🌺چند دوبیتی #لری_بالاگریوه_ای از استاد #رحمان_مریدی_بیرانوند

یِنونِی کِه تو دینی هِه وِ پیشِن
دِ ری وا یَکتِری چی گرگ و میشِن

دِ پُشت ِ پَردَه دَسشو ها دِ مِل یَک
خوشو وا یَک بِرارِن،قوم و خویشن

#دینی: می بینی( در خرم آبادی: میینی)
#د_ری: در ظاهر
#مل: گردن
#یکتری: یکدیگر
#ها: هست، قرار دارد
🌺🌸🌺🌸🌺🌸🌺🌸🌺🌸
اِنَه سَردِت دیارَه بی بلا نئ
چنو ها روی کِه ویرِت وا دِما نئ

گِمونِم بَستیَه دِل وهِ مِرادئ
دیارَه کابِرا حالت وه جا نی

#انه : نفس
#ها_روی: داری می روی( در لری خرم آبادی: ها مئری)
#کابرا: طرف، یارو، فلانی
#دما: عقب، پشت سر
#دیار: آشکار، معلوم
🌸🌸🌸🌸🌸🌸🌸🌸🌸

تیا کالت درآورده دمارم
سیا کردن وهِ ساتئ روزگارم

نِوینی دِ لویاکِه تَش دِ بارِت
وه تالو بُردِنَه ایمشو قرارم
#تیا: چشمان
#کال: قهوه ای روشن
#لویاکه: آن لبهای
#تش_د_بار: پرحرارت، آتش_افروز
#تالون( تالو): تاراج، غارت


#رحمــان_مــــــریدی_بیرانوند


🔹نکته: لری بالاگریوه ای یکی از گویش های غنی لری مینجایی است. گویش های بالاگریوه ای، خرم آبادی، شوهانی( در ایلام و عراق)، سیلاخوری ( در دورود)، گیونی( در نهاوند) .... لری مینجایی را تشکیل می دهند.

البته لری ثلاثی( مخصوصا لری ثلاثی اصیل) نیز در اصل امتداد و انشعابی از همین لری مینجایی است که در صرف پاره ای از افعال و کلمات به فارسی نزدیک شده است ولی معمولا آن را به عنوان شاخه ای جدا به شمار می آورند.