بسم الله 💛
في البدء "اللهم ارفع الوباء والبلاء"

رواية جديدة ...(تسلية في الحجر المنزلي دا 💛)

#سُكر_مُر ♥️🔐

لـ :- آية الفاضل

ـ1ـ
#البداية
"ليت لأرواحهم أشباه كثيرة اولئك الأنقياء الذين يحبونك لأنك أنت ...أنت لا لشئ آخر ...ويصادقونك دون غاية او منفعة ...فقط لأنهم يحبونك" ✨

......:- صباح الخير ندي انا جيت الكلية انتي وين ?!مش قلتي لي انك وصلتي قبلنا ?
ندي:- روقي ي بسمة انا وصلت ومستنياك ف الكافتريا يلا سريع التسليم بتاع البحث باقي ليهو يومين بس😭
بسمة:- جاياك خلاص.

(بسمة في السنة الاخيرة من كلية الهندسة خريجة خلاص ..وهي وصحباتها ندي وريم ومريم وقتهم كلو في الجامعة اشان يسلمو مشاريعهم ويتخرجو خلاص💛)

بسمة:- ها بنات خلاص تعبت ارح نأكل ..
ريم :- ارح ارح
ندي:- بطلو كسل فضل لينا حبة بس.
مريم :- ي بت ملحوق ارح رجولي وجعوني عايزة اتمشي حبة ..
بسمة :- بنات دقيقة ارد علي التلفون واجيكم 😃💛
ريم :- منوو المتصل
بسمة :- محمد 🙈
ريم وندي ومريم :- اووووووووو

(محمد خطيب بسمة ..مخطوبين ليهم سنة وزيادة وحيتزوجو بعد هي تتخرج اسه ...اتخطبوا بعد قصة حب ملحمية 😂💛هو خريج نفس الكلية وكان بيجي بعد اتخرج وشافها من هي في اولي وشبط فيها وحباها وهي بعد طلعت روحو لقت روحها بتحبو و وافقت بيهو لمن جاا اتقدم ليها ف سنتها التالتة من الكلية واتخطبوا 💛💛)

محمد :- السمحة ازيك ..
بسمة :- الحمد لله كويسة انا انت كيفك و وينك من امبارح.
محمد :- انا كويس مدام انتي كويسة +تصدقي تلفوني قافل من امبارح المغرب ..اها وين انتي
بسمة :- ف الكلية مع المشروع غايتو غلبة شديدة انا تعبت خلاص ..
محمد :- معلييييش كلووو بيعدي انا مستني تخريجك بفارق الصبر اشان عارفك شاطرة ي سجم وخلاص زاتو اشان نحدد يوم الزواج الميمون ..
بسمة :- 😂طيب شكراً علي التشجيع ورفع الروح المعنوية ي سيدي ..
محمد :- ااي خدمة ي قلبي 😉
بسمة :- طيب خلاص انا ماشة اكل والبنات بحدرو لي ..يلا اشوفك بخير
محمد :- ربنا معاك ..
بسمة :- بنااااات معليش معليش يلا نأكل ...صحي انتو وين سامي وعبد الله الليلة 😳
ريم :- عبد الله قال م جاي 😂😂💔وسامي ف المكتبة مابعرفو بسوي ف شنو ..
سامي :- سامع زول جاب سيرتي 😌
بسمة :- ماشاء الله ابن حلال جيت مع سيرتك طق ...كنت وين ي الفالح ..
سامي :- انتو م اديتوني رنة ليه اشان نجي نكمل الشي دا هنا ...افتكرتكم م جيتو قمت مشيت المكتبة بعبشت حاجات ..عان دا عبد الله بتصل تلقاهو نايم لسه ..الو عبودي وين انت?
عبد الله :- صحيت ولبست واسه جاية علي الكلية قربت ..انتو هناك
سامي :- ااي ياخ م عندك دم دي ايام ينومو فيها ..
عبد الله :- جاي والله خلاص اشان نقفل الموضوع دا ونتخرج بسلام ..

(عبد الله وسامي اصحاب ناس بسمة من اولي كلية وكل سنين الكلية قضوها سوا 💛💛💛💛)

ريم :- نقتكم دي نستنا الاكل ..انا عايزة أكل ما لي دعوة ..
بسمة :- ااي ارح خليهم ديل عويرين ساي ...
سامي :- ارحكم كلنا وعبد الله بلحقنا ..
بسمة :- ارحكم المطعم الجنب الكلية دا اشان اقرب شي ونرجع سريع ..
ندي :- اايوة احسن ...

بسمة وندي وريم ومريم وسامي :- 🍟🍛🍝🍸🍜🍞
عبد الله :- خاينين بتاكلو من غيري ..خلاص البينا انتهي خلاص خلاص
ريم :- فقرة الدراما بدت ...
عبد الله :- م حرد عليك 😊
ريم :- لا رد علي عليك الله اشان لازم اسمع ردك ..
عبد الله :- امي قالت لي م تتكلم مع السحاريات ..
بسمة وندي ومريم وسامي :- 😂😂😂😂😂😂😂😂😂😂😂😂
ريم :- هاها عوير ..انا سحارية كويس ي عبد الله ..
عبد الله :- واحلي سحارية والله 😂💛يلا اقسمي لي معاك من صحنك ..😂

....................
ف الكلية :-
ندي :- بسمة عايزة اتكلم معاك في شي ..
بسمة :- اتكلمي حبيبي💛💛
ندي :- معتز (ود عمتها) اتكلم مع ابوي انو عايز يتقدم لي فوراً وابوي قال ليهو حياخد رايي بس انا شايفة ابوي موافق شديد وف نفس الوقت م عايز يضغط عليّ وانا زي ما انتي عارفة م قادرة اتقبل معتز نهائي ..انا م عارفة اعمل شنو خلاص ..
بسمة :- كدي قولي بسم الله اول شي ...عايني ي ندي معتز ود عمتك يعني بتعرفيهو من انتو اطفال صغار وبتعرفيهو اكتر مننا بس نحن ف الفترة العرفناهو معاك ..انا شخصيا م شايفة فيهو ااي عيب بس اكيد م ف زول حيضغط عليك بس انا رايي فكري كويس ..وحاولي اقعدي معاهو وقت اكتر واعرفيهو اكتر ...عليك الله م تستعجلي ي ندي فكري كويس ..واستخيري ومعتز لو كان خير حيبقي معاك ولو م مناسب يبقي م مشكلة 💛
ندي :- دايماً بتريحني بكلامك ي بسمة انا بحبك ..
بسمة :- وانا بمووووت فيك ...

ريم ومريم :- انتو قاعدات هنا ونحن بنفتش ليكم ..
بسمة :- تعالو تعالو كنا بنتكلم ساي ..
ريم:- خلاص اليوم انتهي انا حمشي البيت والله اشان نعسانة ..
مريم :- وانا حمشي اشان مشوار ضروري ...
بسمة :- وانا ماشة امسك اولاد الاء اختي 😊😊💔اشان حضرتها ماشة لصحبتها ..وامي م بتقدر تجري وراهم لحدي الشارع ..

ندي :- 😂😂😂😂وانا حمشي اشان ناس عمتي جايننا ...
ريم ومريم :- ومعتز جايي😉
ندي :- ايوة ..وم تغمزو لي ..

سامي وعبد الله جو عليهم ..
عبد الله :- ماشين خلاص ?
بسمة :- ايوة انتو قاعدين?
سامي :- لالا ماشين خلاص ..نتلاقي بكرة 💛

ندي :- اوصل زول فيكم ?
سامي :- عزة شديدة صحبتنا العندها عربية دي 😂😂😂
عبد الله :- اتفق معك تماماً ...
ريم :- وصليني انا ي ندي
مريم :- انا طلبت ترحال اسه وصل يلا مع السلامة ..
عبد الله وسامي :- اجدعينا معاك قدام زي مابتعملي
بسمة :- انا محمد حيجي يوصلني 🙉
ندي وريم وسامي وعبد الله :- اوووووووووووو

بسمة :- آلو محمد راجياك انا جنب باب الكلية انت وين
محمد :- زحمة شديدة قربت اصلك ..ربع ساعة بس ..
بسمة :- طيب حروح اشتري شي لحدي لمن تصل ..

(بسمة راحت اشترت واثناء هي ماشة براها في الشارع)
..... :- ي بسمة ي بسمة اقيفي عليك الله

بسمة :- 😳😳دا انت !! عايز مني شنو انت فهمني كل مرة بشوفك ماشي وراي تقريبا من فترة طويلة عايز شنو ..
......:- عايزك تسمعيني ..ثم انا م ماشي وراك لي فترة انا ماشي وراك لي سنتين ..
بسمة :- 😳😳سيبني في حالي لو سمحت ..حاول م تتعرض لي تاني ..
......:- م ححاول ولا حقدر ..اسمعيني واسمعي حبي ليك (ومسكها من يدها)
بسمة:- انت حيوان كيف تمسكني زح من هنا ..🏃🏃
.....:- حمشي بس حجيك تاني.
(بسمة قلبها بقي يضرب شديد وهي خايفة وبتتلفت حوليها لحدي لمن جاها زول لفتها وهي كانت حتموت من الخوف افتكرتو الزول داك لكن طلع محمد)
محمد :- بسمة مالك ف شنو واقف ف نص الشارع وبترجفي
بسمة :- محمد الحمد لله انك جيت انا انا انا ..انا عايزة امشي البيت ..
محمد :- ارح حنمش طوالي بس مالك!
بسمة :- م ف شي ..ارح نمشي . .

بسمة وصلت البيت وهي بتفكر وشايلة الهم من الكلام السمعتو من الزول دا ..
ام بسمة :- ي بت انتي جيتي متين من غير حس كدا ..مالك مهمومة كدا !?
بسمة :- لالا م ف شي كويسة انا بس اليوم كان طويل ومرهق حبة ..
امها :- ربنا يعينك ي بتي ...وجيتي مع محمد? !
بسمة :- ايوة هو الوصلني ..
امها :- ما قلتي ليهو يتفضل يخش مالك ..
بسمة :- هو مشغول حبة بس ..
امها :- طيب قومي اشان تتغدي وتأكلي اولاد اختك ..راجينك من قبيل هم ..
بسمة :- حاضر ي امي ..

(اختها الاء عندها ولد وبت ..البت عمرها 5 سنة واسمها نور والولد عمرو 3 سنة واسمو يوسف)
نور:- حالتو بثمة جات
بسمة :- حببببببيييييبببة قلب حالتو انتي 💛💛
نور :- ثودينا الدوكان
بسمة :- اخخخ دكان طوالي كدا ..تعالي نأكل اول شي ونلعب مع يوسف حتي نروح الدكان يلا يلااااا ..

..................
ندي :- لازم ي امي نمشي يعني .. خليني انوم عليك الله.
ام ندي :- م عايزين استهبال.. انتي عارفة العزومة دي عملتها عمتك وهي اختارت المطعم ولو م مشيتي حتعملي مشكلة وابوك حيزعل منك ..
ندي :- وعلي شنو دا كلو حمشي خلاص ي امي 💛
تاني يوم ف الكلية :-
ندي :- امبارح معتز اتكلم معاي كتير ..
بسمة :- لازم تديهو فرصة وتعرفيهو اكتر ي ندي ..واتعودي اسمعيهو لحدي لمن ترتاحي ليهو وتخليهو هو كمان يسمعك ويسمع حكاويك وااي شي ..
ندي :- فعلاً امبارح من طريقة كلامو حسيت براحة شديدة وحاسة اني عايزة اتكلم معاهو اكتر واكتر ..
ريم :- اخخخ كلام المخطوبات حقكم انتي وبسمة دا بجيب النفسيات اشان كدا اسكتو وخلونا انا ومريم ف بورتنا دي 😭
مريم :- اخخ ي قلبي
بسمة :- ارح ناكل بدل دا نعمل حاجة مفيدة ..
ريم :- ارررررححححح وعان كمان عبد الله بتصل معناها حيلاقونا ف الكافتريا 😂

...........................
في يوم تاني في وقت تاني :-
محمد :- بسمة واحلي بسمة 💛 انا فخور بيك شديد وفخور انو تخريجك بعد كم يوم ...انا بحبك وبحب نجاحك وبحب ااي شي فيك 💛💛 ثم واخيراً والحمد لله كثيراً حنعرس اخيراً بعد جرجرة السنين ..انا بحبكـ ي زفتة والله ومتحمس للتخريج شديد ..
بسمة :- 😭😭
محمد :- انتي اسه بتبكي ليه ?
بسمة :- م قادرة اصدق تعب السنين خلاص حيتوج بتخريج 😭💛💛وم قادرة اصدق خلاص سنين الكلية انتهت ..ي ربي م قادرة اصدق ..
محمد :- صدقي خلاص معليش ..كلو يبقي ليك ذكريات سمحة بعدين ..💛يلا واصلي تجهيزات التخريج وخلي البكاا ي بت..تصبحي علي خير كتير 💛 بريدك شديد انااا
بسمة :- وانت من اهلووو وانا كماااان شديد شديد 💛💛
............................
ريم :- بنات المكالمة الجماعية دي ليها ساعة وللان م وصلتو لحل ...حنلبس شنوووو😭
ندي :- حتلفو تلفو وترجعو لفكرتي 😎
مريم :- فكرتو حنطقم مع عبد الله وسامي '!
ريم :- ايواً طبعااااا
بسمة :- صراحة صراحة ي ندي انا لو كفتوني م حمشي لفكرتك حبيبتي😊😊
ريم :- ااتتفق 😂
ندي :- عنكم كلكم غلطانة انا ..
مريم :- خلاصتو حنعمل شنو ?
ريم :- عبد الله قال لي بدلهم كرفتتها لونها زيتي اتخيلو.
مريم :- عبد الله هو القالك?
ريم :- ورسل لي الصورة ...م شينة م تستغربو من اللون ظابطة معاهم والله ..
ندي :- زيتي انا الحيطلع

بسمة :- دقيقة انا حظبط ليكم فكرة فساتين بالزيتي دا زاتو ..اصبرو اطلع الفاشونيستا الجوايي 😌
ريم وندي ومريم :- 😐😐

..............................
....... :- الو بسمة حتبقي نصيبي قريب وحتبقي حقتي بعد كم يوم ..
بسمة :- انت منو وكيف تتكلم معاي كدا ..بتعرفني من وين
...... :- بعرفك عز المعرفة ..نسيتيني بعد سنتين بينا

"بسمة قفلت الخط وقلبها بيدق سريع وخايفة سريع ...وجرت حكت لامها الحصل وهي مرعوبة"

ام بسمة :- بسم الله ي بتي ..م تخافي م حيحصل شي ان شا۽ الله قولي بسم الله ..
بسمة :- امي دا بهددني ف الشارع وف التلفون وانا والله م بعرفووو م بعرفوووو ي امي😭😭
انا م حسكت بعد كدا ..حكلم محمد ونتصرف ...
ام بسمة :- ايوة لازم ..تكلميهو ...بالمناسبة الليلة ابوك اتصل وقال ليك انتي ليه م ضربتي ليهو ..
بسمة :- ايوة صح مفروض اتكلم معاهو بس مع لخمة التجهيزات 🤦حمشي اضرب ليهو اسه ..
”’
”'
بسمة :- الووو ابووووي 💛
ابوها :- بسمتنا وفرحتنا ...وين انتي ي بتي ..
بسمة :- م شفت ي ابوي مع لخمة التخريج وايام العصرة دي م شايفة قدامي ...المهم خلاص يوم التخريج ياهو زي ماقلت ليك م اتأجل يلا حتجي متين ي ابوي ..
ابوها :- حأخد الاجازة واجيكم فوراً 💛
بسمة :- ي غالي ربنا يخليك لينا ..منتظراك علي احر من الجمر ..تجينا بالسلامة ان شاء الله ..
ابوها :- ان شاء الله ي بتي ..يلا م حشغلك اكتر مع السلامة 💛
بسمة :- الله يسلمك ي ابوي ..

(ابو بسمة شغال ف مدينة تانية)
......................

يوم التخريج :-
بسمة :- بتبكي ليه ي امي اسه ..عليك الله م تبكي 💛💛
امها :- فرحانة بيك ...عقبال اشوفك عروس ان شاء الله ..
محمد :- ان شااء الله قريب شديد ي خالتي ..

بسمة بقت تعاين يمين شمال وفوق وتحت ونزلت راسها ..
الاء اخت بسمة :- لا بس ي بسوم حقيقي تطيقمتك مع الشلة رهيبة ...طالعين حلوين شديد 💛💛💛ربنا يغطي عليكم ..
بسمة :- حبيبي ي الوووووش جيبي يوسف دا اشيلو واتصور معاهو كدا حبيب قلب خالتو دا ..هيي صحي انتي كيف م جبتي نور كيف تعملي كدا ...
الاء :- اعمل شنو لكن لقت حبوبتها راحت لناس عمها وهي اصرت تمشي معاها تلعب مع بت عمها ..
بسمة :- امممم يعني نور باعتني ..طيب كويس ..

باقي الشلة جو عليهم ..
ريم :- هييييي يوسف العسل اديني اشيلو ي بسمة عليك الله ..
بسمة :- نو نو ابيت ابيت
ريم :- يخسي عليك ي بسمة ..الوية اشيلو ولا لاااا ?
الاء:- تشيلللي طواللي وتقلعي منها كمان 😂
ريم :- شفتي اها امو وافقت ...يابسمة جيبيهو عليك الله😭😭
بسمة :- ابيت برضو ...حديهو لعبد الله يشيلو 😂
عبد الله :- اووووو ..ازيك ي جوو ي عسل 💛💛ماشاء الله ...ي جماعة احساس م بعرف اشيل وبخاف اشيل لكن قدرت اشيل يوسف 😂
بسمة :- ارحكم نتمشي ومعانا يوسف ..بنرجعو ليك بعدين ي الااء😂
الاء :- سمح يختي ...
ريم :- طيب اديني انا ي عبد الله ....عليك الله
عبد الله :- امسكيهو براحة ..
ريم :- ييييييييييييي يوووووسف 💛💛
عبد الله :- شكلكم حلو سوا وانتي شايلاهو كدا ..
ريم :- 🙉🙈🙈
عبد الله :- اهااا طيب كويس ...تعالي معاي سلمي علي امي من قبيل ناديت ديل سلمو عليها الا انتي كنتي مافيشة 💛
ريم :- اررررححححح 💛

#تُستكمل

سُكر مُر 💛

إذا أحببت شيئاً فاسجد و قل :
" ربي إني أحببت شئ فأرني عجائب قدرتك فيما أحببت."💛

مازلت انتظر الرساله التي ستذيب الجليد الذي صاؤ بيننا🙂💔

غرام

احاول الانشغال ولكن عبثا مازلت تحتل تفكيري🚶‍♀

#سُكر_مُر ♥🔐

-2-

بسمة :- ابوي انا مبسسسوطة انك جيت وحضرت معاي التخريج
ابوها :- انا عندي كم بسمة هو اشان م احضر معاها يوم مهم زي دا 💛💛
محمد :- اها ي عمي حجيكم قبل سفرك ان شاء الله اشان نحدد اليوم والترتيبات وكدا ..
ابوها :- منتظرنك ي ولدي ان شاء الله ..وشكرا علي التوصيلة ي ولدي ..اتفضل معانا البيت اشرب شاي ..
محمد :- شكراً ي عمي لمن اجيكم ان شاء الله ..
بسمة :- ابوي انا حمش مع محمد نوصل الاء وجيجيبني راجعة 💛
ابوها :- طوالي ي بتي ..
الاء :- تصبحو علي خير ي ابوي وامي
امها وابوها :- وانتي من اهلوووو سلمي لينا علي نوور وابوها ..
محمد :- يلا مع السلامة ي جماعة ..
ابو بسمة :- الله يسلمك ي ولدي

الاء :- بجد ي محمد تعبتك معاي الليلة ..
محمد :- عندنا كم ام يوسف ياخ 😂💛
الاء :- تسلم لينا ي غالي ...اها مالها الحلوة ساكتة ..
بسمة :- خشمي وجعني من كترة الكلام الليلة والغنا والرقيص وييييكككك 🤦عايزة انوم بس ..
الاء :- بجد ماشاء الله م قصرتو الليلة انتي والشلة ..عسل ماشاء الله
بسمة :- ااي والله عسل ناسي ديل😂💛
محمد :- فايتين العسالة والله ..وصلنااا
الاء :- اتفضللووووو عليكم الله عليكم الله ...
محمد :- والله م حقدر اسف شديد نعوضها ان شاء الله ..
بسمة :- معليش حبيبي والله اشان م أاخر محمد معاي بس ..
الاء :- طيب تصبحو علي خير ي حلوين ..
بسمة ومحمد :- وانتي من اهلوو. .

محمد :- اها ي بسمة التخريج انتهي ..وانا فرحان بيك وفخور بيك شديد 💛بعد كدا ممكن نتزوج خلاص ..?
بسمة :- 🙈
محمد :- ي بتي احنسك انا اترجاك يعني ... وافقي ي بسمة نتزوج خلاص الدبلة قعدت ف اليد اليمين بمافيه الكفاية ..لازم تمشي الشمال اشان تقعد للابد ..
بسمة :- انا مستنية اليوم دا كمان ..ليه فاكرني بأجل بيهو بالعكس انا عايزاهو قريب وقريب شديد كمان💛💛
محمد :- طيب خلاص حنحددو ف فترة 3 4 شهور ..
بسمة :- 👀💛✨
محمد :- خلاص قرار نهاېي صح
بسمة :- نهائي ان شاا۽ الله 💛
محمد :- اخيرا ارتحت ...يلا اعزمك
بسمة :- اتأخرت شديد ي محمد والله. .خليها بكرة
محمد :- طيب نقعد نتونس ف حتة حبة عليك الله ..عليك الله
بسمة :- طيب ي زنان 😂💛

محمد :- اها جبتك وقعدتك اشان اديك الهدية حقت التخريج ..
بسمة :- الله ,, حلوووة شديد شديد 😳😳💛💛💛💛

"ما بالُ طيفك غازياً كل الوجوه ,, ما بالُ عيني غير قلبك لاتري" ♥

بعد مرور اسبوعين :-
محمد :- اها حنجي نتكلم ف التفاصيل بكرة ان شا۽ الله ..
بسمة :- خليني من دا انت الحاصل معاك شنو ف اليومين الفاتو ديل ..?
محمد :- م عارف بس امي كانت تعبانه حبة لكن الحمد لله اتحسنت ..
بسمة :- م وديتوها دكتور?
محمد :- لالا هي اصرت وقالت الموضوع م مستدعي ..
بسمة :- لا طبعاً لازم تودوها
محمد :- حالياً اتحسنت كتير بس وان شا۽ الله م تحصل شي تاني ..
بسمة :- ان شاا۽ الله م حيحصل 💛💛طمني عليك سمح
محمد :- حاضر ان شاء الله ..

في مساء نفس اليوم :-
بسمة :- م عارفة محمد قافل تلفونو من الصباح وم عارفة مالوو ..
امها :- عادي ي بتي يكون مشغول بس ..م تخافي ..
بسمة :- ي ربي امو تكون بقت كيف ..
الا۽ :- ي بسمة فكيني من موضوع عايزة عصير دا وجيبي ليها انا والله صدعت ..
بسمة :- حاضر ..تعالي ي نور
نور :- اللححح ي بثمة ..

........................
بسمة :- الاء الساعة داخلة علي 12 وم ف خبر من محمد ..انا قلقانة
الاء :- اهدي ي بت م ف شي كعب ان شا۽ الله ..
بسمة :- لو يطمني بس ..ليه قافل تلفونو من ساعة اخر مرة اتكلمنا ..حنتظرو كدا امكن يفتحو ...هييي الخط دخل معاي شكلو فتح التلفون ..
بسمة :- الوو محمد انت وين دا شنو ليه تقلقني عليك كدا ...حاصل معاك شنو
محمد(بصوت مبحوح وتعبان) :- كنا ف المستشفي ..امي تعبت واضطرينا وديناها واسه رقدت مستشفي 💔💔
بسمة :- لا حول ولا قوة الا بالله ..ان شااء الله خير م تخاف انا معاك حتبقي كويسة ..ارتاح عليك الله صوتك تعبان شديد ..
محمد :- ان شا۽ الله ..يلا حمشي انوم اسه اشان الصباح بدري شديد لازم امشي ..
بسمة :- تصبح علي خير وكلو شي حيبقي تمام ان شا۽ الله 💛
محمد :- ان شااء الله ..

بسمة :- الااء اتخيلي خالتو ام محمد ف المستشفي 💔
الاء :- واي ربنا يشفيها ان شاء الله ..
بسمة :- م قادرة قلبي واجعني علي محمد شديد صوتو مرهق وباينو تعبان شديد 💔💔لازم الصباح ان شاء الله اروح ليهو ..
الاء :- ان شاء الله ..اسه نومي وارتاحي الساعة داخلة علي 1

تاني يوم :-
بسمة :- راحة ليهم ف المستشفي وان شاء الله بطمنكم
امها :- ان شاء الله ي بتي ..

ف المستشفي :-
محمد :- بسمة الحمد لله انك جيتي كنت محتاج ليك والله ..
بسمة :- حيحصل خير ان شاء الله م تخاف انا معاك ...م ف طريقة اخش نشوفها ..
محمد :- للاسف م ف طريقة اسه 💔ف العناية المكثفة ..
بسمة :- حتبقي كويسة ان شااء الله ..

بعد يومين :-
الاء :- بسمة صحباتك جوك
ندي :- ي حيوانة شووووووق شووووق .

ريم :- ي بت م بتخشي واتس ليه يعني تخلينا نجيك كدا ..
مريم :- بسمة ام محمد بقت كيف

بسمة :- اول شي انا كمان مشتاقة ليكم شديد 💛💛تاني شي للاسف خالتو ام محمد حيسفروها برة للعملية💔💔
ندي :- اخخ ياساتر ...
ريم :- بجد ..مسفرنها متين
بسمة :- حيسافرو بعد بكرة وانا م عارفة حيحصل شنو وراسي ضارب والله 💔💔الحمد لله انكم جيتو كنت محتاجة لجيتكم شديد ..
ريم :- لالا م تخافي حتبقي كويسة ان شااء الله ..خدي دا عبد الله علي الخط برضو بحاول يصل ليك وم لاقي طريقة الا قلت ليهو اننا جاينك اسه ..اتكلمي معاهو ..
بسمة :- عبوووي يااا 😭
عبد الله :- ي بت شوق شوق شديد دا شنو الاختفاء دا ...سلامتها نسيبتك ..
بسمة :- الله يسلمك ي عبودي ..الشوق شديد بس الظروف
عبد الله :- لالا ان شاء الله بتعدي علي خير ...سامي بسلم عليك.
بسمة :- الله يسلمو يحليلو يخ💛

.........................
محمد :- مع السلامة خلي بالك من نفسك وادعي لينا ..
بسمة :- حشتاق ليك شديد شديد ...م تنسي تطمني اول باول ..وان شاء الله ترجعو سالمين كلكم ..
محمد :- م تبكي خلاص ان شاء الله فترة العملية بس ونرجع
بسمة :- المهم خالتو تبقي كويسة ..مع السلامة
محمد :- الله يسلمك حبيبتي ..

.......................
بسمة :- الو امي خلاص طلعت من المطار وجاية علي البيت ..
امها :- كويس م تتأخري ..
بسمة :- حاضر

...... :- مفكرة اني نسيتك او انتي نسيتيني ..
بسمة :- دا شنو دا ..انت تاني ..عايز مني شنو انت
.... :- عايزك انتي عايز اتزوجك عايزك تحبيني زي م انا بحبك ..
بسمة :- اسمعني انت م نصيح بس ..انا حتكلم معاك بالهداوة ..انا مخطوبة وحتزوج قريب شديد ثم معليش بس اسلوبك م كويس معاي ..بتظهر لي ف امكان غريبة وتقول كلام غريب ..انا اسفة بس لو ظهرت لي تاني او حاولت تتصل انا وقتها حاتخذ معاك اجراء تاني ..
..... :- م حتعملي شي ..ادعي ربنا يرجع ليك خطيبك بالسلامة من السفر ..
بسمة :- 😳😳وانت عرفتو مسافر كيف ..وعايز منو شنو ..
..... :- سلام
بسمة :- اوع تفكر تقرب منوو ...انا انا انا حبلغ عنك الشرطة ي حيوان ....اخخخ ي ربي دي مصيبة شنو كمان ي رب اصل البيت وم اقع لي ف حتة ..

.....................
ريم :- 😂😂ي ربي علي خفة الدم ..حتجلطني ي عبد الله
عبد الله :- 😂😂ااي خدمة ي فندم ..
ريم :- نننيييي سخيف ...المهم ديل منو الكانو معاك ف استوري الواتس ديل .
عبد الله :- اهل مرتي
ريم :- الله حلوين وياتري بتهم حلوة زيهم 😊
عبد الله :- ابداً م حلوة زيهم ..ديل ناس عمي ي بتناا
ريم :- العندهم بت بتقرا صيدلة صح
عبد الله :- لا م هم ..داك عمي التاني ثم انها اتخطبت.
ريم :- اممممم
عبد الله :- م ناوية تتخطبي انتي كمان
ريم :- لا م جاني عريس لسه
عبد الله :- ف واحد جايي ف السكة قريب غايتو ..
ريم :- ..
عبد الله :- ايوة السكوت دا😂💛💛

..........................
#تُستكمل

اخش المطبخ واطبخ زي باقي البنات❌

اخش المطبخ اطق واطلع✔️

#سُكر_مُر ♥🔐

-3-
بمرور ايام :-

ندي :- ي بنات خلاص حددنا يوم الخطوبة انا ومعتز 😃💍
ريم :- وااااااي اخيراااااااا ...الف الف الف مبرووووك واااي م بصدق
مريم :- ي سلاااااام ..الف الف مبروووووووك
بسمة :- ايوووييووويوو اخيرا اخيرا بعد طلعتي روحنا وروحو
ندي :- الله يبارك فيكم حبيباتي ..م عارفة بس اول لمن حسيت اني ممكن افقدو ف ااي لحظة وقتها ادركت انو حفقد احلي حاجة كانت ف حياتي .. طوالي بعدها وريتهم انو موافقة علي الخطوبة ..ولو انها جات متأخرة بس اكتشفت انو بحب معتز💛
بسمة :- ي حبيبيييييي ربنا يسعدك ان شااء الله ..ومعتز اصلا م فيهو كلام ي بختكم ببعض ماشاء الله تتهنو ي رب💛
ريم :- دا شنو دا بقينا انا وانتي ي مريم قاعدات ساااي😭😭ليه الجفاف العاطفي دا ليه.
مريم :- هههه
بسمة :- امممم ي ريم قلتي لي سنجل وكدا
ريم :- ااي حبيبة م عندك لي عريس
بسمة :- لو جبتو العريس ف ناس حتزعل مني 😉
ريم :- ...
ندي :- 😂😂سلاحها السكوت م عندها شي غيرو ..
بسمة :- 😂😂💔

.........................
محمد :- م عارف شي ي بسمة لينا اسبوع من جينا هنا وللان العملية بتتأجل ..م عارف حيحصل شنو
بسمة :- ان شاء الله خير هدي نفسك بس عليك الله 💛💛
محمد :- استغفر الله ..بتصل بيك بعدين ان شااء الله ..
بسمة :- ان شاء الله ..
ام بسمة :- ربنا يعينهم ي بتي. .
بسمة :- ان شاء الله ..ان شاء الله

ف مساء نفس اليوم ..
محمد :- خلاص الحمد لله العملية بعد بكرة ..
بسمة :- الحمد لله ..الحممد لله تقوم بالسلامة ان شااااء الله ..

.............................
بعد يومين :-

ندي :- الجميل سرحان وين ..
بسمة :- ندووووووو حبيبتي جيتي متين ..
ندي :- ي ستي لقيتك م بتردي علي التلفون جيت دقيت الباب امك دخلتني ..
بسمة :- التلفون مقفول والله ..
ندي :- المهم اها الحصل شنو مع ام محمد ..
بسمة :- العملية نجحت الحمد لله بس لسه ف حاجات كتيرة مفروض تتعمل قالو ..
ندي :- عارفة م مناسب اقولك اسه بس انا محتاجاك ف الخطوبة شديد والله 💔وخلاص بعد يومين هي
بسمة :- انا جنبك ي بت ومعاك اكيد م حخليك ف يوم مهم زي دا ..💛💛حتي لو الظروف م مناسبة بس م حخليك اكيد ..
ندي :- بحبك ي احلي صحبة ف الكون ..

.............................
ريم :- ايوووويوووياااااااا الليلة عروستنا سمحة وزينة ..زغردو ي هوي م تخلوني اكورك براي
مريم :- ايوووويوووييييييييياااا
بسمة :- ماشاء الله والله اكبر ...رهيبة ي ندي م قادرة علي الرهابة دي ..
ندي :- حبايبي ..معتز شكلو كيف برة 🙈
ريم :- احم احم ...ي بتناااااا
بسمة :- 😂😂والله ماااشااااء الله ماشااء الله شديد ...الليلة تتحصنو بس ي بت
ام ندي :- يلا ي بنات طلعو ندي ..

معتز :- 😃😃
ندي :- 🙈🙈
معتز :- ماشاء الله طالعة حلوة شديد ي ندي .. قلبي خاطفاهو بكلوو .. بحبك شديد
ندي :- خلاص والله ابكي ليك هنا ..
معتز :- 😂😂لالا م تخربي مكياجك ساي ..

ريم :- اححي لو عرفت بتودودو يقولو شنو ..
بسمة :- بيقولو ف كلام سر 😂😂😂😂
ريم :- انتي جربتيهو يختي م تتكلمي 😭
عبد الله :- حتجربيهو قريب ي ريم
بسمة :- اوووووو حسموها حسموهاااااا
ريم :- 🙉🙉🙉🙈🙈
بسمة :- الله عليووووو ي عبودييي دخول جذاب مسبب عذاب ..
مريم :- ي جماعة ندي بتنادي عليكم تتصورو ..
سامي :- ارحكم ..

..................
بسمة :- كانت حلوة شديدة خطوبة ندي ياريتك كنت معاي ي محمد ..
محمد :- الحمد لله انكم انبسطو ..بسمة عايز اقول ليك شي حنضطر نعمل لامي عملية تانية حتزيد فترة قعادنا هنا شديد 💔
بسمة :- ي حبيبي ربنا يقومها بالسلامة ويكون ف العون ان شااء الله 💛

..........................
بسمة :- الحمد لله شهادة تخرجي ف يدي ... حنزل اشتغل طوالي.
امها :- ان شاء الله تلقيي ي بتي وربنا معاك ..
الاء :- ي بختكم لا خدمة لا شيتين شغل طوالي ..
بسمة :- قولي ماشاء الله😂 حنزل من بكرة افتش طوالي

تاني يوم الصباح :-
بسمة :- ادعو لي 💛
امها :- الله معاك ي بتي ..داعيين ليك ..
الا۽ :- موفقة ي رب
..............
بسمة :- الو ندي انتي وين ي بت ..انا وريم منتظرين من كم
ندي :- خلاص هندي دقيقتين وابقي عندكم ..
ريم :- م عارفة ي بسمة مريم ليه م عايزة تفتش شغل معانا?
بسمة :- لا والله م عندي فكرة ولا عارفاها مالها محيراني اتصلت عليها الصباح م ردت 💔
ريم :- غريبة
ندي :- اها وصلت يلللااااا اركبو سريع م نتأخر ..
بسمة :- شوف منو بتكلم عن التٲخير ..
ندي :- صباحكم فل ي قمامير
ريم :- حببببييييببببيييي صباح الانوار عليك ..ماتديني اجرب اسوق 😊
ندي :- نعم?
ريم :- اسووق
بسمة :- البت جنت😂😂بتعرفي تسوقي انتي ي بت اول
ريم :- اتعلم 😊
ندي :- تتعلمي لي هنا ..مش ف مدارس قيادة ..احي م تفقعي لي مرارتي من الصباح نحن اسه متٲخرين بعدين نتفاهم سمح ..
ريم :- سمح

...........................
مريم :- صباح الخير
عبد الله :- اهلاً مريومة صباح النور ..

مريم :- اها عملت شنو م نزلت تفتش الشغل مع ناس بسمة ..
عبد الله :- لا لا انا وسامي نزلنا من اسبوع تدريب صغير ف شركة ولو اثبتنا كفاءتنا بنتعين ان شا۽ الله ..انتي مانزلتي معاهم ليه ?!
مريم :- يعنيي ..م عايزة اسه
عبد الله :- غريبة ..مع انو حماسكم كان عالي شديد انو تتخرجو سريع وتشتغلو ..😂
مريم :- تقدر تقول عندي مواضيع مهمة حالياً.
عبد الله :- م قادر افهمك ي مريم ..ي بت دا مستقبلك وحقكك ف نفس الوقت مش اتخرجتي خلاص ..
مريم :- اسباب كتيرة ..المهم انت اسه عامل كيف?
عبد الله :- انا كويس الحمد لله ..انتي كويسة
مريم :- ايوة الحمد لله.

........................
بسمة :- ي جماعة دا رقم غريب بتصل علي خايفة ارد ويطلع الزفت داك ..
ندي :- ردي ولو طلع هو اقفلي ف وشو وبلوك طوالي ..
بسمة :- ا ا الو.
....... :- بسمة انا بحبك ليه م قادرة تصدقي م تقفلي الخط ..

"بسمة قفلت الخط وقلبها بدق سريع من الخوف"
بسمة :- ي بنات دا هو 😢😢💔انا بقيت بخاف منو بطلع لي ف امكان غريبة وهو شكلو مريب ويتصل دايما ويقول كلام يخوف
ريم :- الزي دا تبلغي عنه الشرطة بس ..
بسمة :- م عارفة اعمل شنو ..المشكلة انو م بيدي شي ولا قادرة اعمل شي ..
ندي :- لا في يدك وقادرة ..ونحن معاك لازم نوصلو لحدو ..
ريم :- اتفق معاك ..
بسمة :- اسه خلونا منو ..اها دي شركة طالبة خريجين ننزل نشوف ..?

...................... .......
الا۽ :- اها بشررري ي بسمة عملتو شنو?
بسمة :- نزلنا نحن ال 3 متدربين ف شركة 💃💃💃💃💃
الاء وامها :- الف الف الف مبروك تستاهلو الخير ..
بسمة :- الله يبارك فيكم 💛💛حروح اتصل علي محمد ..
محمد :- الووو بسمة يحليل الصوت السمح دا مشتاق ليك شديد ي بت 💛💛
بسمة :- والله وانا شوقي اكتر ..نزلت تدريب ف شركة ..بقيت شغالة خلاص 💃
محمد :- الف الف مبروووكـ حبيبتي والله تستاهلي ياريت لو كنت معاكـ ..
بسمة :- دائماً معاي انت ...اها خالتو بقت كيف ..
محمد :- الحمد لله الوضع احسن والعملية التانية اتحددت ف ظرف اسبوع ..
بسمة :- ربنا يقومها بالسلامة ان شا۽ الله💛

...........................
بعد يومين :-
بسمة :- حمااااااااااس الف ي بنات ..اول يوم ف الشغل ..حاجة حلوة شديد🔥🔥🔥
ندي :- ااي والله ..احساس قشرة وكدا ياخ 😆😆
ريم :- عانو منو معاي ف الفديو كول دا ..
بسمة :- الله عبووووودي 💛💛ازيك
عبد الله :- ي الله يشهد الله نور نور نور شديد ي سمحات ..ماشا۽ الله الف مبروك تستاهلو اصلاً ..
بسمة :- الله يبارك فيك ...واحشننا شديد انت وسامي
عبد الله :- انتو اكتر والله ..نتلاقي نحتفل? ???? ارح طوالي ..شفتو كيف بطرح الفكرة واوافق براي
ندي :- قدام شديد
بسمة :- طبعاً موافقين ...نكلم مريم نشوف مالها مختفية مننا
عبد الله :- كنت بتكلم معاها من يومين ..
ندي :- م عايزة تشتغل اسه قالت بس ان شا۽ الله تتسهل ليها وتلقي الفرصة 💛💛
ريم :- ان شا۽ الله
عبد الله :- ان شا۽ الله ..يلاا م ااخركم ي بنات ..مع السلامة
بسمة :- مع السلامة ي عبووودي
ندي :- ها يلا بنات نتحرك
بسمة :- يلا

...........................
بسمة :- صباح الخير ..نحن المتدربين الجداد هنا ..
باشمهندسة ميرفت (مسؤولة ف الشركة):- اهلاً بيكم ف المقر الفرعي للشركة ..حنوريكم مكان شغلكم تعالو معايّ ..علي حظكم الليلة بالذات المدير جاي يزور الفرع ..
بسمة :- ماشاء الله 💛
ريم :- رجلنا خضراااا علي المكان 💃
ندي :- ياسلااام 😂😂😂💛
باشمهندسة ميرفت :- اتفضلو هنا مكانكم 💛ومعاكم 4 متدربين تانيين ..
بسمة :- متشكرين جداً ي باشمهندسة ..
ميرفت :- العفو ولوو

بسمة :- بنات الله حلووو شديد التصميم هنا.
ندي :- صح والله خطفتني الالوان برضو
ريم :- دا الفرع تفتكرو المقر الرئيسي كيف ..
ندي :- وفكرة المدير جاي الليلة دا ف منتهي السماحة ..
بسمة :- يلا يلا م تطفو حماسكم ارح نشوف حنعمل شنو ..
ندي وريم :- ارح

......................
علي نهاية اليوم :-
ميرفت :- اهلاً بيك باشمهندس ابراهيم اتفضل ..

ريم :- بنات بنات كشفو المدير جاا
ندي :- اوو م اتوقعت كدا الصراحة ..اتوقعتو كبير طلع لسه شباب ..
ريم :- حبيبي انتي زرقا اليمامة شفتيهو من بعيد كدا كيف ..?!
بسمة :- لا ظاهر من بعيد ماشا۽ الله ..باينو اربعيني كدا ف بداية الاربعينات 💛 وشوية الشيب مدينو هيبة وضايفين لشكلو كتير ..
ريم :- تصدقو يادوب كدا قدرت اشوفو ..وااييي ماشا۽ الله 💛
بسمة :- اها انبراش من اول يوم كدا 😂😂
ريم :- بزمتك مايستاهل

ميرفت :- ديل المتدربين الجداد للفرع ..4 ليهم يومين والتلاتة ديل نزلو اليوم
م/ابراهيم :- سلام عليكم
كلهم بصوت واحد :- عليكم السلام ورحمة والله وبركاته
م/ابراهيم :- منورين ان شا۽ الله تنبسطو معانا ف الشغل ..ربنا يوفق علي اذنكم ..
ميرفت :- اتفضل ي باشمهندس اشان تطّلع علي ملفاتهم ..

ندي :- اخخخ وانتهي اول يوم علي خير ..
بسمة :- الحمد لله كان حلو يلااا نطلع ..شوفو مريم وعبودي وسامي ..

ريم :- يلا حكلمهم اسه
..............................
#تُستكمل

#أوكستيسين_Oxytocin
بقلمي: مياده أج
الجزء الاول


ياجماعة ياعالم يابشر 😭😭😭😂😂😂😂ماقااااادره أصدق
ماحتصدقو فرحتي قدر شنو🤤
اخيرا حعرررررررررررررسسسسس😂
😭😭😂انا العروس يا ناس
27سنه بحضر في أعراس الناس
27سنه صابره ومنتظره اليوم دا
أخيرا الناس حتقول ماشه عرس أسماء ودا عريس أسماء
وشوف بيت أسماء وتبارك لي أسماء 😭
😂😂😭
زمان بمشي مع أمي الأعراس عشان حاجتين أشوف السمح منو العروس ولا العريس 😂
حفلتهم بي منو 😌
اتعشي وأملي كرشي🤰🏻واشوف كراشاتي🤤
عارفه ماحاجتين ديل 😂
أنا أصلا عروس مامفروض أتعب نفسي بالعد 😒
فتحتا موبايلي لقيت رساله منو...🙈
أسماء يا أجمل عروسه يا حبيبتي أنا😍🤤🔥و جزء من روحي عارفه سعادتي بيك... وحزني بيك .. وكل حاجه فيني مربوطة بيك زواج الدهر يارب
رسلتا ليهو3قرود خجلانين 😂
🙈🙈🙈
بعد لساني الطويل دا مابعرف ارد علي الكلام السمح 🙈
قرا الرساله واتصل لي طوالي...
قال لي في وحده بترد علي راجلا بي 3قرود😂ياقرده انتي
أنا : لا علي أساس في راجل بقول لي مرتو قرده 😒
🙈طيب لو قلتا ليك كلام سمح بتردي علي ولا بتخجلي
أنا: لو عجبني برد😌
بصراحه من زمان كنتا متمني يجي اليوم البنقرا فيهو فاتحتنا 😍
بدايه لي انك تكوني شريكه حياتي وبدايه طريق مفروش بالورد
ي احلي ورده😍
مرحب بيك في بيتي ي أحلي عروس
عارفه نفسي في شنو
أنا : في شنو😳😳
اجي اسي واشوف الابتسامه الفي وشك دي 🙈
😂😂😂واعجبكم للعوالاق
هيههيهيهيهييييي هيي هييهي
يابت مالك بتضحكي كدا😂 قولي بسم الله
فصلتا الخط في وشو وجري لي أمي
أمي أمي
"الحوش والبيت مليان ضيوف"
😂🌝اي مابخجل منهم اخجل لي في وحده ادتني ولدا
بخجل من سيد ريدي بس 🙈🙈
اها خلونا نرجع ليهم😂
😂😭😭أمي حيعرسوووني ايووووووووي
يابت اخجلي دا شنو الناس 😳
أنا : يا امي ناس شنو عليك الله انا حعرس تاني ماعندي راي لا في جاراتك ولا اهلك الرمم ديل
(طبعا كل وحده تكشر وتحمر وانا عاملة ماشايفاهم)
اتظارف معاهم وأخدم فيهم عمري كلو حصل وحده يوم فتحت خشما دا وقالت لي عايزاك لي ولدي
اها يا أمي أييييووووووووي يييييوي يوووووووووووووووووووووي😗
.....
أسماء أسماء 😳يابت مالك بتكوركي جنيتي خلااص
أنا : أمي عايزين يعرسوني يعني ازغرت بي حقي
العايز يعرسك منو 🤨
الله يهديك يابتي😂😂😂
قومي دخلي مرتبتك دي الشمس جاتك
مع الكلمه جمعتا وبديت اعاين انا وين🙄😳
لقيت نفسي في الحوش راقده ومافي لا ضيوف ولا غيرو
قمتا مخلوعه افتش فيهم😳مشو وين
ياربي ديل زعلو عشان قلتا ليهم رمم ولا شنو
قلتا لي امي الضيوف مشو وين
قالت لي ضيوف شنو يابت شكلك حلمانه
أنا :حلم ؟؟؟
يا امي يعني ماحعرس؟؟
دا حلم وااااااععععععع واتفقعتا بالبكاء 😭😭😭
وامي ميته بالضحك
أمي :اها نقول شنو قسمتك لسه ماجات يابتي 😂 ....
قومي دخلي مرتبتك جوا أخوك لو جا ولقاك بتبكي كدا وقلتي ليهو عرس وماعرس بكفتك ويبقي ليك سبب عشان تبكي...
انا :😭💔💔💔 أخوي ششنو عليك الله يا أمي خليني في الهم ال انا فيهو دا أسيي العريس طفش
شلتا مرتبتي ودخلتا جوا ورقدتا في السرير أتم باقي بكيتي
😭العريس وطفش
نقول شنو الحمد لله بس ماعلينا
اعرفكم بي نفسي
أنا أسماء وعمري ماتسالوني منو الأعمار بيد الله🙂
مافي زول يسالني من عمري 🙂
اتخرجتا وقاعده في البيت عشان حضره سياده أخوي قال لي مافي شغل
دي قصه براها😂بحكيها ليكم لمن قبضني وبقيت قاعده في البيت
🙂😂 أصلا أخواني 2
الأكبر مني حسام والاصغر مني بسام
... ماتعلقو علي اسمي مالو اسمي🙂 عيبو لي علي حبوبتي
و أسماء بنت أبي بكر " رضي الله عنه"👋
في مثل بقول آخر البليلة حصي
يعني اخر العنقود دايما بكون شين
لكن الحصي في البيت دا أنا 🙂والحمد لله. ..
أخوااني ماشاء الله سماحه وقامه وشعر وانا البت الحمد لله اللهم لا اعراض في حكمك 🙂 ماتخلوني ادخل في تفاصيل تخوفكم و اوصف ليكم عامله كيف انا
أحسن نرجع لي اخواني
كل واحد أفقر من التاني 🙂وبتنافسو كيف يجننوني...
أمي وأبوي عايشين الحمد لله 💙
أصلاً لو ماقاعدين في الدنيا دي أنا كان زمان خليت البيت دا
الوحيدين البقيفو معاي ضد أخواني والبعملو فيني🙂
#يتبع

#اوكستيسين_Oxytocin
بقلمي: مياده أج
الجزء الثاني

بصراحه كدا أنا عدد ال ارتبطا بيهم وحبيتهم مابتحسب بي الاله الحاسبه 😂
لكن قصدي شريف والله دايما
بس عايزه ود الحلال البناسبني ويشرف أولادي بعدين
امهم شينه وابوهم شين نودي وشنا منهم وين😂😂😂
و كل قصه الحب البتحصل معاي بتكون نهايتا أسواء من التانيه
اوريكم كيف
وكدا تعرفو انا عايزه اعرس لي🙂
#نرجع بالزمن...
Flash back....1

😂 أول واحد اتعرفتا عليهوو عمري 11سنه اي 11🙂 في خامس كنتا
الشفع يلعبو وانا بخلط
😂عملتا صفحه في الفيس ومبسوطه الزوله كبيره وكدا
😂طبعا الحساب عملتو لي بت جيرانا في الثانوي 😂
كلمتا امي وقلتا ليها حسام مايعرف عشان مايضبحني وأمي زوله طيبانه وعلي نياتا ودايما بحكي ليها بي كل حاجه بعملا
😂😂اصلا ماكان عندي موبايل بدخل بي موبايل أمي....
😂😂دخلتا وبديت أكتب حرف الألف في البحث وببدا أضيف حرف الباء والتاء وكدا لحدي ماخلصو الحروف العربيه
ويلا جبتا كراس المدرسه وبديت اشوف في الحروف الانجليزيه واكتب A إضافه Bاضافه 😂وكدا فاهمني مش
ومبسوطه شديد انو الحروف البدونا ليها في المدرسه حقيقيه وقاعده في الفيس...
و مافارق معاي بت ولد المهم يكون عندي أصدقاء أكتر من بت جيرانا 😂😂
وفعلا اقل من ساعتين الاشعارات بقت شغاله طق طق طق
وافق فلان علي طلب الصداقه و وصلو 200وحاجه
😂طبعا من الفرحه كنتا عايزه امشي اوريها بليل بس تقولو شنو عارفني مابطلع لي..
😂😂😂قفلتا صفحتي ورجعتا الموبايل لي أمي
....كان اليوم جمعه ومن الصباح مشيت لي بت جيرانا اوريها
فتحتو لي من موبايلا لقيتهم ما 200
🙆🏻670صديق دا غير طلبات الصداقه الوصلت
😂😂😂 وهي مصدومه ديل جبتهم كيف
😂طبعا أنا بي منتهي البراءه كنتا مفتكره أنو بضيفهم عشان يظهر للناس عددهم وكدا بقيت مشهوره
و ماعارفة انو في رسائل وكدا
لحدي ماهي ورتني الحاجه دي..
أنا :. واااي دي جبتيها كيف 😳
صبا :. عايني ديل اصدقاءك كلهم ممكن تراسليهم من هنا اسمها الدردشه
"طبعا هي عايشه دور ابو العريف" 🌝
أنا :. وهم ناس حقيقين الفي الدردشه دي 😳😳
صبا :. طبعا😂 شوفي كدا اسي دا رسل ليك هاي
أنا : واحد من الاصدقاء 😳
صبا : أي
جيبي اوريك تردي من وين
قولي ليهو " من انت"
"اهم حاجه اللغه العربيه الفصحى😂😂"
صبا:. انتي عارفه ممكن تشوفيهو
أنا :.لالا مابقدر حسام بقتلني لو عرف 😳
صبا:. يابت انتي قديمه من زمن الناس يتلاقو نحنا ممكن نلاقيهوو هنا بدون ما هو يعرف
أنا :. كيف يعني😳
صبا:. شفتي الزر دا بدخلك صفحتو وتشوفي كل أسرار حياتو😈وبدون مايعرف
عايني كدا
أسمو أنس عمرو 25سنه يقيم في بحري
شوفي صورتو 😂 🤣🤣
عايني ليهو عامل كيف ذي السحليه😂😂😂😂
أنا:. يابت عيب عليك ربنا خلقوو ذي السحليه يعمل شنو
صبا :. الحقي ردا لينا 😲
أنا :. قال شنو😳
قال نفس الحاجات الفي صفحتو يعني هو زول صادق
شوفي قال ليك ممكن نكون اصدقاء
أنا :. نحن أصدقاء بالفعل منذ أن وافقت علي صداقتنا
🙂 "أحيي انا كل ما اتزكر الكلام الكنتا بكتبو بتمسكني نفسيات "
صبا : عايني قولي ليهو عمرك 17 عشان ما يقول أنتي صغيره ولازم نغير أسمك برضو ماحيعرف الحقيقه ...
واوريك بعدها حنعمل شنو😈عندي خطه زكية

#اوكستيسين_Oxytocin
بقلمي: مياده أج
الجزء الثالث

أنا : ياخي انا خايفه لو عرف انو نحنا بنكذب عليهو يكلم حسام🥺
صبا :.سهله بنحظرو😂 ياغبيه
واصلا هو مابعرف حسام😒😒
...... رجعتا بيتنا لقيت أمي بتغسل في العده قلتا ليها خليها بتمها انا عشان انتي واختي ماتتعبو
طبعا في كانت حامل في التاسع 😍 وحيجينا مولود قريب
كنتا بدعي يكون بت عشان أحكي ليها كل حاجه وأربيها أنا
ونكون انا وهي ضد حسام تاني ونجننو
😂غسلتا عدتي وخليت امي مشت بي هنا شلتا موبايلا وفتحتا الفيس
لقيتو مرسل لي انو عايز يتعرف علي اكتر
وبديت اتونس معاهو
قال لي عايز اتصل ليك رسلي لي رقمك
🙂😂من الخلعه قفلتا الحساب ورجعتا الموبايل مكانوو
😂مرت الايام وصحبتنا زادت
...كنتا شايله موبايل امي وبتكلم معاهو وفجاه بطنها وجعتا و وداها ابوي المستشفي
كنتا خايفه شديد بعد ما شفتها بالحاله دي وبديت أحكي ليهو ...
قال لي أنو ضروري يقيف معاي ولازم يتصل لي ويسمع صوتي حتي لو مره
قلتا لي طيب برسل ليك رقمي وبعدين تحزفو
أنس : الووو
أنا : الو👱🏻‍♀
أنس : منو معاي😳
أنا : أسماء قصدي جودي ماعرفتني
أنس : صوتك صوت شافعة😂 ف ماعرفتك
أنا : لا اهي اهي "كحة_كحة" 😂
عندي التهاب والله
أنس : علي العموم مبسوط أنو سمعتا صوتك 😍
أنا : وأنا كمان 🙈
أنس : والله يا جودي أنا برتاح لمن أتكلم معاك ماعارف لي شكلي بديت أحبك
أنا: شنو😳😳😳😳
أنس : بحببكككككككككك
أنا : أنس ماعارفة في حقائق انتا ماعارفا ف أنا اسفه
وبدت الونسه...انو هو حيكون دكتور لمن يتخرج ويعرسني و و و
وانا مندمجه شديد معاهو 😂💙
وكنتا عايزه اكون زوله صريحه واقول ليهو الحقيقه ....
.....وفجاه اعاين وراي القي ليكم زولكم (حسام ) واقف من بدايه المكالمه بسمع وعايز يشوف نهايتي وين 🙂
جيبي الموبايل دا بتتكلمي مع منو هنا
😳 أنا مابتكلم مع زول بتكلم براي
عايزه افضل الخط قبل ما يشوف الموبايل مع الخوف شغلتا الإسبيكرز 🙆🏻
وأنس شغال لي جودي والله مهما كان انا بحبك وماحتغير عليك
(الله يحرقك ياخ وينعل ابو اليوم العرفتك فيهو يا شيخ)
😂🙂حسام شال الموبايل وبدا يتشاكل معاهو وطبعا انا بخاف منو موت ومابقدر اقول ليهو حاجه😂
.....انتا مابتخجل تتتكلم مع شافعه قدر بتك وانس مصدوم ومافاهم😂 وبحاول يفهمو انو هو ماعارف
فصل الخط وعاين لي وعيونو بالاحمر بطلعو شرااااااار أداني كف طاااااخخخخخ
انا طرتا مسافه كم متر منو 😂لحدي ما ضربتا مع الحيطه
اصلا انا معصعصه ومنتهيه ودا كمان ساعدو 😂
بقيت بشوف طشاش طشاش وشايفه المكان باللون الرمادي وشايفاهو زولين ....
واول مابديت اشوف لقيتو بفك في الحزام🙆🏻
جاتني طاقه من ماف و شلتا رجليني وجريت أوضه ناس أمي
قفلتا الباب وهو بكورك وبضرب في الباب افتحي والله الليله أقتلك ويوم واحد ماتعيشي يا أسماء والله الليله تموتي
وأنا ببكي وبقول ليهو والله آخر مره يا حسام
حسام : ولا اخر ولا شي انا اسي بقتلك افتحي الباب دا طاخ طاخ
وأنا بببكي😭 خلاص حسام عايز يقتلني يا امي تعالي راجعه بي سرعه
نمتا جمب الباب لحدي الصباح 😂ماعارفه هل حسام لسه واقف منتظر برا ولا مشى...
صحيت جيعانه شديد فتحتا الباب حبه وعاينتا لقيتو مافي وبي سرعه جري علي المطبخ
اكلتا وشربتا وجيت جاريه داخله الاوضه قبل مايشوفني
دخلتا وقفلتا الباب القي ليك حسام قاعد منتظرني جوا وشايل الحزام 🙆🏻
🙂دقاني دق العيش وكفتني وقال أنا تاني لو اتكررت بقتلك جد
وحسابك أنا حزفتو من موبايل امي
ولمن يجو بخلي أبوي يتصرف معاك واخليهو بقتلك هو ونرتاح منك...
طبعا لحدي اليوم ماعملتا حساب في الفيس😂
أي بقيت كبيره وكل حاجه لكن كل مابتزكر الكف الاداني ليهو
وصدي الصوت السمعتو والالوان الاختفت بغير راي 😂
وما كدا وبس بعد الكف عيوني بقو حول كل وحده مشت بي اتجاه😂😂😂ولليوم بلبس نظارات ....
هو مفروض أحمد ربنا أنو لسه بسمع 😂
كان اسي بقيت عميانة وطرشانه😂 الحاجه الغربية ناس أمي وأبوي لمن جو حسام ماحكى ليهم ماعارفة لي 😂
هم جو وجابو لينا ٢ أكبر مصيبه في حياتي 🙂حاليا بعد حسام....
بسام🙂 وما ادراك ما بسام
😂😂طبعا ما انسي اقول ليكم عملتا فيها الزوله المظلومه ومشيت لي صبا تعتزر لي أنس وتقول ليهو الحقيقه
😂🙂نبزنا وقال لي أنا تلعب بي شافعه اخر الزمن 😂😂😂واداها بلوك وقال ليها قولي ليها تاني ماترسل لي

نهايه الفلاش باك 1

#اوكستيسين_oxytocin
بقلمي: مياده أج
الجزء الرابع

طبعا دي ما ماكانت المره الوحيده 😂🙂 يقبضني حسام عندي معاهو مواقف مابتتعدي وصلتا مرحله اتعودتا علي الدق 😂😂 ويومي مابكمل بدون ما يشاكلني
🙂 كمان ما حسام حتي بسام الخبيث بقي بقبضني ومابمشي يكلم لي ابوي
لا طوالي جري لي حسام
أسماء عملت وأسماء فعلت ودا أحمق ومابتفاهم...
🙂😂بتزكر أسواء مره اتقبضتا فيها لمن صاحبتا صاحب حسام
كمان انا عيني قويه 😂😂صاااااااااااحب حسسساااااااااام
بصراحه لقيتو زول محترم وسمح ومرطب وابوهو حاجه كبيره في الحكومه يعني من شفتو اتخيلتا اولادي فيهو 🌝
ولو ما عرستا دا اولادي ماحيسامحوني في المستقبل.....
😂 المهم كنتا بتكلم معاهو وقال لي الليله لازم نطلع
قلتا ليهو طيب بعد ما أرجع من الجامعه ويكون دا أول مشوار لينا
وفعلا اول ماخلصتا اتصلتا ليهو😂
وجا
عريتو حاجه فخمه شديد ومظللة و حاجه كدا عجيبه 🌝قلتا ليكم فارس أحلامي
طوالي ركبتا وبديت اتونس معاهو
وسالني نمشي وين قبل ما أرد ليهو ياعيني ماتشوفي الا النور 🙆🏻
اشوف ليك حسام اخوي ..
الحمد لله انو ماشايفنا نحنا بس البنشوفو
في نفس اللحظه حسام اتصل قال ليهو شايفك واقف للاشاره بركن علي جمبه انا قريب منك
انا اتفقعتا بي البكه قلتا ليهو والله انتا متفق مع حسام 😭
وهو يحلف أنو ماعارف انو حسام هنا وحستفيد شنو لو قلتا ليهو
يمكن عرف نمره العربيه
قلتا ليهو بس نزلني هنا اسسسسسي 😭😭😭😭😭وبديت ابكي
قال لي طيب لو نزلتي وشافك
اسي هو عشان التظليل مابكون شافك لكن لو نزلتي
يدوب بشوفك وحسام بقتلنا صحبي وبعرفو مابتفاهم
قلتا لي طيب امشي وقول ليهو كنتا مستعجل وقبل ما يرد لي
( حسام بدق قزاز العربيه )
اشوفو ليك من ورا التظليل
واااي دا حسام 😳😳
😭😭😭
😂و هو خايف اكتر مني عشان صحبو قال لي اقول ليك ادسي ورا
ويلا جريت واتحشرتا ورا المقعد
😂😂😂ولا نفس ولا صوت
حسام ركب في المقعد الكنتا قاعده فيهو
وهم بتونسو وطبعا أنا ختمتا يس وسورة البقره ماحافظاها لقيت نفسي بقرا فيها كامله😂
وهو هناك هو من الخلعه ماقادر يتكلم وبتمتم 😂😭
حسام حسى أنو في حاجه وبدأ يسالو في شنو
قال لي بس عندي صداع شويه كدا 😰
ضحك وقال ليهو قول بس عايز أعزمك شاي
اقيف هنا عند ست الشاي دي نشرب عندها
ودي انسب فرصه عشان انزل واجري البيت قبل ماحسام يصل😂😭😂😭
وفعلا نزلو
قلتا يابت أستغلي الفرصه دي واجري البيت
اكيد فيصل صحبو خلي الباب فاتح وما امن العربيه عشان انزل
واول مارفعتا راسي اشوفهم ليك قاعدين قصاد العربيه بشربو في الشاي
انزل كيف كمان بدون مايشوفني 🙆🏻 دي مخاطره افتح واحد من أبواب العربيه وهم قاعدين قداما
نزلتا راسي وقعدتا في مكاني لحدي مارجعو بعد كم ساعه
ووصلنا البيت متاخرين
حسام نزل بدون مايشوفني 🙌🏻🙌🏻
خليت فيصل ينزلني في الشارع التاني وقلتا ليهو عاين أحزف رقمي 😠وأنا تاني ماعايزة اتواصل معاك من أول يوم لاقيتك فيهو عايز تعمل لي مشاكل مع حسام
وهو صاحب حسام يعني نفس الطينه والعجينه والعصبيه🙂💔
وبدينا نتشاكل منو السبب😂 لمن قرب يضربني
صلحتا شنطتي وطااخ قفلتا ليهو باب العربيه ومشيت بيتنا
وصلتا البيت زهجانه وقافله معاي
فتح لي الباب حسام ...
حسام : كنتي وين😒
قلتا ليهو
كنتا في الجامعه والله👈🏻👉🏻🙄
حسام: بتحلفي كذب كمان 😡كنتي وين
مافي جامعه بتفتح لحدي الوقت دا
أنا : والله في الجامعه وتاني مشيت لي صبا عشان طولتا منها
حسام: ولو لقيتك كذابه😡
أنا : اضبحني
اسي تعال نسأل صبا وبتوريك لو كذابه ولا لا
حسام : علي فكره انا عارفك كنتي وين😡
و لو عامله زكيه أنا أزكي منك 😒 انتي قاعده وراي في المقعد مثلا مابحس بي حركتك ؟؟؟؟😡 😡 😡
بس كنتا عايز أشوف نهايتك شنو
والليله ذي ماقلتي بضبحك 😡
انا ولا كذبتا ولاااا حاولتا ادافع عن نفسي جدعتا شنطتي وجريت لي أمي 😂
الشنطه عترت لي حسام 😂
ووقع في الأرض 😂
وأنا لقيتا فرصه أصل لي أمي عشان اطلب عفوها ورضاها قبل ما يضبحني😂😭
والله هو جادي وبعملا
شفتو دخل المطبخ جاب سكينو وجا عشان يضبحني😂😭😂😭😂
وامي بتهدي فيهو وماسكاهو
😂مابوريكم الحصل شنو بالتفصيل لكن جات سليمه وماضبحوني
😂😂عشان أمي شالت منو السكين وقالت ليهو دقها ساي ويلا يعجبكم
طاخ طاخ طاااخ لب لببب...
انا ماعارفة لي بحصل معاي كدا دايما🙂
بس أول ما أعرف أي زول حسام بظهر لي ويفركش كل حاجه
😂 أنا حاسه أنو لو واحد وقف لي في الشارع ووقف لي ناس بعد شويه حسام حيكون واحد منهم ويقتلني انا و ود الناس الماعندو ذنب😂😭😂
من الاخر كدا أنا عايزه اعرس عشان اتخلص من حسام وبسام ديل🙂💔
غير انو زهجتا من كلمه البايرة البقولوها لي
ف عايزه اعرررررررس ياناس

#اوكستيسين_Oxytocin
بقلمي: مياده أج
الجزء الخامس

ماتقولو بايرة عشان قلتا ليكم عايزه اعرس
عرساني بي الصف وافقين 😏
(اعملو فيها مصدقين😂👈🏻👉🏻وابلعوها عشاني 😂)
أنا عندي مواصفات فارس أحلام معينه😌 ولو مالقيتا مابعرس
اول حاجه مايكون ذي حسام
تاني حاجه مايكون ذي بسام طبعا😂🙂
عايزاهو طويل 🤤
اسمراني🙉
ملتحي و عندو عروق 😂🌝عروق ظاهره شديد يعني
ومعضل أهم حاجه معضل
تاني يكون مدين 😂 كمان ما انسي الاخلاق😂
😂😂🔥بعد كم يوم من شكله فيصل كان أتقدم لي عريس ....
أصلا اتقدم لي عريس واحد في حياتي كلها 😂
وبي سببو أي زول بسال مني بطفش قبل ما يصل البيت 🙂
ماتقولو غلطانه انتو كمان😂😭 وماتحكمو علي زول قبل ماتسمعو القصه من الطرفين ...
.
العريس كلو عباره عن كروش🙂🙂
عندو 5كروش والله
2تحت عيونو و2تحت جضومو ووحده في بطنو🙂🙂
يا جابو لي أبوي الله يديهوو العافيه🙂 ولا حسام عشان ينتقم مني
عينو لي أصحابو يجيب لي في دا
🙂اها هناك الراجل قال لي أبوي
نقرا الفاتحه أسي ونباركا
جاني ليك بسام 🔥😍جاااري
وانا بغسل في العده
بسام: البايرة
البااايرة حمد الله علي السلامه حنرتاح منك 😍
وغرفتك حتبقي لي تاني 😁
قلتا لي لي أن شاء الله😒
بسام: سمعتا ابوي قال عايزين يعرسوك أسي لي عمو اسماعيل😂 🤣😂
انا : عموو اسماعيل منو؟؟🤨
بسام :راجل مدور😂بطنو ذي الكوره
ومرتو عجوز 🤣🤣
انا : جدعتا الصحن من يدي
لا حوله ولا قوه الا بالله
لاحوله ولا قوه الا بالله😭
اميييي اميييي تعالي اسمعي
امي جات جاريه مافاهمه حاجه
قلتا ليها عايزين يعرسو لي يا أمي😠
قالت لي اي ابوك قال لي قبل شويه
قلتا ليها كويس يا أمي كويس حتي انتي معاهم😭..
عاينتا لي بسام ونهرتو
أسمع هنا حسام وين😡
قال لي طلع الشارع قبل شويه وواقف مع اصحابو
يعني دي فرصتي كويس بوريكم😡
لبستا توبي وجري الصالون
وقفتا قدامو وقلتا ليهو لاااااا
انا ماموافقه
الفاتحه دي أنا مابقراها الا في جنازتك انتا يا راااجل يا عجوز يا مابتخجل😡
تعرس منو أنا قدرك ؟؟
حسبي الله ونعم بالوكيل فيك
أبوي بحاول يهدي فيني وبكورك والراجل بكورك وأنا بكورك
مسكتو ليك من المغسة عضيتو في صلعتتو😂😂
وهو بصرررخ وابوي بصرخ
والكواريك جابت حسام وأصحابو من الشارع يشوفو حصل شنو
يجي داخلين يلقوني ماسكه الراجل من صلعتو وبعضي فيهوو
وهو بصرخ😂
وأبوي بحاول يمسكني منو
جا واحد مسكني منو وجدعني بعيد
اها الراجل ماسك صلعتو و بقول 😂دي العايزني اخطبا ليك دي ؟؟؟ وباشر علي
عاينتا كدا أشوف ليك فيصل
واااي فيصل 😳😳 الجابو هنا شنو
عاين لي وقال لي
والله العظيم لو ما اكراما لي حسام وابوهو انا دقيقه ماكان خليتك تعيشي والله اقتلك وادفنك في مكانك😡
غلطان أنا القلتا لي حسام عايز أتقدم ليها عشان غلطا في حقك ومامفروض اطلع مع اختك
يلا يا أبوي نمشي البيت شكلو جينا غلط
ومسك ابوهو
الراجل قبل مايطلع
عاين لي وقال لي أن شاء الله بركه الله عمرك ماتعرسي
دعوه المظلووووم مستجابه مش كدا😭😂
وااااي والله ماعارفة انا قايلاك يا أبو صليعه انتا العريس هو انتا اسمك فيصل اسماعيل يعني😂😭😂😭
الله يجازيك يا بسام البتفهم نص الكلام وتجي توصلو لي دي نهايه البسمع كلام الشفع
الناس طلعو بي هنا وحسام يلا🙂🔥
طاخ طاخ طاااخ وما كدا مسك لي شعري عدموو لي السببيية ومافي زول قال ليهو عينك في راسك المره دي😂💔
وقال لي أبوي لو تبور تاني مايجيها عريس داخل البيت
نشوف حتعرس من وين
😡😡😡😡

#اوكستيسين_oxytocin
بقلمي:مياده أج
الجزء السادس

أول يومين كانت نفسياتي هابطه شديد💔 ومن الزعل مامشيت الجامعه
ولا اقول ليكم الحقيقه 😂
ونكون واضحين
من آثار الضرب وشعري التفه
خفتا من الفضيحه 🤣
وانا لساني خفيف😂 بعرفو أنو ضيعتا عريس بي يدي و عضيت ابوهو 🙂
وتبقي لي سمعه في الجامعه وعند الجيران
اليوم الثالث من الصباح قشرتا واتمكيجتا وشلتا شنطتي طالعه الجامعه
لاقاني ملك الموت 🙂
اا ااقصد بسام
بسام : ماشه وين😏
انا: وانتا مالك كمان ناقصاك انتا 😒
يلا طير من قدام وشي قبل ما اضربك
بسام:. تضربي منو 😏
انا: عاين ياشافع انتا انا ماناقصاك من صباح الرحمن 😡 الوقت اتاخر كفايه اليومين الضيعتهم
بسام : عايني يابايره انتي 😏حسام قال تاني مافي جامعه
أنا :كيف يعني😳😳😳
بسام : ذي ماسامعه😁 وقال من البيت دا ماتطلعي الا بالابيض
أنا : يعني لحدي ما اعرس 😡 اقعد ليكم كدا
بسام : لا الأبيض التاني😎⚰
أنا: اسمعني هنا لا انتا ولا حسام بتقدرو تفرضو نفسكم علي انا ابوي ماقال لي يقول لي حساام😡 والله دا الفضل طير يلا من قدامي
بسام : طيب يا البايرة اثبتي كلامك دا😈
حسسساااااااااام يا حسسسسسااااااااااام أسماء طلعت
وماشاء الله الصالون جمب الباب
انا من شفتا حسام فتحتا باب الشارع وشلتا رجليني وجريت
😂🙂وهو ولا أنتظر بسام يوريهو ماشه وين جا جاري وراي
أنا جاريه وهو جاري وراي والحمد لله الشارع فاضي😂😂مافي زول شافنا
يعني كانت حتكون فضيحه بي جلاجلمع الجيران
😂اها بقينا جارين وهو بكورك لي اقيفي اقيفي يابت الكلب 😡
وأنا جاريه 😂😂😂وماقادره أرد يا الله قادرة أشيل نفسي
من الخوف ماعارفه نفسي ماشه وين 😂😂😂جاريه اكتر من ربع ساعه وهو العبيط مازهج وجاري وراي
😂😂لحدي ماوصلنا حله اول مره اشوفا في حياتي وهو خلاص بقى قريب مني يعني الموووت جاك يا أسماء
اها لقيت راجلين واقفين جمب بقاله جريت مسكتا الراجل من جلابيتو وبقيت ببكي ليهو 😂😭
الراجل التاني مسك حسام وبهدي فيهو ماصح تعمل كدا وحرام عليك تعمل في بت الناس كدا وباقي الناس اتلمت😂
كمان
و الجو ديل ظريفين خلاص😂 افتكرو انو حسام حبيبي ولا راجلي ماعارفة
وبقولو ليهو اهدا ياود الناس حتي لو البت غلطت ماصح ترفع يدك عليها وديها بيت امها احسن من تعمل فيها كدا
انا طوالي اعجبكم ولا انتظرتو يفسر ليهم قلتا ليهم دا كان لاحقني من وأنا طالعه من البيت وانا مابعرفو
وهو شغال لي مابتعرفيني يابت الكلب
😂😂🙌🏻اصلا الحمد لله الشبه ماظاهر هو سمح وأنا شينه
يعني اكذب وانا مرتاحه
بقو ماسكنو وهو عايز يصل لي وانا لسه ماسكه جلابيه الراجل 😂😂😂
اول مالقيت الرجال مسكوهو كويس وقعتا الراجل وجريت😂😂😂 علي الاقل يشغلو كم دقيقه لحدي ما أصل
🏃🏼‍♀😂 جارية بي نفس واحد لحدي ماوصلتا الجامعه 😂😂
مع العلم أنو أنا بركب مرتين للجامعه
😂😂إن شاء الله ياحسام تكون ادقيت واخدتا ليك علقه عمرك ماتنساها
عشان تاني تعرف نفسك جاري ورا منو😂😎
شلتا الموبايل لقيت تحت مكتوب
١٦ الف خطوه 😳😳😳
😂😂😂اها من شفتها حسيت بالتعب وراسي لفي وبقيت شايفه ابيض واسود وجيت واقعه 😂😂
بقو برفعو فيني ويجيبو لي مويه ويصحو فيني
😂😂😂😂😂وحرس الباب بسالو فيني حصل شنو معرقه وخايفه كدا
وانا اعجبكم للكذب قلتا ليهم كان جاري وراي كلب😂😂
😂😂😂😂مره حرامي وآسي كلب ياحسام لكن بصراحه تستاهل
😂اها دا كلو كوم وانا كيف حرجع البيت كوم تاني