.

البــارت 1 ◇


#وصية_انتقام
#للكاتبة_بثينة_الدميني

👌🏻👇🏻 😍
📚 @rewayatyamania  🇾🇪


البداية نصلى على الحبيب عليه افضل الصلاة والسلام

من اراضي السعيده تنبت ايادي كاتبه
بروح متواضعه ومحبه لموطنها
السعيده الطيبه


خرج صوتها الانوثي الناعم برفض قاطع: لا لا يمه مستحيل اوافق

الام برجاء لوحيدتها بالدنيا واللي تتمنى لها كل الخير والصلاح ومتأكده يستحيل تشوف خير مثل مابتشوف عند الشيخ نفسه وبكبر مكانته كيف تفهم بنتها ان هذا الشيخ  نفسه اللي مو بس رجال الحاره يتمنونه يكون صهر لهم وحتى شيوخ قبايل ال بكيل باكملهم واصالتهم بكل اليمن العريق لو اشر لواحد منهم لارضوا في تزويجه بااربع ومش بس واحده وهو من حبه لابوها طلب منه القرب

وللمره الثانيه متخلى عن بنات الشيوخ عشانها بس بنتي غبيه وطفلة ماتعرف اييين مصلحته الاساسيه وسعادته

الام: ليش يمه هذا الشيخ وتعرفي ان الكل يتمنيه زوج لبنته من عدالته وحكمته ليه ترفضيه

لفت بوجهها الفاتن اقل مايمكن تنوصف فيه فتاه مثلها وبجمالها ورقتها واللي فيها قوه وذكاء وكل صفات الانوثه من نعومه وهدوء ورقه ودلال وجمال متجسد فيها واندمج لها لوحدها من سائر اناث جنسها وحتى بنات الشيوخ والاغنياء لايمكن لواحده تمتلك جزء بسيط من جمالها اوصفاتها: يمه حتى لو الشيخ  مستحيل اخذه وهو كان زوج اختى..

تنهدت بألم وقهر وذكاءها وبديهتها تكون شكوك: واختى تعرفي انها توفت بعد زواجها منه بنص شهر وبشكل غريب فكري يمه ليييه

الام تناظر لبنتها وبتصديق ويقين يستحيل يتخلله شك: توفت ليه اجلها ووصل والا الشيخ سيف يستحيل يبذل منه الخطأ.. ايلان بنتي والله هذي بتكون فرصة حياتك انك تكوني زوجة الشيخ نفسه ش

قاطعتها بعجز: يمه لاتقولي لاتكمليها واحنا سواء مافي فرق إلا بالتقوى مادريش ليش انتم لاذا الحد طيبين وخاضعين لشيخكم هذا اختي اذا نسيتي اذكرك كيف كان شكلها قبل لا تموت
والدكتور انفجع والكل من شكلها وهي قبل نص شهر عروس بقمة عافيتها وجمالها بس يقينكم انه مو هو السبب مجنني وبتعطوني انا كمان له هذي برفضها 

الام برجاء وتطنيش لكلام بنتها المراهق بنظرها: يمه ايلان اعقلي واستخيري يستحيل بنت بكل عقلها ترفض الشيخ سيف
اللي تعرفي ان كلمته مثل اسمه على كل رقبه معارضه

رفعت حواجبها بتمرد: يعني اذا رفضته يقتلني مثل ماقتل اختي والله العالم انه يكون السبب

هزت الام راسها بعدم اقتناع واندق الباب يقطع
حوارهم

@rewayatyamania المصدر الأول للروايات

وقفت بجسمها الممشوق متوسطة الطول ورشيقه كعارضة ازياء كوريه بجسمها وبياضها فتحت باب البيت واتجهت لباب الحوش تبعهم فتحت وجسمها من داخل دخلت بنت واضح ببداية مراهقتها

اعطتها ظرفين مغلفين عقدت حواجبها وتناظر الظروف باستغراب واحد باسمها وواحد باسم يامين اخوها رفعت وجهها بتسأل البنت

بس البنت اختفت غطت بالستار الصنعاني على راسها وجسمها لان الستار كبير يغطي جسمها كامل عليه النقوش الصنعانيه واليمنيه الاصيلة وتناظر حوالي البيت وماشافتها

دخلت وسندت جسمها على الباب بفضول تفتح الظرف اللي مكتوب عليه اسمها وتقرى محتواه ودموع غزيره شقت من خدها  الناعم
وتخط فيه بقسوه لمثل رقتها ونعومتها الربانيه

وبعد وقت من قراءة الكلمات واللي شطرت بسيف مسلول داخل قلبها لاجزاء عديده من الوجع والم وقهر رفعت يدها البيضاء والنحيلة مملوءة شوي بلحم مشدود على رسغها تمسح دموعها وبحقد وتوعد وقوه اندفعت من داخل الانثى الرقيقه والناعمه قوه فتاكه وعزيمة
انتقام وحقد تواقدت اول شراراته اتجهت بخطوات متسارعه لامها

وبصوت غريب ومكتوم تكلمت: يمه خلاص  قولي لابي موافقه من زواجي على شيخكم

الام تهلهلت الفرحه على ملامحها وتدعي بصوت مسموع: الله يسعدك يمه وهذا الجواب
الصح وتفكيرك بيتغير عن شيخنا مثل ماتقولي لا عايشتيه وبتشوفي يمه ويارب يسعدك معاه
ويرزقك منه الشيخ الصغير ولد الشيخ ولد الشيخ مثل جدوده وتكوني انتي ام الشيخ يارب

هزت راسها بجمود واتجهت لغرفتها اللي كانت تجمعها مع اختها بيوم من الايام واصبحت ماضي

جلست على سريرها تبكي بعد ما اعادت قراءت الورقه لاكثر من مره وكأنها توقد حقدها وقوتها اكثر واكثر

رفعت جوالها تتصل بصديقتها ومن ريحة اختها كانت قبل صديقة اختها ايلاف وزميلتها ولما تزوجت وتوفت من سته شهور قوت صداقتهن ببعض واصبحين اكثر من اخوات وبالبدايه كان كل واحده تبحث عن ريحة ايلاف بالثانية الى ان انسجت علاقه اخوه بينهن قويه ويستحيل يفترقين وطول الايام مع بعض وقت الفرح والزعل

سمعت صوتها الرنان على الجوال وفيه بحه خاصه فيها ترحب بس قطعت ترحيبها ببرود ايلان وصوت متغير من البكاء: ايلين تخيلي سيف خطبني ووافقت

انصدمت ايلين من الخبر الغير متوقع ومن صوت صديقتها و...




📚 @rewayatyamania  🇾🇪

.

البــارت 2 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


سمعت صوتها الرنان على الجوال وفيه بحه خاصه فيها ترحب بس قطعت ترحيبها ببرود ايلان وصوت متغير من البكاء: ايلين تخيلي سيف خطبني ووافقت

انصدمت ايلين من الخبر الغير متوقع ومن صوت صديقتها واختها الصغيره حتى لو الفارق بينهن ثلاث سنوات فقط بس تحسها صغيره مهما كبرت: ايلان شفيك تمزحي ومن سيف ذا

ايلان انفجرت ببكاء: من غيره الشيخ

ايلين: الشييييييييخ سيييييف جد متى
و و و صمتت بصدمه وتربط بالشيخ سيف وايلان متى: ايلان لو واحده غيرك بقول تمزح اما انتي يستحيل حتى تذكري اسمه اوتسمعي اسمه قدامك من بعد وفاة ايلاف الله يرحمها

ايلان صمتت وصوت شهقات بكاها يوصل لصديقتها ومقهوره من كره اعمى الى ان تقبل فيه كزوج بس بعد اللي قرأته المستحيل نفسه بتخليه بقوتها وحقدها يصير وتتزوجه وتلبي اللي في الورقه يستحيل تتساهل ولو لثانيه من حياتها

صمتت تتيح لايلين تعبر عن صدمتها ومحاولة انها تعرف كيف وليه و و استفسارات كل اجوبتهم الورقه او يمكن نقول الوصيه بس عزمت بداخلها ان مستحيل تقول لاحد سببها واللي بتسويه عشان لا احد يثنيها او يمنعها وبعد ماتهربت للجواب على ايلين قفلت الجوال
وسندت راسها على الجدار بتفكير عميق ومبطن وتحاول تربط وتدعي لله تتوفق وتاخذ حق اختها اللي كانت شاكة من البداية انه له يد بموتها المفاجئ والمفجع

@rewayatyamania المصدر الأول للروايات

صرخت بصوت نوعا ما مرتفع بضجر: لا احد يناديني خالة ملييييت

توليب: ليه مليتي وانتي من دخلتي بعمر ١٦ وانتي نادوني خالة وخالة ناديناك خالتي اسيلو

اسيل: لا تقولي انتي خالتو انااا عمتك لك عما يكفي اللي انا خالتهم جد ايش اسوي تسعه وتسعين واحد يناديني خالة وانا الصغيره بينكم وليت فيها احترام ماغير تتمسخروا

هديل: ههههههه اناديك خالة وبينك وبين ولدي سنتين ماتضبط

وقفت بتحلطم: لا جاء شيخ الشيوخ سيف بشكيكم له انكم تتمسخروا فيني وفيه

هديل: وهو ابوش بنتمسخر عليه اسم الله عليه تاج فوق روسنا لا تربطي نفسك فيه اسيلو

خلود اخت اسيل: بس اسيل خبل وكلام فاضي للللل
مافيه هدف غير تصدعينا بخالة وخالة نخلوك دود نخل هبلا وبطلي نفخ بعيال اخوانك لا تصيبهم عين

اسيل: مافي لا عيني والله بارده ولا بيحدث لهم شي تأكدي
ووينه بنتك الماسخه هاااا عند ابوها تهيص وكل عطلة وهي تروح اااه اااه على الدلع واحنا نجلس بقصر الحشود هذا

ضحكت هند بنت اختها: ههههههه ما شاءالله قصر الحشود والله يجي يوم نموت كلنا تأثير عينك

توليب برفض: لااااا خالتي اسيلو عيونها بارده لاتفتري عليها

هند: من يشهد للعروس غير امها

توليب: اذا قلنا ان فيه سوق ويوم الاحد بالمجلس قليل شوفي كم صوت بالمجلس اما انا لا ساكته ومغلوب على امري وانا مصدعه ولو بيدي سويت مجسم لعمي سيف هنا لان مايسكت الكل وكأن مافيه احد غير اذا دخل هو او اخوي ربي يحفظه فاتركيها تصيبنا عينها عسى كل واحده تنقلع لبيت زوجها

لوت اسيل فمها: لا قولي يتزوجين للايجار شهر شهرين ويرجعين لا راحوا ازواجهن ورجعنا للضجه من جديد مافي خلاص

الجده دخلت وصوت عكازتها ملا المكان وسكتين شوي عن الضجه اللي قبل مسببوها كثرة الجالسات باالمجلس

الجده وبصوتها اللي غالب عليه الشيخوخه وواضح عمرها الكبير وتغير السنوات فيها: اوووف اوووف اوووف
يابربرتكن يا النسوان جرجرجر ماتسكتين

ام خليفة بنتها الكبيره وبرزانه: يمه ادخلي والبنات تعرفي مثل عادتهن مايسكتين اتركيهن يمه واجلسي تشتي قهوه

الجده: اسكبي وسكتين الجمهور هذا من الضجه والا رجعت غرفتي انتظر العصر

ام خليفة: لا بيسكتين انتي يمه اجلسي بس

الجده: يمه اخوك الشيخ رد له ابو يامين خبر

ام خليفة بطيبه: يمه باقي هم طلبوها امس بالليل خلي البنت تفكر

الجده باستنكار: لاااااا تفكر بلا تفكير هذا الشيخ سيف من يرده من مجلسه بدون الموافقه والله ان عبد الغني سواء خطأ

ام خليفة باعتراض من تعصب الجده وعلى سيف خصوصا: لا يمه ماغلط وحقهم و اسامه قال لي انه رد لهم الموافقه بنفس الوقت بس سيف رفض إلا يستشير البنت تعرفي سيف وعدله

الجده بفخر: طول عمره عادل الله يقويه على احقاق الحق ويكون مثل الخليفة عمر

خلود تلوي فمها: كان مارفض واخذ البنت ولو غصب بس ماادري ليش من الاساس رجع يطلب اخت المرحومه

الجده بشخصيه قويه: قصصصص يقص لسانك ان شاءالله تغلطي فعل من افعال اخوك ياااا خلود هااااا لا كانت ولا صارت احد اعترض على فعل من افعاله والشيخ راغب ببنت عبد الغني قيم الجامع ياخذها بدال اختها الله يرحمها ماتهنى فيها ايام واخذها ربي عنده عسى يتعوض باختها اللي والله اني تمنيتها له قبل اختها بس النصيب والاهم انه بياخذها

ام محمد بنتها الثانيه: ايه والله عسى يتعوض وايلاف الله يرحمها...




📚 @rewayatyamania  🇾🇪

.

البــارت 3 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


ام محمد بنتها الثانيه: ايه والله عسى يتعوض وايلاف الله يرحمها ماكان في باخلاقها مربايات وعفيفات ماشاءالله عليهن

خلود بغيظ: بس مايترك بنات الشيوخ وياخذ بنت عبدالغني واللي كل شغله هو وولده من الجامع لمحل بيع مسابح وسلام

ام هديل: لا خلود الماده ماتنقص اخي ماشاءالله عليه ربي معطيه خير مااعطى غيره وعادي لو زوجته اهلها ماعندهم وهو ورغبته بالبنت نفسه وتعرفي ان ولا واحده اشارت عليه لا بايلاف ولا باختها لو يشتي..يريد...اخذ اربع مو بس واحده  اخذ

.....السلام عليكم

قطع اصواتهم بشكل مفاجئ من مجرد سماعهن لصوته وهو بباب البيت واللي ينبه لوجود زوجات اخوانه اللي تغطين بالكامل وطلعين من مجلس النساء

الجده بترحيب: يا هلا والله بالصوت وصاحبه هلا بالشيخ الغالي عدد ماخطى وتنفس

ابتسم سيف بحب وهو يدخل بقامته الضخمه طويل وعريض ببنيه عضليه ملفته كل تحركاته بطابع رجولي فخم وراقي خاص فيه تقدم بعد مارد السلام  وكل الصوت بالمجلس عكس قبل ثواني من دخوله صمت مميت قبل راس جدته وحبيبته الغاليه وجلس جانبها باستقامه وهيبه وهو بثوبه الابيض الناصع وعليه جنبيته اللي ترمز لمركزه الاجتماعي الكبير ومبلغها الخيالي واللي مالبسها إلا شيخ وورثها من ابوه عن جدوده الشيوخ السابقين تكلم بصوته الرخيم والرجولي: كيفك يمه

الجده بوجه منور: بخير الله يحفظك رجعت من الصلاة

سيف: الحمدلله ولف لاخته الكبيره ام خليفه.. يا ام خليفة سووا شاهي لضيوف عندي

الجده باستفسار واللي مسموح لها فقط الوحيده تستفسره وتسأله وممكن تناقشه والباقي مالهم جرأه: عسى خير ضيوف والا يحلوا مشكلة

سيف برزانه وصوت فخم ومتناسق مع شكله ومكانته الاجتماعيه كشيخ ورجل تاجر بالعقارات: هذو يمه اربعه اخوه عندهم قسمه باراضي ورث لهم اشوف بايش نقسم بينهم ونراضي الكل ومن رجال الحاره مخزنين

الجده: الله يكون معاك وعوينك بالحق ونشره واخوك اسامه وينه

@rewayatyamania المصدر الأول للروايات

حك طرف شاربه بسمكه المتوسط اسود عاكس على بشرته: رجعت انا وهو من الصلاه وقال نسى المرافق تبعه مااشتري قاته وراح يشتريه عنده مناوبه بالليل وتعرفي لا يسهر

الجده هزت راسها وبكسر: وسام وينه ياعمري ياذا الشاب كيف تحطم وحتى عيال اخته محمد واحمد حاولوا فيه ياخذوه معاهم يطلعوه من الحالة ذي اللي دخل فيها ورفض

تنهد ورفع حواجبه: اذا فضيت الساعه ثمان من الضيوف ومشكلتهم رحت لعنده

الجده بعيون تترقرق بدموع: الله يقويكم لبعض وتكونوا سند بعض

قبل راسها ووقف واخذ بيده قاته وجواله الحديث ومفاتيح سيارته وطلع بعد مااخذ سامي ولد اخته وسمي اخوه المتوفي القهوة للرجال خلفه


بالليل الساعه ثمان تمام راحوا الرجال اللي كانوا عنده كقانون متوارث ببيتهم بينه وبين ابوه وجدوده طول النهار الرجال مكتظين عنده من بعد العصر الى بعد صلاة العشاء مثل ما حكم الله بكتابه وشرع اوقات الزيارة واقف بتعب وهو هلكان من مشاجرت الاخوان ولاصمتوا الا لما تكلم بجزم واللي عدل بينهم قالت لان عطاهم مهلة يتفاهموا وهم مافيهم فايده قسم كل شي بينهم وحق لاختين كانوا ناوين تهميشهم بس مش عند سيف ولايمكن يظلم احد

وبيوم يحل المشكلة دون مماطلة او تلكك دخل من باب قصره واللي يجمع فيه اولاد اخوته اثنين متوفين وزوجاتهم وعيالهم عنده واخته الارملة وبناتها وخواته اللي متشاجره مع زوجها او تيجي زايره تجلس عنده وبقصره الواسع ومرحب بالكل وبأي وقت

دخل واتجه لغرفة اخوه بالدور الاول تارك غرفته اللي بالدور الثاني بسبب حالته الجسديه حديثاً

دخل بعد مادق الباب وعرف سام انه سيف اخوه عدل بتحسس اللحاف على ارجوله الميتات حس بجلوس اخوه ذو القوه والبأس الشديد وشيخ المديريه كامل ومش بس الحاره اللي هم فيها

سيف مسك يد اخوه الصغير وبعطف: كيفك سام

سام بصوت يتيم والحياه مسروقه منه بعد تنهيده من اعماقه: نحمد الله على كل شي

سيف بصوت قوي ومشجع: نحمد الله اكيد بس نسير بارضه ونشتغل ونتحرك مش نجلس مكاننا ساااام انت رجل مايحتاج احاضرك

لف وجهه بانكسار والم: ايش اسير يا اخي وكيف اذا احد قادني وحرك الكرسي مشيت او اذا احد دلني ونبهني مشيت اين من الثنتين اقاوم

شافه بعطف سيف بس يستحيل يستسلم وماعمر الاستسلام كان من صفاته: ايه واذا احد دهف لك الكرسي ودلك على كل مكان

غيرك مثل حالتك ومايتكلم ولا يتعرف على احد حالتهم اعظم واعظم بكثير وانت قوي وافق بس واجيب لك معلم تسمع منه الشرح ومعلم يعلمك الكتابه بطريقة الكفيفين وهذا مكتوب اخوي مكتوب ونصيبك ارضى به ياخوك

هز راسه برفض..

سيف بحزم: لمتى الرفض

سام صمت بألم

سيف بحزم وصرامه: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 4 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


سيف بحزم: لمتى الرفض

سام صمت بألم

سيف بحزم وصرامه: ماني صابر عليك اكثر من كذا سام اما ازوجك وزوجتك تساعدك وتبني حياة زوجيه واسرة او اجيب لك مدرسين وتختم دراستك وماني منتظر موافقتك فهمت

سام بقلة حيلة واحترام كبير لسيف: مااقدر والله سيف ولاتضغط عليا فديتك

سيف بعدم استسلام وخوف على حياة اخوه لاتضيع ويسيطر عليه المرض اكثر: تعرف كلمتي ما اثنيها ولك وقتك لبداية الدراسه اما دراستك تخلصها او ازوجك وتبدا تاسس لك عائلة

سام بيأس: تزوجني ومن بترضى وافترض رضيت عشان اخو الشيخ وتزوجت وجبت عيال من يعطيهم

سيف بنظرات قويه: رضا اي بنت بترضى فيك كسام الشاب الذكي ومحبوب البنات.. وبنظرة وابتسامه خبث يذكره.. وصوته فيه مغزى حس فيه سام: لاتفكر اني ماكنت اعرف وعيالك انت بتشتغل وتعطيهم فهمت والعقار تبعك يشتغل من بعد وفاة ابوي الله يرحمه انت بس كون قوي وماتيأس ولا تدلع مثل البنات مفهوم

صمت سام بعجز من كل محاولاته واصرار اخوه يستحيل احد يثني له كلمه

وقف بعد ما حييا سام واتجه للدور الثالث قسمه كامل جزء غرفة نومه وجزء للرياضه تبعه وجزء مكتبه واللي دايم يلازمها من بعد الغداء الى قبل العصر شي روتيتي بحياته ودخل لغرفة نومه الفخمه والواسعه بشكل كبير ويعتبر ثلث الدور غرفة نومه باثاث فخم ومتناسق بايدي خبير

دخل للحمام اعز الله القارئ ويغير ملابسه بتعب من الجهد اللي يسيطر عليه يومين من الساعه سبع بشركته للعقارات ويرجع ياخذ شوي راحه بمكتبته والعصر بين قضايا شبه يوميه من مختلف الحارات او قد يكونين من مختلف المحافظات

طلع وصلى الوتر وقرأ قران كورد يومي ونام بعد تعب
♡♡♡♡

يامن رويت الارض مطرا
اروي قلوبنا فرحا

@rewayatyamania المصدر الأول للروايات

اليوم الثاني الصبح
حطت الفطور قدام ابوها واخوها وجلست وامها جلست جانبها

الاب بحب وراحه ونظراته  من صحى مافارقت ايلان بفرحه عرفت مغزاها ايلان وان امها كلمته بموافقتها ويعني اليوم بيعرف حست بقرف وقهر

نطق الاب بما في تفكيره: كيفها عروستنا الشيخه زوجة الشيخ

حست بلقمتها علقت ببلعومها وتذكرت نفس الجملة قالها ابوها لايلاف بيوم خطبتها ماتكلمت بعجز وقهر ليييه نفس نصيب اختها تاخذه هي ترى لو عايشه بترضى مستحيل

يامين بصوته الهادئ: مبرووك ايلان والله يسعدك

ايلان ماردت

والام تداري ردود فعلها باعذار واهيه: يمه لاتحرج اختك

يامين: والله لو رحتي ايلان بيظلم البيت وحياتي

الاب بفرحه: ليييه نزوجك وخلاص

يامين: لا مش وقت ولاحتى الزوجه بتيجي مكان ايلان اكيد مستحيل

شافته بمجاراه وهزت راسها فطرت شوي وراحت غرفتها بهم وضيق ملازم لها من يوم قرأت الوصيه اللي من اختها وهذي حالتها


الاب بالصالة: انحرجت بنتك يا ام يامين والا مغصوبه وقلتي لي وافقت ملامحها مقلوبه

ام يامين بتوتر: والله والله وافقت مالك بكذب يعني

هز راسه: لا مابتكذبي بس اخاف تغصبيها والشيخ نفسه قال اشورها وان وافقت وافقت وتزوجها وان لا ما يشتي يتحمل ظلمها تعرفيه ولا بيرضى يتزوج من بنت رافضه له وغيرها يتمنينه

يامين يطمن ابوه: لا اكيد يابه بتوافق هذا سيف ماينرفض وعاقلة وتعرف مصلحتها

الاب: اعرف بس خفت من مسألة انه كان زوج اختها

ام يامين: لا تطمن وافقت والله بس تعرفها دلوعه وتتدلل عليك لاغير

تنهد براحه وهو يخلص فطوره ويطلع وخلفه ولده يامين وعندهم محل مبيعات للمسابح وفضه وتصليح للجنابي والخناجر والاحزمه تبعهم..
.
.

تغني بصوت ناعم بس بدون لحن...

اسيل الخدود ككل صباح تبدأ فيه جلست على الارض ومدت رجليها وتشوف لولد اخوها الصغير سيف قرصت خده بقوة وقبلت يدها والولد صرخ ببكاء

اسيل حطت يدها على فمه: اوووص اووص انت سمي الشيخ وتبكي ياااااااااا اهبل لو يشوفك الشيخ يتبرى منك

سام اللي جالس على كرسيه بزاوية الصالة ككل يوم صباح بأمر من سيف.. وبصوت منزعج: اسيللل هبلا ليش تضربي سيف انتي ماعندك عقل

اسيل اخذت سيف تسكته ايش بيخارجها من شجار الكل على النتفه سيف: اوووه سكت دهر ونطق كفر

وقفت واتجهت لعنده ووقفت قدامه وتشوف وجهه بتدقيق: تصدق سام ماني مصدقه ان الشاب المغرور سااام معشوق الفتيات هذي حالته
بس هذي نهاية الغرور

سام ببرود ماهمه كلامتها ويعرف تشتي تطلعه من حالته بكلماتها الكاذبه انها تتمسخر فيه عشان يتشاجروا مثل قبل بس صمت بعدم رغبه للكلام وشجارهم السابق

حركت اسيل يدها قدام وجهه وبجديه: امانه سام ماتشوف يدي

سام: __

اسيل: ماادري ليش حاسه انك تشوفني وانت تمثل انك ماتشوف احس بشفقه عليك تعيش بدون لاتشوف ملامحي الفاتنه

توليب جايه من الدرج تجاههم ترفع يدها وبملل: لا اله لا الله كل يوم كذا كل يوم نفس الحركات وكأنك فيديو وتعيديه كل يوم مالك دخل بعمي الوسيم




📚 @rewayatyamania  🇾🇪

.

البــارت 5 ◇


وصيـة انتقـام 🔥

للكـاتبـة: بثينـة الـدميني

👌🏻👇🏻 😍
📚 @rewayatyamania  🇾🇪


تولين نزلت وهي بنفس، ملابس توليب ونسخ من ملامحها: صبحك الله بالخير سام

سام رد عليها بهدوء وصمت

اسيل رفعت شفتها العلوي: لييش هو مسلم واحنا قالوا لك كفار

تولين: مش كفار بس اظن نزلنا من نفس الغرفه

اسيل ضربت فخوذها: اوه اوه اوه البنت طلع لها لسان والجامده تكلمت لاتكوني نقلتي عدوتك لسام وانتي تخلصتي منها بس هاااا لاتعديني

شافت توليب: انقلي للراديو الكوبي تبعك ذي

توليب بضحكه وهي تاكل تفاح: ههههه اظن لو انتقلت لعندي العدوى بتموت ولا بتقضي عليا لان انا اللي اقضي عليها

اسيل شافتها بمزاج سيىء: امانه اتركي التفاح اتذكر الكلبه بيلوووروو وسماجتها تفطر بتفاح وتتعشى تفاح الى ان ضمرت...خيست...وصارت جلد وعظم لاولى قزمتها

تولين: غيرانه بس ومقهوره لان طولت وهي عند ابوها المره ذي والا من مننا بتوصل لجسم بيلار لا بتنافسها زوجة عمي سيف الجديده فقط ومنتظره ترجع على احر من الجمر اشوف التغير اللي تقول عنه،


تكلم وهو داخل من باب الصالة بطولة الفارع وعليه بدلته العسكريه: ان شاءالله ماترجع 

اسيل بخفوت تخاف يسمعها وانقهرت من جملته
وفي هذول الاثنين اختلاف شاسع وشجار مستميت يستحيل ينتهي بكل مره يجتمعوا حتى وهي تتغطى منه زادت اكثر واكثر: بسم الله عليها حببتي

جلس جنب سام بضخامة جسمه وبنيته الرياضيه مناسبه لمهنته كعقيد

سام بهدوء: لا تدعي على بيلار عدي

عدي بقرف: بالله اذا نطقت تنطق عشانها طحت من نظري صراحة

سام بجديه وانزعاج: بطل تحط راسك براسها واصلا ما لك دخل فيها هي شابه وكبيره على النقير اللي كان بينكم

عدي كظم غيظه وصمت لان حقيقه تستفزه ويكرهها ويكره حركاتها ودلالها المايع اكثر واكثر بس العيب كله على ابوها كل ماراحت عنده دللها اكثر

دخل بعد وقت اسامه ببدلته العسكريه وعلى كتفه رتبته المرتفعه كاللواء اسامه..... لف ويصافح بحب على التوأم اللي من دخول اخوهن وهن بصمت مميت وعلى اسيل العنيده وصوتها تتمتم تمتمه الآن بوجود سيف تدلع عليه ويدللها وبوجود عدي تنلجم شاف لعدي وبأمر: يله عدي وكلمت عمتك وجدتي انك معاك سفر

وقف عدي وهو موازي عمه بالطول والجسم الرجولي المنحوت: لا بكلمها قبل روحتى بيوم

وشاف لخواته وبأمر: ومن الان لهذاك الوقت ماتطلع كلمه.. شاف اسيل وبحزم: مفهوم

هزوا روسهم بطاعة وطلعوا الاثنين بشموخ وهيبه وفخر لكل مواطن هذول حماة الوطن والشعب وركب كل واحد سيارته واتجهوا للمركز الاثنين

@rewayatyamania المصدر الأول للروايات


العصر كانت ايلان مع ايلين ببيتهم وبينهم نقاش ودي ويومي ومايمكن يخلص بيوم

تنهدت ايلان متجاهلة همومها وتعليقات ايلين: وينو سيفي حبيبي فديته مشتاقه له وبطلي تعليقاتك ونظرتك ذي لا يدي تطبع بجبهتك الآن

ايلين فقعت ضحك وتشوفها بنظرات ضاحكه ومغزى: هههههه شكلك ههههههه يجنن وانتي تدربي على سيفو ولدي بزوجك هههههه

عصبت ايلان وهي نهائي ماخطر على راسها: مجنونه ايلين فقدتي عقلك انا اقصد سيف اخوكي مش هذاك لاتلوي الكلام هاااا ازعل منك

ايلين: خلاص ههههههه لا زعلك يالرقيقه
بس جد جد امممم كيف بتتعرفي، على كل افراد عائلته وووااااووو كثيرررر وانصحك من اليوم تروحي التعداد السكاني وتشوفي كل هذا الجيش وتبدأي حفظ

وقفت بحنق بتطلع

وقفت ايلين وميته ضحك وتمسكها تجلس نادت
سيف: تعال ايلان تشتيك

دخل بهدوء الصغير 

ايلان تضمه لها: كيفك وصمتت لا تنطق اسمه وايش يسكت جنون ايلين

سيف الصغير: تمام انتي كفيك

ايلان: هههههه انا كفي تمام ههههههههه
اقولك اعطي اعطي اختك الهبلا عقل شوي

ابتسم سيف: تقصدي ماما

ايلان شافتها: ياهبالك ايلين مستمتعه ان سيف اخوك يناديك ماما اول انسانه اشوفها بحياتي تسوي كذا

ايلين بحب تخطف من يدينها سيف وبحنان غامر وحب عميق: ايه ولو يشتي سيف يناديني جده سمحت له

ضحكت ايلان: صراحه غريب امرك والله

ايلين: عادي قولي كل حياتي غرايب عجايب انتي تجاهلي بس

وقفت وتضحك على مزحتها اللي تظنها ولبست غطاها: باااايوووو ايلين باااايووو س
صمتت

ضحكت ايلين وتتبعها لعند الباب وبحضنها سيف وتودعها بضحكه


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 6 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


اليوم الثاني 
بشركه كبيره وطوابق عده وبداخلها عدد كبير من الموظفين متوحدين بزي ببنطلون بيج وتيشرت خمري وستره على الكتف بيج وربطة عنق مماثلة تناسق ملابسهم ومع تناسق اللالوان الاجهزه وطلاء الشركه توضح رقي صاحبها وغناه

دخل الصباح بدري بجاذبيته الخاطفه وطوله الفارع مع جسم رياضي جذاب وملفت بكل مافيه وسامته الحاده وجسمه الرجولي البارزه عرض اكتافه وهيبته وعليه نظاره مناسبه لوجهه الدائري وتصفيف عوراضه بشكل متناسق ورائع

هز راسه يرد السلام على الموظفين وقبل لايتجه للطابق اللي فيه مكتبه لف للكافيه تبع الشركه وبأخلاق رفيعه تظهر لهذا الرجل المسن فقط ونحيل وحركته بطيئه مما يثير استغراب العمال حزمه معاهم وتساهله مع هذا العجوز  ويعمل معاه من سنين طويلة: صبحك الله بالخير عمي

العجوز بوهن وسعادة: المدير يزن يصبحك بالرضى والجنان امر ياسيدي وعيني

يزن: مايأمر عليك عدو بس قهوتي

العجوز: من عيوني ثواني واوصلها لعندك عمي

يزن برفض: ايش عمي ذي لا الكل يناديني عمي عداك انا بنديك عمي والا يابه تمام

العجوز يرفع يديه المتجعده بوهن وضعف: الله يوفقك ويجعل كلمتك مرفوعه وكلمة اعداءك مخذولة

يزن بابتسامه خفيفه لاتكاد ترى: امين يابه امين وخذ راحتك انا بالمكتب ومتى ماوصلت القهوه عادي عشان فتحت يومي بدعوه حلوه

واتجه لمكتبه و على مسامعه دعوات هذك الرجل المسن انقلبت ملامحه للجديه ودخل مكتبه الفخم بزياده عن تفاصيل الشركه من الداخل والخارج

بدأ شغله بجهد كبير وتركيز يستحيل ينشغل عنه من سنين وكل حياته شغل في شغل لذا حصل على اسم رنان بالاسواق والتجاره

يزن بالخامس والثلاثين من عمره مدير شركه صناعيه مشهورة طويل وعريض بصدر واسع وعضلات مفتولة ووسيم وملامحه حاده ورجوليه جدي بحياته وكل اللي مايشغل باله وتفكيره شغله ونجاح شركته وصناعاته ورث الشركه من ابوه بس كانت بسيطه وبجهده من سنين كبر وصار اسمه بكل الاسواق

@rewayatyamania المصدر الأول للروايات

التعريف بالابطال

♡♡♡♡

نتعرف على الابطال وفي شخصيات مالها دور كبير بالرواية لذا بذكر اسمها بس بدون شكلها وعمرها

الجده كبيرة البيت وزوجة الشيخ رماح السابق قبل سيف وفيها مرح تطلعه لو مزاجها رايق وتموت بشخص اسمه سيف وتشوفه وريث ابوه وجدوده بالشخصية والشكل الرجولي وتشوف انه بالعدل والسلطه والاحترام حاز عليه من الكل اكثر من ابوه وجدوده السابقين


البطل الاساسي الشيخ سيف شخصيه قويه وكلمته يستحيل احد يثنيها بداخل البيت او خارجه وذكي عنده بديهه وسرعة حل لمشاكل اهالي المناطق اللي هو شيخ عليهم ومحبوب الجميع بطيب اخلاقه وعدالته

ومن حيث الشكل فارع الطول وعريض وجسمه كله عضلات وعيونه كبار وعسليه وانفه متوسط وحاد حواجبه عريضه بشكل رجولي ويعطيه هيبه وشفايفه متوسطه ووجهه مليان ودايم يصفف عوارضه الكثيفه بشكل خاص فيه وجدا فخم وانيق عمره سته وثلاثين سنه الكبير حالياً بين اخوانه واثنين كانوا اكبر منه وتوفوا غني جدا ويشتغل بالعقارات


اخوه سراج الكبير متوفي ابو عدي وعنده عدي والتوأم تولين وتوليب فقط زوجته نور ام عدي عايشه حاليا بقصر الشيخ سيف

عدي عمره ثلاثين سنه ضابط شرطه انسان عصبي موت ومتعجرف بسلوكياته وعادته ومتمسك بافعال جدودنا الاولين ومن ناحية الشكل طويل مثل عمه او قد يكون اطول وعرض البنيه شي متوارث بعائلتهم ووسيم وشعره كثيف بس قاصه رقم اثنين ومايهتم فيه زياده وعوارضه مخففه مع الشارب بطريقة الضباط

التوام المختلف توليب كتلة مرح وضجه وهبال ولا مبالة 
وتولين هاديه وحنونه موت وتحب عدي بدنيتها لانه هو فقط تبقى من ريحة ابوهم وتوليب تحبه بس تخاف منه اكثر والجمال هم نسخ بعض بعيون متوسطة سوداء وانف متوسط ونحيل وفيه انحدار جذاب وشفايف صغيره ونحيفه بيض بشعر كيرلي قصير
ومتوسطات الطول بوزن معتدل وبالثامنه عشر


الاخ المتوفي سامي توفى بحادث مروري قبل سنتين وعنده ولد واحد وزجته همس ساكنه بقصر سيف لان يستحيل يسمح بطلوعها وكل مسؤوليتها عليه ويربي ولد اخوه مثل بقية عيال اخوانه


وام خليفه اكبر من سيف... 




📚 @rewayatyamania  🇾🇪

.

البــارت 7 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


وام خليفه اكبر من سيف وسامي احلام ارملة وساكنه ببيت سيف هاديه وطيبه مش مثل امها المرحومه ولا جدتها وعندها ولد واحد خليفه ثمانيه وعشرين نتعرف على شخصيته مع الاحداث الشكل طويل وشوي مليان مش عضلات مثل اخواله وولد خاله عدي بس مغرور لان جماله ووسامته تفوقهم ببياضه وشعره الاسود الكثيف مع عوارضه مشابه لسيف وياخذ الدكتوراه بطب من المانيا بدعم كبير من سيف وثلاث بنات هديل وهيا وهند متزوجات


اسامة اصغر من سيف بسنه ومرح بخارج البيت ومع اصدقاءه بشكل كبير بس مع زوجته جدي لابعد حد وبارد شويتين طويل وبنيته عريضه خلقه وملامحه حاده وفيه هيبه يخوف بشغله كاللواء بالاستخبارات جدير بمهنته وذكي وحب وطنه يترعرع بشرايينه

زوجته ديما معلمه اجتماعيات بالاساسي وصغيره بالخمسه والعشرين وعنده بنتين  فقط ديم واديم حلوه وتجنن بيضاء وعيونها كبار ملونه رمادي وانف صغير وشفايفها متوسطه ورسمته حلوووه وشعرها شوي اشقر ولنص ظهرها بقصات حديثه قصيره ومايوضح انها ام لبنتين اللي الصغيره اخذت ملامحها وطبايع ابوها ببروده والكبيره اخذت ملامح الاب وبيت الرماح بس بطبايع الام مرح وضحك واحترام وتهتم لكل التفاصيل بعكس اسامه
وبنته اديم


خيريه ام محمد اكبر من اسامه وسيف واصغر من احلام عندها محمد بالخامس والعشرين واحمد الثالث والعشرين متشابهين كثير بطول متوسط واجسام رياضيه ووسيمين يدرسوا حالياً جامعه واربع بنات مريم على اسم الجده وماريا مروى ومرام متزوجات عدا مرام معقود عليها

خلود اصغر من اسامه بسنه ام بيلار من زوجها الاول وانفصلوا لاسباب بنعرفها وتزوجت بنفس السنه بعد ماخلصت العده من ولد شيخ بمنطقه بعيده بس اغلب اوقاتها معاه ببيت سيف وعنده ولدين بدر عشر سنين وبراء ثمانيه وكيان سبع سنين وبيان سنتين واطباعه غير عن احلام وخيريه ماتنطاق طبايعها بالذات بعد زواجها الثاني

@rewayatyamania المصدر الأول للروايات

بيلار...هذي دلوعة العائلة ودلوعة ابوها وكأنها نسمه الهواء اللي يتنفسه
ابوها غني وكان صديق قديم لسيف عايش بالعاصمه صنعاء وماتزوج وبأي اجازه ياخذ بيلار وطول وقته معاها يموت فيها وماتزوج لانه يشوف انزعاجه من زواج امه يخاف تنزعج من زواجه بس اذا دلعها تستاهل مؤدبه وفيها اخلاق رفيعه

جمااااال فاتن بعيون عسليه وكبيره ورموش كثيفه اطرافهم اشقر ناعسة انف صغيره ونحيفه وشفايف صغار ومليانه وبلون الدم طبيعه ووجهها دائري بخدود مليانه وفيهم غمازتين تظهر بابسط حركه تسويها.. شفايفها قصيره وجسمها ممشوق ورشيق شعرها طويل لنهاية ظهرها وبني فاتح على بياضها وفيها مرح ونعومه ربانيه ودلوعة الكل عمرها سبعه عشر سنه وفي اختلاف كلي بينها وبين عدي حتى بسمها وكاره بشده لتربية ابوها لها اللي بنظره خطأ وضروري لها اعادة تربيه

امينه ام لاربع بنات وعايشه بالعاصمه مع زوجها بناتها امل وامال واميره واميمه الكبيره
بالخامسه عشر ماتحت

الاخت الخامسه سمر بالتاسعه والعشرين عنده
ولدين صغار سامي على اسم اخوها وعدي على اسم حبيبها وولد اخوها وبنت بالثالثه عشر باسم اختها الكبيره احلام مجنونه موت وماتحب الجلوس إلا مع الصغار وبنتها عكسها هاديه ووديعه

سام بالخامس والعشرين بطول متوسط هو الوحيد بين اخوانه ونحيف بس وسيم وجذاب بشكل كبير وملفت بغمزه عيون صغيره وسود حاده وانف متوسط ونحيف شفايف متوسطه ونحيفه دايم مطول شعره ويستشوره على الموضه بس بشكل رجولي مع تصفيف دقيق لعوارضه واناقة ملابسه وكان فيه غرور او ثقه زايده بنفسه ومحبوب بنات الجامعه ونقطة متابعتهن كجمال وذكاء ومكانه اجتماعيه بس بعد الحادث مع اخوه سامي اللي توفى انتكست حالته واصبح معاق واعمى 

اسيل اخر العنقود وجابتها امها على كبر وتوفت وهي بالثالثه من عمرها رباها سيف مثل بنته ويحبها موت ومجنونه بكل تفاصيل الكلمه
ومش مجتهده بالدراسه نهائي وهذا الشي الوحيد اللي ينرفز سيف منها حلللوووه وتجنن
بشرتها زيتونيه جذابه وملامحها بارزه عيون كبار بنيات انف كبير نحيف وشفايف متوسطه ومملوءه جذابه بشعر طويل لنهاية ظهرها طويلة مثل اخوانه وشوي مليانه

وهذي عائلة سيف


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 8 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


باقي بقية الابطال
عائلة البطلة ايلان اب قيم الجامع طيب ومستقيم دارس فقه قديما

والام ربة بيت طيبه وحنونه على الكل

ايلان البطلة كلمة فاتنه عليها قليل بعيون وساااع وسود وكحيلة الرموش الكثاف وحواجبها مرسومه بدقه على ملامحها وانف متوسط نحيل وفيه انحدار فاتن وشفايف صغيره ومليانه شوي بلون الدم وبيضاء مثل الحليب وناعمه بشرتها كبشرة الاطفال ووجه دائري وخدود مليانه مشذبه بحمره ربانيه شعر اسود غامق عكس بياضها وقصير لتحت الكتف بس كثيف وناعم وقاصته بشكل عشوائي اوضح كثافته اكثر وجماله طولها متوسط بجسم عارضات ازياء كوريات وكل تحركاتها فاتنه ملامحها حركات يدينها نظراتها فيها كميه غير محدوده من الانوثه بكل صفاتها من الرقه والنعومه والهدوء والدلال وقويه ماتترك حقها
بالثامنه عشر من عمره


يامين اخوها بالثامنه والعشرين ديانه ومستقيم وهو ماسك بعد ابوه امامة الجامع تبع حارتهم
ويدرس اسلاميه ملامحه وقوره ويستحي الواحد يناظر فيها اسمر وطويل شوي ونحيل
ملامحه عيونه كبار وكحيلات مثل ايلان وزاده جمال الدين ونوره جمال

واخ لها كبير متوفي من زمان وله ولد بس
جارتهم ايلين بطلة بالرواية
عمره بالواحد والعشرين جمالها فاتن طويلة ورشيقه وعليها خصر ملفت وجسمها مشدود ومتناسق
شعرها طويل لنص فخذها واسود كثيف وناعم مثل الحرير وبيضاء وعيونها كبار وسود وانف كبيرة وشفايف متوسطه ومملوءه وشخصيتها طيبه ومرحه وحنونه وسيف كل حياتها ووحيدة ابوها وامها المتوفيه

اروع كلمات كتبت بقلبي
رددي ايتها الدنيا نشيدي ردديه واعيدي واعيدي واذكريه في فرحتي كل شهيدي
وامنحيه حللا من ضوء عيدي

@rewayatyamania المصدر الأول للروايات

اليوم الثاني الصبح كان يعدل الكوت تبع بدلته الرسميه واللي مطلعه عرض صدره واكتافه من تحتها ويتعطر بيروح لشغله رن جواله مد يده القويه وباصبعه الاوسط خاتم من العقيق اليماني الاصيل وحواليه فضه بنقوش مصممه خصيصا له رد برزانه بصوته الرخيم وفيه بحه رجوليه: يا هلا بابو يامين

ابو يامين بحب واحترام: هلا فيك شيخنا والسلام عليكم

سيف يحرك عيونه العسلية والوساع بناحية الغرفه: وعليكم السلام والرحمة

ابو يامين بحرج: احممم بس موضوعك ياشيخ
اخرناه وانا والله منحرج منك

سيف حرك حواجبه العريضه لفوق ويحك بيده اليمنى شاربه المصفف كحركه معتاد عليها
وصمت يتيح لعبد الغني يخلص كلامه وغزاه شكوك عن مقدماته

ابويامين بفرحه: اعذرني ياشيخ لان طولنا عليك وانت شيخنا وكنت اخذت الموافقه بنفس، اللحظه بس مثل ماتشتي وكلمتك امر والبنت فكرت ووافقت ومتى ما امرت تعال واخذ زوجتك

سيف هز راسه برضى: الله يتمم على خير
واشوف ايام ونحدد الزواج ماله داعي التأخير

ابو يامين: اللي تفكر فيه امر واحنا نطبق

سيف بتواضع وهو طالع اخذ محفظته لجيبه ويشوف لساعته الفاخره بسعرها الباهض: ما يؤمر عليك عدو ياابو يامين وان شاءالله على اتصال

ابو يامين: ان شاءالله وربي يحفظك لنا

سيف: تسلم تسلم

قفل ويدخل صالة الطعام لاجل يفطر مع كل افراد العائله بطاولة كبيره وعدد كبير من الكراسي ملتفه حول الطاولة جلس ورد السلام على اسامة وعدي وجلس بمكانه برأس الطاولة

وبجديه: رد ابو يامين موافقة البنت وبحدد الزواج بعد اسبوعين بالكثير

اسامة: والله انت اخذت الموافقه من لحظتها بس ضروري تنتظر ثلاث ايام وكأنك شخص عادي

سيف: اكيد انتظر ويستحيل اتزوج انسانه مغصوبه عليا وهذا اللي بالشرع  وضروريه موافقتها

عدي باحترام ياكل: الله يتمم لك ويسعدك

سيف هز راسه وشافهم: انا مستعجل بطلع وواحد يكلم جدتي منتظره من نفس اليوم ارد لها كلام ومستعجلة على الموعد وخبرها اني قررت ان شاءالله بعد اسبوعين

عدي: ماعليك انت تطمن بس زواجك بعد اسبوعين بس بكون بدورة لشهرين

لف له سيف وكان واقف بهيبته: دورة شاف اسامة..وبحرص: بأي ااساس وانت عقيد ومتخرج من كلية الكبرى بنيويورك وبوظيفتك من سنين  ماسمعنا الدوره ذي

اسامة: لا هو بيكون مشرف ومدرب متطوع ولد اخوك المبادر 

هز راسه بعدم اقتناع: حاول تكنسل عشان تحضر

عدي: ماادري اعذرني والله بس روحتي مش اكيده ومعاي بالعاصمة العقيد شناف ومافي،متطوعين غيرنا

سيف يحك طرف حاجبه: متى بتروح

عدي: بعد اسبوع من اليوم

سيف بثقه: لا بطلب من اللواء يأخر حتى ليوم الثاني من الزواج

اسامه: بس اللواء احتمال يرفض لان صعبه يأخر موعد كتيبه كامل

سيف شافه: اكلمه ومابيرفض وان صعبه يروحوا الله معاهم وعدي ارسله اليوم الثاني حتى بطياره خاصه المهم الزواج وهو موجود

عدي: سوي اللي تشوفه وانا عصاك اللي مايعصاك

شاف سيف لاسامه: انت المسؤول عن روحتهم وعن هذي الدورة

اسامة: ...




📚 @rewayatyamania  🇾🇪

.

البــارت 9 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


شاف سيف لاسامه: انت المسؤول عن روحتهم وعن هذي الدورة

اسامه: لا هذا عبد الله ماله داعي تكلمه انت وتتعب اكلمه انا اذا مصر على وجود عدي وان صعب تاخذه الطياره

سيف رفع يده بعد تفكير: كلمه وان اعتذر كلمني وانا اكلمه بنفسي لان اخاف عليه الطياره خاصه وهو ضابط لا يصير فيه شي، ما احنا بدولة امان

طلع بهيبته متجه لسيارته الفخمة ليقف سائقه بأستقامة ليفتح له الباب الخلفي

ركبها ليغلق الباب باحترام ثم يعود لمكانة خلف عجلة القيادة وحرك لشركته الخاصه بالعقارات

@rewayatyamania المصدر الأول للروايات

اسامه: مااعتقد احد يمسك عدي وانت ولد اخ الشيخ سيف والله ليحرقهم من راسهم لساسهم

عدي بتأييد: اكيد بس تعرف حرص سيف الله يسلمه من كل اذى يخاف يتأذى احد مننا ولو بشي بسيط

اسامة هز راسه تأييد

عدي طلع بعد عمه واسامه تأخر بضيق منتظر زوجته ياخذها لبيتهم مايحب يطلع وهي معاه لو يشوفه من العساكر تبعه او اصدقائه ينحرج

نزلت ديم وعليها تنورة بيضاء نافشه لنص الساق وتيشرت زهري جينز منقوش بابيض، وجزمه اعز القارى زهري وشعرها اسود وكثيف بس مقصوص لنص رقبتها ومرفوع طرف من شعرها ببكلة زهريه اوضحت نعومة البنت وامها ديم بتفاجؤ: بااابااا موجود

فتح يديه وضمها: ايه موجود ايش الجمال هذا فديتها شبيهة البابا وين امك واختك

اشرت لفوق جايات

شوي ونزلت ببطء وبرود اديم وبنفس ملابس اختها وتسريحه شعرها....شافت لابوها وجلست ببرود

رفع حاجب اسامه وبنفسه: والله وجاء يوم تتجاهل فيه يا اسامه هذي النتفه كوبي امها تطنشك وانت عريضي الشوارب يرتعدوا لو لمحوا اثرك وببرود: ادييييم مافي بوسه لبابا

اديم تلوي فمها وبملل: ماله لزوم

عصب من برودها وعلى نزول ديما زوجته
البعيده القريبه: والله وربيتي يا استاذه

ديما: ايش اسوي لها نسختك وتعبت مع طبايعها

عدلت غطاها على شاشة الجوال وترفع يدها: برودك هذا لذا لا تعصب عليها هااا

قبض يده: اقولك اسكتي بس والله يعينني على ذا اليوم اللي تصبحت فيه على وجهك ومزاجك

ديما بقوة وتطنيش: بيكون كله خير وبركة وتشوف

اسامه ياخذ اشيائه وقبعة زيه اللي تكمل صورة هيبته..... واتجهوا للسياره مع حلطمته.... ننننن بلاش كلام المسلسلات ذا وبسرعه واخر مره اخذك تشتي تروحي بيت ابوك اتصلي باخوك والله معاك

ركبت قدام بتسلطن وشكلها معه كبنته مش زوجته: اركب مع الجميع بس على حسب مزاجي واليوم جاء بمزاجي انت تاخذني

رمقها بنرفزه: يعني شغل عنااد وتعرفي ضيقي من الموضوع ذا

ضحكت بدلال وتضرب كتفه المعضل: لا مش عناد بس دلال قوول

اسامة بخبث واستغلال: تدللي ولك اللي تشتيه بس بعد ماتوافقي على طلبي وقراري من سنتين

حطت رجل فوق الثانيه: لااااا مش موافقه واذا بوافق بشروطي والله معاك وكأنك الآن تفرق عن بعد شروطي لا ان ضغوط وهم ينزاح من على كتفي اكثر

رفع حواجبه بنرفزه: همم هااااا يابنت عدنان

ضحكت ولاكأنها انثى تعاني بحياتها الزوجيه كثير وكثير من العقبات والشكوك: هم وغم
ههههههه هااا وصلنا حضرة اللواء وبتتخلص مننا بايوووو

نزلت بتطنيش وتفتح للبنات وحاسه بنظراته الحاده لفت عشان ترفع ضغطه وتأشر بيدها البيضاء المصبغه بمنكير اسود وشافت ارتباكه واغلاقه للباب بسرعه وحرك 

دخلت مع بنتها بيت ابوها وتتمنى لو ماترجع لبيته لان بين عقلها وقلبها حروب توقد بصدرها

♡♡♡♡

شركة يزن
دخل بهيبته وصدر مرفوع لفوق ويشوف شوشره داخل الشركه شاف لانشغالهم وتجمهرهم حول جسد صغير ومليان شوي بملابس بسيطه من شورت للركبه بيج وبلوزه خمري مماثلة لزي  العمال تكلم بصرامه

.....خيييير ايش الشوشره هذي وليش متجمعين

ضحك سكرتيره: لا ياعمي بس شكل انضم لنا عامل جديد وحبينا نرحب فيه

عقد حواجبه وشاف للصغير بملامح حاده وجميله عيون كبيره وسوداء وفم صغير وانف نحيلة ومنحدره....

الصغير بصوت مرتفع وجريء: انت عمي يزن 
المدير انا سيف وعمري رفع يديه بشارة خمسة وبشتغل عندك مع بابا واوصل طلباتكم

جثى على ركبته يزن واذهل الموظفين بس جاذبية الصغير لاتقاوم: ومنو البابا تبعك وايش الطلبات اللي بتوصلها ورفع يده يحرك شعر الصغير الاسود ومصفف بطريقة الكبار مرفوع لفوق وفيه هيليوم

بعد يده بانزعاج الصغير وجديه: انا كبير لاتخرب شكلي عمي

ابتسامه صغيرة غزت وجهه بس سمعوا الصوت المتهدج ينادي بوهن: سيف يابه وينك ياابني

رد احد الموظفين: اوووه عمي مؤمن هذا ولدك


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 10 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


رد احد الموظفين: اوووه عمي مؤمن هذا ولدك

استبشر العجوز مؤمن براحه: اللهم لك الحمد ليش ياسيف تروح من جنبي خفت تطلع الشارع وتطنش توصيات امك وشاف لمديره وبربكه وخجل: يزن ياولدي اعذرني والله اخر مره اجيبه معاي وازعجكم ووقفت اشغالكم ياولدي السموحه منك

يزن ابتسم: لا سيف بطل ماازعجنا وراحتك جيبه كل يوم بس هااا مايطلع الشارع البطل تمام

سيف بابتسامه: تمااام عمي تأمر

ضحكوا الموظفين وتوسعت شوي ابتسامة يزن وامر الكل لشغله وراح مكتبه

♡♡♡♡

ايلان ببكاء: يابه اسبوعين لااااااا مانيش، مستعده والله كيف اكون ببيت ابي وباسبوعين انتقل لبيت اليشخ كزوجته

الاب بحزم لاول مره لان من ساعه يحاول يقنع بنته بس تلكلك باعذار واهيه: يابنتي هذا كلام الشيخ ايش تظني ارفض لا مستحيل ومهرك جابه الشغال عنده والمبلغ مضاعف عن العادي

ايلان: مضاعف المغرور وماجاء مثل بقية الشبان لبيت عمهم ابو زوجاتهم ومعاهم الوسيط من عند العريس ويوصل طلبه لابو العروس بس هذا لا طلب بالمسجد بعد الصلاة وماجاء لبيتهم وهذا يزعجها بس هه الشيخ مايتنازل كيف بعيش معاه ياااارب ولا جاء قبل لا يحدد زواجه وتموا على الشرط والمهر واشياء بينهم بس حضرة الشيخ كل شي يأمر فيه يتنفذ ياكرهي لك اكثر واكثر... ووين عدله ما يسوي اللي سواه غيره..

الاب: ابدأي تجهيز من بكره مع امك وجارتك ايلين والله يوفقك

وقف وراح لغرفته وراحت ايلان ببكاء ونرفزه لغرفتها رفعت شعرها الناعم لفوق بسهولة وعشوائيه وتساقطت على وجهها الفاتن بعض الخصلات

رفعت جوالها تتصل بايلين وتشكيها عن اللي صار والثانية فرحانه ومتحمسه لبداية التجهيزات مما عصب بايلان وقفلت الجوال بوجهها رمته على السرير ورمت جسمها الغض جانبه وبدأت تبكي تناقض بعقلها ويتردد بمسامعها كلمات الوصية  وتزيد عزيمتها وقوتها متجاهلة انها بتكون زوجه لشيخ كبير وكلمته لايثني عليها

@rewayatyamania المصدر الأول للروايات


عصر اليوم الثاني
متجمعات كلهن بغرفة الجلوس الواسعه باثاث فخم

مرام: وووااااووو زواج خالي سيف قريب
اخخخ نتدلع يعني مثل المره السابقه
ياكرمك يا شيخنا

لوت فمها اسيل: ياكرمك وكأنه من ميزانية ابوك والا زوجك ابو كرش اللي تكلم عليك ونسي ومن عام تسع ميه وخشبه وانتي معقودة عليه وهو ولا تمم واخذك وفك اخي من غرامتك

مرام ترفع ضغطها: مالك خص خالي كريم وانا استاهل ومالك دخل بزوجي

اسيل: الله يقرفك زوجي وووععع خلي جدتي تجي تعلمك كيف تقولي زوجي على طول ماعد باقي بنات يستحين وينك يازماني وكافل الارامل اخي بيكسر بكسوة الجمهور ذا ياقهري على خسارتك اكيد هذي عيون الناس وتطلع فلوسه على صرف لكسوة حشد من النسوان وكلهن محارمه اوووف بس اوووف

تجاهلت مرام اسيل وهي تتحاور مع هيا بنت خالتها

دخلت ديما وبناتها وجلست جنب همس
وتخلع الغطاء: وردت السلام بنرفزه...

توليب: اوووف اشوف تدلعت ديما وتمسي ببيت ابوها

ديما بكذب ودلع: من حقي ادلع وزوجي اسامه ربي يحفظه متسامح ووديع

فتحت فمها اسيل: زوجك اسامه متسامح ووديع ليش عندك زوجين من خلفنا ومانعرف اما هذي الصفات بعد المشرق عن اسامه  اخي اللي هو زوجك اللي بالظاهر ونعرفه

ديما بنرفزه من غباء اسيل وبجاحتها: اثنين ازواج يا ام غباء جد ماعندك عقل

اسيل بتطنيش: لا حببتي عندي عقل ولان ذكي استنتجت كلامك والا المواصفات هذول مش لاسامه اخي للمعلومية

ديما تدلع وتهز جسمها بدلال: لا هذول صفاته بس خاصه بديما زوجته فقط ديما فقط وبنغزه... تذكري حبيبتي بديما خاصه فقط

اسيل ببرود: يا ثقل دمك ذكرتيني بصف خامس وانتي ترددي قبيلة قتبان قبيلة يمنيه قبيلة قتبان قبيلة يمنيه وع وع لاتتكلمي قدامي نهائي

نفضت ديما شعرها وصمتت عن ثقل دم اسيل وتحضر كلام لاقناع اسامه بعد مامست ببيت ابوها وماكلمته غير برسالة
.
.

عند ايلان بعد المغرب وصلين من نص ساعه فقط وطول اليوم لف ولف بكل الاسواق وجهزين الذهب وبعض الفساتين الفخمه وتحاول جاهده تجهز اشياء فخمه وتناسب مكانتها كزوجة الشيخ رغم رفضها له بس يستحيل تتساهل وتكون بمواقف بايخة قدام اسرته
وتسمح لاشخاص انتقاصها او يتمسخروا عليها وانها ماتستاهل تكون زوجة الشيخ وتدقق بكل شي ضروري الفخامه والبذخ بقدر كبر المبلغ اللي جابه ولمسات رقتها ونعومتها ماتتخلى عنها كشي بروحها مهما حاولت تميل للفخامه
وبمساعده من ايلين سهلت عليها كثير اشياء


https://tttttt.me/rewayatyamania/52368



📚 @rewayatyamania  🇾🇪

.

البــارت 11 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


عند سيف بغرفته الواسعه بجناحه المنفرد بالدور الثالث كامل ياخذ راحته بعد صلاة العشاء ارسل لمدير الصالات يحجز له اربع صالات عشان ضيوفه وللمقوت.. اللي يبيع القات يشتريهن من الرعيه وينقلها بعد تغليفها للسوق.. بس بيحجز له الكميه الكافيه لكل الضيوف ويزيد..القات من الضروريات بضيافه لكل عرس وعلى حسب منزلة الشخص ببعض الاشخاص يقدموا له قاته من انواع مشهوره باليمن واسعار متفاوته بين الباهض الثمن والمتوسط والعادي بس سيف حجز من اغلى انواع القات للكل وبدون تمايز او مكانات اجتماعيه يخزن القاصي والداني

فتح جواله متلقي مئات الرسايل تبريكات بعد مانشروها عدي واسامه وعيال خواته محمد واحمد وخليفه بصفحاتهم على الفيس بوك

مصدع من كل شي ويله خلص الشغلتين اللي بيتكفل هو فيهن عشان وجهيته والباقي على اسامه وعدي ومحمد واحمد وهو بيسحب يده بيتصل ويعزم صديقه من الطفولة فقط واللي تقريباً من زواجه السابق ماشافه

@rewayatyamania المصدر الأول للروايات

بعد يومين
ديما بالليل نيمت بناتها ومنتظره اسامه يرجع لو غافل اخوه سيف مايرجع إلا عشر بالليل بس بعد ماألزم عليه من بعد صلاة العشاء وهو بغرفته مثل ما حكم الله بكتابه سمع له ويترك اصدقائه بس جسديا بس حسيا لا طول وقته بالجوال يتواصل معاهم ومايغلق إلا اذا عرف سيف ورن عليه قفل الجوال مره واحده

دخل غير ملابسه وجلس على الكرسي بجانب السرير ومزاجه منقلب بعد القات مايتكلم إلا همهمه

ديما جلست جانبه وبتردد لان تحس بذنب وكره ليش الجوال بيده وبشكوك معقولة كل هذا التعلق يكون اصدقائه والا الكلبه اللي شاكه فيها ولو بيدها موتتها بس مش بيدها وتراجع افكارها ووسوسات الشيطان واستغفرت: اسامه لو سمحت

اسامه ويده على جبهته يمسدها باندماج مع الجوال وتأثير القات: هممممممممممم

ديما عضت شفيفها: احمم بخصوص قبل يومين لما رحت بيت ابي

اسامة شافها ورجع للجوال

ديما بسرعه نطقت: اعتذر لان مسيت وكان خواتي، موجودات وما خبرتك غير برسالة

اسامة شافها شوي وكأنه يتذكر.. ببرود: خلاص نمتي هناك ومضى بعده يومين ليش تعيدي وتشرحي يعني تشتي مشكلة والا ايش

انصدمت ديما وهي اللي ضميرها يأكلها ولا لا توصلي انك تتجاهلي زوجك وماتخبريه غير برسالة بس والله هذيك قدره وحضرته ماحس
ونسى يمكن ارتاح وفضى له الجو يسوي اللي يحلى له استغفرت لان شكوكها ماتهدى من ايام  وبالذات بعد اصراره وقفت بنرفزه واتجهت للسرير تنام متجاهلته ومتجاهلة شكوكها

♡♡♡♡♡♡

بشركة يزن اندق بابه وكان بيده اوراق يشتغل فيهن تكلم بحزم: ادخل

شوي وافتتح الباب رفع يزن عيونه من فتح الباب بطريقه بطيئه بس شاف يد صغير تفتح وبعدين ظهر له الجسد الصغير وبيده كوب القهوة والماء

يزن بابتسامه خفيفة: اوووه سيف ادخل ادخل

وقف بطولة الفارع وتقدم من الصغير: من اللي خلاك تجيب لي القهوه

سيف يقدمها له: ما احد بس انا اساعد بابا

يزن اخذ الصحن وحضن الصغير ووقف متجه لكرسيه ويشوف ملامح الصغير الجميلة وفيه شبه او ملامح معتاده له: انت لا تشتغل اجلس شوف الموظفين كيف يشتغلوا واذا كبرت شغلتك معاهم

سيف يحاول ينزل من حضنه: لا انا كبير وبشتغل اساعد بابا ونزلني ماما تقول لا اسمح لاحد يضمني رجال غريب

تعجب من جملته ونزله بسرعه واعجاب غزاه لتربية الصغير ونظراته ماارتفعت عن تحركات الصغير

دخل السكرتير وابتسم: هههه حتى انت يجذبك  سيف ياعم

شافه يزن: ما شاءالله الله يخليه لاهله

السكرتير: ايه ومصر يشتغل هو لاكبر ياعم بيكون منافسك بالاسواق مع شغفه ذا يشتغل ويساعد ابوه

يزن شاف الصغير: ان شاءالله ما اكره الخير للعم مؤمن

السكرتير: ان شاءالله

يزن: وين الاوراق تبع المواد اللي جايه

السكرتير ويساعد سيف يطلع ومد له الاوراق وطلع وماسك الصغير ويزن انشغل بالاوراق اللي قدامه
♡♡♡♡♡

قبل الزواج بثلاث ايام
كان صوتها عالي وهي تكلم بالجوال والسبيكر تبعه مفتوح: والله انك بتيجي وكله ست ساعات وانتي عندنا مامليتي من ابوك كل شهرين وانتي عنده بس والزواج بعد ثلاث ايام بس ولو تشوفي طلبنا كلنا شكل واحد وكأننا موظفات بمطعم بس هذي افكار هند بنت عمتك وجاءت امينه وبنتها قبلك ياكلبه وانتي بس اللي غايبه عن الجمعه والرقص فاتك فاتك ياهبلا

مسكت راسها بنعومه وصدعت من ثرثرة اسيل: لا انا ما بحضر إلا يوم الزواج

قاطعتها اسيل وتوليب بصوت واحد: ايييش
والله نتحديك تتأخري كذا

بيلار: ههههههه اذني احتاج اسمع فيها
وخلاص كنسلت ولابحضر نهائي الا لو تلقيت الدعوه من شيخنا والعريس نفسه

لوت فمها: احمدي ربك انا اخته

بيلار ترفع ضغطها: لا الدعوه من العريس ويكون شيخ لها شوق غير وست ساعات وانا عندك

سمعت صوت مختلف بالجوال خلاها تموت خجل: ...






📚 @rewayatyamania  🇾🇪

.

البــارت 12 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


بيلار ترفع ضغطها: لا الدعوه من العريس ويكون شيخ لها شوق غير وست ساعات وانا عندك

سمعت صوت مختلف بالجوال خلاها تموت خجل: خلاص يا بنت اسر معزومه وهذي الدعوه من العريس كفيتك

بيلار تلطم خدها على خفيف من الخجل: ايه خالي والله احراج منك واسفه وانا كنت بجي وشناطي مجهزه بس ارفع ضغط اسيل

سيف بابتسامة: يله توصلي بالسلامه ومن قدك حصلتي على الدعوه ومادعيت احد غيرك انتي وصديق قديم لي وحتى امينه عزمها اسامه

بيلار: تسلم خالي ويارب يسعدك والله متشوقه اشوفك ببدلة العريس ولو تدخل لعند النسوان يتخبلين

سيف ضحك على عفويتها: ايش يدخلني عندهن يله اجلس مع ضيوفي

بيلار: يعني مابتدخل مثل بزواجك من ايلاف

سيف: اكيد مالي ووجع الراس واخزياه ادخل عند نسوان

اسيل فرحت انها بتيجي وبمقاطعه: ماعليك هذي غيروها اهل صنعاء والا شيخ بطول وعرض ويدخل عند نسوان ماتنطبق

ودع بيلار ونبهها تكلم ابوها يجي ويجلس ليوم الزواج واعطى الجوال لاسيل واتجه لغرفته

اسيل: واخيراً بتيجي يا حماره

بيلار: هاااهااا كنت بجي من البداية وفي معي مفاجأة سويتها بشكلي بتشوفوها لا جيت

توليب: ايش ذي

بيلار: سربرايز حببتي وبايووو لا تشغلوني

قفلت اسيل وفيها فضووول ايش سوت بيلار
تفكر مع توليب وتولين ومرام ايش سوت ايش ايش

اسيل بعد وقت: اوووف حسيت مع التفكير بجوع بروح للمطبخ اكل

البنات: الله معاك

توليب: وجيبي لي من اللي بتاكليه مكسلة اجي بعدك

لفت لها بنظره وتجاهلت وهي متجهه للخارج باتجاه المطبخ اللي يطبخ فيه شيف كبير بسن وكل وجبه يجهز وجبه خاصه

@rewayatyamania المصدر الأول للروايات

♡♡♡♡♡

كانت تحس ان جسمها مكسر ومن قبل خمس  ايام حمامات مغربيه وتقشير بشره و و مناكير وبدكير مع ان كان شكلها مافيه ولا غلط بس ضروري عروس وزوجة شيخ محط انظار الكثيرات

لفت وشعرها مرفوع لفوق ومحطوط عليه انواع فاخرة من البلسم: اوووف ايلين تعبت

ايلين تعدل اظفرها: انتي عروس حببتي ماتتعب

ايلان: خلاص ايلين لا ترددي الجملة ذي كثير ملييييت

تقدمت مديرة الصالون: ايش مضجر شيختنا
تقدمت تشرف على الاشياء بنفسها باهتمام وتسأل العاملات... هااا اهتميتوا بزوجة الشيخ

العاملة: اكيد

شافت لها المديره وايلان تشوف لاظفرها مصففه بطريقه جديده وجميلة شافت للمديره وتسألها اذا احتاجت شي وشكرتها بتواضع

ايلين: والله مهتمه فيك المديره ولولا انها سوت لك القصه لشعرك بنفسها والصبغه والمساج وكل شوي وتشرف

ايلان بابتسامه: واجبها مش زوجة الشيخ

ايلين بتفاجؤ: واخيرا اعترفت الاخت هاا زوجة الشيخ شوفيني عازبه منتفه ابرد اظافري بنفسي وماقالين صديقة زوجة الشيخ

ايلان تجاريها: خلاص بسوي فيهن شكوى واذا جت المديره طلبت لك عاملتين

ايلين تعدل ياقة البلوزة: شكراً شكراً
هذا من واجبك

ضحكت ايلان وتنهدت بتعب وبعد وقت خلصت كل انواع الحمامات بالحليب و و اتجهت للكوافير زينت وجهها وسرحت شعرها ويفي ناعم رفع طول شعرها لحدود الصدر وجهها بميك اب بشادو تدرجات الترابي وروج لحمي هادئ برز شفايفها برسمته المبهره وطقم صنعاني والفضه على جبينها وصدرها بفخامه وفستان فصل كل ملامحها الانوثيه والفضه من قدام لتحت الركبه ومن الخلف ذيل طويل خلفها باللون الاسود ونقوش بين الاحمر والذهبي


وايلين بفستان ناعم بقماش ونقش صنعاني ابرز جسمها الريان بفتنه وتقريبا نفس الزي يلبسوه كل صديقات العروس وجيرانها ووصلت بعد وقت وكان بيتهم مكتظ بنسوان الحاره وصديقتها والكوشه تبعها مزينه كامل بالزينه الصنعاني وورد طبيعي والشذاب ريحته تملي المكان

جلست وتتلقى التبريكات من الكل وهدايا مختلفة ورقص ونشاط وايلين ملازمه لها طول الوقت

لفت لها بعد روحة الحريم كلهن: اوووف متى اتخلص منك ايلانو طول اليوم ماشفت ولدي

ايلان: ولدي يا بجاحتك هذا اخيك وهو مع ابوك ليش تقلقي

ايلين: مش قلق بس شووووق

ايلان رمقتها بنظره وضحكت ايلين وهي تودعها على وعد تروح معاها صباح اليوم الثاني للنقش

وايلين صعدت غرفتها وشبه مستوعبه اللي تعيشه من اسبوعين وكأنها بخيال مستمر ولا شكله بيخلص

خلعت الفضه الثقيلة واللي جابه لها يامين اخوها اجمل انواعها واشكالها ووصته مايكون الطقم ثقيل يضايقها





📚 @rewayatyamania  🇾🇪

.

البــارت 13 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


جلست وتشوف وجهها بميك اب ابرز عيونها واتساعهم خدودها بكنتور ابرز شكله الحلو اكثر شعرها بقصه جديده وترند..عصريه.. وصبغه مناسبه لبياضها وسواد عيونها خلوه شوي بين الاسود الغامق مخصل ببني غامق والاطراف افتح كان ممزوج بشكل مبهر ويرضي انوثتها بس لو بوضع مش وضعها وهم ارتكز تفكيرها بالانتقام الانتقام وبس لا كيف بتكون حياتها مع زوجها وكيف بتكسب حبه و و و اشياء تشغل بال اغلب العرايس بس هي لا ورغم ان عريسها مش اي عريس رفعت جوالها الحديث اللي ارسله لها مع المحبس اليوم الماضي وجابته اخته الكبيره وبناتها اعتقد واخته الصغيره يمكن وبنت اخوه حست معاهم بساطة رغم مكانتهم الاجتماعيه وتحس بتكيد ميول شكوكها للشيخ نفسه سبب موت اختها بهذيك الحالة والسرعه وسبب كلمتها الموجعه بداخل الوصيه ايش سويت فيها ياااااسيف ايش

التقطت صوره بشكلها وطلعت للمعرض شافت في الجهاز صور لشاااب قمه بالوسامه ولما دققت تأكدت انه هذااا عريسها نفسه حست ان شي يشدها لملامحه رغم هيبته وقوته إلا ان فيه رزانه تحترمه لشكله وبشرود ترى كيف بيكون صوته وحواراته ومواضيعه اللي يتكلم عنها وايش الشي المختلف فيه عن شباب كل عائلتهم وعن بقية الشيوخ وله كل هذاك الشهره والود من الكل

ترى يكون يمثل ومتقمص والا ليييش اختها ماتت وبالكبد وهي قبل ايام متعافيه وفاحصه وسليمه ليييش ترى كل الحب من الناس والشكل ذا بكل الرزانه والوسامه يط.. قطعت افكارها وطلعت بهروب وسرعه من الصوره ورمت الجوال على السرير ودخلت الحمام اكرم القارى وبتستحم وتنام بالذات ان امها وصتها لاتسهر عشان ماتتعب بالايام الجايه والاكيد المرهقه لها

@rewayatyamania المصدر الأول للروايات

بيت الشيخ سيف
واحده الصباح وصلت لبيت خالها وشوق جارف لكل افراد العائلة

ودعت ابوها ودخلت بعد ما اتصلت بخالتها احلام  تفتح لها ونبهتها لا تخبر احد

ودخلت غرفتهم كلهم البنات واسره لكل واحد رغم كثر الغرف بس رغبتهن ينامين كلهن بغرفه شافت لهن وكل واحده نومه على شخصيته

وتوليب عافسه السرير كامل
وتولين هاديه ومغطيه ومايظهر منها غير وجهها واسيل عاكسه نومها بعرض السرير
ومرام عادي نايمه على ظهرها وبنات خالتها امينه الصغار موجودات اتجهت لسريرها بتعب وببطء وخفيه لان لو حسوا فيها يستحيل يسمحين لها تنام وتسطحت ومن التعب غطت بنوم عميق

وبعد وقت مش طويل سمعت صوت جدتها اللي فقدته من شهرين ومشاجراتها كل صباح عليهن يصحين الفجر جت بتجلس على سريرها وفزت بهلع: بسم الله من هنا روح البنيه وجسدها بالعاصمه

ضحكت بيلار بخفوت

الجده: ياساتر يارب سكنهم مساكنهم مااتوهم روحها حقيقه هنا

ماقدرت بيلار تصبر وضحكت بصوت مسموع

الجده: هه هه عفريت ويضحكك مدت يدها لرقبة بيلار تخنقها... ليش نايم مع بناتي هااا وقوم من فراش المسكينه بتيجي اليوم ومالك مكان بينهن

بيلار: هههه جد هههه جدتي انا بيلار

الجده: اقرأ اول وتمتمت باايات قرانيه وبيلار فاقعه ضحكه

رجعت الجده تسلم عليها بشوق وتسألها عن حالها واحوالها وبيلار تجاوب بحب وشوق

لفت الجده وتمد عكازتها وضربت اسيل: يا خبلا اصحي يله صلي وهذي بنت اختك جت وطول امس وانتي منتظرة

اسيل بكذب: متى ياجده استغفري استغفري

الجده ضربتها وتحلطمت

اسيل وتتجه للحمام اعز القارئ

الجده: اللي مافيها خير تكذبني

بيلار: تكون مااستوعبت والا بتفك سيل من الكلمات اعجز ارد شوي وتشوفي ردة فعلها

طلعت وصلت وصحت مرام وسلمت على بيلار وراحت تتوضى وتولين مثل وتوليب تسلم عليها بحراره وشوق وحست فجأة ببوسه قويه على خدها وصراخ: وحشششششتيييينييييي
ياكلبة ماتسألي عن خالتك هاااا نسيتيها خالتك خالة المليون اكثر بنت خالة لعدد من الاشخاص بالشرق الأوسط وبدخل مجموعة غينيس

ضحكت بيلار وتضمها بنعومة: وانا والله اشتقت لك ولخالة المليون والله

شافت بتدقيق ايش المفاجأة وقفت بيلار: لا اول اصلي بعدين اقولكن اتجهت للحمام اعز القارى بعد مالبست روب صلاتها الزهري
صلت ولما خلصت

البنات: يله بيلار ايش المفاجأة

بيلار تتلفت: راحت جدتي 

اسيل: ايه

وقفت وتفتح شعرها واللي صبغته بالعسلي  وخصلات شقراء ناسب بياضها وعسلية عيونها  وقاصته اناناس ابرز كثافته وطوله لنهاية ظهرها وصار شكلها وكانها ممثلة خارجيه

البنات بصوت واحد: وووااااووو تجنني

بيلار تحركه بدلال: هذا من ذوقكم

اسيل: والله لاصبغ مثلك

بيلار تعاندها: مابتسمح لك جدتي وانا منتظره محاضرتها الطويلة اللي مابتخلص

توليب بإعجاب: والله نفسي اسوي مثلك

ضحكت بيلار: اذا جدتي بتسكت لاسيل ولي بس انتي هههههه معاك الرجل الحجري ومالي دخل فيه وفي عجرفته وكل شي اتحمله انا او كل شي تسونه انا السبب

توليب: ايه والله...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 14 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


ضحكت بيلار: اذا جدتي بتسكت لاسيل ولي بس انتي هههههه معاك الرجل الحجري ومالي دخل فيه وفي عجرفته وكل شي اتحمله انا او كل شي تسونه انا السبب

توليب: ايه والله صدقتي بس في شي ثاني متغير بوجهك

بيلار: سويت تقشير وحمامات وشقرت حواجبي واصففهم بطريقه ترند

توليب: لا والله ماحواجبي لا تسويهم لي وما بينتبه عدي اما شعري خلاص بتركه على شكله الاساسي

بيلار جتها فكره بس ما تسخي.. ماتتحمل على توليب ويشاجرها المتحجر بس يله ارفع ضغطه ليش يدعي عليا خلا له الجو المتعجرف والكريييه: خلاص تمام اسوي لكن وجبت كثير تشقير

اسيل: ايه عاشت عاشت بيلار مايدلعنا الا انتي والكل يرددوا شابه زينتها الكحل والماء بس 
يرفعوا الضغط

بيلار: خلاص بوجود بيلار نكسر الظاهره ذي اللي ببيتنا بس موجوده

توليب بحماس مع مرام: على يدك

بس تولين صمتت لا مؤيده ولا معارضه بس تشوقت تغير شكلها وتشوف كيف بتصير لان بيلار اضاف لها لمسات انوثيه جذابة رغم جمالها

@rewayatyamania المصدر الأول للروايات

طلع من غرفته واصوات الزفه ماليه القصر
نزل وعنده بجواله شغل يدقق فيه صدع من الاصوات الكثير بالغرف كامل وبالذات بغرفة الجلوس تبع النسوان تقدم لباب الغرفه بضجر وصمتين للنهاية

سيف: اصواتكن توطينهم مفهوم احنا ببيت مش سوق شاف لاحلام بحزم وكأنه يوكلها المسؤوليه

الجده: الله يبرد عليك ياابني هديتهن والا راسي انشق وشوف بنت الصنعاني كيف مشوهه نفسها وبنات خالاتها والخبلات التوم والله لو عرف اخوهن يولع فيهن

شاف بضجر وصمت

تقدمت بخجل بيلار من كلام الجده...سلمت عليه

سيف: الحمدلله على السلامة

بيلار: الله يسلمك ومبروك زواجة العمر

هز راسه

اسيل: سيف ماكنت عارف ان بيلار هنا

سيف: عرفت بالدقيقه اللي وصلت كلمني الحارس وجلست مع ابوها وقت بس خليتها ترتاح شاف بيلار بحب: ارتحتي نمتي ما ازعجوك البنات

بيلار: ايه الحمدلله وانا تحت جناحك ومسؤوليتك فخر وراحه بحد ذاتها

ابتسم لها برجولة: تسلمي يابنت ابوك تسلمي
وباستفسار..سلمتي على امك

انقلب وجهها: لا هي كانت مع زوجها بقسمهم ومارحت

سيف: احسن ماسويتي ولا طلع زوجها رحتي سلمتي عليها تمام لان غلط تروحي وهو بنفس الجناح

بيلار: تامر امر الله يحفظك

طلع والتقى باسامه وولاد اخته وعدي وجلسوا بمجلس الرجال ويتحاوروا على التجهيزات واشياء خاصه بالضيوف والضيافه والفنان و و
لا محدود من التجهيزات


♡♡♡♡

يوم الزواج
من الساعه عشره الصباح والضيوف بدأوا يحضروا واللي ممسين عنده من اليوم الماضي

وسيف كان بقمة اناقته الفخمه بثوب ناصع البياض وجنبيته العريقه بثمنها المليوني ويوصل للمليون دولار من اصولها وتاريخها بحد ذاته وكل اللي لبسوها شيوخ وحزام على صدره يشد عضلاته المفتولة ويحددها بشكل رجولي فخم ومصفف عوارضه بدقه وفخامه مع شعره الكثيف والاسود ويرحب بالكل وجالس بنص المجلس

ابتسم على دخول صديق عمره اللي تقدم له ويسلم عليه بحراره متبادلة من كلا الطرفين
سيف: يا الله حيا يزن

يزن: الله يحييك ومبروك يا شيخ

سيف: يبارك فيك والعقبى عندك

رفع يده اعتراض: كافي مره وفشلت ماعاد لي نفس

سيف: وهذيك المره ماتنحسب لان كنت ببداية مراهقتك ولا انت هذا يزن اللي قدامي لان اختلاف شاسع

يزن: قلتها بداية مراهقتي وكنت لين شوي ولان صرت حديد مااعتقد بقدر نهائي

ابتسم سيف بثقل: لا بتيجي ملينة الحديد

يزن: لا مافي لا صدأ اصدي اما ملينه خلاص اذا القلب انكسر مافي شي يرمم شروخه وانت تدبست وتدبسني معاك اخلص اسلم على ضيوفك وارجع لك

سيف: خذ راحتك

وتقدم منه ضيف وهو سلم عليه بترحاب وفخامه وشاف قدام وانصدم بدخول الشخص تقريباً من سنتين ماشافه بين رجال وقف ومباشر وقوفه وقفت كل الضيوف تقدم

شوي بترحاب بـ ساام اخوه واللي يدهفه سامي ولد اخته.... سلم عليه سيف بحراره وقلدوه الحضور بعطف وشفقه وقدمه سيف لجانب كرسيه ونقله على الكرسي بجانبه وفرحته تضاعفت لان بدخول سام وانه كسر حاجز العجز والوحده

واكتمل وجود اخوانه وعيالهم بعرسه عدا اللي بديار الاخره وبدأ الدق بالخارج بالطبل والطاسه..الة شعبيه يمنيه...دق برع رقصه يمانيه اصيلة وبدوا فرق خاصه وبزي ثوب ابيض وستره على الكتاف سوداء مقلمه بخطوط طوليه ابيض ورقصوا بشكل متناسق وحوالينهم يزفوا العريس ومجموعه من شباب الحاره يرقصوا بالجانب الاخر

دخل بينهم اسامه ورقص وعليه الثوب والجنبيه باهظه الثمن بس مش بمقدار جنبية سيف ومعاه محمد واحمد رقصوا وكلهم بالزي اليمني التقليدي
وانقلبت الموسيقى للرقصة البوريشه..يمنيه الاصل
ومع الموسيقى..

ودخلوا فرقه بزي المعوز...





📚 @rewayatyamania  🇾🇪

.

البــارت 15 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


دخلوا فرقه بزي المعوز موحدين اللون والرقص اللحجي حوالين العريس وبجانبه سام وكرسيه لان لما طلعوه بالزفه اخذ، معاه سام وكرسيه لان لما طلعوه بالزفه اخذ،معاه سام وكانه يشتي يشاركه بكل ثانية من يوم زواجه ولو بيده بيخليه ملازم له طول الوقت

وعلى وقت الظهر حضروا اصدقاءه الشيوخ وصفوا معاه من قبائل كثيره ومعاهم بنو عمومتهم وازدحمت الصالة الواسعه بشكل كبير وانتقلوا لوليمة الغداء لاثنين من المطاعم الفخمه وعلى حسابه وبعدها انتقلوا لاربع صالات ضخمات توزعوا فيها وسيف يرحب بالكل يعرفه او يجهله ويتنقل كل شوي لصالة واللي مكتظات بالحضور وعدد كبير من النجوم منهم منشدين ومغنين وممثلين و و بس ضايف الكل واكرمهم بشكل يليق فيه كسيف ابورماح وشيوخ ال مدين..

ملاحظة: القبيلة مجهولة ومن نسج الخيال اما قبايل ال بكيل حقيقه الكاتبة نبع الانوثه

@rewayatyamania المصدر الأول للروايات

عند العروس بعد العصر كانت مخلصه مكياج
وتخلص لها اللمسات الاخيره من مثبت واكسسورات شعر ومجوهراتها وكان الكل يشهد لجمالها ورقتها

ايلين: اسم الله عليك بتطيحي قلب الشيخ كله

ايلان ناظرتها بعيونها اللي بارز جمالهم اكثر واكثر مع تركيبة الرموش الكثيفه وعيونها الكبار بايلاناير وشادو محددين بشكل احترافي ومبهر واطلالة فاتنه على نظراتها الفاتره بدلال ونعومه ربانيه وجسمها بارز بياضه مع انعكاس النقوش اليمنيه الناعمه السوداء على الذراعين واسم سيف بظهرها بشكل مبهر وحواليه لمسات ناعمه والفستان الطويل والفخم بأحدث انواع التصميم العصري ابرز لكل ملامحها خصرها النحيل وصدرها الابيض والناعم بعقد من الذهب الابيض والماس على عظمة الترقوه واسفل عنقها الطويل جابه لها الصبح مع اخته وبنت اخته كهديه ومعاه اخراص ناعمه واسواره ومحبس بنفس التصميم غير عن اللي جابه بيوم العقد

العروس: ايلين لا تتكلمي كثير مصدعه ولا تذكريني

ايلين: لل...ياسلام يانعومه وباايش اذكرك فيه اصلا ماراح عن بالك والا بتقولي خايفه تقدمت لعندها لان مافي خوف

شافت وصدت اكيد الخوف فطري وبالذات تخدع فيها نفسها وتخوفها انه الشيخ الشيخ سيف وساوس شيطانيه انه ممكن شرير ويموتها تجاهلت بتنهيده وتبتسم بصعوبه للكوافير

الكوافيره: بسم الله ماشاءالله الله يهنيك يا الشيخ وتستاهل الفاتنه ذي

ايلين: تسلمي وخلصتي لان الوقت ضيق ولان بعد العصر

الكوافير: خلاص باقي باقي اسوي لها الاي لايناير الاخير

عدلت لها اشياء خفيفه واضافة لاكتافها وجسمها لمعة تبرز طراوتها اكثر وخلصت انتقلت ببطء مع ايلين للجهه الثانيه عشان تاخذ صور تذكار

المصورة: مابيجي العريس

ايلين: وين العريس لو تعرفي الشيخ سيف

المصورة تفاجأت: جد شافت لايلان ووواااووو تناسبه الفاتنه ذي وما اظن احد بيستاهلها إلا شيخ

ايلين: شكراً وااممم احم بسرعه لان جوالي مليان اتصالات

المصورة: لا شوي وقت علشان ابدع لزوجة الشيخ

ايلان كانت بصمت تااام وفكرها مشوش وتحاول جاهده ماتتذكر زفاف اختها وممكن تلاقت كل هذي العبارات يصعب عليها وتدعي لها بالرحمه


طلعين بعد وقت للصالة مع يامين اخوها ودخلت لغرفة العروس تعطرت وتقرأ عليها امها بخوف لا تصيبها عين معجبه او حاسده ودخلت على موسيقى باسمها وباسم الشيخ سيف تتكلم بنفسها.... حتى بزفه مابيتخلى عن كنيته جد مغرور جلست بمكانها على الكوشه.. الكرسي...العرائسي المزخرف بفخامه مثل بقية اجزاء،الصالة

وجاءين بنات كثير وحلوات يسلموا عليها
وجدته سلمت عليها مع اخته اللي تعرفها احلام بس اما البنات مافي بينهم علاقه رغم انه تزوج اختها قبل بس ماجمعها فيهم غير يوم الزواج ولما رجعت ضيافه وثلاث ايام العزاء بس

وقفت اسيل وتعرفها على البنات الواقفات قدامها

اسيل وبآخر أناقتها....تأشر عليهم: اعرفك انا وبدون خجل خالة المليون وهذي الكبيره احلام ام خليفه المغرور لو تسمعي عنه

احلام فتحت عيونها لا تخزي بهم...

اسيل بتطنيش: وام الطقم هذا هديل وهند وهيا كلهن متزوجات
وهذي اختي الثانيه ام محمد واحمد وام  مريم وماريه ومروى متزوجات ومرام معقوده ونسيها زوجها عندنا

تقدمت خلود بعصبيه وتشوف البرود بوجه ايلان لا من ابتسامات بارده وكأنها تجامل وبحزم من بين اسنانها: بس اسيل لا تحرجينا الصالة مليانه زوجات شيوخ وبناتهم لا توطي سمعتنا وحسابك بالبيت سحبت كتفها

واسيل بعناد: اوووف كتفي بتخربي الفستان
وشكله

خلود سحبتها بقوة وطلعتها وسيل من التهديدات

ديما تغيظ خلود: خلاص اخلص بدالها بس مش بخواته لا بزوجات اخوان الشيخ سيف انا زوجة اسامه وهذي همس زوجة سامي الله يرحمه وهذي ام عدي نوره وزوجة سراج الله يرحمه والباقي نعرفك بالبيت ضحكت

وابتسمت لها ايلان ماتدري ليش ارتاحت لها زياده




📚 @rewayatyamania  🇾🇪

.

البــارت 16 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


شوي ونزلين لوسط الصالة ورقص ونشاط وايلان لوحدها وتتمنى ايلين تجي جنبها

طلعت امها بعد وقت والدموع واضحه بعيونها
ومسكت يدها مع احلام ويطلعوها لخارج الصالة على زفة الختام بشير المعبري..

وايلان دقات قلبها تتزايد وجاء يامين مسك يدها واخذها للسيارة ماشافته عضت شفايفها خير
ليش ماجاء لهنا ووين عاداتنا يجي العريس يقبض
وياخذها من جانب الكوشه بس تغاضت شيخ ومايصح يدخل لوسط نسوان بس مش موجود بالسياره!!

هدت تنفسها خلاص شكله مثل عادة انتظار العروس ببيته ويجيبوها له اخوتها ويقبض من جانب البيت عادي قرات آيات قرآنيه تهدي نفسها بس الصدمه تلقتها لما تركها يامين وجت نفسها احلام واخذتها لداخل لا والمصيبه مش موجود ليييش كل هذا الاستهان والتكبر ليييش اذا مااحنا من مقامه لا يجي ويطلب بنات اشخاص يشوفهم اقل منه مضيت الاشياء اللي تجاهلهن بواجبه كزوج بس هذي والله بعالي سماه ما امضيها له انا جاريه انتظره بغرفته لااا والله لو رئيس الوزراء ما يتعامل تعامله

رمت العبايه وبداخلها اصرار انها تخلع كل شي ولا يشوفها بالابيض بس خافت من تفكيره يفكر فيها غلط كان الغيظ والعصبيه بداخلها وبالذات ان احلام تركتها وطلعت مالها خاطر ترد عليها ولا تشوف حولها بس لو يجي الزوج ذا اللي ماقد شافته الا مره وقبل سنين من بعيد فقط وقبل ايام بصوره.. نار جوفها تتوقد اكثر مايحق له يسوي كذااا نهائي بأي عدالة يصفوه فيهااا بس ان ماعطاني حقوقي راضي اخذها غصب

@rewayatyamania المصدر الأول للروايات

وبعد العشاء..
راح كل الضيوف من مختلف القبايل والمحافظات واتجه لقصره والعروس اكيد بغرفته

وصلوها اخوها واسامة اخوه ومحمد ولد اخته من الشواعه وعدد كبير من اقاربه وسيارات كثيرة وفخمه لزفة العروسه

راحوا بعد العصر لما كل ضيف حصل على ضيافته من ماء وقات ومشروبات غازيه متنوعه واحمد وعدي لازموه طول الوقت وبحذر لو احد ينقصه شي او يخلص عليه الماء او شي من احتياجاتهم

اتجه ويسوق له عدي اللي بيوصله ويسافر
لدورة بنفس الوقت وصلوا وهو يودعه

سيف بتحذير: تصبح على خير يا عدي وانتبه لنفسك بطريقك وطول وقت الدورة هااا نبهتك

عدي بسعادة لسيف: اطمن ياعريس ولا تقلق مافي شي يخوف والله يسعدك وزواجة العمر

هز راسه واتجه لداخل لعند زوجته صعد بخطوات بارده وشاف كل البنات بالصالة منتظرات تنحنح باحتمال وجود زوجات اخوانه

بس نادته الجده ودخل يسلم عليها وعلى الكل 

جلس جانب جدته اللي تدعي له بحراره

احلام بحب وخجل: ربي يبارك لك بس لو ما عليك امر تطلع عند عروسك لان من قبل المغرب وهي هنا

سيف عقد حواجبه: جابوها بدري

احلام: مدري بس لاتنحرج اطلع وربي يوفقك

وقف بعد ماقبل راس الجده واتجه برزانه لغرفته

فتحها مباشر كعادته بس انحرج لو نبهها مش هكذا يدخل واول مره بس انشغل تفكيره وانمحت افكاره ويشوف الحوريه اللي قدامه لا يستحيل تكون من البشر كل انش فيها يضج فتنه

تقدم بهدوء ومتماسك برزانته بصعوبه لاتطيح الهيبه مد ايده يسلم ورفعت يدها ونظرها مره واحده وغاص بعيونها النجلا الواسعه كسماء صافيه يتوسطها قمر باهي الجمال ماينكر انها ابهرته وماتوقع جمال بهذا الحدود وهذي الجاذبيه كمغناطيس عيونها وانفها شفيفها خدودها شعرها 

ابتسم بإعجاب ونطق ويد على خصرها المنحوت ويده على ذقنها برزانه مهزوزه بكثير من التوهان وابتسامه اعجاب شقت ملامحه الوسيمه: ما  شاءالله

صدت وجهها من تحت يده بزعل وثقل وشموخ انوثي بكثير من الغرور

رفع حواجبه استغراب لان لاول مره يتحدث معاها واول شخص يصد عنه ومن من تكون من زوجته وبليلة الزفاف وباول لقاء بينهم

سيف تغاضى وبنبره شهمه تفهم موقفها: الله  المستعان تصدي يابنت الناس على زوجك

ايلان تنفست لاتنفجر بوجهه متجاهلة عن من هو.. بصوت ناعم وبقوه معاكسه لشكلها وصوتها: ايه اصد عن زوجي لان انا زوجته مش جاريه وأوضح له ان زمن الجواري انتهى من زمااان ومثل ماقلت بنت ناس وقبايل

سيف مافهم مقصدها وبتمهل: لا يابنت عبد الغني ماانتي بجاريه.. وبشك: من قال لك كذا

شافت لوجهه اخيرا وبقهر وصوت ناعم مهزوز وكبرياء محارب لاهتزازه: ليييش تنتقص من قيمتي اذا ماشفتني من مكانتك يا شيخ لا كنت تجي وتتزوجني

قلب عيونه وبدأ يضجر من اللف والدوران..مسك يدها الصغيرة والبيضاء بوسط يده اللي واضح سماره بجانبها رغم انه مو اسمر.. وبحزم: ايلان تكلمي عن مابجوفك ولك حقك من من ماكان اما اللف والدوران مايمشي عليا

جت بتسحب يدها بصد بس ماسمح لها وببوح ووضوح بس انخفض صوتها باحترام فرضتها شخصيته وخوف هزها حزمه: انك ماتجي للصالة وتاخذ زوجتك مشيتها بس ماتنتظرها حتى ببيتك ولا بغرفتك وانتظرك انا لااااا كذا حسستني انا جاريه

وبصارحك شافت له: ...





📚 @rewayatyamania  🇾🇪