علي الأكبر بالحرب صولاته -
مثل جده المرتضى وحملاته
.......................1
مايعرف الخوف ماهمه العدد
سيفه يفصل روسهم عن الجسد
غابة عندة المعركة وهو الأسد

والملك هوه وجرت كلماته
مثل جده المرتضى وحملاته
......................2
مثل طه ربنه راسم صورته
نبي بالطف حيرتهم طلعته
من يصد للشمس تلمع وجنته

قروا أفعاله وقروهه اياته
مثل جده المرتضى وحملاته
....................3
راد يهديهم ولكن ماهدوا
ناس عالدگ والمذله اتعودوا
سيفه يستنگي يضل بالعاندوا



من بصطهم سمعوا احچایاته

مثل جده المرتضى وحملاته
......................4
هذا عد حسين أعز من الهوه
علي لعيون الحسين أجمل ضوه
بالعطش ياوسفه دلاله انچوه



احله من يوسف حسن نظراته
مثل جده المرتضى وحملاته
.......................5
واليگوله ايصير غصبن عالخصم
علي رافع رأيته ضد الظلم
صاح ياويله الذي مايحترم


بينت بيهم علي شاراته
مثل جده المرتضى وحملاته
........................6
حير العدوان ماتندل تفر
بعد يالكفار ماينفع عذر
خل جهنم تشبع وخل تستقر
لسه تشهد بالفعل بصماته مثل جده المرتضى وحملاته
...................... ....
حيدرموسى الرميثي

https://tttttt.me/ssgadAl

قصيدة في رثاء علي الأكبر عليه السلام


يالأكبــر يانـور عيـوني
امّك بمصابك فجعوني
ينزف دمك .... ونحب يمّك
امّك بمصابك فجعوني



يانبضـة دليلـي وبهجـت افـراحـــه
يابـدر الظـلام اليطــرد اشبـــاحــــه
تعبـت بربـاك يبنـي وماشفـت راحـه
حسبت بجالك اگضي ايامي مرتاحه
ماچنت احسب يوم مصابك
ولا انظـر بعيـونـي خضـابك
يابعد امّك ..... ونحب يمّك
امك بمصابك فجعوني



عسه لطف كربله لا جيت يالأكبر
ابـوك حسيـن جـابك ياعلي موذّر
گبال عيوني حطّك تنـزف المنحر
بعـد منّـي شتـريــد شلـون اتصبّر
طحت عليك انحب وشتمّك
وصـرخ يالأكبــــر آنـه امّــك
انده بسمك ..... ونحب يمّك
امّك بمصابك فجعوني



يالّأكبــر تـگـطّــع كـل عضــو منّــك
حـرت مـن ياكتـر يـوليـــدي اشمنّك
احط راسي عله صدرك وستمع ونّك
بلا روح ونفـس يـوليــــدي احسّـنّـك
تنزف دم من كل كتارك
وبگلب امّك تلهـب نارك
همي وهمك ..... ونحب يمّك
امّك بمصابك فجعوني




يالاكبر راسك بحجري جره دمّه
احـاچيــك بـدمـعـتـي يُمّه يايُمّه
تجـاوب ياعلـي ريتـك ولو كلـمه
اخـذ راسيّ لصـدرك ياعلي ضمّه
لتگطّع گلبي وجاوبني
اتحسّر ونـدب آ يبنـي
گلبي يكلمك ...... ونحب يمّك
امّك بمصابك فجعوني




عسه عيـونـي يالاكبر يبني معميّـه
ولا شـوفـك يالاكبــر جثّه مـرميّــه
اريــد انـهـض وشيـلك حيـل مابيّه
طحت فوگك انوح وروحي مچويّه
ويّاك احچي ومتحاچيني
بغيــابـك منهـو يبــارينـي
روحي تضمّك ...... ونحب يمّك
امّك بمصابك فجعوني



اظـل بعــدك يالاكبــر للقـهــر والنـوح
بجرحك لا تظن يشفه الگلب مجروح
امّـك ياعلـي حــاچـيـهــا ويـن تـروح
وشـوفـك عالوطيّـه مگطّع ومـذبـوح
راح اگعد للهم والونّه
ما افـرح بعـدك وتهنّه
انظر جسمك ...... ونحب يمك
امّك بمصابك فجعوني

خادم ام علي الأكبر عليها السلام
سيد زيد الفحام
_________________________

https://tttttt.me/ssgadAl

نزلة .... في رثاء علي الأكبر عليه السلام


بويه بس انخاني ما يظل سفياني
....................

علي الأكبر آنه بويه وانت المربّينــي
علّمتني عالشجـاعـه وخيرك مكفّيني
ياحلات الموت دونك حبّك اليحييني
إلا اذل عسـكـر اميّة سيفي وبچفّيني

بسيفي وبايماني. ما يظل سفياني
......................

ألّيمـس طاريـك كـلـمـه إلّا گـص لسـانه
احـز روس الجيـش كلّه والنبي وقــرآنه
ستوحدوك وحيل فرحوا جيش ابن مرجانه
إلا خلّيــهــم ضحــــــــايـا آنـه ابـنـك آنـه

حامي جاره الثاني ما يظل سفياني
......................

ياعـلي الأكبـر يـگـلّـه انت رفعـت راسي
آنـه ابـوك حسين وانت عايش بانفـاسي
گدها يالأكبر وعرفك ما يخيب حساسي
يرضي بارينه ورسوله للأمــامـه يـواسي

ادري من تفداني ما يظل سفياني
.......................

هـزهـز السيف بيمينه وعتنه بميمونه
چن عـلي الكرار نازل كلـهـم يشوفونه
نفخة اسرافيل صوته والغضب بعيونه
واحـــد وآلاف هُـمّــه فـنـهـم يـلاگــونه

هاشمي بعنواني. ما يظل سفياني
...................

يابنـي سفيــان نـاده منهـو يتحـداني
هـذا ابويه حسين هذا للحـرب ودّاني
كلها منّه تخاف لبدت واحد بسد ثاني
اليوم آخذ ثاري منكـم والـوعـد ربّـاني

من اطب ميداني. ما يظل سفياني
......................

علي الأكبر غاص بيـها ورايته معلّيها
بس جثث خّلّه العساكر اوّل وتاليـــها
ناس نامت عالوطيه وناس يذبح بيها
صاحت الغوث آل اميّة شردت لراعيها

اهزم العاداني. ما يظل سفياني

سيد زيد الفحام
___________________________

https://tttttt.me/ssgadAl

نزلة في رثاء علي الأكبر عليه السلام


بالطفوف ( الواقعه )
سيفه صار( القارعه )
من نزل للحومه هذا الاكبر
…………

هاشمي واعلن قراره من اميّه ينتقم
الغاضريه سد هواها ختنگت بسيفه الزلم
ناس طارت روس منها وناس بالنص تنجسم
علي الاكبر نزل بيها هوه گدها والنعم
چن علي حامي الحمه
سوّه بيهم ملحمه
من نزل للحومه هذا الاكبر
****

صولة الكرار حيدر عالعساكر صولته
يشطر الخيّال سيفه ما يثنّي بضربته
گامت الفرسان كلها ترتجف من خزرته
فوگ اجساد آل اميّه ضل يدوس بمهرته
هوّس گبال الخيم
رجفت اشباه الزلم
من نزل للحومه هذا الاكبر
****

بكر ابن غانم برزله وچان ينعد بالالف
من وصل يم علي لاكبر خاف من سيفه ورجف
من علي ضربه أجتّه واگف وراسه انخطف
طاح جثّه وجمد دمّه من كثر خوفه نشف
صاح من يبرز بعد
قائد العسكر شرد
من نزل للحومه هذا الاكبر
****

زلزل الميدان بيهم بيده مالت نينوه
يزهق الارواح سيفه والله كل عشره سوه
رغم ما صحراء هيّه ختنگوا وضاع الهوه
علي الاكبر هذا فعله هاشمي وبيده اللوه
شاع بالحومه خبر
ماكو مهرب لا مفر
من نزل للحومه هذا الاكبر
****

ضنّوا العدوان حيدر ثاني رد من موتته
لأن شافوا منّ الاكبر نفس سيفه وشمرته
تشرد العدوان كلها من يهزّ برايته
علي الاكبر من كلامه آل اميّه عرفته
نازل عليهم غضب
شافوا بسيفه العجب
من نزل للحومه هذا الاكبر
****

قارعه السيف بيمينه يقرع گلوب العده
ظلّت الفرسان يمّه بس جثثها امدّده
هذا شبل حسين هذا نزل بيهم وحّده
اخذ ثاره من اميّة وراد يرضي والده
جاوبه حسين الولي
عاشت ايمينك علي
من نزل للحومه هذا الاكبر

سيد زيد الفحام
_____________________________________

https://tttttt.me/ssgadAl

عكَيلي لعلي الأكبر عليه السلام

انتظرك ترجع يا الأكبر
.............................
روح انطي الروح ورد لمك
افزع يمه بفزعة عمك
الكاع التعطش يمه بدمك
شربها ولا لا تتعذر
................................
يالماخذ روحي انته وعيني
منتظره بخيمه مخليني
بداعت عمرك بس حاجيني
ترجع لمك لو ما تكدر
................................
خوفت الطف كله بسيفك
اكطع روس وسوي بكيفك
منهم اخذ الليله بحيفك
ذكرهم يا يمه بخيبر
................................
وصيتي اكتبها من دم نزفك
من تعطش بس ارفع جفك
شوف كبالك يغرك طفك
وينزل بين جفوفك كوثر
................................
راويهم يوليدي أفعالك
يخافون اعرف من خيالك
شردو كلهم يمه كبالك
كالو هذا الفارس حيدر
................................
خادم الحسين عليه السلام
ملا حازم البزوني

https://tttttt.me/ssgadAl

قصيدة مقدمة مجلس في رثاء علي الأكبر عليه السلام.


تمنّيت المنيّه. ولا تبعد عليّه
*

علي الأكبر حبيبي ويانبض گلبي
يسلوة دنيتي وروحي وثمر تعبي
طلبتك دُرّة افرح بيها من ربّي
تزيح اهمومي رتّك ياعلي وكربي

اشُبگبنّك بديّه. ولا تبعد عليّه
*

اودعك ياحبيبي شلون ما اگدر
مثل شمّ الهوى محتاجتك وكثر
يهون عليك تبعد ياعلي الاكبر
بسيوف النواصب يُمّه تتوذّر

اموت بهالمسيّه. ولا تبعد عليّه
*

تموت الأم اذا عنها الابن ابعد
شگول بحالي اني وگلبي يتمرّد
اشوفك عالوطيّه گبالي تتوسّد
ذبيح ودم جبينك ينزف عله الخد

يريت الطعنه بيّه. ولا تبعد عليّه
*

قدر مكتوب لازم ينسفك دمك
وشوف سيوف اميّه التنتظر جسمك
يريت ابدال ذبحك تنذبح امّك
ولا يفجعني يبني بذبحتك خصمك

اصيرلّك ضحيّه. ولا تبعد عليّه
*

جمالك يُمّه من جدك رسول الدين
عجيبه شگد يحبك يبني ابوك حسين
اخاف عليك يُمّه من سهام العين
يريدك للحرب ياوسفه ليش البين

اخذ روحي جزيّه. ولا تبعد عليّه
*

گبل لا تمشي عنّي خل اودعنّك
اريد ابمنحرك يوليدي اشمنّك
بعد لحظه البواتر ما يرحمنّك
يگطعن گلبي يبني من يگطعنّك

ردت موتك اليّه. ولا تبعد عليّه

سيد زيد الفحام
_____________________________

https://tttttt.me/ssgadAl

قصيده رئيسية في رثاء علي الأكبر عليه السلام


يالعايف امك غريبه. محروس بالله وحبيبه
ترجع يشمعة حياتي ادعيلك اني بصلاتي.
محروس بالله وحبيبه
*

يانبض گلبي وحياتي وماي لعيون
يُمّه ربّيتك بديّه وتعب الامتون
شلون تالي تروح مني ياعلي شلون
تروح لسيوف آل اميّه المايرحمون
يوليدي گبل المنيّه. خليني اشبگك بديّه
ياسلوتي وذكرياتي. ادعيلك اني بصلاتي
محروس بالله وحبيبه
*

ياعلي الاكبر تعال اگعد ييُمّه
انطيني نحرك ياعلي مشتاگه اشمّه
بعد ساعه وسيف عدوانك يثلمه
وينصبغ وجهك ييُمّه بفيض دمّه
يوليدي ميته عساني. ولا ابقه بعدك ثواني
اتمنّه گبلك وفاتي. ادعيلك اني بصلاتي
محررس بالله وحبيبه
*

گلها يايُمّه الحنينه لا تنوحين
اني راح افدي حياتي لوالدي حسين
ودّع امّه وراح عنها ينصر الدين
وغرگت عيون امّه ليله بدمعة العين
للباري رفعت اديها. تدعيله يرجع عليها
ما حققت امنياتي. ادعيلك اني بصلاتي
محروس بالله وحبيبه
*

تنتظر جيّة ابنها بخيمته تنوح
ساعه لن جابوا ابنها الغالي مذبوح
بالسيوف مگطعينه وينزف جروح
چن مُحمّد مو علي دم نحره مسفوح
مفجوعه شبگت ابنها. وتنادي يبني بحزنها
حاچيتي يُمّه بغلاتي. ادعيلك اني بصلاتي
محروس بالله وحبيبه
*

ياعلي الاكبر حبيبي آنه امّك
ويلي متگطع وذر وشلون المّك
افتح عيونك حبيبي خل اكلمك
لو يخلّوني اظل كل عمري يمّك
ذبحتني هاي الرزيّه. تنزف جروحك عليّه
بدمّك تحنّت عباتي. ادعيلك اني بصلاتي.
محروس بالله وحبيبه
*

شلون اداوي جروحك التنزف وشدهن
ياعلي الاكبر الف وكثر عددهن
واليضهدك واليألمك ياهو منهن
بيّه مو بيك الخذن جسمك عسنهن
يالفارگتني بشبابك ورّم دليلي بمصابك
بجروحي ابقه لمماتي. ادعيلك اني بصلاتي.
محروس بالله وحبيبه.

سيد زيد الفحام
________________________________

https://tttttt.me/ssgadAl

يوم علي الاكبر ع.. دعاء ليلى

راح ارجع الخيمتنه وادعيلك
والزهره اريدنها تباريلك
أبجاه محسنها العصر مات
تردك الي الزهره بسلامات
…………………...................
امودع الله ياعلي .. يوليدي الله وياك
سايمتك اني بفاطمه .. ام الحسن ترعاك
لخيمتنه راح ارجع انه .. وبدمعي راح اتناك
چلمات الي ويالله بعد .. بيهن أمل ملگاك

ياربي احلفك ابضلع فاطم
رده علي الاكبر الي سالم

بجاه الذي اتولوها سطرات
تردك الي الزهره بسلامات
…………………...................
ياربي احلفك بالجره .. والصار يم الباب
حلفتك ابذاك الضلع .. بالعصره من انصاب
اترد الي وليدي علي .. عن عيني الاكبر غاب
تدريبه گلبي موحمل .. فراگ وهجر ومصاب

ارحم يلاهي بغربتي وحالي
وليدي شبيه المصطفى الغالي
ماعندي اقدم غير دمعات
تردك الي الزهره بسلامات
…………………...................
بالخيمه ادعي واذكرت .. انته رحت عطشان
وبروحي ما ادري اشجره .. نمت اني عالتربان
وبرؤيه شفتك ياعلي .. موهذا حالك چان
مرفوع راسك شاهدت .. يايمه فوگ الزان

حالك ييمه يختلف شفته
اليشبه محمد اني معرفته
متروس جسمك علي طبرات
تردك الي الزهره بسلامات
…………………...................
شفتك تلوج عله الرمل .. تأشر تريد الماي
ولحسين صحت من البعد .. هد حيلي بويه اضماي
بس يمه شفت اني الشمر .. اعليك يركض جاي
بجسمك يطبر ياعلي .. يامحنتي وبلواي

يايمه اظن شفت الشمر داسك
وسل سيفه شفته ويگطع براسك
وبرمحه لن چمل الطعنات
تردك الي الزهره بسلامات
…………………...................
وحسين ابوك اتعنه الك .. موهذا ابوك حسين
تيه طريقك ياعلي .. مايدري دربك وين
ولحسين زينب اشرت .. عليك وتصب العين
يحسين ذاك ابنك علي .. نداروا عليه صوبين

شمالك تگله تيهت دربه
عيوني نعمت گال ولزم گلبه
يازينب اوليدي اظن مات
تردك الي الزهره بسلامات
…………………...................
يمك اجه حسين وگعد .. گعدت ابو مقهور
شچم طبره شافك ياعلي .. بسيف الشمر مطبور
وشچم عضو منك لگه .. يمه علي مبتور
شالك ييمه وماگدر .. ظهر الولي مكسور

گوه زحف يم الخيم جابك
هد حيله يبني ياعلي صوابك
العيشه بعدك علي هيهات
تردك الي الزهره بسلامات **

الشاعر عقيل الحسناوي..

https://tttttt.me/ssgadAl

علي الاكبر ع



دمعي همال...والحال...ماتحمل مصابك
يبني جتال...لوطال...يالاكبر  غيابك

راح اضل اصفك بديه....والاهيد 
والدمع صبح ومسيه.....تره يزيد 
......................

رد عليه..يمه كلي شنهو مني العطلاك
ياعزيزي..تدري بامك ابد ماتحمل جفاك
خلي بالك..لومتت يعني اموت اني وراك
المن ابقه..وشلي بعيوني اذا فكدت ضواك

تعمه العيون...وتهون...لجلك  كل حياتي
كلبي محزون...وشلون...غابت امنياتي

ياهو اليهود عليه....يالوحيد
والدمع صبح ومسيه...تره ايزيد 
......................

تبقه حالي..ابلا وطن يوليدي لو عني تروح
ومااهود..ياهي التفارك كلبهه وماتنوح
واحرموني..من نضرتك والعطر ذاك اليفوح
يمه كلبي..بكد جروحك ياعلي يحمل جروح

فاكده الراي..ووياي..جان ابني شحلاته
خذت دنياي..سلواي..ماكو من صفاته

حالي بعدك بالاذيه....يالبعيد
والدمع صبح ومسيه..تره ايزيد
......................

شلي بعدك..بدنيه ماترحم كلب شايل حنان
هيجي دنيه..يبني بيهه بعد ماظلي مكان
مااريدن..ابقه يمه وياك اخذني للامان
لاتخلي..الروح تتعذب بعد من هالزمان

هايمحبوب..والثوب..أسود راح البسه
كلبي مصيوب..ويلوب..ما واحد  يحسه

الراح من عدهه التجيه...شنو يفيد
والدمع صبح ومسيه....تره ايزيد
.......................

جان ليلي..يبني يحله بطولك وذاك الجمال
بعيني شفتك..الي من جابوك ومخضبك دماك
شرد اسولف..عالجروح  ودمك  ينكط  وراك
شنسه منك..سهر ليلي والتعب يمه ورباك

يبني اشم بيك..واحاجيك..وكليبي شيهوده
ياجرح بيك ..يأذيك...كلي وحته  اضمده

ونتك ونه خفيه..يهل حيد
والدمع صبح ومسيه..تره ايزيد
........................

عني تمشي..يمه مافكرت بيه بهالوداع
تدري بيه..اخلاف عينك من اديه كلشي ضاع
هسه روحي..تريد يم كبرك كبر وبفرد كاع
شلون احصله..حته تهده وتستقر من الاوجاع

يبقه لدوم..مالوم...كلبي من رحيلك
هاي الهموم..كل يوم...بيهه انه اشتكيلك

والدهر مارحم بيه...شنو يريد
والدمع صبح ومسيه...تره يزيد


خادمكم محمد هادي العقابي

https://tttttt.me/ssgadAl

على خشوم الزلم داس وتبختر
للــــــــميدان طب بشوگ الأكبر
مثل حيدر علي الاكبر
*
ملتمة الصفات بشخصك انواع
حنين وحتة منك ترجف الكاع
ترسم والرسم من سيفك ابداع
ثوبك من تنكته يطيح نعناع

ابن من هذا يبرزلك ويگدر
للميدان طب بشوك الاكبر
*
الشمس منك خجولة وگامت تلوع
من جدمك اريج الوردة مصنوع
كلبك جي ترف بالنبضه مسموع
ورة ثوبك وباين قوس الضلوع

يالوحدك صرت بالحومة تفتر
للميدان طب بشوك الاكبر
*
ابن غانم يعدونه بالالاف
يمك من وصل ضل يرجف وخاف
بيك الموت يمكن دقق وشاف
گطعت الراس وانت نسل الاشراف

وحتة الخوف بين الجيش سيطر
للميدان طب بشوك الاكبر
*
من الضوء اسرع بالميادين
يالمركض بسيفك الف الفين
وتودي ابتسامه الوجه الحسين
مستبشر ابوك وفاتش العين

فوك الجيش نازل موت الاحمر
للميدان طب بشوك الاكبر
*
موت وعالكتايب نازل الموت
المن سيفك يفر گلوله مبخوت
ماتو وگفه لمن تصرخ بصوت
النخل ينحني الشخصك لمن تفوت

اذا هديت كالو الله يستر
للميدان طب بشوك الاكبر
*
اذا هديت كالو ربي رحماك
چم جبريل چم عزريل وياك
واسرافيل ظل بالصور ينخاك
هية اهل السمه يا علي تهواك

يالمحاسب الجيش حساب منكر
للميدان طب بشوك الاكبر


عبد زينب
محمد الابراهيمي

https://tttttt.me/ssgadAl

يمعشوق الحسين محمد انته
يسلطان الوفاء العمر سبلته
ذبت بل يا خيام العطش هم ضگته
جروح أ لاكلام السهم صاحبته

جمال اوصفاك لا شايف لا سامع
حبست انفاسك ويه امك تتوادع
الاكبر روحك تتمايل بالنسمه
شمس بالعاشر عل الوادم من طالع

طلعتك جنوني يغالي
صفنتك جواب لسؤالي
جمرتك ثواب الرقيه
بوجنتك دموعك تلالي

ياعلي الاكبر ياعلي الاكبر
-*
تصد بوجه ابوك. وابوك يصدلك
توديله السكوت وسكوت يودلك
غرام اعله الغرام وحنان الدنيه
تشد مهرك بديك وصفنته تشدلك

خجل بعيونك هم عاشگ يالاكبر
خيول اشواگك بالملگه تتعثر
خطوتك ديره ولجرحك تتعذر
بحنان حسينك وبصدره تتدثر

موادعك تدنه اعله همك
والدك تشمه ويشمك
بدمعته يسولفلك يگلك
بياگلب حاچيني اضمك

ياعلي الاكبر ياعلي الاكبر
*
طلعت بلا شعور ودمع بجفونك
على عيون الحسين تدير عيونك
خذت لونه ومشيت عذاب جنونك
جنون العاشقين وهيام بلونك

هيامك يجوي وحچايه بنضراتك
تريد تسولف والخيمه بصفناتك
العشگ يتفسر من تنطي المحبوبك
ونطيت المنحر لحسين وعماتك

تلتقي الحكايه وحكايه
والسهر كلام البدايه
والدمع ختم المحبه
والضياع بلا نهايه

ياعلي الاكبر ياعلي الاكبر
****
ياالاكبر يالجريح ومحبتك بينه
متن بس بهدوء سمعت سكينه
العطش لازمها حيل. ويفتت بيها
گلبها چنه نار. العطش يچوينه

خواتك صعبه تسمعهن حشمنك
تشگ الدنيه يالانشمي يعرفنك
العطش ما يرحم يالاكبر يالتدري
صفيه وخوله تتلوه يشوفنك

همتك يخويه يفارس
وتستمع اهات النوارس
والنعم والحومه اعله چتفك
واسمك مزين المجالس

ياعلي الاكبر ياعلي الكبر
****
يسلطان الوفاء وذهول العاشر
يدمعات الحنان ومتاع مسافر
جمالك مو جمال ولوين مهاجر
يا الاكبر يا چبير يأمس وباچر

مثل دمعاتك عل الهزله العلويه
سياط وحسره بحبال ومسبيه
رقيه بجرحك شاهدها يالاكبر
زغيره وتركض رجليهه مچويه

وعمتك سياط وشتايم
وامك بگلبهه العلايم
ياعزيزي يبني يالاكبر
ياهوى الخنگه ونسايم

ياعلي الاكبر. علي الاكبر


عبد زينب
محمد الابراهيمي

https://tttttt.me/ssgadAl

اتخيلك چنك ندى تنزل رقيق اعله الورد
يالاكبر بروحك شكو چم نسمه بچفوفي اعد
حتى الهوى ماتحمله
صعبه السيوف بكربه
يوليدي يالاكبر يوليدي يالاكبر
*
تختلف عن النسايم انت نســمه وتلزم
من اسولف آنه وانت حسبت آنه بحلم

أدنه يمي ..خل اوشل شوفي بعيونك انام
يبني يبني ..من جمالك يطلع مندي الكلام
بعد عمري..ياحبيبي مصاحب انواع الحمام

يابسمة الاكبر وطن. وعيوني بيك يسولفن
يايـــمه قداح الورد. شماك وعيونه بـــچن
ياصاحب حچاية هله
صعبه السيوف بكربله
*****
يالترست عيون راسي لابس هدوم الحرب
فكلي صــــدرك ياحبيبي يمه خليني اطب

ارد اشمك..كون اخلص النفس مالي يالحبيب
انت روحي ..ياجرح دلالي مايرضه يطيب
انت گلبي .. ماي عيني چنت اشربك مو حليب

يانشوة ايام الجرح بس انت بعيوني صبح
چم فكره بيه تنولد. . ماتگدر وحار الرمح
روحك عزيزه مدللــــه
صعبه السيوف بكربله
******
يمه تتمايل اشوفك على المهره وترتـــجل
والحرب عيدك يواحد چن اسمعك تحتفل

المهره شگره ..تسابگ خيوط الهوى لمن تصول
تصيح بيهم ..والفوارس صافنه وذيچ الفحول
وآنه اشوفك.. وأقرا قل هوه اعوذ من الخيول

اي يمه أگول بيا وكت نتفارگ وچنه سوى
ياشمعت سنين العمر يوليدي همسات الضوى
همي صـعد يمه وعلا
صعبه السيوف بكربله
*-**********
منين ما صد انت بيه عشگك بروحي انتچه
كلها صاحت هذا الاكبر والنخل يمكن حچه

بيه كلهن ..اجمعن كلهن فراگك والضـــياع
يبني الاكبر..حتى خيمتنه بچت من الوداع
من شبگتك ..چـنه مـــتلاگين ماچنه وداع

ماكو شبيهك بالحله. لتگلي يمه ونفـترگ
تارسني يوليدي ألم. موتني يايمه العشگ
وين الدرب حتى اندله
صعبه السيوف بكـربله
****
آية الكرسي اعله طولك ياترانيم الصـبح
بثوب ابوك وبخريتك يمه من شر الرمح

يادمعتي..تنزل الدمعه مثل حال اليتـيم
ياغربتي..مثل خير وبسلف مامش كريم
فدوه يبني تكسرن بيه السوالف يارحيم

يابسمت عيونك دفو. من تصفن يسيل الوسن
بوجهك محمد ياگمر يالطلعتك مثل الحسن

انت كفـــيل المعـظله
صعبه السيوف بكربله


عبـد زيـنب
محمد الابراهيمي

https://tttttt.me/ssgadAl

شوط كربلائي للأكبر..ع..

طلبت منه ان يجعلها تفتخر كأم البنين
بإبنها العباس..ع.. تلك هي ليلى.


إخذ دور الكمر عباس
أريد افخر مثل أمه
يالأكبر شد عله الصوبين
والشط بالجثث طمه
----------------------------؛
حرز سويت إلك يبني
بي مكتوب احبنك
اريدك للمنيه اتروح
وكبل متروح اشمنك
اريدك مثل ابو النوماس
يحجيلي النهر عنك

اريد العلكمي إتعذبه
وانه السويت الك جربه
عليك حسين التحبه
اريدنك تسر كلبي
وكلب حسين ابو اليمه
____________؛
أريد أربع وصل الكاك
إبعدد ولد الكلابيه
واريدن حيل انوح اعليك
ولو ماضل دمع بيه
اريدك عالنهر تشبخ
ولا تتروه من ميه

وتنادي يا نفس هوني
وبعد عين امي لتكوني
واخبرك ينخطف لوني
واذا طاح العلم يبني
اريد الصدرك اتضمه
____________؛
اوكف خلني أشبع شوف
وعلى راسك احط ريشه
مثل ريشة كمر عدنان
الترجف العلكمي وجيشه
اذا ما اضحي بيك اليوم
عله امك تحرم العيشه

روح وما أريد اتعود
وحيل احضن ييمه الجود
وكون إيصوبك العامود
مثل عامود ابو الغيره
وراسك رايده ايهشمه
______________؛
كلهه وداعتج ماعود
إله ونبلتي ابعيني
ومثل صيحة كمر هاشم
أصيح الحكلي يحسيني
ومن هذا الوكت يمه
علي وعباس سميني

أذب عالمشرعه اجفوفي
واكلج عايني وشوفي
ابنج بالوعد يوفي
علي الاكبر وكع عالكاع
يليلى امخضب ابدمه
_____________؛
كلهه وداعة اسكينه
اهز سيفي وتطيح اركاب
ولخلي العسكر ايكولون
رجع للحومه داحي الباب
واذا ضكني العطش والحر
اشرب مدمعي السجاب

أمني ولا يضل بالج
وثلج خلي إعله دلالج
عطش ما خلي يدنالج
ما دام العلم بيدي
وما دام الهوه اشتمه
______________؛
ماخلي الهوه الذاري
يمر ويحرك احجابج
ولا يمه تمر بالطيف
ريحة عسكر ابابج
اوكع بس اضل مشتاك
اشتم ريحة اترابج

وحك اعيونج التدمع
لنامن نوم المكطع
واصيراعله الثره اموزع
انفذ كلشي تردينه
بس شجعيني يا يمه
_______________؛
ش/علي الإبراهيمي

https://tttttt.me/ssgadAl

( الليلة التاسعه من محرم )

حسين يا أبا عبد الله
ــــــــــــــــــــــــــــ
حسين هالليله اعله الاكبر
نحچي خاف انألمـّـــك
چان نصفك و بشهيقك
علي چان ايقاســمك
على الدنيا العفى اتگله
چي . جزء من عالمـك
من بقيت ابلايه ناصر
گلــك آنه خـــويدمك

حسين يا أبا عبد الله
ــــــــــــــــــــــــــــ
الـ أخير من اهل بيتك
يالله حصـّـل عالــ إذن
حسين ما ينطيك گلبك
تنطي گلبك للــ طعـن
هيچ چنت اتحبه كلش
چان إلك مو بس إبــن
وياك عايش چن محمد
من كثر مابي حِسِـــن

حسين يا أبا عبد الله
ــــــــــــــــــــــــــــ
وراح لاچن بيش رايح
أخذ روحك للـ حـرب
تيّهت من طاح الأكبر
طاح گلبــك عالـ ترب
اسكينه تروي تگول گتله
بويه منـّـانــه الدرب
حال ابوي هواي يصعب
چمـّله ابموقـف صعب

حسين يا أبا عبد الله
ــــــــــــــــــــــــــــ

مهدي التقي

https://tttttt.me/ssgadAl

يا بويه شمسوي العطش بلسانك وبشفافك
والبيك يندار بعلي ولا هيچ بالطف شـافك
أسمحلي اموت أترجاك
لاشـوفن الموقـف ذاك
ــــــــــــــــــــــــــــــ
من راسي حد . رجلي متت ماجاي أحس ابدنياي
من الساني بلسانك طبگ ضليت أدعّي اعله الماي
انويني غيمه بلا مطر . بس عاد أنفعـك بـ فــياي
خيمتنه انته ولو طحت الاكبر . يضـل إبـلا راي

هيج آنه أبد ما حسّبت منك طـلبت أميـّـه
إعذر علي بداعت علي بداعت أخيتي ارقيه
فدوه آنه اروحن لشفاك
لاشوفن الموقــف ذاك
ــــــــــــــــــــــــــــــ
ما ادري واصل مرحله بفمك خشب موش لسان
من الله لا نطي النهر يجـري ويعَطْش القران
سامحني واسمحلي لعد . خيليني اموتن عطشان
وديني يم خيل العده تسحگني من كل امچان

ضوكني حافر حته احس باليوجعك من بعدي
غير انته عايش بالنفس غيرك يبويه شــعندي
خليني أحـس بالـ أذّاك
لاشوفن الموقــف ذاك
ــــــــــــــــــــــــــــــ
چا . فدوه ضوگني السهم خليني اموتن مرتاح
بمثلثلك خليني احس شبعني من عنده جـراح
خضب لحيتي من الدمه گبلك يمالك لـ ارواح
مو آنه قطعه من الگلب ومن گلبك آنه السباح

مو آنه گلبك يفُترض والمسألة ومابيها
حصتي من اسهامك ردت خليني أشوف شبيها
وياذيني سهمك لو الجاك
لاشوفن الموقـــف ذاك
ــــــــــــــــــــــــــــــ
تلزمــني چنت من الزغر چفك على إيدي إيدور
خليني اضوگن خنجرك إنويني خنصــر مبتور
وچي كتلك أجهدني العطش هسه آنه كلش مقهور
أندار فدوه بويه إلك يالله آنه أحسّن معذور

طول الطريق وياك أحس خَدّامك ومو أبنك
إلبسني إبصدرك درع واشگف سهـامك عـنك
إنويني نجمه وبسـماك
لاشوفن الموقــف ذاك
ــــــــــــــــــــــــــــــ
من جدي نسخه وهيچ أحس شو ما أحس إحنه إثنين
مو جدي منك گال أمس . چا . آنه هم من حسين
كلشي أورثت منه وصرت بالطـف أحبك مرتين
هسه آنه أحسك قائدي وهم والدي ونور العين

وياك احس كلشي حلو من أطبّر و أتوذّر
گلبك عليّ لا ينفــجع فدوه لترابك الاكبـر
والعندي كله من إربـاك
لاشوفن الموقــف ذاك
ــــــــــــــــــــــــــــــ
هسه انه رايح للحرب وادعيلي لو آنه أمشيت
ماي شبعت من شوفتك كل العطش هسه انسيت
هاك اخذ روحي بجبتهك لو جه الحجر وانصابيت
لو سال دم بحـاجبك آنه إعتــبرني أتأذيت

بالسيف لو جاك الشمر يضرب هذن اجـروحي
ويه اول وريد الينگطع . جيب ويه روحك روحي
روحين نصعد لهنـاك
لاشوفن الموقـف ذاك
ــــــــــــــــــــــــــــــ

مهدي التقي

https://tttttt.me/ssgadAl

الحومه شگد زغيره
زغيره وطبها الاكبر
ــــــــــــــــــــــ
مو قياسه .. الحومه أزغر
الگاع ضيگه وچان متوقعهـا أوسع
والمعسكر .. وحده منهن
لو يموت بسيــفه لو لجدامه يركـع
هيه حيره .. ماكو شرده
شگد سريعه الخيل لاچن سيفه أسرع
الجيش كله .. سلم أمره
چان يدري الوگف ضده إجنازه يطـلع

يوم أســود عليهـــم
وإجاهم موت الاحمر
ــــــــــــــــــــــ
يحچي سيفه .. كلها سكته
واللغة الرسميه صــارت بالإشــاره
الجيش فرها .. يسره يمنه
الموت نازل چان ما حاجه إستخاره
عُمَر ناده .. إعله بن جوشن
ربعي خلصت يا شـمر شوفلنه چاره
اعلينه تاهت .. ياهو . هذا
إلا . حيدر هــذا ومبــدّل فقـــاره

يا شمْر . دلـحگ إلنه
خلص نص المعسكر
ــــــــــــــــــــــ
الغري اشبعده .. وعلي ميت
أدري حيدر مات لو تاهت عليه ؟
ابن غانم .. خلّه يبرز
نصها ماتت عاد نسلــم عالبقـيه
مدري صاحي .. مدري أحلم
هذا حيدر ؟ لو محمد ؟ شوفه ليه
خلــّصانه .. منين إجانه
ضاگت وچان اشوسعها الغاضريه !

بـبن غانـم أملنـه
نحاول بلكي يگدر
ــــــــــــــــــــــ
وابن غانم .. باع روحه
مات واسباب الوفاة أعتقـد خزره
الشمر دنگ .. عمر يسأل ؟
گله بشـّـر ؟ گله أخونه انطاك عمر
والله حيره .. العندي كلهم
ياهو . أدزه إگبال الاكبر ضاع ذچره
جيشي اسحبه .. وبيدي ألمـّـه
إشكبر جيشي وهوه واحد . بس يطشره

أشــوفن زوده يكــبر
وأعاين جيشي يزغر
ــــــــــــــــــــــ
گلت سهله .. هوّه وحده
ثاري موش ابعدد تتقيّم حربنـه
نصها ماتت .. نصها شردت
إبگاعنه وضليــنه ما نندل دربنه
إمنعنه عنه .. الماي غشمه
شلنه بالشط واحنه من دمنه شربنه
حسين بينه .. شراح يعمل ؟
الله يستر . نصنه متنـه ابسيف إبنه

إتوهمنه و عددنه
قليل وهمه الأكثر
ــــــــــــــــــــــ
شما. نِعَطْشَه .. يكتل أكثر
الحرب بأولها و نطينه شگد ضحايه
شنهو نيته ؟ .. تعـّــبـّـانه
شلون يفني الجيش كله اليوم رايه
شوف صِرْفَه .. خل نغدره
نتعب و نخسر ندگ إگباله ثايــه
احنه عدنه .. الغدر شيمه
هيچ يالله الحرب تشرف عالنهـايه

شلون جده نغـدره
شرط يالله ايتوذر
ــــــــــــــــــــــ

مهدي التقي

https://tttttt.me/ssgadAl

علي الاكبر…بالحومه لوطب تبتسم
علي الاكبر… سيفه صگار الزلم
لف الأرگاب°°°°°°°°°°°بچف أبوأتراب
علي الاكبر•••••••••••••علي الاكبر
________________________
الحومه دارت.. رحه صارت.. طبگ جنحين أوگلب
وسدعليهم.. باب أديهم.. تيهو ظهر الدرب
الموته وگفت.. منه رجفت.. فزت الموته أبرعب
،،،سوه الاحساب°°°°°°°°°بچف أبوأتراب
علي الاكبر••••••••••••••علي الاكبر
_________________________
مثل حيدر.. أسديزئر.. بفخر رفت رايته
عاد الأصعب.. طبر مرحب.. ورث جده أبطبرته
وقلع خيبر.. علي الاكبر.. وهمته من همته
،،،ذكر الباب°°°°°°°°°°°°°بچف أبوأتراب
علي الاكبر••••••••••••••علي الاكبر
________________________
چفه عالم.. بالملاحم.. يطي بالحومه الدروس
وسيفه راهب.. عالكتايب.. سيفه يخطف بالنفوس
روه أبدمهم ..ذل زلمهم.. سحگ كل ذيچ الرؤس
،،،سيفه ينهاب°°°°°°°°°°°أبچف أبوأتراب
علي الاكبر••••••••••••••علي الاكبر
________________________
وصاح بيهم.. هاعليهم.. زلم ماشوفن زلم
الموت طبهم.. بيده فرهم.. طبته صارت چن حلم
علي صاحو.. همه طاحو.. أسمه يذبح موأسم
،،،عادالأحزاب°°°°°°°°°°°°°أبچف أبوأتراب
علي الاكبر•••••••••••••••علي الاكبر
__________________________
خادم أهل البيت..ع..
الشاعرابوحسين السرگودي…:
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
https://tttttt.me/ssgadAl
____
لمن يجد صعوبة بالحن اطلبه من
@moatmed1

#قصيدة الامام علي الاكبر.. ع..
أبيومه دگ گلب الشعر
°°°°°°°°°°°°°°°°°°°°°°°°°°°°°°°°°°°°°°°°°°
علي علي__علي الأكبر يانصر
علي علي__أبيومه دگ گلب الشعر
وگبله فزعت شارته…… وخوفتهم رايته
علي علي______________علي علي
°°°°°°°°°°°°°°°°°°°°°°°°°°°°°°°°°°°°°°°°°°
شالهم بس نكت أيده وطاحت أعيون الحلم
وبخطوته أشما نركز گاعهم چن تنثلم
روس ركضت هيچ راحت روس نزعتهه الزلم
وروس ماطاحت خطاهه لا.. يعرف البي عزم
علي علي__عاش بينه وينذكر
علي علي__أبيومه دگ گلب الشعر
مايدنگ هامته…… خوفتهم رايته
علي علي_____________علي علي
°°°°°°°°°°°°°°°°°°°°°°°°°°°°°°°°°°°°°°°°°°
فتگ صدر الگاع سيفه بظربته أوظل منفتگ
وخله بيهم گاع تاكل جثث حد ماتنشبگ
ورتل أبسورة برائه أبكثر ماشايل عشگ
اليوم أخلي الدين يوگف للحرب شايل خلگ
علي علي__وجيشهم ظل منكسر
علي علي__أبيومه دگ گلب الشعر
هوه گد أحچايته…… وخوفتهم رايته
علي علي______________علي علي
°°°°°°°°°°°°°°°°°°°°°°°°°°°°°°°°°°°°°°°°°°
وعلي أبگبره اوطاب جرحه وأذنت حتى الشمس
من رجف صوت المعسكر خوف حد ماينترس
وأكو أگبور أتعيش صفنه وصوفرت گامت تحس
من خفگ بيرغ فزعته البيرغ أشما رف درس
علي علي__علي أمعلمه من يكر
علي علي__أبيومه دگ گلب الشعر
وغيرته تچايته…… وخوفتهم رايته
علي علي____________علي علي
°°°°°°°°°°°°°°°°°°°°°°°°°°°°°°°°°°°°°°°°°°
وركض بيهم خوف عاد أو غرگو أبجرف الرعب
علي حيدر علي الاكبر هذا منهو البالحرب
هذا موت الله الاجانه وسيفه سد باب الدرب
وين مانفترك نلگه اوجوه حاظنهه الترب
علي علي__رجف من يمه العمر
علي علي__أبيومه دك گلب الشعر
اوماتميل أعمامته…… خوفتهم رايته
علي علي ____علي علي
°°°°°°°°°°°°°°°°°°°°°°°°°°°°°°°°°°°°°°°°°°
الهسه من نشتم هوه الطف نشم عطره ابغايه
بعطره متروسه المأذن آيه تشبگ آيه
عطره بس البيه كرامه ايشمه يدري أحچايه
النذر روحه ابمجلس الهم والمشه مشايه
علي علي__العشگ ظل بيه يفتخر
علي علي__أبيومه دگ گلب الشعر
لان يفهم غايته…… خوفتهم رايته
علي علي_____________علي علي
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي…🕊🕊🕊

https://tttttt.me/ssgadAl

منهاج محرم الحرام ١٤٤٠ هجري

ليلة سيدي ومولاي علي الأكبر عليه السلام

نور اللّه شع من جـبــْهــِتـه

خــيــّال يعــرف حومِــتــه

صاحت هلا من شافِــتــه

هذا الأكبر
………………………………………………………………………………………

برز تربات أبوه وچنّه فرقد

علي وجدّه علي ويشبه محمد

اختنگ حتى الهوه بالحومه من صد

ارتجز شبل الحسين بزوده ردد

آني الهمام العلوي

إبنَ الحسين ابنَ علي

بزوده المصاعب تنجلي

هذا الأكبر
………………………………………………………………………………………

ما طوّل وباوع هيّه نظره

هدوء المعركه ينتظر أمره

شهر سيفه وگلب يمنه اعله يسره

شجاع ومن علي ماخذ الشمره

خلاهه كلهه اتراجِفت

واتحالفت واتخالفت

طشّر شملهه وما صُفَت

هذا الأكبر
………………………………………………………………………………………

طاعون الحرب واشلون طاعون

خلّه صفوف أُميه بي يحيرون

منهم کام يسمع صك السنون

يلتمون .. يگصدهم .. يطشون

من حادهم حود الغنم

والشرد من عدهم سلم

والما فهم هسّه فهم

هذا الأكبر
………………………………………………………………………………………

من ياخذ نِفس تخمد الأنفاس

على كثرت عددهم گال لا باس

دگ ظهره اعله ظهر الگمر عباس

علي بس بعلي بالحومه ينقاس

عباس گلّه والنعم

منك يصگّار الزلم

مَـتْـهـمـّه السيوف المهم

هذا الأكبر
………………………………………………………………………………………

خلاهه العده تشبع مهانه

وبرز بكر ابن غانم من مكانه

علي گلّه رحيلك حان آوانه

إذا إنته إبن غانم ، آنه آنه

ليث اعله صيده بعزمه شَد

من فصل راسه امن الجسد

شحچيلكم عنّه بعد ؟؟؟

هذا الأكبر
………………………………………………………………………………………

غيور وفاهم افنون الميادين

شجاع ويگلب بلحظه الموازين

نشمي وهيبته هيبة سلاطين

ناذر عمره كله الخدمة الدين

خزراته عالعسكر غضب

ميدانه بفنونه إنگلب

للنار سواهم حطب

هذا الأكبر
………………………………………………………………………………………

سلام اللّه على عمره وشبابه

شبيه المصطفى وفعله جوابه

أسد لو يصبح الميدان غابه

فارس والزلم كلهه تهابه

غصبن عليهم هالأمر

والما يعجبه ينشطر

بصمصام إبن فارس بدر

هذا الأكبر
………………………………………………………………………………………

خادم الإمام الحسين عليه السلام

عمار هليل الواسطي

محرم الحرام / ١٤٤٠ هجري

https://tttttt.me/ssgadAl

السيد علي الموسوي الكربلائي


عظم الله اجر أُم الشباب
...........
ياشباب اليله ويه ليله عزانه
ونذكر شجم غالي ضل خالي مكانه

يصبرج بارينه
عالولد وسنينه
ومثلج اتأذينه
وللمشو حنينه
.....
يعينج الله لفگده جن ورده توذر
ما نسيني رسومه وبدموه تعفر

اوالده من جابه
لخيمتج بخضابه
صحتي من صوابه
يا علي ومصابه
.....
بهلوكت شوفينه تعذرينه الالمنه
جم علي شيعنه اودعنا بدمعنه

الحنه من دماهم
وللكبر شلناهم
بفرح زفيناهم
والله ما ننساهم
.....
أي وحق دم ابنج يالمنج صبرنه
بكل شبر دم يجري وما ندري بدهرنا

يا وسف ندفنهم
ما شبعنه منهم
بكل وكت نذكرهم
وكل أمل ما منهم
.....
الفاجده معذوره ومكسوره بحزنها
تنتضر بس صوته بتابتوته حظنها

لشوفته تتحسر
مثل ام الأكبر
تنفجع بالمنضر
تشوفه دامي مطبر
.....
بالصواني الحنه وتتعنا لضناها
تهلهل بحسرتها ودمعتها وبجاها

اطش ورد بيديها
وشمعتا تضويها
وقصتا ترويها
عليه اون تاليها
.....
ذوله ولد الأكبر من يكدر يردهم
ذوله أهل النخوه وبالفتوه عزمهم

والحشد نعرفهم
الغيره تجري بدمهم
والنعم من عدهم
شحده اليواجهم
.....

السيد علي الموسوي الكربلائي

https://tttttt.me/ssgadAl