#ona #hayotiy #new #ijod_time

ONA SIZNI ALLOH ASRASIN

Ko'rishganda bir qiyomatda
Nasib jannat darvozasida
Jannatiylar koshonasida
Sizni ko'rish nasib aylasin
Ona, sizni Alloh asrasin.

Pok qalbimga ega ko'zingiz
Sajdagohim sizning o'zingiz
Menga yo'l chiroqdir so'zingiz
Makkatulloh visol aylasin
Ona, sizni Alloh asrasin.

Yillar ranji - oq soch tolasi
Ichga yutgan barcha nolasin
Rizvonning farag'baxsh lolasin
Farishtalar sizga shaylasin
Ona, sizni Alloh asrasin.

Yuzingizdan taralgan bu nur
Zam-zam misol qalbimga huzur
Munosib emasman men uzur
Yetti pari kuyin kuylasin
Ona, sizni Alloh asrasin.

Yo'lingizga payondoz bo'lay
Mehringizdan ko'nglim soz bo'lay
Sizga doim men dilroz bo'lay
Ummat oxiratin o'ylasin
Ona, sizni Alloh asrasin.

Ko'z yoshingiz men uchun anduh
Quvonchingiz vujudimga ruh
Alhamdulillah aytay qulluq
Jannatim, ko'zingiz so'ylasin
Ona, sizni Alloh asrasin.

Balo-qazolardan saqlasin
Umrim ishonchingiz oqlasin
Du dunyo saodat yoqlasin
Borlig'im ham fido aylansin
Ona, sizni Alloh asrasin.

Kalandarov Rustam

https://tttttt.me/joinchat/AAAAADwROIl2Eg9zT1-n5Q



Ⓜ️anba: @sherlar


        👍 #like_boss👇