.

البــارت 71 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


تقدمت عنده وبحب: يابه ليش للآن مارقدت والصبح معك دوام

الاب تنهد بتعب وتكلم بصوته المسن واللي فيه تعب وجهد حتى كلماته: ماقدرت انام صليت ركعتين واسترخيت والآن بروح انام

ايلين: فيك شي تحس بتعب حطت يدها على جبهته وكانت حرارته طبيعية

الاب: جسدي ممكن له تحمل التعب الى ان يقول الله ماقال بس قلبي يابنتي بهم الجبال وانا اشوف حالتي تتدهور ومااحد يعرف لمتى يومه وانتي وابنك همممم والله ياانه همممم بكبر الجبال لاتقولي يابنتي اني مثقل بكم او كاره لكم لا والله اللي زرع النفس بصدري ماغير خوفى عليكم وبالذات انتي لاتفكري اني مااحس بتغزل الشبان كل يوم لك مستهينين بابوك وسندك انه مسن وتتحملي وماتقولي لي بس انا اتبع كل خطواتك واعرف لو احد تعرض لك مالي حيلة ولا قوه لصده بس اطمن خوفي وانا ابوك

ضمته بحزن وتفاجؤ وغصة بنص حلقها ماقدرت تطلعها ولا تنزلها وهي تتهرب من اسبوع ولا قالت له بكل مرة يسألها عن اللي تخفيه عنه

الاب قبل راسها بحضنه: يابنتي ماالومك ولا الوم القدر بس همك من اياااام زاد على همومي هموم وانا افضفض لك وكأنك صديقه لي قولي ايش ينزل دموعك بكل هذا الشكل من وانا من عرفتك وانتي المراهقه القويه والام الصغيره بقوه عظيمه قولي ايش ومن اذاب جليد عاطفتك ومشاعرك وطلعها بهذا الشكل قولي

@rewayatyamania المصدر الأول للروايات

علت صوت شهقاتها اللي ماقدرت تكتم اكثر وبصوت تطلع مع كل حرف الف انه تقطع نياط القلب: خايفه والله خايفة

الاب: من من قولي يابنتي ونحل مشاكلك اللي دايم كاتمتها بجوفك طلعي ما بقلبك يابه طلعي

ايلين: سيف كل همي يابه واخاف انحرم منه

عقد حواجبه باستغراب: من بيحرمك منه

ايلين بشهقة: ابووووووووه

الاب: ابوه وينه ابوه وليش بيحرمك
انتي عارفه وين ابوه

ايلين وتخبي وجهها اكثر بصدره اللي حول من انفتاح اكتافه الى انحنى الامام: ايه عارفه وشفته من ايام

الاب بتفكير: وين شفتيه وعارف ان حالتك ما تضاعفت الا من اليوم الثالث اللي رحتيه للشركه انتي شفتيه بين الموظفين او من ضيف كان وين شفتيه قولي وريحي ابوك اللي يتعذب واقل حق له انه يعرف زوج بنته الوحيده ويزوجها وهي انحرمت منه على الاقل قولي اعرفه واشوف ظلموك اخوالك واستهانوا فيك وبابوك

تنهد بحرقة: ياحرقة احشائي من قدر ماكان لي يد فيه ولا لي الآن يد بتغيره
اخوالك ماقالوا من زوجوك عليه لما سافروا ردوك اول ماعرفوا اني تعافيت وادورك وماعطوني الا ورقة زواجك وانتي حامل اما من الزوج وغير اسمه مااعرف ولاانا اعرف من قريتك هذيك احد وحتى زواجي من امك كان القدر والصدف جمعتنا واحنا كنا بنزهه وعزمتمونا عندكم لما نزل المطر ودخلنا وشافت امك امي ورجعنا لهم الاسبوع الثاني خطاب ووافقوا والله حتى اخوالك ما كان فينا معرفه شخصيه غير صورهم عند امك الله يرحمها ولما مرضت ودخلت للمصحه اخذوكم مني

وبعد سنين طلعت متعافي ودورت عليكم وقلت لك ايش ردوا لي بك وامك مجلوطه وحتى اسباب ماعرفتها لانها كانت مستعجمه ولشهور وماتت
اما انتي تعرفي كيف كانت حالتك مترديه ولا فيني اسأل واتعذب بصمت وهذي حالتك لازوجك عرفته ولا عائلته
اخوالك ظلموني لما اخذوكم وانا ماكانت حالتي مترديه لهذاك الحد بس كبرياءهم رفض يخلوكم لي ودخلت للمصحه عشانكم ولاقدرت اطلع لسنين عشان اخوالك مايتهموني مره ثانيه بالجنون والى ان اتعافى تماماً تنهد باآه وردوكم لي وماحفظوا امانتي لهم والان طمنيني من زوجك هل هو ابن شوارع من خوفك او مايخاف الله

ايلين ماقدرت تطلع الكلمة

الاب: من زوجك وابو سيف يا ايلين من

ايلين تحاول تطلع الكلمه وتحس انها اثقل كلمه مرة على لسانها

الاب: من

ايلين: ي

الاب رفع وجهها بين يدينه الضعيفه وتجاعيد فيها: من

ايلين بلعت آه آه من اعماقها وبكسرة: يزن

الاب: يزن وانا ماعرف منه الا اسمه يزن من يزن

ايلين: ماغيره مديرك

فتح عيونه باستنكار وعدم تصديق: يزن مديري اللي كل يوم اشوفه ويشوفني هو نفسه لااا

ايلين نزلت دموع غزيره من عيونها: والله هو يزن القاطمي

طلعت تنهيده من اعماقه ماقدرت ايلين تفسرها هي خيبة امل اوحزن او راحه او فرح ماقدرت تفسرها بس الاهم استبعدت انها تكون راحه واكيد خيبة امل

الاب هز رااسه بمشاعر متلخبطه بس اللي بعقله وسنينه وكبرها انه ارتاح انه يعرفه وماطلع اللي توقعه الشاب اللي مايخاف الله ولايعتقد بيكون قاسي او متعجرف ضدها ولو حرمته من ابنه واجزم انه مابيحكم الا باالاحسن ولا بسوء لان صفعة الحقيقه لجمته نهائيا

طلع صوته متحشرج: ...





📚 @rewayatyamania  🇾🇪

.

البــارت 72 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


اللهم مصرف القلوب صرف قلبي لحبك

♡♡♡♡

طلع صوته متحشرج: الله يادنيا وياصعوبة ماابتلينا ويابنتي وياالقدر اللي تلاعب بحياتنا وجعل من اللي نعرفهم وواثقين فيهم نفس الاشخاص اللي ندعي عليهم  كل يوم

شاف لعيونها الواسعه بسوادها الحالك ورموشها الكحيلة: كيف تركك وهو يزن اللي اعرفه لان رجل وصاحب مبادئ واخلاق

نزلت دموعها وتلقفتهم يدين ابوها الضعيفة: ماتعرفه يابه كذاب ومنافق

الاب: لاااا ماعلمتك على هذي الكلمات ومهما كان لاتنسي الفضل اللي كان بينكم

انهارت تبكي من وقوف ابوها بصفه ومثل ماتوقعت: مااااكان في فضل واي فضل والله كان معاملته لي وكأني خادمه له او جاريه ظلمني يابه، ظلمني بجور

الاب بألم وصمت يترك لها تطلع كل شحناتها السلبية..

ايلين: كان ولد امه المدلل ولد غني بالقريه وكنت انا الحسناء الفقيره فاخذتني امه الوحشه كرهااان لاغير وكبر وغرور متاصل فيهم فقط وهو ما استنكر ولا ردها من ظلمها لا بكل برود ولامبالاة طنشني ولا كأني انسانه وسمع لامه ولغرورها انه يتزوج باجمل بنات الحاره ولشهر ويرميني وراهنت ان قلب ابنها قوي ولا بيميل لجمالي

واحنا ماكنا نعرف بالرهان رغم ان كل القريو تعرفه ضربت صدرها فرحت وكنت مالكه الدنيا وافتخر بالزوج اللي نابذني من حياته بس عادي عندي واللي يهمني ان اسمي ارتبط باسمه مثل مااتمنى انا وكل فتيات القريه المراهقات الله ياخذه ويكسر شوكته

الاب ضمها ويقطع كلامها المتألم عشان تهدأ ولاتتضاعف حالتها

@rewayatyamania المصدر الأول للروايات

♡♡♡♡

جلست بجانب بيلار اللي تكلم ابوها
من وقت ووجهها لونه احمر ظاهر على بياض بشرتها

تولين اشرت بيدها علامة ايش وفيها وبيلار عاضه شفايفها هزت راسها وبصوت هامس: خلاص يابه انت تامر امر واللي تشوفه لحياتي بسويه ومادامك راضي انت وخالي مابعترض اكيد

شافت لفوق بعيونها الواسعة والجميلة وهزت راسها وكأنه بيشوفها قفلت الجوال ورمته على السرير وتمسك خدودها بخجل

تولين وتبتسم على شكلها: ايش فيك والخدود طماطم

بيلار شافت لها وباختصار تجاري خجلها: تعرفي الموضوع اللي قلت لكن عليه وكلمني ابي عليه قبل حوالي الشهر هذاك الموضوع وتممه وبالذات اني مااعترضت

تولين فرحت وضمتها: مبروك حببتي وعقبى للزواج

بيلار تضمها: ايش زواج عاد الموضوع ببدايته ومثل ماقال المثل عروس بالمكتب، الله يعلم لمن تكتب

تولين: ويقولوا الخطبه نص الزواج
واهم شي اني اول من بارك لك

ابتسمت بحب لها بيلار: لا انتي الثانيه الاول ابي

تولين: انا اول واحدة من البنات

دخلت اسيل وبسخرية: ايش فيهن البنات كلكم بالبيت هذا البنات والبنات جدتي خواتي عدي اوووف ارحمونا

تولين بهدوءها: شوي شوي قلت اني اول واحدة من البنات

اسيل قاطعتها بسخرية: اول واحدة بأيش بالثلوج المتجمد اكيد اما غيره لا

تولين: اعوذ بالله منك جرجرجر ماتتوقفي كلام ولا تسمعي قلت اول واحده تبارك لبيلار

مسكت خصرها: وبأيش تباركي لها

تولين: تمموا خطبتها

جرت لعندها بسرعة وبفرحة: يلللوووي مبروكككك ياعمر خالتك

مرام من عند الباب: شوي شوي قتلتيها شوفي ضاعت بحضنك وكلنا نشتي نبارك لها وباركوا لها بقية البنات بفرح ونزلوها غصب عند الجدة وخالتها عشان، يباركين لها

ضمتها ايلان بحب وفرح: مبروووك حبيبتي

بيلار بخجل وجهها كله احمر بالذات بوجود خالاتها الكبار ومباركتهم وهي ترد بهز لراسها بس

تقدمت امها خلود وتزغرد بشكل عالي: لا والله وافقتي هاااا والآن قدك تشتي تتزوجي اكيد مابترفضي لان ابوك هو اللي جابه اما الدكتور رفضتيه هااا لان امك اللي نسيتيها هي اللي كلمتك وخطبتك فبترفضي كل شي منها

بيلار تفاجأت وانجرحت من صراحتها وقسوة كلماتها وقدام الكل وبمثل هذا الموقف وهي تنشئ المشاكل

تنهدت وتنظر لايلان اللي مسكت يدها تسندها نزلت عيونها بحزن واسى وبنفسها والله ماغيرك نسيتي انك امي ونسيتي بنتك وكل شي يخصها الا اذا شي خدمة لعيالك جبتيهم لي لاغير

شافت خالتها احلام اللي تنرفزت وتكلمت بحزم وصوت عالي: خلووود هذا واقت تعاتبي فيه بنتك وتسببي لها مشكلة باركي لها وخلاص

خيرية: صدق والله وكل شي قسمة ونصيب لا تتحسسي على اوهام

عصبت وتكلمت بصراخ: والله يعني المشكلة حساسيه اصلاً انتين ماتحسين واي شي ضد خلود وقفتوا معاه

الجدة بعصبية: خلود ماقالت اخواتك الكبار شي غلط ترفعي صوتك عليهن وبنتك الكبيرة افرحي لها واتركي الشكليات وكل عصبيتك لانه من طرف ابوها اما غيره ماعندك مشكلة فاهدئي ولاتزعلي الوردة الرقيقة بنتك

خلود وتفرد يدينها باالهواء بهجوم عدواني وتصرخ بصوت مرتفع

ايلان متفاجئة من مدى شر هذي الانسانة ضمت بيلار واللي حاسة بمعاناتها وبالذات بعد الموقف اللي شافتها فيهم كسرت خاطرها وحست بهدوء المكان بشكل مفاجئ شافت للقامة الرجولية بهيبة مستند على الباب و...




📚 @rewayatyamania  🇾🇪

.

البــارت 73 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


ايلان متفاجئة من مدى شر هذي الانسانة ضمت بيلار واللي حاسة بمعاناتها وبالذات بعد الموقف اللي شافتها فيهم كسرت خاطرها وحست بهدوء المكان بشكل مفاجئ شافت للقامة الرجولية بهيبة مستند على الباب ويد بجيبه ويد على الباب وعاقد حواجبه ونظراته صقرية بشك يخوف

بلعت ريقي وسمعت كلماته الحازمة بصوته الرجولي المميز: ايش الاصواااات هذي هاا رمق الكل بحدة لابد ماتستقر بقلوبهن وتأجج فيه رهبه

جت بتتكلم احلام بس رمقها بحدة ونظر للجدة وبعصبية: يمه ماتهدئيهن تتركيهن اصواتهن للبوابة الخارجية مافي حياء لا والعيب ان مش الصغار نقول ماعندهن عقل لا الكبار

تغير ألوان وجوههن وابتعدت ايلان ببطء وخطوات متسارعة وهادية طلعت من الباب الخلفي لان حست بخجل وجرح الكل هناك وبتطلع عشان ماينحرجين اكثر من وجودي كغريبة بينهن او لان زوجي هو اللي يصرخ عليهن

دخلت لغرفتي واتجهت للخزانة و طلعت له ملابس مريحة وجهزت الحمام واتجهت للمطبخ وسخنت ماء واضفت له ملح يمتص التعب والشحنات السالبة اللي واضح انه بقمة عصبيته وجهزت له عصير ليمون يهدئ اعصابه

سمعت صوت خطواته متجه للغرفة اوووف الحمدلله اني بالمطبخ احس انه بيحدد الكل بعصبيته واسمع كلمتين جارحين واعرف نفسي ماشستحملش عدلت شعري بعد مافكيت منه المشبك حركت راسي وهو تعدل تلقائي بسبب نعومته الزايدة

نضمت تنفسها وتترقب حركته وبيدها الماء باناء واسع حطته تحت الكنبه بمكان الرجل وهو طلع من الحمام والقارى بكرامة ومنشفة فقط تغطي جسده الرجولي العريض ومنشفة يجفف فيها شعره الكثيف عدله بيده قدام المرايه وعقدة حواجبه ماانفردت

تقدمت بتردد لان تحس وجهه مفرود شوي ابتسمت وتعض طرف شفايفها بنعومة ولين ماوصلت قدامه ورفعت رجولها على اطراف اصابعها وتدلك بنعومة طاغية بين حواجبه وبهمس بصوتها الرقيق: ليش ماراحت المية والحادي عشر

سيف رفع حواجبه وراسه شوي وماوصلت لهم ابتسم بامتعاض ورفع حاجب

ضحكت بدلال وحطت يدها على صدره العريض بعضلات واضحة وقاسية لنعومة يدينها شديدة البياض: خلاص لاتغتر لانك طويل زيادة يعني ولو نشتي لمس وجهك الا اذا تفضلت وميلته

توسعت شوي ابتسامته وعيونه تتبع حركات يدينها

شافت لعيونه بنظراته الرجولية واللي تربكها بشكل وكأنها موجات كهربائية نزلت يدينها ومسكت ذراعه الصلب وتسحبه لعند الكنبة

وهو جلس بتعب قدمت الماء وهو واضع رجوله فيهم ووقفت واتجهت لخلفه وتدلك بين اكتافه العريضه همست: تعبان

همهم بخفوت وهو يحس باسترخاء من حركة يدينها والماء والملح..

بعد وقت اعطته الملابس عشان يلبسهم ويرتاح اكثر وهو انصاع لحركتها واستلقى على طول السرير بتنهيدة

ايلان وجلست بجانبه على الطرف: فيك شي حبيبي

سيف: كنت مصدع وهلكان من التعب لان من اول ماطلعت من البيت للشغل وجوا عيال عم متشاجرين وحاولنا بمشكلتهم واجلتهم للعصر ورحت لتعز كان عندي اراضي هناك صورتهن واعرضتهن للبيع وشراء بمكان ثاني وصاحب الحق رفض يبيع لسكرتير ورحت انا ولما رجعت ومكسر من الارهاق الا اشوف جنون عدي مع واحد من  العمال وكسر المسكين تكسير

شهقت وبتفاجؤ: ليش ايش سوا به

قلب عيونه: اكيد ماسو شي بس لانه وقع قدام وجهه وهو باالظهر معصب اخذنا الرجل للمشفى وشجار ثاني بينه وبين اسامة وشد وجذب وهنا وهناك لما صرخت على الاثنين واهمله سابع جد لهم مايستحوا ولا يقدروا تعبي وكأني خلاص جماد تمثال قدامهم

وعلى دخولي البيت التقي بشجار بين العاقلات تبعنا اللي نتفاخر فيهن وزوجات الشيوخ والتجار مايجيئين الا عندهن مايقدرين عمرهن ولا مكانتهن ولا العيب والمستحب

ابتسمت تجاري فضفضته الغير معتادة عليها
ومسكت كتفه: خلاص انت اهدى سويت لك عصير ليمون يهدئ اعصابك اجيب لك

انقلب على جنبه ومسكها: لا ماليش نفس فيه

@rewayatyamania المصدر الأول للروايات

♡♡♡♡

كانت تذاكر لاديم وتحل معاها مسائل الحساب

تقدمت منها ديم وبهدوء: ماما وين بابا

ديما شافتها وبابتسامة: في شغله ليش

ديم: لانه قال امس لما شفته طالع قلت له بجي معاك ورفض قال بيطلعنا كلنا لما يرجع بالسلامة

هزت لها راسها وبحب: خلاص قال لمايرجع اذا رجع بياخذك

هزت ديم راسها: اعرف بس انا ملانه واشتي اطلع حتى لبيت عمو سيف عند عماتي

ديما بتنهيدة: خلاص لو ما جاء للعصر رحنا هناك

تكلمت همس: بس قال قبل لايطلع وهو معصب لانروح هناك بالذات اذا عدي موجود لان العصر يكون مع الجدة وامه وعماته
وشكلهم تشاجروا

ديما بعدم نفس بس ترد عليها لان نادرا ما يتبادلين احاديث: شفت الشجار قدامي اول ماوصلني من المدرسة واستغرب شجارهم بس مااعرف ايش السبب لان دخلت وحتى اسامة كان معصب وهو بسيارة وشكل الشجار بينهم من قبل لايلتقوا عند مواقف السيارات

هزت همس راسها

ديما ببرود: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 74 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


ديما ببرود: شكله راح شغله وبيطول شفت معاه شنطة

همس بصدق: مااعرف ماقال لي شي غير اجمعي ملابسي متكاملة من رسمي وبجايم والطقم العسكري للدوام وجمعت له بس

شافت ديما لجوالها وفتحته وارسلت لايلان تعزمها تجي عندها وارسلت الرسالة للباقي عشان يجين عندها على الاقل مابتروح هناك وهن مللات وهي ملله عندها وردوا بسرعة الموافقة وكأنها فكت عليهم

وقفت تجهز الصالة عشان بيجلسين فيها ونشرت بخور واتجهت تتوضى عشان صلاة العصر وبدأت تحط المستحضرات التجميلية بخفة وحرفة على ملامحها خلصت وسرحت شعرها بشنيون لفوق واذن العصر وهي رددت بعده وصلته واتجهت تغير روب صلاتها بفستان ناعم اسود سادة وبكم واحد بس تعطرت وخرجت تشوف بناتها جاهزات

ديما شافت همس بروب صلاتها صلت وجلست فيه كاغلب يومها فيه: ليش ماتغيري البنات جايات عندنا

همس هزت راسها واتجهت لغرفتها

لوت فمها كان ناقص واحدة فوق ديم واديم اعلمها

لفت للبنات والله بناتي بصغرهن جاهزات اكثر منها: ديم وين البكلة حطيها مثل اختك

ديم: بس حقي خربت واخذت واحدة غيرها

اديم: شوفي ماما ديم هبلا اخذت تبع الطقم الجينز وهي لابسه غير وحتى اللون ماطابقته

ديما: ليش شوفي اختك تضحك عليك ولكل طقم انتي عارفة الاكسسورات تبعه

هزت ديم راسها بهدوء وخلعت البكلة من بين شعرها الكثيف والقصير بطول لرقبتها وملامس لكتفها ومثلها تماما اديم اخذته واتجهت لغرفة البنات عدلت لها شعرها ورفعته ببنسة عادية وكان شكلها ناعم

ديما اخذت عطرها الطفولي برائحة الفراولة: بتروحين عند عمتو احلام وماتتعبوها تمام والا مافي روحه

هزوا روسهم بانصياع وتبعتهم لين مااتجهين للخارج وهي تتبعهن من النافذة اللي تطل على الخارج شافت عدي متجه للباب وانظاره عليهن ماسمعت ايش يقول عضت شفايفها اكيد يسب فيني وبلبسهن لان كان الفستان لنص الساق وبجزمات اعز القارئ سطحية وسيقانهن ظاهرات اوووف بس اهم شي يدخلهم هو حتى لو سمعهن سب بس المهم مايقطعين الشارع لوحدهن واسامة مش موجود عشان يشاجره على ملابس البنات ككل مره يشوفهن

دخلوا وانا ارتحت واتجهت للمطبخ اجهز الضيافة

@rewayatyamania المصدر الأول للروايات

♡♡♡♡

دخل وصوته يملا الصالة ككل مرة يدخل فيها للبيت وعشان ينبه اللي تتغطى تطلع دخل وجلس مباشر بجانب الجده وبعصبية: ليش تطلع البنات بهذا الشكل ماتستحيش عيب شوفي سيقانهن واطفال هذي الايام وسخين لا وكانين طالعات لوحدهن

ضمت احلام بنات اخوها بحب: ما لاحد دخل وعادهن صغار

عدي: مااعرف ايش التربيه هذي اللي تربيهن  عليها عيييب واللي بيشوفهن وهن صغار ومابينسى اذا كبرين لان الصورة مرسخة

امه تمد كاس شاي: اشرب ياابني

اخذ الكاس وشربه بسرعة

ديم بهمس لعمتها: اعوذبالله عاد الكاس حار وشربه دفعة واحدة شوفي

ضحكت وهي تضمها ورمقهن عدي بنظرة حادة ككل نظراته ومايشوفوا نظرته العادية او المرحة الا ببعض الاحيان: وين عمي سيف

ام محمد: يكون رجع لمجلسه مباشر وسمعنا قبل دخولك صوت رجال دخلوا

هز راسه ووقف طالع وشاف البنات قدامه عقد حواجبه اكثر ومر من جنبهن وبصوت حاد ويوصل لهن: لا زيدين انتظرين اكثر احنا معانا عرضه للي جايين انقلعين داخل بسرعة واقف ويراقب خطواتهن متسارعة للخارج رفع حاجب بغضب وهدأ لما شافهن متجهات بيت اسامة

واتجه للمجلس ويسلم بصوت جهوري واثق وجلس بجانب عمه سيف وفتح جواله يشغل نفسه من مشاكل الاهالي اللي ماتنتهيش ولا اعتقد بتنتهي بيوم من الايام

♡♡♡♡

بعد العصر
ايلين كانت جالسة قدام ابوها اللي تعبان وكل يوم وحالته تتضاعف اكثر ماتعرف هي السبب بتدهور حالته ولا ايش اللي قلب صحته لهذا الحد مدت يدها لجبينه

وهو مسك يدها وبتمتمة: يابنتي ريحيني الله يريح عليك

ايلين: اامر يابه عيوني اخلعهم لك لو تشتي

الاب وصوته واهن من اثر الحمى اللي فيه وحتى من اسبوع ماداوم: الله يسلمك ياعيون ابوك بس قولي لابو سيف عنه خلي الولد يشوف ابوه

سيف باستغراب وكان جالس بجانبهم: من ابي ماما

ايلين بخوف وحزم: روح غرفتك ياولد

سيف: بس قال ابي تقولي لي عن ابي هو بابا اللي قلتي مسافر

ايلين بحزم: ادخل الغرفه اقول لك

سيف بانصياع دخل للغرفة

الاب: قولي للولد عن ابوه يابنتي

ايلين: ان شاءالله بقول اول شي لايلان واقول لها تكلم الشيخ سيف وترد لي ايش بيقول لانه اكيد بنخبره بالقضية لو حاول اخذ ابني

الاب: اكيد اكيد اخذي حذرك بس ضروري الحقيقة تظهر ومافي شي يتخبى للنهاية

اندق الباب معلن عن تواجد ضيوف اثار استغرابهم

ايلين: سيف شوف من في الباب

سيف خرج من غرفتهم وعليه بجامه بيتيه رماديه وشعره غير مرتب بشكل فوضوي وطفولي فتح الباب وتفاجأ باللي قدامه ابتسم بترحاب: عموو يزن هلااا

يزن...





📚 @rewayatyamania  🇾🇪

.

البــارت 75 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


ايلين: سيف شوف من في الباب

سيف خرج من غرفتهم وعليه بجامه بيتيه رماديه وشعره غير مرتب بشكل فوضوي وطفولي فتح الباب وتفاجأ باللي قدامه ابتسم بترحاب: عموو يزن هلااا

يزن ابتسم له: هلا بك كيفك سيف ووين ابوك

اشر بيده الصغير: ابي داخل انتظر اكلم الاهل يدخلوا لو سمحت

دخل بخطوات متسارعة: ماما عمو يزن جاء مع عمو وليد ادخلي لا يشوفوك

فزت واقفة بهلع ايش جابه نظرت لابوها بشك: قلت له يابه

الاب بكحة ويعدل جلسته: لا والله شكله جاء زيارة جهزي شاي من شاهيك المضبوط

هزت راسها بعجز وسرحان دخلت بتخبط للمطبخ وترفع شعرها الطوويل والكثيف لفوق وتساقطت خصلات ناعمه ترفض حبسها بالمشبك وتحب الحرية والتمايل على وجهها الفاتن حطت على النار الشاي وجهزت الكاسات بصحن مع كاسين ماء اخذت الابريق بيدها ولسعتها حرارته وهي ماانتبهت

حطت يدها تحت الماء عسى يبرد حرقته وحرقة قلبها ليييشششش جيت ليش صوته لما سمعته داخل ومتغيره نبرته لنضوج اكثر لييش رجعت يا كلب ليش كنت غايب انت وجرحك ليش رجعت ورجعتهم معك فتحت جروح اندملت بدون ماتتصفى مكونة تحتها جراثيم لابد ماتتضاعف وتطلع بجروح اقوى واوجع

لفت لدخول سيف تتمنى تمسكه لا يشوفه تخاف يتعرف عليه ويتعرف على الشبه بينهم مدت له الكاسات ومنزلة عيونها لا يركز عليهم

سيف اخذهم منها ويمشي ببطء وحذر لا يطيحوا عليه

وعيون ايلين تتبعه ومغرقة بدموع وآهات الذكريات اللي تواردت لمخيلتها من بداية اول شعور يجتاح قلبها المرهف والصغير باعجاب للشااب الجامعي اللي يدرسهم انجليزي لان مدرستهم كانت تفتقر المعلمين وكان هو من ضمن مجموعة شباب متطوعين بتدريس بس كااان هو غير عنهم هو الاكبر مكانه تعليمية كان اخذ ماجستير وكان اكثرهم وسامة وجمال واناقة تتفوقهم زاده رزانه وغرور جذاب ومناسب عليه ويزيد من اعجاب المراهقات من عمرها وكانت تتمنى يدرسها وتشوفه كثير غير لحظات خروجه من الفصل بوجه واجم وراس مرفوع بغرور  وشموخ اجزاء لاتتجزا منه

طلعت للصف اللي بيعلمني هو وبعد اسبوع من تدريسه لي وانا كلي اجتهاد رغم هدوئي بالصف وعدم محاولتي للفت انتباهه مثل بقية الزميلات كان في مناسبة واللي رحت لها مع بنات خالي وزوجاتهم انا ببراءتي وهن بخبث افكارهن ضدي دائما ولان امي ساكنة عندهم كانوا متكبرين علينا وكأنهم متفضلين واهم هم السبب بحرماني من ابي واول سبب بحرماني من حياة كأي بنت مراهقة كان شكلي عادي بين كشخاتهم واللي ماعطوني حتى ادوات تجميل احطها مثلهن ويكرهين لي كل صغيرة وكبيرة وزاد كرههن لما بعد المناسبة جاءوا الخطاب لي ومن العريس الحلم الوردي لي ولاغلب البنات المراهقات فرحت وطرت من السعادة والراحة ان حلمي تحقق وباخذ الشاب اللي تمنيته بخجل وباسر ماعرفت اني كنت لعبة لرهان امه المتعجرفة والمغروره بامالهم وبابن يمتاز عن كل ابناء القرية وتراهنت مع صديقاتها اللي يصفقن لتعجرفها وغرورها عشان مايفقدوها انها بتزوج الشاب المثالي باجمل بنت بالقرية ولان ابنها رجل متكامل وحتى انثى فاتنة وبقمة جمالها ما بيميل لها وبتزوجه عليها ولشهر وتطلب منه يطلقها ولانه مايعصي لها طلب الحقير المتعجرف غير عن عيال صديقاتها مع زواجتهم بتطلب منه تطليق زوجته ويطلقها بعد شهر واحد ويرميها لانه ماتناسبه بنت القرية ويستاهل الجامعيه بنت المدينة اللي تناسبه بالجمال والذكاء والتعليم

وصفقين له بكل تجبر اللي مايخافين من الله ويتحدنها يعرفين غرورها وانها بتطبق كلمتها ولو مهما كانت العقوبات

وحدث الرهان واني بكل جهلي فرحت وزفوني له بأسبوع فقط غير مهتمين ان اجهز كل شي المهم يتم رهان الام وزواج ابنها من الجميلة بتخطيطها وبزواج كله وفرحتي ماشافتها لما مسك يدي قدام كل بنات القرية وفرحتى فوق السماء اطير بها من نظرات زميلاتي الحاسدة ما اعرف اني بطيح من السماء وتنكسر كل اعضائي بعد ما جلست لاسبوع بغرفة ببيتهم الكبير والفخم اجمل بيوت القريه واكتشفت ان حتى الغرفه اللي خلوها فيها غرفة لخدامه سابقة ومش جناحه الفخم بس كان اثاثها متجدد وانا طرت فرحه وان لي سرير وغرفه منفرده مو مثل بيت خالي لي فرشه مع كل بنات خالي تنهدت بآااه ووجع يشوي جوفها ويقليه على نار هاديه باستمتاعهم برهان رابح وقهرها من سطحية مشاعرها الساذجة

ماطلعت من غرفتي هذيك ولا سمحت لي امه وكل اكلي وشربي يصل لي وعندي تلفزيون جلست بفرحتي ولا انتقدت ولا طالبت باكثر معتقدة ان كل الزواج فقط اخذ البنت من بيت ابوها لبيت زوجها وتظلموا بي ولا احد شرح لي الزواج وحقوقها فيه وواجباتها وامه كانت ماتسمح لها الخروج تخاف تقول لاحد عن معاملتهم لها

مسحت دموعها وعضت شفايفها بقهر ماعرفت ان الساذجة طايره فرحة...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 76 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


مسحت دموعها وعضت شفايفها بقهر ماعرفت ان الساذجة طايره فرحه جلست على الارض ماده رجولها وتحاول تنهي افكارها ببدايتها ولاتتعمق بالقسوة على انوثتها وكبرياءها والكثير تظلم فيها بس شكى قلبها مع عقلها تفضفض فيهم لله اللي تحسه يسمع لها بكل مرة تسترجع جروحها وتعذيبهم لها بتفنن واجرام لايمكن يسويه احد غيرهم

وحتى دخوله عليها كان بتعجرف وطغي لما كانت جالسه كعادتها تنام بالنهار من الملل وتسهر الليل قدام التلفاز فتح الباب بشكل مفاجئ انفزعت منه بس انحرجت من دخوله وكانت ببجامه بنطلون برموده لتحت الركبه وبلوزه صغيره وترسم جسمها الريان والنحيل..

فتحت فمها بتسأله اذا يحتاج شي لان ثاني مره تشوفه بعد مادخلها يوم الزواج وقبل اسبوع كان شكله غريب ويخوف ومباشر خلع سترته ورماها على الارض وتقدم وبشكل تهز راسها كل ماتذكرته كان غير طبيعي شكله يخوف بنظراته وكلماته السامه اللي ينفثها كافعى سامه...مردد بسخريه غير مهتم لمشاعرها....عشان امي امي سوت رهان وضروري تنجح كلمتها امي كلمتها ماتنزل وقدام صديقتها وانا ما ارد لها كلمة

انبهت لون وجهها من شكله وتقدمه المريب الى ان مسك يدها وبكل قسوه تعامل معاها وتحقير وكأنها آلة بلا مشاعر طريقة معاملته لها قاسيه يستحيل زوج يمارسها لزوجته كان مغتصب وغير طبيعي قاسي متجبر داسها وراح تارك خلفه بقايا انسانه انتهك كيانها

وقفت بلوعه تهز هز بروحها واتجهت للمغسلة تغسل وجهها بقوة ولمرات متعدد رافضه تذكر تحقير كيانها اكثر وسذاجتها اكثر لما طلعت من صدمتها بعد اسبوع وجيته لها بكلمات قصيره منه واعتذار صدقته وسامحته شدت اسنانها بغيظ بعد اسبوعين رماني باحتقار للكيان اللي نزلته اناا بسذاجتي ضربت الجدار.....ظالم كلب حقير الله ينتقم لي منك الله يوريني فيك عجايب قدرته الله لايسامحك ولا يبيحك ولا يغفر لك ذنب

لفت لدخول سيف: ماما ابي يناديك

تكلمت بصوت متغير: شوي واطلع حبيبي اعطيك شي تاكله

سيف: لا اكلت من الاشياء اللي جابهم عمو يزن انا وابي

نظرت له وصمتت كانت بتمنعه وترمي الاشياء اللي جابهم لوجهه نظرت للخارج والرجل اللي معاه يقفل الباب بعد ما فتحه له

هزت راسها باسف مغرور والكبر من سماتهم
طلعت للصالة وترفع غرتها بتافف شافت اكياس متعدد  بجانب ابوها

تكلمت بتحلطم: مفكر اننا بحاجته المغرور

الاب: قولي مشكور هو سوا واجب الله يهديك

اخذتهم بصمت لداخل وجلست بجنبه

الاب: يابنتي تغاضي ومشي بحياتك بكرة يعرف بابنه بيجينا كل يوم هدي عصبيتك هذي

ايلين بتجاهل: انزل لك المخده بتنام

الاب بتنهيدة: ايه نزليها

نزلتها وحست شي تحتها رفعته وكانت فلوس مطويلة وشكلها فوق الخمسين

تنرفزت وبعصبية: لا هذا تمادى ليش قبلت هااا احنا مش فقراء لحتى يتحسن علينا ولا نشتي من فضله شي الحمدلله حالنا مستور ومانحتاج تفضله الكذاب وكأنه صاحب واجب ودين

الاب: والله ما اعرف انه حطها مادريت متى ومثل ما حذرتك كلمي ايلان تكلم سيف وشوفي مشورته لو ماتيقنتي بمشورتي ومستهتره به

قبلت جبينه وبأسى: لا والله ما اقصد وكلمتك على عيني وراسي بس صعبة علي بحاول والله بحاول

الاب ويحك بتعب وتنهيده: نظراته وتلاطفه مع سيف قطعت قلبي والله

واستعجلي ايامك اخاف اموت وما تقولي له ويجوا اخوالك الظلام ياخذوك تعرفي انهم رجعوا من سفرتهم الله لا يوفقهم

ايلين باااه: ان شاءالله يابه ان شاءالله

لحفته ووقفت متجهه لغرفتها هي وسيف فتحت عقدة شعرها وانسااب بكل اريحيه

سيف قفز لعندها: ماما ننام قيلولة

ايلين وتخبي وجهها بغرتها الكثيفه: انتظر باخذ شاور وارجع اوك

سيف: اوك

دخلت للحمام والقارى بكرامة وفتحت الماء لفوقها بكثافه ودموعها تنزل وسطهم كيف كيف بتقدر تقله بوجود ابنه بعد كل اللي سووه فيها بعد ما احتقروها وداسوا على كرامتها

طلعت من الحمام والقارئ بكرامه واتجهت للمرايه وتنشف شعرها المبلل صلت المغرب شافت سيف منتظرها جلست جنبه وتقله يروح يصلي المغرب وهي بتتصل على ايلان متردد بس مالها مفر وضغط ابوها ازداد كل يوم اكثر واكثر  بس رمت الجوال ماقدرت ولا بتقدر  لان اول مابتكلم ايلان مابتقدر تتردد ولا تتهرب

@rewayatyamania المصدر الأول للروايات
♡♡♡♡

الجده بعصبية: ياولدي شوف عمك وينه مالك كذا بارد مش عادتك

عدي يهمس لامه: يمه من وقت جدتي هذي المره الالف بعد الميه تسأل واقولها مااعرف وينه ولا اسامه صغير ادور عليه
لا يضيع

امه. حرام قلقانه وطول اليوم تدور عليه وانت مشغول وسيف مشغول ماقدرت تطمن من احد

عدي: وجيت براس المدفع انا

احلام بقلق: بس امانه شوف مابتخسر شي من اسبوعين ماشفناه

عدي: ممكن بمهمه مخفيه مايقولوا لاحد وهذا امن دولة اهدأين

امه: انت متزاعل معه

اعتدل بجلسته: ...




📚 @rewayatyamania  🇾🇪

.

البــارت 77 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


امه: انت متزاعل معه

اعتدل بجلسته: يمه يعني لو اختلفنا شوي بتركه وين ما كان الله بس يهدي النسوان وتفكيرهن

خيريه: وتفكيرهن احنا قلوبنا حنونه مانقدر نمسك باحتمال احتمال مايكون صح

عدي بنرفزه: طيب ايش الخير انه ميت ومختفيه جثته يعني

الجده بغضب: اسم الله عليه الله يحفظه بعينه اللي ماتنام وياقهري للمسكينه اللي بتكون نصيبك بارد ثلج تجيب المرض قوووم من قدامي يله

وقف بطولة الفارع: شوفوا طردتني وكل يوم سب لي

سام: والله ماغير فرحت فيها انت جتك من الله تتهرب

اتجه له: انت تعال ليش ما احد يشوفك
هااا من هذاك اليوم ماعاد شفتك

سام: انا موجود انت ماتسأل عاصي

سحبه بسرعة متجه به للخارج: تعال ياابن جدي حبيب البنات طلع معاه للخارج وجلسوا تحت اشجار مستظلين وحوالينهم اجواء بارده

عدي: كيف صحتك تداوم على العلاج نشتيك تقوم وترجع لنا هذاك الوسيم الشيك

سام صمت بتنهيدة

عدي: البنات يتهافتين فاقدات للوسيم ومافي الا انا اخوفهن ههههه تخيل طلعت من سيارتي قبل يومين وبقمة عصبيتي من الدوام ومصدع التقي بطفلة بالتاسعه تصرخ صووت اول ماتشوفني وترد لامها من فزعتها انفجرت ضحك وانا اتذكرك حتى الطفلة خافت بس امها الكلبه طلعت تخوفها بي وتقلها ماقلت لك الشرير عدي بيجي لك ويضربك لانك بشرت ههههههه ماعرفت اني فوبيا صرت

سام بضحكة: من زمان

تولين تقدمت بجانبهم: جمعكم الله على خير

سام.وعدي: والنبي صلِ عليه

تولين: اللهم صلِ عليه وسلم منورين
اجلس معاكم

سام: اكيد ولا تهتمي لعيون عدي اللي تهددك عارف اجلسي بأذني انا لابسه ساتر

تولين: هههههههه ايه بس والله ما اشر

سام: ايه اعتقد

عدي: وين اختك

تولين: موجوده مع البنات خلف البيت تحتاج شي

عدي: بس اسأل وكيف المدرسه تذاكرين

تولين: اكيد

سام: بس قوم خلي البنات يجين عندي بتفتح له تحقيق كنت من اول دراستك دخلت محقق من كثرة الاسئلة اللي تطلعهم بالثانية

عدي يوقف: هذاا شنااف الله يشغله عديني من اول المكالمه لنهايته اسئلة وتشمتت عليه وجيت انت اليوم تتشمت فيني

سام: العرب يموتوا متوافيين

عدي: يله سلام ولا تطولين جلسه هنا لا يجي احد ويشوفكن هااا نبهت واصواتكن تكون واطيه فتح جواله ويرن على زميله بشغل ويتكلموا عن الشغل وعن دوامه ما فيه مزاج يروح يقله يسأل كم عنده ساعات دوام بالليل

@rewayatyamania المصدر الأول للروايات
♡♡♡

كانوا كل البنات مجتمعات بغرفتهن ومندمجات كل ثنتين بحوار

احلام دخلت من الباب: اصصصص دخل عدي وقال اصواتكن مرتفعه  لايجي يلعن اشكالكن
صمتين بسرعة

احلام بضحكة: ههههههه اكذب التفتت وشافت خلود طالعه بالدرج ممكن بتروح السطح

تكلمت تغيظها: انا جيت عشان اقول ان في زواج بيصير بعد اياام

اسيل باندفاع: زواج زواج من

احلام: زواج بيلار

شهقت بيلار بهلع: تكذبيييي والله مافي شي

احلام: الله المستعان عمتك تكذب

خلود من عند الباب: ببارك لك هذي المره ما بسوي مشكلة مثل ما قلكم المره السابقة

بيلار بخوف: مافي لا زواج ولا شي صحح

البنات بصمت عشان لايثيرين مشكلة وهن متوقعات لها

خلود: وحتى حددوا ومااخذوا رايك والله انجازات ابوك واخر حبك له

احلام بضجر: خلاص خلاص اصصصص امزح الزواج زواج مرام

توليب: جدددد يلللللللووووووللللليييي

تولين تضم مرام: مبرررووووك

مرام مصدومه وماردت

بيلار: الله يسامحك ياخالة فجعتيني

دخلت وقفلت الباب احلام: اغيظ امك بس

مرام: وانا من تغيظي

احلام: هههههه والله صدق وامك تبكي تقول اخر بنت لي بتروح

اسيل تضم مرام: مبروك مع انه نسى وما اعتقدنا انه بيصحى من نومته ويتذكر عقدك عليه

تولين: ايلان وحور عرفين وزوجات اسامة

اسيل: اكيد زوجة الشيخ عارفه واول خبر بيكلم الشيخ وهو بيقول لها

توليب: بروح اقول لها لو ماعرفت اخذ منها بشاره

بيلار: بقول لحور وخالي ساام

اتجهت كل واحده بمرح وفرحه ومرام هاديه ومصدومة

احلام: مبرروك وزواجة العمر

تولين: خجلانه مرام عشنا وشفنا

مرام بحلطمة تبعد صدمتها: قالوا لك مطلقه وام ثلاثة

احلام: هههههههه سمعنا صوتك الله يسعدك وبنبدأ بالحماس والتعب من بكره وتجهيز ونتصل بسمر تجهز لنا الزي الصنعاني وامل الزي الصبري

تولين: بنسوي لك عروض وحماس وااوو

مرام: لاتخططين اخاف

تولين: هههههه من الجريئة اللي كانت تقول ما بخجل وليش بخجل بالاساس ضاع الكلام

مرام: والله ضاااع تايهة ومصدومة

احلام قبلت خدها: كلنا كنا مثلك مانستوعب الا بهههههه خليك لما ترجعي ضيفه بقله متى

مرام بنظرات تائهة: ماتكلمت

احلام: بعد العصر بنكتب لك كل الاشياء وتخطيط تمام انزلي لامي تبارك لك فرحت من قلبها وسط قلقها على اسامه وبتنشغل من خوفها

مرام: تمام
واتجهت نازلة مع تولين للجدة


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 78 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


توليب  تدق باب جناح عمها فتحت لها ايلان بابتسامة: هلااا نورتي

توليب: البشارة البشارة

ايلان بضحكة: علي ايش

توليب: زواج مرام تحدد

ايلان: ادخلي بضيفك مع اني كنت عارفه
ههههههه وقال لي سيف قبل لا يروح شغله

توليب: خيره بغيره جلست على الكنبه قدام الشاشه المفتوحة

توليب: وش تتابعي

ايلان من المطبخ: برامج ثقافيه الكنترول عندك قلبي اللي تحبيه

اخذته وترفع الصوت: واطي تسمعي كذا

خرجت من المطبخ وبيدها مكسرات وكاس عصير ليمون

حطتهم قدامها: ايوه لو رفعته اصدع
عرفت مرام

توليب: ايه قالت عمتي احلام بس قبل سوت مقلب بيلار وكان بيصير اكشن مع عمتي خلود وهي طالعه هنا بس ستر الله وكانت احلام تمزح

ايلان لوت فمها: خلود مختلفه عن كل العائلة

توليب بوضوح: غثيثه

ايلان: هههههه هي اكثر واحد ماارتحت له لما كنت عروسة

توليب وتاكل وعيونها على شاشة التلفزيون: اني للآن ماارتحش لها ولا برتاح تخوف هي وزوجها يععع لو تشوفيه

ايلان عضت شفايفها بتذكر موقف تحذير سام لبيلار من زوج امها وهو يقلها تزور امها بس اذا زوجها مش بجناحه وتحذير سيف لها انها ماتروح لهذيك الجهة اللي شافت فيها هذاك المستودع وعجزت تفتحه بعدها وللآن ماقدرت تطلع شي بس متصبرة ومافي شي يتخبى لنهاية العمر اكيد ومثل ماصارت هذيك الصدفة بتصير مثلها اكثر بس بتستفيد وتطلع وصية اختها المجهولة واللي تحس انها متأصلة بخيط مع المستودع لانه يثير التخويف وعدم الاطمئنان الكل وكرههم لخلود يثير شكوكها لها اكثر

حست بمغص ببطنها من اثر التفكير واتجهت لمغسلة المطبخ رجعت كل اللي ببطنها وتحس بعرق بارد بكل جسمها ودوار خفيف تحس انه الضغط مع افكارها المرهقة لكل خلايا جسمها وهي تداخلت مع العائلة وغارقة بحب زوجها اللي ماوافقت عليه الا عشان الانتقام ومن شهوور ما انجزت شي يدينها مربوطة ولا استفادت شي ومافي اي شكوك تجاه سيف

ضحكت بسخريه شكوك وانتي طحتي على راسك بعشق سيف حد الثمالة غسلت وجهها طالعة لتوليب: تأخرت عليك

توليب: خذي راحتك بس انتي تمام

ايلان: اكيد

توليب: يله ننزل لعند جدتي مرام عندها

ايلان: كم الساعة عشر

توليب: ممكن الحادي عشر وشوي تعالي عمي سيف يجي الثاني عشر نص ساعة اجلسي معانا نستلم مرام لو تشوفي كيف انصدمت ولا جابت اي استجابة

ايلان: يله اخذت جلابيه ناعمه بيج وحجاب بني مماثل لنقوش الجلابيه وطلعت معاها

لفت على صوت حركه بجانب باب الجناح تقدمت بشك وماشافت احد قفلت الباب بحرص واتجهت للدور الاول وعيونها بكل خطوة تصعد لفوق وكانت بتدخل للصالة وشافت نزول خلود تنهدت ياخلوود وش في وراء تقربك وحوامتك بجانب جناحي ايش تستفيدي يعني دخلت وتبارك لمرام

اسيل: الحرام ما بيكون الا من ديما وتشوفي

مرام: خايفه من كلامها من لان

خيرية: الله يعينك يابنتي على هاذو النذلات بيسودوا عيشتك

الجده: لا تهتمي يابنتي وسوي دورك من دور كل اللي سبقنك واللي تمنذلت عليك اقضيها لاجاء دورها

مرام: اكيد والله لاخذ حقي

اسيل بهمس: يجي العريس بس وارفعوا ضغطي للمليون مع انه مابيرتفع هههههه

مرام: با اكد لك انه كله كلام وبتموتي خوف وتشوفي

توليب: الله يبلغنا

تولين: هههههه بطلين وكأنكن عجايز
بس بس للهفه على الزواج كله نكد

اسيل: واحنا نحب نتنكد

ايلان: ههههههههه الله ينكدك نكد زواج مش تعب ههههه

اسيل: آمييين

@rewayatyamania المصدر الأول للروايات
♡♡♡♡♡

كان الكل متواجدات بالنهار وصوت الدي جي مرتفع ورقص ومره واليوم مافي احد غريب

ديما تهمس لمرام: كيف الشعور

مرام: ايزي

ديما: ايزي تكذبي قولي خايفه موت مش مستوعبه

توليب: بس تخاف تخوفيها

ديما: هااا تخاف تخوفيها ماتركب واسري على خوف ولحد وانا بالاول والاخير بخوفك مش بخوفك بقول لك الحقيقه لان اللي تطمنك تكذب عليك

ايلان: ليش بياخذها للقصاص والا ايش عادي
المسالة كها مافي شي غريب فقط ان شوي ارتباك لدخول حياة جديده لاغير

ديما: وووو لحظات الانفراد للان اكثر لحظات مخيفه بحياتي اكثر حتى من لحظات الولاده

همس بهدوء: لا الولاده تحسي بتموتي اما هذاك بس شعور الغربه والخجل بس

مرام صامته ماتتكلم

ايلان: خليك ريلاكس عادي ومراسيم زواجك تهني فيها كلها عيشي اللحظه وبكره خليه لبكره مثلي مافكرت بشي من خصوصية الانفراد الا لما انفردت جد وطردت الفكره ولك مني رحلة على حسابي طول اليوم تماام

اسيل تقبلها بفرح: اممممح فديت الشيخه اللي متقنه الدور اممممح صحح فديت الشيخه احنا من زمان عن النزهة والرحلات

ايلان: وبتكون ان شاءالله احلى رحلة

سحبتها توليب: وقفي نرقص يلللووولييي

اسيل تمسك بيدينها وتترقص معاها

الجده: اتركي الشيخه عيب تسوين فيها كذا

اسيل: ...





📚 @rewayatyamania  🇾🇪

.

البــارت 79 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


اسيل تمسك بيدينها وتترقص معاها

الجده: اتركي الشيخه عيب تسوين فيها كذا

اسيل: هذي من فرحتنا بس

الجده: اجلسي يمه ماعليك من الهبلات هذو

ايلان بضحكة وتجلس بجنب الجده وتقبل راسها: الله يحفظك لنا

اسيل: مافي احد غريب عادي لو تخلت عن البرستيج ولو لقليل

الجده: هذي الاصول وكل انسان ومكانته الجتماعيه يتعامل ويعامل عليها

♡♡♡♡

المغرب ايلان بصدمة عمرها ويستحيل ليوم كامل تشرح لها ما بتستوعب الكلام اللي تسمعه من ايلين نفسها لااا هذي صدمه كلام مايدخل للعقل نهائي

ايلان: والله ماقدرت استوعب اللي مريتي فيه لو جبل كان انهد والله انك قويه وربي بيعوضك وحقك بتاخذيه انتي خلي امانك بالله قوي

ايلين: ايماني قوي بس مااشتيش اقله عن الولد هم مايتشرفوا به قلت لك غرورهم وتجبرهم مايخافوا الله ومثل مارموا بي ولا اهتموا للانسانه انا مابعطيه ابني بعد تعب وحياتي وقفت عليه استخفوا بكياني داسوا علي قلت لك اني حتى بعد بشاعة دخوله علي وكلماته السامه لاجل امه وكلمته ورميه لي مصدومة لاسبوع رجع وبكلمات من سذاجتي، صدقته.. شهقت ببكاء...ورماني مطلقة بعدها باسبوعين باخذ حقي والله ليندم وابني لي

ايلان بشفقة وحزن: اكيد لك طالما رميه لك وماسأل عن ولده ولا اعطاه نفقه ولا شي

ايلين: مااشتيش منه شي اشتي بس ابني لي ولا يكون له اي دخل فيه اعرفهم احقر منهم واظلم منهم المتجبرين مافي بيقلبوا ابني علي حتى لو هم رمونا بس لانه ولد وكبر لان الصيف بيجي وبيدرس رجع ويشتي مني اقوله ابنك هذا هو خذه وتهنى

ايلان بتنهيدة: خلاص اهدأي انتي وتعرفي انك متعلمه وعارفه ايش قال الله بكتابه حرام تخفي نعمة الله والاب ضروري يعرف بوجود ابنه والحضانه لك اكيد

ايلين بين شهقاته: حتى انتي مع ابي شوفي الشيخ سيف وايش بيكون رأيه وانا بسويه

ايلان: اكيد بكلمه انتي تيقني ان حقك مابيضيع واحنا تحت حكم رب كريم وامام عادل

ايلين: ان شاءالله ازعجتك

ايلان باندفاع: لا الله المستعان مافي ازعاج ولا تفكري كثير واعرفي ان الله يمهل ولا يهمل حق احد

ايلين: لا اله لا الله مع السلامه بشوف اذا ابي انخفضت حرارته واذا سيف نام 

ايلان: مع السلامة

@rewayatyamania المصدر الأول للروايات
♡♡♡♡♡

دخلوا من البوابه باطوالهم المتساويه جاين من صلاة العشاء

عدي: انا رحت للمعسكر اللي تبعه وماشفته سألت العسكري بجانب مكتبه وماقال شي

سيف: اكيد مابيقول اذا يعرف او مايكون يعرف

عدي بحواجب معقوده وقلق: ليش فيه شي خطر راح لمهمة

سيف برزانه وهدوء: هو اخذ اجازه ماكلمك

عدي: لا تعرف راح واحنا متشاجرين ماقال

نفخ براحه: الحمد لله وان قلق العالم كان براسي اللهم لك الحمد بس راح اجازه مااخذ اهله لايكون هارب من الثنتين

ابتسم بخفوت: مااعرف سبب الاجازه هذي

ضرب عدي يد بيد: ها ياسخافة افكاري قلق وروح للواء الاثنى عشر ادور عليه وللواء الاوسط وماشفته وقلق والله هذي الفائده من جلسة النسوان

سيف بهدوه واهم داخلين باب القصر: احسن وتوصلني شكاوي من تواجدك سلم على امي الصبح والنهار معانا والعصر اما نام والا هذي الايام زواج اجلس بالمجلس احسن

عدي ينرفزه بمزح: بدأت الشكاوي توصل من الشيخه

رمقه بنظره حادة: لا والله مش هي ومالك دخل فيها بس البنات هن اللي يشتكين

عدي: اكسر رقابهن يشتين يتمجننين على راحتهن ويفضحنا

سيف: معاك هيب عليهن بس بواحده واحده وواحده تغاضي ضرب كتفه يله تصبح على خير

عدي: وانت من اهل الخير اجلس معي شوي نسهر مثل ايام زمان 

سيف بضحكة: لا انا رجل مرتبط وعندي زوجه تنتظرني مش مثلك

عدي: وانا مالي بقمة راحتي لا سائل ليش طلعت ولا من وين جيت

سيف: ولو احد سألك جاوب ماتخسر شي

عدي: الله يحفظك انت مثالي ان تعرف اطباعي تصبح على الف خير

سيف متجه للدور الاخير: وانت من اهل الخير

صعد الدرجات برزانه وفتح الباب بمفتاحه ودخل متجه لغرفة النوم استغرب ويشوف ايلان فوق السرير وشارده وبيدها الجوال شغالة شاشة علامة انها مخلصه مكالمة من ثواني تنحنح وفزت بابتسامه ترحب فيه

ايلان: هلا والله بعمري حمامك جاهز فديتك

خلع سترته ومدها ليدها: تسلمي فديتك

اتجه للتسريحه ينزل اشيائه من كبك وجوال وساعته ومفاتيحه وعيونه تشوفها من المرايه شارده وتلعب باكمام سترته

صمت داخل للحمام والقارئ بكرامه واخذ شاور سريع وطلع ببرموده ومنشفه على عنقه يجفف فيها شعره الكثيف تقدم ببطء جلس بجانب ايلان ومسك يدها وقبلها: ايش فيها حبيبتي شارده

ايلان بابتسامه خفيفه: ... 


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 80 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


صمت داخل للحمام والقارئ بكرامه واخذ شاور سريع وطلع ببرموده ومنشفه على عنقه يجفف فيها شعره الكثيف تقدم ببطء جلس بجانب ايلان ومسك يدها وقبلها: ايش فيها حبيبتي شارده

ايلان بابتسامه خفيفه: مافيني شي تشتي عشاء جوعان

سيف رفع وجهها بيده: مش عليا تخبي شي وجهك حزين وبفمك كلام طلعيه

ايلان عضت شفايفها بحزن ودلال: بس الموضوع مايخصني وفيه مشكلة واخاف انكد عليك

هز راسه براحة: انتي بس قولي

ايلان: انت يله ترتاح من مشاكل الاهالي تجي لغرفتك وعند زوجتك ترتاح مش تسمع عن مشاكل جديدة

سحبها لحضنه بحب وبنبرة صوته الرجوليه والرزينه اللي تعشقها موت: اول شي انا ما اتخلص من مشاكل الاهالي انا احلها وما اتضايق نهائي هذي مسؤولية وبكل رحابة صدر متقبل كل تعبها عشان راحة الاهالي ومشكلة بصوتك الساحر هذا بتكون اغنيه رومانسيه مش مشكلة

ايلان عدلت جلستها قدامه وبدلال: تسلم واول واخر مره ازعجك تحملني

نظر لها بحاجب مرفوع وابتسامه صغيره مستمع لبداية شرحها عن جارتها وزواجها وهي صغيره و و كل التفاصيل لنهاية لوقتها الحالي

عقد حواجبه: لا مايحق لها تخفي الولد عن ابوه هذي نهاها الله بكتابه حرام وحقها بيجيها كامل وبتأخذ حقها والكلب زوجها له عقاب من يحسب نفسه حتى يدمر انسانه بهذي الوحشيه وبكل كبر يرميها ويختفي غير مبالي بالابن ولا بامه وبعمايلهم لها لا اسلخ جلده عن عظمه والله الحاكم بالاول والاخير والله يعينني على احقاق الحق للمظلومين مثلها

ايلان: امين بقول لها تكلم الاب عن وجود ابنه

سيف: اكيد اول خطوة وطمنيها ان لها سند وعظيم الله بالسماء تدعي لله وبينصرها

ايلان بحب: على يدك ان شاءالله الله يحفظك ويسعدك ويبارك بعمرك ويعينك على العدل والمساواه ويجعلك امام عادل

سيف يضمها بحب: آمين آمين هذي الدعوه احتاجها والله لبعض الاوقات اخاف اخاف ما اعدل واتحاسب وكل انسان بيتحاسب ويندم انه شق تمره بين اثنين

ايلان: انت كلمتك بالحق عاليه وبيوفقك ربك اكيد

سيف: ان شاءالله مسك يدينها لخلفها: لا ليش الدلال والرسمه لطلب ما اشتي ازعج وانا كلي لك ارفقي بقلبي يابنت

ايلان بهمس: قلبك الله يحفظه لي قول آمين

سيف: آميين ويبقيك لي يامن ملكتي قلبي وتربعتي فيه

@rewayatyamania المصدر الأول للروايات
♡♡♡♡♡

حور بصوت هادئ: سام اشرب دواك

سام وهو متسطح على سريره: شربته الصبح

حور: قبل ست ساعات بس هذا الدواء الآن

سام بنبرة واطيه: مافي فايده شربته الآن والا بكره هذا انا ساام من سنتين

تقدمت لجانبه ومسكت يده بجرأة مختلفه لاول مرة متخليه عن خجلها: لا تيأس من عطاء ربك ربك كريم

سام: لا اله الا الله

مسك يدها اللي على يده بيده الثانيه واستوى جالس وبتغيير للموضوع: لاا جبتي الحليب وانا بشرب علاجي عليه

فرحت وبسرعة تقدم له الكاس مد لها يده وهي حطت الكاس بيده الممدوده جت بتقوم بس منعها

حور: بجيب لك ال

سام بابتسامه: مابشربه الا اذا شربتي قبلي من الحليب اشوف اذا نسيتي عقدتك وانتي صغيرة

حور بكذب وتهرب: هذاك واني صغيره الآن اشربه عادي خلي الحليب لك انت واشربه مع علاجك تمام

هز راسه بنفي: لا مش تمام قدمي لي وجهك

حور بخجل: ليش

سام: بقبلك

ضحكت بخجل وسام ضحك بقوة

ضحك ومد يده الثانيه متحسس بالهواء مكان وجهها قدامه وحس شعرها الناعم نزل يده ببطء متحسس ملامحها بهدوء شديد حس حواجبها الدقيقة والمرسومة بدقه وعيونها الواسعه برموش كثيفه انفها المستقيم خدودها المليانه ونعومتهم الحريريه واصل لفمها وحس بانفاسها تلامس يده حولها لخلف راسها ومد لها الحليب بدقه وكأنه حفظ كل انش بوجهها همس: اشربي اشوف لو بطلتي هذيك العادة

شربت شوي حور وعقدت حواجبها بتقزز بكل حياتها ماشربت الحليب لانها تكرهه وما احد غصبها غير سام والمرتين فقط لما كانت صغير والان
ماقدرت تبلع الحليب

سام بضحكه: ابلعيه اشوف

حور كحت بعد مابلعته وسرت قشعريره بكل جسمها

سام بنبرة رجوليه هاديه: والله انك هذيك حور الصغيرة بس ملامحك نضجت وجسمك طال شوي وطلعت مفاتنه

نظرت له بخجل من كلامه ووقفت بتهرب

سام: تعالي ما بتجيبي الدواء بشربه عشانك والله والا ما احس في له داعي

حور بصوت منخفض جاهدت تطلعه وسط خجلها: لا ضروري تتيقن وماترسم لعقلك الباطن انك ما بتتعافى لا.. تيقن بلطف ربك والله كريم

سام بعد تنهيده: الله كريم واسع بيجي اليوم اللي اشوف واشوفك حور هذي صارت امنيتي افصحها لك والتغزل بلونك ولون عيونك حمرة خدودك الخجلة نسيت ايش كانت اهدافي قبل زواجي بك لاتعافيت اما الآن كل امنياتي اتغزل بشكلك باريحية

تنهدت وصمتت

اندق الباب
واتجهت له حور تفتحه


https://tttttt.me/rewayatyamania/52368



📚 @rewayatyamania  🇾🇪

🔥


بـارتـات يـومنـا الخميـس 👆🏻😍