو يمرصوت اقرايه!
ماادري ليش من الزغر عيني تحب الرايه
واذكر تعلمت المشي وي طلعت المشايه!!
دوم انه اسولف بيك بحساسي بحساسي
مالي شغل باالناس هوه انته كل ناسي
حسين حسين حسين
*
طيبت خدمتك للأبد ماشوفن اشبع منها
يحسين انه محبتك وسط الگلب دافنها
جفيني تلطم بس الك من زغري وملقنها
النسمه التجي من مجلسك اتمنه هيج احضنها!!
وبخدمتك امال مبنيه مبنيه
وبراسي مأتم صار وقرايه يوميه
حسين حسين حسين
*
يحسين مرخوصات الك طول الزمان ادموعي
ماعندي موضوع انه ابد بس خدمتك موضوعي
اشعل اشموع ابمأتمك هم مثلي تبجي اشموعي
ومو بيدي اتمنه الطم خيل وتدوس اضلوعي
اتمنه كون الخيل تسحگني تسحگني
ولا اسمع الزهراء اتنادي اه يبني
حسين حسين حسين
*
خادم تسميني الخلگ والخدمه تاج ورفعه
يوميه ازورك سيدي مابيه اتاني الجمعه
يحسين انه بكل الوكت اقرالك ودوم انعه
عاالحرگه ولجاري الدمع انه المعلم الشمعه
ودوم انعه اه يحسين ومصابه ومصابه
للجله تضل العين كل لحظه سجابه
حسين حسين حسين
*
يوم اربعينك من تمر تتغير انه الواني
وابجي اعله زينب من ترد وتنادي وين اخواني
والموقف اليدمي الگلب والهزني والبجاني
زينب تسولف وي گبر وتتعاتب وي الثاني
وتنادي ياعباس حزنانه حزنانه
زينب اجيتك گوم ياخويه هاي انه
حسين حسين حسين
*
سعد العبودي

https://tttttt.me/ssgadAl

(( جــاوبــنــي يـحــســيــن ))
مصيبة السيدة زينب عليها السلام و حرق الخيام

جاوبني يحسين و شوف الصواوين
و هالأيتام بالآلام
●•••••●•••••●•••••●●•••••●
بين الفزع وَيَّه البين و بين المطاعين
أهتِف بإسْمَك و أتنخّاك جاوبني في وين
گلبي إنشِلَع يا رجواي و محتاره يحسين
أگصد يَمَّك لو عبّاس مگطوع الچفين
بروحي النار و هالأشرار بالنار إجَتْنَه
فكري احتار من هَلْصار ولا والي عِدْنَه
هالأزلام شگد ظلاّم
●•••••●•••••●•••••●●•••••●
مدري شأصِد خويه حسين ما بين الأطناب
أطفي الخِيَم ابْهَالنيران لو أمْنَع سَلاّب
و بأذيالي يتاماك و كل طفل منصاب
اتصيح بأسَه وا ويلاه أدركنا يا ياب
و تحت اخيول چم مجتول وينك ولينه
ما معقول چيف يصول هالعادي بينه
خدري إنرام چيف أنضام
●•••••●•••••●•••••●●•••••●
صرت ألْتِفِت ابْهالميدان و بعيوني العبرات
و أمشي بوجَل بين اسهام و ارماح و شفرات
جيت و أظن بس ألگاك و تسمع الآهات
تگوم ابْعَجَل خويه اوياي تمنع الغارات
بس مذبوح و دم مسفوح وسفه لگيتك
شلون اتروح و إنته الروح بهَمّي نِديتَك
ويا ضرغام جسمه اسهام
●•••••●•••••●•••••●●•••••●
شلون أتِجِه للعبّاس و حيلي كسيره
و خلفي الرجس صاح ابصوت ها يالأسيره
و بيدي الحبل ويلي إنْدار و آنه الأميره
و متني إنضرب وسفه ابسوط والله كبيره
وين احماي صاح ابچاي يباري حَرَمْنَه
يم الماي ضي عيناي بفگده إنْهِضَمْنَه
گلبي لام چيف ينام
●•••••●•••••●•••••●●•••••●
الشاعر : أبو شهيد الأحسائي
الأربعاء ١٤٣٩/١٢/٣هـ
-----------------------
*لا يجوز و محاسب شرعاً حذف او تغيير التوقيع*

https://tttttt.me/ssgadAl

🛑رابط قناة الشاعر👇👇
https://telegram.me/joinchat/CgjqLUETxaGx5Fdb-1LpBA
-----------------------

قصيدة شور في ذكر مصيبة حرق الخيام وحوار زينب عليها السلام مع اخيها العباس عليه السلام


النار .. النار
شبوها النار شبوها النار شبوها النار
................

يكافل خدري عجب ماتدري
عفتنه بلا كفيل وماكو حمّاي
الحرم سلبوها. خيم حرگوها
منو يطفيها غيرك ها يوفاي
تريد ايتامك. تطفّي خيامك
تعال بساع خويه وترك الماي
الجمر يچويها. منو يطفّيها
يتيم وچم يتيمه تصيح وياي
حتار .. حتار
دلّالي حتار دلّالي حتار دلّالي محتار
النار .. النار
شبوها النار شبوها النار شبوها النار
...................

تعال ادركنه. ولي ماعدنه
يعباس بخيامك شبّوا النار
نريدك ترجع. عجب ماتسمع
صياح اطفالك التتصارخ زغار
دريت شبيها. چووا رجليها
رقيه من الجمر تصرخ يكرار
شمر يضربها. زجر يسلبها
رقيه الدلّلتها بولية اشرار
انهار .. انهار
كل حيلي نهار كل حيلي نهار كل حيلي نهار
النار .. النار
شبوها النار شبوها النار شبوها النار
................

تنادي سكينه. الگمر چا وينه
اريد يشوفها حترگت عباتي
بألم مختنگه. خيم محترگه
نـلوذ ليـاكـتـر آنه وخـواتي
يعم سلبوني. وسف ضربوني
متت من خجلتي ومن مستحاتي
أنه المهيوبه. صدگ مسلوبه
اموت ولا اظل شلّي بحياتي
عذار .. عذار
شتفيد عذار شتفيد عذار شتفيد عذار
النار .. النار
شبوها النار شبوها النار شبوها النار
....................

حرم ظلينه. منو يحامينه
زلم وخيول هجمت عالصواوين
دريت بهايه. يراعي الرايه
برمح عباس رفعوا راس الحسين
علينه لتمّت زلم وجتمعت
خواتك يابوفاضل تتجه وين
تعال وشوفنه. وضعنه وخوفنه
يتامه اطفال ياخويه ونساوين
اشرار .. اشرار
سلبونه اشرار سلبونه اشرار سلبونه اشرار
النار .. النار
شبوها النار شبوها النار شبوها النار

سيد زيد الفحام
______________________________

https://tttttt.me/ssgadAl

لاعالبال ولاعالخاطر .. كسر اضلوعك يوم العاشر
بينك انه وبين اخيامك ..... كلبي ابالهموقف ظل حاير
.........
موعالبال الخيل اترضك ... ينبت حافرها ابنص صدرك
وتمرد كلبك خيل العسكر .. تركض حيل اتدوس ابنحرك
هالعسكر من كطعوا راسك .. ماشموا الله ابنفاسك
يالراسك حتما عرش الله .. من كطعوه اشكال احساسك .
نار الخيمه ونار ابكلبي ... ونار ابعيني لنحرك تربي
بينك انه وبين اخيامك ..... كلبي ابالهموقف ظل حاير
........
جاني الليل ودمعي هوايه .. عندي ويالله شجم احجايه
صليت اعله الكاع وجانت .. محتركه وماكو امصلايه
لميته الحيل إلي أتطشر .. خطوه امشيها وكل عشره اعثر
منا راسك منا سكنه .. وارد اصفك بيدي وما اكدر
من ارفع ايدي اترد ليه ... كل حيل ابدا لا ما بيه
بينك انه وبين اخيامك ... كلبي بهالموقف ضل حاير
.....
دورتك ردت اكعد يمك ... ماضل شي سالم من جسمك
بس اعرفتك انت احسيني .. من عطرك فايح من دمك ..
فوك اجروحك فوك الامك... هالخيل اشسوت بعظامك
اخ اتكسر ظهري وكلبي ... من شفتك مطبور ابهامك
عود اني ارد اشكيلك حالي .. بس من شفتك اه يالغالي
بينك انه وبين اخيامك .. كلبي ابهالموقف ظل حاير
....
مو مثل احسين الودعته .. و الكيتك واحد معرفته
كلبي ايكلي احسينج هذا .. هذا حسين الماشايفته
هذا حسين المابعد الطف .. اوصاله ايات من المصحف
قرأن اتمزك باياته .. تنزف اياته وماتنشف
تنزف زمزم تنزف كوثر... والله اليدري شيجري المنحر
بينك انه وبين اخيامك ... كلبي بهالموقف ضل حاير
.....
تهمس بأسمي و كلبي يسمعك .. وبيا حيل اتريده يودعك
حيلي امطشر ويه اوصالك .. ينزف وي نحرك وي صبعك.
يابو سكينه وياي أتأمل .. عندي امصيبه ولابد من حل
لوسألتني اعليك ارقيه .. كلي اشلون اصبر واتحمل
كلي اشلون اصبر لوسألت .. وادموعي ابواهس لو هلت
بينك انه وبين اخيامك ..... كلبي ابالهموقف ظل حاير
........
روحي اتون من تسمع روحك ... وانه اهاتي ابكثر اجروحك
ارد احسب جم سهم الصابك ... و ارد اخلط وناتي ونوحك
بحر النوح انهد اعلينه ... وكلشي يصيح حسينج وينه
هاي الخيل اعلينه انهدت .. عافت كلشي وركظت لينه
شكالت عينك لمن شافت ... نار ابخيمتنه وتتهافت
بينك انه وبين اخيامك ..... كلبي ابالهموقف ظل حاير
.......
خويه اشفافك ذني الذبلن ... جاوبني ابغير الله شيحجن
ماشح ماي إعليك ولكن ... ... انت والله الردتوا ايعطشن
يالامرك سلمته لربك .. انت حسينه ولا ميجربك
وايعرفك كدها اشمايامر ... ذبت ابحبه وكلش حبك
بينك انه وبين اخيامك ..... كلبي ابالهموقف ظل حاير
.....
.....................
.....
زهير الابر اهيمي

https://tttttt.me/ssgadAl

الميه والواحد سوه خل يهد حتى الهوه
ما يخوفني عددهم انه عباس
___________________________

اخوه زينب اني بلطف طكتي تشبه حيدره
وابد ما واحد تقدم كله ردت لليوره
وصار يوم العاشر أحمر اضن هاي الاخره
ومن ركبهم سيفي حدب غير يكتل بلسره

ماكو واحد ما طفر الماي يلبد بلحفر
سيفي يتبختر عليهم انه عباس
----------------------------------------------------------
الراد موته بسرعه خله بس يصير كبالي
وما اجرن سيفي والله خل يكتله خيالي
وبقه عزرائيل كاعد هذا كله بجالي
وغصت الكاع بجثثهم هذ ثار عيالي


الحجر من طكتي انفطر شلون اذا اطكن
بشر
ابد ما واحد اجاني إنه عباس

_______________________________

اختي رادت ماي مني وكلت هسه ادللي
سمع بيه الماي اجيته جاب شطه يقدمه الي
وجردت سيفي اطكه لجن حلفني بعلي
وكتله يله لخيم اختي وصير خادم يم هلي

ابد ما أريدن كلام خاف يكعد جم أمام
والعطش يسمع كلامي انه عباس
______________________________
سيفي ضل نايم بغمدك ابد ما بيهم زلم
اليوم مطيك استراحه وباجر نعيد العزم
ومن سمع بينه المعسكر يوم كامل مبستم
وجان اسم الطف زغير وإني كبرت الاسم

روح اسئل بلطفوف راح تلكاني عطوف
لجن عالباطل اذيه انه عباس
____________________________

ابد ما أخاف من أقاتل غير جابتني اكحله
وطلعت صيت المراجل يوم صارت كربله
اورتجز يم المعسكر بل ينازل يا هله
الراد يكرب يمي راسه ابد لا ميضل اله

الشرد من سيفي انسطر .والبقه بكبر حفر
سمعو تصرفن رداني إنه عباس
_______________________

الشاعر : انور خلف البيظاني
_______________________

https://tttttt.me/ssgadAl

يوم العاشر حرق الخيام

يضامي .. خيامي ..
جمر بيهن يخويه وبيه يسعر
صحتلك .. گلتلك ..
علي زحمه الركض يبن امي مگدر
وا حسينا .. واحسينا
……………………………………
اشوفك تزحف عليه وعلى التربان تتلوه
اشوفن همست اشفافك تتمتم بالحچي گوه
وانا ما اگدر اطلعك بجمر ضليت اتچوه
بلحظتها ايست منك انتهينه وراحت الخوه

بعيده .. على ايده ..
اخوي الچانت اچفوفه محنه
اشوفه .. واعوفه ..
على التربان گاضي شباقي منه
وا حسينا .. واحسينا
……………………………………
يخويه النار حاطتني اطلع وين ما ادري
بيتامك حرت خويه وحرت يحسين انه بخدري
يخويه مو وكت نومه يبن امي اكسرت ظهري
خيل ونار جدامي وبثوبي الجمر يسري

افرن .. احيرن ..
الركض بالحومه خويه عليه زحمه
واذا ضل .. الي شضل..
حترگ كلشي بخيمنه وصار فحمه
وا حسينا .. واحسينا
……………………………………
بياحال من احشمنك وگلك الحگ اعليه
وانته مشابچه اسهامك والف بيك وتسع ميه
ادنگ مستحه منك عينك من تصد ليه
اخاف اتشوفني من اركض وحافي خويه رجليه

وحالي .. يوالي ..
محترگه واشاگف خويه بالطگ
بدمعتي .. صرختي ..
نگلب لون المتن ياخويه ازگ
وا حسينا .. واحسينا
……………………………………
اشوفك من تأشرلي وتتراجف غدة ايدك
حيلك راح وي دمك يصب مو ينزف اوريدك
تأشرلي على عبدالله الدفنته بخيمتي وليدك
خايف لاتطلعه الخيل وجروح ابگلبك اتزيدك

انه اختك .. فهمتك ..
يالموذر اديك اشبيها ترجف
يونك .. على ابنك ..
على عبدالله تدوسه الخيل خايف
وا حسينا .. واحسينا
……………………………………
تعبت من الزحف ابقه. راح اركض واجي يمك
ولو چفيني محترگه وما اگدر اجر سهمك
اجيك اچفوفي اداويها واغسلها بمصب دمك
واشبگك بس شكض منك اذا صاير وذر جسمك

من اشبگك .. الچمك ..
واخاف اتفز جروحك من اشبگك
تحرگك .. جروحك ..
كلي ارماد خافنها وتحرگك
وا حسينا .. واحسينا
……………………………………
شبيدي عليك يبن امي يريت وياك ذبحوني
تلوج من العطش والحر اشربك مايخلوني
اصيح الرحمه ياهلناس وگبالك يضربوني
الوذ بجسمك وگوه يبن امي يوخروني

يطگني .. ويسبني ..
وبرمحه الشمر ياخويه يدفع
ارجعه .. ودفعه ..
ويجرحني الرمح يبن امي ووگع
وا حسينا .. واحسينا


الشاعر عقيل الحسناوي..

https://tttttt.me/ssgadAl

صوت طب الكربله ينادي بونين
اه يازينب تصيح ام البنين

يمه زينب. يمه زينب
@@@@@@@@&@&@&@@

جني اتخيلهه زينب من تدير بعينهه
ماتشوف اخوان يمهه ولا معين يعينهه
لنهه تسمع صوت يصرخ بنتي زينب وينهه
لان صوت ام البنين اعلى المصيبهه اتعينهه

يمه اجيتج ارد اواسي مصيبتج
وين خدرج والدلال وهيبتج

يمه زينب. يمه زينب
@@@@@@@@@@@@@@@

هواي متغيره يزينب يمه واصل موتج
بنتي زينب ماعرفتج يمه لو مو صوتج
شلون جبت وياي نعاي يمه موش يفوتج
صوت من گبر الزجيه عليج ينعه وخوتج

كلي زينب موتمل مصابهه
خل تخلي عيونهه اعله حجابهه

يمه زينب. يمه زينب
@@@@@@@@@@@@@@@

شلون لميتي اليتامه والطفال وعيلتج
وين ذاك اليل بتن موش حرگو خيمتج
اناا مرتاحه يزينب رغم ثگل امصيبتج
بعده خدرج ماتسلب فوگ راسج شيلتج

هينه كلهه مصيبتج والعيله
سهله مادام اعله راسج شيله

يمه زينب. يمه زينب
@@@@@@@@@@@@@@@

يمه عن ليله العاشر فدوه لتنشديني
يمه ماعولت انسه بيهه لتذكريني
منين ماباوع نشامه جانت اتحاميلي
صبحت محد لكيته بس دمعتي بعيني

صبحت لاخيمه لاخواني
الكال ماعوفج مشه وعافاني

يمه زينب. يمه زينب

@@@@@@@@@@@@@@@



الشاعر موسى البطلي

https://tttttt.me/ssgadAl

محررررم 1441 هـ تظحية الحُسين .ع.

ابنك عطشان .. او شربت ابنك نبله
اوليدك مذبوح .. او طالع ناديته احله
گلبك يحسين .. انموت او ما نوصله

حيرت العالم يحسيني ابهالسويته ابعاشور
ذباحك من حز بوريدك اقسم گلك مشكور
تلچم ضلعك خيل اتگلهن عوفن هذه المكسور
عندي اضلوع اهواي ابصدري مامسحوگات ابذور

رحمه اشگد بيك .. واتدلي ابعدوانك
شنهو ايأذيك .. وايعوفون اخوانك
جننت الگاع .. ابخطواتك تتسله
________
عطشان او لاعدائك بالطف اقسم خليت الماي
گتلهم ارتاح إمن اغفه ماشبعان او بظماي
ايظللك جبريل او گتله شكراً ما حب لفياي
خل اتچوه ابشمس الباري يا جبرائيل اهواي

بلكي المعبود .. ايخفف يوم المحشر
عن الخدام .. احروره التلچم اكثر
والعنده اذنوب .. بالمحشر ماخله
_______
ماعذبته الراد المحبس رأسن مديت إيديك
اخذ اوياك الخنصر گتله امحلل خبرته اعليك
من جتك امك بالعاشر او رادت هيه اتغطيك
گتلها امسلب خليني او امك هم حارت بيك

أقبل عريان .. يافاطم خليني
عايش مستور .. الخادم بس يكفيني
ثوب المرتاح .. آنه اعليه امفصله
_______
ابيوم العاشر واگف تدعي واتشوفك كل الناس
يارب اخذ اچفوفي العرشك مثل اچفوف العباس
من ذبحوك ابظهر العاشر او ماظلت بيك انفاس
كلشي ابروحك ميت لكن ظل عايش بيك احساس

اجمل احساس .. انته اتملكه ابگلبك
حب اتغذيه .. بحساسك ليحبك
هنياله الصار .. خلك انته او خله
_____
عطشان او ماتقبل تشرب مايك قبل الميمون
اشرب قبلي اتگله او گلك لا يابو اليمه شلون
ذبحوا يابو الأكبر صعبة ابأيدك طفل ازغيرون
مامهتم واشمرت الربك دمه او تصرخ ممنون

اتمنه اتصيح .. كل اطفالي اگبالي
اهنا ينذبحون .. لجل الدين الغالي
ياربي ادماي .. غيرك ما قدمله
____

من الگاع ابليلة عاشر شلت الشوك ابأصرار
خايف باچر هذه الشوك ايألم رجلين ازغار
نظفت الگاع الأطفالك بعدك حَي او محتار
اتفكر بيهم من يحميهم لو وصلت ليهم نار

مشغول البال .. بطفالك وارقية
ابگلبك متگول .. منهو ايفكر بية
واليبچي اعليك .. آنه ابچيك اتگله

حيدر الحلفي

https://tttttt.me/ssgadAl

🏴مجموعة في رحاب الحسين🏴
⭕️برنامج محرم1441هـ/2019م⭕️
#قناة_الشعراء

◼️◾️▪️ ليلة ويوم العاشر ▪️◾️◼️


💠 رابط قصائد ليلة العاشر ⬇️ 💠
https://tttttt.me/ssgadAl/5557
••••••••••••••••••••••••••••••••••••••

💠 رابط قصائد يوم العاشر ⬇️ 💠
https://tttttt.me/ssgadAl/5592
••••••••••••••••••••••••••••••••••••••

#مجموعة_في_رحاب_الحسين_ع
لستة لروابط برنامج محرم الخاصة
📘🏴 #بـالـشـعـراء 🏴📘
#لسنة 1441هـ // 2019 م

🛑▪️ روابط اليوم الأول ▪️🛑
https://tttttt.me/ssgadAl/4953
~~~~~~~~~~~~~~~~~

🛑▪️ رابط اليوم الثاني ▪️🛑
https://tttttt.me/ssgadAl/4981
~~~~~~~~~~~~~~~~~

🛑▪️ روابط اليوم الثالث ▪️🛑
https://tttttt.me/ssgadAl/5041
~~~~~~~~~~~~~~~~~

🛑▪️ روابط اليوم الرابع ▪️🛑
https://tttttt.me/ssgadAl/5127
~~~~~~~~~~~~~~~~~

🛑▪️ روابط اليوم الخامس ▪️🛑
https://tttttt.me/ssgadAl/5225
~~~~~~~~~~~~~~~~~

🛑▪️ روابط اليوم السادس ▪️🛑
[[ الأنصار + أولاد مسلم ]]
https://tttttt.me/ssgadAl/5284
~~~~~~~~~~~~~~~~~

🛑▪️ روابط اليوم السابع ▪️🛑
https://tttttt.me/ssgadAl/5364
~~~~~~~~~~~~~~~~~

🛑▪️ روابط اليوم الثامن ▪️🛑
https://tttttt.me/ssgadAl/5448
~~~~~~~~~~~~~~~~~

🛑▪️روابط اليوم التاسع▪️🛑
[[ •• علي الأكبر •• ]]
https://tttttt.me/ssgadAl/5511

🛑▪️روابط اليوم التاسع▪️🛑
[[ •• عبد الله الرضيع •• ]]
https://tttttt.me/ssgadAl/5556
~~~~~~~~~~~~~~~~~

🛑▪️ روابط ليلة ويوم العاشر ▪️🛑
https://tttttt.me/ssgadAl/5613
~~~~~~~~~~~~~~~~~

🛑لمتابعة مفاتيح الأطوار👇
https://tttttt.me/phadli/9567

🔴لمتابعة برنامج العام الماضي🔴
لسنة 1440هـ #2019م
الضغط على الرابط⬇️⬇️
https://tttttt.me/ssgadAl/2909