كريم حاشوش .... ... سفرة طيش


اضوگ اسمك
واشوف الكاس عابد يرتجي بربه

واشوف الدنيه سفرة طيش
باجر كلمن بدربه

خل اتعب بعد شيفيد عندي النار موصعبه
عندي الموت
جرعة كاس
وشلة كاس
سهله وينتهي بشربه

كلشي يهون وبسرعه
كلشي يهون بس الليل
بس الليل ماجرعه

بس بالليل يلتم كل عتب روحي وغنيلك
اغني وعيني تبجيلك
اغني وشوگي ياخذني بجدم حافي المواويلك

ووصيلك
يرب الاااخ والچمه
عله هونك من تطب روحي
بشر متعوب ومكدر عليش وترفس بحيلك

عليش اسنين المعسرات كلهن طبعن بروحي
گولو هل بشر متعوب وأخذوني ع گد نوحي

عوفوني اختلي ابروحي
عوفوني اختلي ويه الكاس
عوفوني التعب مرات مايحتاج كثرت ناس

عوفوني الحزن مريود للما طاح بجروحه
ولا انه الباگ حگ الناس
لا انه المانطه بروحه

ولا انه المستعز دمعي وغليه اعله ياهو الجان
اشو كلما عزيز يروح من عيني يطيح انسان

وماعرف البقن بيه شكثر ياعين تحسبهن
اشو ياهو اليجي انطيته
المصيبه يروح مايبقه
ولا انه الكتله رجعهن
السنين الونن عمري بعد ما ظل اثر منهن

ويروحي براحتج وني
تراهه الدنيه وكحت عين كلما يطگ عود اخضر تذكرني بكبر سني

وتغازلني
وعرف خيوط مافيدن لچنهه اتريد تغزلني

عبد الوهاب الحمداني...


او گلتلچ هذا درب الليل
يضحك لو جدم يعثر

واحنا چفوف إدينه اشراع
او چلمات البحر خرسة
إعله صدر الروج تتكسّر

او عزفتيلي ابحلاة جروحچ أغنية :
هنيال اليحبها الشاعر من ابعيد
چم نجمة لحچيها تصير ترچية

او چم گطرة نده بتمّوز
خدرانة اعله باب النهد ليلية

چم إبليس يزرع عالخصر تفاح
من تتبدّل النية

او گلتلچ والعمر ذكرى
ظل اشچم نبي ابلا راي
چيه ما رافگ الشجرة
يفلانة الصدگ نيشان للفقرة

حسين الطائي

(نعي)


يفراگك اشيرادله اچتاف
من الفرگه اموت وگلبي مخواف
مابيه من اربيعتي انعاف
من الحزن هم يالله انشاف

لا شايف ولا مثلگ الگه
بس الضحك لايگ لحلگه
الموت الخذك لازم نحگه
وكت الوزه وباگ النه تفگه

يتفگد بضيج ونفاها
حيد و رفگته يا غلاها
راح و دمعتي وجراها
حبله وخبر موتك لفاها

جفني انسحن من دمعي بايد
فارگني بس بگلبي گاعد
ولـ أصورّه اهب مسجون شارد
چن نار بذيال الجرايد

مهزوز گلبي الليله مهزوز
چن ماي طاسه وبحدر كوز
وكلساع اگولن يمكن .. يجوز
ما قانع ابموتك يحايوز

يالحيد يالطولك عوافي
رد طولت بالفرگه كافي
وسفه اسمك اثگيل أعله اشافي
يمعزب الديوان جافـي ؟!!!

بلا طولك الگعدات تبرد
نتمايزك شامة بوسط خد
كونك ترد مكْحلّنْه ينسد
لن طولك احنه نقيسه مرود

الگطع ماچان بصفاتك
رد خلي دمعات لخواتك
بأمر الله رايح ؟ مشتهاتك ؟
فهمنه يابعد امهاتك !!

للفاتحه جينه وفگدناك
فتشنه اخوتك مالگيناك
من اگلوبنه صدّگ بچيناك
هنيال طيبك نايم احذاك

سيد سعيد الشريفي

مثل کل یوم أرد تعبان..
و أشمر روحي بفراشي
و یلولیلي التعب و أغفة
مثل کل یوم..
أگول الدنیة ما تسوہ

من طفّو جگارتهم علی اگلیبي ضحکتلهم
دنیة اترید ناس گبالها یضحکون
یحوکون الجروح حروف و یغنّون
یصبّون الحزن بالکاس و یسکرون
أضحک حیل
آخر هالطریج تراب!.
آخر هالرکاض تراب..
یا عابر سبیل..
تراب

یبنادم تراک أیام..
و الدنیة جسر ..
و یعبرن یعبرن

یه دنیة احنه بعدنه زغار..
بس هدومنه الکبرن
بس همومنه الکبرن

بعد بینه لعب و أرکاض مدري الوین
مدري الیاحضن یا عین
أضحک حیل
آخر هالطریج اتراب

دگ باب الله یبنادم
تدگ یا باب!

فيان البغدادي

( عصّابة جرح)

من مسيحيتي وصليبي
العلگيته بطرف عصّابة جرح
وغبشة الروح التوّضّت
دمعه بعيون الصبح

سرفنت بردان تأريخ الطفوف
وهيّسيتك نهر حار ابلا چفوف
الغيره بيك معفّره بريحة علي
ولون البوجهك سوالف دافيه وما تنجلي

امفصّله الگمره عليك
ويبتسم بشفايفك لون النجم
آه ........
يالعينك انصلبت فوگ ضحكات السهم
آه .......
يالچانت جربتك گلب مريم
وأنت وجروحك مسيح
اشما يهزّك سيف ما ترضى تطيح
الهسّه خجلان النهر منّك ’’
لأن باقي نهر وأنت ضريح

يا عمود اتلاوه وي هامة حديد
السكون يذوب من صوت الرعيد

النهر شيطان چان ومن غواك
رادك اتشربه إعله واهس مشتهاك

شلون يبن أم البنين
وأنت بعيونك صوّر خيمه
وجهال
وعطشه بشفاف الحُسين

جواد زغير


أعذرني ،
أعله شعري الـ ما رضى أيكتبك

أعله حزني الـ ما فهم معناك ،
من ينگل اجدامي بـ درب مو دربك

أعذرني ،
بعدني أقراك مثل الناس

بعدني اغفى أويه راسي وحضنك أبلا راس

محد توب أضنوني

محد گلي ياهو حسين ،
كلها أتنث دمع چذاب بـ عيوني

هذا انا ،
وهذاك انت ،
غريب أيحب غريب هناك عـ الفطره

يمتى الگاك تتمشى بـ نوايا الناس ما تتحجم بـ حضره

عقيل العرد



شعطلك عن الحلم

استاحشتك هوايه

شايف بروحي ذنب ؟

لو سامع حجاية ؟

يحسين هاي السنه طيفك ولا مرلي

وجف ابو فاضل طلع بالماي واشرلي

وكبل اربعينك نذر راح امشي مشايا

عطشان يا ابو علي

ردتك تمر غيمة

ما يمي اثر علكمي

ومطلوب الف هيمه

وكلما امر زينبك يزغر بروحي الحجي

وجفني اليجمل البحر

يستحي يهل ضيمه

اتذكرتك ودخنت
وبصدري ثغبت مرة

بجرة الجكارة طلع يمكن حرك خيمة

واكف بنص كربله

واتخيل اخيامك

هنا طاح رب الوفه

هنا ركضت ايتامك

ومكسور خاطر رحت

يم كنطرة نوحي

وطاحن جفوف وعلم وتلاكن بروحي

يحسين بيه حجي ما ينحجي لغيرك

لو ما اشوفك وطن جا ماصرت طيرك
يحسين دربك عدل
من اوله اندله
منك عرفت الزلم لو موت لو ذله
عاشورك بخاطري

وباهلت الولاية

تراوالي وجهك نهر بس ما ضكت ماية

تانيت بس ماطلع

صوت من المراية

أشايف بروحي ذنب ؟

لو سامع حجاية ؟

عاشورك بخاطري

وفريت الولاية

ويطيح مني وجه كلما شفت راية

كريم البغدادي


لَمن بردت الگيعان
واهتز الشجر والماي
نص الليل
رحت اتلمس اخواني

حرم كثرة
وعليل
وسرب مال اطفال
وانه هواي عدواني

انه الكرار اجيبه منين
ويّرد الشمس ليه

يوم بليلة اخذني الشيب
محمد ماعرفني منين
من گتله انه علويه

زينب خويه اخوتچ وين
گتله الشمس من تغيب
تطلع تالي گمريه

چانوا بالوداع هواي يختلفون
راحوا لله ع النيه

العدها اخواني ويروحون
المطر هذا ويه دمعي الينزل شويه

المهم واني امشي شفت چفوف
بيهن بوسة الكرار
ودموع الحسين
وعطر عبدالله

رحت يمهن
شلتهن
شفت بيهن نور
مثل وجه الرسول الفجر لو صلى

ومشيت هناك
شفت النعمه كلها توسدت ع الگاع

الناس العافتك يحسين
حاجة بيت
گامت تنشره وتنباع

( سفينة الدنيا وانتَ الچنت بيها اشراع )

نوفل الصافي


الطريق ابعيد
والسچه جرح
خارطه من الدم مُدنها اتنث ملح
ورمح شايل راس بعيونه صُبح

الطريق بعيد
والسچه جمر
وسمّ جديد.. يِدْبي بعروگ الجزيره القادت اشرس انقلاب اعله العرش..
أول بيان.. ايحللّ الدم النظيف
يكفر ابخدّ الربيع ويسجد اباب الخريف

الطريق بعيد
والمشايه روس!!
وليل زينب يغزل الدمعه حنين
يحوك سجادة مواجع علي زين العابدين.
ولافته بعرض السما اللّه اليعين..
وخمسه وثمانين طفله
بحلم لعّابه وصبي
لِم جناسيهم وأقره..
تلگه اسم الجد نبي!!
الله اكبر قافِله جدها نبي..
هذا أول (كارت احمر) الى تاريخ الشهامه العربي
قافله من الآه..
جدها ابدونه ماترهم صلاه!!
هذا اخطر انقلاب اعله الاله..

الراحل ...جبار رشيد


عفت كلشي ...وجبت كلشي
ومدري شلون اجيت امشي ..
اجيتك ردت اگلك شوف ...
ردنه نعوف كلشي وماگدرنه نعوف

كون تشوف
حالي شگد الك ملهوف ..
جبت كلشي اليسولف بيك
خيالي وصحوتي وطيوف
جبت دگات گلبي
الگطعن گلبي بجفاك سيوف
جبت صفنات روحي
السودنت روحي .....
مثل جن بمسيه وعاليتيمه يحوف

كون تشوف .....
بشفافي الحزن ماخله بسمه تعيش
وكلمن گمت ابوسه بخده اطبع اوف

كون تشوف .....
دموع الجدم مايدري وين يروح
والخطوات عميه
وتايه بلاشوف

كون تشوف ....
..خلصت الوجوه وشفت كل الناس
كلها وجوه غربه ولا وجه معروف
وين الگاك يالموصوف
اليه وأنه الك موصوف ؟...
يالفرگاك غربه وكلشي مامألوف ...
انه بلياك مدري شبيه مابيه ..
زلف وبلايه ترچيه ...
درب مابيه كل جيه...
نهر فاض وتبع ميه
رجع بس مالگاله جروف

كون تشوف....
روحي شخله بيها الخوف
مطلوبه نذر وتخاف ...
ماتوصل حضرتك
من بعيــــــــــــــــــــــ ـــــد تطوف

كون تشوف....
روحي شخله بيها الخوف
مثل دم العروس الجايه على اجناب
ويصبر عليهه
وجابها الزافوف

وشوف شخله بيه الخوف
مثل حلت مدارس
روحي احسها اطفال
حلت وتركتني ...
وباقي بس صفوف

ويا وحشتي صفوفي ومن يجيني الليل
ويالون الوجه
بعدك الضل مخطوف

ويا قسوة ضنوني الماتريد ارتاح
وانه الصاير اسير
وبيدهن مجتوف

كون الگاك واشكيلك على جروحي
لگيت الغشمه بيها تروف
وكون الگاك وابجيلك
واسوي خدودي سبوره
ودمعتي حروف

وكون الگاك واحجيلك
بكتاب السنين انحذف كلشي الچان
بس اسمك لگيته الباقي مامحذوف
واذكرك من مسحت دموعي باخر يوم
على خدودي
احس لهسه طبع چفوف

وكون تشوف....
عيوني مضيف تصير وكت النوم
وهلبت بالحلم لنك
تجينه ضيوف
كون تشوف حالي
شكد الك ملـهوف.....

بهاء سوادي



زتّيـت من باجي العمر
شمعه وجرح ينزف صَبر"

هلبت
جرح
يضِوِيلي عثرات الدرب..

زتّيت شوگي الحار
المعذب الگلب،

زتّيـت كلشي لحضّرِتك"
ليـل
وگماري،
وحنّه

وعطـر"
وزهاري
و روح الك تتمنى،

زتّيـت وي شوگي عَتب
ودفتر قصايد من قلم
لو زَلّ كتب،

لو زَلّ كتب،
ذني العيون الّي بچن ماحملتهن مِنّه

زتّيـت كلشي لحضّرتك،

ليـل "
وگماري
و روح الك تتمنى،

محمود اليزل


تمنيتك حلم ياطف..

ولا شوفنها زينب تركظ اعله التل
ولا شوفن يتامه متيها ماتندل
ولا شوف الحسين يودع بعباس..ويجي العاشر ومانعرف شنو المقتل..

تمنيتك حلم ياطف..
وافز ما الكه حرك خيام.. وزينب يمها واليها..
وباوع للرباب بخير
وبعد عبد الله بيديها
وروحن يم رقية حسين.. وتلمس تراجيها..
رسايلهم جذب يحسين.. ويرد ماصدّكت بيها

تمنيتك حلم ياطف.
ولا شوف العيال ميسره للشام.
ولاشوفنها زينب حايره بايتام
ولاشوفن جروح حسين ماتلتام

تمنيتك حلم ياطف..
ويفز من نومته التاريخ ويسولف صدك عنك..
ومسح هالحجي يحسين ابد ما سابح بدمك
وكتب عله الرسايل ذيج سوالف خاف ياذنك

يحسين يمرايت محمد
الكتبوها مو عالشيعه تنعد
بالك تجي للكوفه مولاي .
يغدرون بيك الله ولحد

عريان ال سيد خلف

امعتبين

يلوذ بيكم شوفنه وتعرگ الگصه
وتبرد الچلمه ..
اعله شفة افراگكم
يمعتبين
وشوگكم حديش حده
وشال هظم البارحه وجور السنين

وصوتكم يثگال حملي
اونين سكته
وضحجة امحايه
وحلاوة صابرين
ضاگت بصدري
شعنده مضنوك النفس غير الونين
معتبين ..
وهلي الدنيه بلايه ليل ..
بلايه فشله ..

بلايه چلمة مستحه
اتذل الجبين
وهلي ابليل الباع ناسه
اتعلگوا نجمات تهدي التايهين
هلي ..
ولامثلي يصحلكم ولام
ولا مثل گلبي كلب متعوب حب
بغير عيني اشوحشهه
اتغايض الدنيه
وتذب الشوف ذب
هلي ومن واكح شمسكم ليل فرگه
اتخورست كل الجروح
وجرحي حد السيف نب

گال .. يخيال
وصل حده الصبر .. حول يخيال
الدرب نية هفه
وصفنه
وشدة بال

وزعل مهره
وندامه
ومستحه اطفال
وهوه المانسم ادلالك يبو دلال
نفس حيه
وزفير ..
برية اسلال .

السلام عليكم اصدقائي ..

راح تكون اكو فقرة كل جمعة
ننشر بيها قصائد شعراء شباب مظلومين اعلامياً ..

اذا تعرف قصيدة مظلومة او شاعر مظلوم دزلنه قصيدته ..واحنه ننشرها يوم الجمعة ..

@n3_na3

عباس الغالبي


كون العمر
عمر الصفگة برموشك يساهي الليل
كون الليل حرگة طيف، مو صفنة الباب بعتبة مبيوگة

كون تنام مثل الدم
غريب بصفنة الشريان
كون عيونك يلوحن
نوايا العتب بالسجّان

كون تنام وأنت تعرف روحك ذكرة مو نسيان
كون بكل گلب تتلاگة وي انسان

عليمن هالنفس يصعد سهر فانوس
ويحدّر صحو بنجمة
عليمن تنكتل جمّار وانت بسگيتك ثلمة

عليمن تنهب بعمرك نفس غرگان
والدنيا عراضة حرب مبيوعة اعل ثلمة گاع

ياصبّير يا حگ العطش كافي
لو تنكتب فيض برگبة البستان.
لو تسكت عله شفافي

لا تكتب اغاني لعشگ متعافي

لكثرة القصائد من الشعراء الشباب
اصدقاء قصيدة و شاعر ..

سوف يتم نشر ثلاث قصائد كل جمعة
تحت عنوان #قصيدة_وشاب

وحسب التسلسل مو ع حسب الشاعرية
لأن انا مو شاعر حتى اقيّم احد

وبالتوفيق للجميع

#قصيدة_وشاب


الشاعر الشاب كرار المحمداوي
محافظة البصرة




مشاهد نار

تتكرر وبيها انشوف حاضر فات
وبنفس العذاب اتعود
ما متغيره الأدوار

مشاهد نار
كسرن ضهر فارس ضيغم وكرار

مشاهد نار

بس نارين
وصفنّه بين هاي وهاي
شبه بيهن لگينه أهواي
طفل وادموع
دم واضلوع
بس ضل الفرق .. بسمار

مشاهد نار

ترسم لوحة بيها اضلوع
موجيات
لن حذو الحوافر حار

مشاهد نار
هيج الصار
بين أم وابنها أهواي
حركوا خيمه حركوا دار

مشاهد نار
كل مشهد وتر موتور
وايعاين لصاحب ثار
يمته الثار
كافي النار
ارجع يا غصن موروث
ضل من زهرة المختار

ارجع
لبس أهل النار
ذل وعار
مو انت الوراك انگول صار الصار
حرگوا .. وانتهى المشوار
يمن صبح ومسا ندريك
عينك تفگد الفقار
ارجع بدل الأدوار
وأگلبها مشاهد دم
رد وبعالي صوتك صيح
بعد ماكو ... مشاهد نار

#قصيدة_وشاب


الشاعر الشاب منتظر الموسوي
محافظة ميسان



بديت من الحزن اذبل ورد مكطوف
وحس الموت بيه كايم يشخص

فكد كلبي الفرح مثل اليفكد العين
شنو نفع الجفن لو فاركاهه الفص

هوة دومه الحنين يغثه طاري شوك
وبسنينه الجفه كص الوراق يكص

كلما مرني موت اتحايه خاف تعود
ملاني الأمل للموت كمت ارخص

انطر جيتك غبشة رزق عصفور
ومامش جيتك والصبر ميخلص

انه وشالت ضوة واليل كام يطول
اطفه واشتعال وليل بيه يغص

يا حيل المطر ارحم ورد عطشان
رويني العمر بجفاك ضل   ينكص

مثل كحله ودمع هيج انه صرت عليك
مدولب والبالي مخلبصه تخلبص

كمر جنت واشوفن ضلمه كل ناس
لاجن ما دريت اجفاك متربص

متوهم جنت ماخذ سرابك ماي
من شفتك علي بلنشد  تتحرص

مامش رأي الك تلعب على الحبلين
بكلب سمجه عشت ما حسبة لشص

#قصيدة_وشاب

الشاعر الشاب حسين علي العياشي
محافظة النجف


تخلبص كورها بس بيدي راس الخيط
وإلتجت زلمها وتَيهَتْ بيها

الچانوا بالحچي كلمن السانه اذراع
حناجرهم الينبض هل وصل ليها

وآنا أعرفها كلش زين، وأدري إمنين
آكلها الچتف، وإبليلها أغزيها

ومن شفت الرَبع تيهَت بالمشراد
گلت هاي الكلافة ولازم أگضيها

أرد أنزل للنذل لن للضرورة أحكام
النسر أدَّب الحية إب نزلته إعليها

أنا إبراهيمها إشما عِلى إلسان النار
والعركة إعلى حگي(إبروح) أنا أشريها

أنا خيالها المارضت بأي خيال
من جرت رسنها إمشلع إرحيها

وتخيلت الأصيلة إب همة و إتعنيت
ورجلي إمن اللكد خسفت چلاويها

وحليت المخلبص، صفى إعلى ايدي الكور
گمت إب مشتهاتي أغزلها وأطويها

ما افرط ابگاع المشتريها حسين
مو شان الفلح تنچر سواجيها

مصطفى أسعد



ادخنك سالفة بروحي يبعد الهم

ويطيح اسمك على اطراف الجگاير دم

يعَينك ديرة بيها الناس ماضاگت طعم للهم

هذا انه اليهملك ديرة للحسرة
وچوادرهه اعله مد الشوف
ياهو تگابله ملثم

حسرتي چبيرة من تلتم

حسرة عاشگ اتنشد تقهره حچاية التسلم

حسرة اصبع السباب لو صاحبهه يتندم

حسرة ساحة للثوار محد صرخ بيهه
وكابر وخيّم

انه بروحي الدمع صفگه
انه بروحي الضحك مأتم

اسيرلك نهر بعيون اليصلون لاچني
تفيض ال ليش بجروفي
من اشوفك يمي تتيمم

اواعد شِعري تالي الليل وبنسيانك اتهندم

ونتگابل حزن وجروح
وبنص زحمة التدخين نتبسم

ويطيح اسمك على اطراف الجگاير دم ...