СИЗ МЕНГА КЕРАКСИЗ...

Гоҳ бахтдан сархушман, гоҳ дунё биркам,
Гоҳи дилозорлар етказса ситам.
Синган юрагимга бўлгани малҳам,
Сиз менга кераксиз, менга кераксиз.

Ҳаёлимни бузса душманим- гумон,
Икки ўт ичинда титраса виждон.
Йўлларимни бошлаб Аллоҳга томон,
Сиз менга кераксиз, менга кераксиз.

Биламан, ғам чексам дардингиз ошар,
Кулсам, севинчингиз қирғоқдан тошар.
Кимлар ишқимизга ҳавасда яшар,
Сиз менга кераксиз, менга кераксиз.

Ёнимда бўлсангиз новвот тотганим,
Кўнглим туб-тубига уфқдек ботганим.
Етти миллиард инсон ичра топганим,
Сиз менга кераксиз, менга кераксиз.

Қаро тунларимда ойдек тўлиш-чун,
Бир умр ёнимда бахтли бўлиш-чун.
Кун келиб қарисам бирга ўлиш-чун,
Сиз менга кераксиз, менга кераксиз.

✍ Дилобар Ўролова


https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

*НОЯБРЬ*

Совуқдан сарғайиб барглар тўкилган,
Булутлар йиғлаган, йиғлаган осмон,
Хануз бир хадикдан кўнглим ўкинган,
Кўз ёш тўкишингдан қўрқаман ёмон.

Шахарни ёритган тунги чироқлар,
Хамон хонангдаги чироқ ўчмаган.
Вужудингни қамраб олар титроқлар,
Зулматдан қўрқувинг сира кетмаган.

Соғинч кўзларингни қирғоғин ювган,
Ох яна бедорсан, бедор, интизор,
Тилинга келмаган дилга кўмилган,
Хислар занжирлаган исхорларинг бор.

Деразангни чертар ёмғирлар яна,
Ойнадан боқасан жимгина хомуш.
Қулоғинг туймаган анчадан буён,
Оромингни олган мана шу товуш.

Куз, Ноябр, соябон ва сен,
Ва яна илиган бир финжон қахва.
Ўтмиш, кундаликка битилган бу энг,
Ширин хотирадир, ўчмас сахифа.

Азизим ўзингни ёлғиз хис қилма,
Хали бу соғинчнинг кунлари битар,
Дийдор онимизга бир қадам қолди,
Иккимизни қайноқ чойхўрлик кутар..

✍Абдумуталиб Эргашалиев

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

🎭  IMTIHON

Asli hayot imtihon,
Banda savol qoshida.
Yurak oʻynar erta tong,
Attestatsiya boshida.

Qilayin deb bir savob,
Javobni hoʼp narxlabdi.
Barida toʻgʻri javob,
Bir nuqtadan farqlabdi.

Tuzuvchi talpinibdi,
Yuqoriga yoqishga.
Oʻylashning imkoni yoʼq,
Vaqt berilgan boqishga.

Bir tomonda soniyalar,
Oladi koʼz oldini.
Bir zumdan soʼng saralar,
Oʼtdi yoki qoldini.

Qator toʼgʻri javobdan,
Bir nuqtani topolmay.
Qaytdim olmay savobdan,
Imtihonni yopolmay.

Bir dil essiz deya ketar,
Bir til imkon bor hali.
Kim holimdan surat kutar,
Kimdir soʼrar kulgali.

Yurardingiz boshingizni,
Kitoblardan koʻtarmay.
Aylanib yeng oshingizni,
Qaytibsizda oʼtolmay.

Biri omad deya boqar,
Biri deydi bilim kam.
Oʼtmaganim kimga yoqar,
Kimdir tortar bundan nam.

Farzandini yaratganga,
Omonatga bergan jon .
Savollarni tuzgan banda,
Qayta boʼlgay imtihon.

Qayerda oʼt,qayda ofat,
Bari ortda qoldida.
Siz oʻtishni oʼylang faqat,
Yaratganning oldida.

Qayta savol bermas olloh,
Bir-bir oʼtar har bir jon.
Javob faqat savob -gunoh,
Haqidadir imtihon.

Yutmagaysiz aslo bunda,
Tanlab toʻgʻri javobni.
Oʼqib boring har bir kunda,
Javob uchun savobni.

📝SURAYYO XATAMOVA
Sheroli qizi

SAMARQAND🇺🇿JOMBOY



https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

***

Ахир гўзал эди ҳаммаси ғоят,
Бахт ҳам бунёд эди бутун бўйи-ла.
Ногоҳ ўз куйига ўйнатди ҳаёт,
Икки дил икки ён кетди, ўйи-ла.

Эҳтимол, қийнайди сени ҳам савол,
Надоматки, куйдик, ишқдан панд едик.
Топмаганда ҳали муҳаббат завол,
Ёдингдами, қандай бахтиёр эдик?!

✍ Дилобар Ўролова


https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

*БАЙРОҒИМ*

Озод ва обод эл, Мустақил диёр,
Жонажон ўзбегим, Ўзбекистоним.
Отамсан онамсан, дуоси мадор,
Кўкларда хилпираб турсин байроғим.

Киндик қон тўкилган замин муқаддас,
Муқаддас тандиру ўчоғ, айвони,
Мадхинг охангига тушиб чамбарчас,
Кўкларда хилпираб турсин байроғим.

Неча минг жонлари фидолар сабаб,
Зехинли довюрак, донолар сабаб,
Хар назар солганда кўзларим порлаб,
Кўкларда хилпираб турсин байроғим.

Номинг улуғламоқ бизга ифтиҳор,
Поклик ва яшнаган азиз тупроғим.
Жисмимда жўш урган қон ила виқор,
Кўкларда хилпираб турсин байроғим.

Аллоҳнинг назари тушган бу юртга,
Тўрт фасли бор бўлган Жаннатмаконим.
Фахр этиб байроғим суртаман кўзга,
Кўкларда хилпираб турсин байроғим.

18-Ноябр Ўзбекистон Республикаси Давлат Байроғи қабул қилинган кун!

✍Абдумуталиб Эргашалиев

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

Увол бўлган қора қоғозлар,
Кечиринглар кечиролсангиз!
Юракдаги дардларим хатга,
Ёзиб беринг, кўчиролсангиз!?

Якунига етмаган хатлар,
Уволингиз тутмасми мени?!
Қоралама шеърлар битилган,
Вароқларим ютмасми мени?!

Ғижимланган, букилган, синган,
Бурчакларда тоғ бўлган шеърлар!
Қоғозларга тўкилолмаган,
Нозик хислар қалбимни йерлар...

Кечиринглар кечиролсангиз,
Ярим бўлиб туғилган сўзлар,
Ғурурига таслим қиларкан,
Муҳаббатин иффатли қизлар...

✍️Камола Абдувалиева

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

KULIB QO'YING...

O'tkinchi bu umr o'tib ketadi
Boylik ham kimgadir bir kun ketadi.
Yig'lamang, shod yuring menga yetadi,
Kulib yuring, dunyo g'amidan.

Sarhadi keng dunyo bizga kelsa tor,
Nochorlikda qiyo boqmas hatto yor,
Qo'l siltang, yurakka bersalar ozor
Kulib yuring, dunyo g'amidan.

Yelkadan tushmasa botmon alamlar,
Faryod ursa yurak, chekkanda g'amlar.
Maylida deb qo'ying, g'animat damlar,
Kulib turing dunyo g'amidan.

Sizda bor armonlar, barchada bisyor,
Qayg'uni unuting, bo'lmang unga yor,
Sizdan kechib ketsa, bo'ladilar zor
Kulib qo'ying dunyo g'amidan.

Yurak so'kilsada tubi chokidan,
Dunyo titrasa ojiz ohidan.
Qo'rqmasa nodonlar bor gunohidan,
Jilmayib qo'ying dunyo g'amidan.

Sirlashib tonggacha yulduzlar bilan
Shukurlar qilaylik shodonlik ila,
Kechirib qo'yamiz kulib jimgina
Kulib qo'ying dunyo g'amidan.

IRODAXON QOSIMOVA.
11.07.2023.  19:30.

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

OQIBAT

Qattiq nonni turli millat,
Tengga boʻlib yegan ekan.
Koʻzlariga surtib donni,
Shukr Olloh degan ekan.

Bu dunyoning u chetida ,
Ekan ular vatani.
Bu chetida ardoqlashib,
Sizlabdilar otani.

Har kun qaynar atala,
Dasturxonda qattiq non.
Ular uchun ertalab ,
Ota keltirdi iymon.

Yoʻq ochlikka chidaymiz,
Chetga surib iymonni.
Har galgiday chaynaymiz,
Bugun ham qattiq nonni.

Bu kuniga kiribdi,
Ota tongda yoʻtalib.
Dasturxonga suribdi,
Oqibatni koʻtarib.

Yenglar manglar qoʻymanglar,
Yana oʻzni oldirib.
Bari atala yalar,
Oqibatni qoldirib.

Barin otaga tutib,
Olib qoʻying bularni.
Faqatgina yemasdan,
Ishlatamiz ularni.

U zamonlar oʻtibdi,
Kelibdi yorugʻ kunlar.
Kabob, palov isidan,
Taralibdi tutunlar.

Neʼmatlarga avlodning,
Ketib koʼzi qamashib.
Iymon ,insof,vijdonni,
Yebdi bir-bir adashib.

📝muallif:Surayyo Xatamova
SHeroli qizi

SAMARQAND🇺🇿JOMBOY


https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

АЁЛНИ КАМСИТМАНГ

Аёлни камситманг, у гўзал зийнат,
Ҳар недан устундир Ҳақ адолати.
Отасига, сўнгра фарзандга Жаннат,
Ҳадя этмоқликка бор ваколати.
⚡️⚡️⚡️

Аёлни камситманг, меҳрга ўранг
Ёмон сўз кўксини олади ўйиб.
Аллоҳим эьзозлаб қўйибди қаранг,
Оёғин остига жаннатни қўйиб.
⚡️⚡️⚡️

Аёлни камситманг, эрнинг ярмини,
Тўлдириб тургувчи фариштасидир.
Фарзандин камолга бошлаб боргувчи,
Ҳикматли ақлнинг соҳибасидир.
⚡️⚡️⚡️

Аёлни камситманг, у дунё дардин,
Кўтариб юришга кучи етади.
Хўрласангиз, сабри яшасада жим
Аммо қалби сизни ташлаб кетади.
⚡️⚡️⚡️

Аёлни камситманг, сўзламанг тахир,
Кўнглини синдирар дўқ дағдағангиз.
Ширин сўз, меҳрингиз қизғониб охир,
Синиб кетмасинда чап қовурғангиз...

✍ ДИЛДОРА АБДИНАЗАРОВА.
🎤 ЖАМШИД СУЛТОНОВ.
👇Каналга аьзо бўлиш

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

ИШҚ

Томчи денгиз ишқида ёниб,
Ошиқади мудом у томон.
Завқ аталмиш уловга миниб,
Етмоқ истар, бўлиб соғ-омон.


Йўлда учрар ғанимлар бисёр,
Қуёш, тупроқ, шамол қўрқинчи.
Асло қайтмас, бўлса-да ночор,
Чунки бордир денгиз соғинчи.


Сел, ёмғирлар ёрдамга шошиб.
Тўсиқлардан соғ-омон ўтар.
Кўп синовли йўлларни босиб,
Томчи денгиз васлига етар.


Ҳақиқий ишқ, ҳақиқий соғинч,
Ҳажр қулфин очиб беради.
Ўзингдан воз кечган кун, бу ишқ,
Ўзлигингни топиб беради.

✍️Дилдора Абдиназарова

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

****
УМР ЙЎЛЛАРИМДА..
Умр йўлларимда борардим сокин,
Кичкина жуссамда мингбир тавишим.
Ҳатто кулиб турган кўзлар ортига,
Қанча дардларимни яшириш ишим.

Умр йўлларимда кетмаяпман жим,
Кимдир хайратидан беради савол.
Нафас олмаяпман-ку шуниси мухим,
Қолган ҳар синовга куйуниш увол.

Умр йўлларимда бораман шахдам,
Гўё ҳеч ташвишдан хабарим йўқдай.
Жилмайиб енгаман келганида ғамим,
Юракка ботса ҳам мисоли ўқдай.

Умр йўлларимда қадамим илдам,
Вақт гўё кафтдаги тўла қум мисол.
Бармоқ орасидан тўкилар тинмай,
Куним ўтаверар шамол бамисол.

Умр йўлларимни мемори Худо,
Иддао қилишга ҳақ ҳуқуқим йўқ.
Кўз очиб юмдиму ўтди қанчаси,
Фақат шукур қилимоқ бошқа бир сўз йўқ...

Дилфуза Саттарова шеъри

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

Qoʻllarim ochayin duvoga bugun,
Ollohim shifo ber farzandim uchun.
Gul yuzi doimo quvonib tursin,
Tengqurlari qatori yugurib yursin........

Unutay bugungi gʻamli kunlarim.
Nigohiga boqib yigʻlaganlarim.
Armon etma menga bolam sogʻligin,
Undan koʻra olgin mening borligim.......

Qoʻrqaman- nogohon men oʻlib qolsam
Mehribonim holi nima kechadi.
Chiroyli begʻubor koʻziga boqsam,
Qalbim yoshlariga ummon choʻkadi.......

Robbim har nelarga qodir deydilar......
Qani kuching boʻlsa koʻrsat koʻrayin.
Bir ojiza bandang iltijo qilar,
Dilbandim dardiga shifo soʻrayin.

Menga boylik, uylar, taxtlar kerakmas,
Toʻrt farzandim sogʻu omon boʻlsa bas.
Shigo ber Mehribon qizalogʻimga
Jannat gulim, rayhonim, nuridiydamga.

Axir farishtamning aybi nimada,
Dunyoni anglolmay joni halakda.
Bir hasga ham suyanib tura olmasdan,
Yer uzra choʻzilip yotipti hasta.

Yuzim kular ammo koʻnglim kulmaydi,
Qachon atrofimda yugurib oʻynaydi.
Armon etma menga yorab yo olloh
Bolamga shifo ber koʻnglim yayraydi.

Bazan bu hayotdan toʻyib ketyapman,
Gʻamli kunlarimga koʻnib ketyapman.
Yaqinlarim ado boʻlmasiiiiin deya
Ichim yigʻlasada kulib ketyapman.

Ollohim oʻtindim sendan shu bugun,
Shifo ber farzandim Mehribon uchun.
Birovning qoʻliga qolmasin qarab,
Garchi boʻlmasamda boʻlmasin xarob.

Bu jonim seniki omonat dunyo,
Armonli boʻlmasin dunyoying menga,
Shu bugun yozildi shu sherim senga
Yulduzing shoirmas oddiy bir ona.

Qoʻllarim ochayin duvoga bugun,
Ollohim shifo ber farzandim uchun.
Gul yuzi doimo quvonib tursin
Tengqurlari qatori yugurib yursin.

📝Yulduz Malikovna


https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

ONA maktubi💌✍

Ona duosini qogʻozga soldi,
Garchi bu maktubni qabul et falak.
Navbatda turmasdan ijobat boʻlib,
Gar ona yuragi boʻlmasin halak.

Toʻlgʻoqdagi ogʻriq davom etmoqda,
Garchi u ogʻriqdan aylagin forih,
Duolar qoʻshilib senga yetmoqda,
Koʻz oldin aylagin farovon yorugʻ.

Biz talab qilmaymiz soʻraymiz xalos,
Bilmayman qaysi tong qaysi ertalab.
Maktub javobini u oʻqib tongda,
Maktabga kuzatsin suyib erkalab.

Ona maktubiga qoʻshilar zamin,
Maktubning javobin qilmagin roʻyo.
Ogʻriqdan forih qil farzandin jonin,
Koʻzlari oldida yorishib dunyo.

Surayyo Xatamova


https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

*ДАРДИНГ ОЛАЙ ОҒРИМА ЭРКАМ*

Қулаб кетар кўксимга тоғлар,
Сенга тикон кирар бўлса ҳам.
Кел, азизам сени қучоқлаб,
Дардинг олай, оғрима эркам.

Гул юзларинг сўлмасин асло,
Сенсиз менга ҳаёт бемаъно,
Хаста бўлиб қолмагин илло,
Дардинг олай, оғрима эркам.

Тушларимга кирар малагим,
Менга мендан, кўпроқ керагим,
Сен оғрисанг, оғрир юрагим,
Дардинг олай, оғрима эркам.

Муз қопласин дарё юзини,
Қор келтирсин қишнинг исини,
Қалам тўкар мехрим ҳиссини,
Дардинг олай, оғрима эркам.

Суйганига дард берган Роббим!
Майли берсин шифоси билан.
Ҳақ йўлдаги чин мухаббатим,
Ёнингдаман доим сен билан.

Энг гўзал дуоларим безагисан сен,
Қалбим соҳибаси, эгасисан сен,
Бир елка, тоғ ўзим, суянчингман мен,
Дардинг олай, оғрима эркам.

Чекканинг ширин дард бўлсин илохим...

Қўшиқ учун муаллиф рухсатини олинг!

✍Абдумуталиб Эргашалиев

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

Dardi bor

To'kis odamning ham bitta dardi bor,
Uning ham yuragi,bir kimsaga zor,
Betizgin o'ylardan sig'may olamga,
Bu keng dunyolar ham unga bo'lar tor.

Kulgan odamning ham yuragi qondir,
Bir ilinj tufayli balkim omondir,
Zardoblarni yutib yashash osonmas,
G'amlardan bechora rangi somondir.

Baxtli odamning ham armoni bisyor,
Yoshlikdagi sevgi,yo go'zal dildor,
Baxtdan to'kislikda yashab bo'lmaydi,
Uning yuragi ham chekgandir ozor.

Yig'lagan odamning dardi ko'p emas,
Bir ko'ngil so'rovchi bo'lsagina bas.
Shirin so'z deydilar,joning ozig'i,
Bir kalomga ba'zan odamzod to'ymas.

O'layotgan insonning bir o'tinchi bor,
Bir zum,bir nafaslik yashamoqqa zor.
Ko'z qiymas,tinch yurtni tashlab ketmoqqa,
Kutar endi bo'lar Maxsharda diydor.

Shoirlar injiqdir,nozikdir dili,
Ammo hech yomonlik so'ramas tili,
Ularga kerakdir faqat mehringiz,
Mehrla kuylagay ishqning bulbuli.

  ✍IRODAXON QOSIMOVA



https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

Тонгдаги ёқимли ҳавомисан айт?
Ё ишқдан таралган навомисан айт?
Уйғотиб юбординг руҳимни қара,
Ҳаста бу дилимга давомисан айт?

Ой нури таралган юзларинг севдим,
Охулар хавасманд кўзларинг севдим,
Куй каби таралар овозинг майин,
Исмимни чақирган сўзларинг севдим...

✍Абдумуталиб Эргашалиев

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

...

Янги йил шукуҳи кезган кечада,
Ҳар тараф нур сочган чироққа тўлар.
Ойнадан боқаман, узун кўчада,
Бир чироқ ҳар йили ёнмасдан турар.

Яна бир йил сўраб турмоқда ҳисоб,
Умр вақт дарёсин қўйнида оқиб.
Сарҳисоб:  тенг бўлиб шодлик, изтироб,
Туришар бир бирин елкасин қоқиб.

Бу дунё бир ками қачон тўлибди,
Ишқим ортган сари қўрқув ёнма ён.
Болам улғайибди, онам қарибди,
Наҳот омадларда армон намоён.

Байрам чироқларсиз гўзал бўлмайди,
Юракка тўлади шодлик, куй қўшиқ.
Фақат...  у соғинчнинг ўрни тўлмайди,
Бир чироқ ҳар йили қолади ўчиқ...

✍️Дилдора Абдиназарова

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

«ЯНГИ ЙИЛ ТАБРИГИ»

Ўтиб борар соат миллари,
Ўн иккига урар аста бонг,
Ўтиб эски йилнинг тунлари,
Қаршилайди бизни янги тонг.

Қутлуғ бўлсин янги йилингиз!
Орзуларга тўла юраклар,
Бахтга тўлиб хар бир кунингиз,
Рўёб бўлсин ширин тилаклар.

Чироқларга безалган арча,
Жилосидан кўзлар қувнайди,
Осмонлардан ёғиб қор парча,
Болажонлар шодон ўйнайди.

Ёш-у қари севинчга тўлган,
Ўйин кулгу байрам бўлади,
Эртакнамо оқшом чоғида,
Қорбобо ва қорқиз келади.

Кўтаринки аъло кайфият,
Хамрох бўлсин йил бўйи сизга,
Ушалмаган орзу ва ният,
Рўёб бўлсин шу йили бизга. 

Шундай юртга байрам ярашар,
Тинч бўлсин жон Ўзбекистоним!
Қутлуғ бўлсин янги йилингиз!
Табриклайман азиз инсоним!

Кириб келаётган Янги 2025-йил барча юртдошларимизга омад ва зафарлар олиб келсин! Оилавий бахт тинчлик хотиржамлик хонадонингиздан аримасин! Кўтаринки аъло кайфият йил бўйи хамрох бўлсин барчангизга! Янги йил муборак!

✍Абдумуталиб Эргашалиев

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

Medikcha tabrik.


Assalomu alaykum qadrdon. Bugungi shukrona kun muborak.
Yil boʻyi immunitetingiz yuqori, ATF ingiz koʻp👩‍🎓👨‍⚕👩‍🌾🏃‍♂️, gemoglobiningiz baland, qon bosimingiz 80 ga 120❤️, koʻzlaringiz lochindek oʻtkir 🦅, oʻpkangiz gipoksiyadan, jigaringiz gepatitdan, oshqozoningiz gastritdan uzoq, hayotingizda qoʻzgʻalish tormozlanishdan ustun boʻlsin. Ushlamagan ozrularingizga albatta yetishing,sogʻlik salomatlik, oilaviy hotirjamlik hamisha hamrohingiz boʻlsin.
Yangi yil Muborak 🙃😇💐🌹🌸🌺🎂



https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss

КИРИБ КЕЛДИ, ЯНГИ ЙИЛ

Бу кунларни кутдик кўп,
Гина араз қилманг ҳўп,
Кечиринг сиз деманг йўқ,
Кириб келди, Янги йил.

Ушалмаган орзулар,
Мана бу йил ушласин.
Сарҳисоб қил кўзгулар,
Омад бўлиб тўшалсин.

Ғамни йўқот шодлик кел,
Мана аста ўтди йил,
Хурсанд шодон бўлсин эл,
Кириб келди, Янги йил.

Ҳар бир кун байрам бўлсин,
Нозик кўнгил бахт тўлсин,
Ҳамма қадрини билсин,
Кириб келди, Янги йил.

Дастурхонлар тўлдиргин,
Катта кичик кулдиргин,
Даври даврон сурдиргин,
Кириб келди, Янги йил.

Дуодаман тилай бахт,
Синдирмангиз асло шахт,
Садоқатли бўлиб март,
Кириб келди, Янги йил.

✍ Солиҳабегим
Дилафруз Шаҳрихоний

https://tttttt.me/+PBE4iYDhh-GjsEVv


Ⓜ️anba: @sherlar


        👍 #like_boss