❁ًۣۙ🍀ُ๋͜ ـ๋͜❁ًۣۙ🍀ُ๋͜
ـــــــــــــــــــــــــــ
قمــر : نحنا لوين رايحين

بيسان : بدي شوف مول قريب من هون عامل عروض تحفه تكه وبنوصل
قمــر : طيب ممكن استخدم موبايلك واتصل لامي مافيي روح لمكان هيه مابتعرفو
بيسان : امممممم كان على عيني حبيبة البي بس شحنو خلص تكه هلأ بشحنو ع شاحن السياره وبتتصلي فيها براحتك
قمـر : طيب بس مافيي طول عن البيت
بيسان : تكرررمي يالله استعجل ابو توفيق
بيسان بقلبها .. اكيد الكلب عماد خربلي كل مخططي وخبر ثائر ليش كنت بدي اخد اختو عندو عالمحل بس انا مو غبيه لاضيع عحالي هيك فرصه ازا انحبست ابي بيطالعني بس ازا فشلت اليوم وماكسرت شوكة جواد طارق مارح يسكتلي ورح اتورط لهيك لازم وبأي طريقه تروح قمــر لبيتها مكسوره وبكسرتها بكسر السيد جواد يلي دمر امي وخلاها تنتحر بسببه قلبي مارح ينشفى غليله من هالعيله الا شوفها مدمره 🔥🔥 🔥
ابو توفيق : انسه بيسان معلش ممكن فك حصره
بيسان بعصبيه: انت مجنون شي مو شايفنا مستعجلين نقلع كفي طريقك
ابو توفيق : لو سمحتي ياخانوم انا مريض سكري ومافيي مافوت عالحمام
بيسان : لك انت مابتفهم البنت مستعجله بدها تروح لبيتها
قمر : طولي بالك بيسان حرام خلي الرجال يروح يفك حصره مارح اطير الدنيا من خمس دقايق
بيسان بخبث : صحيح مارح اطير بخمس دقايق روح ابو توفيق بس لاتعوق
نزل ابو توفيق وبقيت قمر وبيسان وحدهم بالسياره بمنطقه شبه مقطوعه
فجأه الشباك يلي ب اتجاه بيسان بينكسر وبيفتح الباب شخص طويل وعريض وبينزل بيسان وقمر من السياره وبياخدهم لمخزن مهجور
ــــــــــ
ـــــــــــــــــ
وببيت قـــــمــــر
وديع وهو رايح جاي وبينفخ… امي هي مرق اكتر من نص ساعه خدي موبايل قمر ودقي لزينب
ام ينال : طيب هات الموبايل
مسكت ام ينال موبايل وبلشت تقلب بين الارقام لحد ماوصلت لرقم زينب اتصلت اول مره بس مافي رد
وسيم : ارجعي دقي مره واتنين والف اني كرامه ل الله
بعد الاتصال التالت ردت زينب يلي كان دوبها صاحيه من النوم
ام ينال : الو كيفك بنتي زينب انا ام ينال امها لقمر بس ماكون ازعجتك
زينب : اهلين خاله لا ازعاج ولا شي خير في شي
ام ينال : قمر ما اجت لعندك
زينب : انا اليوم مارحت عالمدرسه يا خاله فهميني شو القصه
ام ينال بتبكي وماعاد طلع معها الحكي
اخد وسيم الموبايل من ايد امه وحكى بصوت مهزوز
اخت زينب ازا بتعرفي وينها قمر او بتعرفي بيت بيسان خبريني الله يوفقك
زينب : بيسان ؟؟؟؟؟

وسيم : ايه بيسان بتعرفيها
زينب : بعرفها ومابعرفها
وسيم : شلون بقى
زينب : هي بنت استغفر الله العظيم يعني ما بعرف كيف اوصفها يارب سامحني
وسيم : اييييييه اختي وبعدين
زينب : صرلا مده بتحوم حوالين قمر مع انه ماصرلها غير اسبوع منتقله لمدرستنا وغير هيك ما بعرف شي
وسيم : يعني قمر كانت تتجاوب معها وتاخد وتعطي بالحكي
زينب : لااا لاااا ابدا بالعكس ماكانت حابيتا من اسلوبها وحكيها ومضهرها استغفر الله العظيم
وسيم : بس اللي صار اليوم غير هيك
زينب : ليش شو صار
حكا وسيم القصه لزينب وصارت تضرب على وجهها ن من خوفها على قمر
وسيم : بترجاكي اهدي واحكيلي اي شي بتعرفيه
رقيه : صدقني مابعرف شي واصلا قمر وهي البنت ماكانو صحبه بنوب
وسيم :طيب اختي انا رح سكر هلأ بس ازا بتتزكري شي يفيدنا فورا اتصلي لو سمحتي
زينب : اكيد اخي السلام عليكم ورحمة الله
وسيم : وعليكم السلام
سكر الخط ومعالم وجهو ماعم تتفسر نخزو وديع بخصرتو انه مايحكي شي قدام امه وابوه
ابو ينال : شو صار معك ابني فهمت شي من المخلوقة
وسيم : هه لا ابي مابتعرفها لبيسان بنوب بالازن بدي شم شوية هوا عالبرندا وغمز لاخوانو يلحقوه
قام وديع اعطى امه وابوه ابره مهدئه وفوتوهم لغرفتهم وطلعوا
وسيم : نامو !!
وديع: اي عطيتن ابر مهدئه
وديع وهلأ ش رح نعمل والله رح جن

وسيم : وينو ثائر
ينال : راح عالمحل ليفهم من عماد كلشي بالتفصيل
وسيم : اي منيح وانا رح اتصل لطارق خبرو باللي صار وشو حكت زينب
وديع : وانا شو اعمل
ينال : اعمل قهوه وتقلها اخي راسي حينفجر ومو حسنان فكر
وديع : تكرم اخي
ــــــــ
ـــــــــــــــــ
ـ๋͜❁ًۣۙ🍀ُ๋͜ ـ๋͜❁ًۣۙ🌹ُ๋͜ ـ๋͜❁ًۣۙ🍀ُ๋͜
وبالمحــــل عـنــد ثائــر
ـــــــ
ـــــــــــ
ثائر : اي عماد فهمني القصه من اولها ومن وين بتعرف هالبنت وشو بدها من اختي
عماد وهو متلبك : و و والله العظيم ماكنت بعرف انه اختك المقصوده واول ماعرفت خبرتك فورا
ثائر : بدي ياك تهدى وتخبرني كلشي بتعرفو عن هالبنت لانه الضاهر اختي انخطفت
عماد : شوووو
مسح ثائر وجهو بايديه واخد نفس ليمنع دمعته من النزول واطلع لعماد وعيونو متل الجمر

عماد : والله لو بعرف هيك القصه معلم كنت مامشيت معها من الاول او عالقليله كنت حبستها عندي لتجي انت وتتصرف معها
ثائر : اااااااااخ ياريتك حبستها لك عماد… عموما هلأ مارح يفيد الندم بشي خبرني بكل شي ع السريع
عماد : اجت لعندي هالبنت من شي شهرين وبلشت تتفتل بالمحل وتتمايع وتحكي بغنج ودلال
ثائر : وانت رخصت
م

سح عماد جبينو بتوتر : ب بصراحه معلم ايه رخصت البنت كانت متل المليكان بجمالها مابعرف كيف سلبت مخي بكلمتين
ثائر : اي وبعدين

عماد : بعدين بلشنا نتواعد ونروح شي ع بار شي ع ديسكو ومره من المرات جبرتني اشرب
ثائر : معقول لك عماد لك انت مابتقطع فرض
عماد : عم قلك سلبت تفكيري كنت مستعد ساوي اي شي لراضيها وبعدين بلشت تطلب مني اجمعلا معلومات عن شخص
ثائر : وشو اسم هالشخص !!
عماد : بصراحه ماني متزكر كنت سكران وواقع من طولي وتاني يوم رجعت اتصلت عليي وقالتلي انه في بنت عم تحاول تشوه سمعتها وبدها تتغدا فيها قبل ماتتعشى هي فيها انا بالاول رفضت بس اغرتني بالمصاري
ثائر………… ..
عماد : عرضت علي مبلغ كبير من المصاري ووعدتني اذا هالشغله بتم متل مابدها هاد المحل رح يكون الي وهيه كمان رح تكون الي بصراحه ضعفت والله ضعفت انا كان نفسي اوصلا بأي طريقه وهي قربت المسافه
ثائر : تمام تمام بس انت كيف خدمتها بموضوع اختي قمر
عماد : لا والله لا والله لا والله بموضوع الانسه قمر ماخدمتها تفشر هي وجمالها ومصاريها عند الانسه قمر
ثائر : لكن شووووو عملت يابني ادم
عماد : ايه ر ر رح قلك معلمي… . بتتزكر وقت عرضت عليك فنجان قهوه
ثائر : ايه

عماد : وقتها حطيتلك ذررررره صغيرررره ملح انجليزي يا معلم بس يشهد عليي ربي يشهد عليي ربي ماكان قصدي ضرك كان بس،بدي تطلع وقت تجي بيسان والصبيه يلي حكت عنها لان بيسان طلبت مني هالشي
كز ثائر ع اسنانه وكتم غضبه واشر لعماد ب ايدو انه كمل كمل كلامك
عماد : ياسيدي هالبنت طلبت مني ركب كاميرات تصوير جوا غرفة الغيار
ثائر : ولشو
عماد : الضاهر كانت رح تخلي اخت حضرتك ت… . ماكمل عماد كلامه كان ثائر هاجم عليه وعم يلكمه بوجهو لكمات متتاليه
ثائر : لك انا تعمل معي هييييك يا واطي والله لاشرب من دمك بدك اتاجر انت وهالعاهره بشرف اختييي ولاااااك
وقع عماد على الارض والدم عم ينزل من انفه وتمه
عماد : بعرف اني غلطان ملعم بس والله العظيم ماقربت ناح عرضك هات المصحف ل احلفلك عليه
مسكو ثائر من قميصو ورفعوا عن الارض ولزقوا بالحيط
ثائر : لك انت تعاونت معها تعاونت مع وحده مابنعرفها ولا بنعرف غايتها ولا مين وراها لتخطف اختي
دخل طارق عالمحل وفك بيناتهم وحاول يهدي ثائر
طارق : اخي لازم تحمد الله انه عماد فاق عحالو وخبرنا بالوقت المناسب.. اي نعم رح يتحاسب بس كلشي لحال مو هيك عماد

عماد بيبكي : اعملو فيني شو مابدكم بس خلصوا الانسه قمر والله مارح سامح نفسي لو صرلا شي
طارق : وانت كمان رح تساعدنا
عماد: لك امررررك انا شو مطلوب مني لنفذ
طارق : مبدأيا رقم بنت الحرام وازا كان فعلا اسمها بيسان ووين كنتو تتقابلو وازا في شي يوم رحتلها لبيتها
رقمها معي و الاماكن سهل جدا دلكم عليا بس بيتها والله مابعرفوا
ثائر :: ااااخ عم نضيع ووووووقت نحننناااااا عم نضيع وقت
طارق طول بالك اخي وانت عماد دق عالرقم يلي عندك
دق عماد بس كان الرقم مغلق
ثائر : بدكم تجننوني انتو لك ناس بتخطف بدهم يخلو رقمهم شغال ومايغيرو لا نحنا جد عم نضيع الوقت عبث
عماد : ليش ماتاخدو بيناتها من سجل المدرسه
اطلع ثائر وطارق ببعض وبين على وجهم بريق امل وقام طارق ليروح فورا يباشر عملية البحث واشر لثائر يلحقه عالقسم
عماد : بروووحي بفديكم والله وعهدا عليي مافوت بيتي ولا شوف اهلي ولا اتغسل لحتى اعتر على الانسه قمر بس انتو ماتطلعوا فيي نظرات التخوين والله عم تقتلوني
ووقع على ركبه وبلش يبكي بصوت عال وفجأه رن موبايلو
التفت عليه طارق وثائر وهنه عم يسألو بعيونهم مين اللي بيتصل
عماد : رقم خاص

ثائر : اكيد هيه
طارق رد فورا وحط ع اسبيكر
فتح عماد الخط وحط ع سبيكر متل ما طلب منه طارق واتفاجئ التلات بصوت ضحكات انثويه عاليه عم ترد
بيسان :: ههههههههههههههههه حطيت ع سبيكر متل ماطلب منك الرائد طارق
تجمد التلاته ب ارضهم لك هي كيف عرفت معقول في كاميره برات غرفة الغيار
عماد انتي وين بيسان ..
بيسان : هالشي مو شغلتك ..بتبلغ الكلاب يلي معك انه بيسان خانوم اليوم رح تاخد بتار امها
اخد طارق الموبايل بسرعه : تار شو يا انسه ازا امك موجوده عنا بالقسم خليني حلها بيني وبينك وما دخل اختي
بيسان : هههههههههههههه اسأل جواد بيك وين امي ومتل ماحرمني منها رح خليه يشرب من نفس الكاس واحرمو من بنته واحرق قلبه متل ماحرقلي قلبي
ـــــــ

ـــــــــــــ
بمكان بعيد مافيه الا صوت نباح الكلاب
فتحت عيونها بتعب عم تحرك حجرها شمال ويمين بتتأمل المكان يلي موجوده فيه
مستودع كبير وفاضي خالي من المشاعر والدفا بلش الخوف يتسلل لقلبها والدموع تتجمع بعيونها… بابا .. ماما .. انا وين انا وين… . وينكم يا اهلي بـ بـ بابا… .. 🥺
وبلحظة خوف وعجز واحتياج صرخة بكل قوتها بااااااااااابااااااااااا ماااااااااااماااااااااا وينكم تعوووو خدوني اخوتييييي ينااااااااال ثاااااااااائر وسسيييييييم ووووووودييييييع طاااااااااااااااارق ااااااااااااه وينكم انا خايفه دخليكم تعوا خدوني من

هوووووووون ياااا امييييييي
😭😭😭😭😭😭
ـــــ
ــــــ خلص اسكتي…
…
اجاها صوت حنون من بعيد بس ماعم تعرف صاحبه
قمر : ا ا انت مين… . مين عم يحكي .. مين هون 😰
ـــــــ اهدي لحتى تطلعي من هون وصدقيني الصراخ مارح يفيدك لانه مافي جنس مخلوق يسمعك بهالمكان
حولت بنظرها لركن مظلم بالمستودع لتشوف شب قاعد عم يدخن بهدوء وهو بيطلع بالارض… ماحست بالخوف ابدا كان منظرو بيوحيلها بشي من الامان بس هو ليش خطفها ومين بيكون
قمــر : ليش عملت هيك وشو هدفك ووينها بيسان شو عملت فيها
الشاب : ـــ…………… .
قمـــر : كـ كـ كرمال المصاري
التفت عليها الشب بعصبيه وقلا اســكـــتي…
بلعت قمر ريقها وفضلت تسكت لانها مابتعرف طبيعة هالشخص وخافت يئزيها ضمت رجليها لصدرها وحاولت تريح حالها من الحبل يلي مربوطه فيه
الشب ـ عم يدايقك الحبل
قمر (بتبكي) ـ ا ا ايه كتير حـ حاسه جـ جـ جسمي مكسر ووو كـ كـ كتير بردانه
قرب لعندها من بين الظلام لتشوف وجهو منيح
كان طويل وجسمو مفتول عضلات متناسقه لابس بلوزه بدي زيتيه كاشفه.عن تلت ترباع ذراعه وبلطلون جينز ازرق بشرته حنطيه وشعرو اسود غزير واصل لتحت رقبته منثوره خصلاته شمال ويمين بشكل جذاب… عيونه شهل ووساع واللي زادو جمال لحيته الخفيفه يلي محددها بخفه
قمر عم تطلع فيه وعيونها مو مصدقه انه هيك شخص ممكن يكون خاطف كان جواتها احساس بالامان وهي معه
نزل لعندها وفك ايديها واجريها وقام جاب فرشه ومخده وبطانيه وفرشهم حدها واشرلها ب ايدو انه تجي ترتاح هون
قمـــر : انت السفــاح
الشب : سفاح !!!

قمــر : ايه يلي بيخطف البنات
ضحك عليها وبلش يضحك ويضحك وقمر تطلع فيه وبجمالو وجمال ضحكتو… حست قلبها بيخفق بقوه للسفاح الحنون يلي قدامها قطع شرودها صوتو الهادي
ــ انا اسمي قـيـس
قمر : قيس
قيس : اها قيس وانا مو سفاح
قمر وهي عم تفرك معصمها مكان الحبل… لكن انت شو
قيس : جوعانه
قمر بخجل : كتير
قيس : خليني روح جبلك شي تاكليه وجيب دخان لانه دخاني خلص
قمر : وين بدك تروح وتتركني
قيس : ساعه وبرجع لاتحاولي تهربي لانك ممكن تضيعي بهيك مكان خليكي هاديه وبس ارجع بشرحلك كل شي
قمر : بترجاك سيد سفاح لا تتركني وحدي هون الله يخليك
قيس: لسه بتقلي سفاح
قمر : كرمال الله 😭
قيس : لك لاتبكي خلص رح اخدك معي
قمر : شكرا سيد… . ســفـ… قيس………. مو خايف اهرب
قيس : هروبك مو من مصلحتك وبعدين لو هربتي انتي يلي رح تنضري مو انا… . انا هون لاحميكي
قمر : تحميني من مين !! انت مين !!
قيس : مو قلتلك رح اشرحلك كل شي
قمر : اشرحلي هلأ
قيس : شغلك كتيرة غلبه قومي معي يالله
قامت قمر وبلشت تنفض ب اواعيها وتتفقد حالها وتحركت لتطلع مع قيس بس اشرلها بحواجبو لتزبط حجابها
استغربت منه قمر كيف خاطفها وكيف حنون معها وبيهتم فيها لا وخايف تبين منها شعره… لك شو هالسفاح هاد ♡

طلعت حدو بالسياره وهي خايفه وعم تفكر بمية شغله بشعه
(( اكيد هلأ رح يعصبلي عيوني لحتى ماشوف الطريق ويمكن يحط المسدس براسي ويقلي ازا بطالعي صوت رح قوصك… ياربي شو هالعلقه هي وينك يابابا وينكم يا اخواني……… 😥))
قمر : مارح ناخد بيسان معنا
قيس : بيسان مو هون اصلا قلتلك بس نرجع رح فهمك كل شي
قمر : بدك تعصبلي عيوني وتربطني
اتطلع فيها قيس وحنية الكون جوات عيونو ركز جوات عيونها يلي عم يسبح فيهم سيل من الدموع وقبل مايغسلو وجهها مد ايدو ومسح ع خدها وشغل السياره ومشي
بعد مشي ساعه بالسياره كان الصمت سيد الموقف حاولت قمر تخترع اي نقاش لتكسر حاجز الصمت بس ماكانت قادره لان الخوف بهالوقت تملكها وخافت تغلط اي غلطه تخلي قيس يطلع عن هدوئو
اخيرا وصلو لاطراف المدينه وعند اول مطعم نزل قيس وفتح لقمر الباب واشرلها تتزل
قمر : رح ناكول هون ؟
قيس : شكلك حبيتي القعده بالمستودع
قمر : ها لل لالا
قيس لكن يالله انزلي قبل ماغير رأيي
نزلت قمر من السياره وهي تطلع حواليها كان مطعم جبلي على تله عاليه بيطل ع منظر بياخد العقل والطاولات مرتبين ومزينين بالورود ونسمات الهوا البارده بتنعش القلب
قربوا من الطاوله يلي بتكشف منظر طبيعي ونبعه صغيره وسحبلها الكرسي لتقعد
قمر : شـ شكرا الك

قيس : العفو وفتل حالو وقعد قبالها يتأمل ملامحها بدقه عيونها يلي لون السما عاكس عليهم وخدودها يلي نسمات الهوا لفحتهم ليسيرو بحمرة التفاح وشفايفها يلي منحوتين بدقه… كل شي كان فيها من جمال وانوثه رباني وطبيعي
قمر : بشو سرحان
قيس : سلامتك واشر للنادل ليجي عندو
النادل : اؤمرني قيس بيك
قيس : شوف الانسه شو بتحب تاكل
قمر بخجل : عادي اي شي
قيس : شلون اي شي انتي هلأ ضيفتي روح يا ابني وجيبلنا من كل شي عندكن جوا
النادل : امرك يابيك
قمر : كأنو النادل بيعرفك
قيس : هههه ايه هيك شي
قمر : انت كتير غريب
قيس : ليش غريب
قمر : يعني خاطفني وحابسني بمستودع بعيد كتير وبنفس الوقت كتير طبيعي وهادي مو خايف اهرب ولا حتى عم تجبرني احكي شي… . صحيح انت ليش خطفتني ازا ماكنت سفاح انت شو
رجع قيس بكل رزانه عال

كرسي وولع سيجاره وبلش ينفخ فيها
قيس : بعدك مصره اني سفاح
قمر : بصراحه لا بس يمكن عندك سبب تاني وياريت اعرفه
┬──┬┬──┬┬──┬┬──┬

فاتو للبيت وعيونهم بالارض رغم انهم عرفوا بيت بيسان وراحو عليه ب اذن نيابه وفتشوه بس كف القمر بعدها مختفيه

كان وديع ووسيم وينال قاعدين بالصاله وبعيونهم الف سؤال بس الضاهر اخدو الجواب
ثائر. وين امي وابي
وديع : عطيتهم ابرة مهدئ وسطحتهم بغرفتهم ..
وسيم : وجوهكم مابتبشر بالخير شوصار معكم
رمى طارق حاله ع اقرب كنبه وطلع سيجاره وبلش ينفخ فيها وثائر بعدو واقف مكانه حاطط ايديه بجيابه وبيطلع ب اخوه يلي محطم متلو تمام
ينال : يعني رح نبقى واقفين نتصفن ببعض لك نحنا خمس شباب طول وعرض شقفة بنت تلاعبنا ع اصابيعها
ثائر : هالبنت مريضه نفسي
وديع : شو يعني
ثائر : طارق عمل عنها تحريات واكتشفنا انها كانت تتعالج عند طبيب نفسي
طارق : قصدك ابوك ليش خجلان تحكيها
ينال : لحظه لحظه يعني ابي بيعرفها
طارق : عز المعرفه
وسيم : لك فوتوني بالحيط

ثائر : بس يصحى ابي رح نفهم كلنا لانو الضاهر كلنا فايتين بالحيط
بيرن الجرس وبيروح وديع ليفتح الباب
زينب : السلام عليكم طمني اخي في اخبار عن قمر
وديع : وعليكم السلام اختي تفضلي و بالنسبه لقمر لحد هي اللحظه مافي عنها اي خبر
فاتت زينب وبس شافت الشباب كلهم مجتمعين وام ينال مو موجوده خجلت و نزلت عيونها بالارض وبقيت واقفه مكانها
زينب : انا جيت لاني تزكرت شغله ممكن تهمكم مابعرف
انعدل طارق وقال ب اهتمام : شو هيه
ينال : تفضلي ارتاحي اختي
زينب : لا معلش رح قلكم يلي عندي وروح
امبيرحه ونحنا رايحين عالمدرسه اتعرضتلنا بيسان
طارق : ايه
زينب : ايه و بلشت تطلب من قمر يحكوا على انفراد بس قمر رفضت وبعد رفض قمر حكت بيسان جمله غريبه
وسيم : شو حكت
زينب : حكت انه انتي يلي رح تجي لتطلبي تحكي معي وانه الموضوع شخصي
وديع : شو يعني شو نفهم من هالحكي !
زينب : اسفه يمكن الموضوع مو مهم بس قلت يمكن اي معلومه تفيدكم
طارق : اكيد هي المعلومات بتهمنا لان المعنى واضح
وديع : شلون اخي فهمني
طارق : بيسان كانت بدها تخبر قمر بموضوع معين ووقت مالاقت قبول وتجاوب من قمر اضطرت تنتقل لخطه تانيه
ينال : يعني هدفها توصل شي معين لقمر ومابيهمها الطريقه
طارق : بالضبط

وديع : العما على هالقصه شو بدو يكون براسها هالشيطانه وليش قمر ليش مو واحد مننا نحنا الشباب
زينب : لان بيسان بتغار من قمر
ينال : مدام ما بينهم اي احتكاك من اي نوع لشو تغار منها
وسيم : مزبوط حكي ينال بعدين اختي متواضعه جدا وماعندها شوفة حال
زينب : لان قمر بتملك شي بيسان مابتملكه

اطلع فيها الكل بنظرات تساؤل : شو هالشي !!!!
زينب : انتو
┬──┬┬──┬
قـمـر : الحمدلله
قيس : ما اكلتي شي
قمر : لا الحمد لله شبعت شكرا الك
نزل عيونو لصحنوا بعدم رضا… صحتين وهنا
بقيت قمر تنطر قيس ليخلص اكله لتبلش تحكي معه
قيس : على فكره الحديث اثناء الطعام مو حرام فيكي تحكي
قمر : قلتلي رح تفهمني كل شي بس
قيس : بس شو
قمر : حاسيتك عم تتهرب من الكلام
قيس : كم الساعه هلأ
قمر : 7
قيس : وانا خطفتك الساعه 4
قمر : مافهمت

قيس : يعني انا مابتهرب من شي قلتلك رح خبرك يعني رح خبرك بس خليني هلأ راقب غروب الشمس 🌇
حولت قمر نظرها جهة الجبال يلي كساها لون الغسق وصار المنظر بيسحر العقل بقيت تراقب شمس الغروب لحتى غابت بين احضان الدجى ومع اخر خيط للشمس نزلت دمعتها واطلعت بقيس يلي ماكان عم يراقب الغروب
قمر : ليش بتطلع فيي هيك فكرتك بتراقب الغروب
قيس : انا فعلا عم راقب الغروب ..الغروب يلي بعيونك

┬──┬┬──┬

ينال : فاق ابي انتبهوا لكلامكم خصوصا انت طارق
هز طارق راسه وبسرعه خبى باكيت الدخان وانعدل بجلسته
ابو ينال : لك كيف هيك نمت ااااخ ياراسي طمنوني لقيتو كف القمر
الكل :… ـــــ……….
قام ثائر مسك ايد ابوه وقعده عالكنبايه واشر لوسيم يناولو كاسة مي
ابو ينال : لك مـــاااااابدي اشرب بدي بنتي
طارق : اهدى ابي كرمال صحتك
ابو ينال : لك كيف بدك ياني اهدى وبنتي وحيدتي مو معروفه اراضيها
باللحظه فاتت ام ينال وعيونها مورمين من البكي وهي ماسكه قميص قمر وعم تشمه وتشهق وتنادي وينك ياقمرر وينك يا امييي

قامو الخمسه لعند امهم سندوها وصارو يبوسوا راسها وايديها ويهدو فيها
طارق : امي ..امي اطلعي فيي الليله قمر رح تبات بحضنك هاد وعد مني بس كرماااااااااال الله ماتبكي
ينال : ايه امي كرمال الله ماتبكي والله دموعك بتحرق قلبي
ثائر : خليكي قويه وخلي ايمانك بالله كبير امي
وديع : اااااخ ياربي دخيلك
وسيم حاطط راسو بحضن امه وبيبكي
ابو ينال : قوموا منك الو اطلعوا افتلو البلد على اختكم
قام طارق. ولف حالو بإتجاه ابوه وهو عم يمسح دموعه
مين جمانه ابي
انصدم ابو ينال من سؤال طارق واطلع لمرته يلي كانت دهشتها مابتقل عن دهشته ابو ينال : مـ مـ مين جمانه
حط طارق ايديه بجيابه وصار يتمشى ببطئ رايح جاي ودخل بشخصية المحقق ونسي انه يلي عم بيستجوبه بيكون والده

طارق : ممممم مين جمانه مين جمااانه صحيح مين جمانه 🤔
انا اللي عم اسألك وانت بس بتجاوب
ينال بعصبيه : طااااااااااااااارق 😡
طارق بصوت اعلا : هيييييييييي ماااااابدي نفس حاليا اختي مخطوفه ويلي خاطفتا بنت مريضه نفسيا والوالد بيعرفها عز المعرفه
انحنى لعند ابوه وسألو بهدوء.. ماهيك جواد بيك

┬──┬┬──┬┬──┬

قمر : يعني جمانه امها لبيسان !!
قيس : ايه
قمر : وبيسان كانت تتعالج عند بابا !!
قيس : بالضبط
قمر : طيب شو علاقة مرض بيسان فيي انا ليش انا بالذات ؟
قيس : رح خبرك
قمر : ياريت
قيس : ب اختصار لانك كف القمر
قمر : لاتحكي معي بالالغاز الله يخليك
┬──┬┬──┬┬──┬

*يتبــــــــــــــــ؏...*
➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_كف_القمر

*📖 ╏ڪـــــــــف الــــقـمـــــــــر🌕⚜️*

*📖╏#الـبــــ( 3 )ـــــــــارت*

➖➖➖➖➖➖➖➖➖ _بقلم امل احمد
دخل التوتر بين الكل وطارق كان فاقد اعصابه ومافي شي بباله الا يعرف وين قمر بلش يخبط ويكسر كل شي قدامه وصوتو كان عالي كل هاد وابوه هادي وعم يستناه يفرغ الكبت يلي داخله
ابو ينال : خلصت عصبيتك وهمجيتك وحيونتك
طارق :………… .
ابو ينال : قبل ما

تفكر حالك كبرت وصرت رجال اتزكر مين يلي عملك رجال
نزل طارق لعند ايد ابوه وباسها وانفجر بالبكي
سامحني ابي سامحني بس اعصابي ما عادت متحمله اختي مخطوفه وانا ضابط ومو قادر لاقيها
بترجاك ابي فهمني وقلي الحقيقه بلكي بمسك طرف خيط وبلاقي اختي
ابو ينال : اقعد ابني وانتو كمان ابي اقعدو يمكن صار وقت تعرفوا الحقيقه

ام ينال : جواد
ابو ينال : اهدي سعاد الاولاد ماعادو ولاد صارو رجال وحقهم يعرفوا الحقيقه
وسيم : حقيقة شو ابي
وديع وهو عم يقيس لابوه الضغط : ضغطك عالي ابي خلص منحكي بعد شوي ارتاح هلأ
ابو ينال : اقعد حد اخواتك ابني واسمعوني منيح ومابدي حدا منكم يقاطعني
وقبل مايبلش كلامه رن جرس الباب قام وسيم وفتح الباب لقا قدامه بنت اول مره بيشوفها
وسيم : عفوا مين حضرتك
البنت : مو هون بيت الدكتور جواد ولا انا غلطانه
وسيم : امبلا اختي هون بيت الدكتور جواد تفضلي
البنت : اي حركة بفضيه براسك 🔫 فهمت
وسيم : 😲
البنت : فوت انقبر قدامي وارفاع ايديك لفوق يلااااا
ثائر : مين يلي عالباب لك وسيم
البنت : مفااااااااااااااااااااجأه 🤩
ابو ينال : بيساااااان !!!!!
انتفض الكل من مكانو وحاول طارق يسحب سلاحه بس بيسان قوصت عالطاوله
انتتتتتتتتبه تتزاكى معي بفضي المسدس براسو هه يالله الكل يقعد حد بعضو
قعد الكل ومسك ثائر ووديع ايدين امهم كل واحد من جهه اما طارق وينال قعدو وكان ابوهم بينهم
بيسان : حلوه هاللمه شو حلوه العيله ماهيك جواد بيك
ابو ينال :…… .

بيسان : كنت دايما بجلساتنا تحكيلي عن العيله ودفا العيله وانه العيله لازم تكون ايد وحده وجسد واحد لو شكا عضو بيمرض الجسم كله
ام ينال غصت وصارت تبكي بهمس وهي بتطلع لبيسان بعين الشفقه
بيسان : اي جواد بيك هات احكيلي شو عنوان جلستنا اليوم
ابو ينال :…… .
بيسان : شو رأيك نسميها الحقيقه
ابو ينال : الحقيقه كانت دايما قدامك بس الحقد كان عامي عيونك ياما حاولت اتقرب منك وحسسك انه العيله شو ماكانت فهي عيلتك
بيسان وهي عم تطلع بعيون ابو جواد بغضب… لهيك قررت تحرمني من عيلتي .. طبعا شو فارق معك انت عايش بين ولادك ومبسوط وانا يلي اتعزب
وجهت المسدس ناح وسيم ودفشتو… . اركع ع ركبك ولا… . اررررررررركع
نزل وسيم ع ركبه وايديه مرفوعين ورا راسه
بيسان : وهلأ بدك تحكيلي كل شي بدون كزب والا رح صفيه
ابو ينال بلش يتعرق وحس نفسه انكتم وضغطه علي شد ع ايد وديع وهو يلهت
وسيم شافو وصرخ ابي شوووو صرلك اتركيني ولييييه
بيسان : بقووووووصك ولا اقعد مكانك
وديع : شبك ابي ضغطك علي ؟
ينال : اسمعي يابنت بدنا نقيس ضغط ابي
بيسان : مع انه مابيستاهل بس رح ساوي منيح وزت بالبحر قيس ضغطو بسرعه…… تناول وديع جهاز الضغط وقاس ضغط ابوه كان عالي ولازم ياخد حبة الضغط

وديع : بعدي هيك بدي جيب دوا الضغط
بيسان : قعوووود مطرحك وخليك على نصتك ولا
وديع : ماحزرتي بدي جيب الدوا يعني بدي جيب الدوا رح افتل واعطيكي ضهري وازا بدك تقوصي قوصي
قام وما اهتم لتهديد بيسان جاب الدوا وعطا لابوه وبعد خمس دقايق رجع قاسلو الضغط كان نازل شوي ونفسو بلش ينتظم
ثائر بيعدل ضهر ابوه وطارق بيحطلو مخدات تحت رجليه وينال بيفرك بصدور وام ينال بتبكي بصمت كل هاد وبيسان صافنه فيهم لك كيف بيعملو هيك وانا رافعه عليهم السلاح معقول حياة ابوهم اغلى من حياتهم !!
ام ينال : كيف حاسس حالك جواد
ابو ينال وهو بياخد نفس وبيحاول يبين قوي… انا منيح ووجه نظرو لبيسان… .. كـــــف الـــقـــــمر وينها !!!!!
بيسان : اطمن طول ما انا بخير قمر بخير وهلأ خلصني احكيلي يلي عندك لرجعك بنتك
ابو ينال :
كان عمري بوقتها 22 سنه كنت شب ب اول طلعتي حابب كفي دراستي وحقق حلمي وصير دكتور تعرفت بالجامعه على جمانه امك حبينا بعض وتزوجنا وبعد شهر من الزواج اكتشفت خيانتها الي مع رفيقي.. مبادئي وتربيتي ماسمحولي افضحها حتى بعد ماكشفت خيانتها فضلت طلقها من سكات وبدون اي شوشره وفعلا طلقتها ورجعت لحياتي قررت ما اطلع وراي و انسى كل شي بشع صار معي تعرفت بوقتها على سعاد وتزوجنا وكانت نعم الزوجه هي الوحيده يلي خبرتها سبب طلاقي من جمانه ورغم هيك ولا مره ذمتها او حكت عنها بسوء وقررنا نعيش حياتنا بحب وحلال وتعاهدنا تكون الصراحه اساس حياتنا شو ماكانت وفعلا كانت حياتنا هاديه ومستقره لحتى رجعت جمانه ضهرت بحياتي من جديد
بعد ست شهور من الطلاق اجت لعندي جمانه وخبرتني انها حامل !!!!

. حطت سعاد ايدها ع تمها وشهقت اما جواد كان هادي جدا ولف وجهو وطلع من الغرفة
جمانه : جوااااد تعال بترجاك لا تتركني بهي المصيبه
سعاد : اهدي جمانه………… . انتي حامل من جواد
جمانه :…………… .
طلعت سعاد ورى جواد يلي كان قاعد بيقلب عالتلفزيون
سعاد : جمانه حامل منك ؟؟
مشط جواد شعرو ب ايدو بعصبيه
جواد : لا مو مني وهالسيره لتبقى تفتحيها وهلأ بتقومي تقلعيها من هون قبل ما افقد اعصابي
سعاد : بس ياجواد… ..
وهون سمعت صوت الباب اتسكر ركضت للغرفه مالقيت جمانه وفهمت انها سمعت كلام جواد
بعد يو

مين
سعاد : الو مين معي
جمانه : الحقيني سعاد انا عم انزف
سعاد بقلق وين انتي
عطتها جمانه العنوان وراحت سعاد لعندها لقيتها فاقده وعيها وتحتيها بركة دم… اتصلت ع الاسعاف واخدتها عالمشفى وهناك جمانه خسرت حملها
جواد : انتي ليش مابتسمعي الكلمه سعاد مو قلتلك ماعاد النا اي علاقه بجمانه
سعاد : بعتزر منك جواد بس مافيي شوف انسان بحاجة مساعده ووقف اتفرج كرمال الله سامحني
حضنها لصدرو وهو يمسح عراسها .. بعرف انك بنت اصل وقلبك كبير بس انا مابدي يجينا وجعة راس من ورى جمانه وبالنسبه للحمل ليكو نزل وهلأ مافي شي يستدعي نبقى كرماله
اطلعت سعاد بعيون جواد وعيونها تعبت دموع
انت ابو هالطفل صح
جواد : اقسم بالله العظيم مو ابني وحاج نجيب هالسيره انتي الوحيده يلي بتعرف انا ليش طلقت جمانه
هزت سعاد راسها ومشيت مع جواد ومرت ايام وسنين ماعاد سمعوا سيرة جمانه ولا اي خبر عنها
حملت سعاد ب ينال وبعدو ثائر وشرف بعدو طارق ووديع ووسيم وحياة جواد وسعاد هاديه ومافي شي يعكرها
وبيوم كان جواد بشغله كالعاده دخلت لعندو السيكرتيره وحكتلو في مريضه بدها تفوت لعندك
جواد : اخده موعد شي
السيكرتيره : لا دكتور جواد هي اول مره بشوفها
جواد : طيب اذا مافي قدامها مواعيد دخليها
السيكرتيره : امرك دكتور
عم يطلع بالاوراق يلي قدامه وقت وصل لمسامعه صوت بيعرفه منيح رفع راسه ليشوفها قدامه بعد هالسنين وبطنها لحلقها وعيونها دبلانين وتحتيهم سواد ووجها شاحب
قام من مكانو وتوجه لعندها
جواد : شو رجعك جمانه
جمانه :………
جواد : بعتقد ماجيتي بعد هالسنين لتبقي ساكته
نزلت جمانه لعند اجرين جواد وبلشت تترجاه وهي تبكي وتشهق… كرمااااااال الله اكتب كتابك عليي اخي رح يدبحني

جواد : شووووو عم تخبصي جمانه انتي انتي بتعرفي اني متزوج وبحب مرتي وصار عندي منها خمس صبيان والماضي تبعك نسيته لو سمحتي اطلعي لبرا قبل ماجيبلك الامن يطالعوكي بالزور
جمانه وهي بتبكي : ضحك عليي وفهمني انه رح يتزوجني وبس عرف بحملي تركني وماعاد شفتو صرلي ايام وشهور هربانه من البيت واخي عم يدور عليي بكل مكان ليغسل عارو حاولت اتخلص من الجنين ماقدرت كرماااال الله ياجواد اكتب كتابك عليي لحتى اولد وبعدها طلقني
جواد : يعني بدك تبليني ب ابن ال……… .. استغفر الله العظيم
قومي جمانه قومي انا مابقدر اعمل هيك شي ولادي لسه صغار ومابدي بس يكبرو يعرفوا انه الهم اخ ابن حرام وهو مو ابني اصلا… لا تكوني انانيه وماتفكري الا بحالك ياما حاولت انصحك بس الوساخه بدمك
جمانه : عموما انا قاعده بهاد العنوان حاليا بعرف انك رجل ومارح تتخلى عني
طلعت جمانه من عند جواد والخيبه على وجهها
اطلع جواد عالورقه يلي قدامه وبلش يقلبها بين ايديه وبعدها حطها بجيبته وطلع عالبيت
بالمسا قعد جواد مع سعاد وحكالها يلي صار
سعاد : اكتب كتابك عليها جواد
جواد : انتي جنيتيييييييي

سعاد : مو عم تحكي اخوها رح يقتلها حرام جواد يمكن انضحك عليها افرض عنا بنت وصار معها هيك بترجاك جواد اكتب كتابك عليها
وبعد اقناع طويل من سعاد وافق جواد يكتب كتابه على جمانه بشرط تسجل بصوتها تسجيل يثبت انه هالطفل مو ابن جواد لحتى يضمن بالمستقبل مايصير مشاكل لاولاده
راح جواد وسعاد للمشفى عند جمانه بعد ما عرفوا انها ولدت وجابت بنت بس للاسف لقيوها ميته كانت شاربه ادويه وجسمها ماتحمل وصار عندها تسمم وماتت ..ماتت وتركت طفلتها وراها حتى بالموت كانت انانيه
قربت سعاد لعند جواد وحطت ايدها ع كتفه
عظم الله اجركم
رفع جواد راسه واطلع بسعاد…كيف هيك بتعمل بحالها كيف بتقرر تموت وتترك بنتها كيييييييف
سعاد :…… .
جواد : كأنه بتمك حكي
سعاد : شو رح تعمل بالبنت هلأ
جواد : رح رجعها ل اهلها
سعاد : بس يمكن مايعترفوا فيها

جواد : لشو عم تلمحي سعاد
سعاد : لو نخليها عنا شو رأيك بتــــ…
جواد : لااااااا انتي جنيتي عالخالص انا ماعدت فهمت كيف بتفكري
سعاد : والله مو هاين عليي هالطفله يعني شو زنبها
جواد : زنبها انها بنت جمانه… هاد هوي زنبها
سعاد : طيب مو انت كتبت كتابك على جمانه شو بيمنع تنسب البنت الك
جواد : سعاااااااااد نسيانه عندك خمس صبيااااان وليكك حامل بدك ربي بنت حرام بين ولادي

سعاد : بس
جواد : لا بس ولا مايحزنون خليني خلص اوراقها وطلعها لبيت جدها
سعاد : وكيف رح اطالعها ازا مافي اب !!!!
سكت جواد واسودت الدنيا بعيونو ورفع راسو ليريحوا عالحيط ويفكر بحل لهي المصيبه
♬♫♪◖(● o ●)◗♪♫♬
بعد يومين اخد جواد الطفله وراح هوه وسعاد لبيت جدها دقوا عالباب وفتحلهم صبي بعمر عشر سنوات
جواد : مرحبا عمو هند خانوم موجوده
الصبي : مين انت
جواد : انا من طرف جمانه
الصبي : انت جوز جمانه !!!
جواد بتوتر : ها ا ايه ايه اندهلي لهند خانوم لو سمحت

فات الصبي لجوا وطلع بعد دقيقه… اتفضلوا لجوا
فاتو سعاد وجواد وهنه متلبكين كان بيت كبير خالي من اي حياه كل لوحة وكل مزهريه بمكانها قطع سجاد ايرانيه بكل مكان معلقات بالسقف ب اضاءه خافته عفش تقيل وكله انتيكه من

ايام الزمن الجميل… . كل هالفخامه والديكورات والتحف والمناظر بس كان البيت كأنه مهجور مافيه روح
✺✺✺
بتفوت لعندهم ست بعمر خمسين سنة بعدها محتفظه بجمالها واناقتها وصوت رنة كعبها عبت المكان
هند : اهلا وسهلا جواد شو زكرك فينا بعد كل هالسنين واطلعت بإتجاه سعاد… . مين هالحلوه
جواد : هي مرتي سعاد
هند : اهلا وسهلا.. اي جواد شو الموضوع
جواد : قبل ما احكي اي شي اسمعي هالتسجيل وطلع مسجله صغيره وحطها عالطاوله…
جمانه : انا جمانه يلي اهلها نبذوها وهادرين دمها انا بعترف اني غلطت وقت سلمت حالي لابن الحرام بس تمنيت لاقي اهل يضموا جرحي ووجعي ويوقفوا معي انا اليوم على وجه ولاده وحامل من نضال ونضال هرب مابعرف اراضيه مالقيت صدر حنون ولا قلب يحس وجعي الا عند جواد وسعاد .. جواد يلي طلقني لاني خنته مو متل ماحكيتلكم انه بيضربني ومابيصرف عليي ورغم هيك ستر عليي ومافضحني وبعد ما حملت بالحرام وقف معي هو وسعاد ورجع كتب كتابه عليي لحتى اخي مايقتلني انتو ماكنتو اهل بس جواد كان انسان والبيبي اللي رح يجي رح يتسجل على اسمه بس هو مو ابوه ولا هالطفل ابنه
امي ازا بتسمعيني هلأ وصيتي الك ماتفرطي بهاد الطفل وربيه انتي وماتحملي جواد مسؤولية هوه مادخلو فيها بنتك جمانه

رجف قلب هند وهي بتطلع ع الطفله يلي حاملتها سعاد
هـ هاد ابن جمانه
سعاد : جمانه جابت بنت وجواد سجلها بالاحوال المدنيه بيسان
هند : وجمانه وينها
نزلت سعاد راسها وضمت بيسان لصدرها
جواد : جمانه انتحرت
غمضت هند عيونها وماعاد طلع معها الحكي
اجا الصبي حمل بيسان وباسها
ماما هلأ هي بنت اختي جمانه
هند :………
قرب الصبي لعند امه وقرب منها بيسان… شوفي امي قديه بتشبه جمانه… صحيح جمانه مارح ترجع والله اشتقتلها
مدت هند ايديها وحملت البيبيه بقيت صافنه فيها وبعدين قربتها منها وصارت تشم فيها ودموعها بتنزل على عرض وجهها
جواد : بعرف الوقت مو مناسب هند خانوم بس بالنسبه لنسب الطفله شو رح تعملي فيه
اطلعت هند بجواد وبعيونها كسره وانهزام انت كفيت ووفيت جواد انا رح اتصرف
♬♫♪◖(● o ●)◗♪♫♬♬♫♪◖(● o ●)◗♪♫♬

┬──┬ بــــــــاكـــــ 🔙 ┬──┬
بيسان : يـ يعني انا بنت حــ
ثائر : اهدي بيسان
ام ينال : يشهد علي ربي لو قدرت جيبك لهون وربيكي بين ولادي ما قصرت بس جواد كان خايف ع اولادو
بيسان : خايف عليها من بنت الحرام 💔
ام ينال : 💔😔
بيسان : وبعد ما اخدتني تيته هند مافكرت تسأل عني
ابو ينال : بالعكس بقيت انا وسعاد متابعين اخبارك وعرفنا انه هند خانوم غيرت كنيتك لبيسان قاسم وبعد هيك اخدتك مع ابنها وسافرتو وبعد هيك شائت الاقدار تجي لعندي كمريضه انا فورا عرفتك بس ما حبيت افتح مواضيع قديمه واكتفيت اني اسمع وجعك وحاول ساعدك
┬──┬┬──┬┬──┬┬──┬

قيس : ليش عم تبكي
قمر : اكيد بيسان عاشت حياه قاسيه وبشعه
قيس : لكل منا في جانب مشرق وجانب مظلم ورب العالمين بس ياخد من الانسان شي بيعوضوا بشي تاني وهلأ قومي خلينا نمشي من هون

قمر : لوين
قيس : دخيل اللي خلقك شو عجوله قومي مشي معي من تم ساكت
قمر : انا عجوله (¬_¬)
┬──┬┬──┬┬──┬┬──┬

هدوء مخيف طغى على المكان ضربات قلب متسارعه وانفاس محبوسه وما حدا قادر يفكر بردة فعل بيسان بعد ماعرفت الحقيقه
قربت ام ينال لعند بيسان وقعدت حدها ومسكتلا ايديها
لاتزعلي بنتي هاد امتحان من ربنا واللي صار انتي مالك زنب فيه ازا بتحبي ابقي هون وسبرك بسبر قمر بنتي
بيسان… .. انتي لي بتعملي معي هيك ومن قبلي امي
ام ينال : انا ماعملت شي كل شي مريتي فيه مقدر ومكتوب وانا وجواد كنا وسيلة مبعوتين من ربنا
بيسان : ممـ ممكن ضمك
ام ينال : تعي يقلبي لك اااااخ شو تحملتي بنتي
رمت بيسان حالها بحضن سعاد وانفجرت بنوبة بكا حاول ثائر يهديها بس ابوه مسك ايدو لتقدر اطالع كل الكبت اللي جواتها

بكيت بيسان وبكيت معها عيون الكل والسما والارض والطير
روت الارض بدموعها وغسلت قلبها من كل حقد ساكن جواتو
وبعد ماهديت رفعت راسها وضمت ايدين ام ينال وباستهم وحطتهم ع وجهها… تقبلي تكوني امي
♬♫♪◖(● o ●)◗♪♫♬
اكيد رح كون سعيده انه يكون عندي اخت ياببسان

اطلعت بيسان والكل لمصدر الصوت ونطقوا بصوت واحد
قــــــــــمــــــــــــرررررر
♬♫♪◖(● o ●)◗♪♫♬
بلحظة شوق بلحظة امومه بلحظة خوف على بنتها نترت ايد بيسان وقامت حضنت قمر وبلشت تبوس فيها وتقربها لصدرها وتشمها وتضمها وتبكي بحرقه
حتى ابو ينال والشباب نسيوا موضوع بيسان وقاموا يحضنوا قمر والدنيا مو واسعيتهم من الفرحه

✿ اخطأتي حينما تركتي يدي وانا ناديتك ب امي ✿

ابو ينال : تعي لحضني ياقلبي يا روحي اااااخ شو خفت عليكي يابنتي
قمر : حبيبي بابا شووو شتقتلك
ينال : انتي منيحه اختي فيكي شي
طارق : حدا تعرضلك حدا ازاكي
وديع : موجوعه من شي اخدك للمشفى
ثائر : ليش وجهك اصفر ولونك مخطوف احكي اختي حدا زعجك شي والله بمحيه من على وجه الارض
وسيم : بعدوووو هيك تعي لحضني ام خدوووود ياربي شووو خفت عليكي يا روحي انتي منيحه فيكي ش

ي
قــــمــــر : ربي مايحرمني منكم والله انا منيحه كتير ومافي حدا دايقني او تعرضلي
رمق طارق قيس بنظرة استجواب وقرب لعندو
طارق : مين حضرتك
ابتسم قيس وتوجه لعند ابو ينال… كيفك عمي جواد
ابو ينال : الحمد لله يا ابني مين انت
قيس : ما تغيرت كتير

ابو ينال : انت بتعرفني
قيس : عز المعرفه عمي .. واطلع بإتجاه ام ينال… كيفك خاله سعاد
سعاد : انت الولد الصغير يلي كان ببيت هند خانوم وقت اخدنا بيسان لعندها صح
قيس : اي صح انا ابن هند وبيسان بنت اختي
اطلعت قمر بقيس بإستغراب .. خال بيسان !! بس انت ماخبرتني انك خالها
طارق بعدم رضا : شو كأنو كنت اخد اختي سيران وعم تتسامر معها
قمر بعجل : لا لا بالعكس اخي قيس هوي يلي خلصني من بيــ. .. واطلعت ببيسان ونزلت عيونها بالارض
قيس : انا خطفت اختك من بنت اختي لاني خفت يصير شي مالو بالحسبان و حسيت انه اجا الوقت لتعرف قمر حقيقة بيسان وانها مو انسانه سيئه بالعكس بيسان طيبه كتير بس الظروف يلي مرت فيها… .
بيسان : حتى انت ياخالو خفت على قمر مني 💔
قيس : انا خفت عليكي من نفسك بيسان ارجوكي افهمي الموضوع بشكل صحيح
بيسان : شو بدك افهم الشغله واضحه متل عين الشمس كلكم مو هاممكم حدا الا قمر وانا لستين جهنم وراي
ام ينال : لاتحكي هيك بنتي انا
بيسان : لابقى تحكيلي بنتي انا مو بنتك .. بنتك ليكا بحضنك انا مابعنيلك شي لا الك ولا لغيرك انا مجرد بنت حرام منبوووووذه منبوووووذه ماحدا حاسس فيي اااااااه

طلعت بيسان تركض وطلع وراها قيس وثائر ولحقوهم الكل
ثائر : بيسان وقفي لو سمحتي بيسااان بيسااان
قيس : بيسااااااااان وقفي خليني اشرحلك
ماردت على حدا كانت عم تركض ومو شايفه قدامها الا الكسره والانهزام…
أود إحتضان أمي بقوه حتى أفرغ ما بصدري
أصبحت حين أتحدث مع نفسي أشعر بأن كلماتي تحدث دويآ هائﻵ
أحتاج حضنآ واسعآ كحضنها
أحتاجها بجواري كثيرآ , أتمنى إخبارها بأسراري جميعآ تعاتبني وسادتي لكثره نياحي عليها سرآ
ولأن الوقت بدأ ينفذ من روحي المتهالكة
أشعر بأن بداخلي قنبله موقوته توشك على الإنفجار
أحتاج أمي ولكنني أخجل إخبارها بكميه حزني المتراكم بداخلي
هل أخبرك أمي بعدد البشر اللذين أحببتهم والموني
هل أخبرك أمي بعدد الكلمات الجارحه اللتي أصبح لساني ينطقها
هل أخبرك أمي بعدد أفعالي المجنونه اللتي أصبحت أقوم بها في كل يوم
هل أخبرك أمي بعدد الساعات التي أقضيها في النوم لأنسى ما بي من وجع

هل أخبرك أمي بعدد إنكساراتي في كل ليله قبل نومي
لن أخبرك بكل ذلك يا امي , سأخبرك فقط بأنني أصبحت أضم قدمي ويدي لصدري كل ليله
لأنني أتمنى أن ترجعيني لرحمك وترحميني من غربتي , أتمنى أن أترك هذه الدنيا وما يؤلمني بها
لأنني سبق وأن تألمت كثيرآ ولكنني أشعر بأنني لا أستطيع الإحتمال هذه المره !

انا بنت حرام انا بنت حرام هالصوت كان يخترق كل خليه بجسدها ومو مخليها تشوف قدامها لحتى اجا ضو قوي قدام عيونها… مالحقت تشوف مصدر الضو لانها بلمح البصر كانت مرتطمه بسياره وطايره بالسما ورجعت ضربت بالارض بدون حراك
قيس : بيسااااااااااااااااااااااااااااان
ركض ثائر لعندها وحملها بين ايديه وقبل ما تغيب عن الوعي فتحت عيونها ومسكت ثائر من بلوزتو وشدتو بقوه
ا ا انا مو بنت حرام ا ا انا مالي زنب انا مو بنت حرام وغمضت عيونها وارتخت اطرافها وغابت عن الوجود
ثائر : اي انتي مو بنت حرام وانا مارح اتركك فيقي بيسان كرمال الله فيقي ياااااااارربي… .. بيسسسساااااااااااااااااااان
( ˘ ɜ˘) ♬♪♫( ˘ ɜ˘) ♬♪♫

طلع وديع من غرفة العمليات وشال الكمامه عن تمو واطلع بقيس يلي كان بحالة انهيار تام
قيس : طمني بيسان كيفها
وديع : نحنا عملنا يلي علينا والباقي على رب العالمين
قيس : شـ شو يعني
ثائر : اخي فهمنا بالالم نشرح كيف وضع بيسان
وديع : وضعها حاليا مستقر عندها ارتجاج بالمخ ورضه قويه بالقفص الصدري وحاليا رح تنتقل لغرفة العناية المركزة ورح نعطيها مسكنات ومنوم لحتى تبقى نايمه لانه لو فاقت مارح تسكت من الالم
قيس : بقدر شوفها
وديع : حاليا صعب جدا استنى لتفوق من البنج اول .. حمدلله ع سلامتها
ركا قيس ضهرو للحيط ونزل وقعد ب الارض ودموعو على عرض وجهو
ام ينال : ان شاء الله بتقوم بالسلامه طول بالك ابني
قمر : خلص قيس ماسمعت اخي شو حكا وضع بيسان مستقر بس بدها راحه لتتحسن وتقوم متل الحصان كرمال الله ماتعمل بحالك هيك قوم غسل وجهك وصلي ركعتين طلب حاجه لله
قيس :……
اطلعت قمر ب ثائر وطارق ورفعت كتافها وهزت راسها
اتجهوا الشباب لعند قيس وتجلسوا ع الارض حدو
طارق : قوم اخي قوم البكا للنسوان وانت رجال

ينال : تضرب انت وكلامك طارق… .. اخي قيس قوم معي لتغسل وجهك ان شاء الله بيسان مارح يصرلا شي
ثائر : انا كمان كنت حاسس انها بيسان انسانه نقيه من داخلها بس ظروفها خلتها تحبس حالها بدوامة الحقد والانتقام
اطلع قيس بثائر ومسح دموعو : انا كنت امها وابوها بعد وفاة امي الله يرحمها .. تمنيت عوضها الحرمان يلي عاشته وطالعها من دوامة

🌀الحقد يلي زرعها فيها اخي قاسم
ثائر : ان شاء الله كل شي بيتصلح والوقت كفيل يداوي جراحها بس هلأ شدلي حيلك وقوم لازم تبقى قوي وثابت لحتى بيسان تستمد قوتها منك
وسيم : جبتلكم قهوه يالله تعوا اشربوا وحاج تفاولو عالبنت ليكا متل الفل اسم الله عليها
بعد ماشربوا القهوه وهديت اعصابهم شوي غمز ثائر ينال لياخد اهله ويروحوا عالبيت
ينال عم يتصنع انه بيتثاوب… ااااخ ياربي مو حسنان فتح عيوني
قيس : خلص روحوا ارتاحوا و شكرا لوقفتكم معنا
ابو ينال : شو عم تحكي ابني هاد واجبنا
قيس : تسلم عمي جواد بس وجودكم هلأ بلا فايده خلص روحوا ارتاحوا وبس تفيق بيسان بخبركم
وسيم : خود سجل رقمي عندك واي شي بتحتاجه لاتتردد اخي قيس
قيس : تسلم وسيم
ابو ينال يالله ياولاد

قيس : طارق
التفت طارق ب اهتمام . اي قيس عاوز شي
قيس : رح تلقي القبض على بيسان بس تتعافى
اطلع الكل بطارق يلي وقف حاير وماعرف شو يرد جواب لقيس بس بالوقت المناسب جاوبو ينال
اخي قيس اختك كانت ضحيه واخوك استغلها وشوه افكارها اعتقد يلي صار رح نحسبه مشكله عائليه ومارح ندخل الشرطه بيناتنا ماهيك طارق
طارق : اي اكيد اخي وهلأ بالازن
قمر : انتبه عحالك قيس وطمنا على بيسان
قيس : ان شاء الله
ينال : وديع مناوب هون ازا صار شي فورا بتروح لعندو مشي
قيس : تمام
طلعوا من المشفى وتركوا وراهم قيس يلي فورا اخد نفس عميق واطلع للسقف ونزلت دمعه من عينه وهو يتمتم ويشكر ربه انه لحق بيسان قبل ماتغلط غلطه مايقدر يساعدها
حاج تبكي بيسان بخير
اطلع قيس جهة الصوت لقي ثائر بعدو مكانو ماتحرك
قيس : انت بعدك هون ليش مارحت معهم
ثائر : بكرى الجمعه ومافي شغل وبصراحه حابب ادردش معك شوي ازا ماعندك مانع
قيس : تكرم عينك
ثائر : لكن تعا ننزل للكافتيريا نشرب شي
قيس : يالله
┬──┬┬──┬┬──┬

نورتي البيت بنتي
قمر : تسلم لقلبي بابا
وسيم : ايه ام خدود هاتي خبرينا كلشي صار معك
قمر : خليها للصبح اخي والله تعبانه
طارق : روحي ارتاحي اختي بس بكرى نهارنا طويل مع بعض
بلعت قمر ريقها وخافت من لهجة طارق : شـ شو يعني بدك تستجوبني
طارق : وليش لأ مابيكفي يلي صار فينا من تحت راس كزبتك
ابو ينال : تروك اختك طارق… . روحي بنتي ارتاحي والصباح رباح
ام ينال : جوعانه حبيبتي
قمر وهي عم تتزكر المائده يلي قدملا ياها قيس : ها لا امي مالي نفس بدي اخد شور ونام يالله تصبحوا على خير
الكل : تلاقي الخير
فاتت قمر لغرفتها وفورا دخلت عالحمام شغلت المي السخنه ونزلت تحتها وهي مغمضه عيونها ومبتسمه عم تتزكر كل لحظه جمعتها مع قيس وبس خلصت لفت حالها بالمنشفه وطلعت نشفت شعراتها ولبست بيجامه زهر قطنيه وحضنت دبدوبها لترجع تسترجع احداث نهارها مع قيس
لك شبني انا ليش ماعم يروح قيس من بالي…… . وليش قلبي عم يدق هيك ليكون ❤️
مسكت دبدوبها وشوشته… شكلي وقعت بالحب يادبدوبي ومحدا سمى على قلبي 💓
✺✺✺✺✺

طارق : وضع قمر مو عاجبني
وسيم : ليش اخي
طارق : مابعرف حاسس في شي مخببته عنا
ينال : شي متل شو انت كمان كأنك مابتعرف اختك ماعمرها غلطت
طارق : بس كزبت اخي
ينال : هلأ بدك تمسكلا على هالكزبه
وسيم : اخي ماتكبر الموضوع هي كانت كزبه بيضه لحتى تروح مع رفيقتها
طارق : كأنكم ماشفتوا بعيونكم عواقب هالكزبه البيضه
وسيم وينال :………… ..

نام طارق على تخته وحط ايديه تحت راسه وبلش يفكر .. ياترى شو بعد مخبيه النا هالايام
بيصحيه من شرودو رنة تليفون ثائر يلي كان ناسيه بالبيت بيطلع بالرقم بيشوف اسم ..عماد
العماااا هاد بعدو عم يفتل بالشوارع نسيت خبرو انه لقينا قمر
طارق : اهلا عماد
عماد : السيد طارق ؟؟
طارق : ايه طارق معك ماتواخزني نسيت دقلك
عماد بفرح : يعني الانسه قمر رجعت عالبيت

طارق : ايه الحمد لله فيك تروح لبيتك
عماد : الف حمد وشكر الك يارب طيب سيد قيس بتؤمرني بشي
طارق : الامر لله عماد بس بدي منك طلب
عماد : اتفضل من عيوني
طارق : انسى كلشي صار اليوم اعمل ديليت لزاكرتك
عماد : ليش شو صار اليوم
طارق : ولا شي يالله تصبح على خير
عماد : وانت بخير
┬──┬┬──┬┬──┬┬──┬
قاعدين بالكافتيريا عم يشربوا شاي
ثائر : اي قيس خبرني هلأ كيف عرفت بمخطط بيسان لخطف اختي قمر
قيس : انا دائما حاطط بيسان تحت المراقبه خصوصي بعد ماسمعتها هيه واخي قاسم بيحكوا بموضوع ابوك
ثائر : يعني قاسم يلي فهم بيسان انه ابي بيكون ابوها وتخلى عنها لانها اجت بطريقه غير شرعيه
قيس : بالضبط هيك صار ومن يومها خليت السواق ابو توفيق (شوفير بيسان) يخبرني بكل تحركات بيسان اول ب اول خصوصي انها صارت تتردد على عيادة ابوك وكان واضح انها بتخطط لشي

ثائر : يمكن ماتصدق كلامي بس صدقا كان نفسي اطلع بروحها لبيسان وقت عرفت انها خطفت اختي مابعرف كيف كل الافكار البشعه صارت تفوت براسي
قيس : مابلومك ثائر حتى انا كنت خايف عالانسه قمر وكنت راقبها احيانا بس تروح من مدرستها لاطمن انه بيسان مارح تعمل شي
ثائر : قبل ماتجن بيسان وتطلع من بيتنا شفت بعيونها دمعة الم كسرتلي قلبي .. ماتفه

مني غلط قيس بس انا حابب اعرف اكتر عن بيسان حابب كون حدها
قيس : نحنا مامنختار قدرنا القدر يلي بيرسم النا حياتنا ونحنا بنمشي فيه لاخر الطريق بس يلي عندو اراده بيكسر اي حاجز او عائق بيواجهه بحياته وللأسف بيسان كانت شخصيتها ضعيفه قدام اخي وهالشي خلاه يعبي راسها بشغلات مالها اي وجود
ثائر : كأنه انت واخوك علاقتكم مو منيحه
قيس : من لما ماتت امي وكل واحد اخد حصته من الورته انا تنازلت لقاسم بنص ورتي مقابل يتركلي تربية بيسان ومن يومها قاطعته وعم حاول اخلع الاشواك يلي زرعها بقلب بيسان وحولها لمسخ تمشي تحت ارادته… . لوقت من الاوقات فكرت اني نجحت وخليت بيسان تنسى بس كانت نيران الحقد والانتقام عم تاكلها اكل واشتعلت بزياده من لما قابلت قمر

ثائر : نحنا لازم نقرب بيسان من قمر وهي اول خطوه للعلاج النفسي صدقني
قيس : شو فرخ البط عوام بشوف تحولت لدكتور نفسي
ثائر : هههه لا مو هيك مو ضروري كون طبيب نفسي لحس بوجع غيري وهلأ هات خبرني اكتر عن حياة بيسان شو بتحب شو بتكره كل شي كل شي
رفع قيس حاجب ونزل حاجب : كل شي كل شي
ثائر : انه يعني حابب اعرف شو هيه من البشر
اتضاهر قيس بالغباء وبلش يحكي لثائر كل شي عن حياة بيسان وهو شايف بعيونو اللهفه والاهتام ليعرف ادق ادق تفاصيل حياتها
قيس بقلبه : ياريت تحكيلي عن قمر وتقربني منها اااخ ياقمر شو بعيده المسافه بيني وبينك
┬──┬┬──┬┬──┬

تاني نهار بتفيق قمر على صوت فيروز…
♬♫♪◖(● o ●)◗♪♫♬
سألتك حبيبي لوين رايحين
خلينا خلينا وتسبقنا سنين

اذا كنا ع طول التقينا ع طول
ليش بنتلفت خايفين

انا كل ما بشوفك
كأني بشوفك لأول مرة حبيبي
انا كل ما تودعنا
كأنا تودعنا لآخر مرة حبيبي
قلي احكيني نحنا مين
وليش بنتلفت خايفين
♬♫♪◖(● o ●)◗♪♫♬
بتفرك عيونها وبتطلع بالساعه بتلاقيها عشره ونص
اوف عشره ونص ليش امي تركتني نايمه لهلأ غسلت وجهها وسرحت شعرها وطلعت عالصاله لقت ابوها وامها عم يشربوا قهوه ووسيم فاتح اللاب توب عم يتصفح عالفيسبوك وينال عم ياخود شور اما طارق كان قاعد وسرحان وبدنيا غير الدنيا
قـــمر : صباح الخير
الكل : صباح الخيرات
قربت لعند طارق ودقتله تلت دقات عالطاوله احم احم عم نصبح… وبس انتبه لوجودها فتل حالو ودخل لغرفته
قمر : شبو طارق
وسيم : اتركيه هو من امبيرحه مزعوج ومو على بعضه
قمر : بسببي صح 😔
وسيم : حبيبتي كلنا نزعجنا ومرينا بضغط نفسي الله بيعلم فيه خلص اتركيه بيروق لحالو
هزت قمر راسها وفتلت حالها لتفوت عالمطبخ بس استوقفها صوت جرس الباب
وسيم : خليكي انا بشوف مين
ابو ينال بمزح : كل مايفتح وسيم الباب قلبي بينقزني بتزكر منظرو وقت فاتت بيسان
ام ينال : ههههه لابقى تزكرني الله يخليك الحمد لله غمه ونزاحت
ابو ينال : لك مييين عالباب وسيم

وسيم : هي زينب 😍ابي تفضلي لجوى قمر بالصاله
قمر : يييي هي زينب ياحبيبة قلبي شتقتلك
حضنتها زينب وبلشت فيها اسأله على وين كنتي وشو صار معك وهي الحقيره بيسان شو بدها منك
قمر : لك اهددددددي شبك انفتحتي عليي اساسا مافي شي صار واهلي فهموا غلط ماهيك امي
ام ينال : هاه ا ايه ايه صح
زينب : عم تجدبيها عليي ولي لك اخوانك كانو جانين عليكي
قمر : خلص فوتي لجوى لفهمك كل شي
زينب : كللللل شي هه
قمر : هههههه ايه كل شي فوتي بس
بهاللحظه بيطلع طرزان من الحمام وهو عم يفرك بشعراتو بالمنشفه ومو شايف زينب… كان لافف المنشفه على وسطو وطالع يغني ويدندن
ابو ينال : استر حالك ابني عنا ضيوف
ينال : مين هالضيوف… نزل المنشفه ليشوف قدامه زينب ووجها ماعاد تفسر والوان الطيف كلها تجمعت فيه وفاتت بسرعه لغرفة قمر
ينال : انا انا انا… .
ام ينال : لك فوووووت لجوا ابني هلأ بتاخد برد
ابو ينال : هاد يلي هامك انه ياخد برد لك المخلوقه دابت ب ارضها من الخجل
ام ينال : لك والله مو بقصدو يارجال وبعدين مابيعرف انها هون
قمر : هههههههههههههههه لك بس لو تشوفي منظرك هههههههه لك ليش هيك وجهك متل حبة البندوره هههههه اااخ يابطني

زينب : لك تضربي انتي ويلي اجت لعندك حاسه الدم بيغلي بعروقي ياااا امي
قمر : ههههههههه خلص معلش اقعدي لجيبلك شي بارد تشربيه
زينب : بيسان خطفتك
غابت الضحكه من على وجه قمر وتغيرت ملامحها
قمر : ممكن مانحكي بهالموضوع
زينب : ليش ومن ايمت بتخبي عليي
قمر : ماعم خبي عليكي ورح خبرك بكل شي بس بالوقت المناسب
زينب : ايوه لكان خليني روح
قمر : بلا غلازه اقعدي وليه
زينب : هلأ هلأ بدي اعرف
قمر : امري لله… هاد ياستي السيره ومافيها…… ..🗣
┬──┬┬──┬┬──┬
ثائر : صباح الخير وديع طمني كيف وضع بيسان
وديع : الحمد لله تجاوزت مرحلة الخطر
ثائر : وايمت رح اطالعوها من العنايه

وديع : شي يومين مو اكتر
ثائر : اي منيح ل روح طمن قيس لكن
وديع : مابدك تروح معي عالبيت
ثائر : ايه امبلا انطرني لارجع
وديع : مشي
┬──┬┬──┬┬──┬

زينب : العمااااااااااااااا كل هالشي صار
قمر : اي والله تخيلي شو كان نهار صعب عالكل
زينب : وشو بالنسبه لبيسان رح تشكو عليها
قمر : ل

ا ولو مابيكفيها يلي صار فيها
زينب : تسطفلي بس انا مو مرتاحه الها بنوب
قمر : الله يجيب العواقب سليمه
زينب : يارب
┬──┬┬──┬┬──┬┬──┬
ـــ بـــعد اسبوعين ـــ
✿✿♡♡✿✿♡♡✿✿

ثائر : صباح الخيرات لاجمل صبيه بالكون
بيسان بخجل : صباح الورد ثائر
ثائر : افطرتي
بيسان : لا عم استناك
ثائر : لكن تكه وبيكون احلا فطور جاهز عندك… صحيح تفضلي هي🌹
بيسان : لايمت بدك ادلعني انا سرت منيحه
ثائر : لحتى تطلعي من هون وتستلمي شغلك الجديد
بيسان : انو شغل
ثائر : انا وقيس عيناكي موظفه عندي
بيسان : هههههه والله انت وخالو صايرين صحبه عالاخر
ثائر : كرمال الورد ينسقى العليق
قيس : صباحكم ورد من بين العليق 😒
ثائر : هههههه هي بيسان يلي حكت عنك عليق انا مادخلني
بيسان : والله جد ههههه
راح ثائر يجيب الفطور وقرب قيس لعند بيسان وطبع بوسه ع جبينها
كيفها اميرتي اليوم
بيسان : الحمد لله بس مليت من القعده بالمشفى

قيس : بيني وبينك وانا مليت كمان اليوم بس يجي وديع رح قله اني بدي كفي علاجك بالبيت
بيسان : خالو
قيس : عيون خالو
بيسان : كأن علاقتك بولاد جواد مطوره وصايره متينه
قيس : اي امبلا وبعدين العم جواد والخاله سعاد وولادهم كل يوم بيجوا يشقوا عليكي مافي يوم تركوكي بلا زياره
بيسان :…… .
قيس : بعدك رافضه تشوفي قمر
بيسان بغضب : خالو لو سمحت ماتجيلبي سيرة هالمخلوقه
قيس : فهميني ليش شو السبب شو الذنب يلي اذنبته قمر لحتى تكرهيها كل هالكره
بيسان بتبكي : ماااابعرف والله مابعرف عم حاول حبها بس مو قادره كل ماينزكر اسمها قدامي بحس النار عم تاكلني اكل
قيس : لانك ماحاولتي تطلعي لجواتها
بيسان : جواتها
قيس : اي جواتها… قمر انسانه شفافه ويلي بقلبها ع راس السانها حاولي تتقربي منها وانسي هالكره يلي معشش داخلك
بيسان : ان شاء الله خالو 😔
┬──┬┬──┬┬──┬

حملت صينية القهوه وفاتت لعندو… كان عم يقرأ كتاب وهو متسطح على فرشته
قمر : صباح الخير اخي
طارق :… ..
قمر : لايمت بدك تبقى مجافيني اخي والله نطف قلبي لتحكي معي
طارق :… ..
قمر : خلص والله ماعاد عيدها ماعاد كزب شو ماكان السبب بس كرمال الله حاكيني اخي لاتعزبني بسكاتك
طارق : انتي متخيله لو صار فيكي شي شو صار فينا
قمر بتبكي : بعرف اخي والله بعرف خلص توبه بعمري مابكزب مره تانيه
طارق : انا واخوانك وحتى امك وابوكي عودناكي عالصدق والصراحه ولا مره حدا منا ضربك او علا صوتو عليكي لانك كنتي مثال للبنت المطيعه ل اهلها بس هلأ كيف ارجع اوثق فيكي كيييييييف…
قمر : انا اسفه اخي اعمل فيي شو مابدك بس سامحني

طارق : ماعمري مديت ايدي عليكي ولا رح مدها هلأ رح اكتفي بالصمت وهو اشد عقاب الك قمر
قمر : لا اخي ابوس ايدك انا مالي غيركن بالدنيا لو جافيت الكف الاصبع رح ينشف بيهون عليك كف القمر
طارق : لو سامحتك هالمره رح توعديني ماترجعي تكزبي عليي
قمر وهي بتمسح دموعها : بوعدك اخي
طارق : تعي لحضني كف القمر اشتقت لريحتك الطيبه اختي
رمت قمر حالها بحضن اخوها وصارت تبكي وطارق يمسحلا ع شعرها وضهرها ويقربها لحضنه اكتر
كانت امهم وابوهم عم يراقبوهم من شق الباب ..
ام ينال : الله لايحرمكن من بعض ياضي عيوني
ابو ينال وهو بيمسح دمعة سعاد : والله وعرفتي تزرعي بذرة الخير بولادك ياسعاد
ام ينال : وانت كمان زرعت فيهن حب الخير والتضحيه
ابو ينال وهو بيطلع بعيون سعاد
حليانه لك سعاد
ام ينال : يوه جواد شو هالحكي هلأ بيسمعونا الاولاد ☺️
ابو ينال : احمم الحقيني لجوا سعاد
┬──┬┬──┬

*يتبــــــــــــــــ؏...*
➖➖➖➖➖➖➖➖
#اعادة_توجية_للفائدة

#رواية_كف_القمر

*📖 ╏ڪـــــــــف الــــقـمـــــــــر🌕⚜️*

*📖╏#الـبــــ( 4 )ـــــــــارت*

➖➖➖➖➖➖➖➖➖ بقلم☜ امل_احمد♡♬♡

زينب : ياربي شو متوتره اليوم النتائج وحاسه حالي رح ارسب
قمر : تفائلو بالخير تجدوه نحنا تعبنا وسهرنا ودرسنا واجتهدنا وان شاء الله ربنا مابيضيعلنا تعب
زينب : امين يارب بس هاد الاستاز ماني مرتاحه شوفي كيف كل مابيفوت لعنا بيجحرني بعيونه
ق

مر : شكله معجب 😌
زينب : تضربي انتي وهالاستفقاده اي قومي لنشوف ازا نزلت النتائج
قمر : يالله
زينب : لك شوفي مين اجا مو هاد اخوكي ينال
قمر : وينو ؟؟ اي والله هاد اخي واشرتلو ب ايدها انا هوووون اخي
قرب ينال لعندهم : صباح الخير
زينب وقمر صباح النور
ينال : طلعوا النتائج
زينب بقلق : لسه 😥
اطلع يامن لزينب بنظره تفحصيه سريعه من فوووق لتحت… اي ان شاء الله ربي مابيضيعلكم تعب
قمر : شو جابك اخي
ينال : شو جابني لك اطلعي هونيك بتعرفي شو جابني
اطلعت قمر ب اتجاه ماعم يئشرلا ينال شافت امها وابوها واخوانها كلهم موجودين وعم يستنوا النتائج
ركضت قمر لعندهم وحضنت امها .. ليش جيتو ماما هلأ بتطلع النتائج وكنت رح اجي للبيت دغري
ام ينال : لك والله ماعندي صبر اقعد انطر بنتي
ابو ينال : شو مطولين النتائج
وديع : ليكن عم يعلنو تعول بسرعه نروح
راح الكل مع قمر يلي شافت الكشف وطلعت وعيونها بالارض
طارق : شو صار معك اختي
قمر : 😔
ثائر : احكي قمر ليش ساكته
قمر : 😔
وديع : لتكوني رسبتي
قمر : 😔

وسيم : انطقي ام خدود حاج تلعبي ب اعصابنا
قمر : 😔
ينال بصوت حنون : شو صار معك ياقمري
قمر : 😔
ابو ينال وام ينال ماطلع معهم الحكي وفهموا انها قمر رسبت
ابو ينال : معلش بنتي بتعوضيها السنه الجايه
ادايق الكل وحبسوا الغصه جواتهم بس قمر بلشت تضحك وتنط اناااا نجحت نجحت نجحت
ام ينال : لك الف مبروووووووك بنتي لولولوللللييييي 🎉🎊🎉🎊🎉🎊🎉🎊🎉🎊🎉🎊🎉🎊🎉🎊
بلشوا اخوانها يحضنوها ويهنوها وشي يغني الناجح يرفع ايدو وشي يصفر وشي يلعبلا بخدودها وشي يرش الورد عليها وقمر الدنيا مو واسعيتها من الفرحه
┬──┬┬──┬┬──┬
🔥🔥🔥🔥🔥🔥
بركن بعيد عم تطلع عليهم ونار الغيره عم تاكلها اكل .. عم تلعن حظها يلي خلاها بعيون الناس بنت حرام ولازم تكون بعيده عن الناس وماتفرح متل باقي البنات
حط ايدو على كتفها ليطالعها من شرودها
ثائر : شو صار معك بيسو
بيسان : نجحت 😔
ثائر : ايه الف مبروووووووك وليش الحلو زعلان
بيسان : انت رحت بالاول لعند قمر و
قاطعها فورا : بيسو .. قمر اختي مو عدوتك قمر طيبه وبتحبك رغم كلشي صار
بيسان : انا مابدي حدا يحبني
ثائر : بس انا بحبك
فتلت حالها لتروح بس للحظه استوعبت الكلمه يلي حكاها ثائر رجعت خطوه لورى والدهشه بعيونها
بيسان : شو حكيت
ثائر : ايه بحبك يامجنونه
بيسان : بتحبني ولا بتعطف علي
اطلع ثائر ببيسان وسكر نص عيونو… . اممممم لشو اعطف عليكي مو شايفك لا خرسه ولا طرشه لا حوله ولا كتعه ومانك مشلوله… .. لك ليكون فيكي عاهه وماني منتبه
بيسان : بلا غلازتك ثائر
ثائر : بحب عيونك يلي سحروني بحب هي الابتسامه وهي النظره بحب صوتك بحب طولك بعشق كل شي فيكي بيسان
بيسان : بس بتحب قمر اكتر مني
كان ثائر ذكي جدا وحريص على كلمه بيحكيها مابدو يخسر بيسان وبالوقت نفسه قمر اخته يلي اغلى من ضي عينه
ثائر : ليكي بيسو شو رأيك اعزمك اليوم عالعشا وهونيك منحكي اكتر واكتر
بيسان : طيب
وصل قيس وكان بيتلفت شمال ويمين عم يدور بعيونو على بيسان و دليلته بالعشق… عيونو اول ماشافت شافت قمر واجريه لوحدها ساقته لعندها
قيس : الضاهر اني تأخرت
التفتت قمر وشافت قيس قبالها بلش وجهها يحمر ودقات قلبها تتسارع وانفاسها تتخربط… قـ قيس ❤️
قيس : الف مبروك قمر ومد ايدو وسلم عليها
✿♡احتضن كفها وغاصت عيناه بمقلتيها كانت كالطفله الشقيه تتراقص على اوتار قلبه هو لايعلم انها تحبه وهي لاتعلم انه تعدى مرحلة العشق وتاهت ابتهالاته في محراب عيناها ✿♡

بيسان : انت هون خالو
انتفض قيس وعرف انه هاد الهدوء يلي بيسبق العاصفه
قيس : حبيبة خالو كنت عم دور عليكي طمنيني شو صار معك
بيسان : اعتقد عرفت يلي بيهمك بالازن منك
راحت بيسان وهي عم تفكر بطريقه تخلص فيها من قمر… كانت مقتنعه انه حياتها رح تصير جنه بس تتخلص منها وحتكون وحدها محور اهتمام الكل
قمر : هيه ليش بتكرهني لهدرجه انا شو عملتلها
قيس : انا بعتزر نيابه عنها وصدقيني بيسان طيبه بس بدها شوية وقت لتقدر تنسى الماضي
قمر : انا ابدا مو زعلانه منها بالعكس زعلانه عليها ياريت تهتم فيها اكتر قيس
قيس : تكرمي ♡
┬──┬┬──┬┬──┬┬──┬

ببيت قمر كانت الافراح 🎊 وصوت الاغاني معبيه الحاره ناس فايته وناس طالعه عم يهنوا قمر ويباركولها بنجاحها
قمر : عملت يلي تفقنا عليه اخي
ثائر : يالله رايح لعندها
قمر : لاتخليها تحس بشي
ثائر : لاتوصي حريص بس ياريت تتصلي لقيس خليه يجي لهون وفهميه على كل شي لحتى ارجع
قمر بتوتر : ا ا انا اتصل لقيس 😰
ثائر : شبك انخطف لونك اختي
قمر : هاه لل لا لا ولاشي بس يعني مامعي رقم قيس
ثائر : اي لكان خدي سجليه عندك واول مايكون الوضع تمام ابعتيلي مسج اكتبي فيه Ok 👌 وانا رح افهم
قمر : تمام اخي يالله روح وماتتأخر
ثائر : اوك سلام

دخلت قمر لغرفتها ودقات قلبها عم تخفق بشده مسكت موبايلها وعم تطلع بالرقم وايدها عم ترعش وهي بتكبس على كبسة الاتصال
اخدت نفس واستنت الرد
قيس : الو
قمر : مـ م

رحبا قيس كيفك
قيس : قـــمــــر !!
قمر : كيف عرفت صوتي
قيس بقلبه : لانه محفور بقلبي وعقلي
لا ابدا بس مافي بالعاده تجيني معاكسات وبعدين صوتك مميز
مطت قمر شفتها بعدم رضا : لا والله انا ماعم عاكس انا بس كنت بدي….
قيس : عم امزح ولو
قمر : قـــيــــس
اختل توازنه وترنح وقت سمع اسمه طالع من بين شفتيها غمض عيونو وحاول يتماسك… معك قمر
قمر : ممكن تجي لعنا
قيس بشك : اجي لعندكم ؟؟ خير في شي بيسان زعجتك شي
قمر : لا لا ابدا خلص بس تجي بفهمك
قيس : فهميني هلأ
قمر : دخيل الله شو عجول
قيس : ههههه رديتيلي ياها يعني

قمر : هههه هيك شي
قيس : قـــمــــر
دقات قلبها ماعادت هدت وحست بتيار سخن عم يسري بعروقها
نـ نعم قيس
قيس : في شي كنت بدي قلك ياه من مده ومتردد
قمر : شو هالشي
وقف قيس من مكانو وبلش يمشط شعرو الغزير ب اصابعو وهو متوتر ومو عارف كيف يبلش
قمر : الو انت معي قيس
قيس بصوت يادوب مسموع .. ماعمري كنت الا معك
قمر : شو ماسمعتك
قيس : عم قول انتي اطيب قلب عرفته بحياتي
قمر : هاد يلي بدك تخبرني ياه
قيس ايه
وبقلبه… ♬♬ أ أقول احبكي ياقمري آهٱ لو كان بإمكاني ..♬♬
قمر : وانت كمان كتير طيب قيس
وبقلبها ♡♬انا لا احبك فقط ، بل استند عليك وكأنك اكثر الاشياء ثباتاً في هذا العالم ♬♡
┬──┬┬──┬┬──┬┬──┬

وصل لعندها وزمرلها لحتى تنزل لعندو وتجلس مكانه يستناها
بعد خمس دقايق بتنزل بيسان وكأنها ملاك نازل من السما بفستانها الاحمر يلي واصل لعند ركبتها وشعرها المفرود على كل ضهرها ومزين بمشبك ذهبي ناعم مع ميك آب خفيف بيلائم نعومتها
وصلت لعندو وهي بتمشي بخجل اما ثائر ترجل فورا من السياره ليفتحلها الباب وعيونو ماعم تنشال عنها
بيسان : مسا الخير
ثائر : مسا الورد ل احلى ورده بالوجود طالعه بتاخدي العقل
بيسان بخجل : ميرسي ثائر
ركبت بالسياره ولحقها ثائر يلي قلبه كان عم يخفق بشده وماعم يهدي وطلعوا للمطعم
بيسان : غريبه
ثائر : شو الغريب

بيسان : تارك قمر بهيك مناسبه مو هي كمان نجحت
ثائر : قمر من اهتماماتي ومن واجبي كون معها بكل وقت واطلع بعيونها… بس اليوم مميز لانه بس لاميرتي
ابتسمت بيسان ابتسامة رضا يمكن كلام ثائر ارضا غرورها وخلاها تحس انها بحياته اهم من قمر
وصلو للمطعم وفاتت مع ثائر كأنهل اميره والفرحه واضحه بعيونها
بيسان : كأنه المطعم مسكر
ثائر : لا مابعتقد
بيسان : شوف كيف الاضويه طافيه ومافي حدا لك انا بعرف حظي مو مكتوبلي افرح وانبسط 😔
قرب ثائر لعند بيسان ومسكها من ايدها وسحبها معه لجوا بدون مايحكي حرف
بيسان : ثائر خلينا نرجع
ثائر : ليش نرجع
بيسان : مو شايف المكان عتمه وفاضي
بلشت اناره خافته تضوي بصالة المطعم وموسيقى هاديه ♬♬ تطلع لتعبي السكون يلي بالمكان
ثائر : تسمحيلي بهالرقصه

ابتسمت بيسان ولفت ايديها ع رقبة ثائر يلي فورا حاوطها من خصرها وضمها لصدرو
بقي يرقص معها وعيونهم متعلقين ببعض… . وحس برنة جوالو اطلع فيه وابتسم ورجع كفى رقصته
ثائر : بحبك بيسو
زاحت. عيونها عنه بخجل وردت عليه بهمس
بيسان : وانا كمان
ثائر : انتي كمان شو
بيسان : خلص لاتخجلني
ثائر : كرمالي احكيها
بيسان : بحبك ارتحت
طلع علبه من جيبته وطال منها دبله كانت دبله منقوش عليها نص خريطة العالم
ثائر : تقبلي تتزوجيني
بيسان : بقبل…
قدم لهآ خاتم خطوبة منقوش عليه نصف خريطة العالم وأخذ هو النصف الثاني كأنه يخبرهآ : " تعالي لنقتسم العالم " 💙😌
ثائر : بوعدك كون سندك
بيسان : وقمر
ثائر : شبها قمر
بيسان : مو انت سندها
مسك ثائر كف بيسان وباسو بحنيه واطلع بعيونها
شوفي بيسان كف القمر بتكون اختي والاصابع مابتتفرق ابدا عن الكف
بيسان :……
ثائر : شوفي انتي كمان عندك كف
بيسان : بس ماعندي اخوه يحبوني
ثائر وهو عم يعد اصابع بيسان
هاد انا وهدول ولادنا… مو شرط الكف ينربط مع الاخوه .. احيانا عيله مترابطه بتكون كمان كف القمر
بيسان والدموع بعيونها : انا كتير بحبك ثائر

ثائر : وانا بعشقك وهلأ ممكن لبسك المحبس
بيسان : مارح تتركني بيوم

ثائر : مـا حبيـتكك لأتخـلى عـنكك ، مـعكك لآخـر تـنـهـيدة 😴♥️..!
لبسها الخاتم وباسها من جبينها
وفجأه بتضوي الاناره بكل المطعم وبيطلع الكل وهنه بيصفقوا بحراراه وسعاده
بيقرب قيس لعند بيسان وبيحضنها وبيفتل فيها وهي متشبته فيه بقوه وبتبكي من الفرحه
قيس : مبروك ياقلب خالو
بيسان : الله يبارك فيك خالو
قيس : وهلأ صار دوري لحتى اتأهل حاجتي عامل امك وابوكي
الكل :ههههههههه
قرب ابو ينال وام ينال وباركوا لثائر وبيسان
ينال : مبروووك اخي

ثائر : الله يبارك فيك اخي عقبالك
اطلع ينال بزينب وقال… ان شاء الله قريبا… قريبا جدا ❤️
طارق : والله وطلعت رومانسي ولا
ثائر : ليش حكولك ماعندي قلب متلك
طارق : هههه هيك لكان طيب اساسا تارك الرومانسيه ل اهلها
وسيم : مبروك اخي
ثائر : حبيبي وسيم عقبال مانفرح بتخرجك
وسيم : يالله كم شهر وبتفرح لكان
وديع : والله مو مصدق عيوني جد اخي صار عريس لك تعا لحضني ابو

جواد
ينال : نعم نعم ابو جواد انا نسيان اني الكبير ولا
ثائر : هههههه صحيح انت الكبير ربي مايحرمني منكم
كانت بيسان طايره من الفرحه وهيه شايفه الكل مهتم فيها وعم يدللها وعيونها عم تلمع بدمعة فرح عارمه
قمر : مبروك اخي مبروك بيسان
حضن ثائر قمر بقوه وغمرها بحب وحنيه وطبع عجبينها بوسه
لك عقبال ما افرح فيكي اميرتي الصغيره
قمر : تسلم اخي

هالتصرف ابدا ماعجب بيسان وبدل ماترد على مباركة قمر قامت سحبت ثائر وتعلقت برقبته وبلشت ترقص معه وهي تطلع بطرف عينها على ردة فعل قمر بس قمر ابدا ماكانت مزعوجه منها وتمنتلها ايام بيضه متل التلج
قيس : عمي جواد ممكن استغل هالمناسبه السعيده واتشرف بطلب ايد الانسه قمر
رجف قلب قمر وتخبت ورى طارق يلي مسكها من خدودها وبلش يفرك فيهم : لك يسلملي الخجلان
ابو ينال : انا مارح لاقي احسن منك لبنتي بس خليني اخد رأيها ورأي اخواتها
قيس : اكيد عمي
بيسان والبراكين جواتها : بدك تاخدي خالي مني لك الله لايهنيني ازا بخليكي تتهني 🔥🔥🔥
┬──┬┬──┬┬──┬

ينال : صباح الخير قمر شفتيلي موبايلي ⊙﹏⊙
قمر : صباح الورد اخي ليكو تحت مخدتك يارب ماتنحرم من هالعاده
ينال : هههههه لو كان بحياتي حدا كنت اهتميت للموبايل بس للاسف حياتي فاضيه
ام ينال : وليش فاضيه ابني اتعلم من اخوك ثائر وشوفلك بنت حلال يلي تسر قلبك وخاطرك
ينال وهو بيحك شعرو : اممم شكلك فتحتي موضوع كنت رح افتحه معك ست الكل
ام ينال : خير ابني
وسيم : الهيئه اخي الكبير قرر يتأهل
وديع : شو اخي نويت
ينال : ههههه تقريبا
نزل ابو ينال الجريده من ايدو واطلع بينال يلي كان واقف وخجلان… ومين سعيدة الحظ ابني
ثائر : اكيد ليلى السيكرتيره
وسيم : العمااااا ازا هالحكي مزبوط
وديع : لك هي حوله شو بدك بهالعلقه
ينال : هيك يعني استلمتوني ع ضحك ومسخره انا الحق عليي يلي حكيت
ام ينال : حاجتكم انت وياه اتركوا اخوكم بحاله… .. اي ابني في وحده معينه ببالك
ينال : ايه امي
ام ينال : مين هيه
ينال : والله يا امي انا حابب ارتبط بزينب
ام ينال : رفيقة قمر
ينال : هيه بزاتها
وسيم بقلبه : زينب 💔
ابو ينال : والله يازين ماخترت ابني
قمر بفرررح : يااااااي هاد احلا خبر بسمعه يعني زينب رح تصير مرت اخي شووووووو حلووووووووو هالخبر الف مبروووووووك اخي
ينال : هههههههه على شو مبروك مو بس توافق العروس اول
قمر : محلاها وماتوافق
ثائر : مو كأن البنت صغيره عليك
ام ينال : يوه شو صغيره اساسا كنت بدي اخدلو بنت 14
لمين بنت ال 14 بالله
التفت الكل لطارق يلي يادوبه فايق من النوم ومو فهمان شي
قمر : اخي ينال بدو يخطب
طارق : اوف اوف بشوف فرطت مسبحتكم انت وياه ومين تعيسة الحظ
ينال : تضرب انت وحكيك
وديع : زينب رفيقة قمر اخي
طارق : زينب زينب 🤔 لك والله هالبنت مافي منها ان شاء الله تكون من نصيبك اخي
ينال : تسلم اخي
قمر : شو رأيكم ساويلكم قهوه قبل ماتطلعوا ع شغلكم
طارق : المنيحه مابدها سؤال اختي
بيسمعوا صوت الباب انفتح وانطرق بقوه
ام ينال : بسم الله شو في
وديع : شكله وسيم طلع من البيت
ثائر : شبو معصب
وديع : علمي علمك
┬──┬┬──┬

عم يمشي بالشارع والدنيا مسوده بعيونه كل اماله واحلامه تبخرت بلحظه
زينب زينب مالقيت الا زينب ياينال خلص ماعاد في بنات بالدنيا
لك كنت عم عد الايام والشهور لحتى اتخرج واشتغل وروح اخطبها ليش كسرتلي قلبي ليش 💔
┬──┬┬──┬┬──┬

مرق اسبوع وصار موعد كتب كتاب ثائر وبيسان وقمر وقيس
ام ينال : يالله بنتي جاهزه لنروح عالصالون
قمر : ايه امي جاهزه
طارق : تعي لعندي قمر
قمر : نعم اخي
حضن طارق قمر ونزلت دمعه من عينه
مو مصدق انك كبرتي وصرتي عروس… لك ايمت كبرتي قمر
قمر بتبكي : قد ماكبرت رح ابقى الطفله يلي بتتحامى بضهر اخوانها
طارق وهو بيمسح دمعتها : لك انتي طفلتي المدلله والله ازا بسمع انه بيوم زعلك رح احسب الله ماخلقه
ابو ينال : لك بعدها ماكتبت كتابها وعم تقوي عينها تروك اختك ولا
طارق : ههههههه عم حيطها علم بس

ابو ينال : تعي قربي لعندي كف القمر
قربت قمر من ابوها وحطت راسها ع صدرو وبلشت تبكي
ابو ينال : ليش عم تبكي بنتي لسه اليوم خطوبه مو عرس
قمر : انا بحبك كتير بابا
ابو ينال : وانا بحبك ياروح ابوكي ..شوفي بنتي اليوم اسمك رح ينربط مع اسم زوجك كوني اله الزوجه الصالحه والام بحنيتها والاخت بخوفها والصديقه بنصحها واتزكري بنتي طول ما بتحترمي زوجك وبتقومي بواجباتك الله رح يرضى عنك وزوجك ونحنا رح نفتخر فيكي
قمر : ان شاء الله بابا… ونزلت باست ايدو وحضنته بقوه
ام ينال : لك اليوم خطوبه مو عرس شبكم رح تخلوني ابكي هه وانا ازا بلشت ابكي مابسكت 😭😭
وديع : كله ولا ست الحبايب تبكي قومي ام خدود روحي مع امك عالصالون وحاجتك غلبه
ام ينال : وينو ثائر
وديع : راح يوصل خطيبته للصالون وبعدا رح يروح يجهز امورو لكان ياعمي عريس اوعدنا يارب
ام ينال : ان شاء الله بفرح فيكن كلكن يا امي
طارق : فيهن هنه انا انسوني
ابو ينال : ماحزرت بس نخلص من خطوبة اخواتك

رح نشوفلك بنت حلال حاجتك عناد
طارق : بس اطمن عكل اخواتي بفكر اتزوج
ام ينال : لاتتعب حالك معه جواد ابنك راسه يابس
طارق : هلأ هيك يابنع الحنان
ام ينال : اي هيك وهلأ شرف وصلنا للصالون
طارق : وليش مايشرف قيس باشا شو من اولها
قمر : لا مافي داعي انا بدي انت توصلني اخي ☺️
طارق : لك مو على راسي شرفي قدامي ياست العرايس
┬──┬┬──┬┬──┬

قاعده بكل غرور وماده ايدها لفنية الاظافر يلي كانت عم تبردلا اظافرها وتعملا مونكير وبوديكير وبطرف عينها لمحت قمر وحماتها فايتين للصالون
بيسان : اهلين مرت عمي تأخرتو
ام ينال : حبيبة قلبي كيفك
بيسان : داعيتلك مرت عمي
ام ينال : لابقى تناديلي مرت عمي من اليوم ورايح بتناديلي امي ماشي
بيسان : حاضر امي
قمر : كيفك بيسان
بيسان : اهلين 😒
اخدو الصبايا قمر وبلشوا يجهزوها

اما بيسان كانت ناطره فرصه لتفوت على غرفة الغيار يلي فيها البدلات
قمر : لو سمحتي بدي ميكاب ناعم وخفيف
هديل (البنت يلي بتشتغل بالصالون) بس انتي عروس لازم مكياج صاخب ولا شو خاله
ام ينال : خليها ع راحتها بنتي وبعدين قمر اسم على مسمى مو بحاجة مكياج تقيل
بيسان : احممم وانا بدي ميكاب خفيف
هديل : يوه مو قلتي بدك الوان الخمري والدهبي
بيسان : هاه ايه بس غيرت رأيي بدي لون دهبي مع درجات الزهر
هديل : اي تكرموا صبايا
خلصت بيسان مكياجها قبل قمر وصار وقت تفوت لغرفة الغيار
استغلت انشغال الكل واخدت من شنتتها كيس وفاتت بسرعه وسكرت الباب من جوا
بيسان : وهلأ رح نشوف كيف قمر خانوم رح ترقص احلا رقصه مع شوك الصبر والقريص 😈
┬──┬┬──┬

ام ينال : ياحبيباتي طالعين بتاخدو العقل اسم الله يحرسكن
كانت قمر لابسه بدله موف ع قد الجسم من فوق وبتتوسع تدريجا لتحت مع مكياج هادي من درجات الموف وشعراتها ع طول ضهرها بتسريحه ناعمه وتاج ناعم
كلشي فيها كان بسيط وناعم لبسها مكياجها اكسسواراتها حتى ابتسامتها يلي بغمازات كانت ناعمه وبتسحر القلب
اما بيسان لبست بدله نفاشه بلون خمري مفتوحه من الضهر مع تسريحه خلابه ومكياج شبه ناعم واغلى انواع الاكسسوارات زينت فيهم اصابيعها ورقبتها وايديها
كانت بيسان ب احلى طله بس جمالها وانوثتها ماقدور يغطوا عالجانب الاسود يلي بقلبها
اخيرا طلعوا الصبيتين كل وحده بسيارة عريسها وام ينال طلعت مع طارق وانطلقوا للصاله
┬──┬┬──┬
قيس : مو مصدق انك قاعده حدي وبعد شوي حتصيري مرتي
قمر بخجل : وانا كمان
مسك قيس ايد قمر وباسها من كفها
ربي مايحرمني منك
قمر : ولا منــــ ااااخ اي اي
قيس : شبكي
قمر : مابعرف حسيت شي غزني بضهري
قيس : ليكون في دبوس عالق بتيابك
قمر : مابعرف هلأ بس نوصل بخلي زينب تشوف
قيس : اساعدك بشي
قمر : لااااا قصدي زينب بتساعدني شكرا قيس (⌒▽⌒)
ابتسم قيس وكمل طريقه للصاله
┬──┬ وبالسياره التانيه ┬──┬

ثائر : بحبك بيسان اخيرا رح تصيري مرتي وحلالي
بيسان : وانا بحبك ثائر بحبك اكتر من روحي
ثائر : سلامة روحك
بيسان : ياريت عملنا حفلة خطوبتنا لحالنا يعني ليش حفله مشتركه
ثائر : حبيبتي بوعدك بالعرس رح تكون حفله خاصه ورح تكوني انتي بس الاميره فيها
بيسان : يعني اليوم ماني اميره
ثائر : لك انتي اميرة كل النجمات

──██──────

وصلو للصاله وزفوهم بزفه تليق فيهم وبعدا اجا الشيخ كتب كتاب العشاق على بعض
ودخل المعازيم وبلشت الحفله والكل فرحان الا قلب كان مكسور ومجروح
وسيم بقلبه : يا الله شو طالعه حلوه يا زينب ليش القدر حرمني منك ليش 💔
♬♫♪◖(● o ●)◗♪♫♬
قيس : هلأ صرتي مرتي وحلالي لك انا بحلم ولا بعلم
قمر : ازا كان حلم يارب مافيق منه
قيس : لك علم حبيبتي والله علم وباسها من جبينها‏
طالما أنت هنا بجانبي أنا لا يهمني ما يحدث للعالم لا يهمني كيف نبدو أو كيف سنكمل هذا الطريق كل ما يهم هو أن نبقى معاً .. !💛
وسحبها من ايدها برقه لرقصة سلو
♡♬♡♬
ثائر : مبروك اميرتي
بيسان : مبروك عليي انت
ثائر : مبسوطه بيسان
بيسان : كتيررر ..ولمحت قيس وقمر بيرقصوا سلو
تعا نرقص حبيبي وشبكت ايديها برقبته وبلشت تتمايل عليه وتطلع على قمر وهي تحك بضهرها وجسمها وكأنها جربانه

بيسان بقلبها : ههههههههههه اي ارقصي حبيبتي ارقصي لسه ماشفتي شي
♬♫♪◖(● o ●)◗♪♫♬
قيس : شبكي قمر شو صرلك
قمر : ااااخ يا امي في شي عم يغزني
قيس : لك اهدي شوفي الناس كيف عم يطلعوا فيكي
ثائر : شبكي اختي
قمر : لا ولا شي اخي كان في دبوس علقان بالبدله وشلتو
ثائر : اي تمام
بلشوا الناس يتهامسوا ويطلعوا بقمر بنظرات استغراب
┬──┬┬──┬

زينب : خاله سعاد شبها قمر
ام ينال بتضرب ع خدها : لك ولي شو صرلا البنت هلأ ماكان فيها شي
زينب : لك شوفي كيف عم تحك حالها وكأنها من سنه مو متغسله
ام ينال : اضرب عليكي يابنتي
راحت زينب لعند قمر بسرعه وهمستلا تطلع معها
زينب : لك شوووو صرلك انجربتي وانتي بساحة الرقص
قمر وهي بتحك وتهرش بحالها : لك ااااخ كل جسمي عم يحكني ويغزني الحقيني زينب
زينب : افتلي ضهرك لشوف
مدت زينب ايدها وطالعتها بسرعه
اااخ العما بدلتك

كلا شوك وقريص
قمر : ومن وين اجا الشوك والقريص
زينب : مو وقت الحكي اشلحي بدلتك بسرعه قبل ماحدا يشتلق
┬──┬┬──┬┬──┬
قمر : لك شووو هاد البدله كلا شوك شو الحل هلأ
زينب : اهدي حبيبتي انا نازله للصالون يلي تحت الصاله رح استأجر بدله واجي فورا
قمر والدموع بعيونها : دخيلك لاتتاخري ولي على امتي على هالمصيبه
زينب : توكلي ع الله عشر دقايق وراجعتلك ابقي هون اي
قمر : ع اساس فيني اتحرك 😥
……… ..
طلعت زينب ولقت بوجهها ام ينال وطارق ووسيم ووديع وينال وعيونهم عم تتسائل شو القصه
ام ينال : شوفي لك بنتي شبها قمر
زينب : الهيئه في حدا معبيلا بدلتها شوك وقريص
ام ينال : ولييي ولييي على امتي
زينب : اهدي خاله وحاولي غطي ع غياب قمر انا نازله للصالون يلي تحت شوف ازا في بدله مناسبه ومارح اتأخر
ام ينال : الله يرضى عليكي يابنتي بسرعه دخيلك
هزت زينب راسها ونزلت عالدرج بسرعه ولحقها وسيم
♬♫♪◖(● o ●)◗♪♫♬
خلصت رقصة السلو واتجه العرسان لمكانهم وقعدو اما قيس كان عم يحرك كرافته شمال ويمين وهو مختنق
ينال : اهدى صهري هلأ بتجي قمر

قيس : لك وينهااا شو صرلا
ينال : بعدين بفهمك هلأ حاول تبتسم وتبين طبيعي وكأنها قمر فاتت عالتواليت
قيس : طيب ماشي

بنظرة شماته كانت تطلع لمكان قمر الفاضي وهي بترسم ابتسامة النصر ومن داخلها حاسه انها كسبت هالجوله وكسرت شوكة قمر قدام قيس بهيك يوم
♬♫♪◖(● o ●)◗♪♫♬

زينب : اختي ازا بتريدي بدي استأجر هي البدله
البياعه : على عيني بس ممكن هويتك لو سمحتي
ضربت زينب ع جبينها لانها نسيانه شنتتها بالصاله… طلعت من المحل بسرعه لتجيب هويتها وشافت وسيم واقف وعاطيها ضهره
زينب : وسسسيم
وسيم : ايه حبيبتي
زينب : نعم !!!!
وسيم : بعتزر منك فكرتك اختي قمر
زينب : مو مشكله معك هويه
وسيم : اي معي
زينب : عطيني ياها بسرعه
تناولت الهويه وفاتت للمحل واستلمت البدله
زينب : بست وسيم
وسيم : اي نعم
زينب : شو رأيك هي مناسبه
وفردتها عحالها لتاخد رأيه وماكانت عارفه انها عم تفتح جرح بعدو بينزف
بيطلع فيها وعم يتخيلها بيوم خطوبتهم لابسه البدله ومتجهه لعندو ليرقصوا رقصتهم سوا ويلبسها المحبس
بيحبس انفاسه وبيمنع دمعته انها تنزل
ا ا ايه ايه كتير حلو
زينب : لكان يالله بسرعه نرجع عالصاله
( ˘ ɜ˘) ♬♪♫
قمر : شووو صار معك
زينب : معقول ارجع وايدي فاضيه جبتلك احلا من البدله يلي كنتي لابستيها وبلون يتناسب مع مكياجك واهم شي بلا قريص هههه يالله بسرعه البسي
قمر : ربي مايحرمني منك يارفيقتي
┬──┬┬──┬┬──┬

ثائر : لك صهري صار وقت تلبيس المحابس وينها قمر
قيس :…… .
بيسان : 😈😈
قمر : انا هون اخي
بيلتفت الكل عليها وهي عم تتوجه لعند قيس وطالعه احلا من الاول
قيس : لك شوووو هاااااد 😍😍
ثائر : لك يسلملي القمر هي البدله احلا بكتير من الاولى
قمر : ههههه حبيت غير شكل 😉
طبعا مافي داعي قلقكن عن البراكين والزلازل والاعاصير يلي كانت بعيون بيسان وهي مبحلقه بعيونها وعم تطلع بقمر يلي سلبت كل الموجودين بجمالها
🔥🔥🔥🔥🔥🔥🔥🔥🔥
…… .
قيس وهو عم يلبس قمر المحبس
يارب ادوم ايامنا سوا ♡♬
قمر : ونبقى عطول جامعنا الهوى♡♬
وبصوت واحد .. يارب ادوم يارب ادوم ♡♬♡♬
┬──┬┬──┬

زينب : متأكده انك ورا هالشي يابيسان وانا مارح يهدالي بال لاكشفك على حقيقتك

ينال : احمم عم تحاكي حالك
زينب : ههههه
ينال : كيفك زينب
زينب : الحمد لله منيحه
ينال : ماصحلي باركلك بالنجاح ان شاء الله الف مبروك
زينب : الله يبارك فيك
ينال : وشو حابه تدرسي
زينب : نفسي كون محاميه لهيك رح ادرس حقوق
ينال : ممم تخصص حلو موفقه يارب
زينب : تسلم
ينال : وبالمناسبه طالعه متل القمر بيوم التمام
زينب بخجل : شكرا ☺️
ينال : عقبال مانفرح فيكي
اطلعت زينب على طارق يلي ماكان حاسس على وجودها اصلا
ايه ان شاء الله… الله كريم وعقبال عندك كمان
ينال : ان شاء الله قريبا 😍
┬──┬┬──┬┬──┬

*يتبــــــــــــــــ؏...*
➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_كف_القمر

*📖 ╏ڪـــــــــف الــــقـمـــــــــر🌕⚜️*

*📖╏#الـبــــ( 5 )ـــــــــارت*

➖➖➖➖➖➖➖➖➖ بقلم☜ امل_احمد

متل كل صباح بعد الموشح الصباحي والضحكات بينزل كل واحد لشغله بس هالنهار مارح يكون متل باقي الايام… خلونا نشوف القدر شو بعد مخبي لعيلة جواد
( ˘ ɜ˘) ♬♪♫( ˘ ɜ˘) ♬♪♫

ثائر : صباح الخير عماد
عماد : اهلين معلم يسعد صباحك
ثائر : شبك قالب خلقت