#قريبا رواية

#بعض_الحب_جنون

#وجدان_احمد_عبد_الباقي


كيف لك يا ريله نسيان المحبوب ؟!!

أيا ريله إني رجلا لو راني احدا أبكي عليك لاقسم انني لست رجلا؟!!

اقف رجلا شامخا حتى اذا ذكر اسمك امامي اعتصر القلب ونزف الجرح يا ريله

يا ريله والومي 💔💔💔💔💔

#رواية
#بعض_الحب_جنون

#نبذه

في اعظم مظاهر الرجوله والمواقف الجميله أنا من هنا بحي كل راجل سوداني سواء كان زول عصبي أو متفهم
متشدد أو عادي

تحيه لعاداتنا الجميله ولكلمه عيب ولكل راجل هو ولي امر اخواتو وامهاتو

بعد غربتنا في الحرب دي عرفنا انو نحنا عندنا قيم م عند اي شعب تاني ولو اسرت علينا الميديا

كيف يكون الحال لو م كنت بنت سوداني ؟
تحيه للوطن ولكل من ضحى لاجله...

#نبذه

شاب من اسره بسيطه في ريف الولايات سرحت بالبهايم وعلقتا للغنم وزرعتا الحواشات اي من نص الريف لا واصلت قرايه ولا ركبت عربيه ركبت الحمار والبوري تسمعو عر عر عر 😂
دا م بمنع اني م زول طموح لا لا طموح لكن طموحي السمبك 😂اي والله السمبك زي وزي اي شاب في الولايات م تعملو فيها م حصل فكرتو فيها بس همي كلو اجمع حبة قريشات توديني ليبيا عشان أركب السمبك واصل فرنسا ....

السمبك فكره والفكره لا تموت😂 ✌️✌️🤞

ترا اللوتري دا حنسنا الحظ لمن فترنا وابا لينا ...

نقع مع الدنيا دي خنق بالسمبك دا والقاسمه الله التبقى ...

#يتبع

اللهم نصرا لقواتنا المسلحه تشهد عليه السنتهم وترتجف له ابدانهم



#وجدان_احمد_عبد_الباقي

#بعض_الحب_جنون
#بارت_1
بقلم

#وجدان_احمد_عبد_الباقي

أنا شاب سوداني عمري 30 سنه من منطقة في ولاية الجزيرة يمكن ناس كتيره م سمعت بيها رعيت الغنم من 8 سنه اسرح مع أبوي وازرع معاو ولسوء الدراسه عندنا للاسف حتى لو انت عايز تقرا م بتلقى الدراسه الصح من الابتدائي فبتكسر الحنك بالزرااعه والسرحان لكن بتكون مواصل الدراسه تحت تهديد الوالده طبعا 😂....

أنا الحمد لله عندي 9 اخوات وانا الولد الوحيد 🙂🙂🙂🙂 في الأكبر مني وفي الاصغر مني منهم المتزوجات ومنهم البايرات 🙂 طبعا البايرات ديل هم الفئه المكرهني البلد زاتها 😂😂😂
اللهم احفظ اخواتنا جميعا ...

حاليا أنا م بروي ليكم روايه لا لا
أنا بوريكم قصتي

أنا من الشباب الربنا اداني حب الناس وانا زاتي والله م بكره ولا بعادي زول بس الدنيا عجلتها بتقلب بيك من تحت لفوق والعكس...

بعد حصلت سن ال20 الوالد بقا م قدر التعب فجلس في البيت الوالده الله يديها الصحه واالعافيه لامه الدهب بس للحوجه والمرض

مرقت وجيت الخرطوم طبعا بتقعد عاطل فتره ورمتالي مع قريبك لمن الله يفتحها عليك بشغل اها ي شباب ربنا رزقني بشغل في كافي في كافوري كاشير

كافوري يالبتخلي المشاعر تفوري😂💔💔❤️‍🔥....

علي الايمان سماحة بنات بس الواحد بعاين للاسمهم بنات وعرضي الخليتهم وراي لكن اشك انو ديل بنات وديل بنات 😂😂😂😂

كان عندي اخت تتشاكل معاها تداقق معاك لمن إنت تقول الروب ديل كان هبشتهن بالكلام ساي يبكن ...

يوم جات الجابت القلبت راسي والله م احلى وحده جات الكافي بس اكتر وحده أدتني سكينه في قلبي بنظره بس ..

جات داخله فيها حجاب وفيها وشيش زي قمرا يوم كمالو جات معاها صحباتها طلبن لقاويز 🙂 الوقت داك أنا جديد وزاتو اسامي اكل كدا لحدي م حفظتهم قربو يطردوني ...

شي فاهيتا وشي اومليت وبتاع كدا وهو بالعربي تلقا اسمو فراخ شورما كدا بس وبيضه نيه كدا بصفارها وغايتو 😂😂...

أنا الريله دي م زحيت منها عيني ياخ لمن تتكلم المكان بتكلم اي أنا م سامع بتقول في شنو لكن كدا المكان بتحرك والقلب دا اصابع اورقن بس ...

دي م ريله دي م ظبية دي م قمر دي من حته تانيه دي من عالم تاني دي م عارفها زاتها شنو الكمال لله ❤️..


بنات تلاته هن دفعن اكل بجيب مرتبي مرتين 🙂💔..

جاتني وحده قالت لي ممكن رقم الدليفري أنا بجواي (لا طبعا م ممكن اكيد م ممكن لمن انتو تدلفروها اشوفها وين تاني ) نطا واحد عارض من زمايلي قال ليها مكتوب عندك هنا في الورقه البطلعها الكمبيوتر دي 😭....

أنا والله أول مره أحس انو أنا ود ميكي ي الله مالي دبتا زي اسكريم الشعله الدقتو الشمس...

#يتبع ....

أنا ي ريله من عيونك
تايه أنا ي ريله في بحورك...

ي ريله من شعوري سرحت بي خصالك
خائف أنا ي ريله من جنونك....

ي ريله صعبه وصعب وصالك ❤️❤️


#وجدان_احمد_عبد_الباقي

#بعض_الحب_جنون
#بارت_1
بقلم

#وجدان_احمد_عبد_الباقي

أنا شاب سوداني عمري 30 سنه من منطقة في ولاية الجزيرة يمكن ناس كتيره م سمعت بيها رعيت الغنم من 8 سنه اسرح مع أبوي وازرع معاو ولسوء الدراسه عندنا للاسف حتى لو انت عايز تقرا م بتلقى الدراسه الصح من الابتدائي فبتكسر الحنك بالزرااعه والسرحان لكن بتكون مواصل الدراسه تحت تهديد الوالده طبعا 😂....

أنا الحمد لله عندي 9 اخوات وانا الولد الوحيد 🙂🙂🙂🙂 في الأكبر مني وفي الاصغر مني منهم المتزوجات ومنهم البايرات 🙂 طبعا البايرات ديل هم الفئه المكرهني البلد زاتها 😂😂😂
اللهم احفظ اخواتنا جميعا ...

حاليا أنا م بروي ليكم روايه لا لا
أنا بوريكم قصتي

أنا من الشباب الربنا اداني حب الناس وانا زاتي والله م بكره ولا بعادي زول بس الدنيا عجلتها بتقلب بيك من تحت لفوق والعكس...

بعد حصلت سن ال20 الوالد بقا م قدر التعب فجلس في البيت الوالده الله يديها الصحه واالعافيه لامه الدهب بس للحوجه والمرض

مرقت وجيت الخرطوم طبعا بتقعد عاطل فتره ورمتالي مع قريبك لمن الله يفتحها عليك بشغل اها ي شباب ربنا رزقني بشغل في كافي في كافوري كاشير

كافوري يالبتخلي المشاعر تفوري😂💔💔❤️‍🔥....

علي الايمان سماحة بنات بس الواحد بعاين للاسمهم بنات وعرضي الخليتهم وراي لكن اشك انو ديل بنات وديل بنات 😂😂😂😂

كان عندي اخت تتشاكل معاها تداقق معاك لمن إنت تقول الروب ديل كان هبشتهن بالكلام ساي يبكن ...

يوم جات الجابت القلبت راسي والله م احلى وحده جات الكافي بس اكتر وحده أدتني سكينه في قلبي بنظره بس ..

جات داخله فيها حجاب وفيها وشيش زي قمرا يوم كمالو جات معاها صحباتها طلبن لقاويز 🙂 الوقت داك أنا جديد وزاتو اسامي اكل كدا لحدي م حفظتهم قربو يطردوني ...

شي فاهيتا وشي اومليت وبتاع كدا وهو بالعربي تلقا اسمو فراخ شورما كدا بس وبيضه نيه كدا بصفارها وغايتو 😂😂...

أنا الريله دي م زحيت منها عيني ياخ لمن تتكلم المكان بتكلم اي أنا م سامع بتقول في شنو لكن كدا المكان بتحرك والقلب دا اصابع اورقن بس ...

دي م ريله دي م ظبية دي م قمر دي من حته تانيه دي من عالم تاني دي م عارفها زاتها شنو الكمال لله ❤️..


بنات تلاته هن دفعن اكل بجيب مرتبي مرتين 🙂💔..

جاتني وحده قالت لي ممكن رقم الدليفري أنا بجواي (لا طبعا م ممكن اكيد م ممكن لمن انتو تدلفروها اشوفها وين تاني ) نطا واحد عارض من زمايلي قال ليها مكتوب عندك هنا في الورقه البطلعها الكمبيوتر دي 😭....

أنا والله أول مره أحس انو أنا ود ميكي ي الله مالي دبتا زي اسكريم الشعله الدقتو الشمس...

#يتبع ....

أنا ي ريله من عيونك
تايه أنا ي ريله في بحورك...

ي ريله من شعوري سرحت بي خصالك
خائف أنا ي ريله من جنونك....

ي ريله صعبه وصعب وصالك ❤️❤️


#وجدان_احمد_عبد_الباقي

التفاعل ي شباب بخلينا نستمر