سجن؟ فهمني مستغني عن حياتك !!! لكك ايمتى رح تفهم انو هي الطريقة الوحيدة يا غبي
- يوسف : ما بقدر ما بقدر انتي فهميني
- ام يوسف : غصب عنك مو بكيفك انا ما مستغنية عن ابني ولساتو باول شبابو
- يوسف : بس هيك رح اكسر قلب بنتين
- ام يوسف : ودخيلك هلأ صرت حساس وتهتم لمشاعر الناس
- يوسف : تركيني فكر
- ام يوسف : لسه بدك تفكر!! انا اليوم حاكية بالموضوع
- يوسف: خليها لبكرا
- ام يوسف : اليوم
#شردت ايلا وبلشت تفكر عن شو كانوا عم يحكو وشو ممكن يكون هالشي ؟ وليش يوسف رح يدخل السجن ؟
اسئلة كتير بلشت تخطر ببالها ومو فهمانة شي .. بعدين راحت قعدت بغرفتها
- ايلا : احكي لبابا ؟ ولا لاا لا يمكن شي ما بدن حدا يعرف فيه .. طيب اتقرب من يوسف واسألو ع الموضوع ؟ اي فورا رح يقلي عم تتسمعي ع حكينا ويزعل .. يا ربي شو اعمل
#المسا
- ابو عماد: بابا شبك ما عم تاكلي
- ايلا : مافي شي بابا
- ابو عماد: وين شاردة
- ايلا : لا ولا شيي مافي شي ممهم يعني
- ابو عماد : ماشي بنتي
- ايلا : صحتين وهنا .. انا شبعت
_______
#طلعت ايلا ع غرفتا .. والباقي خلصوا العشا وطلعو ع غرفن بس ام يوسف وابو عماد وام عماد ضلو
- ام يوسف : اي اخي انا كنت حابة احكي معك بموضوع
- ام عماد : هاتي احكي
- ام يوسف : يعني متل ما بتعرف انا رجعت لهون لحتى شوفكن من جهة وازوج ابني من جهة .. كنت عم فكر دورلو ع بنت بس قلت مافي داعي بعد بنتك قدام عيوني وما شاء الله عنها جماال واخلاق وعلم كاملة مكملة شو بدي احسن من هيك
- ابو عماد : والله يا اختي انا بتشرف وما رح لاقي حدا يهتم فيها متلك بس والله ايلا صغيرة .. وانا مو حابب بعدها عني هلأ
- ام يوسف: منخلي فترة الخطبة طويلة واذا بدك منخلي يوسف يسكن هون ويشتغل معك بالشركات
- ابو عماد : خليني فكر وكمان اشوف البنت شو رأيا هاد اهم شي عندي
- ام يوسف : ع راحتك .. انا طالعة ارتاح بغرفتي
- ابو عماد : تصبحي ع خير
- ام يوسف: وانتو من اهلوو
- ابو عماد: شو رأيك انتي
- ام عماد : والله انا برأي ما رح تلاقي احسن من هيك
- ابو عماد : وايلا
- ام عماد : ايلا خدها مني انها موافقة
- ابو عماد : خير خير ان شاء لله
________________
#اليوم_التاني
- ايلا : صباح الخير
- يوسف : صباح النور
- ايلا : شو رأيك نطلع نفطر بمكان مرتب
- يوسف : هو الصراحة..
- ام يوسف : اي ليش لا .. ومنو بتطلع بتغير جو
- يوسف : اي اي منطلع ليش لا
- ايلا : طيب لكن جهز حالك والحقني انا ناطرتك تحت
- يوسف : ماشي
_________
#طلعو ايلا ويوسف .. ايلا كانت مخططة تستدرج يوسف بالحكي لحتى تعرف شو القصة بس كانت كتيرر مترددة وخايفة من ردة فعلو كيف رح تكون .. رجعو ع البيت وبعدين ام عماد سحبت ايلا من ايدا واخدتا ع غرفتاا
- ايلا : ماما شو في
- ام عماد : وين مختفية من الصبح
- ايلا : طلعنا انا ويوسف تفتلنا شوي
- ام عماد : اممم قلتيلي
- ايلا : شو في
- ام عماد: عمتك مبارحة طلبت ايدك ليوسف
- ايلا : شوو ! 😳
- ام عماد : متل ما عم قلك
- ايلا : بس انو
- ام عماد: انو شو ؟ ما كان بدك هيك انتي
- ايلا : اي اي مبلا
_______________
#وافقت ايلا ووافق ابوها وبعد #مرور اسبوعين كان كتب الكتاب وحفلة عائلية صغيرة .. كان الكل مبسوط وعم يرقصوا ويحتفلو .. بعدين يوسف انسحب من الجمعة شوي شوي وطلع ع غرفتو .. طلعت ايلا وراه وفتحت باب الغرفة شوي شوي لقتو فاتح اللابتوب وعم يحكي مع بنت ..
- يوسف : بنان مشان الله افهميني
- بنان : شو بدي افهم اكتر من هيك .. انا فهمانة كل القصة وعم باركلك شو بدك احسن من هيك
- يوسف : انا ما بحبا
- بنان : ما بتحبا وخطبتاا
- يوسف : عملت هيك كرمالنا
- بنان: كرمال شو
- يوسف : بتتذكري هديك القصة
- بنان : وشو دخلا
- يوسف : كيف شو دخلا بوقتا انا اخدت الجريمة عنك ولا نسيتي
- بنان : لا ما نسيت
- يوسف: وانكشفت القصة واهلو بدهن مصاري قد الدنيا لحتى يسكتو
- بنان : لحد هلأ ما فهمت ليش خطبتا
- يوسف : لان خالي معو مصاري بلاوي ورح اقدر اخد منو بحجة اني رح افتح مشروع خاص فيني لحتى اسس حياة وهو ما رح يرفض لان بالنهاية هي الحياة وهي المصاري رح يكونو لبنتو
- بنان : يعني ما بتحبا
- يوسف : ابدا
- بنان : طيب ايمتى بيخلص شغلك هنيك
- يوسف : بوعدك اول ما حصل المصاري تارك كل شي هون وراجع لعندك
- بنان : اسفة ع الحكي يلي حكيتو
- يوسف : مقدر وضعك .. انا ما كان بدي خبرك بس مافيني اخسرك

#رجعت ايلا بخطوات بطيئة لورا وهي مصدومة من الحكي يلي سمعتو ومو عرفانة شو بدا تعمل .. طلعت لبرا فورا
- عمر : ايلاا .. ايلااا وين رايحة
#مسكها من ايدا وشدها
- عمر: وين رايحة يا مجنونة
- ايلا : تركني ما بقى بدي ابقى هون ولا ثانية
- عمر : طيب طيب اهدي هلأ منطلع
#عمر اخد ايلا وطلع وراح وضل يمشي ويفتل بالسيارة لحتى وصل لمنطقة ووقف عند بيت ..
- ايلا : لمين هالبيت
- عمر : الي
#دخلت ايلا ع البيت وقعدت صارت تبكي
- عمر : شو صاير