عايش - ايهاب المالكي 💚🍂
أبشرك خلصوا مابقوا عندي هواي
كل المشتريهم رخصوا بيه
أصافحهم واحس باطراف اديهم غيض
كاتل منهم ومادافع الديه
بسد بوساتهم دفنوا شكَد أنياب
واكَول يجوز جانت عن حسّن نيه
ويمر طاريّ ويذكرولي للشينات
واصد لغيبه اسمي التنوكل نيه
وانه الجنت اضل واكَف بالأستعداد
من أسمع عزيز يفوت طاريه
حسبالي العدد بي ثمرة من يزود
وعن قلة الواحد تفرق المية
بس تالي ادركت طين الكَلوب اصناف
والعِشرة الطويلة تريد نوعية
على كلًّ عِشت ماخذت بس طيت
وي ليل المجازة الماشفت ضيّه
وينه وينه اللكا بيه جاي يبيع
وين الانه منطي من هوه الريه
والزم جفني خاف من ارمش يزعلون
واتناسه لحجاية البذني محجيه
ومن لكَالي حكَـ عند مُحب ماداعيّ
اكو حكَـ برجعته يعيب راعيه
عرفتلها كَمت مازاعل اليرحون
ولا ع الباب اظل متناني ليلية
من شفت الحلم ينوخذ مو ع اللون
بعد بطلت اظم احلام وردية
الناس اختلفت وظهرك اتجيّ وين
اذا ماتلّكَه حايط تكّعد ابفيه
لهسه وماعرف عايش وياهم ليش
ويذوب الثلج بس ينجوي شويه
حتى جروحي من عدهم خذتهن شوكَـ
ابد ماحسستهم بيها من نيه
من سألوني صح كَالوا اطوّك جروح
لا كَلت لشماته انطوني عيديه
شايف من تجيك الطعنة من أحباب
هيج جروحك تحس بيها روحية
تصور تبتدي تشتاكَـ للچتال
اذا جف التطعنك بيها حنيه
المهم ... عاذرهم وكلّ البقن سهلات
انا الجرف اليسامح روچ شاطيّه
حتى مننجرح مادام همه بخير
أنا بخير يعني وكلشي مابيه
أبشرك خلصوا مابقوا عندي هواي
كل المشتريهم رخصوا بيه
أصافحهم واحس باطراف اديهم غيض
كاتل منهم ومادافع الديه
بسد بوساتهم دفنوا شكَد أنياب
واكَول يجوز جانت عن حسّن نيه
ويمر طاريّ ويذكرولي للشينات
واصد لغيبه اسمي التنوكل نيه
وانه الجنت اضل واكَف بالأستعداد
من أسمع عزيز يفوت طاريه
حسبالي العدد بي ثمرة من يزود
وعن قلة الواحد تفرق المية
بس تالي ادركت طين الكَلوب اصناف
والعِشرة الطويلة تريد نوعية
على كلًّ عِشت ماخذت بس طيت
وي ليل المجازة الماشفت ضيّه
وينه وينه اللكا بيه جاي يبيع
وين الانه منطي من هوه الريه
والزم جفني خاف من ارمش يزعلون
واتناسه لحجاية البذني محجيه
ومن لكَالي حكَـ عند مُحب ماداعيّ
اكو حكَـ برجعته يعيب راعيه
عرفتلها كَمت مازاعل اليرحون
ولا ع الباب اظل متناني ليلية
من شفت الحلم ينوخذ مو ع اللون
بعد بطلت اظم احلام وردية
الناس اختلفت وظهرك اتجيّ وين
اذا ماتلّكَه حايط تكّعد ابفيه
لهسه وماعرف عايش وياهم ليش
ويذوب الثلج بس ينجوي شويه
حتى جروحي من عدهم خذتهن شوكَـ
ابد ماحسستهم بيها من نيه
من سألوني صح كَالوا اطوّك جروح
لا كَلت لشماته انطوني عيديه
شايف من تجيك الطعنة من أحباب
هيج جروحك تحس بيها روحية
تصور تبتدي تشتاكَـ للچتال
اذا جف التطعنك بيها حنيه
المهم ... عاذرهم وكلّ البقن سهلات
انا الجرف اليسامح روچ شاطيّه
حتى مننجرح مادام همه بخير
أنا بخير يعني وكلشي مابيه
❤6👍5
عريان السيد خلف -جية العيد💚🍂
يناهي الشوك ذمٌـه وذات من ذات
وفرق مابين حالي وحالك بْعيــــد
سنه وصدٌك يِضَـوك الروح لوعات
ويجَملٌي الجروح جروح ويزيــــــد
أبات بحضن صبري إليال ويباتْ
جرح يصحى وجرح متغصٌب يْهيد
وأكًًول إشوالف السرحان للشــاة
عْلى سـجٌه وكًاوداه الإيـد بالإيـــد
إلك جـانت ياحلو الطول جيـات
عجب تبخل علينا بْجيٌـة العيـــــد
تنينه وأملينه جْفونـٌه بْطيفْ
وصبرنا وصبـٌرينه الآه بـــــالآه
وتحسفنه الحســافه وحيف عالحيـف
عله إسواجي الدموع الـ مالهن جـــــاه
وعرفنه وعود حبك غيم بالصيف
المحل وين المطر بالصيف يلكاه؟
إشيصير عْلى الترف لو ينحسب ضيف
عْلى غفله وعيد وصل الزين محــــلاه؟
أنه بْعازة الموت وحاجبك ســيف
وأمــوت بْغير صدٌة غيض ماريـــد
إلك جانت ياحلو الطول جيـٌات
عجب تبخل علينه بْجيٌـة العيـــد
أحن لمسامرك والكًاك شلكًاك
شَرِي المعشر حلاوة شــوك مابيــــك
يمر صيفك صبر واتنَطٌر شـْتــاك
تبيعك عزتـٌــك وبذلـٌـتي أشريـــك
تراك ويه النفس يلماتجي أشراك
وبالدم الـ يدور تدور أحس بيك
يابو الروح عْلى روح إهواك شلهــاك
وإهي بْعيـن الشفاكًـه إليال تِربيــك
أبد ما سامرتها الآه لولاكْ
ولا جـان إعله دربك لاويــه الجيـــد
إلك جانت ياحلو الطول جيـٌات
عجب تبخل علينه بْجيٌـة العيـــد
أنه ولا كًـول عنـٌك غير معذور
ولَو ماظَلْ عذر للروح ينكًــــال
لـَجَنْ ون الـ يساهر ليل معـذور
ألم لو من وكت لو من ولف شــــال
وانه بْحالي عْلى صبرك حال مزهــور
صبر ومكابر المحتـــام جَتـــٌال
إلك عمري عْلى زين وشين منذور
ولَو من السنيــن إوشال ما ظـــال
لـَـجَنْ يبقى الجفن للطيف مسمور
ويظل راجد عليها النوم ترجيــــد
إلك جانت ياحلو الطول جيـٌات
عجب تبخل علينا بْجيٌـة العيـــد
يناهي الشوك ذمٌـه وذات من ذات
وفرق مابين حالي وحالك بْعيــــد
سنه وصدٌك يِضَـوك الروح لوعات
ويجَملٌي الجروح جروح ويزيــــــد
أبات بحضن صبري إليال ويباتْ
جرح يصحى وجرح متغصٌب يْهيد
وأكًًول إشوالف السرحان للشــاة
عْلى سـجٌه وكًاوداه الإيـد بالإيـــد
إلك جـانت ياحلو الطول جيـات
عجب تبخل علينا بْجيٌـة العيـــــد
تنينه وأملينه جْفونـٌه بْطيفْ
وصبرنا وصبـٌرينه الآه بـــــالآه
وتحسفنه الحســافه وحيف عالحيـف
عله إسواجي الدموع الـ مالهن جـــــاه
وعرفنه وعود حبك غيم بالصيف
المحل وين المطر بالصيف يلكاه؟
إشيصير عْلى الترف لو ينحسب ضيف
عْلى غفله وعيد وصل الزين محــــلاه؟
أنه بْعازة الموت وحاجبك ســيف
وأمــوت بْغير صدٌة غيض ماريـــد
إلك جانت ياحلو الطول جيـٌات
عجب تبخل علينه بْجيٌـة العيـــد
أحن لمسامرك والكًاك شلكًاك
شَرِي المعشر حلاوة شــوك مابيــــك
يمر صيفك صبر واتنَطٌر شـْتــاك
تبيعك عزتـٌــك وبذلـٌـتي أشريـــك
تراك ويه النفس يلماتجي أشراك
وبالدم الـ يدور تدور أحس بيك
يابو الروح عْلى روح إهواك شلهــاك
وإهي بْعيـن الشفاكًـه إليال تِربيــك
أبد ما سامرتها الآه لولاكْ
ولا جـان إعله دربك لاويــه الجيـــد
إلك جانت ياحلو الطول جيـٌات
عجب تبخل علينه بْجيٌـة العيـــد
أنه ولا كًـول عنـٌك غير معذور
ولَو ماظَلْ عذر للروح ينكًــــال
لـَجَنْ ون الـ يساهر ليل معـذور
ألم لو من وكت لو من ولف شــــال
وانه بْحالي عْلى صبرك حال مزهــور
صبر ومكابر المحتـــام جَتـــٌال
إلك عمري عْلى زين وشين منذور
ولَو من السنيــن إوشال ما ظـــال
لـَـجَنْ يبقى الجفن للطيف مسمور
ويظل راجد عليها النوم ترجيــــد
إلك جانت ياحلو الطول جيـٌات
عجب تبخل علينا بْجيٌـة العيـــد
👍2❤1
صاحب الضويري-امتحان 💚🍂
الماي شال تراب لو مر بالتراب
ولو جره بين الصخر كلش يطيب
احنه مثل الماي صفانه العذاب
ولو شرب من ماينه معلعل يطيب
امتحنه سنينه مية امتحان
وماعرفنه شتمتحنه سنينه
نغطها ساعة والعقل عند العنان
وساعة بظهور الليالي تغيرنه
مدري احنه ندير دولاب الزمان
مدري دولاب الزمان يديرنه
شو اشوفنه الشمس قبل الغياب!!
هم ترد اردود وارگت عالمغيب
لاتسولف لو جزه وكت الشباب
هاي دنيا وشيبت گبل المشيب
يظل يفر دولابها بكيفه ويطوف
هاي دنيا ومن تفر بكيفها
عاشروها وگطعت منهم چفوف
وشتموها ورد عليهم سيفهه
واحنه مثل الناس بالديرة ضيوف
وعاد مدري شلونها وي ضيفهه
واني وي دنياي صفيت الحساب
من شفت عيسى رگد فوگ الصليب
حسين ذاك حسينها وذاك المصاب
ظال بيهه المنتظر مثل الغريب
ها يليل شحصلت من النهار؟
ويانهار شحصلت من ليلك؟
ويا صباح الله الچشفتنه الستار
اشفنه بيك البارحة ونحچيلك
ويا صباح الله شـ مشه بيك القطار
وشكثر نام الگطه بشليلك؟
واني ذاك الما طلع من الگراب
جنزريت وحار بدواي الطبيب
دورينه وردنه يوم من الاحباب
لنه ممشه سنين عن درب الحبيب
الدنيا هاي طباعها اطباع الجراد
المايخلي السنبل يطگ عوده
واااه يگلبي يلوگلك لبس السواد
والوكت كل يوم يظهر مودة
واني گلبي لو غده مثل بغداد
هم يرد بغداد ظلمة عجوده
هاي دنيا وچلچل عليها الضباب
الماتميز بعيده من القريب
واني بيه تجرعت مر العذاب
وكل عجيب المر عليّ ماهو عجيب
الماي شال تراب لو مر بالتراب
ولو جره بين الصخر كلش يطيب
احنه مثل الماي صفانه العذاب
ولو شرب من ماينه معلعل يطيب
امتحنه سنينه مية امتحان
وماعرفنه شتمتحنه سنينه
نغطها ساعة والعقل عند العنان
وساعة بظهور الليالي تغيرنه
مدري احنه ندير دولاب الزمان
مدري دولاب الزمان يديرنه
شو اشوفنه الشمس قبل الغياب!!
هم ترد اردود وارگت عالمغيب
لاتسولف لو جزه وكت الشباب
هاي دنيا وشيبت گبل المشيب
يظل يفر دولابها بكيفه ويطوف
هاي دنيا ومن تفر بكيفها
عاشروها وگطعت منهم چفوف
وشتموها ورد عليهم سيفهه
واحنه مثل الناس بالديرة ضيوف
وعاد مدري شلونها وي ضيفهه
واني وي دنياي صفيت الحساب
من شفت عيسى رگد فوگ الصليب
حسين ذاك حسينها وذاك المصاب
ظال بيهه المنتظر مثل الغريب
ها يليل شحصلت من النهار؟
ويانهار شحصلت من ليلك؟
ويا صباح الله الچشفتنه الستار
اشفنه بيك البارحة ونحچيلك
ويا صباح الله شـ مشه بيك القطار
وشكثر نام الگطه بشليلك؟
واني ذاك الما طلع من الگراب
جنزريت وحار بدواي الطبيب
دورينه وردنه يوم من الاحباب
لنه ممشه سنين عن درب الحبيب
الدنيا هاي طباعها اطباع الجراد
المايخلي السنبل يطگ عوده
واااه يگلبي يلوگلك لبس السواد
والوكت كل يوم يظهر مودة
واني گلبي لو غده مثل بغداد
هم يرد بغداد ظلمة عجوده
هاي دنيا وچلچل عليها الضباب
الماتميز بعيده من القريب
واني بيه تجرعت مر العذاب
وكل عجيب المر عليّ ماهو عجيب
❤3👍1
محسن الخياط -مغزل ذهب 💚🍂
علي كَالوا بعد ما يكتب هواي
وانه اشما اشبــّن اوكَف وكَوف
چذب لليل ادنكـــَ والصبح جاي
والمزوكــَ المشاير سنبله زلوف
صدح طير الجبال بطــور معناي
واخذ مني الغنه بالهور مشحوف
وطرب شرجي السماوه النغمه اصباي
وعشكــَ تالي العمر والبعد ملهوف
بضوكــَ اليطي خده الشفة اغناي
حلاوة طيبتي وولايتي اتشوف
صبغ جلمه ايعرفهه ايريد شراي
مثل راعي الهرافي اليصبغ الصوف
انه وشعري وحبيبي بهاي دنياي
يجن مغزل ذهب وبريسم يروف
انه الشوكــَ الترضعه حچايتي وياي
مثل شوكـــَ الغزاله الترضع خشوف
يريدوني نخــــــــل ما يكسر فياي
يريدوني فــــــرح ويكَابح دفوف
انه بهيمه وكلت ما ابيع ممشاي
على امباوس چذب ومصافح چفوف
انه بياهي اصير اركـــــض لبلواي
واظل سندان صيني الورد الحروف
كَشت بير الغميج وغرفــــن ادلاي
واهب الكل ضوه وراكَي اعله الچتوف
مهي الشالت عنكَهه بجيحـــــة الماي
اذا تنشف تلمـــّه وتزحــــف زحوف
واذا صــــوت الغــــراب يعــّير الناي
بعد حكَه الكَصب مــــن يثلم سيوف
علي كَالوا بعد ما يكتب هواي
وانه اشما اشبــّن اوكَف وكَوف
چذب لليل ادنكـــَ والصبح جاي
والمزوكــَ المشاير سنبله زلوف
صدح طير الجبال بطــور معناي
واخذ مني الغنه بالهور مشحوف
وطرب شرجي السماوه النغمه اصباي
وعشكــَ تالي العمر والبعد ملهوف
بضوكــَ اليطي خده الشفة اغناي
حلاوة طيبتي وولايتي اتشوف
صبغ جلمه ايعرفهه ايريد شراي
مثل راعي الهرافي اليصبغ الصوف
انه وشعري وحبيبي بهاي دنياي
يجن مغزل ذهب وبريسم يروف
انه الشوكــَ الترضعه حچايتي وياي
مثل شوكـــَ الغزاله الترضع خشوف
يريدوني نخــــــــل ما يكسر فياي
يريدوني فــــــرح ويكَابح دفوف
انه بهيمه وكلت ما ابيع ممشاي
على امباوس چذب ومصافح چفوف
انه بياهي اصير اركـــــض لبلواي
واظل سندان صيني الورد الحروف
كَشت بير الغميج وغرفــــن ادلاي
واهب الكل ضوه وراكَي اعله الچتوف
مهي الشالت عنكَهه بجيحـــــة الماي
اذا تنشف تلمـــّه وتزحــــف زحوف
واذا صــــوت الغــــراب يعــّير الناي
بعد حكَه الكَصب مــــن يثلم سيوف
ريحة الحنطة
آخر قصيدة للشاعر الكبير
كاظم إسماعيل كاطع💚🍂
ماخذ وياي العراق بجنـــــطه
ما كفت الجنــــطه
طالعه منها مناره وعثك نخلـــه
وشعله من عيون نفطه
وراح نوصل… ذاك حد السيطرات
وذيج ضوايات المحطه
وين اضمها.
لا هوه اكتاب ويخليه المسافر جوّه أبطـــه
الحمد لله.. الدنيا ليل… ونقطة التفتيش سنطه
هاي نقطه ويمها واحد
نقطتين. ثلاثة. خمسه
ست نقاط ويمها واحد!!
تنحسب مليون نقطــه
وصاح مسؤول النقاط بصوت عالي
هاي ما معقوله جنطـه
بصيحته انزرعت الساحــــه
رجال أمن ورجال سلطه
بجرة السَحَاب شافت عينه نجمـه
وطكته ريحة الحنطــه
ما لكه غير العلم.. كلي شيـفيدك
كتله غربه
إحنه غربه
ومن نموت هناك… جا بيش انتغطه؟
أخذ للجنطه تحيه… وكلي توصل بالسلامه
وهاي أول مره أفوت بسيطره…
وما انطي رشوه وتستعد كدامي شرطه
آخر قصيدة للشاعر الكبير
كاظم إسماعيل كاطع💚🍂
ماخذ وياي العراق بجنـــــطه
ما كفت الجنــــطه
طالعه منها مناره وعثك نخلـــه
وشعله من عيون نفطه
وراح نوصل… ذاك حد السيطرات
وذيج ضوايات المحطه
وين اضمها.
لا هوه اكتاب ويخليه المسافر جوّه أبطـــه
الحمد لله.. الدنيا ليل… ونقطة التفتيش سنطه
هاي نقطه ويمها واحد
نقطتين. ثلاثة. خمسه
ست نقاط ويمها واحد!!
تنحسب مليون نقطــه
وصاح مسؤول النقاط بصوت عالي
هاي ما معقوله جنطـه
بصيحته انزرعت الساحــــه
رجال أمن ورجال سلطه
بجرة السَحَاب شافت عينه نجمـه
وطكته ريحة الحنطــه
ما لكه غير العلم.. كلي شيـفيدك
كتله غربه
إحنه غربه
ومن نموت هناك… جا بيش انتغطه؟
أخذ للجنطه تحيه… وكلي توصل بالسلامه
وهاي أول مره أفوت بسيطره…
وما انطي رشوه وتستعد كدامي شرطه
👍5😢1
شاكر السماوي-جرح يلتم 💚🍂
جرح يلتم جرح يدي جرح ما طاوع الشدي
اوجرح صبت جروح الغير بيه اوفاض عن حدي
وتلاشت شواطي الروح بين الناس والعندي
والآوح بس اريد الكيش...وأصد اومانفع صدي
اولون حادي السنين ايريد بوشالة عمر يحدي
فلا هيَّ اتنز روحي اولا تخاف امن القهرتصدي
تتشايم لون نيسان عم البور من بعدي
تشوف اعلى سما البسمات الف ذكرى الشتل زندي
يتباهن بنات اهروش تاهت تيهة البردي
تاهت والحصد نشوان يركض ع الدمع والدم
يسعدي: اهناك جالي الروح عالي اوماينوشه الهم جرح يلتم
أبعد موعيب تلكي السيف مثلوم ابطعن خنجر
لجن العار كل العار على كل سيف لو زنجر
الجرح نيشان ذاك السيف جان الحومته يفتر
نجمه السيف تضوي ابليل من تزرك تضوي اكثر
شرف للنور ما فكر بالمجازاة لو نور
يفيض او ماتلمه اجفون (حاتم) ع الزمن يكبر
يها ينته التحط جلمات بشفاف الفجر لو طر
أخبرك لو بساط الريح عافه الريح يتكنطر
اولو ما للبحر جرفين جا ما سندباد ابحر
هاي اوذيج سنة كون لازم ع الشهم تسدي
يسعدي البور ذلة كاع حرمه ابلانسل تصدي جرح يدي
أبد لا لا تكل للهم رضيت ابعشرة العلكم
ولا ريدن جفن بالضيم يتندى ابضباب الهم
ونجان السهم مض بيك عيب اعلى الجرح يندم
هنياله أليشك الموت يرشف من حلاة السم
هنياله اليكت بالصيف زخه اعلى هرش يحلم
يها يلي تشيل اسنين باجر والجرح مالم
باجرنه ابخيال اليوم عريس اوشموعه الدم
باجرنه اعلى جرح الطيف جرح اعلى الجرح بلسم
دشد اوشوف ذيج اجروف فضه اوفرس أدهم
تخفك فوك هام الليل هلهوله اعلى جنح الطير
يسعدي: انت اوجروح الغير تذكاره اعلى جف الخير
جرح يلتم جرح يدي جرح ما طاوع الشدي
اوجرح صبت جروح الغير بيه اوفاض عن حدي
وتلاشت شواطي الروح بين الناس والعندي
والآوح بس اريد الكيش...وأصد اومانفع صدي
اولون حادي السنين ايريد بوشالة عمر يحدي
فلا هيَّ اتنز روحي اولا تخاف امن القهرتصدي
تتشايم لون نيسان عم البور من بعدي
تشوف اعلى سما البسمات الف ذكرى الشتل زندي
يتباهن بنات اهروش تاهت تيهة البردي
تاهت والحصد نشوان يركض ع الدمع والدم
يسعدي: اهناك جالي الروح عالي اوماينوشه الهم جرح يلتم
أبعد موعيب تلكي السيف مثلوم ابطعن خنجر
لجن العار كل العار على كل سيف لو زنجر
الجرح نيشان ذاك السيف جان الحومته يفتر
نجمه السيف تضوي ابليل من تزرك تضوي اكثر
شرف للنور ما فكر بالمجازاة لو نور
يفيض او ماتلمه اجفون (حاتم) ع الزمن يكبر
يها ينته التحط جلمات بشفاف الفجر لو طر
أخبرك لو بساط الريح عافه الريح يتكنطر
اولو ما للبحر جرفين جا ما سندباد ابحر
هاي اوذيج سنة كون لازم ع الشهم تسدي
يسعدي البور ذلة كاع حرمه ابلانسل تصدي جرح يدي
أبد لا لا تكل للهم رضيت ابعشرة العلكم
ولا ريدن جفن بالضيم يتندى ابضباب الهم
ونجان السهم مض بيك عيب اعلى الجرح يندم
هنياله أليشك الموت يرشف من حلاة السم
هنياله اليكت بالصيف زخه اعلى هرش يحلم
يها يلي تشيل اسنين باجر والجرح مالم
باجرنه ابخيال اليوم عريس اوشموعه الدم
باجرنه اعلى جرح الطيف جرح اعلى الجرح بلسم
دشد اوشوف ذيج اجروف فضه اوفرس أدهم
تخفك فوك هام الليل هلهوله اعلى جنح الطير
يسعدي: انت اوجروح الغير تذكاره اعلى جف الخير
❤3
نــذر-ْعريان سيد خلف 💙🌱
ليس عندي غير روحي
وكانت .. وتبقى نذرا
.......
ادك روحي .. نذر للجايب
ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره ... ؟
يالمبشر .. ممحله الروح ..
غيمك .. عزّت امطاره
اوجثيره المايهزها الضيم ..
جن اكَلوبها حجارة
ولو لذة عشيج الموت .. كَلبه ..
ايموت بسراره
لجن ، شانت على المذبوح .. دمه ..
ايضيع فجّاره
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
هلبت .. مات
(جيــــفاره .. ؟)
اوهلبت .. (هوشي منه )
انكَطعت اخباره ..؟
عمت عين الوجاغ الماتشب ناره
ولو دنياك غداره
ولو .. جرحك .. جرف تعبان ..
تغفه الآخ باكتاره
لجن .. بيه العتب شاره
امن اشوفن : دانك السفان ..
صار الروج .. حدّاره
يهلتشبر ، خيال الليل .. وترد
كَاصره اشباره
اعله هونك .. بيه الك حسبات
كلها اغيوم مطاره
ابدمع ، يا دمعة المهظوم .. ما
ما تعتاز .. تسياره
يناري .. المالجم عاره
اعله هونك .. من يهاب
السيل .. لو ينخاض
تياره
اعله هونك .. من تربّه اهلال
.. غطت غيمته انواره
دَذر ، جرح الصبر بارود ..
خل يتباهن اكتاره
يبارغ .. من تضيف الموت ..
يخشى الموت .. خطاره
آنه الجرحك .. عشت مجروح ..
وانته .. ابعشر معشاره
الم بيه الوجع نيشان ثاير ..
ما يرد ثاره
واهزك هزة المطعون ، من تتلايم
اكتاره
اعله وكتك والوكت مشوار ..
غمّه الباع مشواره
واداري العيب تتداره
اداري العين .. وانته العين
.. والدم .. اورفيف
الدم
اداري الآه .. انته الآه ..
وانخه الروح .. لا تهتم
اداري الحيف .. كل الحيف ..
ظل بيك الحلم .. يحلم
اداري اوكَضت روحي انذور ..
لاوِد لا شمل يلتم
يهاوي الروح غم الروح كون
ابشان ما تحلم
يباجي العين .. ذل العين
بالدمعات تتوشم
هظم والشال هظم الناس لوجّه
الموت ما يندم
لَوَن .. شحت دموع الغيض ..
خل دمع العتب .. يلتم
ندامه ، اعله الشرف .. ينداس
والداس الشرف .. يسلم !؟
ندامه ، اوعزّة المندوم .. وكت
الثار .. يتحزم
فشك .. والمافهم معناك ..
بزمور التفك .. يفهم
او جرعنه .. اشجم شكل
علكَم .... ؟!
وِنِت طيف المحبه .. اوشوك
الولايه
انت .. زخات غيمه .. ابكَاع
صبخايه
يشاتل بالكَلب دايات .. دايه
اتلوب .. من \دايه
يبو الشط التعيش اوياك ..
قصته .. طينته .. اومايه
اشتكَل لمشذبات الروس ..
لوجن ليك .. شجايه ..
اشتكَل للطاح .. بين ارماح .. كلها
اوياه كَصايه .. ؟
اشتكَلي ؟ .. اوبيك روحي اتموت
وترد .. بيك تتحايه
ابرجاها ولو كسرها ايجيد .. تصرخ
وين جباره .. ؟
اوثكَلها .. اوعادة المضهود .. بالمعبار
.. يتباره
ولو .. جرحك جرف تعبان ..
تغفه الآخ .. باكتاره
لجن .. شانت على المذبوح .. دمه
يضيع فجاره
ليس عندي غير روحي
وكانت .. وتبقى نذرا
.......
ادك روحي .. نذر للجايب
ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره ... ؟
يالمبشر .. ممحله الروح ..
غيمك .. عزّت امطاره
اوجثيره المايهزها الضيم ..
جن اكَلوبها حجارة
ولو لذة عشيج الموت .. كَلبه ..
ايموت بسراره
لجن ، شانت على المذبوح .. دمه ..
ايضيع فجّاره
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
هلبت .. مات
(جيــــفاره .. ؟)
اوهلبت .. (هوشي منه )
انكَطعت اخباره ..؟
عمت عين الوجاغ الماتشب ناره
ولو دنياك غداره
ولو .. جرحك .. جرف تعبان ..
تغفه الآخ باكتاره
لجن .. بيه العتب شاره
امن اشوفن : دانك السفان ..
صار الروج .. حدّاره
يهلتشبر ، خيال الليل .. وترد
كَاصره اشباره
اعله هونك .. بيه الك حسبات
كلها اغيوم مطاره
ابدمع ، يا دمعة المهظوم .. ما
ما تعتاز .. تسياره
يناري .. المالجم عاره
اعله هونك .. من يهاب
السيل .. لو ينخاض
تياره
اعله هونك .. من تربّه اهلال
.. غطت غيمته انواره
دَذر ، جرح الصبر بارود ..
خل يتباهن اكتاره
يبارغ .. من تضيف الموت ..
يخشى الموت .. خطاره
آنه الجرحك .. عشت مجروح ..
وانته .. ابعشر معشاره
الم بيه الوجع نيشان ثاير ..
ما يرد ثاره
واهزك هزة المطعون ، من تتلايم
اكتاره
اعله وكتك والوكت مشوار ..
غمّه الباع مشواره
واداري العيب تتداره
اداري العين .. وانته العين
.. والدم .. اورفيف
الدم
اداري الآه .. انته الآه ..
وانخه الروح .. لا تهتم
اداري الحيف .. كل الحيف ..
ظل بيك الحلم .. يحلم
اداري اوكَضت روحي انذور ..
لاوِد لا شمل يلتم
يهاوي الروح غم الروح كون
ابشان ما تحلم
يباجي العين .. ذل العين
بالدمعات تتوشم
هظم والشال هظم الناس لوجّه
الموت ما يندم
لَوَن .. شحت دموع الغيض ..
خل دمع العتب .. يلتم
ندامه ، اعله الشرف .. ينداس
والداس الشرف .. يسلم !؟
ندامه ، اوعزّة المندوم .. وكت
الثار .. يتحزم
فشك .. والمافهم معناك ..
بزمور التفك .. يفهم
او جرعنه .. اشجم شكل
علكَم .... ؟!
وِنِت طيف المحبه .. اوشوك
الولايه
انت .. زخات غيمه .. ابكَاع
صبخايه
يشاتل بالكَلب دايات .. دايه
اتلوب .. من \دايه
يبو الشط التعيش اوياك ..
قصته .. طينته .. اومايه
اشتكَل لمشذبات الروس ..
لوجن ليك .. شجايه ..
اشتكَل للطاح .. بين ارماح .. كلها
اوياه كَصايه .. ؟
اشتكَلي ؟ .. اوبيك روحي اتموت
وترد .. بيك تتحايه
ابرجاها ولو كسرها ايجيد .. تصرخ
وين جباره .. ؟
اوثكَلها .. اوعادة المضهود .. بالمعبار
.. يتباره
ولو .. جرحك جرف تعبان ..
تغفه الآخ .. باكتاره
لجن .. شانت على المذبوح .. دمه
يضيع فجاره
❤1👍1
جمار الگطن-مهند حمود 💛🌱
الفجر ماينكتب لو ما حبر بالليل
ولا يلمض علم يآكل من إيّده العار
أدرفع والدرب حسبة أبو المخطوف
ومزاج الجربة يبرد بالفرات الحار
أستغل طيب الحديد وفرض نفسه عليّه
مو مال أحترام الظاهر الزنجار
الشمع عاقل
رغم ما عقله شايل خيط
ومره لكن رجولة سم دنع بالنار
وصح مايختلط ، معتكف ساكت دوم
بس حيل أجتماعي وأريح الچمار
مثل كَلب الحسن صاحب صباح الخير
وكريم الحسن عيدية الحسن خطار
ولإن أبيض كَلب للتالي يبقى الشيب
وثمنطعش عام يكابر المحار
المو أخضر بخت مو شرط يابس صيت
أعمى النهر لكن يجذب الأنظار
الجو الهوى النشمي يخاف يطلع بيّ
ودم بس بي مخضر ثار عنده إيثار
الدللول بفدك نشغة علكَـ مذلول
وعزاء بعثكَـ نخلة ميثم التمار
متفاجئ وكَاعد وره البيت البيت
ورافع إيّده يقرأ الحمدُ ذو الفقار
العثكَـ منقد بس من جوه مو من فوكَـ
ويغمض من يطلع السالفه المزمار
تناقض والجبل بس طور مو بس طول
ويمكن سالفه بكَلب الجبل مو غار
طويل الأمد خيبر وأكو حيدر ليش !!
وضعيف السند ليش الجار عند الجار
حار الملكَه بس بي ريحة الله وياك
وصفنت شايب وحسبة عجوز الدار
الرماد النرجسي محاصر أجداد الغيم
ومطوق العفو من أربع جهات الثار
المغرب مختمر خيمكَه وحبله بكوخ
وسكوت الخشب أثقف من حجي المنشار
ونفس ناسي الهوى وحافظ علي اعله الغيب
وأبن ملجم هنا بس مو بشر بسمار
وحجاب أعمى
وعبايه مشيبه
والتاريخ أبيض وجهه جان وراسه أبيض صار
الحطب چار الضلع متن بـ متن
والنار بت الجار بس الخلل بالتجار
غير إحساس اليخترق البحر جاسوس مو غواص
وعليه دعوة قضائي يقدم المرجان
بالمر عايش وما أطه لزمه اعليه
ورغم كل هذا يضحك للهوى الفنجان
ورافع راسه بس چي فارغ الماعون
وچي حسبه اكو براسه مدنكَـ الميزان
مدنكَـ الميزان ،
ويظل بكَلبه بعض الأحيان الطير
ولكن كَلبه فارغ أغلب الأحيان
التابوت منصف
شايل ومشيول
خشب صح مو غلط بس احس بيه إنسان
وللتبيان
الماعنده كَلب ولسان عنده يجوز مو كلش يخوف
بس يخوف الآن
وإلا لو صدكَـ چا هجي حتى النار ماعندها كَلب بس عدها بس لسان
الجوهر مو المنظر نقطة التشخيص
السم خشن لكن ناعمه الثعبان
ثعالب ،
ثعالب والكره خضرمم سبع وجوه
وكَصص ما أنزل الله بها من سلطان
وعطش بس بي حداثة ما وراء الماي
بس الماي نايم نومة الشيطان
بچه البستان وتأسر بقيع الريح
وماينشاف چي دمعه أخضر البستان
طعم بجية الماي بضحكة الناعور
وطعم وكَفة الدلة بكَعدة الديوان
أكو هنا كلشي
أكو هنا كلشي ، حبل أعدام حبل أعلام
مدفوع الچفن والثمن بيّ الأعلان
البير التوه يزحف ماي شايب بيّ
وفحم لابس خيال الهوى المال ألوان
واتيمم سبي وأنذم مسافة ريج وأتباهه
الدلو ينهاب من ينهان
الصلاة أم بيت بس تستحي من أهل البيت
وماتدخل أذا مايجي وياها آذان
من حلكَـ لحلكَـ تركض الـ ياالله
ومجلب العلكَـ بالبيم مجلب جان
أيّد ، أيّد .. أيّد مكمشه بيها الرحه والتنور
وأيّد مكمشه بيها السبحه والقرآن
نية الضلع أبيض من صلاة الليل
ونية الباب اسود من كَفه الدخان
وشهر رمضان أصبح يوسف الزهراء
يوسف نسخة من رمضان
والبرهان
اخوانه احدعش يوسف لكن الله وياه
والله وياه وأخوانه احدعش رمضان
وظل وياي .. ظل وياي
بريّه معممه أتخندق نفس منبوذ
وشياطين الظمأ تصلي بضريح الماي
الهوى المتوفر المحد بحاله .. الظال
تحرمص مكه بي مولاي ما مولاي
و وجه لكن فضاله ماي خايف بيّ
و وجه بس مو وجه متروس ماي ورآي
ضرير الكَصب تطلع عينه من يّموت
وشاعر كَصه مو شاعر منصة الناي
وأسكت وأنحرث وأكتشف جم مسحاة
وحده اثنين عشره ,, من الأخير هواي
البجي اعله اعصابه واكَف والقلق كاروك
السبحه المن هاي
ايبا هاي ،، بيها أحراج يمكن مو بشر
لو كَطن لو حالوب
لو البلغيمه ،، لو الأسراء والمعراج
الدمعة البيها طف بت طف مو بت بير
وواحد من أصابع رجل أبنها التاج
جريمة المستهل يكَعد بآخر بيّت
ومكه تفضل الحَجاج عل الحُجاج
ينهاب الغصن من يحب أيّده الفاس
وينهان السجن من يحب رجله افراج
العايش جيب واحد هوه والعاكَول
شمعرفه الندى شمحتاج ما محتاج
وبالسيناريو الفاطمي وبالأخراج
غبشه ومستحه وسنبله وخوذه ونوط
وجربه وعلكَمي بين والضلع والباب
اخلاق الشجره حلوه اسلوب واحد بيه
تتعامل وي الخطاب والحطاب
ومسؤولية ضخمة عليك بور وكَاع
عائلتين يعني بركَبه السرداب
اسلوب ابيض وأذا لون أسود الزيتون
ولون أسود وأذا لونه أبيض الناب
تذب الخيمه فيّ ع الخوش والموخوش
ونية الخيمة أبيض من كَلب شمس آب
الندى المكسور خاطر نوم عينه يطير
وتنظف الغيبة أذانه بريشة مال أغراب
محتاج المطر توثيق مو توفيق
ونقطة بين زحمة و رحمة يا خنياب
وعلي ،، علي هلال وعثكَـ تربية دمعه الغيث
وسيف أصبع نبي وغار أصبع ايّده كَراب
يطلع الحسره بس بالعرض مو بالطول
الدله تموت اذا ينجرح كَمكَم شام
ويكَطعه النفس بس مايكَطع التسبيح
نعي وشايل بشاشة شجرة اللبلاب
الحر مثل السهم ينولد خارج قوس
ويوصل للهدف من يترك النشاب
وشني يموت الجذر يندفن حته يعيش
وبس الروحه خضره يذب وراه تراب
هذا دم
الفجر ماينكتب لو ما حبر بالليل
ولا يلمض علم يآكل من إيّده العار
أدرفع والدرب حسبة أبو المخطوف
ومزاج الجربة يبرد بالفرات الحار
أستغل طيب الحديد وفرض نفسه عليّه
مو مال أحترام الظاهر الزنجار
الشمع عاقل
رغم ما عقله شايل خيط
ومره لكن رجولة سم دنع بالنار
وصح مايختلط ، معتكف ساكت دوم
بس حيل أجتماعي وأريح الچمار
مثل كَلب الحسن صاحب صباح الخير
وكريم الحسن عيدية الحسن خطار
ولإن أبيض كَلب للتالي يبقى الشيب
وثمنطعش عام يكابر المحار
المو أخضر بخت مو شرط يابس صيت
أعمى النهر لكن يجذب الأنظار
الجو الهوى النشمي يخاف يطلع بيّ
ودم بس بي مخضر ثار عنده إيثار
الدللول بفدك نشغة علكَـ مذلول
وعزاء بعثكَـ نخلة ميثم التمار
متفاجئ وكَاعد وره البيت البيت
ورافع إيّده يقرأ الحمدُ ذو الفقار
العثكَـ منقد بس من جوه مو من فوكَـ
ويغمض من يطلع السالفه المزمار
تناقض والجبل بس طور مو بس طول
ويمكن سالفه بكَلب الجبل مو غار
طويل الأمد خيبر وأكو حيدر ليش !!
وضعيف السند ليش الجار عند الجار
حار الملكَه بس بي ريحة الله وياك
وصفنت شايب وحسبة عجوز الدار
الرماد النرجسي محاصر أجداد الغيم
ومطوق العفو من أربع جهات الثار
المغرب مختمر خيمكَه وحبله بكوخ
وسكوت الخشب أثقف من حجي المنشار
ونفس ناسي الهوى وحافظ علي اعله الغيب
وأبن ملجم هنا بس مو بشر بسمار
وحجاب أعمى
وعبايه مشيبه
والتاريخ أبيض وجهه جان وراسه أبيض صار
الحطب چار الضلع متن بـ متن
والنار بت الجار بس الخلل بالتجار
غير إحساس اليخترق البحر جاسوس مو غواص
وعليه دعوة قضائي يقدم المرجان
بالمر عايش وما أطه لزمه اعليه
ورغم كل هذا يضحك للهوى الفنجان
ورافع راسه بس چي فارغ الماعون
وچي حسبه اكو براسه مدنكَـ الميزان
مدنكَـ الميزان ،
ويظل بكَلبه بعض الأحيان الطير
ولكن كَلبه فارغ أغلب الأحيان
التابوت منصف
شايل ومشيول
خشب صح مو غلط بس احس بيه إنسان
وللتبيان
الماعنده كَلب ولسان عنده يجوز مو كلش يخوف
بس يخوف الآن
وإلا لو صدكَـ چا هجي حتى النار ماعندها كَلب بس عدها بس لسان
الجوهر مو المنظر نقطة التشخيص
السم خشن لكن ناعمه الثعبان
ثعالب ،
ثعالب والكره خضرمم سبع وجوه
وكَصص ما أنزل الله بها من سلطان
وعطش بس بي حداثة ما وراء الماي
بس الماي نايم نومة الشيطان
بچه البستان وتأسر بقيع الريح
وماينشاف چي دمعه أخضر البستان
طعم بجية الماي بضحكة الناعور
وطعم وكَفة الدلة بكَعدة الديوان
أكو هنا كلشي
أكو هنا كلشي ، حبل أعدام حبل أعلام
مدفوع الچفن والثمن بيّ الأعلان
البير التوه يزحف ماي شايب بيّ
وفحم لابس خيال الهوى المال ألوان
واتيمم سبي وأنذم مسافة ريج وأتباهه
الدلو ينهاب من ينهان
الصلاة أم بيت بس تستحي من أهل البيت
وماتدخل أذا مايجي وياها آذان
من حلكَـ لحلكَـ تركض الـ ياالله
ومجلب العلكَـ بالبيم مجلب جان
أيّد ، أيّد .. أيّد مكمشه بيها الرحه والتنور
وأيّد مكمشه بيها السبحه والقرآن
نية الضلع أبيض من صلاة الليل
ونية الباب اسود من كَفه الدخان
وشهر رمضان أصبح يوسف الزهراء
يوسف نسخة من رمضان
والبرهان
اخوانه احدعش يوسف لكن الله وياه
والله وياه وأخوانه احدعش رمضان
وظل وياي .. ظل وياي
بريّه معممه أتخندق نفس منبوذ
وشياطين الظمأ تصلي بضريح الماي
الهوى المتوفر المحد بحاله .. الظال
تحرمص مكه بي مولاي ما مولاي
و وجه لكن فضاله ماي خايف بيّ
و وجه بس مو وجه متروس ماي ورآي
ضرير الكَصب تطلع عينه من يّموت
وشاعر كَصه مو شاعر منصة الناي
وأسكت وأنحرث وأكتشف جم مسحاة
وحده اثنين عشره ,, من الأخير هواي
البجي اعله اعصابه واكَف والقلق كاروك
السبحه المن هاي
ايبا هاي ،، بيها أحراج يمكن مو بشر
لو كَطن لو حالوب
لو البلغيمه ،، لو الأسراء والمعراج
الدمعة البيها طف بت طف مو بت بير
وواحد من أصابع رجل أبنها التاج
جريمة المستهل يكَعد بآخر بيّت
ومكه تفضل الحَجاج عل الحُجاج
ينهاب الغصن من يحب أيّده الفاس
وينهان السجن من يحب رجله افراج
العايش جيب واحد هوه والعاكَول
شمعرفه الندى شمحتاج ما محتاج
وبالسيناريو الفاطمي وبالأخراج
غبشه ومستحه وسنبله وخوذه ونوط
وجربه وعلكَمي بين والضلع والباب
اخلاق الشجره حلوه اسلوب واحد بيه
تتعامل وي الخطاب والحطاب
ومسؤولية ضخمة عليك بور وكَاع
عائلتين يعني بركَبه السرداب
اسلوب ابيض وأذا لون أسود الزيتون
ولون أسود وأذا لونه أبيض الناب
تذب الخيمه فيّ ع الخوش والموخوش
ونية الخيمة أبيض من كَلب شمس آب
الندى المكسور خاطر نوم عينه يطير
وتنظف الغيبة أذانه بريشة مال أغراب
محتاج المطر توثيق مو توفيق
ونقطة بين زحمة و رحمة يا خنياب
وعلي ،، علي هلال وعثكَـ تربية دمعه الغيث
وسيف أصبع نبي وغار أصبع ايّده كَراب
يطلع الحسره بس بالعرض مو بالطول
الدله تموت اذا ينجرح كَمكَم شام
ويكَطعه النفس بس مايكَطع التسبيح
نعي وشايل بشاشة شجرة اللبلاب
الحر مثل السهم ينولد خارج قوس
ويوصل للهدف من يترك النشاب
وشني يموت الجذر يندفن حته يعيش
وبس الروحه خضره يذب وراه تراب
هذا دم
👍6❤2
وبس الروحه خضره يذب وراه تراب
هذا دم
وذاك دم هناك دم
هناك هم
وذيج حسره ، حسره مو من هوى الظاهر بشر من دم ولحم
خشبة المسرح فدك والشر رذاذ
وقاضفات حجيبه مو عقله الوهم
ولحية الهندس طويلة وكارثة السم
كارثة السم
سبي ماكو متنه أزرك
مو مرائي بالمقابل نية المجتمع نطفة
ونايمه بصلب الفحم
شواية الله اعله الفحم
يا الهي ،، يا الهي
البلم حدبه بلا ظهر
لكن حليم وآدمي وكفاره يدفع من يخرب صفنت الماي البلم
ليش ضم راسه الضحية ورفع راسه المتهم
ومدري ليش حجاية النبله ابطنهه
ومو شرط أخلاق عنده العدل يمشي اخلاق ماعنده
وعدل يمشي السهم
وختاماً .. والأهم
الأنسان العادي ماي نذب وراه
لكن الزهره وراها نذب علم
هذا دم
وذاك دم هناك دم
هناك هم
وذيج حسره ، حسره مو من هوى الظاهر بشر من دم ولحم
خشبة المسرح فدك والشر رذاذ
وقاضفات حجيبه مو عقله الوهم
ولحية الهندس طويلة وكارثة السم
كارثة السم
سبي ماكو متنه أزرك
مو مرائي بالمقابل نية المجتمع نطفة
ونايمه بصلب الفحم
شواية الله اعله الفحم
يا الهي ،، يا الهي
البلم حدبه بلا ظهر
لكن حليم وآدمي وكفاره يدفع من يخرب صفنت الماي البلم
ليش ضم راسه الضحية ورفع راسه المتهم
ومدري ليش حجاية النبله ابطنهه
ومو شرط أخلاق عنده العدل يمشي اخلاق ماعنده
وعدل يمشي السهم
وختاماً .. والأهم
الأنسان العادي ماي نذب وراه
لكن الزهره وراها نذب علم
ميثاق الهلالي- نفنوف الصبح 💙🌿
يلمني الليل...
ساعة وتنفتح بيبان الولاية
واسيّر عالبلابل كلمن بعشّه
الدمع بيّه ..ملح روحي
الحچي العندي ندى وتستاهله الغبشه...
انه اتلگــيت شمس الله بروازيني وطحت فوگــ المدينة افياي..
انه مراية بنات الهور
يطلع من ظهرهه البردي وطيور الگــصب والماي..
اطير بگــذلة الحلوات
أنه مرايه....
الم احلام المعرسين وانثرهن على گــد الصريفه يطلعن ولاية..
انه صوت اليموت وتندفن بجنازته حچايه..
المضايف لونهن مني ..
السلف عطشان بس لو مطرت الدنيه ..
التراب يطير وي كل گــطرة فختاية
وحگــ مرورة الگــهوه تمرني حچاية التذبح واعبرهه
مضيف اجواد بايام الثگــال وبابه ماسدّه
أنه اليمشي خضار المستحه بروحه
ولافد يوم جفّل خاطر الگــعده...
خذاني الليل وانه اتعذر من الناس
لومامستحه عيوني وحگــ الله... چا حطيت كلمن طينته بخده ..
شلي بيهه النوايا السود؟! مومثل الكحل بعيون الحديثات
ذيچ تبيعني بچلمه وعذر وفراگــ
وهاي تطشني ضحكه بوجه الولايات..
اريد البس صباح الله ..واريدن واحد متيّه يدليني!!
ترى عندي دمع ماشايلاته عيون
اريدن واحد مسودن يبچيني ..
ويفهّمني الوطن يمته بگــصيبة عاشگــه نظفره؟
اريدن وطن ياخذني..
ويطشّرني سوالف ماي ..فوگــ جروفنه السمره
يمر بحايط سنيني يدوّر هلبت مراية وضحك عرسان
هلبت تركض الديرة بشلبها وتگــعد الرعيان..
يالماشي لهذاك الطيف ماوصّيك..
گــله ولايتك عطشت خضار وماي
وانت بعيد ..
صبخة ولايمرهه الغيم
بيهه وجوه تاكلهه الشمس وتخضّر الهه افياي
دلّيني بسوالفهه الترد الروح اريد احضن صدور الگــاع
وانه وياك
احس الهور يتّچه اعله برديّه
لوين تريد؟؟لا تعله
ترى شماعلت شمس الله تطيح من الصبح للگــاع ترچيّه
امس دگــ بابي طيفك والعطش بالروح
ضحكت ليلتي وطگــ الحلم بستان..
مُر كلشي بلهاتي يصير
حتّه حروف المعاتب يتيهنّي بسمه عيونك..
يباب العيد لاتلبس هدوم الليل
نفنوف الصبح تستاهله متونك
يلمني الليل...
ساعة وتنفتح بيبان الولاية
واسيّر عالبلابل كلمن بعشّه
الدمع بيّه ..ملح روحي
الحچي العندي ندى وتستاهله الغبشه...
انه اتلگــيت شمس الله بروازيني وطحت فوگــ المدينة افياي..
انه مراية بنات الهور
يطلع من ظهرهه البردي وطيور الگــصب والماي..
اطير بگــذلة الحلوات
أنه مرايه....
الم احلام المعرسين وانثرهن على گــد الصريفه يطلعن ولاية..
انه صوت اليموت وتندفن بجنازته حچايه..
المضايف لونهن مني ..
السلف عطشان بس لو مطرت الدنيه ..
التراب يطير وي كل گــطرة فختاية
وحگــ مرورة الگــهوه تمرني حچاية التذبح واعبرهه
مضيف اجواد بايام الثگــال وبابه ماسدّه
أنه اليمشي خضار المستحه بروحه
ولافد يوم جفّل خاطر الگــعده...
خذاني الليل وانه اتعذر من الناس
لومامستحه عيوني وحگــ الله... چا حطيت كلمن طينته بخده ..
شلي بيهه النوايا السود؟! مومثل الكحل بعيون الحديثات
ذيچ تبيعني بچلمه وعذر وفراگــ
وهاي تطشني ضحكه بوجه الولايات..
اريد البس صباح الله ..واريدن واحد متيّه يدليني!!
ترى عندي دمع ماشايلاته عيون
اريدن واحد مسودن يبچيني ..
ويفهّمني الوطن يمته بگــصيبة عاشگــه نظفره؟
اريدن وطن ياخذني..
ويطشّرني سوالف ماي ..فوگــ جروفنه السمره
يمر بحايط سنيني يدوّر هلبت مراية وضحك عرسان
هلبت تركض الديرة بشلبها وتگــعد الرعيان..
يالماشي لهذاك الطيف ماوصّيك..
گــله ولايتك عطشت خضار وماي
وانت بعيد ..
صبخة ولايمرهه الغيم
بيهه وجوه تاكلهه الشمس وتخضّر الهه افياي
دلّيني بسوالفهه الترد الروح اريد احضن صدور الگــاع
وانه وياك
احس الهور يتّچه اعله برديّه
لوين تريد؟؟لا تعله
ترى شماعلت شمس الله تطيح من الصبح للگــاع ترچيّه
امس دگــ بابي طيفك والعطش بالروح
ضحكت ليلتي وطگــ الحلم بستان..
مُر كلشي بلهاتي يصير
حتّه حروف المعاتب يتيهنّي بسمه عيونك..
يباب العيد لاتلبس هدوم الليل
نفنوف الصبح تستاهله متونك
👍3❤1
عودتني - مظفر النواب 💙🌿
عودتني
انتظر..
وارسم عله الايام موعد
عودتني
العيد يعني الناس
ووياهم اعيد
كتلي .. من يعتك جرح
جرحين
يتلاكه وجعها
وعودتني
عودتني السفن..
من تصفح اكبال الريح
تتمزكـَ شرعها
كتلي:
ما تبكه سفن
والناس يعيروهه:
خشب عادي
وايغركها دمعها
ردت اكلك!
والتهينة
وفاركتني
ردت اكلك
عودتني
عودتني
اترك ابيتك بطاقة عيد وموعد
واكتب ابابك اذا مسافر
جلمتين
ولكيتك سافرت من غير رجعة
وعودتني..
عودتني
انتظر..
وارسم عله الايام موعد
عودتني
العيد يعني الناس
ووياهم اعيد
كتلي .. من يعتك جرح
جرحين
يتلاكه وجعها
وعودتني
عودتني السفن..
من تصفح اكبال الريح
تتمزكـَ شرعها
كتلي:
ما تبكه سفن
والناس يعيروهه:
خشب عادي
وايغركها دمعها
ردت اكلك!
والتهينة
وفاركتني
ردت اكلك
عودتني
عودتني
اترك ابيتك بطاقة عيد وموعد
واكتب ابابك اذا مسافر
جلمتين
ولكيتك سافرت من غير رجعة
وعودتني..
👍2🔥1
گالو عيد باجر - سعود الخفاجي💙🌿
العيد اذكره كبل
من يجي ايجيب العيد
شوهسه وحده اجه؟
يمكن اجــــــه بغير ايد
علامه بكل درب صرنالك شلون
تمر وتكول ماشفت العلامـــــــــه
يتامه وننتظرجيتك واذا جيت
يبين العيد بوجـوه اليتامـــــــــــــه
بعيدالله الجبير اتعيد الناس
وكبل العيـــــــــد كلهه اتخيط هدوم
ونا بكل عيد اظل مدنك الراس
واديه مزرفه مـــــــن خياط الهموم
....
كالو عيـــــــــــد؟
باجر والفرح يترس عيون الناس
وانه الدمع باجــــــــــر يترس عيوني
هم وعوز كلهـــــن واليات الروح
وعفيه شكثر منهن شالن متـــــوني
كالــــــــو عيد؟
باجر والشمع يترس صواني الناس
وانه الهم يطش بعيون ماعــــــــوني
ابوي من الزغر خلاني شمعة ليل
ومن طلعت شمس بهداي طفونـــي
صح كلي شمع والخيط ذاك الخيط
بس مامش امل ويداعب اظنــــونـي
رافكت الصبر والمستحه من اسنين
ثوبي ولاصرت مثل البعض دونــــي
وخاويت الفكر مرغم ولامــــديت
ايدي ولاكلت للوادم اطـــــــــــــوني
صحبان شكثر بس ماكلت صحبان
عندي ولاشفت صحبان وافـــــــوني
اواصلهم وهم يتكاطعون اوياي
شجره ومن جرف عطشان كطعوني
يارخص الوكت ياغم زمان البيه
بحجاية رخص ياحيف سامـــــــــوني
ماكولن طحت واوكف جفن للموت
واصعد للسمه وعالنجمه يلكــــــوني
وصحبان الامس باعوني لازم يوم
يفتر الوكت بالامس باعـــــــــــــــوني
العيد اذكره كبل
من يجي ايجيب العيد
شوهسه وحده اجه؟
يمكن اجــــــه بغير ايد
علامه بكل درب صرنالك شلون
تمر وتكول ماشفت العلامـــــــــه
يتامه وننتظرجيتك واذا جيت
يبين العيد بوجـوه اليتامـــــــــــــه
بعيدالله الجبير اتعيد الناس
وكبل العيـــــــــد كلهه اتخيط هدوم
ونا بكل عيد اظل مدنك الراس
واديه مزرفه مـــــــن خياط الهموم
....
كالو عيـــــــــــد؟
باجر والفرح يترس عيون الناس
وانه الدمع باجــــــــــر يترس عيوني
هم وعوز كلهـــــن واليات الروح
وعفيه شكثر منهن شالن متـــــوني
كالــــــــو عيد؟
باجر والشمع يترس صواني الناس
وانه الهم يطش بعيون ماعــــــــوني
ابوي من الزغر خلاني شمعة ليل
ومن طلعت شمس بهداي طفونـــي
صح كلي شمع والخيط ذاك الخيط
بس مامش امل ويداعب اظنــــونـي
رافكت الصبر والمستحه من اسنين
ثوبي ولاصرت مثل البعض دونــــي
وخاويت الفكر مرغم ولامــــديت
ايدي ولاكلت للوادم اطـــــــــــــوني
صحبان شكثر بس ماكلت صحبان
عندي ولاشفت صحبان وافـــــــوني
اواصلهم وهم يتكاطعون اوياي
شجره ومن جرف عطشان كطعوني
يارخص الوكت ياغم زمان البيه
بحجاية رخص ياحيف سامـــــــــوني
ماكولن طحت واوكف جفن للموت
واصعد للسمه وعالنجمه يلكــــــوني
وصحبان الامس باعوني لازم يوم
يفتر الوكت بالامس باعـــــــــــــــوني
👍2❤1
ايهاب المالكي - الخائنة 💚🍂
قالوا لي الأصحاب :
من تِلكَ التي ؟
نظرت اليكَ بعين شوقٍ مُمعِنة .
فأجبتهم منْ ؟ تِلكَ ، قالوا لي بلى ؟
قلتُ التي كانت بقلبي ساكِنة
لكنها الأيام تفعل فعلها
مات الهوى والبُعد أمسى مدفنا
أحببتها لكنني لم أكتشف
زيف الوعودِ وأنها مُتلوِنا
صدقتُ عاطفةٍ بقبلة قاتلِ
في خطةٍ للجرح كانت مُتقنا
خـــانـــت
ولم يبقى سوى عمراً مضى
ضيعتهُ في حُبِها سنةٍ سنة
حتى ملامحُها الجميلة لم تعُد
تلك التي كانت بعيني فاتنة
رحـــــلـــــت
وأغلقتُ الدموعَ ورائها
حتى وإنْ عادت ستبقى خائِنة
حتى من اريد اقبل عذر
ما شوف ترضه جروحي
ساعتها راح ادخل حرب مابين روحي وروحي
أعذرها عن منْ
ع البعد عن دمعي لو عن نوحي
لو ع الشماتة الصفكَوا من سمعوا بجتالي
العاهدتني تظل عمر ماكملت للتالي
لو مآخذه سنيني البقت ومخليه راحت بالي
مابين جفي الخالي ومانفتركَـ حسبالي
كل رآي ماظل باليد
مرآت تلكَالك جرح بس بي الخنجر ينحد
الجانت اغله من النفس نزلت دمعة اعله الخد
والحيل حسيته أنهد
وآنا وحق هذا الجرح ماحاجي كَدام أحد
الناس تسألني وأظل
عن لا يمس بيها الحجي جنت أبتعد عن الرد
كل ما أتذكرها أختنكَـ وأحتركَـ وأرجف وأبرد
مو لأن رآحت
أو لأن ظلي بطرف بظلها أنشد
لكن يجي ابالي التعب والراح من عمري شكَد
آنا وراها تغيرت
والنوم عن عيني أبـعـــد
ومفتوح ظل باب الصِلح
بس باب حنيتي أنســـد
قالوا لي الأصحاب :
من تِلكَ التي ؟
نظرت اليكَ بعين شوقٍ مُمعِنة .
فأجبتهم منْ ؟ تِلكَ ، قالوا لي بلى ؟
قلتُ التي كانت بقلبي ساكِنة
لكنها الأيام تفعل فعلها
مات الهوى والبُعد أمسى مدفنا
أحببتها لكنني لم أكتشف
زيف الوعودِ وأنها مُتلوِنا
صدقتُ عاطفةٍ بقبلة قاتلِ
في خطةٍ للجرح كانت مُتقنا
خـــانـــت
ولم يبقى سوى عمراً مضى
ضيعتهُ في حُبِها سنةٍ سنة
حتى ملامحُها الجميلة لم تعُد
تلك التي كانت بعيني فاتنة
رحـــــلـــــت
وأغلقتُ الدموعَ ورائها
حتى وإنْ عادت ستبقى خائِنة
حتى من اريد اقبل عذر
ما شوف ترضه جروحي
ساعتها راح ادخل حرب مابين روحي وروحي
أعذرها عن منْ
ع البعد عن دمعي لو عن نوحي
لو ع الشماتة الصفكَوا من سمعوا بجتالي
العاهدتني تظل عمر ماكملت للتالي
لو مآخذه سنيني البقت ومخليه راحت بالي
مابين جفي الخالي ومانفتركَـ حسبالي
كل رآي ماظل باليد
مرآت تلكَالك جرح بس بي الخنجر ينحد
الجانت اغله من النفس نزلت دمعة اعله الخد
والحيل حسيته أنهد
وآنا وحق هذا الجرح ماحاجي كَدام أحد
الناس تسألني وأظل
عن لا يمس بيها الحجي جنت أبتعد عن الرد
كل ما أتذكرها أختنكَـ وأحتركَـ وأرجف وأبرد
مو لأن رآحت
أو لأن ظلي بطرف بظلها أنشد
لكن يجي ابالي التعب والراح من عمري شكَد
آنا وراها تغيرت
والنوم عن عيني أبـعـــد
ومفتوح ظل باب الصِلح
بس باب حنيتي أنســـد
👍5❤1
رائد ابو فتيان - الخلل بيه 💚🍂
الخلل بيه عفتني وماعرفت انساك
لا والله من الأول ماعرفت أهوه
ماترهملي صاحب مو حبيب تصير
بس ترهم بن آدم يوكَع ابلوه
مو بحجارة ربك يضرب بمحبوب
يحط روحك بواحد دمعة مايسوه
جنت ماعندي شي وتصيحلي ومآجيك
وتتوسل جبتها فدوة ما فدوة
عفتني والله نكتة تموت من النوح
بقيت أضحك وأون من كثر ماحلوة
هسه انت رحت طيرة وخذتها الريح
قلبي شبي بدونك ماعرف يروه
أعاشر غيرك وأطلع وأطب وأشتاكَـ
ماكَلك وفه بس روحي محرومه
شفت الأحلى منك والأحب والزين
واهتموا بروحي وبقت مهمومة
ثاري العشكَـ موش تكَلب وتختار
مثل الموت هم كل واحد بيومه
التجارب فشلن وسميتهن نزوه
ردت ارهم لغيرك لجن مو كَوة
مو كل حسره تعرف قيمة الدخان
الجكَارة بشفة المرتاح مو حلوة
آنا وياك ام وأبن بس مو زين
أحن غصباً عليّ وتشح بالمروه
يذآك الـ بالسجن من تطلع افرح بيك
يجي الليل وتجي هم ذآبني ابلوه
انا مقيمك غلط والغير ما الومه
كَالوا مبتسم من كَلت شعلومه
فرحانين لك وانا ابجي ختيلان
مثل وحده بعرس صاحبها معزومه
كَطعت وياي أذا بالطيف أجيك تكَوم
تفز فزة الشاف جنازته بنومه
بعده أخضر فراكَك والشمس بت غيم
والخليته ذاك ، ذاك المبلله هدومه
شطلع بيه وعليك فراكَي مر نشوه
وانا من اسبوع بأيامك جنت لكَوة
استشعرت الكرم بيه ولزمت الباب
مشاعر قلبي امس جديتهن جدوه
وجاملتك حضن كَد ماصحت بردان
بس حضنيش صدري بصدرك تّجوة
هسه ازعل وما تهتم
وانا من ايام اذا ماارضه تنطي شفايفك رشوه
وهي خلصت وبعده الشوكَـ ماخلصان
غيب وعود تلكَة المايريدك حان
كَالوا الينسي اليبتعد بس لتخاف
أديّ تهوه المكَاود ماتهز فنجان
طري ، طري وجهي وبعده بي للمعاتب ماي
خاف تريد نتحاسب منو الغلطان
مشكلتك تحب بس اكثر من اثنين
ومشكلتي من احب من قلبي اصير انسان
وهذني جفوفي مارافعهن بدعوة
اعله واحد عافني ادري الخسر هوه
طيب واليضوك سوالفي ميخون
على اهل الشوكَـ نسمه وللربع خوه
امي بروحها تنست لمن ماجيت
وموش بجلدي صارت بالقلب نِسوه
وشنو الماخسرته ورايد اربح بيك
انا الشاطر المانصبوه قدوة
ومو شرط التعب بأنسان حصته يصير
الأسد حصته الزند والركض للبوه
هاي الدنيا مدري انت المهم تهون
صفه الشط صاحبي كَد ماكَلت فدوة
الخلل بيه عفتني وماعرفت انساك
لا والله من الأول ماعرفت أهوه
ماترهملي صاحب مو حبيب تصير
بس ترهم بن آدم يوكَع ابلوه
مو بحجارة ربك يضرب بمحبوب
يحط روحك بواحد دمعة مايسوه
جنت ماعندي شي وتصيحلي ومآجيك
وتتوسل جبتها فدوة ما فدوة
عفتني والله نكتة تموت من النوح
بقيت أضحك وأون من كثر ماحلوة
هسه انت رحت طيرة وخذتها الريح
قلبي شبي بدونك ماعرف يروه
أعاشر غيرك وأطلع وأطب وأشتاكَـ
ماكَلك وفه بس روحي محرومه
شفت الأحلى منك والأحب والزين
واهتموا بروحي وبقت مهمومة
ثاري العشكَـ موش تكَلب وتختار
مثل الموت هم كل واحد بيومه
التجارب فشلن وسميتهن نزوه
ردت ارهم لغيرك لجن مو كَوة
مو كل حسره تعرف قيمة الدخان
الجكَارة بشفة المرتاح مو حلوة
آنا وياك ام وأبن بس مو زين
أحن غصباً عليّ وتشح بالمروه
يذآك الـ بالسجن من تطلع افرح بيك
يجي الليل وتجي هم ذآبني ابلوه
انا مقيمك غلط والغير ما الومه
كَالوا مبتسم من كَلت شعلومه
فرحانين لك وانا ابجي ختيلان
مثل وحده بعرس صاحبها معزومه
كَطعت وياي أذا بالطيف أجيك تكَوم
تفز فزة الشاف جنازته بنومه
بعده أخضر فراكَك والشمس بت غيم
والخليته ذاك ، ذاك المبلله هدومه
شطلع بيه وعليك فراكَي مر نشوه
وانا من اسبوع بأيامك جنت لكَوة
استشعرت الكرم بيه ولزمت الباب
مشاعر قلبي امس جديتهن جدوه
وجاملتك حضن كَد ماصحت بردان
بس حضنيش صدري بصدرك تّجوة
هسه ازعل وما تهتم
وانا من ايام اذا ماارضه تنطي شفايفك رشوه
وهي خلصت وبعده الشوكَـ ماخلصان
غيب وعود تلكَة المايريدك حان
كَالوا الينسي اليبتعد بس لتخاف
أديّ تهوه المكَاود ماتهز فنجان
طري ، طري وجهي وبعده بي للمعاتب ماي
خاف تريد نتحاسب منو الغلطان
مشكلتك تحب بس اكثر من اثنين
ومشكلتي من احب من قلبي اصير انسان
وهذني جفوفي مارافعهن بدعوة
اعله واحد عافني ادري الخسر هوه
طيب واليضوك سوالفي ميخون
على اهل الشوكَـ نسمه وللربع خوه
امي بروحها تنست لمن ماجيت
وموش بجلدي صارت بالقلب نِسوه
وشنو الماخسرته ورايد اربح بيك
انا الشاطر المانصبوه قدوة
ومو شرط التعب بأنسان حصته يصير
الأسد حصته الزند والركض للبوه
هاي الدنيا مدري انت المهم تهون
صفه الشط صاحبي كَد ماكَلت فدوة
👍4❤2
ادهم عادل - تحب الگاع 💚🍂
تحب الگاع بس الگاع متحبك..
تحب الوطن بس الوطن ميحبك..
ما شايف وطن من تعّشگة يسبك!
ما شايف سما من تّشيلگ تذبك!..
اني الواگف بعيني
الناس التّهجرت !..
والكسرت احلامي
الطفلة
خايف بالعراق شلون أذا كبرت؟!..
والهدّمت ظهري
(جنايز الشبان )
بصفوف المدارس مگّبرة أنحفرت..
(لو ما هذن كل الگاع متلمني)
أسافر لأي شبر يحترم بنيادم !..
أسافر لأي وطن ما يحّرگ أحلامي..
(أنة شمنطيني هذا الوطن وأبقة وياه؟!)
بس أطفال طاحت فوگ أيامي..
بس وياه اسمع صوت لاوهامي !..
يكبر كرش اليبوگوك
وآنة اليصغر حزامي !..
أنة الغثّني البرود البيك!!
ما رشمت عيونك يا بو النهرين
من باگوك ترس الظهر گدامي!..
من جيتك الم الطين من ثوبك..
خفت مني تمد ايدك على جيوبك..
متعود نهيبة تعيش
تسد من العصر بوبك..
(الشباب برگبّتك ذمة)
أنة مسافر تراب بصحرة العافوك
ما يعجبني انطش بعد بدروبك..
تحب الگاع بس الگاع متحبك..
تحب الوطن بس الوطن ميحبك..
ما شايف وطن من تعّشگة يسبك!
ما شايف سما من تّشيلگ تذبك!..
اني الواگف بعيني
الناس التّهجرت !..
والكسرت احلامي
الطفلة
خايف بالعراق شلون أذا كبرت؟!..
والهدّمت ظهري
(جنايز الشبان )
بصفوف المدارس مگّبرة أنحفرت..
(لو ما هذن كل الگاع متلمني)
أسافر لأي شبر يحترم بنيادم !..
أسافر لأي وطن ما يحّرگ أحلامي..
(أنة شمنطيني هذا الوطن وأبقة وياه؟!)
بس أطفال طاحت فوگ أيامي..
بس وياه اسمع صوت لاوهامي !..
يكبر كرش اليبوگوك
وآنة اليصغر حزامي !..
أنة الغثّني البرود البيك!!
ما رشمت عيونك يا بو النهرين
من باگوك ترس الظهر گدامي!..
من جيتك الم الطين من ثوبك..
خفت مني تمد ايدك على جيوبك..
متعود نهيبة تعيش
تسد من العصر بوبك..
(الشباب برگبّتك ذمة)
أنة مسافر تراب بصحرة العافوك
ما يعجبني انطش بعد بدروبك..
عبدالكريم القصاب- راوي العود 💚🍂
يراوي العود يمعسل ،
يمدري ابيا وهج تضوي ...........
وعلى النسمه ايتماوج ضيك امدلل ،
مذعوره النجوم ، اتخاف لا تطفه ،
تجي وتحط على اعيونك ..........
ذليله وبيك تتوسل .
يهلبت جدحه من عينك ،
توج ابكل نجم مشعل .
يكمره وكل رمش شمعه .....
وضواها اخصور تتفتل .
يمضوي وبس علي مطفي ،
شجاك وغمضن اعيونك ؟
ونا ابسجة عمى ماشي ،
مشي ابضيجة نفس وبدوخة المغزل ،
واريد الكاك ، ما اندل .
برد ليل الهوى الدافي ،
ونجمتي ابغيمه تتعلل .
وانت ولا يحن كلبك ولا تسال .
شجاك ؟ اشميلك عني ؟
جنت من الشعاع اعدل .
يشوك البارحه اليجوي ،...
البرد كلش ، ولا يسال ،
ولا نشغة اجروحي اتفزز ادموعك ،
ولا صفنه التكظك فوك الوساده ،
وتشوف اغيار وجهي اكبالك وتخجل .
يهلبت تستحي وتسال ؟
حزن بالروح ..........
اغمك من صفنتي اعليك ،
واطول من خلك ميت ، ولا تسال .
حزن مالي عرف بيه كبلما اشوفك ،
يلمدلل .
حزن ضحكه وحزن شبكه ،
حزن مامش وراه ملكه ،
حزن مديوف بالحركه ،.......
ومثل لون الكحل دمي عليك ........
وجرحي امكحل ،
وانت ولا اجي اببالك ولا تسال .
يغاوي ابيا اعطور امطيب ازلوفك .
ونا فوك الجمر للفاجعة مهدل ؟
مكطوعة الحراثي وشهكتي اتفرفح ؟
مثل طيره ومتربة شوف ؟ ماتندل
وانت ولا يحن كلبك ولا تسأل ,
يراوي هناك ومعسل ،
عكدتي امدوهنه .......
وناكوط طيفك موش يم الحل .
شجاك ؟ اشبرد انفاسك ؟
ولا لهفه ،
ولا جلمة عشك ترفه ،
ولا من جذب تتغزل ، ولا تسال .
يتالي المو على بالي ،
اشحلاتك جنت بالاول ؟
جنت معسول منترضى ،
وجنت كلش لذيذ اوياي من تزعل .
يراوي العود ، يمعسل ،
اشحلاتك جنت بالاول ؟
يراوي العود يمعسل ،
يمدري ابيا وهج تضوي ...........
وعلى النسمه ايتماوج ضيك امدلل ،
مذعوره النجوم ، اتخاف لا تطفه ،
تجي وتحط على اعيونك ..........
ذليله وبيك تتوسل .
يهلبت جدحه من عينك ،
توج ابكل نجم مشعل .
يكمره وكل رمش شمعه .....
وضواها اخصور تتفتل .
يمضوي وبس علي مطفي ،
شجاك وغمضن اعيونك ؟
ونا ابسجة عمى ماشي ،
مشي ابضيجة نفس وبدوخة المغزل ،
واريد الكاك ، ما اندل .
برد ليل الهوى الدافي ،
ونجمتي ابغيمه تتعلل .
وانت ولا يحن كلبك ولا تسال .
شجاك ؟ اشميلك عني ؟
جنت من الشعاع اعدل .
يشوك البارحه اليجوي ،...
البرد كلش ، ولا يسال ،
ولا نشغة اجروحي اتفزز ادموعك ،
ولا صفنه التكظك فوك الوساده ،
وتشوف اغيار وجهي اكبالك وتخجل .
يهلبت تستحي وتسال ؟
حزن بالروح ..........
اغمك من صفنتي اعليك ،
واطول من خلك ميت ، ولا تسال .
حزن مالي عرف بيه كبلما اشوفك ،
يلمدلل .
حزن ضحكه وحزن شبكه ،
حزن مامش وراه ملكه ،
حزن مديوف بالحركه ،.......
ومثل لون الكحل دمي عليك ........
وجرحي امكحل ،
وانت ولا اجي اببالك ولا تسال .
يغاوي ابيا اعطور امطيب ازلوفك .
ونا فوك الجمر للفاجعة مهدل ؟
مكطوعة الحراثي وشهكتي اتفرفح ؟
مثل طيره ومتربة شوف ؟ ماتندل
وانت ولا يحن كلبك ولا تسأل ,
يراوي هناك ومعسل ،
عكدتي امدوهنه .......
وناكوط طيفك موش يم الحل .
شجاك ؟ اشبرد انفاسك ؟
ولا لهفه ،
ولا جلمة عشك ترفه ،
ولا من جذب تتغزل ، ولا تسال .
يتالي المو على بالي ،
اشحلاتك جنت بالاول ؟
جنت معسول منترضى ،
وجنت كلش لذيذ اوياي من تزعل .
يراوي العود ، يمعسل ،
اشحلاتك جنت بالاول ؟
❤4👍3
صاحب الضويري-يا حبيب 💚🍂
ياحبيب لو كِلت باجر نشيـــــل
ما تصيرش بس نكول احنه ولو
جنت احشم كل عمامي على الرحيل
وما يهمني الي اجو والما اجوا
ويا حبيب لو كلت انه زعلان
جنت ازعل عالهوى لو زعــلاك
وما يمر بريتي وهذا المكان
البي كبل مشتم هواي اشتم هـــواك
انت دره وشفتك بكتر الزمان
وكيفت من كلبي بكتاره زرعـــــاك
الدنيا مدري شلون فرشتلي الشليل
وفرهديتك يوم عذالي التهو
وانه جبت الغانمه وانت الدليل
جورت واهل الهوى ما حصـــــلو
من زمان دياركم تشكي الظلام
وهالنثرنه عيونه عليها نجـــوم
وانت تدري طباعنه طباع الحمام
من يتيه يضل على دياره يحـــوم
وهالدوت بكتارنه نار الغرام
وما يطفيها وعلي ملك الغيــــوم
بس رضابك ياترف مثل الجحيل
وكلبي موكد ياحلو بي وكـــدوا
انه احبن بيك كل ما هو جميل
وما علي بالي حجو والما حجـــــوا
اي وحكَك وانته اغلى من اليمين
وانه بس بغيرك من احلف جــــــذوب
انه وانت وماتهمنه العالمين
ان شركَت وان غربت بيها الـــــدروب
وهسه عتني الشوك يمك والحنين
استاحشت جي وحدّي بوكت الغروب
كون يمك جا صحت عندك دخيل
دولبني ايام هجرانك شـــــسو
وانت تدري بمهجتك صاحب نزيل
خاف غيري بالنزل خويه ادعّــــــو؟
تميزت عن ربعي بيه الطيبات
وضلت دروب الرده لـــــهل الرده
واليبات على الهضم خله يبات
الغيره مهره وما تضل محـــــــدده
دير دوك عنانها على النايبات
وكوهه اسحك عالخطر واتعمــــده
هاي هيه ولو طحت بيها جتيل
بمشتهاتي لرحتك اصبح لـــــهو
كفه الميزان تنزل بالثكيل
وهيه دنيه ومو شرط بيها الـــــعلوا
يا شريج العكل خلهم شيحجون
وما علينه بالعرف نفسه نشــــيط
لو دروا والله كلهم ينتهون
وصاحوا بغربانهم يازي اللـــــقيط
وانه ما اريدك تسد عني الديون
ولا اريدك لو كرب موتي محـــيط
انه موتك ضايكه وجن سلسبيل
ومن منايا محبتك شارب حــــسو
وما اذله وداعتك وصبح ذليل
من اشوفن بالنزل غيري ادعــــــوا
عاد احشم كل عمامي على الرحيل
وما يهمني الي اجو والما اجـــــــوا
ياحبيب لو كِلت باجر نشيـــــل
ما تصيرش بس نكول احنه ولو
جنت احشم كل عمامي على الرحيل
وما يهمني الي اجو والما اجوا
ويا حبيب لو كلت انه زعلان
جنت ازعل عالهوى لو زعــلاك
وما يمر بريتي وهذا المكان
البي كبل مشتم هواي اشتم هـــواك
انت دره وشفتك بكتر الزمان
وكيفت من كلبي بكتاره زرعـــــاك
الدنيا مدري شلون فرشتلي الشليل
وفرهديتك يوم عذالي التهو
وانه جبت الغانمه وانت الدليل
جورت واهل الهوى ما حصـــــلو
من زمان دياركم تشكي الظلام
وهالنثرنه عيونه عليها نجـــوم
وانت تدري طباعنه طباع الحمام
من يتيه يضل على دياره يحـــوم
وهالدوت بكتارنه نار الغرام
وما يطفيها وعلي ملك الغيــــوم
بس رضابك ياترف مثل الجحيل
وكلبي موكد ياحلو بي وكـــدوا
انه احبن بيك كل ما هو جميل
وما علي بالي حجو والما حجـــــوا
اي وحكَك وانته اغلى من اليمين
وانه بس بغيرك من احلف جــــــذوب
انه وانت وماتهمنه العالمين
ان شركَت وان غربت بيها الـــــدروب
وهسه عتني الشوك يمك والحنين
استاحشت جي وحدّي بوكت الغروب
كون يمك جا صحت عندك دخيل
دولبني ايام هجرانك شـــــسو
وانت تدري بمهجتك صاحب نزيل
خاف غيري بالنزل خويه ادعّــــــو؟
تميزت عن ربعي بيه الطيبات
وضلت دروب الرده لـــــهل الرده
واليبات على الهضم خله يبات
الغيره مهره وما تضل محـــــــدده
دير دوك عنانها على النايبات
وكوهه اسحك عالخطر واتعمــــده
هاي هيه ولو طحت بيها جتيل
بمشتهاتي لرحتك اصبح لـــــهو
كفه الميزان تنزل بالثكيل
وهيه دنيه ومو شرط بيها الـــــعلوا
يا شريج العكل خلهم شيحجون
وما علينه بالعرف نفسه نشــــيط
لو دروا والله كلهم ينتهون
وصاحوا بغربانهم يازي اللـــــقيط
وانه ما اريدك تسد عني الديون
ولا اريدك لو كرب موتي محـــيط
انه موتك ضايكه وجن سلسبيل
ومن منايا محبتك شارب حــــسو
وما اذله وداعتك وصبح ذليل
من اشوفن بالنزل غيري ادعــــــوا
عاد احشم كل عمامي على الرحيل
وما يهمني الي اجو والما اجـــــــوا
❤4🔥1
سمير صبيح - شگالولك عليه 💚🍂
شكالولك عليه وصار وجهك سيف
وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه
خلك ساتر ولك سويت خلگي وياك
شكد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه
ومن شفت الخناجر خذت دور السيف
كلت ياروح صيري بهالوكت درگه
وتسالني تگلي شسوه وكتك بيك
شسولفلك شأكلك ؟! تكتل الحرگه
ذبني ابير بيده وكال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه
ما يدري الوكت لو عكس هدة خيل
اللي يطيح بدربهه جدامهه تسحگه
وذبحني مناطرك غيم ومطرها يطيح
گظت شوغات روحي لهفة الملگه
مثل فزة مفارك من تجيني بطيف
اشبكنك وافز وكلشي ما ألگه
مو ذنبي تره لبعض البشر مالوك
لان طبعي صريح وراسي مادنگه
اللؤلؤء باللضم كلش جميل يصير
بس هوه الحجي عالرگبه التعلگه
شكالولك عليه وصار وجهك سيف
وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه
خلك ساتر ولك سويت خلگي وياك
شكد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه
ومن شفت الخناجر خذت دور السيف
كلت ياروح صيري بهالوكت درگه
وتسالني تگلي شسوه وكتك بيك
شسولفلك شأكلك ؟! تكتل الحرگه
ذبني ابير بيده وكال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه
ما يدري الوكت لو عكس هدة خيل
اللي يطيح بدربهه جدامهه تسحگه
وذبحني مناطرك غيم ومطرها يطيح
گظت شوغات روحي لهفة الملگه
مثل فزة مفارك من تجيني بطيف
اشبكنك وافز وكلشي ما ألگه
مو ذنبي تره لبعض البشر مالوك
لان طبعي صريح وراسي مادنگه
اللؤلؤء باللضم كلش جميل يصير
بس هوه الحجي عالرگبه التعلگه
👍5❤1😢1
عبد الحسين الحلفي- بيعني 💚🍂
بيعني بشگد بعتني انا اشتريك
ذب عسل عمرك الغيري
وبقى حنظل حتى حنظل اشتهيك
موبديه اتولعت حيل انه بيك
وگمت يوميه اجيك
واذكر اول مره جيتك
گبل لامد ايدي اسلم
گلبي سلم كض اديك
لايگ الاسود عليك
ولايگ الكلشي عليك
وشارع شكبره وشگده
ماتدوس الا اعله گلبي شلون بيك
مد اديك اشلع عيوني لاتمدهن
اخاف تتعب انه اخل عيني تجيك
يافلان الدنيا مابيه امان
وانه أمن من اگضيها معاك
يافلان اعليك ادور من زمان
وفرح گلبي من عثر بيك ولگاك
وانه وي گلبي عرك والله عليك
وضجت من گلبي لان مني خذاك
انت من تزعل اموت ابين اديك
ومن تشاقيني ارد حي بشقاك
هوه غيرك من اشمنه اموت
ولكن ارجع عدل لو شم هواك
تدري انه شگد احبنك بحيث
من تهد انت علي افزع وراك
بيعني بشگد بعتني انا اشتريك
ذب عسل عمرك الغيري
وبقى حنظل حتى حنظل اشتهيك
موبديه اتولعت حيل انه بيك
وگمت يوميه اجيك
واذكر اول مره جيتك
گبل لامد ايدي اسلم
گلبي سلم كض اديك
لايگ الاسود عليك
ولايگ الكلشي عليك
وشارع شكبره وشگده
ماتدوس الا اعله گلبي شلون بيك
مد اديك اشلع عيوني لاتمدهن
اخاف تتعب انه اخل عيني تجيك
يافلان الدنيا مابيه امان
وانه أمن من اگضيها معاك
يافلان اعليك ادور من زمان
وفرح گلبي من عثر بيك ولگاك
وانه وي گلبي عرك والله عليك
وضجت من گلبي لان مني خذاك
انت من تزعل اموت ابين اديك
ومن تشاقيني ارد حي بشقاك
هوه غيرك من اشمنه اموت
ولكن ارجع عدل لو شم هواك
تدري انه شگد احبنك بحيث
من تهد انت علي افزع وراك
❤7🔥2👍1