هلا بي حبيباتي السكرات ازيكم يااخ 😌 يلا تعالو قريب الخمسه و خميسه في الطريق اليكم كل المحتاجنو منك تقري و تقرري انك تطبقي وبس صعبه دي ؟ ما صعبه يلا قلم و ورقه سريعات لانو الليله الموضوع عن الترطيب والتنعيم العميق للجسم و تبيض الوجه و ماسكات للشعر ..

بسم الله نبدا 👇

1/ وشك فيو قشره ؟ والبدره بتقيف قنااا فيو ؟ بعد تعملي الفونديشن بتحسي انو في طرقة قراصه في وشك قاعده و كاتمه ليك نفسك ؟ تعالي اساسا الموضوع بسيط :

#اولا : كبي ملعقتين كبار سكر .. في ربع كباية مويه فاتره .. و قبل ما السكر يدوب خالص شيلي منهم و افركي وشك بي طريقه لطيفه جدا و حركة دائرية .. استمري في الفرك اللطيف دا مدة دقيقتين .. و غسلي وشك بي موية بارده ..
دي بتعملي شنو يا هبه؟ دي بتنعم الوش و بتزيل القشره و الخلايا الميته و بتنشط الدوره الدمويه و بتساعدا علي التدفق ✋

#ثانيا_ماسك_تبيض : ملعقتين من الحليب ( بدررررره 😒 ) شايفه بدره دي قدر شنو ؟ .. نص ملعقة كبيره عصير ليمون - ونص ملعقه زيها كركم ( بتاع الجسم اوعا من بتاع الاكل 😒) و البقول ليك هم الاتنين واحد اعرضي عليو يقرا دعاء الاستخاره ✋ - و ملعقتين من دقيق الحمص ( دا في العطارات قاعد زي الهم في القلب ما تتلبشي لي 😒 ) يلا جبتي الحاجات ديل كولهم ؟
يلا بدووون اي ترتيب اخلطيهم في حاجه مناسبه واخلطيهم شديييد مع بعض و ختيهم في وشك في شكل ماسك لي مدة ربع ساعه - و بعدين قومي اشطفي بالماء ورطبي وشك و استمتعي بي النضاره 😌

2/ يلا تعالي يا البتقولي جسمي ما بفتح لي و جسمي ما بحسو ناعم و جسمي قدر ما ارطبو بحسو زي ضهر الورل ..

يا هنايه جسمك دا قاعده تعملي ليو تقشير انتي عشان يتفاعل معاك ؟ بتكلم معاك ردي لي قاعده تمشي جاكوزي ؟ قاعده تدخلي ساونه ؟ كان اجابتك لا معناتو حاولي ما تسمعي جسمك كلامك الفاضي دا 😒
الحاجات الفوق ديل غاليات و يمكن في وحدات بقدرو عليهم منكم لكن انا غايتو ما عندي ليهم قدره ولا بكضب 😂 يلا المسكينات الزيي تعالو بي جاي :

#اولا : كباية ملح طعام خشن و لو بشرتك حساسة جيبي الناعم وقعت ؟ عشان ما تتشخطي و جسمك يبقي قميص كلروهات وريييييتك 😒✋ .. نص كباية زيت زيتون او زيت اللوز #المرررررر .. امزجي ووزعي المزيج في جسمك كووولو .. وابدي افركي بي طريقة دائرية ومن الاسفل للاعلي .. طيب لي كم من الزمن ؟ ماف زمن معنين انتي و حماسك 😌 انتهيتي ؟ قومي اشطفي جسمك اول بالموية البارده و بعداك استحمي بالصابونه بتاعتك و اطلعي رطبي جسمك بي زيت الزيتون او بالحاجه البتفضليها ✋
_ لازم تعملي اخينا دا في الاسبوع مرتين لو جسمك ورل كبير 😊 و لو جسمك ورل صغير اعملي مره والاهما من دا كلو المواظبه ليه ؟
عشان حاجاتك البتمسحيها دي لازم تلاقي المسامات متأهبه عشان تتقلقل ليك داخل جسمك و بتدا تديك نتيجه ، اما لو بتعمليها ساي احتمال ما تصل ليك جوه جسمك و بالتالي النتيجه صفر .. اجتهدي معاو عشان ما يحرجك 😏
🙂

3/ ماسك للشعر : ملعقة كبيرة زبادي ( كابو الاخضر ) .. ملعقة من زيت اللوز #الحلوووو .. صفار بيضه وااااحده .. ملعقة كبيرة عسل نحل .. اخلطبهم لحدي ما يبقي الخليط متجانس .. امسحيهم في شعرك من الجزور للاطراف اوكي ؟ .. خليهم في شعرك لي مدة ساعتين بالضبط ساعتين يااا هنايه 😒 تمو ؟ غسلي شعرك بعد ينشف اعملي زيتك العادي و اتخارجي شوفي الوراك اعملي ✋

الماسك دا حق شنو يا هنايه ؟ دا بتاع الشعر الجاف المتقصف 😌

#ثانيا" : الشعر البتكسر براااو البتصحي تلقيو عامل حفله في المخده بعد تصحي و البخلعك في المشط لمن تسرحي و البسد البيبه حقت الحمام لمن تجي تغسليو الكلام دا ليو هو 👇

عشرة ملاعق زيت خروع خام .. ملعقتين من زيت حبة البركة .. عشرة فصوص توم مفروم .. يلا ديل المكونات نجي نشوف

#الطريقه : لخبطيهم شدييييد .. ضعي الخليط علي فروة الرأس فرووة دي شايفاها 😒.. حركي بي شكل دائري فقط بي اطراف الاصابع فترتي ؟ يلا خليهو يشرب بي راحتو لي مدة ساعه و قومي علي حيلك غسليو ✋

4/ الشعر الجاف الخشن الما بمشي لا يمين ولا شمال .. ال كان جات ريح صرصر ما بتهزا ليك 😂 الشعر البقد الطرحه و بطلع بي فوق ليها 😌 البي المويه و الفرشه ما برقد ومستعد عاااد يصارعك و يعمل ليك قطايع 😌 تعالي خلينا نشوف حا تعملي معاو شنو القاهر الفانع المانع دا 😒

المقادير : بيضتين - زيت زيتون حسب الحاجه

الطريقه : اخفقي البيضتين مع الزيت - قسمي الشعر لي خصلات صغيره - ادهني كل خصله بالمزيج منفرده - غطي كل خصله بي ورق فويل ( الورق الحراري ) - خليها عدد معقول من الساعات - غسلي شعرك بالمويه الدافيه اول و بعدين بي شامبو علي خفيييف - ورطبيو بي زيتك البتعرفيو و بعرفو و رفعت الجلسه ✋

5/ ماسكات لازالة اثار الحبوب من الوجه :

#اولا : ملعقة عسل مع ملعقة خميرة ( فورية ) مع ملعقة لبن بدره ..
اخلطي وختيهم علي وشك لي مدة ما اقلا من 30 دقيقه و اشطفي و رطبي ..

#ثانيا : عصير ليمونه متوسطه مع ملعقتين مو