SEVGI VA NAFRAT

Bahor zumda qishga aylanib,
Yoqqan qorni ne foydasi bor,
Sevmay soxta yorga aylanib,
Sevgan yorni ne foydasi bor.

Kunduzlaring tunga õxshaydi,
Tunlaringchi kunga õxshaydi,
Yoningdagi eng yaqin inson,
Begonadek bõlib yashaydi.

Shuda azob shu achchiq qismat,
Armon bõlib qolsa muxabbat,
Kõzlar kõzga tushgan joĝida,
Tõqnashadi sevgi va nafrat.

Bõlaklarga bõlingan sur'at,
Qachonlardir kõzim oldida,
Arzimagan xato tufayli,
Ayro bõldik hayot oldida.

Afsuslardan kõzlar tõla yosh,
Eslab meni yuraging tõlar,
Tugaganda toĝdayin bardosh,
Ovunchoĝing farzanding bõlar.

Qaytsa deysan yillar ortiga,
Xatolarim tuzatsam deysan,
Qaytmas endi yillar ortiga,
Tishni tishga qõyib yashaysan.

Ey birinchi muxabbatginam.
Xazonlarga burkanib bõlding,
Meni sevib yasharsan biroq,
Begonaga õrganib bõlding.

✍Abdumutalib Ergashaliyev
#muxlisminbari
@sheriyatuz

Ўз ўрнига тушди ҳаммаси,
Сокинлашди юрак зарблари.
Бунча аччиқ соғинчнинг таъми,
Бунча ширин севги дардлари...

Чиқиб, тушдим осмонга,
Кейин,
Яна ерни ўпди изларим.
Оқаётган кўз ёши эмас,
Оқаётган менинг кўзларим!

Мен учишни ўргандим,
Аммо,
Қуш бўлишни уддалолмадим.
Сен омади юришган овчи,
Бароридан келган ов эдим.

Йиллар,кунлар...
Карвонлар ўтди,
Тош боғлади ҳар жуфт киприклар.
Ҳаётингни ёритсин энди,
Мен ўт қўйган барча кўприклар!

Малика Салимова

@Sheriyatuz

Ko'mak


Chag'alaylar faryodi tutgan havoni,
Daryo to'lqinlari qirg'oqni yuvgan.
Baliqchi hayqirib, deydi: - xaloyiq!
Cho'kkan ko'rinadi baliqlar suvga!

Nega anqayasan, qo'lingda chelak?
Yugirsangchi tezroq, odamlarni chaqir!
Baliqlarni tezroq qutqarmoq kerak,
Do'stlik og'ir kunda bilinar axir!

Boshqa baliqchi der, boshini qashib,
Baliqlarni o'ylab, g'amgin yuvinib:
- Xashar yo'li bilan, chelaklab tashib,
Quritsakchi daryo suvini?..

✍️ X. Vulqon
@sheriyatuz

Атрофимда дунё ваҳшат солар,
Юрагимда эса аждарҳо – оҳанг...
Азизим, энди фақат фожеа қолар –
Сен ҳам кетсанг.

Дунёни “ёлғончи” де – тонмайди
Унда қалбим топган ёруғ чин – ўзинг.
Сен ҳам кетсанг, ҳеч нарса қолмайди –
Фақат сўзим!.. Беомон сўзим.

Жонимдан айирган ҳақиқатсан айни,
Сенсан – Момо Ҳаводан қолган гуноҳ.
Сен ҳам кетсанг, ҳеч нима қолмайди –
Фақат арзимас бир дунё!..

✍ Усмон Азим
“Юрак” китобидан

@sheriyatuz

Kitobning oxirgi varog'ini yopayotib, o'zingizni go'yoki yaqin do'stidan ayrilgan kishidek xis qilsangiz - bu siz yaxshi kitob o'qiganingizdan dalolat beradi.

@sheriyatuz

Umr
qisqa...
Armon bepoyon...Qaydan
keldi?! ketarkan qayon?!.Faqat
bitta haqiqat
ayon...Qachonlardir
uchrashamiz, biz!!!Sog'inaman
sizni-nafasda... Og'riyverar bu
yurak-hasta...Yashasak ham
ayro, olisda...Qachonlardir
uchrashamiz biz!!!Ba'zan ayon,
ba'zida gumon...Qiynar dilni,
o'rtaydi yomon... Omon
bo'lsam, bo'lsangiz
omon...Qachonlardir
uchrashamiz, biz!!!

@sheriyatuz

ERKA KIYIK

Erka kiyik, maylimi bir erkalasam,
Majnun bo'lib sahrolarga yetalasam,
Bu dunyoda birday g'arib men ham, sen ham,
Erka kiyik, maylimi bir erkalasam?..

Sening ko'zing qora, mening ko'zim qora,
Sening bag'ring yara, mening bag'rim yara,
Bu dunyoda sen bechora, men bechora!..
Erka kiyik, maylimi bir erkalasam?..

Shamol emas, izing quvib yurdi kamon,
Sayyod mening kulbamni ham qildi vayron.
Sening joning , mening jonim — omonat jon,
Erka kiyik, maylimi bir erkalasam?..

Kel, yig'laymiz birgalashib yantoqlarga,
Sahrolarda qurimagan buloqlarga,
Ikkalamiz yaralganmiz qiynoqlarga,
Erka kiyik, maylimi bir erkalasam?..

Umrimizning barcha yo'li, so'qmog'i cho'g',
Cho'g'dan qo'rqma, beyuz qo'ygan qopqondan qo'rq.
Bu dunyoda senga do'st yo'q, menga do'st yo'q,
Erka kiyik, maylimi bir erkalasam?..

Soch oqardi, dildosh kutib ko'zim toldi,
Yuragimdan to'kilmay ne so'z qoldi,
Yo'l so'ngida, hech bo'lmasa o'lim oldi,
Erka kiyik, maylimi bir erkalasam?..

✍️ Muhammad Yusuf

@sheriyatuz

Yulduzlar menga shu qadar yaqin tuyuladiki, ulardan birini otashkurak bilan qimchib olib sigaret tutashtirsa bo'ladiganday.

@sheriyatuz

Ular unut gulxanning so'nggi cho'g'lari singari yallig'lanadi. Naqadar go'zal va sirli osmon!

@sheriyatuz

Aytganday, sen shu osmonday sirlisan. Bilasanmi, yulduzlarning manu shu nurlari bundan million yil burun yo'lga chiqqan edi. Ularning bugun yo'lga chiqqan nurlari yerga million yildan keyin yetib keladi.

@sheriyatuz

https://tttttt.me/joinchat/PmzPSuADeTEHyxeb

Sening nigoxing nurlari ham million yil burun yo'lga chiqqanday, bugungi nigoxing nurlari menga million yildan keyin yetib keladiganday tuyuladi, sevgilim!

@sheriyatuz

Son - sanoqsiz yulduzlar to'la poyonsiz osmon!
  Lablarimga sigaret qistirib cho'ntaklarimni paypaslayman. Gugurtim yo'q.

@sheriyatuz

https://tttttt.me/joinchat/PmzPSuADeTEHyxeb

Ajoyib havo ! Hamrohlar chiqdi yo`lga. Men va Hayolim . . .
#hokku @sheriyatuz

Sukunat

Yolg'iz kezinasan o'tloq tomonda,
Ko'rinmaydi kuzgi yo'llarda birov.
Sigiring izlaysan kuzgi tumanda,
Qoshu kipriginga qo'nadi qirov.

Bog'lar sukunatga, xayolga botgan,
Yostiq qilib yotar jimlik kovushin.
Tinglash uchun asta uchib tushayotgan,
Yaproqlarning mungli tovushin.

✍️ X.Vulqon
@sheriyatuz

УНВОН

Эринмасдан ёзасан секин,
Битта сен зўр, қолганлар ёмон.
Фан доктори бўлдингу, лекин
Инсонликка номзодсан ҳамон.

© Иқбол МИРЗО

@Sheriyatuz

SOFDIL
Sokin tunning sayriga
Taklif etdim qaytmading
Qaytmading o'zgani
Sevishingni aytmading.
Sen ketding, qalbingning
Izi qoldi yodimda,
Sutday oydin kechaning
Òzi qoldi yonimda.....

✍ Abdulla Oripov

@sheriyatuz

Yo'llar

O'sha o'sha yomg'ir va o'shanday yo'l,
Qachonlardir birga ikkimiz yurgan.
Jilmayib, qo'limga uzatganding qo'l,
Ruhim zulmatlarin to'ldirib nurga.

Ikkimiz yurganda negadir ko'cha,
Tez tugab qoladi - deganding to'xtab.
Tun bo'yi daydiyman, chiroqlar o'char,
Sensiz ko'chalarning poyoni yo'qday.

✍️ X.Vulqon
@sheriyatuz

Men uni huddi odamlar uyquga ketgandek sevib qoldim - avvaliga sekin-asta, keyin birdaniga.

D. Grin "Yulduzlar...

@sheriyatuz

Atlantika okeani ustida

Tepada bir ummon, pastda bir ummon,
Ikki dengiz aro kechar lahzalar.
Xayolga tolaman: men o‘zi kimman?
Ojiz va notavon zarra.... alhazar!

✍ O‘tkir Hoshimov
Daftar hoshiyasidagi bitiklar.

@sheriyatuz

SADOQAT

Keksa qarag‘ayning
Ildizin ochib,
Tortdilar qo‘sh arqon solib belidan.
Lekin u tuproqqa panjasin sanchib,
Sira qo‘zg‘almasdi
Ungan yeridan...

Nihoyat, gurs etib yerga quladi,
Butab, so‘ng ko‘tarib ketdilar,
biroq -U o‘z panjasida olib jo‘nadi
Yashagan yeridan Bir siqim tuproq. @sheriyatuz