ناظم السماوي || دوريتك ||
دوريتك بين نجمات الثريا وما لكيتك
يا حسافه تبيعني برخص الأمس يا الما دريتك
روحي وحشة وطيفك الغايب عبرها
ليلي كلمة عشك عذبها صبرها
ولك لو تسوى العتب جا عاتبيتك
ولك لو تسوى العتب جا عاتبيتك
عمري بردين شتا وبكاع هيمة
عمري سباحة بجرف عاشت يتيمة
وأنت مطرت صيف مرت ياحريمة
تيهتني وتهت والغربة عذاب
وعيني ما تعرف الماي من السراب
بهيدة يالكلك دغش ...
بهيدة يالكلك دغش ...وأنا أشتهيتك
ولك لو تسوى العتب جا عاتبيتك .....
ولك لو تسوى العتب جا عاتبيتك
شوكي صفصافة حزن منك
بقايا ..جفنك النعسان خايب ولك ما مرة بچالي
حوبتي تعثرك ياخايب انا ودموع الليالي
حوبتي تعثرك ياخايب انا ودموع اليالي
جرح الموادع كلف فنك تشيلة وياك
ونه بدون العبي لايك ياماي الحب يا دهيله
أشدعوه يالتايه برايك .... أشدعوه يالتايه برايك
وانا بكلبي شريتك ..... دوريتك
دوريتك بين نجمات الثريا وما لكيتك
يا حسافه تبيعني برخص الأمس يا الما دريتك
روحي وحشة وطيفك الغايب عبرها
ليلي كلمة عشك عذبها صبرها
ولك لو تسوى العتب جا عاتبيتك
ولك لو تسوى العتب جا عاتبيتك
عمري بردين شتا وبكاع هيمة
عمري سباحة بجرف عاشت يتيمة
وأنت مطرت صيف مرت ياحريمة
تيهتني وتهت والغربة عذاب
وعيني ما تعرف الماي من السراب
بهيدة يالكلك دغش ...
بهيدة يالكلك دغش ...وأنا أشتهيتك
ولك لو تسوى العتب جا عاتبيتك .....
ولك لو تسوى العتب جا عاتبيتك
شوكي صفصافة حزن منك
بقايا ..جفنك النعسان خايب ولك ما مرة بچالي
حوبتي تعثرك ياخايب انا ودموع الليالي
حوبتي تعثرك ياخايب انا ودموع اليالي
جرح الموادع كلف فنك تشيلة وياك
ونه بدون العبي لايك ياماي الحب يا دهيله
أشدعوه يالتايه برايك .... أشدعوه يالتايه برايك
وانا بكلبي شريتك ..... دوريتك
فاضل عبد الساده || عوادين الاقفاص ||
هو مو كلمن ينجرح جرحه يطيب
لا ولا كل بيت ضعفه من الاساس
لا ولا كلمن هجر كاعه غريب
كلشي بالدنيا الة احدود وقياس
اكو ناس كلوبهة من الهم تشيب
واكو ما مهموم ومشيب الراس
الناس بيهة اجروح تحتاج لطبيب
وآنة بية اجروح تحتاجلها ناس
كبل حسرة يخلف بكلبي اليغيب
بإنتظاره ابقى شمع واشواكي ياس
لاكن من شفت الغدر من القريب
بدلت دمعي ضحك والسلوى كاس
اني عاشك ضيم واطرب للنحيب
هم شفت شجرة بحياتك تهوى فاس
وانة مكور حزن بس مليان طيب
حتى بلما حاس بية بضيمه حاس
كالمسيح اصبحت وهمومي صليب
والهموم شلون من عدها الخلاص
عاشرت بلبل ربة ولكيته ذيب
وهسة اشك حتى بعوادين الاقفاص
مو عجيبة انخنت بس هو العجيب
تبقى للخاين وفي وكلك اخلاص
ليش يا كلبي لظلمهم نستجيب
ويا بريء ال يقبل بحكم القصاص
لا اتصورلي العدو بصورة حبيب
ولا اتكلي الورد اقسى من الرصاص
ولا اتكلي النار ما بيهة لهيب
آني شاعر لا اتصير براسي قاص
هو مو كلمن ينجرح جرحه يطيب
لا ولا كل بيت ضعفه من الاساس
لا ولا كلمن هجر كاعه غريب
كلشي بالدنيا الة احدود وقياس
اكو ناس كلوبهة من الهم تشيب
واكو ما مهموم ومشيب الراس
الناس بيهة اجروح تحتاج لطبيب
وآنة بية اجروح تحتاجلها ناس
كبل حسرة يخلف بكلبي اليغيب
بإنتظاره ابقى شمع واشواكي ياس
لاكن من شفت الغدر من القريب
بدلت دمعي ضحك والسلوى كاس
اني عاشك ضيم واطرب للنحيب
هم شفت شجرة بحياتك تهوى فاس
وانة مكور حزن بس مليان طيب
حتى بلما حاس بية بضيمه حاس
كالمسيح اصبحت وهمومي صليب
والهموم شلون من عدها الخلاص
عاشرت بلبل ربة ولكيته ذيب
وهسة اشك حتى بعوادين الاقفاص
مو عجيبة انخنت بس هو العجيب
تبقى للخاين وفي وكلك اخلاص
ليش يا كلبي لظلمهم نستجيب
ويا بريء ال يقبل بحكم القصاص
لا اتصورلي العدو بصورة حبيب
ولا اتكلي الورد اقسى من الرصاص
ولا اتكلي النار ما بيهة لهيب
آني شاعر لا اتصير براسي قاص
👍1
أدهم عادل || احب وحـده ||
(أحب وحّدة تگلي الگمر من يا لون؟!..)
(أحب بنية ما تدري الخبال شلون..)
(أحب شفة تريد الدرب بس مّتون !!)
(تعّقل وآني الاتخبل !..)
من تّضحكين
تطّلع للصحارى سنون !..
ومن تبّچين
هاي الدنيا ما يبقة بوجها عيون..
ومن تمشين
يمشي وياچ دمعي ظنون..
حرامات العقل وياج
چان يخاف
ما شفّتيني بخبالي !!..
ما شفّتيني
من چنت أزرع
شفافچ أعلى خيالي..
ما لحّگتي بية شلون
من آخذ عيونچ وأختل ببالي..
بدلة عرس للعقّال
مترهّمين
للشكّگلچ هدومة..
مترهّمين
للبايع سنينة لمگبرة
وبعدين
مآخذ منها بس يومة..
خسرّتي أنسان
چان يضمّچ
من الناس بهدومة..
يل تمشين
سم أصفر بزردومة..
(ولو يدري)
إعلى دمة الترس كل الكون
حتى الخنجر يلومة..
ما مظلوم من عيونچ الوكحات
بس عيوني مظلومة !
(أحب وحّدة تگلي الگمر من يا لون؟!..)
(أحب بنية ما تدري الخبال شلون..)
(أحب شفة تريد الدرب بس مّتون !!)
(تعّقل وآني الاتخبل !..)
من تّضحكين
تطّلع للصحارى سنون !..
ومن تبّچين
هاي الدنيا ما يبقة بوجها عيون..
ومن تمشين
يمشي وياچ دمعي ظنون..
حرامات العقل وياج
چان يخاف
ما شفّتيني بخبالي !!..
ما شفّتيني
من چنت أزرع
شفافچ أعلى خيالي..
ما لحّگتي بية شلون
من آخذ عيونچ وأختل ببالي..
بدلة عرس للعقّال
مترهّمين
للشكّگلچ هدومة..
مترهّمين
للبايع سنينة لمگبرة
وبعدين
مآخذ منها بس يومة..
خسرّتي أنسان
چان يضمّچ
من الناس بهدومة..
يل تمشين
سم أصفر بزردومة..
(ولو يدري)
إعلى دمة الترس كل الكون
حتى الخنجر يلومة..
ما مظلوم من عيونچ الوكحات
بس عيوني مظلومة !
👍2
محسن الخياط || الطوگ و المحبس ||
رحت كوه بجرح من سيف
بي ماضاج خلك السيف يتونس
رحت كوه صعدت صعود
اماطل والصعدته املس
رحت كوه اذب روحي على العطشان
واليابس كبل سنتين بيه الحس
رحت كوه مثل كاغد عتيج
وملتف ومشكوك ومعفس
اصوغ الونه بيها احجي
واخيط الحسره بيها البس
ومن شفت الخضر ماطاح
رديت على الميبس
نشدت الليل عن وجه الصبح ماكال
شاور وحشته وغلس
يمشحوف على ريح الليل
تاه معيبره وسيس
ضوه مطفي وشمع مخنوك
هلبت يوم يتنفس
وﻻرده وﻻهوسة حصاد
ومنجلك هوس
حرت بيك وحرت بيه
عمت عين الدخول المايضوك الخس
وحك ذاك اليعدي الليل
نايم كلشي ماهيس
انا جروحي جرح مايدري شمتاني
وجرح فاته الوكت ايس
وجرح ظل ياكل بروحه
انمرد والينمرد يلهس
شريت الجاي يشريني
وعليه مزاود الشدات يمهندس
يصوغه من حنين الكاع
من تغسل ومن تلبس
قلم من لون الكتابه
يحلو الذات والملبس
العمر بردي ويناتر بي
يعته الوكت يتهلس
اخافن جيتك تفوته
واخاف الباجي يسلس
ماتكعد جواك الريش يالنعام
كضيت العمر تشمس
بنفسج ياضوه الواحه
يتكي الشام يملبس
سرج ليلو ومهر ادبس
لهسه وماعشكت عليك
وانت الطوك والمحبس
يطير الماي يانورس
اغنيلك شغنيلك
اغني شلون وانا اخرس..!
رحت كوه بجرح من سيف
بي ماضاج خلك السيف يتونس
رحت كوه صعدت صعود
اماطل والصعدته املس
رحت كوه اذب روحي على العطشان
واليابس كبل سنتين بيه الحس
رحت كوه مثل كاغد عتيج
وملتف ومشكوك ومعفس
اصوغ الونه بيها احجي
واخيط الحسره بيها البس
ومن شفت الخضر ماطاح
رديت على الميبس
نشدت الليل عن وجه الصبح ماكال
شاور وحشته وغلس
يمشحوف على ريح الليل
تاه معيبره وسيس
ضوه مطفي وشمع مخنوك
هلبت يوم يتنفس
وﻻرده وﻻهوسة حصاد
ومنجلك هوس
حرت بيك وحرت بيه
عمت عين الدخول المايضوك الخس
وحك ذاك اليعدي الليل
نايم كلشي ماهيس
انا جروحي جرح مايدري شمتاني
وجرح فاته الوكت ايس
وجرح ظل ياكل بروحه
انمرد والينمرد يلهس
شريت الجاي يشريني
وعليه مزاود الشدات يمهندس
يصوغه من حنين الكاع
من تغسل ومن تلبس
قلم من لون الكتابه
يحلو الذات والملبس
العمر بردي ويناتر بي
يعته الوكت يتهلس
اخافن جيتك تفوته
واخاف الباجي يسلس
ماتكعد جواك الريش يالنعام
كضيت العمر تشمس
بنفسج ياضوه الواحه
يتكي الشام يملبس
سرج ليلو ومهر ادبس
لهسه وماعشكت عليك
وانت الطوك والمحبس
يطير الماي يانورس
اغنيلك شغنيلك
اغني شلون وانا اخرس..!
👍2❤1
احمد عاشور || الـ ما يعرفك ما يثمنك ||
المايعرفــك مــايثمنـــك لاتــروح
هنانه ظــــل بدار حقك مستجن
وهيه مو شغلة مكـــــابر لاتخاف
انت ســـــــر وهيبتك من تندفن
الوحشه حيل تلوكلك ظل بيه ليل
حتى اسمعنك ونيني من ارد اون
بحركة الما تدري بي ميت عليك
اي بحركة ياس وي حن وانه حن
ولا تحجي اليسوه والما يسوه بيك
الدمعه ماتسوه فلس بره الجفن
النثيه اليموتهه مو طلعان روح
تموت من يحجونهه بطرف اللسن
شلون ماتكلبني تلكاني غشيم
والله ماضميــــت سرك لو فطن
جنت اشم ريحة وداعك من زمان
من جنت تتخيل ضلوعي سجن
من جنت تشبكني وعيونك لفوك
تطير بس تخــــاف وترد للغصن
تشيل جدمك واني اكلك لا تعال
يا (جنين) الدنيه مو مثل البطن
هاي وادم ماتعرف احساس شوك
كبل لاترمش عيونـــــك تنطعن
وياهو يكدر يوصلك وانت بحماي
بحظني وتلوحك اديهم لا تظن
ابليس يندل للجوامع مايفوت
والله مو عزة نفس بس ينلعن
ابليس يتلكه اليمر منطي كفاه
شحال لو واحد يجي يحظنه حظن
وانت شموازيك تمشي بغير كاع
الغريب ويه النفس يشتم حزن
اليغرك يشيعه النهر بجفوف ماي
تشمره ويكظه الكصب مايندفن
المايعرفــك مــايثمنـــك لاتــروح
هنانه ظــــل بدار حقك مستجن
وهيه مو شغلة مكـــــابر لاتخاف
انت ســـــــر وهيبتك من تندفن
الوحشه حيل تلوكلك ظل بيه ليل
حتى اسمعنك ونيني من ارد اون
بحركة الما تدري بي ميت عليك
اي بحركة ياس وي حن وانه حن
ولا تحجي اليسوه والما يسوه بيك
الدمعه ماتسوه فلس بره الجفن
النثيه اليموتهه مو طلعان روح
تموت من يحجونهه بطرف اللسن
شلون ماتكلبني تلكاني غشيم
والله ماضميــــت سرك لو فطن
جنت اشم ريحة وداعك من زمان
من جنت تتخيل ضلوعي سجن
من جنت تشبكني وعيونك لفوك
تطير بس تخــــاف وترد للغصن
تشيل جدمك واني اكلك لا تعال
يا (جنين) الدنيه مو مثل البطن
هاي وادم ماتعرف احساس شوك
كبل لاترمش عيونـــــك تنطعن
وياهو يكدر يوصلك وانت بحماي
بحظني وتلوحك اديهم لا تظن
ابليس يندل للجوامع مايفوت
والله مو عزة نفس بس ينلعن
ابليس يتلكه اليمر منطي كفاه
شحال لو واحد يجي يحظنه حظن
وانت شموازيك تمشي بغير كاع
الغريب ويه النفس يشتم حزن
اليغرك يشيعه النهر بجفوف ماي
تشمره ويكظه الكصب مايندفن
❤2👍2
مظفر النواب || للريل و حمد ||
مرّينه بيكم حمد ،
واحنه إبقطار الليل
واسمعنه دكَ اكَهوه
وشمّينه ريحة هيل
يا ريل صيح ابقهر
صيحة عشكَ يا ريل .
هودر هواهم ولك
حدر السنابل كّطه
-
يا بو محابس شذر ، يلشاد خزّامات
يا ريل بلّله ابغنج
من تجزي بام شامات
ولا تمشي مشية هجر
كَلبي بعد ما مات .
وهودر هواهم ولك
حدر السنابل كَطه .
-
جيزي المحطة بحزن وونين يفراكَين
ما ونّسونه بعشكَهم عيب تتونسين .
يا ريل جيّم حزن أهل الهوى مجيّمين .
وهودر هواهم ولك
حدر السنابل كَطه .
-
يا ريل طلعوا دغش والعشكَ جذابي
دِكَ بيه كل العمر ما يطفه عطابي
نتوالف ويه الدرب وترابك ترابي .
وهودر هواهم ولك
حدر السنابل كَطه .
-
آنه أرد ألوكَ لحمد . ما لوكَن لغيره
يجفلني برد الصبح وتلجلج الليره
يا ريل باول زغرنه لعبنا طفيره .
وهودر هواهم ولك
حدر السنابل كَطه .
-
جن حمد فضة عرس جن حمد نركَيله
مدكَكَ بمي الشذر ومشلّه شليله
يا ريل . ثكَّل يبويه وخلِ أناغيله
يمكن أناغي بحزن منه ويحن الكَطه
كَضبة دفو ، يا نهد لملمك برد الصبح
ويرجفنّك فراكَين الهوه ياسرح .
يا ريل . لا . لا تفززّهن . تهيّج الجرح
خليهن يهودرن حدر الحراير كّطه .
-
جن كّذلتك ، والشمس ، والهوه هلهوله
شلايل بريسم ، والبريسم اله سوله
واذري ذهب يا مشط يلخلكَكَ اشطوله .
بطول الشعر
والهوى البارد ينيّم الكَطه .
-
تَو العيون امتلن ضحجات وسواليف
ونهودي زمَّن ، والطيور الزغيره ، تزيف .
يا ريل . سَّيس هوانه وما اله مجاديف .
وهودر هواهم ولك
حدر السنابل كَطه .,!
مرّينه بيكم حمد ،
واحنه إبقطار الليل
واسمعنه دكَ اكَهوه
وشمّينه ريحة هيل
يا ريل صيح ابقهر
صيحة عشكَ يا ريل .
هودر هواهم ولك
حدر السنابل كّطه
-
يا بو محابس شذر ، يلشاد خزّامات
يا ريل بلّله ابغنج
من تجزي بام شامات
ولا تمشي مشية هجر
كَلبي بعد ما مات .
وهودر هواهم ولك
حدر السنابل كَطه .
-
جيزي المحطة بحزن وونين يفراكَين
ما ونّسونه بعشكَهم عيب تتونسين .
يا ريل جيّم حزن أهل الهوى مجيّمين .
وهودر هواهم ولك
حدر السنابل كَطه .
-
يا ريل طلعوا دغش والعشكَ جذابي
دِكَ بيه كل العمر ما يطفه عطابي
نتوالف ويه الدرب وترابك ترابي .
وهودر هواهم ولك
حدر السنابل كَطه .
-
آنه أرد ألوكَ لحمد . ما لوكَن لغيره
يجفلني برد الصبح وتلجلج الليره
يا ريل باول زغرنه لعبنا طفيره .
وهودر هواهم ولك
حدر السنابل كَطه .
-
جن حمد فضة عرس جن حمد نركَيله
مدكَكَ بمي الشذر ومشلّه شليله
يا ريل . ثكَّل يبويه وخلِ أناغيله
يمكن أناغي بحزن منه ويحن الكَطه
كَضبة دفو ، يا نهد لملمك برد الصبح
ويرجفنّك فراكَين الهوه ياسرح .
يا ريل . لا . لا تفززّهن . تهيّج الجرح
خليهن يهودرن حدر الحراير كّطه .
-
جن كّذلتك ، والشمس ، والهوه هلهوله
شلايل بريسم ، والبريسم اله سوله
واذري ذهب يا مشط يلخلكَكَ اشطوله .
بطول الشعر
والهوى البارد ينيّم الكَطه .
-
تَو العيون امتلن ضحجات وسواليف
ونهودي زمَّن ، والطيور الزغيره ، تزيف .
يا ريل . سَّيس هوانه وما اله مجاديف .
وهودر هواهم ولك
حدر السنابل كَطه .,!
❤1👍1
عباس الغالبي || صفنة اه ||
:
لجمهن يركص بروحي..
وتوازة اعل شم الآه..
رفكة ماي جاريت النده بطرواك..
وتسرسح عباية طيف..
... وتغطه اعل ريح شتاك
يتمشه اعل جفني الطير...
وديت الحلم للغير..مافك ياخه مني جفاك
جمدوب الكصب بردان
ونه بوجهي مضيف انسان
مافز اعل صيت الشيخ..
فز اعل الغنه الملموم.
وحفنة هموم
وحجايات (صفنة نوم)
كلشي ولااشوفك جاي
طبع الناي جيتك وآنه ضيجة صوت
ماعايز حزنّه هواي..
رافكتك خلك عاكول
بس بوجه جوري ابيض..
ورافكتك سهر مشلول..
بس بوجه صبره انفض
...
علساعة يطيح شوفي المنتجي اعل الدوم..
ما ملجوم منّك بس اشم فراك
وي كل غبشه بيه يحوم
اتوجه اعل طيف العام...والمّن شكو من التسعين
ظل بجيب حزني المالكاله الثام
وفزلك جنّي ركصة ماي من يسمع غنه الخضرة
وغنّيلك يتيم هواي ...(زفّو عيني للكمرة)
ولامندوم,,,
انه لخاطر غبشتك راح اعذره الليل..
:
لجمهن يركص بروحي..
وتوازة اعل شم الآه..
رفكة ماي جاريت النده بطرواك..
وتسرسح عباية طيف..
... وتغطه اعل ريح شتاك
يتمشه اعل جفني الطير...
وديت الحلم للغير..مافك ياخه مني جفاك
جمدوب الكصب بردان
ونه بوجهي مضيف انسان
مافز اعل صيت الشيخ..
فز اعل الغنه الملموم.
وحفنة هموم
وحجايات (صفنة نوم)
كلشي ولااشوفك جاي
طبع الناي جيتك وآنه ضيجة صوت
ماعايز حزنّه هواي..
رافكتك خلك عاكول
بس بوجه جوري ابيض..
ورافكتك سهر مشلول..
بس بوجه صبره انفض
...
علساعة يطيح شوفي المنتجي اعل الدوم..
ما ملجوم منّك بس اشم فراك
وي كل غبشه بيه يحوم
اتوجه اعل طيف العام...والمّن شكو من التسعين
ظل بجيب حزني المالكاله الثام
وفزلك جنّي ركصة ماي من يسمع غنه الخضرة
وغنّيلك يتيم هواي ...(زفّو عيني للكمرة)
ولامندوم,,,
انه لخاطر غبشتك راح اعذره الليل..
عزيز السماوي || لا تنتظر ||
لا تنتظر
يزي اكبرت
والدنيه صارت موش الك
وراحت مشاحيف العمر تفتر فلك
عيونك اعلى دروب العشگ
غصن الصبر ظل ما يطگ
لا تحتركَـ
يالزارع الآمال بسنين الوهم
اثمر ورد مصبوغ بجروح الندم
شليلك ثمر جذاب مابي كل طعم
اتأسفت على أيام المضت
مامش بخت
رديت تمشي بلا گلب
وفراگ دنيانه تصب
حبك صعب
بيدك مجاذيف الضوه وثگلن اهمومك من زغر
ما ندري دنيانه تظل بس ليل ما بيها فجر
لو طلفح گَليبك صبر
لا تنتظر...
اسمع سواليفي شكثر
جرني النفس للگاع .. وك ما بيّ أجر
بدموعي موتّ الضوه ..والدنيه وحشة
ابلا بدر
مو فاضن اعدول الصبر
مامش فجر
ومشيت سنطة بلا حجي
بطل يدلالي البجي
اتعكز على اوعود الترف
والليل تدريبه كلف
ماظن يعف
وضلوعي هزهزها البرد
حسبات تاخذني وترد
گضبة عرد
حصلنه من تالي العشگ گضبة عرد
او ظليت أشد بجروح عمري شگد أشد
ابذاك البرد
شديت كسر البـضلع.. ومشيت ودموعي تهل
ومشيت متعني الترف
طلعولي وضلوعي اتخذف!
وشعندك بتالي الليل .. نام النجم نام سهيل
والشوگَـ راح ويه السيل
والخيبة تعصر بالگلب
رديت ماعرف الدرب
وك يا گلب
غفلة الدموع تموت برموش الجفن
ما ندري تالي الشوگ بس ذلة وحزن
لا تنتظر
يزي اكبرت
والدنيه صارت موش الك
وراحت مشاحيف العمر تفتر فلك
عيونك اعلى دروب العشگ
غصن الصبر ظل ما يطگ
لا تحتركَـ
يالزارع الآمال بسنين الوهم
اثمر ورد مصبوغ بجروح الندم
شليلك ثمر جذاب مابي كل طعم
اتأسفت على أيام المضت
مامش بخت
رديت تمشي بلا گلب
وفراگ دنيانه تصب
حبك صعب
بيدك مجاذيف الضوه وثگلن اهمومك من زغر
ما ندري دنيانه تظل بس ليل ما بيها فجر
لو طلفح گَليبك صبر
لا تنتظر...
اسمع سواليفي شكثر
جرني النفس للگاع .. وك ما بيّ أجر
بدموعي موتّ الضوه ..والدنيه وحشة
ابلا بدر
مو فاضن اعدول الصبر
مامش فجر
ومشيت سنطة بلا حجي
بطل يدلالي البجي
اتعكز على اوعود الترف
والليل تدريبه كلف
ماظن يعف
وضلوعي هزهزها البرد
حسبات تاخذني وترد
گضبة عرد
حصلنه من تالي العشگ گضبة عرد
او ظليت أشد بجروح عمري شگد أشد
ابذاك البرد
شديت كسر البـضلع.. ومشيت ودموعي تهل
ومشيت متعني الترف
طلعولي وضلوعي اتخذف!
وشعندك بتالي الليل .. نام النجم نام سهيل
والشوگَـ راح ويه السيل
والخيبة تعصر بالگلب
رديت ماعرف الدرب
وك يا گلب
غفلة الدموع تموت برموش الجفن
ما ندري تالي الشوگ بس ذلة وحزن
❤1👍1
ذياب كزار ||| سورة مـاي |||
ياخذني الحلم و يدور
سورة ماي !
ملت من شواطي الماي
و عيونك گمر يا هيه ، ما لمت گمرنه بحور ...
و انه بجفي الرمح تايهه
و أتيه وياك ضيعني ، لذيذة الغربة عد بابك !
ولك يا هيه جرحني
لذيذ الجرح طعمك بي ...
يروحي البيك من شلهة سفينة نوح جنت وياك
گبل الموت حفنة دم
و أجيت وياك عگب الموت سر مذبوح
أداويلك جرح بجروح ..
أريدك تلجم جروحي غميجة و سرهه ما ينگاش
غميجة جروحي موش جروح
و أجيت أنشد طفل مصلوب عد بابك
نسه جروحه و لوين يروح
مشيني اعله حد السيف أگول افيش
ونزف روحي حد الموت ...
مايعثر جدم ويزل ولا يرجف ضلع بسكوت
مشيني اعله غيمة صيف امطر دم واكلك فوت
مشيني ولك يا هيه جرحني ولك يا هيه
حاجيني مامش صوت
هنيال الشمس تنزف ضواهه وتحترك وتموت
وجروحي خشب تابوت
واردن للحلم مجبور وياخذني الحلم ويدور
وافتر زفة ويه الكَاع سباكَه بجنح مكسور
وعيونك كَمر يا هيه تايه
تايه وبسمانه يدور
ينشد عن كحل وبخور
ياروحي سمه ونهران شو صيري كحل وبخور
للرايد كحل وبخور
ياخذني الحلم و يدور
سورة ماي !
ملت من شواطي الماي
و عيونك گمر يا هيه ، ما لمت گمرنه بحور ...
و انه بجفي الرمح تايهه
و أتيه وياك ضيعني ، لذيذة الغربة عد بابك !
ولك يا هيه جرحني
لذيذ الجرح طعمك بي ...
يروحي البيك من شلهة سفينة نوح جنت وياك
گبل الموت حفنة دم
و أجيت وياك عگب الموت سر مذبوح
أداويلك جرح بجروح ..
أريدك تلجم جروحي غميجة و سرهه ما ينگاش
غميجة جروحي موش جروح
و أجيت أنشد طفل مصلوب عد بابك
نسه جروحه و لوين يروح
مشيني اعله حد السيف أگول افيش
ونزف روحي حد الموت ...
مايعثر جدم ويزل ولا يرجف ضلع بسكوت
مشيني اعله غيمة صيف امطر دم واكلك فوت
مشيني ولك يا هيه جرحني ولك يا هيه
حاجيني مامش صوت
هنيال الشمس تنزف ضواهه وتحترك وتموت
وجروحي خشب تابوت
واردن للحلم مجبور وياخذني الحلم ويدور
وافتر زفة ويه الكَاع سباكَه بجنح مكسور
وعيونك كَمر يا هيه تايه
تايه وبسمانه يدور
ينشد عن كحل وبخور
ياروحي سمه ونهران شو صيري كحل وبخور
للرايد كحل وبخور
👍1🔥1
ميثاق الهلالي || ما تستاهل ابـﭼـيلك ||
ما تستاهل ابچيلك حرامات
ولاتاخذ بعد من عيني دمعه
چنت كبر الجرح شايل معاناة
وصدگ چان الگلب من ينعه ينعه
چن داخل حسن لو طلعت الاخ
وتطلع روحي الك وتردهه فدعه
حسبّتك رقم من لمعة البيك
وين ادري الصفر هم ينطي لمعه
وين ادري الغصن بيه يركض الموت
وعلى عش المحنه يودي الافعه
باچر راح اچفن كل الجروح
ونعش الذكريات براسي اشيعه
وباچر راح اهدّم بيت الدموع
وابني من الفرح بعيوني قلعه
وتذبل شفتّك وترد الي زحوف
وانه بچفي النهر وبكيفي اگطعه
وأگلك كلشي مات اللهفه والشوك
محال اليندفن تگدر ترجعه
وسود تصير كلهه ايامك البيض
وينذل خاطرك ويعض اصبعه
مثل ماجرعتني بكاسك الموت
كاس الذل شرط باچر تجرعه
چنت ازرع ورد بس هسه مجبور
حته الباقي منهن راح أشلعه
أيس مابقتلك يمي اسرار
وحته اليدگ باب الروح ادفعه
بقى يمي الشمع بس ذوبه الليل
وانه متاني الصبح يطلع واشيعه
عرفتك ثوب بس ماتستر العيب
المايرهم علي مجبور انزعه
چنت اخجل واعبرلک حچی هواي
واعرف بي چذب بس گلت اسمعه
وهسه أتگطعت وياك الدروب
وبقه درب الخجل بلساني اگطعه
كرهتك كثر ماودعت الشموع
شمعه بعيني تحله وتطفه شمعه
ما تستاهل ابچيلك حرامات
ولاتاخذ بعد من عيني دمعه
چنت كبر الجرح شايل معاناة
وصدگ چان الگلب من ينعه ينعه
چن داخل حسن لو طلعت الاخ
وتطلع روحي الك وتردهه فدعه
حسبّتك رقم من لمعة البيك
وين ادري الصفر هم ينطي لمعه
وين ادري الغصن بيه يركض الموت
وعلى عش المحنه يودي الافعه
باچر راح اچفن كل الجروح
ونعش الذكريات براسي اشيعه
وباچر راح اهدّم بيت الدموع
وابني من الفرح بعيوني قلعه
وتذبل شفتّك وترد الي زحوف
وانه بچفي النهر وبكيفي اگطعه
وأگلك كلشي مات اللهفه والشوك
محال اليندفن تگدر ترجعه
وسود تصير كلهه ايامك البيض
وينذل خاطرك ويعض اصبعه
مثل ماجرعتني بكاسك الموت
كاس الذل شرط باچر تجرعه
چنت ازرع ورد بس هسه مجبور
حته الباقي منهن راح أشلعه
أيس مابقتلك يمي اسرار
وحته اليدگ باب الروح ادفعه
بقى يمي الشمع بس ذوبه الليل
وانه متاني الصبح يطلع واشيعه
عرفتك ثوب بس ماتستر العيب
المايرهم علي مجبور انزعه
چنت اخجل واعبرلک حچی هواي
واعرف بي چذب بس گلت اسمعه
وهسه أتگطعت وياك الدروب
وبقه درب الخجل بلساني اگطعه
كرهتك كثر ماودعت الشموع
شمعه بعيني تحله وتطفه شمعه
👍1
كاظم اسماعيل الكاطع || سفرة مجانين ||
جربت مرّة
وبعدهه زنجر بگلبي القفل
يوم حب بارد جمعنه.. وعرفت ما نشتعل
ردت اجيب الروح گوة
البيتك المسكون
لكن ما رضت دگة رجل
گالت الشرفة كمين
وخوفي من عدهه يطل
كل شي بيها مو حقيقي
حتى هذا الگمر لعبة
من خلص دوره وطلعنا نزلوه
اهله بحبل
والنوارس مو طبيعية النوارس
كل مهمتها تفرح الناس
وتبجي الجرف من تنكتل
ابيتك المسكون مجلوبة النوارس
على الناس جناحها يرامي نبل
والتماثيل اتحّرك
وعلى طعنات السيوف
الحجر يضحك
وعلى الما يسوى تطيح الروس جملة
والشوارب تنفتل
والطيور ملثمة ابّاب الحدايق
بينهن-ثارات- ودموم وفصل
الساجية البيتك عليها
مومثل باقي السواجي
شكد عجيبة الساجية البيتك عليها؟
.ميهه..كل كطرة شكل
شحصّل الگبلي وجي البيتك
وخدمة؟
ومثل الگلوب اشتعل
الشمس ترجع لاهلها
العصر عميه
اثيابها بطين الحدايق تنغسل
كل حصيلة ذكرياتك
كاتل ومكتول صرنه
والحقد بيناتنا همزة وصل
آه يالكلك تناقض
خدك وكلبك عجايب
صورة مو طبق الاصل
خدك بلون الوفر ليلة ضباب
وكلبك بلون الكحل
وجان همك تستغلني
وغصن المكابر بروحي ترشّه ذل
وصرت باعيادك مغنّي
وصرت باعراسك طبل
وكاس واحد
مرة من صحتك شربته. اسنين
خلاني ثمل
وشرد اكل للعيروني
واستحي وهسه آنه شايب
مهرتي حجلة طفل
وهي فصلين الرواية
وانتهى اول فصل
والف هنيالك عليه الفصل الاول
جان تعذيبه سهل
هسه آنا وياك والبر
سفرة مجانين حرة وانتهى
دور العقل
اثنينه بهاي الجزيرة
لاشهود ولا قيود ولامثل
نمشي
ومغمضين نمشي
بالرمل غرّز جدمنه
ردنه نطلعما كدرنه
وآه من يلتف على الساك الرمل
يوم مر.. ويوم ثاني
ومايسمعك هالرمل لو
كلت حل
يوم ثالث.. يوم رابع
والعطش والجوع اخذنه
والدمع ما ينشرب
والرمل ما ينوكل
يوم خامس-يوم سادس
وما نلحك على السابع يمكن
وبي نحتفل
وبعد شيفيد اعتذارك؟
ينقبل- ما ينقبل
بالسمه الغربان باعتنه وشرتنه
وقسمتنه نصير جم وجبة اكل
جربت مرّة
وبعدهه زنجر بگلبي القفل
يوم حب بارد جمعنه.. وعرفت ما نشتعل
ردت اجيب الروح گوة
البيتك المسكون
لكن ما رضت دگة رجل
گالت الشرفة كمين
وخوفي من عدهه يطل
كل شي بيها مو حقيقي
حتى هذا الگمر لعبة
من خلص دوره وطلعنا نزلوه
اهله بحبل
والنوارس مو طبيعية النوارس
كل مهمتها تفرح الناس
وتبجي الجرف من تنكتل
ابيتك المسكون مجلوبة النوارس
على الناس جناحها يرامي نبل
والتماثيل اتحّرك
وعلى طعنات السيوف
الحجر يضحك
وعلى الما يسوى تطيح الروس جملة
والشوارب تنفتل
والطيور ملثمة ابّاب الحدايق
بينهن-ثارات- ودموم وفصل
الساجية البيتك عليها
مومثل باقي السواجي
شكد عجيبة الساجية البيتك عليها؟
.ميهه..كل كطرة شكل
شحصّل الگبلي وجي البيتك
وخدمة؟
ومثل الگلوب اشتعل
الشمس ترجع لاهلها
العصر عميه
اثيابها بطين الحدايق تنغسل
كل حصيلة ذكرياتك
كاتل ومكتول صرنه
والحقد بيناتنا همزة وصل
آه يالكلك تناقض
خدك وكلبك عجايب
صورة مو طبق الاصل
خدك بلون الوفر ليلة ضباب
وكلبك بلون الكحل
وجان همك تستغلني
وغصن المكابر بروحي ترشّه ذل
وصرت باعيادك مغنّي
وصرت باعراسك طبل
وكاس واحد
مرة من صحتك شربته. اسنين
خلاني ثمل
وشرد اكل للعيروني
واستحي وهسه آنه شايب
مهرتي حجلة طفل
وهي فصلين الرواية
وانتهى اول فصل
والف هنيالك عليه الفصل الاول
جان تعذيبه سهل
هسه آنا وياك والبر
سفرة مجانين حرة وانتهى
دور العقل
اثنينه بهاي الجزيرة
لاشهود ولا قيود ولامثل
نمشي
ومغمضين نمشي
بالرمل غرّز جدمنه
ردنه نطلعما كدرنه
وآه من يلتف على الساك الرمل
يوم مر.. ويوم ثاني
ومايسمعك هالرمل لو
كلت حل
يوم ثالث.. يوم رابع
والعطش والجوع اخذنه
والدمع ما ينشرب
والرمل ما ينوكل
يوم خامس-يوم سادس
وما نلحك على السابع يمكن
وبي نحتفل
وبعد شيفيد اعتذارك؟
ينقبل- ما ينقبل
بالسمه الغربان باعتنه وشرتنه
وقسمتنه نصير جم وجبة اكل
❤3👍1
Forwarded from قصيدة وشاعر 💙 📜 "
كاظم اسماعيل الگاطع - الرحيل 💚🍂
مالي خلگ الطيف
لو بسط على جفوني بعذابي
ومالي حيل ايلاوي الوحشه من اغني
وآنــــــــه
لو تسمع ونين اغناي تنسل الربابه
ما فرحت "ابنايلك" ساعة وصل
وسنين بچتني "العتابه"
وما جرعت اموادعك
وموادعك علگم شرابه
من قفلت الباب روحي اتبسمرت!!
ووداعتك بِچت اخشابه
وتدري
عاشكَگ من يدگ باب الولف
ينهضم لو محد يرد للدگ جوابه
وتدري
ابحال الگلب
كون الخذاه طول غيابه
يا عذابه
وآني ما عندي گلب يجرع ونين الشوگ
من يذكر احبابه
لا تذل روحي بودادك
واليذله الشوگ اظن محد يهابه
لا تخليني ابدرب فرگاك
مثل التايه ابليلة مطر
والعرف سد ابوجهه بابه
يلتهي ابضيم الدرب ؟!
لو يلتهي ايضمد اصوابه
يالنويت اتشيل!!
من هسه العمر حسب احسابه
لو وراك ايشيل ويذبل شبابه
لو يظل بِچفوف شماته لعابه
او لو صدگ وتشيل!!
شيلة اجنازة العشره الطويله
اواسي گلب متيمك وابچي المصابه
لچن گلي شلون !!؟
لو عن الهوه
ومريت ، ولگه البيت يتناثر اترابه ؟
من قفلت الباب..
روحي اتبسمرت..
وبنارهه التهبت اخشابه
لا تخليني بليالي اجفاك اغني
وآني لو تسمع ونين اغناي تنسل الربابه
مالي خلگ الطيف
لو بسط على جفوني بعذابي
ومالي حيل ايلاوي الوحشه من اغني
وآنــــــــه
لو تسمع ونين اغناي تنسل الربابه
ما فرحت "ابنايلك" ساعة وصل
وسنين بچتني "العتابه"
وما جرعت اموادعك
وموادعك علگم شرابه
من قفلت الباب روحي اتبسمرت!!
ووداعتك بِچت اخشابه
وتدري
عاشكَگ من يدگ باب الولف
ينهضم لو محد يرد للدگ جوابه
وتدري
ابحال الگلب
كون الخذاه طول غيابه
يا عذابه
وآني ما عندي گلب يجرع ونين الشوگ
من يذكر احبابه
لا تذل روحي بودادك
واليذله الشوگ اظن محد يهابه
لا تخليني ابدرب فرگاك
مثل التايه ابليلة مطر
والعرف سد ابوجهه بابه
يلتهي ابضيم الدرب ؟!
لو يلتهي ايضمد اصوابه
يالنويت اتشيل!!
من هسه العمر حسب احسابه
لو وراك ايشيل ويذبل شبابه
لو يظل بِچفوف شماته لعابه
او لو صدگ وتشيل!!
شيلة اجنازة العشره الطويله
اواسي گلب متيمك وابچي المصابه
لچن گلي شلون !!؟
لو عن الهوه
ومريت ، ولگه البيت يتناثر اترابه ؟
من قفلت الباب..
روحي اتبسمرت..
وبنارهه التهبت اخشابه
لا تخليني بليالي اجفاك اغني
وآني لو تسمع ونين اغناي تنسل الربابه
👍2
كاظم اسماعيل الگاطع || باگة صبر ||
إتريٌكَت باكَة صبر وكَلاص هم
وتوكلت يارب عليــــــــك
غبشه نَعسانه الشوارع
ومدري يا بنية إبفجر دم تشتهيـــك
إتذكـٌرت تاجر أعرفه
كَلـٌي من إتبيع روحك مرلي بلكت أشتريـك
وتمــٌت الصفقه إشتراني
وحصـٌتي هم رد أخذهــا
فكــٌر إبمشروع بي أدخــل شريك
!! وصــار يمليلي إبشروطه
.. ما أريد و .. ما أريــد
وما أريد إييــدك طويله
كَتله أكَــصرها وأجيـــك
وابترتها من المتن ورجعت ابشره
كَتله عد عينك شلتها !!
كَــالٌي جا شِلٌي بيــك
جَــراٌح الحصـــــــار
ومن هــذاك اليوم والتاجر نسه وسد القضيه
وآنه منسي .. إمعلٌك إعله إرفوف صبري
وحتــى صار إتراب بيــــه
راحت إييدي إتفلِشٌت أقوى الدفاعات
وخطوطي الأوليـــــه
ناس مقهوره إجت تبجي عليـــه
وناس بطرانه إجت تحجي عليـــه
؟ إشلون غلطه إتسرعت كَصٌيت إديـــه
... هاي إديـــٌه
... هاي إديـــٌه
صار تفتيش بسنه من السنين
وعوضٌت عن الهويــــــه
هاي إديـــه
ياما لعبت .. ياما قبل الريح هبٌت
ياما بصدور الثلج نيران هبـٌت
هاي إديــٌه وهيه مكَصوصه
شعر للناس كتبت
وصـٌفوا جراٌح زين إبمنطقتنا
حرٌكوا بعض الرماد إبعود شخاط
وبعدها النار بيـــه
عفيه جراٌح الحصار البي حميـــٌه
وحده يكَدر يكَطع الخيط اللٌي
يربطني إبشرايين المنيـــه
... إتفقنا
وصارت الصفقه بعيادة هالطبيب
!! آخذ إييـد و أنطي كِليــه
وباشر الجراح وتمدد شخص مو من أهلنه
وخِذ دم وجيب دم
وإصعد إنزل
والوسيط الجابني إيصبــٌر عليه
خِلَصْ مفعول المخدٌر
فتٌحتْ ملكَيـــت إديــٌه
!! حصدوا الكليه ولا زرعولي إييد
وقٌع الدكتور تقرير إبنسختين وتركنه
ولازم الفراش باب الصيدليه
الكادر إتجمٌع على أهل الغريب
إيهنٌي بيهم
وآنه بالسديه نسوني وياحزن ذيج المسيه
والمضمد راد حكَــــٌه !!
كَتله مد إييدك إبجيبي
لا.. لا مد إييدك إبصدري
يجوز هم تحتاج ريـــٌه
جابلي الفراش سر
وعرفت منـٌه تفاصيل القضيه
المريض الجان يمـٌي
كليـِتي رهمت عليه وإييده مارهمت عليه
وأهلي زعلوا طرٌدوني من العشيره
ومن فشلتي كَمت أصيــح
آنه مامحتاج إديـــن
إنتو شعليكم بدَيـــــــٌه
إتبرٌعت بيهن لأن ماريد
يوم أتوازى
وأتنازل
وأمد للناس إديــــــٌه
إتريٌكَت باكَة صبر وكَلاص هم
وتوكلت يارب عليــــــــك
غبشه نَعسانه الشوارع
ومدري يا بنية إبفجر دم تشتهيـــك
إتذكـٌرت تاجر أعرفه
كَلـٌي من إتبيع روحك مرلي بلكت أشتريـك
وتمــٌت الصفقه إشتراني
وحصـٌتي هم رد أخذهــا
فكــٌر إبمشروع بي أدخــل شريك
!! وصــار يمليلي إبشروطه
.. ما أريد و .. ما أريــد
وما أريد إييــدك طويله
كَتله أكَــصرها وأجيـــك
وابترتها من المتن ورجعت ابشره
كَتله عد عينك شلتها !!
كَــالٌي جا شِلٌي بيــك
جَــراٌح الحصـــــــار
ومن هــذاك اليوم والتاجر نسه وسد القضيه
وآنه منسي .. إمعلٌك إعله إرفوف صبري
وحتــى صار إتراب بيــــه
راحت إييدي إتفلِشٌت أقوى الدفاعات
وخطوطي الأوليـــــه
ناس مقهوره إجت تبجي عليـــه
وناس بطرانه إجت تحجي عليـــه
؟ إشلون غلطه إتسرعت كَصٌيت إديـــه
... هاي إديـــٌه
... هاي إديـــٌه
صار تفتيش بسنه من السنين
وعوضٌت عن الهويــــــه
هاي إديـــه
ياما لعبت .. ياما قبل الريح هبٌت
ياما بصدور الثلج نيران هبـٌت
هاي إديــٌه وهيه مكَصوصه
شعر للناس كتبت
وصـٌفوا جراٌح زين إبمنطقتنا
حرٌكوا بعض الرماد إبعود شخاط
وبعدها النار بيـــه
عفيه جراٌح الحصار البي حميـــٌه
وحده يكَدر يكَطع الخيط اللٌي
يربطني إبشرايين المنيـــه
... إتفقنا
وصارت الصفقه بعيادة هالطبيب
!! آخذ إييـد و أنطي كِليــه
وباشر الجراح وتمدد شخص مو من أهلنه
وخِذ دم وجيب دم
وإصعد إنزل
والوسيط الجابني إيصبــٌر عليه
خِلَصْ مفعول المخدٌر
فتٌحتْ ملكَيـــت إديــٌه
!! حصدوا الكليه ولا زرعولي إييد
وقٌع الدكتور تقرير إبنسختين وتركنه
ولازم الفراش باب الصيدليه
الكادر إتجمٌع على أهل الغريب
إيهنٌي بيهم
وآنه بالسديه نسوني وياحزن ذيج المسيه
والمضمد راد حكَــــٌه !!
كَتله مد إييدك إبجيبي
لا.. لا مد إييدك إبصدري
يجوز هم تحتاج ريـــٌه
جابلي الفراش سر
وعرفت منـٌه تفاصيل القضيه
المريض الجان يمـٌي
كليـِتي رهمت عليه وإييده مارهمت عليه
وأهلي زعلوا طرٌدوني من العشيره
ومن فشلتي كَمت أصيــح
آنه مامحتاج إديـــن
إنتو شعليكم بدَيـــــــٌه
إتبرٌعت بيهن لأن ماريد
يوم أتوازى
وأتنازل
وأمد للناس إديــــــٌه
❤1
ميثاق الهلالي || من أول حزن ||
من أوّل حزن مكتوب تقراني
جرح من ديرة الحفّاي
يفهمني اليَعَرف الهور
ويميّز شواطيي وسماري وطيبتي وديرة ملح ويّاي
أنه المستاحش , المتعوب,
اِلبْعيد, الغريب ,التايه بلاراي…
المغرّگهم , العطشان
هذا فراگ بيني وبين وجه الماي…..
أجي شايل فرات بروحي من أشتاگ
أدَوّر عن (هلا) تلمني
واطيح بگاع مابيهه الحنين اليغرگ بملگاي…
أضم جروحهم وأسكت
ولاسولفهن اِعلى البير
أگول الجرح من يثگل يجيه الليل
يتكحّل بچم دمعة و قصيدة يصير…..
وأكتبها على الحيطان والبيبان
والطعنة الجديدة وفشلة عيوني
وامُر بقافية من العطش والنسيان
تشربني القصيدة وينخطف لوني…..
شكثر سولفت للشمعات
بلكي تجيب طاريهم
شكثر وصّيت
حتى المالهم خبرة وعرف بيهم
شكثرفوگ النهر خلّيت
چم دمعة ورسايل شوگ
واِتعذرني ساعي الماي مايندل شواطيهم…..
شكثر… وشكثر
لمّن راحن ويه الروج
دمعاتي ورسايلهم واساميهم …
واتاني اِعلى الجرف عطشان
أَدُور بلاوعي والدنيا بيّه تدور
أَتاني الضيّعوا دربي
واَظل أَفرك بِدَي من يمرعرس طيور….
هيچي وينفتحلك باب ؟!
هيچي وتفتره ياخاطري المكسور!؟
أَگول شمالهه الوادم ثلج ما تنچوي بناري؟
أَثاري الليل برّد حرگة المكتوب
أَگول شبيك يا گلبي؟
جنح فختاية عطشانة ولحگها غروب…..
واَتحزّم, واَرِدّ أعتب,
واَطلّع ناري بالدخّان
تاخذني الجگارة لديرة سكرانة
غريب ومالي بيهه وجوه
والضويات يطفن من تمر اِجدام خدرانة…..
إِبخت من باگوا اِرسومي؟!
وتبدّل واهسي واِنگلبت اَلوانه؟
إِبّخت من تيهت عمري؟!
إِبّخت من ماعرف روحي؟!
أنه بياوكت موش آنه!!
من أوّل حزن مكتوب تقراني
جرح من ديرة الحفّاي
يفهمني اليَعَرف الهور
ويميّز شواطيي وسماري وطيبتي وديرة ملح ويّاي
أنه المستاحش , المتعوب,
اِلبْعيد, الغريب ,التايه بلاراي…
المغرّگهم , العطشان
هذا فراگ بيني وبين وجه الماي…..
أجي شايل فرات بروحي من أشتاگ
أدَوّر عن (هلا) تلمني
واطيح بگاع مابيهه الحنين اليغرگ بملگاي…
أضم جروحهم وأسكت
ولاسولفهن اِعلى البير
أگول الجرح من يثگل يجيه الليل
يتكحّل بچم دمعة و قصيدة يصير…..
وأكتبها على الحيطان والبيبان
والطعنة الجديدة وفشلة عيوني
وامُر بقافية من العطش والنسيان
تشربني القصيدة وينخطف لوني…..
شكثر سولفت للشمعات
بلكي تجيب طاريهم
شكثر وصّيت
حتى المالهم خبرة وعرف بيهم
شكثرفوگ النهر خلّيت
چم دمعة ورسايل شوگ
واِتعذرني ساعي الماي مايندل شواطيهم…..
شكثر… وشكثر
لمّن راحن ويه الروج
دمعاتي ورسايلهم واساميهم …
واتاني اِعلى الجرف عطشان
أَدُور بلاوعي والدنيا بيّه تدور
أَتاني الضيّعوا دربي
واَظل أَفرك بِدَي من يمرعرس طيور….
هيچي وينفتحلك باب ؟!
هيچي وتفتره ياخاطري المكسور!؟
أَگول شمالهه الوادم ثلج ما تنچوي بناري؟
أَثاري الليل برّد حرگة المكتوب
أَگول شبيك يا گلبي؟
جنح فختاية عطشانة ولحگها غروب…..
واَتحزّم, واَرِدّ أعتب,
واَطلّع ناري بالدخّان
تاخذني الجگارة لديرة سكرانة
غريب ومالي بيهه وجوه
والضويات يطفن من تمر اِجدام خدرانة…..
إِبخت من باگوا اِرسومي؟!
وتبدّل واهسي واِنگلبت اَلوانه؟
إِبّخت من تيهت عمري؟!
إِبّخت من ماعرف روحي؟!
أنه بياوكت موش آنه!!
❤1
عريان سيد خلف || هلـي ||
هلي..
اعله واهسكم خبطنه الماي الازرگ
طالبين بدين واعرض دينه
واعله واهسكم لگينه الگصبه كعبه
نزور حدها ولو سفاهه بعينه
واعله واهسكم عرفنه الموت الاول
واستحه وعينة نثنت من عينة
وجان ليل الخوف لفحة ريح شتوه
ولو شبگنه الگاع يعرگ ليلنه
وجانت الضحكه جوالي
تناثرت ضحكه بحوافر خيلنه
وعلى ريحتكم تلگتنة الشواطي
بفرح نثيه وطحنة ﭼـلمة اثنينة
ﭼـلمة بيها الماي ذبل كل زراگه
ﭼـلمة بيها العين غبش كل فرحهه
وخضرت طاگات بخدود الرفاگه
وباگه باگه
الموت من يحصد الوادم باگه باگه
وباگه باگه
الصوت من يصحه اعله ظالم باگه باگه
هلي وبتنه گلوبنه ولايه وسوالفنه ضفيره
وشوگنه الدهله ومحبتنه وخبزنه ضنونه
وخطارنه تراب الجزيره
وديره ديره
الفيض من يمحي المعالم ديره ديره
وديره ديره
الموت من يشرب الوادم ديره ديره
وصبحت يا هلي على جفون الخواطر غاليات
وطيفكم عاود على عيوني حنينه
وجرعت روحي لاجلكم حنظل الوحشه
ولگيت الروح بالصفنات امينه
وذاك من ذاك الي لگه النجمه العزيزه
بلا سمه ودگلهه عينه
وذاك من ذاك الي يحط گلبه على جفه
ويغسل بـ أخر نزف وجه المدينة
وبينه بينه
شما تعب لف المغازل بينه بينه
وبينه وبينه
شما ثگل صوت الهلاهل بينة بينة
ومرت الوحشة على جفوفي
خرز سبحة وتعب روجة بلم
وسالفة وضحكة بدوية تموت باطراف الندم
ومرت الظلمه تغش الشوف الابيض
والطواري شما هوت هام البخت توگف علم
وجان جفي يلاعب النسمه وذر الكذله عشب
وجان گلبي يريد يكبر اكبر من اسمه من ذاته ويكره ويشكى ويحب
وجنت اسميكم الذمه ولهسه اشيلنكم وصيه بغير حد ما تنكتب
عفيه نهران شكثر خدرانه ملهه ومايهه الراكد عذب
هلي وسيرتوا عليه بوحشتي حـﭼـاية بريد وبيت نايل
بيت نايل مثل المصوب الي اهله مايدارونه
كلما يطيب الجرح عمداً يلـﭼـمونه
بيت نايل واشتهيتوني اكتبلكم عن وفه البردي وحنين الماي ودموع السنابل
وعن العيون اللي تلم الليل دمعه
وتعتلگ وكت الوفه شموع ومشاعل
وعن الگلوب اللي تموت بلا اسم وبلا برايه
وعن شمس طلگت باسمهه وعسرت بـ أول قضيه
وغربتي وصوت النواعي يلوحني ويلتم بديه
الصوت بيه ريحة عيوني وبيه هلي وحشة مسيه
هلي يامن ضيعوني
وگحة النفس ما تفعل تلين
منبت حزن ومخالف سنين
الليل لوسد الروازين
شمسين حمره يخضر الطين
وهيه وهيه
العين من تگضي السوالف هية هية
وهيه هيه
الگاع من تـﭼـفي وتوالف هيه هيه
وليلة حظنتنه بتعبنه بخوفنه بيوت العشيره
وجان اول بيت ضحكة
وجان ثالث بيت رجفة
وجان سابع بيت عين
وجان دخان المواگد ﭼـلمة مروه وهله ونقطة جنين
وصوغتنه عيونهم طابگ دنان ولبن شجوه
وﭼـلمة مگطوعة نفس طول السنين
وعين عين
شدت بتالي الطوارف عين عين
وعين عين
بلهفه تنشد على السوالف عين عين
وعين لفتنه بحزنهه وزوگت وجه الجرح
وعين هزتنه ونختنه يغزر ويانه الملح
وعين نشدتنه من اجيتوا ماعثر بيكم صبح؟
هلي ودعنه الضفاير والضماير والخناجر والدفو الغطه الـﭼـفوف
وﭼـانت الهلهوله خرسه تضيع بالشفة وتطوف
الگاع من يكبر گلبهه يشب عشبهه وتوصل حـﭼـاياتهه لتالي الجروف
هلي وشرعني هواكم باب للخطوة الغريبة
وخايرتني عيونكم ذل لو ﭼـتل
وانه والموت التحمنه بمايكم ساگ وحجل
الروح شاخص والعمر برگة گمر والموت ظل
وية كل لمظة جمر ابگلبي رصاصة..
وية كل لهبة اصرخ بدمي اشتعل..
الدنيا من يشح ضواها الدم بكل حيلة يهل..
هلي واخر مكاتيبي كتبتلكم على الگاع
ابنكم باعتة الدنيا ولا باع..
هلي..
اعله واهسكم خبطنه الماي الازرگ
طالبين بدين واعرض دينه
واعله واهسكم لگينه الگصبه كعبه
نزور حدها ولو سفاهه بعينه
واعله واهسكم عرفنه الموت الاول
واستحه وعينة نثنت من عينة
وجان ليل الخوف لفحة ريح شتوه
ولو شبگنه الگاع يعرگ ليلنه
وجانت الضحكه جوالي
تناثرت ضحكه بحوافر خيلنه
وعلى ريحتكم تلگتنة الشواطي
بفرح نثيه وطحنة ﭼـلمة اثنينة
ﭼـلمة بيها الماي ذبل كل زراگه
ﭼـلمة بيها العين غبش كل فرحهه
وخضرت طاگات بخدود الرفاگه
وباگه باگه
الموت من يحصد الوادم باگه باگه
وباگه باگه
الصوت من يصحه اعله ظالم باگه باگه
هلي وبتنه گلوبنه ولايه وسوالفنه ضفيره
وشوگنه الدهله ومحبتنه وخبزنه ضنونه
وخطارنه تراب الجزيره
وديره ديره
الفيض من يمحي المعالم ديره ديره
وديره ديره
الموت من يشرب الوادم ديره ديره
وصبحت يا هلي على جفون الخواطر غاليات
وطيفكم عاود على عيوني حنينه
وجرعت روحي لاجلكم حنظل الوحشه
ولگيت الروح بالصفنات امينه
وذاك من ذاك الي لگه النجمه العزيزه
بلا سمه ودگلهه عينه
وذاك من ذاك الي يحط گلبه على جفه
ويغسل بـ أخر نزف وجه المدينة
وبينه بينه
شما تعب لف المغازل بينه بينه
وبينه وبينه
شما ثگل صوت الهلاهل بينة بينة
ومرت الوحشة على جفوفي
خرز سبحة وتعب روجة بلم
وسالفة وضحكة بدوية تموت باطراف الندم
ومرت الظلمه تغش الشوف الابيض
والطواري شما هوت هام البخت توگف علم
وجان جفي يلاعب النسمه وذر الكذله عشب
وجان گلبي يريد يكبر اكبر من اسمه من ذاته ويكره ويشكى ويحب
وجنت اسميكم الذمه ولهسه اشيلنكم وصيه بغير حد ما تنكتب
عفيه نهران شكثر خدرانه ملهه ومايهه الراكد عذب
هلي وسيرتوا عليه بوحشتي حـﭼـاية بريد وبيت نايل
بيت نايل مثل المصوب الي اهله مايدارونه
كلما يطيب الجرح عمداً يلـﭼـمونه
بيت نايل واشتهيتوني اكتبلكم عن وفه البردي وحنين الماي ودموع السنابل
وعن العيون اللي تلم الليل دمعه
وتعتلگ وكت الوفه شموع ومشاعل
وعن الگلوب اللي تموت بلا اسم وبلا برايه
وعن شمس طلگت باسمهه وعسرت بـ أول قضيه
وغربتي وصوت النواعي يلوحني ويلتم بديه
الصوت بيه ريحة عيوني وبيه هلي وحشة مسيه
هلي يامن ضيعوني
وگحة النفس ما تفعل تلين
منبت حزن ومخالف سنين
الليل لوسد الروازين
شمسين حمره يخضر الطين
وهيه وهيه
العين من تگضي السوالف هية هية
وهيه هيه
الگاع من تـﭼـفي وتوالف هيه هيه
وليلة حظنتنه بتعبنه بخوفنه بيوت العشيره
وجان اول بيت ضحكة
وجان ثالث بيت رجفة
وجان سابع بيت عين
وجان دخان المواگد ﭼـلمة مروه وهله ونقطة جنين
وصوغتنه عيونهم طابگ دنان ولبن شجوه
وﭼـلمة مگطوعة نفس طول السنين
وعين عين
شدت بتالي الطوارف عين عين
وعين عين
بلهفه تنشد على السوالف عين عين
وعين لفتنه بحزنهه وزوگت وجه الجرح
وعين هزتنه ونختنه يغزر ويانه الملح
وعين نشدتنه من اجيتوا ماعثر بيكم صبح؟
هلي ودعنه الضفاير والضماير والخناجر والدفو الغطه الـﭼـفوف
وﭼـانت الهلهوله خرسه تضيع بالشفة وتطوف
الگاع من يكبر گلبهه يشب عشبهه وتوصل حـﭼـاياتهه لتالي الجروف
هلي وشرعني هواكم باب للخطوة الغريبة
وخايرتني عيونكم ذل لو ﭼـتل
وانه والموت التحمنه بمايكم ساگ وحجل
الروح شاخص والعمر برگة گمر والموت ظل
وية كل لمظة جمر ابگلبي رصاصة..
وية كل لهبة اصرخ بدمي اشتعل..
الدنيا من يشح ضواها الدم بكل حيلة يهل..
هلي واخر مكاتيبي كتبتلكم على الگاع
ابنكم باعتة الدنيا ولا باع..
👍1
علي الشباني || الشمس و البيت ||
الشمس ودتني فيّ البيتكم ودتني فيّ
رحت بعيون الضهر داوي حزن و تراب ..
وبروحي يفيض الـميّ..
فيض يا روحي تعب وتراب ..
واتعنه المشه بعمري سهر..
واندك وي الباب ..
يمكن بالعمر ينفتح مره البــاب ..
واعلگلك شمس عالـباب...
واتعناك ..ادگ روحي على العتبه نذر..
ومخضر اتمناك...
اصيرن فيّ للمخضــر اصيــرن فيّ
واشبگه انه خضار و ميّ ..
اسيلن غــاد..افيّض كل سواجيك ..اسيلن غاد
ألملم كل عطش روحي واشتله ابابكم سدره ..
جبيره ..وبالعطش ثوب السواجي ازغـــار..
حزينه..وبالربيع اتخضر الها اعشـــوش ..
يالعمرك فرح مرشوش..
يالحزنك خبز يبجي الصبح عالــناس..
يالعشگك درب مسكون ..
ونْ من الزغر بـ الراس ..
واقرالك دفاتر ضيـم ..
ويضل بس حرف بـ الراس ما ينگال ..
يالعشگك هِني و ﭼــتال ..
اضوگ الروح من تــجزي ..
يلفني الدرب واتدوهن ..
واگول اشماله گلبي الما يشوفك حن..
والك گلبي حمامه هناك ..
من تمشي يطگ جنحه و يطير هناك..
يالمامش بعد سجه گضيت وياك ..
بس هوَ العمر ما ينگضي بلياك ..
لا هوَ الشمس وتغيب ..
اول ما يشوف العين وبروحي يفرفح ضيّ..
يمر بيه الگمــر و الميّ..
واجيب الشمس و اوگفلك يـ الاسمر فيّ
الشمس ودتني فيّ البيتكم ودتني فيّ
رحت بعيون الضهر داوي حزن و تراب ..
وبروحي يفيض الـميّ..
فيض يا روحي تعب وتراب ..
واتعنه المشه بعمري سهر..
واندك وي الباب ..
يمكن بالعمر ينفتح مره البــاب ..
واعلگلك شمس عالـباب...
واتعناك ..ادگ روحي على العتبه نذر..
ومخضر اتمناك...
اصيرن فيّ للمخضــر اصيــرن فيّ
واشبگه انه خضار و ميّ ..
اسيلن غــاد..افيّض كل سواجيك ..اسيلن غاد
ألملم كل عطش روحي واشتله ابابكم سدره ..
جبيره ..وبالعطش ثوب السواجي ازغـــار..
حزينه..وبالربيع اتخضر الها اعشـــوش ..
يالعمرك فرح مرشوش..
يالحزنك خبز يبجي الصبح عالــناس..
يالعشگك درب مسكون ..
ونْ من الزغر بـ الراس ..
واقرالك دفاتر ضيـم ..
ويضل بس حرف بـ الراس ما ينگال ..
يالعشگك هِني و ﭼــتال ..
اضوگ الروح من تــجزي ..
يلفني الدرب واتدوهن ..
واگول اشماله گلبي الما يشوفك حن..
والك گلبي حمامه هناك ..
من تمشي يطگ جنحه و يطير هناك..
يالمامش بعد سجه گضيت وياك ..
بس هوَ العمر ما ينگضي بلياك ..
لا هوَ الشمس وتغيب ..
اول ما يشوف العين وبروحي يفرفح ضيّ..
يمر بيه الگمــر و الميّ..
واجيب الشمس و اوگفلك يـ الاسمر فيّ
محمد الغريب || وين جنتي ||
وين جنتي؟
وليش متأخره عَليْ كل هالسنين..؟
وليش ما طيفج اجه و فزز صفنتي؟
وين جنتي ..؟
گبل تسعْ سنين مريتي اعله عيني و ما وگفتي ..
ليش من دگ الجرس ..
ما صارن عيونج فرصتي ..؟
ليش ..يا أول درس يفترض كُنتي ..؟
ليش من كف العمر هسه ضهرتي؟ ..
وين جنتي؟ ..
يا ملك شيطان وتلبس بجثتي..
ويا دمع خســران و مثلم وجنتي ..
ويا ألم لف روحه سجين بحسرتي ..
وين جنتي؟؟
ليش ما جيتي گبل لا توصل الفضه الگذلتي؟
وليش من عبرن محطاتي ركبتي ..؟
وليش فتحتي لمن ذبلت وردتي ..؟
والله لو عندي بخت ..
جا لمـﭻ من سنين بختي ..
وجان هسه دموعي ماكو
وخابصه العالم ضحكتي ..
وجان هسه همومي ميته ..
وعافيه بوجنج فرحتي ..
وين جنتي؟
وليش متعطله وصلتي؟؟
وين جنتي؟
وليش متأخره عَليْ كل هالسنين..؟
وليش ما طيفج اجه و فزز صفنتي؟
وين جنتي ..؟
گبل تسعْ سنين مريتي اعله عيني و ما وگفتي ..
ليش من دگ الجرس ..
ما صارن عيونج فرصتي ..؟
ليش ..يا أول درس يفترض كُنتي ..؟
ليش من كف العمر هسه ضهرتي؟ ..
وين جنتي؟ ..
يا ملك شيطان وتلبس بجثتي..
ويا دمع خســران و مثلم وجنتي ..
ويا ألم لف روحه سجين بحسرتي ..
وين جنتي؟؟
ليش ما جيتي گبل لا توصل الفضه الگذلتي؟
وليش من عبرن محطاتي ركبتي ..؟
وليش فتحتي لمن ذبلت وردتي ..؟
والله لو عندي بخت ..
جا لمـﭻ من سنين بختي ..
وجان هسه دموعي ماكو
وخابصه العالم ضحكتي ..
وجان هسه همومي ميته ..
وعافيه بوجنج فرحتي ..
وين جنتي؟
وليش متعطله وصلتي؟؟
👍3
لطيف العامري || مــواسم ||
اتعجبت!!
صافحتني وجفك بجفي برد..!
نصين مشطوره الشمس ..
واحنه كل واحد وظله ..
المسافه الـ بين ظل جفك و جفي ..
بطول دمعة باجر وضحكة امـس..
اشتثگل بـروحي انحنيلك مو مذله ..
العثگ طبعه يماشي سعفات الگلب ..
وشيثگل البرحي اعله جتفه..
يدنگ يشيل الرطب لا ينحبس..
القصيدة التنجرح تنزف عتــاب..
اتشگك هدوم الخجل تصعد ثريه ..
ومن تشوفك تخجل وتنزل همس ..
والفرح كحلة عروس ..
انغسلت بدمع الرصاص..
الشگك هدوم العرس ..
غيّم الدخان بيه ..
ومطرن بروحي الضنون ..
الگاع مو بس للورد تفرش جنحها ..
وتسجد الگطرة نده ..
تمد جنحها الثاني للعاگول ..
يكفــر بالمطر لو شح عليها ..
ويشيل روحه الـ وحده ..
صافحتني ..انتَ يالـ جفك نزيف سنين عمرك
وانه من دمك رسمت اول خريطه..
وتوه اريد اكتب عليها ..
حروف اسمي ..بيتي ..عنواني ..قضيتي..
جفك بجفي برد..واتعجبت
گبل عيني يغرگ بشاطيها دمعي ..
بيك غرگت بالدمع..
عمري جلمه اندفن بتراب الرفوف..
اقراني كلي ..
يالشعلتك بيه نار ..انت تكبر بالظلام ..
وانه ازغرلك شمع ..
والعطش ديرم اشفافي سنين عمري وما شكيته
ومن لگيته ..اتدنه يمك حشميت اسنين عمري..
يطگن العمرك نبع ..
يالخذت كل الگمر لون ومشيت ..
وانه اخذت الليل لوني ..
الگمر لو ما لمه ليل ابيا نهار يظل يشع؟ ..
انته مني ..شجره روحي وحبك يمرني مواسم ..
صافحتني بـ جف خريفك..
نزعتني اوراقي كلها..
وصافحتني بجف ربيعك ..
مات بيدي ..وجفك بـ جفي برد..
واتعجبـــت؟!
الدمعه من تنزل ضحك ..تنزل رخيصه
ومن تشب اركان بضنون الندم ..تنزل ضريح
لا تمد جنحك شمع وتگول صلبوني قضيه
ولا تحط روحك مسيح ..
انته اول لافته اتشگگت من ثگل الشعار!!!
زغرتني ..والحزن بيه مشه بـكبر الضمير ..
بردت اول شراره بروحي يالمايك غطاني ..منين اطير .؟.
انه دليتك عليه و علگت ورقة مصير ابين جفينك رساله..
ردتك تصافحني وتوصلني لگمه الكل فقير
ردتك تصافحني وتوصلني جلمه الكل امير ..
صافحتني وجفك الشگك مصيـري..
وجفك الثاني بــرد ..
واتعجبـــت!!
اتعجبت!!
صافحتني وجفك بجفي برد..!
نصين مشطوره الشمس ..
واحنه كل واحد وظله ..
المسافه الـ بين ظل جفك و جفي ..
بطول دمعة باجر وضحكة امـس..
اشتثگل بـروحي انحنيلك مو مذله ..
العثگ طبعه يماشي سعفات الگلب ..
وشيثگل البرحي اعله جتفه..
يدنگ يشيل الرطب لا ينحبس..
القصيدة التنجرح تنزف عتــاب..
اتشگك هدوم الخجل تصعد ثريه ..
ومن تشوفك تخجل وتنزل همس ..
والفرح كحلة عروس ..
انغسلت بدمع الرصاص..
الشگك هدوم العرس ..
غيّم الدخان بيه ..
ومطرن بروحي الضنون ..
الگاع مو بس للورد تفرش جنحها ..
وتسجد الگطرة نده ..
تمد جنحها الثاني للعاگول ..
يكفــر بالمطر لو شح عليها ..
ويشيل روحه الـ وحده ..
صافحتني ..انتَ يالـ جفك نزيف سنين عمرك
وانه من دمك رسمت اول خريطه..
وتوه اريد اكتب عليها ..
حروف اسمي ..بيتي ..عنواني ..قضيتي..
جفك بجفي برد..واتعجبت
گبل عيني يغرگ بشاطيها دمعي ..
بيك غرگت بالدمع..
عمري جلمه اندفن بتراب الرفوف..
اقراني كلي ..
يالشعلتك بيه نار ..انت تكبر بالظلام ..
وانه ازغرلك شمع ..
والعطش ديرم اشفافي سنين عمري وما شكيته
ومن لگيته ..اتدنه يمك حشميت اسنين عمري..
يطگن العمرك نبع ..
يالخذت كل الگمر لون ومشيت ..
وانه اخذت الليل لوني ..
الگمر لو ما لمه ليل ابيا نهار يظل يشع؟ ..
انته مني ..شجره روحي وحبك يمرني مواسم ..
صافحتني بـ جف خريفك..
نزعتني اوراقي كلها..
وصافحتني بجف ربيعك ..
مات بيدي ..وجفك بـ جفي برد..
واتعجبـــت؟!
الدمعه من تنزل ضحك ..تنزل رخيصه
ومن تشب اركان بضنون الندم ..تنزل ضريح
لا تمد جنحك شمع وتگول صلبوني قضيه
ولا تحط روحك مسيح ..
انته اول لافته اتشگگت من ثگل الشعار!!!
زغرتني ..والحزن بيه مشه بـكبر الضمير ..
بردت اول شراره بروحي يالمايك غطاني ..منين اطير .؟.
انه دليتك عليه و علگت ورقة مصير ابين جفينك رساله..
ردتك تصافحني وتوصلني لگمه الكل فقير
ردتك تصافحني وتوصلني جلمه الكل امير ..
صافحتني وجفك الشگك مصيـري..
وجفك الثاني بــرد ..
واتعجبـــت!!
👍1
عامر عاصي || شافني ||
شافني ..
اتلمس ضــواي ...
صعدن براسي السنين ..
بيض وينثن حنيــن ..
وانه جاهل ..جاهل وجن انبگت ..
انته ياهو ..انه انت ..انت اني ودنگت ..
وشلت راسي شفته واتلمسته خطواته مطر..
والليل طين ..
اتلفتت ..وينك؟؟؟
سكــــوت ..!! وانه وحدي ..
صنطه ايام الفرح ..و الضيم و الحربين والخمسين و الهم ..
والتراجي و هور ناشف ..
وانتظارات و عرس يبجي و مواويل ..
و وتر مگطوع ..
وهموم وگراجات وجهال و جوع..
و ولايات و دموع ..
وشمع و امرايه ..
وانه بروحي حنين يـالـ امرايه ..
البيج هذا اشگد حزيــن؟؟؟؟
شافني ..
اتلمس ضــواي ...
صعدن براسي السنين ..
بيض وينثن حنيــن ..
وانه جاهل ..جاهل وجن انبگت ..
انته ياهو ..انه انت ..انت اني ودنگت ..
وشلت راسي شفته واتلمسته خطواته مطر..
والليل طين ..
اتلفتت ..وينك؟؟؟
سكــــوت ..!! وانه وحدي ..
صنطه ايام الفرح ..و الضيم و الحربين والخمسين و الهم ..
والتراجي و هور ناشف ..
وانتظارات و عرس يبجي و مواويل ..
و وتر مگطوع ..
وهموم وگراجات وجهال و جوع..
و ولايات و دموع ..
وشمع و امرايه ..
وانه بروحي حنين يـالـ امرايه ..
البيج هذا اشگد حزيــن؟؟؟؟
👍1
ناصر البدري || ﭼـويات الشوارع ||
آذكـروك . . .
وجـدح حزني
وشـتعل بـيدر سنابل حـدر صدري
وصـرخ بعيوني الضـباب
وبـاب بـاب تخـلخـلن بـيـبان عمري
وكـون تدري . . .
الحچي الماعـابر شفافي
يـگودني لـ حسنك رهينـه
وكـون تدري . . .
شـوغـة متيـهين روحي
وأنـته خصرك چـان شطـيـن ومدينه
ومـاهي هينه . . .
اَي وحـگ ثـنيت گـذلتك مـاهي هينه
ليـلك أيچمل الخساره عـناد نـثيـه
وخـلگي طيف . . .
لا عثرلـه بجفن يسـوه
ولاحـضه بـجرفـين عينـه
أنـه حسبالي شـكو واحد ترف گلبـه فـطير
أنـه ويـن أدريـبك أدور ضحكتك
رافـگـتني ،،
وغـربتـني ،،
ومثـل ضيعـة مـالت الله ضيعتني
آخ يافشلة قسمتي الـحالها حال السفن
شحصلت من ماي البحر
طـول السفر يابس گلـبها
ياوليد الندى بسگ . . .
لا تـخيط جرحي بحبال الشمس
الضـمه تـناوش أيامي ومالي بالوادم مطر
كـافي أنخاك اعله گطره وشـامتك فزعـة نهر
كـافي گلبي يمشي بدروبـك ذليل
بـارده آثـياب اليـالي وچنـها حضنك
دوم ماضمت دخيـل
من يمرني أسمك أضيع أبـين چـويـات الشوارع
وشـكو ولاية اگبل عليها أبـلا هلا تـتـلگه جدمي
آذكـروك . . .
وجـدح حزني
وشـتعل بـيدر سنابل حـدر صدري
وصـرخ بعيوني الضـباب
وبـاب بـاب تخـلخـلن بـيـبان عمري
وكـون تدري . . .
الحچي الماعـابر شفافي
يـگودني لـ حسنك رهينـه
وكـون تدري . . .
شـوغـة متيـهين روحي
وأنـته خصرك چـان شطـيـن ومدينه
ومـاهي هينه . . .
اَي وحـگ ثـنيت گـذلتك مـاهي هينه
ليـلك أيچمل الخساره عـناد نـثيـه
وخـلگي طيف . . .
لا عثرلـه بجفن يسـوه
ولاحـضه بـجرفـين عينـه
أنـه حسبالي شـكو واحد ترف گلبـه فـطير
أنـه ويـن أدريـبك أدور ضحكتك
رافـگـتني ،،
وغـربتـني ،،
ومثـل ضيعـة مـالت الله ضيعتني
آخ يافشلة قسمتي الـحالها حال السفن
شحصلت من ماي البحر
طـول السفر يابس گلـبها
ياوليد الندى بسگ . . .
لا تـخيط جرحي بحبال الشمس
الضـمه تـناوش أيامي ومالي بالوادم مطر
كـافي أنخاك اعله گطره وشـامتك فزعـة نهر
كـافي گلبي يمشي بدروبـك ذليل
بـارده آثـياب اليـالي وچنـها حضنك
دوم ماضمت دخيـل
من يمرني أسمك أضيع أبـين چـويـات الشوارع
وشـكو ولاية اگبل عليها أبـلا هلا تـتـلگه جدمي
👍2