قصة الواقع المُر للكاتبة: حُديدية شامخة

.


البــارت 1 >>


#الواقع_المر
#للكاتبة_حديدية_شامخة

👌🏻👇🏻 😍
📚 @rewayatyamania  🇾🇪


*السلام عليكم... كيف حالكم... جيت لكم بقصة من الواقع وفيهاا من الخيال والكل اتمنى تنال اعجابكم يارب ✨*



بعد الفجر
جالسات بيتجابرين فجأة خرجت جدتهن للمطبخ ع طول تشرب شاهي (طبعاً كانت عشر ذو الحجةة يعني قامين يتسحرين)

الام (هنادي): ياعمةة مابتفعلي؟

الجده: ولا شي

رزان: ياماما والله ان هي بتشرب الشاهي

ام رزان: ما انا والله ان قد جننتني هي والبسباس والشاهي تدخل تاكلهن وترجع تمرض من معدتها

روان: ياماما مادراها ان احنا فعلنا شاهي وهي كانت نوم والغرفة مغلقة عليهاا😱

ام رزان: والله ان شكلها مخاويه

روان: ايش يعني مخاوية؟

ام رزان: ي خبلا يعني متخاويه هي وهم اعوذ بالله من الشيطان

روان: يووو واحنا بنجلس احنا وهي يووو ياماما والله ان انا افتجعت 😨

رزان: مالكن يا مااما انتي وبنتش ماهو هذا الخبر.. والله لو يسمعكن بابا لا يطفح عيقل ما بتقولين ع امه

روان: ياماما ايش قصة جدتي بالضبط

رزان: ايوة يا ماما ايش قصتها بالضبط وليش هي مريضةة وليش ماربت بابا هي.. تحمست اعرف القصة من البداية

روان: امانة ياماما اذا قد قلش بابا ايش القصةة تقولي لنا

ام رزان: تمام بس مش انا دارية بكل شي

روان: يا رزان ايش رأيش نكتبها روايه والله ان هي عتوقع ضخمةة ونزيد لها شوية حاجات من الخيال

رزان: تمام بس لو يدروا ما عيقولوا

ام رزان: استأذنين من ابوكن وقولين له يقول لكن القصةة بالتفصيل

رزان: والله مايرضى بابا يقل لنا

روان: انا كنت بين اسمر انا وبابا للساعة 2 بالليل وكان يجلس يحكي لي عنهم زمان

رزان: خلاص ماما ابدأي قولي لنا مالها وبعدين سهل

ام رزان: ( نرجع مايقارب 44 سنة للماضي) وقت الحادثة

✨✨✨✨

ابو احمد: والله يااخي علي احنا جينا طالبين  راغبين يد بنتكم محمديه لابني احمد ماقلتوا؟

علي: احنا موافقين ع بركةة الله واحمد ابنك ما عنلقى مثله رجال.. رجال والنعم فيه عيحافظ ع بنتي ويطرحها في عينه

ابو احمد: تسلم وما قصرت والعرس بعد اسبوعين

علي: تمام ع بركةة الله
الله يتمم ع خير

ابو احمد: آمين يلا احنا نستأذن خاطرك

علي: الله معاكم

✨✨✨

علي: يا محمديه

محمديه: ماهو يابااه

علي: تعرفي احمد ابن سالم

محمديه: ايوة

علي: هو جاء اليوم خطبش ويشتي العرس بعد اسبوعين تجهزين

محمديه: لكن ياباه

قاطعها علي: ولا كلمة

محمديه: حاضر

@rewayatyamania المصدر الأول للروايات

تسرريع احداث (يوم العرس)
محمديه: والله ان انا خايفة ماا اشتيش احمد

امها: سهل يابنتي مانفعل اصبري وتحملي

محمديه: بس يماه انا ما اشتيه

امها: ان شاء الله ربي يعوضش

محمديه: بأيش يعوضني وابي غصبني على ع احمد

امهاا: نصيبش يابنتي

محمديه: ليش ابي بيفعل بي هكذا انا بنته والا ماشي

امها: يابنتي هذا هو نصيبش وابوش ما عيختار لش الا رجال وينشد فيه الظهر
.
.

عند الرجال
جالسين يزفوا احمد
وحقكككك ياااحمدددد حقكككك وحقككك ياعررريس حقككككك


المهم كملوا الزفة وساروا يخرجوا العروسة لبيت زوجها... وصلت وهي كارهه له مووت
بس خلاص هي قدام الامر الواقع


ثاني يوم العرس

محمدية بتقوم احمد صبوح: احمد احمد قم قم اصتبح يلا

احمد نوووم

محمديه: يوووف كيف هو ثقيل نوم.....احمد احمد

احمد: هممم

محمديه: احمد قم اصتبح وسير اشتغل ابوك جالس يصيح بيقول تسير معه الوادي

احمد قام: يلا جهزي اداتي لما ادخل الحمام

جهزت اداته واصتبحوا وسار بعد ابوة



عند ابو احمد
احمد: صباح الخير ياباه

ابواحمد: صباح مه هذا الساع انت داري كم الساعه

احمد: ياباه عاد هي ست ونص

ابو احمد: احنا زوجناك تشتحط رجع يرقد لي لامغرب.... قم هيااا اشتغل

احمد: تمام

قاموا اشتغلوا


عند محمديه جالسه بالبيت كملت تنظف وترفع البيت سارت عند البقر تبسر ما تدي لهن
خلوها تأكلهن واحنا نرجع لاحمد


احمد: اباه اين هم اخوتي

ابواحمد: عند البُن جالسين يبسروا القطفه الاوله وتطرحوهن بالاوشله علشان نطلعن صنعاء نبيعهن والقطفة الثانية عنخليهن لقمه ( لهم للقهوة) اتمنى فهمتوا

احمد: سابر الله يعينهم


مرت الايام ع هذا الحال
ليوووم ما ولدت محمديه وادت ولد سبحان الله والحلا اللي فيه

احمد: ماكنش فارح به قوي ( وعندرا ليش) 


بالعصر كانين النسوان يجين عند محمديه للولاد يجابرين ويتفرطين
يوميه ع هذا الحال

ليوم احمد جالس هو وهي وهم بيضحكوا

احمد: محمديه

محمديه : هااه

احمد: إنااا ماقدش فاقده لامش وابوش

محمديه: الا قد انا فاقده لهم صح امي امس عندي بس قد فقدتهم الصدق

احمد: ايش رايش نسير عندهم

محمديه فرحت: اماانة يا احمد صدق

احمد: ايوه صدق يلا البسي وهيا

محمديه لبست ولبست ابنها

احمد: مع مع خلي الولد عند امي

محمديه: ...




📚 @rewayatyamania 🇾🇪

.


البــارت 2 >>


الـواقـع المُــر 🪐

👌🏻👇🏻 😍
📚 @rewayatyamania  🇾🇪


محمديه لبست ولبست ابنها

احمد: مع مع خلي الولد عند امي

محمديه: يوو خلينا نبزه معانا احسن وبعدا عمتي كم جهدها

احمد: هو غر لمغرب ونروح

محمديه: يلا تمام

احمد: توكلنا
.
.


عند بيت علي (ابو محمديه)
علي: حياكم الله ادخللوا

احمد: الله يحييك

محمديه: كيف انت ياباه

علي: الحمدلله وانتي ي بنتي

محمديه: الحمدلله ...يلا انا شاسير ابسر امي

علي: ليش ماتدوا الولد معاكم

احمد: والله ياعم انا ماعد اشتيش بنتكم

علي: ماهو😱 مابتقل 😨

احمد: اللي سمعت ياعم انا ماعد اشتي بنتك وابني عيجلس عندي وبنتك طالق

علي: هذا العشم فيك يا احمد ياعيبتك ما اديت لي حتى سبب لطلاقكم

احمد: مابش ولا شي بيننا بس انا خلاص ماعد اشتيها



عند محمديه وامها
امها: محمديه للمه ماتدي لؤي ابسره

محمديه: مارضيش احمد قال اخليه عند عمتي عنخزن عندكم غر لمغرب ونروح

امها: خيرة الله والله ان كان نفسي ابسره بس يلا


دخل علي لعندهن

محمديه: هااه اذا احمد عيقول هيا قول له عاد هو حين

علي: من قال ان عاد انتي عتسيري مع احمد

محمديه افتجعت: ليش

علي بنبرة حزن: احمد طلقش

محمديه: ماهو😨
مابتقول يابااه وللمه يطلقني مابش بيننا حتى مشكلة

امها منصدمة وتهديها: سهل يابنتي حسبي الله ونعم الوكيل سهل

ابوها: قلت له مابينكم قال ولاشي بس هكذا

محمديه دخلت في حزن قووي

@rewayatyamania المصدر الأول للروايات


اليوم الثاني الصبح
محمديه دخلت الحمام وحصلت غسيل ( كلوركس)

محمديه: هكذذا تفعل بي يا احمد وانا ما فعلت بك شي لكن سهل
بزت الغسيل وشربت

خرجت من الحمام

ام محمديه: محمديه مالها صورتش هكذا

محمديه: ولاشي غر بطني بتوجعني

امها: يووووو مالهاا

محمديه: مدري بتوجعني وجع غريب بين احس وع طول سارت الحمام (يكرم القارى) 

جالسه بترجع كل اللي في بطنهاا ( الحمدلله مادام رجعت اذاً بطلتنا عتعيش) 

المهم مرضت محمديه هذك الفترة
وبعدين مرت عادي
.
.


في مكان لنا منه خيرات

عند احمد جالس هو وابوه واخوته

احمد: انا الصدق ياباه قررت اتزوج

ابو احمد: ماتتزوج ماتقول انت مجنون صح

اخوته: مالك ي احمد صلِ ع النبي.. للمه تطلق مرتك مادام ذلحين تشتي تتزوج

احمد: محمديه وخلاص موضوعها تقفل وانا اشتي اتزوج

ابو احمد: انا لله وانا اليه راجعون

احمد: انا الصدق ياباه اشتي اتزوج بنت السيد حمود

ابو احمد: بنت السيد حمود

احمد: ايوة

ابو احمد: نزوجك وامرنا الى الله


طبعاً سار احمد وتزوج بنت السيد حمود وخلفوا بنت اصغر من لؤي بسنتين


صح ذكرنا بطلنا لؤي
لؤي طبعاً ما كنش ابوه مهتم به نهائياً ولا مرة ابوه
لؤي كان جده وجدته مهتمين فيه قوي وبيحبووه ويحنجوه خيررات اكثر من بقيه احفادهم
.
.

نرجع لمحمديه
محمديه: ايوه ياباه انا موافقه

علي: على بركةة الله خلاص يشتوا العرس بعد شهر

محمديه: تمام

وتزوجت محمديه ولاهي داريه بابنها ولا بتسأل عليه او بالاصح انشغلت مع حياتها الجديدة
.
.

عند احمد
احمد: اباه انا قررت اطلع صنعاء واستقر فيها

ابو احمد: يا ابني اجلس عندنا وعند ابنك وارضك وبلادك

احمد: انا الصدق اشتي اطلع صنعاء ادور شغل سوا

ابو احمد: ي ابني والبُن ماله والله ان هو رزق

احمد: انا اشتي صنعاء

ابو احمد: الله معك

سافروا واستقروا في صنعاء وتحديداً حزيز
.
.

وعند بطلتنا محمديه عايشة مع زوجها في مقالعه ع ان هي مانست احمد

عيسى: انتي ماقد نسيتيش احمد صح انا ارويش

محمديه بخوف: احمد خلاص انتهى من حياتي زمان

عيسى: بتكذبي عليا ياسعم ان انا جاهل شاصدقش

محمديه: صدقت والا ما اشتيت

عيسى خرج من عندها وهو ضابح

محمديه: يوووف ماهي هذه العيشه...كل يوم نفس الهدار اقوم اسير عند امي
.
.

عند ام محمديه

حيا حيا ببنتي

محمديه: الله يحييش يماه

امها: ادخلي يا بنتي اجلسي وانا افعل لنا قهوة واجي

محمديه: تمام

جت ام محمديه بالقهوة

محمديه: ايوة يماه وينه ابي

امها: ابوش في الوادي ولاقد رضي يفلت وعيسير اخوش

محمديه: الله يعينه..بيتلاها به
.
.

عند عيسى
انا اشتيها تكرهه وتحبني

ـــ: تمام ولا يهمك انت بس جهز زلطك

عيسى: من ناحية الزلط لاتهم انا ادبرها المهم ان هي تكرهه وتحبني انا

ـــــ: خلاص تمام هات لي قطعة من ملابسها

عيسى: تمام غدوة وهي عندك




📚 @rewayatyamania 🇾🇪

.


البــارت 3 >>


الـواقـع المُــر 🪐

👌🏻👇🏻 😍
📚 @rewayatyamania  🇾🇪


محمديه: يماه انتي داريه

امها: ماهو

محمديه: شكلي حامل بس الصدق مااشتيش مش انا فارحة سعما كنت فارحة ب لؤي

امها: ليش يا بنتي؟؟

محمديه انتبهت: هاه ولاشي بس قصدي عادو بدري

امها: لابدري ولاشي وحمتي بلؤي بدري وماقلتي شي

محمديه: الصدق يماه مش احنا سديين انا وهو

امها: ليش مابه يابنتي

محمديه: يوميه واحنا نتصايح علاميد احمد

امها: وما دخل احمد

محمديه: بيقول عاد انا بين احب احمد ومن ذيه الهدار

امها: احمد قد سافر هو ومرته وبنته صنعاء

محمديه: سافروا صنعااء؟؟ مايفعلوا

امها: قال عيدور شغل هانك ويستقر

محمديه: وللمه مايشتغل في الاراضي حقهم؟

امها: مدري قال يشتي يستقر هو واهله في صنعاء

محمديه: سابر

@rewayatyamania المصدر الأول للروايات

في صنعاء عند احمد ومرته دور ع شغل واشتغل ووفر لمرته وبنته حياة الترف
والان مرته حامل بالجاهل الثاني

طبعاً كان يحب بنته (اروى) قوي ومش مهتم لابنه لؤي من مرة او بالاصح متناسي لابنه لؤي وفارح باللي عيجي لهم الجاهل

احمد: يا مرة يا مرة

لطيفة: ماهو مالك بتصيح هكذا صلِ ع النبي

احمد: ايش رأيش ننزل البلاد نفعل لنا اسبوع اسبوعين ونرجع

لطيفة: تشتي الصدق ماشي خلينا في صنعاء هذه الفتره احسن بعد ما اولد وننزل

احمد: هاه خلاص تمام بعد ما تولدي وقدو ننزل ونحضر عرس علي اخي

لطيفة: وقدو عيتزوج مسرع

احمد: قدو وقته

لطيفه: سابر
.
.


نرجع لعيسى

دخل البيت جاء ومش هي موجودة لقيها فرصه دخل شل قطعة من ملابسها وخباها في جيبه... ورجع له الشك ان هي سارت تبسر احمد وسار يدورها

وصل لجنب بيت عمه ولقاها خارجة عتروح
عيسى: هيا وين كان انتي او سرتي تبسريه

محمديه: استغفر الله العظيم يارجال صلِ ع رسول الله من اين بتبسرني خارجة

عيسى: يلا يلا البيت جهزي الغداء قد احنا جاوعين

محمديه: تمام


وصلوا البيت
عيسى: كملي افعلي الغداء وانا عد اسير اكمل عملي وارجع

محمديه: عمل مه هذا السع

عيسى: مش هو عليش....خاطرش

محمديه : مع السلامة وفي نفسها ( رجل مدت لا ردت) 
.
.


عند عيسى
عيسى: هاه هذه قطعة من لداتها

ـــــــ: تمام العصر وهو جاهز انت غر عليك تفعل اللي اقلك عليه

عيسى: افعل اللي تشتي ولا يهمك المهم ان هي تكرهه وتحبني

ــــــ: ما هذا اكيد

عيسى: يلا خاطرك شاجي بالعصر وادي لك الزلط

ـــــــ: مع السلامة المهم لاتنسى الزلط

عيسى: ابشر
.
.

بعد مرور فتررة

عند بطلنا لؤي قد عمرة 7 سنوات
طبعاً لؤي بما انه عايش عند جده وجدته كان يحبهم قوي ودخلوا في راسه فكرة ان امك بتكرهك وهي ما تشتيك ومن هذا الخبر ...كان اذا ابسر امه بالطريق يسير من طريق ثاني
..
..

عند عيسى كمل مهمته ع اكمل وجه والآن ارتاح نفسياً بعد ما عمل لمحمديه 3 اسحار عشان تحبه والآن محمديه مريضه دخلت في حاله نفسيه...

*(يبيعوا ذمتهم ع اشياء ماتستاهل بس حسبنا الله ونعم الوكيل)*


الآن محمديه مريضة عايشة حياتها ولا هي داريه بشي عيالها مش مهتمه فيهم بسبب مرضها (معاها 3 عيال)

وفي يوم محمديه ماشيه ومشي لؤي ابسرها وهرب كانت تلحقه وهوو مفجووع مارضيش يجاوبهاا ( بسبب الافكار اللي دخلوها له ... انه امك مجنونه ... امك بتكرهك ...امك لو تسير عندها عتقتلك ...واشياء زي هذه) 

بينما محمديه بتمشي بعد لؤي لقت ابنها الصغير ( خالد ) عمره سنتين ما اهتمت وهو كان ماشي بطريق كلها حيوود (زي الجبال)  نكع من فوق الحجر ومات 💔

هكذا تكون الحياة عندما لايوجد شخص مهتم 💔

..
..

نرجع لعيسى شويه من بعد مامرضت محمديه فلتها وهرب من البلاد وانتقل الى منطقة ثانيه


ومحمديه ع هذا الحال لفترة كبيره امها وابوها ماتوا وما بش احد مهتم بها


وبعد مرور فترره بطلنا لؤي كمل الاعداديه وقال بيدرس الثانويه بس مافيش بالبلاد ثانويه فقرر يطلع صنعاء عند ابوه بس كان خايف من ردة فعل ابوه ايش بتكون

لؤي: يابااه انا قررت اطلع صنعاء عند ابي ومرته اكمل دراستي واكون اجي عندكم بالاجازة

الجد: تمام يا ابني الله يوفقك بس ما عيقول ابوك

لؤي: عد اقنعه سهل لاتهم شي ( وفي نفسه الله يستر)
.
.


يوم سفر لؤي

لؤي: اماه اباه... دعواتكم لي انا شاسافر مع عمي وانتوا لا تقلقوش عليا

الجدة: عتفلتنا يا لؤي للمه عتفلتنا

لؤي: يماه انا عد افلتكم عميد ادرس وتبسروني اكبر محامي في اليمن ان شاء الله

الجدة: ان شاء الله.. الله يوفقك ي ابني

الجد: في امان الله


https://tttttt.me/+Ecxq_OzMYh40M2E0



📚 @rewayatyamania 🇾🇪

.


البــارت 4 >>


الـواقـع المُــر 🪐

👌🏻👇🏻 😍
📚 @rewayatyamania  🇾🇪


لؤي: يماه انا عد افلتكم عميد ادرس وتبسروني اكبر محامي في اليمن ان شاء الله

الجدة: ان شاء الله ....الله يوفقك ي ابني

الجد: في امان الله ي ابني اوبه لنفسك
.
.


في صنعاء
عند عائلةة احمد غيروا مكانهم لمنطقةة ثانيه فيها واشترى ارضيه وبدأ يعمرها بحكم انه مهندس معماري فكان يشتغل للناس من السبت للربوع ويحاسبوه ويسير يشتري ادوات البناء ويبني بيته من الربوع للسبت

لطيفةة: ي بنات يااا بنات لمه بين اصيح لكن مابتجاوبين

بسمة: ماهو يماه انتي داريه ان هذا الوقت هو وقت الحلقة اللي بنبسرها مابيعيدوهااش

لطيفة: وانتي داريه ان ابوش عيجي ذلحين كيف عيفعل لو يدرا ان عادكن ما رقدتن

بسمة: خلاص هوذا عد اقول لخواتي ونسير نرقد انتي غر جي بزي الذربه حقش من عندنا (طارق)

لطيفة: تمام عد اجي اشله ولا تزيد تقولين له ذربه هو اخوكن الصغير

بسمة: هو ما ضره الا دلعكم

لطيفة: يوو واللقانه ادب لا اجي اكسر لقفش

بسمة: تمام


وصل احمد البيت
لطيفة: مالك تأخرت هكذا

احمد بضبح: ولا شي غر اتصل لي علي اخي قال التقيهم عيجي هو ولؤي

لطيفة بقلبة صور: ماهو ماهو وما عيجي يفعل لؤي عندنا

احمد: مدري عيوصلوا ذلحين وندرا...وهوذا قد جوا صوت الباب بيدق

لطيفة: وما دراهم بالبيت

احمد: قلنا لابنش سلمان يسير لهم

لطيفة: سابر (وفي نفسها قصده ان هو عيجي يعيش عندي يحرم عليه) 

@rewayatyamania المصدر الأول للروايات

احمد: حياك الله يا اخي

علي: الله يحييك

لؤي: كيف انت يا اباه

احمد بضبح: الحمدلله.. ادخلوا

دخلوا للمجلس

احمد: ايوة وايش سبب الزيارة المفاجئة هذه

علي: والله يااخي جينا نبسركم ولؤي ابنك قده رجال وكمل الاعدايه ويشتي يدرس ثانويه طلع عندك يكمل

احمد: إنا وعيكمل عندي يا سعم وانا من اين ادي له زلط ومصروف يلا كودا اتلبج حق المصروف

علي: ولا تهم شي انا شدي له انا

لؤي في نفسه ( رجع عمي احسن من ابي الحمدلله)

احمد: انا شاقوم ادي لكم عشاء وارجع

.
.

عند لطيفة
احمد: يامره هي هاتي العشاء

لطيفة: ماجوا يفعلوا؟؟

احمد: ادا لؤي قال يكمل دراسته هانا

لطيفة: وانا مااشتي منه سعم ان احنا مخاطبين به نصرف ونشقى عليه

احمد: من وقتها عندور حل

شل العشاء ورجع عندهم


مرت الايام ولطيفة كارهه لؤي موت ولؤي بيحاول يحسن العلاقه بس مابش فايدة

لطيفة: احمد بدل ما بنشقى ع هذا خليه يكون يسير يشتغل معك بدل واحد من الشقاه نوفر حق الشاقي لنا

احمد: والله ان هي فكره اشل معي لؤي وسلمان يجوا يشتغلوا معي نوفر حق اثنين شقاه

لطيفه: ماهو ماقلت تشل ابني معك يشقى ماشي ولا ابني مايسيرش يشقى

احمد: يسيروا الاثنين
.
.

اليوم الثاني الصبح
احمد: سلمان لؤي قوموا هيا شرق

لؤي: ماهو ياباه

احمد: قوم انت واخوك شرق عتسيروا تشتغلوا معي

لؤي: تمام

ساروا يشتغلوا من الساعه 6 الصبح بحكم ان الثانويه للعيال من ظهر

واستمر الوضع ع هذا الحال واكثر وكان لؤي يحاول يتجنب مرة ابوه بقدر الامكان لما جت الاجازة الصيفيه ونزل البلاد


الجدة: حيا بابني حيا

لؤي: لش الحياه ي جده ابسرتي ان انا رجعت

دخل الجد: وانا بين اقول مالها مناخة منوره لؤي جاء

قام لؤي سلم ع جده
لؤي: تسلم يا اباه الله يحفظك

الجد: اجلس اجلس ي ابني احكي لي ما وقع معك وكيف عشت

لؤي: الحمدلله بس خلاص انا شاستقر عندكم ماعد اشتيش ادرس

الجد: ليش ماوقع

لؤي: ولاشي ياباه ولاشي

الجدة: كيف ولاشي ي ابني وانت كنت مصمم تكمل دراستك وتطلع اكبر محامي

لؤي: الصدق يمه انا تعبت من لطيفة

الجده: ليش

لؤي: كانت كل يوم تفعل لها خبر ماعد اشتيش حتى اطلع عند ابي

الجد: ي ابني ابرد لك منها وانت كمل دراستك وما عليك منها

لؤي: لوقته يحلها الله


مرت الاجازه ولؤي مصمم ع كلامه انه ماعد عيدرس

ومرت سنه كامله ع ابطالنا

جاء احمد للبلاد هو ومرته وعيالها وجلسوا فيها فتره

احمد: ي لؤي ليش ما تطلع عندي صنعاء تكمل دراستك ي ابني للمه بطلت هذه السنة

لؤي: ما عد اشتيش اكمل دراسه ي اباه

احمد: ضروري ي ابني تكملها وتطلع تعيش عندي

لؤي: بس انا

قاطعه احمد: والله انك عتطلع معي وتكمل

لؤي: تمام ( وفي نفسه كيف شا افعل مابين اسدش انا ولطيفه)




📚 @rewayatyamania 🇾🇪

.


البــارت 5 >>


الـواقـع المُــر 🪐

للكـاتبـة: حـديـديـة شـامخـة

👌🏻👇🏻 😍
📚 @rewayatyamania  🇾🇪


طلعوا كلهم صنعاء ومرت عليهم هذه الفتره زي المره الاوله بس ان لؤي كمل ثالث ثانوي ودخل المعسكر


وبعد فتره قرر احمد يزوج لؤي وسلمان
احمد: لؤي سلمان

الاثنين: هاه اباه

احمد: انا قررت ازوجكم بنات عمكم سعد

لؤي: بس ياباه احنا

احمد: ولا عد كلمةة بنات عمكم لكم هوذا خالد ابن عمكم تقدم لبسمة اختكم ووافقنا

لؤي وسلمان: اي حين هذا الخبر ي اباه

احمد: امس ولؤي عندفع بس بسمة وسلمان بدل

لؤي: بعدك ي اباه

سلمان: وانا ماقال لؤي اخي انا بعده

تمت الخطوبه ع خير وقدهم بيجهزوا للعرس

@rewayatyamania المصدر الأول للروايات

*يوم العررس*🍂

الرجال في الخيمه

والنسوان جالسات يجهزين الغداء


كملوا الغداء وبدت مراسيم الزفة للمغرب احمد بيتصل لسعد

احمد: ايوة سعد فين قد انتم عميد نلتقيكم (بيسموها اعتقد الشواعه) 

سعد: ومن قالكم ان احنا عنطلع بناتي

احمد: ماهو مابتقول الناس مريعين للزفه

سعد: الذي بتسمعه ي اخي بناتي مايطلعين عندكم الا لما بسمه بنتك تنزل

احمد: سعد ي اخي مش وقت الجنان احنا سديين ان بنتي لصنعاء وبناتكم والكل لصنعاء

سعد: والله اذاً ما طلعت لكم عروسه وغلق الخط

احمد بيقلق كيف عيفعل بالفضيحة هذه
دخل لعند لؤي وسلمان
وبيشاورهم

احمد: لؤي سلمان جوا بعدي وقت الزفه

لؤي: تمام بس ماقد وصلوش

احمد بضبح: جوا وبس

خرجوا العرسان بزفة خروج
وساروا البيت

احمد: ي عيالي عمكم حلف ما تطلع لكم عروسه الا لما تنزل اختكم البلاد

لؤي: مابتقول يابااه.. ماهو هذا الخبر حق عمي.. وبسمة والله ما تدخل لهم بيت ويطلقوا واحنا عنكمل العرس سكته بدون فضايح وعنفعل زفه وسيارات واخر قال افسح قدام الناس

سلمان: وانا بعدك يالؤي

لؤي: وانا والله مادخلت لي بيت لا اخليها معلقه لما خالد الكلب يطلق بسمة

سلمان: وانا بعد والله مادخلت لي بيت

احمد: وانا والله مايتم هذا الاسبوع الا وانتم مزوجين


كملوا ع اساس انه عرس صدق وزفه وسيارات وكل شي


اليوم الثاني الصبح
ساروا لبيت جيرانهم يخطبوا وصل احمد
احمد: السلام عليكم ياحاج غانم احنا جيناك طالبين راغبين يد بنتكم الثانيه لابني لؤي

الحاج غانم: مابتقول انت عاد كان عرسه امس

احمد: والله ياحاج غانم الخبر ومافيه...وقال له ايش حصل بالضبط واحنا والله يشرفنا نسبكم ونطلب القرب منكم

الحاج غانم: ابشر ولا يهمك الرأي الاول والاخير للبنت
دخل سال البنت وشل موافقتها وخرج لعندهم

احمد: بشر ي حاج غانم

غانم: ابشر والف الف مبروك ي لؤي

لؤي: الله يبارك فيك ي عم

احمد: تسلم الله يحفظك... والعرس احنا نشتيه الخميس ماعد عنبعدش الخيمه ووجع راس

الحاج غانم: بس الخميس ماشي الوقت قليل

احمد: خير البر عاجله

غانم: بعدك الله يسخر مافيه الخير ولؤي رجال والكل يتمناه والا ما عنوافقش بهذه السرعه يكون العرس

احمد: تسلم الله يحفظك... ويلا خاطرك عاد عنسير نخطب لسلمان


ساروا لبيت اخو غانم (عبدالرحيم) يخطبوا لسلمان

عبدالرحيم: اهلا وسهلا تفضلوا

احمد: احنا جينا طالبين راغبين يد بنتكم لابني سلمان

عبد الرحيم: هوذا كان العرس امس

احمد: كلمه بالقصه وقال له انه خطب بنت غانم لــ لؤي

عبد الرحيم: مادام واخي وافق فانا موافق
وتمت الخطبه ع خير


وبدأت تجهيزات العرس

الخميس يوم الزفة حق ( لؤي & هنادي) (سلمان & تهاني)

كملت الزفه ع خير واهل الحاره كلهم عرفوا بالخبر


المهم مرت ع الاحداث هذه سنه ونص

لؤي وقع له بنت كانت فرحته ماتنوصفش لان هي اول مولود له


https://tttttt.me/+Ecxq_OzMYh40M2E0



📚 @rewayatyamania 🇾🇪

.


البــارت 6 >>


الـواقـع المُــر 🪐

👌🏻👇🏻 😍
📚 @rewayatyamania  🇾🇪


المهم مرت ع الاحداث هذه سنه ونص لؤي وقع له بنت كانت فرحته بها ماتنوصفش لان هي اول مولود له

والعائله كلها كانت فرحانه انه اول حفيده لهم باستثناء لطيفه وهي ع طبيعتها ماتغيرت بتكره لؤي ولانها بنت لؤي مافرحت

المهم انه مرت هذه الفتره والمشاكل بين سعد ولؤي وسلمان مستمره عشان الطلاق
والحمدلله تم الطلاق


لؤي قرر يروح يشوف امه ويطلعها عنده صنعاء ويعالجها

سافر لؤي وجاب امه وعالجها بس قالوا مرضها اصبح مزمن ما يتعالج ما اقتنع لؤي وساقها عند عدة دكاترة وكلهم يقولوا له نفس الشي وقرر يسوقها عند القرآن ساقها عند عدة شيوخ بس مانفع يأس لؤي واستمر يدي لها العلاج اللي كتبوه لها الدكاتره وهو علاج مهدئ بس اما انه بينفعها ويرجع حالتها النفسيه زي ما كانت لا

استقر لؤي هو وعائلته في بيت لحالهم

@rewayatyamania المصدر الأول للروايات

بعد مرور فتره زمنيه طويله

رزان: بابا انت معك اخوه من جده وبينهم

روان: ايوه ي بابا احكي لنا عن اخوتك

لؤي: ايوة كان معي 3 واحد مات وعمره سنتين

روان: كيف مات

لؤي: نكع من الحيد ومات

رزان: اها عشان مابش معاهم احد يهتم بهم

لؤي: ايوة

روان: ايوة يا بابا وعمو اسماعيل اللي استشهد نشتي نبسره

لؤي بيفتح التلفون يوريهن الصورة

رزان: لحظه لحظة يا بابا مش انت قلت هم اخوتك من امك

لؤي: ايوة

رزان: طيب اسم عائلتنا ولقبنا نفس ليش ايش يقرب لنا ابوهم

لؤي: ابوهم وابي عيال عم

رزان: ياالله يابابا ايش التخلف اللي كان عندهم كيف يزوجوها عيال العم

لؤي: رزان ماينفعش هذا الكلام يابنتي

رزان: حاضر

روان: يوو يارزان نسيتينا عمنا الثالث

لؤي: عمكن الثالث تعرفنه عادو جاء عندكن قبل فتره وتعرفنا عليه...
يلا قومين عنسير نبسر لطيفة

روان: يووو يا بابا مانشتيش نسير عندها

لؤي: عيب ي بناتي مهما كان هي مرة جدكن

رزان: انا عد اتجهز بسرعة حمااس عد اسير ابسر عماتي واعمامي ونلتقي احنا وتولين

روان: الحماس في الموضوع ان احنا عنلتقي احنا وتولين والا ياسعم شاسير عشان ابسر عجوز النار ( لطيفة)

رزان: اص اص ي لقنه عيسمعش بابا ويصيح وبعدين ابردي قد هي في الزاويه جالسة لا عد بتقوم ولا عد بتقدر تفعل شي

روان: كانت ع اساس جلطة خفيفه تحولت لشلل ربي بيدي حق كل واحد


عيسى كانت نهايته اخس اصابه سرطان ( حفظنا الله واياكم )
ومات بعد عذاب دام 3 سنوات من جلسات الكيماوي




#انتهت ✨🪐


العبرة من قصتي انه انت ي ابن ادام مهما عملت في حياتك عتلاقي جزاتك وقد شفنا كيف كانت نهايتهم

اتمنى من الكل التواضع والتعامل مع الناس بكل حب واحترام لانه مهما عشنا وتكبرنا وملكنا المال هي غر دنيا فانيه ومامعك الا عملك ورحمة الله فــ اتقي الله في كل شي بتسويه

مثلاً انت اليوم عتسير عند مشعوذ عشان تخرب بيت فلان لانك تكرهه بعتك ذمتك ليش؟؟ اشتي افهم


كل واحد مننا عيحاسب ع اعماله في الاخره اما في الدنيا هو غر تخفيف من عذاب الاخرة✨🪐

لا احلل ولا ابيح مسح اسمي من القصة ✨🪐

- *واحب اشكر صديقتي واختي اللي وقفت معي ودعمتني بكلامها وافعالهاا وكل شي (ذكرى❤️🪐)*

الكاتبة: حُـــديــديــة شــامــخــةة🪐


https://tttttt.me/rewayatyamania/52350



📚 @rewayatyamania 🇾🇪

رأيكم بالاقصوصة متابعينا الاحباء

الواقع المُر

ممتـازة ❤️
جيـدة 💙
لابـأس 💛

☆☆

يسعد مساكم.. حاليا اجهز لكم رواية طويلة وجمييلة.. بس صبركم عليا اكمل تجهيزها واعلن لكم.. بس قبل اريد اشوف كم المنتظرين والمتفاعلين..

☆☆

.


البطل شيخ ولد شيخ أب عن جد الكل يهابه ويحترمه وزاد احترامهم وحبهم له  عدله
بين الغريب والقريب والغني والفقير
ماعنده مكانه لأحد ولا ممكن يجامل أحد  ولاعنده مجال للرشوه او التهرب من شي وقع بين يده
وكلمته ك اسمه سيف يقص رقبة أي
مخالف



البطلة تشتكي بحزن لفراق اختها المفاجئ والمفجع بعد أيام قليلة من زواجها من الشيخ
وكانت بصحة كاملة ماتشكي بأس متأكدة أن للشيخ يد بموتها المفجع لكن من يصدق أو يلتفت لشكوكها الواهمه مثل ما يقولوا


يتقدم لخطبتها الشيخ نفسه وكانت بترفض
رفض قاطع بس وصلها ظرفين من اختها
المفقودة خليها توافق لهدف محدد وبعزيمة للانتقام

ايش قرأت؟؟؟



بنعرف بأحداث الرواية
وكثير من الغموض بنعيشه داخل الحدث ومع
البطله



والبطلة الثانيه كدست حياتها القادمة بتربيته والعيش معه ومع ابوها المريض الذي عاش بنصف عقل
ومرضه سبب دمار حياتها واستهان بها
الصدفة تجمعها مع من استهان بها ودمر حياتها فكيف بتواجهه وهل بتعطيه ابنه
رغم كل اللي عمله له


والبطلة الثالثه تحب قصر خالها الشيخ وتكرهه بسبب شخصين الأول زوج أمها القذر وتعامله المنحط معاها والثاني من ابن خالها المتجبر
والمسيطر عليها وعلى الكل بدون وجه حق
يسيطر عليها عايشه ايام في القصر وايام عند
ابوها الطيب والحنون الصديق قبل الاب


وابطال غيرهم كثير
والكثير من الاحداث المشوقة والممتعة بنعيشها لحظة بلحظة


#انتظرونا قريييبا😍
ومع رواية #وصية_انتقام
#للكاتبة_بثينة_الدميني

.

#انتظرونا ومع رواية جميلة للكـاتبـة بثينة الدميني بعنوان

وصيـة انتقـام

ابتداءً من مسـاء يوم السبت بإذن الله

وذلك على قنـاتـكم روايـات يمنيـة عبـر الـرابـط التـالـي😍👇🏻


https://tttttt.me/+Ecxq_OzMYh40M2E0

اذا التفاعل قليل بأخر النشر.. الى ان تستعدوا😴

رواية وصية انتقام للكاتبة: بثينة الدميني

👌🏻👇🏻 😍
📚 @rewayatyamania  🇾🇪


ملخص الروايـة 🥀

رقـم الروايـة : 254

اسم الروايـة 📖 :  وصيـة انتقـام

اسم الكـاتبـة✍🏻 :  بثينة الدميني

عدد البارتـات : 269

مدة العرض 🗓 : 18 يـوم

وقت العرض ⏰ : المســاء


#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة



📚 @rewayatyamania  🇾🇪