ك من على بكرة الصبح
عماد : مافي شي معلم انسى… بتحب اعملك قهوه
ثائر : لا بحب تقعد هون وتقلي شو صاير معك
عماد : خلص معلم مافي شي انا بس مزعوج شوي
ثائر : من شو لك احكي فضفض مو نحنا اخوه
عماد : واعز ان شاء الله
ثائر : لكان انضرب على قامتك ورح اعمل كاستين قهوه وتعال نحكي على رواق
عماد : ب امرك
┬──┬┬──┬

زينب : صباح الخير ياحلوووو
قمر : يسعدلي هالصباح كيفك حبيبتي
زينب : منيحه الحمد لله ههههههههه
قمر : وضربه تخلع رقبتك
زينب : ههههههه والله كل ما اتزكر منظرك كيف كنتي تهرشي حالك بالحفله بيغط ع قلبي 😂😂😂
قمر : حاج ولي لاتخليني سكر الخط بخلقتك 😡
زينب : هههه خلص سكتت بس وينك حاسه انه في حدا اتقصد يعمل هالشي لينزع فرحتك
قمر : حدا متل مين
زينب : امممممم مابعرف هيك مجرد احساس
قمر : لا احساسك غلط هاد اكيد المحل يلي جبت منه البدله عفن ووسخ وطارق بدو ياني قدم فيهن شكوى
زينب : لا ولو خطي يمكن الغلط مو من عندن وبعدين انا بعرفه لهاد المحل سمعته متل المسك
قمر : يضرب هو وسمعته وتضرب صاحبته معه
زينب : خلص روقي ولو

قمر : زينب حبابه معلش اطلب منك طلب
زينب : ايه حبي شو
قمر : بتروحي عالصالون وبتجيبلي هويتي وفي الي كم غرض تركتن هونيك .. ماعاد الي نفس ارجع لعندن
زينب : تكرم عينك ومن مره بمر بسلم البدله التانيه وبجيب هوية وسيم
قمر : عم عزبك معي
زينب : كلك غلبه شو بساوي يعني
قمر : تضربي
زينب : ههههه عم امزح ولو… صحيح نسيت خبرك
قمر : شو
زينب : يوم الاربعاء حفلة خطوبة رفيقتنا هبه وطلبت مني اعزمك شو منروح !!!
قمر : ايه ليش لا بس لاخد ازن بابا
زينب : تمام… والله والشله عم تنخطب وحده ورى التانيه وشكلي رح عنس
قمر : اي لا ماحزرتي كلا كم يوم وجايين اهلي يخطبوكي
رجف قلب زينب وماعاد طلع معها الحكي
قمر : الو… وين رحتي وليه
زينب : مـ معك معك
قمر : هههههه اي لكان جهزي حالك لتكوني مرت اخي
زينب :…… .
قمر : هههههههه يالله سلام كنتنا
زينب : ا ا الله معك
نزلت الموبايل وضمته لقلبها وهي عم تاخد نفس ومغمضه عيونها
♡ اخيرا رح نكون لبعض طارق… اخيرا حسيت بحبي ♡♡♡♬♫♪◖(● o ●)◗♪♫♬

ثائر : ايه سيد عماد هات ماعندك
عماد : يامعلم قلتلك مافي شي
ثائر بعصبيه : بتعرفني مابحب كرر السؤال اكتر من مره احكي شو في
عماد : بدون زعل
ثائر : لك احكي لعيتلي قلبي
عماد : انت مقتنع بالخطوه يلي خطيتها
ثائر : مافهمت اني خطوه
عماد : خطوبتك من بيسان وياريت خطوبه انت كتبت كتابك عليها
اتغيرت معالم وجه ثائر وبلش الدم يغلي بعروقه
ثائر : اطلع فيي عماد
عماد :… ايه
ثائر : صار بينك وبين بيسان شي
عماد : اعووووووذ بالله شو عم تحكي معلم
ثائر : بس انت بعظمة السانك حكيتلي انه كان نفسك توصلا وكان بينكم فوتات وطلعات
عماد : صح كلامك بس والله العظيم مالمستها
ترك كاسة القهوه وقام وحط ايديه بجايبه وهو هم يروح ويجي بالمحل وفي افكار بشعه بدور براسه
عماد : انا ماكنت بعرف انك ناوي ترتبط فيها ولو بعرف كنت نبهتك لانه هي وحده
ماكمل جملته كان ثائر ماسكه من بلوزته ولازقه بالحيط ومسلط عيونو عليه والشرار بيطلع منهم
حسك عينك تجيب سيرة مرتي ع السانك فهمت
عماد : فـ فهمت معلم فهمت
نترو من بين ايديه وعطاه ضهره وصرخ بصوت عالي
وهلأ انقلع شوف شغلك وحاول ماتخليني المحك
عماد : ب امرك… وبقلبه… ياربي شو رح تندم ياثائر انا حاولت نبهك وانت مابدك تسمع تسطفل
تركه وطلع وهو مزعوج من تصرفه
اما ثائر كان عم يحاول يطرد هالافكار البشعه يلي علقت براسه
لا لا مستحيل تكون هيك… بعدين انا الي فيها من الساعه يلي ارتبطنا سوا والماضي كله مابيهمني يلي بيهمني انه بيسان معي وبتحبني وانا بحبا
مسك موبايلو وفورا دق لبيسان وبعد الرنه التالته ردت وصوتها مبين انه بعدها نايمه
بيسان : الو
ثائر : فيقتك ي روحي
بيسان : اهلين حبيبي يسعد صباحك💓
ثائر : ياصباح الورد والياسمين لاحلا بنوته بالكون…
بيسان : اشتقتلك
ثائر : وانا اكتر ي روحي… اعملي حسابك الساعه 2 رح مر اخدك لعند اهلي لنتغدا سوا
ماعجب بيسان الحكي بس حاولت تبين انها مبسوطه
ايه شو عليه حبيبي امرك 😒
ثائر : لكن بشوفك حياتي باي
بيسان : باي
♬♫♪◖(● o ●)◗♪♫♬

قمر : ماما اخي ثائر اتصل وحكا انه رح يجيب معه بيسان عالغدا
ام ينال : ايه اهلين وسهلين لكان يالله نشهل شغل البيت ع بكير ونبلش تحضير الغدا
بقيت قمر واقفه مكانها بخجل وهي منزله عيونها بالارض وعم تفرك اصابيعها
ام ينال : شبكي بنتي
قمر : و ولاشي امي بس… انا… كنت… يعني… انه… .
ام ينال : ههههههه اتصلي لقيس واعزميه عالغدا
ابتسمت قمر وحضنت امها وبوستها وراحت ركض لغرفتها واتصلت بقيس
قيس : يا احلا صباح الورد لاحلى ورده
قمر : وافرض مو انا يلي عالخط
قيس : لك انا بسمع انفاسك قبل ما اسمع صوتك
قمر بخجل : حاج قيس
قيس : لك تسلمي لقلب قيس
قمر : اممممم شو عندك اليوم الساعه تنتين
قيس : عندي موعد مع حبيبتي
قمر : نعم ؟؟!!!
قيس : هههههه شبك بقصد انتي
قمر : لا والله
قيس : لك اي والله

كم حبيبه عندي انا
قمر : وشو عرفك انه رح قلك تعال عالغدا
قيس : انو غدا انا قلت بس موعد شفتي ليكك عزمتيني عالغدا وانا قلبي مابيتحمل ومافيي ارفضلك طلب لهيك تكرمي ي روحي رح كون عندك عالموعد
قمر: هههههه بجد مو طبيعي انت مجنوووون
قيس : مجنون فيكي
قمر :…… .قيس كان مجنون ليلى
قيس : ايه بس انا مجنون قمر يلي سحرتني من اول نظره
قمر : حاج تخجلني قيس
قيس : يسلملي الخجلان
قمر : بتحب شي معين عالغدا
قيس : انا بس اطلع بعيونك يشبع
قمر : بحـــ

قمــــ اااااااااااا ررررر وينك يابنت
قمر : ولي امي عم تندهني
قيس : ماتوقعت من حماتي تكون هادمة ل اللحظات الحلوه
قمر : هههه بشوفك حبيبي
قيس : شو قلتي
قمر : بشوفك
قيس : ايه يلي بعدا
قمر : ح ب ي ب ي
قيس : اااااه شو طالعه من تمك حلوه لك انا يلي بموت فيــــ
لك قمـ ااااااااا ررر
قيس : روحي لمرت عمي قبل ماطلقك حبيبتي روحي
قمر : هههههه سلام ماتتأخر
قيس : بأمر عيونك انا
♬♫♪◖(● o ●)◗♪♫♬

زينب : مرحبا يا انسه انا جيت لرجع البدله واستلم هوية قمر جواد
هديل : اهلين حبيبتي تفضلي ارتاحي بس تكه
زينب : تمام
راحت البنت ورجعت ومعها كيس فيه اغراض قمر وهويتها
زينب : يسلمو حبيبتي بالازن
هديل : لحظه يا انسه
زينب : نعم
العروس التانيه رجعت البدله واستلمت هويتها بس نسيت هاد الكيس فيكي تسلميها ياه
اطلعت زينب بالكيس كان عباره عن كيس ورق وبداخله كيس بلاستيك صغير للتغليف ومعبى شوك وقريص وعلبة زغيره فيها حلق وسنسال عليه حرف B
زينب بقلبها : لك شو هاد يلي بالكيس ؟؟
ايه تمام حبيبتي رح وصلون يعطيكي العافيه
طلعت من الصالون وراحت للصالون التاني سلمت البدله واستلمت هوية وسيم ومشيت لتركب تاكسي بس لمحت محل عطاره وخطرت ببالها فكره
زينب : السلام عليكم ياعم
البياع : وعليكم السلام بنتي تفضلي
زينب : من بعد امرك ممكن تقلي شو هاد .. وطلعت كيس البلاستيك المغلف
اطلع البياع عاللي جوات الكيس وحكا لزينب… ممم هاد قريص وفي اشواك من شجر الصبار مطحونه
زينب : وهالشي لو لمس جسم الانسان بيعمله حكه
البياع : اكيد بنتي بيعمل حكه ووخز متل الابر وتهيج بالجسم ازا كانت البشره حساسه
كزت زينب ع اسنانها وفهمت انها بيسان كانت ورى الشي يلي صار مع قمر وهلأ صار لازم تثبت هالشي بالدليل لانه لا الحلق ولا السلسه دليل كافي
♬♫♪◖(● o ●)◗♪♫♬

كان قاعد ورى مكتبه وقدامه متهم عم يستجوب فيه
طارق : اعترف ولاتصدعلي راسي شلون فتت عالبيت وليش قتلتها
المتهم : وووالله ياسيدي برئ صدقني
طارق : الهيئه بدك توجعلي راسي وانا مو جاي عبالي عصب… ياعسكررررري
بيوقف قدامه العكسري وبيأدي التحيه… امرك سيدي
طارق : خدلي هالعينتين خلوه يتفسح والمسا بشوفوا
المتهم : ياسيدي دخيلك الا الفسحه خلص رح اعترف بكل شي
طارق : اي هيك هه من اول ضروري تخليني عصب
تعا يا ابني خود اقواله وابعتلي ياه بعد ساعه
بيريح راسه عالكرسي وبيطالع سيجاره وبيبلش يدخن بهدوء
دق دق
طارق : تفضل
العكسري : احترامي سيدي في وحده طالبه تشوفك وبتحكي انها من معارفك
استغرب طارق ونزل حواجبه بعدم فهم وقال .. خليها تتفضل
العسكري : امرك سيدي… تفضلي يا اختي طارق بيك ناطرك
فاتت لعندو بتوتر وبخطوات بطيئه والخوف باين عليها
مرحبا طارق بيك
طارق :… .. زينب ؟؟

♬♫♪◖(● o ●)◗♪♫♬

لبست فستان موف ناعم لتحت الركبه وفردت شعراتها ع طولهم وحطت ميكاب خفيف وكانت آخر لمسه رشة عطر وبهيك بتكون جاهزه لتستقبل قيس

ابو ينال : مين هالبنت الحلوه
وسيم : مابعرف ابي شكلا غلطانه بالعنوان وجاي لعنا
ينال : شو هالحلاوه اختي
مطت قمر شفايفها بعدم رضا وحطت ايديها ع خصرها : يعني ماكنت حلوه من قبل
ام ينال : تقبري قلبي انتي احلا الصبايا
وسيم : ايه سعاد خانوم كبري براسها لانه ناقص خدودها نفخ هههه
مسكت المخده وبلشت تركض ورى وسيم لحتى تضربه ووسيم يركض ليهرب منها
قمر : مين ام خدود ولا انا بفرجيك وين بدك تهرب خوووود
رمت المخده بكل قوتها واجت لزق بوجه بيسان يلي جسمها انتفض نفض وكانت على شوي رح تهجم على قمر وتقلع عيونها
قمر : وليييي اسسسسفه حبيبتي ماكان قصدي
ثائر : شو هاد يلي عملتيه
قمر : بعتزر منك اخي والله مو بقصدي
بيسان : ههههههه معلش حبيبي قمر بتتصرف متل الاطفال بدها تعليم لتعرف تتصرف ك ليدي ناضجه
ثائر : تعي لنفوت لجوا واطلع بقمر يلي وجهها ماعاد اتفسر من الخجل ونكشلا شعراتها
قمر : اخييييي لااااا
ثائر : هههههههه هيك خالصين
بيسان : لا شو خالصين تعي لهون ومسكت قمر من شعرها وبلشت تنكشلا فيه بغل ع اسااااس انها بتمزح
بيسان : اي هه هيك خالصين طالعه بتفلجي هههههه
الكل : ههههههههه
مساء الخير
التفتت قمر وراها لتشوف قيس،واقف ومصدوم من منظرها
حطت ايدها على تمها وركضت لغرفتها ورمت حالها عالتخت وبلشت تبكي
الوضع بالصاله كان طبيعي الكل اخد يلي صار انه مزح وقيس بلع دهشته واشترك معهم بالضحك بس قمر حست انها بيسان تعمدت تعمل فيها هيك
قيس : عمي بتسمحلي فوت نادي لقمر
ابو ينال تفضل ابني

دق عالباب بس ماردت عليه فتحو شوي شوي ودخل وقمر
كامره راسها وعم تبكي
قيس : ليش حبيبي بيبكي
اطلعت قمر بقيس وتجمعت الدموع بعيونها وماحست بحالها الا وهي بحضن قيس
قمر : انا اسفه كان بدي قابلك بغير شكل بس يلي صار انه
قيس : هشششش يلي صار انه انتي بحضني هلأ
حست قمر عحالها وحاولت تبعد عن قيس بس كان حاضنها بقوه وماقدرت تفلت حالها من حضنه
قيس : ياريت يصير هالشي كل يوم لتجي لحضني بس بدون بكي مابحب شوفك عم تبكي
قمر : انا اسفه مابعرف كيف رميت حالي بحضنك خلص قيس ممكن تبعد شوي
قيس : لا
قمر : لو سمحت قيس
قيس : ابدا
قمر : حاج قيس هلأ بيفوت حدا من اهلي
قيس : انتي مرتي يامجنونه وبلش يقرب منها اكتر وقلبها عم يخفق بشده وهي حاسه انفاسها الملتهبه عم تلفح وجهها لينزل بكل هدوء ويطبع بوسه على خدها
قمر : خلص قيس
رجع باسها بحد تمها
قمر : قـ قيس خـ خلص
قرب اكتر وكان رح يتعمق بالبوسه اكتر
بيسان : اوووووووه سوري شكلي جيت بوقت غير مناسب .حكتها بصوت عالي
اتلعثمت قمر وبعدت بسرعه عن قيس بس قيس كان اذكى من انه يخلي بيسان تحرجو
قيس وهو عم يضم قمر : ايه جيتي بوقت غير مناسب عم صالح خطيبتي في مانع
بيسان : لا ابدا 🔥..وفتلت حالها لتطلع
اي صحيح عمي ومرت عمي بدن ياكي قمر .. يالله بالازن
♬♫♪◖(● o ●)◗♪♫♬

♬♫♪◖(● o ●)◗♪♫♬

ام ينال : يالله قمر تعي لنجهز السفره…
رتبت قمر حالها بسرعه واخدت نفس واطلعت بقيس بكل حب وطلعت معه لبرا
قمر : امي طارق ووديع لسه ما اجو
بيسان : ايه شو يعني اناا مافيي انطر والله جوعانه مرت عمي قصدي ماما
قمر : بس
ام ينال : حاج اتبسبسي بنتي اخوكي وديع عندو مناوبه بالمشفى وطارق شوي وبيوصل الحقيني عالمطبخ
قمر : حاضر امي

ينال : امي انا نازل للسوبرماركت جيب كولا بدك جيبلك شي معي
ام ينال : سلامتك امي بس جيب عصير فريش لابوك لانه مابيشرب غازات
ينال : امرك ست الكل
استغلت فرصة انه ينال طلع ومابقي الا وسيم وابو ينال… . رسمت على وجهها حزن مزيف وراحت لعند ثائر
بيسان : 😔
ثائر : شبك ي روحي
بيسان : ولا شي
ثائر : بيسو ي قلبي انا مابحب عيد السؤال مرتين احكي شبك
بيسان : دخلت لعند قمر لقيتها بوضع مو تمام مع خالو
ثائر : شووو كيف يعني مو تمام
بيسان : خلص انسى اصلا هنه كاتبين كاتبهم ومابيعملو شي حرام
مسكها من ايدها وسحبها عالبرنده
ثائر : وهلأ فهميني شو شفتي
بيسان : عم قلك انسى حبيبي
ثائر بعصبيه : بيساااان لاتخليني جن عليكي
بيسان : كانو حاضنين بعضن بطريقه مقرفه ونازلين على بوس وحركات مابتسوى تنعمل قبل يوم العرس وهي عم تتغنجلو وتقلو بخاف احبل بيكفي هيك ؟؟
شد ثائر على كتافها والنار عم تطلع من عيونه
انتي شوو عم تخبصي قمر مابتعمل هيك مستحيل حتى لو كان خطيبها
بيسان : اااخ عم توجعني شو دخلني انا ليكا اختك عندك روح اسئلا
ثائر : 🔥🔥🔥🔥
بيسان بمكر : ماتزعل مني ثائر بس توقعت تربايتكن لقمر انظف هيك
جن جنون ثائر وفات متل التور الهايج ومسك قمر وضربها كف متل فراق الوالدين خلاها توقع عالارض
قمر : ااااااااااااااااه !!!
ام ينال : لك شوووووو صرلك ثااااااائر
ثائر : مسكها من شعرها وضربها كمان كف خلاها تترنح بين ايديه وهو بيصرخ فيها قوومي يامحترمه يامربايه شو مابقى تصبري للتزوجي بدك توطي روسنا
قمر بتبكي : شـ شوو عملت انا دخيلك اتركني .. يااااابي
ام ينال : تروووووك اختك… الحقني ياجواااااااد
دخل قيس وهجم على ثائر ليخلص قمر من بين ايديه وضربه بوكس افقدو توازنه ورجع ثائر هجم عليه وعلقت بيناتهم
ابو ينال : ثاااائر ترووك صهرك ولا
حاول وسيم يفزع بينهم بس ماقدر كانو التنين متل التيران الهايجه وتحول المطبخ لحلبة مصارعه
ثائر : والله لاطلع بروحك ياكلب
قيس : لك جنيييييت انت شبك اهدددددى
ثائر : رح اطلق اختي ورجلك فوق رقبتك عم تفهم ياوااااطي
قيس : طلق مييين يا مجنون ليش الشغله بكيفك ولا قمر مرتي وماحدا بيجبرني طلقها
ثائر : لك بدك اطلقاااااا ان قلت اي وان قلت لا… ولا ناطر لتحبل منك وبعدها اطلقها
صارت ام ينال تضرب على وجهها وتصرخ وبيسان تبكي بكا مصطنع اما قمر كانت واقفه مكانها مصدومه وماعم تتحرك

وسيم : اخيييي كرماااال النبي تركووو وفهمني شو صرلك
ابو ينال : ثائر عم قلك تررررروك صهرك والا بغضب عليك
سحب ثائر سكين ودفش عنه ابوه واخوه وسيم وبكل عزمه وجه طعنه لقيس
قمر : لااااااااااااااااااااااااا دخيلك لاتقتلوووووو دخيلك يا اخييييي لااااااا لاااااااا
كان ثائر بهاللحظه مكوم عالارض عم يفرك دقنه مكان لكمة طارق يلي فات بالوقت المناسب وماسمح لسكينة ثائر تنغرس ببطن قيس
طارق : انت جنيييييت
ثائر : بعدووووو عني محدا يدخل فيييي لك بدي اطلع بروح هالواطي يلي ماحترم البيت اللي دايس بساطه
بيفوت ينال من برا وبيرمي الكيس يلي ب ايدو وبيركض عالمطبخ ليشوف ثائر وقيس واصله بينهم للشيطان الرجيم وثائر ماعاد حدا قدر يهديه
ينال : لك شووووو في اصواتكم واصله لاخر الشارع شبك ثائر
ثائر : بدي اقتلوووو واشرب من دمو وبيرجع ب

يتناول سيخ حديد وبيهجم على قيس بس هالمره وسيم وطارق وينال بيمنعوه وبيطالعوه من المطبخ بالقوه
……
ثائر : لك تركوووووووني تركووووووني عم قلكم
طارق : ربطوا منيح ينال لحتى يهدا ويفهمنا شو القصه
ينال : اي ماشي… . خود وسيم شد هالحبله من عندك
قمر : باااااااباااااااا
ام ينال : جواااااد شو صرلك رد عليي كرمال الله
بيلتفت الشباب لابوهم يلي كان واقع ب ارضه وماعم يتحرك بيركضوا لعندو وبيحاولو يصحوه بس عبث
طارق : ابي ابي رد عليي ابيييييييي
… لك اطلبووووو الاسعاف بسررررررررررررررررعه
┬──┬┬──┬
ـــ بالـــمـــشفــى ـــ

طارق : طمني وديع كيفو ابي
وديع بحزن : ازمه قلبيه حاده 😔
ام ينال : وليييي على امتي ولي على طولي انا
بيحضن ينال امه وبيحاول يهديها وهو منهار… اهدي امي كرمال الله
طارق : كيف وضعوا هلأ
وسيم : فينا نشوفوا
وديع : وضعوا مو مستقر حاليا النوبه يلي اجته كانت قويه… لك بس بدي افهم شو صار لحتى ابي يصير فيه هيك تركته الصبح وهو متل الغزال وكان ضغطه طبيعي
وسيم : علقت خناقه بين اخوك ثائر وقيس
وديع : شوووو ليش وكيف ؟؟
وسيم : مابعرف كان يحكي مع بيسان فجأه راح عالمطبخ وبلش يصرخ ويكسر
طارق : كان عم يحكي مع بيسان قلتلي
وسيم : ايه .. وبعدها بلش يضرب قمر وقيس ماتحمل وهجم عليه وصار اللي صار
وديع وطارق : شوووو ضرب قمر ؟؟؟؟
ينال : ليش لحتى يضرب قمر وانت كيف سمحتلو
وسيم : حاولت امنعه بس كان بحاله عصبيه مو طبيعيه
وديع : وثائر وينو هلأ
طارق : تركناه مربوط بالبيت
وديع : وقمر وينها
التفت الاخوه على بعض وكأنهم عم يسألو نفس السؤال : قمر وينها ؟

┬──┬┬──┬┬──┬

قيس : ليش هيك عملت ثائر
ثائر : ليش بعدك هون ياواطي لك فكني ان كنت رجال
بيسان : حاج خالو كرمال الله روح من هون
قيس : رح فكك بس بالاول بدي تجاوبني على سؤالي
ثائر : شو كنت عم تعمل انت وقمر بغرفتها ياعديم الشرف احكي ان كنت رجال
صفن قيس ببيسان يلي نزلت راسها بالارض وماعاد طلع صوتها.. ورجع بزاكرته لورى تحديدا وقت فاتت عليهم بيسان وبلشت تعلي صوتها ليسمعوها اللي برا
قيس : ثائر بدي اسألك سؤال وقبل ماتجاوب رح كون فاكك
ثائر :…… .
قرب قيس وبلش يفك بثائر وهو عم يسأله
لو سمعت انها اختك بيوم عابت وتعرت من ثوب الحيا لازم انت تستر عليها وتغطيها .. وقمر تربايتكم ولو عابت بيكون الغلط فيكم انتو او ممكن حدا منكم غلط وربنا عم يعاقبكم ب اختكم
صحيح حضنت قمر وبستها من خدها بس هاد مابيعني اني مو محترم البيت يلي انا فيه… يمكن انت نسيت انك حضنت بيسان وعلى عيني قبل ماتخطبها وماسكتت لاني بلا شرف سكتت لاني بعرف ثائر رجال وغرضه شريف… ثائر حامي عرضي ومسند ضهري
وهلأ سؤالي هوي : وقت رخيت ادانيك لمره لتحكي بعرض اختك صدقتها فورا .. ياترى مين ابقالك اختك ولا مرتك ؟؟؟؟
ثائر :…………
قيس: ليكني فكيتك ثائر وليك السكين بالمطبخ وليكني واقف مكاني مارح اتحرك
لو عندك ذرة شك فيي او ب اختك اقتلني وماتتردد
✿✿✿

غمض ثائر عيونو وبلشت زكرياته مع قمر تمر قدامه متل شريط سينمائي .. من وهي طفله كانت بس تزعل من واحد من اخوانها تركض لعندو وتشكيلو لياخدلا حقها .. تزكر وقت كان يجيبلها الشوكلا ويخبيهم تحت قميصه لحتى مايشوفوا وسيم وكم مره غفيت على صدرو بليالي الشتى وهي خايفه وتجي تحتمي بحضنه من صوت البرق والرعد
✿✿
“ الأخت شئ مختلف، تشعر
وكأن اللّه أعطاك روحٌ أخرى في الدنيا ،
لاشيء يشبه أن تكون لك أُخت ،
لاشيء أبداً.”💜
✿✿
نزلت دمعته على خده وبلش يصرخ اااااااخ يا اختي سامحيني قمرررررررررر قمرررررررر
قيس : اهدى ثائر كلشي بيتصلح واطلع ببيسان نظرة توعد خلتها تتجمد مكانها
ثائر : وينو ابي شو صرلو بدي روح شوفوا انا السبب باللي صار انا السبب
فجأه بيرن تليفون البيت الارضي وبيرد قيس
قيس : الو
طارق : قيس ؟؟ لك انت شو عم تعمل عندك ؟ وينو ثائر
بيطلع قيس بثائر وبيرد بكل هدوء على طارق : ثائر هون عم احكي انا وياه .. طمني كيفو عمي نحنا كنا جايين لعندكم هلأ
طارق : مابدي شوف ثائر حاليا ابي اجته ازمه قلبيه بسببه
قيس : الظفر مابيطلع من اللحم شبك طارق وان شاء الله عمي بيقوم بالسلامه غمه وبتزول
طارق : عطيني قمر من عندك
بتتغير ملامح وجه قيس وبتتوسع عيونه .. ليش قمر مو معكم
طارق : شلون مو معنا ليش هيه مو بالبيت
قيس : لا مو هون
طارق : كيف مو بالبيت انا جاي فورا
… .

ينال : شو في اخي
وسيم : وينها قمر
طارق : عم يحكي قيس انها مو بالبيت
ام ينال : وليييي وين بدها تكون راحت البنت
طارق : رايح شوفها وانت وديع انتبه لامك وابوك
ينال ووسيم : جايين معك
… .
ثائر : شو في شبها قمر
قيس : عم يحكي طارق انها مو بالمشفى
ثائر : شووووو لكان وينها
قيس : خليني انزل لتحت وشوف ازا كانت بره تكه وراجعلك
بيطلع قيس وبتقرب بيسان من ثائر وبتبلش تبخ سمها
بيسان :اهدى حبيبي انت الحق عليك بسرعه عصبت وماخليتني فهمك
ثائر :………
بيسان : لاتخاف هلأ بتلتقى قمر وين بدها تروح يعني يمكن راحت لعند شي حد

ا تفضفضله
اطلع ثائر ببيسان وهو عم يتفحص ملامحها
ثائر : كل هالشي بتكرهي قمر
بيسان : ا انا ل ليش اكرهها بالعكس بحبها لقمر من صمصومة قلبي
حط ثائر راسه بين ايديه وبلش يبكي… انا كيف هيك اتسرعت ومديت ايدي على قمر لك بعمري ماعملتها اااخ ياربي
بيسان : ماتلوم حالك حبيبي اي حدا محلك وقت يشوف اخته فلتانه رح……
ثائر : اخرررررررررررسي
بيسان : الي بتقلي اخرسي
وقف ثائر ومسك بيسان من ايدها بقوه : ايييييه الك وسيرة اختي ازا بترجعي تجيبيها ع السانك رح قصلك ياه عم تفهمي

بيسان وهي عم تبكي : شفت انك بتحبها اكتر مني
ثائر : لك هييييي اختي هي رووووووحي لك هي كف القمر ماحلك تفهمني انه حب الاخت بيختلف عن حب الزوجه لك انتي شووووو معجونه من مية كيد وحقد
بيسان : بتشكرك ثائر انا طالعه من حياتك للابد وبوعدك مارح تشوف وجهي بعد اليوم
♬♫♪◖(● o ●)◗♪♫♬♬♫♪◖(● o ●)◗♪♫♬

حملت شنتتها وطلعت والتقت بقيس ع الباب
دور عليها لحبيبة قلبك منيح اي… وفتلت حالها ومشيت وهي مو شايفه قدامها…
لك العمااا شووو حظها هالبنت لو ماتعب هالزفت يلي اسمو جواد ووصلة طارق ع اخر لحزة لكنت اليوم خلصت من قمر وثائر وقيس بضربه وحده بس حظهم بيفلق الصخر…… . انا لازم غير خطتي واتصرف قبل ما انكشف لازم
┬──┬┬──┬┬──┬┬──┬

بيوصل الشباب عالبيت وبيلاقوا ثائر وقيس قاعدين بيتصلوا عالاهل ورفقاة قمر
طارق : مابينت
قيس : لا مالها اثر
ينال : لك شلون ماحسينا عليها
وسيم : بس شفت ابي مرمي عالارض انشل تفكيري ونسيت قمر
مسك طارق ثائر من قميصه ولزقه بالحيط وبلشو الشباب يهدو بطارق يلي كان عم يغلي من الغضب
ازا صار لابي او اختي شي رح ادبحك ب ايدي هدول عم تفهمني
ينال : حاااج طارق تروك اخوك
قيس : طارق تعال معي شوي لجوا انت ووسيم وينال ووديع
فاتو مع قيس يلي بلش يحكيلهم اللي صار وكيف بيسان حسنت تخلي ثائر يفقد اعصابه لدرجة انه مد ايدو على قمر
ينال : يعني بيسان السبب !!!
وسيم : ماتزعل مني صهري بس هالبنت مارتحتلا بالاخص كرهها لقمر واضح
قيس : مابلومك وسيم حتى انا بلشت افقد اعصابي من تصرفاتها
بيبعد عنهم طارق ليرد على اتصال
طارق : اي زينب

زينب : شو صار معك واجهتها
طارق : صارت كتير امور زينب وابي تعب وقمر مالها اثر
زينب : شوووو كيف هيك صار
طارق : كله من تدبير هالشيطانه بيسان
زينب : طيب البصمات يلي عالكيس اللي جبتلك ياه طلعو لبيسان
طارق : ايه لبيسان وكنت جاي وناوي اكشف اوراقها قدام الكل بس لقيت القيامه قايمه بالبيت
زينب : وثائر شو رح يعمل بس يعرف
طارق : اااااخ لك ثائر اليوم ضرب قمر بسبب كزبه من بيسان
زينب : لك الله يكسر……… اسفه طارق
طارق : ولا يهمك كلنا انفعلنا
زينب : طارق انت لازم تتحرك بسرعه قبل ماتخسر حدا من عيلتك لاسمح الله
طارق : والله بطلع بروحها
زينب : حاول تهدي حالك واعرف كيف تتصرف وانا رح شوف ازا قمر عند وحده من رفقاتنت وانت طمني اول ب اول ماشي
طارق : ان شاء الله… سلام
┬──┬┬──┬

وسيم : هي امي ؟
طارق : لا هي معرفة… تعوا نشوف ثائر
طلعوا لعند ثائر يلي كان ماسك صورة قمر وعم يبكي
ينال : روق اخي اكيد انزعجت من الشي يلي صار وطلعت تشم هوا
وسيم : بعد ماشافت ابوك بهي الحاله مابعتقد انها طلعت تشم هوا اكيد هيه قريبه
وديع : صح كلامك وسيم
قيس : انتو اخوانها وبتعرفوا طبعها اكتر مني فكرو معي بلكي وصلنا لحل
وسيم : انشل تفكيررررري ياربي
ينال : لشو بدك توصل قيس
قيس : هلأ وقت كانت قمر تزعل او تبكي وين كانت تروح
وديع : كانت تهرب لحضن ثائر
ثائر : 💔💔💔💔
قيس : طيب ازا زعلت من ثائر مثلا لمين ممكن تلجئ
وسيم : لزينب ؟؟
طارق : لا قمر ماعمرها حكت عنا لحدا حتى لو زينب
ثائر : انا عرفت وين قمر
طارق : وين؟؟
قيس : شو ثائر وينها
مارد عليهم وقام بخطوات بطيئة ونفس مكسوره ودمعات عالخد وفتح غرفة ابوه وامه
انصعق الكل وقت شافوا قمر قاعده عالتخت وضامه اجريها لصدرها وحاضنه مخدة ابوها وعم تهز حالها يمين شمال ودموعها بعرض وجهها
ينال : اختيييييي

وسيم : قمر ي روحي شو صرلك
قيس : ردي عليي قمر
بلش طارق يخبط ع وجهها بشويش لحتى تحس عليهم لانه كان واضح عليها انها بحالة صدمه نفسيه
وديع : بعدو هيك… . قمر اختي عم تسمعيني قمر قمر
كانت اصواتهم عم تعمل صدى داخلها بين الوعي واللا وعي
✺✺قمر✺ قمر ردي✺ قمر اختي ردي عليي…✺ قمر حبيبتي ردي… ✺قمر قمر…✺ قمر ✺✺
غصه بقلبها وجرح عميق وخوف والم كلها اجتمعت مره وحده داخلها
ثائر : قـ قـ قمر اختي سامحيني حبيبتي
بتطلع قمر بثائر وعيونها جاحظين ع اخرهم وبتبلش تصرررخ بأعلى صوت… .. لااااااااااااااااااااا بعد عني لاتقتلني انا خايفه منك بعد عني لاتقتلني يا بااااباااااااااا يامااااااامااااااااا
بيحضنها طارق ليهديها وهي بتصرخ وتصرخ…… لاااااا تقتلنيييييييييي لاااااااااا……..
وكأنها بدها اطالع الخوف يلي زرعه ثائر جواتها
وديع : امسكها منيح طارق رح اعطيها ابرة مهدئ
بيحاول طارق يثبتها ورغم عضلاته بس حركة قمر ماكان قادر يسيطر

م اتعزب وحاسس بالندم ياعمري
قمر… . ام خدود… كف القمر
... ❤️❤️

*يتبــــــــــــــــ؏...*
➖➖➖➖➖➖➖➖
#اعادة_توجية_للفائدة

عليها وحدو
طارق : امسكها من عندك قيس وانت وسيم امسك رجليها انت وينال لاتخلوها تتحرك لتاخد الابره
اخيرا بيقدر وديع يعطيها ابرة المهدئ وبيتصل عالاسعاف فورا
┬──┬┬──┬┬──┬┬──┬
ثائر: كرماااال الله وديع اعمل شي ماااابدي قمررر تموووووت

وديع : اهدى اخي مو شايف حالة امك خلص حاج تبكي قدامها
طارق : كيف صارت قمر وشو طلع معها
وديع : انهيار عصبي سببه صدمه نفسية

اطلع طارق ب ثائر : الضاهر قلب اختي اتئزى كتير لحتى نهارت بهالشكل
ينال : مو وقت هالحكي طارق خلينا نطمن على اختك وابوك
قيس : متى فينا نفوت لعندها
وديع : حاليا هيه نايمه لاني زودتلها جرعة المهدئ وبس تفيق مابدي تتعرض لاي توتر يأثر على نفسيتها
طارق : سمعت شو حكا ثائر
ثائر : لك هيييي اختي قطعه من روحي انت من كل عقلك بتفكر اني ممكن ائزيها
طارق بعصبيه : انت مابتفكر انت ازيتها وخلصت
ينال : طارق حاج تضغط على اخوك بيكفي يلي هو فيه
طارق : ويلي نحنا فيه مو هو والست بيسان سببه…
ثائر : بيسان مادخلها انا يلي فهمت غلط

لا ياثائر كلامك مو صح… بيسان الها كل الدخل
اطلع الكل لجهة الصوت ليشوفوا زينب واقفه والدموع عم تتجمع بعيونها
زينب : خبرو طارق عن الشي يلي عرفناه
ثائر : شو في
زينب : انا رح قلك شو في… . بيوم خطوبتكم الست بيسان حطت لقمر قريص وشوك ببدلتها بس لحتى تنزع فرحتها واطالعها بالخجله
ثائر : شو ؟؟
قيس : يعني بيسان ورى هالعمله
زينب : اي والكيس وقع تحت ايدي بالصدفه واخدتو لطارق وكشف ع البصمات هيه نفسها بصمات بيسان
قيس : كنت بعرف انها حقوده بس مو لهي الدرجه
وسيم : اخي بترجاك ما بدنا هالانسانه تفوت لعيلتنا
ينال : عم تنخر فيك متل مابينخر السوس بالخشب اصحى اخي
اطلع ثائر بقيس يلي كان خجلان من افعال بنت اخته

ثائر : انا فعلا طالعتها من حياتي… وشلح المحبس من ايدو وحطوا ب ايد قيس وسكر عليه… صدقني حاولت كون الها السند والصدر الحنون بس هيه مابدها… بيسان طالق طالق طالق
قيس : قرارك بمحله ثائر وانا ابدا مو زعلان منك انا زعلان عليها دائما حاولت اصلحها بس عبث
وسيم : خلص سكرو عالسيره اجت امي
ام ينال : كيف صارت قمر
بتحضنها زينب وبتطلع ب وديع ليفهم عليها : قمر منيحه خاله بس ضغطها نزل من الرعبه يلي اكلتها ماهيك دكتور وديع
وديع : ها… . ايه ايه صح ضغطها نزل
♬♫♪◖(● o ●)◗♪♫♬♬♫♪◖(● o ●)◗♪♫♬
بتمر الساعات والكل على اعصابه خوف وقلق وحيره
وديع : امي ابي فاق فيكي تروحي تشوفيه
ام ينال : الف الحمد لله ياربي
وديع : ازا سألك عن قمر قوليلو انها بالبيت
ام ينال : ماشي ابني
وسيم : استني امي جاي معك
ينال : وانا جاي معكم
بيقعد عالكرسي وهو حاطط راسه بين ايديه وبتنزل دمعته على عرض وجهو متل كأنو طفل صغير
طارق : عم تبكي ثائر
ثائر وعيونو صار لونهم احمر : لك لااااا ماعم ابكي انا عم اشكو زماني يلي غدر فيي 😔
طارق : قوم اخي
ثائر : لوين
طارق : لعند قمر
ثائر : بس ؟
طارق : لاتبلش اتبسبسلي قوم
ثائر : بس بعدا نايمه
طارق : حاكيها اخي حاكيها ورح تسمعك
حط قيس ايدو على كتف ثائر وهزلو براسو ليفوت لعند قمر
وبعد تردد وخوف اخيرا فات لعندها
كانت متل الملاك نايمه و شعرها الاسود الغزير مفرود ع مخدتها
قرب منها وقعد حدها… مسك ايدها وباسها وبلش يطلع بوجهها ويحكي معها وهو عم يزيح خصلات شعرها
♬♫♪◖(● o ●)◗♪♫♬
بتعرفي شوو ؟؟؟ بوجودك عرفت شو يعني محبة ...

عرفت شو يعني الله بحبني إذا عشت بالحب فيه ...
بضحكتك ؟! عملتيني كون التفاؤل و الأمل لكل مكسور ، كون البلسم لكل مجروح
بعطائك ؟! علمتيني خلي إيدي اليمين شغالة ، ولو مو شي مادي ، اعطي كل شي ، اعطي ضحكة ، اعطي سعادة ، اعطي فرحة ..
بتفاؤلك ؟!علمتيني انو مافي حزن ، علمتيني ما ابكي غير لله ، ما ازعل إلا إذا قصرت بعبادة...
بطيبتك ؟!علمتيني معنى ( حسن الخلق ) ، و عرفت شو هو الدين ، و عرفت شو هي الشريعة السامية ... أنت اللي اسمها بيتردد دوم بسجود الشكر لرب العالمين لأنو بعتلي اياكي ... لما جيتي على هالدنيا ... عرفت ليش أصحاب الذهب و الفضة و الألماس بحافظوا على هالأشياء لأنو الجوهرة اللي فيكِ ما بكفيها قلب بس ليحفظها عرفتك وانتي صغيرة و نشأتي تحت تربيتنا و تربية أخلاقك الراقية نشأت بحب سماوي بطير فيني لأعلى سماااا نشأتي و أنتي متشربة قيمك اللي بتحثينا علين دائماً ما بخلتي عليي ولا يوم بأي شي بفيدني ... حتى وانتي اصغر مني كنتي القدوه بحسن تعاملك
لك قمر انتي مو بس اختي انتي بنتي .. سامحيني لأني مديت ايدي عليكي ياريت ايدي انكسرت قبل مافكر مدها عليكي ي روحي
فيقي قمر مابدك تتخبي بحضني جبتلك الشوكلا يلي بتحبيها هلأ بيجي وسيم بياكلها
اااااخ يا اختي شو محتاجك شو محتاج اسمع منك كلمة اخي كرمال الله فيقي حاج تتدللي على خيك يلي بيحبك .. انا طلقت بيسان مو لانها بس سيئه وبتكرهك… طلقتها لاني وقت بدي ارتبط بدي ارتبط بوحده تشبهك… تشبهك بطيبتك وحبك وتسامحك وحنيتك
قمر عم تسمعيني اختي بترجاكي فيقي واحكيلي سامحتك والله ع

#رواية_كف_القمر

*📖 ╏ڪـــــــــف الــــقـمـــــــــر🌕⚜️*

*📖╏#الـبــــ( 6 )ـــــــــارت*

➖➖➖➖➖➖➖➖➖ بقلم☜ امل احمد
بقيت قمر يومين وهي على نفس الحال ورافـضه تحكي مع اي حد
قيس : صباح الخير ي قمري كيفك اليوم
قمر :……
قرب قيس لعند قمر وحط ايدو حوالين كتافها… . لايمت هالحال قمر انتي مو بس عم تعاقبي ثائر .. عم تعاقبي نفسك وتعاقبينا كمان
قمر :… ..
قيس

: كرمالي حبيبتي احكي اي شي
قمر :……
دق دق…
قيس : تفضل
بتفوت زينب وهي حامله معها حلويات يلي بتحبها قمر
زينب : صباح الخير اخي قيس كيفا قمر اليوم
بيتأفف قيس بضيق وبيهز راسه والله تعبت معها ومو قابله تتجاوب ابدا
زينب : ممكن تتركني معها لو سمحت
قيس : خدي راحتك انا رايح شق على عمي جواد
بيطلع قيس وبيترك الباب مشقوق
زينب : شو قموره وبعدين معك
قمر :… .
زينب جبتلك الحلويات يلي بتحبيهم يالله افتحي تمك
قمر :… .
زينب : ماكنت بعرف انك انانيه… لك شو يعني بدك تموتي حالك وتموتي امك وابوكي طقيق عليكي شوفي وجهك بالمرايا كيف كان وكيف صار
قمر :……… ..
┬──┬┬──┬
وديع : اها صهري انت هون صباح الورد
قيس : اهلين وديع
وديع : شبك…
قيس : قمر ماعم تتجاوب معي ب اي شكل من الاشكال حاولت معها بس رافضه تحكي
وديع : طول بالك صهري الصدمه يلي تعرضتلا كانت قاسيه عليها… بدها شوية وقت لتقدر تتجاوز هالمحنه
قيس : الله يسمع منك… كيف صار عمي
وديع : عمك صحته حديد بس ماعم يبطل سؤال عن قمر وكأنه حاسس انه صايرلا شي
قيس : مارح تخبروه
وديع : حاليا لا بس لتتحسن صحته شوي تانيه
قيس : ان شاء الله
وديع : يالله بالازن بدي شق على قمر قبل ماروح عالبيت
قيس : ازنك معك وانا رايح شوف عمي بس تخلص خبرني لنطلع سوا
وديع : مشي صهري بشوفك
┬──┬┬──┬┬──┬┬──┬

كان على وشك يفوت لعند قمر لوقت سمع زينب عم تحكي معها وقف حد الباب وبلش يسمع كلامها
┬──┬┬──┬┬──┬

زينب : بتتزكري وقت تعاهدنا مانخبي شي على بعض… .بصراحه انا خبيت عليكي
انا بحبو لطارق بحبو كتير مابعرف ازا هو كمان بيبادلني هالشعور بس وقت بيكون قريب مني بحس نار شاعله جوات قلبي
قــمـــر :… ..

✿✿…
كان وديع عم يسمع كلام زينب وانصدم وقت عرف انها بتحب طارق
وديع : زينب بتحب طارق ؟؟؟
لك العماااااا ينال ناوي يخطبها وهي قلبها مع اخوه… انا لازم اتصرف قبل ماتوقع الفاس بالراس
✿✿
………………
زينب : وانتي كمان محظوظه بحب قيس الك مابتتصوري اديه كان خايف عليكي وناطف قلبه ليسمع منك كلمه
قــــمـــر :… ..
زينب : حتى اخوانك ينال وثائر وطارق ووديع ووسيم مشغول بالهم عليكي واكلين همك… .. اي وافرضي اكلتي من اخوكي كف شو فيها والله انا اكله اتل من اخواني لشبعانه
قــــمــــر :…… .
زينب : لك فكري ب امك وابوكي حرام عليكي شبكي قمررررررر
دق دق
بتمسح دمعتها بسرعه وبتقعد عالكرسي… تفضل
وديع : صباح الخير
زينب : صباح النور اخي وديع
وديع : كيفك زينب
اطلعت زينب بقمر بحسره ونزلت راسها للارض… والله مو منيحه 😔 ايمت قمر رح ترجع متل اول شتقتلها
وديع : اطمني اختي قمر بخير وهيه من داخلها كتير قويه وعندها اراده وبعمر كف القمر مارح يفرط بالاصابع يلي حضنهم طول هالسنين بكل الحب
زينب : الله كريم اخي وان شاء الله بترجعلنا ام خدود من جديد
┬──┬┬──┬┬──┬

هدى : صباح الخيرات وسيم وينك صرلك يومين غايب وماعم تحضر محاضراتك
وسيم بتعب : يسعد صباحك هدى وشكرا لسؤالك عني .. كان عندي شوية ظروف
هدى : لك لشو عم تشكرني نحنا رفقه…
وسيم : تسلمي هدهد
هدى : اممممم مدام بلشت ادلعني معناته تفضل ليكو دفتر المحاضرات كتبتلك كل الملخصات لحتى مايفوتك شي احفظ هاللطش
وسيم : ههههه والله ماقصدت عموما انتي ام الكرم والواجب وانا بستاهل 😉
هدى : سسسسئيل يالله بشوفك
وسيم : بشوفك
┬──┬┬──┬┬──┬
طلع من غرفته متل العاده مضيع موبايلو وعم يدور عليه
ينال : ثائر دقلي لاعرف وين هالزفت صرلي ساعه عم دور عليه
ثائر : لو كانت قمر هون فورا بتلاقيه 😔
اطلع ينال لثائر يلي ماعاد اكل ولاشرب ولا راح عشغلو كلامه قليل ودائما سرحان
ينال : قمر رح ترجعلنا اخي لاتقسى عحالك هيك
ركا ثائر راسو عالحيط واطلع بالسقف وعيونو مليانين دموع : ماتصورت بيوم امد ايدي عليها وكون سبب بحالتها هي ماعم اقدر سامح نفسي لك ينال
ينال : شي وصار اخي وقمر اكيد رح تسامحك وتنسى كل شي بس انت لازم تكون قوي وتواجه غلطك وتحاول تصلحه وحاجتك قعده بالبيت وندب متل النسوان قوم لناكل لقمه وننزل عندك عالمحل اشتقت للغليز عماد
لمعت عيون ثائر اول مانزكر اسم عماد وحط راسو بين ايديه وبلش يفرك بشعرو… لك عماااااد عماد حاول ينبهني بس انا غبي وماسمحتلو حتى يكمل كلامه
ينال : ينبهك من شو

ثائر : قوم معي اخي
┬──┬┬──┬┬──┬

لبست فستان اسود للركبه ومكشوف من عند الكتاف وتشيكت وحطت مكياج صاخب مابينحط بالصبح ابدا فردت شعرها ع ضهرها براحته واخر لمسه رشت بارفان وحملت شنتتها واطلعت بحالها نظره اخيره عالمرايا وطلعت من غرفتها
بيسان بصوت عالي : ميندااااا مينداااااا
ميندا : امرك ياخانوم
بيسان حضريلي كاسة نسكافيه بسرعه وجيبيلي ياها عالصاله وخلي ابو توفيق يحضر السياره بسرعه رح اطلع بعد عشر دقايق

قيس : ولوين العزم ان شاء الله
اطلعت بيسان بقيس يلي كان واقف وحاطط ايديه بجيابه ونظراته مابتوحي بالخير
ببسان : ا اهلين خالو… . روحي انتي جهزي النسكافيه
ميندا : والسياره ياخانوم
بيسان : لك رووووووحي من وجهي ه

لأ
ميندا : امرك
قيس : ازا مالقيتي حدا تخربيلو حياته بتتفششي بالخدم…
بيسان :… ..
قرب منها قيس ورمقها بنظره من فوق لتحت : شو هاد يلي لابستيه وليش هيك عامله بوجهك ؟؟ لوين رايحه ..!!!!
بيسان : ابدا حاسه حالي ضعفانه شوي وبدي روح للدكتور
قيس وهو بئشر ب ايدو من فوق لتحت… بهالمنظررر !!!!
بيسان : ايه عادي انا مو طفله لحتى تحاسبني
قيس : فعلا مو طفله… يلي بتخطط وبتنفذ وبتعمل كل هالمكائد والحيل ابدا مو طفله… .
نزل لعندها وصار وجهو قبال وجهها وحكا بهمس .. ياترى هالمره لشو عم تخططي بيسان خانوم
نفضت بيسان حالها وحملت شنتتها لتطلع
قيس : استني
لفت وجهها عليه وحطت ايدها ع خصرها : امـــــر ؟
قيس : ثائر بعتلك هي… اي وبلغني قلك انك طالق طالق طالق
حط الدبله عالطاوله وتركها وطلع لغرفته

بقيت بيسان تطلع بالدبله وعيونها رح تطلع من محلهم من الصدمه
ماتوقعت ثائر يطلقها بهالسهوله… .مسكت الدبله واطلعت فيها بعصبيه وغضب وكزت ع اسنانها والحقد عم يتجمع بعيونها
انا اطلقني يا ابن جواد… وكرمال مين كرمال قمر ؟؟؟ لك شووو مفكر حالك ليكون مفتكرني قاتله حالي عليك ياحقير… بسيطه ان ماخليتك انت وعيلتك تبكوا بدل الدموع دم مابيكون اسمي بيسان 🔥🔥
┬──┬┬──┬┬──┬┬──┬

وصل ثائر وينال عالمحل لعند عماد واول ماشافهم قام وتوجه لعندهم بسرعه
عماد : اهلين معلمي شغلت بالي عليك
ثائر : اهلين عماد
ينال : كيفك عماد
عماد : الحمد لله تمام تفضلو لساوي قهوه واجي
راح عماد ليعمل قهوه وقلبه عم يخفق بشده… خايف يكون ثائر شاف بيسان وهيه طالعه من المحل ومايعطيه فرصه يشرحله
عماد : العمااا على هالعلقه .. هلأ شو رح يخلي ثائر يصدق اني قلعتها .. يارب استر يارب
حط تلات فناجين عالصينيه وكاسة مي ورجع لعند الشباب
عماد : لك والله منووور ينال تفضل احلا فنجان قهوة ☕️

ينال : اي والله يسلموون عماد
عماد : تفضل معلم
ثائر : حط الصينيه من ايدك واقعد هون لشوف
بلع عماد ريقه وبلش يتصبب عرق
عماد بقلبه : وقعت وماحدا سما عليي لك والله بدي خبرك عطيني فرصه بس هالمره……
ثائر : وين شارد
عماد : هاه معك معك معلم .. الشغل كتير تمام وعلى كيفك امبيرحه وصلت بضاعه جديده ورتبتها مكانها وهي الدفتر دونت عليه كل شــــ
ثائر : هششششش ماعم اسألك عن الشغل
ينال : شبك مو على بعضك عماد
عماد : ابدا ضغط شغل والمعلم ثائر بيعرف النسوان وغلبتهن
ينال : الله يعينك لك انا مافيي اتحمل اخود واعطي وفاصل مره

عماد : ههههه وبالاخير بتقلك بلف لفه وبرجعلك ومابعود بشوفها
ينال : ههههه
انتبه عماد انه ثائر مو لابس محبسه بس ماحب يسألو وقرر بينه وبين حاله يبلش هو بالحكي قبل مايسأله ثائر عن شي ليضمن انه مايتعرض لمشاكل
عماد : معلم بدي خبرك شي
ثائر : انسى اي مواضيع هلأ وركز معي
عماد : بس يامعلم انا
ثائر : شو سمعت
عماد : متل مابدك
سحب ثائر سيجاره وبلش ينفث فيها وباين عليه العصبيه
ثائر : من كم يوم كنت بدك تقلي شي بخصوص بيسان
عماد : ااه انا .. اي صحيح
ثائر : شو كنت بدك تحكي هات لشوف
اطلع عماد بينال وبعدا بثائر وسكت
ثائر : احكي يلي عندك ينال مو غريب
عماد : بدي الامان
اطلع ثائر وينال ببعضهم ورجع ثائر يسحب بالسيجاره ويطلع دخان من صدرو بكل غضب
احكي وعليك الامان
عماد : شو ينال !!
ينال : عليك الامان عماد انا مابنسى وقفتك بيوم مشكلة قمر

اخد عماد نفس واستجمع قوته وبلش يحكي
عماد : قبل اي شي رح احكيه بدي زكرك اني حاولت نبهك وانت رفضت صح معلم
ثائر : مزبوط كلامك كمل
عماد : هاد ياسيدي كنت بدي قلك انه بيسان مابتلبقلك لاهي من توبك ولا انت من توبها
ثائر : احكي بوضوح اكتر لافهم عليك
عماد : صحيح انا ماقربت عليها ولا لمستها بس كان اسلوب الاغراء بالجسد اسلوبها وكمان برجع زكرك بيوم موضوع اختفاء الانسه قمر لمحتلك بهيك شي
ثائر : كمل
عماد : بيسان مريضه وبتتعالج عند طبيب نفسي وانا كنت لاحظ عليها وقت تعصب او تحقد عحدا ماتهدى لتشوف دم
ينال : دم !!"
عماد : ايه دم حتى لو كان دم جاجه المهم تشوف دم ومستحيل تترك ضحيتها الا ادمرها… حاولت كتير صير من زلمها بس بصراحه اسلوب حياتها كان بيخوف
ثائر : فعلا ماهديت لحتى شافت دم !!!!
ينال : شو قصدك اخي
ثائر : لما اتضاربت انا وقيس ببداية المشكله كانت بيسان تحاول ب اي طريقه تخليني افقد اعصابي لاتهجم على قمر ووقت علقت مع قيس ماحاولت تفزع بيناتنا ولما تعب ابي ونقلوه عالمشفى كان في اثار دم بالمطبخ بسبب جروح مني ومن قيس… ..

ينال : ايه
ثائر : ايه وقت طلع الكل اجت لعندي وكانت هاديه وعم تحاول تلاطفني بالحكي
عماد : قدرت تخليك تفقد اعصابك وشافت دم بس لو مافقدت اعصابك شو كان رح يهديها !!
ينال وثائر : !!!!!!!!!
عماد : لهيك معلمي كنت بدي نبهك من هي النقطه بيسان مو بعقلها ابدا ووقت تزعل بتئزي وازاها بيكون كبير .. كبير كتير
رجع ثائر ولع كمان سيجاره وصفن بكلام عماد
ثائر : يعني وقت تعرف اني طلقتها رح تجن وتحاول تئزيني او تئزي حدا من عيلتي ؟؟
عماد : ان

ت طلقتها ؟
ثائر : ايه

عماد : قيس طلب منك اطلقها
ثائر : لاا ابدا قيس كان واقف معي بهالخطوه
عماد : لهيك بدها تقتل قيس
ثائر وينال : شووووووووو
┬──┬┬──┬┬──┬
طارق : اخي ليش بدك اطالع قمر من المشفى خليها يومين تانيين
وديع : هيك افضل لصحتها ونفسيتها اخي اطمن قمر رح تكون بخير
ام ينال : وابوك ايمت رح يطلع
وديع : بفضل ابي يبقى كمان كم يوم ليبقى تحت المراقبه الطبيه لاني مابدي يتعرض لاي تعب او جهد او زعل يخليه يرجع ينتكس مره تانيه
طارق : طيب اخي انا رايح للقسم هلأ عندي شغل مهم انتبه لقمر
وديع : بعيوني اخي
┬──┬┬──┬┬──┬┬──┬

ثائر : وانت شو عرفك انها ناويه تقتل قيس
عماد : قبل ماتوصلو لهون كانت عندي
ثائر : الحقيره وشو كان بدها منك
عماد : بدها اقتل قيس
ثائر : وانت شو قلتلا
عماد : رفضت وقلعتها وطبعا طلعت وهي تهدد وتتوعد
ينال : الموضوع مابينسكت عنه
ثائر : رح توافق تقتل قيس عماد
عماد : نعم !!!! 😲
┬──┬┬──┬┬──┬
دخلت عالبيت بكل هدوء عم تطلع بكل ركن وبكل زاويه وبس اجت عينها عالمطبخ ركعت ع ركبها وحطت ايديها ع وجهها وصرخت

لاااااااااااااا رح يقتلوووووو كرمال الله لاتخلوه يقتل قيس
وديع : اهدي حبيبتي اهدي… اطلعي فيي قمر ثائر وقيس كانو عم يمزحوا وماحدا بدو يقتل حدا ايه حبببتي
قمر : هـ هـ هوه هوه… السكين هــوه
ام ينال : ياروحي يا امي تعي لحضني هلأ بعملك شي دافي تشربيه وبنتفرج عالتلفزيون
قمر : هــ هـــ هوه

فات وسيم وشاف قمر قاعده ب ارضها ووديع وامه عم يحاولو يهدوها… قرب لعندها وحضنها وبقي غامرها بحضنه لهديت بين ايديه
وسيم : حمدلله عالسلامه ام خدود جبتلك معي حاجات طيبه بس رح اخد منها ايه
قمر : جبتلي شوكلا
وسيم : لك ايييه شوكلا وشيبس وكل شي بدك ياه
اطلع وديع على وسيم وهو مبسوط من تصرفه السريع وكيف قدر بسهوله يمتص خوف قمر
وسيم : يالله تعي لحتى تفوتي ترتاحي بغرفتك
ام ينال : قومي بنتي قومي الله يحن عليكي وعلى اخواتك
قمر : اخواتي
وديع : ايه اخواتك نحنا .. ماشتقتيلنا
قمر : 😭
وديع : تعي لحضني ي روحي ماعاش من ينزل دمعه من عيونك
وسيم : بما انها ست البنات عم تدلع ف انا رح احملها لغرفتها
وديع : اووووه فكره حلوه وانا رح رش عليكن الورود
ام ينال بتبكي : لك الله مايحرمكن من بعض

دخلوها لغرفتها وبقيت امها معها تلاطفها وتلاعبها لحتى ماترجع تحس بالخوف
وسيم : خايف ازا شافت ثائر ترجع تنهار
وديع : هالاحتمال وارد جدا بس لابد منه
وسيم : وازا رجعت انصدمت
وديع : لازم تاكل كمان صدمه تخليها تطرد الصدمه يلي جواتها
وسيم : يعني متل مابتحكي امي خوفه بتطرد خوفه
وديع : بالزبط
وسيم : اترك هالموضوع عليي لكان

┬──┬┬──┬┬──┬
ثائر : شو رأيك بفكرتي طارق
طارق : منطقيا مناسبه خصوصا انه رح نتعامل مع وحده مختله ومو متوازنه عقليا
عماد : بس خايف تعرف اني عم اضحك عليها
طارق : بس انت مارح تضحك عليها
عماد : كيف يعني
طارق : مو بدها تشوف جثة قيس ودم
عماد : ايه
طارق : هالشي رح يصير بس بالاول رح استدعي قيس واشرحله الخطه

استقطع حديثهم موبايل ينال يلي رن
ينال : الوو اي امي… والله جد الف الحمد لله يارب احلا خبر بسمعه اليوم… .. .. كيف…… اها… اي امي ماشي فهمت… ماشي رح حل الموضوع.. انتبهي على قمر
طارق : شو في
ينال : اختك قمر صارت بالبيت والحمد لله حكت
ثائر : الحمد لله 😭
عماد : حمدلله عسلامتها
ينال : الله يسلمك
طارق : كأنه بتمك حكي ينال
اطلع ينال بثائر ونزل راسه : بصراحه خايفين على ردة فعل قمر بس تشوف ثائر
ثائر : 💔
عماد : احسن حل يفوت ثائر وقيس عندها وبهيك بتنصدم
طارق : لا والله فيهم نحنا بدنا نطالعها من هالحاله ولا نزيد الطين بله
عماد : ستي الله يرحمها كانت تحكي خوفه بتطرد خوفه
طارق : ستك شو بتشتغل
عماد : دايه 😌
طارق : مبدأيا اخفولي هالعينتين من وجهي بلا ما ابعتوا لستو
الكل : هههههه

ثائر : 😔
ينال : روق اخي قمر قلبها كبير ومستحيل تقسى ع واحد فينا
ثائر : يارب
ينال : رح اتصل بقيس لحتى يلاقينا بالبيت
طارق : كأنه فكرة خوفه بتطرد خوفه خرطت مشطك
ينال : بصراحه اي😅
طارق : 😕
┬─┬──┬┬──┬
وصلو عالبيت وهنه خايفين من ردة فعل قمر وقت تشوف ثائر
ثائر : خلص بلا مافوت انا
قيس : قوي قلبك لازم ننهي هالموضوع بقا
ينال : جاهزين

قيس : اي
طارق : والله ازا بيصير لقمر شي لادفنكم بحد ستو لعماد
♬♫♪◖(● o ●)◗♪♫♬
بقلوب عم تخفق وخطوات حذره فات طارق وينال وثائر وقيس لعند قمر يلي كانت هاديه وما ابدت اي ردة فعل
طارق : حمدلله عالسلامه اختي
قمر :… .
ينال : كيف حاسه حالك ي روحي
قمر :…… .
قيس : حبيبتي انتي منيحه
قمر :… ..
ثائر : اختي انا 💔 انا اسف سامحيني 😔
قمر :…… .
بلشوا يطلعوا ببعض نظرات استغراب ..وبعد شوي فاتت امهم ومعها وديع وجايبين معهم الشاي وقالب كيك
طارق بهمس : امي شبها قمر
ام ينال : شبها عين الله عليها
طارق : !!!!!!
نخز ينال ثائر ليبلش بالخطه يلي اتفقوا عليها
وفجأه
مـــفــــاااااااااااااااجــــأه
?

?🎊🎉💫🎊🎉✨🎊🎉💫🎊🎉🎊🎉🎊🎉🎊🎉🎊🎉
🎊🎉🎊🎊🎉🎊🎉🌠
ثائر : شووو في
ينال : بسم الله الرحمن الرحيم

قيس : شو عم بيصيررر
اما طارق سحب فردو وبلش يدور ع مصدر الصوت
كان وسيم ماسك بطنو وفارط من الضحك على مناظرهم
وديع : ههههه والله واكلتوها
ام ينال : هههههههه
طارق : يخررررب بيتك موتني رعبه هههههه
ينال : مو قلنالك خوفه بتطرد خوفه ليكك طردت 500 خوفه لقدام
قيس : ههههههه والله مجنون
وديع : لا وسيم طلع وارث شغلة العلاج من ابي الله يشفيه والله وكيلكم رعب قمر رعبه خلاها تصفرن
الكل : ههههههههههههههه
اطلع ثائر بقمر يلي كانت تطلع فيه وهي عم تبكي بصمت
ركض لعندها وغمرها بحضنه وبلش يبكي بصوت عالي… سااااامحيني اختي سامحيني ياضي عيني
قمر : مسامحتك اخي لك انا مالي غيركن بالدنيا
ثائر : لابقى تبكي ماعاد بدي شوف دمعه بعيونك ي روحي
قمر : يعني مابتعرف اني ام دميعه ومالي سلطه على دمعتي

رجعها لحضنه ليحسسها بالامان متل ماكان يحسسها وهي صغيره

نزلت دمعاتهم لتغسل قلوبهم اللي مابتعرف الحقد ولا الكره
‏- "فحضنتها حُضن الضعيف وبكت،
كم حزناً مر عليها وما اشتكت!
ما عمرها حتى على الجدار اتّكت،
تضحك منذ عرفتها واليوم أبكتني حين بكت.."

- 🌸🍃
(◕‿◕✿)

على انغام فيروز كانت قمر عم تعمل القهوه الصباحيه وتغني معها بصوتها الحنون
♬♬♬♡♡♬♬♬♡♡♬♬
أنا لحبيبي و حبيبي إلي
يا عصفورة بيضا لا بقى تسألي
لا يعتب حدا و لا يزعل حدا
أنا لحبيبي و حبيبي إلي

وسيم: وانا لمين 😢 لك حبوني معكن والله بقعد عاقل 😭
قمر : ههههههه لك انت حبيب قلبي
وسيم : يسعدلي هالصباح اللي بريحة القهوه فواح
قمر : وصباحك ابو السوم شو فاقو اخواتي
ثائر : معقول شم ريحة قهوتك ومافيق
قمر : صباحك ورد اخي
قرب منها وباسها من خدها وهو عم يلعب بشعراتها… صباح الورد والياسمين والحبئ والزمبئ لك يامحلا صباحي لما يبلش بطلتك ي روحي
غمرة راسها بحضنه واطلعت فيه بكل حب وحنيه… لك ربي مايحرمني منك ولا من حنيتك
وديع : هالله هالله شو هالرومانسيه انت واختك من على الصبح
وسيم : تعا اخي اقعد حدي حجزلتك مقعد بالسطر الاول
وديع : ههههههه اي كتر خيرك
ثائر : لك غيرانين من اختكم الصغيره
وسيم : انا غار من ام خدود لك شوف شوف كيف خدودها شبه الطبق
وديع : انتبه بلا ماتلاقي الطبق الطائر بنص خلقتك هلأ
قمر : مممم مارح رد عليكم اساسا انتو بتغيرو مني ومافي قهوه هه 😛
وديع : لادخيلك الا القهوه خلص حرمنا
بيفوت طارق وهو حامل جريدة الصباح وعم يقرأ الاخبار
وسيم : طب احكي صباح الخير
طارق : تضرب انت وصباحك
وديع : هههه بلش القصف الصباحي
قمر : صباحووو كابتن طارق
بيطلع فيها طارق بطرف عينه وبينزل الجريده من ايدو
لك انوو تعي تعي لهون ياصبااااح الخيرات والليرات شو هالصباح الحلو هاد
قمر : ☺️

وسيم : لاااا هيك تخنتوها راعو شعوري شوي انا بعدني صغير
ثائر : انت اسمك قمر شي
وسيم : لا
ثائر : لكان انقبر ونقطنا بسكوتك 😂
وسيم : 😏
ماشاء الله عليكن الله يحميكن من عيني ولا يحرمني من هاللمه الحلوه لك صباح الفل عليكن
قمر : يسعد صباحك امي
ثائر : اهليييين ست الكل تعي حدي تعي بشوف وجهك منور اليوم يخزي العين
وديع : اكيد مو رح يطلع ابي
ام ينال : استحي ولا
الكل : هههههههه
وسيم : ايمت رح تسجلي بالجامعه قمر
قمر : كمان شوي جايه لعندي زينب ورح رتب معها
وسيم : زينب جاي لهون
قمر : اي اخي في شي
وسيم : ها لا لا شو بدو يكون في يعني يالله اودعناكم
ام ينال : شو ينال ايمت رح نروح لنخطبلك زينب
ينال : بس يطلع ابي بشوفو وبنقرر امي
اطلع وديع بطارق يلي كان قاعد ومشغول بالجريده يلي معه…
وديع بقلبه… معقول مو حاسس بحب زينب الك… وانا شلون رح فهم ينال انها البنت بتحب اخوه ياربي شو هالمشكله هي
┬──┬┬──┬

ام ينال : قمر بنتي شوفي مين عالباب
بتنشف ايديها بسرعه من الجلي وبتروح ركض عالباب… ياامي ماحلك تحفظي دقة زينب
زينب : السلام عليكم
قمر : وعليكم السلام
بتتجمع الدموع بعيون زينب وبتحضن رفيقتها وهي مو مصدقه انها طلعت من الحاله النفسيه يلي كانت فيها
قمر : حاج ولي رح تبكيني
زينب : لك ياااعمررري مو مسدقه عيوني الف حمدلله عالسلامه
قمر : الله يسلمك تعي فوتي لجوا يالله
بتفوت زينب وبتسلم على ام ينال
ام ينال ; اهلا وسهلا بنتي ماتواخزيني مطره روح عالمشفى لعند ابو ينال مابدي وصيكي بقمر
زينب : خدي راحتك خاله وقمر بعيوني
ام ينال : تسلميلي يارب
زينب : خاله بكرا حفلة خطوبة هبه رفيقتنا بالمدرسه ممكن اخد قمر معي
بتطلع قمر ب امها : شو امي ؟؟؟
ام ينال : انا شخصيا ماعندي مانع بس وقت يجي ابوها واخوتها بنسألهم
زينب : حاضر خاله
ام ينال : يالله سلام حبيباتي
زينب وقمر : الله معك
وبعدها بيبلشوا البنات حكي وكركره
قمر : ايمت رح نروح نسجل بالجامعه وليه
زينب : انا رح سجل بكلية الحقوق

قمر : حقوق !! مو ع اساس ندرس بيولوجيا ؟؟
زينب بتلعثم : فكرت فيها ولقيت الحقوق اقرب لقلبي
قمر بمكر : الحقوق ولا طارق ؟
زينب :

شـ شـو خص طارق ؟؟
قمر : ولي دبه انا صحيح كنت ضعفانه ومو حاسه على شي بس كلامكم كنت اسمعه وافهمه
بتنزل زينب راسها بخجل وبتبلش تلعب ب اصابيعها : يعني الصراحه انا… ..
قمر : انتي عشقانه لشو الخجل
زينب : لك هسسس وطي صوتك
قمر : زينب في شي لازم تعرفيه من هلأ
زينب : خير شو في
قمر : اخي ينال حاطط براسه يتقدملك وحكا للكل والكل موافق
انصدمت زينب وحست بخيبة الامل لأن ينال بالنسبه الها مجرد اخ وبس
زينب : وطارق شو رأيو
قمر : موافق 😅
زينب : 😔
قمر : مو وقت دموعك هلأ ازا فعلا بتحبي طارق لازم ادافعي عن حبك
زينب : كيف ادافع عن حبي ويلي بحبو مو حاسس فيني
قمر : رح يحس بس انتي اعطي اشاره لقلبك يتحرك

زينب : اعطي شوو لك كيف بدي اعمل هيك شو رح يحكي الناس عليي
قمر : لا تسمعي لحدا لما بقلك تخلي عنو ببساطة ...
لاتردي للي بيحكيلك بروح واحد وبيجي عشرة غيرة
لما رح يدوب قلبك بليالي الفراق
هنن ما رح يكونو جنبك !
هنن ما رح يتوجعو عنك !!
دافعي عن حبك مرة و مرتين و تلاتة
حاولي تنقذيه ﻵخر دقيقة ...
ﻵن مو كل يوم منلاقي حدا نحبو ..
مو اي حدا منقدر نعيش معو الحب
مو اي حدا منقدر نخليه سر الضحكة و دوا الدمعة
هل حدا هو شخص واحد .. ولله مو كل يوم منلاقي حدا نحبو ..
┬──┬┬──┬┬──┬┬──┬

ثائر : ايه طارق خبرت قيس بالموضوع
طارق : لا بعدني ماخبرته
ثائر : وشو ناطر
طارق : انت ليش بصلتك محروقه هلأ بيوصل قيس وبفهمه كل شي ولا بدك خبرو هيك خبر عالموبايل يلي احتمال يكون مراقب !!
حك ثائر راسه : امممم صح معك حق فاتتني هي
طارق : اتصل لعماد وينال خليهم يجوا لحتى اشرح الخطه للكل
ثائر : تمام
┬──┬┬──┬┬──┬
واقفه بالصاله وماسكه ب ايدها صورة طارق وعم تتأمل فيها وتتحسسها ب اصابعها
وسيم : احممم
التفت زينب وبس شافت وسيم قبالها انتفضت ووقعت الصوره من ايدها وانكسر البرواز
وسيم : انتبهي زينب
زينب : انا انا اسفه
بيطلع وسيم عالبرواز المكسور وبيشوف صورة طارق وبيجي بزاكرته كيف كانت زينب واقفه عم تتأمل الصوره وبعيونها نطرة حب وعشق
وسيم : بتحبيه
زينب :……… .
بتطلع قمر على الصوت لتشوف وسيم عم يلم القزاز يلي نكسر وزينب واقفه مصدومه وحاطه ايديها على تمها
قمر: شو صار… اخي شو رجعك عالبيت
اطلع وسيم بزينب بحزن وقال : يمكن قدري ساقني لارجع عالبيت
زينب : بالازن منكم
قمر : لوين ولي لك زينب زينب

وسيم : اتركيها اختي
قمر : ليش شو صار
بيرفع وسيم صورة طارق بوجه قمر وايدو عم ترجف .. زينب بتحبو لطارق
قمر : اي اخي بتحبو
بيلكم الحيط بكف ايدو بقوه لك كييييييييف هيك مابتعرفي انه اخوكي ينال بدو يخطبها وانا… ..
قمر : انت شو ؟؟
وسيم : انا كنت بدي ساعد ينال
قربت قمر من وسيم وسحبته من ايدو وقعدو عالكنبه وهي عم تفركله ايدو
قمر : اخي الحب بس يدق قلوبنا مابيستئزن .. زينب كانت تحبو لطارق من قبل مايفكر فيها ينال
وسيم : مافكرتي بينال لك جنيتي انتي قمر
قمر : بالعكس اخي عم فكر فيه والله وعم فكر بزينب وشو رح يسير لو تزوجو انت احسبها معي ياترى بتزبط تتزوج وحده قلبها مع اخوك
وسيم : اكيد لا
قمر : عدا عن هيك اخي في فرق كبير بالعمر بيناتهم
وسيم : العمر مادخلو ازا كان في حب
قمر : صح كلامك بس ازا ماكان في حب رح تدمر حياتهم .. ينال اكبر من زينب بشي 11 سنه يعني هو رجل ناضج وبيتحاج زوجه اكتر نضج من زينب
وسيم : بس ماكان هاد رأيك وقت اقترح ينال خطوبتو من زينب
قمر : لاني كنت حابه زينب تكون لواحد منكم اخي وهي قلبها مع طارق
وسيم : وطارق بيحبها
قمر : طارق مامعه خبر بشي ابدا

بيفرك وسيم جبينه وبيبلش يهز ب اجرو بتوتر : لك فهميني شلون بدك تقنعي ينال يغير رأيه بخطوبته من زينب وبنفس الوقت تقنعي طارق يلي مابيحبا اصلا انه يتزوجها
قمر : انا مارح اعمل شي اخي خليها للاقدار
وسيم : وازا ماحصلت عهاد ولا هاد
قمر : بيكون مالها نصيب اخي
وسيم : وليش مايكون نصيبها معي
قمر : انت بتحب زينب !!!!!
بيغمض وسيم عيونو بأسى ومابيرد بحرف
┬──┬┬──┬┬──┬┬──┬
طارق : فهمتوا الخطه شباب في حدا عندو اي سؤال
عماد : ايه انا بدي اسألك
طارق : تفضل
عماد : هلأ وقت مثل اني عم اطعن قيس مو لازم ينزل منه دم !!
ثائر : لك تضرب بهالمخ شو سميك
عماد : الله يسامحك معلم
ينال : طبيعي قيس رح يكون مجهز بكيس فيه ماده بلون الدم بينفجر وقت تغرس السكين ببطنه
ثائر : ياخوفي يغرسها بجد
عماد : لا ولو
طارق : عماد اي غلطه رح يضيع كل شغلنا بالهوا
عماد : خلص معلم اعتمد ع الله ثم عليي
طارق : ونعم بالله وهلأ فيكم تنصرفوا وبس اعطيك الاشاره بتكون عندي عماد
عماد : تمام
طلعو ينال وثائر وعماد من عند طارق وبقي قيس يلي كان قاعد هادي عم يراقب شفايفهم وهنه بيحكوا وكيف بيخططوا ليحموه من بيسان يلي رباها متل بنت اله
طارق : بعرف انه الموقف صعب عليك بس بدك تتحمل…
قيس : ماعم صدق الحاله يلي وصلتها بيسان من الكره والحقد لك كيف هيك بتفكر كيييف
طارق : معقول كرهها لقمر يكون السبب الوحيد ؟؟
حط راسو بين ايديه و

هو عم يعصره عصر ليطالع الوجع يلي عشش جواته… ماااااابعرف مااااابعرف
┬──┬┬──┬┬──┬┬──┬

قمر : اديه عمرك وسيم
وسيم : لشو هالسؤال يعني مابتعرفي
قمر : خدني على قد عقلي وجاوبني
وسيم : 22
قمر : وزينب 19
وسيم : ايه شو يعني
قمر : من شوي قلتلك في فرق بالعمر بين زينب وينال وانه بيحتاج زوجه اكتر نضوج
وسيم : ايه
قمر : وزينب بتحتاج زوج اكتر نضوج منك اخي
وسيم بعصبيه : شو مو شايفتيني رجال :؟؟؟؟؟
قمر : لاااا ماهيك قصدت اخي بس انت من هون لتتخرج وتشتغل وتكون نفسك وتكون خرج زواج بدك تكون قاطع ال 25
وسيم : صح كلامك

قمر : حبك لزينب نبع من التعويد انت تعودت تشوفها عندي دايما لانها رفيقتي الوحيده ويمكن هالحب مجرد طيش شباب وبس توصل لمرحلة النضوج الكامل ماتطلع لزينب اساسا وادور على وحده تناسب سنك ويكون بينكم اقل شي خمس سنين فهمت عليي اخي
اطلع وسيم بعيون قمر وهو عم يتسائل بينه وبين حاله : لك من وين جبتي هالعقل وهالحكمه !!
فعلا انا كل ماشوف بنت بحس حالي بحبا وانه خلص هي هيه حب حياتي… معقول بعدني مراهق ؟؟؟
قمر : شبك سكتت اخي
وسيم : لا ولاشي انا طالع لعند امي عالمشفى لشوف متى حيخرجوا ابي
قمر : بس ماكملنا كلامنا
وسيم : بالعكس كلامك وصل لجوات اعماقي وفهمته… بتمنى لزينب السعاده مع الشخص يلي بتحبه وياريت تقنعي ينال بنفس اسلوب الحكمه يلي حكيتي معي فيه… . بيقرب منها وبيبوسها من جبينها…. يالله خاطرك اختي
بتبتسم قمر وبتاخد نفس عميق ممزوج براحه…… الله معك اخي الله ينور طريقك
┬──┬┬──┬┬──┬┬──┬
وديع : الو ثائر وينك انت
ثائر : ليكني عالطريق انا واخوك ينال
وديع : اي كتير منيح وطارق وينو
ثائر : حكا عندو شغله ورح يكون بالبيت عموعد الغدا
وديع : تمام انا وامي ووسيم رح نطالع ابي هلأ من المشفى
ثائر : امي اجت ع المشفى ؟؟
وديع : مع اني قلتلها ماتجي بس ماشفتها الا فوق راسي

ثائر : طيب اخي بشوفك سلام
ضرب مقود السياره ب ايدو وزاد سرعة السياره واتجه عالبيت ب اقصى سرعه
ينال : شبك شو صرلك رح تروحنا يارجال هدي السرعه
ثائر : قمر وحدها بالبيت
ينال : لاتخلي الشيطان يوسوسلك اخي
ثائر : والله يلي بتخطط لتقتل خالها اللي رباها مو صعب عليها تخطط لتقتل اختي
ينال : العمااااا !!! قمررررر
┬──┬┬──┬

بيوصلو عالبيت وبيطلعوا الدرج ركض وبيدفشوا الباب وبيفوتوا بسرعه
ثائر : قمرررررررر
ينال : اختييييي وينك
بتطلع قمر من المطبخ مرعوبه من اصوات اخوانها يلي كانو عم يلهتوا ومو قادرين ياخدو نفسهم
قمر : شوووو فييي ابي صرلو شي
بيركض لعندها ثائر وبيحضنها بقوه وبيسير يشم فيها ويتفقدها انتي منيحه قمر اجا عندك حدا بغيابنا
قمر : اي منيحه اخي… وحدا متل مين بدو يجي لعندي مافي غير زينب اجت وراحت
ينال : ليش زينب مابقيت معك
قمر : مممم كان عندها شغله واطرت تروح اخي بس انتو شبكم ليش هيك لونكم مخطوف
بيرمي ثائر حاله عالكنبه وبيلحقه ينال وهنه عم يحاولو ينظموا نفسهم شوي

قمر : خدوو اشربوو مي وليي عليي شبكم
ثائر : بصراحه بس عرفت انك لحالك خفت عليكي
قمر : ليش خفت عليي
ثائر : ها مم مابعرف هيك خفت وبس
ينال : قصدو انه بعدك تعبانه وخاف عليكي يصير معك شي وانتي وحدك
قمر : سامعين
ثائر وينال : شو ؟؟
قمر : لك هاد باااباااا والله بابا ركضت عالباب واول ماشافت ابوها فايت رمت حالها بحضنه بااااااااااااباااااااا
ابو ينال : ياروحي ياقلبي اشتقتلك ياضي عيوني اااخ يابنتي هيك ماتجي تشقي عليي
نزلت قمر راسها وماعرفت شو ترد على ابوها
ثائر : حمدلله عالسلامه ابو ينال والله ونور البيت
ابو ينال : اهلين ابني الله يرضى عليك
ينال : شو رح تبقوا واقفين عالباب فوتوا لجوا ليرتاح ابي
فاتو الكل وقعدو بالصاله وطبعا قمر متل القطه قاعده بحضن ابوها ليلاعبها ويشبع منها
ام ينال : شو ست قمر يعني ازا اجى ابوكي مابتعودي تساعديني
قمر : ههههه حبيبتي ماما ليكني جايه…
ثائر : تخيل ابي سمعت اصوات رجليك وعرفت انه انت يلي جاي
ابو ينال : ماحلك تعرف كف القمر لك ابني

طارق: وانا عم قووووول ليش البيت منور لك يااهلين بالحج جواد نورت الكون يابي ايدك لبوسا
ابو ينال : الله يرضى عليك واصله ابني
اطلع بثائر وهزلو براسو بمعنى وين قمر
ثائر برضو هز راسو ناح المطبخ انه ليكا بالمطبخ
بيرتاح بال طارق وبيقعد حد ابوه لك اهللللللللين احلا ابو ينال والله
لك شووو صار بالغدا امييييي
ام ينال : يالله شرفوا حبايب قلبي الغدا جاهز
قعدو ليتغدو بعد فتره قاسيه مرو فيها
ابو ينال : شبك بنتي كلي
قمر : حاضر ابي بس ليجي قيس
ثائر : هلأ بيوصل كلي اختي
بتهز كتافها ويتبزم
وسيم : هههههه شوفوا الطبق كيف اتكور
قمر : بااااباااا
ابو ينال : حاج تتغالز ع اختك وسيم
وسيم : حاضر يابي
بيندق الباب وبتقوم ركض لتفتح

طارق : ازكر القط بينط
بتفتح الباب بسرعه والابتسامه على عرض وجهها
قمر : تأخرت
قيس بتعب : اسف حبيبتي الطريق ازمه
قمر : شبك قيس
قيس : مافي شي مصدع شوي .. وصل عمي جواد

قمر : سلامتك حبيبي .. اي وصل يالله

فوت لتتغدى معنا
┬──┬┬──┬
رايحه جاي عم تاكل بحالها وبتفكر كيف بدها تخلص من قيس وتضرب عصفورين بحجر منه بتكسر قلب قمر ومنه بتحصل على كل ورتة قيس يلي لاتحصى ولا تعد
بيسان : انا لازم لاقي حل بسرعه بس شلوووووون
بيطالعها من تفكيرها الشيطاني رنة موبايلها… بتمسك الموبايل وبتطلع على اسم المتصل… هبه
بيسان : مين هبه !! اااه هي رفيقتي بالمدرسه ياترى شو بدا
بتفتح خط وبترد… اهلين هبوش
هبه : اهلين بيسووو لك كيفك ياضرسانه وينك لاحس ولا خبر

بيسان : والله مشغوله شوي ياروحي كيفك طمنيني عنك
هبه : تمام… حبيت دقلك لاعزمك على خطوبتي بكرا
بتطلع بيسان على مكان المحبس يلي كان ب ايدها وبتغص
هبه : الو بيسان وين رحتي
بيسان : معك حبيبتي نشالله الف مبروك
هبه : الله يبارك فيكي حبيبتي مو ماتجي بزعل منك هه
بيسان بقرف : لا شو ما اجي كم هبوش عندي انا…
هبه تسلمي لقلبي وعقبال عندك
بتولع النار بصدر بيسان وبيحمرو عيونها من الغضب… مرسي ي البي
وينك… عزمتي قمر عالحفله
هبه : بيصير ما اعزمها .. عزمتا هيه وزينب
بتكز ع اسنانها ومابتعود تتحمل اكتر
بيسان : ايه منيح لكان بنلتقى بكرا حبيبتي ب انو صاله
هبه : صالة اليمامه
بيسان : عرفتا 🔥🔥 يلا سلام
بترمي الموبايل من ايدها وبتبلش تكسر كل شي قدامها وتصرخ
لك ااااااااااااااه ااااااااااه انا تتركني ياثائر والله لتشوف مني الويل والله لخليك تتمنى الموووت

┬──┬┬──┬

-(((الحقد والغيرة دليل على ضعف الشخصية ومرض القلوب والفراغ العقلي والفكري)))-

قمر: ابي ازا رايق بدي احكي معك بموضوع
ابو ينال : خير بنتي
قمر وهي مرتبكه وبتفرك اصابيعها بتوتر : بصراحه الموضوع… ..
ابو ينال : تعي لعندي بنتي
قربت قمر من ابوها وقعدت حده وعيونها بتطلع شمال ويمين خايفه لحدا يسمع كلامها
ابو ينال : شبك قمر شغلتي بالي بنتي احكي شو في
قمر : بصراحه بابا الموضوع بيخص ينال
ابو ينال : خير ؟؟؟
قمر : انا لازم خبرك كلشي اي لازم خبرك لانه لو ماحكيت هلأ رح نندم بعدين
ابو ينال : حاج مقدمات وفوتي بالموضوع اخوكي ينال شبو
قمر : بخصوص خطوبته من زينب
ابو ينال ب اهتمام : شبها زينب
قمر : رح خبرك كل شي بابا بس اسمعني للاخر وبعدا عطيني رأيك
هز ابو ينال راسه وقام لغرفة مكتبه مع قمر ليحكوا بعيد عن مسامع البقيه
ابو ينال : وهي صرنا لوحدنا هاتي احكيلي شو عندك
قمر : بتتزكر يوم كتب كتابي على قيس شو وصيتني

ابو ينال : اكيد بتزكر
قمر : طيب بابا لو كنت انا مابحبو لقيس وانجبرت عليه ياترى فيني اعمل متل ماوصيتني فيني عيش معه علاقه زوجيه هاديه ودافيه وكون عيله بدون مشاكل
ابو ينال : في حدا بحياة زينب ؟
قمر : خليني كفي كلامي بابا لو سمحت
ابو ينال : طيب بنتي احكي سامعك
قمر : حضرتك من صغري علمتني عالوضوح والصراحه علمتني اعطي وما استنى مقابل علمتني كيف كون ورده مفتحه بين الاشواك وكون قويه وواجه اصعب العواصف
بس يابابا وقت يتعلق الموضوع بالمشاعر لا انا ولا انت النا سلطه ع قلوبنا هي مشاعر واحاسيس زرعها ربنا فينا وربنا سبحانه وتعالى حكا : (وجعلنا بينكم مودة ورحمه ) بس ازا راحت الموده وماتت الرحمه وانقتل الحب مابعتقد يكون هالزواج ناجح…
ابو ينال : كملي
قمر : مابنكر اني وقت عرض ينال فكرة زواجه من زينب كنت طايره من الفرحه لاني بحبا كتير لزينب وهيه رفيقتي الوحيده بس انا مافيي كون انانيه وشوف رفيقتي عم تتعزب وبنفس الوقت مابدي تكون الا زوجه لواحد من اخوتي
ابو ينال : زينب بتحب طارق مو هيك

قمر : كيف عرفت 😲
ابو ينال : انا مابعرف يابابا انا بحس وحسيت انه هالبنت مياله لطارق بس قلت يمكن مجرد استلطاف ويلي اكدلي هالشي موافقة طارق لخطوبة ينال من قمر بدون مايبين عليه انه مدايق
قمر : هي هيه المشكله بابا طارق مو حاسس ابدا بزينب
ابو ينال : اتركي هالموضوع عليي
قمر : بجد بابا بس كيف رح تحلا ؟؟
ابو ينال : عندك شك بحكمة السنين
ابتسمت قمر وهي بتشوف بعيون ابوها القدوه يلي بتستمد قوتها منه :… . اكيد لا بابا اكيد لا
┬──┬┬──┬┬──┬
بمركز الشرطه
كانو الشباب مجتمعين بمكتب طارق لحتى يبلشوا الخطه يلي اتفقوا عليها
ثائر : بعتقد لو نروح لمكان هادي بيكون افضل من هون

عماد : فعلا .. خايف دق لبيسان ويقوم يفوت حدا من العساكر يقلك تمااام سيدي
ثائر : ههههه اي والله بتكون مصيبه
قيس : تعوا لنروح عالمطعم الجبلي تبعي هونيك هدوء ومافي اي لبش
طارق : فكره ممتازه يالله تحركوا شباب
┬──┬┬──┬

واقفه بغرفتها وسانده ضهرها على باب الخزانه بتطلع عالخراب والتكسير يلي بكل مكان بتنزل دمعتها وبتمسحها بسرعه
بيسان : لا انا مالازم ابكي هنه يلي رح يبكوا بدل الدموع دم ورح ارقص بطرب على صراخهم وولاويلهم
بتفتح خزانتها لحتى تختار شي تلبسه وبيستوقفها رنة موبايلها
بيسان : هاد الكلب عماد شو بعد بدو
وبعد عدة رنات اخيرا بترد
بيسان : خير ياطير شو بدك من على بكرة الصبح

بيحط عالسبيكر فورا وبيبلش يحكي معها والكل عم يسمع بصمت

عماد : انا موافق اقتل قيس
بتتو

سع عيون بيسان وبتقفل باب خزانتها بهدوء وبتقعد ع طرف التخت
بيسان : اممم وشو يلي غير رأيك مو على اساس مافيك تكون مجرم ومو مستعد تروح حالك
عماد : انا فكرت بكلامك واقتنعت فيه وازا بنتفق رح نفذ اليوم… بس عندي شروط
بيسان : شو شروطك
عماد : اول شي بدي مبلغ اكبر
بيسان : انا من الاول قلتلك اطلب المبلغ يلي بدك ياه رح ضاعفلك اضعاف اضعافه… . وشو تاني شي
بيطلع عماد بقيس وبيبلع ريقه لانه هالجمله يلي رح يحكيها مو من ضمن خطتهم
عماد : بدي تكون قمر الي
بينتفض قيس من مكانه وثائر بيقوم ليهجم على عماد بس طارق بيأشرلهم ب ايدو ليقعدو مكانهم
بيسان : ههههههههه شو حكيت عيد بالله ماسمعت
عماد : هاد شرطي بيسان بدك اقتل قيس بتكون قمر الي
بيسان : معناته مصلحتنا بقتل قيس مشتركه
عماد : يعني اعتبر كلامك موافقه
بيسان : اي طبعا وقمر رح جيبها راكعه تحت اجريك بس وينك بدي شوف قيس وهو غرقان بدمه
عماد : لكان رح اعطيكي مكان مابدي اسحبه ونفذ العمليه بس انتي راقبي من بعيد تمام
بيسان : تمام ابعتلي العنوان والموعد بمسج

عماد : اوك… سلام
قيس : انت جنييييييت لك عماد لشو اتجيب سيرة قمر
ثائر : مزبوط حكيو ..قمر مو من ضمن الخطه ابدا
طارق : بالعكس تصرفه سليم
قيس : بالله وكيف بقى
عماد : انا رح فهمك سيد قيس… وقت قلت لبيسان اني بدي مبلغ اكبر يمكن سمعتها حكت انا من الاول حكيتلك المبلغ يلي بتطلبه الك اضعاف اضعافه
قيس : اي امبلى سمعت
عماد : لهيك ولحتى ماتشك انه في شي حكيت انه بدي قمر وبهيك بتكون حجتي اقوى واكبر بالنسبه لبيسان اني اقتلك
ثائر : والله وطلعت فهلوي ولا
عماد : تربيتك معلم
قيس بضيق : ياريت لو فيني شيل هالحقد من قلبها
بيحط طارق ايدو عكتف قيس وبيحاول يهديه : انت عملت يلي عليك قيس بس هيه يلي رافضه تساعد حالها وحابسه نفسها بقوقعة الحقد والكراهيه
ثائر : 😔💔
┬──┬┬──┬┬──┬

الساعه تنتين الضهر بيفوت الشباب عالبيت وبصحبتهم قيس
ينال : طمنوني شو صار معكم
ثائر بهمس : اطمن كله تمام والمسا التنفيذ
ينال : اها
وسيم : اهلين صهري حماتك بتحبك
قيس : اهلين وسيم .. صحه وهنا انا مو جوعان
طارق : شو هالحكي بدك تتغدا معنا
ثائر : مابيكفي رحنا عالمطعم وما اكلنا شي
قيس وهو بيحاول يخفي حزنه : هههه حقك علي والله نسيت
وديع : شو صار بالغدا قمر

بتطلع قمر من المطبخ وهيه لابسه مريول المطبخ ورافعه كمامها لفوق زندها ورابطها شعرها دنبة فرس وشكلها مبهدل
وسيم : وهيييي عمووو العووو اجى
قيس : ولي مين هي
ثائر : هههههه
وديع : ماهذا ههههههه
بتطلع قمر بقيس ياللي كان واقف قبالها وعم يضحك عمنظرها لتحط ايدها عتمها وتحاول تهرب من المكان بس ابوها بيسحبها وبيطلب منها تقعد وهي بنفس الحاله
قمر : بس يابا
ابو ينال : اسمعي الكلمه بنتي
قمر بضيق : حاضر ☹️
قيس : لك يسلملي الحلو يلي طالع بيجنن حتى وهو مبهدل
قمر بدون ماتطلع فيه : حاج قيس
قيس : ههههه شبك والله طالعه حلوه احكيلك كلمه مرت عمي
ام ينال : اصلا بنتي حلوه بكل حالاتها ولازم تشوفها هيك قبل الزواج لحتى ماتقول غشيناك ههههه
وسيم : لا واضح مافي غش بالموضوع 😂
بتنتر حالها لتقوم لغرفتها بس ابوها بيطلع فيها لتقعد… ..
قمر : ياباباااا

ابو ينال : قبل الغدا بدي خبركم قصة الشب يلي فكر حاله واقع بغرام بنت ومفكر المضهر اهم شي
وبينسى انه الزواج عشره وتعويد وحب والفه
بينتبه الكل لكلام ابو ينال وبيعم الصمت ليكفي كلامه
ابو ينال : هاد في بيوم واحد حب وحده وحس انه خلص وقع بحبها وراح يخبر ابوه وقله
يبدو إني وقعت بالحب يا أبي !!

لم تقع بعد يا بُني ، مازلت بالبداية !

*يتبــــــــــــــــ؏...*
➖➖➖➖➖➖➖➖
#اعادة_توجية_للفائدة

#رواية_كف_القمر

*📖 ╏ڪـــــــــف الــــقـمـــــــــر🌕⚜️*

*📖╏#الـبــــ( 7 )ـــــــــارت*

➖➖➖➖➖➖➖➖➖ _ بقلم امل احمد
لا أفهم ، ما معنى إني مازلتُ بالبداية ؟!

الحب يابُنيّ، لا يختبر صدقة او كذبة في البدايات ، فكلهم ياعزيزي رائعون في البداية ، مازالت المشاعر متوهجة ، مازال الحماس والشغف سيد الموقف ، مازال كل أحد منهم لم يبصر سوى الجمال في بعضهم

ا ، مازالوا يحاولون الظهور بأفضل مما لديهم ، وهذا ليس حبًا يابنُي ، البداية دائما رائعة ، ولكن الحب يختبر بعد إنتهاء البداية ، بعدما يرى كل واحد منكم الأخر كما ينبغي ، عندما تراها وهي بدون مساحيق تجميل ، عندما تراها وهي ضعيفة وواهنة ويغطي السواد عينيها ، عندما تراها وهي تبكي لأجل كوب الماء الذي سقط علي فستانها ، عندما تكون مزاجية فأوقات تضحك وتشرق كأنها الشمس ، واوقات تبكي وترتجف إذا مرت بجانبها قطة ، ورغم كل ذلك مازلت تراها أجملهم ، مازلت ترى إنها أجمل صدفك وأجمل هدايا المولى لك ، عندما تتيقن إنك إذا عاد بك الزمن للوراء ستختارها بنفس الحب الذي أعتراك في البداية ،وبنفس رجفة القلب الذي أحسست بها في اول لقاء ، وبنفس لمعة العين الذي ظهرت في عينك عندما ألتقت عينكما ببعض🌸💙

الحب يقاس بمدى تشبثكم ببعض ، الحب يختبر عندما يمر عليكم لحظات الجفا والبُعد والألم وتجد في قلبك وحشة لبعدها ولا تسكن إلا بعودة حبال الوصل بينكم من جديد ، عندما تتباهى بها وكأنها كل إنتصاراتك ، عندما تتيقن إنها عوض الله عن كل الخيبات التي مررت بها :"))

فاصبر لقلبك ولا تتعجل ، فمازال بينكم الكثير ليحدث وحينها فقط ستعلم إن كنت وقعت بالحب أم إنها مجرد مشاعر عابرة ليس لها جذور في القلب :"))) 🌸
🌺🌺🌺
بيطلع قيس بعيون قمر يلي بيلمعوا وهيه صافنه فيه وناطره ردة فعله
قيس : يسلم تمك عم جواد بربي حكيك درر
ابو ينال : العبره من هالقصه مو الك وبس انا عم احكي الك ولولادي كمان وبيطلع بينال
قيس : اكيد عمي كل واحد منا لازم يعرف يختار شريكة حياته عن قناعه
ابو ينال : اكيد ابني
ينال : ع سيرة شريكة الحياه شو صار بقصة خطوبتي انا وزينب
بتطلع قمر لابوها وبعدا بتحول نظرها لوسيم يلي بيرفع حواجبه وبيهز راسه بعجز
وبيعدل وديع قعدته وهو بيدقق بكل كلمه وكل حرف
ابو ينال : انت بتحبا لزينب ولا عجبتك اخلاقها وبس
ينال : بصراحه بكزب عليك ازا قلت اني بحبا ممممم يعني البنت ماشاء الله عنها اخلاقها عاليه وبيكفي انها رفيقة قمر

ابو ينال : اجلي موضوع خطوبتك هالفتره
ينال : ليش ابي
ام ينال : يوه ليش لحتى يأجل انا ماصدقت ع الله وحكا بدو يتزوج
ابو ينال : حكا بدو يخطب بس يمكن هالبنت مو من ضلعه ياسعاد وبيحول نظره لطارق… . ولا شو رأيك ابني
طارق : هاه مابعرف ابي انت ادرى بمصلحتنا كلنا
ينال : بالازن
ثائر : لوين اخي
ينال : بدي نام حاسس حالي تعبان شوي
طارق : بس لاتنسى المسا في عنا مشوار مهم
بيهز ينال راسه وبيفوت لغرفته وبيلحقه وديع
ينال : لو سمحت وديع بدي نام
وديع : بدي احكي معك كلمتين وبعدها نام براحتك
ينال : شو في هات لشوف
… ..........
ابو ينال : مشوار شو هاد ابني
طارق : والله صهري وعماد عازمينا على حفلة مشاوي ع اطراف الجبل
قمر : ليش ماخبرتوني ☹️
قيس : لانه في معنا ضيف شرف ولو كنا وحدنا كنا اخدناكي حبيبتي
قمر : صحيح عسيرة الحفلات انا معزومه اليوم لحفلة خطوبة رفيقتي هبه
قيس طالما انتي لسه ببيت ابوكي مابيحقلي احكي لهيك شوفي رأي عمي واخواتك
قمر : شو بابا
ثائر بعصبيه : لا مافي روحه
قمر : ليش اخي
ثائر : هيك بدون ليش
طارق : انا مع كلام ثائر

قمر : بس ماما وزينب وخالتو ام زينب رايحين معي يعني مارح روح وحدي
ثائر : انا قلت لأ يعني لأ
ابو ينال : على فكره جواد بعدو مامات
ثائر : بعيد الشر عنك ابي بس
ابو ينال : لابس ولا مايحزنون حفلة رفيقتها وحابه تروح تغير شكل وانا ماعندي مانع
طارق : وين رح تصير الحفله
قمر : بصالة اليمامه
طارق بحنق : طيب اختي بعد كلمة ابوكي نحنا مالنا كلمه بس بدي منك تنتبهي عحالك وماتبعدي عن امي ولا تكه ماشي
قمر بفرح : حااااضر 😃
ثائر : وانت وسيم بتوصلهم وبتبقى معهم لتخلص الحفله وبترجعهم عالبيت
وسيم : شبكم حسستوني في مافيا عم تطاردهم
طارق : اعمل يلي حكالك عليه اخوك من تم ساكت
وسيم : ب امرك اخي
┬──┬┬──┬┬──┬

ينال : يعني زينب بتحب طارق ؟؟
وديع : مابدي تزعل اخي بس حبيت خبرك هلأ لحتى ماتنصدم بعدين
ينال : وطارق شو رأيه

وديع : طارق مامعه خبر بشي المشاعر من جهة البنت وحدها ومن قبل ماتحكي بدك تخطبها
ينال : وقمر بتعرف
وديع : لا اخي انا سمعت زينب وقت خبرت قمر وهي بالمشفى
سكت ينال ورمى حاله عالتخت وكمر راسه تحت الحرام
وديع : كرمال الله ماتعمل بحالك هيك اخي كلشي قسمه ونصيب بترجاك لاتحقد ع اخوك والله مالو اي زنب
رفع ينال الحرام واطلع بوديع وهو بيضحك : لك مجنون انت شي انا بدي احقد على اخي كرمال مره وبعدين لاطارق ولازينب الهن زنب هي المشاعر مو ب ايدينا
وديع : يعني مانك زعلان اخي
ينال: الرجال مننا كل يوم بيشوف نسوان اشكال والوان وممكن يتزوج عشرين مره ويطلق ويرجع يتزوج من جديد الزوجه بتتعوض اخي بس الاخ بعمرو مابيتعوض ومتل ماحكيت كل شي نصيب
ركض وديع لعند ينال وحضنه وباس ع جبينه… لك الله مايحرمنا من بعض ياحق
ينال : امين يارب العالمين💓
وهلأ تعال نفكر كيف ممكن نجمع بين طارق وزينب
وديع : كبير اخي والله كب

ير بس امانه ماتتزوج سيكرتيرك ليلى الحوله
ينال : هههههههههههههههه مابتعرف هاد نصيب مو
وديع : ههههههههه

┬──┬┬──┬┬──┬

كانت عم تجهز حالها وتختار كلشي باللون الاسود خلصت لبسها يلي كان عباره عن بلوزه سوده وبلطلون جينز اسود مع جاكيت سبور اسود وبوت اسود… ربطت شعرها دنبة فرس ببكله سوده وبلشت تحط كحله بعيونها وهي عم اتمتم وتقول… .
🖤🖤
اكحلا وافتراق كأنك لم يروعك البعاد… قالت كي تحوله دموعي فيغدو في خدي حداد
🖤🖤
اليوم رح تصير كل هالثروه ل الي وحدي ورح احرق قلبك ياقمر وخليكي تندمي عاليوم يلي فكرتي تاخدي خالي مني…
وانت ياخالو معلش ماتواخزني روحك غاليه بس انتقامي من عيلة جواد اغلا
اما انت ياعماد انطر نهايتك هههههه قال بدو قمر قال ايه ليش لا ياخدها بس وهي جثه لاني رح خلص عليها
اما انت ياثائر رح احرقك واكل من لحمك نساير نساير ياترى لحمك طيب ولا بدو كاتشب هههههه
بتلمع عيونها وهي عم تتخيل صورة جواد… . اما انت ياجواد صبرك عليي ياواطي بعد ماخلصك من كل عكازاتك رح يجي عليك الدور
🔥🔥🔥🔥🔥🔥
بتسحب مسدسها وبتحطه بين تيابها وبتطلع من غرفتها لتركب بسيارتها
ابو توفيق : اؤمريني ياخانوم وين بدك وصلك
بيسان : خليك منقبر مطرحك رايحه مشوار صغير وراجعه

ابو توفيق : يعني مابدك وصلك
بيسان :نترت المفتاح من ايدو وهي عم تصرخ فيه شوووو انت لوح مابتفهم يعني قلتلك رايحه مشوار صغير وراجعه نقلع من وجهي افتاح البوابه يالله
ابو توفيق : ب امرك ياخنوم
بيفتح ابو توفيق البوابه وبتنطلق بيسان بسيارتها عالمكان يلي حددلها ياها عماد وهو عباره عن بيت مهجور ع اطراف المدينه
…… .
الو قيس بيك الانسه بيسان هلأ طلعت من البيت
قيس : ماشي ابو توفيق يعطيك العافيه
اطلع قيس لطارق وقله انها بيسان اتحركت وجايه لهون
طارق : عال لكان يالله شباب كل واحد لمطرحه وانتبهوا منيح مابدي اي غلطه

┬──┬┬──┬┬──┬┬──┬
بتنزل من السياره وهي عم ترجف… . بتقرب من المكان يلي خبرها عنه عماد شوي شوي وبتبلش ادور بعيونها على قيس وعماد
بيسان : العما وينه عماد مو ع اساس المكان هون ؟؟
بتقرب اكتر وبتفوت لجوات بيت مهجور نصه مهدم ومابتشوف حدا ومن الفراغ بيوصلها صوت صرخة قيس .. بتروح تركض بتلاقي قيس وعماد عم يشدو بالحكي مع بعض وعماد مسلط السكين عليه
عماد : قلتلك قمر الي يعني الي عم تفهم
قيس : لك ياحقير ياواطي نجوم السما اقربلك من قمر
عماد : امنعني لشوف وبيهجم على قيس وبيغرس سكينه ببطنه
بتشهق بيسان بصوت عالي وهيه شايفه قيس حاطط ايدو على جرحو وعم يترنح وبالاخير بيوقع ع الارض ودمه حميمه
بيسان : خـ خـ خالو

بيرفع عماد السكين لتشوفها بيسان
عماد : ليكني قتلته متل ماتفقنا الدور هلأ عليكي تنفذي باقي الاتفاق وتجيبلي قمر
ماكانت عم تسمعه بوقتها لانها دخلت بصدمه وهي شايفه خالها يلي رباها بكل حب من بعد موت ستها غرقان بدمه
بتمشي خطوتين بإتجاه قيس وهي عم تتزكر زكريات جمعتهم سوا
🌾🌾
بيسان : خالو بدي متل هي اللعبه
قيس : تكرمي ياروح خالو
بيسان : خالو ليش خالو قاسم بيحكي عني بنت حرام
قيس : لاخالو انتي بنت اختي واحلا بنت بالكون
بيسان : شوف خالو ما احلا الحصان بدي اركب عليه ياخالو
قيس : تعي ياروحي هاد هدية عيد ميلادك بس انتبهي تقعي
بيسان : اشتقت لامي خالو
قيس : انا امك وابوكي واختك واخوكي بوعدك ما اتركك حبيبة قلبي بس ماتبكي مابحب شوف هالعيون الحلوين يبكوا
بيسان: بدي روح علئ هاواي بيقولو كتير حلوة بالصيف
قيس: اي بنغير وجهتنا علئ هاواي ..شو كم بيسو عندي انا)
🌾🌾

نزلت دمعة من عينها وقالت: طول عمري ماكان في حدا يدللني ويهتم فيني غيرك .. ليش هيك صار خالووو ...
بتركض لعندو وبتحاول تصحيه بس مابيرد عليها
بتطلع لعماد ونيران الغضب عم تشعل بقلبها
لك انت قتلت خالوو انت قتلت الانسان الوحيد يلي باقيلي من هالدنيا
عماد : بالله شو ع اساس مو كل شي من تخطيطك وتدبيرك وهلأ حاج تمثلي درو المسكينه ونفذي باقي اتفاقنا… .. انا بدي قمر عم تفهمي
بيسان : بدك قمررر كمان انت عم تقلي قمر اي تعا معي خود باقي حسابك
بيمشي معها عماد لعند سيارتها وبس توصل بترجع تطلع عالبيت يلي اندبح فيه قيس
بيسان : يمكن هيك احسن الك خالو ارقد بسلام انا خلصتك من الشيطانه لازم تكون ممنون الي
عماد : شو عم تحكي
بيسان : عم احكي انه صار وقت الحساب ياسيد عماد مو بدك قمر
عماد : اها
بيسان : لكان اسبقهااااا لجهنم وانا شوي رح لحقها فيك
وبهاللحظه بطالع مسدسها وبتقوص عماد وبتجي الطلقه بكتفو وبيوقع عالارض وهو عم يتألم
بيشوفوها الشباب صارت تصرخ وتشد بشعرها
بيسان (بتبكي وبتصرخ) : انتي السبب ياقمر رح تموتي اليوووم يا حيوانة .. رح تموووووووتي
ايه ايه قمر هلأ بالحفله انا رح لحقك بعماد يافاجره ااااااااااااااه

وبترجع تطلع بسيارتها وبطير فيها
طارق: قمر ..
وبيطلع طارق بسيارتو مشان يلحقها
ثائر: وين رايح اخي
طارق: لازم الحقهاقمر بخطر وانت خود عماد مع قيس عالمشفى بسرعه ..
ينال : رايح معك

بيمشي بالسيارة ب اقصى سرعه وقلبه عم يخفق بقوه من خوفو على اخته بيمسك موبايلو وبيتصل على امو ..
طارق: وينك انتي وقمر؟
ام ينال: طالعين على حفلة الخطبة شو نسيت انواختك معزومة ..
طارق: لحالكون؟
ام ينال: لا معنا اخوك وسيم هوه رح يوصلنا وزينب وامها .. خير ابني شوفي؟ ..
طارق ماحب يرعب امو وقلا انو مافي شي بس حابب يتطمن انن مو بالبيت .. وبيسكر الخط وبيطلب دعم فورا وبيعطيهم موقعه
بيضل لاحقها لحتا بيشوفها وقفت قدام باب صالة
طارق :العما هي شو جابها لهوون 😨
وقف سيارتو بالعجقة وماقدر يوصل لسيارة بيسان .
.ومن بعيد شاف اختو وامو وزينب وامها نازلين من السيارة وبيشوف بيسان طلعت من سيارتها وهية حاملة مسدس ومصوبتو على قمر
بيسان : رح تمووووووووتي قمرررر رح اقتلك ب ايدي هدوووول
ينال : طاااارق هالحقيره رح تقوووص قمررر
مابيحملو عقلو وبيركض ناحية بيسان لحتا يخلصها المسدس..
كانت طلقة الحقد اسرع منه بس مو اسرع من زينب يلي شافت بيسان من بعيد واقفه ومسلطه المسدس على قمر

زينب: قمر انتبهيييي
وبدون وعي بتبعدها و قبل مايوصل طارق بتقوص بيسان وبتصيب زينب بدال قمر بخاصرتا وبتوقع بحضن قمر يلي بتكون مصدومه وهي شايفه رفيقة عمرها
مكومة بدمها عالأرض
بتحضنها وبتصرخ ب اعلا صوت زززززززززززززززززززينب لاااااااااااا بيوصل طارق لعند بيسان وبيحط الكلبشة بإيدها وهية عم تصرخ وتبكي : تركوني موتها تركوني اخد بتار امي من بنت جواااد ..
طارق: والله لألحقك بأمك يا بنت الحرام
بيسان بتصرخ: ماني بنت حراااام تركني .. لك تركنيييي
بيوصل الدعم وبيلقو القبض على بيسان يلي كانت عم تصرخ وبيحطوها بسيارة الشرطه
بقلب ملهوف بيركض لعند زينب بيشيلها بين ايديه وهوة وعم يتفحص جرحها والناس بكونو ملمومين حواليها وقمر بتبكبي وبتصرخ بطارق زينب ماااااتت زينب ماااااتت ووسيم بعدو واقع عركبو قبالها ومو مستوعب شي ..
طارق بيضرب عخدودها : زينب ..زينب ردي عليي فتحي عيونك زينب ..
بيركض ينال لعندهم وبيحط ايدو ع رقبة زينب : في نبض بعدها عايشه رح اطلب الاسعاف فورا
طارق : مافي وقت للاسعاف رح اخدها بسيارتي ع اقرب مشفى ..
كان رح يحملها لما شافها فتحت عيونها بصعوبه وتشبتت بقميصه وعم تحكي بصوت مبحوح ..
زينب: طارق انا بحبك الك .. انا مابدي غيرك وبعدين بتغيب عن الوعي 😢
طارق«بصدمة »:
شو قلتي .!!.زينب .. ز..زينب
♬♡♬♡

وسط الفوضى حوله مابين نحيبا وبكاء واصوات اقدام الاطباء يدخلون ويخرجون من غرفة العمليات كان متكئا على السور وافكاره تصول وتجول… لم يسمع من الصخب الذي حوله الا صوتها… طارق انا بحبك الك .. ومابدي غيرك…
غمض عيونو بحرقه وقلبه عم يعتصر من الالم
معقول كانت عم تحكي الي ؟؟ بس هيه حكت اسمي ندهتني ب اسمي وقالت بحبك… ااااه يازينب شو هالقلب يلي حاملتيه بين ضلوعك… .
🌺 صارحته بحبها وهي مابين الحياة والموت وكأنها لاتريد الخروج من هذه الحياة خاسره … . فهل يخفق قلب جلادها لها 🌺
………
ينال : اطمن اخي ان شاء الله بتقوم بالسلامه
طارق : بحيره : ينال انت… ..!!!!!!
ينال : انا بعرف انها زينب بتحبك اخي وبصراحه انتو لايقين على بعض…
طارق : مو وقت هالحكي ينال
ينال : البنت يلي بتصارع الموت لتعترف لحبيبها بحبها بتكون عاشقه حتى الثماله صدقني اخي انامو زعلان ابدا ويمكن سمعتني وقت حكيت لابوك اني مابحبها وكنت رح اخطبها لاني معجب ب اخلاقها .
طارق : ينال حاج كرمال الله
ينال وهو بيحط ايدو ع كتف طارق : القلب يلي احتواك احتويه وماتفرط فيه…وماتخاف ع زينب .. هي رح تكون قوية وتتحدى وجعها وتتشبت بالحياه لان بداخلها قلب بيخفق بحب للحياه يلي راسميتها معك
طارق :……
تبسمله وفتل وجهو عنه وراح وتركه بين دوامه مابين حيره وقلق… اطلع من الشباك واخد نفس عميق : يارب مابدي شي الا شوفها واقفه ع اجريها من جديد
┬──┬
قاعده ب ارضها وضامه اجريها لصدرها وعم تبكي بحرقه
قمر : يااارب تقومي بالسلامه زينب اااخ يارفيقتي
ام ينال : طولي بالك بنتي ان شاء الله زينب مافيها شي
قمر : زينب ضحت بحالها كرمالي ورمت حالها قدام الموت لتنقذ حياتي يا امي لو صرلا شي كيف بدي عيش كيييييف
ام ينال : حبيبتي وطي صوتك حرام مو شايفه كيف حالة امها لزينب واهلها لاتزيديها عليهم
بتمسح دموعها وبتقوم تمشي بخطوات بطيئة ب اتجاه طارق يلي كان راكي راسو للحيط وسرحان و بدنيا غير الدنيا
قمر : زينب مارح تموت ماهيك اخي
بيفيق طارق من شرودو وبيطلع بعيون قمر يلي كانو متل الجمر ومتورمين من البكا
طارق :……… .
قمر : زينب حتمو…
بيضمها لصدرو قبل ماتكمل كلمتها وبيمسح عراسها ووجها ليحسسها بالامان… .
طارق : اهدي حبيبتي ان شاء الله زينب بتقوم بالسلامه وبنطمن عليها
قمر : زينب كتير بتحبك
غمض عيونو بقهر وشد اختو لحضنو اكتر
وسيم : اخي وينو ثائر

طارق : ثائر ؟؟؟ العماااااا عماااد !!!!
خوفو على زينب خلاه ينسى انه عماد هو كمان اتصاوب وكان لازم يطمن عليه … .. فقد تركيزه بالكامل بعد كلمة زينب يلي انحفرت ب