آتامیز باشیم اوسته دل داغلار شوریله سینه داغلاماق یریدی
گوزلرین ابر تک دولان دمیدی اشگی رخساره باغلاماق یریدی
گَل ویراخ سَس سسه ایداخ ناله آغلاشاق باهم آغلاماق یریدی
درده دولموش بو داغلی سینمدن بوشالا جام محنتیم قارداش

آقالیق ایلیوب آقالیقیله گوگلونی ریزه خواریوین آلدون
اوز وفاپرورون تاپوب قولسوز بوینونا رافتیله قول سالدون
دویمادیم سندن ال اوزوب گیدورم لیک سن دشمن ایچره تک قالدون
قویمارام تک سنی مماتیمدن گر منیم اولسا مهلتیم قارداش

سن منی سرقطار عشق ایلدون دوشموشم لنگه لیک پا به گِلم
سوسوز اطفالیوه سوسوز سقّا مشکینه قان دولان فسرده دلم
نعشیمی خیمیه آپارما منیم دست خالی گیدنمرم خجلم
قیزلارین من باخانمارام یوزینه حشره تک واردی خجلتیم قارداش

بولمور اطفال لشکر اعدا تیرباران ایدوبله صاق قولومی
یازماقا اوخلی مشک تاریخین ایلیوبلر قلم ایکی قولومی
واقفم خیمه ده قیامت وار گوزلوری تشنه قیزلارون یولومی
باشیم اوستونده کاش بولمیه لر وار منیم نه قیامتیم قارداش

«تائبین» چوخ شکسته دور اورگی دائماً قلبینه صفا ایستر
واردی داغلار بویی اورک دردی دلده کی دردینه دوا ایستر
بیر جوان اوغلی وار مریض اونا دامنیمدن دوتوب شِفا ایستر
ایسته اللهیدن شِفا ویرسون اونا خلّاق عزّتیم قارداش.

التماس دعا

@shoaravamadahantabriz

#حضرت_علی_اکبر_میدان

#بیضای_‌اردبیلی

بو نجه گوندی ؟ طلوع ، شبِ یلدا ایلیوب
عالمی نورِ رُخی ، وادی طُوّی ایلیوب
قالوب حیرتده عدو ، بیر بیره نجوا ایلیوب
دئدیلر اکبره هر کیمسه تماشا ایلیوب
بشر اولماز بیله ، اکبردی تجلّا ایلیوب

الحَذَر الحذر ، اول طُرّهء طَرّاریندن
یوز مین عاشق دِلی ، آویزیدی هر تاریندن
خَرّ موسی صَعِقا ، پرتوِ رخساریندن
بودور عیسایه ویرن دم ، دمِ گفتاریندن
که او دَم ، مُردهء صد ساله نی احیا ایلیوب

قاریشوب بیر بیرینه لشگر ، اوجالدی سخنی
قالدی دریای تحیّرده گوروب قومِ دنی
ظلمتِ محضه ، ویروب نور ، او جمالِ حَسنی
هاردا قالموش او دیَن ، طوریده ربّ اَرِنی؟
گوره پیدا اوزونی لله الاَعلا ایلیوب

بیر نظر ، عارضِ آل و خط و خالینه باخان
قالوب حیرتده دییردی بودور حیّ مَنّان
لامکان ، کرب و بلا دشتینی ایلوبدی مکان
بو یقین سوزدی دیوللر که گورونمز ، سبحان
لَن ترانی ایشیدوب ، موسی تمنّا ایلیوب

قسم آللهه بو الله دگل ، حیدردور
باشدا عمّامه سی ، عمّامهء پیغمبردور
خَلقا" و خُلقا" و نِطقا" بو همان سروردور
دئدیلر یوخ ، بو حسین اوغلی علی اکبردور
آتاسندان که جهاد اِذنی تمنّا ایلیوب

دلِ عُشّاقه خمِ طُرّه لری قاتلدور
که بونا عاشق اولان ، طایفه خونین دلدور
مشکِ آهوی خُتَن قاندان اولان حاصلدور
جلوه یوسفده ایدن حُسن نه آب و گِلدور
پردهء عصمتی صدپاره زلیخا ایلیوب

ابن سعدین حق ایوین یخسون ، آچوب جنگه عَلم
بودی نقّاش ، ویرن نقشینه هر آنیده دم
روح الاَرواحیدی بونسوز کی عدمدور عدم
عدم آئینهء لادور به وجودِ اکرم
لای نفسیله چون اول صورتِ اِلّا ایلیوب

بیر قوی دشمنینی ئولدوروب اول تازه جوان
ویرمیوب حیدر کرّار تک اعدایه امان
قیدوب خیمه لره عرض ایلدی ای بابا جان
جایزه ایله کرم گر سووا وارونسا گمان
کون و ماکانه سیزی حق ، اوزی سقّا ایلیوب

اوپدی شاهینون الیندن که او شهبازِ سفید
عطش ئولدوردی منی عرض ایدوب ای شاهِ وحید
بیر علاج ایله هلاک ایتدی منی ثِقلِ حدید
سوسوز اول دم گوروب اوز اوغلینی هادیّ رشید
گوشهء چشمِ عنایاتیله ایما ایلیوب

ثقلِ حدید : سنگینی آهن

دیلینی ویردی اوغول آغزینا ، خشک و تریلن
مُهر ایدوب هیکلِ توحیدینی انگشتریلن
چون کُمیل ابن زیادِ نَخَعی حیدریلن
کوکبا" قَد طلعا" صبح علی اکبریلن
نکته باریکیدی چون بیر بیره نجوا ایلیوب

مرتبه مرتبه زَندیقدی عشقیله طباع
بس مطیعیدون اوغول ، ایندی اولوبسان مُطاع
گلدی مقصودِ حقیقت اله ، دفع اولدی صُداع
گیت اوغول خیمه ده بیرده ایله لیلانی وداع
خرمنِ عمرینی هجرون اودی یغما ایلیوب

گلدی میدانه مبارز طلب ایتدی او جوان
بیر یهودی نجه ناگه ایدوب حمله دالدان
قلجا ویردی علی اکبرون آنّندا مکان
یول با یول هاشمی خال اوستن آخوب قرمزی قان
وَه نه شق القمر آسانیمیش ، اعدا ، ایلیوب

باشینون قانی اولوب عارضِ عالینه نقاب
قوللارین بوینونا سالدی ، دئدی دورما ای عقاب
سالما بو یرده منی خیمه لره ایله شتاب
قالمادی منده جهاده داخی بیر طاقت و تاب
گوزلری یولدا آنام ایندی مُصلّا ایلیوب

بیر نفر اولمادی ، اول وقته گیره آرخاسینه
یاره کارگر اولوب ، زینی باسوب سینه سینه
بیر الین قویدی مبارک باشینون یاره سینه
قوزانا ، هر چه ویروب دورماقا جرأت اوزینه
خُرد ، عمودیله ، بِلین گوردی او ترسا ایلیوب

قیلدی بو حالده حمله گینه ، بیر آیری شقی
گوردی آت اوسته اوتورماقلیقا یوخدور رَمقی
دوشدی آئینهء حقون یره گلگون شفقی
داغیلوب چوللره قرآنِ مجیدون ورقی
دوشدی آتدان یارالی ، توپراقی مأوا ایلیوب

کربلایه باش آچوخ گلدی چو پیغمبر ئوزی
قوملار اوسته یخیلوب ، گوردی علی اکبر اُوزی
کیمیا تک اثری وار ، ولی یوخ پیکر اوزی
عرشِ نیلی دن او دم گوردی شهِ خاور اوزی
قره توپراقی قیزیل قانی مُطلّا ایلیوب

آزدی واللهی آخا هر مُژه دن صد جیحون
نوح وار ایلیه عالملری مستغرقِ خون
علی اکبر کیمی عالمده خدایا اوغولون
قطعه قطعه آتا آناسی گورن وقته اونون
پیکرین ، صبر و تحمّل نجه آیا ایلیوب؟

لطف ایدر روزِ جزاده او شهِ تشنه لبان
وار امیدیم ویره هر بیتیمه بیر بیت جِنان
ندی جنّات ، اوزی اولمیا اوردا جانان
آفرین نطقوه (بیضا) یدِ بیضا ایلیوب

التماس دعای فرج

@shoaravamadahantabriz

مرحوم استاد محمد #عابد


یا زینب سلام الله علیها

زهی ز قامت ِرعنات ، داغ بر دلِ طوبی
بدیده جلوهٔ آن همعنان سایهٔ عنقا

ستونِ خیمهٔ زر زد به طاقِ قبّهٔ نیلی
به شوقِ سِیر جمالت نگارِ غرفهٔ خضرا

زند حجابِ سحابی به رخ ز شرم ، گر افتد
ز ابرِ عصمت تو قطره ای به ساحتِ دریا

چه صبح بود جمالت که برقِ لامعِ تیغش
نکرد چاک گریبان ظلمت ِشبِ یلدا

به روت ، شائبهٔ آفتاب ، دیده نیابد
نشانِ پای صبا دید اگر به صخرهٔ صمّا

نسیمِ صبح برآرد مگر شمامهٔ زلفت
به نفخه های جنان زد شمیمِ عنبرِ سارا

چه جوهری ، که نظیرت نیافت ناقدِ گیتی
به بحرِ گنبدِ وارون ، به کانِ تودهٔ غبرا

گهی شوی به سلوک خورِ سپهرِ هدایت
چو سایه همقدمِ پیک ِباد ، بادیه پیما

عزیزِ مصر وفایی که گشته با تو مسلّم
حجاب ِعصمت یوسف ، چراغ ِحُسنِ زلیخا

کلاهِ حسرتِ رویت به فرقِ ویسه و رامین
کمند ِحلقهٔ مویت به پای وامق و عذرا

نه بی سبب ز رخت ، پرده ، رویِ میل نتابد
که آفتاب ، پرستیدن است شیوهٔ حربا

ز مِهر ماهِ رخت هر که شمعِ جان بفروزد
سنای بزم جلالش رسد به مشعلِ بیضا

چه کعبه ایست جمالت که از نواحی گیتی
به تارِ جذبه کشد سوی خویش رشتهٔ دلها

هر آنچه جامهٔ عصمت و هر آنچه حُلّهٔ عفّت
همه به قدّ تو شایا ، همه به شکلِ تو شیوا

ز اطلسِ فلکی ، پوشِ بزمِ عیش برآرد
به ذیلِ قدر تو زد هر کسی که دستِ تمنّا

چه نغمه در صفتت عندلیبِ طبع سُراید
همین بس است که هستی گُلِ حدیقهٔ زهرا

نه من به وصف ِتو غرقِ تموّجاتِ خیالم
که ره به ساحل از این یَم نیارد اخطل و اعشیٰ

هوای ماریه دارد چو دید طایرِ جانت
فشاند دانهٔ غم دامیارِ عشق بِدانجا

گرفت در افقِ نینوا به پردهٔ ماتم
مَهی که مَطلعِ آن بود شرقِ یثرب و بطحا

ز بار محنت و دردی که عشق هِشت به دوشت
به سانِ قدّ تو خم گشت پشت ِچرخِ مُعلّا

سواد آه تو پیمود چون معارجِ علوی
نمود تیره فروغِ چراغِ خرگهِ والا

جهان به حالِ تو گریان به سانِ دیدهٔ مجنون
زمان به یادِ تو نالان مثالِ خاطرِ لیلا

پیِ نظر به نجومِ سرشگ ، در مهِ رویت
به شب سپهر گشاید هزار چشمِ تماشا

مگر حکایتِ تابِ دلت کند به بیانی
ز صُنع ِماشطه زلفِ سمن شده است مُطرّا

ز نقشِ سوط ِجفا خصم بر رقیمهٔ جسمت
نمود نقشهٔ نیلوفری به پردهٔ دیبا

جفا که این همه نبود مگر ز اشکِ تو باشد
به جامِ چرخ ، زجاجی ، شرابِ عیش مهنّا

به سانِ جوهری از کانِ دل هماره دو چشمت
کشد به رشتهٔ مژگان عقودِ لوءلوءِ لالا

پیاله ها بشکستند تا شکست جبینت
قدح کشان سپهری به هفت حلقهٔ مینا

خیالِ نقشهٔ بازوت ، حلقه های مصیبت
سِوار وار در آورده بر سواعدِ دنیا

شکافِ زخم درونت رفوپذیر نباشد
کِشند رشتهٔ مریم به سوزنِ عیسیٰ

مگر ز آتش ِآهِ تو برگرفته شراری
که لاله داغ به دل آرمیده در برِ صحرا

صریرِ خامه ، ترنّم به طبعِ طبع درآرد
چنانکه نالهٔ نی شور در طبایعِ شیدا

ولی به پیچ ، عنان (عابد) از شَموس مدیحت
که خنگ فهم به راهی چنین فتاده شده از پا.

التماس دعای فرج

@shoaravamadahantabriz

#حضرت_زینب_س



شاهدی از پرده ی غیب الغیوب
رخ نمود و کرد اجلال نزول
با قدوم خویشتن دادی شرف
بر سرای خاکی و نفس و عقول


عارضی رشک کواکب بی بدل
آشکارا گشت از صبح ازل
آفتاب برج عصمت زینِ اَب
بضعهء صدیقهء کبری بتول


باز لائع گشت سبحات جلال
از جمال صانع صاحب جمال
والضّحی با چهره ای تفسیر شد
کوکب دُرّی بر آمد از افول


خطهء لولاک باشد کوی او
خارج از ادراک خلق و خوی او
زینت و شیرازهء لوح حیا
مرتضی را مقصدی آمد حصول


زینِ اَب بودی سبب از قاصیه
نور بر دل می دهد از ناصیه
می کشد اهل ولا را با دمی
از ارادت بر مقامات وصول


زینب آن مشهود قرب عین ذات
واقف اسرار اسماء و صفات
خازن کنز علوم مختفی
گوی سبقت برده از فحل الفحول


زینب آن زیتونهء عشق و یقین
کاو تجلی کرده در طور سنین
لفّ و نشر اَحسَنِ تقدیم حق
وصف اوصافش نباشد لاتقول


زینب آن آمُختهء روز ازل
زینب آن مشکوة نور لم یزل
زینب آن تندیس عشق و مظهری
بر کمالات اَب و اُمّ و رسول


زینب آن تذهیب لوح کربلا
نور وجهش نور وجه کبریا
کُلُّ شیءٍ هالکْ الّا وجهه
نور عشق لایزال و لایزول


تا رقم شد عرصهء قالوا بلی'
فصل فصل مصحف کرب و بلا
خامس آل عبا شیرازه اش
نام زینب زینت فصل الفصول


زینب ای آئینهء ایزد نما
جان مادر خامهء #شبگیر را
لطف فرما جوهر ماء القدوس
تا چه ها گوید چه ها افتد قبول


استاد_شبگیر_تبریزی

@shoaravamadahantabriz

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُمْ مَنْ قَضَىٰ نَحْبَهُ وَمِنْهُمْ مَنْ يَنْتَظِرُ ۖ وَمَا بَدَّلُوا تَبْدِيلًا
#شهادت بزرگترین آرزوی این سردار عزیز اسلام
عزیز دل رهبر بود
و خداوند بعد از سالها انتظار به او هدیه داد.
چنین فضایی را که در سایه ایثارگری این شهیدان به خون خفته برای ما به ارمغان آورده ند، بیاییم کفران نعمت ننماییم که وعده الهی در قبال کفران الهی بسیار تلخ است. (وَ إِنْ كَفَرْتُمّ إِنَّ عَذٰابي لَشَديدٌ)

حضرت_زهرا_س


حضرت صادقدن ایتدی بیر نفر راوی سوال
قصّه ی موت بتولی قیل بیان ای شهریار


پوزدی بو سوز حالینی، دولدی امامین گوزلری
گوز یاشین رخسارینه توکدی چو دُرّ شاهوار


بیر دویونجا آغلادی وا جَدَّتی ذکر ایلدی
سویلدی بو سرّی بُل لازمدی گرچه استتار


اُلمدی، پیغمبرین ریحانه سین اُلدوردولر
گیتدی دنیادن شهیده، عقل کلّه یادگار


عرض ایدوب صدّیقه ی کبرانی کیم ایتدی شهید
سویلدی ثانی آنام زهرانی قیلدی زخمدار


یاندوراندا درگهین بیر صدمه ووردی جدّه مه
باخمادی جسم لطیفینده ایدر اول صدمه کار


جسمینه اول گون یتن صدمیله دنیادن گیدوب
حیدر کرّاری قویدی داغ هجری بی قرار


غسلینی ویردی، کفن قیلدی، گئجِیله ایتدی دفن
حکمتاً‌ گیزلتدی زهرا قبرینی اول شهسوار


عالِم علمِ لَدُنّی فکر صبحیله گئجه
ایلدی تعمیر او یرده بیر نچه تازه مزار


مرتضی گَلدی ایوه، صبح اولدی نشر اولدی خبر
دفن ایدوب صدّیقه ی کبرانی شاه تاجدار

دوشدی بو فکره آچا ثانی بتولین قبرینی
بیر جماعت مُلحِدینی سسلدی بو امره یار


اَلده حفر اسبابی جمع اولدی بقیعه مشرکین
بیر نفر بو امری ویردی شیر حقّه اختبار


باغلیوبدور بیر ساری دسمال او سرور باشینه
قویدی قبرستانه یوز شاهنشهِ گردون مدار


بوینونا ایتدی حمایل ذوالفقارین غیظیله
یتدی بیر قبر اوسته دوردی چکدی آه شعله بار


سسلدی گر بو قبوره بیر نفر وورسا اَلین
ذوالفقاریله گَتورّم روزگاریندن دَمار


شیر تک گوردی ولیُّ اللهی ثانی خشمناک
روبه مکّار تک آچدی زبان اعتذار


قصدیمیز توهین دگلدی دخت طه قبرینه
روح زهرایه بیزی عفو ایله میر بردبار


ای ولیّ ا... اعظم، شیر داور، یا علی
جسم عالمده قَوام جان و روح مستعار


دوزموسَن وورسون عدو قبر بتوله بیر کلنگ
ایستوسَن دنیا داغیلسون، قالماسون دار و دیار


قبر زهرانون داشی افضلدی یا جسم حسین
ذوالفقار اَلده ایدِیدون کربلایه بیر گذار


قویمیِیدون ایلیه آتلار حسینی پایمال
اولمیا اوراق گُل تک بیرده جسم زخمدار


آه او ساعتدن اُلن اُلدی، قالان اولدی اسیر
ابن سعد امر ایتدی چکدی بیر منادی بیله جار


وار یزیدین لشکریندن هر قَدَر مقتول اولان
دفن ایدون تا قالماسون گونلر ایوینده زینهار


شام و کوفه لشکریندن قالمادی یرده قالان
وار یری آخسون حسینی لر سرشکی همچو ثار


بیرده بیر فرمان ویروب سعد اوغلی یاغی لشکره
اشکیله زینب گوزین دولدوردی چون ابر بهار


هم حسینون لشکرین هم اوز یارالی پیکرین
ایلیون سُمّ خیولیله بو چولده خاکسار


چکدیلر شمشیر کین بو چولده حُرّین لشکری
سسلنوبلر ایتمروق اجرای امره اصطبار


سحق اولونسا جبریله اجسام انصار حسین
وار حسینون لشکرینده جسم حرّ نامدار


حرّ اولوب یاغی دوتاق ابن زیادین امرینه
لیک سردار سپه دور اوندا وار چوخ اعتبار


بیز باخاق حرّین وجودینده قوشون آت گَزدیره
دوزمَروق گورسون قبیله صاحبی چوخ انکسار

حرّین اقوامی یغشدی قبره قویدی جسمینی
قالماسون تا یرده قانلی پیکری زار و نزاز


وای کومک سیزلیق اَلیندن نه یاماندور ای خدا
بیر نفر مظلوم اُله اشرار اَلینده سوگوار


حرّین اولدی قوم و قارداشی یغشدی قویمادی
نعشی اوسته آت چاپا پامال ایده قوم نقار


هاردا قالموشدی بنی هاشم خدایا اوندا بس
اون نفر گَلدی ایده جسم حسینی خاکسار


بیر بدن که سینه سینده بَسلَمیشدی فاطمه
نانجیب آتلار اونون اعضاسین ایتدی انتشار


جلدیدن چخدی کلامُ ا...ِ ناطق جزء به جزء
قلب قرآن مبین اولدی بو غمدن داغدار


سحق ایدوب اسلام امامین آدلاری اسلامیان
وار یری گر ایلسه قرآنه انجیل افتخار


شمس اوج عزّت اوسته نقش بند اولدی هلال
بند بند اولدی یازولّار یرده عرشه گوشوار


اوخلانان قلب اوستونه لنگر سالوب سُمّ خیول
گرچه قیرمیشدی وتینی نوک تیر زهردار


کربلا توپراقی بی جا اولمیوب خاک شِفا
ایسلانوب تربت، حسین قانی آخوب چون چشمه سار


دورت آغاج صاقدان صولا صولدان صاقا، آت دیرناقی
نشر ایدوب اجزاسینی قان آخدی مثل جویبار

قان آخان یردن اولوب اون آلتی فرسخ حایری
ایمدیده مَامندی دورینده چکوب قانّی حصار

گُل گیاهیندن گَلور عطر حسینی برملا
آند اولا اوز جانینه قانی ایدوبدور لاله زار


اولمادی یالقوز حسینه بو جفا، هر بیر شهید
بو جفا و جوری گوردی هم کبار و هم صغار


#مرحوم_حسینی_سعدی_زمان

@shoaravamadahantabriz

بیر گونی زهرا غم ایامدن
اچدی صحبت محنت و الامدن

ظاهرا غملردن ایلوردی گله
درد دل ایلوردی اما یاریله

ایسته دی ئوز عشقینی ابراز ایده
محضر مولایه کشف راز ایده

عرض ایدوب ای خسرو گردون مدار
تنگ اولوب زهرایه دور روزگار

اغلارام قلبیم دولوبدور غصه دن
فاطمه ئولسه عم اوغلی نیله سن؟

گون بگون ارتور اورکده محنتیم
ئوز اویومده یوخ منیم امنیتیم

وار سبب زهرا بساط غم قورور
سن اولان یرده منی دشمن ویرور

سن بیر اللی خیبری فتح ایتموسن
ایندی زهرانی دوگولر دینموسن

بو سکوتوندن عدو جرات تاپوب
انتقام خیبره فرصت تاپوب

ثانی هرگون قلبمه بیر اود سالور
انتقام خیبری مندن الور

بسکه زهرا یاندیران سوزلر دیدی
محضر مولایه نسگللر دیدی

کشتی صبر علی باتدی گله
مرتضانی گتدی بو سوزلر دله

ایتدی فرمایش گرفته حالیله
واردی حقون فاطمه ایتسون گله

سن منه همسر اولاندان یانمسان
خوش گونه بو ایوده حسرت قالمسان

سن بو غملی ایوده خوش گون گورمدون
درد الیندن شاد اولوب بیر گُلمدون

مندن اوتری شام اولوبدور گوندوزون
گولماقا حسرت قالوبدور گُل یوزون

مندن اوتری درگهون یاندیردیلار
ویردیلار پهلولرون سندیردلار

مندن اوتری سیلی ویردی دشمنون
چوخ منیم بوینمدا وار حقون سنون

پشت درده سن منه اولدون سپر
دلدی داغلی سینه وی مسمار در

سن دیمه باشون بلاسین بولمدیم
سسلینده فضه نی سس ویرمدیم

اگهم قنفذ نه ظلم ایلوب سنه
بو غمون دنیا بویی بسدور منه

سن یینده سیلی بولدوم فاطمه
اوندا من ئولدوم دیریلدیم فاطمه


@shoaravamadahantabriz

حالات حضرت زهرا(س)
.
مرحوم #انور_اردبیلی
.
هر فرد بشر که ائدر اِمرار ئوز ائوینده
امنیّتی نسبت ئوزینه وار ئوز ائوینده
.
قانون طبیعتدی نظام مدنی دور
آسوده یاشار مسلم و کفّار ئوز ائوینده
.
کانون فراغتدی هر ائو اهلینه سوز یوخ
بیرکس ائده بیلمز بیرینی خوار ئوز ائوینده
.
راحت یاتا حتی گرک هر قوش یوواسیندا
پرّنده لره یتمیه آزار ئوز ائوینده
.
ای پیر خرد وار نه جوابون بو سؤاله
زهرا نه سبب اولدی گرفتار ئوز ائوینده
.
بیر فاطمه کی میوه ی قلبیدی رسوله
دؤزمزدی اولا ذرّه گرفتار ئوز ائوینده
.
باخدوقجا پیمبر اونا بالیده لنردی
ایگلردی گلون احمد مختار ئوز ائوینده
.
فرمایش ائدردی منی زهرا آتا سسله
شاد اولسون آتون مفخر احرار ئوز ائوینده
.
بیر فاطمه که بذلی چوخیدی فقرایه
ائتمزدی دویونجا ئوزی افطار ئوز ائوینده
.
بیر فاطمه کی عاشقیدی صوم و صلاته
ایلردی مناجات سزاوار ئوز ائوینده
.
بیر فاطمه کی نازل اولوب شأنینه کوثر
توهین ائلدی فرقه ی اشرار ئوز ائوینده
.
شیخین خلافت نقدر کج یولا چکدی
زهرایه گونی ایلدیلر تار ئوز ائوینده
.
اندیشه غلط اولسا بشر شرّ اولی مطلق
ناحق یره اخیاری ائدر زار ئوز ائوینده
.
یاندیردی عمر باب همایون علینی
شه بانوی اسلام گوروب نار ئوز ائوینده
.
اودلاندی قاپوم ثانیه ال چک دئدی مندن
زهرائیله گل ایلمه پیکار ئوز ائوینده
.
هر بیر یوزه بو درگه والادی آچیلماز
فکر ائت کیمه گور ایلوسن اخطار ئوز ائوینده
.
تا وار نفسیم بو قاپونی بیرکس آچانماز
گئتسون اوتوسون قوم تبهکار ئوز ائوینده
.
قارداشسیزام اینجیتمه آتام تازه ئولوبدی
قوی فاطمه نی اولسون عزادار ئوز ائوینده
.
فکر ایلیوسوز اولما کمک سیزدی عم اوغلوم
زهرا تک اونا واردی فداکار ئوز ائوینده
.
بیز ایستمدوک امر خلافت سیزون اولسون
قوی راحت اولا عترت اطهار ئوز ائوینده
.
آهولریمی ائوده ملشدیرمه حیا ائت
دورت خوردا بالام قورخودان آغلار ئوز ائوینده
.
باخمادی سوزه ثانی نه بیلدی اونی ائتدی
حقّون ائلدی حقّینی انکار ئوز ائوینده
.
بیر زور وئروب قهریله یانمش قاپی سیندی
زهرا اجلین گوردی پدیدار ئوز ائوینده
.
دیواره که تکیه ائلمیشدی ائله قالدی
سالدی اونی جاندان در و دیوار ئوز ائوینده
.
مسمار امان وئرمدی زهرا گئج ئولردی
دلدی سینه سین اوخ کیمی مسمار ئوز ائوینده
.
سیندی صدف طاهره درّی یره دوشدی
اولدی اجل اول دُرّه خریدار ئوز ائوینده
.
فضّه ائله سسلندی علی چیخدی اطاقدان
گوردی یخیلوب دلبر دلدار ئوز ائوینده
.
نه جای مذمّت وار علیده چتین ایشدور
یارین یارالی درک ایلسه یار ئوز ائوینده
.
ایوای دئدی الله آناسیز قالدی اوشاقلار
بو دورت بالاما کیمدی پرستار ئوز ائوینده
.
اوغلانلاریمون قیزلاریمون گوزیاشی آخماز
دیلدن دوشنیم ایلسه گفتار ئوز ائوینده
.
غشّ ایلیوب حتماً سسیمه سس وئره بیلمور
بیهوش ائلیوب یاریمی اغیار ئوز ائوینده
.
گلسه دیله سسلنسه عم اوغلی غمیم اولماز
بیلّم که علینون کمکی وار ئوز ائوینده
.
حاصل ایشی تقدیر قضا بیر یره چکدی
دوردی ایاقا فاطمه ناچار ئوز ائوینده
.
درک ائتدی علینی باش آچوق قولّاری باغلی
چوخ غصّه لیدور حیدر کرّار ئوز ائوینده
.
میر حرمی ثانی چکور مسجده ساری
شهبازه آچوب شبپره منقار ئوز ائوینده
.
دوتدی ایکی اللی شه دینون اتگیندن
ئوز همدمینه اولدی هوادار ئوز ائوینده
.
@shoaravamadahantabriz

اذان بلال....
بخش1

#خدا_آدیله_او_فعلیکه_ابتدا_اولماز
قصور کامل اولار فعله ابتدا اولماز



خدا آدیله اودور باشلیرام بو مطلبی من
خدادن اوزگه سینه اتکا سزا اولماز



بلال شوری بلالی باشیمدا، الده قلم
اگرچه لایق شأنی سوزوم ادا اولماز



ایدوبدی شور پیمبر بلالی شوریده
ایله مهیّج و پرشور ماجرا اولماز



مؤذن نبوی پیرو حقیقتیدی
مجاز اهلی اولان قلبیده صفا اولماز


همینکه ایلدی رحلت پیمبر رحمت
گوروب رعایت مصداق اِنَّما اولماز



اذانی ترک ایلدی ویرمدی بلال اذان
دیدی که خادم شه خادم گدا اولماز



نقدر ایتدیله خواهش بلال اذان ویرسون
جواب ویردی بو منظور مطلقا اولماز



ابی قحافه نون اوغلی خلافته یتسون
موافق نظر ختم انبیا اولماز



علی وصیّ بلافصل حقی غصب اولسون
بو امره آند اولا اللهه حق رضا اولماز



سفارش ایلدی بیر گون اوزی خانم زهرا
بلال اذان دیمه سن دردیمه دوا اولماز



بابام پیمبری چوخ گوگلوم ایستوری هرچند
سنه امام جماعت او مقتدا اولماز



سسون گَلنده دوشر یادیمه رسول امین
منه تسلّی دل اوزگه بیر صدا اولماز



بلال گوردی بتولین سوزین یره سالسا
موافق دل سلطان اولیا اولماز



گلوبدی مسجد پیغمبره اذان دیماقا
زمان اگرچه دونوب بیرده مامَضی اولماز



بلال حزن تمامیله سویلدی تکبیر
گورن دیدی بیله محزون ایدن صلا اولماز



ایشیتدی فاطمه تکبیری ایلدی تکرار
دیدی که اوزگه سی مستوجب ثنا اولماز



دینده اشهد ان لا اله الا ا...
خانم بویوردی خدادن سوا خدا اولماز



اوچومجی فصلین اذانین دیَن زماندا بلال
قیامت اولدی دیسم گر، سوزوم خطا اولماز



پیمبر آدی سالوبدور مدینیه بیر شور
که حشریده ایله بیر شور غمفزا اولماز



قاریشدی بیربیرینه آغلادی اناث و ذکور
جهان نه قدر اولا ایله بیر بکا اولماز


مدینه دن فلکه وا محمّدا اوجالوب
ایله یاران جگری وا محمّدا اولماز


آتاسینون ایشیدنده گوزل آدین زهرا
دیدی خراب ندن ارضیله سما اولماز


بابا بابا دیدی ازبس یخیلدی ضعف ایلدی
بیله وفالی قیز ایله رئوف آتا اولماز



خبر ویریلدی بلاله دایان بتول اولدی
کسوب سسین دیدی بیرده بو سس رسا اولماز



خیال ایدوب آلا ثانی بلالدین بیعت
او حاضر اولماسا بیر عدّه هکذا اولماز



بلاله عرصه نی چوخ تنگ دوتدی اول بی دین
دیدی خلیفیه اولماق کم اعتنا اولماز



تانور هامی اوزونه پیشوا ابوبکری
تانوماسان اوزیوه سنده پیشوا اولماز



دوتوب او دست خطا کاریله گریبانین
دیدی اولونماسا بیعت یخن رها اولماز



غلامیدون سنی بوبکر آلوب ایدوب آزاد
بو فاش مطلبی ایتماقلیق اختفا اولماز



بلال سویلدی حاشا ایدم اونا بیعت
او فعلی ایلمرم که خدا رضا اولماز



پیمبر امر ایدوب آلدی او ایلدی آزاد
بو کلمه حقّیدی انکار حق سزا اولماز



ولی منی گینه قیترسه ایتسه قول اوزینه
وار اختیاری جوابینده حرف لا اولماز

ادامه دارد🔽🔽


@shoaravamadahantabriz

بخش2

دوباره قول اولوب اوز عمریمی باشا ویرّم
جزاده خصم منه شافع جزا اولماز



اوتان حیا ایله صحّاک زاده شرم ایله
تعدیات اولی گیزلینده برملا اولماز



منیم گیچوبدی چوخی عمریمون آزی قالوری
دوباره عمر جهاندا منه عطا اولماز



جهان فنادی ولی عمر آخرت باقی
بُلن یانندا فنایه بقا فدا اولماز



ایشیتدی بو سوزی خطّابین اوغلی غیظه گلوب
ملاطفت دیدی هرگز سنه روا اولماز



خلاصه بیعت ایله یا مدینه دن چیخ گیت
قبول اوزگه تمنّا و التجا اولماز



بلال گوردی گرک کوچ ایده، یوخ اوزکه علاج
رعایت حرمتی اوردا قالا اولا اولماز



مینوبدی ناقه سینی چیخدی شهر یثربدن
قبول ایلمسه گوردی انزوا اولماز



دیار شامه گیدوب بلکه غصّه سی آزالا
اگرچه اهل ولادن بلا جدا اولماز



یاتوبدی بیر گئجه پیغمبری ایدوب رویا
ایله غلام ایله مولای ذوالعلا اولماز



محبّتیله رسول خدا بویوردی بلال
وفالی دوست بو تیزلیقدا بی وفا اولماز



سبب نه اولدی علیدن نه تیز بیله دویدون
زمان سختیده بیگانه آشنا اولماز



دمشقی سن نیه ویردون مدینیه ترجیح
مگر دمشقیده دنیای دون فنا اولماز؟



بلال اویاندی اوزی نفسینی مخاطب ایدوب
دیدی بو ظلمیدی بوندان بیوک جفا اولماز



علاوه ناخوشیدی سن گلن زمان زهرا
اونا اگرچه سنون گیتماقون دوا اولماز



گینه عیادتی لازیمدی دلشکسته دی چون
اونون عیادتی بی اجر و بی جزا اولماز



دوشوب بو فکره قِییتسون مدینیه بیرده
اگر قِییتمسه شرط وفا ادا اولماز


دوباره یثربه گَلدی دمشقیدن غمگین
اونون او حالی کیمی حال غمفزا اولماز



قالوب ولی متفکر ایکی مرام اوسته
که هانسینی ایلسم نقض مدعا اولماز



گیدوم زیارت پیغمبره ازل گوره سن؟
و یا عیادت زهرایه که صورا اولماز



اگر زیارت پیغمبره ازل گیتسم
گلایه مند یقینیمدی مرتضی اولماز


ادامه دارد


@shoaravamadahantabriz

بخش3

اولار پیمبرین امّا خلاف رفتاری
یقین رضا اونا پیغمبر خدا اولماز



اوزی گَلنده سفردن همیشه پیغمبر
گوزوم گوروب اونا بو کلمه افترا اولماز



ازل گیدردی قیزی فاطمه زیارتینه
اونون ایشی سوزی که وحی دن سوا اولماز



گیدوم عیادت ایدوم بس ازلده زهرانی
صورا بیر ایش اولی موقعده اقتضا اولماز



مصمم اولدی علی دودمانینه گَلسون
ایله غلام وفادار و پارسا اولماز


گَلوب دوگوب قاپونی گور غلامیده ادبی
اجازه ایستمه میش داخل سرا اولماز



گوروم عذابیوی ثانی خدا شدید ایلسون
سنون کیمی بو خلایقده بی حیا اولماز



او محترم قاپونی ظلم اودیندا یاندیردون
و حال آنکه بُلوردون تایی بنا اولماز



ایدوم خلاصه بلالین حکایتین تعقیب
تمامه یتمیه ناقص اگر قالا اولماز



خبر بودور حسنینون بیری گَلوب قاپیه
منیم عقیدمه امّا بو سوز بجا اولماز



گرک قاپونی آچان شاه کربلا اولسون
قاپی آچان او اولان یرده مجتبی اولماز


آچوب قاپونی بلالی گوروب سلام ایلدی
بلاله صبح خیال ایله گور مساء اولماز



باخوب حسینه گوروب حالی چوخ پریشاندور
یوزی ایله سارالوب که ایله طلا اولماز



دولوب پیاله تک اشکیله نرگسی گوزلر
بُلوب او حال بدون غم و بلا اولماز



دیدی او گوزلره قربان اولوم آنان نجه دی؟
شِفا تاپوبدی؟ دوا دردینه و یا اولماز



اوره کلنوب توکوب اشگین یوزه حسین دیدی
توکم سرشگیمی عمریمجه اکتفا اولماز



آنام وفات ایلیوب قالموشام بلال آناسیز
مگر آناسیز اوشاقلار گونی قرا اولماز



اوشاق آناسیز اولونجا اوزی اُله ایکاش
چتین آنا اُلوموندن بیر ابتلا اولماز



گئجه گونوز باجیم اوخشار بیز ایلروق ناله
آتامدان اوزگه بیزه کیمسه هم صدا اولماز


آتا نه قدر اولا مهربان بونی بُلوسن
گینه آنا یری ویرمز گَلوب آنا اولماز



قالوب سسی قولاقیمدا قاپی یانان گوندن
او نوع حادثه واقع ایله بداء اولماز



دیوب بو سوزلری قویدی یوزون یانان قاپیه
ایله سیزیلدادی بیر نی ده اول نوا اولماز



دیدی بلال آناما بوردا بیر یارا دگدی
یتر تمامه بو دنیا ایله یارا اولماز



بو آستانیه آخدی او یاره نین قانی
نه قان که ویرسله دنیانی خونبها اولماز



چاغوردی فضّه نی گَل فضّه گَل بالام اُلدی
ایاقه دورماقا منده داخی قوا اولماز


دی((حافظی)) آدی اسلام ادّعا ایدنه
بشرده دین اولی تزویریله ریا اولماز


@shoaravamadahantabriz

شهادت حضرت زهرا سلام الله علیها

مرحوم عابد تبریزی

سَپَردی دُرّ عَدَن ، ابر چشم گوهربار
ایدردی خون جگر آبشار دیده نثار

بتول غسلنه اشک علی سزادی بلی
یووار بنفشنه نی شبنمله چشم ابر بهار

قرا گجه هامی آفاقی تیره پوش ایتیمش
باتوبدی پرده ی ظلمتده ثابت و سیّار

سپهر عصمتی غم ایلیوبدی ابر اَلود
جمال آینه ی عفّتی دوتوب زنگار

او پاک گوهری تغسیل ایدر علی که یته
وقوعه امر خداوند قادر و قهّار

وگرنه مظهر طُهره لزوم یوخ غسله
که آبرو ایدر افزون سویا دُر شهوار

اولوب عیان نظرینده گذشته خاطره لر
تاپوبلا شکل گوزینده هامی حقیقت وار

گوروب بتولی که شمع حریم وحدتیدی
ایدردی بیت امامتده منتشر انوار

غمنده همدمیدی محنتنده یاوریدی
تمام درد و غمین قلبدن ایدردی کنار

اونیله خانه ی دل رشگ باغ جنّتیدی
سرور و نوریدی صبح و مسا و لیل و نهار

ایدردی لطفی ریاحین عصمتی شاداب
صفاسی ایتمیشدی بیت وحدتی گلزار

تاپاردی لطف و صفا ارغوان و یاس و سمن
ایدردی بسکه بهار ابری تک سرشک نثار

ولیک تاپدی تحوّل او حال ، ایتدی خزان
بهار فاطمه نی دور گنبد دوّار

وفات ختم رسالت دوشوبدی خاطرینه
که روز فاطمه اولدی او غمده لیله ی تار

نه قدر غصّه و غم قلبنه هجوم ایلیوب
قیاس و حصرینه دانادی ایزد دادار

دوشوبدی یادینه بیعت کشاکشی که او گون
پیمبرین قیزی خَلّواُُبنِ عمّی ایتدی شعار

یتنده بو یره افکاری بولمورم یارب
یتوبدی فاطمه غسلی هارا که گتدی قرار

کنار اولوب یوزونی قویدی روی دیواره
چکوب سس آغلادی اول کان صبر و کوه وقار

سوروشدولار نه سبب اولدی آغلادون ، بویوروب
قویوب بو گلده جفا خاری ایله بیر آثار

که گرچه گورماقا امکانی یوخ او آثاری
ویرنده غسلونی ال لمس ایدوبدی بالاجبار

@shoaravamadahantabriz

زبانحال حضرت مولی الموالی (ع) بعد از شهادت حضرت زهرا (س)

مرحوم حسینی سعدی زمان

ائدوبدور ترک چون دنیانی زهرا
علی قالدی پریشانحال و تنها
ائدردی ناله دلده وا حَبیبا
دیردی تیره شبلرده او مولا
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((بو داغلی سینه می فرقت سیخوبدی
علی نین خیبرین غملر ییخوبدی))



یاراتمیشدی منیم آب و گلیمدن
منه دلسوزیدی خویش و ائلیمدن
سیلینمز نقشه سی لوح دلیمدن
اؤزی گئتدی آدی دوشمز دیلیمدن
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((دان اولدوز تک نگار حیدر آخدی
علی نین سینه سین یاندیردی یاخدی))



ئولوم ایستردی کامه چاتدی زهرا
فراقینده منی آغلاتدی زهرا
گوزوندن مرتضانی آتدی زهرا
قرا توپراقلار آلتدا یاتدی زهرا
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((خزانِ غم ائدوبدور یاسی پرپر
بقیعده گئتدی یاتدی قلب حیدر))



گورنده زینبون رنگی پریده
توکر خون دلین رخساره دیده
یارالی قامتی غمدن خمیده
حبیبیم گئتدی دنیادن شهیده
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((نلر گوردی کی قلبین غملر آلدی
جوانیدی ولیکن تئز قوجالدی))



گوزومده روز روشن ظلمت اولدی
بسان غنچه باغریم قانه دوندی
گل نوخیز باغ وحی سولدی
چراغیم گیچدی پرگاریم پوزولدی
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((صفای عشق گئتدی محفلیمدن
ئوزولدی اللریم طوبا گولیمدن))



الهی ای خداوند توانا
یاراتمشدون اونی انسیّه حورا
کنار اولمازدی بیر گون ائودن اصلا
گیجه وقتی هارا تک گئتدی زهرا
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((منیم یاسیم قالوب آلله چمن سیز
یاتوبدورهاردا زینب سیز حسن سیز))



گیچن گونلر گزور مدّ نظرده
گورر زهرانی ، دل چشمی نظرده
چکور شعله یانار بیر اود جگرده
هله قانی قالور مسمار درده
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((یارالی سینیه عالملرآغلار
یانار دیوار، مسمار در آغلار))



ئولوم گرچه بیوک رنج و کَدَردور
ولیکن آیریلیق اوندان بتَردور
اؤزی هر چند غائب از نظردور
ولی گوزده جمالی جلوه گردور
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((اگرچه مرتضاقلبی سینیق دور
ولیکن عمده دردی آیریلیق دور))



الیمدن گئتدی یار دلستانیم
اوجالدی گویلره آه و فغانیم
یانور آهیمله مغز استخوانیم
خدایا نولدی یار مهربانیم
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((نه تئز باشدان علی نین فکرین آتدی
نه تئز گئتدی حریم یاره چاتدی))



گرک قان آغلیام اما صداسیز
حسینیله حسن قالدی آناسیز
یانالّار شمع تک شور و نواسیز
عزیزیم گئتدی قالدیم آشناسیز
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((ئولوب دردآشناسی مرتضانین
سیزیلدور دورت بالاسی مرتضانین))



پیمبردن صورا پشت و پناهیم
فقط زهرائیدی ای دادخواهیم
داخی یوخ بیر نفر امّید گاهیم
سزادور اوج ائده افلاکه آهیم
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((غریب وبیکس وتنهایم آلله
بو گوندن منده بی زهرایم آلله))



منم خیبر شکن دعواده ضرغام
ائدنمزدی منی دلتنگ آلام
الیمدن گئتدی شهبانوی اسلام
کسیلدی طاقتیم سلب اولدی آرام
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((علی داغ فراقه سینه داغلار
پریشان حالینه دریالر آغلار))



علی ای رزملرده شیر قتّال
#حسینی هم سنه نوکردی هم آل
ائدوب دشمن ولی آشفته احوال
سنی زهرای اطهر انتقام آل
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ‏
((#مصیب ناله سین عالملره سال
یازار زهرادن هر روز ومه سال))


@shoaravamadahantabriz

احوالات دفن و بعد از دفن حضرت زهرا سلام الله علیها

مرحوم حاج صادق تائب تبریزی

بخش 1️⃣

یان ای گوگول که دلده کی حسرت شراریدور
آغلا گوزوم که آغلاماقین نو بهاریدور

زهرا وفات ایدوبدی علی ساخلیوب عزا
آغلار گوزیله فاطمه نین سوگواریدور

ایلوب وفالی همدمینی اوز الیله دفن
همدم اونیله آه دل پر شراریدور

گوز یاشینی گوزوندن ایله یاغدیرور یوزه
باران ابرگوزیاشینین شرمساریدور

آغلارگوزیله قبربتوله خطاب ایدر
سنده یاتان رسول خدا یادگاریدور

ایله خانومدی مثلی بو دنیایه گلمیوب
گلمزنقدر دوره ده دوران مداریدور

داغلار بویی اورکده غم و غصه جانویروب
همراه اوزیله درددل بی شماریدور

آزعمرایدوب آزعمرده چوخ انجیدوبدیلر
یورقون گلوبدی خسته و جود نزاریدور

قلبینده آرزولری قالموش جوان اُلوب
همدم اونیله نسگل اندوه باریدور

سنمیش قاپیم یاناندا اونون سروقامتی
بیرقانلی آستانه اونون جویباریدور

بیر شاخ لاله دورکه سنوب تازه غنچه سی
بیرقانلی قتلگاه اونون لاله زاریدور

بطحا غزالیدور بونی مجروح ایدوبدولر
صیّاد مرگین ایمدی یارالی شکاریدور

جان جهاندی جانکیمی باس باغریوا ولی
اینجیتمه جسمی دست جفا زخمداریدور

پهلو شکسته ال یارا مجروح سینه سی
گیزلتدّیقی مصیبتنون آشکاریدور

زهرادی واردی زهره جمالینده ال یری
لطمه گوروبدی نیلی سیمین عذاریدور

یانمازنجه دلیم نیه سنماز منیم بلیم
ارخام گیدوب بوکن بلیمی غصّه باریدور

شهبازیدیم بتول گیدوب سندی شهپریم
پرَسیز قوش آشیانه سی دارالقریدور

بیرداغ چکدی سینمه زهراگیدن زمان
حشره کیمی او داغین اورک داغداریدور

غم غصّه روحومی داخی محبوس ایدوب منیم
جاندان اوساندیران منی غملر فشاریدور

نه خیروار جهانیده مرضیّه دن صورا
مرضیّه سیز جهان منه مِحنت حصاریدور

ایکاش اجل تاپا منی منده خلاص اولام
بوگوزلریم او پیک اجل انتظاریدور

بیجا دگول که من ایدورم اُلماق آرزو
بوآرزو آدامسیزین انجام کاریدور

قورخوم بودورکه چوخ یاشیم غصه چوخ گورم
بو زندگی بوبی کسه روح انزجاریدور

مشهوردورآچار دوتولان قلبی آغلاماق
امّا منیم دلیم گره دردی کاریدور

هرقدرآغلورام گنه قلبیم آچولموری
قلبیم اگرچه درد وبلا بردباریدور

مرضیّه سیزبوگویلوم آچولسون منیم نجه
دلدن سیلینمین غم و مِحنت غباریدور

نسگللری دوشر یادیما یانّام آغلارام
آغلارگوزوم اُلونجه اونون اشگباریدور

تا زنده ام بتول فراقینده آغلارام
اُلسمد آه و ناله بو روحیم شعاریدور


ادامه ⬇️⬇️


@shoaravamadahantabriz

بخش 2️⃣

مشکل بیراولسا حلّ اولی بوگیردارده
مظلوم اولان علی ایکی مشکل دچاریدور

قبربتولی ترک ایده قویمور علاقه سی
چون که بتول روحدن آرتوخ نگاریدور

قالسون نجه اوشاقلاری باشسیز قالوبدیلار
چوخ ناگران بو بارده قلب فکایدور

روحی بو یرده فکری اوشاقلار یانوندای
شوره گلن او اودلی دل شورباریدور

بوردا علی سیزیلدیری یا فاطمه دیور
ایوده گویه چیخان بالالارآه وزاریدور

آغلارگوزیله دوردی گیدوب منزله گوره
زینب نجه یتیم لرین غمگساریدور

گوز یاشینی سیلوب بالالارگورمه سین اونون
گوهراولاندا نثاردیدۀ گوهر نثاریدور

وارد اولاندا گوردی حسین وای آنا دیر
درّ یتیمیله دولی چشم خماریدور

آغلارحسن ویرار قزی کلثوم سینیه
ایوگلشن عزادی اوشاقلار هزاریدور

بلبل لریله اولدی هم آواز باغبان
آغلادیلار دیردیلر شیون بهاریدور

مولا باخوب بالالارا دولدوردی گوزلرین
یعنی علیده فاطمه نین سوگواریدور

فرمایش ایتدی زینبیم اوخشا من آغلیوم
دورمورگوزومده گوزیاشی غم چشمه ساریدور

قزلارآنایه چوخ گوزل اوخشارگوزل قیزیم
اوخشا او اوخشاماق آناسیزلار شعاریدور

زینب یانقلی اوخشادی شیرحق آغلادی
ماتم نشینون آری بو رسم و قراریدور

تا آغلادی علی بالالار دگدی بیربیره
گویا که آل فاطمه روز شماریدور

زینبده آغلاماقی آناسوندان اورگشوب
زهرا بلالی زینبین آموزگاریدور

#تائب ولایت اهلیدی آل رسالتین
هم نوحه خوانی دور و هم نوحه نگاریدور

بسدور بوافتخار ایکی دنیاده #تائبه
مولا بویورسا فاطمه خدمتگزاریدور

@shoaravamadahantabriz

وصیت حضرت زهرا سلام الله علیها


مرحوم دلریش


ئولورم عم اوغلی دلده
غم بی نهایتیم وار
ایله سن قبولِ زحمت
سنه بیر وصیتیم وار


بولورم بو غمده زینب شه مشرقینیم آغلار
گلر عترتیم فغانه ایکی نور عینیم آغلار
باشیم اوسته باش آچاللار حسن و حسینیم آغلار
اولارا تسلّی وئر سن منیم استراحتیم وار


گجه لر حسین یاتاردی منیلن شه مدینه
اونا خوابگه اولوردی آییلان زمان بو سینه
آناسیز قالور انیس اول اونا سن آنا یرینه
بولوسن منیمده سن تک اونا چوخ محبتیم وار


بویوروب بابام حسینون باشنون بلاسی چوخدور
کسیلور قفادن او باش بیله ماجراسی چوخدور
قویاجاق کول اوسته باشین ستم جفاسی چوخدور
گئدرم زیارتینه او باشیله اُلفتیم وار


بو شکسته خاطریم تک باتاجاق ملاله زینب
آناسیزلیقین دمادم سالاجاق خیاله زینب
نقدر حیاتی واردور ایده جاقدی ناله زینب
اونا ارث اولور عم اوغلی نقدر مصیبتیم وار


اونا وئر تسلی هر دم گله قویما چوخ فغانه
اولی دستگیر بولّم ستمیله کوفیانه
او بلاکشه منیم تک ووراجاقلا تازیانه
دؤزر هر بلایه اصلا دئمز هئچ شکایتیم وار


گتورور منیم بو عرضیم سنی گر چه آه و زاره
گئجه غسل وئر عم اوغلی من زار و دلفکارهائشیدینجه اهل کینه کفن ایله قوی مزاره
گله لر جنازه م اوسته اولارا نه نسبتیم وار


شه لافتایه زهرا ایله کیم ائدوب وصیت
ایلیوب غروب گون تک یئرینه او شمس عصمت
حسنین اولوب خبردار گلوب ائتدیلر قیامت
سوله دی حسین آنا جان سنه بیرجه حاجتیم وار


بیزی ساغلیقون کیمی سن اگر آلماسان کناره
توکروخ سرشک دیده آناجان بو زرد عذاره
بولوروخ داخی ئولونجه سنی گورمروخ دوباره
گوزون آچ گور ای بلاکش نئجه غملی حالتیم وار


کفن ایچره ایلدی چون آنالوق محبّتی جوش
قولین آچدی ائتدی اول دم حسنینی زیب آغوش
بئله غملی ماجرانی ائلیوم نئجه فراموش
سالی کربلانی یاده اودی دیلده محنتیم وار



@shoaravamadahantabriz

زبانحال حضرت علی علیه السلام در بقیع


مرحوم علی اکبر حامدی ( حامد تبریزی )

فرقت زهرا مؤثر اولدی بس که بوترابه
جسمینی قبره قویاندا بیله تاپشوردی ترابه



ای بقیع تُپراقی ساخلا پیکر زهرانی راحت
گورمیوب خوش گون جهاندا چوخ چکوب جور و مشقت



بو گل باغ جناندور واریدی چوخ چوخ طراوت
سالدی ظلمیله طراوتدن بونی اهل عداوت
آفت ظلمیله سولدی بو گل ختم رسالت
وار یری اوز گردشیندن چرخ دون اولسا خجالت



بو گل گلزار طاهادی حبیبه کردگاره
گلسه مین عالم نظیری بیرده گلمز روزگاره
چوخ گوروب دهرین فشارین سالما چوخ سنده فشاره
نازینی چک خسته دور یورقوندی چوخ گورموش مصیبت



تیره لندی کثرت غمدن جهان آغلار گوزینده
پرده چک رخسارینه جان وار علینین بو سوزینده
گورمسون جدی پیمبر ضرب سیلی صورتینده
نقش بند اولموش عذارینده اسفلی بیر علامت



محنت هجرینده جانه گلمیشم من زار و خسته
سنده چک بیر پرده زهرانین بو جسم زاری اوسته
گورمسون زهرا ملاقات ائتسه اعضاسین شکسته
جدی پیغمبر که یوخ جسمینده بیر جای سلامت



آیریلوب اوغلانلاریندان مطلقا گریاندی روحی
کفن ایدنده جان کیمی آلدی کناره یاندی روحی
آغلادوب اهل سمانی گور نجه اودلاندی روحی
داغ هجرانی قالار دللرده تا روز قیامت



گرچه من دفن ائتدیم اما گور نجه افسرده یاتدی
ضرب سیلیدن یانان یوز تازه دن تپراقه باتدی
چون بلادن فارغ اولدی مطلقا مقصوده چاتدی
بیرده هرگز ایلمز بیر کیمسه آزار و اذیت



نسگلی چوخدور حقیقت کشف اولا دنیانی داغلار
آغلورام من قبری اوسته ائوده ده اطفالی آغلار
ایمدی گوز یاشین حسینی صفحۀ رخساره باغلار
چون گیدوب الدن آناسی ناله سینده واردی شدّت



ایلیوم نچاره گیتماقه ائوه گلمور یوزیمدن
وار یری اشکیم یرینه قان آخا آغلار گوزیمدن
ایلورم حالین قیاس اطفالین آخر اوز اوزیمدن
من بو احواله قالاندا گور اولاردا وار نه حالت



گر ائوه گیتسم حسین ایستر آناسین نیلیوم من
گیتمسم سسلر آنا ایوای ایدر فریاد و شیون
« حامدا » زهرا غمی آل رسولی سالدی دلدن
کیم دوزر بو ابتلایه نیلسون شاه ولایت


@shoaravamadahantabriz

حضرت_زهرا_س



صدف چشم من از داغ تو گوهر بارست
چه کنم؟! کار علی بی تو به عالم، زارست

اشتیاق تو مرا می‏کشد از خانه برون
ور نه از خانه برون آمدنم، دشوارست

موقع آمد و شد، فاطمه جان! می‏بینم
دیده‏ ی زینب تو مات در و دیوارست

به گواهی شب و، زمزمه‏ ی مرغ سحر
اهل یثرب همه خوابند و، علی بیدارست

روز در خانه، پرستار حسین و حسنم
کمکم کن، که نگهداری شان دشوارست

یاد آن روز که با زینب تو می‏گفتم...
دخترم، گریه مکن، مادرتان بیمارست

چاه داند که به من، عمر چه سان می‏گذرد
قصه، کوتاه کنم ور نه سخن بسیارست

بشنو از شاعر "ژولیده"، تو راز دل من
صدف چشم من از داغ تو، گوهر بارست

ژوليده_نيشابوری

@shoaravamadahantabriz

زبانحال حضرت زهرا (س) در آخرین لحظات با حضرت امیرالمومنین (ع)

مرحوم حاج کریم صافی تبریزی

ای رخ زیباسی گون تک
مطلع انوار عم اوغلی
گورنجه اولموش گوزیمده
روز روشن تا عم اوغلی

کُر::
بیر نفس اول منه یار عم اوغلی
قالماسون دلده اسرار عم اوغلی


آب و خاک و باد و آتش
گورمیوب من تک بلاکش
هانسی غم کشلر کشاکش
گوردی زهرا وار عم اوغلی


دوقوز ایل دار فناده
گر چه بو دولت سراده
سنله اولدوم هم اراده
ایلدیم رفتار عم اوغلی


بیر نفس اول منله بسدور
خوش دمیم چون بونفسدور
قصه پروار هوسدور
بیر بودم دیدار عم اوغلی


گچدی روز و روزگاریم
آه و افغان اولدی کاریم
قالدی مندن یادگاریم
دیده خونبار عم اوغلی


ایلیم قویمازدی امت
اوز ایویمده ناله راحت
گورمدیم بسدور بو محنت
سایه دیوار عم اوغلی


گورسنور افسرده گلده
وار نه لر بو غنچه دلده
نه دیوم من یوخدی دلده
طاقت گفتار عم اوغلی


گرچه بو انواع صحبت
دردسر دور رنج و محنت
فرض دور اما وصیت
ایلمک اظهار عم اوغلی


اولاً عرضیم بودور سن
اختیار ایتسن اگر زن
اولسا خُلقی خَلقی احسن
اختیارون وار عم اوغلی


هر گجه ذوق و خیالون
صبحه دین خوش قیلساحالون
بیر گجه جمع ایت عیالون
باشه اول غم خوار عم اوغلی


وار یری اولسا گلستان
زینب و کلثومه زندان
پای بند وصله هجران
سخت اولور دشوار عم اوغلی


بیرده عرضیم منکه ئولَّم
هر نه واقع اولسا بُلَّم
جنت ایچره سانما گولَّم
قیلسان آه زار عم اوغلی


ویر گجه غسل ایله تکفین
قویما قالسون صبحه تدفین
نارضایم گورسه بدبین
زمره اشرار عم اوغلی


خواهشیم وار بیرده سندن
کچ قصوریم اولسا مندن
بو حسینیله حسندن
اینجمه زینهار عم اوغلی


باغلیوب روحیم علاقه
بو ایکی غم اتفاقه
جفت دور اوخشالا طاقه
بیردی بو آثار عم اوغلی


بونلار حقینده مکرر
چون دیری بعض سوزلر
عالمه رحمت پغمبر
احمد مختار عم اوغلی


آشکارادور بو مطلب
بدوده اولموش مرتب
بو ایکی رخشنده کوکب
چوخ گورر آزار عم اوغلی


بو کی اوغلوم مجتبادور
قسمتی زهر جفادور
چونکه تقدیر خدادور
بو مقدر کار عم اوغلی


بولموشم اوغلوم حسینه
بو نجات عالمینه
قوت جان نور عینه
نیلر اهل نار عم اوغلی


ذکری کچمیش اولینده
قتل هر کس مقتلینده
قاتل اولموش شمر الینده
خنجر خونخوار عم اوغلی


کربلاده نور یزدان
بی خبر اولجاق فروزان
ایلر عشاقین شتابان
جلوه دلدار عم اوغلی


تا دوتار شور حسینی
آرتورور نور حسینی
آدلانور طور حسینی
قان دولان کهسار عم اوغلی


گول آچار اوخ پیکرینده
خنجر آغلار حنجرینده
سهلدور باش اللرینده
قطع ایدر کفار عم اوغلی


«صافیا» اولموش نه حادث
بو قدر تطویله باعث
قورخورام آچسون مباحث
اولسا چوخ تکرار عم اوغلی


@shoaravamadahantabriz

زبانحال حضرت زهرا سلام الله علیها


مرحوم میرزا محمد روفه گر

یا علی گل باشیم اوسته گیچدی حدّن انتظاریم
مجلس وصله عم اوغلی ایلیوب دعوت نگاریم
ـــــــــــــــــــــــــ
( ناطق قرآن عم اوغلی
معنی قرآن عم اوغلی ) ( 2 )

یا ::
( ای مسیحایه ویرن دم
اسم پاکی اسم اعظم ) ( 2 )
ـــــــــــــــــــــــــ




رهروان کوی عشقه منده اولدوم رهروانی
وار مسافرلر سیاقیله وجودیمده نشانی
تندرودور توسن مرگیم بویوکدور داستانی
محضر وصلونده بر بر سایماقا وار افتخاریم




سینمون آئینه سین بار ایلیوب زنگ کدورت
گوزیاشیم صیقل ویرنده گوسترور بیر اوزگه صورت
مه شمایلدور جبینونده یازیلمیش حکم فرقت
تا نظر سالدیم توکوندی گیتدی الدن اختیاریم




من سپهر عصمته بیر آفتاب شعشعانم
بر نچه لحظه وصالوئن خیمه سینده میهمانم
کاروان مرگ عقه من امیر کاروانم
منزلیم اول بقیعدور بزم یاره رهگذاریم




خاک غم هر دم الندی باشه غربال فلکدن
ناله ی واحسرتا گلدی ثریا و سمکدن
من ابوبکرین ایوینده ایلدیم صحبت فدکدن
یاغ کیمی قلب ابوبکری اریتدی آه و زاریم




یانمادی عالم ندن بس اوددا درباریم یاناندا
تازیانه الده قنفذ حقّیمی دشمن آلاندا
سقط اولوب محسن لگدکوب اولدی جانیم اول زماندا
وصل یاره یتماقا وار دلده عمده انتظاریم



@shoaravamadahantabriz
میزبانیم ایستیوبدی عشقیمه نچّه نشانه
یوزده بیر سیلی یری قولّاردا نقش تازیانه
ایتمیشم موجود منده گوسترم تا میزبانه
خُرد خُرد اولموش سینیق پهلومه باخسین نازلی یاریم




خوابگاه مدفن ظلمتده یاتماقدان خوام من
دولموشام ئولماق خیالیله حیاتیمدن بوشام من
باب پیغمبر یانان گوندن وجوداً ناخوشام من
بعضی سرّی سوزلره سنسن محلّ اعتباریم




اوج ایدر جنّتدن افلاکه فغان و شور و ینیم
اوخ دگر قلبین یارار آتدان دوشر بو نور عینیم
خنجر شمرین دمینده جان ویرر تشنه حسینیم
عالمی ظلمت دوتار یکرنگ اولار لیل و نهاریم




سنده منده اولماروق بر گون دیار کربلاده
خیمه لر تاراجینه شام اهلی ایلله اراده
خردا قیزلار چوللره قاچسا عم اوغلی پا پیاده
کیم یغار باغلار طنابه یولّانار شامه قطاریم




فوج مژگان تک دوشر اوخلار وجودونده نظامه
گیزلنر جسمی یازالّار سینه سینده غملی نامه
پیکری قالسون قوم اوسته باشی گیتسون شهر شامه
قویماسون مجلسده سنسون درّ دندان کباریم




من حسینی لر ایچینده باغلیم محکم کمنده
قید اعمال تجسّم شهر ایچینده ویردی بنده
ایستوری قبرون « رفوگر » گل آقا لطف ایله سنده
ایسته بیر وقفه گوراخ نیلر او حق پروردگاریم


@shoaravamadahantabriz