.

البــارت 31 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


كانت تشوف للمحبس وتفكر باللي يشغل بالها من ثلاث ايام ووين اخفي المكان ومفتاحه هل كنت هذاك اليوم اتخيل تنهدت بحاول اسأل سيف لان احسه واضح بكل حياته قدامي وكأنه دفتر مفتوح لي، عكسي قدامه تماما واحيان كثر فطنته يسألني وانكر وايش اقول في اغلاط بقصرك واشياء مخيفه و و ولا اعرف، شي منها وهو اللي عدله عم كل اهالي المحافظه والمدريات ككامل ايش بيكون موقفه واحسه يكتم استغربه من غموضي واحيان مستمتع لان يكتشف حياتي وكأني لغز بحياته وهذا الصح واللي احب بس لو دون هذي الاشياء المخيفه كنت برتاح

لفيت على صوت الجده وهي تسأله: ياابني ليش الحميرا زوجتك عنده كم وكم لا

ضحك بخفه وشاف لي اجاوب انحرجت والله وهو اعجبه الانتقاد ينزعج من نظرات النسوان على قوله وكل انش فيني يحق له بس يشوفه الغيور ذا صمت ايش اجاوب

وتكلم هو لما حس بخجلي: والله يمه هذا تصاميم الموضه ايش نسوي احنا بالمصممين وبجرأه: وبيني وبينك والله عاجبني

بسرعه غزت حراره وجهي واعرف لونه اكيد قلب لاحمر

الجده بضحك: الله يقطع الموضه ولو عجبتك تلبس لك بس وللنسوان تلبس قدامهن شي ساتر لا يمرعنها..يصبنها عين... ترجع تعالج تتعب ما شاءالله حميرا تنحسد

ضم اكتافي اوووف الجريء والله ماتوقعته ظنيت ان رزانته قدام خواته والبنات انه حياء بس قدام الجده تبخر كل شي تكلم: اسم الله
عليها همس لي رقيتي لنفسك والله جدتي دخلت فيني الشكوك.. وبضحك: الله يعينك بس

ابتسمت: ايه اقرأ اذكاري مابيصير فيني شي

سيف كان بيتكلم بس ابعد يديه اللي اربكتني وهو يشوف بنات اخوه يدخلين بلباس متطابق وتسريحات، شعر، مماثلة باشنيون وقصه كثيفه على جبينهن عكس على بياضهن وشورتات لنص الفخذ من الجينز اسود وتيشرتات زهريه فتح يديه وجرين لعنده

ضمهن بحب: هلا والله هلا بحبيبات عمو

ديم بمرح: هلا فيك عمي كيفك

سيف يقبل خدودهن: ياعيون عمو تمام وانتوا كيفكم

ديم: تماااام بعد شوفك

سيف: ياربي واللسان الطيب بسسس اللي يخلي الواحد ياكلك

ديم: عادي فداك

ضحك بحب وضمهم الثنتين

@rewayatyamania المصدر الأول للروايات

اديم هاديه عكس اختها اللي لسانها لبق وترد كل كلمه بكلمة طيبه وهذيك مسكينه صامته او بارده كذا سألت سيف بهمس: ليش اديم مافي كلمه ترد

لف لي براسه وهمس: حلو جت لحضني انا الوحيد والا حتى ابوها ماتروح عنده الا بالقوه
وثانيه وتهرب

رفعت حواجبي باستغراب

سيف بضحكه: ما جاءت من بعيد نسخة ابوها
باردة مثله بس احبها والله

هزيت راسي: الله يبقيهم لكم

سيف: امين ويحرك شفايفه بمعني... ويبقيك لي

فتحت عيوني بتحذير

وهو تجاهل تحذيري ويحرك شفايفه بكلمة احبك وبوسه

صديت بخجل مجنون ايش فيه اليوم فقد عقله الرزين

سيف بهمس: عادي يفديك عقلي وكلي

ايلان: كيف سمعت

سيف: هههههه قولي كيف فهمت لان ماسمعت بس فهمت ملامحك

قطعتهم ديم وهي تبعد عن حضنه: عمو
وين بابا ماشفناه

تنهد سيف: بابا الله يهديه بابا بيجي اكيد

اشرت بيدها الصغيره وبدلال: متىىى

سيف: اليوم بخليه يجى وعد

ديم بضحكه: هاااا وعد من عمو الشيخ

سيف: ههههه حلوه عمو الشيخ

ايلان تتابعهم وتحس ان ابوة سيف متأججه وتحسد عيالها على هذا الاب المثالي مصدر ذخر وفخر

وقف على اذان العصر وقبل البنات بخدودهن وراس الجده ولاول مره خدودي قدام احد ياربي خلاص ماعاد بجلس مره ثانيه جانبه وبوجود الجده بس ويشوف يستغلها فرصه ومايستحي

صعدت اصلي وشوي وننزل عشان بتجي النقاشه عشان بكره لان نقشة العرس راحت كلها وبكره بنروح الضيافه.. الضيافه تروح العروسه مع زوجها وكل اسرته واحيان جيرانه لبيت ابوها بهديه كبيره وخروف او تيس وتجلس من الصبح بعزيمه كبيره ببيت اب العروسه ويتغدوا والعصر يخزنوا الرجال مع الرجال والنسوان مع النسوان اكيد  للمغرب وترجع لبيت زوجها وهذي عادة قديمه ولوقتنا الحاضر..حقيقه.. وتكون بعد يوم الزواج اما بثمان ايام او نص شهر او شهر...

♡♡♡♡

رحم الله الزبيري عندما قال

ماكنت احسب اني سوف احيه
وان شعري الى الدنيا سينعيه
وكنت احرص لو اني اموت له وحدي فداء
ويبقى كل اهلي
الكاتبه نبع الانوثة




📚 @rewayatyamania  🇾🇪

.

البــارت 32 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


بعد العشاء كانت جالسه مع سيف ومخزنين
وكان عليها فستان قصير احمر بدون اكمام
والنقوش على يدينها كامل للكتف
والظهر نقش واسم سيف بطريقه احترافيه
ورجلينها لفوق الركبه نقش اسود يمني اصيل
وبطريقه مبهره وشعرها مفتوح وميك اب ناعم
بروج احمر

كان صامت وهي فيها ملل لان من ساعتين جالسين وكطبايع للرجال يصمتوا وقت خزانهم
وهي جاها النوم جتها رسالة فتحتها وتشوفها من ديما تخبرها انهن كلهن متجمعات بغرفة الجده اللي تحط الحناء مع احلام وام محمد اللي مايحبين النقش الاسود ويقولين ليش، مايصبغين اظافرهن مثل الحنا وهذي مشكلة كل النساء اليمنيات الكبار ليش الاظافر بيض ^_* صح

تنهدت وشافت لسيف الصامت واوقات يفتح جواله ويراسل فيه اظن ولد اخوه المسافر واخوه اسامه اللي واضح في مشكلة بينهم لما طلع قبل نص ساعه يكلمه وكان صوته مرتفع معصب عليه ويحلف عليه يرجع ويشوف بنته وماعاد سمعت الباقي لان شكله راح للغرفه اللي بالجنب رسالة مره ثانيه تناديني انزل لهن لااا مااقدر اكيد
ورسالة ثالثة ورابعه جيت بقفلة بس لا تجلس تحسدني انهن نشطات ويضحكين واني لا

سيف باستغراب: ليش بتقفليه لايتصل من اسرتك

ايلان: مايتصلوا من بعد العشاء عادي وبطفيه لاتنزعج

سيف: ليش من من الرسايل

ايلان: من البنات

سيف: ايش يشتين يحتاجين شي اكلم الحارس يجيبه

ايلان: لا يشتني انزل لعندهن يقولين انهن بغرفة جدتي

سيف وكأنه لاحظ الملل عليا: عادي انزلي

ايلان برفض: لا مابنزل انا معاك ايش اشتي بهن

سيف بحنان: لا والله تنزلي ساعه وارجعي تمام

ايلان وقفت: تمام

سيف بتحذير: وغيري فستانك بشي طويل وساتر لا تشوف امي النقش بتحرجك مثل العصر

ابتسمت: تمام وخلاص توبه البس فستان مكشوف بوجودك ووجودها اتفقتوا عليا

ارسل لها بوسه: لو ماتلبسي قدام احد غيري يكون احسن

ايلان بضحك: ان شاءالله اخذت جلابيه ناعمه زهري ونقوش كحلي ولبستها ونزلت بعد ما اخذت الستاره الصنعانيه وتغطت دخلت عليهن: مساكن الله بالخير

ابتسمت ديما ورد الكل: الله يمسيك بالخير والسعادة والعافية

ديما: تعالي هناااا ايلان

اسيل: يااااااه يارومانسيه والجميل المزين
لليل ونهار

ام محمد: ما لك دخل عروس وتتزين

احلام: وبطلي تتكلمي بخصوصيات ماتستحي

اسيل: ان شاءالله

مرام بهمس: ما اعتقد

الجده: هلا بزوجة الغالي حبيبتي تعالي جنبي

راحت جنبها بجهه وديما جنب

ديما بضحكه: نزعت الجو

ايلان: لا عادي وبيني وبينك مللت

ديما: قولي لي انا اعرف الطفش، بالذات بايام الزواج الاولى ما احد يعرف ايش يقول بس بكره تحملي والنونو يونسك

ايلان: بدري على الحمل والهم

ديما بضحك: بدري من عمرك هذا اذا ماآخر الشهر وانتي،حامل

ايلان باستفسار: الاااا وين راحت همس ما شاءالله من هدوءها ما احد يركز لغيابها

@rewayatyamania المصدر الأول للروايات

ديما بسخريه: لا قولي ما احد يفتقدها بس انتي تلمعي المفردات

ايلان: لا والله مااقصد بس وين راحت

ديما: راحت بيت ابوها

ايلان: زياره

ديما تغير الموضوع: مانيش عارفه اسمعي شافت للجده: يمه ايش،كنتي تشوفي زمان وانتي صغيره

الجده تنهدت: يا هذيك الايام والله لو واحده من بنات هذي الايام تموت

ايلان: يا انتم يا الكبار ماتحبوا ولا شي فينا

الجده وتحرك يديها المجعده: لا بنات الايام هذي فيهن سذاجه وهبال مافي قوه

ايلان: مش كلهن يمه

الجده تأشر للبنات كلهن: هذوول اللي قدامك كلهن لو تقولي لوحده روحي للباب الخارجي ذابت من الخوف

ديما بخبث: اسمعي احكي لها يمه ونشوف انها مثلنا ولامثلكن

اسيل: ديما مع هذيك السيره اللي تخوف

الجده بحزم: ما في شي يخوف طبيعي ولفت تحكي لايلان: هذا يابنتي لما كنت ببيت ابي ماتزوجت وكان من حق زمان مش مثل هذا القصر الانوار تلاحق كل انش بالبيت هذاك دار
كله مظلم ولا فيه ولا طاقه..بمعنى نافذه... ودرج تحت الله يعزك سافل..موى.. للمواشي  

وفوق غرفه لكل بيت ومطبخ وتشوفيه من خارج خمسه ادوار كنت انزل انا وبنات عمي بالظلمه بس نتحسس وكنا تربينا فيه مابدنا نتخطي الا واحنا نمشي في هذيك الدرج

ايلان بانبهار: طيب يمه لو في احد وفزعكن

الجده: هناك الخلاف مافي فزع بقاموسنا

لفت بتفاجؤ لديما والبنات اللي واضح ماينصتين للجده لا بس وجودهن عدد وكل واحده تنشغل بشي عدا الجولات اكيد لان الجده بتشاجرهن

واصلت الجده: اذا احد سوى حركه مثل ماقلتي يخوفنا مانخاف اعطيه كففف لما يدوخ

ماعدا لا نخاف من انسان يابنتي كنا نخرج قبل الفجر بمايقارب الثلاث الساعات ليييين السايلة اللي فيها الماء عشان نسائب.. ياخذين الماء باسطوانات بلاستيكيه او بجرار للبيوت نقضي فيه حاجتنا الى  اليوم الثاني هذاك الوقت ومره طلعت لوحدي...




📚 @rewayatyamania  🇾🇪

.

البــارت 33 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


ومره طلعت لوحدي لان عشان اسبق البنات للماء الغزير والصافي وللييييين نص الطريق إلا واشوف اشخاااااص طووووااااااااال وكلهم ابيض
عقدت حواجبها وتشوف لديما اللي غطت فمها تكتم الضحكه

الجده: كانوا هذوك الطواال مايقارب العشره
تجاهلتهم ولا سلمت عليهم

ايلان: ليش

الجده: ايش اللي ليش هذوك مخلوقات جان ايش اسلم والله لا يعطوني كففف يطير اسناني

دق قلب ايلان برعب وتشوف للبنات اللي مفتحات عيونهن ويتابعين والهلع على وجوههن بس ولا واحده تجرأت تطلع بتتشمت فيها الجده

شافت ايلان للجده اللي مستمره بسردها

@rewayatyamania المصدر الأول للروايات

الجده: وكان معاهم بقره خضراءءء وضعيفه
اللي مايخافوا الله مايطعموها وكان من كبر عمرها ضروعها...ثديها... طوووال وفوق ظهرها

ايلان تبلع ريقها وبمكابره لاتلاحظها الجده وتضحك عليها مثل بقية البنات

الجده: مشيت متجاهلتهم الا وادخل بداية السايلة واشووووف هذيك الداهيه اللي لو حست على نفسك بس اكلتك دفعه واحده كتمت نفسي عشان لاتنتبه عليا بس

ايلان بهلع: بس عشان لاتنتبه ماخفتي

الجده: لاااا ماخفت وهذيك ضخمه بمقياس اثنين اثوار وبلحظه قفزت من جانبي الى الجبل المقابل وتصهل مثل الحصان

صرخت توليب: بسسسسس والله ماعاد اكابر بموت من الخوف ولو جاني حاجه للحمام الله يعزكن ما اقوم واعمله لتحتي

مرام: حتى اني

ايلان ايش اقول واني اكثر وملامحها جاده ماتخوفنا هيااااا

الجده: هذي الا مره بس وشفتهن والا لما شفت الاعور ابو عين بوجهه والثانيه بنص خده وانفه لصدره وفمه من الاذن للاذن

ايلان: بهمس اسم الله هذا الخوف لان قمت من عند زوجي والا مااحد بينفعني الله ياخذك يا ديما والله انه خبث منك كلبه كيف اطلع لجناحي وانا اللي بالدور الثالث ووحدي احس شي الان بيمسكني من خلفي والله ماعاد اجلس فتحت جوالي بخفيه ولان بصمه مااحتجت لوقت اخفيته وانا اكتب لسيف يجي للغرفه بسرعه ويناديني لانني محرجه ارجع وانا خلصت الساعه والبنات ماسكين فيني

رد: عادي لو مرتاحه اجلسي نص ساعه زياده

ايلان عضيت اسناني ايش نص ساعه والله مايبقي معي ولا ذرة عقل ارسلت: لا نعسانه تعال لي امانه بسرعه فديتك

مارد واعض على شفايفي والجده من شي مفجع لشي افجع الله يجيب العواقب سليمه سمعت صوت سيف تنهدت براحه ووقفت بسرعه البرق لا احد تمسكني: تصبحين على خير
وبنصحى من حين..من بدري..

احلام بابتسامه حنونه: لاتقلقي ومااحد بيلومك الشوق جياش لبيت الاهل اول مره

ام محمد بضحك: اهم شي تقومي انتي

ايلان بتهرب: اكيد

وطلعت وتلفتت وين سيف لان الضوء مقفل وتحسست بخوف وحسيت ظهره مسكت ذراعه
وبخوف: الحمدلله شفتك

سيف باستغراب وهم متجهين لفوق: وين كنت
يعني

ايلان: ماشفتك جنب الباب

سيف مستغرب تلصقها عليه: شفيك ايلان

ايلان تضم نفسها لكتفه اكثر: اسرع

سيف: مالك.. ايش فيك...

ايلان بهمس: خايفه اصصصصص لا تتكلم تحس علينا الداهيه

اعتلت ضحكة سيف بقوه لاول مره يضحك بهذي الطريقه: ههههههههههههههههههههه
هههههههههههههههههههههههههههههه
جدتي خوفتك

ايلان برجاء: اوصصصص لا تسمعنا فديتك

سيف بضحكه رجوليه صاخبه وهم يدخلوا جناحهم: هههههههههههههههههههههههههههههههههههههههههههههههههههههههههه
وتصدقي انتي

ايلان وتجلس مكان سيف السابق: اكيد ملامحها جاده ومابتكذب

سيف: ههههههههههههههههههههههههههههه
لا قلبي مابتكذب بس بتخوفكن ههههههههههههههههههههههههههههه

ايلان بحنق: خلاص سيف لاتضحك بموت خوف والله

جلس جنبها وضمها من كتفها

ايلان بحقد: اعرف انه ديما الخبيثه لاجل تفجعني وتنزل مكانتي عند امي وانا كابرت وما كلمتك الا سكته..خفية.. وبتحذير.... لا تقول اني خفت

سيف: ههههههههههههههههههههههههههههه ماخفتي لا انرعبتي

ايلان بدلال: لا تضضضضضحك

سيف يكتم ضحكته: ما اضحك

وبعد دقايق ايلان بخجل: سيف ضحكتك تجنن

سيف ابتسم: اييش اييش

ايلان انحرجت وابتسمت

سيف: عيديها

ايلان بدلع: نوووووو

سيف بخبث: راااح الخووف

ايلان تلفتت بخووف: سيف امانه لا تخوفني فديتك

سيف بحب: يا قلب سيف وانقلاب حاله من سماعه لاسمه بصوتك


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 34 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


قبل الظهر بساعه كان الكل بسيارته وخلفهم سياره مليانه هدايا من فواكه وحلويات وخروفان كبار و و و كانت ايلان جنب سيف
ماتركها تركب مع احد من اخوانه اوعيال خواته وهو مايطلع معها لخارج البيت لا يخاف ان احد من الاهالي يشوفها واللي فضولهم يتمنوا يلمحوا منها ولو الشكل الخارجي وبعدين غزل وتكون سيرة المجالس وهو مايسمح لهم ولا عمره تكلم على انثى مثل ما يحس بالغير غيره مثله على محترمه

كانت متغطيه كامل وسياره مظللة ووصلوا لجنب البيت عض سيف شفايفه اوووف مامعاكم حوش

ايلان باستغراب: لااا

سيف: خلاص انتظري لف لخواته ام خليفه وام محمد وام عدي

نزلوا مره واحده وانتظرين لما يوصلين البنات وشاف لايلان وتقدم لجنبها وبهمس: انزلي بينهن وادخلين مره واحده وبسرعة

هزت راسها بدون اعتراض وهي ايش يصبرها
وقلبها يطرب لا تنزل وتضم امها بكل مافيها من شوق

جاءت سيارة اسامة وسيارة محمد وسيارة احمد ونزلين البنات كلهن

فتح سيف وتقدم لباب ايلان فتحه ويشوف وسب بعصبيه وهمس: ايش يستفيدوا....ان..........*
**** غثيثين

ايلان استغربت الفاظه: من

سيف بحزم: بسرعة اشر لهن لعندها ودخلين كلهن مره واحده

اسيل: الله ياللي خايف ويغار

ايلان بنفسها وانا اقول ليش يسب بس هم اهل حارتي ويعرفوا شكلي وانا متغطيه

دخلت وشافت امها وتضمها بشوق كبير والثانيه تبادلها بشوق اكبر ودخلت تستنشق هوا بيتهم
بفرح

دخلين لغرفة الضيوف واللي بتزدحم بأسرة سيف بس رحبت بهم وتاخذ الضيافه

اتجهت للمطبخ وتسلم على جيرانها وتضم ايلين بشوق لان ماكانت تتواصل معاها بكثرة

ايلين: ياعمري للي سمنانه

ايلان: لا تكذبي

ايلين: والله ما اكذب اممم يا ريحة العرايس والغناء

ايلان: بطلي تعليقاتك ماتتوبي ووين حبيبي سيف

ايلين: عادك جيتي من عنده الآن

ايلان: هم حبايبي الاثنين مالك دخل

ايلين: عيدي عيدي وين الكاره و و لاتخليني
اطلع الماضي

ايلان بضحكه: هههه كل شي يتغير

ايلين: خلاص اطلعي يا حرم الشيخ، لا تتوسخ ملابسك وتعفن ريحتك

ايلان: امانه تعالي بعد الغداء من حيين

ايلين ابشري وشوفي كيف شكلي وكيف شكلك

ايلان بحب: والله انك عسل بكل حالاتك

اتجهت عند البنات اللي يتكلمين بهمس ورحبت فيهم مرة ثانية

ام سامي اللي جت من صنعاء ووصلت الصبح: اشتقتي للبيت يا ايلان

ايلان: مووت

احلام: كلنا كذا

بيلار تضحك: عمه كيف سامي

ام سامي بتحذير: كفييه من شرك يابنت هارون

بيلار: والله احترمه واحب صفاته ليش، ماجاء لعندي

ام سامي: الولد شباب مسوي نفسه ويخجل

بيلار: والله مايخجل مني انااا والله اشتقت لكلامه الصنعاني يجنن من صوته

ام سامي: انتي تعرفي مثل ما اعرف انا انك تحبيه مثل اخيك بس الولد متعلق بك موت ويحبك

بيلار: مثل اخته

ام سامي: ما اعتقد  والله لو يقول يشتيك زوجه وترفضي ادخل ببطنك لا تتعبي وحيدي

بيلار: هههههه احلى شي لا واعيش بالعاصمه وماارجع هنا موافقه

ام سامي: بكره على الرواحه نخطبك

خلود: وش تخطبي وهي مخطوبه لوليد الدكتور ابن اخ ابو براء

بيلار بحزم: قلت كلمتي رافضه ومستحيل اوافق على شي خالي سيف رافض له

خلود: هبلا دكتور من يرفضه

بيلار: لا تبالغي هو صيدلي

خلود: المهم نشوف من بترضي عليه

بيلار: اللي بيرضى عليه خالي سيف او ابي
بسسس

خلود: يعنيي وعمك باسم مالوش كلمه عندك

بيلار بكره: مالوش حرف مش كلمة

احلام: اصصص احنا بيت الناس

اسيل بغيظ: متى صارت الخطوبة

بيلار: هذاك اليوم لما نادى خالي سيف امي ورجعت امي نادت عليا هي كلمتني وقلت رأيي من رأي خالي سيف وقال لي رافض، ورفضت

توليب: ولا قلتي لنا

بيلار بانزعاج: ليش اقول وشي وانتهى

ام عدي: صح الله يزيدك عقل شي وانتهى

ورجعت مواضيع مختلفه يتبادلين بينهن الكل
وقدمين الغداء لرجال والنسوان وبعد العصر كانين براس المجلس احلام والجده وام عدي وام محمد وام سامي وديما وايلان وهمس اللي اخذوها من بيت ابوها مع سيف و البنات بيلار واسيل وتوليب وتولين ومرام وبنات ام محمد وبنات ام خليفه وبنات ام سامي ودخل طفل انيق ببدلة رسميه سوداء ومرتبه

مدت ايلان بفرح يدها: هلااااا بحببيبي هلاااا سلمت عليه وهو يسألها عن حالها بشكل وكأنه كبير وعاقل

وايلان تقبلة واخذنه كل البنات لان الطفل جذاب وجريء يدخل للقلب بسرعة

دخلت ايلين وعليها فستان ابيض قصير من الستان ويرسم جسمها المنحوت رسم ويدينه منفوخه بقبضه من عند اليد وناعم بدون نقش وشعرها الطويل مفتوح بظفيره للجانب وتصل لبداية الفخذ وميك اب ناعم ابتسمت وقدمت لها ايلان بجانبها مكان بعد ما سلمت على الكل





📚 @rewayatyamania  🇾🇪

.

البــارت 35 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


حسبي الله لا اله الا هو عليه توكلت وهو رب  العرش العظيم

♡♡♡♡

جلست جنبها وكل واحده تسأل الثانيه عن احوالها وايش سوت بالايام القليلة اللي مرت بفراقهم وضحكت كثير ايلين على ايلان لما تسألها عن عائلة زوجها وهي تلخبط بين اسامي البنات بالذات المتزوجات والصغار لان ماجلست معاهن غير اسبوع بعد الزواج وكل واحده راحت بيتها وعرفتها على اللي بالبيت وفاهمه لهن اما بنات ام محمد وام خليفه وام سامي ماقدرت تحفظهن

واندمجت بعد وقت ايلين مع ديما وبيلار اكثر شي وتبادلين بالافكار والآراء

ووقفت ايلين ترقص مع جاره لهم وتقدمت اسيل اللي بعيده عنهن شوي: من هذي اللي ترقص

بيلار: قصدك اللي عليها الابيض

هزت راسها ايجاب: ايه هي الصاروخ ارض جو من وين جابت كل هذا الجمال طوول وشعر وملامح حلوه كوكتيل صراحه فتنه

بيلار: اي والله اسم الله عليها هذي صديقة ايلان وجارتهم وما شاءالله حتى دمها خفيف
واندمجت معاها بسرعه

اسيل عيونها مانزلت من على ايلين: ايلين اسمها صاروخ مثله والله لاخطبها

بيلار: عجبتك ولمن

اسيل: للعقيد عدي مافي غيره يستاهلها مع انهم بطولهم هذا بيشكلوا الحادي عشر 

بيلار: لاا حرام والله ماتناسبه ولا يستاهلها لان  ولد اخيك شرير بتظلميها

ضحكت ايلان عليهم وتتابع مناقرتهن

اسيل: والله مابظلمها ولا شي حبيب عمته مايستاهل الا واحده مثل اذي اسم الله كاملة وبيقبل يدي ولو رفض اخذتها لواحد من الهبلان محمد واحمد اللي مايحترموني

لوت فمها بيلار: يقبل عدي يدك قولي يكسرها ويقل عدي يحترمك

اسيل: ههههههه يمون العقيد على الراس
وان رفضوا شافت ايلان بخبث: اخذها لشيخ يستاهل واحده واثنين وثلاث

ايلان فتحت عيونها: اقتلك والله بس تفكري وسيف بيرفض وحتى ايلين يستحيل توافق
عليه وهو زوجي

اسيل: لا لا شكلها صدق لعدي شوفي امه كيف مانزلت عيونها من عليها والله وصدنا لك يا عدي

ايلان: ههههه ليش غزال هي

اسيل: ايوه غزال وبناخذها لثور ههههههههههه

ايلان: اشششش شوي شوي الكل يشوف لنا

اسيل: لك انتي زوجة الشيخ 

ايلان: زوجة الشيخ بس

اسيل: اعرف انك حلوه وتجنني بس بس غرور الغرور يبشع با لجمال مهما كان

رجعت ايلين وفتحت معاها اسيل اسئلة ماتنتهي وايلان وبيلار يضحكوا على جنانها وكأنها ضامنه انها لعدي

@rewayatyamania المصدر الأول للروايات

دق جوال احلام وردت وبعدها اشرت للكل يتجهزين لان المغرب بيأذن ونادى يامين على اخته وراحت تسلم عليه وعلى ابوها بشوق وتعتب عليهم ليش مازاروها هناك ومتواعدين بخيره بغيره وودعتهم بدموع وراحت مع البنات لسياره سيف مثل ما اتصل عليها ونبهها وهو متنرفز من السطحية اللي بها الحاره وكانه بغصب الا يشوفوها

♡♡♡♡

اليوم الثاني الصبح كانت مع خوات سيف وجنبها ام عدي وحاسه انها بتفتح موضوع ايلين لان متأكده وامه، شوي منطوية وهاديه

ام عدي بتردد: امممم ما شاءالله امس الحاره تبعكم حلوة ونسوانها نشيطات

ابتسمت ايلان لان تأكدت: صدق ارتحتي معاهم لان اكثر مايغلب على بنات الحاره التواضع

ام عدي: ايه وما شاءالله جميلات الااا جارتك اللي كانت عليها الابيض الطويلة اظن قالت اسيل اسمها ايلين اممم مخطوبه

ايلان: لااا ليش

ام عدي: الحمدلله والله ارتحت لها وقلت اخطبها لوحيدي

ايلان: والله بيتوفق بايلين بنت تجنن بس والله مابكذب عليك احنا قبل شهرين من الآن خطبناها ليامين اخي ورفضت

ام عدي: رفضت ليش واخوك مافيش،بأخلاقه

ايلان: مافي نصيب وتقول عشان ابوها واخوها.. طلعت جوالها....والا اقولك بتصل عليها واستفسرها وجوابها تسمعيه لاذنك لان صعب ان ينرفض تمام

ام عدي: تسلمي تسلمي يابنتي

ايلان وتنتضر ايلين تجاوب: سلمتي ماسويت الا واجبك

جاها الرد بصوتها الناعم: يا هلااا والله واحلى صباح نتصبح بصوت زوجة الشيخ ونرجع ايام زمان

ابتسمت بحب ايلان: تسلمي حببتي كيفك بعد امس

ايلين: الحمدلله مثل الحصان ليش وانا الان بمكتبي بالمشفى

ايلان: ايش النشاط هذا الله يرزقنا

ايلين: لا انتي اتدلعي حقك الدلع حبيبتي

ايلان: امممم مابطول عليك وانتي مشغولة امس شافوك من  عائلة سيف وحبينك كثير

ايلين: والله حتى انا حبيتهن كلهن ما شاءالله متواضعات يجننين

ايلان: يعني القلوب عند بعضه ويشتين يعني يقربنك مننا زياده وتكوني هنا معاهن فأيش تقولي

ايلين فهمت تنهدت بأسى وقهر من حظها النحيس: والله مااقدر وتعرفي رأيي ابي مسن مالوش احد غيري يطبخ وينظف له وابني فديته مااعتقد بيجي يوم وافترق عنه وشغلي مااقدر اتركه بيوم وهو كل مستقبلي ولا اعتقد رجل يمني بيرضى زوجته تصرف عليه وتطلع من البيت

شافت ايلان لام عدي اللي هزت راسها ايجاب

ايلان: ...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 36 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


شافت ايلان لام عدي اللي هزت راسها ايجاب

ايلان: يله الله يعينك ويجيب ولد الحلال اللي توافقي وياخذ ابوك معك وابنك على ماتقولي

ايلين: ما اعتقد ويستحيل اتنازل له وانزل من حق ابي وابني ويحسسه انه ينفق عليهم لااا

ايلان: مثل ماتشتي مع اني انتي عارفه اني مناقضه لكلامك وحياتك تتركيها تروح

ايلين: عشان الغاليين يرخص روحي

ايلان بيأس من محاولة اقناعها مثل المرات السابقه بمثل هذي المواقف: الله يبقيهم لك

ايلين: آمين وخدمات

ايلان: خدمتك العافيه مع السلامة

ايلين: مع السلامة

قفلت الجوال وشافت لام عدي اللي هزت راسها ايجاب

ام عدي: الله يكون معها ويعينها

ايلان: ما زعلتي لان رفضت

ام عدي بطيبه: اكيد لا وكل شي قسمه ونصيب وابني راسه حديد سألته ويتهرب
واعرفه لو جلست على رأيه بيرفض بس قلت لو تكلمنا للبنت واخذنا الموافقه بنوصف له البنت  ومااعتقد كان بيرفض وصديقتك تقول ابنه من ابنه

ايلان: لا هذا اخوها بس ربته من وهو باللفه هي وماتحب يناديها الا بماما

ام عدي بشفقه: ما شاءالله الله يسعدها

ايلان: آمين تستاهل ايلين دعوه كذا الله يحفظك
ويعينها

@rewayatyamania المصدر الأول للروايات

دخلت ديما: السلام عليكم

ام عدي وايلان: وعليكم السلام ورحمة الله

جلست جنبهن وخلعت الغطاء مع الحجاب: اووووف حررررر موتت

ام عدي: الله يعينكن

دخلت ام خليفه وام محمد وام سامي وبناتها االي ماراحت بتروح اليوم الثاني: جيتي ديما

ديما رفعت حاجب: لا انا خارج والآن بوصل

ام محمد: ما تكون ديما لو ما رفعت الضغط ولو هي بقمة تعبها

ديما ترمي يدها باهمال: وجاء من يرفع ضغطي والله طالبات الايام ذي مجانين والعقل
معدوم وتخيلين ياكلين زفلت هذاك الاسود اللي يحطوه بالاسطح وهن ياكلنه انبح صوتي وانا انصح واوعي واخوف ولا حياة لمن تنادي

ايلان: وووع هذي مواد مضره وكميائية

ديما: ولا فيهن شي حتى كرونا خاف منهن

ام عدي: هههههه ما شاء الله

احلام ام خليفه متقرفه: ايش ما شاء الله اضربوهن للقرف ايش ذا

ديما: والله ماقدرت انا لهن وناديت المشرفه وبردت قهري بجلدهن 

ام سامي: يستاهلين والله بالعاصمه تشوفي حزم واتحديهن يتجرأين

شافت ديما لايلان وام عدي: شفتكن متجمعات ايش في

ايلان: ولا شي، نتكلم

ديما تهز راسها: وبأيش هذا الكلام

ام عدي: كم يامواضيع ندخل بموضوع ونطلع من الثاني

ديما: غريبه اول يوم

ام محمد: ديما مالك تطلعي ضغطك بهن

ديما ضحكت بنعومة: ههههههه لا والله
بس يكذبين والموضوع الاساسي خطبة صح
للبنت الحلوه هذيك

ام عدي: ههههههههههه والله مانيش عارفه كيف تفهمي الواحد من نظراته يضحك او يكذب او حزين اعوذ بالله منك

ديما تعدل ياقة تيشرتها: سر المهنه

شافين لها ام محمد وام خليفه بحزن كيف حياتها وكيف تتعايش بصراع وقوة ماخلقت الا لها وتبادلين النظرات وسكتين

دخلت ديم بفرح وكان عليها.. زي المدرسه
تنوره كحلي لفوق الركبه وتيشرت زهري وببيون كحلي وجوارب لنص الساق وجزمه زهريه ارضي اعز القارى تقدمت لحضن امها وتهمس: بابا جاء بعد هذاك اليوم بالليل لما وعدنا عمي سيف وجاء قليل وراح

هزت ديما راسها بكره وبمكابرة: خلاص روحي له

ديم بتكشير طفولي: مابتيجي ليش مش انتي زوجته وعادي تكشفي قدامه يا الله بتكوني مشتاقه له مثلنا

ديما بحزم وقوة: لااا قلت روحي انتي مالك دخل بي

سحبت يدها بحنق طفولي وكانت بتطلع

ديما: اختك ويينها يا ديم

ديم: انتن الثنتين قاسيات هي سلمت وراحت وعيا بابا يقول لها تجلس بس مارضت وانتي الثانيه

ديما: روحي يله

طلعت ديم وايلان تشوف لتبادل النظرات بين ام محمد وام خليفه وام سامي وام عدي وتصرفات ديما الغريبه حست كأنها غريبه وفي شي بس من حسن اخلاق المرء تركه مالا يعنيه فتجاهلت

♡♡♡♡♡♡♡

نزلين البنات من السياره كلهن

اسيل: تتوقعوا اختي سمر عادها موجودة

بيلار تعدل عبايتها اثر ركوبها على السيارة والملازم بيدها: اكيد مابيروح سامي وماودعني اقتله واتجهت لعنده اول ماشافته

بيلار تفاجأت من شكله وهي تتقدم منه مافيه من سامي الطفل الا شوي ملامح.. طويل وبدأ جسمه يعرض وشعره طولان لاول مره اشوفهن لان بصنعاء عيب اللي يطول شعره ومايحط السماطه عليه ويغطيه كان يغطي جبينه بشكل شوي ملولب لانه بالاصل ناعم وشاربه بدأ يخط

ضربت جانبه بنعومه لانه ماانتبه لها: سامي ايششش الطول هذا كله

سامي لف متفاجئ وابتسم بخجل: هلا والله بيلار كيفك

بيلار تمد يها: ما تسلم على اختك يا عاق

مد يده بتردد وسلم عليها بسرعه وسحب يده

اسيل: قولي ماسلم على خالته اللي مايستحي

سامي يضحك: لا تاكلني انا فقط جيت امس ووصلنا لبيت يامين

اسيل: قصدك ابو يامين

سامي ضحك: ...





📚 @rewayatyamania  🇾🇪

.

البــارت 37 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


استغفر الله الذي لا اله لا هو واتوب إليه

♡♡♡♡

اسيل: قولي ماسلم على خالته اللي مايستحي

سامي يضحك: لا تاكلني انا فقط جيت امس ووصلنا لبيت يامين

اسيل: قصدك ابو يامين

سامي ضحك: هههههه اللي يكون وجلست مع الناس ولا سلمت حتى على جدتي وخالاتي الكبار

اسيل تمد يدها لشعره: وووااااه فديت الجنتل ياناس

سامي: اتركي شعري مالش دخل فيه ويكفي نظرات خالي سيف واحسه بينتقده بأي دقيقه بس مضيفني

اسيل: ياعيني يا مالش

سامي: اسيل بطلي لاتحرجيني وانا والله احاول ما اتكلم صنعاني وبالذات قدامش

اسيل: وعلامة محاولتك ماتترك الشين

سامي: ماقلت لك اني احاول هههههههه شاف لبيلار وباحترام: كيف دراستك

بيلار: عال العال وماعليك منها وانا اشتيك تتكلم صنعاني تعجبني من صوتك

انحرج سامي ويحك بسسس حاجبه بابتسامه ويغير الموضوع: ايش رايك تدرسي بصنعاء عندنا
الدراسه غير ومميزة

بيلار: والله كنت اتمنى بس خالي سيف يشتي ادرس هنا والجامعه بحاول التحقها بالعاصمه

ابتسم سامي: ان شاءالله

بيلار بضحك: خلاص مع السلامه انكتمت من الغطاء بندخل

سامي: ايوه ادخلي ولا تخلعيه هنا لان ولد عمي جاء معي

بيلار: صنعاني الاصل هاااا 

سامي: واسش دخلك داخل يله

اسيل: قله عندك خالة تجنن لو في دكتور صنعاني جيبه

سامي: كف ابي احسن يله داخل

بيلار بضحك: لا قله عندك خالة ضخمه ديناصور لو ياخذها للمتحف

ضربتها اسيل وهن يتجهين لداخل

بيلار: مكسر يدي انخلعت

اسيل: شوفي التوم دخلين مباشر

بيلار: متوقعه لان بيتغطين من سامي اكيد

اسيل: وانتي ليش ماتتغطي منه شفتي طوله طول الباب

بيلار: ما لك دخل وهذا اخي الصغير مابتغطى منه نهائي

اسيل: ببصر بالعطلة بالنصف ان ماتغطيتي مايكون اسمي اسيل لاجاء

بيلار وتوقف قدام خزانة ملابسها تحط العبايه وتاخذ ملابس مريحه تلبسهم بعد الاستحمام: لييش ايش بيتغير من الآن لبعد شهربن او اقل

اسيل: اللي بيتغير ان عدي بيكون موجود

رمت يدها بالهواء بلا مبالاة: مايقدر يسوي شي ولا له دخل او اكيد بروح عند ابي حبيبي

اسيل: والله مابتروحي وانتي قبل شهر عنده

بيلار بدلع: بصيف هناك انا قبل شهر قبل زواج خالي هذاك لا عشان تعب ابي والاجازه اللي كانت بسبب وضع المدرسه اللي يرمموها

اسيل: هبلا ومعكوسه اهل صنعاء نفسهم يجوا يصيفوا عندنا الهواء والنفس النقي وانتي عكس

بيلار: راحتي هناك عند بابي

اسيل: بابي ومامي هنا اجلسي عشانها هذي المره

بيلار طنشت وتسرح شعرها بعد الشاور

اسيل: لا صح ليش ماقبلتي بولد اخ زوج امك الدكتور

بيلار بقرف: ييع يله اتحمل زوج امي هذاك كيف اخذ ولد اخوه بيكون من طينته

اسيل باستغراب: ليش تكرهيه كذا  احسك انتي وسام

بيلار: كذا خلقه واوووف قفلي سيرتهم جعله للقطع

اسيل حركت حاجبها استغربت اكثر من مره تسمع سامي ينبه بيلار من باسم زوج خلود وينبهها لا تكشف عليه بملابسها البيوتيه و و وهي بالاساس محللة له رفعت كتوفها بلا مبالاة وترمي نفسها على السرير وتستعد لنوم عميق قبل الغداء

@rewayatyamania المصدر الأول للروايات

ايلان نزلت العصر بعد مانزل سيف ومتكشخ للآخر وصامت مااعرفش ليش نزلت لان سمر هنا وبتروح المغرب مثل المرة السابقه راحت بالليل بدون لا تقول لاحد وتقول تكره الوداع

جلسنا كلنا خوات سيف وبناتهن حتى المتزوجات جاءين عشان يودعين سمر وديما وبناتها وكنا نملا الغرفه بس في هدوء غريب او متعكر مزاجهن مادريش من ايش حتى اسيل وتوليب وتولين الوحيده انا وبيلار مستغربات

والجده واضح مهمومه من شي جلسنا نتبادل النظرات واتهامس مع بيلار بخفيه

للمغرب ودعنا سمر وبناتها وجاء زوجها واخذها وهي على صمتها صعدت لغرفتي وكل علامات الاستفهام فوق راسي...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 38 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


للمغرب ودعنا سمر وبناتها وجاء زوجها واخذها وهي على صمتها صعدت لغرفتي وكل علامة الاستفهام فوق راسي صليت وقريت الورد اليومي تبعي ونظفت الجناح مع انه نظيف وبخرته وعدلت شكلي منتظره رجعة سيف بعد صلاة العشاء
واذن وصليت ورتبت ملابس الصلاة مكانهن وعدلت تسريحة شعري اللي طول الوقت مفتوح ما ارفع الا اذا انظف الجناح او احضر لسيف اكل اخاف تسقط شعره للوسط ولان مااسمح لاحد يسوي شي لزوجي انا ومن واجبي انا ومااعتمد على الخدامة ورغم غناء العائلة بس مايعتمدوا على الخادمات كثير غير يساعدين بتنظيف الاماكن العامه مثل الممرات والدرج والمطابخ ومجالس الضيوف ومجالس الرجال بس وتغسيل الثياب اما انا اغسل حتى الثياب لان فيني شك وضروري انظف بنفسي ايش قالت ايلان النسوان كل مادلعهن الرجال كل ما ساحين كانين بقريته يغسلين الملابس بيدينهن وهنا دلعوهن بغسالات وهن يطمحين للخدامات

ولو جابوا لهن خدامات تكاسلين حتى من غسل وجوههن هي تعلم الواحد النشاط والاعتماد على نفسه بوقت السراء والضراء ولان تربيتها بقريه هي ربة بيت ناجحه ولا تخاف من الشغل داخل البيت او خارجه

@rewayatyamania المصدر الأول للروايات

سمعت صوت دخول سيف من الباب رشيت عطري المفضل له واتجهت بابتسامه استقبله: هلا والله قويك

سيف: الله يسلمك

ساعدته على خلع سترته ودخل للحمام اعز القارئ وغير ملابسه ولبس اللي جهزتهن له ويريحنه وجلس مكانه المعتاد على الكنبه الضخمه وعليه تكايه..مدكا...وفيه بطانية كبيرة
وقدامه طاولة فيها كتاب وماء بارد جهزته قبل قليل وشاهي عشان بيخزن احتمال مثل كل يوم وشعير

جلست جنبه: كيف كان يومك حياتي

سيف بوضوح: شوي مزعج واحس مصدع

ايلان ماقدرت تتجاهل اكثر: حتى انت ايش فيكم كلكم صامتين ومنزعجين

سيف: كلكم من هم

ايلان: انت وخواتك وحتى البنات

سيف: وام اديم

استغربت اختصاصه لها بالسؤال وهو ماكان في بالبيت زوجات اخوانه مبتعد عنهن الا بحالة في مصلحة لواحده يقرر عن الكل: هي ساكته من ايام

سيف استغرب: وكانت معاكن

ايلان: ايوه

تنهد سيف بعتب: لا تقلقي بس كلنا منزعجين عشانها لانها بنت ناس ومحترمة واسامة تزوج عليها

شهقت بفجيعة: هااااا لا اله الا الله محمد رسول الله ان لله وان اليه راجعون

سيف شافها بنوع من الاستغراب والضحك: لهذي الدرجه تشوفيه مصيبة

ايلان: ايوه وان لله وان اليه راجعون مش بس يقولها الانسان وقت الموت لا نقولها بعد كل شي نستنكره

سيف: وانتي زعلتي على ام ديم والا بس تعصب

ايلان: لا والله زعلت عليها من قلبي ماتستاهل

سيف يمسح على راسه: حاولت فيه واعرف ان الكفتين بتكون مترجحة

ايلان بحزن: يعني بيترك ديما

سيف: لا اعتقد ام سيف اللي بتنظلم

ايلان بغباء: من ام سيف

سيف بنظرات طفش: ____

ايلان: ليش تشوف لي كذا

سيف بقل حيلة وطفش: ايلان انتي ذكيه مااعتقدك بهذا الغباء ام سيف ولد اخي من يعني بيتزوج امي وهو اخي با الله

ايلان شهقت: تزوج همسس وانا مافكرت عمتي لا مش لهذي الدرجة مصدومة بس واتوقعت اي سيف الا سيف ولد اخوك

سيف: مصدع من الانزعاج اللي سواه لنا اسامة والا ياخذ البنت اليوم واحرجني لان مارضي ابوها الا عشاني وهو مااعرفش ايش فيه مخه معطل

وقفت ايلان

سيف مسك يدها باستغراب: وين

ايلان: دقايق وجايه

سيف: لو بتنزلي لاتحت لا محمد وامحمد تحت

ايلان: لا بروح للمطبخ هنا مابنزل وطلعت وهي تسخن ماء وتدور بين الادراج زيت الزيتون وضعته داخل الماء الدافى عشان يكتسر برده شوي ودخلت بعد ماحطت داخل الماء ملح وضعته قدامه ولفت لخلفه من خلف الكنبه
وبصوت حنون: حبيبي حط رجولك داخل الماء

حطهم منصاع لها وهي سكبت القليل من زيت الزيتون على يدها ومررته على شعره الكثيف ببطء وبحركه دائرية وتمسج المكان اللي يتركز عليه الصداع بالطرفين مافوق الاذن وتمد لرقبته وتمسج كامل الى مايقارب ربع ساعه وحست انه استرخى للآخر

سيف بصوت مسترخي: سلمت يد ربتك يا بنت عبد الغني مسك يدها وقبلها بعمق وكشكر

♡♡♡♡

كانت ديما بغرفتها وماقدرت تصبر اكثر من كذا بالذات ان اسرتها عرفوا بالموضوع تماسكت واقنعتهم انها راضيه ولا بتروح من بيت زوجها  و و الآن بتاخذ،حقها اضعاف وتندمه انه بس فكر والله والله لتندم ماقدرت وهي تسحب هواء لرئيتها لاتنفجر ببكاء هستيري وتطلع كل الكبت وهي على الارض تضربها بقوة: بأيش بأيش قصرت عليك فيه ياقاسي وطول عمرك مقصر وبارد اشوف من بتصبر على برودك مثلي وانا اعرف انه تجاهي بس، تحملت ولهنا وبس، مابذل فيك المعروف يا ولد الشيوخ وطلعت فيه الفزعه الا تربي ولد اخوك والله لندمك وتعرف ديما الاصل مش المكافحة والصابرة على برودك وسذاجتك




📚 @rewayatyamania  🇾🇪

.

البــارت 39 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


جلست لدقايق ماتدري كم او لساعات كثير ببكاء ومقهورة انه ماصبر مباشر عقد عليها واخذها لبيتي بيتي اللي منتظرة من سنين يجهزه وجت هي بارده مبردة تدخل له ماصبرت يا اسامة هاااا الا تاخذها والله لعلمك نهاية الصبر واطلعه اما بطلاقي او ركوعك على رجليني وتشوف

نامت بين افكارها وحزنها على صوت ديم شافت لها بوجه تعبان وتفاجأت بدموع بوجه ديم واديم واقفه جانبهن وواضح فيها حزن بس كاتمه

جلست بفزع وفتحت يديها وضموها اثنيناتهم: وبصوت حزين وخايف

.....ايش فيكن ياماما

ديم بشهقات متتاليه: با اااا باااا باااا باا تتزوج
جج خالتو همس

ديما: من قالك

اديم بصوت حزين: سمعنا عماتي يتكلمين

ديما بصبر: وعادي اذا تزوج عادي بتعيش معانا ببيتنا الجديد هي وسيف بس

ديم بصراخ: لاااا ما احد تدخل للبيت معانا
مانشتيش احد

ديما: لا حبيبتي البيت كبير وعادي لو جلسنا معاها صح

صمتوا بعدم رضى وهي مسحت على شعرهم: يله للحمام عشان تغسلين يله

وقفين وراحين يغسلين وهي جلست بتعب وقفت قدام المراية وانصدمت من شكلها وجهها معدمه ملامحه من كثر ما بكت وبلوم على من تبكي يا ديما على من على اسامة الخاين اللي طفشك بحياتك بالذات بعد ما حملتي بديم تغير تغير جذري واهملك واستهتر وكأنه مل وهو عديم مسؤولية وكل هواه حياته ومتعته

طلعين البنات وتكلمت وهي تكابر قدامهن: يله كل واحده تلبس الزي

اديم: والله ما اروح والبنات بينادني البنت اللي ابوها تزوج

ديما: واذا عادي

اديم بقسوه مااستغربتها ديما من صلابة الجدة للاب: اذا عندك عادي عندي لا وستين لا

ديما شافت لديم: وانتي

ديم: لا اخاف اروح بدون اديم ويتنمروني

ديما: خلاص اجلسين بس تذاكرين الدروس اللي كنتن بتاخذنهن

ديم: ان شاءالله وبطفولة: ماما مازعلتي

ديما: لااا عادي

اديم وهي طالعه: تكذب ماتشوفي وجهها وانتي هبلا انتي وسؤالك

ديما بحزم: اديم تقولي ماما تكذب زعلانه منك

ديم بنعومة وصوت هامس: ما ما لاتزعلي عليها هي والله بكت كثير انا شفتها بالسر

ديما: خلاص روحي حبيبتي عندها واجلسوا
جنب بعض ولا تبكوا لان عادي لو بابا تزوج
تمام

ديما عيونها امتلت دموع: ما بيجيه اولاد ويكون يحبهم اكثر مننا مثل ماقالت اديم

ديما: لا اكيد انتوا حبيباته وبناته

ديم: بس ابو صديقتي يكرههم لانهم بنات زوجته الاولى

ديما بتعب وطفش: لا البنت تكذب مافي اب يكره بنته والله تعبانه روحي عند اختك وذاكروا
تمام

ديم: اوك ماما

ديما رفعت شعرها طفش وحزن: الله يبلشك يا اسامة حتى بناتك تعبوني اكثر من الغير
اخفتهم للمستقل والاصل كل البنات بعمرهم مايفكروا غير بالالعاب والملابس بس
طائش وطفولي طول عمرك
ولا بتتغير يا اللواء

@rewayatyamania المصدر الأول للروايات

ايلان طلعت من الحمام والقارئ وانتوا بكرامه وتنشف شعرها اثر الشاور ولبست فستان ناعم بلون البني والبني المحروق متدرج وباكمام ترسم ذراعيها بشكل ناعم وبصدر قصير يحدد الخصر ومفتوح من تحت بشكل كلوش ورفعت شعرها بعد ما جففته وخصلات ناعمه نزلت على وجهها حطت كريم واقي وكحل وروج زهري خفيف

اتجهت للمطبخ جناحها وولعت النار على الفحم عشان تبخر لان عادتها ككل جمعه تحب تتصبح على ريحة البخور وسورة الكهف بصوت وديع اليماني بسماعات لاذنها لان سيف نايم ومايتأخر الا بالوكيند

انتهت من توزيع البخور بكل جزء من الدور تبعهم وتخلصت من الفحم اللي موضوع عليه البخور لمكان بعيد لان الشياطين تسكن فيه والعياذ بالله..معلومة صحيحة..

ورجعت ترتب ثوب سيف واللي بخرته ببخوره العوده الفخم الخاص فيه ومع الشال والكوت

تململ على السرير ولفت له بابتسامة: صباح الورد حياتي وجمعة مباركة عليك

سيف ويفتح عيونه ويمسح وجهه ابتسم لها:
صباح النور والبخور والوجه الحسن احلى جمعة والله

ايلان: بشوفة الوجه المبعثر ذا والله ياشكلك يجنن

سيف رفع حاجب

ايلان بتبرير: والله ان شكلك ادمان مع شعرك المبعثر

سيف ويوقف من على السرير ويتجه لها: لا والله انتي اللي ادمان قبلها واتجه للحمام اعز القارئ طلع وملابسه مجهزة

سيف بحب: الله لايحرمني منك ولا من الضنى

خجلت ايلان وعضت شفايفها وتساعده بتزرير ثوبه وتمد له الكوت والشال المعطر وهو يعدل على المراية قدامه

عطرته من عطره اللي تحبه

سيف: تعرفي والله عطرك المفضل من عطوري كلهم

فرحت وبضحكه: ههههه والله محظوظة توافقت مع الشيخ بذوق عطره

سيف قبل جبينها: يا قلب وعيون الشيخ تنهد
بحب عميق: ايش بقى من شيخ طيرتي الهيبه كلها

ايلان بدلال: فديتك وفديت هيبتك واسمك اللي يرن بكل اليمن


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 40 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


سيف: تعرفي والله عطرك المفضل من عطوري كلهم

فرحت وبضحكه: ههههه والله محظوظة توافقت مع الشيخ بذوق عطره

سيف قبل جبينها: يا قلب وعيون الشيخ تنهد
بحب عميق: ايش بقى من شيخ طيرتي الهيبه كلها

ايلان بدلال: فديتك وفديت هيبتك واسمك اللي يرن بكل اليمن

سيف: احممممم جمعه يابنت عبد الغني

ايلان: يا الله الله يتقبل وقدم مني ومنك ناقة

سيف: تستاهل بنت عبدالغني كل خير والله يتقبل ويجعلنا بفردوس جنته

ايلان: آمين احنا ووالدينا وعيالنا

تنهد سيف: يارب طلع متجه يسلم على الجدة

وايلان اخذت غطاءها وبتحاول تروح مره كتعرف كم وتدور عن هذاك المكان وكيف تفتحه ولا قادرة تسأل سيف مترددة

اتجهت بخطوات معتدلة وتسمع اصوات استغربت تقدمت وشافت بيلار مع ماعرفت من لان ظهره لها

تخبت خلف عمود عريض وتشوف الرجال ماسك يدها بيديه الثنتين وواضح الغضب على وجه بيلار وكانت امها بجانبها

دخلت خلود

وصرخت بيلار بصوت مرتفع وصل لها واضح: اتركك يدي جعل يدك تكتسر ماتستحي انا بنت زوجتك والله والله اصرخ وانادي خالي

الرجل: ليش تنادي سيف ماسويت لك شي انا اسلم عليك تقدم بيحضنها ودفعته بقوة كانت واهنه بجانب جسمه الممتلى

خفت موت وناديت: بيلار

تركها بسرعة وانا هربت من هناك لفوق واحاول انضم انفاسي خايفه يارب لطفك مش مثل مافكرت استغفر الله جمعة الله يحرقه هو مايتحرش فيها اكيد نزلت بروح لبيلار اللي والله خايفه عليها مسكينة امها الحيوانه ماتخاف الله ببنتها وزوجها كذا يعامل بنتها لا تكون حاسه والله

نزلت وشفت بيلار تبكي بحرقة على حضن سام
ويده على شعرها ويسألها ايش فيها وهي تبكي فقط وصوت شهقاتها تقطع نياط القلب

تفاجأت لما سألها: ايش فيك باسم موجود شفتيه صح

شفت الصدمه على وجه بيلار ماالومها حتى انا انصدمت وهزت راسها بس ماشاف حركتها وهي كتمت شهقاتها بيدها ووقفت وحاولت تجاري شهقاتها: لا بس متضايقه

وطلعت من الممر لاتنتبه لي والله شكل سام حاسس لان لاحظت من اول الزواج وبيلار يوم الجمعه متضايقه اكيد من عمايل هذا الباسم اللي مايخاف الله اكيد سام شك لان هذاك الممر توصل  لصالة على نافذه واسعه وجنبها غرفته وطول اليوم متواجد هنا ولا اروح لهنا مثل اوامر سيف برغم انه كفيف الله يشفيه بس احترم  خصوصيته وغيرة سيف ومايشتي يشعر احد ان سام اعمى او ناقص

طلعت لغرفة البنات واحاول اتجاهل اللي شفته وشكلي بنفجر من كثر ماشفت اشياء وماخفي كان اعظم

@rewayatyamania المصدر الأول للروايات

بعد ايام
كان بمكتبه ويشتغل من ساعات تنهد بتعب ويدلك اسفل رقبته بتعب ووجع سند راسه على الكرسي خلفه ورفع الجوال وطلب قهوة سادة
شاف لساعته الفاخره: اوووف مابقي الا عشر دقايق ويخلص الدوام مااعرف كيف يروح الوقت

ويوم بعد يوم وهو على هذا الحال وكأنه روتين بس يحبه مادامه بشغله ونجاحاته وبريق اسمه اكثر واكثر وحصوله على سمعة وشهرة كبيرة بالاسواق

وصلت القهوة وكانت من سيف الصغير مد له يده: هلااا كيف البطل

حط سيف الكاس بحمالته على الطاولة وصافح يزن

يزن اخذه لفوق الطاولة: كيف حالك

سيف ويضم يديه: تماممممم انت كيفك

يزن: الحمد لله ليش ماجيت  تسلم عليا الصبح

ميل فمه: قال ابي لا لا اشغلك وازعجك وتطردنا

يزن بطريقه لطيفه يتجاوب مع الطفل: لاااا انا مااطرد النشيطين مثلك انت بابا تبعك

سيف بامتعاض: انا اعني ابي مش،بابا

يزن بضحكة: ليش

سيف رفع كتوفه: مااعرف ماما تقول كذا

يزن: وليش تقول ماما ماتقول امي

سيف: لان امي ماتت الله يرحمها

يزن: وماما صغيره .. مايعرف كيف طلع منه هذا السؤال بس مايعرف هل هو فضول ام شي ثاني

سيف: لاااااااا ماماااا طوووووييييلة

يزن ماكان يقصد يوصفها بس حس بغيرة وبتحذير حازم بلطف مايعرف كيف يجتمعوا عنده ولهذا الصغير: لااااا لااااااا سيف انت بطل واي احد يسألك عن ماما تبعك هنا من الموظفين او بالشارع اعطيه كف لما ينسي اسمه وانت بطل ماتقول لاحد ماما كيف شكلها او كيف ملامحها فاهم

شاف لاستيعاب الطفل بذكاء كبير على عمره: تمااامم ان احد قال كيف ماما او ايش شكلها اعطيه كف ولا اجاوب نهائي تمام

يزن بحب قبله: ايوه كذا بطل وتسمع الكلام

هز سيف راسه ايجاب بمرح

شرد يزن بملامح الصغير الجميلة بانف نحيف ومتوسط وفم متوسط ومملوء وعيون واسعه زيادة سوداء ورموش،كثيفه ركز على عيونه وانصدم اووف عنده شامه بداخل عينه الشمال مثلي حس بانفاسه تتسارع...

https://tttttt.me/rewayatyamania/52368



📚 @rewayatyamania  🇾🇪

🔥

بـارتـات يومنـا الاثنيــن👆🏻😍

.

البــارت 41 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


شرد يزن بملامح الصغير الجميلة بانف نحيف ومتوسط وفم متوسط ومملوء وعيون واسعه زيادة سوداء ورموش،كثيفه ركز على عيونه وانصدم اووف عنده شامه بداخل عينه الشمال مثلي حس بانفاسه تتسارع بعدين هز راسه ايش تخربط يايزن اي شبه والشام بالعين الكثير عندهم مثله
وفرق شاسع بين شكل عيونه الواسعات وسود وعيوني الحادات والرماديه ايش الجنون اللي انت فيه يزن اي شبه تنتظره يكون بينكم وهل هو من حبك له صرت تقارن ملامحكم وتشوف فيها شبه والله استهزأت بالموظفين ومقارنتهم بك والان اثروا عليك وصرت تقارن

ابتسم وصحي من شروده على صوت سيف: عمي كم الساعه

سيف شاف لساعته وانتهى وقت الداوم باتوصل الساعه للخامسه والنص مساء: انتهى الداوم

سيف واقف: نزلني لا يروح عليا ابي،مؤمن

يزن نزله ومسك يده والثانيه فيها الكوت..الستره تبع البدلة الرسمي اللي عليه وطلعوا من المكتب متجهين للخارج

شاف العم مؤمن اللي واضح التعب على ملامحه

يزن بلطف: فيك شي ياعم

مؤمن: لاااا نهائي بس تعرف نهاية الدوام الا الواحد يتعب تعب خفيف بكره يروح

يزن بلطف: يله ياعم لسيارتي اوصلك لان مابتشوف سياره توصلكم

مؤمن: عادي ياابني نمشي وشوي ونوصل

يزن: لا والله لتركبوا

مؤمن: ماكان في داعي تحلف ياابني

يزن: يله اركب وانت سيف يله واوصلكم

ركبوا سيارته الفخمه والجديده ووصلوا بعد مسافه لحارة ببيوت بسيطه ومتواضعة

وقف وشكره العم مؤمن وسيف بتقليد مماثل لابوه
شاف لهم لما دخلوا لبيتهم ودور ورجع للشارع الرئيسي متجه لفلته الكبيرة والميتة وابوه وامه متوفين وعنده اختين فقط واحده متزوجه للقريه
والثانيه بمدينة تعز متزوجه لهناك وهو مستقر وحده من سنين من اول مارجع من الخارج بعد دراسته وانتهى علاج امه رجعوا وتوفت امه بعدها بشهور وهو استقر هنا ومسك شركة ابوه
وعدل بالفيلة اشياء كثيره وعلى ذوقه هو وغرف خواته وامه وابوه على شكلها القديم

دخل غرفته الواسعه يروض فيها خيال وترك الكوت على الكنبه ماينظف ولا عنده خدامه غير شغال ولد شاب يتركه ينظفها بالاسبوع مره وهو مشرف عليه ولان مايوسخها ولا يجلس فيها كثير تجلس نظيفه ومرتبه لانه نظامي بشكل كبير ويكره الفوضى

اخذ شاور وطلع ببجامه لمكتبه بيقرأ كتاب ثقافي ومعاه كاس قهوه جهزه بآلة تجهيز القهوه

جلس بإنهاك ويقرأ بالكتاب دقايق وغط بنوووم عميق على الكنبه من اثر التعب 

@rewayatyamania المصدر الأول للروايات


كان منتظر خارج غرفة الطوارئ وجنون الدنيا ومخاوفها بين عيونه تماسك ويحاول يجاري قدام معاريفه واللي يشوفوه واقف ويسلموا عليه 
ويضطر يجامل بجهد غير محتمل

تقدم منه محمد ولد اخته: خالي طلبت لك غرفة انتظار ترتاح

سيف بقلق: ايش غرفة وين مدير المشفى يدخل بسرعة

احمد: ناديته وكان عنده اجازه ولما سمع بطلبك له جاء على طول

سيف يضرب الجدار جنبه كذا هم فشل المسؤولين انهم مرتاحين وكل سبل الراحه مهيئة لهم والضعفاء عليهم يجدوا ويجتهدوا وان جاء ظرف وماالتزموا بالقوانين واخذوا موافقتهم عاقبهم بمختلف العقوبات بس لانهم هم مسؤولين وتحت يدهم ضعفاء ضاعت رحمتهم وضاعت انسانيتهم بالطمع والجشع لشي دنيوي يسمى المال وراحة النفس وعمر مابينجح مسؤول عن مدرسة او مشفى او شركه او او *او *وهم بهذا الاستهتار والانانيه ولا يغير الله مابقوم حتى يغيروا ما بانفسهم

وبسرعه لف لموظف الاستقبال وسأله اسئلة خاصة عن دوام المدير ولمتى ومعاملته و و والموظف يجاوب على كل اسئلته

سيف كتب وسط قلقه على اخوه رسالة للمسؤول بمعاقبة صارمة على مدير هذا المشفى وهو ماارسل الا بعد ماسأل طبيب وممرض يعمل بمهنته ومسؤوليته ويتجاهل قلقه وحياته الخاصه
ونفسه الاهم لا ظلم وجور وسط الحارات والاهالي اللي هو مسؤول عليهن وانتهى بابتسامه انتصار بقبول رسالته وصوت يثبت اللي طلبه لف لغرفة الطوارئ على طلوع الدكتور وطمنهم انه سليم بس كسر بالكاحل وجبروه له

ولان عنده شلل بيكون لمده طووويلة لما ينجبر عكس السليم واعطاهم  تحذيرات ونصائح

سيف بأمل: وتشوف انه مممكن يشعر او يتواجد علاج

الدكتور: انت اخذته المانيا من قبل وتم علاجه خلاص خليه يلتزم بالادويه بشكل دقيق وحذر لان حالته بجزء طفيف من الاهمال تنتكس

سيف هز راسه وقرار اخير مستحيل يسمح اكثر لعناد سام ويتركه على راحته اكيد بيموت وهو ولا مهتم سام تارك لحياته اللي هي غاليه عليا كثير فما بخليه ييأس اكثر ويتركها اكثر

سلم عليه الدكتور باحترام وودعه وراح

دخل سيف عند اخوه اللي نايم على ظهره ورجله مجبره مسك يده ووجهه كان لقدام بنظرات شاخصه وضايعه

سيف: سااااام لمتى مارضيت بالقدر

سام باحترام وحزن: ومن قال مارضيت اللهم لك الحمد

سيف: ...





📚 @rewayatyamania  🇾🇪