كملوا كلامن ورجع عالبيت ،كانت نسمة بعدا عم تشطف البيت ، فات قعد بالصالون وشغل التلفزيون ، اتعود تعتبره ما موجود ، أما هي وعم تطلع المي من تحت التخت طلع معها داخلي رجالي برتقالي ،استغربت من وجوده ﻷن سعيد ما كان عندو هيك واحد ، نادتله ،إجى ،سألته عنه وهي الشك ممليها ،استغرب كيف نكشته وهو نسي يخفيه بعد ما إجى من عند سوزان ، ما عرف شو يحكي سكت لبينما دبر كذبة

سعيد : كان عندي قديم إجيت البسه بس بدلته لما لقيت واحد

نسمة :ﻷ ما كان عندك هيك واحد ، سعيد شو جابه لنحت التخت

اتجاهل سؤالا ورجع يكمل قعدته ،اتهففت منه وكرهت شكله حتى ،صار الشك يكبر بقلبا ، كملت شغلا لخلصت ، حكالا عن فكرة أم ياسر

نسمة :لا هيك شي مو موجود ..أنا ما بعتقد بكل هالافكار شو سحر وشو جن هاد كله خزعبلات

سعيد :لا خزعبلات ولا شي، السحر موجود ولولا هيك ما كان النبي محمد انسحر ،بقى بتجهزي حالك بكرى

سكتت ضلت تفكر ، اتأمل فيها وعم يأنبه ضميره كيف قدر يخونا ، ومع أكتر وحدة كرهتا ، صار تاني يوم وراحوا هنن وأم ياسر عند شيخة ،فاتت عندا هي وأم ياسر ،قرأتلا وتمتمت شوي ،ح الراحة ، بعدا التفتت عأم ياسر وقالتلا
#هاوية_حب تتمة الثامن + #الجزء_التاسع

سكتت ضلت تفكر ، اتأمل فيها وعم يأنبه ضميره كيف قدر يخونا ، ومع أكتر وحدة كرهتا ، صار تاني يوم وراحوا هنن وأم ياسر عند شيخة ،فاتت عندا هي وأم ياسر ،قرأتلا وتمتمت شوي ،ح الراحة ، بعدا التفتت عأم ياسر وقالتلا

:يا لطيف يلطف ،الله أكبر عليهن ألف مرة ،البنت معملا عمل يسليها سلي ويرجع صحتا لورى يوم ورى يوم ،صح لك بنتي

هزت راسا نسمة :اي حليبي ضعف كتير صرت جيب ﻷبني حليب ناشف ليشبع

الشيخة :وجوزك ؟ مو متغيرة علاقتكن

نسمة :ء الصراحة أنا اللي متغيرة عليه

الشيخة :صح ، في وحدة متقصدتكن وهي السبب باللي عم تمرقي فيه

نسمة :كيف ،مين هي

الشيخة :اهدي بنتي ، هلق رح امسكلك تكبيسة إذا تحسنتي بترجعي لعندي بعد يومين وبشرحلك أكتر

حاولت ام ياسر تستفهم منا بس ما رضيت تحكي شي لحتى ما تسبب مشاكل ، راحوا من عندا ،خبروا سعيد ،طلع بنسمة نظرة بمعنى انو شفتي انو في سحر ، كانت نظرة مهضومة بس نسمة استسخفتا كتير ودارت وجها عنه بكشرة ، لاحظت أم ياسر وهزت براسا لسعيد ،تاني يوم وهي نسمة عم تطبخ ،اندق الباب !

_

اتجددت حالة اليأس والتعب عند أهل نسمة

أبو خالد :والله متأملين بالله ولك والله الله قوي وجبار ،شلون هيك عم يصير ،خالد رجع مكسر ومحمود اتكسرت رتبته فوق ما انسجن شو هالبلاء يالله

بكيت زوجته :معليش جدد املك بالله واصبر ،الله كبير يمهل ولا يهمل

أبو خالد :كان لازم روح بدل خالد ومحمود وحلا سلمية معن وحتى لو مشغلينا خدامة رح اتفق معن خلص تعبت مو فارق معي كلام الناس بس بدي شوف ضنايي

ما اتماسك وبكي ،استندوا عبعض وهنن قاعدين

أم خالد :بكرى جايين بناتك يقعدوا عنا يومين ينظفولي البيت ،من وجع ضهري ما عم بقدر اشتغل شي
_
نزلت فتحت الباب

نسمة :سوزان !أهلا اتفضلي

طلعت سوزان حاملة معها الضربة القاضية عأعصاب نسمة ، بعد السلام والكلام ،حكت سوزان مقدمة ما كتير فهمتا نسمة ،طالعت من شنتايتا كيس فيه داخلي الخاص بسعيد

سوزان :بقصد هاد ،نسيه عندي لما إجى ولبس واحد برتقالي بداله

نسمة :ههههه شو عم تحكي

سوزان :بتحبي اشرحلك يعني ،ببساطة إجى لعندي يوم قلتلك اخوكي انقتل و كنت لحالي بالبيت ءءمابعرف كيف صار بينا هيك بس هالشي كان بناء عطلبه وأنا الصراحة ما ضوعت هالفرصة ...فرصة مضاجعة جوزك كانت ممتعة كتير

كانت نسمة عم تنصدم شيئا فشيئا ، اتاكدت أنو اللي بقلب الكيس فعليا لسعيد لحتى شعرت بالاستفزاز من آخر جملة قالتا سوزان ،ابتسمت ،وقفت

نسمة :قومي ﻷعطيكي ياه تكرمي

استغربت سوزان من برودتا وهي اللي كانت ناوية تجلطا ،وقفت سوزان وبرغم انها كانت أطول من نسمة وأعرض منها بس قدرت نسمة تضربا عوجها وبعدا شدتلا شعرا وهي عم تصرخ عليها وتبهدلا وتفش غليلا

نسمة :انقلعي قبل ما هلق أدبحك

ركدت سوزان لقدام الباب زتتلا شنتايتا نسمة أخدتا وراحت ، التقطت أنفاسا ،طلعت ععبد ،وعالساعة كانت 12 الظهر ، قررت تحسم قصتا فاتت لبست وطالعت شوية أغراض لعبد ضبتن بشنتة ، دقت لسعيد يجي ضروري ،إجى بعد عشر دقايق من اتصالا ،طلع شافا لابسة ،اتفاجئ

سعيد :شوفي

زتت لبين رجليه الكيس اللي فيه الداخلي ،شافه واتلبك شو يحكي ،لما شافته هيك بهالمنظر اللي بتعتبره أي أنثى فعلا سخيف ، انفجرت ،طلع بقلبا كل شي كلام كان مخبى

نسمة :لك خااين وكذااب ومية كذااب أنت مجرم ما بتصير بيوم إنسان ،عشو حابسني عشووو قبلانة عيش معك وبعد عن أهلي يا قليل الإحسااااس مشاان تجي أنت تخونييي مشاان تحسسني إني حشرة لك

حكى بس ضلت عم تصرخ وتنط وترجف

سعيد :لك نحنا مسحورين طولي بالك ..مستغرب متلك كيف هيك عملت