البـارت 51 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


دخلت بتول لغرفتها واتوجهت للحمام اعادت الوضوء ورجعت تكمل صلاتها بهدوء وجلست على السجادة تدعي : لك الحمد يارب على كل حال .. لك الحمد انك تركت لي خالة كريمة تخفف عني مصيبة امي وابي .. ووقت ما فقدتها معي من يوقف جنبي في هذه المصيبة .. .. الحمد لله انها ما ماتت وانا ما زلت وحيدة في هذا البيت ... الآن جنبي عمتي ومحمد وياسر ...

رحمة الله تغشاكم يا خالة كريمة .. يا رب صبرني ..

بدلت ملابسها ولبست الأسود وجلست على السرير تقرأ سورة يـــس ...

دخلت عليها امينة بهدوء وجلست جنبها : عظم الله اجرش يا بنتي ..

غلقت المصحف وباسته وابتسمت بحزن : الحمد لله على كل حال

امينة مسحت على راسها بحنية : ايوة هكذا اعرفش قوية ومؤمنة وصابرة ..

بتول بغصة: كيف ماتت .. من كان جنبها؟

امينة اتنهدت: كملت تصلي فجر وجت تدعيني .. قالت انها تاعبة وتنفسها ضيق ..

جلست عندها شوية وكانت توصيني ..
قالت لي : انتبهي لبتول يا امينة هي في ذمتش .. ما انا همية في هذه الدنيا لو مت الا بتول .. ابني سالم قده رجال وعيعتمد على نفسه .. اما هي عادها محتاجة حد يخفف عنها مصايبها ... من يوم الحادث لا عاد ابسرت ضحكتها مثل زمان ولا عاد حتى بكت سوا وخرجت اللي في نفسها

بتول غطت على وجهها وخنقتها العبرة ..

امينة بكربة : كل ما اتكلم مع كريمة تكلمني عنش ... واكثر ما كان يزعلها عليش انش كتومة وما تكلمي احد بأحزانش.. قالت انش تغيرتي عليها لانش زمان كنتي تكلميها بكل شي سعيد او حزين ...

حطت وجهها بين ركبها وحاوطت نفسها بايديها عشان تخفي دموعها المكتومة ..

دخل محمد بهدوء وأشر لأمه تخليهم لوحدهم ...

استغربت امينة وقربت لعنده وبهمس : بس مش انتوا ...

قاطعها بهمس : برجع احاكيش ..

خرجت امينة وغلقت الباب وهو اتوجه لعندها وسحب الكرسي وجلس عليه ... : بتول ...

بتول :....

محمد بغصة : بتول يا حياتي ... يا قلبي

بتول ما قدرت ترفع راسها .. خايفة لا احد يشوف دموعها

قام من الكرسي وجلس جنبها على السرير وحط يده على ظهرها : اسمعيني يا بتولي .. شوفيني ... واذا ما تشتيني جنبش اتحاكي واطرديني.

رفعت راسها ببطء ولفتت لعنده وبكربة : خلــ ـيـ ـك

محمد نزلت دموعه لما شاف وجهها وباين عليها الحزن ووجهها احمر وعيونها ذابلة .. فمها مشدود عشان لا تبكي ..

شافته دمعت عيونه لما شافها وما اتحملت ونزلت دموعها بتمرد ..

ضمها بحنية وانفجرت بكاء ... مسكت جاكته وغطت به وجهها واستمرت بالبكاء بصوت مسموع يقطع القلب ... محمد شد عليها وبكى معاها لمدة ربع ساعة تقريبا ..

حس بجسمها ثقل وعرف انها استسلمت للنوم ...

بعدها من حضنه بهدوء ومددها برفق على السرير وغطاها باليرقان ... اتأمل وجهها اللي باين عليه الإرهاق .. ابتسم بحزن : الحمد لله انها خرجت اللي بقلبها وبكت ... يااارب اعصم قلبها وقدرني على اسعادها ...

فتح باب الغرفة بهدوء وخرج وغلق بعده بهدوء .. لفت لوراه وشاف ياسر متكتف ومرتزح على الجدار ...

مسح دموعه بسرعة : مالك ما قد رقدت

ياسر بعد من الجدار ووقف امام محمد وبحزن : ارتاحت وخرجت اللي داخلها ..

محمد نزل راسه : الحمد لله ... نامت

ياسر مسك كتفه : واين عتروح الآن ... ليش ما تبقى عندها؟

محمد شافه باستغراب : ليش؟

ياسر اتنهد : هي محتاجة لك انت في هذه الفترة ... انت اللي قدرت تخليها تبكي وترتاح

محمد : انا شاخلي امي تجي عندها ترقد الليلة .. عشان ترتاح

ياسر بعد يده من كتفه وبانفعال : لمتى عتبقوا هكذا يا محمد ... خلاص قد قررتوا تعيشوا مع بعض مثل اي زوجين ... ايش عاد باقي

محمد مشى : مش وقت هذا الكلام يا ياسر ...

ياسر باستسلام : عنبسر وين عتوصلوا

...

بعد يومين .. الليل ..

امينة : بكرة اول يوم في رمضان ...

بتول : الله يدخله علينا بالبركة والرحمة

امينة : يااارب ... والله قد انا فاقدة لرمضان ... وبعدا اول رمضان عندكم ..

بتول ابتسمت : حياكم الله ... الحمد لله الذي عوضني بكم .. والا كان هذا الرمضان عيجي وانا وياسر لحااالنا في البيت

امينة بتردد : ما عاد قلتوا على عرس ياسر ... كأنكم ناسين الموضوع

بتول بحيرة : مدري كيف .. مع الموت ما عاد ذكرنا شي .. حتى ما عاد فعلنا خطوبة ..

امينة بزعل : بين افكر لو تأجلوه شوية ... يعني بين احس ان الوضع مش مناسب وياسر نفسيته تاعبة بعد كريمة الله يرحمها ..

بتول بحزن : شاكلمه ونبسر كيف ..






















📚 @rewayatyamania 🇾🇪

البـارت 52 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


عند محمد ...

محمد : ... وهذا كل اللي حصل يا صاحبي ..

ايمن بإبتسامة : يعني سبرت امورك ..

محمد اتنهد : تقدر تقول هكذا ... قد اتفقنا نعتبر عرس ياسر بداية جديدة لنا ... وشازفها الى بيتي ... ونعيش حياتنا

ايمن بفرحة : الصدق ان انا فرحت لك قوي ... وانت تستاهل كل خير ... بس ما تحسها صعبة عليك ان مرتك تكون مديرة عليك

محمد ضحك : الشغل حاجة والبيت حاجة ... حتى في العمل من زمان ما بتتأمر زيادة وتهنجم ... بالعكس متواضعة مع الكل كأنها واحدة منهم

ايمن ضحك: ايوة تمدح فيها ... شرجع اخلي مرتي تجي تتعرف عليها ...

محمد بغيرة : اهجع لك .. مش لما تتزوج اولا ... قدك معنس

ايمن لوى فمه : اسمعوا من يتكلم ... اللي يسمعك يقول قد معك جيش جهال

محمد : هيا هه بغير مفراغة ... دور لك مرة واتزوج ...
شاف ساعته : اووه اتأخرت خاطرك ..

ايمن ضحك : خايف المديرة لا تصيح فوقك والا تنقص عليك المعاش هههههههه

محمد اخذ الكيس ورماه في وجهه : عليك ما تستحق ... مع انك ما يصلح لك الا قمامة مثل وجهك بس ودفنا واشترينا لك هدية ... ومشى

ايمن اخذ الكيس وفتحه شافها ساعة وصاح له من بعيد : شوكراااان .. يا حمااااااار

محمد ضحك بقلة حيلة وواصل طريقه ...


وصل البيت وشاف امه منتظرة له : مساء الخير

امينة متكتفة : وين انت الى الآن .. ولا بترد على تلفونك

محمد رفع تلفونه: اوه اسف والله كان مصمت .. كنت مع ايمن

امينة اتنهدت : قلقت عليك ...

قاطعها وهو بيحب راسها : سامحيني والله ما كان قصدي ... نسيت نفسي مع ايمن .. قد لي منه خيرات

امينة ابتسمت برفعة حاجب : دائما انت هكذا تضحك على عقلي بكلمتين ... بس سهل دام انت مع ايمن ...

ابتسم باعتذار : خلاص بكرة رمضان هيا نسير نرقد ...

امينة : اولا اشتيك تشرح لي التطور اللي بينك وبين مرتك

محمد ارتبك وانحرج : ضروري ذلحين يماااه؟؟

امينة رفعت حواجبها: الآن ..

محمد بقلة حيلة : طيب .. تعالي ندخل الغرفة وافهمش

مسكت يده ودخلته للغرفة وجلست امامه بحزم : يله

محمد اخذ نفس : لما سرنا مصر جلسنا في جناح واحد ... واتكلمنا كثيير وكأن كل واحد مننا يعرف الثاني لأول مرة .. ارتحت لها قوي وهي كذلك ... وبعدين اتفقنا نبدأ بداية جديدة من يوم عرس ياسر وتجي لبيتنا ...

امينة ابتسمت بفرحة : الحمد لله رب العالمين .. دائما كنت ادعي ربي يوفق بينكم ... حتى كريمة كانت تتمنى تشوفكم مع بعض وتشوف جهالكم ... بس قل لي ... انت متأكد انها راغبة فيك ... بين احسها باردة قوي تجاهك

محمد : ايوة تأكدت منها هي .. بس امانة لا تقلي لها انش عرفتي .. خليها براحتها لانها بتستحي قوي ... وبرودها عيتغير مع الوقت ... هي ما بلا مع المصايب اللي وقعت بها لاعاد تضحك ولا تفرح ولا تتكلم كثير ..

امينة : الله يرضى عليك يا محمد ... ويسعدك دنيا وآخرة .. واكثر شي عجبني فيها انها مؤمنة وقريبة من الله مع انها غنية ومعاها الف شغلة وعملة .. بس دائما مرتبطة بالله ...

محمد ابتسم بحب لما ذكرها ... واتذكر ريتا وكيف كانت وكيف صارت ... : يله تصبحي على خير يا احلى ام في الدنيا ...

....

نام البيت كله

.....

قبل الفجر بساعة ..

قامت بتول واتوجهت للحمام اتوضت وخرجت ... : كيف افعل بالسحور الآن ... ما اعرف كيف اطبخ .. والا ما اعمل ... الله يرحمش يا خالة كريمة .. ما لرمضان طعم بدونش ...

خرجت من غرفتها بهدوء ونزلت من الدرج وهي متوترة .. مش عارفة كيف تفعل ..

دخلت المطبخ واتفاجأت بأمينة في المطبخ بتسوي السحور : سلام ..

لفت لها بابتسامة : وعليكم السلاااام .. مالش قمتي ما قد هو وقتش ...

بتول بتوتر : اصلا وقتت تلفوني على هذا الوقت عشان افعل السحور ... يعني ما توقعت ابسركم هنا .. حتى انتوا مشو وقت قومتكم

امينة لاحظت توترها : قذا بين افعله .. اطلعي قومي اخوش

بتول بإحراج : خليني اعاونش اول

ابتسمت : طيب سوي عصير .. وجهزي التمر ..

بتول : حاضر
فتحت التمر وخرجت لصحن وغسلته وحطته في الصحن الكبير .. فتحت الثلاجة واخذت علبة (سن كويك) عشان تعمل منه ...

اخذت جاك العصير بتردد ومش عارفة كم تحط ...

سكبت شوية ورجعت تشوفه وزادت فوقه ...

سمعت همس من وراها : هذا كثير ... عيوقع حامض قوي

نكزت ولفت لوراها وشافت محمد وانحرجت : يعني انقص ..

محمد ابتسم واخذ الجاك ورد منه شوية للعلبة وواصل سكب سكر واضاف الماء البارد وحركه ...

وبتول بتراقبه بصمت وإحراج ..

اخذ قلص وسكب شوية وطعمه : ايييوة هكذا ..
ناول بتول القلص : اطعمي اذا ناقصه شي

اخذته بإحراج واخذت رشفة وابتسمت : سااابر

لفتت لهم امينة بابتسامة لما ذكرت كلام محمد حق الليل : ...




















📚 @rewayatyamania 🇾🇪

البـارت 53 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


لفتت لهم امينة بابتسامة لما ذكرت كلام محمد حق الليل : يله كملت .. تعالوا نتسحر

بتول بهدوء : انا شاتسحر مع ياسر ..

امينة ناولتها الصحن : قد نقصت لكم انتي وياه .. اطلعي قوميه واتسحروا

اخذته بإبتسامة : تسلم يدكم .. تعبناكم ... بس من بكرة شاخلي واحدة تجلس في البيت عشان تكون تعمل السحور ...

امينة : ولا احد يجي ولا شي ... شاكون افعله انا ... انا متعودة سحور رمضان ما يعجبني الا افعله انا

بتول : بس ...

قاطعها محمد: لابس ولا شي ... وانا شاساعد امي والكل ..

بتول انحرجت من نفسها : براحتكم ..
وطلعت ..

محمد لفت لأمينة : هي اصلا محرجة منش لانها ما بتقدر تساعدش

امينة ابتسمت : عارفة عارفة .. مش هي متعودة تدخل المطبخ او تطبخ ابسط شي .... بس انا اعذرها كان دائما معاها خدم وهي عادة مشغولة وما معها وقت لشغل البيت

محمد ضحك : ولا لش الا اعلمها على كل شي .. تعرفيني كيف طباختي تجنن ..

امينة : ولا تحرجها ولا شي ... عادي عندي اهم شي انها اخلاقية وصاحبة واجب ... اتخيل انها كانت نازلة تسوي السحور وحدها ... ما انا دارية ما كانت عتفعل

محمد عجبه عقل امه وتفهمها .. حب راسها : هيا امي تعالي نتسحر .. قده عيأذن واحنا بنتجابر ..

......

الصباح الساعة ثمان ...

قام كل واحد وجالس في غرفته بيقرأ القرآن بهدوء ...

مرت ساعة وخرجت بتول ونزلت للمطبخ ولفلفت الصحون حق السحور وحطتهن في المغسل وفي نفسها : والله انه عيب عليا اخلي عمتي تسوي كل شي ... بس كيف افعل؟

شوية ودخلت الشغالة وابتسمت : صباح الخير

لفت بتول لها : صباح النور ... ورمضان كريم

الشغالة بعدت البرقع : على الجميع .. العفو منكم اتأخرت .. بس خفت لأن الشوارع فاضية في هذا الوقت حينه رمضان

بتول ابتسمت : سهل مش مشكلة .. كملي عملش وروحي بيتش وجي بعد العصر تتعاوني مع الباقيات عشان الفطور ...

اتنهدت : الله يرحمها خالة كريمة

بتول بحزن : الله يرحمها ويحسن اليها .. بس هه .. لا تبدأين تفعلين الفطور الا لما اكلمكم ... تمام

الشغالة : امركم ...

خرجت بتول من المطبخ واتوجهت لغرفتها وبدلت ملابسها عشان تروح الشغل ..

اخذت شنطتها واوراقها وخرجت من الغرفة ونزلت من الدرج وشافت البيت هاااادئ : معقولة عاد ياسر ومحمد راقدين .. ناسيين الشغل

لحظات وخرج محمد : صباح الخير

بتول لفت له: صباح النور .. شاطلع اداعي ياسر شكل عاده نوم

نزل ياسر من الدرج باستعجال وهو بيصلح ازرار اكمامه : هيا يله جاااهز

بتول : قد اخرنا الدوام للساعة عشر عشان تجهزوا ..

ياسر مسك خدودها : خلاص يا حضرة المديرة جااااهزيييين ...

محمد بهرر فوقه تلقائيا

ياسر ضحك وغمز له : والمعنى

محمد حس على نفسه ونزل بسرعة : اقطبوا ..

بتول ما شافت حركة محمد وما فهمت قصدهم
ونزلوا كلهم

ياسر في نفسه : يارب اسعدهم ... بس والله لا استغل هذا واحرجهم .. رووحي الإحراجات ..

شافته بتول مبتسم : ما قد معانا ..

ياسر ابتسم بخبث : شارويش انتي ومحمد

بتول طنشته وطلعت السيارة ورا .. وياسر طلع جنب محمد : انطلق

.....

بعد العصر ...

بتول نزلت للمطبخ وشافت الشغالات بينظفين المطبخ ويجهزين الفطور : السلام عليكم

الكل بإبتسامة : وعليكم السلام ورحمة الله وبركاته ..

بتول ابتسمت لهن : بارك الله فيكن ... اعملين من كلللل شي وكثرين بحيث يكفي تقريبا خمسين شخص

واحدة منهن : ليش به عزومة؟

بتول ابتسمت : تقريبا .. اركن عليش يا مريم انتي طباخة ماهرة .. اشرفي عليهن ...

مريم : طيب ...
.

طلعت بتول للصالة وجلست على الكنبة وبتشتغل على اللابتوب


بعد ساعة ...

جت امينة لعندها وجلست على الكنبة المجاورة لها : كيف لش جالسة هنا اليوم

بتول بعدت النظارة ومسكت على عيونها بإرهاق : بس ضبحت من الغرفة وقلت اغير مكاني

امينة بنصح : الا كنت اشتي اقول لش ... ابسرت الشغالات بيفعلين اكل خيرات .. ولما سألتهن قالين انتي قلتي لهن .. حرام ما يجوز هذا الأكل كله احنا الا قليلين

بتول ابتسمت : انا قلت لهن ان به عزومة عشان يتمعنين في الأكل ويكثرينه ... بس انا عشان ادي لكل واحدة منهن فطور لبيتها ... حرام بيجلسين هنا يشتغلين والله اعلم اي حين بيبسرين بيتهن ...

امينة اتنفست بارتياح : الحمد لله ... خفت لا تكوني من الذي بيسرفوا في الأكل في رمضان .. حرام ان به ناس تقلي الا في مجاعة يسووا من كل شي وبكميات ويراجموا للقمامة ... يعني بدل ما يكسبوا اجر في رمضان بيزيدوا اثم

بتول : ولا تخافي ولا شي .. احنا عيجي لنا قدرنا مثل مايدة اي واحدة منهن ... وأكلنا وأكلهن واحد وزد شاوزع للحارة

امينة : بارك الله فيش .. بس نشتي نشارك احنا في الأجر كيف نفعل؟

بتول : ...
















https://tttttt.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 54 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


امينة : بارك الله فيش .. بس نشتي نشارك احنا في الأجر كيف نفعل؟

بتول : قد فكرت ان احنا نكثر السحور وندي للحرس المناوبين عندنا بيتسحروا كدم وشاهي

امينة بتفكير : ايوة ممكن ... ومن بكرة ان شاء الله نعمل هكذا

بتول : ان شاء الله ..

طلعت بتول لعند ياسر وهو جالس على اللابتوب : مشغول؟

ياسر لفت لها: عشانس نفضى .. اتفضلي ..

بتول : بدون مقدمات اشتي نتفق على العرس ... يعني نأجله او كيف؟

ياسر ابتسم : لا ما عنأجله ولا شي ... غمز لها : وقده عرس ثنائي

بتول طننت وبهررت : ما دراك؟

ياسر ضحك : قالت لي العصفورة

بتول بخزا : طيب وحفلة الخطوبة ..

ياسر حك راسه : والله يا أختي العزيزة اتفقنا انا وعمي وانتي في مصر ان الخطوبة والعقد تكون في ليلة 27 رمضان عشان البركة

بتول بتفكير : يعني ما عاد عيخلوك تشوفها لأن العرس عيكون قريب .. مسكييييين

ياسر بتحدي : ما حزرتي .... والله لا ابسرها غصبا

بتول : والمهر والكسوة والـ...

قاطعها : قد مكنتهم المهر وهم يسدوا

بتول بعصبية : وانا اين من هذا كله؟ ما عاد بلا تتزوجوا وانا مالي علم ..

ياسر : انتي عارفة بالظروف ... ما كان في مجال ... السفر بعده الموت والمشكلة حق قيس

بتول ذكرت المشكلة وحاولت تهدئ نفسها : ما عاد اتصل لك قيس؟

ياسر اتنهد : اتصل لي يستعجلني اجي مصر وانا ماطلته

بتول : قله ما عاد نتعاقد معه ... وكل واحد في طريق ...

ياسر شافها بضبح : وليييش ... ابي ما كان يتعاقد الا معه ... وكل مصالحنا معاهم ..

بتول بهدوء : مش هي الشركة الوحيدة في مصر .. صدقني انهم كانوا بيسرقونا طول هذه السنين ...

ياسر قاطعها : يعني ايييش؟

بتول بتردد : اتعاقدنا مع شركة ثانية في مصر

فتح عيونه عالآخر : مااااااهوووو؟

بتول قامت : ما كان معي وقت افهمك الموضوع وصدقني هذه الصفقة احسن وافضل لنا ... قد درستها من كل الجهات ... والحاج محمود افضل بكثييير من قيس وهمه المواطنين وبس ...

ياسر سكت وبدأ يهدأ: خلاص نتكلم في هذا الموضوع بعد الفطور

بتول شافت ساعتها : اوه بنزل المطبخ ... خاطرك

.....

نزلت للمطبخ وشافت البنات قد هن عيكملين : ريحة الأكل تجنن .. تسلم الأيادي ..

مريم ابتسمت : الله يسلمك ..

بتول: الآن قسموها على عشر وجبات تكفي الوجبة الواحدة لعائلة
وخلوا الحاجات الحامية لما يقرب الأذان

واحدة من البنات : بس انا ضروري اروح اشوف بيتنا ايش يحتاج ... ما قد سويت لهم شي

بتول ابتسمت : لا تقلقي ... كملي شغلش ..
والوجبات اساسا هي لكن ... انتين خمس .. كل واحدة بتاخذ وجبة لبيتها

البنات فرحين كلهن

مريم باستغراب : بس مش قلتي معاكم عزومة

بتول ضحكت: ايوة عزومة وانتوا ضيوفي ... استعجلين لان المغرب قرب

كل واحدة اسرعت في عملها وهن فارحات ...

ــ ما اسوأ الناس الذين لا يهتمون بمشاعر الفقراء .. لا يهمهم ان يرى الفقير نعمتهم ويشم طعامهم ويرمي بفضلات موائدهم بأمر منهم .. ثم لا يجد منها شيئا ليأكله ــ


قبل الأذان بدقائق ..

مريم بتلبس عبايتها ومستعجلة : ايش عاد تحتاجوا .. عنرجع بعد الفطور عشان نغسول ..

بتول: سلامتش بس خذي هذه الوجبتين للحراس اللي عند الباب ..

مريم شافت الوجبتين : اممم .. طيب باخذ الوجبات هذه للحرس وارجع لحقي ما شاقدر احمل كل شي مرة

بتول ناولتها وهي اخذتهن لعند الحرس بخوف وحياء.. شافت امامها سالم وبصوت واطي : لو سمحت

سالم لفت لها ورجع نزل نظره : ها يا اختي اي خدمات؟

مريم قربت وناولته الصحون : خذ هذا الفطور حقكم

قام من مكانه واخذ الصحون من يدها : يسلموا .. بس قد معانا

مريم بصوت واطي : قالوا لا عاد تكنوا تشتروا فطور .. كل يوم عيكون يجي لكم فطور من البيت

سالم بتلقائية : وعتكوني تديه انتي لعندنا؟

مريم ارتبكت : لا لا .. مدري ..

سالم حس على نفسه : خلاص انا شاكون اجي له ... لا عاد تجي لهنا المكان ملانه رجال وحراس

مريم خطت بدون ما ترد وهي بترجف وروحت للبيت ..

...

بتول منتظرة في المطبخ وبتشوف ساعتها : اوووف مالها اتأخرت مريم .. قد المغرب عيأذن ..

اتصلت لسالم : الو سالم

سالم : ايوة

بتول : قد جاء الفطور لعندكم؟

سالم : ايوة اسلموا

بتول : طيب وين البنت اللي مكنتكم الفطور؟

سالم بقلق : روحت .. ليش؟

بتول باستغراب : يوه مالها نسيت فطورها ... الله يحفظك يا سالم تروح لبيتها طيران تمكنها الفطور قبل الأذان .. شكلها نسيت

سالم : بس ما اعرفش بيتها

بتول : يوه الا تعرف هم بيت الــ...

سالم : هاااه خلاص جايي الآن

قام سالم بسرعة واخذ الفطور من جنب الباب ..


عند مريم ..

دخلت البيت وهي مستعجلة لان الوقت اتأخر ... شافت امها وهي في المطبخ بتسكب الزبادي فوق اللحوح عشان تسوي شفوتة ..

ام مريم بقلق : ...





















📚 @rewayatyamania 🇾🇪

البـارت 55 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


عند مريم ..

دخلت البيت وهي مستعجلة لان الوقت اتأخر ... شافت امها وهي في المطبخ بتسكب الزبادي فوق اللحوح عشان تسوي شفوتة ..

ام مريم بقلق : وين لا ذلحين يا بنتي اتأخرتي

مريم : كان معانا عمل كثير .. و ..
شهقت وضربت جبينها : اوووه والنسية .. ايش الفطور؟

ام مريم باستغراب : الفطور شفوت وتمر .. قده احسن ما معانا .. ليش ما نسيتي؟

مريم بزعل : كان قد جهزوا لنا فطور من كل شي وانا نسيته عندهم

ام مريم : سهل يا بنتي .. احنا متعودين على هذا الأكل .. وقدش انتي بتصرفي علينا انا وابوش كثر الله خيرش مش محتاجين صدقة من احد

مريم بزعل : خلاص شاسير اتوضى ..
وفي نفسها : كان نفسي في هذك الفطور لكم ...

توجهت لغرفتها وقاطعها دقة الباب ..
استغربت وسارت تجاوب : من؟

سالم : انا سالم .. نسيتوا فطوركم وجيت اديه

مريم بفرحة بانت في صوتها : شكرا اسلموا اطرحه عند الباب

سالم ابتسم من فرحتها وفي نفسه : ما اصعب حياة الفقر ... الله يفرجها علينا وعليكم ...
طرح الأكل ورجع للفيلا

فتحت الباب وسحبت الصحن لداخل وغلقت ...

اتوجهت للمطبخ وفي يدها الفطور بابتسامة : لحقونا به ... الله يمه ...اكيد عيعجبش لانه طباختي

ام مريم ابتسمت واستنشقت الشم بعمق : اكيييد من ريحته يجنن ..

حطت الفطور بفرحة وراحت تتوضى ..

اذن المغرب وخرجت من الحمام وراحت لغرفة ابوها وامها وهم منتظرين لها ..

قربت من ابوها وحبته في راسه وسندته على كتفها وقومته من مكانه وجلسته على المايدة ...

ابو مريم بتعب : قدنا ميت جووع ... الله والفطور .. من اين جاء

مريم بتردد: ادوه لنا بيت الـــ ...

ابو مريم بحدة : صدقة !!!؟؟

مريم : لا لا .. مش صدقة .. هذا قالت بتول ضيافة .. وباقي رمضان عتكون تدي لنا كل يوم وهو اجر يومي .. والأجر الشهري على ما هو

ابو مريم اتنهد : آخ بس .. هذه الإعاقة عتقتلني ضبح ... تعبتش يا بنتي .. كان المفروض انا اللي اصرف عليش واخليش تكملي جامعتش ... بس والله انش بألف رجال

مريم حبست بكاها : طول عمرك ما قصرت معانا يا ابي ... ودرستني الى ثالث ثانوي وما حرمتني من شي ..والآن دوري ارد الجميل

اتنهد واخفى دموعه ..

ام مريم : يله بسم الله ... ابدأوا

......

بعد العشاء ...

ياسر بهدوء : رويني يا بتول اوراق الصفقة اللي عملتيها مع الحاج محمود

بتول لفتت لمحمد وقامت : خليني اجيب اللابتوب من الغرفة .. وراحت

محمد لفت لياسر بابتسامة تفاؤل : امانة انك عتكيف على هذه الصفقة .. وصدقني عتكبر الشركة اكثر لما نبدأ التبادل بيننا وبينهم

ياسر عقد حواجبه : يعني استيراد وتصدير ... مش على اساس انه تصدير وبس

محمد بحماس : لاااا .. التصدير اللي قصدك منه حتى هو اختلف مع الحاج محمود ... كان على اساس بنصدر مواد خام لمصر ومنها لدول اوروبا ... صح

ياسر بيحاول يفهم : ايوة صح .. ليش .. اختلف؟

محمد بنفس الحماس : ايوة اختلف كثييير ... بهذك الطريقة كان لا اليمن ولا مصر مستفيدة من هذا التصدير .. يعني احنا لازم نحارب تصدير المواد الخام للخارج لأن هذا زي ما نعرف بيضعف اقتصاد البلاد ..

ــ في هذا الوقت جت بتول وجلست على الكنبة وبيدها اللابتوب وفتحته بتدور الملف ــ

ياسر لفت لمحمد بإهتمام : ايوة واصل

محمد : وكمان مصر مش مستفيدة من هذا .. والحاج محمود يهمه بلده واقتصادها... وعلى هذا الأساس اتفقنا نصدر لهم منتجاتنا المحلية مثل الفواكه والبن حتى الألبان والأسماك ... وايضا من الدول العربية المجاورة لنا واللي يشتي يتعامل معانا

ياسر بدهشة : بالفعل شيء جميل .. بس ايش مصلحة الحاج محمود من هذا ... يعني التسويق للمنتجات العربية مش رائج مثل السلع الأجنبية

بتول واصلت كلام محمد بعد ما شدها نقاشهم : هذا بسبب قلة وعي في الشعوب العربية ... ما بتفكر تدعم نفسها اطلاقا ... والدعم للمنتجات الأجنبية حدددث ولا حرج ... مع انها في بعض الاحيان بتكون الجودة متقاربة اذا ما كانت جودة المنتج المحلي اعلى

محمد واصل كلامها : والإستيراد حيكون من منتجات مصر ودول الشام العربي والمغرب العربي لعندنا ومن عندنا نوزع بريا لليمن ودول شبه الجزيرة ...

ياسر : بس لازم تصاحب هذه الحركة الجريئة حملة اعلامية وتوعوية لكل الدول العربية ...

محمد : وايضا لابد من ان احنا نشغل مصنع التعليب والتخزين للفواكه


بتول فتحت على الملف وناولت اللابتوب لياسر : وهذه تفاصيل الصفقة

اخذ اللابتوب وبدأ يتفحص الأوراق ..

محمد وبتول شافوا لبعض وابتسموا بإرتياح ان ياسر فهمهم وتفاعل معاهم

ياسر لمحهم وبنزاغة : ما معانا للضحوكة ذلحين .. والا نزل الحب فجأة

محمد لفت له : ابسر عملك وما لك دخل

ياسر ابتسم : ايوة ايوة ...










https://tttttt.me/joinchat/AAAAAEIz_KDfjDgo7Gaxwg








📚 @rewayatyamania 🇾🇪

البـارت 56 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


محمد لفت له : ابسر عملك وما لك دخل

ياسر ابتسم : ايوة ايوة ... تشتي تجابر اختي براحتك وانا ساكت ... عييييب قللللة حياااء

محمد مسك يدها وباسها عشان يحانك ياسر : مرتييي ما لك دخل

بتول حمرت وخضرت وزرقت وبردت وحميت 😂 : اناا معي عمل في المطبخ ... خا. خاطركم ..

بعدت يدها من محمد وخرجت من عندهم بسرعة ونزلت للمطبخ جرييي

محمد بسر لياسر ومن بين اسنانه : خبيييييث ... نزززززغة

ياسر غمز له : وانت عادك اخبث .. ابسر كيف خليتها طماطة

محمد ابتسم : اكثر شي احبه فيها خجلها وحياءها .. وروحي لما يحمر وجهها

ياسر اتحانك لانه كان يشتي يحرجه وما قدر : قرحت في راس اختي

...

عند بتول ..

ماسكة على قلبها وبتتنفس بقوة : الله يقلعكم..

مريم قربت منها بخوف : مالش .. فيش حاجة

لفت لها بابتسامة مرتبكة : لالا انا بخير

مريم : بس ليش حمراء هكذا وبتعرقي

بتول : اسلمي اسلمي ... ما فيني شي

مريم بعدم تصديق : طيب ... كملنا نغسول .. تحتاجي حاجة ثانية؟

بتول : تسلم اياديكم ... ولا شي ... بس نسيت اقل لش .. ليش ما عاد رجعتي للفطور .. نسيتيه

مريم ذكرت موقفها اللي احرجها ونساها الفطور : ايوة نسيته كنت مستعجلة

بتول بصوت واطي : الا قولي لي كيف حاله ابوش ... ما بيخرج من البيت

مريم بحزن : بعد ما بتروا له رجله ما عاد خرج ... وقده ضاااايق من البيت

بتول مسكت على كتفها : طيب انا معي له عمل ...

مريم بفرحة : صدق! !" بس هو...

قاطعتها بتول : ما يحتاج وقفة او مشي ... قريبا ان شاء الله عنشغل المصنع اللي توقف من زمان ... ولان ابوش كان بيشتغل فيه عيرجع له

مريم دمعت عينها ومسحتها بسرعة : شاقل له بالخبر واكيد عيفرح برجعة المصنع زعل قوي لما حرق المصنع واتوقف عن العمل

بتول ابتسمت واتكتفت : وبالنسبه لرجله المبتورة .. شاحجز له في المستشفى يركبوا له طرف صناعي .. وهذا من حقوق التأمين الصحي له ... يعني الشركة ملزمة تعالجه لان اصابته كانت داخل المصنع

مريم طارت من الفرحة ومش مصدقة نفسها

بتول ابتسمت بفرح : يله روحي يا قمر لبيتكم ...

مريم بامتنان وعيونها امتلت دموع : لابد من يوم وارد لش جمايلش علينا

بتول ابتسمت : اكيييد بنحتاجكم في يوم من الايام

راحت مريم وقلبها كله فرح ..

..

تسرييييع للأحداث..

قبل العقد بثلاثة ايام ...

بتول جالسة على كرسي في حديقة الفيلا قبل الفطور بساعتين ..

وصلتها رسالة على الواتساب من رقم غريب .. فتحتها على طول لانها متعودة على الأرقام الغريبة : اتركي محمد لأنه بيحبني انا وما اتزوجك الا عشان الفلوس

بتول دق قلبها لما قرأت الرسالة .. ورجعت طنشتها

وصلتها بعدها رسالة ثانية من نفس الرقم: رجااااء اتركينا في حالنا وخلينا نتزوج ... ما نشتي منك لا معاش ولا شي ..

بتول اترددت شوية ورسلت : طيب وايش المطلوب؟

.....: اطلبي منه الطلاق وبس

بتول : وليش ما تطلبي من حبيبش يطلقني .. اعتقد انها طريقة اسهل 😏

........ : طلبت منه بس هو ما يشتيش يتركك عشان فلوسك

بتول : اعتقد انش واحدة فارغة وما معش مهرة .. الناس في رمضان شهر العبادة

غلقت النت بضبح وقامت قربت من الزهور وبتتلمسهن وطنشت الكلام ..


وفي الليل...

كانت بتول لابسة بجامة قطن لون كحلي .. اخذت الشال الفرو وتلفونها ونزلت للحديقة على ضوء القمر .. كانت دائما تعشق هذا الجو وتحب تختلي بنفسها وتراقب القمر والنجوم..

جلست على كرسي طويل زي المدرهه .. وركت راسها على الحديدة اللي على يمينها ورجلها في الأرض بتحرك المدرهة وسرحت في انسجامها ..

قاطعها صوت رسالة لتلفونها من نفس الرقم الغريب ..

فتحتها وشافتها صورة لمحمد في كافيه مع بنت ... بس البنت مقفية ومش باين منها شي ومحمد مبتسم ..

شدت على التلفون بقوة واتنفست بهدوء وفتحت جهات الإتصال واتصلت لمحمد ... ثواني وجوبها : ايش ذكركم بنا

بتول بحزم : انزل للحديقة بهدوء .. انا في انتظارك

محمد باستغراب : طيب ... ثواني وانا عندش ..

غلق الخط وقام لبس من فوق بجامته جاكت ونزل للحديقة ... شافها على المدرهة ابتسم وقرب منها وجلس جنبها : الجو خياااال ... وانا بين اقل ليش دعيتيني ..

بتول بهدوء وعينها على القمر: محمد

محمد وعينه عليها : عيونه وقلبه

بتول بنفس هدوءها : انا من كثر ما تعرضت للخيانات في حياتي ما عاد اتأثر ... ودائما اخلي قلبي بعيد عن الناس عشان ما يتأذى اكثر

محمد باستغراب : ايش مناسبة هذا الكلام .. حصل شي جديد؟

بتول : وانا ابدا ما اتهم احد بدون ما اترك له فرصة يبرر عن نفسه ... واعامل كل واحد بمعزل عن الناس .. عمري ما حملت احد ذنب حد غيره

محمد : بتول يكفي ألغاز ... اتكلمي بوضوح

بتول فتحت المحادثة ومكنته التلفون ...






















📚 @rewayatyamania 🇾🇪

البـارت 57 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


بتول : وانا ابدا ما اتهم احد بدون ما اترك له فرصة يبرر عن نفسه ... واعامل كل واحد بمعزل عن الناس .. عمري ما حملت احد ذنب حد غيره

محمد : بتول يكفي ألغاز ... اتكلمي بوضوح

بتول فتحت المحادثة ومكنته التلفون ...

اخذه باستغراب وعينه على ملامحها الهادئة ...
بدأ يقرأ من اول المحادثة وهو معقد حواجبه .. لفت لها : يعني صدقتي

بتول بهدوء: كمل للنهاية

رجع نظره للتلفون وقرأ لحد ما وصل للصورة .. فتحها ودقق فيها وشاف لبتول بصدمة : احلف لش بالله يا بتول ان هذه كذبة مدبرة .. مش عارف انا من هي هذه ولا ايش غرضها بس ...

قاطعته بتول : وانا لو كنت صدقتها ما كنت دعيتك ورويتك المحادثة .. انا بس اشتيك تبرر لي الصورة والباقي ..

محمد اتنهد ورجع نظره للصورة ودقق فيها : لا دخلت هذا الكافيه ولا حتى الشميز اللي في الصورة ما قد شفته ولا اعرفه .. اكيد هذه صورة مفبركة

بتول وعيونها بعيونه : طيب بسألك سؤال وحلفتك بالله تجاوبني بصدق

محمد بثقة : يشهد عليا ربي ما اقول الا الصدق

بتول : بتحب واحدة غيري ... او حبيت من قبل؟

محمد اتجمد مكانه وسكت شوية ... وبعدها بعد عيونه من عيونها : دامش حلفتيني بالله ما شاكذب ... انا بصراحة انعجبت ببنت من الشركة اول ما توظفت بس ما كلمتها ولا بينت لها ... كان تعجبني في مظهرها بس مع الأيام اكتشفت انها ما تناسبني وحاولت ابعد عنها بالرغم من اعجابي اللي كنت اظنه حب ... بس لما مرة شفتها بتكلم واحد من الشركة بدلع وغنج انقهرت .. وخصوصا لما شفتها بتتكلم بنفس الطريقة مع اكثر من واحد ... تركتها عن قناااعة ... والحمد لله ما كنت قد كلمتها او بينت لها اي شي ...

بتول كانت الغيرة بتشعل في نفسها ... دمعت عيونها ولفتت للجهة الثانية وبالكاد خرجت كلمة : وانا

محمد ابتسم وشاف للقمر : انتي اجمل شي دخل حياتي ... انتي دعوتي في ليالي القدر .. اللي مستحيل اقدر اتخيل حياتي من دون وجودش فيها ... اكثر شي اتعلقت به في حياتي هي بتول وقلبها وعقلها واحسانها واخلاقها وحياءها وايمانها وكل شي فيها ..

رفع يده بهدوء لما سمع بكاها المكتوم ومسح على شعرها : وكل يوم يزيد هذا الحب في قلبي لدرجة اني اقول مستحيل يزيد هذا الحب اكثر ... انتي اخذتي قلبي لش

بتول وقفت وبعدت شوية وفي نفسها : يارب ما يكون اللي اسمعه كذب ..

قام لعندها : بصراحة يا بتول انتي اعقل مني ... انا جت لي نفس مضمون الرسايل اللي عندش ... يعني محاولات عشان يفرقوا بيننا ويشككوني فيش

بتول لفت له بصدمة : ومن متى؟

محمد فتح تلفونه على المحادثة ومكنها : من شهر تقريبا

اخذت التلفون واتصفحت المحادثة وهي باسلوب مشابه ... يعني على اساس انه رجال بيحب بتول ويشتي محمد يطلقها ... و و و الخ

بتول : وليش ما كلمتني في وقتها؟

محمد : بصراحة كنت مقهووور ... ونار الغيرة شاعلة ... وخفت اكلمش بالموضوع وانفعل زيادة وتفكري ان انا شاكك فيش او تفهميني غلط

بتول ابتسمت : والآن ايش اختلف؟

محمد قرب منها : حبيت طريقتش في التعامل مع الموضوع وفضلت يكون بيننا صراحة وشفافية ... ونبدأ نعالج الأمور من أولها قبل ما تتعقد

بتول خجلت : الأعداء والطماعين حولنا كثيرين .. واللي عيواجهنا في المستقبل اكثر من اللي واجهناه ... لازم نبقى متفاهمين ومتعاوين عشان ما احد يقدر يفرق بيننا

محمد مسك اكتافها وشدها لحضنه بهدوء وحط ذقنه على راسها : ربي ما يفرق بيننا ... وتبقي دائما معي وجنبي

بتول خجلت وما قدرت ترد واكتفت بإبتسامة عريضة

بعدت من حضنه بهدوء وشافت لعيونه

محمد بحب : احب ضحكتش قوي .. وخجلش اكثر

بتول بعدت من عنده وقطفت اجمل وردة ولفتت لعند وناولته : احبك

وتركته بسرعة وراحت للفيلا ..

ابتسم وعينه عليها لما دخلت وشم الوردة بعمق وطلع لغرفته وهو طاير من الفرح ...

حط الوردة في كاس ماء وحطها جنب الطاقة جنب سريره













https://tttttt.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 58 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


نسرع الأحداث ليوووم العقد ..

كان يوم خميس .. يعني عطلة ويعني الليلة ليلة قدر وليلة جمعة


الساعة 11 الصباح..

بتول دقت على ياسر بهدوء..

ياسر : اتفضلي

فتحت الباب ودخلت بإبتسامة : صباح الخييير ياعريس

ياسر ابتسم : صباح النور يا احلى عروسة ..

بتول قربت منه وبعدت الملاية من فوقه : قوووم اشتحط ... سير عند الحلاق ... و احجز الترتة .. وكلم المأذون ..و ...

قاطعها بضبح : ناهي ..حاضر.. تمام .. طيب .. امرش .. ما عاد تشتي

بتول ضحكت : الله يعينها عصماء عليك ... يمكن تجنن فوق ما هي هبلا

ياسر ابتسم : اللللا عصماء .. لا تتكلمي عنها

بتول خفعت راسه بخفة : من اي حين؟... ما قد معانا .. هااه

ياسر يشتي يحانكها ابتسم بقوة : عصماااء وماااا ادراك ما عصماء ... هي منقذتي من تجبرك وتسلطك على اخوك المسكين هذا ...

بتول ضحكت ضحكة شريرة : هاهاهاها ... انا كاسبر وسأحطم رأسك يا ماتيو ... وسأحبس ريميييي .. هاهاهاها

ياسر ضحك ومسك على بطنه: لايق عليش كاسبر ..ههههههههههه

بتول مسكت اذنه : قوووووم .. بطل كسل

ياسر صاح: اااي .. ما تشتي

بتول ناولته علبة صغيرة انيقة وبإبتسامة : خذ ... هذه اشتريتها من مصر لعصماء

ياسر اخذها باستغراب وفتحها وسرجين عيونه : خااااتم المااااس .. كنت نسيت ما اوصيش

بتول اتكتفت : لكن انا ما نسيت ..

قام من سريره وحضنها بقوة : تسلمييي لي يا احلى اخت في العااالم كله ...

بتول ابتسمت بفرحة : يله قوم اتروش واتجهز ... شوية واتصل لعصماء اسألها اذا في شي ناقص ..

ياسر بحنق : ااااخ ما انا مصدق اي حين اعقد عشان اكون اتواصل بها .. تعرفي حاجة .. خايف لا تكون مغصوبة عليا ... رجعت فكرت فيها ان عمي ما استر يردني وحطها امام الأمر الواقع

بتول مسكت كتفه : ما يجي الا خيير ... اكيد قد دعيت في هذي الأيام المباركة ان الله يختار الذي فيه الخير ... وحتى لو كانت مغصوبة هي عتحبك وتتفاهم معك ... انت بس حاول تكسب قلبها

ياسر اتنهد : على الله..

.....

في العصر ..

جاءت مريم والبنات ودخلين المطبخ ..

بتول نزلت لعندهن بسرعة : سلام

الكل : وعليكم السلام ورحمة الله وبركاته

بتول : اليوم اسرعين الله يحفظكن ... انا واهل البيت معزومين خارج ... معانا عقد ياسر ..

مريم ابتسمت : الله يبارك لكم .. يعني ما يحتاج نفعل فطور او كيف؟

بتول : الا اكيد نسوي فطور بس لا تفعلوا لنا احنا ...
سووا اثنين صحون بيتزا وبس .. وباقي الوجبات على ما هي

مريم : طيب ان شاء الله بنحاول ننجز

...

البنات اسرعين في العمل وما صارت الساعة 5 الا وكل شي جاهز وموزع ... ما باقي الا الصحون البيتزا في الفرن ..

دخلت عليهن بتول وهن بيلبسين عباياتهن : ما شاء الله عليكن ... بارك الله فيكن

اخذين البنات وجباتهن وبقيت مريم تنتظر للفرن ... جلست بتول على كرسي جنبها : كيف اخبارش؟

مريم بابتسامة : الحمد لله الدنيا ماشية مثل ما يشتيها ارحم الراحمين ...
نسيت ما اقل لش .. ابي فرح قوي لما كلمته عن المصنع .. بس ما رضي بالرجل الصناعية.

بتول باستغراب : ليييش

مريم بتردد : قال ما عيتعالج الا بفلوسه ... مايشتي احد يمن عليه .. تعرفي ابي كيف طبعه صعب وحساس

بتول ابتسمت بتطمين : ولا يهمش .. انا شاخلي ياسر يقنعه وفي اقرب وقت ان شاء الله ...

مريم فتحت الفرن وخرجت البيتزا : ان شاء الله خير ...
يله خاطركم ..

بتول قامت : الله يعينكم ... اوه عاد به اكل الحراس ... عيبرد عليهم ..

مريم وهي بتلبس البرقع : اذا معاهم غاز يرجعوا يدفوه

بتول خرجت التلفون واتصلت لسالم يجي للفطور ..
غلقت ولفتت لمريم : خرجي لهم الفطور عيجي له سالم الآن

مريم ارتبكت واخذته بتردد وخرجته من الباب وحطته على الأرض بسرعة وغلقت قبل ما يجي سالم ...

بتول لاحظت ارتباكها : ليش خايفة يا مريم ...

مريم شافتها وابتسمت بارتباك : ولا شي .. بس قلت اخرجه قبل ما يجي احد .. مش اناوله انا

بتول عقدت حواجبها وقربت منها : حد اتعرض لش منهم او شي؟ كلميني

مريم ردت بسرعة : لا لا .. ما حد ضايقني .. بس انا ما احب اكلم الرجال .. استحي

بتول ابتسمت : طمنتيني ... وكلميني اذا احد من اللي في البيت ضايقش او اي واحدة من البنات ولا لش الا اادبه ..

مريم ابتسمت : كفوووو ... بس كنت اشتي اسألش ... من هو هذا سالم؟

بتول : هذا ابن خالة كريمة الله يرحمها ... ليش بتسألي

مريم بارتباك : ...






















📚 @rewayatyamania 🇾🇪

البـارت 59 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


مريم ابتسمت : كفوووو ... بس كنت اشتي اسألش ... من هو هذا سالم؟

بتول : هذا ابن خالة كريمة الله يرحمها ... ليش بتسألي

مريم بارتباك : ولا شي .. بس كنت بين اشوفه كثير عند الباب وما اعرفه

بتول اتنهدت : الله يعينه .. كان فراق امه صعب عليه ما عاد معه احد في الدنيا هذه

مريم : يا رب
وخرجت وروحت بيتها ...

بتول طلعت لغرفتها وبدلت ملابسها ولبست العباية واتوجهت لغرفة ياسر دقت الباب ودخلت

ياسر وهو بيعدل الكم : يله جاهز

بتول فتحت عيونها وابتسمت : ايش الحلا هذا ايش الأناقة ... حرام عليييك


ياسر كان لابس الثوب الرصاصي وكوت انيق كحلي وعصبة رصاصي عليها النقشة كحلي بنفس لون الكوت .. والجنبية والساعة ... شكله فظيييع ..


ياسر بيمسح دقنه : ما رأيش في الحلاقة؟

بتول بابتسامة عريضة : عرييييس واححححلى عريس

ياسر مسك الكوت بثقة ورفع راسه : عارف عارف

بتول ضحكت وخرجت نزلت للصالة وهي بتعدل البرقع وشافت محمد وامينة قدامها جاهزين ولابسين ..

محمد لابس الثوب الأبيض والكوت الأسود والشال ابيض عليه نقشة سوداء وماشط شعره لفوق وهو كثيف ... سرجت عيونها بتول ونزلت لعندهم وبينت انها ما حسها فيه : يله جاهزين ياعمة ... شاسير ادي البيتزا من المطبخ والحقكم للسيارة .. قد ياسر عينزل الآن ..

محمد : تحتاجي مساعدة؟

بتول لفتت له : لا اسلم هو الا صحنين .. سير شغل السيارة

محمد خرج مع امه للسيارة وهي عينها عليه وبهمس : فدييتك

...

عند ياسر ..

اخذ علبة الخاتم اللي اعطته بتول ودخلها جيبه الداخلي ..

وقف امام المراية وابتسم : قمممري..

ونزل للسيارة ..

......

في بيت لأول مرة ندخله ..

عصماء جالسة على الكرسي امام التسريحة ونافلة شعرها ودفنت وجهها بإيديها : ياااارب هدئ فزعي وخوفي ... يارب اشرح صدري ... انت تعلم خوفي وحزني ..

كيف باتزوج ياسر واخي قد قتل امه وابوه وكان حيقتله هو واخته ... اكيد بينظر لي نظرة احتقار وتخوف ... اكيد بيكون خايف طول الوقت مني ومش واثق فيني ...
رفعت راسها على فكرة رهيبة خطرت في بالها : لا يكون ناوي ينتقم فيني .. ممكن! !!؟؟ والا ليش ما انتقم مننا ... ليش ما قاطعنا ... اكيييد يشتي يحرق قلبي وقلب ابي وامي ...

بكت برعب وخوف ... ووجهها صفر ..

نكزت على دقة امها للباب .. دخلت الحمام بسرعة عشان ما احد يشوف دموعها ...

ام عاصم بتدق الباب : عصماااء .. عصماااء الضيوف جوا ..

دخلت بخوف لما ما سمعت رد وجالت بنظرها في الغرفة وما شافت احد .. سمعت صوت من الحمام واتطمنت .. قربت من باب الحمام : اسرعي يا عصماء قد هم هنا... وخرجت

عصماء مسكت على فمها بقوة وكتمت بكاها ...

حاولت تهدئ نفسها وغسلت وجهها واتوضت ولبست ملابس الصلاة وخرجت من الحمام .. شافت شكلها في المراية واتنهدت .. مشطت شعرها ولبست صونة الصلاة وخرجت من غرفتها ...

امها قربت منها : مالش اتأخرتي .. قده عيأذن والفطور جاهز ..

عصماء هزت راسها بإبتسامة مزيفة ومشت لعند غرفة الطعام ...

لحقتها امها وداخلها مقهور .. ما كانت تشتي هذه الزواجة تتم بسبب المشاكل اللي قد حصلت بينهم .. مع انها غاضبة على ابنها ومتبرية منه ...

بتول وامينة جالسات على الكراسي في المائدة ...

لفتين الثنتين على دخلة عصماء

ابتسمت بتول : حييا بعصماء ... اتأخرتي علينا

عصماء بادلتها الإبتسامة وجلست على الكرسي المجاور لها : الله يحييكم

امينة بإبتسامة : حيا بعروستنا القمر .. الله يسعدكم ويهنيكم

عصماء بصوت واطي : الله يحييكم .. اسلموا يا خالة

دخلت ام عاصم وجلست على الكرسي المجاور لأمينة : اتفضلوا ابدأوا قد اذن اول الا ما انتبهنا

سموا بالله وبدأوا ياكلوا ...

بتول لاحظت رجفة عصماء وقربت منها بهمس : ابتسمي يا روحي والله ان ياسر عيطرحش في عيونه

عصماء غمضت عيونها بقوة ونزلت دمعتها ومسحتها بسرعة بدون ما احد ينتبه غير بتول

بتول : لااا هكذا ما ينفع... صدقيني ما به شي يخوف

عصماء هزت راسها ورجعت بتاكل ..
.

عند الرجال ..

خالد : حياااكم الله كلللكم ... فوق العين وفوق الراس

الكل بأصوات متفاوتة: يحييك ويبقيك

ياسر مستحي يا سعم .🌚

محمد دقه بكتفه وبهمس : صدقت المستحي

ياسر من بين اسنانه : رحلك

محمد : خلاص يكفيك اكل فضحتنا .. استحي مثل الخلق وقل الحمد لله شبعت

ياسر شرغ واتسعل : كحح كحح .

احمد لفت له ومكنه ماء: الله الله مع عريسنا ..

ياسر اخذ الماء وشرب
ومحمد بيبسره وقد عيقرح ضحكة

لفت له ياسر : صل على النبي .. خزقوا عيووووونك

محمد ضحك: اللهم صل على محمد وآله ..

ياسر قام من فوق الأكل : الحمد لله ..

خالد : مالك ااكل او ما عجبك الأكل حقنا

محمد هزره من زنته وبصوت مسموع : ...















https://tttttt.me/joinchat/AAAAAEIz_KDfjDgo7Gaxwg








📚 @rewayatyamania 🇾🇪

البـارت 60 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


خالد : مالك ااكل او ما عجبك الأكل حقنا

محمد هزره من زنته وبصوت مسموع : اجلس اجلس عادك ما قد اكلت شي .. لا تستحي .. ما في البيت الا اهله

ياسر شافه بغيظ : الحمد لله شبعت ..
ومشى
.
.
عند النسوان ..

عصماء قامت : الحمد لله

امها : مالش يا بنتي كلي سوا

عصماء ابتسمت : اكلت الحمد لله

بتول قامت بعدها : شاخطى معش .. اشتي اصلي في غرفتش

عصماء : يله جي معي ..

طلعين لغرفة عصماء وفرشت عصماء سجادة لبتول برجفة : تشتي تتوضي والا توضيتي

بتول : لا اسلمي متوضية ... اهدأي وخلينا نصلي المغرب ..

صلين المغرب وجالسات على سجاداتهن ..

عصماء سااكتة وعيونها حمر ..

بتول بهدوء : عصوووم .. انتي عارفة ان هذا الشي الذي كان مخوف لياسر

عصماء ضحكت على جنب

بتول واصلت : كان فارح قوي بالعقد ... بس خوفه الوحيد لا تكوني مغصوبة عليه ومش رايدة له

عصماء مسكت بتول بأيديها وبكت : امااانة يا بتول حلفتش بكتاب الله ... ليش خطبتوني انا .. ليييش وانتوا اكتويتوا بنار اخي

بتول اتنهدت : ماااحد ياخذ بذنب احد ... وياسر معجب بش من زمان من قبل الحادث .. وكان ناوي يخطبش وحتى كلم ابي بالموضوع .. بس حصل اللي حصل ...

عصماء ببكاء : كان هذا قبل ما يصير اي شي .. كنا سمن على عسل .. بس الآن بيننا قتللل يا بتول قتللل.. ما تكونوا تشتوا تنتقموا فيني والله ما عاد اتحمل ما اتحمل ..

حطت يدها على وجهها وبدأت تبكي بحرقة ..

بتول مسحت على ظهرها : عصووومتيي... لا تصدقي الشيطان .. واذا انتي مش مرتاحة خلاص .. والله ما احد عيغصبش على شي ... وشاتصل لياسر واقله يكنسل الموضوع بكله ... واحنا اهل ولا يمكن نتفرق ...

عصماء بعدت يدها من وجهها ولفتت لها : بس ابي ... والعرس قرب .. والـ..

بتول قاطعتها : ولا عليش من حاجة ... شالغي الموضوع من اساسه .. بس بشرط

عصماء بأمل : ايش هو؟

بتول ابتسمت : صلي صلاة الخيرة وادعي من قلبش ان الله يختار لش الذي فيه الخير ... وبعدها قرري قرارش

عصماء ابتسمت : طيب ..

بتول : بس اشتي اقل لش بحاجة .. ياسر كان قد لغى فكرة خطوبتش بعد ما عرف ان القاتل هو عاصم ... بس بعد ما عرف تعاونش معانا ومع الشرطة وموقفش القوي في هذك اليوم .. اتمسسك بش اكثر واكثر ... حتى انه طلبش في نفس اليوم..

عصماء هزت راسها وقامت على سجادتها تصلي صلاة الخيرة ...

بتول قامت تكمل صلاتها وتدعي ان الله يريح قلب عصماء ..

كملت تصلي وجلست بعيد منها ولمحتها بتبكي على السجادة ويدها مرفوعة للسماء ...

عصماء بعد ما صلت صلاة الخيرة ارتاحت بشكل عجيب كأن احد غسل قلبها بماء بارد ... وبكت بفرحة ان الله اعطاها راحة تمثل رسالة وااضحة لها انه الخير ...

قامت ومسحت دموعها وكملت صلاتها بدون ما تكلم بتول اللي كانت جالسة بعيد بتتصلح عشان تخليها براحتها

بتول لبست سلوبيت كحلي كم حيران وربطة الخصر حمراء ... وحطت وردة حمراء على شعرها اللي كان مرفوع كعكة وعاملة قصة قصيرة لعند حواجبها ....
عليها مكياج خفيف ... روج احمر بلون وردة شعرها وكحل ازرق ...

يعني كانت قمة في الشياكة والأناقة

...لمحت عصماء وهي بتبدل اداة الصلاة بهدوء : الآن اقدر ابارك لش يا عروسة

عصماء لفتت لها باستغراب : يعني

بتول ضحكت ووقفت امامها : يعني اكييييد ارتحتي بصلاة الخيرة وما عاد في بالش فكرة الإنتقام والخوف

عصماء اتكتفت : وايش اللي مخليش توثقي لهذه الدرجة او عالمة الغيب

بتول ضحكت ومسكت خدها : الحمد لله رجعتي لطبيعة اللقافة حقش ... يعني قدش مرة اخي

عصماء ابتسمت وحضنتها : خلاص قررت قراري

بتول شدت على حضنها : مبروك يا روحي الله يسعدكم ..

عصماء بعدت من حضنها وشافتها من فوق لتحت : انسي موضوعي ... انتي طااالعة قمرررر اليوم ... يا بنت انتي ناقصش بس تهتمي بنفسش شوييييية وتضيعينا كلنا

بتول : احرجتيييني ... يله البسي فستانش عشان ننزل .. وبعدين نعقد .. وبعدييييييين ... يجي ياسر يبسر مرته

عصماء خزيت : طيب انقلعي شوية امد ما البس

بتول اتوجهت للباب : لقفة الله يعين يااااسر

خرجت وغلقت الباب وارتزحت عرضه ...

لفتت لتلفونها اللي رن باسم محمد وردت : الو

محمد : ها بتول القفي الكيك والحلويات من باب الحاجز

بتول نزلت بسرعة ووقفت امام الباب .. : هيذا انا عند الباب وين انت ..

محمد دق الباب : افتحي ...

بتول مسكت قبضة الباب وذكرت انها مبدلة وممكيجة ... فكرت ترجع تاخذ طرحة بس وقفتها الدقة الثانية لمحمد ...
حاولت تخلي نفسها طبيعية وفتحت الباب بمقدار اصبع

محمد بتردد : بتووول

بتول من ورا الباب بتلطم نفسها : ايوة بتول اطرح الحاجات

محمد باستغراب : طيب مالش ... افتحي سوا ادخل الكراتين ..

بتول فتحت...









https://tttttt.me/rewayatyamania/44300











📚 @rewayatyamania 🇾🇪

🥀


بارتـات يومنـا السبـت 👆🏻😍

⇓ ✷ 😂😂 ✷⇓


لوحة ماعندي حاجة البسها 🤣


@nokat23 🤪

# اعتذر عن التأخير هذه الفترة معي ظروف والا انتوا تعرفوا اني ملتزمة فارجو التقدير

البـارت 61 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


بتول من ورا الباب بتلطم نفسها : ايوة بتول اطرح الحاجات

محمد باستغراب : طيب مالش ... افتحي سوا ادخل الكراتين ..

بتول فتحت الباب وهو دخل الكراتين ونظره للأرض وطرحهن بتعب ..

بتول بتردد: تسلم

محمد رفع راسه : الله يسلـــــ ....

فتح عيونه بدهشة وانبهر بشكلها ولبسها اللي يشوفها متشيكة لأول مرة

بتول ذابت من الخجل وهي بتشوف نظراته ..: ط .. طيب .. في حاجة ثانية

محمد غمز لها : ولااا شي ... اطعمي الحلويااات تجنن ...

بتول ارتبكت واستحت ونزلت راسها : طيب

محمد بهمس وعيونه في عيونها: قمررررر ... يا حظي

بتول رجعت لورا الباب بسرعة : الله يفتح عليك ...

محمد خرج وسمع غلاقة الباب بعده والإبتسامة شاااااقة وجهه

بتول ابتسمت لما ذكرت الموقف ورجعت لغرفة عصماء : هيااااا يا مرة اخي المسلحبة .. ما قد كملتي ...

عصماء : هيا صلحي لي الشريط ..

رفعت لها الشريط وعدلت الفستان : يله اسبر لش شعرش ..

عصماء نفلت شعرها واخذت المملس وعملت شعرها مموج ...

بتول جلست مقابلها وبتراقبها : طلع شكله يجنن ... باقي المكياج انتي فنانة ..

عصماء بغرور : اكييييد ...
وبدأت تتمكيج ...


عند الرجال ...

جاء ايمن صاحب محمد وسلم على الكل وجلس جنب محمد وهمس له : ذلحين وينه العريس

محمد دق على صدره : شوف اوسم واحد اللي هو انا

ايمن : لو هو على الوسامة ان انا العريس بدون شك

ياسر سمعهم وهمس بغرور : قررر انت وياه ... في حضرة احسن عريس الكل يسكت

ايمن حط يده على جبينة : حضرة العريس المفروض يجي وهو مستحي ومحترم لنفسه ...

ياسر ضحك ولفت لمحمد : ما تساير الا اللقنين الذي من عينتك

محمد ضحك : اكيييد ها وليش سايرتك يا نسب ..

ايمن ضحك وشاف لياسر: فيييي منتصف الجبهه

..

بعد ساعة ..

جاء المأذون وكتب العقد وتم كل شي ..

ياسر بخزا همس لخالد : لو ينفع يا عم ابسر مرتي

خالد ضحك وبصوت مسموع : لااااا .. قد العرس جايي مابش داعي ..

ياسر اكتبد وشاف لمحمد وايمن وقدهم عيقرحوا ضحكة ... اقتهر وبهمس : والله لا اوريك يا محمد

محمد قفى منه وضحك..

احمد بإبتسامة: عادي يا خالد .. قدها مرته وبعدين هو ابن عمها مش هو غريب

ياسر ارتكز..

خالد شافه: طيب ... ثواني اشوف لك طريق

ياسر شاف لمحمد برفعة حاجب وعليه نظرة انتصار

قام خالد كلم مرته ان ياسر عيدخل وتفضي له المكان
.

دخلت ام عاصم للمجلس وبإعتذار : العريس عيجي يشوف مرته .. تعالي يا عصماء ... انتي وبتول للغرفة الثانية ..

عصماء اتغيرت ملامح وجهها لانها ما كانت متوقعة يدخل بحكم ان العرس قرب..

بتول مسكتها وسرحتها للغرفة الثانية : مالش هكذا .. اهدئي قدش باردة وبترتعشي واحنا في الصيف

عصماء شافتها وغمضت عيونها بقوة : معدتي اجتغرت

بتول ضحكت : اصه لحد يسمعش ..هوذا عتشوفي ياسر .. صورته تفتح النفس

ثواني ودخل ياسر ومعه احمد وخالد ..

انبهر بجمالها وجلس جنبها وهي قدها عتموت من الحياء.

احمد سلم عليها وبعده خالد ..

لفت احمد لبتول : وانتي كيف حالش يا بنتي .. ايش اخبارش

بتول بابتسامة : الحمد لله بخير ما نسأل الا عن احوالكم

خالد قرب وسلم عليها : اي شي تحتاجيه احنا معش .. وانسي الماضي كله

ياسر جاوب : الماضي نسيناه وانتهى وهذه بداية وصفحة بيضاء جديدة واحنا كلنا اهل وما نحاسب الا كلا براسه

عصماء انشرح قلبها واتطمنت اتنهدت بصوت واطي ما سمعه الا ياسر ..

احمد رد على ياسر : اصيل ابن اصيل يا ولدي وغلاوتكم من غلاوة المرحوم محمد ...

ياسر بحزن : رحمة الله عليهم .. تسلموا يا عم ما تقصروا

خالد : يله احنا عنرجع المجلس وانت ارجع الحقنا

خرجوا من المكان وبقيت بتول

شافت ياسر وشافها وعيونهم حزينة ..
ياسر بحزن : ليتهم كانوا موجودين

بتول بتنهيدة : الله يرحمهم .. كانوا منتظرين لهذه اللحظة ..

عصماء حست بكآبة وكانت حتبكي .. ذكرت عمها ومرته وحبها لهم وذكرياتها مع عمها محمد ... وتنقهر اكثر لما تذكر ان اخوها هو القاتل وان زوجها ابن المقتول اللي هو عمها ..

شدت على يدها بقهر ولفت وجهها للجهة الثانية.

لفت لها ياسر ومسك على يدها المشدودة : الف مبروك عليش يا بنت عمي .. وانتي في عيني وقوق راسي

عصماء نزلت دمعتها ولفتت له وبصوت مبحوح : الله يبارك فيك

رفع يده ومسح دمعتها : ليش الدموع والحزن الآن ... عهد مني يا عصماء ما تسمعي مني كلمة تغثيش ... ولو انتي ما تشتيني تحاكي من الآن وانا مستعد اعمل اللي تشتيه

عصماء فرحت من كلامه وارتاحت لحنيته وهزت راسها بمعنى لا : محد غصبني

ياسر ابتسم براحة وخرج الخاتم الألماس ومسك يد عصماء ولبسها وشافها بإبتسامة : الله يخليش لي

بتول بابتسامة : يله هيا .. عتلتقوا يوم العرس .. واتجابروا لممما تشبعوا

ياسر ضحك ولفت لها : يله ابسري لي طريق ..






















📚 @rewayatyamania 🇾🇪

البـارت 62 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


ياسر ضحك ولفت لها : يله ابسري لي طريق ..

بتول خرجت تشوف له طريق وهو لفت لعصماء وباسها في راسها ولحق بعد بتول ..

عصماء في مكانها دخنت من الحياء وفي داخلها فرحة من اللي شافته وسمعته وحسته من حب وحنية وعقل ياسر .. حطت يدها على صدرها : لك الحمد يا رب

....

روح كل واحد لبيته ..

دخل ياسر للبيت ولفت لمحمد بحقد : ايوة .. على ايش الضحوكة انت وايمن

محمد مسك على فمه بضحكة : على شكلك وانت مكسوووووووع .. يا احلى عريييس

ياسر بحناك : لكن رجعت دخلت وخزقت عيونكم..

بتول : ما به ... مالكم ساع الجهال بتتكارحوا

محمد ضحك : اخخخ لو تبسري شكله يا بتووول .. قال له عم خالد ممنوع يبسر مرته وبعدا كان عيبكي وما باقي الا يحبحب ارجل عمه ..

ضحكت ولفتت لياسر وقده احمر : كان المفروض ما تدخلش تبسرها لان العرس قريب .... وهي ما كانتش مستعدة

ياسر اتكتف : ودخلت وغصصصصبا عنكم ... ما دخلللكم ... سدوا على قلة الخير

ضحكوا عليه ومحمد لفت لها وهي بتضحك غمز لها : ما انحرم

شافته وخففت ضحكتها وهي قلبها بيرقص من غمزته

ياسر بخبث: العرس قررررب ... عرسنا هااااااه

محمد لفت له وفهم قصده : اطلع غرفتك ارقد سوا ... تماااااام ... عرسك قرب ... اقللللع

ياسر مسك يد بتول وسحبها معه ومحمد لحقه : هيه هييييه ... وين عتشلها

ياسر وصل الى عند باب غرفتها وشافها وهي مستغربه وفتح الباب ودخلها وغلق وقال لها من ورا الباب : تصبحي على خييير ... لا تخرجي من الغرفة .. تمااااام به رجال

محمد انقهر من حركته : ماااا دخلك ...

قاطعه ياسر : سيييير ارقد مرقدة

محمد يشتي يقهر ياسر فتح باب غرفة بتول ودخل وقفل بالمفتاح ..

ياسر جنن ودق الغرفة بقوة وهو بيضحك: اخرررررج

بتول نقزت ولفتت لعند الباب وخافت : ماااالك ... ما بتفعل هنا

محمد وهو بيشوفها رد على ياسر : اطلع غرفتك يله ما دخلك

ياسر ترك الباب ومشى بعد ما قال : لا راحت لك فانا امك

....

بتول بضحكة : مالكم ساااع الطباين امانة

محمد قرب منها : مرتييي ... ما دخله .. سعم يشتي يحرجنا ... لكن امانة لا اكسر له نخرته

بتول بعدت شوية واتكتفت : وبعدين ...

محمد برفعة حاجب : وبعدين ايش .. يعني انا مش مرحب بي في غرفتش ..

بتول بارتباك : لا لا حياك الله البيت بيتك ..

محمد جلس على الكرسي : ليش عادش لابسة البالطو ؟

بتول : عاد انا دخلت الغرفة ما قد لحقت افعل شي لما قدك هنا

محمد بنزاغة : هو انتي اللي شفتها في بيت عمش خالد وكانت لابسة كحلي ... كأنها مطقمة مع كوتي

بتول ذكرت الموقف واستحت بس ما بينت : ها ايش رأيك من عتكون؟

محمد ابتسم : امااااانة قمرررر .. تجنني ..

بتول بدأت تتوتر : عيونك الحلوة ..

محمد غمض عيونه ورزح راسه للكرسي : مشتااااااق للعرس يا بتولي .. وانتي؟

بتول دق قلبها بقوة وسكتت ..

محمد ابتسم وعاده مغمض : خلاص شكلي شارقد هنا .. عجبتني الغرفة

بتول شلت نفسها وراحت لعند باب الغرفة وفتحته : نسيت حاجة في المطبخ .. خاطرك ومشت ..

محمد ضحك من قلبه : احبها ..


نزلت للمطبخ على عجلة وما درت ايش تسوي في المطبخ .. فتحت الثلاجة وشربت ماء واتنفست ...

ابتسمت بتذكر : مش عارفة ليش قلبي يوقف لما اسمع كلامه ... لما اشوف نظراته ... احس نفسي مش انا .. مشاعر عمري ما حسيت بها ..

جلست منتظرة شوية ما جزمت ترجع لغرفتها ..
سوت سحور بسيط اللي تقدر عليه ( بيض وبطاط مسلوق وقطعت طماط وخيار بشكل جميل وحطتهن في الصحن وغطتهن) : خلاص كل شي جاهز .. عمتي لما تقوم ما عتتعب ... شافت ساعتها : اوه .. باقي ساعتين بس لوقت السحور ... ارجع غرفتي؟ بس يارب يكون رقد والا خرج والا ايش ما كان ..

طلعت لغرفتها بترقب ودخلت الغرفة بهدوء وجالت بنظرها وما شافته في الغرفة تنفست براحة : اوووف الحمد لله ... خايفة بس لا يكون بينجرح من تصرفاتي ويظن ان انا ما اشتيه ..

اخذت سجادتها ودخلت الحمام تتوضى : الليلة ليلة قدر لازم استغلها سوا ...

جلست على سجادتها تتهجد وتدعي الله بشوق ولهفة وحب

وهكذا كل فرد في البيت في غرفته مستغرق في مناجاة ربه والليلة عامرة بذكر الله


ووقت السحور ..

قامت امينة ودخلت المطبخ وبتدور ايش تفعل ...
شافت صحن مغطى وفتحته .. ابتسمت باعجاب : حلو وشكله جميل .. بيض وبطاط مسلوق .. يله سابر اهم شي بتحاول ..

تسحرت امينة وحطت السحور مع كتلي قهوة في غرفة الطعام وطلعت لعند بتول دقت الغرفة.

بتول كان قدها عند الباب خارجة تقرب سحور .. فتحته : ها يا عمة

امينة : شكلش ما رقدتي

بتول : من يرقد ويضيع مثل هذه الليلة .!؟.. وحتى انتوا اكيد ما رقدتوا

امينة ابتسمت : ...
























📚 @rewayatyamania 🇾🇪