العمر مابي بعد لجمه ؟!
عقيل العرد
||لا تقرين فنجاني||
لاتقرين فنجاني
أسكتي لاتفز نجمه
برد ليلي وحركَت الدم قصايد
وأبجي واتحمه
أسكتي الدمع مو بالعين
الدمع من الكَلب يبدي
وأخاف اليمسح دموعي تزل ايده اعله كَلبي
وينمسح رسمه
لاتقرين فنجاني
أسكتي لا .... لا تفز من الجفن مطره
الفرح شدة ورد
من وره الجامه اتلهف لـ عطره
الفرح محبس عرس ماغفه وي الشذره
الفرح مثلج بعيد ،، بعيد هناك
الفرح مامنه لاشبكَه .. ولاشمه
العمر مابي بعد لجمه
أسكتي لاتفز نجمه
التتن والوطن والدخان
منو بكَدي احتركَـ دمه؟
يحلوه الليل دمع الناس
يحلوه الليل بالفنجان شيلمه
عبادة شمس روحي
وكَالتلي الشمس بعيونج امسلمه
اسافر بيج ، لآخر وين
وماضوكَـ اليرد روحي
ولونج مو دوه اعله الآه
ماحنتلج جروحي
أسافر واليسافر كون
كون يشرب ماي بخت الناس
وبخت الناس كله يمر نهر محشوم بجتافج
وختم التذكرة شفافج
بين ولايتين السنده عيني اتيّه
أمر بنصهن مدنكَـ
وبحبال الشرف مجتوف
ويصير شحلاته الشوف
وأشد عيني حرز بزياكَج من الخوف
وأخاف الحرز لمن ينفتح ينسد
يحلوه يا ونس عيني
بعد ماريد تقريني
الفطن وياي مايحتار
كلشي امبين بعيني
لاتقرين فنجاني
انا عيوني فناجيني
لاتقرين فنجاني
انا عيوني فناجيني
عقيل العرد
||لا تقرين فنجاني||
لاتقرين فنجاني
أسكتي لاتفز نجمه
برد ليلي وحركَت الدم قصايد
وأبجي واتحمه
أسكتي الدمع مو بالعين
الدمع من الكَلب يبدي
وأخاف اليمسح دموعي تزل ايده اعله كَلبي
وينمسح رسمه
لاتقرين فنجاني
أسكتي لا .... لا تفز من الجفن مطره
الفرح شدة ورد
من وره الجامه اتلهف لـ عطره
الفرح محبس عرس ماغفه وي الشذره
الفرح مثلج بعيد ،، بعيد هناك
الفرح مامنه لاشبكَه .. ولاشمه
العمر مابي بعد لجمه
أسكتي لاتفز نجمه
التتن والوطن والدخان
منو بكَدي احتركَـ دمه؟
يحلوه الليل دمع الناس
يحلوه الليل بالفنجان شيلمه
عبادة شمس روحي
وكَالتلي الشمس بعيونج امسلمه
اسافر بيج ، لآخر وين
وماضوكَـ اليرد روحي
ولونج مو دوه اعله الآه
ماحنتلج جروحي
أسافر واليسافر كون
كون يشرب ماي بخت الناس
وبخت الناس كله يمر نهر محشوم بجتافج
وختم التذكرة شفافج
بين ولايتين السنده عيني اتيّه
أمر بنصهن مدنكَـ
وبحبال الشرف مجتوف
ويصير شحلاته الشوف
وأشد عيني حرز بزياكَج من الخوف
وأخاف الحرز لمن ينفتح ينسد
يحلوه يا ونس عيني
بعد ماريد تقريني
الفطن وياي مايحتار
كلشي امبين بعيني
لاتقرين فنجاني
انا عيوني فناجيني
لاتقرين فنجاني
انا عيوني فناجيني
👍1
شاكر السماوي
صفگة عرس، تسبي النجم
وچفافي داعبها الِحلم
وعيون بالفرحه تلم
وچفوف نشوانه اوتضم
ِحنه اوسعد
وآنه ابدرِد
هلهوله تاخذني اوترد
هلهوله صحت بالچبد
طيف انمرد مني مرد
اومنهو الدرى ابحال الورد
من ينمرد
منهو اليعد؟
شوغات وجروح اودمع
وشموع ماتقبل تشع
وهروش كل ساعه ابصدح
شرجي اوبرد
ماظل ورد!
صفگة عرس، تسبي النجم
وچفافي داعبها الِحلم
وعيون بالفرحه تلم
وچفوف نشوانه اوتضم
ِحنه اوسعد
وآنه ابدرِد
هلهوله تاخذني اوترد
هلهوله صحت بالچبد
طيف انمرد مني مرد
اومنهو الدرى ابحال الورد
من ينمرد
منهو اليعد؟
شوغات وجروح اودمع
وشموع ماتقبل تشع
وهروش كل ساعه ابصدح
شرجي اوبرد
ماظل ورد!
النواب الكبير
وغزل الايروتك
ثلثينك اسمر للحنطة
ثلثينك اسمر للحنطة
و من تشهگ چن جثة بطة
چملني بنهدك نص غطة
انبگلك چن فحل الوز
جريت ثيابك للصرة
وشفت الدگ واصل للبصرة
كتلك نلعب كتبة وطرة
فنك كتلي تعدي الحز
حز خصرك فرارة فضة
وشامة بنص خصرك معترضة
همي بفضتك شنهي فضة
غير مكابر بوس ولز
تدريني ما ضگت فراشي
من يوم اللاگيتك ماشي
وي غيري وطعمتة الراشي
وبس انه بعشگك مز
ترجيتك سديت الباب
مغيرير وما تسوة عتاب
حگك يا شجرة عناب
لچن نگدرلك بالهز
ياما هزيناك الغبشة
وعنابك طاح على الفرشة
ونزلنة خديدك عن عرشة
وعلمنة عرانك عالرز
گالولك انه من الطين
صدگو...
بس طين بساتين
طينتهم صبخة وعفنين
و دود البيهة ماهو قز
تذكر يامة سكرنة بريجك
وايدنة تصلي بشگ زيجك
يا ضيج عين شما ضيجك
جرة عينك جود وعز
بستاني تحفالك يرعش
يصغير ما ضاج المشمش
تسألني بيا خمرة مغوش !
بالينجاس بگطنة يفز
بطلنة نحب شنهي طلابة
لچن نوبات ندگ بابة
ونگله شلونك يطوي كتابة
كلساع دمعه بعينة تنز
صوجك ضيعت الايام
كلما صحي الليل تنام
شميتك شمة شمام
و گتلك باچر
باچر سز..
وغزل الايروتك
ثلثينك اسمر للحنطة
ثلثينك اسمر للحنطة
و من تشهگ چن جثة بطة
چملني بنهدك نص غطة
انبگلك چن فحل الوز
جريت ثيابك للصرة
وشفت الدگ واصل للبصرة
كتلك نلعب كتبة وطرة
فنك كتلي تعدي الحز
حز خصرك فرارة فضة
وشامة بنص خصرك معترضة
همي بفضتك شنهي فضة
غير مكابر بوس ولز
تدريني ما ضگت فراشي
من يوم اللاگيتك ماشي
وي غيري وطعمتة الراشي
وبس انه بعشگك مز
ترجيتك سديت الباب
مغيرير وما تسوة عتاب
حگك يا شجرة عناب
لچن نگدرلك بالهز
ياما هزيناك الغبشة
وعنابك طاح على الفرشة
ونزلنة خديدك عن عرشة
وعلمنة عرانك عالرز
گالولك انه من الطين
صدگو...
بس طين بساتين
طينتهم صبخة وعفنين
و دود البيهة ماهو قز
تذكر يامة سكرنة بريجك
وايدنة تصلي بشگ زيجك
يا ضيج عين شما ضيجك
جرة عينك جود وعز
بستاني تحفالك يرعش
يصغير ما ضاج المشمش
تسألني بيا خمرة مغوش !
بالينجاس بگطنة يفز
بطلنة نحب شنهي طلابة
لچن نوبات ندگ بابة
ونگله شلونك يطوي كتابة
كلساع دمعه بعينة تنز
صوجك ضيعت الايام
كلما صحي الليل تنام
شميتك شمة شمام
و گتلك باچر
باچر سز..
👍1
انتضار ....
علي المقداد
تانيتكم
حد ما خلص شوف العگل
واتسودنت
طگن سواديني (وأهذري) شلونكم
.
تانيتكم
مخنوگ بالعبره صدگ
والوحشه ماگلكم شنو ؟
باب ومغربيه وشته ..
.
تانيتكم
جلمة عشگ بشفايف اخرس مختنگ
ماترضه تطلع وينكم
تانيتكم
.
تانيتكم صبخه وأنز من كل كتر
هلبت تشل فطور گلبي علومكم
.
تانيتكم !!
ريجي النشف گد ما اون
.
مشتاگ اروّي من نبع ضحكاتكم
وسنوونكم آآآخ إكتلتني سنونكم
گيشة فحل طليعه رطبه اسنونكم
.
وعيونكم قصة عشگ
فاقت(الف ليله )بقرن
شگد مشتهي وعطشان اناغي عيونكم.
.
.
تانيتكم ......
الحد ما گمت احس ضهري انوكل گدما اتاني ومنتجي
هنااااااك إعله حايط بيتكم ..
.
بس عندي أمل تجمعنه ذيچ دروبكم ..
وما گاطع الياس واتاني ظعونكم ..
.
والهالسبب ..امرشرش عتبتي بـ(ياهلـه)
خاطر اذا جيتو بحلم ..
اتهلي وتمرحب عتبتي واتنطرت
ومشرعه الباب اعله طاري طيوفكم
تانيتكم.
علي المقداد
تانيتكم
حد ما خلص شوف العگل
واتسودنت
طگن سواديني (وأهذري) شلونكم
.
تانيتكم
مخنوگ بالعبره صدگ
والوحشه ماگلكم شنو ؟
باب ومغربيه وشته ..
.
تانيتكم
جلمة عشگ بشفايف اخرس مختنگ
ماترضه تطلع وينكم
تانيتكم
.
تانيتكم صبخه وأنز من كل كتر
هلبت تشل فطور گلبي علومكم
.
تانيتكم !!
ريجي النشف گد ما اون
.
مشتاگ اروّي من نبع ضحكاتكم
وسنوونكم آآآخ إكتلتني سنونكم
گيشة فحل طليعه رطبه اسنونكم
.
وعيونكم قصة عشگ
فاقت(الف ليله )بقرن
شگد مشتهي وعطشان اناغي عيونكم.
.
.
تانيتكم ......
الحد ما گمت احس ضهري انوكل گدما اتاني ومنتجي
هنااااااك إعله حايط بيتكم ..
.
بس عندي أمل تجمعنه ذيچ دروبكم ..
وما گاطع الياس واتاني ظعونكم ..
.
والهالسبب ..امرشرش عتبتي بـ(ياهلـه)
خاطر اذا جيتو بحلم ..
اتهلي وتمرحب عتبتي واتنطرت
ومشرعه الباب اعله طاري طيوفكم
تانيتكم.
👍4❤2
(لوحة رياضية)
//مرتضى الميالي //
رياضيه هدومي واركض
والنفس بالكوه ينجر
والشوارع بيه تطول
والجكارة بحلكي سومر
مو رياضي... وهي خطه
ردت اوهم الناس بيه
ردت يصوروني لاعب
والركض تمرين اليه
وانه جنت ارد اكظي شغله
وكروة ماصحت بديه
غوبرن ضوياتي وتعسر هواي
جوهرة ودفنوها من دون اكتراث
والمصيبه كبالي مادفنو وراي
انه محتج انه ضد فكرة الموت
ماهو اولى الدود من عندي بضناي
ثم عزرائيل ماراعه الاصول
خلسه طب لبيتي ماماخذلي راي
البشر زرع الله ماعندي اعتراض
الا ماكو بكاعي بس هالزرعه هاي
...
//مرتضى الميالي //
رياضيه هدومي واركض
والنفس بالكوه ينجر
والشوارع بيه تطول
والجكارة بحلكي سومر
مو رياضي... وهي خطه
ردت اوهم الناس بيه
ردت يصوروني لاعب
والركض تمرين اليه
وانه جنت ارد اكظي شغله
وكروة ماصحت بديه
غوبرن ضوياتي وتعسر هواي
جوهرة ودفنوها من دون اكتراث
والمصيبه كبالي مادفنو وراي
انه محتج انه ضد فكرة الموت
ماهو اولى الدود من عندي بضناي
ثم عزرائيل ماراعه الاصول
خلسه طب لبيتي ماماخذلي راي
البشر زرع الله ماعندي اعتراض
الا ماكو بكاعي بس هالزرعه هاي
...
👍2
(((واكـره ابنادم مثل عصاة موسى الينكًـلب كل ساع شكله ))
غانم الفياض
// الانتماء//
انتمي لكل الطيور الخالطت دمهه بدمي
انتمي لكل دمعه حلوه وضحكه حلوه ابكل شفايف آدَمي
انتمي لكًـطرة نزيف اتساوي كل لمعة شِعرنه الملحمي
انتمي لميزان اهلي الماغـّرف فد يوم چـّفه المـّايله
وانتمي لكل چلمه مني وكل حرف مكتوب بيدي وكًـايله
انتمي لسوك الشيوخ البيه ثالث علم طب چان ابوي الشايله
انتمي لنهر الدموع ابعين امي المانشف فد يوم ريجــه
انتمي الكلمـــــن مشـــــــه ابدرب المحبــــه
باع روحه ومارضــه ايبطــــــل طريـــــــجه
انتمي لكلمـــــن يبـــات الليـــل جايــع
مادنت نفــــسه واكـــــل خبـــــــزة صديـــجه
انتمي لبستــان جدي الما يحب بستــــان مثلــه
وانتمي لكل نبته غصبن عالجروح البيهه تعله
واكـره النخله التحمل مره وحده ومن تحيل اتحمل سله
واكـره ابنادم مثل عصاة موسى الينكًـلب
كل ساع شكله
آنه حبيت العراق ووعلكًت بعيونه اهدافي ومصيري
ماتخثر دمي من طول الطريچ ولاعثر جدمي ابمسيري
وغيري من ساوم عله حدود العراق وباعه غيري
وغيري ماكمــل طريجـــــه وطـــــاح غيـــــري
من اكـــــــل مني الحصـــــــار ماكلــت من قوت غيري
صـــــــح بـــــعت مـــــــره قمــــــــيصي
بس چنت معذور من بعت القميص حتى لا بيعـَن ضميري
غانم الفياض
// الانتماء//
انتمي لكل الطيور الخالطت دمهه بدمي
انتمي لكل دمعه حلوه وضحكه حلوه ابكل شفايف آدَمي
انتمي لكًـطرة نزيف اتساوي كل لمعة شِعرنه الملحمي
انتمي لميزان اهلي الماغـّرف فد يوم چـّفه المـّايله
وانتمي لكل چلمه مني وكل حرف مكتوب بيدي وكًـايله
انتمي لسوك الشيوخ البيه ثالث علم طب چان ابوي الشايله
انتمي لنهر الدموع ابعين امي المانشف فد يوم ريجــه
انتمي الكلمـــــن مشـــــــه ابدرب المحبــــه
باع روحه ومارضــه ايبطــــــل طريـــــــجه
انتمي لكلمـــــن يبـــات الليـــل جايــع
مادنت نفــــسه واكـــــل خبـــــــزة صديـــجه
انتمي لبستــان جدي الما يحب بستــــان مثلــه
وانتمي لكل نبته غصبن عالجروح البيهه تعله
واكـره النخله التحمل مره وحده ومن تحيل اتحمل سله
واكـره ابنادم مثل عصاة موسى الينكًـلب
كل ساع شكله
آنه حبيت العراق ووعلكًت بعيونه اهدافي ومصيري
ماتخثر دمي من طول الطريچ ولاعثر جدمي ابمسيري
وغيري من ساوم عله حدود العراق وباعه غيري
وغيري ماكمــل طريجـــــه وطـــــاح غيـــــري
من اكـــــــل مني الحصـــــــار ماكلــت من قوت غيري
صـــــــح بـــــعت مـــــــره قمــــــــيصي
بس چنت معذور من بعت القميص حتى لا بيعـَن ضميري
👍1
الشاعر عبد الكريم القصاب .
..
قصيدة (الله يشوف بالدخـان) .
ليل ، ....
ويا حلاة الليل من جان الكَمر شفّاف .
هسّه الليل آبد مو ليل ،
ليل آعمى وسما سرداب ،
واللي آيطيح ماينشاف .
انجوم آنشوف بيها آوجوهنا وننام ،
صار آسنين ما تنشاف .
مخالب ريح سوده آتمرعد البيبان ،
تلْكَط كل حلو وشفّاف .
ريح بلا عكَل سولتها بالبيبان ،
والوادم ورك صفصاف .
اجروح آعزاز مشروره على الصفنات ،
اشكثر بيها ونين آيبات !!
اشكثر بيها نـزيـز آيبات !!
وما غير الدمع لفّاف .
مامش خيط من منديل ....
يندل وجنة الدمعه ،
مامش عين تشعل بالجـرح شمعه .
جا يمته الجرح ينشاف ؟
كل شي آمدخّن آمدخّن لَحَد الله ،
وما ظلّن آدروب آنظاف .
جم كَذلة حرير بلا مشط غبشه ؟
جم عصفور ينطـر جدحة الغبشه ؟
جم دكَة جرس مخنوكَه بالوحشه ؟
جم ورده بلايه آشفاف ؟
كل شي آمدخّن آمدخّن لَحَد الله .
.
بس الله بقى ينشاف .
ديره اجروفها دخان ،
ديره آثـيـابـها دخان ،
ديره آنفاسـها دخان ،
اشلون آيعيش بيها آنسان !؟
مصلوب الحنين آعيون عالشباج ،
هلبت جدحه من الله .....
برفع خيط آبره للعريان .
كل شي آمسرّد ومامش درب للخيط ،
كل شي آمدخّــن وماش درب للخيط ،
كل لحظه تدك الريح عالبيبان ،
كل لحظه يوج بستان ،
كل لحظه يوج اِنسـان ،
والله آيشوف بالدخان .
..
قصيدة (الله يشوف بالدخـان) .
ليل ، ....
ويا حلاة الليل من جان الكَمر شفّاف .
هسّه الليل آبد مو ليل ،
ليل آعمى وسما سرداب ،
واللي آيطيح ماينشاف .
انجوم آنشوف بيها آوجوهنا وننام ،
صار آسنين ما تنشاف .
مخالب ريح سوده آتمرعد البيبان ،
تلْكَط كل حلو وشفّاف .
ريح بلا عكَل سولتها بالبيبان ،
والوادم ورك صفصاف .
اجروح آعزاز مشروره على الصفنات ،
اشكثر بيها ونين آيبات !!
اشكثر بيها نـزيـز آيبات !!
وما غير الدمع لفّاف .
مامش خيط من منديل ....
يندل وجنة الدمعه ،
مامش عين تشعل بالجـرح شمعه .
جا يمته الجرح ينشاف ؟
كل شي آمدخّن آمدخّن لَحَد الله ،
وما ظلّن آدروب آنظاف .
جم كَذلة حرير بلا مشط غبشه ؟
جم عصفور ينطـر جدحة الغبشه ؟
جم دكَة جرس مخنوكَه بالوحشه ؟
جم ورده بلايه آشفاف ؟
كل شي آمدخّن آمدخّن لَحَد الله .
.
بس الله بقى ينشاف .
ديره اجروفها دخان ،
ديره آثـيـابـها دخان ،
ديره آنفاسـها دخان ،
اشلون آيعيش بيها آنسان !؟
مصلوب الحنين آعيون عالشباج ،
هلبت جدحه من الله .....
برفع خيط آبره للعريان .
كل شي آمسرّد ومامش درب للخيط ،
كل شي آمدخّــن وماش درب للخيط ،
كل لحظه تدك الريح عالبيبان ،
كل لحظه يوج بستان ،
كل لحظه يوج اِنسـان ،
والله آيشوف بالدخان .
👍3
(حنين ابيض)
ذولفقار الزلزلي
…
تالي الليل عتني الحلم للگمرة
ولگيتك غاد اسولفلك
حلاة الشفة ع المرمر تدگ انجومهه السمرة
وحلاة التين يندهلي واشم عطره
وتسولفني واسولف بيك واتدنه
ويروج بصدرك التفاح مو منه
من اضوك البيك ماتزعل علّي جنه
واسولف بيك واتدنه
والم الشوگ بين الماي والگيعان
وانه ادري اليتيه يعيش
وانه ادري اليحب انسان
خيعونك
يهنيال الضوة من يغازل اعيونك
يهنيالي
ويهنيالك ترف لونك
من اذر الحيل يكبر حضن ماعونك
واجيس الگمر وتكزبر
اشوفنك هلا و ياريت ابوگ النجم ونرسمك
كلما اشتهي الحنة اغني اسمك
وغنيتك
غنيتك
بچت روحي على كل شباج
يلچمني ويفزز غفوة جروحي
يسولفني المطر من اختلي بروحي
والكاك بطرف عيني
اغمضها وعليك اندار ماشوفك
جرت روحي ولكيت الساجية طيوفك
تلاحگني
اريدنك حلم ينجاس اريدنك وطن ينباس
تقراني تراني اقراك
ياذيچ الرسالة شما بطت تغلّة
ياذيج العيون شما هوت تحله
ولا تغمض
حده بروحي حزن باجر حنين ابيض
يطشك للفرح لچمة
الحزن ينشاف بالظلمة
وبالظلمة الكلب ينداس
ياشفاف
ليش تضل سجن ينعاش ما ينشاف
ليش المثلي ما جاسك عليك يخاف
ليش انخاف
ذولفقار الزلزلي
…
تالي الليل عتني الحلم للگمرة
ولگيتك غاد اسولفلك
حلاة الشفة ع المرمر تدگ انجومهه السمرة
وحلاة التين يندهلي واشم عطره
وتسولفني واسولف بيك واتدنه
ويروج بصدرك التفاح مو منه
من اضوك البيك ماتزعل علّي جنه
واسولف بيك واتدنه
والم الشوگ بين الماي والگيعان
وانه ادري اليتيه يعيش
وانه ادري اليحب انسان
خيعونك
يهنيال الضوة من يغازل اعيونك
يهنيالي
ويهنيالك ترف لونك
من اذر الحيل يكبر حضن ماعونك
واجيس الگمر وتكزبر
اشوفنك هلا و ياريت ابوگ النجم ونرسمك
كلما اشتهي الحنة اغني اسمك
وغنيتك
غنيتك
بچت روحي على كل شباج
يلچمني ويفزز غفوة جروحي
يسولفني المطر من اختلي بروحي
والكاك بطرف عيني
اغمضها وعليك اندار ماشوفك
جرت روحي ولكيت الساجية طيوفك
تلاحگني
اريدنك حلم ينجاس اريدنك وطن ينباس
تقراني تراني اقراك
ياذيچ الرسالة شما بطت تغلّة
ياذيج العيون شما هوت تحله
ولا تغمض
حده بروحي حزن باجر حنين ابيض
يطشك للفرح لچمة
الحزن ينشاف بالظلمة
وبالظلمة الكلب ينداس
ياشفاف
ليش تضل سجن ينعاش ما ينشاف
ليش المثلي ما جاسك عليك يخاف
ليش انخاف
رائعة القديس ..
جاي من أبعيد ..احبك ..!
أمطر .....
أمطر شوية صدگ
الايام ﭼــذبة. .
فَطَّرت روحي وأگلك
وأنت تسگيني عطش
چفك
چفك وحدهه إميّه عذبة
عطشتني أبماي حبك
خاااااف ربك
أمطر أمطر
وآنة أزهرلك مثل متريد
حنّة وبوس وگرنفل بدربك مدري .....
مدري وين آنه اوگفتلك
بلچن .....
بلچن الله وتعبر الشارع
وأگلك دير بالك
جاي من أبعيد أحبك
وأنتَ .....
وأنتَ چن صفنة عصافير الثلج
ظليت واگف عالرصيف
تجاهلتني !!!
لچن .....
لچن إنهودك ... إنتبهن ... غَرِدَن
فكيت حزني ... سكتتهن
سكتتني
إشاه .....
إشاه وحدة وبعد ماگولَن لَحَدْ
ديييير بالك .... جاااي من إبعيد
.
.
جاي من أبعيد ..احبك ..!
أمطر .....
أمطر شوية صدگ
الايام ﭼــذبة. .
فَطَّرت روحي وأگلك
وأنت تسگيني عطش
چفك
چفك وحدهه إميّه عذبة
عطشتني أبماي حبك
خاااااف ربك
أمطر أمطر
وآنة أزهرلك مثل متريد
حنّة وبوس وگرنفل بدربك مدري .....
مدري وين آنه اوگفتلك
بلچن .....
بلچن الله وتعبر الشارع
وأگلك دير بالك
جاي من أبعيد أحبك
وأنتَ .....
وأنتَ چن صفنة عصافير الثلج
ظليت واگف عالرصيف
تجاهلتني !!!
لچن .....
لچن إنهودك ... إنتبهن ... غَرِدَن
فكيت حزني ... سكتتهن
سكتتني
إشاه .....
إشاه وحدة وبعد ماگولَن لَحَدْ
ديييير بالك .... جاااي من إبعيد
.
.
❤1👍1
ملاحظه ::
مقطوعه من قصيدة [المناجل] التي كتبها الشاعر كاظم الركابي في اوائل سبعينات ، وهي القصيدة التي أعدَّها بعض النقاد ، واحدةً من أفضل قصائد الشعر الشعبي العراقي، منذ إنبثاقه حتى هذه الساعة.
ويقول الركابي في رائعته [المناجل]:
الليل طال..
وبخت عنده اليروي عينه بشمس باجر
الليل بين العين لابين الجفن
أنثر ﮔﺯﺍﺯ ودار داير
الليل حاوَدْ وردتي..
وحشّم عليه الدود من كل اﻠﻤﮔابر
وصوتينه...
وصوتينه الصوت مايجزي الشفايف
يادفو البين البرد والحر ..
نريدك وين صاير
يلفراتي.
ولاسمعنه ﺇبوجه روجك
يوﮔف ﺇحجار الكناطر
أضحكلي بشفاف اﻠﮔﻤﺭ..
أضحكلك أبسن منجلي
ولاغيمة تحبس ضحكتك
ولاخاين أبتل منجلي
شديته بالشريان ..شد وي العظم
صار العظم هو منجلي
والمنجل ﺇبجسمي عظم
واﻠﮔلب فد دﮔه يدﮒ
نوبه الك .. ونوبه ﺇلي
مقطوعه من قصيدة [المناجل] التي كتبها الشاعر كاظم الركابي في اوائل سبعينات ، وهي القصيدة التي أعدَّها بعض النقاد ، واحدةً من أفضل قصائد الشعر الشعبي العراقي، منذ إنبثاقه حتى هذه الساعة.
ويقول الركابي في رائعته [المناجل]:
الليل طال..
وبخت عنده اليروي عينه بشمس باجر
الليل بين العين لابين الجفن
أنثر ﮔﺯﺍﺯ ودار داير
الليل حاوَدْ وردتي..
وحشّم عليه الدود من كل اﻠﻤﮔابر
وصوتينه...
وصوتينه الصوت مايجزي الشفايف
يادفو البين البرد والحر ..
نريدك وين صاير
يلفراتي.
ولاسمعنه ﺇبوجه روجك
يوﮔف ﺇحجار الكناطر
أضحكلي بشفاف اﻠﮔﻤﺭ..
أضحكلك أبسن منجلي
ولاغيمة تحبس ضحكتك
ولاخاين أبتل منجلي
شديته بالشريان ..شد وي العظم
صار العظم هو منجلي
والمنجل ﺇبجسمي عظم
واﻠﮔلب فد دﮔه يدﮒ
نوبه الك .. ونوبه ﺇلي
👍1
(البريد )
(طارق الكريماوي)
ليش طالبت بجفاهم
وليش من راحو ، بچيت
وليش من طمو سچچهم ، مارضيت
وليش من عشگو سمارك ضيعتهم
وليش من رادو دفو اضلوعك وطنهم ، تيهتهم
وليش من غيرك خذاهم ، دورتهم
وليش من جهرو محبتك ، ما ردتهم
صارحت ساعي البريد وگتله كلشي
گتله احبهم
وقربت ساعي البريد ، وبعدتهم
وانته تدري الرايدكً مو بالرسايل
ليش مو حنو لديك احلى الجدايل
ليش تعتز بغلطتك ليش تزعل وانته عايل
ااااخ
مو فاتوك ربعك
وانته لا ضميت اديك
ولا رضيت اتحني اصبعك
ليش صدكت بحجيهم وانه كتلك خالفه
وانته تدري السالفه المابيهه شاهد سالفه
ليش تهوه الذكرى ليش
ليش هسه تكلي احبهم
وبوكتهم من سألتك كتلي طيش
ليش ضيعت التريده
اشبيك تايه مدري وين
اشبيك شارد من قصيده وترجع اتطيح بقصيده
چيمو يم نارك وترفض حطبهم
وعطشت وانته اتعرف شط بدربهم
وعلى دربك فتحو ادروب السواجي
ورفضت تشرب عذبهم
ليش تزعل !
ليش تزعل من شفت غيرك شربهم
والتكتلك باب باب انفتحن ورافض تطب
ليش وي روحك حرب
ترسم العثره بطريقك وين ما صحلك درب
(طارق الكريماوي)
ليش طالبت بجفاهم
وليش من راحو ، بچيت
وليش من طمو سچچهم ، مارضيت
وليش من عشگو سمارك ضيعتهم
وليش من رادو دفو اضلوعك وطنهم ، تيهتهم
وليش من غيرك خذاهم ، دورتهم
وليش من جهرو محبتك ، ما ردتهم
صارحت ساعي البريد وگتله كلشي
گتله احبهم
وقربت ساعي البريد ، وبعدتهم
وانته تدري الرايدكً مو بالرسايل
ليش مو حنو لديك احلى الجدايل
ليش تعتز بغلطتك ليش تزعل وانته عايل
ااااخ
مو فاتوك ربعك
وانته لا ضميت اديك
ولا رضيت اتحني اصبعك
ليش صدكت بحجيهم وانه كتلك خالفه
وانته تدري السالفه المابيهه شاهد سالفه
ليش تهوه الذكرى ليش
ليش هسه تكلي احبهم
وبوكتهم من سألتك كتلي طيش
ليش ضيعت التريده
اشبيك تايه مدري وين
اشبيك شارد من قصيده وترجع اتطيح بقصيده
چيمو يم نارك وترفض حطبهم
وعطشت وانته اتعرف شط بدربهم
وعلى دربك فتحو ادروب السواجي
ورفضت تشرب عذبهم
ليش تزعل !
ليش تزعل من شفت غيرك شربهم
والتكتلك باب باب انفتحن ورافض تطب
ليش وي روحك حرب
ترسم العثره بطريقك وين ما صحلك درب
👍2
""تعجب الله وزعل ملك الموت كام""
من السماوة وكبيرها محسن الخياط
قصيدة " ثلج مالح "
شكثر صارو من ربعنه معوقين
وشكثر ودو للمغيسل ازلام
ثلج مالح للجنايز هالسنين
وبعد مايلحك على الميتين خام
وذوب الدم بالصخر خلفه طين
ولحسته بكد العطش وادم اسلام
مدلهمه وماتنعرف متحاصرين
ظلمه وحويزه وبلم عبرتنه جام
وحته عالغيمه فواتح ناصبين
تعجب الله وزعل ملك الموت كام....
.
من السماوة وكبيرها محسن الخياط
قصيدة " ثلج مالح "
شكثر صارو من ربعنه معوقين
وشكثر ودو للمغيسل ازلام
ثلج مالح للجنايز هالسنين
وبعد مايلحك على الميتين خام
وذوب الدم بالصخر خلفه طين
ولحسته بكد العطش وادم اسلام
مدلهمه وماتنعرف متحاصرين
ظلمه وحويزه وبلم عبرتنه جام
وحته عالغيمه فواتح ناصبين
تعجب الله وزعل ملك الموت كام....
.
👍2❤1
Forwarded from " غِـنـه وتســبــيح "
يجي يوم وبالحلال بزفه افضحك
يجي يوم اهمس بذانك
همسة العرسان ذيج
المدري شيكولون بيها....!؟
المهم تضحك ...
#مرتضى_مطشر
يجي يوم اهمس بذانك
همسة العرسان ذيج
المدري شيكولون بيها....!؟
المهم تضحك ...
#مرتضى_مطشر
|| واثق التميمي ||
بما ان الشكوى لغيرك مذله ....
أي يربي
الدنيه والوادم گضتني
العوز كبرني اعله ايده
امنعثر اتچه اعله ضلي
وچلمه اسم الله الچفتني
زلمه مگطوف اعله صفحه
وحته ال شلونك جزتني ....
من اضحك بعيدك واكيف .. بين ناسي
ابقى اساوم .. ابقى اصيح
ضحكتي احليوه ابلاش وماكو شراي لضحكتي
وبالچذب محد ضحكلي
اتغورج اعيوني الدموع الناس تلتم كلهه تدفع
كلهه شرايه لدمعتي ...
اي يربي
تدري ؟؟ ابو اجيوب الثگيله بعين ناسي يصير حضره
لابخت عنده ويشور مدري ليش الناس طوافه اعله خصره
وياهو يتنوع لطولي
وآنه جيبي بگول اهلنه
(( يغني بيه داخل حسن ))......
وآنه حاير ....
جيبي چن سكران كلش مستخف
من تمر زفه لهواك يگوم يرگص
وأنعم الله امثگله باكيت (الجگاير )....
اي يربي وهنه هنه .....
شگد غشيم بلايه راي وچنت اظن الغربه من نترك وطنه
وانه وين ورايي وين لاياربي الغربه ثاريهه من اهلنه
الغربه .. من ينسون بابك ربعك البيهم محنه
الغربه .. من تشوف اسمك فاهي بحلوگ التحبهم
الغربه .. لو فت بدربهم
الغربه .. من ولفك يسميك الفقير
اي يربي العازه كلفه
العًوز چفه بچفي كايد
وشرد اسوي... اي يربي
العندي ضل بس الظمير
وخاف ابسط بالقصايد ....
ها يربي ...
الدنيه والوادم غميجه وياهو يحچي ..
العيشه گوه
وتدري ابو الروح العزيزه بگلبه يبچي ...
ربي مدري ...
الدنيه غربه التالي شنهي
خاف باچر هم اموت ومحد يمر اعله گبري ...
ربي بس انت الصديج اليگضي عازه
الدنيه گطفتني اعله صفحه وهل اجيتك
.
بما ان الشكوى لغيرك مذله ....
أي يربي
الدنيه والوادم گضتني
العوز كبرني اعله ايده
امنعثر اتچه اعله ضلي
وچلمه اسم الله الچفتني
زلمه مگطوف اعله صفحه
وحته ال شلونك جزتني ....
من اضحك بعيدك واكيف .. بين ناسي
ابقى اساوم .. ابقى اصيح
ضحكتي احليوه ابلاش وماكو شراي لضحكتي
وبالچذب محد ضحكلي
اتغورج اعيوني الدموع الناس تلتم كلهه تدفع
كلهه شرايه لدمعتي ...
اي يربي
تدري ؟؟ ابو اجيوب الثگيله بعين ناسي يصير حضره
لابخت عنده ويشور مدري ليش الناس طوافه اعله خصره
وياهو يتنوع لطولي
وآنه جيبي بگول اهلنه
(( يغني بيه داخل حسن ))......
وآنه حاير ....
جيبي چن سكران كلش مستخف
من تمر زفه لهواك يگوم يرگص
وأنعم الله امثگله باكيت (الجگاير )....
اي يربي وهنه هنه .....
شگد غشيم بلايه راي وچنت اظن الغربه من نترك وطنه
وانه وين ورايي وين لاياربي الغربه ثاريهه من اهلنه
الغربه .. من ينسون بابك ربعك البيهم محنه
الغربه .. من تشوف اسمك فاهي بحلوگ التحبهم
الغربه .. لو فت بدربهم
الغربه .. من ولفك يسميك الفقير
اي يربي العازه كلفه
العًوز چفه بچفي كايد
وشرد اسوي... اي يربي
العندي ضل بس الظمير
وخاف ابسط بالقصايد ....
ها يربي ...
الدنيه والوادم غميجه وياهو يحچي ..
العيشه گوه
وتدري ابو الروح العزيزه بگلبه يبچي ...
ربي مدري ...
الدنيه غربه التالي شنهي
خاف باچر هم اموت ومحد يمر اعله گبري ...
ربي بس انت الصديج اليگضي عازه
الدنيه گطفتني اعله صفحه وهل اجيتك
.
❤2👍1😢1
مهند الطائي
ضوه السرداب
ـــــــ
ليل اسود
وگلب الديره گلب اسود
والرحمه خذاها الروج..
مدري الوين...
مدري انبلعت بيا حوت
وابنادم نبي چذاب.
عايش دنيته بوجهين
..
وأهو مايدري يمته يموت
هسه يموت.. غبشه يموت..
عكبه يموت..
محد يدري يمته يموت
محد فزع صار ارغيف...
للجوعان من طگت حناجر صوت
كلها تصيح جوعانين
كلها تصيح عريانين
شمتانين
يمته تعيش بيكم نخوة العباس.. يمته
تمثلون حسين
يمته يصير عدكم للفقير احساب..
ما بين اليجوع وشبع فكة باب
ديره مخفته وبيها الفقر مذموم
بيها الصدگ يتلولح جسد معدوم
ديره مسلطنه بموت الضمير تعيش
ديره تريد فكة باب
هندس عايشه
وتمدح ضوه السرداب
..
..
....
ضوه السرداب
ـــــــ
ليل اسود
وگلب الديره گلب اسود
والرحمه خذاها الروج..
مدري الوين...
مدري انبلعت بيا حوت
وابنادم نبي چذاب.
عايش دنيته بوجهين
..
وأهو مايدري يمته يموت
هسه يموت.. غبشه يموت..
عكبه يموت..
محد يدري يمته يموت
محد فزع صار ارغيف...
للجوعان من طگت حناجر صوت
كلها تصيح جوعانين
كلها تصيح عريانين
شمتانين
يمته تعيش بيكم نخوة العباس.. يمته
تمثلون حسين
يمته يصير عدكم للفقير احساب..
ما بين اليجوع وشبع فكة باب
ديره مخفته وبيها الفقر مذموم
بيها الصدگ يتلولح جسد معدوم
ديره مسلطنه بموت الضمير تعيش
ديره تريد فكة باب
هندس عايشه
وتمدح ضوه السرداب
..
..
....
عقيل العرد
شوكت اشوف الناس تندلك صدك ؟
بينك وبين ابو فاضل بت علي وجربه عشك
شوكت اسمعلي قصيده بلاسياط ؟
ومو امتون ام الخدر بيه زراك
رايد اسمع بيهن حجايات بت حيدر زرك
خنصرك لو ينسكي بجربه ضوه يطك بي هرش
وترجع انته ،، الكلش انته،، تكودنه بجفك لباجر
جيتك حيل بمحلها ايامها الحيره اعله حيره
وصادفت صفنه مناير
الكاع جول ودبه شريانك خظار
وركضت الحنطه اعله مد شوفك ضفاير
وانته هيست النهر هندس علينه...
ونكطت من عين دمك تسع ضويات وكناطر
السالفه انته مكيفلها
سهامهم طردتها اهلها وهيسن گلبك جبير ...
السالفه انته مكيفلها
وياك حتى العطش كضاها اعله خير ...
السمه بور وغصن ذرعانك نفض سبعين طير
شضوكتهم ياحجايه وكلها طشت روسها كبالك انذوره ...
وزينب شهوست يمه ..؟
وكطع العباس جفينه برهاوه وگالهم وثقولي صوره ...
طوقك ليل ال اميه ..
ودفت ربعك بالطفوف هلال من ذاك الملح
وعفيه راسك مامعبر الدنيا كلها
بذاك وضعه ..
وكف يتفكر بهيده شلون يكشخله برمح
وعفيه خدك باس الحجاره بكل برود
هاكثر خدك مؤدب ...وهاكثر جفهم وكح ...
وعفيه زينب واكفه وتهمس وراك ..
فوت بيهم هول وتالي تلا كلبك ذبح
مطلع النبله بنحر طفلك جبير وراد من عندك قصيده
وكمت طشيت النجوم الظامهن عبدالله للسجه بوريده
انته وابنك عيريتو الغيمه من ظمت بجيها
وكبل لاتمطر عليكم كتله خل نمطر عليها
وها حلات الله بضميرك ..
ساوموك بكلشي بس مالك شغل
الدنيا باعتلك شرفها وبعت ع الدنيا ثكل
انته واهلك شايفين وعايفين
الله بيده مسگملكم شاره ودلال وعگل
يلمسوي الطف مضيف !!
وسفرتك مديتها بطول الزمن ....
هـــا!! وابلاش
عزبت حد ماسمعنه المانسمعه ! يصيحلك يحسين اواااش
شمس راسك غربه تتمشرك عليها ...
ودفه جم جيفارا بيها
واحنه مانندل حجيها
وتايهين ،،، وحكنه لو تيهنه راسك
في رمح راسك ثخين
انته فوك الحجي كله واحنه مو يم الحجي
فاهمينك بس مناحه ودك زناجيل وبجي ...
الزمن طايح من زمان وفوك ظلعك منتجي ...
ومايعرفونك لحدما يعرفونك
#
شوكت اشوف الناس تندلك صدك ؟
بينك وبين ابو فاضل بت علي وجربه عشك
شوكت اسمعلي قصيده بلاسياط ؟
ومو امتون ام الخدر بيه زراك
رايد اسمع بيهن حجايات بت حيدر زرك
خنصرك لو ينسكي بجربه ضوه يطك بي هرش
وترجع انته ،، الكلش انته،، تكودنه بجفك لباجر
جيتك حيل بمحلها ايامها الحيره اعله حيره
وصادفت صفنه مناير
الكاع جول ودبه شريانك خظار
وركضت الحنطه اعله مد شوفك ضفاير
وانته هيست النهر هندس علينه...
ونكطت من عين دمك تسع ضويات وكناطر
السالفه انته مكيفلها
سهامهم طردتها اهلها وهيسن گلبك جبير ...
السالفه انته مكيفلها
وياك حتى العطش كضاها اعله خير ...
السمه بور وغصن ذرعانك نفض سبعين طير
شضوكتهم ياحجايه وكلها طشت روسها كبالك انذوره ...
وزينب شهوست يمه ..؟
وكطع العباس جفينه برهاوه وگالهم وثقولي صوره ...
طوقك ليل ال اميه ..
ودفت ربعك بالطفوف هلال من ذاك الملح
وعفيه راسك مامعبر الدنيا كلها
بذاك وضعه ..
وكف يتفكر بهيده شلون يكشخله برمح
وعفيه خدك باس الحجاره بكل برود
هاكثر خدك مؤدب ...وهاكثر جفهم وكح ...
وعفيه زينب واكفه وتهمس وراك ..
فوت بيهم هول وتالي تلا كلبك ذبح
مطلع النبله بنحر طفلك جبير وراد من عندك قصيده
وكمت طشيت النجوم الظامهن عبدالله للسجه بوريده
انته وابنك عيريتو الغيمه من ظمت بجيها
وكبل لاتمطر عليكم كتله خل نمطر عليها
وها حلات الله بضميرك ..
ساوموك بكلشي بس مالك شغل
الدنيا باعتلك شرفها وبعت ع الدنيا ثكل
انته واهلك شايفين وعايفين
الله بيده مسگملكم شاره ودلال وعگل
يلمسوي الطف مضيف !!
وسفرتك مديتها بطول الزمن ....
هـــا!! وابلاش
عزبت حد ماسمعنه المانسمعه ! يصيحلك يحسين اواااش
شمس راسك غربه تتمشرك عليها ...
ودفه جم جيفارا بيها
واحنه مانندل حجيها
وتايهين ،،، وحكنه لو تيهنه راسك
في رمح راسك ثخين
انته فوك الحجي كله واحنه مو يم الحجي
فاهمينك بس مناحه ودك زناجيل وبجي ...
الزمن طايح من زمان وفوك ظلعك منتجي ...
ومايعرفونك لحدما يعرفونك
#
👍2
حسين الحبتري
طاحلك كلش هواه
ومن طحت مامدلك ايده...
لوم روحك
دوه العار
وجوه ووﻻيه جديده. ..
ﻻصحتني
وﻻخذت من خاطري
وﻻفطن زلفك كالبه بجفه التراجي....
وﻻخذيت حجايتي الدفنوه غريب
يموت وبنفسه البواجي...
وعلمودك كابرت روحي بعطشها
وباوعت للماي بعيون الشلب
وكون تدري
المايجيبه الشوك خطواته جذب...
عيش مهظوم على ظلك
من تلوحه الظلمه ويعوزك الحيل
وتيه بس صيح اعله كلبك
من عمرهه الصوغه لو تيه الريل
وﻻتكلي العافيه
مراد الكصب لهل الصريفه
وﻻتكلي الجادر
من يطيح يتعب مو بكيفه
ولوم روحك
ضحكة متاني عزيز
وليل كاع تكاتلت بيهه عشيره
الماي من يعبر السده يطيح كذله
ويلتم بوجه النهر شمرة ظفيره
عوفني الفشله عبايتها الصبر
وضوك ليل التشتهي عيونك
تشوفه ومايمر. .
سنين وانه السهر حصتي
وشرد اكولن
والكحل فصليه ينزف للرموش الماتريده...
وﻻتضيع وكتك وتشعل بخور
اليدعي للميت يفيده. ..
مره الم روحي اعلة كد مرايتي
والكاني اريدك. ..
ومره يصحه مكاسر الكوس الغوتني
بيش افيدك. ..
وبيش افيدك
وانه حفنه تراب منسيه بكفه الشباج وابجيلي على ريح. .
وانه فحطة طير مذموم بسماي
ونيتي بانيها على اطيح. .
يشكك هدومه الورد من يطك عوده. .
وتوصل لسابع حلم كل نثيه اخوه
العافيه مصرفنه زنوده.
عوفني
الحيطان عثره بسجة اليمشون صوت
عوفني الماي التلوحه جفوف اديك
تلبس لمكفاه بتوت. ..
بيه مية باب مفتوح اعلة كلبك ماخذتتي؟؟؟
من يدك هاون بعد بالديره خير
ولوم روحك...
طاحلك كلش هواه
ومن طحت مامدلك ايده...
لوم روحك
دوه العار
وجوه ووﻻيه جديده. ..
ﻻصحتني
وﻻخذت من خاطري
وﻻفطن زلفك كالبه بجفه التراجي....
وﻻخذيت حجايتي الدفنوه غريب
يموت وبنفسه البواجي...
وعلمودك كابرت روحي بعطشها
وباوعت للماي بعيون الشلب
وكون تدري
المايجيبه الشوك خطواته جذب...
عيش مهظوم على ظلك
من تلوحه الظلمه ويعوزك الحيل
وتيه بس صيح اعله كلبك
من عمرهه الصوغه لو تيه الريل
وﻻتكلي العافيه
مراد الكصب لهل الصريفه
وﻻتكلي الجادر
من يطيح يتعب مو بكيفه
ولوم روحك
ضحكة متاني عزيز
وليل كاع تكاتلت بيهه عشيره
الماي من يعبر السده يطيح كذله
ويلتم بوجه النهر شمرة ظفيره
عوفني الفشله عبايتها الصبر
وضوك ليل التشتهي عيونك
تشوفه ومايمر. .
سنين وانه السهر حصتي
وشرد اكولن
والكحل فصليه ينزف للرموش الماتريده...
وﻻتضيع وكتك وتشعل بخور
اليدعي للميت يفيده. ..
مره الم روحي اعلة كد مرايتي
والكاني اريدك. ..
ومره يصحه مكاسر الكوس الغوتني
بيش افيدك. ..
وبيش افيدك
وانه حفنه تراب منسيه بكفه الشباج وابجيلي على ريح. .
وانه فحطة طير مذموم بسماي
ونيتي بانيها على اطيح. .
يشكك هدومه الورد من يطك عوده. .
وتوصل لسابع حلم كل نثيه اخوه
العافيه مصرفنه زنوده.
عوفني
الحيطان عثره بسجة اليمشون صوت
عوفني الماي التلوحه جفوف اديك
تلبس لمكفاه بتوت. ..
بيه مية باب مفتوح اعلة كلبك ماخذتتي؟؟؟
من يدك هاون بعد بالديره خير
ولوم روحك...
علي عجيل
انا المجتوف ما يفتك
انا الينشاف جنه بخير
انا الجذاب من يضحك
انا الضايع كحل بليل
انا المبيوك انه المامش
انا البس اسمه بشر عايش
انا الخلكه ظرف مشكوك
انا الثكلت عليٰه روحه
انا الكل تايه وكل عابره تلوحه
انا المتروس صدره عتاب
انا العينه عله دكت باب
انا المادري شكبره
انا الباكه بياظ الشيب من عمره
انا الضاعن احلامه طيور
انا الماله عمر يسوه
انا الفدوه
انا الحته احله ايامه كظن كوه
انا الينشد
انا اليفكد
انا المتركد تركد
انا الينلجم من الريح
انا الوي الغروب يطيح
انا البس بلحزن ينكال
انا البلغربه يتغنه
انا المايوم جفه تواعد بحنه
انا المدري عدل ميت
انا الماينشد عنه ....
انا المجتوف ما يفتك
انا الينشاف جنه بخير
انا الجذاب من يضحك
انا الضايع كحل بليل
انا المبيوك انه المامش
انا البس اسمه بشر عايش
انا الخلكه ظرف مشكوك
انا الثكلت عليٰه روحه
انا الكل تايه وكل عابره تلوحه
انا المتروس صدره عتاب
انا العينه عله دكت باب
انا المادري شكبره
انا الباكه بياظ الشيب من عمره
انا الضاعن احلامه طيور
انا الماله عمر يسوه
انا الفدوه
انا الحته احله ايامه كظن كوه
انا الينشد
انا اليفكد
انا المتركد تركد
انا الينلجم من الريح
انا الوي الغروب يطيح
انا البس بلحزن ينكال
انا البلغربه يتغنه
انا المايوم جفه تواعد بحنه
انا المدري عدل ميت
انا الماينشد عنه ....
❤1👍1
حسن وصفي
(غنوة وطن)
غربه الوطن والريح مو ريح
ودار التعب مثل المراجيح..
وغنينه غنوه اعله السمه..
كل نجمه مشتهيه السهر بعيونه اطيح.
شيصير لو لمنه الوطن مثل التصاوير...
شيصير لو حط الوطن واحلامنه اطير
فقره ورسمنه ايامنه بسد الزناگيل
وامتونه اعله المامش تشيل
وشمس التعب جنهه التراتيل !
وكون الوطن بجيوبنه يصير
وبكيفنه نحط المگادير....
نرسم فراشه اعله السراديب.
واعله المناير تل عگاريب..
يا شوگ خذنه بكيفك وجيب
وغنينه حد اخر مكاتيب.
وسافر لحد ما رجلك اتعيب !
حزن وقهر جبنه العمر فرة فناجين.
ليل وضهر نداور ابحل الدكاكين.
بذاك الشته وبرد الدرابين
تارس ضهرنه الماي والطين !!
غربه وعرفنه الطيش بلشيب
نستاحش انطب للملاعيب.
ونستنه جانت جرح ويطيب..
شوگ و دمع فر بلعمر مثل النواعير
ااخ الدهر غنه الفجر وارموشنه ادير ..
شيصير لو بيامنه ضحكت ونس
شيصير لو كبل الفجر يطلع عرس
يا وطن يا روج البساتين
بيك العنب غطه السنادين
خيرك يجي ويروح للدين ..
اشموع الفجر غنينه الك كل الدواوين
بورقه وقلم خطينه الك كل العناوين
وسولفنه همك للگمر باگة حزن
كلناله هنيالك اتبات بكل وطن..
ااااخ الوطن صبح تواسيل
صوت الحزن غطه المراسيل..
شيصير لو لمنه الوطن مثل التصاوير...
(غنوة وطن)
غربه الوطن والريح مو ريح
ودار التعب مثل المراجيح..
وغنينه غنوه اعله السمه..
كل نجمه مشتهيه السهر بعيونه اطيح.
شيصير لو لمنه الوطن مثل التصاوير...
شيصير لو حط الوطن واحلامنه اطير
فقره ورسمنه ايامنه بسد الزناگيل
وامتونه اعله المامش تشيل
وشمس التعب جنهه التراتيل !
وكون الوطن بجيوبنه يصير
وبكيفنه نحط المگادير....
نرسم فراشه اعله السراديب.
واعله المناير تل عگاريب..
يا شوگ خذنه بكيفك وجيب
وغنينه حد اخر مكاتيب.
وسافر لحد ما رجلك اتعيب !
حزن وقهر جبنه العمر فرة فناجين.
ليل وضهر نداور ابحل الدكاكين.
بذاك الشته وبرد الدرابين
تارس ضهرنه الماي والطين !!
غربه وعرفنه الطيش بلشيب
نستاحش انطب للملاعيب.
ونستنه جانت جرح ويطيب..
شوگ و دمع فر بلعمر مثل النواعير
ااخ الدهر غنه الفجر وارموشنه ادير ..
شيصير لو بيامنه ضحكت ونس
شيصير لو كبل الفجر يطلع عرس
يا وطن يا روج البساتين
بيك العنب غطه السنادين
خيرك يجي ويروح للدين ..
اشموع الفجر غنينه الك كل الدواوين
بورقه وقلم خطينه الك كل العناوين
وسولفنه همك للگمر باگة حزن
كلناله هنيالك اتبات بكل وطن..
ااااخ الوطن صبح تواسيل
صوت الحزن غطه المراسيل..
شيصير لو لمنه الوطن مثل التصاوير...
👍2
حسين الطاهر
هذا انه....
كون الله يحاسبني كبل ما اموت
شني تعبان بالدنيا او وراي حساب بالتابوت
كافي من الحزن والموت
كافي الدم كلب لونه
حتى الذابينه اهله تره من يطيح يردونه
عمر يانوح يكضيني
ولك وانه اليصيح احاا يبجيني
عليمن خلصن اسنيني
وحك شوغة العوز انه اطلب اسنيني
يرب كافي
التعب شيريد شمسوياتله اجتافي
وحك جوية الكاع لكل جدم حافي
انه التعبان
انه الخسران
انه اليختل بروحه كبال كل ديان
(الينام من التعب وي صوت الآذان )
(ويفز من الصبح بالباب ديان )
انه الما وافي للصحبان
مو خاين ولكن ماشفت صحبان
بعد وين اوصل ليا موت
ليا سجة عذاب يضيع بيها الصوت
انه الهدو عليه الريح
وكل اسنيني صم تراب
انه الطايح بكل باب
انه المامصوب دوم بس عايش وجع لصواب
انه التعبان من روحه
انه العافوه هله وما عافته جروحه
هضيمه اتحاسب بموتي
وكبله محاسب الف حساب
هضيمه انجاس من كلشي وانه الما اجيس بس روحي
ظرف مسدود
كظيت العمر مكيود
العمر حيطان مهجوره
ثكل بيها الجفه وطاحت
بعد بيه صلاة للخوف
وتعب جيلين ومناهت
يرب وانت التشوف الحال
ملتني سراديب الضلام انطرح بيه هلال
مشه بيه نزيز الخوف
وصل حدر الضلوع ومات
وطلع دخان من روحي
اثاري الخوف بايك واهس جروحي
هذا انه....
كون الله يحاسبني كبل ما اموت
شني تعبان بالدنيا او وراي حساب بالتابوت
كافي من الحزن والموت
كافي الدم كلب لونه
حتى الذابينه اهله تره من يطيح يردونه
عمر يانوح يكضيني
ولك وانه اليصيح احاا يبجيني
عليمن خلصن اسنيني
وحك شوغة العوز انه اطلب اسنيني
يرب كافي
التعب شيريد شمسوياتله اجتافي
وحك جوية الكاع لكل جدم حافي
انه التعبان
انه الخسران
انه اليختل بروحه كبال كل ديان
(الينام من التعب وي صوت الآذان )
(ويفز من الصبح بالباب ديان )
انه الما وافي للصحبان
مو خاين ولكن ماشفت صحبان
بعد وين اوصل ليا موت
ليا سجة عذاب يضيع بيها الصوت
انه الهدو عليه الريح
وكل اسنيني صم تراب
انه الطايح بكل باب
انه المامصوب دوم بس عايش وجع لصواب
انه التعبان من روحه
انه العافوه هله وما عافته جروحه
هضيمه اتحاسب بموتي
وكبله محاسب الف حساب
هضيمه انجاس من كلشي وانه الما اجيس بس روحي
ظرف مسدود
كظيت العمر مكيود
العمر حيطان مهجوره
ثكل بيها الجفه وطاحت
بعد بيه صلاة للخوف
وتعب جيلين ومناهت
يرب وانت التشوف الحال
ملتني سراديب الضلام انطرح بيه هلال
مشه بيه نزيز الخوف
وصل حدر الضلوع ومات
وطلع دخان من روحي
اثاري الخوف بايك واهس جروحي
👍3❤1