هوسات للقاسم ابن الحسن عليهما السلام
*********
وصيه مــن الحسن جســـام يـــوقع كون من دمه
يضحي الروح لجل حسين بالطف يوفي وي عمه
بـــرز شمرت علـــي الكرار كل الجيش مــا همه
(( ومــن حيدر مــاخذ صـــولاتــه ))

*
مثـــل جســـام عدنــا اسباع كلهم غيره ومروه
عسل عدهم يصير الموت ضحو ســاعة الفتوه
نخـــاهم مـــذهب الكـــرار وفــو ساعة النخوه
(( وبحيدر علّــوها الــــرايه ))
*
شبـــاب القاسم بهل اليـــوم كلهم غيــــره متحـــزمين
يرخصون النفوس اسباع على الساتر من اجل حسين
تمنـــو لــــو الطــــف يعـــود جنــــود وياك مطوعين
(( وبالطف حسين نگــر عينه ))
*
الشاعر موسى البديري

https://tttttt.me/ssgadAl

نعي عن لسان رملة ام القاسم تخاطب ولدها


شلون دنيا يمه مابيها ضواك خذني ياجاسم بعد عمري وراك
اشبيها دنياي البعد مابيها انته خنكه صارت دنيا مابيها هواك
صدك فوك الكاع طايح يلولد ترابها مثل الجمر صاير غطاك
صدك لونك غيره حر الشمس ياترف خيط الشمس يمه جواك
مني جر الموت جفك يلرحت ابجفه غفله تراهن وياي وخذاك
وينك وين الحرب ياسلوتي ريت موت الماعفه ابنادم عفاك
ياعزيز حسين نايم علثره مارعه الذبّاح عمرك سلبّاك
وبالحوافر داستك خيل العده ريت داستني ولاداست كفاك
والي حط السهم يمه ابركبتك لاح ريته ركبتي كون وخطاك
شلون يمه من تمر زفة شباب والعرس من دونهم مر ونساك
بالدمة مخضب وزفتك للكبر شلون تالي الموت عافاني ولفاك

الشاعر حسن لعيبي الحريشاوي

https://tttttt.me/ssgadAl

عن لسان القاسم بن الحسن يخاطب والدته

اذكريها ييمه ايام مرات
ولوزفت شباب عليج مرات
مو مره انذبح لحسين مرات
انا القاسم فده لابن الزجيه

الشاعر حسن لعيبي الحريشاوي

https://tttttt.me/ssgadAl

نعي



ياواحد اليه وغيره ماعندي.
يجاسم يبني اگعد يابعد چبدي.
،،،،،،،،،1
اشم نحرك واهلهل وانت ميت عود.
بليلة عرسك اگبالي تضل ممدود.
من كثر اللطم لا ما بقتلي خدود.

دمعاتي اعله خدي ضلت اتبدي.
،،،،،،،2
اشموعك سلبوهن مابقت شمعه.
بطرگ ثيابي اجيتك يبني والدمعه.
أتمنه تردلي وترفض الرجعه.

على تراب وجمر يبني احط خدي.
،،،،،،،،،3
عندي اثياب عرسك احتفظ بيهن
على صدري يجاسم دوم اخليهن.
بدمه العينين يبني ارده احنيهن.

دم عيوني مو دمعات هالتدي ،
،،،،،،،،،4
مو سهله اعوفك وانته لب احشاي.
بلطف كون اضل اوگفلك انه افياي.
عن شمس الظهر ضلك اصير وماي.

والبسك ثوب عرسك واحتفل وحدي.
،،،،،،،،،،،5
نايم عرمل عريس ومدمه.
موانته الي يسكت طبعه عن امه.
وچان بساع يركظلي من اصيح اسمه.

تتركني يجاسم اصفگ بيدي.
،،،،،،،،،،6
كل عريس ربعه اتزفه البيته.
وانه ابني ازفه بأيدي لمنيته.
مو بالحنه بالدم ابني حنيته.

تسبيني المصايب والحزن يحدي.
،،،،،،،،،،7
للخيمه يجيبونك تخط رجليك.
ياجاسم صحتلك ماگلتلي،شبيك.
ساكت يبني جرحك كلش امأذيك.

مثل امصاب اهل بيتي فلا يسدي.
،،،،،،تمت ،،،،،،،،،،،
حيدرموسى الرميثي.

https://tttttt.me/ssgadAl

نعي للقاسم
ــــــــــــــــ

آنه امك وحيده لاتخليني

ياسلوة حياتي ويانظر عيني

ردتك شمعه يبني تنور سنيني

سهمك بالـﮔلب وصوابه ياذيني

___
اغمض عيني لنك صوره تبرالي

اشوفنك شمس ويحاﭼـي دلالي

شفت يمك سهم ويهدم امالي

فتحت عيوني لنك ميت ﮔـبالـي

ـــــــــــــــ

يجيني الليل واذكر ساعة المرضع

واناشد وين جاسم واهمل المدمع

ها جسام وينك يبني ما تسمع

اعاتب والعتب للمات ما ينفع
ـــــــــــــــــ

شحال حسين عمه من وصل يمه
شاف ابن العزيز و سابح بدمه

جابه شلون جابه ويسحل بهمه
يصيح شلو طاح ومافزع عمه
ــــــــــــــــــــ

هذا اخر عهد وعيوني تتذكر

مايـﮔدر يكابر ﮔلبي مايـﮔدر

شلون انسه يجاسم گطعة المنحر
اريد اشكي الجرالي بساعة المحشر

ــــــــــــــ

سيد علي المدني

https://tttttt.me/ssgadAl

نعي للقاسم
**
توجه للخيام وصاح عد عينك
ابوي الوصه اذكر بالك حسينك
ارجوك عله راسي مرهه چفينك
عهد بالدم اسوي بيني مابينك
**
يباقي من الحسن للخيمه روح ارجع
غدّاره الحـرب يوليـدي لاتطـلع
گال ارجوك عمّي ويهمل المدمع
الحسن وصاني اوفّي خوة المرضع
**
نزل للحومه شمس الله وضواهه
نزلـت للارض عافـت سـماهه
 الحسن چنّه وعلي يوسف و طه
الناس احتارت القاسم دناهه
**
كـام يصـول بيـهه ابن الـزچيه
يـتنخه بعـلي حامـي الحـميه
احلـى من الـشهد شاف المنيه
مـن دمي اروي الغاضريه
**
صاح من العطش والگلب شب ناره
امه تشـوف عـمّه شابـح انـظاره
ها يحسين بشِّـر جاسـم اخبـاره
محـتار شيـجاوب روح محتـاره
………

سيد علي المدني

https://tttttt.me/ssgadAl

نعي عن الامام القاسم ابن الحسن عليهما السلام)
-------------------------


چنهه انتهت يا يمه يا حيد
يوجه العافيه ويا جية العيد
جسام يمه الموت شيريد
هذا الحسين بكربلا اوحيد

يا ذخر ذاك المات مسموم
بنص الطفوف حسين مهموم
الحنه يمه بكربلا دموم
هاي المنيه استعجل اوگوم

ويا الحسين الوگفه تنراد
لو الف مره الموت ينعاد
ما تغله روحي وروح الاولاد

بيك افرح وعريس اشوفك
الزفه هاي بنص طفوفك
من راسك نحني چفوفك
يمه انا امك ما اعوفك

من ترجع من حسين مشيول
ما أگول ميت والله ما أكول
اتلگى نعشك يا حلو الطول


وبشيبي اهوسلك واهلهل
عفيه ابني واحد عادل الكل
ميت عدل من عنده ما امل
تنزل دمعتي وهيبتي تظل

بيك افتخر بس گلبي محتام
مو مال اشوفك هيچ جسام
يا بعد عمري اتمدد ونام
امك ولا ترحمهه الايام

باچر اذا امشي سبيه
واني وحيده وياهو اليه
وسياطهم تهجم عليه
ياهو اليجيني شلون بيه

اوصل غريبه لذيچ الديار
واوگف وانوح عليك واندار
صوب الطفوف وگلبي محتار
يا نار روحي التحرگ النار

بدموعي اسلم والحچي هواي
ومن عيني عمري يطيح مو ماي
ها يمه خلصت محد وياي
يرباي ميت آوف يرباي


لخادم الحسين / رعد الفريجي
1440 للهجره / 2018 ميلادي

https://tttttt.me/ssgadAl

مجموعة ابو ذيات على لسان رمله ام القاسم ((ع))

بچت من سمعت العدوان.. حناي
بهيمه وگمت احن يالولد.. حن ناي
ابدمك بالطفوف اصبحت.. حناي
ونصبت بيوم نيشانك عَزيه
====================
بنات النّايبه بالعين.. لاحن
ولا ينفع ونين اعليك.. لاحن
السيوف الاحتك بحقاد.. لاحن
دليلي وگوم تلگه جروح بيه
===================
اشتكيت وأمري للباري.. وحسبي
وطلع مگلوب كل ضني.. وحسبي
يجاسم جرحك بگلبي.. واحس بي
الموت اهون ولا بُعدك عليه
=====================
اطفي بيش نار الدهر.. لوشاب
گلبي وبالحزن معذور.. لو شاب
افز وترخص الدمعات.. لو شاب
يمر واذكر شباب الغاضريه
=================
✍ بقلم خادم الحسين ع
الشاعر رعد الجريخي

https://tttttt.me/ssgadAl

نعي للامام القاسم عليه السلام
،،،،،،،،،،،،،،،،،،،،،،،،،

احلفك بيش يوليدي يجسام
ينور عيوني فرحة ذيچ الايام

تانيني صرت دمعه
تانيني العمر شمعه
صحت بس صوتي شيسمعه ييمه


تعال العشره خلصانه ييمه
تعال الروح تعبانه ييمه
انه المن هسه ذبلانه ييمه
يجاسم انه موش انه ييمه


بعد من رحت من عندي شتاني ؟
الضوه البلدنيا يمدلل عماني
شجاني وعدله ليهسه شجاني
عجيبه العيشه من بعدك ثواني



يماخذ چم عمر مني
الحرب موت الولد يبني
اطلبك يمه لتردني
بتعب رباي عوضني


آخره مره اودعنك واشمك
واخر مره اگعد ريت يمك
صعبه وحيل تصعب هاي منك
ازفك للعرس والنوب ادفنك


اريد انعه لحد موتي
لحد ما يندفن صوتي
بيدك كون تابوتي ييمه


الف وسفة نتفارگ هذا حدنه
الف دمعه وتموت ارواح عدنه
يبعد امك توادعنه وگعدنه
تعبنه من الدمع والله تعبنه



نبي يعگوب حني لا يحنه
ويسهم الموت غالي لايح النه
بعد شنحني ادينه لا يحنه
بدمه العريس متحنيات اديه

كلمات خادم الحسين
رعد الفريجي
23/7/2019 ميلادي
1441 للهجره

https://tttttt.me/ssgadAl

نعي للقاسم عليه السلام


يجاسم ياضوه عيوني يغالي
يمن وجهك بدر ضوّه الليالي
اطلبك بالربه وتعبي ودلالي
تالي مـوذر يـجـيـبــوك تالي

شبــاب وماتهنّيـت بشبـابـك
يجاسم والفرح راح بمصابك
صارت حنّتك من دم خضابك
عسن لا طالت ايامـي بغيـابك

يجـاسـم آنـه يالمدلـول امّك
اشوفك منذبح ويسيل دمك
اكلـمـك ما تـرد لمـن اكلـمـك
اشبگك يبني بچفوفي وشمّك

سيد زيد الفحام

https://tttttt.me/ssgadAl

🏴مجموعة في رحاب الحسين🏴
⭕️برنامج محرم1441هـ/2019م⭕️
#قناة_الشعراء

◼️◾️▪️ اليوم الثامن ▪️◾️◼️

💠 رابط القصائد ⬇️ 💠
https://tttttt.me/ssgadAl/5365
••••••••••••••••••••••••••••••••••••••

💠 رابط النعي والأبوذيات ⬇️ 💠
https://tttttt.me/ssgadAl/5433
••••••••••••••••••••••••••••••••••••••

◼️ برنامج محرم 1441هـ / 2019م ◼️
#محرم_1441هـ #2019م
🔺 قصائد اليوم التاسع 🔺
❇️ علي الأكبر ❇️

الليله التاسعه
1 قصيده بحق علي الاكبر عليه السلام


خل اودعك  بويه يالاكبر
شبگه منك  ماردت اكثر

انته عطشان  واني عطشان
مايرحمون   ذوله عدوان
......................

ياصوره من جدي النبي ومن معناه
كلما اشمك بويه اصيح آنه الله
افيش ياريحت علي ويامحلاه
اليوم امن اودعك ينترس كلبي احاه

انته تمشي   وتاخذ احلامي
وبرحيلك      تخلص ايامي

تبقه بالروح   بس الاحزان
مايرحمون    ذوله عدوان
...............
 
وجهك اذا ماشوفه شلي بدنياي
ويه النفس يابويه عايش وياي
يالاكبر وساعة تفارك عيناي
بعروكي احسنه فلا يمشي ادماي

يامعزتك       وساكن اعيوني
بلايه وجهك   ينخطف لوني

بهذا الوداع     ابقه حيران
مايرحمون      ذوله عدوان 
.............

خبرت امك تدعي الك يامهيوب
ويوصل دعاء الوالده ومامحجوب
اتمنه من تروح ترجعلي انوب
بس كون سالم يالولد ما مصيوب

شرد  اكلهه   التدعي بالخيمه
ونته ماكو     وطايح  بهيمه

اصبر شلون    هذا ميدان
مايرحمون      ذوله عدوان
...............

اخذ الگلب يالاكبر وياك وروح
بويه انه احس هالروحه متروسه جروح
ريته كبل نحرك كليبي المذبوح
ولااعتنيك والكه دمك مسفوح

ادري كلبي       اسهامه وجروحه
كثره لاكن        انته كل نوحه

يحني فركاك   والاجل حان
مايرحمون       ذوله عدوان
...............

من عيني يطفي هل زمن اجمل نور
كبل الكفيل اعليك يابويه الدور
كلنه ضحايه انصير يبني بعاشور 
طيحت ابو فاظل تره اتكّسر اضهور

الرايه بيده      ويهوه عالغبره
وبين اديّه        ينتهي عمره 

واعله عباس    گلبي لهفان
مايرحمون        ذوله عدوان
..................

يالاكبر وياك اختم بدمع العين
يالغبت عني وماكو منك يالزين
شلتك امن المصرع بذني الجفين  
ماتت اجدامي وبويه ماچني حسين

طاح گلبي     وشفته كدامي
وهوه انته        وكل كتر دامي

انته مذبوح    وعلى التربان
مايرحمون      ذوله عدوان 


محمد هادي العقابي

https://tttttt.me/ssgadAl

حياتي وروحي وتطيب اجروحي
من اشوف اعيونك
علي يوليدي خذوك من ايدي
وتغير لونك
.................

وجهك الضاوي بحياتي ودنيتي.... غاب عني
وطولك الهيبه يروحي وفرحتي.... راح مني
بحزني اضلن يالولد وبحسرتي..... اعليك وني
تبقه الك عالخد ييمه دمعتي.....خاب ضني

حسبت ابالي علي تبرالي
واريدن عونك
علي يوليدي خذوك من ايدي
وتغير لونك
................

ياعلي الاكبر ييمه من غبت....نار كلبي
بعدك بعيني تراني ماشفت....اه دربي
آنه من هذا الغياب اتلوعت...موت گربي
بلا منيه الروحي اني ودعت...راح تعبي

يگرت عيني شلي بسنيني
ضياع بدونك
علي يوليدي خذوك من ايدي
وتغير لونك
................

اذكر ارباك ويهد حيلي السهر ....اه يمه
يبني يالغالي وتره گلبي انفطر....هاي لجمه
من طحت يايمه جابولي الخبر....زاد همه
ليله ابنج ودعج بارض الخطر....سال دمه

شيّخلص ليلي يماخذ حيلي
دكلي شلونك
علي يوليدي خذوك من ايدي
وتغير لونك
..................

جابك حسين وشفت ابني الورد...سال عطره
شايلك بيده ابوك اعله البُعد...مال ضهره
والشبابك يبني بعيوني اصد...راح عمره
ضهري مايحمل يالاكبر هالفكد....حان كسره

ابوك وآنه الحزن اذآنه
تغمض اجفونك
علي يوليدي خذوك من ايدي
وتغير لونك
.................

شلي بالدنيه بعد وش أنتضر ...غير نوحي
مايفيد اوياي بعدك كل صبر.....بيك روحي
رحت عني وراح وياك العمر.....ليك يوحي
ماتطيب آلآمي من هذا الهجر... و جروحي

وداعك شيبي وكسرلي كليبي
وحك اضنونك
علي يوليدي خذوك من ايدي
وتغير لونك


محمد هادي العقابي

https://tttttt.me/ssgadAl

علي الاكبر ع


يبني  ياعلي تبعد .....عن امك منو الينشد 
ياالاكبر دحاجيني......يبني ولاتاذيني
..................

يمه حاجيني واريد اسمع جوابك
خاف تمشي وانحرم شوفت شبابك
كل عذاب الدنيه يمه ولا غيابك
تروح وتعوف امك اتشم بثيابك

واكسر خاطر ابدونك....فدوه لشوفت عيونك
وتسيل الدمع عيني.....ياالاكبر دحاجيني
....................

يبني كلب الوالده بحبه وحنانه
عالولد يبقه يرف ابكل زمانه
يمه وكليبي صرت انته بمكانه
شحط بين اضلوعي لو طولك جفانه

شحمل والصبر يصعب...وكلب الوالده مجرب
وحدي لاتخليني ... ياالاكبر دحاجيني
.....................

انته رايح واني احسب بالثواني
ولاتخليني اكول ابني نساني
يالولد روحي تضل بعدك تعاني
احس من هاللحضه فكدك جن عماني

أعلم يبني واتأذه...وياك انتهه الملكه
وفراكك يجويني....ياالاكبر دحاجيني
......................
 
ضاع كل ارباي والليل السهرته
والعمر ماينسي الوياك عشته
بعدك الدنيه ييمه اكضيهه سكته
ياهو يتلكاني وضحك وي ضحكته

ماشفت الفرح بعدك....كون اتمدد بلحدك
يبني وشمعت اسنيني...ياالاكبر دحاجيني
........................
 
شلون من بعدك يخلص يمه عمري
وعله فراكك ياعلي مكسور ضهري
يبني يالاكبر عليك ادموعي تجري
ياحسافه انفتح كبرك كبل كبري

طبع الزمن من يغدر....مايرحم ولا يعذر
ياخذ من يسليني....ياالاكبر دحاجيني
........................

يمه يمدلل بسيف يوذرونك
ومن كثر نزف الدمه مخطوف لونك
والّدك ضهره نكسر يبني بدونك
وخذت كلشي وياك من غمظت اعِيونك

حسين وحيله التهدم...من شافك نجيع بدم
وانه ابقه على ونيني....ياالاكبر دحاجيني



خادمكم محمد هادي العقابي
 

https://tttttt.me/ssgadAl

بلا شعور..... احجي وي روحي ودمعتي تلالي بالعين
بلا شعور..... كمت اسئلنه ويردلي بدمعته حسين
كتله اله جيه الولد
كال مايرجع بعد
..................

راح الاكبر... يالله ياليله استعدي لنوايب
راح الاكبر...بعد متشوفينه راح اغله الحبايب

شدي حيلج لنياحه وزيدي الونين
بعد ياهو اليعتني يبوسج بالجبين
ضاله المن بالحياة المن تعيشين
راح نور اعيونج وماضن ترمشين

مايردلج... ايسي منه روحته صارت طويله
مايردلج...لاتضلين بامل كفي يليله
واني ويا عالوعد
كال مايرجع بعد
.............................

شنسه منه....وهوه بين ظلوعي عايش ماله طلعه
شنسه منه....اله امد ايدي اعله كلبي وحيل اشلعه

ذاك تعبي وسهر ليلي ماله حوبه
ماانام اله اشمن ريح ثوبه
الام على حب الولد ماعدهه توبه
وهذا الاكبر ياحسين انسا صعوبه

بعيني صوره...جان من يطب عليه يضحك وياي
بعيني صوره...بالعكس صارت وتجري دموم عيناي
بكلبي خالد للابد
كال مايرجع بعد
........................

وين اروحن...اخلاف عينه جان مالي الدنيه فرحه
وين اروحن...اكرهت يومي واندعي لايطر صبحه

ارد اضلن نايمه وفكد احلامي
لئن مره شفته اجاني بعز منامي
كالي لشوفتج يمه والله ضامي
وحيل الج مشتاك يازهره ايامي

شكد ادور...بالمنامات الاجتني ولا اشوفه
شكد ادور...هوه غاب وغابت ويا كل طيوفه
ابني بالدنيه زهد
كال مايرجع بعد
......................

بقن بيه...ذكريات هواي اله من اهد الطفوله
بقن بيه...كبر كل شبر بنذر يامحله طوله

حايره ومنكوبه شاه العقل والراي
منهو بعده يطب علي يتسامر وياي
وقف راح اكتب ييمه فوك عيناي
صبي مايج كله عالماضايك الماي

راح ضامي...ونحرم ماشرب من سر الحيات
راح ظامي...خله وسط كلوبنه نكبه الفرات
جمره ماتطفه ابد
كال مايرجع بعد
..................... 
 
يمه يمه...ابد ماتتحمل الروح الاذيه
يمه يمه...ادعي ياربي اخذهه بكل مسيه

روحي ماريدنهه بعدك شلي بيهه
يالمشيت وماكدتهه من اديهه
امك انه وكلشي صار اضلم عليهه
تنطي وين الوجه بعدك ياوليه

ادعيلي يمه...هناك يم جدك حياتي صارت اضياع
ادعيلي يمه...كون عمري مايطول يخلص بساع
مشه يم جده صعد
كال مايرجع بعد
.................................

هاي هيه...خلصت ايام الفرح واصبحت حفنه
هاي هيه...روحي اذا طلعت جسدهه وين ادفنه

كون وياك بلحد واحد سويه
وايدي احطهه جوه راسك يالشفيه
هناك وتحس بالحنان الئلك بيه
ومااخلي يلوحك تراب الوطيه

حيل احظنك...يمه واستنشق انفاسك ريحه طيبه
حيل احظنك...لاتكول ابعدت عني امي الحبيبه
من مصابك ماكو اشد
كال مايرجع بعد


خادمكم محمد هادي العقابي

https://tttttt.me/ssgadAl

ليلى تخاطب ابنها علي الأكبر
....................................
ماكلتلي .بكربله اتصير النهاية –
ماكلتلي-بعدك امشي ويه السبايه
ماگلتلي.. حتى اضملي اشچم عباية
......................1
جنت من اسمع حديثك ترد روحي الهايمة
هسه ساكت ماتسولف.يبني ومخضب دمه
مثل طبع النبي طبعك . العمر تشبه فاطمة
كبل لايبدي شبابك.الموت الك حد صارمه

ودعتني ..وانه ما اريدن اودعك.
.ودعتني .. بحزن دمعاتي تشيعك
ماگلتلي .. ياعلي من البداية
.....................2
مو سهل عالام تفارك .. ابن يشبهله نبي
العدهه مثلك ماتعوفه.. بنص كلبهه يختبي
كبل موتك اني لازم .. ياحبيبي انسبي
ماي اذكر ردت مني .. وكلت مني كربي


فاركتني .. وانه محتاجه البقائك - فاركتني .. وبعد ما يرجع لقائك
ماگلتلي .. الاول انته من الضحاية
...........................3
انته من صنف الملائك.. بيك كلشي يختلف
جسمك الشفاف لوحة..رسم طعنات ونزف
جسمك اعلوگه تفصل .. ما لگوا مثلك ترف
مايجف دمعي يغالي..السبب دمك مايجف

وبچفوفك.شفت اكثر من علامة-
وبچفوفك.اثر دگ بوب اليتامة
ماگلتلي .. ياعلي بهاي الرزايا

..............................4
الموت ماعنده تواضع .. ولا مروة ولاخجل
ياخذ البيهم محنه .. ويترك اصحاب الدجل
من الضوه مخلوق ابني..ومايسولف بس عسل
ولأن نسخة من محمد.. شافه جبريل ونزل

علي تدري..راد ابوك ايموت يمك
- علي تدري.. ماتضل من بعدك امك
ماگلتلي .. تفرق احبابي المناية
..........................5
عليك كل ضنهم نبيهم ..طابقوا حتى الصور
ميه بالميه التشابه .. لا چن انشق القمر
وي بني سرائيل ساروا .. العده وبنفس الأثر
ولأن ماذبحوا نبيهم .. علي گطعولك نحر

هاك وصله .. وصله من گلبي ييمه
- هاك وصله .. بگبرك ادفنهه يرحمه
ماگلتلي .. راح اصل للحاله هاية
...............................6
صدگ باچر امشي عنك ..لليسر وهنا تضل
ياعلي منهو اليصدگ .. ننسبي وعدنه بطل
ابو فاضل من يصدگ ..بعدك ايصيبه الأجل
من رحتلي راح كلشي ..اتيتم بروحي الأمل

يعني بعدك.حسين مايبقى واخيه-
يعني بعدك..امشي وي زينب سبيه
ماگلتلي .. حتى اجيبن بعد راية
.....................................

حيدر موسى الرميثي

https://tttttt.me/ssgadAl

محرم 1441
علي الأكبر (عليه السلام)

بـويـه تـتـعــب لا تـلـمـنـي
راحـتــك أكــثــر تـهـمـنـي
امطـشــر وذر خـلـيـنـي
كـل هــذا مـا يـعـنـيـنـي
راحـتــك أكــثــر تـهـمـنـي

بالحرب عيـن وعيـن الك..ما بيه اشوفـن دمـعه من عـيـونـك
حاولـت بس لا أنجـرح..من انجـرح بويه أعرف يجـرحونـك
جرحـوني ضمـيت الجرح..بـس باوعـت شفـتك تغـيَّـر لونـك
وثار الجرح خَـذتـه بألـف..رﮔـبه وردت متـبـسم أيـشـوفونـك

ومِـن بـعــيـــد وأشـــرتــلَّـك
زيــــن لا تـهــتــم ﮔــلـتـلـك
مـا افــكــر شـيــاذيــنـي
كـل هــذا مـا يـعـنـيـنـي
راحـتــك أكــثــر تـهـمـنـي
ـــــــــــــــــــــــــــــــــــــ1ــــــــــــــــــــــــــــــــــــــ

تحـﭽﻲ السيوف اعله الذبح..وانه احـﭽﻲ عن حنيتك شمحلاها
بعـاطـفـتـك امحير العـطـف..سبحانه هـاي العـاطـفـه السواها
بـكـل طـعـنه واتـبـاوع الـك..مـو بـيه أحـسـك انـت تـتـلـﮔـﺎها
واتـمـنـه يـبـقــالـي جـسـد..وبس حضنه اخيره المنك اتمـنـﺎها

حـتـى اﮔـلـك بــويــه إبـنــك
ما عـطش إلا اعله حضنـك
والعـطـش مـا ﭽـﺎوينـي
كـل هــذا مـا يـعـنـيـنـي
راحـتــك أكــثــر تـهـمـنـي
ــــــــــــــــــــــــــــــــــــــ2ـــــــــــــــــــــــــــــــــــــ

ملتـمه الاجـيـوش شكـثـر..واعـلـيه صارو ﮔـد كثـرهـم غيـمه
وما شفت من عدهم وجه..عيني اعله وجهك وانت يم الخيـمه
الاسـيوف تمشي بمنحري..وانه ادعي نحرك سالم اللـه يديـمه
والأخ مــو أخ الـجـســد..أخ الحـرم لـو ركضـن اعله الهـيـمه

انـــت سـالـم هـنـه سِـلـمَّـن
ولـو رحـت بيـمـن يـأمـنـن
بـيــكــم أهـــم تـدريـنـي
كـل هــذا مـا يـعـنـيـنـي
راحـتــك أكــثــر تـهـمـنـي
ــــــــــــــــــــــــــــــــــــــ3ـــــــــــــــــــــــــــــــــــــ

بيه الطعن واشـتاﮔ الـك..شنهي الطعن فرﮔـاك شاغـل بـالي
غـالي انـت وهنانه البشر..تـتـلـذذ انظـرها بذبـح كـل غـالي
ما يترس امكـانك شخص..انـت الوحيد ايظـل مكانك خـالي
وشـمـا يـوذروني ابـتـشر..بيه الطعن مو بيك بويه اشـوالي

لـو تــأخــروَّ بـيــه أفـضـل
حتى عمـرك يصبح أطـول
سهـله وعلي اموذرينـي
كـل هــذا مـا يـعـنـيـنـي
راحـتــك أكــثــر تـهـمـنـي
ـــــــــــــــــــــــــــــــــــ4ــــــــــــــــــــــــــــــــــــــــ

متـوذر ومـن جيـت الي..اتـمـنـه بــس كـون اﮔـدر وأتـلـمـلـم
مـتـعـود اتـبـسـم إلــك..شـﮔـد حـاولـت بس ما ﮔـدرت اتبـسـم
وردت ﺤﭽﻲ ما يطلع ﺤﭽﻲ..عود ارد اﮔلك فدوه الك لا تهتم
وأّتـحــزم وأنـهـض ردت..ما هوه ظهري وبيش الـك اتحـزم

ورغم كلشي بروحي ألومـن
شـلـون يـمــي ومــا أﮔـومـن
يـجـروحـي لتـمـنعـيـنـي
كـل هــذا مـا يـعـنـيـنـي
راحـتــك أكــثــر تـهـمـنـي
ــــــــــــــــــــــــــــــــــــ5ـــــــــــــــــــــــــــــــــــــــ

من ما ﮔـدرت اوﮔف إلك..هنانه اقنعت هذا اهوه وكت الفرﮔﻪ
ثاريَّـه عـنـده الطـف طبع..ما يحب بيـن اعـزاز تصـبح ملـﮔﻪ
وايشـوف ويـن البي نفـس..ياخـذ عزيزه ابفـﮔده حتى ايخنـﮔﻪ
ويختـار كـلمـن يـنعـﮔـشـك..وابذبـح معـشوﮔﻪ يـفـرفح عشـﮔﻪ

الفرﮔـﻪ هـاي الإحنـه بيـهـا
النـاس جـبـرتـنــه عـلـيـهـا
وحِلـفَـت دمـه اتبـﭽـينـي
كـل هــذا مـا يـعـنـيـنـي
راحـتــك أكــثــر تـهـمـنـي
ـــــــــــــــــــــــــــــــــــــ6ــــــــــــــــــــــــــــــــــــــ

أحمد البصراوي العبادي

https://tttttt.me/ssgadAl

بهمه اعتنيهم ياعلي بهمه اعتنيهم
وخسفها بيهم ياعلي وخسفها بيهم
انته راعي المرجله سوي عمله بكربله
******
غيرة الله وبيك ازامط ويبني اعرفنك غيور
علي يا هيبت محمد بيك ابوك اشكد فخور
بيك غيره من ابو فاضل ومثله هم دمك يفور
عنك التاريخ يكتب راح يبني اشكد سطور

ركض زلمها بصولتك ركض زلمها
ونسيها اسمها بغيرتك نسيها اسمها
ياهو عزمك يوصله وسوي عمله بكربله
*******
روح يبني وهذا سيفك وخوف ازرع بالنفوس
ومن مراجل علي الأكبر خلها تتعلم دروس
بالسره عله الموت خلهم وفوكهم بالمهره دوس
والزلم بالزلم تعثر وخلها تمشي بلايه روس

اكطع نسلها ياعلي اكطع نسلها
وذبحها كلها ياعلي ذبحها كلها
الموت بيدك شايله وسوي عمله بكربله
*******
ابمراجل علي جدك تذكر العسكر أريد
وللمخيم كون يبني اتجيبهم بيدك عبيد
يبني مثل حسين أريدك ما تمد للذله أيد
وكربله ذكر زلمها ياعلي بيوم الوعيد

بغيرة محمد ياعلي بغيرة محمد
لا تترك أحد ياعلي لا تترك أحد
عليهم أقره الزلزله وسوي عمله بكربله
*******
اخسف الحومه بزلمها ونزل عليها العذاب
وخلها يبني اكبال سيفك تنزع الروس الركاب
ياعلي اسرافيل ناده وجن اجه يوم الحساب
يبني ركضهم عطاشه وهوس وذب النكاب

بيدك فقارك ياعلي بيدك فقارك
راويها نارك بالحرب راويها نارك
ومصحف الحب رتله وسوي عمله بكربله
******
ياعلي الأكبر دخيلك لازم اتصيح الزلم
انته خليت الكتايب بس تشوفك تنهزم
آنه ربيتك بديه ويمه اعرفنك شهم
من اجيب اسمك حبيبي كربله تصيح ونعم

اسمك رعبهم ياعلي اسمك رعبهم
ورجف كلبهم من تطب رجف كلبهم
الحومه صاحت ياهله وسوي عمله بكربله
*******
هذا يومك علي يبني وما تقصر ادري بيك
انته وارث علي جدك موت شايل بين اديك
وكمت تسحك بالكتايب يبني وترجع اليجيك
وصاح ابو فاضل يلاكبر فوت بيها وماعليك

بس انته كدها ياعلي بس انته كدها
بسيفك تردها التعتني بسيفك تردها
وتحل أصعب مسئله وسوي عمله بكربله
******
تمت
ميثم العمري

https://tttttt.me/ssgadAl

وحگك يا بزر حظني .. امنهد گعدتنة يوجعني
گلبي وحيل خايف
ترة مو حلوة يا الأكبر .. تموت وانت المعتبر
ومن العطش ناشف
تالي التعب و ارباي .. يصفه لروجة الماي
ومن العطش ناشف
___
يبني يالتعبانة بيك وكبريتك
تالي شيبي وغفلة مني وضيعيتك
سالفة اتنگط عشك من سولفيتك
ليش باگوك امن ادية وما لگيتك

يعافيتي و دفو عيوني .. احبك غير يدروني
ما عافوك الية
اعله رمل الگاع شو نومك .. وأنه امن البارحة هدومك
شربتهن ادية
ومامش طولك احذاي .. يصفة لروجة الماي
ومن العطش ناشف
_
تلبس الخضرة شحلاتك وانه اباوع
وتوه خط اشواربك بالوجه طالع
چان طول اخيالك امضوي الجوامع
انه نشّف دمي فگدك وانت ناگع

يبعد التوجع اشلونك .. صدگ اصفر گلَبْ لونك
لو كتلوا خضارك
كشختك خربت ابحافر .. وگلب والدتك امناطر
بس أشّر امبارك
حيلي الطاح جواي .. يصفة لروجة الماي
ومن العطش ناشف
__
استورحيتك يا حلال الله وحلالي
غفل راحن ليش شوغات الليالي
انت مو مالت حوافر انت مالي
اليوم ربعك لو طحت ينقصها غالي

تلم اعيونك واگعد .. الصدفة اتخرب الموعد
موش ابالي اعوفك
عيوني اشمرها يم عينك .. بتعب لميت عشرينك
تالي بگاع اشوفك
تعبي وشوغة اصباي .. يصفة لروجة الماي
ومن العطش،ناشف
___
يمة حار الرمل خاف ايچّوي نحرك
سيفهم شيب و اخاف ايلوح شعرك
اثمانية وعشرين توك صار عمرك
ليش ذاك الحافر ايدوس اعله اضفرك

اناشغ بالخيّم وابچي .. وادية بخدي چا شحچي
والساني تلعثم
گلتلك اوگف اتوازة ... اخاف اتردلي بجنازة
گلتلي العاش ينذم
گتلك روح يهواي .. يصفة لروجة الماي
ومن العطش،ناشف
_
يا بعد گلبي الرچيچ الطاح مني
كون ذني اليوجعنك يوجعنّي
والحوافر بية موش ابّزر بطني
امطشرة امك فوگ جسمك گوم لمني

صدگ اختاض لو تمشي .. يموت النوم يم رمشي
يا بخت الهواشم
و ابوسنك على اعيونك .. حرز خافن يعورونّك
لو شافوك نايم
لذيذي وكوسر فياي .. يصفة لروجة الماي
ومن العطش،ناشف
___
علي هادي الخزعلي

https://tttttt.me/ssgadAl