غني محسن
.
انتهى بلحظة العشگ والشوگ والهمسه
مثـل جـنح الفـراشـة الينـتـهي بلـمسه
مــو ذاك انـت الاول تـفـرح لفـرحـي
اجيتك عود اداوي بشوفتك جرحي
بس كلـمـة اسمـعــتهـا تـكبــر وتـنــسه
انتهى بلحظة العشگ والشوگ والهمسه
يمر بيـه الندم واحتـار انا بـأمـري
من اشوفن ذكرياتك تلعب بعمري
اصدلك ودي احاول اكشف اسرارك
واصبر وشتكيلك روحي من نارك
حــســبالي تــهـزك دمـعــتي الخــرسـه
انتهى بلحظة العشگ والشوگ والهمسه
من باقي العمر ظلت فرد ساعة
عن اللـوم يطيح دمعـة بوداعة
صعبة من الليالي تعوفني لوحدي
جـاوبـني بعـد ماظـل صبر عنـدي
چـنت وياي صـافــي شبــدلك هــسـه
انتهى بلحظة العشگ والشوگ والهمسه
.
انتهى بلحظة العشگ والشوگ والهمسه
مثـل جـنح الفـراشـة الينـتـهي بلـمسه
مــو ذاك انـت الاول تـفـرح لفـرحـي
اجيتك عود اداوي بشوفتك جرحي
بس كلـمـة اسمـعــتهـا تـكبــر وتـنــسه
انتهى بلحظة العشگ والشوگ والهمسه
يمر بيـه الندم واحتـار انا بـأمـري
من اشوفن ذكرياتك تلعب بعمري
اصدلك ودي احاول اكشف اسرارك
واصبر وشتكيلك روحي من نارك
حــســبالي تــهـزك دمـعــتي الخــرسـه
انتهى بلحظة العشگ والشوگ والهمسه
من باقي العمر ظلت فرد ساعة
عن اللـوم يطيح دمعـة بوداعة
صعبة من الليالي تعوفني لوحدي
جـاوبـني بعـد ماظـل صبر عنـدي
چـنت وياي صـافــي شبــدلك هــسـه
انتهى بلحظة العشگ والشوگ والهمسه
❤37👍28😢9❤🔥1
📜 5 سنوات من العطاء 📜
اليوم تمر علينا الذكرى الخامسة لـ انشاء قناة قصيدة وشاعر .. للشعر الشعبي .
لتكون بذلك أكبر مدونة لقصائد الشعر الشعبي حيث تتضمن اكثر من 800 قصيدة شعبية ..
نتمنى إننا كنّا عند حسن ذوقكم 🤍
اليوم تمر علينا الذكرى الخامسة لـ انشاء قناة قصيدة وشاعر .. للشعر الشعبي .
لتكون بذلك أكبر مدونة لقصائد الشعر الشعبي حيث تتضمن اكثر من 800 قصيدة شعبية ..
نتمنى إننا كنّا عند حسن ذوقكم 🤍
❤96👍23
زين كاظم
گلبي صفصافة وفة
يم الجرف ومتاني تذبل
وشتگله اليوگف على أطراف اصابيعه
على شفة بلم يسأل
ليش چف يعاتب خياله
ويشيل بنصه مشعل
وانت تگدر
تلگه عيني الضاعت بفي خصرك وبحزامه تفتر
وانت تگدر
تجر خدي لچرچفك وتنگضه بوس وهو ينجر
ياللي طولك من يضك الثوب
متفصل مثل نرگيله تگلب
شنهي معناها تطوخ الكحل بس بعين وحدة
عين تلزم ،، عين تغلب
اجدام ما أخسر لون خلصت عمري اتنوع الهن
أتمدد الهن
أتحسس احرورتهن بشفتي ولك
واوگع مطر يغسل بسيفك
بهيدة عديني مثل مشي الحواصيد اعله كيفك
يالتدوس ، الروح داية
وتشلع من العرگ بعد الدوس
هذا الشوگ يمعود خطاية
تسيل فضة عيني من تضحك
وتتلملم على چفوفك مراية
انت مو أول مزكرش
يسحگ على الروح رايه
ياللي شوگك هدني من فرع الزريجية حمامة
ولمني يم الجرف وي الروج بردية و ابلامة
وشيركده اليوگف وماهن اعظامه
گلبي صفصافة وفة
يم الجرف ومتاني تذبل
وشتگله اليوگف على أطراف اصابيعه
على شفة بلم يسأل
ليش چف يعاتب خياله
ويشيل بنصه مشعل
وانت تگدر
تلگه عيني الضاعت بفي خصرك وبحزامه تفتر
وانت تگدر
تجر خدي لچرچفك وتنگضه بوس وهو ينجر
ياللي طولك من يضك الثوب
متفصل مثل نرگيله تگلب
شنهي معناها تطوخ الكحل بس بعين وحدة
عين تلزم ،، عين تغلب
اجدام ما أخسر لون خلصت عمري اتنوع الهن
أتمدد الهن
أتحسس احرورتهن بشفتي ولك
واوگع مطر يغسل بسيفك
بهيدة عديني مثل مشي الحواصيد اعله كيفك
يالتدوس ، الروح داية
وتشلع من العرگ بعد الدوس
هذا الشوگ يمعود خطاية
تسيل فضة عيني من تضحك
وتتلملم على چفوفك مراية
انت مو أول مزكرش
يسحگ على الروح رايه
ياللي شوگك هدني من فرع الزريجية حمامة
ولمني يم الجرف وي الروج بردية و ابلامة
وشيركده اليوگف وماهن اعظامه
👍21❤13
عبد الكريم القصاب
نبي الحرير
بيّه حد الله جسر من رازقي
وغبشة ندى وهمسة حرير
بيّه قِبله ونيّه بيضه
ومهره من عطر البنفسج
ماي كَصّتها ضمير .
اِشكَد قريبة من الله روحي !
اِشكَد قريبة من الفقير !
اِشكَد دفو بأنفاسها لضلع الفقير !
اِشكَد ضوه شفاف بيها .....
آيكَود خطوات الضرير !
اِشكَد قريبه آمن الله روحي !
اِشكَد قريب الله اذا نعشك صدك .
غير هوّ الله عشك ؟
والصلاه يعني عشك ،
والجفن شاطىء وضوء ،
يعني من نبجي صدك ، نبجي عشك .
الدموع آفياي شجره ،
ورحمة الميت سرير .
اِشكَد قريب الله اذا نعشك صدك !
لمّا نمسح دمعه من خد اليتيم ،
يعني يم الله نوضّينه بدمع .
لمّا نبجي آمن الحنين لوجه الله ..
يعني صلّينه دمع .
الصلاه محراب دمعه ،
ويا صلاة الله على آدموع الفقير .
بيّه حد الله جسر من رازقي .
بغير ما أعشك ضوه الله ،
بغير ما آصيرن حرير ،..
اشلون آجيس آجروح غيري ؟
اشلون اطير لجنة الله بلا جناح ؟
اشلون اطير ؟
اشلون آفك شباج من الله .....
اذا مو صوتي كَمره ...
ومن وراه واكَف نبي ؟
راح آظل واكَف نبي
وانا أدري آبهاي راح آوكَف غريب
لأن أعرف كل نبي وآكَباله ذيب
كل نبي آكَباله غبي
نبي الحرير
بيّه حد الله جسر من رازقي
وغبشة ندى وهمسة حرير
بيّه قِبله ونيّه بيضه
ومهره من عطر البنفسج
ماي كَصّتها ضمير .
اِشكَد قريبة من الله روحي !
اِشكَد قريبة من الفقير !
اِشكَد دفو بأنفاسها لضلع الفقير !
اِشكَد ضوه شفاف بيها .....
آيكَود خطوات الضرير !
اِشكَد قريبه آمن الله روحي !
اِشكَد قريب الله اذا نعشك صدك .
غير هوّ الله عشك ؟
والصلاه يعني عشك ،
والجفن شاطىء وضوء ،
يعني من نبجي صدك ، نبجي عشك .
الدموع آفياي شجره ،
ورحمة الميت سرير .
اِشكَد قريب الله اذا نعشك صدك !
لمّا نمسح دمعه من خد اليتيم ،
يعني يم الله نوضّينه بدمع .
لمّا نبجي آمن الحنين لوجه الله ..
يعني صلّينه دمع .
الصلاه محراب دمعه ،
ويا صلاة الله على آدموع الفقير .
بيّه حد الله جسر من رازقي .
بغير ما أعشك ضوه الله ،
بغير ما آصيرن حرير ،..
اشلون آجيس آجروح غيري ؟
اشلون اطير لجنة الله بلا جناح ؟
اشلون اطير ؟
اشلون آفك شباج من الله .....
اذا مو صوتي كَمره ...
ومن وراه واكَف نبي ؟
راح آظل واكَف نبي
وانا أدري آبهاي راح آوكَف غريب
لأن أعرف كل نبي وآكَباله ذيب
كل نبي آكَباله غبي
❤21👍16
حسن كتاب
جزيت الدنيا بالتفكير
وسويت البالي وياك
وانت بگعدتك ضليت وخيالك عبرني هواي
ترسم بالحلم ضليت ابدخان على وجه الماي
المهم مانرهم انه وياك خشبه بنار
مثل جامع بصف خمار
محد دور اعله النيه من يالون كلها تذم
الورد ماينگطع هيهات لو وادمنه بس اشم
وشمعرف العسل بالسم
عرفته وياك
من شفتك رسمت اعله النهار نجوم
گتلك مااظن ندوم
گتلك راح اضل محروم
واكتب لافته بكل جيل
الشعر مو زين اذا ماكاتبه الملچوم
ماحسبت هيج حساب
اروح لصحرة التفكير
طحت بس طلعاني البير
عشت مثل المغيسل وطن للتطهير
انه وياك روح بروح بس حسيت بالتهجير
من شفتك
وطن
متعاركين عليك گلبي وساحة التحرير
بعد ماانطي صوتي ولازم التغيير
بعد ماريد واحد باگ مني احساس
شلي بخارطة مذلول بيه الراس
شلي بخل حسبني حساب مثل الناس
وانه بكل زمان هلال
مره تواعدت وي خلي يم تمثال
مل وانه مامليت
ضليت وصبرت اجيال
وجزيت الدنيا بس ماعابر رسومك
يرد بيه الوطن والشوف بس بشمة هدومك
جزيت الدنيا بالتفكير
وسويت البالي وياك
وانت بگعدتك ضليت وخيالك عبرني هواي
ترسم بالحلم ضليت ابدخان على وجه الماي
المهم مانرهم انه وياك خشبه بنار
مثل جامع بصف خمار
محد دور اعله النيه من يالون كلها تذم
الورد ماينگطع هيهات لو وادمنه بس اشم
وشمعرف العسل بالسم
عرفته وياك
من شفتك رسمت اعله النهار نجوم
گتلك مااظن ندوم
گتلك راح اضل محروم
واكتب لافته بكل جيل
الشعر مو زين اذا ماكاتبه الملچوم
ماحسبت هيج حساب
اروح لصحرة التفكير
طحت بس طلعاني البير
عشت مثل المغيسل وطن للتطهير
انه وياك روح بروح بس حسيت بالتهجير
من شفتك
وطن
متعاركين عليك گلبي وساحة التحرير
بعد ماانطي صوتي ولازم التغيير
بعد ماريد واحد باگ مني احساس
شلي بخارطة مذلول بيه الراس
شلي بخل حسبني حساب مثل الناس
وانه بكل زمان هلال
مره تواعدت وي خلي يم تمثال
مل وانه مامليت
ضليت وصبرت اجيال
وجزيت الدنيا بس ماعابر رسومك
يرد بيه الوطن والشوف بس بشمة هدومك
❤29👍28
عقيل العرد
يبدي عمرك
مثل ما تتلاصف خيوط الحرير وي الشمس
ويشتعل عمرك مثل فقرة يركصون بعرس
وتالي كلش ينطفي
شمعة ماخذها البحر بالليل مدري ليا حلم
تختفي من اكبال عينك
مدري عينك تختفي
و بحلم يصغر ضواك ويبتعد ، يتلاشى عمرك
تصير ذكرى ،
تصير طيف ، تصير امس
ولمن توصل للتريده
تلكه نفسك كلشي بين جفوفك و مالك نفس
يبدي عمرك
مثل ما تتلاصف خيوط الحرير وي الشمس
ويشتعل عمرك مثل فقرة يركصون بعرس
وتالي كلش ينطفي
شمعة ماخذها البحر بالليل مدري ليا حلم
تختفي من اكبال عينك
مدري عينك تختفي
و بحلم يصغر ضواك ويبتعد ، يتلاشى عمرك
تصير ذكرى ،
تصير طيف ، تصير امس
ولمن توصل للتريده
تلكه نفسك كلشي بين جفوفك و مالك نفس
❤30👍17😢8
علي البديري
أنت أنسان... "بس عوزك خلك ولسان"
لاتضحك جذب ...
باجر وراك سنون...
"تتحاسب لان شافاها واحد مار"
ضم دمعك نذر للجاي...
باجر ولفك يخليك وين تروح...؟
تداين دمع...!! لو عين...؟
"هي الناس ماتنطي لهدمها متون"
عيش وياك...
وابقى وياك...
ليريدك صدك.. يحتار... "بس يلكاك"
وين تروح ...؟؟
وجروحك عليها عياط..."اهل الهور ومعرسين"
يسااااابع جار...
سد إذنك ..." نويت ابجي"
يثوب العيد... " عندي وياك قصة بلبل صغيرون عاشك كلبه فختيه"
احلفك بالخذوا دمك
عليك بخيط من اقدم هدم لإمك...
لاتظلم ورد يهواك...
الله يحاسبك منجل...
أنت أنسان... "بس عوزك خلك ولسان"
لاتضحك جذب ...
باجر وراك سنون...
"تتحاسب لان شافاها واحد مار"
ضم دمعك نذر للجاي...
باجر ولفك يخليك وين تروح...؟
تداين دمع...!! لو عين...؟
"هي الناس ماتنطي لهدمها متون"
عيش وياك...
وابقى وياك...
ليريدك صدك.. يحتار... "بس يلكاك"
وين تروح ...؟؟
وجروحك عليها عياط..."اهل الهور ومعرسين"
يسااااابع جار...
سد إذنك ..." نويت ابجي"
يثوب العيد... " عندي وياك قصة بلبل صغيرون عاشك كلبه فختيه"
احلفك بالخذوا دمك
عليك بخيط من اقدم هدم لإمك...
لاتظلم ورد يهواك...
الله يحاسبك منجل...
❤38👍32😢9👎2
#قصيدة_وشاب
علي حميد .... ميسان
حسبالي الموادع دورت وجوه
ضكته ويا ثكلها اجدام اليرد
ساعة لجيبك ايدك ساعة محتار
تمسح دمع بيها التارس الخد
كل هذا الشعور اتعيشه بوداع
من تريد واحد ناوي يبعد
من تصير روحك تشبه اسوار
يافشلتها لو ودعها معضد
المسافه البيتنه بوكت الفرح شوف
نفسها بفرگتك بس صارت اشگد
باب الغرفة هم ما ينفتح گام
مو بس باب الله بوجهك انسد
وجهك ينفضح وي اليسألون
الضوة خلص حياته بغير ملبد
الشارع ما يخلّص يمشي وياي
سراب اشما اگرّب يبدي يمتد
علي حميد .... ميسان
حسبالي الموادع دورت وجوه
ضكته ويا ثكلها اجدام اليرد
ساعة لجيبك ايدك ساعة محتار
تمسح دمع بيها التارس الخد
كل هذا الشعور اتعيشه بوداع
من تريد واحد ناوي يبعد
من تصير روحك تشبه اسوار
يافشلتها لو ودعها معضد
المسافه البيتنه بوكت الفرح شوف
نفسها بفرگتك بس صارت اشگد
باب الغرفة هم ما ينفتح گام
مو بس باب الله بوجهك انسد
وجهك ينفضح وي اليسألون
الضوة خلص حياته بغير ملبد
الشارع ما يخلّص يمشي وياي
سراب اشما اگرّب يبدي يمتد
❤21👍17💘1
طارق ياسين
مر بيه ونسنس كل شوگي،
مغصوبه انگل شوگي بزيجي،
اتعده لخرزات الترجيه،
لا أهلك واهلي يشوفونه،
أتغتر يـالحسنك گمريه،
من تجزي يطگ دربك جوري،
اااااه الجوري شعامل بيه،
ياروحي شضگتي من العشره،
توچ حبيتي وسم ضوگي،
مر بيه ونسنس كل شوگي،
عشرتنه دموع اشگد ترفه،
وسيسها بـ كحلة كل سمره،
لو اموتن وصي يدفنوني،
موش بعيد بجرف العشره،
لا اهلك واهلي يشوفونك،
لتمر بينا بوكت الگمره،
بطرگ الحسرات اتعناني،
واني الحسره تحز بعروگي،
مر بيه ونسنس كل شوگي،
حز روحي بهجره وماگتله،
روحي من فراگك معلومه،
حنن بدموعي گصايبچن،
گالو يردون يخطبوله،
بين العاگول أشتل روحي،
ولا اسمع عدكم هلهوله،
وگطرة مي ماريدن فوگي،
مر بيه ونسنس كل شوگي،
تصنت من تجزي تناغيلك
يـحبيب حتى الخزامه،
ماتفرح اله بطاريكم،
وعگبك عمري شتسوه أيامه،
مر وعيونه تضم الضحكه،
والروح تعلگت بحزامه،
يضحك چي گالوله يعرس
وانه الدمعة تلوج بـموگي
مر بيه ونسنس كل شوگي
مر بيه ونسنس كل شوگي،
مغصوبه انگل شوگي بزيجي،
اتعده لخرزات الترجيه،
لا أهلك واهلي يشوفونه،
أتغتر يـالحسنك گمريه،
من تجزي يطگ دربك جوري،
اااااه الجوري شعامل بيه،
ياروحي شضگتي من العشره،
توچ حبيتي وسم ضوگي،
مر بيه ونسنس كل شوگي،
عشرتنه دموع اشگد ترفه،
وسيسها بـ كحلة كل سمره،
لو اموتن وصي يدفنوني،
موش بعيد بجرف العشره،
لا اهلك واهلي يشوفونك،
لتمر بينا بوكت الگمره،
بطرگ الحسرات اتعناني،
واني الحسره تحز بعروگي،
مر بيه ونسنس كل شوگي،
حز روحي بهجره وماگتله،
روحي من فراگك معلومه،
حنن بدموعي گصايبچن،
گالو يردون يخطبوله،
بين العاگول أشتل روحي،
ولا اسمع عدكم هلهوله،
وگطرة مي ماريدن فوگي،
مر بيه ونسنس كل شوگي،
تصنت من تجزي تناغيلك
يـحبيب حتى الخزامه،
ماتفرح اله بطاريكم،
وعگبك عمري شتسوه أيامه،
مر وعيونه تضم الضحكه،
والروح تعلگت بحزامه،
يضحك چي گالوله يعرس
وانه الدمعة تلوج بـموگي
مر بيه ونسنس كل شوگي
👍20❤19
هاني منذر
انه مو ذاك
الهني
المرتاح
انا مخلص الدنيا بضحك عابر
اغفه حاير واكعد من الصبح حاير
انه مشطوب اعله اسمي من الدفاتر
انه مكروه ولاواحد يريده
حفنة تراب انمسح من المناير
انه الضلوعه تحت جدم الخيول
بكل ضلع مطبوع حافر
محد يدليني ب الحض ومكانه وين صاير
الباب اذا مفتوح مو الا تجيك الريح منه
الريح لليهوى تجيهه من الستاير
من طحت ب الدنيا ابجي
ابجي ماادري عليمن
اني يكتلني اليكلي لاتهم ترتاح باجر
مال واحد يركض لباجر يبوسه
بلكت يرفرف علييه كليب باجر
ليش ياكلبي قبلت انسحك يمهم
ليش ياكلبي صرت مثل الكناطر
ذني كلهن بس بعدني
مااحس كفيت روحي
ولاحجيت البيه صاير
مره منهن اكو للحب خارطه وكلش جبيره
انرسمت بفيض المشاعر
اليريد يفوت سهله
واليحب اوليفه يوكف ع السره وياخذ تذاكر
اني مشتاك لحبيبي بس هضيمه
من وصلتلهم بعد ماكو تذاكر
موش هذا الوكت وكتي
من تخضر ب السما الحنطه واجوع ...جناح ماكو
ومن تخضر ب الارض ...تلكاني طاير
انه مو ذاك
الهني
المرتاح
انا مخلص الدنيا بضحك عابر
اغفه حاير واكعد من الصبح حاير
انه مشطوب اعله اسمي من الدفاتر
انه مكروه ولاواحد يريده
حفنة تراب انمسح من المناير
انه الضلوعه تحت جدم الخيول
بكل ضلع مطبوع حافر
محد يدليني ب الحض ومكانه وين صاير
الباب اذا مفتوح مو الا تجيك الريح منه
الريح لليهوى تجيهه من الستاير
من طحت ب الدنيا ابجي
ابجي ماادري عليمن
اني يكتلني اليكلي لاتهم ترتاح باجر
مال واحد يركض لباجر يبوسه
بلكت يرفرف علييه كليب باجر
ليش ياكلبي قبلت انسحك يمهم
ليش ياكلبي صرت مثل الكناطر
ذني كلهن بس بعدني
مااحس كفيت روحي
ولاحجيت البيه صاير
مره منهن اكو للحب خارطه وكلش جبيره
انرسمت بفيض المشاعر
اليريد يفوت سهله
واليحب اوليفه يوكف ع السره وياخذ تذاكر
اني مشتاك لحبيبي بس هضيمه
من وصلتلهم بعد ماكو تذاكر
موش هذا الوكت وكتي
من تخضر ب السما الحنطه واجوع ...جناح ماكو
ومن تخضر ب الارض ...تلكاني طاير
👍23❤18😢10
عريان آل سيد خلف
مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشك من ينشره وينباع
جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
خلك الكاع للكيض .... وصبر شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع
شلون الماي......
يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع
مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشك من ينشره وينباع
جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
خلك الكاع للكيض .... وصبر شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع
شلون الماي......
يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع
❤38👍20
كاظم الركابي
من ضوء الروح
من شمس الذات
من صدك گلبي وعناوين القصايد
اهدي حزني ..
للوطن ... للناس .. لعيون الحبايب
وانت كلهم !
من يطيح الليل واحلامك غميجه ماتطفي الماي جمره
ومن تمر بيك العوافي يطول عمري
واعلك ارموشي شمع و وساده گمره
وردت اعذرك ...
والعشك نجمه بعيده وعين المحبين عثره
وليش اعذرك ؟
وانت شتلة خاطر وعطشان صبرك
لا لگيت ابمستحه الحبوك گطره ولا تصح غيمة وتمطرك
تذبل اكبالي واشب نار اعلى ورقه
اطفى سكته وعمري يندار اعلى عمرك
لاني عشت عيون شذره ولاصغت روحي اعلى اصبعك
ولاتصح للموت سچه وافتح عيوني واتبعك
امنيلي الحيل وانشدك
كون امد ايدي اعلى كلبك !! والزم الحسره التوّجعك
وليش اعذرك
وانت كحلت السمه بتعبي وسماري ولاتعب وياي صبرك
وذاك چفك
عاند الحنه الغريبه وكتلي من جفك حلال
ونزلت دموعك تطفي شموع حلمك
من كلتلك ؟
ياثمرتي : ضوك غيري من السلال ؟
بغيري وازوك اشكثر بس ما شفتهم
وگتلك يضيعوك بالظلمه البعيده وگتلي اندل
وگتلي بس ضويلي عينك
اصعب اعلى اهلي وارد وياك واسهل
يازغير .
الشيب وي عمرك كبر حسبته چذبه
ليله ليله وداعتك تغفه واحسبه
ليله
ليله
وداعتك تغفه واحسبه
من ضوء الروح
من شمس الذات
من صدك گلبي وعناوين القصايد
اهدي حزني ..
للوطن ... للناس .. لعيون الحبايب
وانت كلهم !
من يطيح الليل واحلامك غميجه ماتطفي الماي جمره
ومن تمر بيك العوافي يطول عمري
واعلك ارموشي شمع و وساده گمره
وردت اعذرك ...
والعشك نجمه بعيده وعين المحبين عثره
وليش اعذرك ؟
وانت شتلة خاطر وعطشان صبرك
لا لگيت ابمستحه الحبوك گطره ولا تصح غيمة وتمطرك
تذبل اكبالي واشب نار اعلى ورقه
اطفى سكته وعمري يندار اعلى عمرك
لاني عشت عيون شذره ولاصغت روحي اعلى اصبعك
ولاتصح للموت سچه وافتح عيوني واتبعك
امنيلي الحيل وانشدك
كون امد ايدي اعلى كلبك !! والزم الحسره التوّجعك
وليش اعذرك
وانت كحلت السمه بتعبي وسماري ولاتعب وياي صبرك
وذاك چفك
عاند الحنه الغريبه وكتلي من جفك حلال
ونزلت دموعك تطفي شموع حلمك
من كلتلك ؟
ياثمرتي : ضوك غيري من السلال ؟
بغيري وازوك اشكثر بس ما شفتهم
وگتلك يضيعوك بالظلمه البعيده وگتلي اندل
وگتلي بس ضويلي عينك
اصعب اعلى اهلي وارد وياك واسهل
يازغير .
الشيب وي عمرك كبر حسبته چذبه
ليله ليله وداعتك تغفه واحسبه
ليله
ليله
وداعتك تغفه واحسبه
❤23👍18😢8🥰1
موعود قاسم
توني متغطي ارد اموتن
و الهلاهل نفخن بگلبي الرماد
گمت من لحدي ادردم
و خوفي ترس البيت
ترس البال
ترس الذكريات ...
گمت و اللعابه مدري شبيها غنت ...
گمت و البيبان ونت ...
سولفت وي روحي
بلكت يمر واحد و اضحك اشوي اعله ياها
وصورتي العل حايط انطتني گفاها
ارجف و مختنگ كلش
و چلمتي بحبال صوتي تنعجد
انا خايف مدري جايسني برد ؟
و اگعد اعله الطاوله
و يگعد اگبالي ...
شوگي و احلام السنين
و ادفع اگلاص الفرح ...
مابيه اشربه
انا متعود على طعم الونين
انا ما اگدر اعيش ابلايه ضيم
وارجع اللحدي ادردم ..
گلت اكمل موتّي
و من بعدها الله كريم ...
توني متغطي ارد اموتن
و الهلاهل نفخن بگلبي الرماد
گمت من لحدي ادردم
و خوفي ترس البيت
ترس البال
ترس الذكريات ...
گمت و اللعابه مدري شبيها غنت ...
گمت و البيبان ونت ...
سولفت وي روحي
بلكت يمر واحد و اضحك اشوي اعله ياها
وصورتي العل حايط انطتني گفاها
ارجف و مختنگ كلش
و چلمتي بحبال صوتي تنعجد
انا خايف مدري جايسني برد ؟
و اگعد اعله الطاوله
و يگعد اگبالي ...
شوگي و احلام السنين
و ادفع اگلاص الفرح ...
مابيه اشربه
انا متعود على طعم الونين
انا ما اگدر اعيش ابلايه ضيم
وارجع اللحدي ادردم ..
گلت اكمل موتّي
و من بعدها الله كريم ...
❤37👍22👎1🔥1
" معقولة اخو الـمـﭼـتول يمسح سيف ﭼـتالة"
كريم الجسار
تعنيتك بـ سـﭼـة تضيع بيها ادموع المسافر
تطشرني وألم روحي واگوطر والوعد باجر
دليلي بسـﭼـتك غيمة ..
يبعثرها الهوى امعاند واكضن خيطها من اخر ..
بالمعالج وصلت بخاطري المكسور
ضنيتك ﭼـريم وتجبر الخاطر
حسبتك مثل الأول روحك رخيصة تنيم الليل وتساهر ..
حسبتك تشتري الشاريك
شوگ البيك ما يبرد .. حسبتك قافية وشاعر
لڰيتك موش ذاك انت ولا ضل اعله الاول گلبك الطاهر
لگيتك حاضن الشمات ..
وبـ روج الگلت والڰال تغرب بيه وتحادر
واجيتك صيدة عمية لحضن نتّالة
الشبوط اليگيش الطافح بذيله تعنه اعله الشبـﭻ عنوه يدور العافية بجاله ..
المضيف الفارش اجفوفه لجدم الجاي
اجاك امشجبن ادلاله ..
كلت بيك الرشد .. گوم وتزيح الضيم وانت التعرف الحاله..
يـ لن ايدك تـﭼـيل الضيم هي الصارت اعله الضيم ﭼـياله
هجم بيت الزمان الـيشل جف حاتم يگمطه اشباگ بيته اشباگ بحباله
وهجم بيته اليحش العنبر بجفه ويحير بلگمة اعياله
وهجم بيته التدور الرحه بجفوفه ويرد عوزه اعله السحاله ..
واجيتك هسه من تالي اريد الحك اعله الوشاله
لكيتك فوك سطح الفوگ شيجيبه عليك العثرته اذياله
معقولة اخو المجتول يمسح سيف جتاله
ورديت بطريج الجابني مهضوم .. والناس البعيدة تكول هنياله
شگل للوادم احتاريت اهم للنشد بطاله
اكلهم لو انام اعله الجرح ..لو انسى من خلي
لجن شنسى جرح جرحين شنساله
اهو العينه توﭼـد الدرب شيجيبه اعله حفر الذيب وشماله
معقولة اخو المجتول يمسح سيف جتاله
معقولة السمج بطران يرضع شاخة الفالة ..!
كريم الجسار
تعنيتك بـ سـﭼـة تضيع بيها ادموع المسافر
تطشرني وألم روحي واگوطر والوعد باجر
دليلي بسـﭼـتك غيمة ..
يبعثرها الهوى امعاند واكضن خيطها من اخر ..
بالمعالج وصلت بخاطري المكسور
ضنيتك ﭼـريم وتجبر الخاطر
حسبتك مثل الأول روحك رخيصة تنيم الليل وتساهر ..
حسبتك تشتري الشاريك
شوگ البيك ما يبرد .. حسبتك قافية وشاعر
لڰيتك موش ذاك انت ولا ضل اعله الاول گلبك الطاهر
لگيتك حاضن الشمات ..
وبـ روج الگلت والڰال تغرب بيه وتحادر
واجيتك صيدة عمية لحضن نتّالة
الشبوط اليگيش الطافح بذيله تعنه اعله الشبـﭻ عنوه يدور العافية بجاله ..
المضيف الفارش اجفوفه لجدم الجاي
اجاك امشجبن ادلاله ..
كلت بيك الرشد .. گوم وتزيح الضيم وانت التعرف الحاله..
يـ لن ايدك تـﭼـيل الضيم هي الصارت اعله الضيم ﭼـياله
هجم بيت الزمان الـيشل جف حاتم يگمطه اشباگ بيته اشباگ بحباله
وهجم بيته اليحش العنبر بجفه ويحير بلگمة اعياله
وهجم بيته التدور الرحه بجفوفه ويرد عوزه اعله السحاله ..
واجيتك هسه من تالي اريد الحك اعله الوشاله
لكيتك فوك سطح الفوگ شيجيبه عليك العثرته اذياله
معقولة اخو المجتول يمسح سيف جتاله
ورديت بطريج الجابني مهضوم .. والناس البعيدة تكول هنياله
شگل للوادم احتاريت اهم للنشد بطاله
اكلهم لو انام اعله الجرح ..لو انسى من خلي
لجن شنسى جرح جرحين شنساله
اهو العينه توﭼـد الدرب شيجيبه اعله حفر الذيب وشماله
معقولة اخو المجتول يمسح سيف جتاله
معقولة السمج بطران يرضع شاخة الفالة ..!
👍22❤20😢3
امير آل جدوع
أفرش جروحي بشليلك ..
جيس دمهن يا وجع بيهن قديم
من فگدتك .. گمن اطش روحي اعله كل شباج فصلية بچي والله كريم
انت حلمي ..وشوفك بروحي اشتريته
ليش نايم وانه ماكو؟؟ ...فز يحلمي
اگدار حلمه الشاعر اتفز شاعريته
گود عيني ..الما يگود الطيف شوفه
تكبر الظلمة بخياله ..
اشضيع المكتوب يالدمعك هلا وصوتك دلاله
وليش كل ساعة الدنت نفسه اعله حزني
يموت لو فك الرسالة ..
وموش وحدة بوحدة تحسب
جلد مكتوب الموادع ما يمض بيه البـﭼـاله
والدمع مرواح مثلوم اعله بيدر
ينعرف چتاله كيفه
للموادع ما محسب وهمتني.
الينام وشايل احموله اعله متنه
ما يريد ايوهمه طيفه ..
وكسرة امرايه دمعتي ..
ومالي ﭼـف يصير راگ ..
واحنه غشمة.. انا وعيوني نفرزن
لمعة الشذرة بهاگ
وهمتني .. وانه شاعر گلبه ﭼـفه
امفطره بيه القصايد
كل جرح يزغر اضماده يفيض زايد
ومو تعرفه .. طمع گلبي وجرحه اكبر من شليله
لا تروح شلون بيه ..!
شيلة التابوت سهلة وفرگة الميت ثگيلة
يــ اخضر ومضمام عشگي!! من يصوفر خاف لا يتسمه حطبة ..
ومن فگدتك عاتبيته...
يا كنز روحي الرخيص الضامينك بـ اغلى منك
جان مضمامك ڰلايد ..وانت جنت احزاز رگبة
وموش گبحي انه اتعرفني ..
دوم اگل للهور هاك شفاي اخذهن واطني گصبة
يا رفيجي اشكثر باﭼـيك بـ سكتي ..
الما مربي القفص جنحه .. وراد يعلى
ما يطلع اجناحه صفگه
وين يا مضمامي الاخضر
ربعك وعدلين كلهم ما الك بالموته رفگه
عاد اخذني انگاب افيدك ..
النگاب اعله الغريب زواگ ينشد
بالضنون يصير شوفك بلكي منهم غاد تنعد
يا غصن يالـ عشّي فوگك ..
العشوش تبان بالـ فيّ .. عالغصن وزره ومعاضد
ليل غاد وماكو فيّ ينشاف عدهم
غاد وسفة تنقري بشارة مواگد
وين رايح ..وين رايح؟
وانت مو بدوي وتسافر!!
مهو البدوي امتاعه ناسه
اليذبح الوحشه بغربته ..
يـ المتاعك عيبك انتَ.
وتدري عيبي .. عيبي اعله البعيد امولفه روحي..
ومن تمر حمرة غروب ..
تگول هذا اشداد محطوط اعله جرحه
ومن يدور الخوف بيها تضل تاكل روحها بلا لهو الرحه
و مو الك يا صاحبي التابوت اليه
هلي بجيوبي من اسافر .. لأن متعود عليهم ..
هلي بس فوگ الجناسي ..
ولو عزت يا خوية اگلك ..
خاف حسباتك ﭼبيرة ..انت عاشگ هاك راسي ..
أفرش جروحي بشليلك ..
جيس دمهن يا وجع بيهن قديم
من فگدتك .. گمن اطش روحي اعله كل شباج فصلية بچي والله كريم
انت حلمي ..وشوفك بروحي اشتريته
ليش نايم وانه ماكو؟؟ ...فز يحلمي
اگدار حلمه الشاعر اتفز شاعريته
گود عيني ..الما يگود الطيف شوفه
تكبر الظلمة بخياله ..
اشضيع المكتوب يالدمعك هلا وصوتك دلاله
وليش كل ساعة الدنت نفسه اعله حزني
يموت لو فك الرسالة ..
وموش وحدة بوحدة تحسب
جلد مكتوب الموادع ما يمض بيه البـﭼـاله
والدمع مرواح مثلوم اعله بيدر
ينعرف چتاله كيفه
للموادع ما محسب وهمتني.
الينام وشايل احموله اعله متنه
ما يريد ايوهمه طيفه ..
وكسرة امرايه دمعتي ..
ومالي ﭼـف يصير راگ ..
واحنه غشمة.. انا وعيوني نفرزن
لمعة الشذرة بهاگ
وهمتني .. وانه شاعر گلبه ﭼـفه
امفطره بيه القصايد
كل جرح يزغر اضماده يفيض زايد
ومو تعرفه .. طمع گلبي وجرحه اكبر من شليله
لا تروح شلون بيه ..!
شيلة التابوت سهلة وفرگة الميت ثگيلة
يــ اخضر ومضمام عشگي!! من يصوفر خاف لا يتسمه حطبة ..
ومن فگدتك عاتبيته...
يا كنز روحي الرخيص الضامينك بـ اغلى منك
جان مضمامك ڰلايد ..وانت جنت احزاز رگبة
وموش گبحي انه اتعرفني ..
دوم اگل للهور هاك شفاي اخذهن واطني گصبة
يا رفيجي اشكثر باﭼـيك بـ سكتي ..
الما مربي القفص جنحه .. وراد يعلى
ما يطلع اجناحه صفگه
وين يا مضمامي الاخضر
ربعك وعدلين كلهم ما الك بالموته رفگه
عاد اخذني انگاب افيدك ..
النگاب اعله الغريب زواگ ينشد
بالضنون يصير شوفك بلكي منهم غاد تنعد
يا غصن يالـ عشّي فوگك ..
العشوش تبان بالـ فيّ .. عالغصن وزره ومعاضد
ليل غاد وماكو فيّ ينشاف عدهم
غاد وسفة تنقري بشارة مواگد
وين رايح ..وين رايح؟
وانت مو بدوي وتسافر!!
مهو البدوي امتاعه ناسه
اليذبح الوحشه بغربته ..
يـ المتاعك عيبك انتَ.
وتدري عيبي .. عيبي اعله البعيد امولفه روحي..
ومن تمر حمرة غروب ..
تگول هذا اشداد محطوط اعله جرحه
ومن يدور الخوف بيها تضل تاكل روحها بلا لهو الرحه
و مو الك يا صاحبي التابوت اليه
هلي بجيوبي من اسافر .. لأن متعود عليهم ..
هلي بس فوگ الجناسي ..
ولو عزت يا خوية اگلك ..
خاف حسباتك ﭼبيرة ..انت عاشگ هاك راسي ..
👍27❤19😱2🤩2
احمد المرشدي
ليلة
اعله ضي الگمر
شفه وزند مشتعل
وبين الفرح والخدر مر العمر چيله
يا سفر ريه وعطر
دنيا ولذيذ النفس
والريح من سيرَت ع الباب شد حيله
شغيرني ؟
وشغيرك ؟
وشلون ضاع العرف چا والوعد وينه ؟
ملگانه
ملگه الغرب
وأرواحنا امچتفه
نتسالم ونفترگ ؟ محد ترف عينه !
ياكل
بروحي الجفه
لو زاتك للگبر
لو ميت اشوالي
الكتاله گلبه يذل
وبس الدمع حصته المجروح من غالي
تدري
اصفن الوحّدي
واحترگ
ويه التتن
واتوسف ايامك !
وابچي
امن اگلب الصور
حتى احلى شكلي گبل من چنت بأحلامك
چا شوگي ما فززك ؟
عمري ؟ السحگته درب ماعرض گدامك ؟
كل
ذكرياتي صدگ
هيچ انتهت عادي ؟
وراح الضحك والبچي البعيد ميلادي ؟
لا طيفي
لا محبسي ؟
لا دمعه لا شبگه ؟
چا هو باب العشگ وبكيفك تطبگه ؟
چا صدرك
شبي حجر ؟ لو هم گلب بي دم
چا ليش عگبك اون ونات المسمم ؟
هم جنه
نزعل گبل
وبعركة نتراضه
و تجرحني
واني اجرحك
بس چنه نتغاضه !
هل مره
شو من صدگ طولت زعلتنا
اوحدك اوحدي شكثر شمات شافتنا !
لا والكتلني
الحچي التتناقله الغربه
هذا الإحساس الأبد ماحاسب نجربه !
هسه اني
اريد افتهم عزة نفس لو كره ؟
حته اشتهي موتتي لا بالقرار اشتبه !
وك
تيهت گعدتي
وربعي ومواعيدي
ومن شبگة ايدك لحد هسه اشتم بأيدي
ماجاي
اعبرك متت ...
وگفت ايامي هناك
من گتلي بآخر عتب اخذ الهدايا وياك
من درت
وجهي وشلت
نارك اعله شموعي
گمت انهدم وانبني
وعگازتي دموعي
ليلة
اعله ضي الگمر
شفه وزند مشتعل
وبين الفرح والخدر مر العمر چيله
يا سفر ريه وعطر
دنيا ولذيذ النفس
والريح من سيرَت ع الباب شد حيله
شغيرني ؟
وشغيرك ؟
وشلون ضاع العرف چا والوعد وينه ؟
ملگانه
ملگه الغرب
وأرواحنا امچتفه
نتسالم ونفترگ ؟ محد ترف عينه !
ياكل
بروحي الجفه
لو زاتك للگبر
لو ميت اشوالي
الكتاله گلبه يذل
وبس الدمع حصته المجروح من غالي
تدري
اصفن الوحّدي
واحترگ
ويه التتن
واتوسف ايامك !
وابچي
امن اگلب الصور
حتى احلى شكلي گبل من چنت بأحلامك
چا شوگي ما فززك ؟
عمري ؟ السحگته درب ماعرض گدامك ؟
كل
ذكرياتي صدگ
هيچ انتهت عادي ؟
وراح الضحك والبچي البعيد ميلادي ؟
لا طيفي
لا محبسي ؟
لا دمعه لا شبگه ؟
چا هو باب العشگ وبكيفك تطبگه ؟
چا صدرك
شبي حجر ؟ لو هم گلب بي دم
چا ليش عگبك اون ونات المسمم ؟
هم جنه
نزعل گبل
وبعركة نتراضه
و تجرحني
واني اجرحك
بس چنه نتغاضه !
هل مره
شو من صدگ طولت زعلتنا
اوحدك اوحدي شكثر شمات شافتنا !
لا والكتلني
الحچي التتناقله الغربه
هذا الإحساس الأبد ماحاسب نجربه !
هسه اني
اريد افتهم عزة نفس لو كره ؟
حته اشتهي موتتي لا بالقرار اشتبه !
وك
تيهت گعدتي
وربعي ومواعيدي
ومن شبگة ايدك لحد هسه اشتم بأيدي
ماجاي
اعبرك متت ...
وگفت ايامي هناك
من گتلي بآخر عتب اخذ الهدايا وياك
من درت
وجهي وشلت
نارك اعله شموعي
گمت انهدم وانبني
وعگازتي دموعي
❤41👍29😢6🤩2👎1👏1
عباس الغالبي
انت ماتدري شكثر دللت ليلي
من كمر وكتك جبتله
من عرك جفك خمرته
من ضوه عيونك نجمته
حتى طيف بلا جذب مثلك شلتله
ياثكل نسمة جفاك
وخفة الدنية برفكت
ياسواد الحيل اذا مايكضي بيك
يابياض التعب من يمشي عله شيبك
جان وكتك فزة الغبشه شلب
وجان عمرك عمر ماي
شما حضه بجرفين يتلاكه ويشب
جان خصرك جسر لهفة يعبر المترب بكلبه ويعتلي الشفه لعب
اخ البريسم لون تكبر علامه
الشوكتني احسب النثيه
من منارات الشمع لاخر ثلجها
من درابين الشمس بثياب املها
لشوفها لجرة حزنها
فايضه الوادم عتب عن ﻼ تبين
سولة السكته الجزتها
شماخذًمنً الكاع ادم
حتى حوه تسلب الماي لزرعها
شماخذ من الضحكه ادم
حتى يسمى الحزن بستان حوه
وينذل الليل لدمعها
غير كون من العتب تصدفني جلمه
جني مكيود بسنة ضاعلها يوم
وين ادورك والسنين رضاة يوم
والكطه المالحك لفزة عيونك
الصفنة اشوه من الشعر لو مايرسمك
انت ماتدري شكثر دللت ليلي
من كمر وكتك جبتله
من عرك جفك خمرته
من ضوه عيونك نجمته
حتى طيف بلا جذب مثلك شلتله
ياثكل نسمة جفاك
وخفة الدنية برفكت
ياسواد الحيل اذا مايكضي بيك
يابياض التعب من يمشي عله شيبك
جان وكتك فزة الغبشه شلب
وجان عمرك عمر ماي
شما حضه بجرفين يتلاكه ويشب
جان خصرك جسر لهفة يعبر المترب بكلبه ويعتلي الشفه لعب
اخ البريسم لون تكبر علامه
الشوكتني احسب النثيه
من منارات الشمع لاخر ثلجها
من درابين الشمس بثياب املها
لشوفها لجرة حزنها
فايضه الوادم عتب عن ﻼ تبين
سولة السكته الجزتها
شماخذًمنً الكاع ادم
حتى حوه تسلب الماي لزرعها
شماخذ من الضحكه ادم
حتى يسمى الحزن بستان حوه
وينذل الليل لدمعها
غير كون من العتب تصدفني جلمه
جني مكيود بسنة ضاعلها يوم
وين ادورك والسنين رضاة يوم
والكطه المالحك لفزة عيونك
الصفنة اشوه من الشعر لو مايرسمك
👍30❤21😱3
غيث ال علگ
من شفنه الوطن شارد
تبدينه خريف نحور عالمصطاح
يامرواح ذري الدم
اچت ليكم هوادج خوف
والچتال متلثم
شما يگرب ربيع الموت
ترد نحورنه تخضر
الوطن يسوه ونموت عليه
وخل شما يعطشونه ضحك وامال
يرد بينه الحرص يكبر
ياباگي العمر شتريد
كافي تعيش
وانت بلا نفس فحطان
صارت بالعكس شفناهه شوف العين
شفنه الماي بچفوف السفن مگيود
والملاح اهو السجان
يمردي الموت
مد ايدك لغمگ الدم
واتلمس مناحرنه
تلاگي شچم جرح لحسين
بس حسين مو يمنه
مبيوعين وانبعنه
يمردي الموت مد ايدك
وشيل الراس
خل انشوف
ياهو الطاح ياهو الباع
ياهو العامل الشراي
خل انشوف
ياهو الضاگ دمنه الطاح
ياهو الرش ورانه الماي
يا دولاب رد بينه الوكت موزين
رد بينه الغنه السبعين
من چان البخت فانوس
من چان العرد حايط تهابه النار
من چان الحرامي المايبوگ الجار
رد بينه المراجيح الگواني البالبساتين الظهاري التنلعب ختله
رد بينه يادولاب رد بينه
رد بينه الجگايرنه التتن واللف
رد بينه الهذاك الرف
لعگال الوبر رد بينه يادولاب
للناعور
رد بينه الحناني امنه
من يخلص خبزها ويهفت التنور
يادولاب رد بينه
الوكت مو زين يادولاب
من شفنه الوطن شارد
تبدينه خريف نحور عالمصطاح
يامرواح ذري الدم
اچت ليكم هوادج خوف
والچتال متلثم
شما يگرب ربيع الموت
ترد نحورنه تخضر
الوطن يسوه ونموت عليه
وخل شما يعطشونه ضحك وامال
يرد بينه الحرص يكبر
ياباگي العمر شتريد
كافي تعيش
وانت بلا نفس فحطان
صارت بالعكس شفناهه شوف العين
شفنه الماي بچفوف السفن مگيود
والملاح اهو السجان
يمردي الموت
مد ايدك لغمگ الدم
واتلمس مناحرنه
تلاگي شچم جرح لحسين
بس حسين مو يمنه
مبيوعين وانبعنه
يمردي الموت مد ايدك
وشيل الراس
خل انشوف
ياهو الطاح ياهو الباع
ياهو العامل الشراي
خل انشوف
ياهو الضاگ دمنه الطاح
ياهو الرش ورانه الماي
يا دولاب رد بينه الوكت موزين
رد بينه الغنه السبعين
من چان البخت فانوس
من چان العرد حايط تهابه النار
من چان الحرامي المايبوگ الجار
رد بينه المراجيح الگواني البالبساتين الظهاري التنلعب ختله
رد بينه يادولاب رد بينه
رد بينه الجگايرنه التتن واللف
رد بينه الهذاك الرف
لعگال الوبر رد بينه يادولاب
للناعور
رد بينه الحناني امنه
من يخلص خبزها ويهفت التنور
يادولاب رد بينه
الوكت مو زين يادولاب
❤20👍16🤩2🥰1
حمزة آل جبور
" تايبين "
ليلكم
لمن لفالي ملاگه هيمه
هيمة حفنه سنين ذبلان اليمرها
هيمه ما تروي ونشرب من قحطكم
واحنه وشلة ماي ، شربتنه تربكم
ما رجعتوا ؟
حتىٰ لو چلمه هلا ضاعت ببين الرسايل
چا فرحنه !
لن رجعتوا ..
بلكت الحوبة الذليلة
تجيب نسمه شوگ منكم ..
بلكت گلادة عتيگه تضيع يمنه
مزورة بكسرة نحركم
خاف مو هيمة وبعدتوا بعذر هيمة
خاف ساگيتوا شتل باير صلبكم لان ماغزر سگيكم
خاف هيمتكم ندم نَشَف بچيكم ..
خاف مابقيتوا ليل يوّگِد اللالة بظلمكم
خاف لميتوا المحطات التضل بيها المكاتيب
بين اصابيع اليزتكم !
برگاب بدوي !
خافن انتم
هذا المناشغ الخضر بروح الاطفال
مادريناكم عليمن كَتْ دمعكم
ساعه تحظنكم طوابير الثچالى
ساعه تِشكوون السراگي
مثل كل حزن البلابل
ونغشم الروح .. ونهدكم
كله منكم
گمنه نعطش اليخفگ خاطر ايلاوي حزنكم
سارحة الضحكه بسوالف مستحاكم
واحنه شوغة آآه منذوره لسهركم
ردنه نعگد ضيم المعاتب البينه ونمركم
وما تلاگينه .. وحزننه
وفصلينه احزانكم من هدوم باچر
بلكي تطبع بيكم من ارواحنه الليله المحنة
نتاني چلمه شوگ منكم
وگمنه نشرد حدر فَيييه الجانت تلمنه بحزننه
حته نغفه ومانغثكم
ثاري حته العيد ما فزز رحمكم
ليش بعتونه ختم خرزه لاسمكم
ليش خليتونه هدة حيل شَتلة
وتنتچي بگصبة .. بعطشكم
ااخ من اشواگنه الما الها وحشة
وانتم بضحكات مِعرّس امطشرة بباب اليغثكم
جوروا بينه ..
چثير جورنه الحنين
و تايبين !
وتايبـــين
" تايبين "
ليلكم
لمن لفالي ملاگه هيمه
هيمة حفنه سنين ذبلان اليمرها
هيمه ما تروي ونشرب من قحطكم
واحنه وشلة ماي ، شربتنه تربكم
ما رجعتوا ؟
حتىٰ لو چلمه هلا ضاعت ببين الرسايل
چا فرحنه !
لن رجعتوا ..
بلكت الحوبة الذليلة
تجيب نسمه شوگ منكم ..
بلكت گلادة عتيگه تضيع يمنه
مزورة بكسرة نحركم
خاف مو هيمة وبعدتوا بعذر هيمة
خاف ساگيتوا شتل باير صلبكم لان ماغزر سگيكم
خاف هيمتكم ندم نَشَف بچيكم ..
خاف مابقيتوا ليل يوّگِد اللالة بظلمكم
خاف لميتوا المحطات التضل بيها المكاتيب
بين اصابيع اليزتكم !
برگاب بدوي !
خافن انتم
هذا المناشغ الخضر بروح الاطفال
مادريناكم عليمن كَتْ دمعكم
ساعه تحظنكم طوابير الثچالى
ساعه تِشكوون السراگي
مثل كل حزن البلابل
ونغشم الروح .. ونهدكم
كله منكم
گمنه نعطش اليخفگ خاطر ايلاوي حزنكم
سارحة الضحكه بسوالف مستحاكم
واحنه شوغة آآه منذوره لسهركم
ردنه نعگد ضيم المعاتب البينه ونمركم
وما تلاگينه .. وحزننه
وفصلينه احزانكم من هدوم باچر
بلكي تطبع بيكم من ارواحنه الليله المحنة
نتاني چلمه شوگ منكم
وگمنه نشرد حدر فَيييه الجانت تلمنه بحزننه
حته نغفه ومانغثكم
ثاري حته العيد ما فزز رحمكم
ليش بعتونه ختم خرزه لاسمكم
ليش خليتونه هدة حيل شَتلة
وتنتچي بگصبة .. بعطشكم
ااخ من اشواگنه الما الها وحشة
وانتم بضحكات مِعرّس امطشرة بباب اليغثكم
جوروا بينه ..
چثير جورنه الحنين
و تايبين !
وتايبـــين
❤25👍20😢4👎3