Gul hayosi

Tentirab, bekorchi, bezori shamol,
Xazonga to'ldirdi gulzor qo'ynini.
Ko'rib rahmim keldi nafis, bemajol,
Kuzgi atirgulning nozik bo'ynini.

Gul boshini egib, tikoni botgan,
Chetanli chavraga turar suyanib.
Kiyimlarin yechib, gulxanga otgan,
Telba daraxtlardan uyalib.

✍️ X. Vulqon

@sheriyatuz

Фақат Баҳор ёлғончи эмас! Деразани тонг чоғи очиб, сипқорибгина унинг ҳавосига тўйиндим. Келганинг учун раҳмат! 
...Дўстим , яқиним... Сизнинг ҳам ҳаётингизга баҳор келди ! Муборак бўлсин! 
... Келинг ортмоқлаб олганларимизни ёлғончи февралга ортиб берайлик. 
...Келинг бизни унда бунда қийновчи анаву хотиротимизниям хотирламайлик. 
... Келинг бошқа йиғламайлик..! 
Ахир баҳор келди, ташқарига қаранг. Кўнглингиз кўшкига баҳорлар ярашиб турсин. 
Энди битта табассум қилинг!!!


@sheriyatuz

8- mart bayramiga bag'ishlanadi ! 😁😁 Xazil )

Do‘stim, yomon bu hayol,
Parishonga dard yaqin.
Hayajonda qiz, ayol,
Sakkizinchi mart yaqin.

Boshlamasin g‘avg‘oni,
Naqd qilib qo‘y sovg‘ani.
Xo‘mraymagin, kul, qani,
Sakkizinchi mart yaqin.

Shafyor bo‘lsang yo‘lga chop,
'' Avans '' olgin, pulga chop.
Magazinga gulga chop,
Sakkizinchi mart yaqin.

Boringni sol cho‘ntakka,
Bozorga chop ko‘ylakka.
'' Validoll '' ol yurakka,
Sakkizinchi mart yaqin.

'' Yuz gramm '' ga qotmagin,
Qizlarga gap otmagin.
Tag‘in qarzga botmagin,
Sakkizinchi mart yaqin.

Qish oxiri suyma hech,
Kulib turgin, kuyma hech.
Bo‘ydoqliging qo‘yma hech,
Sakkizinchi mart yaqin.

Ayollarga mazzada,
Baxtiyor bir lahzada.
Erkak zoti '' azada ''
Sakkizinchi mart yaqin.

Xotin mexri jo‘shar kun,
Bir odamga o‘xshar kun.
Sakkiz yildek o‘tar kun,
Sakkizinchi mart yaqin.

U yon bu yon yelaman,
O‘z holimga kulaman.
'' Martni yomon ko‘raman ''
Sakkizinchi mart yaqin.

So‘zim alam qilgan choq,
Ey qiz nafrat qilmay boq.
She‘rim hazil-u biroq,
Sakkizinchi mart yaqin.

Ushbu she‘rimiz bayram hazili albatta.
Sakkizinchi mart xalqaro xotin qizlar kuni bilan yurtimizdagi barcha onajonlarimizni, opa - singillarimizni chin yurakdan tabriklimiz.


✍ Hamza Ahmad o'g'li.

#muxlisminbari
@sheriyatuz

🎤Audio ijroda:
Pardayeva Maftuna

@Sheriyatuz

Bahorning ilk kunlari bayramdir sizga,
Bahor kabi beg'ubor mushtipar ayol.
Bo'ling doim salomat siz baxtimizga,
Siz bilan hayot shirin, shirindir hayol.

@sheriyatuz

To'lsin quchong'iz gullarga,
Mehr ulashar barcha dillarga.
Gulgin yuzli dilbar sizlarga,
Bayramingiz muborak bo'lsin!
Xonadonimiz doim sarishta,
Yuguradi yeladi har ishda.
Sirli-sirdosh opa-singil sizlarga,
Bayramingiz muborak bo'lsin!
Ko'z yoshi, to'lar chashma durlarga,
Tabassumda ba'zi dardin yashirsa.
Yurak tupida pinhon tutib dil sirin,
Bayramingiz muborak bo'lsin!
Biri ona, opa yo singil,
Qiz farzand bo'lajak - ona.
Shirin so'z, e'tibor gadosi ular,
Bayramingiz muborak bo'lsin!
Qalbimizni yoritgan chiroq,
Metinday sabr-u bardosh.
Mehr chashmasi buloq,
Bayramingiz muborak bo'lsin!
Ochiq yuzli - volidam onam,
Sadoqatli kelin - qizlarim.
Panohida asrasin Robbim sizlarni,
Bayramingiz muborak bo'lsin!
Bayramingiz muborak bo'lsin!
✍️ Kumush

@sheriyatuz

ДЕНГИЗДА

Қандай чексизлик!
Қандай тубсизлик!..

Яйраб яшаш мумкин.

Аммо осмонга ўзини отди
Денгизга сиғмаган бир балиқча.

Шу балиқча билан суҳбат қурсак...
Майлими денгиз,
Дунёнинг торлиги ҳақида,
Осмоннинг борлиги ҳақида!

Бирор наҳанг ютиб юбормасдан
Суҳбат қурсак, майлими?..

✍ Усмон Азим

@sheriyatuz

Baxt kabi gulladi bog'imda bahor,
Janubdan quchog'i ilib qaytdi yel.
Hamma g'ashliklarni yengdim bu nahor,
Hamma eshiklarni ochib qo'ydim -
Kel!

Tumanni ko'tardim -
ko'chalar ravshan.
Hasan-u Husanga cho'lg'adim ko'kni...
Ko'zlarim toliqdi -
Nega kelmaysan?
Xudo xohlasa ham uchrashmoq yo'qmi?!..

✍ Usmon Azim

@sheriyatuz

Kalishnoma



O, orqasi yirtilgan kalish!
Kiyilaverib maymayib, rangi o'ngib,
Oqshayib ketgan kalish...

Buncha og'zing katta bo'lmasa sening?
Yoki yig'layapsanmi ovozsiz, xo'ngrab?
Balki esnayotgandirsan
Kinnachi kabi?

Yoki kulayapsanmi mening ustimdan?

Kim biladi,
Balki,
Qo'shiq aytayotgandirsan
Bir paytlar og'zinga kirgan
Oyog'imni sog'inib, qo'msab...

✍️ Xoldor Vulqon

@sheriyatuz

Бугун Муҳаммад Юсуфнинг таваллуд куни (1954 йил. 26-апрель).
Шоирнинг ижодига монанд шеъримизни илинамиз.

МУҲАММАД ЮСУФга

Нима қилган бўлсанг, қайтади,
Ҳатто ўлим қололмас тўсиб.
Тушларимда эртак айтади
Дилга таниш Муҳаммад Юсуф.

Қарайман. У майса ахтарар,
Орзулари гуллаган тўкин.
Осмон уни кўкка кўтарар,
Тупроқ унга шеър ўқир бугун.

Кўзларига қарайман уни,
Ёниб турар жуда чиройли.
Хаёлларга эврилган куни
Юр, дейди у, қирга борайлик.

Қирлар бизни кутиб олади,
Ахир, бу энг узун сайр-ку.
Тоғ қадарлик кўнглим ҳолати,
Улар сўрар: "Ўша шоир-ку!"

Қиқирлайди қирда қизғалдоқ:
"Марҳабо, эй Муҳаммад Юсуф!"
Таниб қолар чўлдаги янтоқ:
"Келдингизми бизга шеър ёзиб?!"

Дейди: "Иним, бу дорулбақо,
Қуёш бунда шарққа ботадур --
Одамлардан қайтмади вафо...
Мени шулар алқаб ётадур".

Уйғонаман илк бора ўзим,
Атрофимда вафоси йўқлар.
Жайронларга айланар кўзим,
Йўқласа шу қизғалдоқ йўқлар.

Эй Хайрулло, унинг ҳокин ўп,
Бир одамда икки феъл жамдир --
Шоир бўлиб туғилганлар кўп,
Шоир бўлиб ўлганлар камдир.

@xayrulla_xamidov1

АЁН

Ўйлаб топмаганман бахт деган сўзни,
Демак, бахтсизлик ҳам менга оидмас.
Топиб бўлармиди босилган изни,
Кетган кетиб бўлди, қайтмаса қайтмас.

Мен туғилган пайтда бор эди орзу,
Армон ҳам тирикди анчадан буён.
Эски насиҳатни йиғиштир, дўстим,
Умр ўтиб бўлди, қолгани аён.

Толе ҳам тушмаган онам маҳрига,
У зотан бир шўрлик касга зормиди?
Ер чорлаб турганда қаро бағрига
Осмонга cапчишга бало бормиди?

Дунёни икки деб ёзмишлар тугал,
Недан бу борада энди хархаша –
Бириси фоний, лек жилваси гўзал,
Бири боқий, қайсар шунга яраша.

Бари шодликларга вақт бордир ҳали,
Бир куни раҳматлар чексиз ёғилар.
Ҳозир кетдик дилга малҳам қўйгали,
Кетдик, кутиб қолди бизни қайғулар!

Х. Хамидов

@sheriyatuz

ERKA KIYIK

Erka kiyik, maylimi bir erkalasam,
Majnun bo'lib sahrolarga yetalasam,
Bu dunyoda birday g'arib men ham, sen ham,
Erka kiyik, maylimi bir erkalasam?..

Sening ko'zing qora, mening ko'zim qora,
Sening bag'ring yara, mening bag'rim yara,
Bu dunyoda sen bechora, men bechora!..
Erka kiyik, maylimi bir erkalasam?..

Shamol emas, izing quvib yurdi kamon,
Sayyod mening kulbamni ham qildi vayron.
Sening joning , mening jonim — omonat jon,
Erka kiyik, maylimi bir erkalasam?..

Kel, yig'laymiz birgalashib yantoqlarga,
Sahrolarda qurimagan buloqlarga,
Ikkalamiz yaralganmiz qiynoqlarga,
Erka kiyik, maylimi bir erkalasam?..

Umrimizning barcha yo'li, so'qmog'i cho'g',
Cho'g'dan qo'rqma, beyuz qo'ygan qopqondan qo'rq.
Bu dunyoda senga do'st yo'q, menga do'st yo'q,
Erka kiyik, maylimi bir erkalasam?..

Soch oqardi, dildosh kutib ko'zim toldi,
Yuragimdan to'kilmay ne so'z qoldi,
Yo'l so'ngida, hech bo'lmasa o'lim oldi,
Erka kiyik, maylimi bir erkalasam?..

✍️ Muhammad Yusuf

@sheriyatuz

Узум йиғлар,
йиғлар буралиб,
йиғлайверар қишгача дилдан,
биллур каби мўлдир турланиб,
кузда дўнар олтин шингилга.
Поёни йўқ куз оғушида
қандай гўзал йиғлайди узум!
Шундай бўлар ҳақиқий йиғи,
кўриб қўйгин,
эй ношуд кўзим!

Шавкат Раҳмон.

@sheriyatuz

Юлудузлар
сен учун порлар эҳтимол.

Сен учун эҳтимол
баҳорлар келар.

Эҳтимол бу дунё сен учун
яралган…

Анов, тақдир эса —
Фақат сен учун.

Нега у
ташландиқ уй каби ғариб?

Нечун
тақдирингда
яшамаяпсан?

Уни
бировларга
нечун топширдинг?

✍ Усмон Азим

@sheriyatuz

Orzu bilan haqiqat o`rtasida bir kiprik qoqgudek vaqt bor. Orzu qila turib kiprikni bir qoqsang haqiqat aslida qandayligini sezasan. Orzu orzuligicha qolaveradi .

@sheriyatuz

ДЎСТИМ САЛОМЖОНГА
Керак бўлди кечдик баридан,
Ортда йиғлаб қолди оромлар.
Биз чўлларнинг этакларидан
Изламадик шеърга илҳомлар.


Ортга сурдик бизлар висолнинг
Фараҳ бахш этувчи хуш онларини,
Янада баландроқ кўтармоқ учун Ўзбекистон хирмонларини.


Самоларга боқмоқликка ҳам
Вақтимиз йўқ, етмайди фурсат.
Кўкда ёнган улкан юлдуздан
Бир чигитнинг ҳурмати баланд.


Тилинган қўлларни ярадор дармон
Қистайди чавандоз сингари –
Ҳар чаноқда бир парча армон,
Ҳар ғўзада борар кўпкари.

Биз – пахтакор! Севамиз ахир,
Заҳматларнинг бўронларини.
Биздан бошқа ким ҳам кўтарар Ўзбекистон хирмонларини.

Чори АВАЗ
@sheriyatuz

Мен Босфорда бўлмаганман ҳеч
Уни сўзлаб беролмам сенга.
Лекин мовий кўзларинг ҳар кеч
Денгиз бўлиб кўринар менга.

Қилмаганман Бағдодга сафар
Карвон билан элтмадим хино.
Аммо бир зум тин олсам нетар
Тиззангга бош қўйиб дилрабо.

Шафқат айла жонгинам дерман
Ҳам қилурман қанча илтижо.
Россияда машхур шоирман,
Нечун зарра қилмайсан парво?!

Куй таратар қалбимда гармон
Қайдадир ит хурар ойдин кеч.
Эрон қизи мовий бепоён
Юртни кўргинг келмайдими ҳеч.

Бунда кўнгил ёзгани эмас
Излаб келдим хаёлан сени.
Оққуш қанот қўллар ҳар нафас
Оғушига чорлайди мени.

Нолишим йўқ ўтган умримдан
Аммо ҳорғин дил излар ором.
Дилбар менга қувноқ юртингдан
Бирор нарса сўйла бу оқшом?!

Афсун билан тарқат ўйларим
Токи чиқсин қалбида гармон.
Токи ўша шимол дилбарин
Ўйламайин, қилмайин армон.

Мен Босфорда бўлмаганман ҳеч,
Аммо сўзлаб берурман сенга.
Чунки мовий кўзларинг ҳар кеч
Денгиз бўлиб кўринар менга!

Сергей ЕСЕНИН таҳминан 1924-25 йиллар

(Эркин Воҳидов таржимаси)

@sheriyatuz

МАТМУСАНИНГ УЙЛАНИШИ

Сафар қилди Матмуса
Олисдаги шаҳарга.
Ул шаҳарда йўлиқди
Бир ҳур пари-пайкарга.

Бўйдоқ эди Матмуса,
Узоқ турмай ўйланиб,
Қишлоғига қайтди у,
Ул санамга уйланиб.

Ҳеч гaп эмас бахт келса,
Айтар омад деб буни:
Уч ой ўтмай жононнинг
Яқинлашди ой-куни.

Ҳамма ҳайрон, ҳамма лол:
«Биз бир йилча кутардик,
Матмусанинг хотини
Чиқиб қолди ударник».

Не экан деб, шошилиб
Зарбдорликнинг бу сири,
Чопиб келди суҳбатга
Донишгазет мухбири.

«Биз ҳам четда эмасмиз,
Биз ҳам шерик меҳнатга», —
Деб Матмуса тиржайиб,
Қўшилади суратга.

Эртасига бу хабар
Тарқаб кетди ҳар ёққа.
Сарлавҳа ҳам чиройлик:
«Илғор ўрнак — қишлоққа».

Хат ёғилар эрлардан:
Ташаббусни қўллаймиз!
Хотинларни тажриба
Алмашишга йўллаймиз!

«Алвон-алвон шиорлар
Пайдо бўлар ҳар жойда:
«Янгиликка — катта йўл!»
«Тўққиз ойни — уч ойда!»

Ҳайъатларда кеккайиб
Яйраб юрар Матмуса.
Биз ундоқ, биз бундоқ деб
Сайраб юрар Матмуса.

Алқисса шу — баъзида
Шундай бўлиб қолади —
Биров қилиб меҳнатни,
Биров обрў олади.

Эркин Воҳидов «Табассум» китобидан. 2010й.

@sheriyatuz