قررت اني لازم اساعد عمتي و اساعد رغبتي و ننهض ، رغم ان عمتي ماخدة المحل دا تسليه و مسك زمن عشان تتحرك و م تقعد في البيت لأنه دايماً بتقول لي قعدة البيت حقت الناس الكبار حارة شديد و هي ما دايرة تتعود عليها ، عشان كدا ما كانت حاسه بالتطور الحوليها و لا السنين المرت على المحل دا ..
انا رغبتي كانت في سفر القاهره بعد ما طلع لي نصيب من ورث قسمو بيني و بين اخواني و كان مبلغ محترم شديد لان ابوي ما كان محتاج ليهو فا وزعوا بينا ..
فا اتكلمت مع عمتي و اقنعتها ان حكون معاها شريكة بالمبلغ دا و نزبط امور المحل ، خططت للسفر و ما كنت مكلمة زول غير عمتو !

على سيرة عمتو زينب !
عمتو زينب دي حنينه و بحبها حب ما عادي ! كل عماتي و اهلي بحبهم بس عمتو زينب في قلب براهو ! و ربنا ما اداها غير مجاهد و رزة " رزان " ، اااي رزة بت عمتو زينب ..

اما انا : …..

#يتبع

#أستككانة " عدنا " 🫶🏼♥️

#فاطمة قسم الله - سحر سمير

قصي : وصال !
وصال : هاه حبيبي قول لي سامعاك ؟
قصي : نعسان ممكن ننوم ؟؟
وصال " بعدم استيعاب - لمست جبهتو " : في شنو حاسي بي شنو !!
قصي : حاسي اني عايز انوم !
وصال " ب استغراب " : اسي ؟؟
قصي " بي انفعال " : ايوا اسي يا وصال
وصال : طيب طيب حبيبي هدي ! مالك ؟؟؟ بسم الله قصي في شنو ؟
قصي : لسه بتسألي ؟؟ انتي عايزة شنو يا وصال ؟؟؟
وصال: قصي لا إله الا الله مالك ؟؟؟ اسي مش كنت كوييس و كنت بتدعي لينا ! مالك ؟ لو في حاجة واجعاك وريني لكن م تنفعل كدا و اكون م فاهمه الحاصل عليك شنو !

قصي : عايز اغير ملابسي و انوم !
وصال " بي احباط " : تمام ….
( قامت مشت فتحت الدولاب ، طلعت ليهو غيار - و مشت عاينت في درج العلاجات طلعت الروشته ، راجعت المواعيد حقت العلاجات و جات قالت ليهو )
في عندك حباية بعد ساعه و نص كدا حا اصحيك تمام ؟
اسي ديل ملابسك - اساعدك بشنو قبل اطلع ؟؟

قصي : بس انا ما قلت ليك جيبي لي حاجة ، انا براي بقدر اشيل حاجتي من الدولاب !
وصال : معليش .. انا استعجلته ! " مشت رجعت الملابس الدولاب - و شالت حاجاتها و قالت ليهو "

وصال : طالعه برا - اقفل ليك الباب ولا حاجة !!
قصي : قلت ليكي براي حقدر اتعامل !
وصال : تمام … " طلعت من الغرفه من غير تنطق حرف " !!

يتبع …

( في الحلقة الجاية )

اتخارجي براا بيتي انتي و صباعك دا - لميه عليك عشان م اكسرو ليك عِبرة و بالمرة حاجة م تنسيك لي كلوكلو - ما أصلو شكلي ماخدة عقلك تهاتي بي بالسنين ما نسيتيني !
دي الحالة ما عملت ليك شي ! و العجب لو عملت ليك ! هاهاها ..

#أستككانة 🤍🔥
#فاطمة_قسم_الله
#سحر_سمير

وصلت الباب البنطلع منو على الحوش و منو على باب الشارع ؟ لقيت في وشي سهاد و الهادي واقفين بتكلمو !!!
ما عارفه شنو خلاني اتلفت وراي مباشرتاً لقيت مروة في وشي ! واقفه مصدومة و خاته يدها على خشمها !!!!

مروة : ما شايف أنك كترتها و مسختها ؟؟

وصال " مسكتها من يدها لسه بقول ليها " : يا مروة ان#قاطعتني بي صوت عالي و حاد لأول مرة أسمعو !!
مروة : لا مروة و لا زفت انا في اللحظة دي ما مروة فاهمه !؟؟؟
لو انتي ما باقيه على بيتك و عايزة تخربيهو بالمرة الشوم دي اخربيه بعيد عن بيتي فاهمه و لالا ؟؟؟؟؟
" عاينت للهادي و قالت ليهو " : و انت .. حسابك معاي ما حتقدر عليهوو ! كلام دا واضح و ما ليهو ضُل !!!!؟؟؟ #دخلت
و قبل تقفل الباب قالت : خليك برااا اصلاً الكلاب مكانها الشارع !! و #رزعت الباب !!

#سلاف_بتقول

جيت تاني يوم الصباح - لبست و اتجهزت و كان يوم مهم بالنسبه لي ، كنت بشيل ملفات عندي في البيت و اثناء ما انا بجهز في حاجاتي كنت بتونس مع مرتضى راجلي و موصلة السماعة في اضني و بنحكي ، و كنا مبسوطين شديد و بديت احكي ليهو عن موضوع مصطفى و لقيت رأيه من رأي قبل ما يعرف انا رأي شنو …
المهم مواضيعنا كانت كتيرة و نخش في موضوع و نمرق من موضوع ، لخد ما لقيتو بيقول لي انه بيجهز لينا في أوراقنا انا و براءة و حنسافر ليهو في الفترة الجايه و انه عامل حساب شغلي ! انبسطت كتير لأنه كان لي سنوات م اتلاقينا و تفاصيل كتيرة شديد ..

قلت ليهو : يلا يا غالي انا طالعه بعد دا في الباب
__ خلي بالك من نفسك !!

بتقول : قلت اصل العربية و اشيل السماعات من اضاني لان يديني كان وحدة ماسكة بيها الابتوب و التانيه الملفات .. وصلت عربيتي و ختيت الحاجات دي فوق الكبود حق العربيه و بفك في السماعه و بدخل التلفون جوا الشنطة …

فجأة لقيت يد بتدقني من كتفي من ورا …
شهقت كا ردة فعل و إتلفت وراي …. قلت …

أنت ِ ؟؟؟؟؟؟
__ بتعرفيني يعني ؟؟؟؟

يتبع ….

#أستككانة🌙🏙️ …

#سحر_سمير
#فاطمة_قسم_الله