🎥🎙️ AzTV-yə müsahibə verən tələbə gündəmdədir. O, müavinətinin 25 manat artmasının həyatında xeyli dəyişiklik yaratdığını bildirib.

📖 İslama qarşı təxribat davam edir. İsveçin ardınca bu dəfə Niderlandda bənzər addım atılıb. Anti-islam hərəkatının lideri Edvin Vaqensveld Haaqa polisinin müşayiəti altında Quran kitabının vərəqlərini cırıb.

Sanki bilərəkdən hansısa qüvvələr yeni qarşıdurma yaratmaqda maraqlıdır. Görəsən bu addımlar hansı ölkələrin və ya liderlərin işinə yarayır?

🎥 Qondarma “Dağlıq Qarabağ respublikası”nın “dövlət naziri” erməniəsilli rusiyalı biznesmen Ruben Vardanyan “BBC”nin “Hard Talk” proqramında Stiven Sakurun suallarını cavablandırıb. “BBC Azərbaycanca” həmin müsahibədən bir hissəni dilimizdə tərcümə edərək paylaşıb.

🚨 Şəmkirin həbsdə olan sabiq icra başçısı Alimpaşa Məmmədov: “İcra nümayəndələrinin heç bir günahı yoxdur. Bu məsələdə birbaşa günahkar mənəm, əhalinin siyahıya alınması zamanı toplanmış 40 min manatı şəxsən mən mənimsəmişəm”.

🎙️ Deputat Əli Məsimli: “Türkiyədə qiyməti 3,2 manat olan dərman Azərbaycanda 39,4 manata satılır. Bunun qarşısını düşünürəm ki, Rəqabət Məcəlləsinin qəbul olunması alacaq."

🚨 Tanınmış güləşçi, yeniyetmələr arasında olimpiya çempionu, Avropa və dünya mükafatçısı Elman Muxtarov həbs edilib. O, zor tətbiq etmək və qəsdən sağlamlığa yüngül zərər vurma maddələri ilə ittiham edilib.

E.Muxtarov bu yay yaxın münasibətdə olduğu Günay Əliyevanın (ad, soyadı şərti) həyat yoldaşı Zamiq Əliyevin (ad, soyadı şərti) üzünə bıçaqla xəsarət yetirib. Daha sonra o, Z.Əliyevin oğlu D.Əliyevi (ad, soyadı şərtidir) yaşadığı binanın qarşısında izləyib. D.Əliyev evə daxil olan zaman Elman da mənzilə soxulub. Bu zaman Z.Əliyev də evdə olub. Evə basqın edən idmançı Z.Əliyevə yumruq zərbələri endirib və evdən 2800 manat pul götürərək gedib. E.Muxtarov uzun müddətdir G.Əliyeva ilə yaxın münasibətdə olduğunu bildirib. O, həmçinin qadının mobil telefonunu lombarda girov qoyaraq pul götürdüyünü və həmin pulu mərc oyununda uduzduğunu da bildirib.

📸 Yanvarın 21-nə keçən gecə "Park Qusar" hotelindəki koteclərdən birində baş vermiş dəhşətli yanğında ailə üzvləri ilə birgə həyatını itirən Emin Babayevin son fotosu üzə çıxıb. Fotoda E. Babayev oğlu Raufla birgə yer alıb. Xanımı Zülfiyyə Babayevanın çəkdiyi şəkildə fəciəyə səbəb olan kamin də görünür.

Qeyd edək ki, hadisədə vəfat edən Rauf Babayev ADA-nın tələbəsi olub. O, universitetə 670 balla qəbul olubmuş.

Xatırladaq ki, hadisə nəticəsində E.Babayev, onun həyat yoldaşı Zülfiyyə Babayeva və ailənin yeganə övladı, 2005-ci il təvəllüdlü Rauf B. dünyasını dəyişib. Həmçinin kotecin digər mərtəbəsində olan 1973-cü il təvəllüdlü Rüstəm Dadaşov da yanğında vəfat edib.

🚨 AZAL-ın prezidenti Cahangir Əsgərov vəzifəsindən kənarlaşdırılıb. Qaynarinfo-nun əldə etdiyi məlumata görə, hazırda AZAL-da yoxlamalar aparılır və təhvil-təslim prosesi gedir. Məlumatda qeyd olunur ki, hazırda AZAL-a rəhbərlik qurumun birinci vitse-prezidenti Samir Rzayevə tapşırılıb. Yaxın vaxtlarda Cahangir Əsgərovun vəzifəsindən azad olunması ilə sərəncamın yayılacağı gözlənilir.

🆘 Ümumdünya Səhiyyə Təşkilatı: Son 4 ayda Qambiya, İndoneziya və Özbəkistanda əksəriyyəti 5 yaşa qədər olan, toplam 300-ə yaxın insan keyfiyyətsiz öskürək siropu səbəbindən dünyasını dəyişib. The Guardian yazır ki, ölümə səbəb olan siroplar daha çox Hindistan mərkəzli dərman firmalarının istehsalıdır.

💥 Ukraynaya tanklar gəlir

✍️ WSJ ABŞ rəsmilərinə istinadən yazır ki, Bayden administrasiyası Ukraynaya xeyli sayda Abrams M1 tankı göndərməyə hazırlaşır. Qərar bu günlərdə verilə bilər. Pentaqon rəsmiləri bildirir ki, məqsəd Almaniyanı Ukraynaya Leopard 2 tanklarını göndərməyə həvəsləndirməkdir.

✍️ İndicə Spiegel yazdı ki, nəhayət Şolts qərar verdi: Ukraynaya Leopard 2 tankları göndəriləcək.

✍️ ABC news yazır ki, son Ramshtain müzakirələrində toplam 12 ölkədən Ukraynaya 100-ə yaxın Leopard 2 tankı göndəriləcək.

🚨 6 ayın əsgəri Salahov Əkrəm Asim oğlu Laçında naməlum şəraitdə dünyasını dəyişib.

Respublika Hərbi Prokurorluğundan bildirib ki, Müdafiə Nazirliyinin N saylı hərbi hissəsinin hərbi qulluqçusu, əsgər Salahov Əkram Asim oğlunun yanvarın 24-də odlu silahdan atəş açmaqla özünü öldürməsi barədə Qubadlı hərbi prokurorluğuna məlumat daxil olub.

🇺🇦 Bu gün 45 yaşı tamam olur. Səhifə olaraq təbrik edirik və qələbə arzulayırıq. 🎂

🚨 İtaliyanın Juventus klubu maaliyə pozuntusunda ittiham olunaraq 15 xaldan məhrum edilmişdi. CdS yazır ki, indi də klubun maaş sistemi araşdırılır. Qanun pozuntuları üzə çıxarsa, Juventus daha 15 xaldan məhrum ediləcək.

🎙️ Bloger Mehman Hüseynovla deputat Erkin Qədirli arasında qısa sual-cavab

🔥 Ukrayna Müdafiə Nazirliyinin Baş Kəşfiyyat İdarəsinin nümayəndəsi Skibitski: "Bu gün cəbhə xəttində bütün istiqamətlərdə rus qoşunları yenidən qruplaşır. Rusiya güclü hücuma hazırlaşır. Yaz və yayın əvvəli həlledici olacaq".

📆 Bu gün uğursuz Daşaltı əməliyyatından 31 il keçir.

🆘 Kinematoqrafçılar İttifaqından kütləvi İSTEFA

🎥 Bir qrup incəsənət xadimi Kinematoqrafçılar İttifaqını boykot edərək quruma üzvlükdən imtina edib. Onlar arasında Xalq artisi Əbdül Mahmudov, Xalq artisti Ramiz Məlikov, Əməkdar İncəsənət Xadimi Yavər Rzayev, Əməkdar artist Gülşad Baxşıyeva, Əməkdar artist Münəvvər Əliyeva da var.

🎂 Bu gün Xalq artisti Aygün Kazımovanın 52 yaşı tamam olur.

🇺🇦 Ukrayna Avropadan ümumilikdə 80 Leopard 2 tankı alacaq – Spiegel

Bu say iki batalyon deməkdir. Üçüncü batalyon ABŞ-dan göndəriləcək Abrams tanklarından formalaşdırılacaq. Almaniya MN bildirir ki, ilk Leopardlar 3 aydan sonra göndəriləcək. Bu müddət ərzində isə Ukrayna hərbçilərinə bu tanklardan istifadə ilə bağlı təlimlər keçiriləcək. Bu arada kansler Olaf Şolts bəyan edib ki, Almaniya Ukraynaya hərbi təyyarə və hərbçi göndərmək fikrində deyil.

🚨 Bu hadisə ilə bağlı məhkəmənin növbəti prosesi keçirilib. İfadələr dəhşətdir. Xəbəriniz yoxdursa, paylaşaq.

🚨 Deməli “Sərhədçi” idman kompleksinin kikboksinq üzrə məşqçisi Nurani Qalabəylinin qətlində ittiham olunan 36 yaşlı həyat yoldaşı Əfsanə Qalabəylinin məhkəmə prosesi davam edir.

“Qafqazinfo” xəbər verir ki, sonuncu prosesdə şahid qismində Fidan Babaşova (şərti) ifadə verib. Məhkəmədə məlum olub ki, 49 yaşlı Nurani üç il ərzində Fidanı Əfsanə ilə yaşadığı evə gətirib və onun yanında Fidanla intim münasibətdə olub. Elə qətl hadisəsi də bu hərəkətlərin sonunda baş verib. Fidan ifadəsində bildirib ki, mərhum Nurani ilə kafedə işləyən zaman tanış olub:

“Tanış olandan sonra Nurani məni evinə dəvət etdi. Mən getmək istəmədim. Həyat yoldaşı Əfsanəyə zəng edib dedi ki, evə qadın gəlir. Telefonla danışandan sonra mənə dedi ki, narahatlıq yoxdur, bizim birlikdə evə getməyimizə Əfsanə razıdır. Bundan sonra onlara getməyə razılaşdım. Evdə bizi Əfsanə qarşıladı. Dedi ki, narahatlıq yoxdur, sərbəst ol. Biz birlikdə çay içdik, söhbət etdik. Daha sonra Əfsanə bizə yer saldı, razı deyildim. Nurani mənə hədə-qorxu gəlməyə başladı. Həmin vaxt Nurani məni döydü, barmağımı zədələdi. Sonrakı günlərdə Nurani ilə telefonda danışdıq. Zənglərinə cavab verməyəndə məni öldürməklə hədələyirdi”. Prokurorun suallarını cavablandırarkən məlum olub ki, Fidan özü də həmin vaxt evli imiş, iki uşağı varmış: “Ərimin bu hadisələrdən xəbəri yox idi. Nuranigildə qalanda yalandan ərimə qardaşımgildə qaldığımı deyirdim. Adətən, onlara gecə gedirdim. Nurani içki içəndə özündə olmurdu. Onunla görüşməyəcəyim halda mənimlə olan münasibətlərimiz barədə yaxınlarıma, qohumlarına zəng edərək deyəcəyini bildirib. Məni ərimlə, oğlumla şantaj edib. Onunla evlərində intim münasibətimiz üç il davam etdi. Arvadı da, uşaqları da evdə olurdular. Hətta Əfsanə bizə otaq hazırlayırdı".

Prokurorun “Nəyə görə Əfsanə sənin Nurani ilə görüşməyinə göz yumurdu?” sualına şahid cavabında: “Nurani mənə dedi ki, Əfsanənin mənə etiraz etməyə haqqı çatmır”, - deyə bildirib.

Bu zaman Əfsanə deyib ki, əri təkcə Fidanla əlaqədə olmayıb. Onun sözlərinə görə, Fidan görüşə gələndə bacısı qızını da gətirib: “Ərimin təzyiqi ilə Fidana da, onun bacısı qızına da yer açmışam. Nurani onun bacısı qızı ilə cinsi əlaqədə olub. Fidan onları mətbəxdə gözləyirdi. Bir dəfə onlar otaqdan gec çıxdıqlarına görə Fidan etiraz etdi. Bu vaxt Nurani onun başına telefon çırpdı. Bizə rəfiqəsini də gətirib. Bu hal iki dəfə olub. Həmin vaxt Nurani Fidandan tələb etdi ki, qızını niyə gətirməmisən? Bu səbəbdən onu döydü. Bundan başqa, Fidandan qardaşı qızı, qaynı qızını da gətirməsini istəyib”.

Məhkəmədə Əfsanə Fidana “Uşaqlarımdan heç utanırdın?” sualını verib. Fidan isə cavabında evə gecələr gəldiyi üçün uşaqların onu görmədiyini, üç il ərzində cəmi bir dəfə Nuraninin övladlarının onları gördüklərini deyib.