.

البــارت 42 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


سيف: سااااام لمتى مارضيت بالقدر

سام باحترام وحزن: ومن قال مارضيت اللهم لك الحمد

سيف: واهمالك اللي تغاضيت عنه حتى ادويتك احلام تقول تتعبها لحتى تاخذها وانا كنت ساكت بس لهنا وبس

سام: سيف فديتك لااا

قاطعه سيف: ولا كلمه خلاص قررت وقراري يتنفذ

سام يستعطفه: حتى على رغبة اخوك

سيف بقوة: حتى على رغبة امي لو تشتي
الله يرحمها

دخل بخوف وهو بعده بملابس الدوام: سااا م
كيفه

سيف: شوفة عينك مهمل ويتهرب ماهو رجال ولا رضي بالقدر

اسامه سلم على راس سام بحب وهمس: ياويلك سيف عصب منك

سام بهمس حزين: رفعت الراية خلاص

اسامه وقف: خلاص سيف قرر انت وهو بينفذ وغصب

شاف سام تجاه صوت اسامة بنظرة خيبه

واسامه تجاهل وهو مع افكار وقرارت سيف ولو على قطع رقبته بيرضى وعمر ماقرر بشي الا ويجي بصالحهم

سيف: وقررت خلاص نرجع بكره وبعده بيوم وزوجته بغرفته

لف وجهه سام بعدم رضا وسيف تجاهل وهو يفتح جواله ويطمن خواته اللي الكل مات من الرعب وهم يشوفوا سام مرمي على الارض بجانب سريره ولا حياة لمن تنادي اخذوه بسرعة البرق وللطوارئ اللي كانت مجهزه له برسالة من سيف ولساعات من الكشوفات والفحصوصات طلعوا وطمنوهم انه فقط كسر بالكاحل وجبروه
والاغماء بسبب جسمه المريض ومناعته الضعيفه

جلسوا معاه اسامه وسيف مارضي بعد محاولاتهم الثلاثة انه يرجع بس مارضى يترك سام وجلسوا اربعتهم معاه اسامه وسيف ومحمد واحمد اللي باجازه ورجعوا من سكنهم الطلابي للقصر لان بيت ابوهم المرحم كان بالقريه

@rewayatyamania المصدر الأول للروايات

اليوم الثاني بعد الظهر
دخلوا ويدهفوا كرسي سام قدامهم

استقبلنهم ام خليفه وام محمد والجده واسيل بقلق وفرح ممتزجين وسلموا عليه وتحمدوا له بالسلامة

الجده عيونها تدمع قهر لفت لناصرها وباستجدا: كيف بتحكم يا الحكم على اخوك

سيف ضرب صدره يطمنها: تطمني وحليفك قرر وانتي دوري له عروس ووالله بكره اروح بنفسي اطلبها له

الجده بفرح وصوت متهدج: ايه والله ولو قلك كلمه ماترجع وبنت اخي منصور موجودة

اسيل دخلت عرض: من حبيبه هذي جدته

الجده بحزم: اسكتي ومالك دخل

شافت اسيل بعبوس لخواتها واهن اشرين لها بالسكوت

الجده: ماشفتيني ظالمه ومستغلة اعرف هذا المغرور من بتعدل غروره غير حور اختها الصغيرة

وقف سيف ومعاه الشباب وقفوا: خلاص تفاهمين وشاف لاسامه: وبكره نروح  لمنصور ونكلمه

اسامه: لو مشغول اروح بدالك

سيف بحاجب مرفوع وبابتسامه للجانب: قول اروح انا بدالك يا اللواء وزوج الثنتين

حك اسامه راسه بإحراج وطلع سيف لفوق ومحمد واحمد للخارج وهو تلفت لو بيشوف البنات او امهم بس مستحيل بتكون عارفه ان اخوانه جايين شاف ساعته: لا شكلهن مارجعين من المدرسه

طلع وافكار متضاربه براسه اووف عليك يا اسامه ماتعرف متى رجعة زوجتك ومتى طلوعها من متى غرقت بالاستهتار لهذا الحد رفع شعره القصير  بقهر وطلع شاف سيارة وقفت مايعرف لمن

رفع حواجبه لما شافها لدارس اخوها وقفت السياره ونزلت وهو واقف مكانه يروح ويكلمها او يروح ويسلم على صهره

تردد وشاف السياره تروح مباشرة نزولها وهي تعدل الغطاء وتتجه لداخل اسرع خطواته وبصوت واطي: ديمااااا يا ام ديم التفتي يابنت عدنان

لفت للاسم اللي ديما متعودة يناديها فيه
وجاه صرامة صوتها: تشتي شي

اسامه تراجع بقراره ولف للجهة المعاكسة: لاتمري الصالة وانتي كاشفه سام فيها 

ديما بقوة وصوت جاف: اعرف للاصول ياولد الشيوخ والحشيمه مانسيت لو انت نسيت

اسامه صد بتهرب وراح لسيارته وطلع متجه لدوامه اللي واقفه

♡♡♡♡

استقبلت ايلان لسيف بحب وشوق وكأنه غاب لسنين

سيف يمد لها الكوت والشال والجنبيه: والله
احس متقرف لنفسي من روائح المشتشفيات اللهم لك الحمد على العافية

ايلان وترتب ملابسه على الشماعة: ليش ماحجزوا لكم جناح خاص

سيف: الا جناح خاص بس ريحة المطهرات تصدع.. وبابتسامه خبيثة: وانا رجال اتعود على ريحة البخور والعطور الناعمة دخلت ورجع لي روحي والله

ضحكت بخجل وتغير كلامه اللي يحرجها: يله للحمام الماء جاهز وفيه روائح بتريحك اكثر

سيف مد يده بيقبلها وتراجع: احسن لا تتقرفي

ايلان تمسك يده وتقبلها: لا والله مهما كانت ريحتك الرجولية تجنن بكل احوالك

قبل جبينها: ادخل الحمام لا اغتر وانسي الشاور.. ويقلد صوتها الناعم: والماء والروايح

ايلان ضحكت بقوة على تقليده لها وهو اتجه للحمام والقارئ بكرامة ويتغزل بضحكتها
وهي تعدل التيشرت الازرق اللي على البنطلون السكيني وسماوي فاتحة شعرها رافعته بذيل حصان





📚 @rewayatyamania  🇾🇪

.

البــارت 43 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


اليوم الثاني العصر
كان البيت كله مجهز لاستقبال العروس الجديدة وضيوف من الاقارب حاضرات بس لان سام رفض نهائي ان يعزموا اجانب ومن خارج العائلة لانه مابيطلع من غرفته لا لعند الضيوف الرجال ولا النسوان فاحسن لا يعزموا احد ويحرجهم لانه يحس بانكسار لولا اعاقته تزيد رجله اللي انكسرت ومجبره يعني مافي غير يديه سليمات

جلست جنبه اسيل اللي متجهزه وفرحانه بالعرس ودايما تحب مناسبات بالبيت اجمل من الصالات وكأنها من ضمن الضيوف

اسيل: امانه سام كنت رفضت بسسس يكفي بالبيت هادئات وكأنه بيخلصوا الاصوات عليهن

زدت حور اذكر ماكانت تتكلم وطول اليوم ساكته واذا سألها احد جاوبت باختصار كأنه بمادة علمي وماتضحك اذا احد ضحكها ولا تضحك اذا احد جنبها و

سام بعصبيه: بسسسسسسسسسسسسسس
اسكتي امانه كم لك دقايق تتكلمي هااااا من دخلتي على نفس واحد اصصصص واحسن ان حور ماتتكلم مثلك والا رجعتها لابوها اليوم الثاني

وقفت اسيل وتضحك بخفوت دارت على نفسها
ولاكأنه يشاجر ويصرخ: امانه لو تشوف شكلي تتمنى ماتكون اخي عشان احتمال اكون من نصيبك

سام: لا مابتمنى واعتقد انا فقدت النظر مش الذاكره ويله احلام سمعتها تنادي عليك

مسكت خصرها وبتصديق: شفت يا اخي شفت والله انهم مايعتمدوا بالبيت الا عليا ياحرام بس لما اترككم كيف بتعيشوا

سام: بيكون عيد الجلاء

اسيل لوت فمها: عيد الجلاء منك انت وحورك الجامده رقم التاسعه عشر بالبيت

سام صمت لان مل: اووووف اطلعي كدرك عليا

اسيل: باي الله لا يحرمك مني

سام: لا الله لا يقوله

راحت اسيل وتدخل مجلس الضيوف اللي تقريبا المكان ممتلي لوت فمها وهي تجلس بجنب مرام: امانه شوفي  لك حل العرس بالبيت اجنن واما خلي زوجك يجي ويعمل عرس والا يطلق

مرام: بس الله لا قال ولا قدر

اسيل تقلدها باستهزاء: الله لا قال ولا قدر بنات مابينهنش ثقل يزينهن ويقولين ليش نطلق من لزاجتكن عليهم

مرام: بنشوف الثقيلة لا انخطبت مابينزل من لسانها

اسيل: اووووف ايش بيطلعه لساني تخيلتيه الكرسي والا ايش

قلبت مرام عيونها بضجر

اسيل بحزم تقلد سيف: هيييييي احترمي نفسك اني خالتك جعلك دود تنخر عظامك نخر

مرام: كأنك عجوز تداعي

اسيل: كأنك مملة وماتنزليش من بلعوم

مرام: من هي خفيفة الدم روحي بس كانت تدورك توليب

اسيل: ااااااااااااه حبيبة خالتها

مرام: على شاكلتك

وقفت وتدور توليب شافتها وبحب: ياعمري للي تدورني

توليب: متىىى

اسيل بابتسامه يقال ذكية: ياعيني للثقيلة اللي ماتفضح حبها وهوسها بخالتها

توليب تضرب فمها: متى ياتوليب دورتي خالتك

اسيل رفعت حاجب

تقدمت تولين ونسخة من توليب بكل شي: اسيل كنت ادورك لان عمتي خيرية تشتيك تساعديها بالاستقبال

@rewayatyamania المصدر الأول للروايات

اسيل: بسم الله من حط مراية هنا

توليب: ما احد بس حلوة تفجرت جبهتك ياهوس خالتك هههههههه

اسيل: ماتهميني وين بيلاري

ام محمد: اسيل تعالي

اسيل: لا ناقص شكلي الذهب مالبسته بالبسه واجيك اخذي واحدة من زوجات اسامة هذوك فاضيات والا ايلان وصعدت عند بيلار

اللي كانت ترفع شعرها بشنيون ناعم وخصلات ناعمة متروكة على رقبتها من الخلف وعلى عنقها وجبينها

اسيل: ووووااااااوووو ايش الجمال بتغطي على الكل

ضحكت بيلار: ما اعتقد وزوجة عمي سيف موجودة

اسيل: هذي صح بس لكل واحدة مميزات هذيك بفتنتها وانتي بنعومتك وانا بجاذبيتي

بيلار: هههههه الثقة جمال

اسيل: كيف رسمتي حواجبك كذا طبيعي

بيلار: عادي سر المهنة في ضيوف كثير تحت

اسيل وتدور باشياء بيلار الكثيرة: اكيد تعرفي القصر يمتلي لاجتمعنا بالعيد كيف لو مناسبة وفاتك جاءوا عائلة ديما وعائلة همس

بيلار لفت لاسيل وتضحك على امثالها الكثير وبأي مكان تدخل به تثرثر: هههههه عدلي لي السحاب

اسيل: ليش لبسك قصير كنتي لبستي مثلنا طويل والا بغير والبس مثلك قصير

اسيل: هههههه بتلبسي انتي قصير بتكوني مثل النعامه خليك على الطويل احسن

اسيل: ليش اني بس طويلة ولا واحده من بنات اخوتي جت مثلي

بيلار: انتي هجين هههههههه

اسيل: اللي مايوصل للعنب يقول حامض

بيلار: لا والله مش حسد والمهم جسمي متناسق شكله مش مهم ارتفاعه والجمال مش،جمال الارتفاع جمال الشكل والتناسق

لفت للمرايه وتعدل الفستان...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 44 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


لفت للمرايه وتعدل الفستان القصير زهري ويوصل لفوق الركبه فخم ونافش وفيه نقوش ناعمه والصدر يرسم خصرها النحيل وصدره المتناسق مع منحنيات الجسم وبكم واحد طويل وعليه كريستال فضي كامل مثل الكريستال اللي على الخصر وكانت حاطه عقد بنحرها واخراص ناعمه مماثلة وإسواره وخاتم بالخنصر بس وميك اب ناعم بشادو خفيف ولانها مناسبة كبيرة زهري ناعم وايلاينر وكحل داخل العين اسود عكس على عسلية عيونها وابرزهم اكثر مع شقارها وروج زهري لامع
وحواجب طبيعيه واكيد لاتخلوا من الماسكره والبلاشر الزهري وهاي لاير فوق الانف وبداية الخدود كانت تحس بفرحه كبير عشان سام المقرب لها واكثر شخص يعرف بكل تفاصيل حياتها ولو فقد بصره بس بصيرته مانستها وهو مثل قبل وزادت علاقتهم اكثر

دخلت ايلان من الباب: مانزلتوا توقعت انا آخر واحدة

البنات: وووااااووو ايش الجمال

ايلان: عيونكم الحلوه يله ننزل

اسيل: اكيد زوجة الشيخ معها مكان خاص بالمجلس جنب جدتي ومعها قات خاص و و بتعطينا احنا العازبات ما لنا احد

ايلان ترفع يدها بكيس صغير وانيق: ماعندي الا حوالي الخمسه اعواد بجيب لكن ولان مناسبة مابنخزن كثير اكيد بس عشان ريحة الفم  والبرستيج

بيلار: تسلمي وطالعة على الاسود خيال ما شاء الله كأنك مضوئه مع بياضك وحمرتك الربانيه

اسيل: هيييه لا تتغزلي بزوجة الشيخ لا يسوي لك نفي من المحافظة

ضحكين مع بعض وهن ينزلين من الدرج

اسيل وترفع فستانها ورغم جنونها وثرثرتها الا انها جميلة وجذابه بشكل خاطف للانظار.

اسيل: ايلان انتي اخذتي الصفتين من فستاني الطويل ذيل طويل ومن قدام مثل بيلار قصير

ايلان تضحك بنعومة: ههههههه ضروري العدل لا يجي جانبي مائل

بيلار: ليش زوجاتك احنا

اسيل: ايه صح تعرفي ان عائلة زوجات اسامة موجودات كلهن وحرب بين النظرات

ايلان: جد

بيلار: الله يستر لا يحدث شجار بقصر الشيخ ويكون حديث الموسم

اسيل: وانا الصحافه بتستضيفني وواااووو شعور حلو

بيلار: خلاص لا تبالغي والله يستر بننفضح ولو يعرف خالي اسامة والله ليطلقهن الثنتين اهم شي سمعة العائلة

ايلان ووقفت بجانب مراية المغسلة اللي بالصالة: لا الله يستر عدلت خصلات شعرها الناعم
والمصبوغ بشكل متقن ومناسب لوجهها وكانت تاركته مفتوح وفارقه شوي من مقدمة الراس للجانب واذا تحركت تغطي وجهها وميك اب اسود ومن تحت ترابي وروج احمر وبلاشر برونزي مع هاي لاير فوق الانف وبداية الخدود
وكنتور باحتراف حاطته على ملامحها

عدلة ذهبها الصفر ومحبس من الذهب الصفر كامل ماتحب تدمج اللونين بالاكسسوارات ولان غلط
جمعها بقواعد اتكيت الاكسسوارات..معلومه صحيحه..

الفستان كان بدون اكمام وعلى الصدر فقط ويرسم شكلهم وينحت خصرها النحيل سكيني الى نص الفخذ وفيونكه ذيل طويل من الخلف تركت جزأين من شعرها عل  كل كتف ودخلت واصوات كعبها بالمكان دخلت وتسلم وظهرها مستقيم وتبتسم بتواضع وخفه

@rewayatyamania المصدر الأول للروايات

جلست براس المجلس جانب الجده وام خليفه
وديما وهمس ماتعرف كيف جلسين بمكان واحد وماصارت حريقة كانت الاصوات عالية كعادة في مجالس النسوان ودي جي،..سماعة كبيرة... صوتها كبير ويقلبين بالاغاني ويرقصين

تقدمت مرام وتحاول توقف ايلان ترقص

ايلان: لااا مااقدر

مرام: لا عليكن الآن انتي وديما وهمس ترقصين وتنشطين الجو وبعدين احنا لما تجي العروسه وتكون مع سام بنشطه احنا

ايلان: بس انتظري لاتسحبي كذا
وشافت للجده: اخاف تقول

مرام: ايش بتقول عادي انتي قومي بس
يله واحده تقوم ديما والا همس

همس بصوتها الهادئ: لا ديما انتين تعرفين اني مااقدرش مرة واحرج

ديما بمكابرة: خلاص يله وقفت ورقصين هي وايلان

دخلت ديم وتمسك امها من فستانها الطويل: ماما تعالي بقولك

ديما بضحكة وصدمت الكل: لا روحي لخالتو همس وقولي لها

ديم شافتها برفض وديما تمسك يدها: يله قولي لخالتك لاتحرجي

ديم بهمس: لا خلاص ماعشتيش حاجة

ضحكت ديما بكذب: خلاص منحرجه بعدين كلميها يله وكلمي اديم ماتطلع للشارع
لفت وتضحك بمجاملة ومرح

وتصفيق كل الحاضرات لهن وجلست ايلان بتعب
وديما جنبها

يلان بهمس: اوف والله انك قوية والا تمثيلك ما مر عليا

ديما تنهدت: مضطرين نجامل لان انا دخلت وهي تناديني وتوسع المكان فكملت عليها التمثيلية ولا اكون احسن منها

ايلان: بديتين لا اكون احسن

ديما بخفوت: بالبرستيج وقدام النسوان منهم كارهة وتفرح ومنهم بتشفق والثنتين بقاموسي مرافيض ولا بخلي شي لي اما اسامة طز فيه وفيها وانا اظل انا مااتحدي وابذل جهود عشان رجل بالاول والاخير فضلها عليا فاخلاص
غسلت يدي منه

مسكت يدها: ايلان والله انتي الوحيده اللي...





📚 @rewayatyamania  🇾🇪

.

البــارت 45 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


مسكت يدها: ايلان والله انتي الوحيده اللي سمعت مني هذي الكلمات وعارفه انك صريحة وقوية مابتشفقي ان زوجي تزوج عليا ولا بتفرحي لذا قلت لك

ايلان: والله مااخيب ظنك والله وعمر ماكان الرجل هو سبب عيش المرة لا ممكن المرأة تعيش وتتحمل عشان عيالها مش عشانه واذا بتعيش لرجل بيكون اكيد قدم لها الكثير ولا بيقهرها بالثانيه

ديما: والله حسيت براحة لما قلت لك مابقلبي

ايلان: اختك وصديقتك قولي ولاعمرك بتسمعي شي طلع شافت لهمس وبنفسها والله اعتقد منافسها، ضعيف والا هذا شكل عروس انا ولي شهرين وكأني عروس بكل وقت لبس وزينة وروايح تسبقني للمكان وهذي عادي شكلها اكثر من عادي ولاكأنها قبل اسبوع عروس

فيها اختلاف جذري مع ديما بالطول همس طويلة وديما سنفورة وهمس اعتقد اكبر مااعرف وديما اصغر ديما شقراء وهمس سمراء، مقاربه للبرونزيه هذيك عيون واسعات بنيه ديما ملونه رمادي شعرها قصير ومصبوغ وبقصات عصريه وهمس عادي اسود خفيف وطويل لنهاية ظهرها ناعم بس ماتفتحه وقصته عادي بدون حتى قدام وجهها و ميك اب عادي وتقليدي بكحل داخل العين وروج بس وحتى حواجبها بدون تصفيف

اوووف ايش فيني اقارن بيضحكين عليا النسوان

ومر الوقت والبنات نشاط ويرقصين وزغاريط  طوول الوقت وقرب المغرب طلعنا من المجلس لانه الواسع واللي فيه الكوشه.. الكرسي العرائسي
..
@rewayatyamania المصدر الأول للروايات

وتفرقين الضيوف من الاقارب والجيران بالغرف وانا طلعت لغرفتي امي ماجاءت اتصلت عليها وسألتها وقالت بتجي بكره فرحت وكأني ملكت الكون امي بشوفها بكره عزمت ايلين ومااعرف بتجي والا لا غيرت الفستان وعلقته ولبست بنطلون وتيشرت اسود وتوضيت لو اذن والعروسة جت اطلع اصلي وارجع لعندهم لبست عبايتي ونزلت وقالين ان العروسه داخل

انتظرنا اسرتها تطلع ودخلنا كلنا اول ماطلعوا
شفتها حللووه ملامحها هنديه عيون واسعات زياده وانف منحدرة وحلوة وخدود مليانة وفم متوسط ونحيف وبياضها نادر مخلوط بسمار خفيف او كذا وصفته مااعرف اسمه الاصل ورغم ان الميك اب مش زيادة متقن عادي على عروس بس البنت حلوه او كان متقن وخرب مع المسافه اللي مشت فيها السيارة

شفت سام لاول مره قدامي كان بشعر مصصف مثل النجوم وملامحه الوسيمة وتجنن بس فيه حزن وعيونه شاخصه لقدام مسكين بيحس بالضعف اكيد بيتشوق الا يشوفها هاااا انا اتكلم كذا عن سام اخ سيف لو يسمعني الله يعلم ايش بيسوي ماسألت سيف لو تشوق لشوفتي والله اني بسأله واشوف ايش كان بيتوقع شكلي وجيت مثل ما تخيل او لا واحلى او ابشع شفت واحس اكثر واحدة مبسوطة زيادة بيلار وعلى حسب مااشوفهم اكثر من مرة وهم مع بعض وبينهم مواضيع كثيرة ولا تنتهي

سلمين خواته والجدة على سام ويرحبين بالعروسة ويباركين لهم

جت جنبي ديما: العروسة حلوه بس المكياج مش ولا بد

ايلان: ههههه حتى انا فكرت كذا بس قلت يكون خف مع السفر

ديما: يمكن شوفي ياقلبي كيف سام حزين

ايلان: ياقلبي هاااا اقول لاسامة

ديما بهمس: قولي والله لو بيدي والشرع محلل لتزوج فوقه

ايلان ماقدرت ماتطلع ضحكتي بس الحمد لله مع صوت الاغاني والتصفيق ما احد سمع

والساعة ثمان دخلوا لجناحهم العرسان وحزنت لما مشته احلام وعروسه تلاحقه بعده كاختلاف عن كل العرسان وكأته ميت

تخفف البيت من الضيوف وراحوا كلهم ومع الجيران وكل واحدة لجناحها

وطلعت انا صليت العشاء واستغفر الله تأخرت شوي ماشفت سيف تجهزت ولبست فستان النهار ونشرت البخور وعدلت زينتي لان مع الغطاء تخربت شوي من عند الانف والذقن والجبهة شكل مكان الدهني رشيت عطري وانتظرته وينه تأخر ارسلت له وينك حبيبي..بوجه خجول لان اول مره بسأله هذا  السوال وهو ما شاءالله منظم اوقاته مثل المسطرة

جاوب انه بمجلس الرجال وبيجلس معاهم شوي  عشان  محمد واحمد بيرجعوا للسكن

ماتوقعت يبرر مااعرفش ليش هو لانه براسي شيخ ومايبرر وبتناقض... هه بس مهما كان انا زوجته بعيد عن الشيوخ وصرامتهم وكل شي يثبته هو كذا بحياتي ايش اسوي البس وواروح للبنات والا لديما لا ديما لها خصوصيتها بالذات بتنجرح لان اسامه جاء واخذ همس قبل طلعتي خلي تفرغ ولاتتصنع بالذات فهمت شخصيتها مكابرة وقوية ماتحب توضح الضعف لاحد حتى لي لماشرحت شرحت الجانب القوي منها اما الضعيف فكاتمته والله انسانه مثالية

اتصلت بايلين وثرثرنا لنص ساعة وتركتها عشان هي عندها دوام وين اروووح بطلع للبنات بس سمعت فتحة الباب اووف الحمد لله جاء سيف بنفسه ومابنحرج من تعليقات البنات استقبلته وساعدته بخلع ملابسه كالعاده وجلس وكان مخزن

ايلان: نسيت الشاهي بروح اجيبه

سيف وصوته شوي متغير مع القات...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 46 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


ايلان: نسيت الشاهي بروح اجيبه

سيف وصوته شوي متغير مع القات بس احبه ورغم انه ما يخزن بكثرة وبشكل منكر ويكبر خده بشكل غير لائق لا شوي تكون في ارتفاع بخده اللي فيه القات عن الثاني جلست وانا استفسره عن يومه و و ولما وصلت لموضوع سام وبسأله اللي بقلبي

سيف بحزن تنهد: وكيف كان سام عندكن

ايلان: واااضح الحزن بشكل كبير عكس شكله

سيف: شكله مارضى نجيب الحلاق اللي كان صديقه ويعدله الا بعد ما عيت وانا ادلله واقنعه و و اذا ماانت شفتها هي بتشوفك والرسول يقول هي تريد منك مثل ما تريد منها و و نشف ريقي وانا اقنع لان احس رغبته ومش كل شي بالغصب ورضى وجبناه وعدله ورحنا بعده للقرية

ايلان: حزنت عليه والله يكتب له الثواب بمن فقد احد حبيبتيه ضمنت له الجنة

سيف: آمين

ايلان: احممم وحرام احسه بيكون عنده فضول الا يعرف شكلها زينتها و و التفاصيل اللي احنا نهتم لها اللهم لك الحمد نشوفها ومانحس فيها هو بيكون يتمناها

سيف هز راسه وحسيت اني ادخلته بحزن كبير
وبتردد منحرجه اسأله لان لو فكرت بافعاله وحبي الكبير له ومعاملته المثالية لي تخليني اسأله ومااتردد بس لما اتذكر انه الشيخ واشوف ملامح وجهه الرجولية والقوية بوسامة خاصة به وتتناسق مع منصبه اتردد والف تردد

سيف: تكلمي ايش فيك تترددي

عضيت شفتي السفلي وبسرعة وحرج: امم اشتي اسألك كان عندك فضول لشوفة ملامحي لما كنت عريس وجيت مثل ماتمنيت واتوقعت والا اقل والا اكثر

سيف بنظرات احرجتها مدققة لكل انش فيها
وبابتسامه مخيفه ماعرف ايش مغزاها: لاا
اجمل وبأمياااال عن ماتوقعت لان

ايلان بترقب: لاان قول

سيف: وماتزعلي

ايلان: اكيد ليش

سيف: كذااا من حساسيتكم

ايلان: قوول بس وبعدين اشوف ازعل او لا وتقول كذا وكأني زعولة

ضمني لصدره: لا زوجتي فديتها اجمل الخصال فيها مش زعولة وكثير مواقف بجيتي من شغلي اعصب وتكوني بوجهي وتتحمليني فديتك قبل راسها بحب ويشتنشق ريحة شعرها العطره

ايلان ضامه يده: يله قول متحمسه

سيف بضحكة: خفت تكوني تشبهي ابوك بانفه الكبيره عن المعتاد وماتخيلت بوجهك شي الا خفت ان انفك ضخمة مثل ابوك

رفع وجهها وقبل انفها: واول مافتحت وجهك ارتحت ان انفك مش كبيرة

@rewayatyamania المصدر الأول للروايات

ابتسمت بعبوس وبلحظات ضربت صدره بدلال وتحس انه يمزح: لا تكذب ومتى فتحت لي وانت جيت وقبل لحظات من ما اخلع كل شي عناد.. بس ترددت وانت دخلت فمافتحت لي قول الصدق

سيف تنهد وبعدين ابتسم: ياقلبي والذكيه ومحققة ولا ينلعب عليها

ايلان بفخر.: اعجبك مش زوجة الشيخ

سيف وبعمق ونبرة رجولية خاصة: والشيخ
ميت على كل تفاصيل وتحركات هذي الزوجة

ايلان صمتت وتتابع نظراته العاشقه
واللي معتاده عليها ومن اول يوم لها بجانبه وماحست بيوم بغير هذي،النظره وبكل حالتها وكل اوقاتها

سيف وعيونه بعيونها: حقيقة بيوم من ايام الصيف رحت ولاول مره لنزهه لجبل ربي انا وكل العائلة وانضغط من كثر التحايا والتصور معاهم بتقولي تكبر لاا بس حقيقه لان ماشميت هواء ولا شفت الجو وكله سلام وناس يعرفوني واغلبهم ما اعرفهم

فاخيرا جاني اتصال قبل صلاة العصر ومهم وخفت ينقطع الاتصال وباحد رحت مكان بعيد واخضر جاوبت وامشي بعشوائية الا واوقف واشوف ملاك مش بشر.. ابتسم ويتذكر اللحظه....

بعترف لك شيخك راح بخبر كان والرجل الفولاذي قدام الاهالي كان قدام نفسه منسحر وبقمة توهاني والله ماراح وجهك الابيض وخدودك المحمره من قدامي رسمة عيونك لتحت ورموشك الكثيفه كانت واضحه لعندي على بعد مسافه فمك واااه من فمك احمر ومملوء مااعرف هذي المستحضرات التجميلية او شي طبيعي ورباني

نسيت الحساب والعقاب نسيت الحلال والحرام وانا اشوف لملاك تصلي بكل خشوع وماحست حتى بوجودي فايقنت واعلنت
بكل جوارحي وعقلي وافكاري انك لي ووحدك ملكي من بين كل رجال امة محمد تخفيت بحركات مراهقه بس اذا تغلب القلب وغرامه الغى كل افكار واعتراض العقل سمعت ابوك لما ناداكم وانا طبعا حافظ لصوته وكل يوم وانا عنده كنت اقول محظوظ هذا الرجل بشوف هذا الوجه اللي يغني عن كل ملذات الحياه وحتى احتياجاتها وكيف يجمعه بين الناس مايخاف ينخطف تصيبه عين وكيف يتنزه وعنده اجمل مخاليق الرحمن

مارحتي من بالي وحتى رجعنا وبعدها طول الوقت وانتي بعقلي واكيد تربعتي على قلبي وعروشه وطبعتي ملكيتك فيه عقلي الرزين راحت الرزانه قلبي القوي ذاب وراح بخبر كان قوي ايش سويتي فيني يابنت عبد الغني اي سحر تلقيته منك وتقولي ايش كانت توقعاتك لا انا متأكد ان عندي ملاك ومابكذب تعايشت واختبرت عقلي اني رجل عادي ومش شيخ كيف بتكون ردة فعلي وانا ادخل لعندك بين النسوان وانتي حلالي وانا وانتي حرام عليا تجاهلت وانمحى عقلي عن التفكير وكيف بسوي و...





📚 @rewayatyamania  🇾🇪

.

البــارت 47 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


استغفر الله عدد اوراق الشجر واعدد انفاس البشر


ايش سويتي فيني يابنت عبد الغني اي سحر تلقيته منك وتقولي ايش كانت توقعاتك لا انا متأكد ان عندي ملاك ومابكذب تعايشت واختبرت عقلي اني رجل عادي ومش شيخ كيف بتكون ردة فعلي وانا ادخل لعندك بين النسوان وانتي حلالي وانا وانتي حرام عليا تجاهلت وانمحى عقلي عن التفكير وكيف بسوي وانتي ملكي وكسب قلبي قراره وكلمته مثل ما عقلي ولساني يكسبوا كل قرارتهم واوامرهم اعشقك يابنت قلبي وزوجتي وحبيبتي وروحي ودنيتي واغلى مااملك تنهد عشقت شكلك بثواني بس غرقت بعشق روحك وشخصيتك ونعومتك وانوثتك وذكائك ونباهتك وحركاتك انا يابنت تعديت مراحل الحب كلهن وصلت مراحل عمر مااحد بالحب تعايش معاهن  او وصل لهن قبلها 

بكل الحب والعشق  والاعتراف اللي اطراه على مسامعها المصدومة ابتسم على بلاهتها من تأثير الصدمه: هاااااا يابنت ارضيتك

تسارعت انفاسها بحرج ومشاعر متضاربه وقفت بس مسكها وبهمس: ووويين

ايلان محرجة ومصدومة جاوبت بتوهان: ما اعرف

@rewayatyamania المصدر الأول للروايات

اليوم الثاني
كان اسامة مع جدته واحلام بحوار حاد

احلام بحزم: بس اسامة لاتكون ظالم لهذا الحد  اتقي الله بالبنت لو تحملت وصبرت ورضت مش خلاص ماعندها مشاعر

اسامة بعصبية وحواجبه معقودة: انتين ماتعرفين ديما اللي انا حافظ لها وفاهمها بتاخذ، حقها وزيادة فاتركي شي مالك دخل فيه

احلام صمتت بعتاب

الجدة: الله المستعان تقول لاختك كذا

اسامة: انا ياعالم معصب لاحد يكلمني بغلط عليكم كلكم خلاص كلمه قلتها زوجتي وبناتي، باخذهن المغرب لبيتي والبيت قدام البيت اشتي حريتهن ويرتاحين اشتي اجمع، شمل عائلتي غلطت لا توجعين راسي وتراجعيني خلاص قلت كلمة الكل على ما تشتي حتى لو اكلتهن على مشتي

الجدة بتمتمه: بسم الله طلعت شياطينه

سيف داخل من باب المجلس: ايش فيه صوتك طالع

اسامة: مافي شي

سيف رفع حاجب: سمعوا صوتك للحاره الثانيه وتقول مافي شي

اسامة بعصبية: بس قلت باخذ ام اديم الا يعترضين واني ظالم و و رفعين ضغطي

سيف: خلاص اهدى عائلتك قول كلمة وروح وارجع بالوقت اللي حددته واخذ ولا تسمع ولا اعتراض من احد

احلام بنبرة فيها بكاء وعيونها تدمع: بس انا قلت لفتره تجلس هنا ديما بعدين ياخذها لان هنا تتناسى حقيقة انه تزوج عليها

سيف ابتسم لها وهو يتجه: وانتي والله رأيك صائب بس ماسمع خلاص راحته

احلام بكت بقهر وحساسية

سيف: الله المستعان تبكي وانتي امي واختي لااا والله ماارضاها قولي الآن ايش يرضيك واسامة يراضيك به واحكم عليه يجيبه لك وبثواني ولو سلاحه ووظيفته للي مااعرف اذا عنده شي اغلى منهم

وقف اسامه وبنبره هاديه: والله اعطيهم لها تستاهل بسسس ام اديم ماتهنى لي عيش ببيت ولو لثواني بدون وجودها

سيف بضحكه يلطف الجو: الحمد لله جاء،يوم وعرفنا ان لاسامه شي غالي اغلى من وظيفته
والجنون هذا والعصبيه لاتلومه مشتاق هههه

ضحكت احلام وتقدم اسامه بتنهيده قبل راسها وراس سيف بس رفض يخليه وضمه لصدره

اسامه: لا اشوف فيك يوم

سيف بنفسه لا الله لايقوله: عادي ماينقلب اخلاقي لدرجتك

اسامه وقف قدامه ويضرب صدره: ايش نسوي قلب عن قلب مختلف واتجه للخارج

احلام بحزن عليه: حرام والله احسه فيه هموم
ماقد شفتهم عليه وزاد نفسه هموم بنفسه

سيف: مايعلم مابين الزوجين غير خالقهم فما نلوم احد وحده واذا ام اديم رافضه كلميني ووالله مايطلعها الا الاجبار مايجبرها وهو جارحها والاجبار محرم على الخالق نفسه مااجبرنا حتى بالسلام كله ورغبتها

احلام: لا ام اديم عادي ومااهتمت وقلت لها براجعه وماعارضت

سيف: خلاص الله يصلح احوالهم وين الصبوح.. الفطور.. عندي دوام والا نسيتي

الجده: ووين زوجتك هااااا

سيف ضحك: هااااا بدأنا يا ام الشيخ بشغل العمات

الجده ضحكت: لا والله بس اسأل لان احسها متربيه وواعيه لواجباتها ومابتتركك تطلع بدون فطورك

سيف: لا انا قلت لها المطبخ لاتدخله لان الشيف ومساعده باحتمال اي وقت يدخلوا الاكل واخاف تلتقي بهم

الجده: اااااااااااااه يا الغيرة وتحرم عليه دخول المطبخ لاحتمال والله زمان ياابني واحنا نمشي بزناننا...فساتين واسعه تسمى زنه... وقدام الله وخلقه ولا كان في وساخة وخبث هذي الايام رغم غطائهن

سيف: هذاك بزمانكم زماننا غير ولا تدخل لو ماعندها ماء تطلب من خواتي او الصغار اما تدخل لاااا

الجده ضحكت برضى: من حقك تغار على الحميرا تبعك

سيف: يمه لاترددي الاسم هذا قدام الاولاد فديتك

الجده: والله بنت عبد الغني تربعت وتملكت
على العرش كله

حك اسفل راسه وبتهرب: كيف رجولك ماتعبتي امس بعد المناسبة

الجده نست: ...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 48 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


حك اسفل راسه وبتهرب: كيف رجولك ماتعبتي امس بعد المناسبة

الجده نست: الا تعبت بس يارب يفرج عنك ويبعد عنك كل وجع العلاج هذاك مفيد وبسرعة
يهدي وجع ركبتي

سيف يقبل راسها: الله يديم لك العافية

الجده: امين وبهمس: ياابني متى بسمع خبر يسرني ومنتظره له ماسألتك من ايام لان تنزل مع زوجتك والبنت تخجل فجت اليوم فرصه

سيف: ان شاءالله قريب انتي ادعي لي بس

الجده: يارب يرزقك بالذريه الحسنه مش بس الضنى لا الضنى البار والحسن المهم ماتسوي من الخرابيط حق الايام هذي

سيف: اكيد لا

الجده: المهم وربي متى ماكتب حيا به

سيف: قريب ماطلع سام

الجده: شكل بتكون تطلعه وتحركه زوجته اكيد فما طلع

سيف: الله يسعده بس كنت بسأله لو بيستقبل صهوره هم جايين هنا من القريه والوليمة وضيافتهم جاهزه

الجده: انت سوي اللي فيه صواب ورايه خذه بعدين

سيف صمت

الجده: مااقتنع شيخي اناديه لك

وقف بسرعه وبحرج: لا ايش تناديه عريس لا متى ماطلع كلمته بروح بسرعه لعشره ونص لشغلي وارجع

الجده: الله يوفقك ويجعل كلمتك مرفوعه وكلمت اعدائك مخذولة

وطلع ويسمع دعوات جدته واللي يحسهن وكأنهن نور يضوي له طريقه كل يوم

@rewayatyamania المصدر الأول للروايات

بعد الغداء..
كانت ايلان مع ديما بجناح ايلان وكل واحده تزين وجهها

ديما: قلت بجي عشان اليوم نجلس بطوله مع بعض

ايلان شافت لها وشعرها لفوق ووجهها فيه الفينديشن وبدأت بشادو العيون: ليش اليوم بس كل يوم كذا بيننا فقط درجات اطلعي وخلاص

ديما: مااحد يلومك مانزلكش من الصبح

ايلان بضحكه: من امس الليل سيف نبهني لا انزل لان البيت فيه دوشة وضيوف ويخاف التقي باحد بالغلط فنزل هو وحتى ماكان في صبوح بالمطبخ اصطبح نازل وطلع لي مع المساعدة فطور

ديما: تدلعي حببتى والله تستاهلي، وانا بروح المغرب للبيت

ايلان فتحت عيونها: لبيت ابوك

ديما: لا مارحت بيوم الزواج اروح ذلحين
بروح لبيتي اللي هو بيت اسامة بس على قدر شوقي قبل على قدر كرهي الآن وان واحده غيري دخلته قبلي

ايلان طبطبت على كتفها: خلاص تجاهلي الصغار لان بيوجعنك اكثر من الكبار

ديما: صدق كلامك والله عدلت الروج وخلصت كل واحده زينة وجهها

ايلان: لو كنا طلبنا من الكوافير تحط لنا مع العروس ووفرنا وقت

ديما: صدق بس مافي فرق ما شاءالله متمرسة وتحطي بشكل محترف

ايلان بضحكه: نكسب وقت لاشياء ثانية

ديما: هذيك انتي واشوف العطور عشرة تبع الاستحمامات بس و و و والتوابع بالحمام لاتعد فمن حقك توفير الوقت هااا شوفي كم يامخمريات وبخمريات وللشعر والجسم و و و
بدون العطور الاساسية اكلتي عقل شيخنا

ايلان: يستاهل

ديما بضحكه: يستاهل اكيد 

♡♡♡♡♡

كانت كل واحده اكشخ من الثانية والعروس بالكوشه وعليها فستان احمر ابرز جمال بشرتها وكانين كلهن لابسات احمر البنات كهم جلد
والمتزوجات طويل وباشكال مختلفة اللي نواعم واللي منقوش واللي عليه تطريز فخم مثل اللي على ايلان وكان يوضح تفاصيلها وملائم لمكانتها كزوجة لشيخ ومهما اختلفين المناسبات الا ان الانظار تتسلط عليها كجمال وانوثه واناقة متناهيه ومركز اجتماعي

كانت مع امها وفرحانه فيها طول الوقت وماقامت ترقص لان تكلمت الظهر مع سيف لما رجع من شغله وشاف الفستان المجهز ونبهها لا ترقص لا احد يصيبها بعين والعين حق فمستحيل تخالف له رأي

كانت بيلار مع حور وتتكلم معها بين الوقت والآخر وبما انها اكثر واحده مقربه لسام

على المغرب راحين النسوان والضيوف وودعت ايلان ديما وكأنها مسافره وراحت لجناحها بالدور الثاني الخاص فيهم والبنات لازمنها الوقت كله ويساعدنهابترتيب اغراضها
وملابسها وملابس اسامة والبنتين

اسيل: هااا بنات نستعمر الجناح شوفين كيف واسع غرفتنا ماتيجي الاربعة

ديما: بس حببتي اعتقد انه لعدي وزوجته

اسيل: لعدي حبيبي والله فاقده له فديته ويستاهل

توليب: ياااه يا الهيبه ايش تسوي سيطرت على اطول لسان

مرام: الله يرزقنا من هيبتهم

اسيل: اصص بس وبيعيش هنا بالدور الثاني اللي فيه غرفتنا وجناح احلام وخيريه وسمر وبناتهن ليش هذاك محرم ماتوقع

ديما: لا قال كذا اسامة من قبل ما اعرف لمن

اسيل: اكيد له لان حتى غرفته تحت اندمجت مع غرفة سام وصار جناح كبير خاص له

ديما: الله يشفي سام وبيعيش هو هنا وعدي تحت

تولين: ...





📚 @rewayatyamania  🇾🇪

.

البــارت 49 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


ديما: الله يشفي سام وبيعيش هو هنا وعدي تحت

تولين: تتوقعي يجي الاسبوع هذا يا توليب

توليب ترفع يدها للسماء: يارب اليوم ويوصل بالسلامه

البنات: اميين

ديما: الله يبقيه لكن

تولين بعقلانية وحب: ياااارب آميين

بيلار ترد على الجوال: هلا والله بدادي
هلا بعيون بنته هلا بقاضي صنعاء كامل
هههههههههه يفديك الكون ياقلبي
عيوني لك تامر امر
هاااااا
تمام وايش عرفه
ان شا الله الله يكتب اللي فيه الخير بسسسس
هااا عشانك درسته
كانت هنا اليوم وامس

تنهدت: انت فصل وانا البس
لا مش ضروري رأيي بشي رضي فيه انت او خالي سيف مابجي انا اعلم بمصلحتي منكم
خلاص بفكر رغم ان قراري هو هو
تمام
مع السلامه

اسيل: ايش هذا

بيلار: ولاشي

اسيل: ايش اللي ولا شي واللي سمعناه شكله خطوبة

هزت راسها

اسيل: وبتوافقي لا لا امانه

بيلار بحزن: مااقدر

اسيل: ليش انتي صغيرة والحياه قدامك

ديما: اكيد كلام اسيل صح

بيلار: الله يكتب اللي فيه الخير مع اني مليت والله اللهم لك الحمد بس

توليب: بتوافقي

بيلار: لااا

تولين: اكيد بترفضي

بيلار: لاا

مرام والكل علامات استفهام: يعني ايش بيحصل لا بتوافقي ولا بترفضي

بيلار ونظراتها على يدينها: قال ابي افكر حتى لشهر وبيسأل ويختبر الشاب من كل ناحية و و و ويعرف دينه اخلاقه ويتأكد لاني وحيدته مع انه تلميذ عنده بس،قال مايقدر يعطيني لشخص حيا الله الا يشوف

مرام: ولشهر

هزت راسها ايجاب

اسيل بدموع مسبوق لوقتهن: لا تتزوجي وللعاصمه وهو من صنعاء اصل

بيلار ضمتها: اسيل الله يعلم بالمخفي مااحد يعرف وايه قال صنعاني الاصل من كبار قبائل حمير اخته كانت امس واليوم هنا

مرام: اخته من

بيلار رفعت كتوفها وبتحذير: خلاص اكتمين الامر لان كله بسرية بيني انا وابي والشاب واخته بس فانا قلت لكن ولا تتكلمين مش حلوه بحق خالي سيف يربي وبعدين اذا جاء زواجي انخطب واوافق بدون علمه قال ابي بيشوف وان ارضيه بيكلم خالي سيف وخالي يكلمني تمام

البنات: اكيد والله يوفقك

بيلار: الجميع يارب

@rewayatyamania المصدر الأول للروايات

كان متنظرها بسيارته متى بتنزل لان طلع قبل وقت ونزل كل الشنط والاغراض المهمة
ومن نص ساعه وهي تودع الكل وكأنها بتسافر للخارج مش بتنتقل من القصر لفلته قدامهم

شافها تنزل من درج اللي بجانب الباب وبيدها ديم واديم قدامها تمشي نزلت وفتحت لهن السيارة للبنات الباب الخلفي ولديما جنبي بس كانت بتركب جانب البنات مسكت يدها وشفت حوالينا: اركبي جنبي لا تثيري شكوك احد

ديما تسحب يدها: عادني الا اثير الشكوك وكأن مافي شي

اسامة: في بس مش ضروري نثبت لاحد

ديما قفلت باب الخلفي وسحبت يدها وجلست جنبه

اسامه ركب وقفل الباب وبتحذير: اووص
ديما البنات هناااا لاتقولي شي وتخوفيهم بعلاقتنا

ديما: ومن قال اني بقول شي وبصوت منخفض: ليش دل شي غير ان احنا نتشارك بالبنات وتربيتهم فقط خلي هذي الجملة براسك وخلاص انتهى الكلام بيننا والتفاهم

صمتوا ووصلوا للحوش تبع فلته نزلت ولا التفتت له وللبنات لان اكيد بيسلم عليهن وكأنه مشتاق صدق وبيزعلين ويطلعين عيونه بناتي واعرفهن

دخلت وشفت همس جالسه على الارض الكنبات مثل ما احب ناعم وفخم صممته انا كل شي بقسم استقبال النساء الضيوف مثل ماصمم هو بقسم استقبال ضيوفه الرجال حسيت قلبي وجعني لييش تدخل لبيتي اللي اني متشوقه للحظة دخولي له وشاهدة على بداية بنائه من اول حجر وهذي تدخله بسهولة وقبلي وكأنها سيدته بيوم وليلة

وقفت وانا اشوف شكلها بروب طويل نص كم وشعرها عادي مطوي بالخلف بمشبك شعر ووجهها خالي تماما من مستحضرات التجميل وكأن ماكان في مناسبه بالمغرب ترى لذي الدرجة وبهذي، السرعة شافتها وتجاوزتها وسمعت صوتها وهي تقول لي: هلا بك ببيتك يا ام اديم

ديما بنفسها: هه ظل فيها بيتك على الاقل قولي بيتنا او بيتي افضل احترت اي جناح اروح من بداية الدرجات اللي تتجه كل واحده للدور الثاني بقسم وجناح كبير جناح لي انا وهو بتصميمنا مع بعض والثاني جهزنا منه غرفه للبنات ومخططين يكون للعيال ترى اخذت جناحي وغرفة نومي ، مثل ما اخذت زوجي ودخلت بيتي قبلي

والله جرحه غائر بقلب الانثى لما تتعب لبيتها وتتشوق له وبالاخير يتزوج بجملة بيت جديد وزوجه جديده لييش الزوجه تبلي او تفكير الرجال وقساوتهم كنت بتجه لواحده من غرف البنات بالجناح الايسر بس سمعت صوتها: لا يا ام اديم هذا جناحي والايمن لك اللي هو الاصل حقك والبنات معي هذا كلام اسامة وكنتي وبتظلي سيدة البيت

ديما ماصدقت كلماتها و...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 50 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


ديما ماصدقت كلماتها وقلبي طبول بس نهرت شعوري لا ارادي تنتظري منه حركه تافهه انه يحافظ على جناحكم لك وله بس ويحفظ زوجته كم كلمه يستهزئ فيني عشان اصدق وانسى لااا مش ديما اللي تتغلب عليها عاطفتها ولا عاطفة لديما العبوها على غيري لي المنازل الوواهمه ولها الاصل ولاشياء الحسيه بس مش ديما اللي ينلعب عليها ولا ديما اللي تشعل حروب ومشاكل كانت حياتك يا اللواء هم وغم من سنين وببداية اهمالك انت مهمل وانت زوج واحده واب لطفلتين كيف اذا ازداد عددنا الله يعين بس

اتجهت لجناحي فيني قهر احس كأنها متفضلة به عليا وقفلته عليا خلفي حسيت بالباب انفتح التفت وكان جسمه اللي مغطي الباب مسكت خصري: خير ايش تشتي

اسامه بهدوء: هذا مش سؤال تسأليه لزوجك

ديما ضحكت باستهزاء: هااا وانت قلته زوجي اما انا بمقام امك او اختك تفهم ومافي زوجي ياسيادتك ومع السلامة انا قلت قبل دقايق مابيننا متشارك غير تربية البنتين واعتبرني جماد مثلي مثل الكرسي والا الثلاجه والا اي اثاث فاهم

اسامه غمض عيونه ويشوف للجناح الفخم بكل انش فيه من الديكور والاثاث وهذي اول دخلة له بعد ماخلص معاها كل التجهيز من اياام: ديما بقولك هي كلمه تسرعت فيها ووالله ندمت واطعمت ستين مسكين كفارة واستفسرت شيخ وقال خلاص رجعتي لذمتي واتنهد ولك رضاوتك باللي تأمري فيه والله ولو اطلق ام سيف 

ديما بعصبيه وملامح متألمة: لااااا لعبه هي بكلمة تحرمني وبكلمة تقول كفرت وبكلمة تقول ارجعي، بكلمة تقول بتزوج بكلمة تقول بطلق ليش الحياة عندك كلمه انت كذا طول عمرك مستهتر وغير مسؤول يا ولد الشيوخ

اسامه شافها بنظرات غريبة: لا تجرحي يابنت عدنان

ديما صدت وظهرها له: جرحت قبل ياولد يزن ال مدين يا ابن الشيوخ لو سمحت قفل الباب لا رحت واتجهت للحمام الخاص بداخل غرفة نومها الخيالية حطت فيها كل احلامها وسمعت صوت باب الجناح يتقفل وصوت باب الخارجي يتقفل بقوة هزت البيت وصوت سيارته ضحكت باستياء كان في واحدة تهملها الان صرنا ثنتين منتظرات تصحى وتكون مسؤول يا حضرة اللوء واللي شغلك اخذك منا ومن حتى حياتك طوول يومك ونص ليلك بشغلك والباقي مع اصدقائك من شغلك والساعة المتبقية قبل لاتنام عشان شغلك لمن بتكون لي والا لهمس او نص ساعة بنص ساعة طيب وبناتك انت رجل ضايع وحياته عشوائية بالاول قوانين سيف لما كنت ببيته وكنت ترجع بعد العشاء وتجلس بجوالك اما بشغلك او مع اصحابك بس ترجع أما الآن بقوانين من بترجع ونشوفك الله يعين بس كيف بتسير الحياة رغم اني انا متنازلة وعودتني على هذا البرود وعدم الاهتمام والثانية كيف بترضيها ترى بتتغير عشانها بهذي الايام القليلة واللي ماغيرتها عشاني من سنين غسلت وجهي بكثرة وحتى الميك اب ما ازلته حطيت فازلين واتجهت للسرير بعبايتي ومتهربة من افكاري اللي تكوي قلبي كي

@rewayatyamania المصدر الأول للروايات

شغلت المكائن تبع القهوة على حسب شرح ابوها لها ومرتبكه موت ومنحرجه لان كل الانظار عليها وفيها المستغربه والمتسائلة ماقدرت ترفع عيونها للي يتقدموا ويطلبوا طلباتهم ماتدري كيف تتحرك وتزيل هذي الربكه والخوف وحتى بشغلها في رجال بس السكرتيره تبعها ماتتركها ولو لثانيه وان راحت واحدة للحمام والقارى بكرامه الثانية تنتظرها بجانب الباب وهنا تحس العيون ياكلنها مع انها بجلباب واسع ويوضح كأن عمرها باالخمسين ويدينها عليهم قفازات عشان تغطي كل شي منها ولا تشد الانظار بس الموظفين هنا كأنهم اول مره يشوفوا مرأة ولولا خوفها ان ابوها يفقد وظيفته ماجاءت هنا ولا خلت نفسها عرضه لنظرات المتطفلين ومحتاجة لوظيفة ابوها وراتبه لان راتبها ماتلحق تدفع به فواتير الماء او الكهرباء او الايجار وبعد فتره بيبدأ الصيف وتتمنى تدخل سيف لنادي وروضه تاهيلية ويكون مثل اولاد الاثرياء بس بتعمل جهدها وتصبر هم ثلاث ايام اخذت عشان ابوها خلصت فترة اجازاته السنوية وبتشتغل هنا لان فرص اجازتها متوفره كامل وماتخذ هي اجازه  الا لشي ضروري

سمعت صوت رجل ينادي: هييه ايش جابك هناااا

ايلين: __

الموظف: ماتتكلمين انا اسألك جاوبي لو جاء المدير وشافك اكيد بيطردك

ايلين: ___

الموظف: ياحجة هنا مش فوضى واللي يشتغل هنا الحاج مؤمن

ايلين بصوت حازم مغيرته: وانا اشتغل بداله

الموظف: لييش وهو وينه

ايلين بنفسها الحمدلله فتحنا له يتخاوص دخل يرقص رديت عليه فك موضوع ثاني بس والله مااجوبك لو تنفجر وصعب اخلي صوتي حازم لاكثر من جملتين

الموظف: جاوبي سألتك

حط يديه على الطاولة: هيييه ياحجه والله ماانا راضي لك الاحراج لان مافي هنا ولا انثى
ولابيرضى المدير
هيييي
اكلمك
جاوبي
انا نبهتك اللهم فاشهد
انتي تقربي للعم مؤمن
انتي زوجته
طيب اخته
من

ايلين نهضت وبعصبيه: ...


https://tttttt.me/rewayatyamania/52368



📚 @rewayatyamania  🇾🇪

🔥

بـارتـات يومنـا الثـلاثـاء👆🏻😍

.

البــارت 51 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


الموظف: جاوبي سألتك

حط يديه على الطاولة: هيييه ياحجه والله ماانا راضي لك الاحراج لان مافي هنا ولا انثى
ولابيرضى المدير
هيييي
اكلمك
جاوبي
انا نبهتك اللهم فاشهد
انتي تقربي للعم مؤمن
انتي زوجته
طيب اخته
من

ايلين نهضت وبعصبيه: بربربر اصصص الله يقلعك ماتسكت انت وين الرجولة مابجوبك تشتي قهوه اشرب هاري ماتشتي شوف شغلك والمدير لو يطرد من هنا يطرد بالع راديو

صمت الموظف وتراجع بخجل من هجومها

@rewayatyamania المصدر الأول للروايات

وهي جلست على الكرسي وحولت ظهرها جهتهم وكانت تسمع شوشرات بين الموظفين
بس تتجاهل وهي تفتح جوالها وتشغل نفسها فيه

شافت لسيف اللي نايم من التعب لان ببداية الدوام اخذته عشان تحس بالامان وهو معاها ولو في طلبية وبتضطر تطلع مثلا للمدير وغيره بالاقسام فوق يطلعهم هو مثل ماوصاها ابوها

صحته وصحى عاقد حواجبه بغضب طفولي

ايلين تضحك على شكله ببدلة شيك وشعر مسرح ووجهه اثر النوم قبلته وبحب: نوم العوافي حبيبي

نزل يديه بحنق: لا تقبليني هنااا عيب انا رجال

ايلين بخوف مصطنع: تامر يا اقوى رجل صمتت وتسمع الصمت بكل المكان الا من صوت خطوات ثقيلة على الارض

سيف: هذا المدير جاء جهزي قهوته ومرة

ايلين: يييع مرة ايش يشتي بها في اذواق غريبة عجيبة يله بجهزها

سيف يعدل بدلته وهي مدت له الكاس بحمالته الامنه على الصغير وتنبهه
ايلين: حبيبي بابا انتبه لاتحرق

سيف: انا رجال انا رجال واعرف انتي اللي ماتعرفي

قبلته بسرعة: خلاص انا اللي مااعرف وارجع بسرعه تمام لاتخليني وحدي

سيف: ابشري صعد بخطواته الصغيرة وفتح المصعد وضغط زر الدور اللي فيه مكتب المدير ووصل وهو يدق الباب بصوت خفيف سمع صوت يزن يرحب فيه وفتح الباب بعدين اخذ حمالة الكاس اللي حطها عشان يقدر يفتح دخله وحطه على طاولته

يزن بابتسامة: كيييف سيف

سيف: تمام

دخل السكرتير ويمسك كتف سيف الصغير لان شعره ممنوع احد يخرب تسريحته: كيف سيف الله

سيف: الحمد لله واتجه بيطلع

يزن: مافي سلام على عمو

سيف بابتسامه طفولية: لا بس مستعجل

يزن يعقد حواجبه وبنبره لطيفة وجدية: ليش مستعجل

سيف وهو يطلع: ظرف عمي

ضحك يزن على كلمات الصغير والسكرتير يشاركه وتذكر: شكل ظرفه عشان المراه اللي بالكافيه

يزن باستغراب: مراه بالكافيه

السكرتير: ايه وقال ياسر انه سألها ليش هنا وماتجاوب بس بعد ما اصر قالت انها بدال العم مؤمن

يزن: ايش بداله وليش ماجاء هو

السكرتير: ما اعرف

يزن اخذ التلفون ويتصل وبعد وقت افتح بدون جواب
يزن: يا خالة ايش جابك تشتغلي بالكافيه

جاه صوت سيف: هلا عمي بدل ابي

يزن: ووين ابوك

سيف: ابي مريض

يزن: خلاص قله يجيب تقرير وياخذ اجازة

سيف: هااا... ايش اقول: لااا اجازته خلصين

يزن: عادي مريض واعطيه انااا وماله داعي يجيب اهله تمام قلهم يروحوا ياسيف عيب الشركة كلها رجال

سيف: مممم ماتقدر ولا بتخرج وبتشتغل لما يتعافى ابي وتروح

زفر بتأفف وقفل: ايش جابها هذي

السكرتير: مااعرف

يزن بنرفزة: اقول عادي ياخذ اجازة وتقول بشتغل لما يتعافى

السكرتير بابتسامة شفقة: اشفق على الناس اللي مثل هذي تكابر وماتاخذ الا حقها وبعرق جبينها ومصرين لان اجازاته ازدادت

يزن بلا مبالاة: خلاص راحتهم وايش كان ردود الشركه اللي اخذت منتجات الاجبان

السكرتير: امم اخذوا كل اللي عرضناهم عليهم وبيتشاوروا ويشوفوا اكثر شي، يناسب منتجاتهم

يزن: حلوو واعرف ان مستحيل شي عن شي يستبعد وكل المنتجات بنفس دقة الجودة

السكرتير بابتسامة: وهذا اللي مميز شركتك ورافعها فوق

يزن: اللهم لك الحمد وبنشوف شركة الاكلات السريعة طلبت نعرض عليهم حدد لهم يوم

السكرتير: تؤمر

♡♡♡♡

ايلان كنا كلنا جالسات العصر واليوم مافي ضيوف بيجوا عشان العروس صار لها ثلاث ايام فكنا نتكلم كلنا مرة واحدة وشكلي تعودت على حياتهم والصخب اللي فيها لان ايام العرس الاولى كنت كل يوم مصدعة واقول كيف يعيشين اليوم صرت انا من ضمن مصدرين الدوشة وحتى احس صوتي مرتفع عن ما كان

اسيل: جددددة

الجدة: ايش تشتي

اسيل تغمز: اسرقي لي عود قات من احلام

الجدة: اديت لك هي...اعطيتك...

اسيل: واحد بس بيذوب وابلعه

الجدة بتطنيش: خلاص يكفي

اسيل لفتت للبنات بهمس: من اليوم وفوق جدتي مالهاش جلسه جنب احلام تضيع فرصه سرقتنا للقات

توليب: ايوه والله عود واحد بخلصه بدقايق

ايلان: لا انا مااقدر ابتلعه نهائي ولو ورقة

توليب: مقتصده وادي لك ربي زوج شيخ اطلبي يعطيك قااات من اجود قيتان اليمن بس احنا ولا احد يدي غير القليل

ام محمد اشفقت عليهن ومدت لهن بقات: خزنين شوي شوي عيب انتين شباب
لا تظهر على خدكن

اسيل: ...





📚 @rewayatyamania  🇾🇪

.

البــارت 52 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


ام محمد اشفقت عليهن ومدت لهن بقات: خزنين شوي شوي عيب انتين شباب
لا تظهر على خدكن

اسيل: يارب يحفظك ياقلبي ولا عليك مابنطلعه معك جيش بنطايره من ورقه

ام محمد: هههههه ما شاءالله

اخذته وكل واحدة تاخذ عود بشكل سريع

الا ايلان مكتفيه باللي يجيبه لها سيف

ام محمد: مافي عاقلة الا زوجة الشيخ

ايلان: ههههههههه والله احس بدأ العقل يطير كل ماجلست معاهن

ام محمد: تعالي هنا احنا كبار

ايلان بتروح: اكيد

مسكتها توليب: ويين

ايلان: بروح عند الكبار

توليب: اووص ياالكبيرة هو الزواج كبرك والا انتي بنفس عمرنا لاتنسي

ايلان: حتى ديما ماجت ليش بتبدأ غياب

مرام: لها ظروفها يكونين كل واحدة شادة شعر الثانية ويطلعين عين خالي اسامة بدال البرود اللي هو فيه

البنات: هههههههه

اسيل بضحكة: مااسمح لك تتكلمي عن البرود وانتي امه الا لانك تجلسي معي اخذتي شوي خفة مني

مرام تلوي فمها وماردت

تولين كانت جنب امها اتجهت لجهتهن وبفرح: تعرفين ان عدي جاي بالطريق

توليب: قولي والله

تولين: والله

اسيل بفرح: حبيب عمته

مرام: ووداعا للمرح وداعا للنشاط وداعا للصوت العالي وداعا لضحك ارحبي يا صراخ وهمس لايعلى وصوتكن وصل للحاره الثانية ويشتكوا منه وكان في عصابة محششين هنا مش اناث

ضحكت بيلار وكأن الكلام عجبها: ايه والله
انو صدقك

ايلان: انا للآن محتارة بين خوفكن وفرحة هذول ويسكتين ليش مندمج المشاعر عندكن مش سيف لو دخل تسكتين

بيلار: عمي سيف نخجل نطلع صوت بوجوده كذا هيبة ولاقد هزأنا ولا رفع صوته بس هذااا تنهدت وتحرك يدها: هذاا تتهزئي لو قليل باليوم ثلاث مرات

ايلان: هههههه دواء هذا

مرام بهمس لايسمعين خواته واسيل وتفضحها يكفي النقير بينهن وبين بيلار: قولي دااء علة

اسيل: ايش تقولين

مرام بدلع يرفع ضغط اسيل: مالك دخل خالتو

اسيل بقرف: مانيش خالتك ووويع

مرام: غصب عنك خالتو

اسيل: ماعمايني ولا بالوردة اشواك تقربها

مرام: انتي ورده انتي ديناصور

اسيل: جعله يدعسك

توليب: خلااااص بتبدأين خلينا نضحك

بيلار: هههههه نضحك عشان لايجي هادم اللحظات هههه واسمعين توليب رفعت صوتها حق الحبس اللي بينحبس من بكرة

تولين: عادي يرجع ونشوفه كل يوم ولاننطق او نتكلم راضيات

مرام: هذيك انتي احناا لا

توليب: ليش عشان تطلعي كل الاصوات بداخلك ولارحتي للخاطب الناسي كتمتيه

مرام: اصابعك مايستوين

اسيل بضغط مرتفع: ابصرين تجامله وهو ولا ذكرها ياخذها اتكلم عشان خاله وحس بالنحس
فذهب ولم يعد

بيلار لفت: شوفي بدينا بجلسة الهجوم بتسمعيها اليوم وبعدين باااي ودعيها

ايلان مبتسمة: لذي الدرجه عامل لكن فوبيا

بيلار: واكثر

وقفت اسيل: ويين حوور

احلام: بغرفتها ناديها لاتمل

طلعت اسيل لجناح سام دقته ودخلت وكان سام جالس بشرود كعادته وحور مقابلة له بجلابيه واسعه وباكمام وحجاب يلف وجهها

اسيل بصخب: السسسسلاامممم علليكممم 

اتجهت لسام: كيفك اخي العريس الصامت

سام: ___

اسيل: واني الحمد لله مااسأل الاعنك اخبارك

حور تشوف باستغراب وهذيك قدامه ومنحنيه لقدام وجهه بشكل لو كان يشوف سام لاتضايق وعطاها كفف على هبالها

اسيل: هههههه فاقدني ياعمري يااخي فديتك بس انت عندك زوجة

اسيل: ههههههه ماالومك صامتة وجامدة وبهمس بس وصيتك قلت احس ووو اااااه تعرف ان عدي بيجي اليوم بكرة لا باخذ عروسك نسوي لها رقصه ونضحك عشان ياخساره بنودع المرح والضحك بوجوده مع اذنيه اللي تسمع صرير النمل هههههه هيا عنده صريره ههههههه ملخبطه بس اخذها
ياعمري اخي مايرد لي طلب فديتك

اجلس اني لا مااتحمل واليوم باقيم حفلة توديع للمرح والصوت المرتفع اجلس لوحدك مثل عادتك شافت حور
يله

حور بصوت هادئ: لا مااقدر اخليه لوحده

اسيل: استأذنت لك ورضي هااا ايش قلك
تمام يله

حور: بس انتي قلتي مش هو ومااقدر اخليه لوحده

سام بصوت هادئ مبحوح من اثر صمته لاوقات طويلة: لا عادي اطلعي

حور: اممم

سام: قلت اطلعي وريحني من الراديو هذي

اسيل وعيونها مفتوحة: راديووو هاااا واني اكلمك من سنة ولارديت وزوجتك ياالمجامل تقول اممم ماسمعتها الا وتسمعه ياخسارة الحليب المتبادل

نفخ اوووف طويلة ومسك راسه: اسيل اصصص يرحم والديك

اسيل بهمس مسموع: معصب

حور رفعت كتفها وبخجل اتجهت لجانب سام: ماتحتاج شي

سام: لا خذي هذي معك بس

اسيل: الله ياالدنيا من كان ملف اسرارك وبيت عيوبك وكاتم  كل شي يخصك الآن تنزل مكانتي عند زوجتك

سام عصب: خلااااص بطلي الدراما حقك وانا انسان اعتاد الصمت ماتعرفي ان صوتك يحفر مخي ويصيبني بالجنون

حزنت حور وبنظرات رجاء لاسيل تطلع

اسيل بصوت هادئ: خلاص عارفة وبطلع بس قلت افرفشك واعرف شخصيتك المرحة واطلعها

سام: ...




📚 @rewayatyamania  🇾🇪

.

البــارت 53 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


اسيل بصوت هادئ: خلاص عارفة وبطلع بس قلت افرفشك واعرف شخصيتك المرحة واطلعها

سام: اطلعي ولاتتكلمي عن ماضي وراح

اسيل بهدوء: راحتك طلعت مع حور وبنبره مرتفعة: صدقتيه كذاب ماينسى واكثر انكساره لانه فقد كل صفه فيه مش بس بصره وحركاته

هزت راسها بحزن ودخلين وتسلم بس خجلت انها عروس وماتوصل بشياكة ايلان بشي بس هي فكرت تجلس معه ولاتطلع لهن هو اهم وطاعته اولى

اسيل بضحكه وتشغل الديجي السماعه: يله بنرقص لك مع انك بجلبيه مثل جدتي

خجلت حور

بيلار: لا والله تجنن وتصميمها مغربي عادي يلتبس لحفلات

اسيل: اعرف بس انكت

بيلار مدت يدها ونزلت الحجاب: كذاا احسن

حور تعدل خصلات شعرها الناعم وخجلة من نظرات الكل مصوبه عليها

بيلار: فكيه اشوف اخذت المشبك وفتحته وانبهرين وهن يسمين اسم الله على شعرها الطوويل والكثيف اللي غطاء جسدها العلوي بالكامل

ايلان: ما شاءالله الله يحميك

احلام بحنان: ارفعيه يمه ولاتفتحيه الا وصمتت
بفجعة

الكل فهم نهاية جملتها وحور رفعته بابتسامه مغصوبة

ام محمد تغير الموضوع: هااا خذي القات ليش ماخزنتي

حور تاخذه من يد بيلار اللي بجانبها: تسلمي وعادي مااخزن دايم اوقات

ام محمد: بتعتادي لانك متزوجه وكل المتزوجات يخزنين مع ازواجهن بالليل

هزت حور راسها

اسيل بتحدي: مرام اتحديك تغالبيني بالمصري

توليب: امانه اسيل اسكتي مع من تتحدي

اسيل بتحدي: ايش بهزمها

توليب: ايه على الخصر النحيل اللي بيتحرك انتي يله لك اللحجي والا الصنعاني

اسيل بثقة جبارة: تعلمته منها لما ترقص بايام الاعراس وبقدر وابهركن وفرصه اليوم مافيش  ضيوف يصيبني عين

ردت الاغنيه المصريه بموسيقتها السريعه والنشيطه والعاليه وربطت على خاصرتها ومرام وقفت وبدون ربط بدين يهزين

واسيل تهز هز غريب عجيب انفجرين منها كل البنات وهي تحرك نصفها العلوي كامل او السفلي من الركب فما فوق والبنات يحمسنها بصفقه موحده وضحك صاخب مع التصفيق ورقص اسيل اللي حتى الجده ماارتفع لها صوت من اثر غيابها بنوبه من الضحك

اسيل تحمست وجهها معرق من المجهود وصوت تنفسها مرتفع ومرام ميلت خصرها للخلف بشكل احترافي واسيل تحمست لاتقلدها وميلت للخلف وطااااحتتتت على ظهرها وارتفعت كل الاصوات بضحك هستيري ودموعهن تسيل من شكلها اللي ولاحتى رمشت من االالم وصدمت من ضحكتهن ولا واحده سألتها عن حالتها ومرام المرتميه على الارض من الضحك وانقهرت وبصوووت مرتفع باكي: ااأااااااااااااااااييييييي

وزادت ارتفاع الضحكات تلتها صرخه رجوليه غلييظه: خييييييرررر احنا بسوووق اصواتكن وصلت للحاره المجاورة

ايلان كنت بنوبة ضحك عمري ماضحكت مثله بس كتمته بثواني من الصرخة واحس قلبي بيوقف خوف وحراره من الضحك تبادلنا النظرات ولافي اي صوت الا التنفس ولالنا وحتى الدي جي مااعرف من طفيه او هو خاف وانغلق اسم الله ايش الصرخه هذي

وقفت بعد لحظات استيعاب وطلعت اول شي ام عدي تبعتها احلام وام محمد للخارج ووقفين توليب وتولين برهبة من الموقف واللي صادف رجعة اخوهن فيه

دخلت ام عدي: سلمين على اخوكن والا الشوق من بعيد

تولين برجفة: الآن وراحت بتردد وتوليب تلطم خدها بخوف وهلع

والله شفقت عليهن وخوفني والآن بس صدقت بيلار ومرام شفتهن

بيلار ماسكة قلبها وبهمس: حسبي الله وقفت الضحكة بنص بلعومي ماطلعتها

اسيل وتوقف ببطء: تستاهلين لاتتشمتين راحت بشكل بطيء واعرج للخارج وسابقتها الجده

ايلان ابتسمت لشكل اسيل والآن بس تذكرت انوجعت والله مع الحماس والضحكة المتواصلة ماخطر ببالي اسألها..وبهمس: اووف ماشفنا انوجعت او لا

ضحكت بيلار بصوت ناعم ومسموع: هههههههههه لا شكلها اتوجعت صدق

حور: ولا واحده سألتها كلنا بس نضحك بس صوت من هذاااا غريب

مرام: هذا عدي تكوني تذكريه

حور بهدوء: ماتغيرت شخصيته حتى مع دراسته وسفره

بيلار: لا هو هو ويزيد كل ماطلع وشاف شوي بنات متفتحات حتى لو حطين شوي ماسكره او مناكير يجي يشدد على خواته اكثر واكثر الله يعين رجعنا للنكد

سلمين عليه كلهن وشاف خواته بنظرات تفحص: في شي متغير بوجيهكن ايش

توليب بربكة: لا مافي شي

تقدم ويحد من عيونه الحادة بنظرة صقرية: لا والله في حواجبك ايش فيهم

امه: مافيهم شي ياابني بس شكلك ناسي

عدي: فيهم والله فيهم شاف عماته ايش سوين هاااا ايش سوت فيهن بنت العاصمة

احلام: عدي انت ضيف ومافيهن شي وعيب البنت داخل

عدي بعصبية: خواتي مالكش دخل بهن اقلع عيونهم ولو منفتحة بنت العاصمة بحالها لاتخرب خواتي وتسبب لهن مشاكل

سحبته امه:  يله ياابني لغرفتك ارتاح تغديت

عدي: ايه ماقلت لاتلعب فيها اللي مااعرف ايش اسمه

امه: ياولدي...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 54 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


اللهم اعنا على ذكرك وشكرك واحسن عبادتك

عدي: ايه ماقلت لاتلعب فيها اللي مااعرف ايش اسمه

امه: ياولدي احنا الآن مش مثل قبل لان زوجات عمومك موجودات واكتم مشاكلكم اللي ماتنتهيش

تنهد بعصبيه وراح للحمام والقارئ بكرامه وقفله بقوة دلالة على عصبيته

@rewayatyamania المصدر الأول للروايات

عند البنات
بيلار تهمس لايلان: شفتي  ايش يقول عليا ولايفوت فرصة ينسي بها مايشتمنيش او يهزئني حتى وعاده رجع

ايلان: مسكينات خواته والله

بيلار: متعجرف وكلاسيكي يكون شاف حواجبهن مشقره وقال كذا اعرفه مايفوته شي

ايلان: اذا كذااا اخوهن ليش حطين

بيلار: شابات ويشتين التغيير ويحسين انهن مثل بقية بنات المدرسة بس لا هو مثل جدتي وعاد جدتي تسكت هذا لا مايسكت ايش يخلصني
من كلامه المسموم

وبنفسها.. احب قصرك ياخالي بس متى اتخلص من العلتين واعيش بهدوء وراحة ليتني وافقت على المحامي وارتحت من تدخله ربما يمسك حدوده واني انسانة على ذمة رجل غريب

♡♡♡♡♡

كانت بجانب ابوها واللي حرارته مرتفعه على غير عادته جاهدت كل محاولتها باخفاض حرارته وانتهى من عندها الخافض اخذت ثلج وحطته بداخل الماء وحطت المنشفه البارده على جبين ابوها

الاب بتألم: اااااااااااااه ياقرة عين ابوك
ااااااااااااااه ياقسوة الدنيا على ليونة احاسيسك والله لايسامح السبب

ايلين بتنهيدة وقوة مزيفة: مافي سبب يابه هذا مقدر وربما ابتلاء ونصبر ولله الحمد

الاب: اللهم لك الحمد يابنتي شوفي اللي قلت لك لما كان سيف خارج شاف للصغير: حرام يعيش ببيئة ماهي بيئته والله العالم عن...

قاطعته ايلين: يابه هذا ولدك وهذي بيئته ونصيبه اهدأ انت وانا طالعه اجيب علاج

لبست العبايه حجاب ولثام بدون الجلباب لانه مستعجلة والصيدلية قريب

فتحت الباب سيف فز من اندماجه بالعابه: ماما وين رايحه

ايلين وتعدل فتحة الثام على عيونها الواسعة: بااجيب دواء لابي واجي

سيف: اجي معك

ايلين. لا والاب مؤمن لمييين

سيف بنبرة طفولية حزينة: بس ماتتأخري

قبلته بحب: عيوني لك ولاتاخر قفلت الباب من الخارج واتجهت بخطوات مسرعة وراسها مرفوع ونظراتها شامخة

دخلت الصيدلية وشافت في شابين ورجل وزوجته تقدم منها الصيدلي: هلااا والله بالدكتوره اامري

ايلين بحزم: جيب خافض حرارة ال.....

الصيدلي يمده لها متجاهل الزبائن الموجودة: هذا اللي تاخذيه لابوك فيه شي

ايلين بعصبية وسرعة: مالك دخل جيبه وبس

تركت على الطاولة الفلوس وهو حطه وبنظرات هاديه وتفحص: انا بس قلقت على العم مؤمن بس وخلاص ماله داعي الفلوس اخذيها لو محتاجتها

ايلين تلف عنه وبتمتمة وصلته: لا ما احتاج
ومرة ثانية الزم حدودك لا ااا وطلعت وهي تمتم بعصبية مستغلين ضعف ابي الله يحرقهم تنهدت لو لي اخ مااحد يتجرأ او سند تمتمت: اي سند غير الاهل يسندوا البنت وانتي اول سند تكيتي عليه غافلك وراح وطحتي للخلف بقوة وانكسر عمودك وللآن تعاني الكسر الجائر مابسامح كل متسبب ولو اني ظالمه بس مش جزء من ألم ليلة من ليالي..السبع العجاف.. ماالتفتت للهمس
فديت الحشمه والله انك بميئة رجل ماالتفتت وكثير او عشرات التعليقات باليوم الواحد اتلقتها من اول مااطلع من البيت مشي على الاقدام الى ان اصل للمشفى ولاحظ بعض التعليقات ماتنتهي حتى وانا بمكتبي كثيرين اللي مايخافوا الله ويتحرشوا بعروض الناس ناسين ان من دق باب الناس دقوا بابه

دخلت وقفلت الباب بطرقات متعددة وشافت حرارة ابي اللي مارضيت تنزل كالعادة اعتاد لها كل نهاية شهر من أثر الحالة النفسية سابقاً وادويتها اثرت بتدهور كبير بصحته رغم انه مش كبير بالعمر يصل عمره للستين بس الشر شراره من النار كيف برجل عاااش شبابه بين الدكاتره والمشعوذين لانه مرض بمرض نفسي ويحتاج لمختص ولانهم كانوا بالقرية مايعرفوا للامراض النفسيه او الغريبه لا بالتلبس الشيطاني
او دكاتره مبتدأين وبغير تخصصهم ربما يروحوا لدكتور جلد يعالجوا للامعاء الثقافة والفهم تعمر دول ولاتعتمر الدولة الا بثقافة اهلها ضربت له الابره وبدلت بالكمادة





📚 @rewayatyamania  🇾🇪

.

البــارت 55 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


كانت ايلان منتظره سيف وتحس بنعاس لانه تأخر واكيد جالس مع عدي هو وكل العائلة فتحت جوالها وارسلت لايلين تسأل عن حالها

بعد ماخلصت من الاتصال مع امها وابوها ردت
ايلين: هلا وغلا نحمد الله انتي كيفك

ايلان: بأطيب حال ناقصني وجودك حببتي

ايلين بضحكة: هاااا ايلان انتي ترسلي لي مش للشيخ يعني المفردات هذي ابعديها واحترمي العزابيه وعندك جييششششش من البنات تكلمي معاهن لا تحشقي لي كذب وتاكلي مخي

ايلان: هههههههههه لا والله وجودك غير والبنات هنااا غير ومثل ماقلتي جييششششش بس اليوم جااء الضابط وضبط كل واحدة لغرفتها

ايلين: من الضابط سيف واخذ عندكن وظيفة ثانية

ايلان: لا هذا ضابط جد بس يطبق عليهن مهنته وخلاص ماقدرت حتى اخرج وهههه ورسائل البنات تضحك ياسات بشكل كبير

ايلين: منووو غير اللواء

ايلان: هذا قلت لك ضابط ولد اخوهم مااعرفه وشكله كبير يعني بعمر سيف او اصغر لانهم دايم مع بعض وسيف متعلق فيه بشكل كبير
وكان فاقده لما كان مانيش دارية فين

ايلين: ما شاءالله عندك في مختلف المهن

ايلان: ايوه وحتى المعلم الطبيب و و و
كثير ما شاءالله

ايلين: شعب لوحده

ايلان: قولي ما شاءالله وواحد كنتي له

ايلين: لمن جيبي الطبيب نكون بمشفى واحد

ايلان ارسلت وجه مفتح عيونه: بس انتي رفضتي حببتي

ايلين: خلاص تراجعت مادام في هذا التطور والنجاح بالعائلة ليش ماانضم لهم

ايلان: ههههههه طماعة بس كان لك الضابط نفسه وتعرفي خسارة انك رفضتيه كان ضبطك شوي مع لسانك هذا.

ايلين: والله اضبطه انا واخليه ينفس للبنات شوي

ايلان: مااعتقد رجالهم شداد

ايلين: واضح من اشكالهم وكيف وضع ديما

ايلان: والله عادي عندها ومتقبلة

ايلين ارسلت وجه منصدم: تكذبي

ايلان: والله مااكذب

ايلين: اكيد ظاهري والا بتنقهر بداخل

ايلان: الله يعلم بالقلوب

ايلين: اكيد بس زعلت عليها والله تجنن وشكلها صغييير

ايلان: وهي صغيرة صدق اكبر منك بخمس سنين بس

ايلين: توقعت اقل يعني بعمرك

ايلان: وبناتها واحد باول والثانية بالروضة

فيهن سنه بس بالعمر هذيك اعتقد ست وهذيك خمس

ايلين: ليش درستها وهي كذا صغيرة

ايلان: معلمة هي وتاخذها معاها والبنت ما شاء الله ذكية

ايلين: هذيك الباردة

ايلان: ههههههههه ايه الباردة وهذي اغلب طبايع البيت وفيهم،اصاخب بكثرة يعني مافي اعتدال

ايلين: انتي بتضيعي عندهم كان بيتكم هادئ وكأن مافيش عايشين

ايلان: لا الآن اطبعت مثلهن
وارسلت الثانية: اسف حببتي عندك شغل وانا اشغلتك

ايلين: لا حببتي عندي اجازة ليومين

ايلان: غريبة

ايلين بوجه حزين: ????????????????????
عنده بداية اليوم وارجع لما يبدأ دوامه اروح لشركته

ايلان بوجه مفتح عيونه على الاخيررر: تروحي لشركته مجنونة ?????????????????????

ايلين: اجازاته مخلصة وزايدة ثلاث مرات مرضية خلاص عيبب ومعاشنا يجيبه بوجه حياء، حرام ومرض ابي، متفاوت من الشهر لشهر بشكل دوري

ايلان: عادي واذا ياخذ اجازة مرضية مهما كان

ايلين: مااقدر صعبه ولما نستلم الراتب مايخصم منه شي وماارضى كذا

ايلان: هو رفض له اجازة والا كيف صراحة منصدمة من روحتك

ايلين: حقك تنصدمي وماتعرفي ان كل الموظفين رجال بس الحمد لله نصطبر

ايلان: وقلتي كلهم رجال ايلين وييين عقلك انهبلتي تروحي هنا بقول لسيف وهو بياخذ لكم اجازة ولو لشهر لما يتحسن اما تروحي انتي لاا

ايلين: لا تتعبي الشيخ بشي تافه وهو عنده مشاكل اكبر مني بس المدير مارفض المشكلة بس اني رفضت

ايلان: انا معارضة للفكرة كااامل صراحة

ايلين: مضطرة والا مستحيل اروح

ايلان حزنت من قلبها عليها تنهدت وارسلت: يله الله يحفظك ويبارك فيك ويشفي عمي مؤمن

ايلين: آمين وتصبحي على خير لا يجي الشيخ ويشتم فيني اخذت زوجته

ايلان: هههههههه لا مستحيل مش الفاظه

ايلين: اقولك مع السلامة بس لا يسمعك صدق اعرف الرجال ومشاكلهم مع الصديقة

ايلان: مع السلامة حبيبتي قفلت الجوال وبتنهيده من وضع ايلين اللي تحتاج وبشدة لرجل قوي بحياتها بس ماتعرف ايش تفكر فيه ايلين والا ابوها وخلوها تتشتت وتعيش معاهم
جتها افكار معارضة ايلان انتي ماتعرفي ايلين وكبريائها يستحيل تتنازل لزوج يصرف عليها وعلى ابوها واخوها الله يوفقها

@rewayatyamania المصدر الأول للروايات

شفت الساعه ومستغربه دخلت الثانيه عشر ص ومارجع تسطحت ومنحرجه ارسل له بتيجي والا لا اخاف يعرفوا ان الرسالة مني بنحرج وبيحرج هو بعدها نمت ومن اثر النعاس بسرعة غطيت بنوم وبعد وقت حسيت بحركته بالغرفه تململت ولان الضوء شغال ماقدرت افتح عيوني وبصوت ناعس: حبيبي تعشيت

لف لها وهو كان يتحرك ببطء لا تصحى ابتسم بحنان: ايه ليش صحيتي


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 56 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


جلست وترفع شعرها الكثيف والناعم من وجهها وتلمه خلف اذنها: ماتحتاج شي

سيف اتجه لها وقبل راسها ويمسح على شعرها الكثيف: لا حببتي نامي وانا بستحم وانام اندمجنا بالمواضيع ولا حسينا للوقت

ايلان بابتسامه فاتنة: راحتك ياقلبي

سيف: فدا قلبك الكون

ايلان: اخذت ملابس

سيف بضحكة: اخذت شوفيهم احس مشتت الله يسامحك دللتيني وجلست ساعة لما عرفت ايش اخذ

ايلان ضحكت ورفعت شعرها اللي نزل على وجهها اثر نزوله رفعته وبضحكة انوثية: حقك تدلل خليهم وانا اجهز لك غيرهم

سيف يشوفهم ويعقد حواجبه استغراب: ليش ملخبط صح

ايلان وقفت واتجهت له بضحكة: شوف هذي لطقم اخذت البلوزه وترجعهاوهذي لطقم

حك حاجبه وبنظرات ضاحكة: ماقلت دللتيني بس تحملي بتحمم وانتي جهزي على خبرتك

ايلان تاشر لعيونها وبدلع: عيوني لك

سيف رفع حاجب وضحك وهو داخل وقبل لا يغلق اشر لها بقبلة بدون صوت

ضحكت وهي تفتش بخزانته وهزت راسها وهي تشوف الفوضاء اللي كونها والله دللتك صدق والا قبل كنت منظم بس تستاهل اللي اكثر من الدلال رجل مثلك يستاهل العيش بين الغيوم مش بس دلال زوجته بس

@rewayatyamania المصدر الأول للروايات

كانت قدام التلفاز مع البنات بصالة الاستقبال الواسعة وعليهم نفس الاطقم هوت شورت جينز سماوي وتيشيرت اسود وفيه اجياب سماويه وقدامها تشوف همس ومنشغلة بتطعيم سيف بحضنها غيرت المحطه بملل تشتي يجي وتبدأ بانتقامها البطيء منه

لفت لهمس ديم: ماما خالتي همس طول الوقت تأكل سيفو خلته دب وماتقدر تحمله

ضحكت وشافتها بحزم: احمم حببتي هو ياكل عشان يكون قوي

ديم بقرف: بس خلته دب

ديما وتعرف بناتها جاءوا بنفس افكارها: وانتي اكلي عشان تكوني دبه

ديم: لا مااشتيش انا نحيفه احسن خلي ادب سيف وعمتي اسيل

ديما: هههههههههه وسمعت الباب ينفتح بالغت شوي بالضحكة وترفع شعرها الناعم والطويل للجانب وبناتها بنفس تسريحتها وقفت وظهرها للباب نفضت شعرها بتجاهل لسلامه

: يله ماما للجناح غيروا ملابسكم لبجامه وغسلوا اسنانكم وناموا اوكيه

اتجهين بانصياع للدرج متجهات لجناحهن
ولفت على صوته: اعتقد اول شي تخليهم يسلموا عليا

اتجهت للدرجات وتمتمت: بناتك لاتخلي بينكم وسايط احسن هذيك غرفتهم تعرفها مابتقلل من شانك يا اللواء

اسامه نفخ بتأفف: لمتى ادخل وتطلعي

ضحكت برفعة حاجب واستفزاز: قلت افضي المكان لكم وشافت لمكان همس وماكانت موجودة عضت شفايفها بتورط لكذبتها وماحست متى راحت همس ومتأكدة لما دخل وهي موجودة

اسامه هز راسه: تعالي بنتكلم

حولت ملامحها لجدية: مابيننا كلام تصبح على خير ودخلت وصعدت الدرجات بخطوات واسعة وقفلت وسمعت قفلة الباب الخارج بقوة شافت من النافذة الكبيرة الموجودة بغرفته وشافت طلوعه مشي للخارج وشافت اتجاهه للقصر

ايه روح هناك اعتقد ولد اخوك جاااء اليوم مش تيجي لعنده وبس حلو خربت عليهم يستاهلوا وعارفة ان جلستهم بتطول مثل كل مره يغيب من ثلاثتهم يفرغوا له ليلة وبطولها كلام وضحك للصبح
♡♡♡♡


كنت بالكافيه واحضر انواع مختلفة للقهوة ومرتاحة مافي ولا احد تقدم من هنا ارتحت احسن من امس ومافي الا التلفون مايتوقف من الرن ويجاوب سيف ويجهز الطلب وياخذه

رن بس النغمه غير اتجهت وشفت الرقم ذهبي وجانبه بالانجليزي المدير عيب اتركه يرن وسيف مش هنا تاخر وهو مصر على الرنين

جاوبت وسمعت صوت رجولي مباشر يكلمني والكلام موجه لي مش طلب مثل المرة السابقة كيف عرف إني اني بجاوب صمت واسمع صوته الرجولي بنغمة رجولية وبحة غريبة مألوفة وكانه مصاب بزكام سابق وفي بس، النغمه مش احتقان الحرف: اخر يوم تيجي اليوم والا فصلت العم مؤمن نهائي وماتعرفي انك ارتكبتي غلطتين ومخالفة بدخولك هنااااا والثاني ماسمعتي لكلمتي قلت اجازة يعني اجازة والشغل مش ضروري وعادي لو طلب كل موظف قهوته من خارج الشركه بس حضورك غلط ولاعاد تجي كلمة مااكررهاش وفصل الخط

ايش شايف نفسه ذااا لو تكلم بااسلوب رضيت اما عجرفته هذي، ماترضيني ولا ارضاها لابي وبجي بكرة وطز فيه يسطفل يعني ارجع لكلمتي عشان  يحس انه لاجل تهديده بفصل ابي يفصله الرزاق الله وفي غيره وظيفة هو الخسران  وابي عنده من سنين وراتبه الرمزي مايرضي شاب مراهق بس ابي عجوز وقلنا تكفي لان حركته بطيئة ورضينا مش يشوف نفسه المتفضل لاا حنا ناخذ بشقى عرقنا وعملنا ناخذ مقابله

جلست بحزن وتكتم عبراتها لااا تبكي ايلين مايستاهل وانتي من سنين عاهدتي نفسك ماتبكي ولاتنزل دمعة لاجل رجل لاتسمحي انه تنزل بسبب رجل نظمت تنفسها باااااه مجروحة وعمر جرحها مابيلتئم ولايتضمد





📚 @rewayatyamania  🇾🇪