(( عِــشكـَـْــتك حلم ))
عِــشكـَـْــتك حلم
بالوحشة البعيده اتسامر اجفوني
وعِــشكـَـتكَ
من ونيــن النايحـه الحره
التلم مجرى الدمـع
من عينها اعيوني
وعرفتك تستحي من العايزه الجبحه
وتـِفل فل الظفاير سفة اضنوني
وتوسمتك .. نِكـش بجفوف بدويه
وذهب ليره .. وشهامه .. اتوج شمس لوني
وتِـعودتك
حليب الوالده الطيبه
وصبرها .. وشيبها
اليتعب على امتونــي
ونذرتك وجه للنجمه الجديده
ونايل وغايه
سمارك عزّتي .. وعشاكـَك اهوايه
عشير الكل عشير ايصونك ابروحه
وبري من كل وجه لو ما حفظ مايه
اشـمّك بالجفوف الطاهره الخشنه
واشوفك بالوفي الكِصٌته امندّايه
وأبورح
لو هبوبك يلتكَـي اّبارح
واخضّر بالعطش من هيبتك دايه
انه ابغيرك كـَمر ما شافته اولايه
انه ابغيرك قلب نِـــيٌته امغـَطـّـايه
ويظل طرواك
نسمة بر.. لايرخص شرفهه
ولاهي تتعـثــّر
يمن طرواك .. خاوه الجدم والمعبر
يمن طرواك.. خاوه الجرح والخنجر
تعودتك
شهامه وخوف ومكابر
وتعـّودتك
محــّبه وليل ومسامر
وتعـّودتك .. خليل وخل
حبيب وكل حبيبه اتبيع طاريها
و ِنــِــتْ
ما بِعِـتْ طاري الراح والمجبل
يمنجل مايلف الردي من االسنبل
يذل وجـــــــه اليضدّك
ونته ابد ما اتذل
عريان السيد خلف💙💦
عِــشكـَـْــتك حلم
بالوحشة البعيده اتسامر اجفوني
وعِــشكـَـتكَ
من ونيــن النايحـه الحره
التلم مجرى الدمـع
من عينها اعيوني
وعرفتك تستحي من العايزه الجبحه
وتـِفل فل الظفاير سفة اضنوني
وتوسمتك .. نِكـش بجفوف بدويه
وذهب ليره .. وشهامه .. اتوج شمس لوني
وتِـعودتك
حليب الوالده الطيبه
وصبرها .. وشيبها
اليتعب على امتونــي
ونذرتك وجه للنجمه الجديده
ونايل وغايه
سمارك عزّتي .. وعشاكـَك اهوايه
عشير الكل عشير ايصونك ابروحه
وبري من كل وجه لو ما حفظ مايه
اشـمّك بالجفوف الطاهره الخشنه
واشوفك بالوفي الكِصٌته امندّايه
وأبورح
لو هبوبك يلتكَـي اّبارح
واخضّر بالعطش من هيبتك دايه
انه ابغيرك كـَمر ما شافته اولايه
انه ابغيرك قلب نِـــيٌته امغـَطـّـايه
ويظل طرواك
نسمة بر.. لايرخص شرفهه
ولاهي تتعـثــّر
يمن طرواك .. خاوه الجدم والمعبر
يمن طرواك.. خاوه الجرح والخنجر
تعودتك
شهامه وخوف ومكابر
وتعـّودتك
محــّبه وليل ومسامر
وتعـّودتك .. خليل وخل
حبيب وكل حبيبه اتبيع طاريها
و ِنــِــتْ
ما بِعِـتْ طاري الراح والمجبل
يمنجل مايلف الردي من االسنبل
يذل وجـــــــه اليضدّك
ونته ابد ما اتذل
عريان السيد خلف💙💦
👍7
عثر خلگي وتبدّت وسعة البال..
وتخيّلْت القوافي المالها اعنان.
حچوا عني ابكثر ما چان فرعون..
يذبح من بني اسرائيل رضعان.
أحط إذني إعله صدر السيف والگاه..
من گد ما حچه ابطرواي فحطان.
إبكثر ما للمناجل عدهم اسنون..
ومثل سچينة الغمّان عميان.
عبّرت السوالف كونهن صوت..
وعذت بالله منهن كونهن جان.
أغيّم والجفون ايمطرن إگبور..
وأمسحهن وأشوف اتراب وأچفان.
لهسّه ابباب جرحي الخنجر ايبات..
ولهسّه اچفوفي عد إفلان وإفلان.
ولهسّه امتوني من احمولهم سود..
ولهسه اجفوني من انطارتي اضخان.
إنچفت بيبانهم يم طاسة الماي..
وفزعتلي السمه المن غير بيبان.
أبد ما حشّمت بس يستحي الباب..
يسكت وآنه الي بخاصرته نيشان.
الغزاله التنهطر من خوفها اتصيح..
السباع ايگومن إمن الگاع خرسان.
نهر ماخذ گفاي إعله المشاحيف..
وشارب من مكر دنياي گيعان.
أحط إيدي ابگفه الما يعرف ايفوج..
وأكره كل نهر ما شال غرگان.
وأعاند من تهد بخيولها الريح..
روج ايوگّف إعله الغيم سفان.
حليم وفرزنت ضحك الشياطين..
وأسكت وآنه أعرفه ابليس شيطان.
درب طاحوا ابصدري طيحة الفوس..
تشاويت، وگلت طيحات رضعان.
الطفل لازم ابزغره ايطيح ويگوم..
ولو طيحاتهم طيحات شبّان.
گمت والحيل يتشلبه إعله الإمتون..
إبمهر يگطر ضوه وبإعناد فرسان.
أجر نفسي ويتيه ابريّتي الليل..
وأفح ويصعد اويه الريح دخّان.
غرت واتنگّبت جدامي الأوجوه..
جزتني وجابت النسوان، نسوان.
و عفيت وبالعفو تنقاس الإرجال..
الرگاب اليعفو عنها السيف تنهان.
عبرت والشراع ايدغدغ الغيم..
أنا الما عبّرتها اشلون ما چان.
ما خلّيت حملي ابعازة امتون..
السمه تنذل لون تحتاج عمدان.
... عباس العبادي💙💦
وتخيّلْت القوافي المالها اعنان.
حچوا عني ابكثر ما چان فرعون..
يذبح من بني اسرائيل رضعان.
أحط إذني إعله صدر السيف والگاه..
من گد ما حچه ابطرواي فحطان.
إبكثر ما للمناجل عدهم اسنون..
ومثل سچينة الغمّان عميان.
عبّرت السوالف كونهن صوت..
وعذت بالله منهن كونهن جان.
أغيّم والجفون ايمطرن إگبور..
وأمسحهن وأشوف اتراب وأچفان.
لهسّه ابباب جرحي الخنجر ايبات..
ولهسّه اچفوفي عد إفلان وإفلان.
ولهسّه امتوني من احمولهم سود..
ولهسه اجفوني من انطارتي اضخان.
إنچفت بيبانهم يم طاسة الماي..
وفزعتلي السمه المن غير بيبان.
أبد ما حشّمت بس يستحي الباب..
يسكت وآنه الي بخاصرته نيشان.
الغزاله التنهطر من خوفها اتصيح..
السباع ايگومن إمن الگاع خرسان.
نهر ماخذ گفاي إعله المشاحيف..
وشارب من مكر دنياي گيعان.
أحط إيدي ابگفه الما يعرف ايفوج..
وأكره كل نهر ما شال غرگان.
وأعاند من تهد بخيولها الريح..
روج ايوگّف إعله الغيم سفان.
حليم وفرزنت ضحك الشياطين..
وأسكت وآنه أعرفه ابليس شيطان.
درب طاحوا ابصدري طيحة الفوس..
تشاويت، وگلت طيحات رضعان.
الطفل لازم ابزغره ايطيح ويگوم..
ولو طيحاتهم طيحات شبّان.
گمت والحيل يتشلبه إعله الإمتون..
إبمهر يگطر ضوه وبإعناد فرسان.
أجر نفسي ويتيه ابريّتي الليل..
وأفح ويصعد اويه الريح دخّان.
غرت واتنگّبت جدامي الأوجوه..
جزتني وجابت النسوان، نسوان.
و عفيت وبالعفو تنقاس الإرجال..
الرگاب اليعفو عنها السيف تنهان.
عبرت والشراع ايدغدغ الغيم..
أنا الما عبّرتها اشلون ما چان.
ما خلّيت حملي ابعازة امتون..
السمه تنذل لون تحتاج عمدان.
... عباس العبادي💙💦
👍6❤5🙏1
الكبير عبد الأمير المسلماوي - ذاكرة مدينة
(( قصيدة الحرامية ))
اذكر بعد ما مفطوم
كاروكي جذع نخلة
وحدري كربه ، كربه ونص ومغطتني سليه
وامي مشيله مدري بيش وصله شماغ چفيه
وابوي عگاله اسود طوخ ومحزم برديه
بچعب الحوش بستوگه
عـالرف تمره معلوگه
وجدي معلگ بسمار لا مو صورة عوچيه
وعلى الشاطي يرد مشحوف يمرح بيه مرديه
وبخشم اختي هيله عران يوم تلبسه هي ويوم لحضيه
واخوتي تلعب محاچيل
كل صگعه برهن من فرده زهديه
وچلبه مكرم السامع
تهز بذويلهه لأمي
وتشكي من الحراميه
وگني وثنعش فروج
ودجاجات اربعة ولاري ، وسته لو سبع بشات
وياهن خضيريه ؟
وياهن خضيريه
وعدنه گباب فرهه ثنين
الزغيره بيهه ملمومين والغربيه للخطار
وگهوه وهاون وفنجان
ودلة تزحف عله النار
وگونية شكر للچاي
مرچية عله گونية ، ذخر للأربعينيه
واذكر يوم گمريه
فطموني عله صبيره
وحلو حلگي بتميره
نمت والچلبة تتنطر الفجريه
وچفتونه الحرامية ... باگونه الحرامية
باگو كل غلايچنه ، والمصخنه والجاون ، والرحى التركية
والسجادة والسبحة الحسينية
والقران ... لا موجود ، صاحت حيل بيهم اختي نشميه
يـبــــــو لحگـــو حرامية ... يـهـــــــو لحگـــــو حرامية
وكلشي راح ... أي والله
بس ضل جدي متعلگ بسماره
وضل فنجانه يضحك الخطاره
وضل عـران هيله مال الحراره
وهدأت اختي نشمية
وامي تصيح
فدوة الكم ، يبعد امكم ، ييمه الراح ميخالف
وابوي عله النهر واگف
امي تگله يا كاظم درد وهجعلك شويه
يگلهه لا يفخرية ...
بعدهم ما مشو عنه .. بعد عدنه الحرامية
هذولاك الحرامية
واشوفه غـط شليف البوه ، وتناوش الكسرية
ومشه عنه ابوي وراح
يدبچ والنخل وياه
يهوس والگصب وياه
عد عينچ ينشمية ... عد عينچ يفخرية
اذكر أي نعم اذكر..
عبد الامير المسلماوي 💙💦
(( قصيدة الحرامية ))
اذكر بعد ما مفطوم
كاروكي جذع نخلة
وحدري كربه ، كربه ونص ومغطتني سليه
وامي مشيله مدري بيش وصله شماغ چفيه
وابوي عگاله اسود طوخ ومحزم برديه
بچعب الحوش بستوگه
عـالرف تمره معلوگه
وجدي معلگ بسمار لا مو صورة عوچيه
وعلى الشاطي يرد مشحوف يمرح بيه مرديه
وبخشم اختي هيله عران يوم تلبسه هي ويوم لحضيه
واخوتي تلعب محاچيل
كل صگعه برهن من فرده زهديه
وچلبه مكرم السامع
تهز بذويلهه لأمي
وتشكي من الحراميه
وگني وثنعش فروج
ودجاجات اربعة ولاري ، وسته لو سبع بشات
وياهن خضيريه ؟
وياهن خضيريه
وعدنه گباب فرهه ثنين
الزغيره بيهه ملمومين والغربيه للخطار
وگهوه وهاون وفنجان
ودلة تزحف عله النار
وگونية شكر للچاي
مرچية عله گونية ، ذخر للأربعينيه
واذكر يوم گمريه
فطموني عله صبيره
وحلو حلگي بتميره
نمت والچلبة تتنطر الفجريه
وچفتونه الحرامية ... باگونه الحرامية
باگو كل غلايچنه ، والمصخنه والجاون ، والرحى التركية
والسجادة والسبحة الحسينية
والقران ... لا موجود ، صاحت حيل بيهم اختي نشميه
يـبــــــو لحگـــو حرامية ... يـهـــــــو لحگـــــو حرامية
وكلشي راح ... أي والله
بس ضل جدي متعلگ بسماره
وضل فنجانه يضحك الخطاره
وضل عـران هيله مال الحراره
وهدأت اختي نشمية
وامي تصيح
فدوة الكم ، يبعد امكم ، ييمه الراح ميخالف
وابوي عله النهر واگف
امي تگله يا كاظم درد وهجعلك شويه
يگلهه لا يفخرية ...
بعدهم ما مشو عنه .. بعد عدنه الحرامية
هذولاك الحرامية
واشوفه غـط شليف البوه ، وتناوش الكسرية
ومشه عنه ابوي وراح
يدبچ والنخل وياه
يهوس والگصب وياه
عد عينچ ينشمية ... عد عينچ يفخرية
اذكر أي نعم اذكر..
عبد الامير المسلماوي 💙💦
👍9🔥2❤1
.....
من اجمل ما بولايتنه ... جهل الناس!
محتفلين بعرس القاسم يوم استشهاد العباس!
من اجمل ما بولايتنه الفقره هواي
عبد الله مخلينه خرافه ومصدكين بــ (عبد الماي) !
وكلشي يشور
الاستاذ ! الحجي! الست !
نذر السيد ..!
كلها اتشور
من الشرطي لأكبر راس
ومجنون اليكتبله روايه
وعاقل حيل الخطله دعايه
بولايتنه الحوته تسولف
والكمر يخاف من الحوته
والبلبل محظور يغني
وفحل الماعز صوته يخبل !!!!!!
مظطهدينه !!!!!
وحيل يحقله يجرب صوته
بولايتنه تشرب دم الفقره يحقلك
بس ميحقلك تشرب كاس
بولايتنه المؤمن صخره
والعاهر مليانه احساس
بولايتنه ناس هوايه .. بس مو حيل هوايه الناس
والشجره تموَت من البلبل
وتفك حلكين اعله الفاس
و عدنا آدم ساكت مايحجي
ومسَلم قابيل الساحه
ومن يصرح مانتصنتلة ومايوصل للباب اصياحه
ناس انسحكت.....
ناس ارتاحت.......
وناس بسد آدم ذباحه
وكلها من آدم .......حط كوره وكور التفاحه
جاهسه العالم مرتاحه
والدين شكد ريفي الهسه
ومحرم الحب والحريه
وناسخ كل آيات الشورى
ومطبق نص الفصليه
مايحجي بلغة القاروره
واترف ادواته التوثيه
وشكليات بلا تبرير
وي يوسف ما ممكن تمشي..... خاف بدربك يصدف بير
وزحمه تصادق وحشي شلون !!!!
ماكاتلهم دم الحمزه!!
لا كاتلهم فرق اللون
بنت السيد بس للسيد
ميهم عانس تبقى سنين
الظاهر جان الله يفرق عنده حصانه الطين وطين
واهل الدين اكبر اللادين
يتريكون بدمع الفقره
ويتغدون بشرف الحره
ويتقيؤون بنفس السفره
ويخمسونه السيد حسين
وبولايتنه الساسه خوارج
والسجاده شكد حزبيه !!
الــ مو بالتيار الزاجل
ماله صلاه وي الفضيه
وسايقنا يعجبك,, مو سايق
بس يتراجع مايتقدم
ومن العبريه ايفول دم!
واكبر خرسان العبريه ...
وطن يوزع للمو فقره
ويفرش جمره بدرب الحافي
الياكل بينه نصبله بدمنا ......وانصبله ومانسمع كافي
ونقطه ابين النقطه و نقطه
واتفتش كل مامر نقطه
من أرجع بيتي انكث جلدي؟؟
الشغله تفشل!!!!!!!
بصمات الشرطه اعله اردافي!!
بولايتنه هوايه سوالف
بس الوادم مقتنعين
خاف اتعمق وتعيروني
جوى المرمر كلش طين
عقيل العرد - السماوة 💙💦
من اجمل ما بولايتنه ... جهل الناس!
محتفلين بعرس القاسم يوم استشهاد العباس!
من اجمل ما بولايتنه الفقره هواي
عبد الله مخلينه خرافه ومصدكين بــ (عبد الماي) !
وكلشي يشور
الاستاذ ! الحجي! الست !
نذر السيد ..!
كلها اتشور
من الشرطي لأكبر راس
ومجنون اليكتبله روايه
وعاقل حيل الخطله دعايه
بولايتنه الحوته تسولف
والكمر يخاف من الحوته
والبلبل محظور يغني
وفحل الماعز صوته يخبل !!!!!!
مظطهدينه !!!!!
وحيل يحقله يجرب صوته
بولايتنه تشرب دم الفقره يحقلك
بس ميحقلك تشرب كاس
بولايتنه المؤمن صخره
والعاهر مليانه احساس
بولايتنه ناس هوايه .. بس مو حيل هوايه الناس
والشجره تموَت من البلبل
وتفك حلكين اعله الفاس
و عدنا آدم ساكت مايحجي
ومسَلم قابيل الساحه
ومن يصرح مانتصنتلة ومايوصل للباب اصياحه
ناس انسحكت.....
ناس ارتاحت.......
وناس بسد آدم ذباحه
وكلها من آدم .......حط كوره وكور التفاحه
جاهسه العالم مرتاحه
والدين شكد ريفي الهسه
ومحرم الحب والحريه
وناسخ كل آيات الشورى
ومطبق نص الفصليه
مايحجي بلغة القاروره
واترف ادواته التوثيه
وشكليات بلا تبرير
وي يوسف ما ممكن تمشي..... خاف بدربك يصدف بير
وزحمه تصادق وحشي شلون !!!!
ماكاتلهم دم الحمزه!!
لا كاتلهم فرق اللون
بنت السيد بس للسيد
ميهم عانس تبقى سنين
الظاهر جان الله يفرق عنده حصانه الطين وطين
واهل الدين اكبر اللادين
يتريكون بدمع الفقره
ويتغدون بشرف الحره
ويتقيؤون بنفس السفره
ويخمسونه السيد حسين
وبولايتنه الساسه خوارج
والسجاده شكد حزبيه !!
الــ مو بالتيار الزاجل
ماله صلاه وي الفضيه
وسايقنا يعجبك,, مو سايق
بس يتراجع مايتقدم
ومن العبريه ايفول دم!
واكبر خرسان العبريه ...
وطن يوزع للمو فقره
ويفرش جمره بدرب الحافي
الياكل بينه نصبله بدمنا ......وانصبله ومانسمع كافي
ونقطه ابين النقطه و نقطه
واتفتش كل مامر نقطه
من أرجع بيتي انكث جلدي؟؟
الشغله تفشل!!!!!!!
بصمات الشرطه اعله اردافي!!
بولايتنه هوايه سوالف
بس الوادم مقتنعين
خاف اتعمق وتعيروني
جوى المرمر كلش طين
عقيل العرد - السماوة 💙💦
👍6❤2
( هلي) - زين كريم 💛🍃
هلي وعيون اليسافر ماتسافر
ومدري ياغيمه الخذتكم نجمه نجمه وأنه أباوع
وضلت أمكاتيبكم تصفن تراب
وهندست كل الشوارع ...
وياعگبكم ماعگب ذاك النسيم
وبعد ماتضوي الزوايا المشطيتوها أصابع .
عوديتوني أبونسكم صرتوا سوله
وصرتوا للتيهات عرفه
ااااخ روحي المالگت مرسه أعله ظنكم
و ااااخ جرحي الشافكم لذه أويه نزفه
چنتوا يمي وچنت أگول الغربه چذبه
وهسه چذبة وطن كلفه ... !!!
ويكبر المامش بظني
هواي ناس بروحي لچن موش يمها
هواي فلوها الظفاير
بس تريد العرف شمها
أمولع بطارف سچچکم
غربه بدرابيني طشت
الليل بعيوني يلمها...
هلي وعيون اليسافر ماتسافر
ومدري ياغيمه الخذتكم نجمه نجمه وأنه أباوع
وضلت أمكاتيبكم تصفن تراب
وهندست كل الشوارع ...
وياعگبكم ماعگب ذاك النسيم
وبعد ماتضوي الزوايا المشطيتوها أصابع .
عوديتوني أبونسكم صرتوا سوله
وصرتوا للتيهات عرفه
ااااخ روحي المالگت مرسه أعله ظنكم
و ااااخ جرحي الشافكم لذه أويه نزفه
چنتوا يمي وچنت أگول الغربه چذبه
وهسه چذبة وطن كلفه ... !!!
ويكبر المامش بظني
هواي ناس بروحي لچن موش يمها
هواي فلوها الظفاير
بس تريد العرف شمها
أمولع بطارف سچچکم
غربه بدرابيني طشت
الليل بعيوني يلمها...
👍4
يلوح خيال الصبح ياريته لاح
ويحكم الحادي على خيله ونوكه
يا كحيله يشوف سبكت بالرواح
ويا كحيله العاودت مسبوكه
انه شوكي اليتعب وما يستراح
شمعه ضلت للصبح معلوكه
وشوكي لو يمطر على البر والسفاح
ينبت ابين النخل وعروكه
الزهدي والبرحي خذن نفس اللكاح
لكن اشوف الفرق بعثوكه
لا تنوج للغزاله بلا سلاح
ولا تغير بكاع ما مسحوكه
ولا تنود ويه الغنه وغناك راح
والربابه الهزتك مخنوكه
النار هزت بالجدر والفوك فاح
وروحي كامت لك واهي محروكه
طيني احمر وانت طينك بيه ملاح
وخل نشوف بياحديقه البوكه
محسن الخياط 💛🍃
ويحكم الحادي على خيله ونوكه
يا كحيله يشوف سبكت بالرواح
ويا كحيله العاودت مسبوكه
انه شوكي اليتعب وما يستراح
شمعه ضلت للصبح معلوكه
وشوكي لو يمطر على البر والسفاح
ينبت ابين النخل وعروكه
الزهدي والبرحي خذن نفس اللكاح
لكن اشوف الفرق بعثوكه
لا تنوج للغزاله بلا سلاح
ولا تغير بكاع ما مسحوكه
ولا تنود ويه الغنه وغناك راح
والربابه الهزتك مخنوكه
النار هزت بالجدر والفوك فاح
وروحي كامت لك واهي محروكه
طيني احمر وانت طينك بيه ملاح
وخل نشوف بياحديقه البوكه
محسن الخياط 💛🍃
👍3❤1
الدنيا تتعب من تحطني أبالها
آنه أول ما صرت خيالها
الليل رافگني و ترست اعيونه نوم
و فرزنت نجماتها من اهلالها
الميت اتعرفه عزيز من النگاب
و الجنازه اتبين من الشالها
السلم من اليسره ما داخل مضيف
و من تلومه الناس گال اشمالها
شايل براسي حچي من احچي اموت
ناس صعدت بالحچي المو مالها
مامحول يم سلف مابي جبير
ومامسولف سالفه يم الزغار
ولامثني احجايتي وكايل دخيل
ولامفرع يم عگل مطلوبه ثار
اكره الورده الترافه بعركه عيب
انا احب السيف جي صاحب قرار
طيحت الماعنده اخو اتعثر المضيف
الماله بالوادم ربع يكضيها صار
جويت التنور تنطي الخبزه صيت
ضيف المعزب تشوف ابابه نار
الطير لو صفك يجي اباله الرحيل
الطير متوارد احسه اوي القطار
المايخلي لروحه قيمه تقدره ليش
اهواي وادم مستحه اتكلهه الكبار
هيه سمعه وناسنه ادور الصفير
الحمامه اشما تزل سمعتهه غار
ابقه عالي المايلوحك صوج اديه
جانت الخبزه نبي ابوكت الحصار
المنجل امنتكله شيخ ايصير سيف
وينسه حجمه ويمشي بسمه المستعار
ماكعدت ابراس غيري وبكته ليل
وماكشخت ابيت غيري بنص نهار
انا احب اسوالفي مثلي حلال
اسوالفي ايشبهني هم بيهن سمار
البدوي هلهولة نده عنده الرعيد
موتت الغيمه عرس للكلبه حار
لا تهد ايدك تره الناعور مات
وكمنه نقره الفاتحه للعنده ثار
صاحبي انطيته تفكتي وكتله صيد
الطيره ضلت حاطه وصاحبنه طار
الفاتحه البيهه بجي صاحبهه زين
الخير ابسابع سلف ونحسبه جار
ولاتقيم صاحبك لو وجهه جاك
انته قيم صاحبك من تستدار
الشريف المايشر حجيه اعله اخوه
اليكشخ ابثوب الحجي يم ربعه عار
امنين اجيب لناسنه سيد بخيت
يحجي وي الله صدك من يستخار
مصطفى العيساوي 💛🍃
آنه أول ما صرت خيالها
الليل رافگني و ترست اعيونه نوم
و فرزنت نجماتها من اهلالها
الميت اتعرفه عزيز من النگاب
و الجنازه اتبين من الشالها
السلم من اليسره ما داخل مضيف
و من تلومه الناس گال اشمالها
شايل براسي حچي من احچي اموت
ناس صعدت بالحچي المو مالها
مامحول يم سلف مابي جبير
ومامسولف سالفه يم الزغار
ولامثني احجايتي وكايل دخيل
ولامفرع يم عگل مطلوبه ثار
اكره الورده الترافه بعركه عيب
انا احب السيف جي صاحب قرار
طيحت الماعنده اخو اتعثر المضيف
الماله بالوادم ربع يكضيها صار
جويت التنور تنطي الخبزه صيت
ضيف المعزب تشوف ابابه نار
الطير لو صفك يجي اباله الرحيل
الطير متوارد احسه اوي القطار
المايخلي لروحه قيمه تقدره ليش
اهواي وادم مستحه اتكلهه الكبار
هيه سمعه وناسنه ادور الصفير
الحمامه اشما تزل سمعتهه غار
ابقه عالي المايلوحك صوج اديه
جانت الخبزه نبي ابوكت الحصار
المنجل امنتكله شيخ ايصير سيف
وينسه حجمه ويمشي بسمه المستعار
ماكعدت ابراس غيري وبكته ليل
وماكشخت ابيت غيري بنص نهار
انا احب اسوالفي مثلي حلال
اسوالفي ايشبهني هم بيهن سمار
البدوي هلهولة نده عنده الرعيد
موتت الغيمه عرس للكلبه حار
لا تهد ايدك تره الناعور مات
وكمنه نقره الفاتحه للعنده ثار
صاحبي انطيته تفكتي وكتله صيد
الطيره ضلت حاطه وصاحبنه طار
الفاتحه البيهه بجي صاحبهه زين
الخير ابسابع سلف ونحسبه جار
ولاتقيم صاحبك لو وجهه جاك
انته قيم صاحبك من تستدار
الشريف المايشر حجيه اعله اخوه
اليكشخ ابثوب الحجي يم ربعه عار
امنين اجيب لناسنه سيد بخيت
يحجي وي الله صدك من يستخار
مصطفى العيساوي 💛🍃
❤6👍1
..............القربان...............
.........عبد الكريم القصاب.......
ياهو الكَال دفنوا بالتراب اهلال ؟
ياهو الكَال ....
عمود الضاويات آنكسر ظهره ومال ؟
امس مالت الدنيه بناسها وما مال
عسى لا كَالها لله وهيّ ابد متصير
محمد ما اِله جتال .
ابو الغيره نزل سجده اعلى كَاعه وباسها ..وكَلبه تبدّه وسال .
عثك برحي ،
.رضع مونة حلاة امه ونزل بسلال
محمد سنبله وطاحت رغيف اعيال .
بذره وسيّرت نجمه اعلى وجه الكَاع ،
والبذره وراها آجيال .
آشعظم معناك يمحمد !!
آشعظم نور البوجهك والسنين آثكَال !!
كَد مابيك من اشموس ، من انجوم ،
شفت كَبّة سما برجّال
خذت كل الضوه حد مابقالك ظل ،
حد ظلك صبح شلال .
تتشرف خيوط الشمس
....لثيابك تصير اذيال
الشرف كَامة جبل عالي ،
وانت اشراع عالقمه
.....وظلك عالسفح شلال
هنيالك على ادروب الغدن بيدك رسن ...
......وآنت اعلى من خيّال .
هاي دروب ماتنّسي ولاتنمل ،
هاي دروب بيها المايرى يندل ،
هنيالك .....
صعدت اعلى البراق بدوسة التمثال
شعلاتك وانت ساجد أعلى من اهلال .
ياشفّة نبي وموال ،
اشلون آتموت ؟ يا هو الكَال ؟
وآنت المرتوي من ماي معسول ...
ونبت حرّي وحجي معدول .
وانت الغاسلك صوت السما....
....وما خلّه بيك آشكال .
وانت السابح بضيء السما .....
.. وطالع آمن المشكاة .
آشلون آتموت ....
...وانت المأ اِلك جتّال ؟
يمحمد محبّينك بجوا حسبالهم ميت .
بجوا حسبالهم دفنوا جسد ....
...وتراب فوكَه آنهال .
بجوا كالوا كبر هذا .
كَلت :لا ، موكَبر هذا .
هذا كَراب سيف لركَبه الشيطان .
هذا آزناد للزلزال .
هذا لسان قرآن وعشب جنه ....
.....وسواجي اشكال
هذا مئذنه ....
والمئذنه مفتاح باب الله ...
.. وحواليهه تطوف آجيال .
هذا الماله جتال .
أبو الغيره .....
نزل سجده اعلى كَاعه وباسها ....
...ودمه تبدّه وسال .
عثك برحي ....
رضع مونة حلاة آمه ونزل بسلال .
محمد سنبله وطاحت رغيف اعيال ،
بذره آمعفّره وطاحت بحضن الكَاع .
والبذره وراها آجيال .
.........عبد الكريم القصاب.......
ياهو الكَال دفنوا بالتراب اهلال ؟
ياهو الكَال ....
عمود الضاويات آنكسر ظهره ومال ؟
امس مالت الدنيه بناسها وما مال
عسى لا كَالها لله وهيّ ابد متصير
محمد ما اِله جتال .
ابو الغيره نزل سجده اعلى كَاعه وباسها ..وكَلبه تبدّه وسال .
عثك برحي ،
.رضع مونة حلاة امه ونزل بسلال
محمد سنبله وطاحت رغيف اعيال .
بذره وسيّرت نجمه اعلى وجه الكَاع ،
والبذره وراها آجيال .
آشعظم معناك يمحمد !!
آشعظم نور البوجهك والسنين آثكَال !!
كَد مابيك من اشموس ، من انجوم ،
شفت كَبّة سما برجّال
خذت كل الضوه حد مابقالك ظل ،
حد ظلك صبح شلال .
تتشرف خيوط الشمس
....لثيابك تصير اذيال
الشرف كَامة جبل عالي ،
وانت اشراع عالقمه
.....وظلك عالسفح شلال
هنيالك على ادروب الغدن بيدك رسن ...
......وآنت اعلى من خيّال .
هاي دروب ماتنّسي ولاتنمل ،
هاي دروب بيها المايرى يندل ،
هنيالك .....
صعدت اعلى البراق بدوسة التمثال
شعلاتك وانت ساجد أعلى من اهلال .
ياشفّة نبي وموال ،
اشلون آتموت ؟ يا هو الكَال ؟
وآنت المرتوي من ماي معسول ...
ونبت حرّي وحجي معدول .
وانت الغاسلك صوت السما....
....وما خلّه بيك آشكال .
وانت السابح بضيء السما .....
.. وطالع آمن المشكاة .
آشلون آتموت ....
...وانت المأ اِلك جتّال ؟
يمحمد محبّينك بجوا حسبالهم ميت .
بجوا حسبالهم دفنوا جسد ....
...وتراب فوكَه آنهال .
بجوا كالوا كبر هذا .
كَلت :لا ، موكَبر هذا .
هذا كَراب سيف لركَبه الشيطان .
هذا آزناد للزلزال .
هذا لسان قرآن وعشب جنه ....
.....وسواجي اشكال
هذا مئذنه ....
والمئذنه مفتاح باب الله ...
.. وحواليهه تطوف آجيال .
هذا الماله جتال .
أبو الغيره .....
نزل سجده اعلى كَاعه وباسها ....
...ودمه تبدّه وسال .
عثك برحي ....
رضع مونة حلاة آمه ونزل بسلال .
محمد سنبله وطاحت رغيف اعيال ،
بذره آمعفّره وطاحت بحضن الكَاع .
والبذره وراها آجيال .
❤6👍3
فـاضـل عـبـد الـسادة
انتباه انتباه انتباه السالفه اشويه طويلة ..
السالفه قصة حياتي وما أظن تنتهي بليلة
بيهه ايامي التعيسة وبيها ايامي الجميلة
وقصتي بيها احداث حلوة مثل ليلة والف ليلة
وقصتي تصلح فلم هندي وابد ما تحتاج حيلة
ومخرج القصة زماني الماشفت مخرج مثيلة
خوش مثل فلم بيه وكفه واكفلي اعله حيلهه
محزم وعصاته بيده يطكني كل ما اشتكيله
خربص اسنيني عليه وتيهت راس الشليله
وصرت ناسي منين انه والمن ارجع يا قبيلة
شكد مواليدي يعالم ياهو رباني بشليله
وياهو هز كاروكي بيده ولوله بذني وسهر ليلة
وياهو وصلني بحياتي شلون ارد فضله وجميله
من وعيت وانه ضايع ماكو عنوان اعتنيله
ولاكو واحد دكلي صدرة وكلي ذب حملك واشيله
بيه حزن الناس كلها وعيني بالدمعة بخيلة
احترك وانطفي بكته مثل ريكات الرميلة
وانه يالطيبين ونتي ونت المصيوب جيلة
وهمي ما سولفته لحد خاف يحسبني اشتكيله
كورت همي اعله كلبي وجيمت روحي العليلة
عفيه روحي عفيه كلبي همومنه سهلة وقليلة
ومن تضكني الدنيا اغني هاي عاداتج يهيله
انتي ويامن وفيته وياهو ما هديتي حيله
حيل بعد وياي جوري وعيلي بالما يرضه عيلة
انتباه السالفة شويه طويلة
راح يوم.. واجه يوم.. وانه ذاك وذاك ليلي
للصبح ما يغفه جفني وللصبح كعده اعله حيلي
للورق اشتكي اهمومي وخافي حسراتي بدليلي
ردت واحد يجلي ضيمي اشتكيله ويشتكيلي
لمت كلبي كتله عاشر خل تشم الناس هيلي
كضت ثلث سنين عمري وانه ما اعرف خليلي
ريتني ما عاشريته ولاكضيت وياه ليلي
انتباه السالفة شويه طويلة
شرد اكلك عالهويته وبيش اوصفه بيا وصف
20ما زاد عمره زغير وراوي وترف
حلو ويخجل من خياله وبي يعالم ينحلف
شفته واتمناه كلبي وقبله ما حن الولف
ومن بعد سكته طويلة الشوك خللاني اعترف
كتله احبك صد عليه وكالي انته شكد صلف
شلون تنطق هالحجايه وما الك بيه عرف
كتله هذا الي احسه وجرحك بكلبي كلف
من اشوفك انسه روحي وكلبي يمعود يرف
وشكثر حاولت اكلك لجن خانتني الجسارة
ويامه من عمري ليالي لخاطرك راحت خسارة
سكته احبك وآآخ لو تدري شكثر يم بابكم لازم خفارة
وانته خالي ومو بحالي الشوك ما جربت ناره
هسه اجيتك اشكي ضيمي شفت ما منها جاره
لو تردني بجرح ثاني لا داويني بعبارة
كالي شتريد اكلك كتله كول الي تكوله
كول احبك كول اكرهك يلي صرت لروحي سوله
كال لا والله احبك كالها بضحكه خجول
ما جنت متصور انه هيه تقنع بهل سهولة
وظلت محبته وياي مثل المستحيلة
انتباه السالفة شويه طويلة
وصار اجمل امنياتي وصرت اجمل امنياته
وتالي ما تالي شلكيته سالفه بحلك الشماته
ثاري مو بس انه حبني ثاري هم غيري بحياته
وثاري كل ساعة حبيب وماخذ الناس بحلاته
اكرهته وكرهت المحبة وكرهت كل ذكرياته
ورجعت من درب شوكه روحي خجلانه وذليلة
انتباه السالفة شويه طويلة
وراح اسولفها بصراحة لا الف ولا ادور
عاندت وكتي بوكاحه وكتله كل ما بيك جور
الجان ظلت تشوف عيني والعمر حزن وسرور
وكل بشر تاليته يصفه واحد من اهل الكبور
وما اطولها عليكم واكتفي بذني السطور
الحزن من كد ما عشكته صار وي دمي يدور
انه اسحنه بصبر روحي وهوه يحركني بخور
يصوغ حسراتي قصايد خاصة تهز الشعور
نشدو ليلي شكد سهرته مثل المتاني السحور
الناس كلمن اله طوره وانه الي 70 طور
مرة اكتب مرة اصفن مرة دمع العين اسيله
والسوالف كلها تكضي وتبقه سالفتي طويلة
انتباه انتباه انتباه السالفه اشويه طويلة ..
السالفه قصة حياتي وما أظن تنتهي بليلة
بيهه ايامي التعيسة وبيها ايامي الجميلة
وقصتي بيها احداث حلوة مثل ليلة والف ليلة
وقصتي تصلح فلم هندي وابد ما تحتاج حيلة
ومخرج القصة زماني الماشفت مخرج مثيلة
خوش مثل فلم بيه وكفه واكفلي اعله حيلهه
محزم وعصاته بيده يطكني كل ما اشتكيله
خربص اسنيني عليه وتيهت راس الشليله
وصرت ناسي منين انه والمن ارجع يا قبيلة
شكد مواليدي يعالم ياهو رباني بشليله
وياهو هز كاروكي بيده ولوله بذني وسهر ليلة
وياهو وصلني بحياتي شلون ارد فضله وجميله
من وعيت وانه ضايع ماكو عنوان اعتنيله
ولاكو واحد دكلي صدرة وكلي ذب حملك واشيله
بيه حزن الناس كلها وعيني بالدمعة بخيلة
احترك وانطفي بكته مثل ريكات الرميلة
وانه يالطيبين ونتي ونت المصيوب جيلة
وهمي ما سولفته لحد خاف يحسبني اشتكيله
كورت همي اعله كلبي وجيمت روحي العليلة
عفيه روحي عفيه كلبي همومنه سهلة وقليلة
ومن تضكني الدنيا اغني هاي عاداتج يهيله
انتي ويامن وفيته وياهو ما هديتي حيله
حيل بعد وياي جوري وعيلي بالما يرضه عيلة
انتباه السالفة شويه طويلة
راح يوم.. واجه يوم.. وانه ذاك وذاك ليلي
للصبح ما يغفه جفني وللصبح كعده اعله حيلي
للورق اشتكي اهمومي وخافي حسراتي بدليلي
ردت واحد يجلي ضيمي اشتكيله ويشتكيلي
لمت كلبي كتله عاشر خل تشم الناس هيلي
كضت ثلث سنين عمري وانه ما اعرف خليلي
ريتني ما عاشريته ولاكضيت وياه ليلي
انتباه السالفة شويه طويلة
شرد اكلك عالهويته وبيش اوصفه بيا وصف
20ما زاد عمره زغير وراوي وترف
حلو ويخجل من خياله وبي يعالم ينحلف
شفته واتمناه كلبي وقبله ما حن الولف
ومن بعد سكته طويلة الشوك خللاني اعترف
كتله احبك صد عليه وكالي انته شكد صلف
شلون تنطق هالحجايه وما الك بيه عرف
كتله هذا الي احسه وجرحك بكلبي كلف
من اشوفك انسه روحي وكلبي يمعود يرف
وشكثر حاولت اكلك لجن خانتني الجسارة
ويامه من عمري ليالي لخاطرك راحت خسارة
سكته احبك وآآخ لو تدري شكثر يم بابكم لازم خفارة
وانته خالي ومو بحالي الشوك ما جربت ناره
هسه اجيتك اشكي ضيمي شفت ما منها جاره
لو تردني بجرح ثاني لا داويني بعبارة
كالي شتريد اكلك كتله كول الي تكوله
كول احبك كول اكرهك يلي صرت لروحي سوله
كال لا والله احبك كالها بضحكه خجول
ما جنت متصور انه هيه تقنع بهل سهولة
وظلت محبته وياي مثل المستحيلة
انتباه السالفة شويه طويلة
وصار اجمل امنياتي وصرت اجمل امنياته
وتالي ما تالي شلكيته سالفه بحلك الشماته
ثاري مو بس انه حبني ثاري هم غيري بحياته
وثاري كل ساعة حبيب وماخذ الناس بحلاته
اكرهته وكرهت المحبة وكرهت كل ذكرياته
ورجعت من درب شوكه روحي خجلانه وذليلة
انتباه السالفة شويه طويلة
وراح اسولفها بصراحة لا الف ولا ادور
عاندت وكتي بوكاحه وكتله كل ما بيك جور
الجان ظلت تشوف عيني والعمر حزن وسرور
وكل بشر تاليته يصفه واحد من اهل الكبور
وما اطولها عليكم واكتفي بذني السطور
الحزن من كد ما عشكته صار وي دمي يدور
انه اسحنه بصبر روحي وهوه يحركني بخور
يصوغ حسراتي قصايد خاصة تهز الشعور
نشدو ليلي شكد سهرته مثل المتاني السحور
الناس كلمن اله طوره وانه الي 70 طور
مرة اكتب مرة اصفن مرة دمع العين اسيله
والسوالف كلها تكضي وتبقه سالفتي طويلة
❤9👍3
نعم للانتفاضه .. ونعم للتغيير
وكنيسة جرح .. بيها الملح راهب دير
وجثث تتحرك .. البي روح مابي روح
وگعد علگمي الحنطه بحضن جربه شعير
ونسب صلب النهر .. جم ثار حية گيش
ويم گبر الدلو شگد وج بخور البير
ولا ذمة مناره برگبة الآذان
وعلى مراية السكته يمشط التكبير
الهلال المنحرف .. شيبه بلحية الغيم
ومجالس ضخمه كلش بآية التطهير
حور العين .. تتباچه عله حور الدين
وخط الاستواء اصبح مشط تطبير
المسافه من الخشم للريه ... درب الشام
الهوه ستيراد بي والحسره بي تصدير
وفي خيال زينب .. مثل شامه بليل
اطوخ من بلال وجون لونه يصير
ولأن زينب صدگ .. حبل السبي بي طول
وإلى لو جذب .. فالجذب حبله اگصير
مهند حمود 💚🍃
وكنيسة جرح .. بيها الملح راهب دير
وجثث تتحرك .. البي روح مابي روح
وگعد علگمي الحنطه بحضن جربه شعير
ونسب صلب النهر .. جم ثار حية گيش
ويم گبر الدلو شگد وج بخور البير
ولا ذمة مناره برگبة الآذان
وعلى مراية السكته يمشط التكبير
الهلال المنحرف .. شيبه بلحية الغيم
ومجالس ضخمه كلش بآية التطهير
حور العين .. تتباچه عله حور الدين
وخط الاستواء اصبح مشط تطبير
المسافه من الخشم للريه ... درب الشام
الهوه ستيراد بي والحسره بي تصدير
وفي خيال زينب .. مثل شامه بليل
اطوخ من بلال وجون لونه يصير
ولأن زينب صدگ .. حبل السبي بي طول
وإلى لو جذب .. فالجذب حبله اگصير
مهند حمود 💚🍃
👍1
( هلي)
هلي وعيون اليسافر ماتسافر
ومدري ياغيمه الخذتكم نجمه نجمه وأنه أباوع
وضلت أمكاتيبكم تصفن تراب
وهندست كل الشوارع ...
وياعگبكم ماعگب ذاك النسيم
وبعد ماتضوي الزوايا المشطيتوها أصابع .
عوديتوني أبونسكم صرتوا سوله
وصرتوا للتيهات عرفه
ااااخ روحي المالگت مرسه أعله ظنكم
و ااااخ جرحي الشافكم لذه أويه نزفه
چنتوا يمي وچنت أگول الغربه چذبه
وهسه چذبة وطن كلفه ... !!!
ويكبر المامش بظني
هواي ناس بروحي لچن موش يمها
هواي فلوها الظفاير
بس تريد العرف شمها
أمولع بطارف سچچکم
غربه بدرابيني طشت
الليل بعيوني يلمها
زين كريم 💚🍃
هلي وعيون اليسافر ماتسافر
ومدري ياغيمه الخذتكم نجمه نجمه وأنه أباوع
وضلت أمكاتيبكم تصفن تراب
وهندست كل الشوارع ...
وياعگبكم ماعگب ذاك النسيم
وبعد ماتضوي الزوايا المشطيتوها أصابع .
عوديتوني أبونسكم صرتوا سوله
وصرتوا للتيهات عرفه
ااااخ روحي المالگت مرسه أعله ظنكم
و ااااخ جرحي الشافكم لذه أويه نزفه
چنتوا يمي وچنت أگول الغربه چذبه
وهسه چذبة وطن كلفه ... !!!
ويكبر المامش بظني
هواي ناس بروحي لچن موش يمها
هواي فلوها الظفاير
بس تريد العرف شمها
أمولع بطارف سچچکم
غربه بدرابيني طشت
الليل بعيوني يلمها
زين كريم 💚🍃
👍3
لزامط تضل لو يرك بيك لحيل
السيف لينثلم بل معركه يفشل!!!
وخذ طبع انه كتلك بل حمل لتميل
لبحر شايل سفن بس جتفه مايهدل!!!
وذا عتازوك انزل لا تحسب اطيح
يكبر بل لعيون لمطر من ينزل!!!
وخل مشيك عدل لو كلشي بيك ايصير
بلا جدم لبلم من يمشي مايكزل!!!
وبس عله طيور تكلي هيه تشيخ
دحطهه مكبره لفزاعه ماتجفل!!!
مو كلمن محدب ينحسب مذلول
لقوس محدب ومن ينتفض يكتل!!
()ومو كل خيط يهزل بل جفوف انشوف
لبريسم يجرحك لا تضن يهزل)؛
اريد اعرف اشسوه وحته هيج يخاف
من يكثر لغيم نجم شو يختل!!!
وليغرك لّون عل شجر عله صوت
تره كبال نخل شفت اطبر يرتل!!!
لكاع الي تخضر لا تضل تشيخ
الصفار يرد عليهه السمه من توشل!!!
()وشما ضكني تعب بيه لعطا يزيد
من تخنك لخيمه يزود بيهه ضل))
وعليه ومن غرت مارجفتلي اجدام
لمناجل من تهد مايرجف سنبل!!!
((ومتأثر علي لو تبقه تحجي سنين
فانوس بضوه شيفيد من تشعل!!!))
((وخذ دورال سعف راح انه اصيرن ريح
خاطرتنصطر لمن عليك اجبل))
ياسين كحيط الحلفي 💚🍃
السيف لينثلم بل معركه يفشل!!!
وخذ طبع انه كتلك بل حمل لتميل
لبحر شايل سفن بس جتفه مايهدل!!!
وذا عتازوك انزل لا تحسب اطيح
يكبر بل لعيون لمطر من ينزل!!!
وخل مشيك عدل لو كلشي بيك ايصير
بلا جدم لبلم من يمشي مايكزل!!!
وبس عله طيور تكلي هيه تشيخ
دحطهه مكبره لفزاعه ماتجفل!!!
مو كلمن محدب ينحسب مذلول
لقوس محدب ومن ينتفض يكتل!!
()ومو كل خيط يهزل بل جفوف انشوف
لبريسم يجرحك لا تضن يهزل)؛
اريد اعرف اشسوه وحته هيج يخاف
من يكثر لغيم نجم شو يختل!!!
وليغرك لّون عل شجر عله صوت
تره كبال نخل شفت اطبر يرتل!!!
لكاع الي تخضر لا تضل تشيخ
الصفار يرد عليهه السمه من توشل!!!
()وشما ضكني تعب بيه لعطا يزيد
من تخنك لخيمه يزود بيهه ضل))
وعليه ومن غرت مارجفتلي اجدام
لمناجل من تهد مايرجف سنبل!!!
((ومتأثر علي لو تبقه تحجي سنين
فانوس بضوه شيفيد من تشعل!!!))
((وخذ دورال سعف راح انه اصيرن ريح
خاطرتنصطر لمن عليك اجبل))
ياسين كحيط الحلفي 💚🍃
👍2❤1
چنــــه زغــــار وأبشرك هسه هـــم زغار
ولأن نبقى على گاعـك مانصير كبــــار
چــــان اليكــــذب يگولوله ربــــك فــوك
يخليــــك بجهنــــم لاتعيــــد الصــــــار
هسه اليكــــذب يكــولولــــه ربــــك راح
يحطـــك بالعراق ونسوا طــــاري النار
شعب ماضاگ بس طعم الخراب البيك
اخــــذت اعمارنــه وماشفنه بيك إعمار
راتب ماشفــــت وتريــــد ارتــــب بيــك؟
يالتكبــــر عًلًــــيْ تــدري برگبتي زغار
أنه الچنت امس حاسبلك الف حساب
وانــــت الماچنت حاسبلـي الف دينار
يالخيــــرك لجــــارك بيتــــك شتنطي؟
انــــه تمنيته ماوصى على سابع جار
يالخليت بينــــه الحيـره تلعــــب دور
وموبــس حار شعبك حتى جوك حار
ماشفنــــه الصبح يالبيك ليل و ليـــل
ليلــــك والدخــــن يتسابقــــن خطـــار
يخنگنه الدخن والخوف چــــان عليك
ونگول يجوز وجهك هسه اسود صار
فكــــر بينه مٌـره حلوه لاااااا منـريــــد
تــــره شعبك نبي ومالگه بگاعك غــار
مچلب بالحضاره اشفت منــــك عــود
عــــدا اثار القصف ماشفت بيك اثــار
واهـو الثور المجنح لو نفخ بــي روح
چــــا عافــــك گبــــل ولغيـــر عالم طار
زياد المعماري 💚🍃
ولأن نبقى على گاعـك مانصير كبــــار
چــــان اليكــــذب يگولوله ربــــك فــوك
يخليــــك بجهنــــم لاتعيــــد الصــــــار
هسه اليكــــذب يكــولولــــه ربــــك راح
يحطـــك بالعراق ونسوا طــــاري النار
شعب ماضاگ بس طعم الخراب البيك
اخــــذت اعمارنــه وماشفنه بيك إعمار
راتب ماشفــــت وتريــــد ارتــــب بيــك؟
يالتكبــــر عًلًــــيْ تــدري برگبتي زغار
أنه الچنت امس حاسبلك الف حساب
وانــــت الماچنت حاسبلـي الف دينار
يالخيــــرك لجــــارك بيتــــك شتنطي؟
انــــه تمنيته ماوصى على سابع جار
يالخليت بينــــه الحيـره تلعــــب دور
وموبــس حار شعبك حتى جوك حار
ماشفنــــه الصبح يالبيك ليل و ليـــل
ليلــــك والدخــــن يتسابقــــن خطـــار
يخنگنه الدخن والخوف چــــان عليك
ونگول يجوز وجهك هسه اسود صار
فكــــر بينه مٌـره حلوه لاااااا منـريــــد
تــــره شعبك نبي ومالگه بگاعك غــار
مچلب بالحضاره اشفت منــــك عــود
عــــدا اثار القصف ماشفت بيك اثــار
واهـو الثور المجنح لو نفخ بــي روح
چــــا عافــــك گبــــل ولغيـــر عالم طار
زياد المعماري 💚🍃
👍4❤3
(قصيده المجهول )
وچم عزيز اندارلك فدوة اعلى طولك وانت طايح
ارضى لو گصيت نحري ولا تگلي الليله رايح
انه لچماتك عشتهن لچمه لچمه وحيل اعزهن
انه ضحكات الفلا مرن عليه انت منهن
انت (ياجرحي واحبك ) وانتميلك انت كلي
انت ذيچ الشيبه التبين لاجن موش اعلى راسي بينت شيبه اعلى ضلي
كافي اتعبلك واحبك تالي الاگيك بوجه مابي محنه
تذكر امن ازعل واردلك واعتذرلك وابقى اكلك انت منه
وانت تطلعلي بسوالف كلهه منه
الناس عرفوا بيه احبك وانت ماكو راح ارسمك
ومن يسالوني عليك الناس اكلهم جان يمي وانت حتى طيوفك مزعلات عيني مارضن يلفن واحلمك
(وانت تدري العين بيت لكل حلم ماشاف بيته )
وتدري حظي الماگعد يم اليحبه وجان گاعد على نيته
تراب رشيت الحلم بلكت يخضر وانه اشوفك
وزاعلت گلبي اعلمودك مرة فكر گال اعوفك
غير اعرفك انت ياهو بياحلم نايم واجيك
حتى ناس الماتعرفك گامت تسولف عليك
بيا مچان اعثر واحبك
بيا مچان يطيح گلبك
يمته اشوفك رايد اسمع جلمه من الناس عني
رايد اسمع هذا عاشگ تايه بعشگه ويغني
(وين اجيك الدرب گربته يمك وانت تبعد )
انت هم تغني لگطوف الجگاير تشرب الكاس اعلمودي
تسهر الليل وتحبه تصلي يم محبوبك وترگع وتسجد
انت بس احجيلي تعبد
فحطت خلگ السوالف كلهه مطروقه بكلامك
انت يمكن تختلف حتى بسلامك
انت تعثرلي من اطيحن تبقى تدعي اعلى الرصيف
(تدري بالجفن اليشوفك حتى بحلامه شريف )
من اشوفك راح اگلك
بطلت اكتب بديه
هاك گلبي وانت اقرا الليعجبك
علي حالوب 💚🍃
وچم عزيز اندارلك فدوة اعلى طولك وانت طايح
ارضى لو گصيت نحري ولا تگلي الليله رايح
انه لچماتك عشتهن لچمه لچمه وحيل اعزهن
انه ضحكات الفلا مرن عليه انت منهن
انت (ياجرحي واحبك ) وانتميلك انت كلي
انت ذيچ الشيبه التبين لاجن موش اعلى راسي بينت شيبه اعلى ضلي
كافي اتعبلك واحبك تالي الاگيك بوجه مابي محنه
تذكر امن ازعل واردلك واعتذرلك وابقى اكلك انت منه
وانت تطلعلي بسوالف كلهه منه
الناس عرفوا بيه احبك وانت ماكو راح ارسمك
ومن يسالوني عليك الناس اكلهم جان يمي وانت حتى طيوفك مزعلات عيني مارضن يلفن واحلمك
(وانت تدري العين بيت لكل حلم ماشاف بيته )
وتدري حظي الماگعد يم اليحبه وجان گاعد على نيته
تراب رشيت الحلم بلكت يخضر وانه اشوفك
وزاعلت گلبي اعلمودك مرة فكر گال اعوفك
غير اعرفك انت ياهو بياحلم نايم واجيك
حتى ناس الماتعرفك گامت تسولف عليك
بيا مچان اعثر واحبك
بيا مچان يطيح گلبك
يمته اشوفك رايد اسمع جلمه من الناس عني
رايد اسمع هذا عاشگ تايه بعشگه ويغني
(وين اجيك الدرب گربته يمك وانت تبعد )
انت هم تغني لگطوف الجگاير تشرب الكاس اعلمودي
تسهر الليل وتحبه تصلي يم محبوبك وترگع وتسجد
انت بس احجيلي تعبد
فحطت خلگ السوالف كلهه مطروقه بكلامك
انت يمكن تختلف حتى بسلامك
انت تعثرلي من اطيحن تبقى تدعي اعلى الرصيف
(تدري بالجفن اليشوفك حتى بحلامه شريف )
من اشوفك راح اگلك
بطلت اكتب بديه
هاك گلبي وانت اقرا الليعجبك
علي حالوب 💚🍃
👍3❤2😢1😭1
عباس الغالبي💙🍃 يا رفگتي
يا رفكَتي الليل ينشد والسوالف والضوه..
عنك ويامن مشيت و وين تشتم يا هوه..
هايه قسمة حظنه لا مو قسمة الله..
جنت تمدح بالقطار وحسبت مو منهه لله..
كَلي ليش تغربت يا كلبي رد..
يالشتلت بعيني شوفك وين ماخذ يا درب..
اسكَي بوشالة صلاتي وخضرت بعيوني رب..
يا مواعيدك جزني ولا شفت..
جلبت بيهن خضاري وجفي كَاع ولا بهت..
كَلي ليش تغربت يا كَلبي رد..
ما بيه حيل معاتبك يا شدهة البال..
ليلة عله نيتي وفاكَدك من الكمر شال..
جم دوب اكَولن عاذرك..
خلصت عمري مناطرك..
ما بيه بس الخاطرك رد عني الاثكَال..
يا شايل وجوه السفر كلهه بسواليفك..
عايشلك بكيف الغرب بس ميت بكيفك..
كونك ترد ولايتي جا صادفتني..
وآنه عله ريح ولايتك تايه واغني..
جم دوب اكولن عاذرك خلصت عمري مناطرك..
ما بيه بس الخاطرك رد عني الاثكَال..
كربتني بضوكَك وحلوة رضاك..
وتيهتني بممشه ما يلحك وراك..
وعيشتني بكل سلام وكلمن يحب الهله..
كلهه مو حلوه بعيوني وطيفك الميت حله..
دوهنتني .. الله يدوهنلي الخذاك..
موتني وياك شهكات العتب..
ومن قريتك شوغه شوغه تسامر بروحي النشد مدري شعجب..
ياللكَيت وياك كلشي .. يالتمشيت عله رمشي..
الدنيا تنزف من عثكهه ومامش رويحة رطب..
ها يخير وين غافي بيا شليل..
و وين صرت بيا بخت عنبر سبيل..
مانه كَد ما مشتهيك ..
عيني صحره وشوفي خيل ..
ياللكَيت وياك كلشي يالتمشيت عله رمشي ..
الدنيا تنزف من عثكَهه ومامش رويحة رطب..
يا رفكَتي الليل ينشد والسوالف والضوه..
عنك ويامن مشيت و وين تشتم يا هوه..
هايه قسمة حظنه لا مو قسمة الله..
جنت تمدح بالقطار وحسبت مو منهه لله..
كَلي ليش تغربت يا كلبي رد..
يالشتلت بعيني شوفك وين ماخذ يا درب..
اسكَي بوشالة صلاتي وخضرت بعيوني رب..
يا مواعيدك جزني ولا شفت..
جلبت بيهن خضاري وجفي كَاع ولا بهت..
كَلي ليش تغربت يا كَلبي رد..
ما بيه حيل معاتبك يا شدهة البال..
ليلة عله نيتي وفاكَدك من الكمر شال..
جم دوب اكَولن عاذرك..
خلصت عمري مناطرك..
ما بيه بس الخاطرك رد عني الاثكَال..
يا شايل وجوه السفر كلهه بسواليفك..
عايشلك بكيف الغرب بس ميت بكيفك..
كونك ترد ولايتي جا صادفتني..
وآنه عله ريح ولايتك تايه واغني..
جم دوب اكولن عاذرك خلصت عمري مناطرك..
ما بيه بس الخاطرك رد عني الاثكَال..
كربتني بضوكَك وحلوة رضاك..
وتيهتني بممشه ما يلحك وراك..
وعيشتني بكل سلام وكلمن يحب الهله..
كلهه مو حلوه بعيوني وطيفك الميت حله..
دوهنتني .. الله يدوهنلي الخذاك..
موتني وياك شهكات العتب..
ومن قريتك شوغه شوغه تسامر بروحي النشد مدري شعجب..
ياللكَيت وياك كلشي .. يالتمشيت عله رمشي..
الدنيا تنزف من عثكهه ومامش رويحة رطب..
ها يخير وين غافي بيا شليل..
و وين صرت بيا بخت عنبر سبيل..
مانه كَد ما مشتهيك ..
عيني صحره وشوفي خيل ..
ياللكَيت وياك كلشي يالتمشيت عله رمشي ..
الدنيا تنزف من عثكَهه ومامش رويحة رطب..
👍3❤2😢1
مره...مره.
يانهر يعتب عليه.
حته بجناج الكصب روجات اعبره...
وياجبل يصعب عليك.
حته اذب احبال روحي اكصايب اعله اجتاف صخره...
وياعظم تتصور التم!!
حته يم بابك عشر كسرات اكسره...
مره ..مره..
والمراره اتزيد للمايلكه ظل وينتجي اعله الشيب عمره...
وياجمرتي الماطفت حسبت يطفيهه دمعي.
ثاري دمعاتي اعله خد النار شذره...
..
آنه من شكيت زيجي احتركت ايدي.
ونته من شكيت زيجك شفنه كمره...
جان عمري نهر صافي.
ومايه غافي..
وخنجرك مثل البلم بالليل طره....
ويانهر والحسره حسره..
كون اشوفن سندبادك..
شايل اعله اجتافه جزره.....
بكلبي حسره.
كون اذب ثوب الحزن وانه بشبابي والحزن عالخد اسطره....
كون اشوفن مريمك مابيهه لوله..
ومن صدك نلكاها عذره..!!
هيه حسره ..وعشره مره.
والمراره اتزيد للمايلكه فيي وينتجي اعله الشيب عمره....
كاظم اسماعيل الگاطع 💙🍃
يانهر يعتب عليه.
حته بجناج الكصب روجات اعبره...
وياجبل يصعب عليك.
حته اذب احبال روحي اكصايب اعله اجتاف صخره...
وياعظم تتصور التم!!
حته يم بابك عشر كسرات اكسره...
مره ..مره..
والمراره اتزيد للمايلكه ظل وينتجي اعله الشيب عمره...
وياجمرتي الماطفت حسبت يطفيهه دمعي.
ثاري دمعاتي اعله خد النار شذره...
..
آنه من شكيت زيجي احتركت ايدي.
ونته من شكيت زيجك شفنه كمره...
جان عمري نهر صافي.
ومايه غافي..
وخنجرك مثل البلم بالليل طره....
ويانهر والحسره حسره..
كون اشوفن سندبادك..
شايل اعله اجتافه جزره.....
بكلبي حسره.
كون اذب ثوب الحزن وانه بشبابي والحزن عالخد اسطره....
كون اشوفن مريمك مابيهه لوله..
ومن صدك نلكاها عذره..!!
هيه حسره ..وعشره مره.
والمراره اتزيد للمايلكه فيي وينتجي اعله الشيب عمره....
كاظم اسماعيل الگاطع 💙🍃
👍2❤1😢1
ﺑﻠﻜﺖ ﺍﻟﻠﻪ ...
ﻭﻃﻴﻒ ﺍﺻﻴﺮ ﺑﻌﻴﻦ ﻋﺮﻳﺲ ﺍﺭﺩ ﺍﻣﻮﺗﻦ ﻣﻦ ﺻﺪﮒ ...
ﻧﻀﺮﻩ ﻣﺎﻟﻴﻪ ﻋﻠﻰ ﻭﭼﻬﻚ ﻟﻴﺶ ﺍﻋﺪ ﺍﻳﺎﻡ ﻣﻦ ﺷﻬﺮ ﺍﻟﻌﺸﮓ ..
ﻣﻐﺎﺯﻝ ﺍﻟﺤﻄﺎﺏ ﺫﺍﺑﺤﻨﻲ ﺩﺧﻴﻠﻚ
ﺧﻔﺖ ﻻﻳﻜﺮﻫﻨﻲ ﻃﻴﺮ ..
ﺑﻜﻠﺸﻲ ﺭﺍﺿﻲ ﻣﮕﺎﻭﺩ ﺻﻮﺭﻙ ﻳﻞ ﻣﮕﺎﻭﺩ ﺍﻟﻐﻴﺮ ..
ﻭﻻﺗﻠﻮﻡ ....
ﻭﺩﺍﻋﻚ ﺑﺎﺧﺮ ﻣﺤﻄﻪ ﻫﻮﺍﻱ ﺍﺧﺬ ﻣﻦ ﻋﻨﺪﻱ ﺣﻴﻞ ..
ﻣﻌﺎﺗﺐ ﺍﻟﻌﺸﺎﮒ ﻫﻴﻞ
ﺍﻓﺮﺡ ﺷﺒﻴﺪﻱ ﻭﻳﺮﺟﻌﻚ ﻳﺎﺑﺨﺖ
ﺷﻤﺲ ﺭﺑﻚ ﺣﺎﺭﻩ ﻭﺑﺎﻟﺸﻮﮒ ﻣﺎﻣﺮﻩ ﺩﻓﺖ
ﺷﻤﺎ ﺍﺷﻮﻓﻚ ﻋﻴﻦ ﻭﺭﺩﻩ ﺗﺒﺎﻭﻉ ﻟﻐﻴﻤﻪ ﺟﺰﺕ
ﻭﺻﻲ ﺑﻴﻪ ﺍﻟﺮﻳﺢ ﺗﺎﺧﺬﻧﻲ ﻋﻠﻰ ﻋﺮﻓﻚ
ﻧﺴﻤﻪ ﻭﭼﻔﻮﻑ ﻋﻠﻰ ﺣﻨﻪ ...
ﺍﻟﻀﻜﻮ ﺑﺪﻭﺭﺓ ﺳﻨﻪ ﻓﺮﺍﮔﻚ ﺣﺮﺍﻡ
ﻭﺑﻴﺪﻱ .... ﻣﻮ ﺑﻴﺪﻱ ﺍﻟﻀﺤﻚ ﻣﻮ ﻣﺎﻝ ﺍﻫﻠﻨﻪ
ﻧﻴﺖ ﺍﻟﺪﺧﺎﻥ ﻓﺰﻋﻪ ﺍﺗﺤﺸﻢ ﺍﻟﻨﺸﻤﻲ ﻋﻠﻰ ﻧﺎﺭ
ﻭﺑﻮﮔﺖ ﺍﻟﻨﺠﻤﺎﺕ ﺗﻄﻠﻊ ﻣﻦ ﻳﻤﺪ ﺭﻭﺣﻪ ﺍﻟﻨﻬﺎﺭ
ﻭﺻﺪﮒ ﻟﻴﺶ ﺍﻫﻮﺍﻱ ﺍﺷﻮﻓﻦ ﻭﭼﻬﻚ ﺑﻠﻌﺐ ﺍﻟﺼﻐﺎﺭ ..
ﻭﻻﺗﻠﻮﻡ ....
ﻣﻨﻴﻨﻠﻲ ﺍﻟﻮﺍﻫﺲ ﻭﺍﺟﻴﻚ ...؟
ﻣﻨﻴﻨﻠﻲ ﺍﻟﻮﺍﻫﺲ ﻣﺸﺖ ﺑﻴﻪ ﺍﻟﺴﻨﻴﻦ ﺑﻼﻳﻪ ﻋﺮﻓﻪ ...
ﻭﻳﻦ ﺍﺑﺎﻭﻉ ....
ﻓﺎﺗﺤﻪ ﺑﺮﻭﺣﻲ ﻭﺗﺪﻭﺭ ﺑﺮﺍﺳﻲ ﺯﻓﻪ
ﻭﻻﻫﻲ ﺗﺮﭼﻴﻪ ﻓﻘﻴﺮﻩ ﻭﺑﺎﻟﻌﻤﺮ ﺗﻨﺸﺎﻑ ﺻﺪﻓﻪ
ﻭﻻﻫﻲ ﺻﺤﻮﺓ ﻣﻮﺕ ﻭﺗﻔﻜﻨﻲ ﻭﺗﻔﺾ
ﻭﻻﻧﻪ ﻛﺎﻓﻲ ﺍﻟﻨﺎﺭ ﺷﺮﻱ ﻭﮔﺎﻳﻢ ﻣﺼﻠﻲ ﻓﺮﺽ
ﺷﻤﺎ ﺍﻃﺐ ﺣﺎﻳﻮﺯ ﺑﻴﻦ ﻫﻤﻮﻡ ﻟﻴﻠﻲ
ﺗﺮﺩﻧﻲ ﻓﺸﻠﻪ
ﻣﻦ ﺍﻟﮕﻪ ﺑﻴﻬﺎ ﺍﻟﺴﺎﻟﻔﻪ ﻃﻼﺑﻪ ﻋﺮﺽ
ﻭﺣﻴﻞ ﺣﻠﻮﻩ
ﻣﻦ ﺍﺗﺮﺱ ﺍﻟﺪﻧﻴﺎ ﻧﺸﺪ ﻣﺎﺍﻟﮕﻪ ﻳﻮﺳﻒ
ﺣﻴﻞ ﺣﻠﻮﻩ
ﻭﺣﻴﻞ ﺣﻠﻮﻩ ﻓﺮﺍﮔﻚ ﺍﻟﻤﺎﻳﺮﺿﻪ ﻳﺨﻠﺺ
ﺭﺍﺡ ﺍﻣﻮﺕ ﻭﻳﻤﺸﻲ ﺗﻮﻩ
ﺷﺠﺎﺑﻨﻲ ﺍﻟﺴﭽﺖ ﻭﻧﻴﻦ ﺍﻟﺘﺎﻳﻬﻴﻦ
ﻭﺟﺪﻣﻲ ﻳﻨﮕﻂ ﻭﺍﻫﻠﻴﻪ
ﺷﻮﺍﺯﻩ ﺳﺮﻱ ﻭﺃﻣﻨﺎﻟﻪ ﺍﺑﻴﺮ ﺯﻟﻤﻪ
ﻭﻃﻮﻟﻪ ﻳﺘﮕﻠﺐ ﺑﻨﻴﻪ
ﺷﻤﺎ ﺣﻈﻴﺖ ﺍﺑﮕﺎﻉ ﻛﻠﻬﻪ
ﺗﺼﻴﺮ ﻣﻼﭼﻪ ﻭﻓﻠﺢ
ﻭﻳﻤﺘﻪ ﻣﺎﺣﺼﻠﻲ ﻇﺤﻜﻪ
ﻳﻌﺎﻣﻞ ﺑﻨﺺ ﻇﻬﺮﻱ ﺧﻨﺠﺮ
ﺑﻴﺶ ﻳﻨﺒﺎﻉ ﺍﻟﺠﺮﺡ
ﺍﻟﺴﻜﺘﻪ ﻧﻌﻤﻪ
ﻭﻫﻴﺐ ﺍﻟﻌﻨﮕﻮﺩ ﺑﺎﻟﺴﻠﻪ ﺗﻄﻴﺢ
ﻭﺗﺪﺭﻱ ﺑﻴﻪ ﺍﺧﻼﻑ ﺯﻟﻔﻚ
ﻋﺪﻝ ﺑﺲ ﺩﻓﻨﻮﻧﻲ ﺣﮕﻬﻢ
ﺍﺍﺍﺍﺍﺍﺍﺍﺍﺥ ﻣﺎﺑﻴﻪ ﺍﺻﻴﺢ
حسين الحبتري 💙🍃
ﻭﻃﻴﻒ ﺍﺻﻴﺮ ﺑﻌﻴﻦ ﻋﺮﻳﺲ ﺍﺭﺩ ﺍﻣﻮﺗﻦ ﻣﻦ ﺻﺪﮒ ...
ﻧﻀﺮﻩ ﻣﺎﻟﻴﻪ ﻋﻠﻰ ﻭﭼﻬﻚ ﻟﻴﺶ ﺍﻋﺪ ﺍﻳﺎﻡ ﻣﻦ ﺷﻬﺮ ﺍﻟﻌﺸﮓ ..
ﻣﻐﺎﺯﻝ ﺍﻟﺤﻄﺎﺏ ﺫﺍﺑﺤﻨﻲ ﺩﺧﻴﻠﻚ
ﺧﻔﺖ ﻻﻳﻜﺮﻫﻨﻲ ﻃﻴﺮ ..
ﺑﻜﻠﺸﻲ ﺭﺍﺿﻲ ﻣﮕﺎﻭﺩ ﺻﻮﺭﻙ ﻳﻞ ﻣﮕﺎﻭﺩ ﺍﻟﻐﻴﺮ ..
ﻭﻻﺗﻠﻮﻡ ....
ﻭﺩﺍﻋﻚ ﺑﺎﺧﺮ ﻣﺤﻄﻪ ﻫﻮﺍﻱ ﺍﺧﺬ ﻣﻦ ﻋﻨﺪﻱ ﺣﻴﻞ ..
ﻣﻌﺎﺗﺐ ﺍﻟﻌﺸﺎﮒ ﻫﻴﻞ
ﺍﻓﺮﺡ ﺷﺒﻴﺪﻱ ﻭﻳﺮﺟﻌﻚ ﻳﺎﺑﺨﺖ
ﺷﻤﺲ ﺭﺑﻚ ﺣﺎﺭﻩ ﻭﺑﺎﻟﺸﻮﮒ ﻣﺎﻣﺮﻩ ﺩﻓﺖ
ﺷﻤﺎ ﺍﺷﻮﻓﻚ ﻋﻴﻦ ﻭﺭﺩﻩ ﺗﺒﺎﻭﻉ ﻟﻐﻴﻤﻪ ﺟﺰﺕ
ﻭﺻﻲ ﺑﻴﻪ ﺍﻟﺮﻳﺢ ﺗﺎﺧﺬﻧﻲ ﻋﻠﻰ ﻋﺮﻓﻚ
ﻧﺴﻤﻪ ﻭﭼﻔﻮﻑ ﻋﻠﻰ ﺣﻨﻪ ...
ﺍﻟﻀﻜﻮ ﺑﺪﻭﺭﺓ ﺳﻨﻪ ﻓﺮﺍﮔﻚ ﺣﺮﺍﻡ
ﻭﺑﻴﺪﻱ .... ﻣﻮ ﺑﻴﺪﻱ ﺍﻟﻀﺤﻚ ﻣﻮ ﻣﺎﻝ ﺍﻫﻠﻨﻪ
ﻧﻴﺖ ﺍﻟﺪﺧﺎﻥ ﻓﺰﻋﻪ ﺍﺗﺤﺸﻢ ﺍﻟﻨﺸﻤﻲ ﻋﻠﻰ ﻧﺎﺭ
ﻭﺑﻮﮔﺖ ﺍﻟﻨﺠﻤﺎﺕ ﺗﻄﻠﻊ ﻣﻦ ﻳﻤﺪ ﺭﻭﺣﻪ ﺍﻟﻨﻬﺎﺭ
ﻭﺻﺪﮒ ﻟﻴﺶ ﺍﻫﻮﺍﻱ ﺍﺷﻮﻓﻦ ﻭﭼﻬﻚ ﺑﻠﻌﺐ ﺍﻟﺼﻐﺎﺭ ..
ﻭﻻﺗﻠﻮﻡ ....
ﻣﻨﻴﻨﻠﻲ ﺍﻟﻮﺍﻫﺲ ﻭﺍﺟﻴﻚ ...؟
ﻣﻨﻴﻨﻠﻲ ﺍﻟﻮﺍﻫﺲ ﻣﺸﺖ ﺑﻴﻪ ﺍﻟﺴﻨﻴﻦ ﺑﻼﻳﻪ ﻋﺮﻓﻪ ...
ﻭﻳﻦ ﺍﺑﺎﻭﻉ ....
ﻓﺎﺗﺤﻪ ﺑﺮﻭﺣﻲ ﻭﺗﺪﻭﺭ ﺑﺮﺍﺳﻲ ﺯﻓﻪ
ﻭﻻﻫﻲ ﺗﺮﭼﻴﻪ ﻓﻘﻴﺮﻩ ﻭﺑﺎﻟﻌﻤﺮ ﺗﻨﺸﺎﻑ ﺻﺪﻓﻪ
ﻭﻻﻫﻲ ﺻﺤﻮﺓ ﻣﻮﺕ ﻭﺗﻔﻜﻨﻲ ﻭﺗﻔﺾ
ﻭﻻﻧﻪ ﻛﺎﻓﻲ ﺍﻟﻨﺎﺭ ﺷﺮﻱ ﻭﮔﺎﻳﻢ ﻣﺼﻠﻲ ﻓﺮﺽ
ﺷﻤﺎ ﺍﻃﺐ ﺣﺎﻳﻮﺯ ﺑﻴﻦ ﻫﻤﻮﻡ ﻟﻴﻠﻲ
ﺗﺮﺩﻧﻲ ﻓﺸﻠﻪ
ﻣﻦ ﺍﻟﮕﻪ ﺑﻴﻬﺎ ﺍﻟﺴﺎﻟﻔﻪ ﻃﻼﺑﻪ ﻋﺮﺽ
ﻭﺣﻴﻞ ﺣﻠﻮﻩ
ﻣﻦ ﺍﺗﺮﺱ ﺍﻟﺪﻧﻴﺎ ﻧﺸﺪ ﻣﺎﺍﻟﮕﻪ ﻳﻮﺳﻒ
ﺣﻴﻞ ﺣﻠﻮﻩ
ﻭﺣﻴﻞ ﺣﻠﻮﻩ ﻓﺮﺍﮔﻚ ﺍﻟﻤﺎﻳﺮﺿﻪ ﻳﺨﻠﺺ
ﺭﺍﺡ ﺍﻣﻮﺕ ﻭﻳﻤﺸﻲ ﺗﻮﻩ
ﺷﺠﺎﺑﻨﻲ ﺍﻟﺴﭽﺖ ﻭﻧﻴﻦ ﺍﻟﺘﺎﻳﻬﻴﻦ
ﻭﺟﺪﻣﻲ ﻳﻨﮕﻂ ﻭﺍﻫﻠﻴﻪ
ﺷﻮﺍﺯﻩ ﺳﺮﻱ ﻭﺃﻣﻨﺎﻟﻪ ﺍﺑﻴﺮ ﺯﻟﻤﻪ
ﻭﻃﻮﻟﻪ ﻳﺘﮕﻠﺐ ﺑﻨﻴﻪ
ﺷﻤﺎ ﺣﻈﻴﺖ ﺍﺑﮕﺎﻉ ﻛﻠﻬﻪ
ﺗﺼﻴﺮ ﻣﻼﭼﻪ ﻭﻓﻠﺢ
ﻭﻳﻤﺘﻪ ﻣﺎﺣﺼﻠﻲ ﻇﺤﻜﻪ
ﻳﻌﺎﻣﻞ ﺑﻨﺺ ﻇﻬﺮﻱ ﺧﻨﺠﺮ
ﺑﻴﺶ ﻳﻨﺒﺎﻉ ﺍﻟﺠﺮﺡ
ﺍﻟﺴﻜﺘﻪ ﻧﻌﻤﻪ
ﻭﻫﻴﺐ ﺍﻟﻌﻨﮕﻮﺩ ﺑﺎﻟﺴﻠﻪ ﺗﻄﻴﺢ
ﻭﺗﺪﺭﻱ ﺑﻴﻪ ﺍﺧﻼﻑ ﺯﻟﻔﻚ
ﻋﺪﻝ ﺑﺲ ﺩﻓﻨﻮﻧﻲ ﺣﮕﻬﻢ
ﺍﺍﺍﺍﺍﺍﺍﺍﺍﺥ ﻣﺎﺑﻴﻪ ﺍﺻﻴﺢ
حسين الحبتري 💙🍃
👍3❤1
عيوني تعبت صافنة بعتبت كفاك ..
مرلي حت لو ايد بيد مكاود المني خذاك
جيوب حيلي فارغه ما بيهه حيل
الظحكة جن خطوة عراق
بلايه مهدي نحو تحرير العراق ..
شلون بيهن
ذكرياتك ظاله براسي رماد
كَبال واحد سولته من يعصب ينافخ عليهم
الملامح ظاله بوجهي حصير ..
تسلتت ..واحلامي چرچفهه گصير ..
خذني واشمرني اعله تعلاگة افكارك
زغير وماكلني هجرك ..وين متخليني اصير ..
الشابع من الوحده يستجدي الحنان ..
غرفه وحده ابيتنه تجرحني ليش ؟
حته من ارد ابچي ماعدنه مكان !
ينهش بروحي المرض .. محتاجلك
ضلوعي تشهكَ عطرك .. وأشتاكَلك ..
بس تعال بداعت الحبيته غيري
وغيرتك .. محتاجلك
الخد درب شياب بي طبعات لجدام اليفوت
وانت وجهك ثكَل اول صمة تراب وتكَع من جف عزيز اعله اليموت
التحق بالا وعي من المح ضواك
والله زحمة بشاربي تمرجح هواك
روحي تتشكك ظهر حمال خبزة
بيهه وحشه .. الضوة يخرمشهه وراك
الشيب شيشة عطر بي ريحة هواك
محمد المسعودي 💙🍃
مرلي حت لو ايد بيد مكاود المني خذاك
جيوب حيلي فارغه ما بيهه حيل
الظحكة جن خطوة عراق
بلايه مهدي نحو تحرير العراق ..
شلون بيهن
ذكرياتك ظاله براسي رماد
كَبال واحد سولته من يعصب ينافخ عليهم
الملامح ظاله بوجهي حصير ..
تسلتت ..واحلامي چرچفهه گصير ..
خذني واشمرني اعله تعلاگة افكارك
زغير وماكلني هجرك ..وين متخليني اصير ..
الشابع من الوحده يستجدي الحنان ..
غرفه وحده ابيتنه تجرحني ليش ؟
حته من ارد ابچي ماعدنه مكان !
ينهش بروحي المرض .. محتاجلك
ضلوعي تشهكَ عطرك .. وأشتاكَلك ..
بس تعال بداعت الحبيته غيري
وغيرتك .. محتاجلك
الخد درب شياب بي طبعات لجدام اليفوت
وانت وجهك ثكَل اول صمة تراب وتكَع من جف عزيز اعله اليموت
التحق بالا وعي من المح ضواك
والله زحمة بشاربي تمرجح هواك
روحي تتشكك ظهر حمال خبزة
بيهه وحشه .. الضوة يخرمشهه وراك
الشيب شيشة عطر بي ريحة هواك
محمد المسعودي 💙🍃
👍5
مدفوع الثمن - ايهاب عيال الظالمي 💚🍂
مدفوع الثمن والسيف صاحب ذوق ..
وسوالف نيه ما گعدهه یم الباب
صم تراب للصم اذنه عن اذان ..
وچنه ایتیم صله لوحده المحراب
وي وجه الصبح لبسو وجه جناز ..
گصیبة متيهه ما عاجبهه راي حجاب
ترى الدخان شيبة ضيم بالفانوش ..
عكس الليل خلص عمره عايش شاب
حچي الگصبة سيف و واگف اعلى الماي ..
ولون انثلمت اعلى الطين توگف آب
بمگفه الماي ذب عطشان طاست شوف ..
او رد الماي بس چان العطش سلاب
ترى چویه الگمر عایش بگصة اللیل ..
وهوه اللیل لو ما الظلمة ما ینهاب
اشمن وردة من ایسولف الفلاح ..
ولون یسولف الفلاح اشم اتراب
اعلى وجه الگاع شامة ونابت العاگول ..
وچي صداگ خلص عمره ماله اصحاب
سبي الشمعة مو بحبال يكفي خيط ..
وكزبرت الجلد يكفيه صيت الناب
طبرو ماي وانترست جربهم طين ..
تنوش الگاع من ثگل الذنوب ارگاب
الفکر محبس واصابع تارسین الگاع ..
وتلگه بکل صبع گد الجفوف احزاب
مثل ما عالمتن شدوهه رتبة سوط ..
خلو رتبة البسمار دفعة باب
الیکشخ بالصبح بایگ صلاة الليل ..
اليعزب السيف شبگه بروحه تلگه اگراب
الشمس ملگوفه بیهه المغرب ایفك ريج ..
الحاقد عالضوه مقلد فتاوي اغراب
حساب السيف تلمه الروس وعلى الروس ..
بس فقار يفگس شوف وكت احساب
رفت محمكة و وگفت سراط الـ ( آآخ ) ..
وبس الدمعة تگعد وي حچي السرداب
اثر ظله اعلى وجه الخيمة زفة نار ..
ولو طفوهه تبقه الخيمة چف وانصاب
مدفوع الثمن والسيف صاحب ذوق ..
وسوالف نيه ما گعدهه یم الباب
صم تراب للصم اذنه عن اذان ..
وچنه ایتیم صله لوحده المحراب
وي وجه الصبح لبسو وجه جناز ..
گصیبة متيهه ما عاجبهه راي حجاب
ترى الدخان شيبة ضيم بالفانوش ..
عكس الليل خلص عمره عايش شاب
حچي الگصبة سيف و واگف اعلى الماي ..
ولون انثلمت اعلى الطين توگف آب
بمگفه الماي ذب عطشان طاست شوف ..
او رد الماي بس چان العطش سلاب
ترى چویه الگمر عایش بگصة اللیل ..
وهوه اللیل لو ما الظلمة ما ینهاب
اشمن وردة من ایسولف الفلاح ..
ولون یسولف الفلاح اشم اتراب
اعلى وجه الگاع شامة ونابت العاگول ..
وچي صداگ خلص عمره ماله اصحاب
سبي الشمعة مو بحبال يكفي خيط ..
وكزبرت الجلد يكفيه صيت الناب
طبرو ماي وانترست جربهم طين ..
تنوش الگاع من ثگل الذنوب ارگاب
الفکر محبس واصابع تارسین الگاع ..
وتلگه بکل صبع گد الجفوف احزاب
مثل ما عالمتن شدوهه رتبة سوط ..
خلو رتبة البسمار دفعة باب
الیکشخ بالصبح بایگ صلاة الليل ..
اليعزب السيف شبگه بروحه تلگه اگراب
الشمس ملگوفه بیهه المغرب ایفك ريج ..
الحاقد عالضوه مقلد فتاوي اغراب
حساب السيف تلمه الروس وعلى الروس ..
بس فقار يفگس شوف وكت احساب
رفت محمكة و وگفت سراط الـ ( آآخ ) ..
وبس الدمعة تگعد وي حچي السرداب
اثر ظله اعلى وجه الخيمة زفة نار ..
ولو طفوهه تبقه الخيمة چف وانصاب
👍2
روحي مطرة وگمر -محمد جلاب البديري
شفت ظلمه
مثل خْيالي تتبعني
من سنين
أحسهه بگلبي تجرحني
ورافگتني بحلم يقضاتي ومنامي
وانه حاير
حامل بگلبي محبة ناس بيهم لذّتي وعشگي
ولَنهه تريد تحرمني
أنه طير مسافر إيحومي إعله ديره
وشايل جناحي فرح
والشوگ يسمعني
ماأهاب الريح سوده وتغمس
بروحي ظلام
آنه مصباحي مثل گمرة بدر
خنجر بعين الغَدِر
وروحي مطره زخّتهه جداول
لو رُوَة عطشان
ولوسِگَة بستان تطربني
هذا عنوان الوفه وشوگ اليحب
يشعل الموگد دفو إبرد الشِتَه
ونسمه بيهه النده مشابگ
تخطف الگيض وسعيره
وتناديني
ومن تهب للناس
أحسنّهه
تواسي جروحي من ونهه
وتداويني
روح إبعد ياظلام الحيف
آنه وياك نتبارز
لوتكتلني .. بس ماموت
روحي ترفرف شمعه للغِيرَه
لوأغسلك من شرورك
والفرح يسكن
بعيني
شفت ظلمه
مثل خْيالي تتبعني
من سنين
أحسهه بگلبي تجرحني
ورافگتني بحلم يقضاتي ومنامي
وانه حاير
حامل بگلبي محبة ناس بيهم لذّتي وعشگي
ولَنهه تريد تحرمني
أنه طير مسافر إيحومي إعله ديره
وشايل جناحي فرح
والشوگ يسمعني
ماأهاب الريح سوده وتغمس
بروحي ظلام
آنه مصباحي مثل گمرة بدر
خنجر بعين الغَدِر
وروحي مطره زخّتهه جداول
لو رُوَة عطشان
ولوسِگَة بستان تطربني
هذا عنوان الوفه وشوگ اليحب
يشعل الموگد دفو إبرد الشِتَه
ونسمه بيهه النده مشابگ
تخطف الگيض وسعيره
وتناديني
ومن تهب للناس
أحسنّهه
تواسي جروحي من ونهه
وتداويني
روح إبعد ياظلام الحيف
آنه وياك نتبارز
لوتكتلني .. بس ماموت
روحي ترفرف شمعه للغِيرَه
لوأغسلك من شرورك
والفرح يسكن
بعيني
👍3
حاسبينك - زامل سعيد فتاح 💚🍂
حاسبينك .. مثل رمش عيونّه
بعشرتك لينه
معاهدينك .. وانته كل العمر
وأيامه وسنينه
وداعتك ذاك انته غالي
حبيب وسلوة حچينه
انته روحي ..
وروحي جم حب تدري بيهه
حبها للكاع المشيت انته عليهه
حبها للمزنه الروت خدك سكيهه
وحبها للناس التحاجيك بحجيهه
حلوين ..
بوجوهم فرحة الدنيه الضاحكه
حلوين ..
بعيونهم ملكَه أحبه مفاركَه
العين لو شافت وجوهم باسمه
تشع بسعاده
والكَلب برياضهم فراشه بالحب حالمه
وطافح وداده
عاشكَين احنه وهوينه
ومثل ما ردنه لكَينه
وحاسبينك ..
انته خليت السوالف .. طافحة بروحي قصايد
وانته علمت الشفايف .. بالغنه تصوغ الكَلايد
انته .. يا انته وغرامك
وشكبر روحي بسلامك
همه روجات الفرات .. العاشرت فَي الشواطي
همه دجلة ومن دلاله .. يسيب ويه الكمر غافي
حلوين ..
صابغتك من الغروب خدودهم
حلوين مثل عشرة رازقي ..
ويه الندى بعهودهم
وحاسبينك ..
من هويتك....
لمت روحي الما هوت بسنين صغري
وهيچ اثاري؟
الحب حلاته يشع سرور ببين صدري
ياغرامك
مثل طعمه روحي ما ضاكَت سعادة
الدنيا حد الشوفحلوه
والكَلب ينثر وداده
عيونكم تبرالي نجمه
تدور بيه شما تريد
طافت بروحي حنان
وكَرّبت مني البعيد
الدنيا حلوه
الناس حلوه
والوطن باسم سعيد
عاشكَين احنه وهوينه
ومثل ماردنه لكينه
وحاسبينك ...!
حاسبينك .. مثل رمش عيونّه
بعشرتك لينه
معاهدينك .. وانته كل العمر
وأيامه وسنينه
وداعتك ذاك انته غالي
حبيب وسلوة حچينه
انته روحي ..
وروحي جم حب تدري بيهه
حبها للكاع المشيت انته عليهه
حبها للمزنه الروت خدك سكيهه
وحبها للناس التحاجيك بحجيهه
حلوين ..
بوجوهم فرحة الدنيه الضاحكه
حلوين ..
بعيونهم ملكَه أحبه مفاركَه
العين لو شافت وجوهم باسمه
تشع بسعاده
والكَلب برياضهم فراشه بالحب حالمه
وطافح وداده
عاشكَين احنه وهوينه
ومثل ما ردنه لكَينه
وحاسبينك ..
انته خليت السوالف .. طافحة بروحي قصايد
وانته علمت الشفايف .. بالغنه تصوغ الكَلايد
انته .. يا انته وغرامك
وشكبر روحي بسلامك
همه روجات الفرات .. العاشرت فَي الشواطي
همه دجلة ومن دلاله .. يسيب ويه الكمر غافي
حلوين ..
صابغتك من الغروب خدودهم
حلوين مثل عشرة رازقي ..
ويه الندى بعهودهم
وحاسبينك ..
من هويتك....
لمت روحي الما هوت بسنين صغري
وهيچ اثاري؟
الحب حلاته يشع سرور ببين صدري
ياغرامك
مثل طعمه روحي ما ضاكَت سعادة
الدنيا حد الشوفحلوه
والكَلب ينثر وداده
عيونكم تبرالي نجمه
تدور بيه شما تريد
طافت بروحي حنان
وكَرّبت مني البعيد
الدنيا حلوه
الناس حلوه
والوطن باسم سعيد
عاشكَين احنه وهوينه
ومثل ماردنه لكينه
وحاسبينك ...!
👍3❤2