Derazamning oldida bir tup,
O'rik oppoq bo'li gulladi...
Novdalarni bezab g'unchalar,
Tongda aytdi hayot otini
Va shabboda qurg'ur ilk sahar
Olib ketdi gulning totini.
Har bahor ham shunday o'tadi,
Qancha tirishsam ham ubeor
Yellar meni aldab ketadi.
Mayli deyman vaqilmayman g'ash,
Xayolimni gulga o'rayman,
Har bahorga chiqqanda yakkash,
Baxtim bormi deya so'rayman.
Yuzlarimni silab,siypalab,
Baxting bor deb esadi yellar,
Etgan kabi go'yo bir talab,
Baxting bor deb qushlar chiyillar.
Hamma narsa meni qarshilar,
Har bir kurtak menga so'ylar roz.
Men yurganda bog'larga to'lar
Faqat baxtni maqtagan ovoz:
"Mana senga olam olam gul,
Etaginga siqqanicha ol,
Bunda tole har narsada mo'l,
To o'lguncha shu o'lkada qol.
Umrida hech gul ko'rmay yig'lab,
O'tganlarning haqqi ham senda,
Har bahorni yig'lab qarshilab
Ketganlarning haqqi ham senda..."
Derazamning oldida bir tup
O'rik oppoq bo'lib gulladi...

✍️Hamid Olimjon
@sheriyatuz

XOTIRJAM ODAM

Yomg‘ir shivirlaydi quloqlarimga,
Ko‘chada odamlar lavasi oqar.
Avtosuvaraklar qatnagan yo‘lga,
O’ychan yo‘lovchilar parishon boqar.
Chaqdi ko‘zlarimni achchiq tutunlar,
Qayrildim yomg‘irli, kimsasiz boqqa.
Yaldo tunlarida qoralamadan,
Sochu soqolimni ko‘chirdim oqqa.
Men ham asli jonli kiyimilgichman,
Soyabon orzusi bag‘rimni o‘ygan.
Ancha bo‘ldi yo‘llar g‘adir-budur deb,
Kiyimimda dazmol qatnamay qo‘ygan.
Takabbur emasman, uxlagim kelsa,
Ostimga bo‘yra ham to‘shayveraman.
Bu yerdan haydasa o‘gay zamona,
Xotiralarda ham yashayveraman.
O’ksinib yurmayman bo‘lmasa uyim,
Bo‘lmasa sigirim, bo‘lmasa echkim.
Xotira bo‘ysunmas boshqarmalarga,
Xotiradan meni haydolmas hech kim!

✍️ Xoldor Vulqon
@sheriyatuz

Ko'klam chaqinlari

Shivirlagan yomg'ir duosin tinglab,
O'ltirsang darchaga termulib gohi.
Yuvilgan chiroqlar porlasa minglab,
Tebransa mast alast daraxtlar shoxi.

Yomg'irli zulmatda uzoq yaqinlar,
Hasratga cho'mganda charog'on kunsiz,
Yaraqlasa olis g'amgin chaqinlar,
Osmon bilan yerni payvandlab unsiz.

✍️ Xoldor Vulqon

@sheriyatuz

Осмон чўкиб қолди бу оқшом,
Юлдуз бўлиб ёғилди бир сас.
Бир маҳалла нигоҳни кўрдим:
Яшаш керак, севиш шарт эмас.

Садоқатми? Кимга керак у?..
Беҳудадир кўз ёшинг сели.
Юлдуз бўлиб ёғилди бир сас:
У бегона. У энди келин...

Тўй — бу асли баджаҳл ота,
Бахтли бўлсин қизим дегани.
Уни сенга бермасман, бўтам,
Тирик экан кўзим, дегани.

Осмон чўкиб қолди бу оқшом,
Қонимда бир ғашлик ўрмалар.
Мен оловга отарман энди,
Юрагимни қийма-қиймалаб...

Ёқа ушлаб қолсин кўрганлар,
Оловларга отгум уни, бас.
Ёниб кетсин чирсиллаб қалбим,
Севиш керак... яшаш шарт эмас!

✍ Муҳаммад Юсуф

@sheriyatuz

@muxlislarbot
@muxlislarbot

larimiz yana ishlay boshladi😊

Sen tomonlar boshqadir balkim
Sezayapman, samoviy tal’at
Borligingga ishonchim komil
Lek ko‘rinish bermashing g‘alat

Balki mushkul bo‘lgani uchun
Kelmayapsan o‘zga olamdan
Yoki kelib qaytib ketdingmi
Ko‘ngling sovib bani odamdan

Ha, biz taraf anchayin chatoq
Urushamiz zarradek joyga
Bularni hal qilmasdan burun
Uy qurmoqchi bo‘lamiz Oyga

Bir tomonda otash -- tilsiz yov
O‘rmonlarni yoqib, qilar kul
Bizchi Marsda suv bormi deya
Sarflaymiz milyard-milyard pul

Qora qit’a ocharchilikdan
Azob chekar tekindan-tekin
Biz janoblar o‘rganayapmiz
Quyosh necha gradusligin

Ha aytgancha qidirayapmiz
Makoningni va aynan seni
Yerliklarda qolmadi mantiq
Olamingga olib ket meni...

✍ Suvonqulov Bekzodbek

#muxlisminbari
@sheriyatuz

Ajoyib havo ! Hamrohlar chiqdi yo`lga. Men va Hayolim . . .
#hokku @sheriyatuz

Yo'llar

O'sha o'sha yomg'ir va o'shanday yo'l,
Qachonlardir birga ikkimiz yurgan.
Jilmayib, qo'limga uzatganding qo'l,
Ruhim zulmatlarin to'ldirib nurga.

Ikkimiz yurganda negadir ko'cha,
Tez tugab qoladi - deganding to'xtab.
Tun bo'yi daydiyman, chiroqlar o'char,
Sensiz ko'chalarning poyoni yo'qday.

✍️ X.Vulqon
@sheriyatuz

ДЕНГИЗДА

Қандай чексизлик!
Қандай тубсизлик!..

Яйраб яшаш мумкин.

Аммо осмонга ўзини отди
Денгизга сиғмаган бир балиқча.

Шу балиқча билан суҳбат қурсак...
Майлими денгиз,
Дунёнинг торлиги ҳақида,
Осмоннинг борлиги ҳақида!

Бирор наҳанг ютиб юбормасдан
Суҳбат қурсак, майлими?..

✍ Усмон Азим

@sheriyatuz

Bahor toshqinlari

To'lqinlar garmonin cho'zg'ilab, chalib,
Beshikday lapanglab oqadi daryo.
Mudroq oy ohista ko'kka yuksalib,
Suvlar ko'zgusiga boqar beparvo.

Baqalar zulmatda g'amgin valaqlar,
Sokin gurungida ilohiy hasrat.
Tizza bo'yi suvga botgan daraxtlar,
Qushlarning inlarin avaylab asrar.

Daryo toshqinlari qulochin yoydi,
Shaffof suv ko'zgusi - to'lin oy suygan.
Qirg'oqlarda yolg'iz yuraman daydib,
Qochib chiqib maxbusday uydan.

✍️ Xoldor Vulqon

@sheriyatuz

ESIMDA

Esimda hamma-hammasi:
Ko‘zlar. Barmoqlar. Gul. Atir...
Siz ham unutmagansiz,
Maktublaringiz yo‘ldadir.

Balki ertaga olarman,
Mayliga, bitta so‘z, bir satr.
Eng muhimi, men bilaman –
Maktublaringiz yo‘ldadir.

Umrim shamollarga kulgu,
Sargashta ayladi taqdir.
Adashib-adashib kelar-ku,
Maktublaringiz yo‘ldadir.

Hayotim o‘zgarar batamom,
Ko‘nglim ko‘zadek to‘ladir.
Sarhush yashaydirman hamon –
Maktublaringiz yo‘ldadir.

O‘n yil o‘tibdi. O‘n yil...
Bu menga yagona daldadir.
Har tong bir orziqib olar dil –
Maktublaringiz yo‘ldadir.

Bizni chalkashtirdi soat millari,
Soating to’xtadi o’n yil muqaddam.
O’n marta aylandi mening yillarim,
Sen o’n yil kechikib kelding, Muharram.

Havo quyuq edi. Kecha bejon, keng...
Hech umid yo’q edi oydin ro’zimdan.
Vaqtga (o’n yil avval) kelolmadim teng,
Vaqt uchdi ajratib meni o’zimdan.

Bir so’zim bor edi – u so’z to’zidi,
Bir o’yim bor edi – quridi u o’y.
Sen kelding eritib yillar muzini,
Qarshimda bir olam turar bahorro’y.

Basabr boqursan, notinch boqursan,
Uyqu bermagaysan she’rlar yozdirib.
Bormasam – olamni o’tda yoqursan,
Ko’zlaring qalbimga kirar bostirib.

Toqat qil. Shoshirma. Men borayapman.
(Poyimdan nur kabi oqa boshlar Yer).
Ketmagin. Men sendan o’n yil nariman,
O’n yildan o’tishga o’n daqiqa ber...

✍ Usmon Azim

@sheriyatuz

#baxtilimisiz #baxtnima

«Baxtiyorlik ichra sen baxtsizlikka uchrashdan qo‘rqqil», demishlar. Biz esa qo‘rqmaymiz. Baxtni bir umrlik in’om sifatida qabul qilamiz. O’ylaymizki, baxt — mehmondir. Mehmon bir soat o‘tiradimi yo o‘n kunmi — oqibat iziga qaytadi. Baxtiyorlikni izzat bilan kutib olib, so‘ng kuzatmoqqa shay turmoq kerak. Uyimizga keluvchi mehmonlarning shakl-shamoyillari turlicha bo‘lganidek, «baxt» deb atalmish mehmon o‘rniga keluvchi yangi mehmon uningdek bo‘lmaydi. Baxt o‘rniga kelguvchi mehmonning nomi — «baxtsizlikdir». Ha, aynan shunday. Baxtsizlik ham mehmondir. Uning ham izzatini joyiga qo‘yib kutib olmoq va kuzatish tadorigini ko‘rmoq lozimdir. Baxtsizlikning o‘rniga kelajak mehmon, shubhasiz — BAXTIYORLIKdir.

Tohir Malik

#asardanparchalar

"Болалигимни эсласам, илиқ ёз кечалари кўз олдимга келади. Ҳовлимизда бир туп бодом бўларди. Эрта баҳорда қийғос гулларди-ю, ҳеч мева тугмасди. Онам: «Бодом ёлғиз бўлгани учун мева қилмайди», деб тушунтирарди. Шу бодом тагида супа бор эди. Кун ботиши билан онам ҳовлига кўлоблатиб сув сепар, кунбўйи офтобда қизиган ер ҳиди супа олдидаги райҳонлар исига қўшилиб ажиб бир тароват таратар, атроф жимжит бўлиб қолар эди. Кейин йирик-йирик юлдузлар билан тўлган осмонга тиллақошдек ингичка ой сузиб чиқарди. Ойим ойга тикилиб туриб оҳиста пичирлар эди:
Оймомахон хулла,
Қанотлари тилла.
Субхон алло сизга,
Умр берсин бизга. . .
Шундай деб бошимни силарди."
Ўткир Ҳошимов - "Дунёнинг ишлари".
@sheriyatuz

ЎЗГАРИШ
Юракда улғаяр дарду ғам,
Овунчоқ топилмас битта ҳам.
Менга тикиларди бошқача...
Кўзларинг ўзгарган жуда ҳам!
Сен ғазал эдинг, сен шеър эдинг,
Бир кулиб юракни ер эдинг.
Шодланиб “севардим” дер эдинг,
Сўзларинг ўзгарган жуда ҳам!
Энг қутлуғ туйғуни туярдинг –
Елларни тўхтатиб қўярдинг,
Ўшанда бошқача суярдинг...
Ҳисларинг ўзгарган жуда ҳам!
Оҳ, мани кўрганда фарёддан,
Қизариб кетардинг уятдан...
Асар ҳам йўқ ўша ҳайратдан,
Юзларинг ўзгарган жуда ҳам!
Нимадир йўқолган дардингдан,
Дунёлар йиғлаган шартингдан?!
Изиллаб йўл тушсам ортингдан,
Изларинг ўзгарган жуда ҳам!
Рози бўл, пойингга йиқилай,
Ҳазонлар сайридек тўкилай...
Не қилай, азизам, не қилай,
Кўзларинг ўзгарган жуда ҳам!!!

ОДДИЙ МУАЛЛИМ

Қадри билинади энди менга гоҳ,
Оддий мактабимнинг ўша беҳашам,
Навоий-ку бизга устоздир, бироқ,
Кимдир ўқитган-ку Алишерни ҳам!
Шундай буюк зотга ҳарф ўргатган ким?
Оддий муаллим-да, оддий муаллим!

Аяган ҳаётнинг санчиқларидан,
Йиқилса кўтарган тўсиқларидан,
Отадек эзилган, ғуссага ботса,
Боладек қувонган ютуқларидан.
Уйқуда шогирдин ўйлаб ётган ким?
Оддий муаллим-да, оддий муаллим!

Йўқдан Берунийни бинолар қилган,
Ҳусайнни Ибн Синолар қилган,
Машрабни машҳури дунёлар қилган.
Абдуллонинг тилин бурролар қилган,
Илон ўйнатгандек сўз ўйнатган ким?
Оддий муаллим-да, оддий муаллим!

Юзга кираман мен Худо хоҳласа,
Эҳтимол, юздан ҳам ўтарман бир кун.
Қайноқ қучоғида ҳурлар чорласа,
Ҳеч кимдан қарзим йўқ кетарман бир кун.
Бўлса ҳам, бир зотда бўлади қарзим,
Оддий муаллим у, оддий муаллим!


Муҳаммад Юсуф.

@sheriyatuz

Ҳовлимизга жаннат бўйин таратган,
Саболарга ифор тутган, яйратган,
Кўкдан ойу офтобни ҳам қаратган,
Борлиғида малакларми ниҳонлар,
Ризвон экан онам эккан райҳонлар.

Капалаклар аримасди қошидан,
Боларилар кетолмасди бошидан,
Унганмиди онамнинг бардошидан,
Оҳ кафтдаги жаннат, дерди гирёнлар,
Эҳсон экан онам эккан райҳонлар.

Гарчи гул кўп бу оламда ифорли,
Қўл чўзсанг гар озорлигу, тиконли,
Тароватли, муслим каби иймонли,
Уни аршдан туширмишми посбонлар,
Жаҳон экан онам эккан райҳонлар.

Ҳар тонг туриб сийпарди гул юзларин,
Эркалаган она каби қизларин,
Сирдош билиб айтганми дард, сўзларин
Ўша чоғлар нени қилмиш баёнлар,
Достон экан онам эккан райҳонлар.

Bugungi kun internet odamlari ...

Менга айтдиларки,
Келганмиш кўклам:

Хаволар тозадир,
Дала дашт кўкдир...

Деразани очиб
Бундай қарасам,

Дунда сендан ўзга
Ҳеч нарса йўқдир!

✍Усмон Азим

@sheriyatuz

@retro @sheriyatuz