.

البـارت 8 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


سيلأ: عمر ادخل الجامعه

عمر بيحاكي بنت من الجامعه: اوف ايش تشتي مش لاقد سألتك على حالك رجعنا أصحاب ابعد عندي خليني اعرف اتكلم

سيلأ: ايش من أصحاب وايش من كلام فاضي انا ما يشرفني اكون اصاحبك بس لازم تدخل لازم

عمر: ايش تشتي

سيلأ: البنت ما عتطير هي هنا ادخل اقلك حاجه بس وارجع كمل كلامك مع البنت

عمر: أخطى من عندي

سيلأ: خطيت لعند باب الجامعه كان هو عند موقف السيارات وهي قديه داخلة وسمعت صوت رصاص وحملت لعند عمر

سيلأ ابسرت دم منتشر في الارض: ع ع عمر انت بخير رد لو سمحت

البنت بتبكي صرعت سيلأ ببكاها: عمر عمر رد عليا

عمر: .....

سيلأ شلت مفتاح السيارة وقررت ان هي تسعفه طلعت عمر فوق السياره وساقته المستشفى

@rewayatyamania المصدر الأول للروايات

في الطريق

سيلأ: قلت لك ادخل الجامعه ما رضيت شوف ايش حصل لك اهى اهى

وصلوا المستشفى نزلت سيلأ تدعي الدكاتره يبسروا مالعمر وجابوا النقالة وعلى طول دخلوه غرفة العمليات

سيلأ: لامن اتصل مانش عارفه من هم أهله تلفون عمر وينوه تلفون عمر اتصل لأهله من رقمه وسارت تدور ما لقيته وقررت تتصل للعم طارق واتصلت

سيلأ بصوت بكي: الو عم طارق

العم طارق واسيل وعناد كانوا مع بعض على شان الشغل الباقي

طارق: ايش فيك عماد مالصوتك

سيلأ: عم طارق تقدر تجي لمستشفى ال.....بسرعه لو سمحت ولا تقل لعناد لو سمحت

طارق: ايش فيك عماد

اسيل كانت بتكلم عناد: مالاخي عماد عد أسير ابسر  ماله

عناد: طيب وانا عد اجي معك

اسيل: وليش تجي معي هو اخي والا اخوك

عناد: اخوك بس ابسر ليش عمي طارق ضابح

اسيل: طيب تعال نسير وخطيوا

اسيل: عم طارق مالعماد

سيلأ حكت كل شي للعم طارق

طارق: يله مع السلامه مسافة  الطريق وانا عندك

اسيل: عم طارق ايش في عماد

طارق: عناد الحق انت عناد وجوا لمستشفى ال...... سريع لكن انا عد أخطى

اسيل: ايش في عماد قلي ياعم طارق

طارق: ......

اسيل: عناد يله نسير لمستشفى

عناد: يله وشغل السياره وخطيوا

واصل طارق للمستشفى ودور سيلأ كرها لقيها أول ما ابسرته سيلأ لا ارادياً حضنته وبكيت

طارق: ايش حصل لعمر مات

سيلأ: لا ما مات بس ما قد خرجوا وقالو احتمال كبير ان احنا نفقده اهى اهى

طارق: لا تبكي يا عماد الرجال ما يبكي اخو عمر عناد عيجي الآن

سيلأ: انا قلت له يدخل الجامعه هو مارضي اهى اهى

طارق: خلاص انت فعلت الذي عليك وهو عاندك طيب خلاص لا تبكي دموعك غاليات 

اسيل شافت سيلأ بتبكي في حضن عمها طارق حملت

اسيل: ايش في

سيلأ: عناد وحضنت اسيل

اسيل: عماد ايش في مالك بتبكي

عناد: عماد ليش تبكي ما للرجال

سيلأ: عناد اخوك عمر في غرفة العمليات

عناد: كيف هذا

سيلأ حكت لهم كل شي انها قالت لعمر يدخل وان هي ابسرت الذي رمى عمر وأنه عاندها

عناد: حس ان ارجله مش شايلات له ومسك اسيل من كتفها اسيل ابسرت عناد

اسيل: عناد عناد ايش فيك وسيلأ كانت في حضن عمها طارق بتبكي

طارق: عناد مالك

اسيل مسكت يد عناد وخرجته خارج المستشفى

اسيل: اجس هنا

عناد جلس

اسيل جابت له ماء يشرب وشرب الماء

اسيل: عناد انت لازم تكون قوي على شان اهلك قد عمي طارق كلمهم وهم عيجوا الآن

عناد: أخ كيف أكون قوي واخي بيواجه الموت

اسيل جلست في الأرض ومسكت يد عناد: بس لازم تكون قوي على شان امك وابوك واختك وجدك لازم انت تكون قوي على شان اهلك يبسروك قوي ويتقووا

عناد اقتنع بكلام اسيل: يله ندخل ودخلوا

اسيل ابسرت خالها وسكتت على شان هنا مرض وابنه بين الحياه والموت وابسرت جدها ابتسمت اسيل كانت أكثر واحده تحب جدها تمنت لو تقدر تحضنه وتتكلم معه أو تسلم عليه

عناد: عناد مش ناقصين مشاكل لو سمحت

اسيل: لا اخوك بين الحياه والموت مش ناقصين انتوا مشاكل

عناد: تسلم

اسيل: الله يسلمك انت سير عند امك وهديها وانا أخطى عند اخي 

عناد: خاطرك وخطي

اسيل جلست جنب العم طارق من الشق اليسار 

طارق: هاه ماله

اسيل: ماله اخوه بين الحياه والموت وتقول لي ماله

طارق: خلاص كرها نسي اخوك لا عاد تذكره

اسيل: ولا ازيد اتكلم

طارق: احسن

بعد مرور ساعه جت ام اسيل مع ابنها وليد وعلياء اخت عمر

وليد: عناد كيف عمر قد خرجوه

عناد: لا عادهم ماقد خرجوه

ام اسيل: كيف اخوك ياابني إن شاء الله بخير

عناد: مانش عارف ماقد خرجوا يطمنونا عناد ابسر اسيل كيف هي قلقه على عمر وابتسم

وليد: عاد لك مزاج تبتسم في هذا الحال

عناد: حتى الابتسامه ممنوع خليني انسى همي شويه

وليد: كيف لوما وقع هكذا

عناد: مانش عارف على ما قال عماد انه ابسر واحد موجه السلاح لعمر وهو سار يقله يدخل وعمر مارضي

وليد: اينو عماد هذا

عناد: هم اثنين اخوه توأم مانش داري من عناد ومن عماد جي نسير لاعندهم...




📚 @rewayatyamania  🇾🇪

.

البـارت 9 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


وليد: اينو عماد هذا

عناد: هم اثنين اخوه توأم مانش داري من عناد ومن عماد جي نسير لاعندهم سيلأ عاد هي في حضن عمها طارق بتبكي ولا نشفت لها دمعه واسيل كانت سيرة جيه في الممر

وليد: السلام عليكم انا الضابط وليد مختار ال.....

اسيل عرفت انه اخوها وليد: وعليكم السلام

وليد: تقدر تقلنا ايش حصل مع عمر إذا أنت كنت موجود معه

اسيل: مشو انا الذي كنت موجود هو اخي بس اخي ذلحين نفسيته مش تمام على الأقل لوما
يقوم عمر بالسلامه اسأل عمر واسأل عماد لو سمحت

وليد: بس لازم يجوب عليا

اسيل: قلت نفسيته مش تمام تفهم انت

عناد: وليد من دون كثرة هدار قال نفسية اخوه مش تمام خلاص لوما يقوم عمر بالسلامه واسألهم

وليد: طيب وخطي لعند الجد

اسيل ابسرت عناد وسكتت

عناد: هاه كيف اخوك ذلحين

اسيل: مثل ماكان بس ايش نفعل احاول اخليه ينسى بس ما قدرت

عناد: ما عنده حاجه عاد هو صغير على أنه يبسر واحد بين الحياة والموت

اسيل: اكيد ماهذه كيف اخوك ماحد خرج يطمنا عليه

عناد: يعلم الله مالهم

اسيل ابسرت الدكتور خرج: عناد الدكتور خرج سير اسئله كيف اخوك

عناد: دكتور كيف اخي

الدكتور: الحمدلله نجحت العمليه واقدرنا نخرج الرصاصه من صدره والذي اسعفه اسعفه بسرعه قبل ما يخسر دم كثير

عناد: اوف الحمدلله بس وين كانت الرصاصه

الدكتور: كانت في صدره سلم الله انها ما جت في قلبه الحمدلله على سلامة المريض

عناد: الله يسلمك

اسيل: اوه الحمدالله أنه بخير

عناد ابسرها وابتسم: اوف الحمدلله انه بخير

اسيل: الحمدلله على السلامه عناد سير فرح اهلك يطمنوا على اخوك انه بخير

عناد: الآن وخطي لعند أهله وقلهم فرحوا وكل واحد ضوى البيت رقدوا وافتهنوا
.
.

في اليوم الثاني الساعه 7

عمر فاق من البنج وكل واحد سار شغله عادي سيلأ حلفت ما تسير تزوره لانو قال لها لا تفكر حن سألها على حالها يكون صاحبها وسارت الشغل عادي ولاكأنه حصل شي بس اول ما دخلت الجامعه تذكرت كل شي حصل وكابرت ودخلت واشتغلت

@rewayatyamania المصدر الأول للروايات

في العصر عناد سار يزور عمر

عمر: عناد اشتي ابسر عماد

عناد: لا تنسى ايش قلت له كيف تشتي يجي يبسرك

عمر: بس انا واجهت الموت ليش ما يجي يبسرني

وليد: صرعت راسي من اول بتتحاكى على هذا الولد كنت دائما تتحاكى على هذك البنت وين هي نسيتها

عمر: خلاص عرفت من يحبني وعرفت من يشتي فلوسي وعرفت من هو صديقي ومن هو عدوي كان عماد بيقلي ادخل ادخل بس انا اشتي اكلم الحب حقي مابش ادخل واصدقه

عناد: صح ان اخو عماد عناد لسانه طويل وأنه يكره ابي وعمتي بس يشهد الله أن عناد وقف معي وقفه ما انساها له لوما اموت

وليد: ابسروا لاشي معهم خوات واتزوجتوهن

عمر: لو بس اعرف ان معه اخت والله لا اتزوجها

عناد: انا مستحيل اتزوج

وليد: ما انا وانت مستحيل نتزوج ما يفعلوا بالزواجه هم ونكد

عمر: اخرجوا انتم يائسين تخلوني ايأس معكم انقلعوا

العم طارق واسيل جوا يزوروا عمر دقدقوا الباب

عناد: ادخل

طارق: السلام عليكم الحمدلله على السلامه يا عمر

عمر: الله يسلمك 

عناد: وعليكم السلام وبيبسر الباب لا جت اسيل مع طارق ما ابسرها إلا حن قالت

اسيل: السلام عليكم الحمدالله على السلامه يا عمر

عمر: الله يسلمك عناد وين هو اخوك عماد ماله ما يجي يبسرني

عناد: وعليكم السلام ورحمة الله وبركاته كيف حالك يا عناد

اسيل: الحمدلله بخير وانت كيف حالك يا عناد

عناد: انا الحمدلله بخير

عمر: اين هو عماد ماله مايجي يبسرني

اسيل: لا شكلك نسيت ما قلت له

عمر: هو بياخذ كلامي صدق

اسيل: احنا معنا كرامه مانحب نفرض نفسنا على حد وانت كون اوزن كلمك مع الأشخاص الذي يخافوا عليك

عمر: وربي اني ما كان قصدي بس هو جاء قاطعني في كلامي وانا بين اتكلم مع البنت

اسيل: يله الحمدلله على السلامه خاطركم

عناد: مسرع

اسيل: ما عاد به وبعدا زيارة المريض خمس دقائق مش خمس ساعات

وليد: وانا والكل عد اروح

عناد: نروح انا وانت يا عناد

اسيل: ليش نروح مع بعض انا عد اروح مع عمي طارق وانت روح بسيارتك

عناد: اشتي اكلمك بموضوع مهم خاطرك يا عمر

عمر: يله مقلع

عناد: قلعوا راسك

عمر: باي غلق الباب وراك

عناد: مع السلامه وخرجوا كلهم

طارق: عناد اشتي اتكلم معك

عناد: أين منننا

طارق: انت تعال معي وخطيوا يتكلموا في بقعه
.
.

عند اسيل ووليد

وليد: احم

اسيل: احم

وليد: احم

اسيل: احم

وليد: احم

اسيل: اوف مكني احم احم ايش تشتي تتكلم

وليد: ههههههه كيف عرفت اني اشتي اتكلم

اسيل: هاه تكلم

وليد: ااااااا كيف ابدأ

اسيل: دغري من دون لف ودوران

وليد: انت من تكون واسم ابوك لو سمحت

اسيل: وليش هذا السؤال

وليد: ...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 10 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


وليد: انت من تكون واسم ابوك لو سمحت

اسيل: وليش هذا السؤال

وليد: عيني منك ملان بس مانش عارف وين ابسرتك وكيف

اسيل بينها وبين نفسها يوه لا عاد يعرف اني اخته: انا عناد محسن ال.......  اخترعت اسم من بالها

وليد: مشو انت

اسيل ابسرته وسكتت


عند العم طارق وعناد

طارق: وانا ما اقدرت اكلمه من الصباح لو تقدر تكلمه انت

عناد: بس جور اني اكلمه انا عيزعل منك ومني

طارق: وربي ما انا ساخي عليه بس ايش افعل مجبور وبعدا شغله عندك منها لا يدور عمل ومنها لا يأنبني ضميري اني عد اطرده من العمل

عناد: اكيد عد اشغله عندي هو وقف معي وانا لازم أوقف معه بس والله جور منك يا عم طارق انك تطرده وبالذات اني عد اكلمه انا لو كان انت كان احسن بشوية

طارق: اقلك ما سخيت اقله انت مطرود ومابش معي سبب لطرده لا يقل لي ليش ايش فعلت وانا ايش أقل

عناد: وبنت اخوك هذه ليش تشتي العمل حق عناد بالذات كانت اختارت عمل ثاني بس انت لازم تقله وذلحين

طارق: يله هيا نخطى

عناد: عناد لحظه عمي طارق يشتي يكلمك

اسيل: خير

طارق: ااااااااااا اسمع ااااااا احم ااا عناد انت تعرف انت غالي عليا وانت ابني وابن الغالي وصاحبي بس انا مجبور اقلك انت لازم تترك العمل عندي

اسيل حست كأن حد صفعها صفعه سكتت دقيقه

اسيل: حاضر تمام ولايهمك ذلحين أسير اخذ أغراضي من المكتب وارحلي

عناد: وتجي تشتغل عندي

اسيل: لا مانش بحاجة أحد عد اشتغل في اي بقعه ثانيه

عناد: وربي انك عتشتغل عندي

اسيل: لا تحس بشفقه عليا انو عمي طارق طردني من الشغل

عناد: لا تنسى يا عناد انك وقفت معي أمس وانا لازم أوقف معك انت سكرتيري من اليوم ومن هذه اللحظة حتى إذا كان برضاك أو غصب عنك

اسيل سكتت

عناد: يله بعدي يا عناد اشتي اكلمك بموضوع

اسيل: طيب وطلعوا في السياره

عناد: كيفك يا عناد

اسيل: الحمدلله بخير وانت كيف حالك عناد

عناد: الحمدلله بخير

اسيل: مش ملاحظ انك سألتني على حالي مرتين

عناد: هههههههه مابش معي كلام بين أسألك على حالك

اسيل: ههههه طيب

عناد: عناد سؤال

اسيل: ايش

عناد: انت بنت او ولد

اسيل اتفاجأت من سؤاله: ولد ليش

عناد: هاه بس قال سام انك بنت وانا اشتي اتأكد وتأكدت انك ولد

اسيل: هاه طيب ياسعم لا قد انا ابيض وقمري ياسعم اني بنت

عناد: إليك إليك شكر نفسه

اسيل: ههههه يله اطرحني هنا

عناد: لا عتجي معي اليوم

اسيل: لوين

عناد: السوق قالت اختي تشتي تأخذ لها أشياء

اسيل: لا نزلني قد انا تاعب

عناد: طيب ووقف السياره واسيل نزلت وعناد خطي

اسيل فتحت باب الشقه ودخلت ابسرت كلهم عند التلفزيون

اسيل: حتى انتي يا سيلأ

سيلأ: مابش معي مهره روحت من الشغل بحين وجيت ابسرتهم بيبسروا توم وجيري وابسرت معهم

اسيل: هههه سرت المستشفى ابسر عمر

سيلأ: ايوه وانا ما عليا

اسيل: وسأل عليش

سيلأ: طز فيه

اسيل: خلاص انتي اخبر تسيري تبسريه ما تسيري انتي اخبر

سيلأ: خلاص

اسيل دخلت الغرفه ورقدت


في يوم ثاني سارت تأخذ اغرضها من المكتب حق عمها طارق والعم طارق حضنها وخرجت من الشركه


بعد مرور شهر  رجع عمر للجامعه واسيل اشتغلت عند عناد في الجامعه

عمر سار لمكتب المدير على اساس يبسر سيلأ ويشكرها دخل مابحد عند الاستقبال

عمر: وينوه عماد

العامل: عماد سار للحمام

عمر: هاه باي وسار للحمام

سيلأ خرجت من الحمام وكان الجاكت مفتوح من عند الصدر ودخل عمر وابسرها

سيلأ ما عاد اقدرت تفعل حاجه وخرجت من الحمام وهي ماسكه للجاكت من عند الصدر

عمر: ههه عماد بنت عماد طلع بنت اوف عماد طلع بنت هههههههه بنت اوف

سيلأ دخلت المكتب حقها وغمضت عيونها وتذكرت

سيلأ: ايش عيقل يارب وما يجي يسأل

عمر دخل القاعه وجلس وحسه عند سيلأ

الدكتور: عمر

عمر: .......

الدكتور بصوت عالي: عمر

عمر بصوت اعلى من صوت الدكتور: هاه ايش في

الدكتور: مالك مش مركز معنا

عمر: مركز معك مركز

الدكتور: أخرج شم هواء

عمر بدون تردد خرج وسار لعند سيلأ وقرر يسألها من هي وليش لبست هكذا وخطي عمر دخل

عمر: احم

سيلأ: هلا كيف اقدر اساعدك

عمر: ممكن تجي نتكلم على انفراد

سيلأ بينها وبين نفسها ماقد يشتي مني

عمر: لو سمحت او لو سمحتي

سيلأ خطيت بعده خرجوا لموقف السيارات

عمر وقف وابسر سيلأ

عمر: انت او انتي من تكوني وين هو ابوش لوما يخليش تلبسي هكذا هاه

سيلأ: انت مالك دخل من انا ومن يكون ابي انتم السبب الذي خليتوني البس هكذا

عمر: اخوك عناد ليش ما يقلك بعيد عيب ما يصلح تلبس هكذا

سيلأ: وانت ايش دخلك مننا

عمر: الله يلعن ابوش الذي ما يلم بناته 

سيلأ لا ارادياً...


https://tttttt.me/rewayatyamania/52227



📚 @rewayatyamania  🇾🇪

.

البـارت 11 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


عمر: الله يلعن ابوش الذي ما يلم بناته

سيلأ لا ارادياً لطمته: لا تغلط غلطت المره الأوله وسكت أما هذا وربي ما انا ساكته لك.. انت وابوك السبب في الذي حصل لي انا وعناد اوه نسيت انا واسيل ونفتخر أن احنا خرجنا نشتغل بهذا الشكل على قولتك

عمر: حتى عناد بنت وين امش وين ابوش وين اخوك بنت من انتي قلي لي

سيلأ بكل فخر: انا سيلأ احمد ال....... بنت ابو حسام واخي اسمه حسام

عمر: اخوش اسمه وليد أخ والفضيحه حصلت لنا وحصلت لوليد

سيلأ: والله ما فضيحه إلا انتوا تطردوا وتقولوا افتضحنا انتوا افتضحتوا انكم طردتوا بنات.. ابوك طرد بنات من بيتهن وسجن ابوهن ونقص من قيمتهن وتكلم عليهن الذي يسوا والذي ما يسواش وعادهم بيقولوا افتضحنا انتوا افتضحتوا من زمان من زمان وربي انكم ما تعرفوا الاصول وخطيت

عمر حس ان الدنيا بكلها ضيقة: ابه ايش فعلت أنت ايش فعلت اوف ايش افعل ما اخلي عرضي وشرفي يخرجين بهذا الشكل اتصل لعناد واقله والا اسكت والا اتصله ونبسر حل

عمر اتصل لعناد وكلمه بكل شي وقرروا انهم يكملوا وليد ويبسروا ايش عيقل وكلموا وليد

وليد: أخ 8 سنين ادورهن 8 وفي الاخير يلبسين لبس عيال ويخرجين يشتغلين

عناد: وربي لا اقتلهن وربي يفضحنا

وليد: تقتل من ياروح ابوك هن خواتي وانا افتخر بهن على الأقل ما سارين في طريق غلط وهذا الشي افتخر به ولا تنسى أن ابوك السبب وحسابه عندي بس بعدا خليني اشوف حل لهذه المشكله بيت جدي وما عيرضين عد اسكن عندهن عمي طارق كان عارف والا لا

عناد: حتى لو تسكن عندهن بتجس في الشغل 3 شهور تجي شهر انا عد اسكن عندهن انا

وليد: وين تسكن ياروح امك صدقت نفسك قال يسكن عندهم

عناد: لا تخاف عد اتزوج عناد أو ايش اسمها

وليد: مدري من هي اسيل ومن هي سيلأ بس كبرين قوي تحملين المسؤوليه كبرين وعادهن صغار وكله من خالي واقسم بالله اني لا اخليه يندم

عناد: عمر احنا لازم نتزوج بنات عمتي نستر عليهن

وليد: تستر عليهن يا عناد الذي عيسمعك عيقل انهن ارتكبين فاحشه والعياذ بالله لا تتزوجوا خواتي انا عد اكون سندهن انا تسلموا وما قصرتوا

عمر: انا عاد اتزوج سيلأ اشتيها تكون لي وابي عد احاسبه انا وعناد قال يستر عليهن استر على عمايل ابوك وقدك رجال الصدق

@rewayatyamania المصدر الأول للروايات

عناد: بس لازم تأخذ رأي ابي إذا وافق انا موافق وإذا لا ما عاد اتزوج

عمر: عادك عتاخذ رضاه هو الذي دمر حياتهن وعادك عتاخذ رأيه هذا وانت كنت تحب اسيل زمان والا على شان فلوسها كنت تحبها هذا وانت تعرف بالقصه كامله ايش عاد خليت للغريب وقلت تستر عليهن انا غلطان اني كلمتك وليد انت اسبق لعند خواتك وانا اجيب المأذون ونعقد لي ولسيلأ وخطي يبسر ماذون 

وليد ابسر عناد وضحك باستهزاء: اسمع بحق ما قلت تستر عليهن حسابك عندي عسير

عناد: اخطى ايش عتفعل انت من دون أبي ولا شي اخطى

وليد: قال ابوك وانت من دوني ولاشي وشغل السياره وخطي

عناد فكر فكر وفكر
عناد: ايش فيني وانا احبها ايش فيها اذا لبست لبس ولد وانا كنت شكي من قبل ان هي بنت أخ ذلحين الحقهم وابي من هو لحتى أخذ برأيه

خطي عمر ادى الشيخ يعقد لهم وخطي لبيت اسيل وسيلأ ابسر سيارة عناد وليد كان عندهن وبيبكين في حضنه

اسيل: وليد سيلأ عادها صغيرة على الزواج لو سمحت لا تزوجها

سيلأ مش معهم قديه راضيه بقدرها ايش ما كان يكون

وليد: بس انا ما عد اكون اجس عندكن لازم يكون رجال عندكم لازم انا معي شغلي بين اجس 3 شهور في الشغل واجي البيت شهر بس

اسيل: مثل اول ايش حصل لنا انا واخوتي ولا شي لو سمحت

وليد: حسي عيكون عندكم واصل

اسيل عرفت ان ما لكلامها داعي وان هي عتزوج سيلأ وسكتت وسمعت صوت الباب

وليد: حسام افتح الباب

حسام: حاضر وفتح الباب

عمر: ادخل يا شيخ


وليد: اسيل دخلي سيلأ المكان

اسيل: طيب دخلين المكان

اسيل: سيلأ لوما يجي يأخذ رايش لا توافقي وانا جنبش ومعش واخي وليد معش كلنا معش

سيلأ: اخي وليد قال كلمه انا ما اقدر اكسر كلمته

اسيل: اخوش وليد من ويحين وهو تركنا واحنا بحاجته

سيلأ: برضاش أو غصب عندش هو اخونا وانا احترمه من يوم ما كنت صغيره نسيتي ايش كان يفعل لنا

اسيل: ما نسيت بس هو تركنا وما سأل علينا

سيلأ: خلاص ما نسيتي انه كان يذاكر لنا ما نسيتي أن احنا كنا ننام في حضنه ما نسيتي أن احنا كنا نفعل المصايب وهو يتعاقب بدلنا ايش فيها اذا ما سأل عليا هاه انا ما اقدر اكسر كلمة اخي لو اموت

اسيل" ما نسيت ان احنا كنا ضوء حياته ما نسيت شي بس على الأقل يسأل علينا ومن قال تكسري كلمة أخي قلي الحقيقه انش ما تشتي عمر

سيلأ: انا هكذا بين اكسر كلمة اخي وانا ما اقدر اكسر كلامه لو اموت

اسيل سكتت


عند وليد وعمر وعناد والشيخ عقدوا لعمر وسيلأ وعناد واسيل





📚 @rewayatyamania  🇾🇪

.

البـارت 12 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


عند وليد وعمر وعناد والشيخ عقدوا لعمر وسيلأ وعناد واسيل

وليد دخل يشتي يخلي اسيل وسيلأ يبصمين على عقد الزواج

سيلأ بصمت

اسيل اتفاجأت وبصمت والكل وخرج اخوها من عندهن

الشيخ شل دفتره الذي بصمين فيه ورحوا

بعد ما عقدوا وروح الماذون

عمر: اقدر ابسر مرتي والا لا

وليد: إلا سيلأ تعالي سيلأ سارت

وليد باسها في رأسها: مبروك ياروح اخوش

سيلأ حضنته قوي وبكيت: وليد اهى اهى وينك من زمان فقدناك ولا تسأل علينا تقول وينهن خواتي اهى اهى وليد لا تضبح مننا احنا لبسنا هكذا ومجبورت لا تزعل كله يهون الا زعلك اهى اهى وليد فقدت ابي اشتي ابسره اهى اهى

وليد: ياروح وليد انتي لا تبكي وانا جنبش ما عاش الذي يخليش تبكي وانا موجود غطوه نسير نبسر ابي كلنا انا وانتي واسيل وحسام وسيماء كلنا نروح نبسره لا تبكي

عمر: خلي لي فرصه اواسيها

وليد: هههههههه لا دوري احضنها فقدتهن قوي لو تشوفي كم دورت عليكم انتي واخوتي

سيلأ: وليد اوعدنا انك ما تفلتنا مره ثانيه

وليد: كيف الواحد يقدر يفلت روحه قلي لي بس خالي حسابه عندي عسير فرقنا

اسيل خرجت من الغرفه وخطيت لعند وليد

سيلأ سارت جنب عمر

وليد: اسيل روحي

اسيل اول ما قال روحي حضنته قوي: اهى اهى اهى اهى

وليد غمض عيونه قدوه عيبكي: ياروح وليد 

اسيل: فرقوا بيننا فرقوا بيننا اهى اهى ليش هكذا يفعلوا بيننا

وليد: حسابهم عندي عسير وربي

اسيل: حسابهم عندنا انا وانت

وليد: طيب وباس راسها مبروك

اسيل ابسرت عناد وسكتت

عناد: الله يبارك ليش ماتردي يا اسيل

اسيل: ولو الله يبارك فيك وعقبالك وعقبال ما اكون عمه

وليد: هههههههه ما انا مااشتيش اتزوج وبعدا عقبال ما اقع خال انا

اسيل: هههههه ومن قال انك ما عاد تتزوج

وليد: ما اشتيش ادي هم ونكد للبيت

اسيل: هههههه احنا نكد وهم

وليد: لا لا مش انتين النسوان الثانيات والا ما انتين السعاده

اسيل: هههههههه طيب

وليد: حسام وسيماء عييرقدوا عندي

اسيل: ليش طيب

وليد: حسام سيماء جهزوا ملابسكم يله

حسام: وين عنسير

وليد: عندي يله جهزوا ملابسكم

سيماء: يله قدهن جاهزت  هيا نرحلنا

وليد: يله وخطيوا

عمر: سيلأ جهزي لي بقعه اشتي ارقد شويه

سيلأ: طيب

سيلأ دخلت الغرفه وجهزت بقعه لعمر وعمر دخل الغرفه وغلق الباب بمفتاح

سيلأ بينها وبين نفسها: يوه ماله غلق الباب

عمر امتد: أخ قد انا تاعب

سيلأ: من ايش تاعب

عمر: من بعد الرصاصه الذي وقعت لي في صدري

سيلأ: قالت لك ادخل ادخل وانت مارضيت ابسر ايش حصل لك

عمر: عادك زاعلة منى

سيلأ: ليش ازعل منك

عمر: طيب ليش ما جيتي تزوريني

سيلأ: لان انت قلت لا تحسب ان احنا اصحاب حن سألت على حالي هذه الكلمه نرفزتني

عمر: وانتي لا تنسي أنش قلتي لي ما يشرفني اكون صاحبك بس ماوقعتي صاحبي وقعتي مرتي ابسرتي كيف الدنيا

سيلأ: ههه بس ابوك مشو داري صح

عمر: ايوه مشو داري حتى ما اشتيه يدرى 

سيلأ: انت ما تشتي تقل لأهلك أن انا مرتك مالك الشرف تقول سيلأ بنت عمتي مرتي صح بس عادي اول شي ابوك سجن ابي وثاني شي طردنا من بيتنا وامي رجمت اخوتي علينا انا واسيل بس عادي عنتحمل

عمر عدل جلسته: وربي ما كان قصدي ومن قال اني اخزا اقل انش مرتي بالعكس لي الشرف انش مرتي واقسم بالله بس ما اشتي ابسر ابي ما عاد اشتي اسمع صوته بس بعد العشاء عد أسير واقلهم ذلحين ارقد تمام يا روحي

سيلأ هزت راسها بمعنى طيب

عمر: ذلحين ارقد شويه امتد ورقد

وسيلأ دفته ورقدت جنبه

@rewayatyamania المصدر الأول للروايات

عند اسيل وعناد

عناد: مبروك عليش انا

اسيل: انا بالمفروض أقل مبروك عليك انا

عناد: الله يبارك

اسيل: انت بخير

عناد: ايوه ليش

اسيل: بين احسك مريض فيك حمى محموم صح

عناد: لا بخير وتمام التمام بس قدوه روتين يومي نتصايح انا وانتي

اسيل: سابر

عناد: وضعي لي بقعه ارقد

اسيل: وضع لنفسك

عناد: للمه تزوجت انا إلا توضعي لي بقعه

اسيل: سؤال ايديك مكسرات

عناد: لا

اسيل: خلاص وضع لنفسك

عناد: بس انتي مرتي وضعي لي بقعه ارقد قد انا مقطقط

اسيل: موت

عناد: اسيل لو سمحتي وضعي لي بقعه

اسيل بعد ما قال لو سمحتي وضعت البقعه

عناد امتد: اسيلو دفيني

اسيل شلت البطانيه ودفته وفتحت الباب تشتي تخرج الغرفه الثانيه وسمع الفتح حق الباب واصتوا يبسر

عناد: وين عتسيري

اسيل: الغرفه الثانيه

عناد: ليش الغرفه الثانيه وانا هنا نرقد سوا في الغرفه هذه

اسيل: انا ماقد تعوت عليك كيف نرقد سوا

عناد: اسيل نسيتي أن احنا كنا نرقد سوا وكنتي ترقدي في حضني والا نسيتي

اسيل: حن ما كنت ارقد في حضنك عاد انا صغيره عاد انا خبلا وبعدا مش في حضنك كنت ارقد في حضن اخي وليد للكذب

عناد: ما اكذب والله ان انتي رقدتي في حضني...





📚 @rewayatyamania  🇾🇪

.

البـارت 13 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


عناد: ما اكذب والله ان انتي رقدتي في حضني يوم او يومين

اسيل غلقت الباب: ويحين رقدت في حضنك للكذب

عناد ابسرها وغطى راسه

اسيل سارت لجنبه: ويحين رقدت في حضنك

عناد: .......

اسيل بعدت الباطنيه منه: ويحين قل

عناد: ههههههههه مجنونه اجسي وانا اقلش ههه

اسيل جلست: يله اتكلم

عناد: وانتي عمرش 6 شهور رقدتي في حضني

اسيل: ههههههههه شلوك

عناد: بس الصرحه كنتي قمري ما ذلحين ما عادش قمري سع اول 

اسيل: الحاصل ما عاد ابيع

عناد: كانت ملامح وجهش طفوليه كنتي صغيره قوي كنتي سع الصحه الماء نفس الطول بس كنت اتحيلى لش يا اسيل

اسيل: وانت كم كان عمرك لوما امي خلتني ارقد في حضنك

عناد: كان عمري 8 أو 9 سنين

اسيل: كانت امي تخليني ارقد عندك

عناد: ايوه كنتي ترقدي عند وليد وانا ووليد وعمر كنا نرقد في غرفه واحدة مش بس انتي وسيلأ كان وليد عليه سيلأ وانا عليا انتي

اسيل: وابي كان يأمن علينا عندكم 

عناد: ايوه كان مأمن عليكن عندنا

اسيل: اوف لو انا داريه كنت رحتلي من عندك وسرت عند وليد بس يله كنت صغيره

عناد: ما كنتي ترقدي إلا في حضني

اسيل: كنت جاهله بنت 6 شهور

عناد: بس كنتي مشاغبه

اسيل: عيمن علينا ذلحين 

عناد: يله دفيني ذلحين واخرجي ارقدي في المكان الثاني

اسيل: بيت ابوك أخرج والله ما ارقد إلا هنا وشلت البطانيه وادفت

عناد ابسرها وضحك هي كانت خطه على شان ترقد عنده

عناد: وووو اشتي بطانيه

اسيل: قوم دور لنفسك كريه

عناد: هههههه طيب ورقد من دون بطانيه

اسيل تقلبت يمين وشمال ما اقدرت ترقد قامت ابسرت عناد من دون بطانيه ودفته وجت تشتي تقوم ومسك يدها

اسيل: ايش فيك فك يدي

عناد: اوف كابوس

اسيل: ايش حلمت يا عناد

عناد ابسرها وسكت 

اسيل: ايش حلمت

عناد: حلمت اني مت وانتي تضحكي بس هيا نخرج 

اسيل: قدوه عيقع مغرب وين نخرج

عناد: اوف اشتي ارحلي من العالم

اسيل: هذه كلها الفجيعه انك حملت أن انت مت

عناد ابسرها وقال بينه وبين نفسه حلمت عمي احمد انه يعاتبني اني ما انتبهت عليكم انا ما طلعت قد الامانه الذي ابوش امنكم عليا وانا ما طلعت قد الامانه اوف

اسيل: مضيع شي

عناد: قومي البسي نسير السوق

اسيل: هذا السع قدوه مغرب

عناد: انا قلت كلمه قومي البسي

اسيل: مدري وين حقي العبايه

عناد: اوف اشتي ارحلي اشتي اعتزل في مكان انا وانتي لوحدنا

اسيل: اوذ احنا لوحدنا في الغرفه اتكلم ايش حلمت لانو ما اقتنعت بكلامك حلمت انك مت وافتجعت هذه الفجيعه بكلها 

عناد ابسر اسيل: ضاقت عليا الدنيا بكلها يا اسيل ضاقت عليا الدنيا اوف

اسيل بعد تردد مسكت يده وقالت: من ايش ضاقت قلي يمكن اقدر اساعدك انسيك همك اتكلم

عناد ابسرها وابتسم: انا ابسر وجهش وانسى كل شي قد نسيت من بعد ما مسكتي يدي

اسيل فلتت يده وعناد مسكها قوي

اسيل: ايش في فك يدي

عناد طرح راسه في حضن اسيل

اسيل فتحت عيونها للاخير وقالت: مالك اشتي قوم الغرفة الثانية

عناد: اجسي لو سمحتي  عندي شويه لوما ارقد

اسيل: ايش فيك رجعت نفس الجهال

عناد: ......

اسيل: عناد عناد عادك صاحي ابعد من حضني اشتي أسير ارقد في المكان الثاني

عناد: اص اص ردي لي الذي فعلته لش وانتي صغيرة كنتي ترقدي في حضني لوما اقوم ويدي بتوجعي وهي تحت راسش ردي لي المعروف ولا صوت

اسيل: انا كنت صغيره وبعد انت كنت تتعب نفسك والا كنت خليتني عند وليد عاده عيمن عليا

عناد رقد في حضن اسيل واسيل ولا تحركت

@rewayatyamania المصدر الأول للروايات

عند سيلأ وعمر

عمر قام وابسرها كيف هي رقد وضحك

عمر: سيلأ

سيلأ: أمم

عمر: اتوضعي سوا رقبتش عتوجعش

سيلأ: ماعه ما اشتيش

عمر: ايش الذي ما تشتيش اتوضعي سوا

سيلأ: وليد جبرك على انك تتزوجني صح

عمر فهم انها تحلم وقال: لا اخوش ما غصبني اني اتزوجش قدش انتي السعاده لقلبي

سيلأ قامت من النوم: ايش قلت

عمر: انتي كنتي تحلمي وتتكلمي وانتي نايمه

سيلأ: لا تقولها

عمر: إلا عد اقولها

سيلأ: وايش قلت

عمر: تكلمتي عليا وسبيتي

سيلأ: انا ما اسب حد

عمر: اعرف بس كنتي تقولي وليد غصبك انك تتزوجني صح

سيلأ: احلف

عمر: والله

سيلأ: اوه ههه كانت احلم مانش داريه ايش بين أقل

عمر: عادي يله قومي نسير بيت جدي ونقلهم اني تزوجت سوا برضى ابي والا لا هو اخبر

سيلأ: ااااا اسمع انت سير انا ما عاد أسير

عمر: الاثنين عنسير حتى اسيل وعناد

سيلأ: اسمع عتزداد المشاكل بينكم

عمر: احنا من حن اعرف نفسي واحنا في مشاكل

سيلأ: لوسمحت ما اشتي أسير البيت هذاك

عمر: وليش طيب خايفه

سيلأ: ايوه خايفه وقوي

عمر: من أبي خايفه لا تخافي طول ما انا جنبش

سيلأ: ...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 14 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


سيلأ: لوسمحت ما اشتي أسير البيت هذاك

عمر: وليش طيب خايفه

سيلأ: ايوه خايفه وقوي

عمر: من أبي خايفه لا تخافي طول ما انا جنبش

سيلأ: آخر واحد اخاف منه ابوك بس خايفه ادخل البيت واتذكر ابي الذي مانش داريه وين هو كيف لكم قلب تفرقوا اب وعياله انتم مابش معكم قلب

عمر: سيلأ انا عد أخرج ابوش وعد ارجعه مثل ما كان بس اشتي اشتغل يله البسي العبايه

سيلأ: حاضر ولبست العبايه

عمر: يله خطينا

سيلأ: طيب دق لعناد واسيل نبسر عيجوا معنا والا لا

عمر: طيب ودق الباب لعناد واسيل

عناد: من

عمر: انا عتجوا معنا بيت جدي والا لا

عناد: ايوه انتوا اخطوا واحنا عنلحق

عمر: يله مع السلامه وخطيوا لعند الباب حق الشقه وخرج عمر وسيلأ غلقت الباب ونسيت ما ترد البرقع وقديه عتنزل

عمر: ياقمر نزلي البرقع وغطي وجهش

سيلأ نزلته

عمر: وينه نزلتيه ابسري ونزل البرقع

سيلأ: هههههه وانا مادرني عاد اول يوم البس برقع

عمر: اشتي اشتري لش عبايه

سيلأ: طيب وطلعوا في السياره وخطيوا



عند عناد واسيل

عناد عاده ذكر أن عمر قال عيسير يقل لابوه انه تزوج وقام سع المجنون

اسيل: ايش في مالك

عناد: الغبي حقنا

اسيل: من هو

عناد: عمر سار يقل لا ابي انه تزوج

اسيل: ايش فيها يعني تزوج على سنة الله ورسوله

عناد: قومي البسي العبايه سريع

اسيل قامت لبست العبايه وخطيوا

@rewayatyamania المصدر الأول للروايات

في السياره

عناد: اسيل مالش

اسيل: عد اطفح من البرقع اوف اشتي افتش

عناد: عاده اول يوم هكذا وبعد عتتعودي

اسيل: طيب وصلنا

عناد: باقي هذه اللفه ووصلنا

اسيل: طيب قد نسيت وين هو البيت

عناد: وصلنا

اسيل: مسرع

عناد وقف السياره ونزلوا عناد دق الباب وجوبته الخادمة

عناد دخل وقال للخادمة: ادعي امي وقلي لها تجوبني تمام

الخادمة: طيب تمام وطلعت تدعي ام عناد واسيل بتبسر البيت وتذكرت اول ما اشتراه ابوها

اسيل تنهدت

عناد: اوف كل هذه نهده على ايش تنهدتي

اسيل: على البيت كيف هو وتذكرت يوم ما ابي اشتراه وخالي بكل بساطه اخذه بس والله اني لا ارجع حق ابي كل شي سوا برضاك أو غصب عنك يا عناد حتى لو تطلقني فهمت حتى لو نتعادى انا وانت

عناد: هذا كله على شان بيت

اسيل: هذا كله على شان ابي ما البيت ابي قادر يشتري مثله بس خليه يخرج من السجن اول شي وبعدها ابدأ في خالي وفي امي اخليهم يندموا على الذي فعلوه وربي

عناد: وعتسخي تفعلي في ابو زوجش هذا كله

اسيل: قال هذه إذا ما قتلت ابو زوجي لاني حاقده عليه حقد اوف بس خليه على ربك

عناد: تقتليه عتدخلي السجن

اسيل: عادي ادخل السجن من بعد ما قتلت ابوك راضيه اني ادخل السجن أهم شي اقتله

عناد بسخريه: اوه افتجعت على أبي منش

اسيل: الذي حصل في ابي وفيني مردود لك ولابوك ولا تسخر مني لأنك يمكن تندم وعلى فكره من كثر كرهي لابوك كثر ما اشتي انتقم منك ومن ابوك 

عناد ابسرها اقتهر من كلامها وسكت

اسيل: ايش سكت لأنك عرف ان كلامي صح

عناد: إذا أنا سكت اعرفي ان كلامش مادخل بالي ان كلامش فاضي

اسيل: هههههه اوه فاضي ولو أقل أن كلامي دخل بالك وان كلامي في قلبك مثل النار وانك اقتهرت مني اقتهرت من البنت الذي انت تحبها

عناد: اسمعي وجت مرة خال اسيل

أسماء: عناد كيف حالك

عناد: الحمدلله بخير يا خاله كيفك وكيف عمي

أسماء: الحمدلله بخير

أسماء.. اخت ام عناد ومرة عم عناد يعني الخوات سلايف

أسماء: عناد من هي هذه البنت

عناد: هذه مرتي يا خاله

ام عناد: كيف مرتك يا عناد

عناد: مرتي على سنة الله ورسوله

ام عناد: عناد لا تجنني

عناد: انا تزوجت وان شاءالله عد أقع اب قريب

ام عناد: قديه واحمه البنت

اسيل ابسرت عناد وعناد ابسر اسيل

اسيل: ويحين انا واحمه

عناد: اص انا داري كيف اجي لأمي وأبي

ام عناد جلست في الكنبه

وكلهم ساكتين بعد نص ساعه

ام عناد: ليش ما تقل لنا انك تزوجت

عناد: قد تزوجت وخلاص

ام عناد: ذلحين هي واحمه

عناد: كانت واحمه وراح الجنين

ام عناد: كم لك مزوج

عناد: ثلاثه أشهر  

ام عناد: يا بنتي افتشي البرقع اشتي ابسرش

اسيل ابسرت عناد

عناد: افتشي البرقع

اسيل فتشت البرقع

ام عناد: ماشاءالله تبارك الله عرفت تختار يا عناد قمري

عناد: هاه كيف ذواق انا

ام عناد: ايش اسمش يا بنتي

اسيل: اسمي اسيل

ام عناد: عاشت الاسامي يا اسيل

اسيل ارتاحت لام عناد قوي: تعيشي

أسماء: الصدق يا اختي قمري البنت

عناد: عمر وين هو

ام عناد: ماقد جاء

عناد: هاه طيب


عمر كان في المطعم تعشى هو وسيلأ وسار لعند امه وصل فتح الباب بالمفتاح ودخلوا

عمر: السلام عليكم

ام عناد: وعليكم السلام حيا بروحي حيا

عمر: حياش ادخلي يا سيلأ

سيلأ دخلت

ام عناد: من هي هذه يا عمر 





📚 @rewayatyamania  🇾🇪

.

البـارت 15 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


سيلأ دخلت

ام عناد: من هي هذه يا عمر

عمر: مرتي

ام عناد: كيف يعني مرتك

عمر: مرتي

ام عناد: عادك صغير على الزواجه كمل الجامعه وبعدا تزوجت

عمر: تزوجت وخلاص

ام عناد: لو يعرف ابوكم انكم تزوجتوا كيف عيفعل الله يستر بس

عمر: ايش ما فعل فعل أصلاً هو السبب الذي خلاني اتزوج

ام عناد: ولد احترم نفسك هو ابوك

عمر: سيلأ ادخلي اجسي

سيلأ دخلت جلست جنب اسيل

أسماء: سيلأ افتشي

سيلأ ابسرت عمر وعمر اشر بعيونه بمعنى تفتش وفتشت

ام عناد: اوف يتشابهين قوي خوات

اسيل: توأم

أسماء: ماشاء الله عيال اختي عرفوا يختاروا الصدق

ام عناد حاولت تقلد ان هي معصبه بس ما اقدرت وجلست تتكلم معهن وحبتهن قوي واسيل وسيلأ حبينها قوي ونزلت اخت عناد علياء

علياء: عندنا ضيوف وماحد قلي انزلي

عناد: من الضيوف هن نسواننا

علياء: كيف

عناد: اعرفش عليهن هذه اسيل مرتي وهذه سيلأ

عمر: مرتي وروحي

علياء: زبج حامض

عناد بهيبه: ليش عنمزح معش

علياء: ما اقدرت أصدق

ام عناد: هولا نسوان اخوتش اسيل وسيلأ

علياء: أمه حتى انتي بتكذبي عليا مثلهم

ام عناد: لا هن نسوان اخوتش

علياء: لحظه ماهو منكم صدق

عناد: اسيل تعالي جنبي

اسيل ابسرته وسكتت

عناد: تعالي جنبي

اسيل سارت جنبه ومسك يدها

علياء جلست: عناد ورغد لمن تزوجت هذه ورغد لمن

عناد: وانا ايش دخلني

علياء: رغد تحبك لا مش انت داريه

عناد: بس انا احب مرتي ومستحيل احب بعدها

علياء: اوف

عمر: ليش الاوف تزوجنا وخلاص انتي اسكتي

علياء سكتت وابسرت اسيل وسيلأ  وقالت: انتين توأم صح

سيلأ: ايوه احنا توأم

علياء: واو نسوان اخوتي توأم

سيلأ ابتسمت

علياء: تدوم الضحكة

سيلأ: تسلمي لي

علياء: من الكبيره ومن هي الصغيرة

سيلأ: اسيل الكبيره وانا الصغيره يعني اصغر منها بخمس دقائق

@rewayatyamania المصدر الأول للروايات

علياء: مرة عناد اسمها اسيل وانتي سيلأ

سيلأ: ايوه

علياء: كيف لوما اتعرفوا عليكن

سيلأ: مدري

علياء: تدرسي جامعه انتي مع عمر

سيلأ: لا عاد انا صف ثالث ثانوي

علياء: نفسي كم عمرش

سيلأ: 17 سنه وانتي

علياء: نفس العمر حتى

اسيل: سيلأ وين سرتوا وانتوا خطيتوا قبلنا

سيلأ: سرنا المطعم تعشينا وجينا هكذا

اسيل: هاه طيب

علياء: وانتي يا اسيل تدرسي

اسيل: ايوه بس منازل 

علياء: اوه المنازل تعب قوي

اسيل: ما افعل

تجابرين لوما جاء ابو عناد وجده وعمه


ابو عناد: السلام عليكم

ام عناد: وعليكم السلام

الكل: وعليكم السلام

عناد: اباه اشتي اتكلم معك في موضوع

الجد خالد: اتكلم بنسمعك كلنا

عناد: اباه انا تزوجت

ابو عناد: لا تمزح معي يا عناد

عناد: تزوجت وهي بنت عمي أحمد

ابو عناد: كيف

عناد: قد لي متزوج 3 شهور

ابو عناد: من سمح لك تتزوج من دون علمنا

عمر: تزوجنا وخلاص

أبو عناد: حتى انت

عمر: ايوه

الجد خالد: خلاص تزوجوا ايش عنفعل

عناد: اعرفك على مرتي ياجد

الجد خالد: أعرفها أعرفها بنت الغالي ابو حسام

علياء: يله قل لي ايش اسمها

الجد ابسر الشامه الذي عند شفايف اسيل وعرفها: هذه اسيل وهذه سيلأ

علياء: ماشاءالله عليك ياجدي كيف عرفتهن من نظرة من هي هذه ومن هي هذه

الجد خالد: هولا هن غاليات على قلبي

علياء: من وين تعرفهن

الجد خالد: هولا بنات عمتش

علياء: صدق

الجد خالد: ايوه

علياء: هولا خوات وليد الذي بيدور عليهن

الجد خالد: ايوه

علياء: وين هو وليد اليوم

اسيل: صح وين هو وليد حسام وسيماء معه

عناد: لا تخافي ذلحين عادهم في الطريق

اسيل: مانش خايفه دامهم مع وليد

عناد: يله نطلع الغرفه نرتاح

عمر: سيلأ يله نرحلنا البيت

سيلأ: طيب

اسيل ابسرت عناد وعناد ابسرها

عناد: ايش

اسيل: ما عنروح البيت

عناد: اسيل اسمعي انا عد اعيش في هذا البيت سوا برضاش أو غصب عنش 

اسيل سكتت

عمر: يله مع السلامه يله سيلأ وخطيوا

عناد واسيل طلعوا الشقه حق عناد

عناد فتح باب الشقه وقال لاسيل: ادخلي

اسيل دخلت: اوه الشقه حق ابي قديه حقك

عناد ابسرها: عاد ذاكرتش قويه

اسيل دخلت الغرفه

عناد: ودخلت الغرفه الغلط

اسيل غلقت الباب

عناد: هذه الغرفه حق ابوش ماحد بيدخلها الغرفه حقنا هذه واشر على الغرفه الذي جنب غرفه ابو اسيل

اسيل: اسمع احنا زواجه بس على الورق وانت تنام في غرفتك وانا في غرفة ابي

عناد: طيب الذي تشتيه ودخل الغرفه

اسيل شغلت النور وجلست

اسيل ابتسمت: اخذوا كل شي من أبي حتى هذه الشقه يله عيرجع كل شي على ما كان وبعدت العبايه ورقدت
.
.


عند سيلأ وعمر وصلوا البيت ودخلوا وغلقوا الباب

عمر: ما توقعت أن ابي يتقبل بهذه السهوله

سيلأ: طيب ايش كنت تتوقع

عمر: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 16 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


عند سيلأ وعمر وصلوا البيت ودخلوا وغلقوا الباب

عمر: ما توقعت أن ابي يتقبل بهذه السهولة

سيلأ: طيب ايش كنت تتوقع

عمر: كنت أتوقع يمنع علينا المصروف ما يتكلم معنا يطردنا من البيت بس ما حصل شي من الذي توقعته

سيلأ: باطل هههههه

عمر: كنت اشتي اعيش دور المسؤل بس ماحصل

سيلأ: تقل ايش بيحصل عند اسيل وعناد

عمر: اسمعي اخي اعند من اختش يعني بيتصايحوا اكيد

سيلأ: اسيل تكره عناد من طفولتها واحنا داريين

عمر: صح انا عد ادخل الغرفه ارقد شويه

سيلأ: طيب

عمر: وانتي ارقدي جنبي
    
سيلأ: طيب و دخلوا الغرفه رقدوا
.
.

عند اسيل وعناد كل واحد راقد في غرفه في اليوم الثاني الساعه 9  الصباح قامت اسيل وخرجت من الغرفه وعناد خرج من الغرفه

عناد: صباح الخير

اسيل: صباح النور

عناد: يله ننزل

اسيل: طيب ونزلوا

@rewayatyamania المصدر الأول للروايات

عند ام عناد وخالته وبنت خالته

ام عناد ابسرت اسيل: صباح الخير

اسيل: صباح النور كيف حالش يا خاله

ام عناد: الحمدلله بخير ياروحي وانتي كيف حالش وكيف ليلتش

اسيل: الحمدلله بخير

خالة عناد ام رغد: جي شلي الاغراض هولا وطلعيهن لا غرفة الضيوف

اسيل: بتحاكيني

ام رغد: ومن في خدامه غيرش هنا

اسيل ابسرت عناد وعناد ضحك بمعنى اعجبه الذي قالت خالته

اسيل: اسمعي مانش خدامه انا هنا مرة عناد

أم رغد عوجت فمها: عناد تزوجت هذه بنت الفقر

عناد ضحك على كلام خالته

اسيل اقتهرت منه قوي وسكتت

ام عناد: من هي بنت الفقر يا اختي

أم رغد: هذه مرة عناد

أم عناد سارت لشق اسيل: هذه وجه الخير علينا كلنا هذه نور البيت وباستها في راسها

أسماء: هذه بنت الغالي والغاليه عليا هذه اسيل احمد ال.......

أم رغد: هذه بنت أحمد

اسيل: ايوه وإذا ما اعجبتش لا تبسريني

ام رغد: ومن وين عتعجبيني 

اسيل: الحاصل معش ما عد ابيع

الجده نوريه: ايش في من الصباح

ام عناد: ولاشي

ام اسيل: ام رغد نورتي وشرفتي

اسيل: أمه ساره اشتي اكلمش لو سمحتي

ام عناد: امي وروحي طيب تعالي معي وخطيين للشقه حق خال اسيل

ام عناد: هاه روحي مالش

اسيل: ااااااا

ام عناد: اطلبي وانا اجيب لش من عيوني

اسيل: اختش ابسرتني بهذه الملابس قالت اني خادمه لو نقدر نروح السوق مع بعض نشتري لي ملابس ومعي فلوس

ام عناد: من هذه قبل هذه انتي آمري بس

اسيل: ويحين نسير

ام عناد: الآن اخلي عناد يسوقنا

اسيل: طيب أسير البس العبايه واجي

ام عناد: طيب اسيل خطيت تلبس العبايه

عناد: اسيل تعالي اسكبي لي قهوه

اسيل: طيب وسكبت له قهوه ومكنته وطلعت لبست العبايه ونزلت

ام رغد: وين عتسير مرتك يا عناد بالعبايه

اسيل خطيت لعند ام عناد

اسيل: خاله

ام عناد: يله هيه ياروحي قذا انا جايه

اسيل: طيب

عناد دخل مسرع وبصوت مرتفع

عناد: اسيل لوين عتسيري

اسيل: البحر عتجي معي 

عناد: اسيل اتكلم جد انا

اسيل: وانا اتكلم جده

عناد: مش وقت المزح ذلحين وين عتسيري

اسيل: اشوف رجال ثاني شي مانع

عناد: بس سماجه

اسيل: انت السامج الذي بتفعل حركات عند رغد وامها يااخي ليش كل ما أقل تعدل ترجع اخس وكل يوم وكرهي لك اكثر واكثر

ام عناد: اسيل عناد استهدوا بالله

اسيل: ونعم بالله

عناد: ونعم بالله

ام عناد: انت الذي فعلته غلط انك تضحك على الذي قالته خالتك على مرتك عيب عليك

عناد: بس انا

اسيل: عادي يخليني اقنع منه بسرعه واكرهه أكثر

ام عناد: يله وصلنا للسوق نشتري ملابس لاسيل

عناد: حاضر وطلع لبس ونزل شغل السيارة وخطيوا السوق اشتروا ملابس لاسيل وسيلأ  وروحوا 3 عصر


ام عناد: اسيل جي جربي الملابس

اسيل أخذت الملابس وطلعت تجربهن ودعت ام عناد تجي تبسر وسارت ام عناد تبسر اسيل

ام عناد: حالي سكه جربي هذا

اسيل شلت الفستان ودخلت تجربه لبسته وخرجت

ام عناد: عليش بالضبط حتى لونه حالي اسود بس انتي نحفتي قوي يا اسيل

اسيل: على ما أنا ما نحفت

ام عناد: عد ارجع افعل جلسه لكل نسوان الحاره يجين يبسرين نسوان عيالي

اسيل: إن شاء الله 

ام عناد: البسي هذا الروب وكما جت اختش قلي  لها تلبس مثل هذا قد اشترينا كل شي اثنين

اسيل: حاضر من عيوني

ام عناد: انا عد انزل قبلش

اسيل شلت الروب ودخلت تلبسه وخرجت وابسرت عناد وخطيت

عناد: ايوه هكذا الناس تلبس

اسيل: وانت ايش دخلك مني تلبس كيف ما كان

عناد: الله روب جنز

اسيل تحجبت ونزلت

ام رغد كانت بتتحاكى مع ام اسيل وابسرت اسيل

اسيل: السلام عليكم

الجده نوريه: وعليكم السلام 

اسيل: وين هي امي سارة

أسماء: دخلت الغرفه

اسيل: عد ادخل ابسرها وخطيت

اسيل: أمه ساره امه ساره وين انتي

ام عناد: ادخلي

اسيل دخلت: مالش هنا اخرجي عندهن

ام عناد: عاد انا مسومه من السوق





📚 @rewayatyamania  🇾🇪

.

البـارت 17 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


اسيل: أمه ساره امه ساره وين انتي

ام عناد: ادخلي

اسيل دخلت: مالش هنا اخرجي عندهن

ام عناد: عاد انا مسومه من السوق

اسيل: اوه خلاص امتدي وانا ادي لش ماء وآكل

ام عناد: تمام وامتدت

اسيل سارت للمطبخ وجهزت اكل وسارت لغرفة ام عناد 

اسيل فتحت الباب ودخلت: أمه ساره هيا قومي آكلي 

ام عناد عدلت جلستها وآكلت

اسيل: بالعافية

ام عناد: على قلبش

اسيل: ليش ما تقولي لي انش مربوشه كنت أديت لش عصير ليمون تصحصحي

ام عناد: ذلحين ولا به شي بخير تقل حصان لا انتي تشتي تخرجي خرجتي

اسيل: لا لا لا مانش طايقه لهن عد أخرج عندهن

ام عناد: اسيل بس امش خارج يمكن فاقده لش

اسيل: أصلاً لوكانت تحبنا ما كان تفلتنا وتسير مع اخوها

ام عناد: القصه هذه حصلت وخلاص لازم تنسي القصه هذه على شان تستمر حياتش الزوجيه

اسيل: مانش قادره انسى القصه هذه ولا قادره انسى الذي فعله خالي ولا اقدرت انسى شي يا امه ساره وحياتي الزوجيه تستمر والا لا استمرت

ام عناد: بنت لو تحبي عناد ماتقولي هكذا

اسيل: أمه ساره خلاص غلقي على الموضوع

ام عناد: اسيل لا تحكمي على عناد من أعمال ابوه عناد ماله دخل

اسيل: طيب فهمت ان عناد ماله دخل وفهمت انه مختلف على خالي بس عناد اليوم قهرني قوي يا خاله

ام عناد: ليش فعل هكذا مانش داريه

اسيل: واضح للاعمى الذي فعله

ام عناد: ليش فعل هكذا

اسيل: ببساطه ابنش عناد يحب رغد وفعل هكذا على شان ما ينزل من نظرها أو على شان يرضيها أو على شان يقلها انا تزوجتها بس على شان ظروفها يعني مجبور على اني اتزوجها مش لاني احبها بس على شان ظروفها

ام عناد: بس هو قال انه يحبش ومستحيل يحب واحده غيرش

اسيل: أمه ساره اي واحد عيقدر يخلي نفسه انه يحب يمكن بس يجاملني بس هكذا

ام عناد سكتت ودخل عناد

عناد: أمه مالش هنا اخرجي عند خالتي ام رغد هي جت عندش وانتي هنا اخرجي عندها

ام عناد: هي كل يوم عندي

اسيل كتمت ضحكتها

عناد ابسر اسيل: اوه اسيل بتضحك

اسيل: لا بين ابكي

عناد: هيا اخرجين عندهن

اسيل: انا عد اطلع الغرفه وانتي آخرجي تمام وخطيت

ام عناد: عناد تعال جنبي اشتي احاكيك

عناد سار شق امه: ايش في مالش ما بيوجعش

ام عناد: اسيل

عناد بعصبيه: مالها وانا اطلع اوريها كيف تتكلم معى امي

ام عناد: مالها شي بس انت الذي لازم تتكلم معها بأدب واحترام هي مرتك مش خدامه هي بنت عمتي مثل ما رغد بنت خالتك مثل ما بتحترم رغد احترم اسيل

عناد: والله ان اسيل في القلب بس يمه ما اشتي اتعلق بها وبعدا نتطلق

ام عناد: انت تحبها

عناد: ايوه

ام عناد: لو تحبها ما تقل هكذا

عناد: ايش أقل وهي ما تحبني حتى

ام عناد: كيف تشتي تحبك وانت بتعاملها هكذا حسسها انك تحبها حسسها انك تخاف عليها حسسها بالحنان كيف تشتي تحبك وانت ماقمت معها حن ما خالتك قالت لها خدامه عيب عليك خلي اختك مكان اسيل وخالتك قالت لعلياء انتي خدامه ايش عيكون موقفك

عناد: اكسر فمها لو تقول على اختي هكذا

ام عناد: ووليد عيفعل نفس الشي يا ابني بنات الناس مش لعبه

عناد: طيب الذي يرضيش عد أفعله واسيل عد اطرحها في عيوني وقلبي

أم عناد: عد اشوف

عناد: ابسري وما اكون عناد لو مش قد كلامي

@rewayatyamania المصدر الأول للروايات

عند سيلأ وعمر عادهم قاموا من النوم

سيلأ قامت وخرجت من الغرفه ودخلت الحمام (اعزكم الله) تروشت سريع وخرجت ودخلت الغرفه تبدل سريع وسارت لا عند عمر تقيمه

سيلأ: عمر

عمر: اممممم

سيلأ: قوم هيا قديه الساعه 5 عصر

عمر قام: يله هيه وسيلأ خطيت وعمر رجع البطانيه ورقد

وسيلأ سارت للمطبخ تشرب ماء ورجعت للغرفه تقيم ابسرت عمر راقد

سيلأ: عمر هيا قوم اشتي أسير عند اسيل ابسرها هي في بيتكم اكيد محد اتقبلها

عمر: لا تخافي عناد معها

سيلأ: مدري اشتي أسير ابسر اسيل لو سمحت يا عمر

عمر: طيب عيوني من هذه قبل هذه

سيلأ: هيا سريع لكن

عمر: حاضر ادخل اتروش سريع ونخطى

سيلأ: تمام

عمر دخل يتروش وسيلأ لبست العبايه وجلست

سيلأ: تأخر عمر يوف

عمر بيغني في الحمام (اعزكم الله)

عمر: قالوا وقالوا عليا خبر لحق له خبر حتى الجميل المحيا يا ناس ماعاد سبر صدق عليا حكيه والحكيه كلام

سيلأ دقت دقت الباب حق الحمام (اعزكم الله)

سيلأ: يا راشد الماجد اقطب عاده عيغني في الحمام

عمر خرج من الحمام

عمر: انا بين اغني لحسين محب مش لراشد الماجد

سيلأ: عاده عيتفلسف اقطب بدل سريع

عمر دخل بدل وخرج لاعند سيلأ

عمر: هيا خطينا

سيلأ: احجر

عمر: لو تقدري

سيلأ: ولللللللللللللي

عمر: اهي اوذا انتي تعرفي تحجري

سيلأ: امي ساره علمتني وانا صغيره هيا خطينا قوا

عمر: يله وخطيوا
  

https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 18 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


في السياره
عمر فتح اغنيه لابو بكر سالم يا زارعين العنب ماباتبيعونه ويصفق ويغني وسيلأ بتتحيلى له

عمر: صبر عصبر

سيلأ: ساعه عسا بعد الصبر نشرب من الحالي والصبر عند العرب طاعه.......

عمر: ياليلاه فديت الذي تغني

سيلأ: ههههه كم لي من الغناء قد نسيت الغناء من أكثر الهم

عمر: ونغني انا وانتي ولا عليش ايش تشتي من اغنيه

سيلأ: الواضح أن ما معك إلا اغاني ابو بكر سالم

عمر: ايه من صغري يعجبني أغانيه

سيلأ: داريه لوما كنا صغار كنت تكسر راسي انا واسيل وهيام باغاني ابو بكر سالم وأكثر اغنيه كنت تعيدها وتثنيها ايش كان اسمها

عمر: متيم في الهواء يروي حكاية حب مخفيه مع من عاش وياهم

سيلأ: ايوه ومره غلقت التلفون الذي كنت بتغني به وانت ضربتني وما فرعت بيننا إلا هيام

عمر: قد انا فاقد لها قوي تذكري لوما قال وليد لها انو يحبها ههههههههههه


سيلأ: صح وين هي ما عاد اشوفها في بيت جدي

عمر: هي سارت السعوديه مع ابوها

سيلأ: اوه ويحين من بعد ما حصلت القصه هذك

عمر: ايوه لانو عمي نبيل ما عاد قدر يستحمل عمايل ابي

سيلأ: خالي نبيل هو الوحيد الذي سأل علينا انا واخوتي

عمر: بس من بعد ما عرف ابي ما عاد اقدر يفعل شي لكم

سيلأ: مع ان ابوك أكبر واحد من اخوالي بس ابوك مريض نفسي

عمر: مش مريض نفسي ابي مريض مرض اسمه ابو حسام يشتي يدمره مهما كانت الظروف

سيلأ: قد انا فاقدة لابي قوي قال وليد عيسوقنا نبسره بس ويحين الله اعلم

عمر: انا موجود اقدر اسوقش تبسريه

سيلأ ابسرت عمر وبكيت

عمر: لا لا لا تبكي ياروح عمر لا تبكي وانا موجود

سيلأ: اهئ اهئ ابوك السبب في كل ماحصل لنا ايش يشتي من أبي خلاص أخذ كل أملاكه وأخذ بيته وطردنا من البيت بس انه يسجن ابي وابي امن عليه لانو ابن عمه ولانو رفيق دربه بس ابوك طلع خاين وكذاب ويكره ابي انا واسيل كنا داريات انهم عيفعلوا بابي هكذا وسكتنا لو تكملنا ما كان عيحصل هذا كله حتى انت وعناد ووليد كنتوا داريين انهم عيفعلوا فينا هكذا وسكتوا 

عمر: لانو كنا غاويين وما احنا عارفين ابي ايش عيفعل ومشو ابي وحده حتى امش خططت مع أبي وأدت له كل شي لا تنسي طيب

سيلأ: بس لا تنسى أن ابوك المخطط وامي الذي تنفذ

عمر: عادش بتقولي امي

سيلأ: ايش قل يعني هي امي لو ايش ما فعلت سوا كان برضايا أو غصب عني هي الذي خلفتني على هذه الدنيا

عمر: بس هيه وابي السبب في كل شي

سيلأ: الله يسامحهم ايش ما فعلوا هم بالأخير اهلي وانا مجبوره احترمهم

عمر: طيبة قلبش هذه تقتل

سيلأ: به الله من انا لوما ما اسامحهم

عمر: فديت الطيبه بس اوعدش أخرج ابوش من السجن في اقرب وقت

سيلأ: إن شاء الله

عمر: وصلنا

@rewayatyamania المصدر الأول للروايات

سيلأ نزلت ودقدت الباب فتحت لها الخدامه دخلت والكل كان في الصاله

سيلأ: مساء الخير

الجد خالد: مساء النور

سيلأ: كيف حالكم

الجده نوريه: بخير الحمدلله

سيلأ: علياء وين هي اسيل

علياء: يا حيا كيف حالش

سيلأ: الحمدلله بخير وانتي كيف حالش

علياء: بخير اسيل طالع

رغد: كيف وين اسيل وهي بتحاكينا

عمر: هذه مرتي ماشي مرة عناد هذه القلب حقي هذه سيلأ اخت اسيل التوأم

رغد: هن توأم

عمر: ايوه علياء وين هو وليد

علياء: أمس جاء الساعه 10 الليل هو واخوته

عمر: قلت وين هو ماقلت ويحين جاء

علياء: مادراني ياسعم اني مراقبه له

سيلأ: طيب عد اطلع ابسر ماله لا هو تاعب تمام وخطيت

عمر ابسر سيماء: سيماء جي جي ياروحي

سيماء: خير

عمر: خير 

سيماء سارت لعند عمر وجلست جنبه

عمر: كيف حال القمر حقنا

سيماء: بخير الحمدلله

عمر: جعلها ماتفرقش يارب

سيماء: عمر اشكي عليك من حسام

عمر: اشكي

سيماء: اتخيل اليوم دراسه وانا قيمته وهو مارضي يقوم وانا اشتي أسير المدرسه وهو مارضي قهر صح

عمر: هههههههه إلا قهر

سيماء: عمر البيت هذا كبير وعريض بس مشو حالي سع بيتنا

عمر: ايه والله ان بيتكم حالي والوحدة يرتاح هناك

سيماء: عمر اشتي اغني

عمر: من عيوني جي معي اطلع ادي المكرفون نغني

سيماء: مكرفون

عمر: ايوه وحضنها وطلعوا
.
.

عند وليد وسيلأ

سيلأ دقدقت الباب

وليد: ادخل

سيلأ: وليد

وليد: حيا بالروح

سيلأ: ايش فيك وجهك تاعب اتعبوك سيماء وحسام

وليد: لا بس ما اقدرت انام

سيلأ: من ايش اشكي لي وانا اختك

وليد: ياروحي كبرتي بس مابش حاجه

سيلأ: هيام صح

وليد: كيفه

سيلأ: هيام شاغله بالك

وليد: لا مش هيام هيام قد نسيتها

اسيل خرجت من الشقه حقها وسمعت كلام وليد وسيلأ

اسيل: طيب اذا مش هيام من

وليد: ماشي حاجه

اسيل وسيلأ في نفس اللحظه: على غيري هذا الخبر

وليد: بنات لا تزيدين فوق همي هم

اسيل: وليد احنا خواتك اشكي لنا




📚 @rewayatyamania  🇾🇪

.

البـارت 19 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


اسيل: وليد احنا خواتك اشكي لنا

سيلأ: أصلا اليوم احنا جينا نشكي همنا لك وانت تشكي همك لنا

وليد: اتكلمين والله لا اخلي خالي سع المجنون مثل ما فعل بنا هكذا

اسيل: انت ايش فيك من اول يوم ما ابسرتك فيه وانت مطنن ساكت بالك مش معك هيا اتكلم قوا

وليد قرر انه يتكلم: طيب عد اتكلم وبعدا انتين

اسيل: تمام

وليد: يوم ما روحت من شغلي كنت ماشي بالسياره في الطريق المهم في نص الطريق ابسرت حد بيحمل وكان يأشر لي بيده يعني اوقف السياره ووقفتها وابسرت بنت حالتها حاله بس ما كنت افهم كلامها وبعدا قالت لي خليني اروح معك لو سمحت وطلعت معي وروحنا ووقفت السياره وفكرت وين عد اسوقها

المهم قلت لازم افهم حكايتها ايش الذي خلاها تحمل في الشارع بنص الليل الساعه 12 من انتي ومالش في الشارع في هذا الليل

@rewayatyamania المصدر الأول للروايات

اسيل: اااااا اكيد وقعت سع الذي في أفلام الرعب صح

سيلأ: لا اكيد تحولت إلى صياد صح

عمر دخل: اكيد هي جنيه صح

وليد: اليكم الخيال والوسع

عناد دخل الغرفه

عناد: هي بنت بس حكايتها حكايه

اسيل: وانت ايش عرفك بتتفلسف

عناد: قد حكى لي

اسيل: ماعلينا وليد كمل

وليد: سألتها وجاوبت عليا

سيلأ: ومن هي وايش اسمها وعمرها كم وكيف شكلها

وليد: بنت من الجوف اسمها جود عمرها 17 سنه بس ما كنت ابسر شكلها

اسيل: المهم ايش حكايتها

وليد: حكايتها انو ابن عمها يحبها وكان يشتي يتزوجها وهي ما تحبه وجا يطلب يدها من عند ابوها وقال ابوها إذا هي موافقة طيب واذا لا  مابرضى وهي أصلا تكرهه وقالت ما تشتيه وقال ابوها طيب

المهم في يوم كانت ماشيه في الطريق وقالت انو ابن عمها هددها انوه عيخليها تندم على رفضها له وبعدا في يوم خطفها وهي مروحة كانت بتدي ماء من البير وخطفها وقالت كان يقل عيخليها تتزوجه غصبا عنها لا درجه كان يشتي يتحرش فيها لكن اقدرت تهرب من عنده

سيلأ: كيف يعني يتحرش

عمر: يعني يعتدي عليها

سيلأ: كيف يعتدي عليها

عمر: يعني يغتصبها

سيلأ: يعوه شرفه وعرضه ويشتي يفضح شرفه وعرضه استغفر الله واتوب اليه

اسيل: وبعدا كيف اقدرت تهرب منه

وليد: هربت بس قد حالتها حاله مسكينه

اسيل: وليد لو تخليني أسير ابسرها اواسيها شويه

وليد: انا مابين افلتها لحالها بين اجس عندها للساعه 10 واروح البيت

اسيل: وين سقتها

وليد: دار الأيتام مابش مكان ثاني غيره

اسيل: بس سمعت ان دار الأيتام فيها مربيات خبيثات كيف خليتها لوحدها وليد حرام

وليد: طيب ايش افعل

اسيل: اتزوجها

وليد: استغفر الله

اسيل: اتزوجها ايش فيها

وليد: احنا في وادي وانتي في وادي

اسيل: اتخيل انو انا بقعتها ايش عتفعل

وليد فكر بكلام اسيل وسكت

عناد: اسيل ايش يتزوجها

اسيل: ايش فيها حرام والا ما يجوز

عناد: بس ماشي بنت

اسيل: انت تفكيرك مريض نفس ابوك قالت لا وليد انه كان عيعتدي عليها وهي هربت

عناد: بس يمكن تكذب 

اسيل: ويمكن حقيقه لا تحكم عليها

عناد: انتي ليش بتدافعي عليها 

اسيل: وانت ليش تشتي تخليها الغلطانه وان الذنب ذنبها مشو ذنب ابن عمها

عناد: لانو ما اقتنعت بكلامها

اسيل: مشو لازم تقتنع ولا لازم تصدق ومحد ضربك على يدك على شان تصدقها أصلا ليش عتكذب في شرفها وعرضها

عناد: اي حد على شان الفلوس عيكذب

اسيل: لا تفكر كل الناس مثلك مش كل الناس سوا

عناد عض شفايفه: ليش ويحين انا كذبت على شان الفلوس

اسيل: مش بس كذبت سكت على كل شي وانت شاهد على كل الذي فعله ابوك ولا فكرت تتكلم والساكت عن الحق شيطان اخرس 

وليد حسه مش معه خرج من الغرفه وعمر وسيلأ بيتبسروهم وساكتين

عناد: اسيل بتغلطي عليا كثير انا اسامحش بس لاهنا وبس وخرج من الغرفه 

عمر: كملتوا نقدر ننزل نجس عند جدتي وعمتي وخالتي وامي

اسيل: انزل ماسكه لك أو كيف

سيلأ أشرت لعمر بمعنى انزل عتخرج كل ضبحها فوقك وعمر نزل وسيلأ غلقت الباب وجلست مع اسيل

اسيل: اوف ايش هذا من ادمي ينرفزني الصدق 

سيلأ: بس هو زوجش استحمليه

اسيل: هذا مشو زوجي ومستحيل يكون زوجي

سيلأ: برضاش والا غصب عنش هو زوجش وإذا أراد الله عيكون ابو عيالش

اسيل: لا مااشتي يكون زوجي ما اشتيه أكرهه ليش ما تفهموا اكرهه

سيلأ: اسيل اسمعيني هو زوجش واهدي مالش تنرفزتي 

اسيل هدأت شويه

سيلأ: يله ننزل عند عمر وعناد ووليد

اسيل: ايوه اشتي اسألش كيف عمر بيعاملش

سيلأ: الصدق بيحترمني وبيخليني تاج فوق راسه

اسيل: الله يديم المحبة بينكم

سيلأ: امين وانت كيف بيعاملش عناد

اسيل: ايش بتشوفي

سيلأ: اسيل انسي القصه خلاص

اسيل: ما اقدر انسى الذي حصل لابي من تحت رأس ابو عناد

سيلأ: ابي عيخرج بالسلامه وهو عيتصرف

اسيل: هو يخرج بس وبعدا سهل


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 20 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


سيلأ: اسيل انسي وابي عيخرج من السجن ويخليهم يندموا على الذي فعلوا نسيتي من هو ابو حسام

اسيل: سيلأ ايش رأيش غطوه نسير نبسر ابي قد انا فاقده له قوي

سيلأ: طيب استأذن من عمر وانتي استأذني من عناد طيب

اسيل: لا حول ولاقوة إلا بالله

سيلأ: هو زوجش استاذني منه

اسيل: تمام

سيلأ: يله ننزل

اسيل: طيب ونزلين


عند الكل كلهم في الصاله إلا وليد

اسيل: وين وليد

سيلأ: يمكن في الحوش

اسيل: ها طيب

عمر: سيلأ جي جنبي

سيلأ سارت جنب عمر

علياء: عمر ياسعم ما عندرى أن سيلأ مرتك إلا حن تجس جنبك

عمر: علياء اسكتي احسن لش

علياء: تمام اسيل جي جنبي

اسيل: انا عد أخرج ابسر وليد واجي

علياء: تمام

اسيل: حسام سيماء تعالوا معي

سيلأ: وانا عاد اجي

اسيل: لا اجسي عند عمر

سيلأ: طيب

@rewayatyamania المصدر الأول للروايات

اسيل وحسام وسيماء خرجوا الحوش ابسرت وليد جالس آخر الحوش وسارت لا عند وليد

اسيل: وليد

وليد: ها

اسيل: مالك يا أخي ضابح

وليد: ماشي حاجه مهمة

اسيل: تمام على راحتك ما تشتي تحاكيني

وليد: من قال اني ما اشتي احاكيش بس بين افكر كيف عد افعل مع جود

اسيل: قلت لك ايش تفعل انك تتزوجها

وليد: انتي داريه ايش الذي بتقليه

اسيل: ايوه داريه ايش بين أقل

وليد: اسيل الان انا بين نارين من شق جود ومن شق هيام

اسيل: بس انت قلت نسيت هيام

وليد: ما اقدرت انساها

اسيل: طيب على راحتك بس على الاقل خليني أسير ابسر جود واتكلم معها

وليد: هههه جود مع كل شي حصل لها بتضحك حتى كلمها سع البدو هههههه اتخيلي أمس لعبت مع حسام وسيماء بيضه احس ان عادها صغيره وجاهله بس حالي طبعها

اسيل: ههههه اشتي ابسرها هذه جود الذي شاغله بال اخي

وليد: إن شاء الله قريب

اسيل: إن شاء الله

وليد: هيا ندخل

اسيل: هيه

حسام: وليد جي ابسر

وليد: مابه

حسام: جي

وليد سار

وليد: هاه مابه

حسام: خرج هذه من هنا اشتي العب بها

وليد: حسام هيا ندخل ما فيني من خرج السيكل

اسيل: سيكل وينه وانا أخرجه

وليد: ادخلوا برد عذا يشتوا يلعبوا

اسيل: حسام وين السيكل

حسام اشر على مكان السيكل: هنا

اسيل خرجتها

اسيل: وليد خرج الثانيه نلعب

وليد: اسيل مانش فاضي

اسيل: خرجها للغاجه

وليد: حسبنا الله وخرجها

اسيل: يله اطلع في السيكل حقك انت وحسام وانا في السيكل حقي انا وسيماء

وليد: تمام وطلعوا حسام ووليد في نفس السيكل واسيل وسيماء في نفس السيكل

اسيل: هاه جاهز

وليد: ايوه وانتي

اسيلة يله اعد لا عند ثلاثه ونتسابق تمام

وليد: يله واحد

اسيل: اثنين

سيماء: ثلاثه وبدأوا السباق

سيماء: وليد عنسابقكم

حسام: لا احنا عنسباقكن

اسيل: ههههههههههههههههه

وليد: هههههههههههه تذكرت ايام زمان

اسيل: اوه احسن ايام

وليد: اوبهي عتصدمي الجدار

اسيل: لا تخاف معك خبره هنا

وليد: ههههه شكلي عد اصدم انا

اسيل: اوبه تصدم

وليد ما عاد اقدر يوزن السيكل

اسيل بخوف: وليد اوبه عتصدم

وليد: يوه عد اصدم

حسام: يعوه عنصدم يعوه يعوه

وصدم في الجدار

اسيل: هههههههههههههههه

سيماء: تستاهلوا

وليد: أخ يدي حسام ايش بيوجعك

حسام: رجلي تحت السيكل

وليد: ههههههههههههههههههه

عمر: ايش في خارج صوت الضحكه قوي

سيلأ: جي نخرج

عمر: يله وخرجوا

علياء: وانا عد أخرج ابسر

رغد: شليني معش ابسر

علياء: هيا جي وخرجين

عناد: احم عد أخرج ابسر وخرج

ابسروهم

سيلأ: مابه

اسيل: ههههههههههه

سيلأ: وليد مابه

وليد: ما عاد اقدر يتكلم بيضحك على شكل حسام

سيلأ ابسرت حسام وضحكت

سيلأ: ههههههههههههه

عمر: ههههههههه ابسروا شكل حسام

علياء: ههههههههه حسام

رغد ابسرتهم: مابش حاجه تضحك

سيماء: مشو ضروري تضحكي

رغد قالبه عيونها وخطيت لا عند عناد وعناد بيبسر اسيل اول مره يبسرها تضحك هكذا

رغد: عناد تعال ندخل

عناد: .....

رغد: عناد

عناد: .....

رغد أشرت بيدها وعناد ابسرها

عناد: خير مالش

رغد: وين حسك

عناد: هنا وخطي لا عند اسيل ورغد دخلت البيت

عناد: ايش في

حسام: ولا شي

عناد: ههههه مالك تحت السيكل

وليد: وقع حادث

سيلأ: قوم يا حسام

حسام: اخروا السيكل من فوقي وانا عد اقوم

وليد آخر السيكل من فوق حسام وحسام قام 

اسيل: حسام ايش بيوجعك

حسام: رجلي ويدي

اسيل: ههههههه

وليد: الساعه كم

عمر ابسر التلفون: الساعه سبع

وليد: خاطركم عد أخطى ابسر جود

اسيل: اجي معك

وليد: مره ثانيه

اسيل: طيب

وليد طلع بدل وشل مفتاح السياره وخطي

سيلأ: هيا ندخل

عمر: حسام سيماء يله ندخل

سيماء حملت وحسام بيعرج ودخلوا البيت

علياء: انا عد ادخل


ما عاد باقي الا اسيل وعناد

عناد: ااااا عتدخلي هنا برد

اسيل...


https://tttttt.me/rewayatyamania/52227




📚 @rewayatyamania  🇾🇪

💔

بارتـات يومنـا الاحـد 👆🏻😍

.