اردو داغیلدی، سیندی قشون، ئولدی پادشاه
یاتدی عَلم، تالاندی حرم، یاندی بارگاه

اودلاندی چون حریمِ سراپردۀ حسین
خرگاه ِماهی، تیره ایدوب دودِ خیمه گاه

چون گُوردیلر یانار اودّی یکسر پَرن پَرن
قوش تک داغیلدی چوللره اطفالِ بی پناه

آتلار بئلینده هلهله و هایهوئیلن
آهو کیمی قُوواردیلا عورتلری سپاه

هر دم قاچا قاچا دالیَه بیر دونردیلر
اُوو تک گوز آلتی اُووچیه ایلردیلر نگاه

گاهی قاچاردی خوفیله بیر دخترِ یتیم
پای برهنه هُولیله بیر طفلِ بی پناه

هر دم باتار تیکان ییخولاردی دییردی اوف
گَه قورخودان دوراردی اورکدن چکردی آه

آتلار دُوشونده، نیزه دَمینده هراسیدن
گون کیمی یوزلری آغاروب مثلِ قرصِ ماه

از بس گَزوب قُویون سوروسی تک حجازیلر
هر گوشه دن عراق یری اولدی راه راه

لاله اورکلی غنچه لب گُل عذارلر
پُر خار پالر اولدولا پامال، چون گیاه

وجهِ خدایه گور که اولانلار جوابینی
سیلی ووراندا نیلی ایدر شمرِ روسیاه

سنگین دِلان هُجومیله مجموع مثلِ کوه
اطفال زَرد روی، پراکنده مثلِ کاه

سالدی جهانه وَلوله فریادِ یا علی
ارکانِ عرشه رَعشه سالوب بانگِ یا اِلاه

عُورت اوشاق گَلین ییغشوب بیر یئره تمام
سسلندیر نه حالدی بو وافضیحتاه

اولماز حسین قصّه سی اولسون تمام اولان
چون قویمیوب #دخیل، اولا تازه اشتباه.

مرحوم ملّا حسین دخیل مراغه ای

التماس دعای فرج

گلمیشوخ ای شیعه‌لر شام غریبانه بیز

ویرماقا باش ساقلیقی زینب نالانه بیز

بوگجه بیز گلمیشوخ نوحه ایداخ آغلیاخ
 
آغلیوب اول سروره سینه‌میزی داغلیاخ 

تشنه‌ اؤلـن سروره جمله عزا ساخلیاخ

شیونیله گلمیشوخ جمله شبستانه بیز

چون باتوب اؤز قانینه اکبر شیرین زبان 

حلقین علی‌اصغری اوخلیوب اول کوفیان

بی‌گنه اولموش شهید چون او ایکی باغریقان 

باعث اودور گلمیشوخ ناله و افغانه بیز 

آغلاروق اول سرورین نازلی علمدارینه 

جملـه اصحــابینه یــاور و انصــارینه 

حیف اولا عباسین اول قامت و قوللارینه
 
یئتسه اَل عرض ایلروخ سرور مردانه بیز 

یئــرده قالـوب پیکـر شاه زمین و زَمَن 

نیزیه گئچمیش باشی قانی آخور نیزه‌دن 

کیمسَنَه یوخ ایلیه غسل و حنوط و کفن 

دوشمیـاق آغلار نئجه کوه و بیابانه بیز

زینب و کلثوم اولوب خصمه اسیر و فگار 

هر بیری بیر محنته بوگئجه اولموش دچار
 
سیّــد سجّــاددَه نالــه ایـــدر زار زار 

سس ویراق اول بیکسه ایمدی یانا یانه بیز 

نازلی سکینه اولوب بوگئجه‌ زار و ملول
 
ظلمیله سیلی ووروب شمر شریر و جهول 

تتریری بو ظلمیدن عرش، خدای رسول 

آغلوروق اول بی‌کس و حالی پریشانه بیز 

آغلیـون ای شیعه‌لر کرب و بلا شاهینه 

باخمـادیلار زینبـون اود یـارادان آهینه
 
ظلمیله اود ووردیلار خیمه و خرگاهینه 



www.sahaf.blog.ir Telegram.me/sahaf_e_tabrizi

مرحوم سید حسین کهنمویی (ریاضی) . دفن ایلدی بی کس آتاسین سیّد سجّاد قبر اوسته بو نوعیله ایدوب ناله و فریاد . . دنیاده بابا سن کیمی مظلون ئولن اولماز بیر نعشه حصیر پاره لریندن کفن اولماز .
بیر پادشهون سن کیمی پرگاری پوزولماز بیر صاحب باغون بیله گلزاری پوزولماز هیچ جان ویره نون نعشینون آثاری پوزولماز آت دیرناقی آلتیندا داغولموش بدن اولماز .
سن تک بابا کیم حقّه بو نوعی سپر اولدی صحرالره اطفالی دوشوب در به در اولدی هانسی یارالی نعش بیله جلوه گر اولدی دنیاده سنون مثلیوی هرگز گورن اولماز .

عشق آتشینه سن کیمی پروانه ده یانماز هیچ کیم بو قدر درد و غمی سهل سانامّاز هیچ کیمسه مرامینده بیله سخت دایانماز سن تک لب دریاده سوسوز جان ویرن اولماز .
هر یرده جفا موجه گَلوب صاحله داشماز بو رخت بلا قامت هر شخصه یاراشماز بیر باغ و چمنده بو گوزل لیقدا گُل آشماز بیر یرده بو وصفیله پوزولموش چمن اولماز .
ویر اذن ایلیوم بیر غمه بو یرده اشاره اود ووردولا، اودلاندی خیم، دوتدی شراره اوددان منی عمّم چیخادوب چکدی کناره عمّم کیمی قارداش بالالارین سُوَن اولماز

صبر ایلدی عمّم اونا هر نه ستم اولدی بازار محبّتده خریدار غم اولدی زلفی آغاروب، قامت موزونی خم اولدی عمّم کیمی دنیاده بلایه دوزن اولماز .
بو چولده یتیملوخ توزی رخساره سپیلدی سندن صورا اطفالیوون آرامی کسیلدی هر آغلیانون گوز یاشین عمّم اوزی سیلدی گوز یاشین آتاسیز بالالارین سیلن اولماز .
هر یرده که بیر طفل یتیمی گورر آغلار ایتامه سنون لطف لرون یاد ایدر آغلار عمّم آتاسیزلار باشینا اَل چکر آغلار بیچاره یتیملر باشینا اَل چکن اولماز

سیر ایلمیسن تک، سفرونده حضرونده سیر ایلوری باشلار هاموسی دور سرونده خوش ساخلاموسان لشکری تحت نظرونده هیچ یرده بیله نظمیلی بیر انجمن اولماز .
ممتاز اولونوب حق نجه، باطلده سِچیلدی بو چولده عجب سو یرینه قانلار ایچیلدی عبّاس عمومون قامتی بیر نوعی کیچیلدی بیجا یره قامتلی بدن خورده تن اولماز .
بلبل دوزه بُلمز گُلینی خار سویاندا قولّاری بویاندا عمومون نعشی اویاندا گَلدی کمک ایتدی آتاسی قبره قویاندا چون گوردی اوزی گَلمسه دفن ایلین اولماز .

غریبه گوللر آچیب نیزه لر فرازینده
سالیبدی لاله و نسرینی قدر و قیمتدن
 
نه گل؟ نه لاله؟ نه گلشن نه ارغوانی و یاس
بو لاله زار آلیب دل، ریاض جنتدن
 
نه گلده وار بو طراوت، نه لاله ده بو صفا
نه بیله عالی چمن باش ویروب طبیعتدن
 
جهان، جهان اولالی دوشمیوبدی دوشمیه جاق
بو باصفا چمنین گللری طراوتدن
 
ویریبدی گلشنه بیر غنچه آیری شور و صفا
سحر نسیمینی سرمست ایدوب لطافتدن
 
پوزوبدی رونق بازار عشقی بیر یوسف
سالیبدی یوسفی حسن عالمنده شهرتدن
 
مقابلینده نه یوسف نه حوریان بهشت
وجاهتین ئوزی بالله دوشر وجاهتدن
 
ساتاشسا نیزه ده، مین یوسفین گوزی گوزونه
کسلله جمله سی جان اللرین محبتدن
 
عروس حجله گردون زواله سیر قیلار
دوشنده گوزلری ماه منیره خجلتدن
 
قیامت عالمی هر نیزه دن عیان اولوری
صبا چکنده کناره حجابی صورتدن
 
چاتیبدی باش باشا، باشلار جدا باشندا عجب
حکایت ایلیری کثرتده عین وحدتدن
 
نوای مستی و گلبانگ عشق و نغمه شور
بلا چولون گوتوروب اشتیاق وصلتدن
 
یغیبدی باشینه یتمش بیر عاشقین معشوق
بیان ایدیر اولارا عشق بی نهایتدن
 
جمالی جلوه لنوب نخله سنان اوسته
گیدیر که یاندیرا طور آتشین حرارتدن
 
دادیزدیروب هامیه قان شرابنی ساقی
ئوزی چکوب باشا، ته جرعه ی شهامتدن
 
فرات سهلیدی، تسنیمه ناز ایدر بالله
او کس که مست اولا گر کوثر ولایتدن
 
شهید زحمتی رحمت بولر، بلانی ولا
او لحظه دن کی تاپار نشئه جام وحدتدن
 
جلای عشقیله صیقل تاپان دل آئینه سی
مکدر اولمیوب اولماز غبار کثرتدن
 
سپاه عشقه بو گون شهریار کشور دل
نوید فتح ویریب مسند جلالتدن
 
شعار معنوی لا اله الا الله
عیاندی نیزه لر اوستونده سرخ رایتدن
 
او سرخ پرچم، ایدیب روسفید اسلامی
گلیبدی جنبشه تا قله سعاتدن
 
ویریبدی جوهره عشقه، عشق تعلمین
امیر لشکر توحید، بیر اشارتدن
 
نه گفتگو نه کشاکش، که بیر خمار باخیش
محبت اهلینه گویادی مین عبارتدن
 
نه گفتگوده اثر وار، نه جستجوده ثمر
که یار یاره چاتار، جذبه محبتدن
 
بلی بو رسمدی عالمده عشقه دارانی
فراز داره چکللر نشیب تربتدن
 
گر چه عاشقه فرق ایلمز نشیب و فراز
ولی سوور باخا معشوقه اوج رفعتدن
 
اودور که نیزه نی دارالمقام ایدیب شهدا
نزول ایدوب یره عیسی کمال حیرتدن
 
گلیبدی بال و پر آچسون فضای عشقده عقل
ولیک شعله چکیب یاندی برق غیرتدن
 
حجاب و پرده نی ستار لم یزل گوتوروب
بولوندوره هدفین ماجرای خلقتدن
 
بسیط فرشه نظر سالدی تا ملایک عرش
دوشوبله حیرته اعجاز آدمیتدن
 
حریم قدسده سبوحیان ستر و عفاف
اولوبلا مات، بو جاه و جلال و شوکتون
 
طواف ایدیر جبروت اهلی، عشق کعبه سینی
مگر ئورکلری تاپسون صفا زیارتدن
 
جدایه سورتوری شوقیله شهپرین جبریل
که اخذ کام ایلسون مرشد طریقتدن
 
مسیح عشق، صلیب اوسته غرق استغنا
حواریون ولا دلخوش، استجابتدن
 
فراز نیزه ده ناز و کجاوه لرده نیاز
باش آچمیوب هله معشوق، عیش و عشرتدن
 
نی اوسته زمزمه شور و شوق و مستی و عشق
کجاوه لر هامی سرشار معنویتدن
 
ویریبلا هر باشی بیر محملین مقابلینه
ایشقلی آی چخیب، ایوان بزم خلوتدن
 
شکوه عشق اولوب زینبیه لرده عیان
او زینبیه که سرمشق آلیب امامتدن
 
نه زینبیه؟ که اوردان سفیر عاشورا
قیلوبدی عالمی آگه مرام نهضتدن
 
او زینبیه ده منشور انقلاب حسین
یازیلدی خون دل، اهل بیت عصمتدن
 
نه اهلبیت؟ کی راسینده زینب کبری
تزلزله گتوروب دشمنی شجاعتدن
 
محالدور آچا عشق آشناسی شکویه دل
مگر گلر دله بنت الجلال، محنتدن
 
بو بیر خانمدی که حلم و وقار و صبریلن
سالیبدی صبرین ئوزون صبر و استقامتدن
 
بیر عالمین داغینی، سینه ده نهان ایلیوب
گتورمیبدی خم ابروسینه مشقتدن
 
آلیبدی روح شهادت شهامتین درسین
مرام و مکتب والای زینبیتدن
 
نه داغدا وار بو صلابت، نه لاله لرده بو داغ
سولار چمن، اریر داغ، بو مصیبتدن
 
اسیر اولوبلا، و لیکن اسیر عشق الله
شکوه و مجد یارالدیبلا بو اسارتدن
 
اسیر، اسیرلرین محملینده رایت عشق
حکایت ایلیری معناده فتح و نصرتدن
 
اسیر اولوبلا، خلاص ایلسونله عالمده
حقیقت اهلینی زنجیر جاهلیتدن
 
قیام اهل شهادت، پیام اهل حرم
چیخاتدی عالمی غرقاب بحر ظلمتدن
 
ویروبله قان، تاپا جان، نخل دین و آزادی
ویروبله جان که جهان قورتولا فلاکتدن
 
شهید اولوبلا، شهید اولماسین حقیقت عشق
گیدیبله گیتمیه تا محتوا شریعتدن
 
قیام ایدوبله، قعود ایلسون جهاندا ستم
یاتیبلا تا اویانا خلق، خواب غفتلدن
 
سونوبله سونمیه مصباح دین لم یزلی
یانیبلا یانمیه تا اهل دین جهالتدن
 
غروب ایدیبله که عشقین گونی طلوع ایلسون
باتیبلا تا چخا اسلامین اهلی ظلمتدن
 
دوشوبله توپراقا تا دوشمسین قیامته دین
شریعت نبوی، اقتدار و عزتدن
 
اگیبله قانیله اوباش قامتین اما
ویریبله باش که باش اگمه سینله ذلتدن
 
نشان اولوبلا خدنگ بلایه تا اسلام
جهاندا دوشمیه نام و نشان و شهرتدن
 
مهاجران ولا ترک باش و جانیله
حریم وصلته یول تاپدیلار بو هجرتدن
 
حقیقتیله بو درگاهه یوز دوتان سائل

نه ایستسه آلاجاق منبع کرامتدن
 
غنی دی هر ایکی عالم، گدای کوی حسین 
فقیر عشق اولار بی نیاز حاجتدن
 
دوا ایدر هامی درده مریض عشق حسین 
طبیبی نیلیری بیمار اولان محبتدن؟
 
ولایت اهلینی واللهی ایلمز محروم
حسین فاطمه محشر گونی شفاعتدن

‍ ماجرای ازدواج جوان شیعه با دختر مسیحی (دیر راهب)
ای   خانم    فاطمه     ای     مادر   شاه    شهدا
قاره  سال  باشیوه  گل  مجلسه   باشلاندی عزا
قره    کوینک لری    عباسه     گوره    ایله   دعا
اوغلووین     یاره لری    قلبیمیزه   یاره   چکوب
اگنیمیزده    قره   کوینک   بیزی  بازاره  چکوب
مظهر    نور    خدا    طیّب   و  طاهردی  حسین
کیم   توسل   ایلسه   حاضر  و  ناظردی حسین
شیعه نین  ایستدیگین وئرمگه  قادردی حسین
علتی     وار    الینه    نکهت    رحمت    اَسیلوب
نازنین     اللری        الله     یولوندا      کسیلوب
عشق   بیر گوهر  ارزنده دی    نایاب  و   جوان
عشقدور   خلق   ائدور انسانلارا شور و  هیجان
عاشق   واقعی   معشوقی  چیخارتماز    یاددان
بو   خبر   که    یازورام      مدرک     عنوانیمدی
قبریمه    اجری    اونون     شمع    فروزانیمدی
بیر   جوان    شیعه    اثنی  عشری    اهل     ولا
خادم     آل  عبا        عاشق        شاه      شهدا
بئله کی     شرح     ائلیوب    اهل   روایت   گویا
نفس   اماره سینون   امرینه    وابسته     اولوب
بیر  مسیحی   قیزینا   عاشق   دلخسته   اولوب
گئجه لر   یاتمادی گوندوز  ائله دی سوز و گداز
ائلیوب   قلبینی   سرشار    تَعَب   عشق    مجاز
اولدی    مجنون   کیمی    آواره   صحرای    نیاز
قسمتین  حکمی چاتوپ گویده کی بخت اولدوزینا
آناسین   یولادی   ائلچی   او   مسیحی    قیزینا
او   قیزین   خویش   و   تباری    ائلیوبلر   شورا
ددیلر    لایق    وصلتدی   سنون   اوغلون     آنا
حاجتون   گویلون   اگر    واردی   برآورده   اولا
گرک    اوغلون    گله     آیین   مسیحا     یولونا
اعتنا      ایلمیه      حضرت          طاها      یولونا
لرزه     ائتدی    آنانون    پیکرینون         ارکانی
قیدوب     منزلینه     حالتی     چوخ       بحرانی
بیر  به  بیر   اوغلونا    تعریف   ائلدی    جریانی
مزرعِ     دینه    دئدی    بذر  جفا   اکمه   اوغول
دین  پاکون سنون  اسلامیدی ال چکمه  اوغول
سینَمی   باشوین  اوسته   گئجه لر داغلامیشام
هر محرمده  اوغول اون گون عزا  ساخلامیشام
سنی  آغوشه   آلوب  نوحه   دیوب   آغلامیشام
یاخشی   فکر  ایله   بلا   گردینی توکمه باشیما
سن امن صود قاریشوب گوزدن آخان گوز یاشیما
سسووی   قوشما   اوغول نفس پلیدین سسینه
قویما    لکّه   دوشه دین  و   شرف   آئینه سینه
ندی   محشرده   سوزون   فاطمه  ریحانه سینه
عشقووین   واردی   منیم گنجه لریمده  سَنَدی
قره    کوینکلرووین     بوقچادا    تکلیفی    نَدی
ولی    افسوس  اونی اغفال  ائلدی نفس  جری
پند    و     اندرزلری    اولمادی     اصلاً     اثری
دین    اسلام    شریفه    ائلدی     خیره  سری
شاهراه     نبویدن   او   جوان    ائتدی     عدول
ایلدی    پیرویِ     مکتبِ      عیسانی        قبول
یتیشوب   ایسته  دیگی    یاره   اولوب   کامروا
قورولوب  مجلس وصلت   بزه نوب  حجله  سرا
گینوب     جامۀ     الوان     الینه    یاخدی    حنا
وصلینون   جشنینه حسرت زده   فرهاد   اولدی
اگلشوب    تخت   مراد   اوستونه  داماد  اولدی
ال  تاپوب   هر   بیری  اوز  ایستدیگی   دلبرینه
عشق    بارانی    یاغوردی    ائله   بیل  ایولرینه
جان  دیوب جان ایشیدردی ایکیسی بیر بیرینه
درک    هجران   اولارا     زهر کیمی   سختیدی
یعنی   هر  تک تکی   بیر  همسر  خوشبختیدی
نئچه    آی کئچدی    بو    کیفیتیلن     عمرلر ی
گئجه  گوندوز   اولونوب   مهر  و وفاده   سپری
دونمدی   هیچ   بیرینون   ایستدیگیندن  نظری
گون  به گون  قلب لری عشقیله  سرشاراولدی
ایو دئمه   گول   توکولوب  صحنۀ  گلذار  اولدی
ولی   بیر   واقعه   گَلدی قاباقا   سخت  و گران
بیر   گونی   ترک   ائلدی   منزلی  دامادِ    جوان
چوخ   زمان کئچمدی   گلدی   ایوه   اما  نگران
همسری گوردی  کی حسرت زده  اطرافه باخور
تیتریور دیل  دوداقی گوز  یاشی  رخساره  آخور
دئدی  علت   نَدی افسرده سن  ای  روح  روان
نیه  گوز   یاشون   آخور   همسرووه   ایله  بیان
منده   بو  حالووه   عیسایه   قسم  یوخدی توان
باوفایم     سنه    من   جانیمی   قربان     ائدرم
هر     خطا      ایلمیشم   آغلاما   جبران   ائدرم
دئدی    ای    همسر    والامنش   و       ماه  لقا
یوخدی   بیر ذره سنون  زندگیده    خبط و  خطا
یوز    گوزوندن   توکولور    نور    تجلای     حیا
در   حقیقت    یارالی قلبیمه   سن  مرهَم   سن
ایوین    آباد    اولا    عفّتده   خانم   مریم  سن
آیری    مطلب    ائلیوبدور   منی   بو حاله   دچار
بلبلون   قلبی   دوشر   تاب   و   تبه   وقت  بهار
منزلی ترک ائله گور چولده نه خوش منظره وار
کربلا     عاشقینون      قلبینه     یاره    چکیلوب
باشلانوب   ماه عزا    هر   یئره   قاره   چکیلوب
دوزدی  من   گلمیشم   عیسای   مسیحا  یولونا
سنون   عشقون   گتوروبدی  منی   عیسا  یولونا

اورگیم        باغلیدی    اما   گینه   طاها    یولونا
عاشقم     کرب    و    بلاده    الی   الدن  گئدنه
باجیسی    اولمادی    قادر   بوکه جسمین  کفنه
ئورگنندن    آدینی     باشه     قرا     باغلامیشام
باشی  دالدان کسیلن   شاهه  عزا ساخلامیشام
قوشولوب  دسته لره  سینه  ووروب  آغلامیشام
نئچه   ایللردی کی من  مظلوم  آقام  وای دیَرَم
نذری واردی   ننه مون   ایلده   قراسین    گیَرَم
اولدی   آشفته   بو   سوزدن  او   زن پاک  روان
گوزونون   یاشی آخوب   اولدی   اسیر   هیجان
دئدی کیمدور  بو حسین  پرده  گوتور ایله  بیان
منی   آگاه    ائله   آیا  کیمه    قربان    کسیلوب
نه گناه   اوسته   یارالی باشی  دالدان  کسیلوب
دئدی    آرام    دل    حضرت   طاهادی  حسین
سینه    پروردۀ     صدیقه     کبرادی      حسین
کاش   بیلیدون  نئجه  مولا نئجه  آقادی حسین
کربلا     دشتینی    گلزار    ائلیوب   قانی  اونون
دین حق اوسته چیخوب تشنه جگر جانی اونون
دوغریوبلار   سوسوز   اللرده  گوزل   قارداشینی
اوخلانوبدور صود امر اوغلی توکوب گوز یاشینی
باجیسی    باشینون  اوستونده  کسوبلر  باشینی
خیمه سی اوتدا یانوب قیزلاری صحرایه قاچوب
قتلگاهینده  اونون  حضرت  عیسی  باش آچوب
چکیلوب     بنده    خواتین      برازنده      نَسَب
شامه حمل   ایلدیلر    باشلاری    اشرار   عرب
بیر گئجه  منزل   اولوبدور   اولارا    شهر   حلب
چونکی اول شهریده چوخ پیرو عیسی  واریدی
امّت    مُصحَفِ        انجیله      کلیسا     واریدی
پیک     مخصوصینی    مأمور   ائلدی   قافله دار
ائلیوب    محضرینه    راهبِ     دِیری      احضار
دئدی   بو   باشلارا   وئر  صحن  کلیساده  قرار
لشکریم  خسته دی  بوردا  بو گئجه   قالمالیوق
طبق     آمار    بو    باشلاری    سحر    آلمالیوق
یارالی    باشلاری   دیره    آپاروب    راهب  پیر
دالیسیجا   باش  آچوب  آغلادی   اطفال  صغیر
وئردیلر   باش  باشا  قمری کیمی بیرعده  اسیر
سس قوشوب زینبه چوللرده حسین وای دئدیلر
خیردا   قیزلار   یغیشوب  اصغره  لایلای دئدیلر
اسرا    ناله سی     رُهبانه     گتوردی     هیجان
دئدی کیمدیر   بولار  آیا باش  آچوب  ناله کنان
نه  گناه   اوسته   باتوبدور  قانا  بو  پیر و  جوان
بار   الها    وئرورم   من   قسم   عیسایه   سنی
اوزون    آگاه   ائله   بو قورخولی   اسراره   منی
ناگهان  گوردی    کلیسانی   اولوب  وادی  طور
راس    شاه    شهدادن   اوجالوب  گویلره   نور
عطر  جنت   یایلوب   دایر اولوب   بزم    حضور
نچه    بانوی     مُکَرَّم    او   باشی    دوره لیوب
بیری   اما    ائله   بیل   ساچلارینا  کول   اَلیوب
بیری   دِی    لبلرووه     چشمۀ    زمزم    قربان
بیری  دِی   قاش گوزووه  غمزده  مریم   قربان
بیری  دِی   قانه    باتان   باشووه   عالم  قربان
یاندیریب    عالمی   اما   بیری  دِیدی  اوجادان
او     یارالی   سینووه     سینۀ      زهرا     قربان
پرده    ردّ     اولدی    غرض   منظرۀ      زیبادن
دست    حق    راهبی   آگاه      ائلدی    معنادن
بیلدی   وار   دست   حمایت   او   باشا  یکتادن
ددی    منده    بو   یارالی    باشا   خدمت  ایلرم
یووارام    یوز   گوزونی   کسب   شرافت  ایلرم
سالدی    بیر   سینیِ  زرّینه   اَوَل   سبز    حریر
وسط     سینیه    قویدی   او   باشی  راهب  پیر
توکدی  بیر ظرف  بلورینده سووا  مشک و عبیر
توکدی  آهسته سو  قانین  یودی زلفین دارادی
کوللرین   ردّ    ائلدی   گوردی دوداقلار  یارادی
دئدی   قربانین  اولوم  آی یارالی باش کیمسن
بویانوب باشدان آخان قانووه گوز قاش کیمسن
آلنووا   هانسی گناه  اوسته دیوب داش کیمسن
میهمان سان       بو      کلیساده     وفا  پروروم
کرموندن    الیمی    اؤزمه        قوجا    نوکرووم
دوزدی  من چخمامیشام   لایق  شأنون   قاباقا
گرک   عیسی ئوزی خادم   اولا سن تک  قوناقا
آند   وئرم   سنی    باشوندان   آخان  قانه    آقا
او    خانیملار کیمیدی   بوردا   عزا   ساخلادیلار
باشووی   دوره لیوب   سینه  ووروب   آغلادیلار
ناگهان  قانلی  دوداقلار   وورولوب   بیر   بیرینه
آچدی   کیپریکلرینی   باخدی   قوجا     نوکرینه
دئدی    آدون    یازیلوب   فاطمه نون   دفترینه
روز    محشرده    بو   خدمتلری   جبران    ایلرم
او   یامان  گونده   گلوب   دردیوه  درمان  ایلرم
خدمتون   مورد     منظوریدی   ای    پیر    حرم
یازیلوب حکم    شفاعت   سنه   مسئولی    منم
ولی    مهمانیوه    عیسایه    گوره     ایله    کرم
قویما   چولده   قالالار   غمزده    اولدوزلاریمی
ممکنون    اولسا    کلیسایه   گتیر     قیزلاریمی
سوز    چاتاندا   بو   یئره   همسر   داماد  جوان
جسمینه   لرزه  دوشوب سینه سی غرق هیجان
معجرین باشدان آچوب آغلادی بیردن اوجادان
دئدی لازمدی   بو   غمدن  سینمه   یاره   چَکَم
غیرتیم    اولسا    گرک    منزلیمه   قاره    چَکَم

او   کچن   گونلریمه    آغلیوب    ایوای     دیرم
گیَرَم    قاره     علی    اصغره    لایلای     دیرم
گلرم     مکتب    طاهایه   حسین    وای   دیرم
قسمت    اولسا    گئدرم   شامی   زیارت  ایلرم
او    کلیسایه    گَلَن    زائره     خدمت      ایلرم
گیدرم     زینبینون     قبر     شریفین      ئوپرم
گوزومه    سرمه   کیمی   گرد و  غبارین  چکرم
ایاقی    آلتینا     زائرلرینون       گول      توکرم
ساخلارام   اون گون  عزا  ایلده عزیز قارداشینا
توکرم گوز   یاشی رخساره   دولاننام     باشینا

احوالات دیر راهب
 
یارالی کیمسن ائدوب دِیریمی نورانی باشون
طور سینادن ائدوب باش بو کلیسانی باشون
 
دولانوم باشیوه ای باشی سالان عالمه شور
نور حق ایلوری بو رأس منوّرده ظهور
وار یری رشک آپارا بو یره گر وادی طور
بر ملا گورسه سالار حیرته دنیانی باشون
 
گورمیوب دهریده بیر گوز بئله بیر حُسن و جمال
حُسن یوسف اولا بولمز بو گوزل حُسنه مثال
نیه قانه بلشوبدور بو دل آرا خط و خال
یاندیریر حسرت اوتوندا دل دنیانی باشون
 
سلب ائدور کیمسن اورکدن محنون صبر و قرار
دوتوب اوت حالیوه هر بیر باخانون قلبی یانار
عارضونده ندی بو خاک مذلّت بو غبار
حشره دین حقلیدی آغلاتسا احبّانی باشون
 
کیمسن ای عارض چون مهر درخشان دولانان
یارالی باشیله احوالی پریشان دولانان
آردیجا چوللری بیر دسته پریشان دولانان
چکور آخر هارا بو جمع پریشانی باشون؟
 
بولمورم هاردا اولوب ظلمیله ویران چمنون
یا گئدوب غارته هاردا چمن پر ثمنون
هاردا باشون کسیلوب هاردا قالوبدور بدنون
سلب ائدور دلده اولان صبر و شکیبانی باشون
 
کیمسن ای نور رخی طعنه ووران مهر و مهه
اوخشادور حالت مظلومیتونبی گنهه
ووروب هانسی شل اولان اَل یارا بو سجده گهه
وئور عالملره شقّ القمر اعلانی باشون
 
کیمسن ای کان شرف یوخدی مگر دادرسون
مات و مبهوت قویوب عدنیده داوودی سسون
دم وئرور قالب بی روحه مسیحا نفسون
حقبه ارشاد ائدوری گبر و نصارانی باشون
 
کیمسن ایا نه مرامون باشون آواره سیدی؟
هانسی درد و محنون و درد دلون چاره سیدی؟
بو جبینوندکی یاره آقا نه یاره سیدی؟
غرق بحر غم ائدور عالم امکانی باشون
 
کیمسن آیا گئدوسن نوک جدالرده هارا؟
بو حقارتله سنی خوش دگول اعدا آپارا
کیم ووروبدور بو لب لعل گهرباره یارا
یارالاردان گُل آچوب چون گُل رضوانی باشون
 
کیمسن ای خون دلیله قاریشان اشک تری
چرخ اعجاز و کراماتون ایشیقلی
ندی بو عارض گلفامیده کی کول اثری
هانسی بی رحمون اولوبدی گئجه مهمانی باشون
 
کیمسن ای عارض زیباسی بئله قانه باتان
کوللر اوستونده یاتوب مقصد و مقصوده چاتان
نطقه گَل بیرجه دانیش عالمی ای گوزدن اتان
وار نه علّت دولانور کوه و بیابانی باشون
 
ائده سن خوشدی (شعاع) راهبی بو یرده خطاب
یاز حسینون دلیجه جمله سوالاته جواب
اجریوی قوخما وئرر بو شه دین یوم حساب
دولانار اوندا که شرمنده بیابانی باشون
 

مرحوم مضطر اردبیلی . دوتوب شام اهلینی حیرت گلن دوردی گیدن دوردی کسیلمیش باش ایدر صحبت گلن دوردی گیدن دوردی . . قاچاقاچ دوشدی شهر ایچره هامی حیران و سرگردان گورنلر بیر بیره فورا قضایانی ایدر اعلان گلون یاخشی تماشا وار جداده باش اوخور قرآن تعجب گلدی کیفیت گلن دوردی گیدن دوردی . . هامی مایل هامی مشتاق باخا اعجوبۀ دهره تعجبلو تماشادن آپارا حصه و بهره یغان بازار و دکانین قاچار دروازۀ شهره گلوب بی حدّ جمعیت گلن دوردی گیدن دوردی . . مگر یول وار بیری گلسون یولی ویرسون نشان گچسون دیسون گلمه گلن صبر ائت سنق محمل دایان گچسون دیدله یوخ باجی قارداش گرکدور یان به یان گچسون هامومیز ایلیک رؤیت گلن دوردی گیدن دوردی . . همان باش یدی ضربتلن ذبیحاً من قفا اولدی مکان و منزلی گه دیر و گه مطبخ سرا اولدی ولی شامه گلن وقته او باش انگشت نما اولدی دولوب دروازۀ ساعت گلن دوردی گیدن دوردی . . جداده آیۀ کهفی تلاوت ایلین وقته عجائب سرگذشتیندن حکایت ایلین وقته ضلال اهلین رهِ حقّه هدایت ایلین وقته دگوب اول باشه بیر ضربت گلن دوردی گیدن دوردی . . نجه صبر ایلسون آخر گرک قان آغلیا زینب شدایدِ مصیبتدن سینه سین داغلیا زینب چوخ حسرت چکدی قارداشین یاراسین باغلیا زینب ولاکن اولمادی فرصت گلن دوردی گیدن دوردی . . تردد باغلانوب کوچه دوتولدی راه سد اولدی جماعت بیر بیری اوستن گلوب بی حصر و حد اولدی نه فرمایش ایدوب شمره امامون امری رد اولدی بیر آزدا ظلم اولوب شدت گلن دوردی گیدن دوردی . . دیدی دوندرمه ای ظالم بی بیمون اشکینی نهره آپار بو قانلو باشلاری بیر آیری راهدن شهره تماشاچی چکیلسون قوی او سنگ دل گلوب قهره ایدوب برعکسنه نیت گلن دوردی گیدن دوردی . . ویروب فرمان حسین باشی دوروب خواهر قباقینده اوغولون باشی ساخلاندی او دم مادر قباقینده خانملار ناقه اوستونده قالوب گونلر قباقینده خجالت حال اوچ ساعت گلن دوردی گیدن دوردی . . دیدی بیر شخص یاز مضطر مغلظ کلمه عنوانی دیدوم یوخ مجلس اهلینون یانیندا کنزو برهانی اوزاندی سوز چکوب بحثه سولاندی جنگ میدانی بیر اولمادی ایکی نیت گلن دوردی گیدن دوردی .

احوالات ورود به شام
 
بلمورم قالدی نه حاله ای خدای لاینام
آل پیغمبر اولاندا داخل بازار شام
 
جمله سی عریان دوه استونده دوتموشدی مکان
اللری باغلی بویونلاردا یوزه اشکی روان
 
ایلموشدی بعضیسی مه عرضه زلفین حجاب
ایلموشدی ینگینی رخسارینه بعضی نقاب
 
شامی تزئین ایلموشدی فرقه بی آبرو
باشلاموشدی بیرغریو و غلغله بیر های هو
 
عیش عشرت ایتماقا ایتموشدولر چیده اساس
اللری رنگین اگینلرده هامی فاخرلباس
 
بیربیرینه هریتن فرا ویرردی ال اله
گوئیا تبریک سویلردی رجوع ایت مقتله
 
ایلموشدی شامیده آل امیه عیدخون
شادکام اولموشدی قتلیله پیمبراوغلونون
 
ناگهان سسلر اوجالدی دستگیران بلا
داخل شام اولدولاریعنی اسیران بلا
 
ظاهر اولدی بیر نچه محمل شکسته بی جهیز
محمل ایچره اگلشنلردل شکسته اشکریز
 
دورت اشاق بیر ناقه استونده قوجاقلوب بیر بیرین
ناقه دن تا دشمسون بیرنحویله تاپسون یرین
 
هرآنانین واردی آغوشینده آغلاربیربالا
خجلتیندن ایلیه بلمورباخا صاق و صولا
 
بیر پارا باشلارووروبلا رنیزیه اشرارشام
بعضیسی گوندوردیرسن بعضیسی بدرتمام
 
پیش روینده گلورهرمحملین بیرقانلی باش
بو محندن اودلاناردل گراولا والهی داش
 
گورگوره نیلرباجی قارداش اوغول باشین آنا
واریری تا حشراولونجا آغلیا دلدن یانا
 
اصغرین باشین گورنلرنوک نیده اولدی مات
سودامرباشیندا وورموشدی جدا استه طغات
 
گورممیشدی رویتا شام اهلی چونکه اکبری
نیزه ده باشین گورن یاده سالوب پیغمبری
 
راس عباسی او اوسهم و او صلابتده گورن
بو دیردیلرعلی المرتضادی صف شکن
 
باشلاموشدی نیزه ده قران شه محشرباشی
تا او سسدن قزلارین بلکه آزالسون گوزیاشی
 
ایلموشدی نیزه ده ظلم آیه سین عنوان او شه
آنلاسون تکلیفینی تا کیم او قوم روسیه
 
بیربرهنه ناقه استه گوردیلردوتموش قرار
اللری قوینوندا باغلی بیرامام زار وار
 
گویدولرتا یتدی کیم بیرپیرمرداول سروره
طعن و استهزا دلین آجدی او شاه محشره
 
عالم علم لدنی حجت پروردگار
نورایمان گوردی قلبینده او شخصین آشکار
 
سویلدی قران قرائت ایتموسن یا شیخ سن
عرض قیلدی که بلی حفظم کلام الهی من
 
آندوروب اول شخصه نچه آیه ده حقیتی
وارسیزه سویلوب بو نچه آیه نین نه نسبتی
 
سویلدی منظور او نچه آیه دن مطلق بیزوق
دستگیر ایلوبله ناحق لرستمله حق بیزوق
 
اعتذارایلوبدی گوزیاشین توکوب چکدی فغان
سسلدی آخربولاردورآل پیغمبرامان
 
واریدی نچه نفر باشیندا اول مرد سعید
ایلدی اشرار شامیله جدل اولدی شهید
 
صبحیدی شامه گیرنده عترت خیرالانام
گزدیروبلرشام اولونجا هریرین شامین تمام
 
آج سوسوزیورقون شکسته گلدیلر نی تک دله
گون غروبینده یتوبله بیرخرابه منزله
 
(حامدا) اولسون بودورمنظوروجه اختصار
ایت گلن بزم یزیدی اوزگه وضعیله نگار

کوچ ازشام

باشیمه دوشموش هوای ظهرعاشورا قیزیم
سنده دورمنله گیداخ من گیتمیوم تنهاقیزیم

ایسترم مثلِ سبکبالان دشت بحر و برّ
کوچ ائدم کرب وبلایه شامدن شوربده سر
گویلومه دوشموش اولام سنله دوباره همسفر
دورگیداخ سن گیتمه سن من آغلارام یولداقیزیم

آچ گوزون ای بلبل جان ، خسته و خاموش من همره و هم صحبت و هم درد و هم آغوش من
دور گیداخ چاوشیلر تک بیرده ای چاووش من
یاحسین سسله گینه یولّاردا ائت غوغا قیزیم

دور اولا تا کربلانون یولّاریندا رُسته گل
سن باباوابیراَتَک گل دردوتوم من دسته گل
من سپوم گل قتلگاهه سنده سپ تلّ اوسته گل
کربلانی سنله گل باران ائداخ یکجا قیزیم

دوردانش عَمّن ائشیتسین بیرده شیرین دللرون
دیزلریم اوسته سنون شانه ائدیم گیسولرون
من دوداقوندان اُوپوم سن بوینوما سال اللرون
ایلیاخ عمّه بالا باهم گینه نجوا قیزیم

دورگیداخ بو شهرده گوردون که یوخ یولداش سنه
من اگرگیتسم گلوب هیچ کیمسه چکمزباش سنه
دورگیداخ بوشهردن بوردا آتوبلار داش سنــه
شامیان گورسه سنی تک سن ائدر ایذا قیزیم

دور ایاقه بیرده آغلا بیرده چک سینندن آه
شامیدن کرب وبلایه چکسون آهون شاهراه
قتلگهده دور گیداخ قان آغلیاخ بیر قتلگاه
ایندی مقتلده یولون گوزلورآنام زهراء قیزیم

دردبی درمانو وُن دورتاپمیشام من چاره سین
آلمیشام عباس عمو وُن مشگ پاره پاره سین
هم بابا وُن کوینگین هم اصغرین گهواره سین
دور گُتور باهم قیامت ایلیاخ بر پا قیزیم

دور نظر قیل مشگیله گهواره و پیراهنه
ایلیاخ قسمت وئروم گهواره و مشگی سنه
سن گوتور ، تنها باباوین کوینگین وئر سن منه
او کفاف ایلر منه تا محشر کبرا قیزیم

◼️◼️◼️◼️

#اربعین
ربانحال حضرت زینب (س)
و زبانحال حضرت رباب (س)

اورکی دولموشودی بس که غصّه دن قانه
بِسان بلبل مهجور گَلدی افغانه

اِیله سیزلدادی نی تک عزیزه زهرا
آخوبدی خون جگر سیل وار دامانه

دویونجا آغلادی آغلاتدی اهل قافله نی
ربابی اِیتدی مخاطب بتوله ریحانه

که یعنی بیز گیدیروخ نهر علقمه ساری
عزا او یرده دوتاخ ساقی لب عطشانه

بو سن بو قبر حسین خلوت اِیت نگاریله
دویونجا آغلا بو فرصت یِتونجه پایانه

اوجا سَسیله نجابتدن آغلیانمامیسان
سیزلدا نی کیمی دوشسون سَسون بیابانه

حزین سَسیله بو ماواده آچ اورک سوزیوی
خدا یولوندااولان ذبح، تشنه قربانه

مزار پاکینه بیرده یولون دوشه هیهات
فراق اودی دوشجاخ روز و شب دل و جانه

غرض که اهل حرم خلوت اِیلدی او یری
اورکینین سوزونی آچدی جان جانانه

دیدی فدا اولا جانیم مزاریوه شاها
ربابیدور چاغیران دادینه یانا یانه

بویور گوروم نجٓه دی سینه وین یاراسی آقا
جانیم فدا اولا سن تک یارالی سلطانه

علی اصغریمون فکری چیخموری باشدان
نه چون سوسوز یولا سالدیم گیدنده میدانه

سو اوسته اَللَرینی باغلادیم من نالان
گوزوم باخاباخا مخیمده چشم گریانه

بو داغلی سینه می پی در خراش اِیدردی بالام
باتوبدی دوشلکی سینمدن اول آخان قانه

خدا بولور که نه احواله خیمه ده قالدیم
دوشنده کشتی عمری بو چولده طوفانه

علی اصغرین اوخ یاره سی بویور نجّه دی ؟
بوغازینون یاراسی قان ویرور گینه یا نه ؟

اَلیمده چاتموری گوز یاشیمی ایدَم مرهم
دور اِیله چاره سن ای شَه من پریشانه

غریبه بیچمیشیدی اوچ پر اوخ سوسوز بوغازین
بو چولده باتمیشیدی سر به سر آخان قانه

ئولونجه ناله چَکوب آغلارام بو ماتمده
گوزوم یاشین اَلرم عارضه غریبانه

نه یاتموسان گوزون آچ غم شریکیوی دیندیر
مریض عشق گَلوب درگهونده درمانه

#عتیق نوحه یاز آغلا ئولونجه عالمده
جهاندا سعی ایله آلانما دور دورانه

التماس دعااا🙏

بیست و ششم شهریور ماه سال هزار و چهار صد و یک.

اربعین حسینی
بوگون قرخ گوندی زینب سینه داغلار
غریب قاداشینه چوللرده اغلار
بوگون قرخ گوندی باد ظلم اسوبدی
عدو هم باش کسوب هم ال کسوبدی
بوگون قرخ گوندی باغ دین صولوبدی
او قانلی گوزلره تپراق دولوبدی
بوگون قرخ گوندی لیلا دربه دردی
رباب اوز اصغرینن بی خبردی
بوگون قرخ گوندی سرگرداندی زینب
حسیندن ایرلوب نالاندی زینب
بوگون قرخ گوندی اعدا کام الوبلار
ابولفضلین قولون تندن سالوبلار
بوگون قرخ گوندی زهرا ساخلیوب یاس
کنار نهریده باشسیزدی عباس
بوگون قرخ گوندی قان یرده قالوبدی
حسینون باشی اللرده قالوبدی
بوگون بیر گوندی گلمیش جان نوایه
گلور زینب دوباره کربلایه
بو گون بیر گوندی عالم تار اولوبدی
باجی قارداشینه زوار اولوبدی
گلور زینب الینده قانلی سوغات
دیوردور یا حسین گی کوینگون یات
گلور زینب وصال عشقی جاندا
ولی نازلی رقیه یوخ یاننیندا
گلور زینب قوناق شاه حجازه
حسین اما دورانمور پیشوازه
گلور زینب توکور دامانه قان یاش
دیوردور گوزلرون قربانی قارداش
گلور زینب ویرا تل اوسته پرچم
اسه پرچم دوتا عباسه ماتم

احوالات حضرت فاطمه زهرا (سلام الله) 
 
حضرت صادقدن ایتدی بیر نفر راوی سوال
قصّه ی موت بتولی قیل بیان ای شهریار
 
پوزدی بو سوز حالینی، دولدی امامین گوزلری
گوز یاشین رخسارینه توکدی چو دُرّ شاهوار
 
بیر دویونجا آغلادی وا جَدَّتی ذکر ایلدی
سویلدی بو سرّی بُل لازمدی گرچه استتار
 
اُلمدی، پیغمبرین ریحانه سین اُلدوردولر
گیتدی دنیادن شهیده، عقل کلّه یادگار
 
عرض ایدوب صدّیقه ی کبرانی کیم ایتدی شهید
سویلدی ثانی آنام زهرانی قیلدی زخمدار
 
یاندوراندا درگهین بیر صدمه ووردی جدّه مه
باخمادی جسم لطیفینده ایدر اول صدمه کار
 
جسمینه اول گون یتن صدمیله دنیادن گیدوب
حیدر کرّاری قویدی داغ هجری بی قرار
 
غسلینی ویردی، کفن قیلدی، گئجِیله ایتدی دفن
حکمتاً‌ گیزلتدی زهرا قبرینی اول شهسوار
 
عالِم علمِ لَدُنّی فکر صبحیله گئجه
ایلدی تعمیر او یرده بیر نچه تازه مزار
 
مرتضی گَلدی ایوه، صبح اولدی نشر اولدی خبر
دفن ایدوب صدّیقه ی کبرانی شاه تاجدار
 
دوشدی بو فکره آچا ثانی بتولین قبرینی
بیر جماعت مُلحِدینی سسلدی بو امره یار
 
اَلده حفر اسبابی جمع اولدی بقیعه مشرکین
بیر نفر بو امری ویردی شیر حقّه اختبار
 
باغلیوبدور بیر ساری دسمال او سرور باشینه
قویدی قبرستانه یوز شاهنشهِ گردون مدار
 
بوینونا ایتدی حمایل ذوالفقارین غیظیله
یتدی بیر قبر اوسته دوردی چکدی آه شعله بار
 
سسلدی گر بو قبوره بیر نفر وورسا اَلین
ذوالفقاریله گَتورّم روزگاریندن دَمار
 
شیر تک گوردی ولیُّ اللهی ثانی خشمناک
روبه مکّار تک آچدی زبان اعتذار
 
قصدیمیز توهین دگلدی دخت طه قبرینه
روح زهرایه بیزی عفو ایله میر بردبار
 
ای ولیّ ا... اعظم، شیر داور، یا علی
جسم عالمده قَوام جان و روح مستعار
 
دوزموسَن وورسون عدو قبر بتوله بیر کلنگ
ایستوسَن دنیا داغیلسون، قالماسون دار و دیار
 
قبر زهرانون داشی افضلدی یا جسم حسین
ذوالفقار اَلده ایدِیدون کربلایه بیر گذار
 
قویمیِیدون ایلیه آتلار حسینی پایمال
اولمیا اوراق گُل تک بیرده جسم زخمدار
 
آه او ساعتدن اُلن اُلدی، قالان اولدی اسیر
ابن سعد امر ایتدی چکدی بیر منادی بیله جار
 
وار یزیدین لشکریندن هر قَدَر مقتول اولان
دفن ایدون تا قالماسون گونلر ایوینده زینهار
 
شام و کوفه لشکریندن قالمادی یرده قالان
وار یری آخسون حسینی لر سرشکی همچو ثار
 
بیرده بیر فرمان ویروب سعد اوغلی یاغی لشکره
اشکیله زینب گوزین دولدوردی چون ابر بهار
 
هم حسینون لشکرین هم اوز یارالی پیکرین
ایلیون سُمّ خیولیله بو چولده خاکسار
 
چکدیلر شمشیر کین بو چولده حُرّین لشکری
سسلنوبلر ایتمروق اجرای امره اصطبار
 
سحق اولونسا جبریله اجسام انصار حسین
وار حسینون لشکرینده جسم حرّ نامدار
 
حرّ اولوب یاغی دوتاق ابن زیادین امرینه
لیک سردار سپه دور اوندا وار چوخ اعتبار
 
بیز باخاق حرّین وجودینده قوشون آت گَزدیره
دوزمَروق گورسون قبیله صاحبی چوخ انکسار
 
حرّین اقوامی یغشدی قبره قویدی جسمینی
قالماسون تا یرده قانلی پیکری زار و نزاز
 
وای کومک سیزلیق اَلیندن نه یاماندور ای خدا
بیر نفر مظلوم اُله اشرار اَلینده سوگوار
 
حرّین اولدی قوم و قارداشی یغشدی قویمادی
نعشی اوسته آت چاپا پامال ایده قوم نقار
 
هاردا قالموشدی بنی هاشم خدایا اوندا بس
اون نفر گَلدی ایده جسم حسینی خاکسار 
 
بیر بدن که سینه سینده بَسلَمیشدی فاطمه
نانجیب آتلار اونون اعضاسین ایتدی انتشار
 
جلدیدن چخدی کلامُ ا...ِ ناطق جزء به جزء
قلب قرآن مبین اولدی بو غمدن داغدار
 
سحق ایدوب اسلام امامین آدلاری اسلامیان
وار یری گر ایلسه قرآنه انجیل افتخار
 
شمس اوج عزّت اوسته نقش بند اولدی هلال
بند بند اولدی یازولّار یرده عرشه گوشوار
 
اوخلانان قلب اوستونه لنگر سالوب سُمّ خیول
گرچه قیرمیشدی وتینی نوک تیر زهردار
 
کربلا توپراقی بی جا اولمیوب خاک شِفا
ایسلانوب تربت، حسین قانی آخوب چون چشمه سار
 
دورت آغاج صاقدان صولا صولدان صاقا، آت دیرناقی
نشر ایدوب اجزاسینی قان آخدی مثل جویبار
 
قان آخان یردن اولوب اون آلتی فرسخ حایری
ایمدیده مَامندی دورینده چکوب قانّی حصار
 
گُل گیاهیندن گَلور عطر حسینی برملا
آند اولا اوزجانینه قانی ایدوبدور لاله زار
 
اولمادی یالقوز حسینه بو جفا، هر بیر شهید
بو جفا و جوری گوردی هم کبار و هم صغار
 
 مرحوم حسینی سعدی زمان

در احوالات حضرت زهرا (س)
 
او میان ظلمت و تابندگی
در شروع و ختم مرگ و زندگی
 
نغمه ای بنواخت گوشش ناگهان
کرد ره، این نغمه تا اعماق جان
 
ای غمت نوشینی رویای من
جان من، آرام من، زهرای من
 
ای غمت نوشینی رویای من
جان من، آرام من، زهرای من
 
همچو حال من چرا آشفته ای؟
بخت بیدار من آیا خفته ای؟
 
حال تو حالم دگرگون می کند
دیدنت اشگ ترم خون می کند
 
چشم نرگس بسته، پیش آفتاب
دل همه آتش از این حال عجاب
 
گرد غم در برگ گل بنشسته است
پرنیان اشگ چشمم بسته است
 
از ورای پرده بینم روی تو
از در و دیوار جویم بوی تو
 
خیز ای سرو گلستان دلم
با خرام خود، بیارا محفلم
 
خیز ای محراب تو هفت آسمان
آید از گلدسته ها بانگ اذان
 
ای مصلایت فلک را سجده گاه
سجده گاهت قبله خورشید و ماه
 
کو صفای حسن بزم آرای تو؟
کو بیان گرم و جان افزای تو؟
 
چون شد از گفتار لب بستی فرو؟
جان من! دردت چه می باشد بگو
 
جان تو تنهای تنها مانده ام
بی تو در طغیان غمها مانده ام
 
خیز و بنگر غربت و تنهاییم
محنت بی یار و بی یاراییم
 
ای چراغ جان ز رویت منجلی
دیده بگشا لحظه ای جان علی
 
نفخه باد بهاری تا وزید
در عروق گل روان نو دمید
 
دل ز فیض روح نو، آکنده شد
از دم جان بخش عیسی زنده شد
 
روح سیال وفا در جان دوید
خسته تن از فیض آن روح، آرمید
 
آیت تکلیم موسی از کلام
داد آن رنجور را روح قوام
 
گوش جان تا یافت آوای علی
شد ز شوق، آئینه دل منجلی
 
نغمه ترحیب حور از یاد شد
دل ز سودای جنان آزاد شد
 
منعطف شد از جنان سوی جهان
تا ببیند دیده، روی دلستان
 
خلد، آری واهلد اهل یقین
تا ببیند جلوه خلد آفرین
 
هست تا فیض لقای آشنا
چشم پوشد از جنان، اهل وفا
 
صد جنان قربان یک دیدار دوست
بل، جنان خود دیدن رخسار اوست
 
بل مخفف بلکه
 
دیده آنگه نرم نرمک باز کرد
با نگاهی کشف صدها راز کرد
 
دید رویاروی خود تا شاه را
یافت گریان چشم عین الله را
 
وای چشمان علی گریان چرا؟
اشگ در چشم شه مردان چرا؟
 
جان زهرا سوخت زین اشگ ملال
گفت آنگه با زبان حال و قال
 
ای به محراب وفا، مسجود من
عمر من، منظور من مقصود من
 
با تولایت عجین آب و گلم
از تو خرم گلشن جان و دلم
 
جام جان لبریز از صهبای تو
سر همه شوریده سودای تو
 
از تجلایت فروغ ذات من
جذب مهرت، جمله ذرات من
 
ای به گوشم نغمه بانگ سروش
تا رسید آوای جان بخشت به گوش
 
از کلامت تازه جانی یافتم
با هوایت از جنان رخ تافتم
 
با وجودت کی دهم ای جان جان
خشتی از این خانه را بر صد جنان
 
جنت من با تو، این کاشانه بود
کعبه امید من این خانه بود
 
شب چو می آمد در این خانه فرود
می نهاد اندر رهت سر بر سجود
 
بر غبار راهت ای مرآت حق
هر سحرگه بوسه ها می زد فلق
 
در طنین هر گوشه اندر این سرا
صوت قرآن تو ای میر هدا
 
از توام عطر نبوت در مشام
ای تو نفس حضرت خیرالانام
 
ای وجودت ماسوی الله را پناه
با تو این ماوا مرا امیدگاه
 
حیف حیف این آشیان را سوختند
خانه قرآنیان را سوختند
 
سوخت تا در نار کین ماوای تو
سیر شد از جان خود، زهرای تو
 
عفو کن ای جوهر آب و گلم
بیش از این یارا نبود اندر دلم
 
در ضمیرت دانه غم کاشتم
رفتم و تنها تو را بگذاشتم
 
تا ابد مهرت به جان می پرورم
یاد تو با خود به جنت می برم...
 
مرحوم استاد عابد