ای عکس جمال کبریایی
ای سایه رحمت خدایی

ای صدرنشین سدره منزل
ای روشنی سراچه دل

ای نقش جریده ی عنایت
سلطان قلمرو ولایت

ای نظم جهان خلقت، از تو
ای وجهه آدمیت از تو

ای هشت بهشت، خاک کویت
ای خلد برین در آرزویت

ای قبله عارفان مطافت
ای کعبه همیشه در طوافت

ای شمع جلال بزم عرفان
سلطان زمن، شه خراسان

این خطه که چرخ چون تو ماه است
بر اهل یقین، پناهگاه است

جویند به جد، اهل الفت
از خاک تو کیمیای عزت

شد از همه جا کسی که مایوس
رو کرد به خاک خطه طوس

کاینجاست پناه بی پناهان
اینجاست صفای روسیاهان

این درگه رشگ عرش اعلا
بر فوج ملک بود مصلا

چون فرش، عجب نه گر بدین در
جبریل امین فکنده شهپر

ای صادر جیب صبح اول
آرام دل نبی مرسل

ای نور نخست و میر هشتم
هستی ز تو غرق در تنعم

ای ذات تو نور رسته از نور
عالم ز تو غرق نور، چون طور

با جمله نیاز، کون و امکان
بر خوان نوال توست مهمان

عالم همه عاشق و تو مقصود
هستی همه فانی و تو موجود

زایر به دو کون یافت عزت
ای فیض تشرف زیارت

ای جوشش چشمه سار رحمت
مائیم و ز معصیت ندامت

بزدای ز لوح دل سیاهی
ای جلوه رحمت الهی

لطفت نشود به حشر اگر یار
ای وای به حال معصیت کار

ای از تو شکوه پادشاهی
بر بنده ی کمترین نگاهی

تا نقش ولای توست در دل
تا یاد تو مونس است بر دل

تا درد مرا تو چاره سازی
نازم به جهان ز بی نیازی

سوگند به جان، جان احمد
زهرا، گل گلشن محمد

مام تو و مادر فضیلت
دریای لئالی امامت

سرمایه ده عفاف مریم
فخریه دودمان آدم

قندیل سرای پارسایی
آویزه طاق کبریایی

تندیس وفا و هیکل شرم
تصویر حیا و نقش آزرم

معنای فصول زهد و تقوا
مصداق عبارت فداها

کاین بنده بینوا و درویش
نومید مکن ز درگه خویش

یا رب به دعای صبح خیزان
از سوز فراق اشکریزان

یارب به نیاز شب نشینان
دلسوختگان، غم آفرینان

با رحمت خود پناهمان ده
در بزم قبول راهمان ده

مرحوم استاد محمد عابد (ره)

دوتوب شام اهلینی حیرت گلن دوردی گیدن دوردی کسیلمیش باش ایدر صحبت گلن دوردی گیدن دوردی . . قاچاقاچ دوشدی شهر ایچره هامی حیران و سرگردان گورنلر بیر بیره فورا قضایانی ایدر اعلان گلون یاخشی تماشا وار جداده باش اوخور قرآن تعجب گلدی کیفیت گلن دوردی گیدن دوردی . . هامی مایل هامی مشتاق باخا اعجوبۀ دهره تعجبلو تماشادن آپارا حصه و بهره یغان بازار و دکانین قاچار دروازۀ شهره گلوب بی حدّ جمعیت گلن دوردی گیدن دوردی . . مگر یول وار بیری گلسون یولی ویرسون نشان گچسون دیسون گلمه گلن صبر ائت سنق محمل دایان گچسون دیدله یوخ باجی قارداش گرکدور یان به یان گچسون هامومیز ایلیک رؤیت گلن دوردی گیدن دوردی . . همان باش یدی ضربتلن ذبیحاً من قفا اولدی مکان و منزلی گه دیر و گه مطبخ سرا اولدی ولی شامه گلن وقته او باش انگشت نما اولدی دولوب دروازۀ ساعت گلن دوردی گیدن دوردی . . جداده آیۀ کهفی تلاوت ایلین وقته عجائب سرگذشتیندن حکایت ایلین وقته ضلال اهلین رهِ حقّه هدایت ایلین وقته دگوب اول باشه بیر ضربت گلن دوردی گیدن دوردی . . نجه صبر ایلسون آخر گرک قان آغلیا زینب شدایدِ مصیبتدن سینه سین داغلیا زینب چوخ حسرت چکدی قارداشین یاراسین باغلیا زینب ولاکن اولمادی فرصت گلن دوردی گیدن دوردی . . تردد باغلانوب کوچه دوتولدی راه سد اولدی جماعت بیر بیری اوستن گلوب بی حصر و حد اولدی نه فرمایش ایدوب شمره امامون امری رد اولدی بیر آزدا ظلم اولوب شدت گلن دوردی گیدن دوردی . . دیدی دوندرمه ای ظالم بی بیمون اشکینی نهره آپار بو قانلو باشلاری بیر آیری راهدن شهره تماشاچی چکیلسون قوی او سنگ دل گلوب قهره ایدوب برعکسنه نیت گلن دوردی گیدن دوردی . . ویروب فرمان حسین باشی دوروب خواهر قباقینده اوغولون باشی ساخلاندی او دم مادر قباقینده خانملار ناقه اوستونده قالوب گونلر قباقینده خجالت حال اوچ ساعت گلن دوردی گیدن دوردی . . دیدی بیر شخص یاز مضطر مغلظ کلمه عنوانی دیدوم یوخ مجلس اهلینون یانیندا کنزو برهانی اوزاندی سوز چکوب بحثه سولاندی جنگ میدانی بیر اولمادی ایکی نیت گلن دوردی گیدن دوردی

ئولورم یانیمدا اگلش جگریم یارادی قارداش
منه بو مدینه مسکن سنه کربلادی قارداش
یته جاق تمامه صبریم قالاجاق خرابه قبریم
حسنین مزاری پوزقون قالا گور روادی قارداش


اولاجاق سنون مزارون بیوک عزته سزاوار
گله جاقدی دسته دسته او گوزل مزاره زوار
اولاجاق منه نه زائر نه مجاور و پرستار
قالاجاقدی توزلی قبریم ایشیم آه و وادی قارداش


پوزولان مزاریم اوسته گلن اولسا کام آلانماز
یاخونا گلوب او پنمز دایانوب دوروب قالانماز
ازینی مزاریم اوسته گوزی یاشلی بیر سالانماز
گوراو یاسیله او حسرت نجه غمفزادی قارداش


سنی یاد ایدوب گلنلر قالاجاق یانوندا ایمن
منیم اولسا ایلده بیر یول گلنیم اگر معین
دویه جاقلا قبریم اوسته کوره جاقدی جور دشمن
یاناجاقدی مدفن ایچره حسنین فوادی قارداش


گلن اولساقبری اوسته حسنین ده گاه گاهی
گوزی قبریمه دوشنده اوجالار فغان و آهی
دیسه درد دل دویه لر کیم اولار اونون پناهی
گور او حسرت و او ذلت قوناقا روادی قارداش


سنون آل هاشمیله اولاجاقدی اتفاقون
ووراجاقدی عرشه طعنه حرمون گوزل رواقون
گیجه گوندوز ایللر یله اولا جاقدی چوخ قوناقون
هامی عالمین پناهی او متین بنادی قارداش


سنون آلتی گوشه قبرون اولی عرش تک معلا
گلی دسته دسته زایر دیر اوردا وا حسینا
بو جلالت و بو عزت منه قسمت اولماز اما
سنون عزتون اگر چه منه مدعادی قارداش


یاتاجاق ایاقون آتدا سنیله علی اکبر
ایده جاق غبار قبرون گوزه توتیا ملک لر
بالوی ایاقون آتدا دیه جاقدیلار گورنلر
بو یاتان جوان اوغولدی او قوجاآتادی قارداش


اولاجاقدی نچه قارداش سنون اوردا هم جوارون
یاتا جاقدی سینون اوسته یوزی قانلو شیر خوارون
اودی سری آلتی گوشه اولاجاق سنون مزارون
سنه قبریده هم آغوش ایکی مه لقادی قارداش


غم غربتیله گرچه دلیمه شراره سالام
بو نا دلخوشام ولیکن آنامین یانیندا قالام
بیر علیل بوینی یاره بالاوی کناره آلام
ایکی اوغلیدا یانیمدا گوزیمه ضیادی قارداش


نجه که فلکده طالع اولی ماهلیه ستاره
اولاجاقدی قبرون اوسته ایله گنبدو ستاره
ولی بیرنفر تاپولماز چکه قبریم اوسته قاره
اگر آغلادا بو نسکل آنامی بجادی قارداش


منیم ایتدی بیر ایچم سو جگریمی پاره پاره
سنه سو تا پولماز اما جگرون چکر شراره
سو دینده قان ایچینده وورااهل کینه یاره
بلورم بنی امیه نجه بی حیادی قارداش


آنامیزا مهر اولوبدور یر اوزینده هر نه سو وار
آدی سو منیم نصیبیم دولی زهر بیر سبو وار
داخی کیم دیر جهاندا بو سو لار دا آبرو وار
اود اولیدی کاش ازلدن قویولان سو آدی قارداش


بو حسینه ایلیوبدور ایکی قارداشی وصیت
بیری مجتبادی گوردی وطنینده درد غربت
بیری کربلا چولینده باشا باش بدن جراحت
دیدی آخرین نفسده سنه جان فدادی قارداش


بودی آخرین سوزوم ای شه یثرب و تهامه
نقدر ساقام یتشموب نفسیم منیم تمامه
منی بوردا قوی آپارما شهدا کیمی خیامه
نظرون آپارماق اولسا بیوک ابتلادی قارداش


قورویان سو جامی الده سو دیلنده دیده خدنبار
بلوسن منی گوزتلور خیمونده آل اطهار
گوره بلمرم رقیه سو دیر یانار سیزلدار
بو الوم او خجلتیمدن منه چوخ روادی قارداش


بو وصیتمیده وار دور بلوسن بیر اوزگه علت
هله بلموری بو حالی بو گروه پست فطرت
بله لر اگر یخلدیم تاپار اهل کوفه جرئت
هله مانع جسارت بو یاتان لوادی قارداش


اوزماندا تاپدی خدمت قزلیم عیار کامل
که ایکی قولوم کسیلدی دیشیم اولدی مشگه حامل
او قدر او مشکه خاطر منه اوخ ورووب ارازل
بدنیم گورورسن اوخدان پر آچان همادی قارداش

شعری از شاعر جوان تبریزی علی زینالی
شام غریبان حضرت زهرا(س) - غسل وکفن

مدینه اهلینه بو مسئله اولوبدی جلی
گونون گون اورتا چاغی باتدی آفتاب علی
بیله روایت ایدور بو قضیه نی اسما
قویاندا مغسله زهرانی هیکل تقوا
جداره قویدی عذارون توکوب گوزوندن یاش
دیردی فاطمه ئولسون بو مرتضا ای کاش
ندن بو مدتی مندن رموزی گیزلتدون
درون سینه ده مین درد و سوزی گیزلتدون
قمرده اولمادی باری غمام غمده نهان
گوزوم بو یاریه هیج دوشمییدی فاطمه جان
بو عندلیب بهشتی دوشوب عجب محنه
وجودین اوخشوری زهرا خزان وران چمنه
او گل جماله او زیبا نگاهه حیف اولسون
محاق اسیری اولان روی ماهه حیف اولسون
سپند وار غمون مجمرینده اودلانورام
وجودیوه باخورام حسرت ایلیوب یانورام
اولنجه دردو غمون بو سینان اورکده قالار
غمون بوکر بلیمی خیبری یخان قوجالار
ندندی قوش کیمی بو آشیانی ترک ائدیسن
یخوب علی ایوینی، فاطمه هارا گیدسن؟
قباله اولدی سنه مایه ی بلا بولم
او کوچه صحبتینی آچسا گر حسن اولم
او کوچه بیرده چتین لایق گذاریم اولا
گوروم فضاسی اونون ظلمت و غمیله دولا
او کوچه اهرمنون مقصده چاتان یردی
ترابه چادر ناموس دین باتان یردی
بو دوقوز ایلده کی خوش روزگاره حیف اولسون
بو سرو قامته بو گلعذاره حیف اولسون
قوتاردی سوزلرینی اول کمال بخش کلام
خلاصه فاطمه غسلون امام ایدوبدی تمام
او نیلی پیکری بوکدی امام آغ کفنه
نه حال یوز ویروب اول مقتدای ممتحنه
خدا بولور نجه صبرایتدی اول ولی جلی
ایدوبدی یدی کفن هیکل عفافه علی
نه گوردی سینه یارا قان ویرور جراحت تن
غرض یارالی بدن نچه یول اولوبدی کفن
علی او ماهی محاق کفنده گیزلتدی
سهیل بختینی برج محنده گیزلتدی
او دمده عنصر علیا داغلدی سفلایه
که پیشواز ایده لر روح قدس اعلایه
خلاصه اولدی کفن پوش پیکر تقوا
باخان دیردی که معراجه سوق ایدور طاها
اولوبدی اهل سما بو عوالمه مبهوت
اولاندا رفرف زهرا او تخته تابوت
عزیز حضرت پیغمبری ایدوبدی کفن
امام امر ایلدی تا گَله حسین و حسن
وداع آخره گلسون بو گل هزاره لری
بغیر هجر اولارین یوخدی آیری چاره لری
سالوبدی ظلم و ستم بو سولان عذاره نقاب!
حسین آناسینا قویا بو نوعی ایتدی خطاب:
یورولموسان بولورم درد و غصه دن آناجان
الین قویوب یوزونه آغلیور حسن آناجان
او کوچه درده سالان کوچه دور بیز اهل دلی
بلا و دردیله تخمیر اولوب ازلده گلی
به جادی بو غمه قلبیم شرار غمده یانا
دیدون دیوب باشوا پشت درده ضربه آنا
سن اولماسان بیزه گوندوز آنا قرا گجه دی
او کوچه صحبتی قالسون هله باشون نجه دی
غریبه دویدون حسینوندن ای غریق محن
گلنده کرب و بلایه گتور حسینه کفن
کفن سیز اوغلون حسین کربلاده جان ویره جاخ
قیامتی علنا اوندا انبیا گوره جاخ
غرض بو سوز گتوروب جوشه مهر زهرانی
بیله روایت ایدور مرتضی بو عنوانی
او نعش تیتردی بیردن آچیلدی بند کفن
نه حاله قالدیلار الله بولور حسین و حسن
"حسینی باغرینا باسدی گوی اهلی آغلادیلار
بو باره دن جگر مصطفانی داغلادیلار"
ندا یتشدی او دم غیبدن امامه بلی
او قدر قالموری عالم خرابه قالسون علی
نظام اهل سَما یاعلی اولوب بَرهم
یوباتما دفن ایله زهرانی آغلیور خاتم
امام امر ایلدی جمله یار و اعوانه
جنازه چیخسون او درگاهیدن یانا یانه
جنازیه حرکت ویردیلر قوپوب طوفان
امام ذکر ایلدی کل من علیها فان
زِ بس اَریتدی وجودین بلا و درد و محن
باخان دییردی بو تابوت ایچره یوخدی بدن
بهار فصلی چتین بلبل آیریلار گلدن
قیامت اولدی چخاندا جنازه منزلدن
سالوبدی ولوله بو غصه کل دنیایه
غریبه شام غریبان دوتولدی زهرایه
عنایت ایله خانم سنده بیرده #مدهوشه
حسینوین او گوزل قبرون آلسون آغوشه.

حوالات حضرت علی‌اصغر
 
او دم کی حرمله ننگین اله تیر و کمان آلدی
ملک‌لر ضجه چکدی شیعه‌لر خط امان آلدی
خبـر وئـر هر مریضه ناامید اولسا معالجدن
بو طفله آغلاسون تا بهره‌مند اولسون نتایج‌دن
علاجون ایسته‌سون بوسودامر باب‌الحوائج‌دن
کیمه ائتدی طبابت مزدینه اشک روان آلدی
حقیقت گورسنـر قلب سلیم و چشم بینایه
ازلدن حرمله کور اولدی ساتدی دینی دنیایه
خریـدار بهشته بیـر اووج قان الده سرمایه
حسینون سودامر سربازی جان وئردی جنان آلدی
دیزین برکیتدی یئرده اوخ آتان بیر پهلوان مثلی
کمان پرتاب و زه تابیده اوخ برق جهان مثلی
هدف بیر آلتی آیلیق سودامر برگ خزان مثلی
حسینون خیری اولسون غنچه وئردی گلستان آلدی
گؤر اوچ پر اوخ سودان آیـری دوشن بیرماهیه نیلر
دگــه دیــوار مسجــدده قانادسیز یاهویا نیلر
ابوالفضلی ییخان بیراوخ گؤرون شش ماهیه نیلر
باش آیریلدی بدندن قلب زهرادن توان آلدی
اوخی چکدی بـوغازیندن آتوب قان مثل فواره
دمادم دولدوروب اؤوجین ائدوب عرضه خریداره
جنــازه اللــری اوستـه قالوب میداندا آواره
ندای احسن احسن ذات حقدن ناگهان آلدی
آتانون اللری قان، یوز گؤزی قان، آغ محاسن قان
بالانون ایسلادوب آغ دوشلوگین زیبا لباسین قان
اولوب باب الحوائج ایلدی تضمین بقاسین قان
عموسی حضرت عباس تک نام و نشان آلدی
نظر اطرافینه سالدی اوزین تک گوردی میداندا
دئدی قارداشلاریم اوغلوم خدا غرق اولموش آلقاندا
قالان بیــر سودامـر سربازیمیـدی ذیل پیماندا
اودا صدساله درسی آلتی آیدا بی‌زبان آلدی
بو غمدن پارچالانمیشدی نه طاقتده داغ اولسیدی
بهارون فصلی سولمیشدی نجه عالی باغ اولسیدی
بالام ال اوسته قالمازدی ابوالفضلیم ساغ اولسیدی
گوروب قارداش‌سیزام اطرافیمی بو قوم کوفیان آلدی
اؤزون محشر گونی ای منتقم قیل عدلیلن دیوان
بو مـن او حرمله بو اصغر مظلوم او ناحق قان
ساتان من مشتری سن قان متاعیم قیمتی رضوان
اوزون وئر خیرینی یارب ساتان ساتدی آلان آلدی
 بالا از بسکه چیرپیندی آتانون سینه‌سی اوسته
وئروب جان مرغ بسمل تک ولیکن قول قاناد بسته
قویوب یوز خیمیه ساری آتا خسته بالا خسته
اوزاقـدان رمـزی اوّل زینب بی‌خانمــان آلدی
ئوره‌کلندی دئدی قارداش گل خندانوه قربان
سووا عطشان گئدوب عطشان گلن مهمانوه قربان
الـون اوستـه ملک‌لـر آغلیـان قربانووه قربان
بودیلسیز نیلمیشدی دشمن آخر قانه قان آلدی
دئدی سن اولماسیدون خیمیه باجی گلنمزدیم
آناسـی خیمه‌دن باخسیدی من تَلّی اننمزدیم
بو حالیله کی سن گوردون گؤزونه گورسننمزدیم
ربابه درسی سن وئردون فلک سخت امتحان آلدی
وداعین وقتی دور باجی فراقه قوی ائدوم تمکین
عیـادت ایلیـوم سجادیدن دردی تاپا تمکین
مریضـون یاننه گئتمکده اما وارگوزه‌ل آئین
گوررسن هـر کسی بیر هدیه در حد توان آلدی
مریضه دسته‌گل باغلالا بیرخوش رسم و عادتدی
اودور سجـاده گتـدیم بـو گلی وقت عیادتدی
آپار وئر ایلسون وئرسون سیزه بو یاخشی فرصتدی
مریض ایلر گلی اوندان گوررسن دیگران آلدی
وئرنــده هــر قیــزا امــا دئنن آرام آل آغوشه
یواش باس باغریوا دیسگینمسین الان گئدوب هوشه
آتـوب دوتما بوغازیندن دوباره قان گلر جوشه
وئـرون الــدن الـه بلکـه ربـاب مهـربان آلدی
آلوبلا قانلـی قنداقـی اؤپـن الـدن اله وئردی
بوغازینون یاراسین کیم گوروب زلفین یئله وئردی
ربابـه نوبـه چاتدی شاعیره مولا صله وئردی
سیزیلتیلان ایله نوحه دئدی فیض کلان آلدی
دئدی گر چه غموندن اؤلمدیم من زنده‌یم اوغلوم
نقدری کی آدون اوستومده وار پاینده‌یم اوغلوم
قصوریم اولدی سندن حشره‌جک شرمنده‌یم اوغلوم
منیم سینم‌ده‌سن بخت اولدوزیدون آسمان آلدی
یقینیمدور گجه چوخ اینجیمیشدون ایندی دینجلدون
یانوردون صبحه‌جک آهون اُوخیله قلبیمی دلدون
ائوون آباد کوسموشدون گینه آغوشیمه گلدون
کأنـّـه آلتــی آیلیــق دستمزدیـن باغبان آلدی

مرحوم #حافظی_تبریزی . خدا آدیله او فعلیکه ابتدا اولماز قصور کامل اولار فعله ابتدا اولماز . خدا آدیله اودور باشلیرام بو مطلبی من خدادن اوزگه سینه اتکا سزا اولماز . بلال شوری بلالی باشیمدا، الده قلم اگرچه لایق شأنی سوزوم ادا اولماز . ایدوبدی شور پیمبر بلالی شوریده ایله مهیّج و پرشور ماجرا اولماز . مؤذن نبوی پیرو حقیقتیدی مجاز اهلی اولان قلبیده صفا اولماز . همینکه ایلدی رحلت پیمبر رحمت گوروب رعایت مصداق اِنَّما اولماز . اذانی ترک ایلدی ویرمدی بلال اذان دیدی که خادم شه خادم گدا اولماز . نقدر ایتدیله خواهش بلال اذان ویرسون جواب ویردی بو منظور مطلقا اولماز . ابی قحافه نون اوغلی خلافته یتسون موافق نظر ختم انبیا اولماز . علی وصیّ بلافصل حقی غصب اولسون بو امره آند اولا اللهه حق رضا اولماز . سفارش ایلدی بیر گون اوزی خانم زهرا بلال اذان دیمه سن دردیمه دوا اولماز . بابام پیمبری چوخ گوگلوم ایستوری هرچند سنه امام جماعت او مقتدا اولماز . سسون گَلنده دوشر یادیمه رسول امین منه تسلّی دل اوزگه بیر صدا اولماز . بلال گوردی بتولین سوزین یره سالسا موافق دل سلطان اولیا اولماز . گلوبدی مسجد پیغمبره اذان دیماقا زمان اگرچه دونوب بیرده مامَضی اولماز . بلال حزن تمامیله سویلدی تکبیر گورن دیدی بیله محزون ایدن صلا اولماز . ایشیتدی فاطمه تکبیری ایلدی تکرار دیدی که اوزگه سی مستوجب ثنا اولماز . دینده اشهد ان لا اله الا الله خانم بویوردی خدادن سوا خدا اولماز . اوچومجی فصلین اذانین دیَن زماندا بلال قیامت اولدی دیسم گر، سوزوم خطا اولماز . پیمبر آدی سالوبدور مدینیه بیر شور که حشریده ایله بیر شور غمفزا اولماز . قاریشدی بیربیرینه آغلادی اناث و ذکور جهان نه قدر اولا ایله بیر بکا اولماز . مدینه دن فلکه وا محمّدا اوجالوب ایله یاران جگری وا محمّدا اولماز . آتاسینون ایشیدنده گوزل آدین زهرا دیدی خراب ندن ارضیله سما اولماز . بابا بابا دیدی ازبس یخیلدی ضعف ایلدی بیله وفالی قیز ایله رئوف آتا اولماز . خبر ویریلدی بلاله دایان بتول اولدی کسوب سسین دیدی بیرده بو سس رسا اولماز . خیال ایدوب آلا ثانی بلالدین بیعت او حاضر اولماسا بیر عدّه هکذا اولماز . بلاله عرصه نی چوخ تنگ دوتدی اول بی دین دیدی خلیفیه اولماق کم اعتنا اولماز . تانور هامی اوزونه پیشوا ابوبکری تانوماسان اوزیوه سنده پیشوا اولماز . دوتوب او دست خطا کاریله گریبانین دیدی اولونماسا بیعت یخن رها اولماز . غلامیدون سنی بوبکر آلوب ایدوب آزاد بو فاش مطلبی ایتماقلیق اختفا اولماز . بلال سویلدی حاشا ایدم اونا بیعت او فعلی ایلمرم که خدا رضا اولماز . پیمبر امر ایدوب آلدی او ایلدی آزاد بو کلمه حقّیدی انکار حق سزا اولماز . ولی منی گینه قیترسه ایتسه قول اوزینه وار اختیاری جوابینده حرف لا اولماز . دوباره قول اولوب اوز عمریمی باشا ویرّم جزاده خصم منه شافع جزا اولماز . اوتان حیا ایله صحّاک زاده شرم ایله تعدیات اولی گیزلینده برملا اولماز . منیم گیچوبدی چوخی عمریمون آزی قالوری دوباره عمر جهاندا منه عطا اولماز . جهان فنادی ولی عمر آخرت باقی بُلن یانندا فنایه بقا فدا اولماز . ایشیتدی بو سوزی خطّابین اوغلی غیظه گلوب ملاطفت دیدی هرگز سنه روا اولماز . خلاصه بیعت ایله یا مدینه دن چیخ گیت قبول اوزگه تمنّا و التجا اولماز . بلال گوردی گرک کوچ ایده، یوخ اوزکه علاج رعایت حرمتی اوردا قالا اولا اولماز . مینوبدی ناقه سینی چیخدی شهر یثربدن قبول ایلمسه گوردی انزوا اولماز . دیار شامه گیدوب بلکه غصّه سی آزالا اگرچه اهل ولادن بلا جدا اولماز . یاتوبدی بیر گئجه پیغمبری ایدوب رویا ایله غلام ایله مولای ذوالعلا اولماز . محبّتیله رسول خدا بویوردی بلال وفالی دوست بو تیزلیقدا بی وفا اولماز . سبب نه اولدی علیدن نه تیز بیله دویدون زمان سختیده بیگانه آشنا اولماز . دمشقی سن نیه ویردون مدینیه ترجیح مگر دمشقیده دنیای دون فنا اولماز؟ . بلال اویاندی اوزی نفسینی مخاطب ایدوب دیدی بو ظلمیدی بوندان بیوک جفا اولماز . علاوه ناخوشیدی سن گلن زمان زهرا اونا اگرچه سنون گیتماقون دوا اولماز . گینه عیادتی لازیمدی دلشکسته دی چون اونون عیادتی بی اجر و بی جزا اولماز . دوشوب بو فکره قِییتسون مدینیه بیرده اگر قِییتمسه شرط وفا ادا اولماز . دوباره یثربه گَلدی دمشقیدن غمگین اونون او حالی کیمی حال غمفزا اولماز . قالوب ولی متفکر ایکی مرام اوسته که هانسینی ایلسم نقض مدعا اولماز . گیدوم زیارت پیغمبره ازل گوره سن؟ و یا عیادت زهرایه که صورا اولماز . اگر زیارت پیغمبره ازل گیتسم گلایه مند یقینیمدی مرتضی اولماز . اولار پیمبرین امّا خلاف رفتاری یقین رضا اونا پیغمبر خدا اولماز . اوزی گَلنده سفردن همیشه پیغمبر گوزوم گوروب اونا بو کلمه افترا اولماز . ازل گیدردی قیزی فاطمه زیارتینه اونون ایشی سوزی که وحی دن سوا اولماز . گیدوم عیادت ایدوم بس ازلده زهرانی صورا بیر ایش اولی موقعده اقتضا اولماز .

مصمم اولدی علی دودمانینه گَلسون ایله غلام وفادار و پارسا اولماز . گَلوب دوگوب قاپونی گور غلامیده ادبی اجازه ایستمه میش داخل سرا اولماز . گوروم عذابیوی ثانی خدا شدید ایلسون سنون کیمی بو خلایقده بی حیا اولماز . او محترم قاپونی ظلم اودیندا یاندیردون و حال آنکه بُلوردون تایی بنا اولماز . ایدوم خلاصه بلالین حکایتین تعقیب تمامه یتمیه ناقص اگر قالا اولماز . خبر بودور حسنینون بیری گَلوب قاپیه منیم عقیدمه امّا بو سوز بجا اولماز . گرک قاپونی آچان شاه کربلا اولسون قاپی آچان او اولان یرده مجتبی اولماز . آچوب قاپونی بلالی گوروب سلام ایلدی بلاله صبح خیال ایله گور مساء اولماز . باخوب حسینه گوروب حالی چوخ پریشاندور یوزی ایله سارالوب که ایله طلا اولماز . دولوب پیاله تک اشکیله نرگسی گوزلر بُلوب او حال بدون غم و بلا اولماز . دیدی او گوزلره قربان اولوم آنان نجه دی؟ شِفا تاپوبدی؟ دوا دردینه و یا اولماز . اوره کلنوب توکوب اشگین یوزه حسین دیدی توکم سرشگیمی عمریمجه اکتفا اولماز . آنام وفات ایلیوب قالموشام بلال آناسیز مگر آناسیز اوشاقلار گونی قرا اولماز . اوشاق آناسیز اولونجا اوزی اُله ایکاش چتین آنا اُلوموندن بیر ابتلا اولماز . گئجه گونوز باجیم اوخشار بیز ایلروق ناله آتامدان اوزگه بیزه کیمسه هم صدا اولماز . آتا نه قدر اولا مهربان بونی بُلوسن گینه آنا یری ویرمز گَلوب آنا اولماز . قالوب سسی قولاقیمدا قاپی یانان گوندن او نوع حادثه واقع ایله بداء اولماز . دیوب بو سوزلری قویدی یوزون یانان قاپیه ایله سیزیلدادی بیر نی ده اول نوا اولماز . دیدی بلال آناما بوردا بیر یارا دگدی یتر تمامه بو دنیا ایله یارا اولماز . بو آستانیه آخدی او یاره نین قانی نه قان که ویرسله دنیانی خونبها اولماز . چاغوردی فضّه نی گَل فضّه گَل بالام اُلدی ایاقه دورماقا منده داخی قوا اولماز . دئ «حافظی» آدی اسلام ادّعا ایدنه بشرده دین اولی تزویریله ریا اولماز .

حسینی حشریده اولماز بلا گرفتاری   اولان امام علی النّقی عزاداری

فغان و داد سپهرین بو کج مدارندن     گوتورمز ال ستم و جور بی شماریندن

ایدوب رسول کرام اهل بیتینی مظلوم     اوتانمیوب اولارین چشم اشگباریندن

تمام آل محمّد اولوب بلایه دچار     سالوب فلک اولاری آیری غمگساریندن

نظر امام علی النّقی شهادتی دور     گرک یازام اونون اوضاع روزگاریندن

او سروری متوکّل ایدوب جلای وطن   آییردی اول شه دینی دیار و یاریندن

گلوب امام ایدوب سرّ من رآده مقام     سالوب جهانه شرر آه شعله باریندن

ایگرمی ائیل شه دین سرّ من رآده قالوب   و لیک چیخمادی بیر گون بلا حصاریندن

یازولّا قیرخ ایکی ایلدن بیر آز اولوب عمری    یانوب مدام دلی درد و غم شراریندن

ایدوبدی عاقبت اولشاهی معتمد مسموم   نه شرم ایدوب آناسیندان نه کردگاریندن

علیحده خبریله شهید ایدوب معتزّ   امان او ظالمین انگور زهرداریندن

زبس موثّر اولوب زهر کین آخوب قانی   باباسی تک لب لعل شکر نثاریندن

رجب آئی ایکی یوز الّی دورد هجرتده    اوچومجی گون قوتولوب دشمن انزجاریندن

و یا قالاندا ایکی گون جماد اخرادن    خلاص اولوب شه دین حال اضطراریندن

ایدوب دوشنبه گونی رحلت اول امام غریب     قصوری وار قلمین شرح احتضاریندن

ایدوبدی غسل و کفن اوغلی اون بیریمجی امام     گتوردی ضجّیه افلاکی آه و زاریندن

ایاق یالین باش آچوخ جاک ایدوب گریبانین     تعجّب ایتدی گورن اول شهین شعاریندن

امامه بیر نفر عرض ایتدی بو نه عالمدور؟   مگر آتاسی اولن ال چکر وقاریندن

پوزوب بو سوز حسن عسکرینون احوالین    اوجاتدی ناله و شیون دل فکاریندن

بیوردی حجّت حقدور آتام اولوب مظلوم     سزادی من تک اوغول گیچسه اعتباریندن

آتا جنازه سین ایلر بلی اوغول تشییع    گیچر قرار و توانا و اختیاریندن

بونی بو حالیله قوی سرّ من رآده قالا   ایشیت برعکس خبر کربلا دیاریندن

شهید ایدوبله امام حسینی اهل جفا   او شه گیچوب ره جاناندا هر نه واریندن

غریب آتاسینی دفن ایلمیوب سجّاد    اوزوب جفائیله ال باب تاجداریندن

آتا جنازه سین عریان گوروب جگر قانین    ایدوب روانه یوزه نرگس خماریندن

حسینی اودلادی دنیانی آتشین سوزیله    دوباره سپدی سو اوز شعر آبداریندن

زینبون غربتده قارداش جان ویرور جان آختارور
گوزلری گوزلر یولون جان اوسته جانان آختارور
ای وجودون دستگاه آفرینشدن غرض
چوهر ذاتوت قبالینده یارانمیشلار عرض
گلموشم سن جان ویرنده سنده گل ایله عوض
مهربانین بو چتین ساعت هر انسان آختارور
بیر سنون من تار عشقونله وفا پابستیم
سندن اوتری مین لریله غم الیندن خستیم
سنده یاد ایله منی بو صون نفس جان اوستیم
آخر ای روحیم سنی بو قالب جان آختارور
صبحیم عاشورا گونوندن گوزده شام اولموش منیم
سن باتان گوندن قانا قان باغریما دولموش منیم
لاجرم چوخداندی عمریم گلشنی سولموش منیم
بو سولان گل ای گلوم سندن بهاران آختارور
حس فطریدور سور هر باجی اوز قارداشینی
آغلیاندا هر باجی قارداش سیلر گوزیاشینی
باجی جان ویرسه آلار قارداش دیز اوسته باشینی
باجی قارداشدان همیشه لطف شایان آختارور
سایه لطفون برادر لطف ایله سال باشیمه
باخ فراقونده عذاریمده بو قان گوزیاشیمه
قالمیشام حسرت سنون تک مهربان قارداشیمه
ای گوزوم نوری سنی بو چشم گریان آختارور
گوزلریم هر لحظه ارداش انتظاروندور سنون
اللریم سینمده جان تک ساخلیوب پیراهنون
آرزو ایلردیم اولسون خوابگاهیم مدفنون
بو دل محروم وصلوندن نه حرمان آختارور
یوخدی غربتده یانیمدا بیر نفر اهل وطن
گوزلریم قالموش یولوندا نه گلن وار نه گیدن
ایمدی بولدوم نه چکر غربتده یالقوز جان ویرن
یاندیرا دنیانی آه آتش افشان آختارور
منتها اخلاصیله پیمانیمه ایتدیم وفا
ثابت اولدوم عهدیم اوسته هر یانا چکدی قضا
چون بولوردوم ارتضانی حیّ سبحان آختارور
ایتمدیم راه وفاده ذره جه دلدن گله
باغ محنتده دروب هر غم گلون یغدیم اله
نخله اندوه و غم ایمدی یتوبدی حاصله
بیر یارالی باغبان بو دل پریشان آختارور
گل اوزون بو صون نفسده گور باجون احوالینی
لطف الیله سیل یوزوندن قان سرشک آلینی
ایلرم ظاهرده گرچه مرگین استقبالینی
زینبون جان بذلینه بیر اهل قرآن آختارور
ای یوزی آئینه قدرت نمای ذوالمنن
بو گنیش دنیا ایوی سنسیز منه بیت الحزن
ای وجودی بی کفن گل زینبه ایله کفن
احتضار حالینده زینب لطف و احسان آختارور
دیو سیرتلر جفاسی الدن آلموش اختیار
دلده سوز نار هجران گوزده اشک لعل وار
بو بساط احتشامین باده ویرموش روزگار
مور تک جان تحفه سی الده سلیمان آختارور
گیتمیوب دلدن برادر دلده کی مهرو وفا
آدیدی ذکر ایلدیقجا دل تاپار ذوق و صفا
جان ویرنده سو دیدون سو ویرمدی اهل جفا
زینبون گوز کاسه سین دولدورموش عطشان آختارور
زینبم قارداش یولوندا تیر غم آماجیم
قتلگهده قانوی زلفه یاخان بیر باجیم
ایمدی آخر عمریده بیر لطفوین محتاجیم
صون نفسده زینبون لطف فراوان آختارور
قتلگهده من گلنده یانوه عطشانیدون
فرش خاک تیره اوسته قانوه غلطانیدون
گون قباقینده یارالی جسمیله سوزانیدون
قتلوه گوردوم که قاتل تیغ برّان آختارور
جان ویرنده سن یارالی تپراق اوسته دلکباب
واقعا جای عجبدور اولمادی عالم خراب
غرق ظلمت ایتدی دنیانی گوروب تا آفتاب
حنجرون خنجر دمونده آب حیوان آختارور
آند ویرّم من سنی زینب حسین قارداشوه
قارداشوندان اوتری  بیر عمری آخان گوز یاشوه
ایسته گلسون (سائل) و (سالک) دولانسون باشوه
قبریوی بیر عمردور بو ایکی نالان آختارور

من عزیز فاطمیم فلک منه حرمتون ندن اولمادی ئولورم کنار دمشقیده باشیم اوستونه گلن اولمادی . . رقم ملال و مصیبتیم یازیلا چتیندی قلم قلم بیر حسینیمیدی بلی دین محن زمانیه بیر منم هانی بیر اسیره منیم کیمی آغاروب ساچی اولا قدی خم مُحَنیم کیمی هیچ عزالینون مُحَنی کمر شکن اولمادی . . غم وغصه دن قوتارور اجل سویورام قبای اسارتی گونی ایل کیمی گچن عمریمون یتیشوبدی آخره ساعتی یری واردی سنگ مزاریمه یازالار بو غملی عبارتی یر اوزونده زینب زار تک یورولوب بلا چکن اولمادی . . نقدر نفس ویروب آلمیشام او قدر منه یتیشوبدی غم هایانا مسافرت ایتمیشم منیله بلا اولوب همقدم بو جهاندا دینجله بولمدیم گیدورم مزاریده دینجلم باشیم اوسته باش آچا حیف اولا نه حسین و نه حسن اولمادی . . صفحات دفتر دهریده یازلوبدی مام بلا آدیم آچا بُلمدیم قره معجری من عزا لباسینی سویمادیم غم روزگاره دچار اولوب ائلیمون ئولنلرین اوخشادیم هارا گور یتیشدی سرآمدیم منه اوخشاما دیَن اولمادی . . باجی قارداشا دولانوب باخار دم واپسینده خیالیله یوزی خواهشی بو اولار فقط گئده پای قبره جلالیله هانی قارداشیم سوزومی دیَم بو ئولن زماندا ملالیله اؤرگیمده قالدی مطالبیم سوزومون چوخون بیلن اولمادی . . اریدوبدی غصه وجودیمی نه رمق قالوب نه دوزوم قالوب شرر مصائبه یانمیشام اورگیمده اودلی سوزوم قالوب نفسیم دوشوبدی شماریه گنه کربلاده گوزوم قالوب چکورم او توپراقین حسرتین منه حیف اولا وطن اولمادی . . یورولان مسافره بنزیرم یولون اوسته خار وخس اینجیدوب قنادی سنان قوشا اوخشورام سیخوب اللی ایل قفس اینجیدوب نفسیله خلق خوش اولسادا منی چکدیقم نفس اینجیدیب او نفس که سینمی یاندیروب ولی سوزشین گورن اولمادی . . ره ابتلانون اوزوم کیمی غمه مبتلاسینی گورمدیم گجه استراحتیم اولمادی سحرین صفاسنی گورمدیم من ئوزوم وفالیم عالمون ابداً وفاسینی گورمدیم گیجه آغلادیم گونوز آغلادیم گوزومون یاشین سیلن اولمادی . . شهدا غمین اسرا غمین چکوب هر مصیبتی گورموشم الی باشدا مقتله قاچمیشام عمل جنایتی گورموشم کسیلنده قارداشیمون باشی علناً قیامتی گورموشم باخوب آغلادیم کمک ایستدیم منه بیر کمک ایدن اولمادی . . ستمیله اولدی ورق ورق ایاق آتدا فاطمه نون گلی من آتوردوم ال دم خنجره باشیما یاغوردی بلا کولی رمقی یوخیدی حسینیمون گنه ال گوتورمدی قاتلی یوزی اوسته قالدی جنازه سی دالی اوسته دونده رن اولمادی . . او حسین که ملک حجازیده هامی گورموشیدی عطاسنی ضعفا غمینده آتام کیمی قوجالوب آغاردی محاسنی چخادوب ویرردی مدینه ده فقرایه تازه لباسنی ایله رادمرد زمانه نون ئوزونه ولی کفن اولمادی

زبانحال حضرت زینب (سلام الله)
در حال احتضار
حاج عبدالله اصلی
 
حسین وفالی باجون حال احتضاره دوشوب
درون سینه ده یورقون نفس شماره دوشوب
 
محبت عالمینی سیر ایدن وفالی مرید
دیار غمده گوزوندن ایراق فشاره دوشوب
 
طریق عشقی پیاده گزوب قدم به قدم
حسین دیه دیه آردینجا کوهساره دوشوب
 
اسیر حسنون اولوب مرغ روحیم ازلدن
او گون بو گوزلریم اول نرکس خماره دوشوب
 
قضا قدرله ویروب ال اله یازاندا یازی
هامی بلا بو بلاکش دوشن مداره دوشوب
 
او شام شوم که گوزده ایدوبدی گوندوزی شام
دولاندی دوره او شهره یولوم دوباره دوشوب
 
او گوهری که تراب ایچره ایلدیم مدفون
منیله ایندی اونون قبری همجواره دوشوب
 
ایله منور ایدوب تیره شامی خلق دیور
سپهر مهر و وفادن یره ستاره دوشوب
 
شمیم عشق و محبت مشام جانی دوتوب
زبسکه بلبل غم دیده لاله زاره دوشوب
 
او زینبی که یخوب کاخ ظلمی همتیله
شکسته حالیله شام ایچره گیر و داره دوشوب
 
نفس گیدور داخی گلمور گوزوم قالوب یولدا
ئولوم توزی عرق مرگیله عذاره دوشوب
 
نه بیر نفر سنی حالیمدن ایلوری حالی
نه بیر کسین یولی عباس نامداره دوشوب
 
دیه وفالی باجون غربت ائلده جان ویروری
ئوزوب قبیله دن ال حال انزجاره دوشوب
 
گوزومده گوزلروون عکسین ائتمیشم ترسیم
گوزوم ئولنده ده گورسونله عکس یاره دوشوب
 
سنه باخان گوزومی آز قالور اجل یومسون
کمند مرگیله اووچی پی شکاره دوشوب
 
گوزومده گوزلریوین عکسین ایتمیشم ترسیم
گوزوم اُلنده ده گورسونله عکس یاره‌ دوشوب
‌ جمالون عکسینه قورخوم بودور چکه هاله
ایشقلی آی کیمی چون چشم اشکباره دوشوب
 
سنه باخان گوزومی آز قالور اجل یومسون
کمند مرگیله اوچی پیِ شکاره دوشوب
 
کتاب عمرومی بیربیر ورق ورور گوگلوم
گوزی سنیله گچن دور روزگاره دوشوب
 
بلا چولونده گزور گلشن وفانی گورور
ستمله پرپر اولوب قانلی جویباره دوشوب
 
نه گل نه غنچه هامی سرولر صنوبرلر
سنوبدی قول بوداغی شاخه دن کناره دوشوب
 
دوشوبدی بیر یانا شرمنده شیر شرزهء عشق
بیر آیری یرده گلوپاره شیرخواره دوشوب
 
بویاندا عورت اوشاق وامحمّدا سسلنور
اویاندا لشکر کین فکر تار و ماره دوشوب
 
ویرور غروریله سعداوغلی لشکره فرمان
غریبه فرصت او گون قوم کین شعاره دوشوب
 
حریم عصمتی قصد ایلیوب سپاه شرور
کبوتران حرم فکرت فراره دوشوب
 
نه بیر پناه تاپور سایه سینده دالدالانا
نه فکرینه او زمان آیری راه چاره دوشوب
 
ریاض خلده ووران طعنه گل کیمی بالالار
اسوبدی باد مخالف کمند خاره دوشوب
 
قاچوبلا چوللره اللر باشندا دیز تیترور
دالنجا هر بالانین بیر نچه سواره دوشوب
 
بیری ستمله آلور بیر قیزین گلوبندین
بیریسینون الینه قانلی گوشواره دوشوب
 
بیریسی غارت ایدوب جبریله حریر و طلا
بیرینه قسمت او غارتده گاهواره دوشوب
 
وراندا هر بالیه تازیانه غارت ایدن
منیمده جسمیمه مین یاره اوسته یاره دوشوب
 
نلر اولوب دیمورم ساخلورام یانان دلده
قلم یازاندا اورک دردیمی اشاره دوشوب
 
قالان اساسیمیزه ظلم الیله ویردیلا اود
منیم او اودّا یانان قلبیمه شراره دوشوب
 
همان اودون اثری ایمدیده یانان دلده
چکور زبانه، شرر قلب داغداره دوشوب
 
اماندی اصلی دایان دفترون الولاندی
نه اوت دی خامهء زرّین و زرنگاره دوشوب
 
یقین بو آتش جانسوز آه زینبدی
نه خامه شعله سی هر قلب بردباره دوشوب
 

زبانحال حضرت زینب کبری (سلام الله)
 
بو همان اوشهریدی بوردا من
سنه چوخلی گوزیاشی یغمیشام
 
بو بلالی باشیمه نیزه دن
نچه ذبح اولان باشی یغمیشام
 
توکولنده کوچیه بامیدن
باشیوا دگن داشی یغمیشام
 
که دوباره آتمیا داش آتان
ئولورم حسینیم هایانداسان
 
گورورم فراتین آخور چوله
گینه قانیله بولانان سویی
 
ایکی قول دوشوب ,یولو باغلانوب
دایانیبدور آب روان سویی
 
باشا باش جنازه دی دوغرانوب
که چکوب قوجاقینه قان سویی
 
گورورم زمین وزمانی قان
ئولورم حسینیم هایانداسان
 
سنون عشقیوین من اسیری یم
نه اسیر محنت روزگار
 
قولی باغلی باشیوین آردیجان
منی شامه ایتدیله رهسپار
 
سوسوز حنجریندن آخان قانین
هله ساچلاریمدا نشانی وار
 
مگر اهل عشق اولی بی نشان
ئولورم حسینیم هایانداسان
 
بو عیاندی جان ویرن آشنا
گوزی یولدا بیر گلن آختارار
 
دیمورم گلنده کفن گتور
اونی گرچه هر ئولن آختارار
 
سنی بیکفن گوره زینبون
اوزونه مگر کفن آختارار
 
باشیم اوسته دیده گلوب آنان
ئولورم حسینیم هایانداسان
 
منه آرزودی بو صون نفس
او گوزل جمالیوی بیرگورم
 
یول اوزاخدی سنده یارالیسان
سنه چوخدی زحمتی لاجرم
 
دیورم دیزیمده توان اولا
بویولون یاراسینی من گلم
 
یاریسیندا سن گله سن الان
ئولورم حسینیم هایانداسان
 
داخی بوردیف حیاتیدن
قلم زمانه چخور منی
 
گلوری قولاقیمه بیر صدا
ایله صون نفسده سیخور منی
 
دیه سن رقیه دی سسلوری
بی بی قویما ناقه یخور منی
 
پوزوب حالیمی او گوزل بالان
ئولورم حسینیم هایانداسان
 
اوزی قورتارور,قوتولان دگول
ولی رنج ومحنتی زینبون
 
اولاجاق محرمیله صفر
دوشه جاق حکایتی زینبون
 
دوزولوبدور آنینا گور نجه
عرق شهادتی زینبون
 
باخورام صاقا صولا ناگران
ئولورم حسینیم هایانداسان
 
سنون او یارالی جنازه وی
نچه دفعه خوابیده گورموشم
 
اورگیمده قان قطراتینی
آخان اشگ نابیده گورموشم
 
قوری یرده جان ویریب اولماقین
غمینی ربابیده گورموشم
 
اولور آیریلیق غمی چوخ یامان
ئولورم حسینیم هایانداسان
 

معجزه حضرت موسی ابن جعفر



قلم ایدور بو حدیثی که زینت دفتر دیوبدی شرحینی بیر اهل ذکر و اهل خبر .. او شخصلر که، امام ایلیوبدی ذات اِلَه هاموسی پاک و منزّه‌دیلر بدون گناه .. لباس عصمته قامتلری برازنده هاموسی مُخبر علم گذشت و آینده .. مقام معنوی و عزّ و جاهده برتر بشردی هر بیریسی خلقتنده کَیف بشر .. صفات ذات خدایه مثال آیینه ایدوبله فیض اِفاضه جهان دیرینه .. هاموسی واقف اسرار اعظم و ممتاز هاموسنا ویروب الله، قدرت اعجاز .. سند بو عرضیمه وار چوخ کتابده زنده عجیب معجزه‌لر گورسنوب محلّنده .. بو گونکه سکۀ بازار عشقه قیمت وار بنام موسی جعفر بو بزمه زینت وار .. به عون حضرت معبود جَلّتُ العَظَمَه او اهل ذکر دیَن مُعجزی چکوم قلمه .. عقیده آینه‌سی نور کبریا تاپسون صفالی قلبلروز جلوۀ صفا تاپسون .. وطندن ائتدیله تبعید سبط طاهانی ایدوبله بصره‌ده اوّل امامی زندانی .. حدود دورایل اولوبدور او شهره محبوس ایدوبله کُنده و زنجیر ظلمیله مأنوس .. رئیس محبس شهریدی فضل کج رفتار امامی راکع و ساجد گوروبدی لیل و نهار .. اورکده حُجّت حقدن خطر ایدوب احساس یازوب خلیفیه ای مفخر بنی‌عبّاس .. پوزوبدی موسی جعفر نظام زندانی بو شهردن آپارون آیری شهره موسانی .. عریضه‌مه ویرورم خاتمه بو عنواندا بو ضدّ سلطنتی ساخلا آیری زنداندا .. یتیشدی نامه‌سی هارون پست و بیداده یازوب او سیّدی تبعید، ایله بغداده .. اهانتیله ولی سال یولا او دلگیری ترحّم ایلمه بوینوندان آچما زنجیری .. مطیع امر خلیفه امامی خوار ایلدی نجه دئمیشدی ایله کَشتیه سوار ایلدی .. مراقب ایتدی نچه جیره‌خوار او رنجوره فلک اسیر، سلیمانی ایلدی موره .. واریدی کشتی ایچینده مسافرینِ زیاد هاموسی چهره‌سی بشّاشیدی اورکلری شاد .. طوییدی مجلس عیشه قورولموشیدی بساط اوجالمشیدی سمایه صدای شور و نشاط .. گتورمشیدی دیله سازینی نوازنده گیدوردی کشتی اوخوردی ترانه خواننده .. هاموسی جشن ایلیوب بیربیره چالوردی الین مسافرین آپاروردی ئوزیله تازه گلین .. سفینه اوسته قضا جشنی ایلدی معکوس پوزوبدی مجلسی گلدی نوازه تازه عروس .. سوروشدیلار ندی دردون ندور بو آه و نوا بویون باغیم دیدی ناگه آچلدی دوشدی سووا .. او سلسله منه سرمایةۀ جلالتیدی بهاسی چوخ چوخیدی گردنیمده زینتیدی .. تاپولماسا او جواهر منه وار ایرادی گلین عزیز دوتار یادگار دامادی .. او غنچیم گُل آچان لحظه‌لرده من سولدوم آپارمیون منی بغداده قاره بخت اولدوم .. طوی اهلنی بو قضیّه ایدوبدی سرگردان دیدیلر آغلاما بو درده یوخدی بیر درمان .. شناور اولسادا کشتی ایچنده دوشسه سویا بویون باغون اَله گلسین بو نهردن حاشا .. واریدی کشتی‌ده بیر سرنشین فرزانه خطاب ایدوب اولارا چاره وار بو عنوانه .. دیدیله ساغر مقصود چوخ چتیندی دولا بو درده چالره تاپولسا گرکدی معجز اولا .. دیدی گِدانی بَلی اهلِ تاج ایدن واردی همین بو کشتی‌ده درده علاج ایدن واردی .. او سیّدی که گورورسوز چکوبله زنجیره قلمله گلمز اونون وصف حالی تحریره .. جناب ختم رسولون اودور عزیز اوغلی بلالی فاطمه‌نون غملی اشک ریز اوغلی .. قسم بیزی یارادان خالقه سوزوم دوزدور امامیمزدی سراپا وجودی معجزدور . گیدون حضورینه، یا حجّت دلیل دیون اتگینه اَل آتون دلدن الدّخیل دیون . طوی اهلی مُلتجی اولدی حضور والایه اَلیندن ئوپدیله یالواردیلار او مولایه . دیدیلر ای نفَسی اهل حقّه سرمایه سنی قسم ویروروک احترام زهرایه . فدا اولاق او خدا ذکرینی دیَن دوداقا بیزیم بو تازه عروسه آقالیق ایله آقا . گلین ایتورسه اگر طوی گونونده گردن‌بند نه ئوزی شاد اولی نه ایل قبیله‌سی خرسند . بیزیم عقیده‌مزه ای ریاض عزّته گُل بو ایشین عاقبتی نو عروسه یاخشی دگُل . امام ذکر ایدوب اَسمای ذات یکتانی ستایش ایلدی پروردگار سُبحانی . یوزینی شطّه دوتوب صادر ایلدی فرمان اوزون بو نهرده ای ماهیان سرگردان . ئوزوزی سلسله هریرده دور اورا یتورون بیروز بو تازه عروسین بویون باغین گتورون . شناوَران ایشیدوبدور اطاعت ایتدی سوزه بالیقلارین بیری فوراً سودان چخوبدی اُوزه . اوجالدی، آغزین آچوب عِقدی کشیته آتدی امامه عرض سلام ایلدی سویا باتدی . بو اقتداری، تحیّرده کیم گوروب قالدی گتوردی سلسله‌سین بوینونا گلین سالدی . یتشدی سوز بو یره اشکیمی گرک اَلیم سوزین گریزینه کرب و بلایه گیتملیم . اوچولده بیر طوی اولوبدور طویون چراغی سونوب تزه گلین گینوب قاره، طوی عزایه دونوب . باشنا نقل و شباش و نه شاخه گُل سَپلوب یانوبدی حجله سراسی باشنا کول سَپلوب . اولوبدی سُرمه سی دود سیاه مژگاندا باتوبدی نامزدی قاننه بیاباندا . گلینلیگین گینوبدور نه آغ حریر دونون نه قند اووبدی باشی اوسته اقرباسی اونون . اَشدّ محنته طاقت اگرچه یوخ سنده نچاره دقّت ایله ایندی بو نچه بنده . بو غملی طویدا گلون اشک چشمی نقل ایده‌گون حُسینیله حسنی راضی ایلیوب گیده گون . سُرادقاتده شعله طلایی چتر آچدی الی باشندا چخوب چوللره قاچان قاچدی .

هراسدن بالالارین اسوردی دیل دوداقی قووردی اُوچی کیمی هر عرب یتیم اوشاقی . اَدبلی قزلار اسیریدی قوم بی ادبه تزه گلین‌ده دچاریدی وحشی بیر عربه . عرب دیمه نه عرب غول پست دشت و دمن عروسی قودی او چولده دوشوبدی حوصله دن . غضبلنوب ایلدی نیزیه شکاری هدف یارالانوبدی یخلدی نوۀ شاه نجف . توانی اولمادی دورسون ایاقه غشّ ایتدی قولاقلاریندا اولان گوشواره‌سی گیتدی . نفس چکوردی او بیچاره قز چوخ آهسته جناب زینب کبری گلوب باشی اوسته . باخوب باخوب دیدی جان جان گلین بالام لای لای قانیلا تل‌لری اَلوان گلین بالام لای لای . اورگی غملی گونی قاره غصّه‌لی بی‌بوین غریب جانی سنه قربان گلین بالام لای لای . یاخار حنا النه طوی گونونده تازه عروس حنایه اولمادی امکان گلین بالام لای لای . الون حنالی دگُل، قاره زلفوی امّا حنا کیمی بوریوب قان گلین بالام لای لای . دیون بو اوخشامانی شأنوه گوزل یاراشور قولاقی یاره لی جیران گلین بالام لای لای . مثال شانه سنون قانلی زلفون دردی ایدر اورکلری شان شان گلین بالام لای لای . گلین قویار باشنا تاج، دوزموسن سنده تِلوه قرمزی مرجان گلین بالام لای لای . گلین فراغتیه تختده گیدر هوشه گوز اوسته سُرمه‌لی مژگان گلین بالام لای لای . گلین قویار باشنی ناز بالشون اوسته یرون اولوبدی بیابان گلین بالام لای لای . سنون کیمی دوگولوب باش آچیق قالار هرگز آتاسین ایتسلر عریان گلین بالام لای لای . ایاقه دور آپاروم یاتسون حجله گاهونده دِیَرَم اوردادا هر آن گلین بالام لای لای .

آنا اوز اختیاریله حسینون سندن آیریلماز
اگر ممکن اولا بلبل یقین گلشندن آیریلماز

منیله یارآراسیندا آنا بر عهد و پیمان وار
ازل گوندن او عهد یله وارام جانیمده تا جان وار
باشیمدا نشاء ذوق هوای و صل جانان وار
جدا اوسته چکر شامه بو نشه مندن آیلماز

شعاع جلوه و حدت ایدوب آئینه می روشن
گل مقصود آچوب قلبیم اولوب بر ساحت گلشن
وجودیم عین طور اولموش دولوب نوریله پیراهن
ترانی نکته سین تاپمیش گوگل ایمندن آیریلماز

یازیلمش بدو عالمده منیم حقیمده بر منشور
سروعده یتوب باشدان همان منشوردن وار شور
او فرمان اوسته باش ویرم که تا باشیز اولام محشور
اگر چه زینبیم مندنصورا شیوندن آیریلماز

منی ال دامن وصله یتورماق بهره مند ایلر
سوسوز باش ویرماقیم یکسر جهانی سر بلند ایلر
قلجلار جسمیمی دوغرار اگر چه بند بند ایلر
کسله اللریمده بو ال اول دامندن آیریلماز

رضائیله گرگ لیلی علی اکبردن آیریلسون
سریه قاسمین ویرسون رباب اصغردن آیریلسون
الیم ایلدن قبیلمدن هامی یاوردن آیریلسون
غم ومحنت عیالوندان جفا دشمندن آیریلماز

اوزوم بر گلشن عشقم یانیمدا چوخ گلیم وار دور
نگاره تحفه بر دسته گلیله سنبیلم واردور
آنا عباس تک شمع امیدمحفلیم واردور
ایله سروردان آخر بیله گلشندن آیریلماز

آلور اطرافیمی آخر ودامده بلا کشلر
بریسی سس چکوب آغلار بری وا محنتا سویلر
بری قویماز دیرآیا عمو نیلوم من مضطر
قویا بیکسلری دشمن او پیراهندن آیریلماز

ویروبدورخنجرشمره قضا برجوهراولده
ولی شمر اختیاریله دوتار اول خنجری الده
معین قاتلم وار دورمن مقتوله مقتلده
او جوهرای آنا هرگز ایله آهندن آیریلماز

آناگیسون گرگ آل پیمبر جامه نیلی
سکینه عارضین قیلسون گل سوسن کیمی سیلی
اوسیلی رنگنون جانان یانندا واردی تفصیلی
اولونجا حشر بو رنگ اول گل سوسندن آیریلماز

گرک گیتسون قولی باغلی عیالون شام ویرانه
اولور باغ ارم رشگی خرابه آل عمرانه
ایدلر آهیله روشن دونر ویرانه رضوانه
صفای حقدن پرتو دل روشندن آیریلماز

محرمدور یوزه صافی توکوب اشگون روان ایله
گتورشوراوسته دنیانی تماما نوحه خوان ایله
مکرر ایله باش بیتی اوزئن ورد زبان ایله
آنا اوز اختاریله حسینون سندن آیریلماز

ی که به قم قدر و بها داده ای کشور ما را تو صفا داده ای   نام تو بر قلب صفا می دهد روضۀ تو بوی رضا می دهد   ای نسبت از نسب هاشمی آئينه دار ادب فاطمى   نقطۀ پرگار شرف جد توست قلب جهان شاه نجف جد توست   مادر تو فاطمه خیر النساست ام ابیها گُل اهل کساست   حجت حق را تو نکو خواهری فاطمه ای فاطمه را مظهری   گر تو نبودی سخن از قم نبود خطۀ قم مأمن مردم نبود   آل پيمبر به تو دلگرم بود موسى جعفر به تو دلگرم بود قبر تو پيرايۀ عرش خداست خاك تو بر چشم ملك توتياست سهم تو غیر از غم و محنت نشد خاک خراسان به تو قسمت نشد   فاصله ای نیست تو را با رضا قلب تو با قلب رضا هم صدا فاصلۀ بين در دل دلبريست كار دل يكدله شيداگريست داغ وطن در دل مجروح توست عشق رضا تقويت روح توست چون كه نسيمى وزد از كوى تو سوى رضا مى برد او بوى تو حضرت معصومه دلم شاد كن گوشۀ چشمى تو به خوش زاد كن مرحمتى كن ز غمت سوختم ديده به خوان كرمت دوختم جان رضا راه مرا سد مكن اين سگ بى حوصله را رد مكن

""احوالات عروس حضرت قاسم (ع)"" اولوبدی شعریمه نیسگیللی استعاره حنا/دوباره تازه عروسین سوزی دوباره حنا/ایکی جوانه گلون سالگرد عشق دوتاق/گوزلدی گراولاعنوان یادواره حنا/ایکی آداخلی پرستو ایکی خزان دیده/ائدوب ئورکلرین افسوس پاره پاره حنا/ئوزومده بیلمیورم هانسی غملرین دانیشام/هزار نوحیه چون ایلیور اشاره حنا/ئورک قانین قاتارام اشک نابه مجلسده/گوزومده ایسلادارام بو ایکی نگاره حنا/تمام ذهنیمی بومحتوا خضاب ائلیوب/قلم حنالی مرکب حنا عصاره حنا/عجب ردیفه گرفتاراولوب بوشاعرخام /یرینده گلمسه مطلب، دونر شعاره حنا/چیخارتمیشام سیزه بش کلمه دن بیرعالم غم/جهیز،حجله سرا ،شمع،گوشواره،حنا/طویی بهانه ائدوب قورموشام بساط عزا/ووروبدی دفتریمه آتش وشراره حنا/گلین حسین قیزی داماد مجتبی گوزلی/سالوبدی هرایکی سین درد بی شماره حنا/اولاره شام یولوندا دوتولدی ماه عسل/کی حسرت اولدی ایکی قلب داغداره حنا/جداده ماه اوتوروبدی ستاره محملده/یاخوبدی ماه قانیندان اله ستاره حنا/ زمین سکوته باتوب اهل آسمان آلیشور/غریبه منظره دی یار یاریلن دانیشور/دئیور عم اوغلی او چشم خماره مشتریم/علاجون اولسا دل بی قراره مشتریم/گوزون قاداسین اگرساتماقا خیالون وار/نیازی یوخ آچاسان استخاره مشتریم/رعایت ایله دالونجاق گلن پیاده لری/تلسمه گتمگه چوخ ای سواره مشتریم/غم فراقه دچارم وصالی آختارورام/خزان الینده اسیرم بهاره مشتریم/اسارتیم یازیلوب گر سنون رکابونده/ئولونجه من بو قرا روزگاره مشتریم/چکم بودیده کم نوره توتیا مثلی/او تللرونده کی گرد و غباره مشتریم/نسیم اسنده همان تللری کناره وورار/بیلر کی منده تماشای یاره مشتریم/اوقدری خال لبون مست ائلر بو بیماری/نسیمه یالوارارام اس دوباره مشتریم/بیرآن زیارتووه مین قدم دعا اوخورام/بیرعطرون آلماقامین نیش خاره مشتریم/داغیت بو فاصله نی چون کول اولماق ایستیورم/نجور دئیوم من پروانه ناره مشتریم/سویولمیشام نه نشانون قالورنه خلخالیم/بو درده تاپسون اگر راه چاره مشتریم/بلالی باشه یاراشماز عم اوغلی قرمزی شال/ نقدری دست قضا بیچسه قاره مشتریم قولومدا قمچیلر آچدی شکوفه یوردی منی/قسم وقارووه بازار کوفه یوردی منی

سس دوشدی میدانه شیر دلاور گلور! صفلری سیندیرماقا حیدر دیگر گلور قاش گوزونون صیدینه یوسف مصری اسیر! باخ اوزون اللرده بیر ثیرمیزی پرچم اسیر امر امامینده باخ تابع فرمان اولوب! علقمه قصدینده تک راهی میدان اولوب اولدی مقابل دئدی عاشق آزاده ام مین بئله لشگر گله جان به کف آماده ام! سس دوشدی میدانه شیر دلاور گلور صفلری سیندیرماقا حیدر دیگر گلور هاردادی فرماندهوز آلماقا جان گلمیشم مکتب حیدرده من درسیمی اورگشمیشم! ذلته باش اگمرم آند اولا عشق آدینه نوکرم اما اوزوم فاطمه اولادینه! سس دوشدی میدانه شیر دلاور گلور صفلری سیندیرماقا حیدر دیگر گلور! هرنه امان یوللاساز جیرام امان نامه نی اذن اولا خار ایلرم دشمن خودکامه نی سس دوشدی میدانه شیر دلاور گلور! صفلری سیندیرماقا حیدر دیگر گلور