..............
بسمة :- صباح الخير انا بسمة متدربة من فرع الشركة ..
حنان:-اهلا بيك انا حنان مسؤولة القسم.. اتفضلي معاي باشمهندس ابراهيم ف انتظارك
بسمة :- باشمهندس ابراهيم ?? هو انا لازم اقابلو!
حنان :- هو طلب مني لمن تجي اوديك تقابليهو
بسمة :- طيب

حنان :- باشمهندس بسمة وصلت ..
ابراهيم :- خليها تخش فوراً
بسمة :- صباح الخير
ابراهيم :- صباح النور ..اتفضلي اتفضلي ..اولاً ي ستي م عايزك تقلقي وتقولي هو عايز مني شنو من اول يوم كدا ..اعتبريهو اجتماع مصغر
بسمة :- بس انا م لحقت استلمت شي لمن اجتمع مع شخص ..
ابراهيم (بابتسامة) :- انا طلبت منهم ف الفرع زيادة متدربين لهنا بس م انكر اني طلبتك شخصياً ..
بسمة :- اهو دا السؤال المحيرني ..ليه حضرتك طلبتني بالذات ..
ابراهيم :- م عارف بس تقدري تقولي حسيت انو فيك ثقة وامكانية انك تشتغلي ف المشروع الجاي عارف انك خريجة حديثة بس بالتدريب وكدا حتقدري ان شاء الله ..التفاصيل حتصلك قريب بس حالياً اخدي راحتك كمتدربة واعتبري نفسك ف شركتك عديل كدا وااي سؤال او استفسار تعالي لي انا مباشرة ..
بسمة (بعد ارتاحت وحست بطمأنينة) :- اول شي انا شاكرة جداً لثقة حضرتك وبتمني م اخزلها ابداً ...تاني شي انا عندي سؤال اتمني حضرتك تجاوب
ابراهيم :- اتفضلي طبعاً ااي سؤال اجاوبك ..
بسمة :- حضرتك المدرير هنا يعني انت مالك كل الشركة بكل فروعها ..
ابراهيم :- ايوة بس م براي ..معاي شركاء ثم زي ما انتي عارفة الشركة عندها فرعين بس غير الرئيسي دا ودا مقارنة بشركات تانية يعتبر حاجة بسيطة بس الحمد لله سمعتنا ف السوق كويسة والشغل ماشي ..بالنسبة للشركاء معاي اتنين كنا زملاء سوا ف الجامعة واتخرجنا وكل زول راح حتة لحدي لمن جمعتنا السنين تاني ..جربنا اشتغلنا حاجات كتيرة ف مجالنا لحدي لمن كونا الشركة حالياً هم خارج السودان بس شركائي عن بُعد وكل ارباحهم بتصلهم ..
بسمة :- ماشااء الله شديد .. بس انت ليه م مشيت برة زيهم ..انا اسفة واضح اني شطحت ف اسئلة شخصية
ابراهيم :- لا عادي ..اساساً انا مقابلتنا ماخدة انطباع شخصي لانو الشغل انتهي ف الكلمتين الاوائل ..المهم ي ستي انا م مشيت. برة لظروف اسرية م كنت اقدر اخلي امي واختي براهم ..وحاليا م بقدر زيادة لانو اختي تزوجت وعايشة مع زوجها وانا عايش مع امي وم بقدر اخليها طبعاً ثم مبسوط هنا الحمد لله ..
بسمة :- طيب ممكن اعرف هي الشركة ليها كم بالظبط
ابراهيم :- ليها 5 سنة تقريبا كان عمرنا 35 سنة وقتها
بسمة :- 5 سنة وكنتو 35 دا يعني حاليا..
ابراهيم :- 😂😂حالياً انا 40 سنة طق ..
بسمة :- 😂💛العمر كلو ي رب
ابراهيم :- اديك المفاجأة بقيت 40 سنة اول امبارح بالظبط ..لمن كنت ف زيارة للفرع ..
بسمة :- ماشاء الله ..كل سنة وحضرتك طيب ان شاء الله
ابراهيم :- وانتي طيبة ي رب ..العمر دا ارقام الشباب الحقيقي ف القلب
بسمة :- ولو انو حضرتك ماشاء الله شكلاً وقلباً وعمراً شباب
ابراهيم :- مجاملة راقية ..

(بسمة اتذكرت لمن قالت لناس ريم وندي انو المدير شكلو ف بداية الاربعينات بس م اتوقعت يكون اول يوم ليهو ف الاربعينات )
ابراهيم شكلو شباب فعلاً زي ماقالت بسمة ..شعرو اسود ناعم شيبو خفيف ومتوزع ومديهو هيبة و وقار ملامحو قمحية هادئة وجميلة ..انيق وزول ظريف يعني ونستو سمحة ..واهم شي ناجح ف شغلو وصاحب خلق ..كان مدير فعلي ناجح للشركة في غياب شركاءه)

بسمة:- طيب انا استأذن حضرتك وبشكرك علي الجلسة الجميلة العرفت منها كتير عن الشركة
ابراهيم :- موفقة ي رب ..وزي ماقلت ليك احتجتي شي تجيني فوراً ..المشروع حتعرفي تفاصيلو قريب ان شاء الله
بسمة :- ان شاء الله ..علي اذنك

بسمة حست ب راحة وطمأنينة ف الشركة ..لانو كلام المهندس ابراهيم كان حلو شديد شديد 💛💛حست انو هي مكانها هنااا ولازم م تخون ثقتو دي

#تُستكمل

#سُكر_مُر ♥🔐

-5-

عدت 3 اسابيع :-
محمد :- بسمة امي بين الحياة والموت ..
بسمة :- ياساتر ي رب لاحول ولا قوة الا بالله ..ربنا يرفع عنها المرض ان شا۽ الله ..لكن مش انت قبل يومين طمنتني انو كل شي تمام وحتجو قريب ..
محمد :- انتكاسة كعبة الحصلت ليها دي ..هدت نص المشوار العلاجي القطعناهو هنا ..ادعي ليها ..ادعي لي
بسمة :- دعواتي معاك دايماً 💛

الا۽:- بسمة خلاص هدي نفسك ي بت اتفقعتي من البكاء ..💔💔
بسمة :- فكرة انو محمد شايل الهم ليهو قريب شهرين م ارتاح يوم دي مؤلماني شديد ..يارب اشفي امو ي رب ..💔
الاء :- ان شاء الله ربنا حيشفيها قريب م تشيلي هم ..
.....................
بسمة :- صباح الخير
ابراهيم :- مالك! شكلك م كويسة ف شي حاصل مضايقكك ف الشركة ..

بسمة هزت رٲسها بمعني لٲ ..
ابراهيم :- طيب متي ماتحبي تحكي انا موجود ..
بسمة :- حاضر

ندي وريم :- مفاجاااااااة ي بسمة ..قررنا نجيك هنا الليلة 💛
بسمة :- ياربي جيتو ف وقتكم كالعادة ..
ريم :- وشوفي مين كمان جايي معانا ...
بسمة :- عبد الله ..سامي 💛💛يا الله دا شنو الجمال دا ... وين مريم طيب?
ريم :- ليها اسبوع مختفية ..
بسمة :- حقيقي جيتو وقتكم ..تعالو ننزل كافتريا الشركة ونقعد اصلا دا بريك ..

بسمة وهي ماشة معاهم لقت ابراهيم ف باب الكافترياا ..وجات عليهو
بسمة :- باشمهندس ابراهيم ..ممكن اخد من وقتك دقيقة بس واعرفك علي اصحابي جوني زيارة هنا
ابراهيم :- بكل سرور كمان 💛
بسمة:- ياجماعة اعرفكم ب باشمهندس ابراهيم المدير ..طبعاً ريم ومريم بعرفو ..
ابراهيم :- مرحب بيكم شباب ..منورين
سامي وعبد الله :- اهلاً بيك والله اتشرفنا بلقائك
ابراهيم :- عظيم الشرف والله ..ريم وندي ازيكم
ريم :- تمام شديد (و وشها قلوب 😂)
ندي :- الحمد لله تسلم كتير ياباشمهندس
ابراهيم :- يلا علي اذنكم ..اخدو راحتكم ..
بسمة :- اتفضل اتفضل
ريم :- يابختك ي بسمة
بسمة وندي :- 😂😂
عبد الله :- شنو?
ريم :- لالا ولا شي ولا شي ولاشي
بسمة وندي :- 🙊🙊

......................
صباح اليوم التاني :-
بسمة :- يلا ي امي متٲخرة شديد انا ..مع السلامة حبيبتي ..
امها :- الله معاك ي بتي

بسمة :- ياربي علي الزحمة ..الله يعديها علي خير .
..... :- مش قلتي ليك م حخليك
بسمة :- بسم الله الرحمن الرحيم ي بني آدمن انت بتطلع لي من وين ها ??
مصطفي :- بحس بيك ..اشان بحبك ..ما لي ذنب بالسنين الضاعت من عمري ..انا ما لي ذنب .. انتي لازم تتزوجيني ..
بسمة :- لو ٲخر زول ف الدنيا م حتزوجك ..
مصطفي :- مصيرك تبقي لي لكن

(مصطفي مدمن مخدرات ودا سبب اصرارو علي الشي ..عقليتو مصورة ليهو انو حياتو م حتصلح الا بوجود بسمة الحب القديم فيها ..بس اسلوبو كلو كعب وتصرفاتو معاها كعبة وهو لسه ف بحر الاوهام بتاعو وماقادر يصلح نفسو ويقوم بيها ويبطل مخدرات ويبطل قرف ..ساعتها امكن يبقي بني آدم بس حالياً صعب علي بسمة تقبلو)

بسمة :- (بتكلم نفسها):- يا الله الواحد بعد طلاع روح حتي يصل الشغل وكمان وهو 💔وكمان يلاقيهو الزول داك ..واي بس الله يحلني لانو الخوف متملكني ..بس لا م حخاف تاني ابداً وهو م حيقدر يعمل لي شي اصلاً ..
ابراهيم :- هيي بسم الله بتتكلمي مع منو وماشة براك كدا ..
بسمة :- 😂بري غلبي كتر علي لقيت نفسي بتكلم براي ..
ابراهيم :- يحليلك والله
بسمة :- يحليلي ساي ..استاذ ابراهيم مش نحن اتفقنا انو لو في مشكلة ولا حاجة حصلت معاي اكلمك ..
ابراهيم :- صحيح اتفقنا ..مشكلة صغيرة او كبيرة ..شخصية او ف الشغل كلو معاك فيهو ..
بسمة :- طيب ف مشكلة شخصية ممكن تساعدني فيها
ابراهيم :- مع خطيبك?
بسمة :- لا لا ..حاجة غيرها وللاسف محمد م حيقدر يحلها لي لانو حالياً م هنا وهي محتاجة شخص يحسمها معاي من هنا ..
ابراهيم :- عموماً ياستي انا موجود اياً كانت المشكلة ..خلصي دوامك اديني رنة نطلع نشوف المشكلة دي شنو ونفككها ليك زي الماحصل شي ..
بسمة :- 😃حقيقي انا م عارفة ارد اقول شنو ..بس حقيقي وجودك مطمن وغالي شديد ف حياة الزول ..ولو انك مديري يعني مفروش ارهاب وكدا 😂😂بس انت اديتني فكرة تانية سمحة شديد واديتني صديق حقيقي ودي حاجة عمري ما اتوقعتها..شكرا بجد
ابراهيم :- انا مبسوط جدا الصراحة بالصداقة دي ..يلا اسه حتحول وابقي ليك مدير شرير ..يلا علي الشغل 😂
بسمة :- طيب 🏃🏃🏃🏃

.........................
محمد :- بسمة حبيبتي انا كويس الحمد لله حبيت ارسل ليك الرسالة دي واطمنك ..وامي بتتحسن ..واصلي الدعوات ..وخليك معاي زي ماكنتي دايماً انا بخير والمهم انتي تكوني بخير ...💛
بسمة :- حبيبي محمد ..انا كويسة مدام انت كويس ..دعواتي معاكم دايما ..ان شا۽ الله امك حترجع احسن ..منتظراك تنور البلد وتنور حياتي تاني 💛

......................
عبد الله :- هيييي شباب شوفو منو منور الواتس دا
ريم :- هيييي مريومة اختفيتي وين مننا ي كلبة
ندي :- نووور شديد حبيبيي بس مااديتينا سبب مقنع لاختفا۽ك

سامي :- كانت حزينة ي شباب اشان شلبوها ..
ريم وندي وعبد الله :- 🙉🙉
مريم :- سساامميي
سامي :- اسف😹
مريم :- انشغلت بحبة مواضيع كدا بس
عبد الله :- برضو م ليك حق تنقطعي مننا كدا
مريم :- صح ..وانا اسفة شديد ..وين بسمة
ندي :- تكون م خاشة واتس بس لكن تلفونها فاتح ..
مريم :- طيب بتصل عليها ..
.........................
بسمة :- الووو مريم 😳
مريم :- ازيك ي بسمة ..
بسمة :- ي بت شوق شديد دا شنو الاختفاء دا
مريم :- شوية مواضيع كدا بحكي ليكم عنها فيما بعد ..خشيت واتس م لقيتك قلت اتصل عليك اسلم ومبروووك الشغل طبعاً ..
بسمة :- يبارك عمرك ي قلبي ..حجيبك يوم معاي
مريم :- ان شاء الله ..يلا مع السلامة نتمو واتس
بسمة :- ايوة لازم ..مع السلامة حبيبي 💛

ابراهيم :- م اكون اتٲخرت عليك وخليتك تستني كتير
بسمة :- لالا ابداً كنت بتكلم مع صحبتي ف التلفون بس ..نجي للموضوع
ابراهيم :- اها ..انا كلي اذآن صاغية ..
بسمة :- ف واحد من فترة بظهر لي طوالي ويتصل بارقام متنوعة ..وانا يوم قابلتو اشان احسمو ....الخ (حكت قصة مصطفي كلها)
ابراهيم :- لا حول ولا قوة الا بالله ..معقولة ف كدا ..دا اكيد زول مانصيح
بسمة :- انا لازم اتخلص منو ..خلاص كرهت حاجات كتيرة بسببو وخفت وم عارفة اعمل شنو ..
ابراهيم :- ماتخافي انا معاك ..م حيحصل شي وحنحسمو فوراً 💛

#تُستكمل

سُكر مُر 💛

أوكستيسين_ oxytocin
بقلمي: مياده أج
الجزء العشرون


مر اسبوع من المكالمه
ونبيل ما اتصل ولا رسل😬
هو زول عاطل وقاعد اجازه يعني مفروض ٢٤ساعه يكون اون لاين
ولا كمان خاف من صوتي وطفش
💦💦😶(مفروض من باب الرجوله يستحمل )..
طيب اكون احسن منو واتصل انا📞📞
الجرس الاول ..📞📞
التاني📞📞
الثالث📞
إن شاء الله ماترد😒
نبيل : الو
أنا: 😳😳 نبيل
نبيل : اي نبيل😒يعني متوقعه يرد ليك تامر حسني
أنا : لا بس عشان مارديت بي سرعه
نبيل : وكل الناس عامله زيك يعني وماسكه الموبايل ٢٤ساعه😒
انا : لا الاخو مشغول وكدا😒😒
معليش علي الازعاج يلا مع السلامه
نبيل : يلا اقطعي وشك👏🏻
أنا : انا اقطع وشي😳😳 والله خساره الرصيد فيك
غلطانه القلتا اسال منك
نبيل : 😏يعني مزعلك الرصيد القرش ولا قرشين ديل
انا : قرش ياكلك ان شاء الله ويريحنا منك
نبيل : تاكلي السم يا ام باروكه
قبل ما ارد فصل الخطط📞📞
واااااااااي ااااااه😬😬😬😬 دا شنو الإنسان المستفز دا
غلطانه انا الاتصلتا
اصلا اتصل لي انا عايش ولا ميت فارق معاي بي شنو
🤦🏻‍♀ أعصابي باظت ومزاجي اتعكر بي سببو
علي شنو عليك الله احسن
اصدع عشان زول مابستاهل
احسن حاجه اعمل قهوه
عملتا القهوه وقعدتا في طرف الكرسي وخلفتا رجل علي رجل وشلتا موبايلي ..
لقيت 4مكالمات من نبيل😳😳
😬بالله يعني الولد المفتري دا بحس وعندو مشاعر
اها والله ابقى بت كلب لو رديت عليك تاني يانبيل 😏
دخلت مكالمه تانيه منو
بديت اعاين يمين شمال ويدي بدت تاكلني وتقرص فيني😬😂ماقادره ما ارد
...😬😬😬
خلاص ياخ اتصل 5مرات كدا
ارد اتشاكل معاهو وأقفل😂
📞📞
انا : الو😒
نبيل : اسف
انا : نعم😳😳😳😳معاي منو
نبيل : 😒😒🤦🏻‍♂🤦🏻‍♂اووووف
أنا : خلاص الموضوع بسيط🤗ماتزهج فيني
نبيل : بسيط ولا اسبونج بوب😭😭
أنا : اقسم بالله انا بديت اخاف منك😂عندك الف مزاج في الثانيه اسي مش كنتا زهجان
نبيل : انتي لسه شفتي حاجه
انا : لا جد ماقادره افهمك يعني انتا بتنتقد نفسك مره طيب ومره شرير ومره اخلاقك ضيقه وآسي كيف كيف
نبيل : كيف
انا : الكيف أنتا والله😂 (براحةة كدا😂)
نبيل : بتقولي في شنو انتي يابت
انا : ولا شي بس مستغربه
جد كنتا زهجان كدا من شنو
نبيل : موضوع خاص انتي دخلك شنو😒
انا : انتا ياولد عندك نفسيات ولا حاجه
نبيل : عايني ماعايز اتشاكل معاك اسي
انا : لي مافاضي برضو 😏
نبيل : فاضي ولي درجه عايز الاقيك بكره
انا : جد😳😳عايز تلاقيني
نبيل : غايتو خفيفه خفه يابت اصبري بهظر😂 ما اي حاجه اقولا يعني جادي فيها
انا : اعمل شنو اذا اسلوب كلامك كان جادي😬
نبيل : ماحتفهميني الا بعد ما تعرفيني كويس
انا : يعني عايز نتلاقا ونتعرف😂🙈
نبيل : 🤨🤨🤦🏻‍♂اسي انا قلتا كدا
انا : كلامك بلمح لي كدا🙄
نبيل : طيب ياستي لو فهمتي كدا نتلاقا وين
انا : لو العزومه عليك افخم مكان لو علي تعال البيت 😂امي بتعمل قهوه عجبييييبةة
نبيل : ه هه ههه اجي بيتكم عشان تقولي لي ابوك عريس واتورط انا
احسن اعزمك طبعا😂
انا : طيب اشوف صحباتي عن اسامي اماكن غاليه كدا واوريك😂😁
نبيل : اصلا انتي شبهك مكان البوش الشفتك فيهو اول مره ف ما تشطحي
انا : كويس بوريك ناس البوش بعملو شنو
يلا 👏🏻
نبيل : طيب وريني اسي😂
عشان لو مكان زيك كدا ما اتعب نفسي واقشر
انا : أصلا انتا مابعجبك العجب😒
اختار انتا عشان بعدين ماتقول لي زوقك كعب وبتاع نشوف زوقك انتا ي الاخو😒
وبالله حاجه مابعيده ونهايه الدنيا عشان ما اتاخر
نبيل : بالله 😏
مع ماعندي خبره ذيك كدا في الصياعه والحوامه لكن رايك شنو في لازورد
انا : لا زورد عديل كدا😍😍😍😍😍اكييييد طبعا موافقه
ويا يوم بكره ما تسرع😍😍

📞📞📞
(بسام واقف جمب الباب وخاتي اضانو وبسمع في اسماء من كانت بتقول ارد ولا لا😂)
بسام : طالعه مع منو😠
انا : مابخصك 😒وانتا اصلا واقف جمب الباب بتسمعني كويس لحدي مااكلم ليك امي
بسام : وانا بقول ليها اسماء بتلاقي الاولاد
لكن والله ماتمشي 😠
انا : شوف الشافع دا كمان والله دا الفضل عاين امشي من هنا عشان ما اوريك النجوم عز الظهر😠😠
وبدينا نتشاكل ونبز وضرب بالشباشب😂
بسام طلع وهو ببكي وقال لي كويس شوفي انا بعمل ليك شنو يا أسماء
اتوقعتا انو حيكلم لي ابوي
وابوي بي كلمتين بتحنك
بس طلع الشر الجواهو اكبر من كدا 🙂
بسام : امي اسي اديني موبايلك😭ولا رجعي لي موبايلي
امي : عايز بيهو شنو يا ولد😳
بسام : بس عايز اكلم حسام بي حاجه😭
امي ادتو الموبايل....
📞📞📞دخل الاوضه وقفل الباب واتصل لي حسام......📞📞
بسام : يا حسااااااااام😭😭😭
حسام : راجل البيت كيفك😍
بسام : ماكويس ولا حاجه😭 ماشفتا اسماء من انتا مشيت بقت تعمل شنو
حسام : تعمل شنو😳
بسام : كل يوم بتتكلم مع الاولاد للصباح وتلاقيهم
حسام: أسماء بتعمل كدا😳
بسام : وقالت لي الولد انا بحبك وعايزه الاقيك بكره😭ولمن قلتا ليها بكلم ليك ابوي ضربتي بالشبب😭😭
حسام : كويس ا

نا بتصرف معاها 😠
بسام : لالا ماتقول ليها اي حاجه😭
كدا بتقول ليك بسام كذاب😭
أمشى ليها عديييل واقبضا مع الولد
قالت ليهو بلاقيك بكره في لازورد
#يتبع

#اوكستيسين_oxytocin
بقلمي : مياده أج
الجزء الواحد والعشرون

اليوم التاني😂😭
📞📞
بسام: حسام أسماء طلعت قبل شويه
حسام :طيب أنا بتصرف معاها😠😠
(بسام فصل الخط وهو مبسوط شديد أما حسام طلع والشرار طالع من عيونو😬😂طلع من البيت بدون مايقول لي ساره حاجه)
وبي هنا أسماء ماكانت عارفة الحاصل شنو😂😭😭😭😭
بتجهز في نفسها وتقشر
وماعارفة المنتظرا😂
.....قبل دقائق من مكالمه بسام
#فلاش باك
📞📞call
نبيل : الووو
ام باروكه انتي وين😎
(أسماء بتلبس في الجزمه)
يربكو فيك خنق أن شاء الله
قلتا ليك ميه مره ماتناديني بالاسم دا😒
نبيل : انتي وين ياخ منتظرك من قبيل
انا : كيف يعني انتا وصلتا😳😳
نبيل : من بدري إنتي وين😠
(واقفه قدام المرايا بتصلح في طرحتا وتعاين لي نفسها وتزيد في الروج😂وماحاسه)
انا : قربتا عليك بس ثواني
وبسرعه فتحت الباب وطلعت...
طلعت من البيت واتصدمت لمن شافت عربيه واقفه قداما😳😳
أنا : نبيل 😳😳
نبيل : غايتو الكذب جاري في عروقك
عارفك ماطلعتي ولا بتطلعي بي سرعه
انا : طيب جيت لي😂اسي لو كان كلامي جد وقربتا
نبيل : حتمشى بي شنو مثلا
اكيد بالمواصلات😏ي مفلسه ووقفه سنه حتي تلقى حاجةة ف كنتا واثق انو بلقاك في الشارع مافي البيت😗🐸
انا : هاهاااااااي منو المفلسه والبتمشى بالمواصلات دي شكلك مابتعرفني بس😏
نبيل : 😂 أفهم من كلامك العزومه عليك ياجلابيه
انا : عزومه شنو 😳😳بهظر انا قصدي حق المواصلات ماعندي😂😂
نبيل : خلاص اركبي وبطلي كلامك الكتير دا😂😂😂😂😂
(النقاش دا واسماء واقفه لسه😂 )
انا: بقيت انا الكلامي كتير 😏
( وركبت معاهو )
نبيل : رايك شنو نمشى مكان اقرب وأظبط😎
انا : جاي المسافه دي كلها عشان تقول لي كدا😒
قلتا لي لازورد يعني لازورد ماعشان العزومه عليك تغير كلامك
نبيل : لو عايز اعمل كدا كان احسن لي القهوه البتعملا امك اصلا كدا كدا وصلتا😂😂
بس عشان قلتي المكان بعيد
انا : 😒لي وراي شنو
نبيل :ياستي بي راحتك😂كلو ولا زعلك
(وختا يد علي ال دركسون واتحرك)
أسماء كانت عامله مكياج وقاشره😂لكن بالنسبه لي نبيل كانت عادية جدا
كان لابس جكت بترولي مفتوح وبي جوا فنيله بالابيض وجزمه بيضاء وبنطلون ازرق مايل للاسود والساعه نفس اللون ولابس فريم أسود
حاجه عاديه بس جمال ماطبيعي
ولا كانو طالع مع أسماء😂😂
كانت مفتكره نفسها قاشره وكل دقيقه تقيف قدام المرايا وتعاين لي نفسها بس بعد ماشافت نبيل غيرت رايا
كانت بتفكر وساكته وما اتبهت الا علي نبيل وهو بعاين ليها بالمرايا
خجلت ونزلت راسا وهو ضحك....
انا: خير بتعاين لي لي وبتضحك
ضحكني معاك
نبيل : بعاين للروج🤤
انا : نعم😳😳😳😳
نبيل : محتار والله
انا : من شنو😳
نبيل : لعن الله الرجال امثالك المتشبهين بالنساء🙄🌝
بتعمل روج لي ي مان شينه منك
انا : ياخي تفوووة عليك والله انتا واحد حزمه نزلني
نبيل : 🤨😒والله مامتعود اشوف غير الصابون والمعجون اعمل شنو😂
انا : غلطانه أنا كان اجيب معاي معجوني وفرشتي😒
وشالت منديل من قدام العربيه ومسحت الروح
أصلا نبيل كان عايزا تمسحو لانو عاملاهو كتييير شديد بس خزلو التعبير 😂
او يمكن ما حبا يقول ليها كدا وتتحسس منو💁🏼
😂❤دخلو وقعدو قريب من الباب بس علي الحيطه كدا
نبيل : طيب يا اسماء المنيو عايزاهو بي فلفل ولا لا😂😂😂
انا : متخلف انتا ولا شنو😒علي اساس اول مره في حياتي اطلع من البيت وماعارفه
انا عدد الناس الطلعتا معاهم بي اله مابتحسبو انا اخوك بعرفو
نبيل : منو
انا : قصدي من باب المبالغة يعني😅😅
نبيل : يعني العدد دا حاجه بنفتخري بيها 🐸
انا : بطل كلام تاكل شنو😒
نبيل : 😂نشوف زوقك
انا : بوش 🌝
نبيل : اي حاجه غيرو😬
قدامي المنيو و الجرسون واقف لي في راسي وانا ماعارفه اختار شنو😂
ونبيل بقول لي اساعدك تختاري😬
وانا ولا معبراهو اخترتا عشوائي في النهايه😂
جابو لي حاجه كلها زيتون ومخلل وقطعه صغيره لحمه
😂💁🏼بديت اقطع في اللحمه اشوف ليك برا حسام نازل من عربيتو
😂😂 ماعارفة رفعتا راسي كيف وشفتو وهو لسه ماقطع
(انا بقيت بحس بي حسام قبل مايدخل اي مكان😂استشعار عن بعد)
ماسكه السكينه ويلا اطعني الزيتونه المسكينه😂😂 وطيري بعيد
واضربي الجرسون في راسو😂😂
نبيل قلبو ميت
بقى بضحك وبقول لي مابياكلوهو بالسكين
(انسان مستفز ومستهتر غايتو المغتربين ديل ماعارفة حاسين بي شنو😬)
نبيل كان قاعد عكس الإتجاه ال انا فيهو ف ماكان شايف حسام
وبسرعه دخلتا تحت التربيزه بالرغم من انو مافي مساحه اصلا ولو دخل بشوفني (حياتي كلها من كرسي لي تربيزه😂😭)
نبيل : بتعملي في شنو انتي😳قاعده كدا
انا : بصلي ماشايف😒
نبيل : يابت قومي دا مابساط علاء الدين قاعده كدا😂😂😂بتطيري
انا : اسكت وخلينا في المصيبه ال نحنا فيها دي شوف الداخل منو
نبيل عاين وراهو شاف حسام واقف جمب الباب ولسه مادخل😂 وأسماء ورا الطاوله
نبيل خلى حاجاتو في الطاوله (المفتاح النظاره الموبايل )
وطلع لي حسام ?

?🏼‍♂🙆🏼‍♂
نبيل : حسام 😍 (وسلام بالاحضان😂)
حسام : وين مختفي كدا
نبيل : والله انتا المختفي
(أسماء علي اعصابا😂😂ولسه قاعده في مكانا والماشي والجاي بعاين ليها)
نبيل : وين ماشايف ساره معاك
حسام : والله جاي عشان موضوع تاني
نبيل : موضوع شنو🤨خير
حسام : والله بس حاجه كدا عندها علاقه بالبيت خلينا في المهم انتا جاي من وين وماشي علي وين
نبيل : والله جيت مع أسماء
حسام : أسماء منو😳😳😳
#يتبع

#اوكستيسين_oxytocin
بقلمي : مياده أج
الجزء الثاني والعشرون

نبيل : أسمااااء
أسماء أختك😅
حسام : أسماء اختي؟؟
لي خير في شنو🤨
نبيل : والله ياحسام كل الخييير
(نبيل كان علي عكس فيصل ..
طريقته كلامو
اسلوبو ...شخصيتو كل حاجه فيهو بتديك إحساس انو زول مغرور وشايف نفسو لكن هو عكس كدا
كل الحاجات الفيهو دي عباره عن ثقه ونفس الثقه دي هي الخلتو يقيف قدام حسام ويقول الكلام دا)
ونبيل بدي يحكي لي حسام من يوم عرفني ولحدي اللحظه القررنا نتلاقا فيها🙆🏼‍♂
وختم كلامو بي...
والله ياحسام أنا الكلام العايز اقولو ليك ماقلتو لي أسماء
بس حسيت بيها انها هي البتكملني وقبل ما أسافر عايز اطلب يدها علي سنه الله ورسلو
حسام : عارف يانبيل حتي لو ماقلتا لي كلامك دا أنا ماكان حقول ليك حاجه لانك أخوي قبل ماتكون صحبي
وبثق فيك اكتر من نفسي
(وختا يدو علي كتف نبيل)
وعارف ومطمن انو هي في يدين أمينه ...
وبدو يضحكو
حسام :اسي انا جاي من هناك وجاهز للمشكله وجايب معاي بسطونه كبييييرةةة ارجع كدا ساي لي ساره بدون يد زول ولا رجل ساره تقول علي شنو😂😂🙆🏼‍♂
نبيل : قلتا لي جاهز عايز تقتلني😂
حسام : هو مش كويس ماقلتا ليك تعال نمشي نضربو سوا😂😂وتطلع دا انتا
وجرت الونسه....
حسام : بالمناسبه وين أسماء
نبيل : والله ياحسااام ماعارف اجيبا ليك كيف
لكن اختك تحت الطاولة هناك
حسام : كيف يعني 😳😳
بتعمل في شنو؟؟؟
نبيل : والله من شافتك 😂لقيتا رقدت علي بساط علاء الدين وطارت ادخل وشوفا
حسام : ادخل وين😂😂
انا لو دخلتا اسماء بتجيها نوبه قلبه😂وتموت من الصدمةة قبل ما اقول ليها حاجه
ثم تانيا أنا عايز حاجز الخوف البينا دا يكون قاعد لحدي ما اموت مايتكسر
نبيل : (ضربه خفيفه علي كتف حسام بي كفو🤛🏻) .... ي أخو ياقاسي أنتا😂🤛🏻
حسام : شفتا أسماء دي لو ربنا طول من العمر عايزا بي اولاد أولادا تكون بتخاف مني😂
نبيل : نعم نعم ولي أن شاء الله
حسام : والله يانبيل هي زوله بريئه وعلي نياتا والناس الذي دي يتضيع في المجتمع دا
خلاص أنا راجع بعد كدا 😂ساره في البيت وبعدين جاين لي ناس أمي وبكره ماشين بيتكم ومشاوير غايتو
نبيل :خلاص يلا🤛🏻
انا ادخل اشوف الاخت دي ماتكون حصلت ليها حاجه😂
(وأسماء كانت ميته من الخووف😂 وبدت تفكر أسي لو حسام ضرب نبيل وحصلت ليهو حاجه وساره قالت عايزه تتطلع عشان ضرب اخوها😭
ولا حسام يتسجن بي سببي 😭انا مابتوب لي ماكفايه فيصل )
بتقول في الكلام دا دخل نبيل
.....
نبيل : قومي مارد علا الدين وصل😎
انا : نبيل انتا عايش 😳😳
وقامت بي سرعه وضربت التربيزه بي راسا😂بس ماحست بي حاجه عشان مخلوووعة
نبيل : شال الفريم ومسحو ولبسو وقال ليها انتي بتتكلمي عن نبيل😎
(وهي متاكده انو حسام اقوي من نبيل ومابضرب يعني شايفاهو سوبر حسام ومافي اقوي منو)
انا : 😳😳 قلتا لي حسام شنو
نبيل : قلتا ليهو انو شفتك قبل شويه قاعده مع ولدين هنا واول ما انا جيت انتي خجلتي وطلعتي
انا : قول لي انك بتهظر😭😭😭 (والدموع جرو😂💁🏼)
اسي وين الرجوله في كلامك دا عليك الله حسام حيقتلني
نبيل : بالمناسبه هو ماشي بيتكم بعد شويه لو لقاكي مافي دي مشكله تانيه
أنا : عاين انا ماعايزة اتكلم معاك اللحظه دي 💦💦اصلا غلطانه طلعتا معاك
نبيل : لي فيصل أنا😏
انا : كمان عارف بي قصه فيصل
( ضربت التربيزه )
كويس ي نبيل
شلتا شنطتي وطلعتا وهو لحقني
اسماء اسماء
انا : عاين ماعايزة ارجع معاك😠ماتلحقني
نبيل :جاي اقول ليك الحساب نسيتي
اذا اصلا ماعايزه تتكلمي معاي علي الاقل ادفعي
انا : ادفع😳
ماشايله معاي اسي
نبيل : طيب بوصلك بيتكم وجيبيهم لي وين المشكله
(ركبت مع نبيل ولحدي ماوصلت ماقالت ولا شي😂يعاين ليها وهي تحمر ليهو)
وماعارفه أنو دي خطه منو عشان يوصلا😂😂😂😂😂
اول مانزلت فحطط بي سرعه
واسماء كانت واقفه
وبتتزكر أول يوم لاقتو لمن عمل كدا برضو
فتح ليها الباب بسام وكان مبسوط انها بتبكي
بسام بينو وبين نفسو : اكيد حسام اداهم علقه عمرها ماشافتا😈😁تستاهل
وكان بعاين ليها يشوف اذا هي مضروبه ولا لا😂😂
دخلت البيت ولقت امها بتجهز في الغداء عشان حسام وسارة جاين ...
انا : امي زيدي الاكل دا
امي : لي ي بتي بسم الله
الجاي منو غيرهم دا يكفينا ويزيد
(وهي مع نفسها 🙂 الاكل دا مالي حسام وساره الاكل دا للناس الجايه تعزي فيني)
الله ينتقم منك يا نبيل اسي دي حركه راجل بعملا💦💦💦
(بعد كم ساعه سمعت صوت حسام مع برا😂)
جريت غرفتي وشلتا البطانيه واتغطيت ....
ساره : خالتو وين أسماء ماشايفاها
امي : نايمه من قبيل (الام الحقيقيه هي البتغتي علي عمايل بتها😂💁🏼)
بسام : ناااااايمه😳
يا أمي انتي برضو بتكذبي ذي أسماء😯
حسام : ولد😡
(عاين لي حسام وبدأ يضرب يدينو مع بعض وبقول البيت دا خلال انتهى 😂البيت دا خلاص انتهى😂😂 )
امي دخلت في ضفورااااا وماعرفت تقول شنو....
حسام كان متاكد انو أسماء ماحتطلع وهو قااعد😂
اما بسام طلع

الحوش يفكر يعمل شنو عشان يثبت انو أسماء صاحية😂
وفي النهايه قال :

حان الوقت لمهاجمه خصمك والفوز في اللعبه بدون قواعد😈 😁ها ها ها
#يتبع

#اوكستيسين_oxytocin
بقلمي : مياده أج
الجزء الثالث والعشرون

بسام دخل المطبخ ومافي زول عارفو عايز شنو
أمو اتوقعت أنو عايز حاجه ياكلا عشان ديل اتاخرو حتي وصلو
بس هو كان عندو نوايا تانيه😂
طلع من المطبخ ومشي لي أسماء
أسماء من شافتو غمضت عيونا
بسام : هووووووف. . . .😙
انا : وااااااااااااااي بي اعلي صوت
والله الليله ما اخليك ياكلب
أنا تعمل لي الشطه في عيوني 😠
(وعيون أسماء بقو بالاحمر )
وبسام من قامت جرا 🏃🏼
وأسماء جاريه وراهو
وأول ما وصلت الصاله حتي حست بي نفسها
ح ح حسام (الشطه الفي عيونا بقت ماحاسه بيها)
وعملت نفسها ذي الماشه في النوم وآسي راجعه😂😂
امي : كويس انك صحيتي
بسام : اصلا لقيتا صاحيه وشايله موبايلا
انا : كذاب انتا الصحيتني 😡وعملتا لي شطه في عيوني
حسام : جد الكلام دا ي بسام 😡
بسام : ماتكذبي اول حاجه هي فلفل ما شطه... يعني ماسم 😒
وهي عايشه لسه ماماتت
حسام : كويس انا لي تصرف تاني معاك
بسام : حتي انتا في صفها😳
دا بدل ماتقول لي شكرا لاني وريتك مكانا
😂انا بعد سمعتا الكلمه دي النار ولعت فيني 🔥🔥🔥
وبقيت ماسكاهو من شعرو وهو جاريني من شعري 😂😂
(فرجنا العروس فينا من أول يوم😂🔥)
حسام قام وضرب لينا راسنا بي بعض😂😂😂😂🔥 وحسم الفارغه
كل واحد قعد في اتجاه
امي : والله يا ساره ماعارفة اقول ليك شنو لكن ديل ما بكبرو نهائي بالذات أسماء...
ساره نظام الحاله وحده وعادي ولا يهمك انا ماغريبه ...
(😂 وهي عارفه هم بتشاكلو لي)
أسماء ماقدرت تحرد لانها فطور مافطرتو بعد ماشافت حسام😂😂
أما بسام كرامه مافي 😂😂🔥
بياكلو وبحمرو لي بعض ...
اتغدو وبدت الونسه
وتاني ابوي قال لي اجيب شاي المغرب ...
طلعنا السراير في الحوش والجو كان رهيب والشمس عايزه تغيب
والارهب من الجو حسام
حسام تاني
ماااعرفتووو
الونسه مع ساره والضحك والحركات والدلع😳
ياجماعه 🤨ياعالم😳🔥 دا منو
وين حسام أخوي
انا وبسام خلينا كل حاجه وبيقنا مركزين معاهم😂وكل واحد بعاين للتاني مستغرب...
لمن طالعين
حسام : تعالي عايز اتكلم معاك
اسماء : براحه ( اللهم منزل الكتاب، سريع الحساب، اهزم الأحزاب، اللهم اهزمهم وزلزلهم 😭اللهم أنت عضدي وأنت نصيري، بك أجول وبك أصول وبك أُقاتل🙌🏻😭😭😭)
حسام : بتكلم معاك انا
انا : براحه ( اللهم إني أشكو إليك ضعف قوتي😭😭 وهواني على الناس😭😭🔥أنت رب العالمين
وأنت رب المستضعفين😭 وأنت ربي، إلى من تكلني؟😭إن لم يكن بك غضب علي فلا أبالي أشهد أن لا اله الا الله واشهد أن محمد عبده ورسوله)
حسام : أسماااء😡😡 (بي صوت عالي)
انا : حسام والله العظيم ماكنتا مع ولدين والله نبيل كذاب
حسام : لي نبيل قال ليك شنو🤨
وبدت تحكي ليهو 😂وهي بتبكي😭😭😭😭😭😭😭😭😭😭😭😭
ابتسم ابتسامه خفيفه
وقال ليها دا أصلا طبع نبيل
وهي مافهمت هو قاصد شنو بي كدا
#يتبع

#اوكستيسين_oxytocin
بقلمي :مياده أج
الجزء الرابع العشرون


📞📞📞📞مكالمه من أسماء
نبيل : مساء الخير🤤
انا : من وين يجي الخير 😒
نبيل : من انك مشتاقه لي وبتتصلي لي ذي الوقت دا🤤😎
ماقادره تنتظري للصباح يعني 😗
انا : انا ؟؟؟
و مشتاقه ليك
نبيل : وانا كمان🤤🔥
انا : انتا ضربتا راسك بي حاجه ولا شنو
دا شنو الكلام الاهبل البتقول فيهو دا
نبيل: انتي الضربتي راسك ما أنا😂
(أسماء مسكت راسا ويدوب اتزكرت الضربه😅😅وحست بيها)
انا : 😒بتضحك كمان
كل الحصل بي سببك انتا😒
نبيل : انا القلتا الا نمشي لازورد😏
انا : بس عايزه افهم انتا حسام دا عملتو ليهو شنو 🤨
اتغير في كل شي كانو واحد تاني
طريقه كلامو مع ساره
ممكن اقول مرتو 😂
لاكن كونو يقتنع بي كلامك انتا وماتموت علي يدو دي نهااااااائي ماواقعه لي
نبيل : كتبناهو😎
انا :والله كنتا حاسه😒
نبيل : يعني غيرانا من اختي😂ولا أفهم شنو
راجل ومرتو انتي يابايرة زعلانه لي 😂
انا : عليك الله ماتقول لي الكللمه دي والله بتعمل لي نفسيات🤢
نبيل : لو بتغيظك اكتر من ام باروكه 😂اسي بنغير الاسم
انا : اصلا متوقعه منك شنو غير كدا😒
نبيل : طيب رايك شنو اسجلك بي حاجه حلوه😁
انا : 😒طحنيه ولا مربي ها ها ها
نبيل : لا لا ياخ احلي😂
انا : اها اصدمني 💁🏼 مامتوقعه منك حاجه حلوه
نبيل : أوكستيسين
انا : لحظه لحظه😂دا شنو العولاق دا
نبيل : واحد من هرمونات السعاده😗
انا : ولي اخترتو هو طيب😏
نبيل : لانو عندنا نحنا العشاق
أوكستيسين هرمون الحب 😴
انا : يعني الاخو عاشق وكدا 🐸
نبيل : أنا قلتا كدا😂
انا : طيب غيرو علي الاقل احسن من الاسم القديم 😂😂
لحظه يانبيل أشوف الشافع دا نهايتو شنو 😡😡😡
نبيل : بسام ولا منو
انا : الولد دا حيجنني والله 😡 بلعب بي مفتاح نور غرفتي من علبه الكهرباء برا
(قفلت الخط ومشت لي بسام)
انا : بسااام😡😡كمان عامل فيها نايم
طاااخ طاااخ طاااخ
بسام قام مخلوع ومافاهم حاجه وبدو يتشاكلو ويضربو بعض😂🔥
(جات امي مع الاصوات تشوف الحاصل شنو)
امي : يابت مالك عليهو😡
بسام : استغفر الله العظيم يارب الواحد في البيت دا مااينوم ولا شنو 💦🤦🏻‍♂
انا : عايني ياامي ولا يعمل ليك فيها نايم انتي عارفه حركاتو دي
بسام : اسي انا عملتا شنو ممكن تفهميني
انا : كمان عامل ماعارف ؟؟
والكان بلعب بي نور غرفتي يطفي ويشغل فيهو منو
بسام : وأنا حعرف من وين😡
امي: يابت انا بسام دا كنتا معاهو قبل شويه وهو من قبيل نايم
بكون خسر بس بكره ابوك بغيرو ليك
انا : والله ماخسران ولا حاجه دا ولدك دا ماتدافعي عنو 😡
لكن كويس أسي بمشيها ليك وخليها تتكرر وشوف حعمل ليك شنو
(أسماء رجعت غرفتا زهجانه شديد لانو بسام طلع البرئي في نظر امها)
شالت موبايلا وعاينت لي الساعه
لقت الوقت متتاخر ختتو في الشاحن ورقدت نامت......
#الساعه_3_صباحا
أسماء : بسم الله الرحمن الرحيم😳😰
صحت مخلومه بي كابوس بخوف
شافت نبيل عيونو منحرفه (ذي حقت اليابانين ) وطويييلةةةة و كلها بالاسود
واضانو نفس العند الحصان طويله ومدببه
و يدو طوويله واظافرو طويله شديد😰
وعندو قرون بس ماطويلة
وكان شايل سكين وبطعن في ناس بيتهم
وهي صحت مخلوووعه وكلها عرق كانها طالعه من الحمام
مسكت المخده عليها
وبدت تقرا في أيه الكرسي
وماقدرت تنوم لحدي الصباح...
كانت تعبانه شديد ونفسياتا ماكويسه وقررت انها تمشي لي صبا وتحكي ليها
هي الوحيده البتقدر تفضفض ليها
.....
صبا : طيب النور ممكن نقول بسام الحلم برضو بسام
انا : والله ماعارفة يا صبا من الخوف مانمتا تاني ولسه خايفه شديد
انتي ماشفتي المنظر ال انا شفتو
انا عارفه انو حلم بس كان المنظر ذي الفي الواقع
ما اوصف ليك ماعارفه حتقدري تفهميني ولا لا😭
صبا : يابت بتبكي لي اسي
حاسه بيك والله يا أسماء
طيب عايني جاتني فكره
نمشي لي شيخ
انا : نمشي لي شيخ عشان حلم 😒
صبا : ماحكايه حلم بس بصراحه كدا حاسه انو معمول ليك سحر ولا عمل ماعارفه
أسماء : يابت دا منو الماعندو موضوع يعمل لي دا😂 هو انا عندي شنو يعملو ليهو
صبا : ماعارفه ياخ ...
يمكن فيصل ولا هدي السمينه شافوك مع نبيل وغارو
انا : ياخي مستحيل هم زاتو مافاضين لي هدي عرسها بعد بكره وفيصل عرسو الاسبوع الجاي
صبا : والله الناس دي حاقده عليك يابت
هدي من زمن حركاتنا البنعملا ليها في الاساس 🐸وفيصل عضيتي ابوهو
اها دا سبب مقنع ولا لا
انا : والله يا صبا اقنعتيني
الواحد يجي يشكي ليك تطلعيهو عاملين ليهو عمل
اها امشي البسي عبايتك دي نشوف الشيخه دي حكايتا شنو كمان😂😂
#يتبع

#اوكستيسين_oxytocin
بقلمي : مياده أج
الجزء الخامس والعشرون


طلعنا أنا و صبا وفي الشارع
وشفتا هدي السمينه طالعه من البيت 🙂 و مغطيه طرف وشها بي طررحة سوداء
ومعاها وحده تانيه شكلهم ماشين الكوافير من الصباح كدا🙂 .....
صبا :( براحه)هدي دي بقت سمحه وضعيفه كدا بي شنو
أنا : يابت وينا سماحتا دي عايني ليها مغطية وشها كيف اسي تلقيها ضربت
صبا : اي والله شمس زاتو مافي اسي😂
انا : وضعيفه شنو دي لو نقصت ١٠٠كيلو برضو سمينه
هدي جات للمغارز😂وما زحت ليهم الطرحه من وشها 😂😂
هدي : ( عامله فيها ظريفه 😒 وبتهظر لكن مع منو💁🏼 )
بايراات الحله 😏
انا : الله يكفينا شر المصدي والزمن صنفرو 😒😏
خلاص فسختي وجلختي وعرسك قرب جايه تتخلعي فينا
هدي : انا طلعتا منكم 😂 فضلتو انتو براكم في الحله دي الله يخليكم كدا لي بعض 😏
صبا : راجلك الفرحانه بيهو دا لو عايزين اسي بنشلبو منك👏🏻و نوريك بايرات الحله بعملو شنو
انا : خليها الخايبه العايبه الفسخت واتوسخت😒🔥زحي طرحتك دي وتاني تعالي اتكلمي
ماتخليني اردح ليك واوريك شي مايعجبك👏🏻 ولا انزل لي مستواها و اقطعك في الشارع 😒🔥واخلي عرسك الفرحانه بيهو دا ياجلو ليك
البت المعاها : ردح شنو😳😳
دا شنو يابنات استغفرو الله انتو ناس كبار ربنا بسالكم ماصح البتقولو دا
هدي : انتو زعلتو ولا شنو والله بهظر معاكم 😏
انا : اصلا نحنا مافاضين ليك ورانا مشوار يلا من هنا👏🏻
هدي : مشوار شنو كمان من الصباح كدا🤨
صبا : إنتي بس ادعي مايكون عندك علاقه بالموضوع عشان ماتموتي قبل عرسك
انا : خليها حسابنا معاها بعدين😑
.......ومشينا..... 🚶🏻‍♀...🚶🏼‍♀
انا : عليك الله شوف قليله الادب دي كمان بتسال فينا ماشين وين
صبا : دا الفضل كمان نشيل الازن منها قبل نطلع
انا : والله كما مستعجلين وماكلمنا ناس البيت كان فرجتا فيها ناس الشارع
صبا : خلينا منها ماتحرقي دمك بي وحده ذي دي من الصباح🤦🏻‍♀
....وصلنا بيت الشيخه ودخلنا🚶🏻‍♀🚶🏼‍♀
(الشيخه قاعده في السرير وبتسبح)
السلام عليكم شيخه فاطمه
وعليكم السلام اتفضلو
صبا :والله ياشيخة فاطمه جبتا ليك صحبتي دي
الشيخه : خير إن شاء الله
صبا : والله عاملين ليها عمل تقريبا كدا وعارفين العملو منو بس انتي اكدي لينا ونحنا برانا بنتصرف👋
وبدت تسال أسماء من أسمها
وقالت ليها احكي لي الحاصل معاك
وبدت تحكي ....
كان المكان هادي شديد وهي بتعااين لي أسماء
شيخه : طيب يا اسماء انتي بتغني في الحمام ... بتبكي بليل
انا : كتير والله 🤔 البكا دا يخلو لي 😂😂✋🏻كنتا كل يوم بنوم بي دقا يعني ثابت عندي..... أما الاغاني دي الواحد مابعرف يستحمي بدونا😂
شيخه : بتشيلي المرايا كم مره في اليوم
انا : انتي بتسبحي كم مره في اليوم
شيخه : كتير شديد لي السؤال دا 🤨
انا : بس انا المرايا دي عندي ذي الاستغفار عندك مابقدر احدد ليك عدد معين
شيخه : بتكوني قاعده في مكان معزول ومظلم كتير براك ولا بتحسي بي اكتئاب وضيق في الصدر وجسمك مكسر
انا : غرفتي براي ودايما بكون قاعده فيها ومابعرف انوم والضوء شغال 🤔🤔
وطبيعي مضايقه الحمد لله🚶🏻‍♀💁🏼
(وصبا بتعاين ليهم ومركزه)
شيخه : طيب بصراحه كدا انتي محافظه علي صلواتك وبتتحصني
انا : والله يعني مقطعه كدا والتحصين نادر شديد 🤔
صبا : ياشيخة فاطمه علاقه الاسئله دي بالعمل شنو🤨🤨
شيخه : والله ما اكزب عليك انتي ماعاملين ليك عمل انتي عندك جن عاشق
انا : هههه هههههه هههههه😂😂😂😂🤣🤣🤣🤣🤣🤣🤣🤣أعفي لي والله ماقاصده اضحك عليك لكن كلامك مامنططقي نهااائي اها وريني كيف عليك الله
عندي جن عاشق عشان بتعاين كتير في المرايا🤣🤣🤣 هو وينو الجمال دا
انا لمن اشوف نفسي في المرايا بتف عليها سبعه مرات
شيخه : انا لاحظتا حاجه في يدك وانتي داخله ارفعيها (أسماء رفعت يدها)
شايفه العلامه الذي الصليب دي منو هو لانو مسيحي
انا : 🤣🤣🤣انا فهمتك تكوني قاصده بسام اخوي اصلا هو كبير الجن
والعلامه دي بتكون من شكله امبارح يعني لا صليب ولا غيرو
وانا مسلمه كيف تقولي جن عاشق ومسيحي😒
شيخه : طيب انا بوريك جيبي المصلاية الفي الطاوله دي
ختيها علي رجلينك وغمضي عيونك
وختت يدها علي راس أسماء✋🏻
وبدت تقرا وتاني قالت لو كان في سحر عمل حترفعب يديك اليمين (قالتا كم مره)
وبدت تقرا من سوره البقرا وتاني الرقيه
تاني قامت وجابت مسك اسود وقالت لي
اتحصني كتير واقري سورة البقره و امسحي من المسك دا كل يوم بطردو بعيد منك
دفعنا ليها
وطلعنا ..
صبا : وااي ي أسماء🥺 اي لو كلاما دا جد
انا : يابت انتي عبيطه دي عايزه قروش بس هو انا خلاص من سماحتي المكسرة الإنس ومشت للجن😂😂
صبا : والله انا خايفه عايني انتي اتحصني واقري سوره البقرة واعملي المسك دا
انا : يابت انتي غبيه كدا لي
عشان حلم تقول لي جن عاشق وماعارفه
ثم تانيا أنا من طلعتا من الجامعه تاني مافتحتا لي كتاب ولا قريت غير رسائل الواتس
صبا : أسماء عليك ا

لله اعقلي التحصين دا مهم حتي لو ماعشان كلام الشيخه
انتي اتحصني
#يتبع

#اوكستيسين_oxytocin
بقلمي: مياده أج
الجزء السادس والعشرون


قريب من البيت...
( في الشارع )
شفع الحله : بايرات الحله جو
بايراااااات الحله جووو
صبا : خليهم ماتشتغلي بيهم
(شالو الحجار من الارض بدو يفلعو فينا )
شفع الحله : ارجمو البايرات
ارجمو البايرات
🏃🏼‍♀🏃🏼‍♀وجارين ورانا بالحجار
وبسام في نص الشفع وبفلع معاهم😂🔥
دخلنا بيتنا وقفلنا الباب
والحجار لسه بتجي من فوق
انا : خليني اطلع عليهم😡واربيهم الماعندهم أهل متين جو من المدرسه عشان يقلو ادبهم
صبا : طالعه وين انتي ديل بقتلوك ومابتحاسبو ثم تانيا بسام في نصهم
أنا : بسام كمان 😡😡اصلا هو المصايب غير بسام بتجيني من وين
اسي بكون هو ال لماهم لكن بوريهو
ووقفنا جمب الباب ربع ساعه ولسه الشفع قدام البيت منتظرين صبا تطلع 😂
صبا : نادي امك تطلع عليهم
أنا : تطلع ليهم شنو يابت ديل بقتلوها قبل ماتتكلم
بعد شويه بسام دقا الباب
...أسماء وقفت ورا الباب بي خرطوش المويه 😂 وصبا جنبها ...
فتحت الباب براحه وهو جا داخل
وبقت بتضرب فيهو بالخرطوش😂😂
طاخ طاخ لب لب😂😂👋
(أمي جات بسرعه تشوف الحاصل شنو)
امي : يابت في شنو😳
انا : يعني يدوب سمعتي ؟؟🙂
ماكنتي سامعه صوت المظاهره البرا دي
امي : مظاهره شنو
انا : ولدك لامي شفع الحله بقلو في ادبهم ويفلعونا بالحجار😡
بسام : امي والله دا ما انا
انا : طيب دا منو الكان بفلع فينا
أن شاء الله😡😡😡😡😡😡
بسام : هدي قالت لينا لو عملتو كدا بتدي كل واحد شوكولاته
والبنيش أسماء ولا يوقعا بتديهو العلبه كامله
انا : هدي بت ال.....😡😡😡🔥🔥 تصبر لي والله عرسا دا ماتتهني بيهو
تعالي الليله نوريها الفليع بكون كيف
امي : يابت ختي الرحمن في قلبك واكسري الشر
صبا : والله ياخالتو أسماء كلاما صح الشر بالشر والبادئ اظلم
امي : انا حلفتا مافي وحده تطلع من منكم يلا ادخلو جوا
داخلين🚶🏻‍♀🚶🏻‍♀
وبضرب في بسام في ظهرو
انتا مابتخجل يرشوك عشان تضرب اختك 👋
بسام : انا اصلا ماكنتا عايز رشوه عشان اعمل كدا😏✋🏻
دا اعتبريهو عقاب عشان تاني تطلعي بدون اذني 😏
دخلنا وعملنا الفطور انا وصبا
فطرنا وبعدين قدمتها لحدي الباب ورجعتا
دخلتا غرفتي وشلتا الموبايل لقيت مكالمتين قبل دقائق من نبيل
رجعتا ليهو📞📞
انا : الووو
نبيل : عيون الو
انا : 😂😂بسم الله الرحمن الرحيم
حاسي بي شنو انتا
نبيل : اشعر بالفرح 😂مع أوكستيسين
انا : عارف انا بديت احب الاسم دا😂
نبيل : وانا بحب ستو
انا : منو😳😳
نبيل : قصدي هرمونات الحب 😂مالك اتخلعتي كدا
انا : ما اتخلعتا بس جايه من برا زهجانه وقافله معاي
نبيل : من شنو🤔
انا : اول حاجه مشيت لي شيخه مخرفه كدا
نبيل : 😳😳شيخه ؟؟
انا : ماعليك بيها ماعندها موضوع بس
المهم انا راجعه هدي المتخلفه دافعه لي اولاد الحله عشان يقولو لي البايرة ويضربوني بالحجار تخيل بس
وجارين وراي شغالين ارجموها ارجموها ماعرفتا بايره انا ولا كافره
نبيل : 😂😂😂🤣🤣🤣والله ماجاده يلااا
انا : لكن اصبر انا بوريها بعمل شنو
والله عرسا دا افركشو ليها وماتتهني بيهو
نبيل : ولي الحقد دا😂ي بايرة
انا : حتي انتا😒🔥
غلطانه انا الحكيت ليك😒 🔥
نبيل : يعني انتي عايزه تعرسي
انا : علي اساس لقيت وقلتا لا😒
موافقه اتخطب عمري كلو
بس عشان اسكتهم
نبيل : طيب رايك شنو اجي اخطبك
انا : ما انتا اي زول غيرك بوافق😂
العرض ماشاملك انتا🤣🤣
نبيل : انا جادي علي فكره
رايك شنو اجي اخطبك🤨🔥
#يتبع

كل تلك المتاهات الفكرية
تبداء وتنتهي بشخص
كل تلك التعقيدات التي تشغل اذهاننا
تكون في الاساس بسبب شخص
اسألك نفسك هل يستحق البقاء اما الاقصاء
حينها لن توجد متاهات ولا تعقيدات😊

#hmdalnyl

حسابي ع والوتباد

وتسسسبب قااايززز??!


سووو عندي ليكم موضوععع...ما بخص الروايه م تعاينو لي كدههه....المووووووهيم هو موضوع بفكر في من زمان ...وهب قررت انفذه شان م قادره اصبر اكتتتررر...سووو حعمل كتاب الكتروني في الوتباد *تطبيق روايات للمابعرفوا*...الما عندو ينزله ضرووورييي

نجيي للنقطهه الموووهيمههه ...الكتاب حيكون اسمه امممم ااااا والله ياخ الاسم تحت التشيد 😹😹💔.... فكرة في اسم بعثره..او مقتطفات...او منصة نقاش...المهم حيكون فيهو فقرات وكدههه

زي شنووو اقول ليكم

احم احم...اوكيششننن حبطل مقدمات واخش في الموضوع هههههههخ ....

1-شخصي للجميع:الفقره دي حتكلم فيها عن مواقف من حياتي الشخشيه وحتتعرفوا فيها علي اكتتر وبس يعني💘🐼

2-هل تعلم:الفقره دي من اسمهاا واااضح..معلومات عن بلدان او ثقافات او معلومت في الصحه او اي معلومات قد تفيدكم وتنمي ثقافتكم🌝💗

3-مقتطفات:الفقره دي حشارك فيها مقتطفات من كتباتي وكتاباتكم ي حلويين

4-افكار مجنونه:هنا حطرح فكره مجنونه نتناقش فيها كأي ناس مجانين ما عندهم موضوع...م مجنون م تشارك فيها 🌝✌

5- عالم الورق:هنااا فقرتي الموووفضله حوريكم روايه انا قريتها ...لو قريتوها نتناقش فيها...لو ما حصل قريتوها تقروها...لي الناس البتحب تقرا وكدهه

6- كيف نكتب : للناس العايزه تتعلم كيف تكتب روايه وخواطر ومقتطفات وهيكاااا

7- تعارف:من الاسم واضحه طبعا حتتعرفوا ع بعض وهيكا

8-هااام للجميع:الفقره دي اهم فقره لازم كلكم تنحشروا لمن يظهر ليكم الاشعار...شان حعلن فيها شئ هام
دي الفقرات الفكرت فيها للان ممكن اضيف المزيد في المستقبل

سووو اهم شئ التفاعل من خلال الكومنتات شااان الموضوع يظبط


اهم شي تخش جوجل بليه تكتب وتباد...حيجيك تطبيق بي شكل دايره برتقاليه عليها حرف W بالابيض... وتبحث عن حسابي (boohabanda)...تفلفلوني حتلقوا طبعا كل رواياتي ...حتلقوا الكتاب القلت ليكم عليه...اضغطه علامة + شان تضيفوهو لي قائمة القراءه شان يصلكم كل جديد في الاشعارات العلى شكل جرس...استعماله ساااهل شديد الوتباد ده فيهو قصص عربيه واجنبيه ...


باي يلا