#حضرت_زهرا_س
وصیت
مرحوم #شهاب
عم اوغلی یا علی اگلش یانمدا فرصتدور
گوروم دویونجا جمالون زمانِ فرقت دور
اگر چه بیر بئله مدّتده دویمادیم سندن
گینه بو محضرِ وصلونده دَم غنیمتدور
سوور حبیبیله محبوب مجلسین خلوت
عم اوغلی یاخشی فراغتدی ، خانه خلوتدور
دلون فداسی دانیش بیر دویونجا صحبت ایداخ
زمانِ راز و نیاز و مقامِ صحبت دور
میانِ وصل و فراق حضور مجلس یار
بو عالم اوزگه بیر عالمدی اوزگه ساعتدور
چتین میّسر اولار بیرده بیر بئله ساعت
گورم که همدمِ حالیم شهِ ولایتدور
یانیمدا ناطق قرآن ، دوداقیده جانیم
بو آخر نفسیمده عجب سعادتدور
یتوبدی آخره عمرم عم اوغلی جان ئولورم
دیور بو حالتِ زاریم که حالِ رحلتدور
ولیک بیر نچه کلمه وصیّتیم واردور
گرک بیان ایلیم عرض حال خدمتدور
عم اوغلی اوّل عرضیم بودور که ئولسَم من
گِجه کفن ایله دفن ائت منه بو راحتدور
جنازم اوستونه گلماخلیقا رضا دگلم
اولاریکی قاپومی یاندیران جماعتدور
ایکیمجی عرضیم اگر عورت اختیار ایله سن
امامه نی آلاسان چون نجیبه عورتدور
اوزوم کیمی بولورم زینبه اولور غمخوار
ایدر همیشه او که احترام و حرمتدور
علاوه قویما چکه غم حسین و حسنیم
محبّت ایله ، اولار لایقِ محبّتدور
حسینیم آغلاسا من آغلارام ملول اولّام
حسینون آغلاماقی روحمیه اذیّتدور
اونون غمی منی بیر نچه یرده آغلاداجاخ
تنور و قتلگه و دِیردن عبارتدور
معاینه گورورم کربلا ده گُل جسمی
باتوبدی قانینه ، اعضا هامی جراحتدور
نه غسل و نه کفن و نه حَنوط نه تابوت
نه سایبان و نه سایه غریبه حالتدور
فغان و شیونیله قبردن اوگون دورّام
حسین دیوب گیدرم مقصدیم زیارتدور
کناره جان کیمی قانلی جنازه سین آلّام
نجه جنازه؟ نه باش وار نه ال سلامتدور
دوشر الی او زمانیکه ساربان الینه
جفاسین ایلر عیان بسکه بی مروّتدور
او گونده زینبیمون حالی حالیَم نولاجاق
منیم بو حالتیمون باعثی او حالتدور
وورالّا قولّارینا تازیانه اهلِ جفا
آناسی تک قیزینون هر ایشی مصیبتدور
الیمده خامه آلشسا بسانِ تیر (شهاب)
ملامت ایتمه مصبب بله مصیبتدور.
التماس دعای فرج
@shoaravamadahantabriz
وصیت
مرحوم #شهاب
عم اوغلی یا علی اگلش یانمدا فرصتدور
گوروم دویونجا جمالون زمانِ فرقت دور
اگر چه بیر بئله مدّتده دویمادیم سندن
گینه بو محضرِ وصلونده دَم غنیمتدور
سوور حبیبیله محبوب مجلسین خلوت
عم اوغلی یاخشی فراغتدی ، خانه خلوتدور
دلون فداسی دانیش بیر دویونجا صحبت ایداخ
زمانِ راز و نیاز و مقامِ صحبت دور
میانِ وصل و فراق حضور مجلس یار
بو عالم اوزگه بیر عالمدی اوزگه ساعتدور
چتین میّسر اولار بیرده بیر بئله ساعت
گورم که همدمِ حالیم شهِ ولایتدور
یانیمدا ناطق قرآن ، دوداقیده جانیم
بو آخر نفسیمده عجب سعادتدور
یتوبدی آخره عمرم عم اوغلی جان ئولورم
دیور بو حالتِ زاریم که حالِ رحلتدور
ولیک بیر نچه کلمه وصیّتیم واردور
گرک بیان ایلیم عرض حال خدمتدور
عم اوغلی اوّل عرضیم بودور که ئولسَم من
گِجه کفن ایله دفن ائت منه بو راحتدور
جنازم اوستونه گلماخلیقا رضا دگلم
اولاریکی قاپومی یاندیران جماعتدور
ایکیمجی عرضیم اگر عورت اختیار ایله سن
امامه نی آلاسان چون نجیبه عورتدور
اوزوم کیمی بولورم زینبه اولور غمخوار
ایدر همیشه او که احترام و حرمتدور
علاوه قویما چکه غم حسین و حسنیم
محبّت ایله ، اولار لایقِ محبّتدور
حسینیم آغلاسا من آغلارام ملول اولّام
حسینون آغلاماقی روحمیه اذیّتدور
اونون غمی منی بیر نچه یرده آغلاداجاخ
تنور و قتلگه و دِیردن عبارتدور
معاینه گورورم کربلا ده گُل جسمی
باتوبدی قانینه ، اعضا هامی جراحتدور
نه غسل و نه کفن و نه حَنوط نه تابوت
نه سایبان و نه سایه غریبه حالتدور
فغان و شیونیله قبردن اوگون دورّام
حسین دیوب گیدرم مقصدیم زیارتدور
کناره جان کیمی قانلی جنازه سین آلّام
نجه جنازه؟ نه باش وار نه ال سلامتدور
دوشر الی او زمانیکه ساربان الینه
جفاسین ایلر عیان بسکه بی مروّتدور
او گونده زینبیمون حالی حالیَم نولاجاق
منیم بو حالتیمون باعثی او حالتدور
وورالّا قولّارینا تازیانه اهلِ جفا
آناسی تک قیزینون هر ایشی مصیبتدور
الیمده خامه آلشسا بسانِ تیر (شهاب)
ملامت ایتمه مصبب بله مصیبتدور.
التماس دعای فرج
@shoaravamadahantabriz