#رواية_فتاة_الانارة
#فتاة_الإنارة بقلم #مرام_القدور

قصة حب مشوقة تستحق متابعتكن😍منشن لحدا يكملا معك😌💙

#الجزء_التالت

بهالوقت فات عمر ع غرفة ابي لقاه نايم

عمر: الف الحمد لله .. وين نام انا هلق .. قيس قلي ريما ما هون رح فوت ع غرفة ريما لكن وريح حالي

فات عالغرفة ماكان فيا حدا شلح قميصو وزت موبايلو ع طاولة وطفى الضو وشلف حالو عالتخت وتغطى وهو عم يفكر ... فجأة انفتح باب حمام الغرفة فتح عيونو عمر وشاف منشفة قبالو

عمر: بربك قيس جاية تتحمم هون يازلمة تركني نام شوي

-عمررررر !!!!!

رفع راسو عمر وتطلع لفوق شاف ريما شعرها مبلل ولافة ع حالا المنشفة وهي اول ماشافتو فتحت تمها لتعيط قام دغري عمر وحط ايدو ع تمها وشدا لعندو وهي صارت تعيط وهو مسكرلا تما ب ايدو

-عمر بهمس: اهدي اهديي صار سوء تفاهم ... ليكي مارح شيل ايدي عن تمك لتسكتي وماتجرصينا هس

اتطلع بعيونا يزاورها بس وقت شافا كيف خايفة و عيونها دبلانين من المي وجسما مي صار يضحك

عمر:اهدي رح شيل ايديي عنك اوعك تصرخي ١ .. ٢ ..

شال ايديه عنها وهي قلبا عم يدق بسرعة مسكت مخدة وسفقتا فيه

-ريما: لك انت شو عم تساويي هوون ااه
عمر بهمس: هسس اسمعي اهدي وربي سوء تفاهم فكرنا انا وقيس انك رحتي
ريما: كيف بدكن وروح وانتو تاركيني ع اعصابي هون كمان ليش شالح قميصك
عمر:ليكي لبسي هلق ورح نفهمك انا وقيس كلشي

حطت ايدها ع خصرها ورفعت حاجبا

ريما: طيب طلاع
عمر: ليش
ريما: ل البس شو ليش
عمر: مو بيناتنا ولوووو
ريما: عفواً؟ طلاع احسن ماصرخ هاا
عمر: لاا كلشي الا جاعورك طلعت

طلع عمر من الغرفة بلا قميص
ريما مسكت قميصو جوا وفتحت الباب وقالتلو نسيت قميصك
وزتتلو ياه بهاللحظة طلعت بوجهن وعملت هيك😳
ريما شافتني عملت هيك😳

عمر: شبك مصدومة

اتطلع عمر لورا شافني😳

عمر : لا لا لا تفهم غلط والله مافي شي ماا ما كان الي خبر
قيس: لك شو عم تعمل بلا قميص ليش جوا و ريما ليش انتي بالمنشفة شو عم تساويي هون

ريما (بتلبك): لا ماصار شي غلط هوة فات فكرني ماهون وانا كنت بالحمام وطلعت شفت واحد بلا قميص وطالعتو هي كل القصة

قيس: مممم
لبيس عليك ولحقني😒
عمر: خليني اشرحلك
قيس: لا تشرح تعا

اعدنا بالصالون عم ننطر ريما

قيس: عمر
عمر:اي قيس
قيس: .. مافي شي بينك وبين ريما ؟
عمر: لا بربي لا يا زلمة لو في شي كنت قلتلك بس انت قلتلي مانها هون لهيك اخدت راحتي وشلحت قميصي
نزلت ريما وهي ملبسة شعرها منشفة ولابسة بيجامة خضرة عاكسة ع عيونا اعدت قبالي شميت ريحة عطري صرت افرك وجهي بعدها اتطلعت فيا

ريما: كيفكن
قيس:حمام الهنا
ريما: الله يهنيك ... شبكن كنكن اعدين بعزا؟
قيس: ابي نايم
عمر: اي نايم شفتو انا
ريما: ماشالله فايت عالغرف كلا
عمر: كان بدي اتسطح عندو بس خفت يكون شي غفلان ويفيق
ريما: اخد دواه ونام
قيس: يعطيكي العافية عم نعذبك معنا
ريما: ولو ابوك معزتو متل ابي بس فوتو بالموضوع وجهكن ماببشر بالخير لان
قيس: رح احكيلك

حكيتلا كلشي وصار وجها اصفر من حكيي

ريما: لك شووو عم تحكوو
قيس: هسس اهدي بلا تسمع البنت
ريما:لك انتو مابتعرفو اصلها ومنين جاية وشو قصتا ليش لتجيبوها لعنا ليشش
قيس:ماتحملت خليا هنيك ريما ماقدرت
ريما: ... كيف يعني ماقدرت؟
قيس: مابعرف في شي خلاني طالعا بدون مافكر بالعواقب مابعرف
ريما:و ابو لؤي كيف عم يسمحلكن تضيعو وقت هيك؟؟

اتطلعت انا وعمر ع بعض

ريما: في مصيبة كمان ماحكيتوها
عمر: بصراحة قلنالو انو ملتاشين بخطبة قيس
ريما: خطبة شووو كمان
قيس: .. خطبتي انو خطبتنا انا وانتي
ريما(ماعرفت تضحك او تزعل):كيف
قيس:بعرف كذبنا بس كنا مجبورين
ريما: ممم كذبة .. مو حابب ابدا انها تصير حقيقة مو؟

اتطلعت فيا ماعرفت شو جاوب

ريما: وين البنت هلق؟
قيس: بغرفتي فوق
ريما: خلينا نطلع نشوفا

طلعنا ع غرفتي لقيت الاء متسطحة ع طرف التخت ونايمة
فاتت ريما وهية تتطلع فيا

ريما: ليش هيك .. شبها
قيس: مابعرف باين التعب عليها
ريما: وتيابا مشقشقين كتير
قيس: بكرا رح نفهم كلشي
ريما: وانت هلق وين رح تنام؟
قيس: هون
،ريما: شوو؟
قيس: مو معقول انتي ورفيقتك تنامو بغرفتي ابي رح يشك انا رح نام عالكنبة وهي هون و اول مايطلع الصبح بتركا وبنزل لتحت
عمر: وانا وين نام😒
ريما: بالصالون تحت

طلعت ريما وعمر لبرا وانا بقيت عم اصفن فيا كيف قدرانة تمشط شعراتا طوال كتير

غيرت تيابي وغفيت وانا عم اصفن فيا ... بعد ساعتين ئطعت نومتي صوت عنين فتحت عيوني كانت الاء عم تعن بنومها وعم تحكي بهمس ساعدونيي اميي امي ساعدوني

فزيت لعندها وصرت هز كتفها ب ايدي

قيس: الاء انتي منيحة الااء؟؟

فتحت عيونا شافتني ودموعها معبين وجها ضمتني وصارت تهمس الحمد لله ياربي الحمد لله

قيس:اهدي كابوس اهدي

بعد خمس دقايق لهديت بعدت عنها

قيس: رح صبلك مي ....شربي

شربتا ب ايدي وهية مسكت الكاسة ب ايدها التانية حسيتا متل الولاد وعم ترجف

قيس: صحتين وهنا
الاء: ع البك
قيس: كيف صرتي
الاء: احسن
قيس: ليش نمتي

#رواية_فتاة_الانارة

#فتاة_الإنارة بقلم #مرام_القدور

قصة حب مشوقةة تستحق متابعتكن😍😍 منشن لحدا يتابعا معك

الجزء الرابع

قطع الحديث رنة الباب

عمر: هي الطلبية غسلي وجهك وتعي مارح ناكل بدونك ياشقرة بكرا انا بطالعك مشوار اتفقنا؟
ريما: مم
عمر: منطبق شباب وبنات😉😂
ريما: هههه تضرب روح شوف الباب روح
عمر: اي دخيل هالضحكة رايح
ريما: لبق تبطل مغازلات ببنات
عمر: رايح اتغزل ب ابو التوصيل🤣😂😂

_بالصالون_

الاء: قيس
قيس: اي
الاء: بدي روح من هون
قيس: لوين؟ .. بتعرفي حدا هون بيقربك
الاء: ... لا بس بدبر حالي
قيس: شو هالحكي .. كأن حكينا بهالموضوع قبل هالمرة؟ واليوم رح نحكي اكتر لهيك هلق رتاحي ...حلو الفستان عليكي بس كنو عريض شوي
الاء: مناسب بس
عمر: وووو اجت البيتزا😍😍
قيس: صواص اللي ببطني ماتو من الجوع
عمر: الغدا عليي والسهرة عليك🤣
قيس: اي اليوم سهرتنا طويلة و الاء رح تحكيلنا قصة فيا
عمر: شو ماكنت قصتا مبسوطين بوجودها
الاء:وين ريما
عمر: هلق بتجي رح افتح اكل انا🤣
ريما: ايدككك ولااك انا الي اول قطعة
عمر: اعوذ بالله فزعتيني طب نقسما بالنص
ريما: ماحزررت زحلي والا بضربك
عمر: استوحشتي🤣😂

اعدت ريما تاكل وكأن مافي شي خلص اليوم وصارت الساعة ١٠ طلعنا ع سطح وحطينا اكلات السهرة فوق وصرت جهز انا وعمر والاء عم تساعدنا

عمر: دقلو ل ابو اللول بربك
قيس: دقيتلو قلي جاية بس طول
عمر: يلا عود رح جيب كرسيين
قيس: يلا ... الاء عدي جنبي لا تخافي .. رح نجتمع ونعرف شو صاير معك نحن بدنا نساعدك ونفهم ليش كنتي هنيك وبتمنى بس جتمعنا تحكي
الاء: ... طيب
الاء: قيس
قيس: اي
الاء: ممكن سؤال وتجاوبني بصراحة
قيس: هاتي
الاء: وجودي مأزعج ريما مزبوط؟
قيس: .... لا شو هالحكي
الاء: يعني صح نحبست بالغابة بس بعرف البشر منيح وبفهم النظرات
قيس: .......
الاء: انت وريما بتحبو بعض مو
قيس: لا انو مو هيك ...

قطع حديثنا صوت عمر و لؤي

لؤي: وين اعديين
عمر: لك طلاع طلاع لا تتفشكل رح صيح لريما واجي
لؤي : كيفكن
قيس: ياهلااا ب ابوو اللول
لؤي: لك وين ماعاد طلعلكن حس بعد هالخطيفة
قيس: ناطرينك تجي ونحكي كلنا
لؤي: اي مزبوط لان فعلاً ماعرفت نام وانا عم فكر ليش خطفناها

التفت لؤي ع الاء
لؤي: انتي بتعرفي رح تحكي قبالنا كلنا مو

هزت براسا الاء اتطلع فيا قيس وشافا اديش متوترة مسك ايدها وشد عليها وبتسم ابتسامة خفيفة

قيس: مانك مجبورة تحكي للكل اذا هالشي مدايئك
الاء: لا انا فتت ع حياتكن فجأة ومن حقكن تعرفو

عمر: بربي الجاج احسن منكن عالاقل برتبو قبل لا يأعدو طب بس زبطو الكراسي
لؤي: شووو هالعينتين عامليلو اعادة ضبط مصنع عنكن🤣
عمر: خراس ولاك ومسوك الكاسات😒
قيس: ياعمي كلشي بيجي لعنا بصير مؤدب 🤣😂
لؤي: في قطط شقرة عنكن لان🤣😂😂😂
عمر: ولاك عجي سدو😒
ريما: صوت ضحكن لتحت سكتو ابو قيس عم يتفرج ع الاخبار
قيس: انو اخبار بضل حاطط ع قناة الحيونات😑
ريما: مشان يعرف كيف يتعامل معك
لؤي: قووويةةة هاا طارت جبهتك🤣😂
قيس: لا بس من وقت ما اجت ريما وهو محتار هية من انو فصيلة لهيك عم يستكشف عالقنوات🙂😂😂
عمر: اوووو بلشتو قصف

اعدت ريما وهي مبوزمة بعد نص ساعة لسكتنا و وقفنا قصف

ريما: ايييي شبكن نحن اعدين هون مو لنقضيا ضحك وننسى الشي الاساسي

التفت قيس ع الاء

قيس بهمس: اذا مو حابة تحكي مو مشكلة

اتطلعت الاء بعيون قيس وعيونها بلشو يدمعو مسكت ايدو وكانو ايديها مسئعات كتير من التوتر

الاء: مابقدر اهرب اكتر
قيس: طيب ... بما انو مجموعين حكيلنا شو اللي وصلك لهنيك ومن ايمت انتي هنيك
ريما: وليش طلعتي لقيس بالذات؟
الاء: ماكنت متقصدة اطلع لحدا ... الي هنيك من وقت ماكان عمري ٤ سنين
قيس: وشو اللي خلاكي كل هالمدة هنيك لحالك؟؟؟؟؟
الاء دمعو عيونها اكتر : ماني لحالي
عمر: في حدا تاني معك كان محبوس؟؟
الاء: .... اي جثة امي

الكل: شووووووو
الاء دموعها بلشو ينزلو

*قبل عشرين سنة*

راما (ام الاء) : امير ماعم صدق انو اليوم عرسنا
امير: صدقي ياروحي واخيرا صرتي الي اميرتي وروحي ونور عيوني وفرحتي كل صبح
راما: هههه هس عيب شوف العالم كيف عم يتطلعو فينا
امير: عم يشوفو عصافير الحب عم يرقصو بعرسون كيف بدك مايتطلعو
راما بخجل: .... بحبك
امير: لكك بموووت فيكييي

شالها وصار يدور فيا وفرحتون مو سايعتون والناس عم تزئف وتودعون وهنن راكبين بالباخرة يقضو شهر العسل بعيد عن العالم وعن المشاكل اللي تهددون

*بعد اربع سنين*

اول الصبح صحيت راما وهي مغمضة عيونا عم تتحسس بنتها اللي جنبها مالقتا!!! فتحت عيونا وتطلعت حواليها مافي حدا
ركضت عالصالون لقت ورقة مكتوبة عالطاولة

( عم نستناكي بالغابة ياروحي محضريلك مفاجأة انا ولولية لا تطولي
كل الحب *اميرك* )

رتاح البها وراحت بدلت تيابها وطلعت عالغابة وهية عم تتفتل حواليها لوصلت ع نص الغابة ومالقتو
مسكت موبايلها لتتصلو فجأة لمحت دم بالارض صارت تركض

راما: ااميييييييييييررر لاااااااا امييير في