موني المادح:
الماسكات الطبيعيه المخصصه للبشره الدهنيه. بشيل القشره وبنضر وبنعم البشره ويخفف الزيوت

شوفان مسحون. زبادي. بيضه

عسل نحل. بيضه. ليمونه. ماء ورد. نشاء.

بن . بيضه. شوفان.

بطاطس مسلوقه . لبن بودره.

حليب سائل . خياره مهروسه. ده منظف.


لبن بودره . وزبادي. وعسل نحل.


طماطم مهروسه وعسل نحل لقفل المسامات.

#ممنوع النشر الاعلاني سواء التبادلات بسبب قلة النشر في القناه

#خلطه لتقصف وتكسر الشعر مفيدة جدا جداومجربة وحتي كمان للقشرةالخلطة عبارة عن صبار وحلبة وزيت جوز الهند الاصلي طيب تجيبي الصبارة تفتحيها زي الساندوتش والحلبة تكون ناشفة وتحشي الحلبة في الصبار كلها يعني توزعيها كويس علي شرط ما تجي عليها اي موية طيب بعدين تلفي الصبارة دي في خيشة او اي قطعة وتختيها في الشباك او اي مكان مدة تلاته ايام لحدي ما الحلبة تتزرع تماما وترشيها في اليوم مرتين تلاته بلموية زي الزريعة بتاعة الحلو مربعد ما تتزرع بلملعقة تخرطي الحلبة المزرعة ومعاهاكل الهلامةوتكبيها في الخلاط وتكبي معاها الزيتةلو ما عندك زيت جوزهند ممكن خروع ولوزةبعد ما تخلطيها تكبيها في علبه وعند الاستعمال تشيلي قدر حوجتك وتمسحي من الفروة لحدي اطراف الشعروتلبسي طاقية بلاستيك اوكيسةوتخليها مدة سته ساعات وعلي فكرة بمجرد ما تغسلي شعرك ما حيكون في اي ريحة
@sodanuh

للمقبلين على فترة الخطوبة~🌸...

#أنت [ بكسر التاء ] ..

لا تحتاجين أكثر من زوج عاقل حسن الخلق يصلي الصلوات الخمس، بياكل من حلاله ،، وله حظ من #القرآن_و_النوافل .. 😍بعيداً عن الشروط التي تشاهديها في الأفلام ومنشورات الفيس بوك ،وغالباً ليس لها وجود علي أرض الواقع إلاّ نادراً ..👊
البيوت تمتلئ ظلماً وضرباً #وسوء_عشرة رغم كثرة اللحى والمتون والإجازات العلمية وألقاب " داعية " !!

القراءات العشر لا علاقة لها بالحياة الزوجية ما دام صاحبها #لا_يعمل بالقرآن ! فاختبري #خُلُقه_و_دينه قبل أن تختبري حفظه ومكانته عند الناس✌

#أنتَ .. [ عزيزي الشاب ]

اختر الصابرة إذا أفتقرت ، الحامدة إذا أعطيت ، الساترة لعيبك إذا سقطت ، من تحفظ عرضك و مالك إذا غبت ، من #تأمنها على قلبك ونفسك،، سندك في أصعب الأوقات ، الداعمة #لك في أبسط الأفكار !
ليس المهم كم حفظت من القرآن و البخاري ..
المهم كم #عملت بما حفظت ،،🌱🌹، اختبر نقاب #قلبها وخلقها قبل أن ترضى بزيها ولبسها ..

الإلتزام ليس علم وإجازات فقط ، الإلتزام #سلوك #وحسن_خلق ..،الدين ليس مظهر فقط بل #أفعال .. ✌

إنما العلم #الخشية .❤

(#أنتِ_و_أنتَ )

لما تجي تختار نصك التاني ، ماتعذب نفسك فى محاولة إختيار حد كامل .. !!

الكمال لله🌸...
عفيفة في زمن الفساد

طيب حتكلم ليكم عن فيتامين سي للبشره هو اسمو العملي اسكوربيك اسيد هو ماده بتفتح وبتدي نضاره للبشره وطبعا هو مضاد للتاكسد ومحفز للكولاجين ومضاد للشيخوخه وممنوع انو تستخدموا مع الكريم مباشرة لانو بتاكسد يعني بتلف ومابكون منو فايده عشان كدا لازم تعملوا قبل الكريم ب10 دقايق

حبيت اتكلم ليكم عن فيتامين ( e) وفوائدو طبعا هو مصدر مهم لاكساب الوجه النضاره والتألق وهو طبعا مضاد للاكسده خاصة الناتجه عن الاحماض الدهنيه ودي بتمنع شباب البشره اذن هو مضاد للشخوخه وطبعا محفزا الكولاجين ومعالجت للبثور وحب الشباب الاحمر الفيهو رواس بيضاء طبعا دا مع التركيبات التانيه

عندي حته صغيره كده عايزة اناقشها وبالذات مع البنات 😡😡

يعني انا في سؤال بالجد محتارة فيهو وقت انتي بتحبي وهو بحبك مش مفروض تتلمو في بيت ويستركم .. 🤔

طيب عرفنا ظروفو كعبة وانتو اسرة مادية بس انتو الاتنين مصرين ع الحب 😞 ...

طيب البخليك تمشي معاهو تتكلي تحت الكباري شنو وتنحشرو في نص النجايل شنو وتندسو وراء الشجر شنو 😞

يعني المشهد ال لقاني قبيل دا بصراحة حيرني جدا
ماهو انا شايفة اني لو قعدته مع ود عند ست شاي دا انا بعتبرو مسح بكرامتي الارض 😡

فما بالك يوديك نص الشجر وع البحر 🤔
عشان يقول ليك شنو طيب الحتات دي كلها مصايب ياخ نفرض قرصك عقرب ثعبان وشتتي ...

اها يقولوا لاهلك شنو ...
يااخ البقعدو قريب قولي التربة دي فجاءة وقعت بيكم اها تقولي يا منو😞

يابنات ياخ عليكم الله عزو رووحكم عزوووو روحكم يااخ سكتنا على فكرة بتحبو الفارغة البتعملوها طيب انسترن ...

يعني عليك الله ما تخلي الود يهبل بيك كده في النهاية انتي في مجتمع شرقي فهمووو واحد قبضووك ع النيل يبقى وضع مخل ...

ذنبو شنو ابوك وقت يدقو لي وانتي زاتك ما بتخافي لو اخوك ساي متجدع هناك او واحد من اولاد اهل او جيرانكم ...🤔

انتو ما تمشو بنات مع بعض يعني الا تقبضي ليك ود وتخمي وتندسي معاهو نص الشجر ...

والله لاول مرة ما احس بزعل او غضب من ناس النظام العام مع ان العساكر لما بلغو فيهم من فوق الكبري كااااان الموضوع جنبي 😂😂😂

وضحكته لما الله غفر لي وقفو وتكلو عاينو سمح وعدوهم كم وبالله ثواني لقينا ليك مجموعة اتوزعت على البحر 😂😂😂

والله ما عرفنا نقول شي مضحك ولا مبكي 😢😂

المهم اعملوا حسابكم وعزو روحكم ..
والبدسك في النجايل و الله ما بدخلك بيتو ✋

ابقي ووواعية 👊

إنك #تتزوجي💙واحد #ود_حلآآآل
الشي دا بالدنيا ومافيها✋ والله جد 😍😍❤

#الناس كلها بتعرس على فكرة بس✋
ما كلهم البعرسوا واحد #ود_حلال♥
خطين تحت ود حلال دي بالله ❤

ملحوظة💙 ☺:
)ود الحلال دي ما عندها علاقة بابن شرعي او ما ود زنا وكده لا اللفظ دا يطلق على اي انسان اكلو وحياتو واخلاقو كلها حلال في حلال 💚👍 (

#وعلى_فكره
كون انك تلقي #ود_حلال وتعرسي❤
دا بعيد عن ان العرس كان عن #حب او عن طريق #معارفكم او عن طريق #الاهل او #الترشيح ...👍

الشي دا فى #طبع الزوج ذات نفسه👌
كيف انا اوريك ❤☺👍

#الراجل البشتري #خاطرك بالدنيا كلها 💚
واللي يحاوطك #برموش_عنيه❤
واللي تملى عينه وقلبه وروحه وتفكيرو وحياته 💚
اللي #يسندك✊ويساعدك 💪

واللي يقدم راحتك على راحتو ومصلحتو على مصلحتك انتى 😋
#وفرحتك_انتى😍 على فرحتو 😍😍

اللي يوعدك انه ح يكون #نعم_الزوج❤
وفعلآ يطلع #قدر_كلمتو_دي✊

اللي تحسى ان #ربنا☝اكرمك وجبر خاطرك بيهو❤
اللي يكون #امامك_الاول وشيخك الاول وداعيتك الاول اللي كل صلاة لازم يتاكد انك صليتيها وكل دعاء لازم يكون جعل ليك نصيب منو ❤😍

واللي #يحافظ عليك زي ما كان بحافظ على امو اخواتو وكل ناس بيتو ❤☺

واللي معنى القوامه عندو انو يسعدك #بما_يرضى_الله☝❤ويحتويكى♥
وما يخليكي تحتاجى لزول ✋ويبقى هو #حياتك_ودنيتك❤

الراجل ده #موجود بالمناسبة ☺
وما بييجى بشطارتك او فلاحتك او جمالك وفنياتك واغرائك لا ما بجي كده 👌

#الراجل ده #رزق_من_ربنا👆
ما بييجى غير بكرم من ربنا☝
وإنك تدعي الله 👐
انو يرزقك بواحد #ود_حلآآآل❤

#ربنا_يرزق_كل_البنات_بالزوج_الصالح
#ود_الحلال ❤❤❤

#منقول_بمنكهات_شخصية☺

‏
لبّيك ربي شوقًا وابتهالاً لبيك والفؤاد توسّلًا
‏لبيك خشيةً وتضرّعًا لبيك وإن لم أكُن
‏بين حجيجك مُكبّرًا ومُلبّيًا

ما بخلي بيت من بيبي اويل بس ما كل الناس بتعرف الطريقه صحيحه في استعمالو 😕😕😕

حابه اتكلم ليكم عن منتج كتير بنات بتحبه جداً بس مع الأسف هو منتج تجميلي بحت ماعنده اي فوائد علاجيه ابداً....
Baby oil بيبي أويل
Baby gel بيبي جيل
قبل نبدأ نتكلم عنه بشكل محدد خلينا نتكلم عن الزيوت المعدنيه mineral oils...
⁉️يعني شنو زيت معدني؟!
الزيت المعدني أو زيت البترول هو أحد منتجات تكرير النفط يستخدم بصفة أساسية لإنتاج الغازولين كما يدخل في صناعات كثيرة مثل زيوت أدوات التجميل...
⁉️أشهر منتجات الزيوت المعدنيه شنو؟!
🐲البنزين
🐲الكيروسين
🐲الديزل
🐲زيوت تشحيم السيارات والاأفران
🐲كميه من مرطبات الشفايف والأرواج
🐲بيبي اويل‼️
🐲عنده استخدامات دوائية محدودة(يدخل في بعض مركبات الكبريت وبعض المراهم)
🐲وعنده استخدامات كتيره معازل ودا موضوع تاني مالينا فيه.

⁉️طيب ليه استخدموهو اذا هو ضار؟!!!
أولاً نتفق على حاجه هو ما سام ولا نقدر نقول عليه ضار بالمعنى الحرفي بس في النهايه هو منتج بترولي زي الفازلين...

⁉️طَيب وين المشكله اذن لو استخدمناه؟!!!
المشكله هي انو الزيوت المعدنيه ما بترطب البشره ولا بتعالجها
يعني انتي لما تمسحي في جسمك بيبي اويل بتعملي طبقه عازله بينك وبين الجو الخارجي طبقه عازله بالمعنى الحرفي... بتحفظي بيها الرطوبة اللي اصلاً في جسمك بالغطاء دا ....ولفترة محدده بعد داك انتهت الطبقه وطارت الرطوبة لانو الغطاء اللي انتي ماسحاهو راح
⛔️من هنا انا قلتا ليكم فايده تجميله وقتيه بحته...
🚫ملاحظه:
من ناحية انو بشيل القشره من الجسم ايوه بشيلا في وقتها ... بس هو ما بعالجها...
يعني انتي ما بتخدمي في بشرتك الخدمة كامله بتديها خدمه نص...بمعنى ما بتعالجي مشكله الجفاف كل البتعمليهو ترطبيها فتره مؤقته باءنك بتحجزي رطوبتها جواها فقط ولفترة وجيزه...

⁉️طيب انتي عاوزانا نعمل شنو بدلوا ماهو دا اللي كبرنا لقيناهو بعملوهو حتى للأطفال 🤔
⚠️انا عاوزاكم تفكروا في كل منتج والغرض من استخدامه
⚠️يعني انتي عاوزه تعالجي ولا عاوزه حاجه وقتيه والسلام
⚠️كونهم ربطوها بالاطفال فدا ما شي منزل من السماء ولا هم عندهم راس وعقول واحنا لا ...
⚠️شركة جوناسون دي الام امريكيه وبالرغم من كدا مافي طبيب في امريكا بوصي بيهو ..
⚠️اذن هو شغل تجاري حالو حال اي منتج تجاري لاقى رواج ليس اكثر وما حاجه مسلم بيها ولا حاجه منزله
استخدمهو لانو اصلا الزيوت المعدنيه زيوت رخيصه جداً وغير سامه وبتأخذ غرضها التجاري في مستحضرات التجميل وهو تخدير الزبون بنتيجه مؤقته ليس الا

⁉️البديل شنو؟وليه؟
انتي الوقت البتعملي فيهو بيبي اويل ممكن تعملي زيت يفيدك ويعالج مشكلتك ... ليه تلجأي لحلول مؤقته وعندك حلول علاجيه دائمه قد تكون بسعر أرخص حتى من بيبي اويل دا...
⭕️دا بديل ممتاز لبيبي اويل وصناعة يدك في بيتك 👇🏼

♥ 1 كوب زيت زيتون(وصى عليه الرسول صلى الله عليه وسلم)
♥ 1/2 كوب زيت جوز الهند
♥ 1/4 كوب زيت اللوز المر (يفتح ويوحد اللون) وممكن تستخدمي بدل اللوز زيت الأفوكادو...
♥ 2 ملعقة زيت الخروع ( رائع جدا للترطيب)
♥ 1 ملعقة من فيتامين E

🎡نخلط الزيوت سوى ونحتفظ فيهم في علبة نظيفة وافضل انها تكون مصنوعة من الزجاج ولونها غامق حتى يبقى الزيت محافظ على فوائده...

🎡ع الاقل انتي هنا عملتي حاجه تفيدي بيها بشرتك عملتيها بيدك عارفاها وعارفه نتيجتها ...
ولو ماعندك كل الزيوت دي سوا اعملي فقط زيت زيتون كفايه انو وصى فيه اشرف الخلق سيدنا محمد والله النتيجه اللي حتلقيها من زيوتك أفضل وأجمل وأصح الف مره أقلها انتي بتخدمي في بشرتك ماخايفه لو بشرتك امتصت المواد دي انها تتضررر بالعكس بتعالجي في مشكله جفاف وتجاعيد وكرمشه اليدين وبتوحدي في لونك ...
🎡بس بنات ممنوع الطلعه بالزيوت في الشمس لأنها تسبب الاسمرار بسبب تفاعلها وتأكسدها بالحرارة والكلام دا ينطبق ع اي زيت ...

❌دا رأي في بيبي اويل ودا البديل اللي اخترتو ليكم ...
وانتوا ليكم كل الحريه في الاختيار ..
اللي اقتنع بكلامي رجاءا يكلم كل الحوالينو ويبدل بيبي اويل بحاجه صحيه ...
واللي حابي يكمل عليه شي راجع له في النهايه بيبي اويل منتج غير سام ولا يسبب التهيج او التحسس في البشره .

انامي
#منقوول

البايره ما بارت عشان هي شينه..
وعارفنها دي قسمه...لكن البايره عندها عارض وشقيه سااااااااي في عمرها ده..
والعالم ده من سنة ألفين ولي جاي بقي كلامو كتير جننوها جن والنقه دي كعبه يا أخوانا كعبه
وهي زاتها بقت م عارفه مغستها تلقاها من ناس البيت ولا من ناس الحله ولا من البعرسو ديل
خلوها في حالها محسوده وحظها كج..
والله حتي في الحلم ده ما محظوظه..
تصحي مخلوعه في اخر نفس..تفتح عيونها بعد الكلب ده يهبش قميصها..تصحي تشرب وتنوم تاني...تلقي الكلب جاب اصحابو وجاء..يسكوها كلهم
#منقووول

يوم عرفة 🌸
خير يوم طلعت عليه الشمس
الدعاء فيه مُجاب ويغير القدر فاجتهدوا 💜

وصفة الجمال و
يصبح وجهك منيرا ونضاره و لمعه وخدود ورديه ونعومه غيرطبيعيه انا استخدمه دائما لوجهي والحمد الله ودائما يسألونني عن سر الاشراق في وجهي .. احببت ان تستفيدون وجربوها ولا تتعاجزون نصيحه لكل ستات البيوت ..
الوصفه
.ملعقه حليب ..وملعلقه نشا ..ونص ليمونه وتخلطيهم جيدا وتتركيها على وجهك نص ساعه دون ان تضحكي لانه يشد البشره 😍😍

كل عام وأنتم بخير 😍🙊🙈

#منقوووول

ملحوظة؛
هذا البوست خاص.. وخاص جدا للفئات الآتية:
آباء البنات
أخوان البنات
الرجال المتزوجين
الرجال الخاطبين بنات الناس
الرجال المقبلين على الزواج
الرجال الغير مقبلين على الزواج زاتو

صباح سيئ جدا لمن تصحى على رسالة اترسلت ليك أنصاص الليالي من صديقة مقبلة على الزواج (ومحبوسة في حفرة الدخان) تقول فيها:
(الحقيني يا دكتورة.. حياتي انتهت.. فلان جانا الليلة وقال لي أبوي: خلاص أنا صرفت عن العرس.. بتكم عندكم.. أنا ما بقدر أعيش مع زولة بتتقلب في تعاملها معاي وتكورك بقلة أدب وبدون أسباب....... ورجعو لينا الحاجات الجبناها ليكم بدون مشاكل بلاي)!
خلاصة القصة.. إنو صاحبتنا المسكينة قبل مكالمة العريس جاتها الدورة الشهرية.. وعلى قلق العرس وتوتر الترتيبات وزهج أفلام البريود داير يتناقش معاها في طلبات أمو عن فطور العريس.. وصاحبتنا انفعلت وشاتت الكورة ضفاري!

أيها الرجال الأفاضل..
ما بدخلكم في التفاصيل الحصلت بعد كدا.. وكل زول يتخيل نفسه فرد من بيت هذه الصديقة...

طيب... الكنتة وين؟!

المنشور دا كنت ناوية اكتبو من زمن.. من شكاوي زميلاتي عن مشاكلن مع رجالهن وقت البيريود.. ومشاكل البنات مع اخوانهن في نفس المواعيد.. و...... و...... و......
عشان نكون علميين وما ونسة ساي... ما حنتطرق لخرافات البدائيين عن (الدم الشهري هو انتقام الطبيعة من فشل الأنثى في خلق كائن جديد).. أو خرافات الهندوس عن (لا تثق في أي كائن حي ينزف سبعة أيام كل شهر ولا يموت)... بس اتخيلو اضطراب هرمونات كل الجسم وانفجار دموي داخل الرحم (منطقة غاية الرقة اللحمية والحساسية) نتطرق لنقاط علمية حول سيكلوجية المرأة في هذه الفترة...
في الإصدار الرابع ل ( APA) مختصر American Psychiatric Association الجمعية الأمريكية للأطباء النفسيين؛ في بند: (التشخيص الاختصاصي للاضطرابات النفسية):
*تشخيص الاضطرابات النفسية المرافقة للدورة الشهرية؛ يعتمد على وجود عدد من الأعراض؛ أشيعها:
١. شعور بالإكتئاب.
٢.شعور باليأس والتشاؤم.
٣.عدم استقرار المزاج.
٤.شعور مفاجئ بالحزن والبكاء.
٥.الحساسية الزائدة.
٦.قلة الاستمتاع بنشاطات الحياة اليومية.
٧.انخفاض شهية الأكل؛ وقد تكون هناك رغبة في أطعمة محددة؛ أو كراهية أطعمة كانت محببة.
٨.خمول وكسل لا إرادي بسبب آلام المفاصل.
٩.نقص الطاقة.
١٠.ارق ليلي وزيادة النوم النهاري.
١١.شعور بالقلق والتوتر.
١٢.عدم الراحة.
١٣.الغضب وسرعة الانفعال.
١٤.فقدان السيطرة على الأعصاب.
١٥.صعوبة التركيز والانتباه.

وبناء عليه...
يا آباء البنات وأخوان البنات... راعو مشاعر بناتكم في أيامهن دي وما تكلفوهن بي طبيخ وغسيل ومكوة ونظافة غصبا عنهن...

عليكم الله يا المتزوجين ما تتناقشو مع نسوانكم في أمور حياتية أو مصيرية في الفترة دي...

بالله عليكم يا الخاطبين أو حابين بنات الناس... لو ظهرت ليك حبيبتك شيطانين تلاتة كدا بدون سبب.. ما تسألها وما تناقشها إلا بعد كم يوم...

وخلوكم عارفين إنو معظم الأمراض النفسية المالية العيادات النفسية بتكون بسبب الضغوط في المرحلة دي.. وبالذات المراهقات الجديدة عليهن أفلام البيريود.

ملحوظة:
مافي زول يركب لي مكنة محترم وكلام زي دا.. ده منشور علمي.. وافتكر انت يا المثالي الخجلان من الموضوع أمك لو ماكان بتجيها الدورة الشهرية ماكان ولدتك يعني انت يا راجل نتاج بويضة ما انفجرت في دورة شهرية بل اتخصبت وطلعت سعادتك... وعلى فكرة اخواتك وبنات عمك وخالك وجيرانكم وبعدين زوجتك وبناتك كوووولهن في نفس الأفلام..

نهاركم سعيد ❤
طولت منكم اعذروني 🕊
كتير منكم بيستعملوا الهيرجرو وكتير برضو سمعوا بيه وخايفين يجربوه عشان مضاعفاتو..
عموما وبالمختصر المفيد..
الهير جرو بيطلع الشعر فعلا لكم لما توقفيه بيقع تاني..
الهير جرو بيطلع شعر في الوش كلو وحتى في الاذن ..
الهير جرو بيعمل هالاااات تحت العين وعلاجها شبه مستحيل حتى بعد ايقافو لانو بيعمل توسع في الاوعيه الدمويه لان الماده المصنوع منها هي اصلا علاج ضغط..
الي عاوزه تعمل هيرجرو تعملو لكن تحط في اعتبارها الحاجات الفاتت..
وممكن تجيبي الاحسن منو ٣ مرات وهو زيت النعناع..
ما كلام جرايد.. زيت النعناع بعد دراسه لقو ان مفعولو في تنشيط بصيلات الشعر ٣ اضعاف المينوكسديل ..
وماعندو اي مضاعفات ..
بتحطيه على المنطقه الي عاوزة يزيد فيها انبات الشعر ..
يوميا بدون تخفيف وتعملي مساج لمده ٧ دقايق وتخليه على شعرك عادي ما ضروري تغسليه.. اصلا ريحتو ظريفه ( دا بالنسبه للاستخدام العلاجي ) اعمليه ٣ شهور وشوفي النتيجه ..
ويا حبذا تضيفي منو نقط على اي حاجه عاوزه تعمليها لشعرك.. سواء ماسك او شامبو او كريم او اي زيت ( دا بالنسبه للاستعمال العام ) ..
في برضو زيت المغنيسيوم..
برضو من بدائل المينوكسيديل بس مفعول زيت النعناع اقوى منو ..
ح تلقوة في اي عطارة ..
ومفعولو بيزيد احسن واحسن لما تعملي ديرمارولر مقاس ٠.٥ ملم على شعرك وتحفزي المنطقه بعد دا تعملي زيت النعناع.. النتيجه بتكون اسرع بكتير..
ممكن استعمالوا للاطفال لكن بعد تخفيفه ب زيت تاني زي جوجوبا او جوزهند ..
تحياتي
ودمتم في نووور ❤
#منقول من عاده كريم

مع شاهي دائما احلى..

ارشادات لاستخدام العدسات اللاصقة

تعرف العدسات اللاصقة بأنها عدسات طبية تجميلية تهدف لتصحيح النظر، ولتحقيق ذات هدف النظارات الطبية، وخاصةً لمن يعانون من قصر النظر، أو طوله، وتتميز بخفتها، ومرونتها، وبعدم تأثرها بالطقس الرطب، بالإضافة إلى أنها لا تعتم في البخار، وتوفر مجالاً أوسع للرؤية
البعض يضطر إلى وضعها لأسباب طبية، والبعض الأخر لأسباب جمالية بدلا من وضع النظارات الطبية التى لا يفضل مظهرها الكثيرون، ونظرا لأن العدسات اللاصقة تستخدم فى أكثر المناطق حساسية وهى العينين يتوجب علينا التعرف على طرق العناية بها للحفاظ على أعيننا من الميكروبات الضارة، والتى تتسبب فى مشاكل كثيرة للعين مثل قرحة القرنية، والتهابات العين.

نصائح للعناية بالعدسات اللاصقة الخاصة بك، والطريقة المثلى لإستخدامها:

1_غسل اليدين

قبل إستعمال العدسات اللاصقة، يجب غسل يديك جيدا بصابون خالى من الزيوت والعطور حتى لا يعلق العطر أو الزيت بالعدسات وقت إستعمالها مما قد يتسبب فى تهيج العينين، ولا تنسى شطف يديك جيدا وتنشيفهما بمنشفه نظيفة خاليه من الوبر، وضعيها قبل وضع الكريم المرطب بيديك.

2- أظافر نظيفة

حاولى قدر الإمكان الحفاظ على نظافة وقصر أظافرك، أيضا يجب أن تكون ناعمة بحيث لا تؤذى العدسات وقت وضعها أو عند ونزعها من عينيك.

3- وضعها قبل الماكياج

احرصى على وضع العدسات اللاصقة فى عينيك قبل وضع الماكياج حتى لا تتلوث العدسات عند وضعها بعد أن تكوني قد وضعت الماكياج، أيضا قومي بنزعها من عينيك قبل إزالة الماكياج فى نهاية اليوم.

4- المحلول المعقم

اختارى للحفاظ على نظافة العدسات اللاصقة محلول معقم جيد، واحرصى على تغيره كل 48 ساعة فى حالة عدم استخدام العدسات، يفضل أيضا استخدام قطرة للعناية بالعينين خاصة فى حالة تهيجها، كذلك هناك بعض أنواع القطرات التى لا تناسب العينين فى حالة استخدام العدسات اللاصقة.

5- لا تنظفيها بالماء

تجنبي تماما تنظيف العدسات اللاصقة بالماء لأنها قد تحتوي على الأملاح أو الكائنات الدقيقة والتى قد تضر كثيرا بالبصر.

6- نظفيها عند كل استعمال

قومي بتنظيف العدسات اللاصقة بتغيير المحلول المعقم عند كل إستعمال

7- تجنبي الإستحمام بها

تأكدي قبل الإستحمام دائما أنك قمتي بنزع عدساتك اللاصقة، أيضا لا تذهبي بها إلى مصففه الشعر (الكوافير) حتى لا تتعرض إلى سخونة الاستشوار

8- لا ترتديها كثيرا

ينصح الأطباء دائما بتجنب ارتداء عدساتك اللاصقة طوال اليوم، فيمكنك ارتداؤها فقط لعدد ساعات محدود يوميا حيث يتسبب استعمالها المستمر فى إصابة العين بأمراض كثيرة

فوائد زيت النعناع للوجه

لزيت النعناع وصفات وخلطات متعدّدة للحصول على جمال البشرة ونضارتها وإشراقها، ومن فوائده:

يعيد زيت النعناع البشرة إلى طبيعتها  لتكون خاليةً من الزيوت.يعمل زيت النعناع على إزالة البقع والشوائب عن البشرة.يعمل زيت النعناع على تفتيح البشرة وتوحيد لونها.يعمل زيت النعناع على تخفيف الانتفاخ تحت العينين، ومنع ظهور الهالات السوداء.يعمل على علاج حبّ الشباب ويمنع ظهوره.يعمل زيت النعناع على تنظيف الوجه، ويزيل العيوب عن البشرة، كما يترك زيت النعناع رائحةً عطريّةً على الوجه طوال اليوم.


بقلم. موني المادح