ЎЗГАРИШ
Юракда улғаяр дарду ғам,
Овунчоқ топилмас битта ҳам.
Менга тикиларди бошқача...
Кўзларинг ўзгарган жуда ҳам!
Сен ғазал эдинг, сен шеър эдинг,
Бир кулиб юракни ер эдинг.
Шодланиб “севардим” дер эдинг,
Сўзларинг ўзгарган жуда ҳам!
Энг қутлуғ туйғуни туярдинг –
Елларни тўхтатиб қўярдинг,
Ўшанда бошқача суярдинг...
Ҳисларинг ўзгарган жуда ҳам!
Оҳ, мани кўрганда фарёддан,
Қизариб кетардинг уятдан...
Асар ҳам йўқ ўша ҳайратдан,
Юзларинг ўзгарган жуда ҳам!
Нимадир йўқолган дардингдан,
Дунёлар йиғлаган шартингдан?!
Изиллаб йўл тушсам ортингдан,
Изларинг ўзгарган жуда ҳам!
Рози бўл, пойингга йиқилай,
Ҳазонлар сайридек тўкилай...
Не қилай, азизам, не қилай,
Кўзларинг ўзгарган жуда ҳам!!!

@sheriyatuz

BALKI

Kuzgi shamol va maxzun hayol,
Yetim kunlar qayg‘usi o‘zga.
Cho‘kar moviy dubulg‘a - osmon,
Kuzga o‘xshab ketguvchi ko‘zga.
Ko‘rdim ko‘zing tubida g‘amni,
Arzir edi yig‘lasam uvlab.
Yupun bog‘lar bag‘ridan uchgach,
Barglar ketdi shamolni quvlab.
Sochlaringday uzun dardlaring,
Qoshlaringda yillar kuyasi.
Ko‘zing qiri xanjarday o‘tkir
Kipriklaring ko‘zyosh uyasi.
Balki sen ham muxojir qushday,
Uchib ketib qolarsan zumda.
Izlaringda daryolar ingrab,
Suvlar yig‘lar yugirib qumda.
Balki endi sensiz o‘larman,
Balki o‘lmay kirarman yuzga.
Termularman balki sog‘insam,
Ko‘zlaringa o‘xshagan kuzga.

✍️ X. Vulqon
@sheriyatuz

ГЎЗАЛ

Қоронғу кечада кўкка кўз тикиб,
Энг ёруғ юлдуздан сени сўраймен.
Ул юлдуз уялиб, бошини букиб,
Айтадир: мен уни тушда кўрамен.
Тушимда кўрамен - шунчалар гўзал,
Биздан-да гўзалдир, ойдан-да гўзал!

Кўзимни оламан ой чиққан ёққа,
Бошлайман ойдан-да сени сўрмоққа.
Ул-да айтадир: бир қизил яноққа
Учрадим тушимда, кўмилган оққа.
Оққа кўмилганда шунчалар гўзал,
Мендан-да гўзалдир, кундан-да гўзал!

Эрта тонг шамоли сочларин ёйиб,
Ёнимдан ўтганда сўраб кўрамен.
Айтадир: бир кўриб, йўлимдан озиб,
Тоғ ва тошлар ичра истаб юрамен!
Бир кўрдим мен уни - шунчалар гўзал,
Ойдан-да гўзалдир, кундан-да гўзал!

Ул кетгач, кун чиқар ёруғлик сочиб,
Ундан-да сўраймен сенинг тўғрингда.
Ул-да ўз ўтидан бекиниб, қочиб
Айтадир: бир кўрдим, тушдамас, ўнгда.
Мен ўнгда кўрганда шунчалар гўзал,
Ойдан-да гўзалдир, кундан-да гўзал!

Мен йўқсил на бўлиб уни суйибмен,
Унинг-чун ёнибмен, ёниб-куйибмен,
Бошимни зўр ишга бериб қўйибмен,
Мен суйиб... мен суйиб кимни суйибмен?
Мен суйган суюкли шунчалар гўзал,
Ойдан-да гўзалдир, кундан-да гўзал!

ЧЎЛПОН

@sheriyatuz

Uzoqdan termulib suygandan ko'ra,
Alamlar o'tida kuygandan ko'ra,
Jonimni azobga qo'ygandan ko'ra,
Yurganim yaxshidir sizni sog'inib.
"Sevdim" degan so'zim yerda qolguncha,
Hijolatda ko'zim yerda qolguncha,
Siz osmonda, o'zim yerda qolguncha,
Yurganim yaxshidir sizni sog'inib.
Beshafqat hijrondan muruvvat kutib,
Besamar visolni bahridan o'tib,
O'zimdek Majnunlar etagin tutib,
Yurganim yaxshidir sizni sog'inib.
Sizni ko'rib dardim yangi bo'lgandan,
Qalbim g'arib xayollarga to'lgandan,
Do'stu dushman bu holimga kulgandan,
Yurganim yaxshidir sizni sog'inib.

@sheriyatuz

DERAZA ORTIDAGI ODAM

Qish kechasi, tinmay yog‘ayotir qor,
Borliq sukunatga, hayolga tolgan.
Maylimi darchadan qorga qarasam?
Bu deraza shaxsiy, otamdan qolgan,
Yorug‘ bilyardxona sharlar tovushi,
Mening o‘ylarimga uradi darra.
Derazamga qo‘nib erib ketdiku,
Buncha oz yashadi beg‘ubor zarra?
Mastona qiyqiriq yangrar qaydadir.
Bir odam chayqalar sarmast yalanib,
Telpagin ko‘ziga bosib yig‘lar u,
Oppoq chivinlarga talanib.
Yorug‘ bilyardxona, sharlar tovushi,
Borliqqa qo‘shilib o‘yga tolaman.
Otamdan esdalik derazamni jim,
Buklab, cho‘ntagimga solaman.

✍️ Xoldor Vulqon
@sheriyatuz

Yodingdami o'sha qor, do'stim?
Bultur ko'rgan edik sen bilan,
Nahot o'sha qor yana yog'ar?
#hokku @sheriyatuz

Билмайман, қайлардан изларим сени,
Излаган, топганда не ҳам қилардим?!
Бир армон қийнайди тунлари мени –
Йиғлаб жанозамга келсанг, ўлардим...

Ўйласам, яқиндай туюлар само,
Ёдинг борлиғимни ёғдуга белар.
Истамасман бахтсиз бўларинг, аммо
Бахтли деб ўйласам, сўкингим келар.

Аъзам ЎКТАМ

@sheriyatuz

Қайтар чоғим мени ўстирган кунга,
Юрагим қаърида порлар ғалаён:
“Қайтма, у ерларда не керак сенга,
Бошқа жойда тугал бахтлимас инсон!”

Термулиб қоламан ўз замонимга,
Оғрийди озурда бўлиб танда жон.
Мени интиқ кутган хонадонимга
Қайтиб келмасам гар, сўкманг, Отажон!

Онажон, кечиринг ғўр ўғлингизни,
Сизга ҳеч ўғиллик қилолмаяпти.
Овутгани лоқал зор кўнглингизни
Еттинчи асрдан келолмаяпти.

Ва лекин ишончим яшайди абад,
Тоқат топа билинг мени кутишга.
Ёнингизга бир кун келаман албат,
Шунда ҳам сизларни олиб кетишга!

... Орзуга айб йўқ, юрак орзиқар...

✍ Хайрулла Ҳамидов

@Sheriyatuz

"Ózimdan òzgacha taqdir istadim"

Daryo misol oqmoqda lahzadek qonim
Bu ojiz tanamda qolmadi jonim
Falakka gardish urdi ohu fig'onm
Qalbingga yuraginga kirgan zahotim

Ismingdan o'zgasin aytmas so'zlarim
Ko'nglimda porlaydi ajib hislarm
Ko'zlaringa tushganda ohu ko'zlarm
Ózimdan òzgacha taqdir istadim.

Ravshonovna Madina✍

#muxlisminbari

@sheriyatuz

Sevgimni osmonlar sezdilar
Sevgimni yomonlar sezdilar
Armonlar bag'rimni ezdilar
Xali xam sezmading bilmading

Andisha og'ritar jonimni
Xijronlar ichmoqda qonimni
Sen uchun baxsh etdim borimni
Xali xam bilmading sezmading

✍ Ro'ziyeva Nilufar.

#muxlisminbari

@sheriyatuz

Тошкентда туш каби юрибсан.
Кетаяпсан,
ёмғир ювган шаҳарни оралаб —
қандай чиройлисан!

Уйғонсам,
эсимда қоласанми?
Йўлкалар
пойингга
узун чўзилган,
мошинлар беовоз сузарлар кўчаларда.
Чорраҳаларда чироқлар баҳордай ям-яшил.
Сен учунми,
ё сенинг сеҳрингми бу мўъжизалар?
Сен — одам шаклидаги туманим —
тарқаб кетмайсанми
уйғонсам?

Ортингдан кетишга рухсат бер.

Бу ҳушёр дунёда,
бу ишчан дунёда,
бу бедор дунёда —
ҳеч бўлмаса,
биргина одам
тушининг ортидан кетсин!..

Айтгандай,
сен
неча кунлик тушсан?

Ҳар хил хаёлга борма.

Умрим неча кун? —
билмоқчиман,
холос.

✍ Усмон Азим

@sheriyatuz

Yangi yil kechasi ballada
Eshiging ochildi,
Chehrangda yog'du.
Lablaringga xiyol tabassum indi.
O'sha yigirma yil avvalgi tuyg'u-
Bir lahza yurakning urushi tindi...

Qoshlaring yoyini tortdi taajjub,
Shunchalar charaqlab boqdi qaroqlar.
Ichkari Yangi Yil- archangda ajib,
Turli nurlar sochib yonar chiroqlar...

Hayrating kimnidir yodingga solar,
Meni tanimaysan... Bu- men Qorbobo!
Bahorni uyg'otib esganday bo'lar,
O'sha, yigirma yil avvalgi sabo...

Qo'llaring qaltiray boshlaydi bexos,
Eshikka suyanib turadi hasrat...
Qarshingda mung'ayib boqadi besas
O'sha yigirma yil avvalgi qismat.

Sovuq. Tashqarida qorning quyuni,
Ko'cha chiroqlari porlar- qahrabo...
Qismat bo'ronida daydib uyingni
Yigirma yil o'tgach topdi Qorbobo...

O'g'ling shodliklari sig'mas dunyoga-
Qorbobo! Qopida sovg'alari mo'l.
Deyman: "Muz tog'lardan o'tdim piyoda,
Mana, yigirma yil yurib keldim yo'l..."

Dasturxoni- qadahlar terilgan bayram,
Ularda may kabi to'lgim keladi.
Hamma narsa go'zal...Botartib biram,
Archangga yurakni ilgim keladi.

Qo'lingdan jaranglab tushadi qadah,
Sindi oshkor etib qayg'uli sirni.
Devorga bosh qo'yib tinglasan nogoh,
O'sha yigirma yil avvalgi she'rni:

"Yulduzlar porlagan shu osmon haqqi,
Ona zamin haqqi qasam ichaman:
Sen mening qalbimda bir uzing balqi
Istasang she'rimdan
men voz kechaman!.."

...Xayr!
Nigohlari qismatday qora...
Hamma narsa go'zal- dasturxon, bayram...
Men chiqib ketaman bo'ronlar aro
Kechalar boshimdan yog'ar oppoq g'am.

O'g'ling ma'yus tortar,
Savollar berar:
-Oyi, yig'laganday bo'ldi, ajabo?
Uzoq o'tirmadi qayerga borar,
Qopini qoldirib ketdi Qorbobo?..

Sovuq...Muz kechalar ayoz qo'ynida,
Ko'chalar chirog'i porlar- qahrabo.
Tentirab yuradi qor quyunida
Qayga borishini bilmas Qorbobo...

@sheriyatuz

ERKA KIYIK

Erka kiyik, maylimi bir erkalasam,
Majnun bo'lib sahrolarga yetalasam,
Bu dunyoda birday g'arib men ham, sen ham,
Erka kiyik, maylimi bir erkalasam?..

Sening ko'zing qora, mening ko'zim qora,
Sening bag'ring yara, mening bag'rim yara,
Bu dunyoda sen bechora, men bechora!..
Erka kiyik, maylimi bir erkalasam?..

Shamol emas, izing quvib yurdi kamon,
Sayyod mening kulbamni ham qildi vayron.
Sening joning , mening jonim — omonat jon,
Erka kiyik, maylimi bir erkalasam?..

Kel, yig'laymiz birgalashib yantoqlarga,
Sahrolarda qurimagan buloqlarga,
Ikkalamiz yaralganmiz qiynoqlarga,
Erka kiyik, maylimi bir erkalasam?..

Umrimizning barcha yo'li, so'qmog'i cho'g',
Cho'g'dan qo'rqma, beyuz qo'ygan qopqondan qo'rq.
Bu dunyoda senga do'st yo'q, menga do'st yo'q,
Erka kiyik, maylimi bir erkalasam?..

Soch oqardi, dildosh kutib ko'zim toldi,
Yuragimdan to'kilmay ne so'z qoldi,
Yo'l so'ngida, hech bo'lmasa o'lim oldi,
Erka kiyik, maylimi bir erkalasam?..

✍️ Muhammad Yusuf

@sheriyatuz

Bahor keldimi?
Gulladimi daraxtlar?
Qushlar sayradimi?

...Sen ketsang ham
shunday hol
ro'y berdimi
olamda?!!!

✍ Usmon Azim

@sheriyatuz

* * *
Умр ўтиб кетди. Йиғлама.
Ўтди дунё – бесарҳад қайғу.
Ўлим келса?..
Хўш, келса, нима?
Айрилиқдан
даҳшатлими у?

✍ Усмон Азим

@sheriyatuz

"Yoqmasam, ka - a -a - atta ko`cha" deding,
Ko`chaga chiqdim.
Ko`cha jim - jit edi, kimsasiz, oydin.
Men avvallari bilmas ekanman,
Ko`chaning bunchalar
Katta bo`lishin.

@sheriyatuz

* * *
Умр ўтиб кетди. Йиғлама.
Ўтди дунё – бесарҳад қайғу.
Ўлим келса?..
Хўш, келса, нима?
Айрилиқдан
даҳшатлими у?

✍ Усмон Азим

@sheriyatuz

ОЛИС УТМИШ.

Сукутдамиз иккимиз хам,
Сузлашгали сузимиз йукми.
Вакт утади утиб борар дам,
Нигохинг кадайди юракка укни.
Хаётни атадим сен ила гузал,
Сенсиз яшамок менга душвордир.
Чидадимку сен кетган махал,
Сенсиз хам танамда жоним омондир.
Бахорлар кайтмокда узгача эмас,
Фасллар алмашар уша-ушадир.
Ёнимдан утасан эгиб бошингни,
Кулингда тиллолар куша-кушадир.
Билдим.
Ёринг сени жуда хам севмиш,
Хатто кизгонармиш дайди еллардан.
Юрагим буткил сендан воз кечмиш,
Вафодор ахтарар узга эллардан.
Куп дамларни бирга утказдик,
Хотира эмасми энди барчаси.
Мухаббат кушини нега бузлатдик,
Хамон очик турар уйим дарчаси.
Хаёлларим кулгили бари,
Илож булса ортга бир кайтмок.
Ушал жойда бир бор сен билан,
Егим келар яна музкаймок.

Сукутдамиз иккимиз хам...

✍ Рахматулло Хужаев (Ошик Рахмат)

#muxlisminbari


@sheriyatuz

Kanalga ulanish 👇👇👇
https://tttttt.me/joinchat/AAAAAD5sz0pDjeFn_IXLJg