.

البـارت 21 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


عناد: ااااا عاد تدخلي هنا برد

اسيل ابسرته

ابسرته

عناد: اسيل يله ادخلي

اسيل: عاد انا اشتي اجس هنا تشتي تدخل انت دخلت

عناد جلس جنب اسيل

عناد: وانا مانش داخلي

اسيل: على راحتك

عناد: هيا نلعب بالسيكل انت لش واحد وانا لي واحد

اسيل رفعت حواجبها 🤨    

عناد: ليش رفعة الحواجب قلي ايوه والا لا

اسيل: اوكي

عناد: يله

عناد: تمام طلع فوق السيكل

عناد: جاهزه

اسيل: اكيد

عناد: يله

اسيل: يله وبيتسابقوا
.
.

عند وليد وجود

وليد دخل الميتم

الحارس: وليد هذا الساع لاتكون تجي قدوه ليل

وليد: ايش افعل مابين أفضى إلا هذا الساع

الحارس: شوف المديره لو تعرف عاد تكون نهايتنا انا وانت

وليد: أصلا قد عد أخرج جود من هنا

الحارس: جي غطوه ما اقدر ادخلك هذا الساع

وليد: ابسر جود واخطى

الحارس: والله ما اقدر يا ابني

وليد: لو سمحت ابسرها واخطى

الحارس: والله ما اقدر اخليك تدخل

وليد يئس وجاء يشتي يخطى وسمع صوت جود

جود: وليد على وين رايح وانت ما شفتني

وليد: هلا جود معي عمل مهم بكرة اجي اشوفك

جود: ليه ما دخلت

وليد: ااااااا بكره راح اشوفك

جود: ليه بكره وليه مش اليوم

وليد: اااا وجود بالوقت هذا صار متأخر بكره باجي اشوفك

جود: ايش يفرق كل يوم تجي تشوفني بنفس الوقت هذا

وليد: ادخلي الوقت متأخر افهمي

جود: طيب بدخل

وليد: انتبهي لنفسك

جود: طيب تبغى شي

وليد: سلامتك

جود: ابدخل

وليد: ادخلي

جود: ابدخل

وليد: يله ادخلي

جود تخطى وتلتفت تبسر وليد

وليد يأشر بيده بمعني باي 👋 ودخلت ووليد خطي

جود: وش فيه ما شافني ولا سأل حتى ابفهم ليه

وليد: اوف ما اقدرت ابسرها واتكلم معها بس يله غطوه يوم وخطي
.
.

عند اسيل وعناد

عناد: تعبت

اسيل: وانا هيا ندخل

عناد: هيه ودخلوا كلهم جالسين وبيضحكوا

عمر: عناد اسيل تعالوا اضحكوا من اشكالكم

اسيل: اشكالنا

سيلأ: جدي خرج الصور حقنا واحنا جهال

اسيل: اسكه ابسر وجلست جنب سيلأ وبتبسر وتضحك وعناد بيبسر اسيل وبيتحيلى لها

اسيل: يوه كنت افجع

عمر: عادش دريتي

علياء: اسيل ابسري هذه الصوره

اسيل شلتها  كانت اسيل وسيلأ وعلياء وهيام متصورات وهن عادهن قامين من النوم

اسيل: ابسرين كيف شعري ههههههه مشعفل

سيلأ: سع أشرقت الشمس

اسيل: إلا ماانتي عاد شعرش اخس من شعري

سيلأ: كلنا شعرنا مشعفل

علياء: انا مشو مشعفل

اسيل ابسرة صورت ابوها وشلتها وابتسمت بحنيه وشوق وعناد ابسرها حس بحاجه بتوجع قلبه عناد قام لا عند اسيل وجلس جنبها وابسر الصوره

عناد: بكره عد اسوقش تشوفيه

اسيل ابسرت عناد وابتسمت

عناد: بكره عتبسري ابوش

اسيل بصوت باكي: إن شاء الله

عناد: لا تزعلي طيب

اسيل هزت راسها بمعنى طيب


أم رغد: ساره ما عد عتفعل جلسه

ام عناد: ليش

ام رغد: كيف ليش لا نسوان الحاره يجين يبسرين نسوان عيالش ولا بتخزي انهن نسوان عيالش

ام عناد بعصبيه: انا ما اخزا من هولا القمارى وغطوه عد اعزم كل نسوان الحاره

ام رغد: يله غطوه غطوه

علياء: أمه مش غطوه عاد احنا نشتي نشتري ملابس للجلسه ونجهز خليها بعد ثلاث ايام نجهز كل شي

ام عناد: تمام

وليد دخل البيت: السلام عليكم

الكل: وعليكم السلام

وليد طلع الغرفة وغلق الغرفه

@rewayatyamania المصدر الأول للروايات

عند الكل 

علياء: اسيل سيلأ غطوه عنسير السوق نشتري لكن فساتين للجلسه الذي عتفعلها امي لكن

اسيل: يحلها الله لاغطوه

سيلأ: طيب ولا يهمش

عمر: يله نروح قدوه وقت

اسيل: كم الساعه

عمر: 10 ونص

اسيل: عادو حين خليها لوما تقع 11 وروحتوا

عمر: تمام

اسيل: ايوة

عناد: اسيل تعشيتي

اسيل استغربت من سؤاله: ايوه الحمدالله

عناد: يهنأ  بالعافيه

اسيل: على قلبك

عمر: الله بيترمسسوا قدامنا

سيلأ: ههههههه

عمر: سيلأ حياتي تعشيتي

سيلأ: ايوه الحمدلله

عمر: يهنأ بالعافيه

سيلأ: تسلم

عمر: مع قلي لي سع اسيل على قلبك

سيلأ: اوه تمام على قلبك 

عمر: هههههه

عناد: يله انقلع

عمر: بيتك

عناد: مع بس انقلع بيتك قدوه وقت

عمر: يله خاطركم وخطيوا

عناد: مقلع

عمر: لا حول ولاقوة إلا بالله الذي عيسمعك اني فوق راسك

عناد: ماشي من قال انك فوق راسي

عمر: يله خاطركم وخطيوا وعناد واسيل طلعوا الشقه حق عناد

عناد: وين عترقدي

اسيل: في الغرفه حق كل يوم

عناد: طيب

اسيل: ااااااااااا

عناد: ايش

اسيل: غطوه عتسوقني ابسر ابي

عناد: مدري

اسيل: بس انت قلت غطوه

عناد: غطوه اشتي اسوقكن السوق واشتي أسير الشغل واشتي اسوقش تبسري ابوش كما بعد الجلسه الذي عتفعلنها عد اسوقش

اسيل: تمام قدك اخبر ودخلت الغرفه غلقت بالمفتاح وعناد دخل الغرفه وغلق ورقدوا




📚 @rewayatyamania  🇾🇪

.

البـارت 22 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


في اليوم الثاني الساعه 9 الصبح

قامت اسيل من النوم اول يوم ترقد هكذا

اسيل كم الساعه وخرجت لا غرفة عناد تبسر الساعه في تلفونه اسيل كانت تخطى دلا دلا على شان عناد عاده راقد وابسرت الساعه وخرجت وعناد قام وابسرها حن غلقت الباب

عناد جت تبسر الساعه كم مابش معها تلفون اليوم اشتري لها ولسيلأ

@rewayatyamania المصدر الأول للروايات

اسيل دخلت الحمام ونزلت وابسرت جدها وجدتها وخالها ابو عناد وخالها الثاني وام عناد وأسماء ام رغد وام اسيل

اسيل: صباح الخير

الجد خالد: صباح النور

اسيل: كيف حالكم

الجد خالد: الحمدلله بخير وانتي كيف حالش

اسيل: الحمدلله بخير

الجد خالد: هيا جي صبوح

اسيل: تمام وجلست جنب أسماء

أسماء: يونس هذه مرة عناد اسيل

يونس: كيف حالش

اسيل: الحمدلله يا خال يونس

يونس: كبرتي

اسيل ما درت ايش ترد وابتسمت

الجد خالد: اسيل

اسيل: هلا

الجد خالد: ويحين ناويين تدوا جهال للعائلة

اسيل ضحكت بخزا: هههه ويحين ما اراد الله

يونس: احرجت البنت يابه

الجد خالد: ليش تحرج

يونس: ابه خلاص غلق على الموضوع

الجد خالد: طيب

عناد: صباح الخير

الكل: صباح النور

عناد: كيف حالكم

الكل: بخير الحمدلله

عناد جلس جنب اسيل ورغد جت

رغد: صباحكم انا

الكل: صباح النور ما عدا عناد واسيل ساكتين

عناد: اسيل اصتبحي سوا

اسيل: طيب

يونس: بتخاف عليها لا تنحف

عناد: ايوة

يونس: الله يديم المحبة بينكم

عناد: آمين واياكم

الجد خالد: أن يا عناد مش انت ناوي تدي جهال

عناد بهرر: مالك ياجد عاد احنا تزوجنا مسرع تشتي ندي جهال

اسيل قديه خازيه وابسرت عناد وعناد ابسرها

عناد: اسيل تعالي معي لحظه وقام واسيل بعده وطلعوا الشقه حق عناد

عناد: اسيل اسمعي جدي هو بيضحك

اسيل: بس ليش يتكلم هكذا

عناد: هو قصده يشتي جهال صغار يعني يشتي يبسر جهالي

اسيل: اتزوج وخليه يبسر جهالك وانا ما دخلني  

عناد: تمام بس مش لو اتزوج تقلي ليش بتعاملها باحترام وانا لا

اسيل: ومن ويحين قالت لك هكذا

عناد: نسيتي

اسيل: لا بس ويحين

عناد: عتبسري لوما اتزوجت بالثانيه فما يكون اسمي عناد

اسيل: أصلا اسمك ماشو عناد من الأساس بس ابي كان يحب اسم عناد وحسام وبعدا ابوك قلب اسمك عناد من بعد ما كان عمرك سنتين والا لا

عناد: كان اسمي غزوان

اسيل: الصراحه اكتشفت حاجه حاليه في ابوك

عناد: وايش هي

اسيل: لانو اختار اسم عناد بدل غزوان الصراحه ذوق بس لا تنسى أن ابي كان يشتي يسمي ابنه عناد

عناد: أصلا ابي احمد كان اغلى من أبي

اسيل: صح كان اغلى من ابوك لا درجه انه امن على عياله وانت خنت الامانه صح

عناد: اسمعي مانش مضطر ابرر لش وخرج واسيل خرجت بعده

عناد: يله مع السلامه

ام عناد: ييه عاد احنا نشتي نسير السوق نشتري فساتين لمرتك ومرة عمر

عناد: الساعه 10 ذلحين معي شغل مهم كما الساعه 3 عصر عد اسوقكن مع السلامه وخطي

ام عناد: الله معك اسيل جي معي نحجز مغنيه للجلسه

اسيل: ليش مغنيه وهي جلسه عاديه

ام عناد: انتين غاليات على قلبي وهذا الذي بين أفعله قليل

الجده نوريه: المغنية ماشي ضروري

الجد خالد: إلا ضروري كم معنا بنات في العائله ما معنا إلا اسيل وسيلأ وهيام وعلياء خلينا نفعل لهن جلسه حنانه طنانه

الجده نوريه: مش هن من بنات العائله هن بنات ابن اخوك الله يرحمه ليش تفعل لهن هذا كله

الجد خالد: هن بنات بنتي وعد افعل لهن جلسه جنانه طنانه  

الجده نوريه: بس مش ضروري المغنية

الجد خالد: اسكتي انتي هولا بنات بنتش

الجده نوريه: بعيد عليا لا انا جدة هولا البنات

اسيل: اسمعي يااااااااااا ج د ه مش لي الشرف انش تكوني جدتي وانا غصب عنش بنت بنتش وانا بنت صاحب هذا البيت وكل شي معكم هن حق ابي ومن حقنا انهم يفعلوا لنا جلسه حنانه طنانه وخطيت

الجده نوريه: هذه البنت وقحه قليلة ادب

الجد خالد: من قال الصدق قدوه وقح صح

ابو عناد: خلاص بتتكلم على الفاضي كلامها كذب في كذب

الجد خالد: اسمع هذه البنت ما تكذب لو ما خليت ابو حسام يتزوج بنتي ما كان حصل له هذا كله والذنب ذنبي ما اقدرت أقل لعيالي عيب عليكم

الجده نوريه: عيالك ما فعلوا شي

الجد خالد: اقسم بالله لو تسكتي انوه من بلاش عيالش غلطانين وخرج من البيت وسار للسجن
.
.

الجد خالد دخل لا عند ابو اسيل احمد: السلام عليكم

احمد: وعليكم السلام والرحمه

الجد خالد: كيف حالك يا ابو اسيل

احمد: نحمدالله ايش جيت تفعل يا عم

الجد خالد: جيت اسأل على حالك

ابو حسام: تسأل على حالي بعد كل السنين هذه

الجد خالد: يا ابني

احمد: لا تقل ابنك من بعدما فعلت فيني المصايب تقل ابني

الجد خالد: يا أحمد ايش من مصايب

احمد: ايش المصايب الذي فعلتهن

الجد خالد: ...





📚 @rewayatyamania  🇾🇪

.

البـارت 23 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


الجد خالد: يا ابني

احمد: لا تقل ابنك من بعدما فعلت فيني المصايب تقل ابني

الجد خالد: يا أحمد ايش من مصايب

احمد: ايش المصايب الذي فعلتهن

الجد خالد: انا يا ابني ما فعلت شي

احمد: ما فعلت شي  غير انك فرقتني من جهالي

الجد خالد: يا ابني جهالك عندنا في البيت

احمد: لا تكذب طردهم ابنك من البيت

الجد خالد: اسمع انا جيت اقلك كلمتين وارحلي

احمد: نورنا

الجد خالد: بناتك اسيل وسيلأ اتزوجين

احمد حس انه خسر الدنيا بكلها لدرجه انه تهجم على عمه خالد ومسك الزنه

احمد: ايش بتقل بناتي اتزوجين وبمن

الجد خالد: اسيل زوجها عناد وسيلأ زوجها عمر

أحمد جن جنونه

احمد: خالد روح قبل ما افعل فيك جريمه انقلع

الجد خالد: خالد رجعت خالد انا عمك خالد

أحمد: انقلع انقلع وقل لعناد اشتي اكلمه

الجد خالد: طيب وخرج وسار للشركة وقال لعناد أن ابو حسام يشتي يكلمه وعناد سار لا عند ابو حسام

@rewayatyamania المصدر الأول للروايات

عناد بتوتر: السلام عليكم

احمد: وعليكم السلام والرحمه

عناد: جدي كلمني انك تشتي تكلمني

احمد: بناتي يا عناد

عناد: بناتك في العين والراس

احمد بعصبيه: في العين والراس قالت لي هاه

عناد اول مره يخاف من حد

عناد: اكيد

احمد: والله وين كانين يا عناد انا امنتك على بناتي وانت ايش فعلت ولا شي ابوك طردهن من البيت وانت ايش فعلت بتتفرج ولا قلت عمي احمد امني عليهن هولا امانه في رقبتي ومحاسب عليهن لا يوم الدين

عناد: ابه انا دورت عليهن ما لقيتهن بس ذلحين لقيتهن وهن في بيتنا

احمد: بعد ايش بعد ما طاح الفاس بالرأس

عناد: لا تخاف اسيل مرتي وإذا أراد الله ام عيالي

احمد: تزوجتوهن وانا ولا حتى فكرت تسأل أو تطلب رأيي يا ابني عناد

عناد: ابه انت قلت انا ابنك ابه انا تزوجت بنتك لاني احبها

احمد: عادك تقول عليا ابوك لو كنت ابوك صدق كنت أخذت رأيي إذا أنا موفق او لا

عناد: ابي الذي رباني والذي علمني الصح من الغلط وابي الذي علمني كل شي في هذه الحياة ابه انا رديت لك المعروف الذي فعلته لي في حياتي بأني اتزوجت بنتك وطرحتها تاج على راسي وهي غاليه بنت غالي

احمد: إذا تسميني ابوك خليني اشوف عيالي

عناد: غالي والطلب رخيص بعد بكره وهم عندك

احمد: وين وليد اشتي احاكيه قد له شهرين  ما عاد جاء

عناد حكى له ايش حصل لوليد وايش قالت اسيل لوليد

احمد: وذلحين ايش عيفعل

عناد: قالت له اسيل يتزوجها وهو قال لا ومدري

احمد: فكرة اسيل حلوه انه يتزوجها

عناد: بس يمكن تكذب

احمد: ما اظن ان هي تكذب لانو مابش بنت تكذب بشرفها وعرضها

عناد: نفس الخبر حق بنتك

احمد: خلاص يله قوم روح وبكره تجي بعيالي والا اقسم بالله لا انت ابني ولا اعرفك

عناد: بعد غطوه لانو غطوه الجلسه حق اسيل وسيلأ يبسرنهن النسوان

احمد: انا وثقت فيك لا تخيب ظني فيك للمره الثانيه

عناد حس ان احد سكب له ماء بارد وقال

عناد: الله المستعان يا ابه

احمد: يله مع السلامه رحلك

عناد: مع السلامه وخطي اما احمد جا شله الحارس للسجن
.
.

عناد سار للشركة يكمل عمله الساعه 3 عصر ورجع للبيت وساقهن للسوق يشترين الذي يشتين واشترين كل مستلزمات الجلسه أو الحفله


في الساعه 8 العشي
اسيل ابسرت واحد بيعاكس بنت وقالت يمكن أتخيل ورجعت خطيت وابسرته بعد البنت والبنت خايفه وبتحمل واسيل قررت انها تسير تبسر ما يشتي منها وجت تشتي تسير ودعاها عناد

عناد: اسيل

اسيل: خير

عناد: وين عتسيري

اسيل: وايش دخلك

عناد: جوبي

اسيل: أرض الله الواسعه

عناد: وين عتسيري

اسيل تشتي تصيح لوليد يسيروا يبسروا ما يشتي الولد من البنت وعناد قال

عناد: ما تشتي من وليد وانا عد أفعله

اسيل قررت تحكي له: ابسر البنت هذك واشرت على البنت

عناد: ايوه مالها

اسيل: الولد هذاك بيلحقها من اول قلت أسير ابسر ما يشتي منها

عناد: وانتي ايش دخلش

اسيل: ولاشي وجت تشتي تخطى لا عند البنت وعناد مسك يدها

عناد: لا وين عتسيري

اسيل: إذا أنت ما عتساعدها انا عد اساعدها

عناد: انا موجود وانا عد اساعدها

اسيل: سؤال انت ضابط

عناد: مع

اسيل: انت بتشتغل في الشرطه

عناد: مع

اسيل: ما دام وانت ولا حاجه من هولا بأي حق تشتي تساعد البنت

عناد: طيب سؤال انتي ضابطه

اسيل: لا بس اخي ضابط

عناد: يعني انتي مالش دخل

اسيل: بدون كلام فاضي هيا نسير نبسر

عناد: اجسي انا عد أسير ابسرها انا

اسيل: من انت لوما بتتحكم عليا ابي

عناد: مع

اسيل: اخي

عناد: مع

اسيل: خلاص يعني اسكت عد أسير انا

عناد: بس انا زوجش

اسيل: طيب يا زوجي خلينا نسير نبسر البنت

عناد: ما علينا منها جي نخطى ومسك يد اسيل وخطيوا واسيل ما نزلت عينها على البنت وابسرت الولد في يده خنجر وبيهدد البنت


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 24 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


عناد: ما علينا منها جي نخطى ومسك يد اسيل وخطيوا واسيل ما نزلت عينها على البنت وابسرت الولد في يده خنجر وبيهدد البنت

اسيل: عناد

عناد: عيونه

اسيل: ف ف في يد الولد خنجر وبيهدد البنت تخطى معه

عناد: كيف

اسيل: ايوه مثل ما قلت لك

عناد: اجسي هنا وانا عد أخطى ابسر

اسيل: رجلي على رجلك

عناد: اجسي هنا

اسيل: ابداً

عناد: اسيل

اسيل: مستحيل افلتك وحدك ومسكت يده قوي

عناد اول مره يحس ان اسيل تخاف عليه: طيب وخطيوا

عناد: يا ولد

الولد: خير 

عناد: ايش تشتي من البنت

الولد: ايش دخلك وانت

عناد: ابعد الخنجر منها احسن لك

الولد: وإذا ما بعدته ايش عتفعل

عناد: شوف بعينك ايش عد افعل وضربه
.
.

عند الكل محد حس بغياب عناد واسيل كلهم ما منتبهين كل واحد في بقعه سيلأ وعمر ويتمشوا وماسكين ايدي بعض ووليد سار يشتري لجود فستان على شان تحضر الجلسه وعلياء ورغد عند إلاكسسورات وحسام وسيماء عند الألعاب وام عناد بتشتري باقي المستلزمات

@rewayatyamania المصدر الأول للروايات

عند عناد واسيل

البنت بتبكي في حضن اسيل

وعناد بيضرب الولد والولد في يده الخنجر وطعن عناد في بطنه وهرب اسيل فلتت البنت سارت لا عند عناد

اسيل: ع ع عناد

عناد: لا تخافي جرح بسيط

اسيل ابسرت الجرح وانو بسيط مشو عميق

عناد خرج تلفونه واتصل لعمر وقال له انه يجي لا بقعته الذي هم فيها عمر سار هو ووليد وسيلأ ورغد
وعلياء وصلوا

عمر: عناد مالك

عناد: ولا شي

وليد: اسيل انتي بخير

اسيل: ايوه بس عناد مطعون في بطنه

وليد جلس يبسر عناد

وليد: هذا جرح بسيط الان نسير للمستشفى نجارحه لك وضويت البيت

عمر: يله هيا نخطى وقيم عناد

عناد: من عيجي معي

رغد: انا هيا خطينا ومسكت يد عناد وخطيوا وسيلأ ابسرت اسيل

سيلأ: اشتي افهم من مرته هنا انتي والا هي

اسيل: سيلأ مش وقت هذا الخبر ايش عاد تفرق إذا كان انا أو هي

سيلأ: خبلا انتي؟؟ عتسير مع زوجش

اسيل: عادي ايش فيها وخطيت وعناد كان يشتي اسيل تسير معه لا عند الدكتور بس رغد خربت عليهم وخطيوا وصلوا للمستشفى وجارحوا له والدكتور ادا مطهرات للجرح وخطيوا

وصل للبيت وطلع غرفته ورغد طلعت معه عناد ابسرها

عناد: وين عتسيري

رغد: ادخل معك لانو قال الدكتور يمكن تحمى

عناد: لا تسلمي ما قصرتي ودخل وغلق باب الشقه في وجه رغد ورغد سارت غرفه علياء


الساعه 10 ضووا من السوق واسيل طلعت قديه تاعبه غيرت ملابسها ومشطت شعرها وتذكرت عناد

اسيل مدري كيف عناد أسير ابسره واجي وسارت لباب غرفة عناد

اسيل ادخل والا مع ادخل والا مع مع ورجعت الغرفه حقها وغلقت الباب وجلست

اسيل بس يمكن مريض أسير والا ماشي اوف والقلب معي أسير اتطمن عليه وارجع وخرجت بسرعه وسارت فتحت الباب دلا دلا ودخلت لا عند عناد وجت تشتي تخرج وسمعت عناد بيتوجع اسيل سارت لا جنبه

اسيل طرحت يدها في رأس عناد بحنيه

اسيل: عناد كيف حالك

عناد: .........

اسيل: عناد

عناد: ........

اسيل طرحت يدها في جبهة عناد

اسيل حمى قده ساع النار وسارت تدي ماء ومناشف وجت كانت تطرح المنشفه في جبهة عناد

اسيل: يارب تخف الحراره بعد نص ساعه عست جبهته وأنه نار وقررت انو يتشروش بماء بارد كانت تقيمه

اسيل: عناد عناد قوم اتروش بماء بارد تخف الحراره يله يا روحي عناد قوم

عناد: ......

اسيل قررت ان هي الذي تدخله الحمام يتروش وقيمته

اسيل: ياربي من يشيل الجبل هذا طول بعرض أخ وقيمته ودخلته الحمام وفتحت المرش وفاق عناد

عناد: يح بارد

اسيل: بارد قلت لي هاه كنت عتموت

عناد: وانتي ليش خايفه

اسيل: لانو بسببي كانت عتموت

عناد: بسببش كنت عد اموت قلتي لي لو كنتي بتخافي عليا كنتي عتجي معي لا عند الدكتور 

اسيل: قد سارت حبيبة قلبك رغد ايش عاد الفايده لي

عناد: ايش عاد الفايده لش هاه

اسيل: ايوه

عناد: اخرجي اتحمم

اسيل: طيب وخرجت 

عناد: برد افتح الماء الحامي

اسيل دقت الباب حق الحمام (اعزكم الله )

اسيل: عناد انتبه تفتح الماء الحامي تمام

عناد: حاضر واسيل جهزت لعناد شورت وتيشرت لون الشورت زيتوني والتيشرت ابيض

عناد: اسيل هاتي لي المنشفه

اسيل مكنته المنشفه وخرجت من الغرفه وعناد خرج من الغرفه ولبس الشورت وجلس

عناد: أخ والوجع مانش قادر اتحرك عند اسيل

اسيل: اوف ايش نسيت ما أقل لعناد يشرب العلاج وخطيت وسمعته ودخلت بسرعه

اسيل: مالك ايش بيوجعك

عناد: ولا شي ايش جيتي تفعلي

اسيل سارت جنبه: عناد بدون عنادك هذا قل لي ايش بيوجعك

عناد بعصبيه: ايش عتفعلي لو قلت لش ايش بيوجعني ايش عتفعلي

اسيل جلست جنبه: ولاشي عد افعل لانو مانش دكتوره

عناد: اخرجي من عندي لانو مانش طايق ابسر صورتش

اسيل: ...




📚 @rewayatyamania  🇾🇪

.

البـارت 25 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


عناد: اخرجي من عندي لانو مانش طايق ابسر صورتش

اسيل: على أساس انا الذي اموت عليك لا انت تطيقني ولا انا الذي اطيقك فاسكت احسن

عناد: طيب بس ما اقدرت انظف الجرح فيش تنظفيه لي

اسيل: طيب وشالت العطبه والمطهر وبنتظف الجرح دلا دلا

عناد: أح

اسيل: بدون دلع قال أح سع الجهال

عناد سكت جلس نص ساعه وهو بتوجع بس يسكت على شان اسيل ما تضحك عليه

اسيل: كملت

عناد: واخيراً

اسيل: وليس آخراً

عناد: تسلمي يا اسيل وما قصرتي تقدري تريحيلش

اسيل: تمام باي انتبه على نفسك

عناد: اسيل اااا

اسيل: ايش

عناد: لو تقدري تساعديني في لبس التيشرت

اسيل: طيب وساعدته

عناد: اسيل ممكن طلب

اسيل: اكيد ايش هو

عناد: تدي العلاج من الدرج هذا وتساعديني امتد

اسيل ساعدته انه يمتد وأدت العلاج من الدرج

اسيل: عاد به اوامر ثانيه

عناد تذكر حاجه

عناد: ايوه افتحي هذك الدرج وادي منه العلبه وجي

اسيل سارت تدي العلبه وسارت جنبه

عناد: افتحيها

اسيل: وانا ما دخلني

عناد: افتحيها بين أقل

اسيل: تفتحها صاحبتها مش انا 

عناد: افتحيها هيه لش

اسيل: متأكد

عناد: ايوه

اسيل: عد افتحها

عناد: افتحيها

اسيل فتحتها وابسرت وأنه تلفون

عناد: أديت لش تلفون كل يوم تجي لا عندي تبسري الساعه قلت ادي لش تخليني ارقد سع النآس

اسيل ابسرت التلفون وابسرت عناد وضحكت

اسيل: هههههههه ما يعجبني التلفون ولا اعرف كيف يستخدموه

عناد: طيب عد اعلمش انا جي جنبي

اسيل سارت جنبه وجلس يقل كيف تفعل وكيف تستخدمه اسيل مستمتعه وفهمت كل كلمه قالها

اسيل: اوكي اوذا هو بسيط

عناد: غطوه الجلسه

اسيل: ايوه غطوه يوه اشتي ارقد بحين على شان أسير عند الكوافير

عناد: ارقدي عندي على شان لا حميت قدش جنبي تقومي تدي لي العلاج

اسيل: اوكي بس انا عد ارقد في الكنبه وانت هنا

عناد: طيب واسيل دفت عناد وسارت ترقد في الكنبه ورقدت

الساعه 3 آخر الليل قامت اسيل تبسر عناد لا هو حامي وعست جبهته وأنه بخير ما عاد اقدرت تقوم للكنبه رقدت جنب عناد من دون بطانيه

@rewayatyamania المصدر الأول للروايات

في الصباح الساعه 7
ام عناد جت تقيم اسيل تسير الكوافير وفتحت باب غرفة اسيل وابسرتها ما بحديه وقالت يمكن في الحمام ودقدقت ومابحد في الحمام قررت ان هي تسير تسأل عناد وين هي اسيل وفتحت الباب وابسرتهم راقدين

ام عناد: مالاسيل هنا رقدت يله أسير اقيمها

ام عناد: اسيل اسيل قومي

عناد قام: خليها ترقد ما رقدت سوا خليها ترقد

ام عناد: تقوم على شان تسير الكوافير

عناد: عد اقيمها انا انتي انزلي وانا عد اقيمها

ام عناد: مابش عليك ركنه ما عتقيمها

عناد: والله لا اقيمها انزلي

ام عناد: عد انزل وانت قيمها

عناد: حاضر وام عناد نزلت وعناد جلس يتبسر اسيل وهي راقده

عناد: اسيل قومي يله

اسيل: ...

عناد:  اسيل قومي يله يا كسله

اسيل بعصبيه: ماعه مانش قايمه

عناد: عيخطين عليش عند الكوافير

اسيل: يخطين انا ماقد رقدت سع الناس

عناد: عتقومي والا ادخلش تحت المرش سعي أمس

اسيل: افعل الذي تشتيه

عناد: يله عد ادي لش مهله أسير أقل للخدامة تدي لش صبوح لا هنا والله لو اجي وانتي عادش راقده لا ادخلش تحت المرش وخطي

اسيل عاد هي راقده


بعد نص ساعه جى عناد

عناد: ما قد قامت والله لا اوريها وحضنها ودخلها الحمام تحت المرش والماء بارد

اسيل: يح بارد 🥶🥶

عناد: قلت لش قومي وما رضيتي ابسري كيف وقع فيش

اسيل: يلعن وكانت تركض برجلها ينزلها

اسيل: نزلني

عناد: ابدا لوما تصحصحي

اسيل: نزلني للخباله

عناد: لا

اسيل ركضت مكان الجرح وماكانت تقصد

عناد: أخ ونزل اسيل

اسيل: تستاهل من قلك تشلني

عناد خرج من الحمام واسيل غسلت وجهها وخرجت تنشف شعرها

عناد: عاد الناس تقول اسف

اسيل ابسرته ورجعت ونشفت شعرها

عناد: دعمموا

اسيل: ايش تشتي افعل يعني 

عناد: اسف يا خبلا

اسيل: اسفه يا اخبل 

عناد: ههههههه يله جي اصتبحي

اسيل سارت تصتبح

عناد بيتبسر شعر اسيل

عناد: هذا شعرش

اسيل: لاع شعر بنت الجيران

عناد: امانه شعرش والا باروكه

اسيل: باروكه

عناد: اسيل بغير خباله

اسيل: هذا شعر اختي سيلأ بس قالت تديه لي للجلسه وعتشله

عناد: سامجه اتحاكي هو شعرش

اسيل: منك صدق أو تتغابى

عناد: والله اخر مره ابسرت شعرش اتخايا عمرش 10 سنين وما كان طويل لهذا الحد كيف لوما طول

اسيل: من عند الله طول

عناد: ما شاء الله

اسيل: صراع عتصرعني وبعدا أسير عند الكوافير ومابش معي شعر

عناد: قذا قلنا ما شاء الله

اسيل: ايوه

ام عناد دقت الباب

اسيل: ادخل

عناد: لحظه لا تدخل

اسيل: للمه

عناد: يمكن يكون عمر ويبسرش هكذا قومي البسي اي شي سريع

اسيل: ...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 26 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


عناد: لحظه لا تدخل

اسيل: للمه

عناد: يمكن يكون عمر ويبسرش هكذا قومي البسي اي شي سريع

اسيل: الذي عيسمعك عيقل مانش لابسه شي انا لابسه منشفه حق زوجي وهي طويله عريضه غطتني بكلي

عناد: قلت ادخلي البسي

اسيل: طيب وشلت حقها البنطلون والبلوزه ودخلت الحمام

عناد: تقدر تدخل

ام عناد: وين هي اسيل

عناد: أن هو انتي يمه

ام عناد: ايوه وين هي اسيل

عناد: في الحمام ايذه عاد تجي الان

ام عناد: طيب

اسيل خرجت من الحمام

اسيل: صباح الخير

ام عناد: يا صباح النور والسرور

اسيل: كيف حالش

ام عناد: الحمدلله بخير

اسيل: يله البس العبايه واجي

ام عناد: البنطلون وقع حالي قوي

اسيل: صدق

ام عناد: ايوه والبلوزه والكل حاليه

اسيل: تسلمي هن عيونش الحاليات

عناد: لا أصلا الحالي مرتي لا البنطلون ولا البلوزه

اسيل ابسرت عناد: يا عيني على مجامله

عناد: ما اجامل مرتي لو هو حد ثاني سهل بس انت لا

اسيل: طيب

ام عناد: احنا والرمسسه عد انزل وانتي الحقي

اسيل: تمام وام عناد نزلت

عناد: امي خزيت

اسيل بتمشط شعرها عند المرايه: من ايش

عناد: اسيل تشتي الصدق

اسيل: ابن عمه

عناد بسخريه: البنطلون حالي قوي حنوه لا نص الرجل صح

اسيل: بتسخر

عناد: اقسم بالله لو بس اعرف انش ترفعي العبايه ويبنين ارجلش انو من بلاش

اسيل: طيب ولبست العبايه والبرقع بدون خنه

عناد: ليش البرقع بدون خنه

اسيل: قديه موضة البراقع هذه الأيام

عناد: وعيبان المكياج لازم تغطي المكياج البسي برقع ثاني بسرعه

اسيل: ولا عليك ما عيبان المكياج باي انتبه على نفسك ونظف الجرح تمام باي ونزلت ونسيت الشنطه والتلفون

عناد: إليك الخبلا نسيت الشنطه والتلفون انزل امكنها وشل الشنطه والتلفون ونزل

عناد: اسيل

اسيل: هاه مالك

عناد: نسيتي التلفون

اسيل تشتي تبسر إذا كان في الشنطه وما بحديه الشنطه

اسيل: يوه وين الشنطه

عناد: عندي جي لها

اسيل سارت وشلت الشنطه والتلفون وخطيت لا عند الكوافير

@rewayatyamania المصدر الأول للروايات

عند وليد وجود

وليد دخل الميتم

وليد: جود تعالي

جود: هلا وليد اشلونك

وليد: بخير الحمدلله وانتي اشلونش

جود: زينه الحمدلله

وليد: جبت لك هديه

جود: وش هيه

وليد: غمضي عيونك

جود: وش هيه جيبها ابغى اشوفها

وليد: طيب ومكنها الهديه

جود: وش ذا

وليد: هذا فستان تلبسيه

جود: وش ابي فيه

وليد: اليوم يبغين خواتي يشوفنش

جود: ليه

وليد: كذا من كثر ما اتكلم عليش عندهن

جود: طيب ويش تقول عني

وليد: اقول عنش انك حماره

جود زعلت: كذا تقول عني طيب ويش سويت لك

وليد: هههههههه لا تصدقي اتكلم عنك كلم بالخير

جود: طيب انت تعرف القانون اللي بالميتم كيف بشوف خواتك

وليد: انت ادخلي البسي الفستان وخلي الباقي عليا

جود: طيب وش بتقول الحرمه الشريره

وليد: لا تخافي بكلمها  انا انتي ادخلي البسي

جود: ابدخل البس طيب ودخلت

وليد: أسير اتصرف مع الحرمه الشريره على ما قالت جود وسار لا عند المديره وجود لبست الفستان والعبايه وخرجت

وليد: اشتي اشل جود لا بيت اختي تعرفها يا مديره

المديره: ما اقدر اخلي جود تجي معك

وليد: لا تخافي ما عد افعلها شي

المديره: تشتي تخرج جود عتخرجها من الميتم بكله وما عاد في دخله لها ميتمنا

وليد: طيب قلي لها تجهز كل اغراضها ما عاد لها جلسه هنا

المديره صيحت لجود تجهز اغراضها وجود جهزت اغراضها وخطيوا في السياره

جود: وش بعمل وين بسكن وين اروح وش ذا

وليد: ايش بتعملي ولاشي وعاد تسكني في بيتي ولا عليش

جود: وليد انا سببت لك كثير من المشاكل

وليد: مشاكل ايش وايش بتقلي انتي

جود: شوف انت وديني لاهلي واللي بيحصل لي يحصل

وليد: لا مستحيل

جود: وليه

وليد: انتي امانه عندي

جود: بس كذا يعني

وليد: ايوه

جود: طيب

وليد: جود انتي ليه قالبه خلقتش عليا

جود: وليه اقلب خلقتي فيك

وليد: طيب
.
.


عند الكوافير

سيلأ كملت تتمكيج واسيل عاد هي

علياء: ماشاءالله الصدق قمارى

اسيل: انا ما اتمكيجت سوا

علياء: سيلأ سع القمر

اسيل: فديتها ايش عاد باقي لسيلأ تفعل

علياء: تتسرح وكملت

اسيل: هاه سابر


بعد نص ساعه كملت سيلأ تتسرح وجاء دور اسيل واتسرحت وكملت وجا لهن عمر يروحين وفي البيت طلعين اسيل وسيلأ شقه عناد ودخلين الغرفه

سيلأ: ااا

اسيل: ايش

سيلأ: عمر يشتي يبسرني لو تسيري الغرفه الثانيه

اسيل: تتخيبلي انتي

سيلأ: سيري غرفتش

اسيل: ماعه

سيلأ: امانه اخطي

اسيل: عادش تشتي اشل ملابسي من هنا وعادش تشتي اشل اكسسواراتي والعطورات من هنا ايش رايش تستيري انتي وعمر هذك الغرفه

سيلأ: وليش تشلي ملابسش والإكسسوارات والعطور هن في الغرفه حقش انتي وعناد

اسيل اتوترت: ... 




📚 @rewayatyamania  🇾🇪

.

البـارت 27 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


سيلأ: وليش تشلي ملابسش والإكسسوارات والعطور هن في الغرفه حقش انتي وعناد

اسيل اتوترت: هههه بس كل شي يخص  الجلسه هن هنا عاد اشلهن وشلتهن وخطيت

سيلأ: به حاجه وعد أعرفها

اسيل دخلت الغرفه وغلقت

اسيل: الحمدلله ما بحدوه عناد وطرحت الملابس في السرير ورقدت وعناد خرج من الحمام ابسر الملابس منشورة ملان السرير والعطورات في التسريحه وابسر اسيل

عناد: ايش حصل للغرفه قنبله منشورات والعطور منشورات قرحت قنبله هنا صح

اسيل بتتحاكى وعيونها مغمضه تشتي ترقد

اسيل: ايوه حصلت قنبله بس قنبله خفيفه

عناد: والله

اسيل: عناد بطل السامجه اشتي ارقد حتى نص ساعه

عناد: ألان الساعه 1 ارقدي لوما قديه الساعه 2 

اسيل: إذا خلاص اسكت

عناد: سمعا وطاعه

اسيل رقدت وعناد رفع الغرفه ما يحب تجس مش مرتبه كمل وجلس جنب اسيل جلس شويه ورقد

الساعه 2  جت علياء تدي الغداء لاسيل وسيلأ دقت على سيلأ وما ردت وعلياء فتحت الباب ابسرتها راقده هي وعمر وخرجت على طول ودقت الباب لاسيل وما ردت

علياء يمكن راقده هي وعناد والله ما فيني اخزا سع اول ادقدق وإذا ردت سهل واذا لا عد اخلي امي تجي تقيمها ودقت الباب وماحد رد نزلت تدعي امها تقيمهم وام عناد قيمت سيلأ وعمر وأدت لهم الغداء دقت لاسيل وعناد

عناد: من

ام عناد: هيا غداء

عناد: يله

ام عناد: افتح الباب وشل الغداء

عناد فتح الباب وشل الغداء وغلق وطرح الغداء يشتي يقيم اسيل

عناد: اسوله

اسيل: امم

عناد: يله قومي غداء

اسيل: يله هيه بسم الله

عناد: عتقومي والا ادخلش تحت المرش

اسيل قامت: قد قمت

عناد: هههههههه يله غداء

اسيل قامت تتغدى

عناد: ااااااا

اسيل: انا خصمي لا حد قال ااااا وهو يشتي يتحاكى يله اتحاكى

عناد: وليد ادا جود لا هنا

اسيل: وين هي

عناد: في غرفة علياء

@rewayatyamania المصدر الأول للروايات

اسيل غطت شعرها ووجهها وسارت تبسر جود الذي شاغله بال اخوها وفتحت باب الغرفه وابسرتها بتأكل وحدها

اسيل: السلام عليكم

جود: وعليكم السلام

اسيل: كيف حالش

جود: زينه الحمدلله

اسيل: تعرفيني

جود: لا من وين لي اعرفك

اسيل: انا اسيل اخت وليد

جود: هلا اسيل شلونك

اسيل: زينه الحمدلله

جود: اقعدي

اسيل جلست وبيتكلمين ويتغدين اسيل حبت جود قوي ارتاحت لها

جود: ليه ما تشبهي وليد

اسيل: ههههه هو اخي صح بس مافي شبه بيني وبينه

جود: وليد أزين

اسيل: ههههههه لا لا انا ما اقبل كذا ليه أجمل مني

جود: ما اعرف ليه بس ازين منك

اسيل: لأنك تحبيه

جود: لا عاد لا تقولي كذا

اسيل: ليه طيب

جود: اللي اعرفه وليد يحب حرمه غيري

اسيل: ايه كان يحب بنت خالي واسمها هيام بس الان لا ما اظن

جود: اقول لك شي الحب الأول يكون ازين حب بعد كذا كله كذب

اسيل: صح بس في حب يمحي حب

جود: اسيل ترى انا احبه بس وليد لا ما يحبني

اسيل: بيحبش مع الايام

جود: ما ابغاه يحبني

اسيل: سبب

جود: كذا

اسيل: طيب بس الحب يدخل القلب بدون استئذان

جود: اسيل السالفه ذي ما ابغاها تقدرين تغيريها

اسيل: اوكي وتغدين

اسيل: اوف والنسوه

جود: وش فيك

اسيل: ولاشي وخطيت لا عند عناد

اسيل: عناد وين انت

عناد كان بيغسل ايديه في الحمام

عناد: هاه مالش

اسيل: ااااااا

عناد خرج من الحمام: مالش

اسيل: اتصل لعمي طارق وقله يخلي مرته تجي عندنا هنا تجي الجلسه

عناد: تمام

اسيل: تسلم

عناد: ما عاد بش حمره

اسيل: عفوا

عناد: قصدي ابسري نفسش في المرايه اسيل ابسرت نفسها وما عادبه حمره

اسيل: ما عاد به حمره عد افعل لي بعدا ادخل اغسل ايدي ودخلت

عناد: طيب بس كيف أقل لعمي طارق خلي مرتك تجي تبسر عناد والا كيف أقل والا اقل عم طارق خلي مرتك تجي تبسر مرتي عناد

اسيل خرجت من الحمام: ما ضحكت قله له خلي مرتك تجي الجلسه حق مرتي

عناد: مانش متصل له

اسيل شلت تلفون عناد واتصلت لطارق  عناد ابسرها وبهرر

عناد: اسيل غلقي الخط

اسيل: لا

عناد: اسيل غلقي الخط قلت كلمه

اسيل: الو

طارق: يا هلا كيف حالك

اسيل: الحمدلله وانت كيف حالك

طارق: نحمدالله 

اسيل: ااااا

طارق: خير ايش في

اسيل: عم طارق خلي مرتك تجي الجلسه حق مرتي

طارق: تزوجت يا نذل ولا تقل لنا

اسيل: هههههه

طارق: اسيل ادي عناد احاكيه

اسيل: كيف عرفت اني اسيل

طارق: عارف من اول غير كنت استغبي

اسيل: اوذا عناد معك ومكنته التلفون

عناد: الو

طارق: يا هلا

عناد: اهلين كيف حالك

طارق: بخير الحمدلله وانت

عناد: بخير

طارق: مبروك

عناد: الله يبارك

طارق: عقبال ما تكون أب

عناد: إن شاء الله

طارق: عادك غير دريت انها بنت عمك حسام يا شيخ

عناد: ليش انت كنت داري

طارق: ..


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 28 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


طارق: عادك غير دريت انها بنت عمك حسام يا شيخ

عناد: ليش انت كنت داري

طارق: من اول ما ابسرتها وعرفت ان هي بنت

عناد: المهم خلي مرتك تجي عند الجلسه خاطرك وغلق الخط

عناد: اسيل

اسيل كانت بتلبس الفستان

اسيل: هاه 

عناد: اخرجي اخرجي

اسيل: دقيقه

عناد: سريع لكن

اسيل: ثواني

عناد: اسيل اخرجي

اسيل خرجت: مالك

عناد: آخر مره تفعلي هكذا تتصلي لعمي طارق

اسيل ابسرته: والله يا ابن الخال قلت لك تتصله ومارضيت واتصلت له انا ايش فيها

عناد: والله يا بنت العمه فيها كل شي ايش عيقل عليا عمي طارق ما عرفت اضبط مرتي

اسيل: اوف لا تزيد فيها مش لهذه الدرجة

عناد: انا قالت آخر مره تمام مره ثانيه تفعلي هكذا عتبسري وجهي الثاني تمام

اسيل: على الأساس اني مانش داريه بوجهك الثاني اعرفه وحافظه له

عناد: لا مش انتي داريه به

اسيل: سابر كملت كلامك الفاضي تقدر ترحلك

عناد: اسمعي وجت ام عناد

أم عناد: عناد انزل

عناد: للمه

ام عناد: الذي مع المغنية بيركبوا السماعات انزل عندهم وخزنوا عندهم هم تبع المغنية الفرقة عتجس خارج في المكان الذي في الحوش تمام

عناد: تمام ونزل

ام عناد: كملتي تلبسي

اسيل: ما عاد باقي الا إلاكسسورات

ام عناد: هاه عد أسير ابسر سيلأ وخرجت واسيل لبست الاكسسورات

ام عناد فتحت الباب حق الغرفة الذي جالسه فيها سيلأ

ام عناد: هاه قدش جاهز

سيلأ بتلبس الاكسسورات: ايوه ما عاد باقي الا الساعه البسها وكملت

ام عناد: لا قدش جاهزه سيري ابسري جود لا قديه جاهزه

سيلأ: جود هنا

ام عناد: ايوه هنا قد لها من ظهر هنا

سيلأ كملت وخطيت تبسر جود دقت الباب حق الغرفة

جود: ادخل

سيلأ: هاي جودتي كيفك

جود: هلا زينه الحمدلله

سيلأ: اي ما احلى كلامش فدتيش ما احلاش

جود: تسلمي بس من تكوني

سيلأ: انا سيلأ اخت وليد واخت اسيل التوأم

جود: هلا والله وانا اقول تشبهين اسيل وانتي تكونين اختها التوأم

سيلأ: هاه قد جهزتي او اساعدش

جود: جاهزه

سيلأ: جودتي الفستان عليش يجنن بس لو تبعدي الذي في وجهك مضيع جمالش

جود لابسه برقع يعني بنات الجوف كلهن يلبسين براقع وما يفتشين ابداً

جود: لا لا اهلي يقتلوني

سيلأ: بس انتي في صنعاء مش في الجوف عادي تبعدي البرقع

جود: لا ما اقدر

سيلأ: اسمعي حتى اشتي ابسرش من اول ما جيتي وانتي مغطيه على وجهش ابعديه أمد ما ابسرش واررجعي رديه

جود: طيب بس لك انتي

@rewayatyamania المصدر الأول للروايات

سيلأ: اوكي وجود فتشت البرقع

عيون جود عسلي فاتح وشعرها بني وطويل بنفس طول شعر اسيل وسيلأ وبيضاء وشفايفها صغيرات ومعها غمازات في خدوها وفي دقنتها 

سيلأ انبهرت بجمال جود واسيل دخلت الغرفه

سيلأ: جود تعالي استشور شعرش

اسيل: ما شاء الله سع القمر

سيلأ: ما شاء الله

جود: وش فيك

سيلأ: ما عنده حجه ابن عمش لوما يشتيش له تقل قمر

جود: ههههههه

اسيل: جود تعالي استشور شعرش

جود: لا ما اريد

اسيل: جود اسمعي كلامي

جود: لا والله اهلي يقتلوني لو شافوني بدون برقع وفاتحه لشعري

اسيل: وين اهلك منش اسمعي كلامي

جود: طيب وجلست واسيل استشورت شعر جود وكملت

سيلأ: تشتوا الصدق

اسيل: ايش

سيلأ: اشتي اخطبها لوليد قال يحب هيام قال والله ان جودتي احلى منها بالف درجه

جود لفتت تبسر سيلأ: انا احلى منها

اسيل: ايه

سيلأ: مش احلا منها بس انت سع القمر تقلي للقمر انزل اجس بقعتك

جود: والله

اسيل: انا عد أخرج ادي لش اكسسوارات وادي حمره ومسكره وافعل لش

جود: اوكي

اسيل: ههههههه عاد كنتي من الجوف قبل شويه كيف لوما رجعتي اجنبيه

جود: هههه لا انا من الجوف بس اتعلمت الكلمه هذي من اختك

اسيل: طيب وخرجت سارت تدي اكسسوارات وحمره ومسكره ورجعت للغرفه الذي فيها جود وهي عند الباب ابسرت وليد عيفتح الباب حق الغرفه الذي فيها جود

اسيل: وليد

وليد: هاه

اسيل: مالك

وليد: جيت ابسر جود

اسيل: لا مابش دخله

وليد: وليش إن شاء الله

اسيل: رحلك من عندي هكذا مابش دخله لك هي بنت

وليد فتح الباب ودخل وابسر جود وهي كانت مسنبه عند المرايه بتبسر نفسها وبتوضع شعرها انبهر من جمالها

اسيل: وليد أخرج بسرعه قبل ما تبسرك ومسكت يده وخرجته من الغرفه قبل ما يبسرنه

وليد عاده منبهر بجمال جود وخرج وحسه مش معه

اسيل: اخبل

وليد ابسرها بلا مبالاه وخطي

اسيل: هاي بنات

سيلأ: هايات بنات

جود: هلا

اسيل: يعني ما ابسرنش وليد حن دخل الحمدلله

سيلأ: ما بترطني

اسيل: ولا شي جي يا جود افعل لش مسكره وحمره وجود سارت لا عندها وفعلت لها مسكره وحمره

اسيل: قدش جاهزه

جود ابسرت نفسها في المرايه

ام عناد دقت الغرفه الذي جالسات فيها البنات

ام عناد: جاهزات قدوه بيأذن عصر

اسيل: ...



📚 @rewayatyamania  🇾🇪

.

البـارت 29 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


ام عناد: جاهزات قدوه بيأذن عصر

اسيل: كم قد لنا جاهزات

ام عناد: قدهن بيجين النسوان

اسيل: حياهن الله

ام عناد: انا عد انزل استقبلهن تمام ونزلت تستقبل النسوان


ام عناد: حيا الله من جاء

صاحبة ام عناد أم حسن

ام حسن: حياش كيف حالكم

ام عناد: الحمدلله بخير وانتوا كيف حالكم

ام حسن: نحمدالله

ام عناد: ادخلين الديوان

ام حسن دخلت

@rewayatyamania المصدر الأول للروايات

الساعه 4 جين النسوان كلهن وزفين اسيل وسيلأ بعد الزفه النسوان قامين يسلمين على اسيل وسيلأ واسيل ابسرت واحده حست ان هي تعرفها

......: كيفك ومبروك

اسيل: الحمدلله الله يبارك وعقبالش

.......: ههههههههه انا قد انا متزوجه وام اثنين عيال

اسيل: هههههههه كان عقبال عيالش

.......: إن شاء الله لا احنا بخير

اسيل: صورتش مش غريبه عليا انا اعرفش بس مانش داريه وين ابسرتش

.......: نسيتي رفيقة عمرش

اسيل: رفيقة عمري زينب

زينب: ايوه ما غيرها

اسيل: يا ربحه تغيرتي سمنتي

زينب: إلا ما انتي قدش دبه تقل برميل

اسيل: ههههههه كيف البنات قدهن مزوجات والا عادهن

زينب: والله ان عادهن قالين يكملين الدرسه وبعدا سهل

اسيل: ما انتي استعجلتي على الزواجه

زينب: هيا ناهي

اسيل: والله قد معش اثنين جهال

زينب: ما قد لي إلا سنتين بس وحمت بسرعة واديت ريان وبعدا جلست ثلاثه اشهر ووحمت باركان عيالي هم بعد بعد

اسيل: مجنونه

زينب: عنبسرش

اسيل: ههههه المهم كيف البنات فقدتهن قوي

زينب: بخير

اسيل: تقلي عيجين هنا

زينب: سمرا ما تفلت حاجه واما راما ما اظن ان هي تخرج

اسيل: راما عاد هي هذك البنت الهادئه والذكيه

زينب: ومن وين عتتغير

اسيل: لو كانت هيام في اليمن كنا اجتمعنا الشله حقنا

زينب: هي في السعودية

اسيل: داريه وجلسين يتجابرين طول الوقت الساعه 8 العشي بعد ما خفين النسوان شوية

زينب: اسيل قومي ارقصي انتي وسيلأ

اسيل: ما اقدرش ارقص

زينب: على غيري وقيمتهن يرقصين لحجي رقصين وكملين وجلسين عند زينب

اسيل: يا زينب الهواء كيف رقصنا

زينب: حالي

سمرا: اسيل كيف حالش يا قرده

اسيل: الحمدلله بس من انتي

سمرا: عيب عليش نسيتي من كانت تنقل لش الدفاتر

اسيل: ههههههه سمرا

سمرا: ومن غيرها

اسيل: ههههه كيف حالش

سمرا: الحمدلله بخير

اسيل: تدوم

سمرا: يدوم عزش

جود جت عند اسيل وسيلأ

جود جلست: اسيل ملل

اسيل: من ايش ملل

جود: اريد اروح

اسيل: لاوين

جود: مليت

سمرا: جي جنبي وانا ابعد لش الملل

جود سارت جنب سمرا وبيتحاكين وزينب واسيل بيتحاكين وسيلأ وعلياء بيتحاكين ومشيشات ومخزنات ما سمعين إلا المغني يقل هذه الاغنيه اهداء خاص من عناد إلى زوجته اسيل كانت بتشرب الببس واشترغت


اسيل: كح كح كح

والمغني فتح الاغنيه هي قديمه من مراهقة عناد

الاغنيه "يا اغلى بشر بين الملا لك المحبه وغلا واحساسي كله من الى مكتفي بك تعالى لا تطفي الشموع .....


اسيل قديه خازيه قوي وسمرا وزينب جود وسيلأ وعلياء بيصفقين واسيل قد خدودها حمر من الخزا كرهاً كملت الاغنيه إلا وقديه عتذوب من الخزا

علياء: ما توقعت عناد رومانسي لا هذه الدرجه

اسيل: هههههه ولا انا الصراحه

سمرا: عناد هو رومانسي من زمان تذكري يا اسيل

اسيل خزيت: هههههه

سمرا: ههههه باقي عمر يهدي سيلأ اغنيه

سيلأ: هههههه ما فينيش للخزا

زينب: للمه والله انو احلا شي حن يهديش اغنيه وتقومي ترقصي عليها

سيلأ: انا زوجي ما يعجبش

علياء: هو يعجبه اغاني ابو بكر سالم مش بعيد يهديها من اغانيه

سيلأ: هههههههههه 

المغني: هذه الاغنيه من عمر إلى زوجته

سيلأ: هههههههه

علياء: الصدق اتفاجأت من اخوتي

اسيل وسيلأ: ههههههه

المغني فتح الاغنيه وسيلأ خازيه

الاغنيه.. كل يوم الك اشتاق تبقا العشق مالي ما بدلك بكون شيبدل الغالي .....

كملت الاغنية وسيلأ عاد هي مستمتعه

سيلأ مسرع كملت

علياء: ما انا مضايقه اشتي حد يهديني اغنيه

سمرا: انا وانتي لنا الله

جود: وانا

علياء: هههههه

سيلأ بمزح: اللهم لا حسد

سمرا: ههههه

اسيل: بنات قومين نرقص لحجي كلنا

سمرا: والله

اسيل: والله

جود: ههه انا ما اعرف ارقص 🤓

اسيل: ولا عليش إلا اعلمش

زينب: ههه يا اختي اتعلمي انتي الاوله وبعدا سهل 😁

اسيل: من قال انا داريه كيف يرقصوا من وانا صغيره

زينب: هيا قومين وكلهن قامين وبيرقصين وكملين

اسيل: هاه اعرف ارقص

زينب: إلا

سمرا: يله خاطركن عد اروح

اسيل: مسرع

سمرا: مسرع قد الساعه 10

زينب: ذلحين قد زوجي عيجنن من الجهال خاطركن

اسيل: هيا ناهي عاد هي غير سبرت الجلسه

سمرا: نعوضها يوم ثاني باي وخطيت

زينب: يله مع السلامه وخطيت

اسيل: يخ مسرع ضوين


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 30 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


اسيل: يخ مسرع ضوين

سيلأ: سهل يوم ثاني عنلتقي

اسيل: إن شاء الله

سيلأ: ان شاء الله

الساعه 11 النسوان كلهن ضوين بيوتهن وسيلأ ضوت بيتها واسيل طلعت الشقه ودخلت غرفتها وجلست وبتكح

اسيل: كح كح كح احم مالي اليوم وعناد خطي وسمع اسيل وهي بتكح ودخل

عناد: اسيل مالش

اسيل: ولا شي غير بين اكح

عناد: ااااا

اسيل: كم قد قلت لك خصمي لا حد يشتي يحاكيني ويقل اااا مالك وابسرته مخزن

عناد: غطوه عتسيري تبسري ابوش

اسيل متفاجئة: كيفه

عناد: مثل ما سمعتي 

اسيل: التخديره قلبت صح وبعدا اجي اقيمك الصبح وتقل ما عد اسوقش

عناد: انا الذي عد اسوقش وبعدا انتي غير جي قيميني وانا عد اقوم بسرعه

اسيل: تمام

عناد: وانا بين اتخيل انش عتفرحي

اسيل: المشكله خايفه انك تخلف وعدك سع المره الاوله

عناد: والله لا اسوقش

اسيل اول ما حلف حضنته

اسيل بفرح: احلى عناد في العالم وباسته في خده عناد ابسرها وضحك واسيل خزيت 

عناد: هههههه عد أخرج وخرج

اسيل: شلوني ما فعلت يوه والخزا وسارت تغير ملابسها ومسحت المكياج كملت وجلست عند التلفون للساعه 4 أذن فجر قامت توضت وصلت كملت جت تشتي ترقد ما اقدرت من الفرح الساعه 6 الصبح ولا اقدرت ترقد سارت لا عند عناد يسيروا بيسروا ابوها فتحت الباب ودخلت لا عند عناد

اسيل بصوت واطي: عناد عناد قوم

عناد حس حد بيحاكيه وقال يمكن يتخيل ورقد

اسيل: عناد قوم مالك

عناد: ........

اسيل: عناد قوم لو سمحت

عناد: ........

اسيل جت جنب إذن عناد وقالت بصوت عالي: عناااااااااااااااااااد قوووووووووم هيا لكن

عناد: خير خير مالش بتصيحي

اسيل: قومتك وما رضيت تقوم

عناد: وللمه تقيميني

اسيل: نسيت للمه

عناد: للمه

اسيل: تسوقني ابسر ابي 

عناد ابسر الساعه: الآن الساعه 6 عادهم ما تبدأ الزيارات الا من الساعه 9 ما نسير نفعل ذلحين

اسيل: اوف اشتي أسير ابسره ذلحين يعني ذلحين

عناد ابسرها وضحك: ههههه أمس انتي خزنتي

اسيل: ايوه للمه

عناد: إذن عاد هي التخديره جي ارقدي شويه وفسح لها بقعه جنبه واسيل ابسرته

عناد: جي ارقدي جنبي

اسيل: تمام وسارت جنبه وفي حضنه اسيل دقات قلبها سريعه

عناد: قد قلبش عيخرج من ما بينبض بسرعه

اسيل: احم اخر هناك وانا هنا سريع

عناد عاندها وحضنها أكثر: لا لا ارقدي وبس

اسيل ما عاد اقدرت تفعل شي رقدت


الساعه 7 اسيل قامت بتكح وكرها اقدرت ترد نفسها

عناد قام: مالش

اسيل: كح كح قديه حمراء ما عاد اقدرت ترد نفسها 

عناد: اسيل خرجها للحوش تشم هواء شويه اسيل تنفست شويه رجع نفسها

اسيل بهمس: عناد 

عناد: عيونه وقلبه وروحه

اسيل: اشتي ارقد وما بين اقدرش بين اتخيل اني عد اطفح

عناد: اجلسي في الكرسي شويه ونطلع نرقد

اسيل جلست وعناد جلس جنبها وطرحت راسها في كتف عناد وغمضت عيونها عناد ابسرها

عناد: ارقد شويه

اسيل رقدت وعناد ما اقدرش يرقد الساعه 9 اسيل قامت

اسيل: هيا نسير نبسر ابي

عناد: نسير للدكتور اول شي

اسيل: عناد لو سمحت خليني أسير ابسر ابي لو سمحت

عناد: بس عنسير عند الدكتور لأن انتي تاعبه اليوم

اسيل: بعد ما نضوي من عند أبي ونسير

عناد: اعرفش وما عتسيري

اسيل: قل من اول شي انك ما تشتيني ابسر ابي وخلاص ليش عادك تتعذر بصحتي

عناد: انا يا اسيل انا مالي الحق اني امنعش تبسري ابوش بس انتي تاعبه وبعدا نسير نبسر ابوش

اسيل: لا يعني لا نسير نبسر ابي وبعدا سهل

عناد: أمري إلى الله قومي البسي نخطى

اسيل قامت وبتحمل للشقه ودخلت غرفتها وبتلبس عناد لبس وسار يبسر اسيل دق الباب

اسيل: من

عناد: انا

اسيل فتحت الباب

عناد: هيا جهزتي

اسيل بتتبرقع: ايوه يله اتصلت لعمر وسيلأ

عناد: ايوه


اسيل: عد أسير ابسر حسام وسيماء وخطيت دخلت الغرفه

اسيل: حسام ماهو هذا قوم البس

حسام: يله الان اقوم ابدل وسار بدل ونزلوا

اسيل: أين وليد

عناد: بيغير ملابسه وعيجي

وليد: صباح الخير

اسيل: صباح النور

وليد بيدور جود واسيل درت انه بيدور جود

اسيل: في غرفت علياء

وليد: كيف

اسيل: جود في غرفة علياء

وليد: هاه

عناد بيتصل لعمر

عناد: الو

عمر: يله نلتقي في السجن

عناد: ما عتجي للبيت لا عندنا

عمر: عد أخطى من طريق بيتي

عناد: يله نلتقي وغلق الخط

عناد: يله كلكم للسياره

وليد: ااااا قال ابي يشتي يبسر جود عاد اديها معي وانتوا اخطوا

اسيل: تمام وخطيت عناد شغل السياره وخطيوا

عناد بيسوق وكل شويه يبسر اسيل

اسيل تاعبه بتتبسر من الطاقه

عناد: اسيل

اسيل ابسرته: هاه

عناد: مالش

اسيل: ولا شي غير ما اقدرت ارقد قدك داري

عناد: نضوي من عند ابوش لا عند الدكتور تمام

اسيل: تمام

عناد مسك يدها وبيسوق وحسام ابسرهم


https://tttttt.me/rewayatyamania/52227




📚 @rewayatyamania  🇾🇪

💔

بارتـات يومنـا الاثنيـن 👆🏻😍

.

.

البـارت 31 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


عناد: نضوي من عند ابوش لا عند الدكتور تمام

اسيل: تمام

عناد مسك يدها وبيسوق وحسام ابسرهم

حسام: سيماء لو كنا سرنا مع وليد

اسيل: وللمه

حسام: ماسك ليدش عتهربي أو كيف بيترمسسوا

اسيل فلتت ليد عناد

عناد: كنت عتسير مع وليد احسن والله

حسام: اشتي اخرب عليكم الرمسسه

اسيل: عتسكتوا

حسام: هو الذي بدأ

عناد: انا يا كذاب هو انت

اسيل ابسرتهم وضحكت: ههههههه خلاص امانه سع الجهال

سيماء: امانه انهم جهال

حسام: اسكتي انتي ياسعم ان قدش كبيره وانتي عادش بنت 7 سنين

سيماء: اسكت انت اخبل صح انا بنت 7 سنين بس عاقله مش مثلك

حسام: اسمعي

اسيل: خلاص الله يرضا عليكم كسرتوا راسي

حسام وسيماء سكتوا

@rewayatyamania المصدر الأول للروايات

بعد نص ساعه وصلوا للسجن كلهم سوا وليد وجود وعمر وسيلأ

عناد: يله ندخل

الكل: يله ودخلوا الكل مورعين لابو اسيل يدخل ودخل

احمد: السلام والرحمه

الكل قاموا ولفتوا يبسروه

عناد ووليد وعمر: وعليكم السلام والرحمه

احمد: كيف حالكم

عناد ووليد وعمر: الكل بخير الحمدلله

احمد ابسر ثلاث بنات مبرقعات ما عرفش من هي اسيل ومن هي سيلأ وابسر بنت والكل صغير عمرهم 7 سنوات

احمد: عناد

عناد فهم إن عمه احمد يشتي يعرف منهم

عناد اشر على اسيل: هذه اسيل

وعمر اشر على سيلأ: وهذه سيلا

اسيل بكيت: ابه

احمد: ابي وروحي

اسيل حضنته وبكيت: ابه اهئ اهئ

احمد: ابي وروحي لا تبكيش يا قلب ابوش وانا موجود ما عاش الذي يخليش تبكي

اسيل؛ ابه ويحين عتخرج من هنا

احمد: قريب قريب

سيلأ: ابه

احمد ابسرها: ابي وقلبي

سيلأ حضنته: اوه كم انا فاقدة لك

احمد: ياروح ابوش انتي وانا فاقدلش

سيلأ: ويحين عتخرج من هنا

احمد: قريب ان شاء الله

سيلأ: ويحين عيجي هذا اليوم

احمد: قريب بإذن الله

سيلأ: ان شاء الله

احمد ابسر حسام وسيماء بيتضاربوا وضحك

احمد: حسام وسيماء صح

سيماء: ومن أنت

سيماء وحسام ما كانوا يعرفوا ابوهم لأن احمد دخل السجن وعادهم صغار

احمد: انا ابو سيماء وحسام

سيماء: يعني ابي

احمد: ابي وروحي

سيماء: وين كنت هذه الأيام كلها فلتنا ولا سألت عليا إذا أنت ابي صدق هاه وين كنت

احمد اكتبد من كلام سيماء وقال: كان معي ظروف

سيماء: ولو معك ظروف احنا أهم من ظروفك يا بابا

احمد حس ان الدنيا بكلها ما وسعته وحضن سيماء

احمد: سيماوي انتي مش فاهمه ايش حصل

سيماء: بس انت داري ايش حصل لخواتي

سيلأ بهررت

سيماء: ليش بهررتي عد اقله الحقيقه

احمد ابسر سيلأ: ايش من حقيقه اتحاكي

سيماء: خواتي لبسين لبس ولد وخرجين يشتغلين هذا كله من تحت رأس من من تحت راسك يا ابه فلتنا

احمد طرح سيماء وابسر سيلأ: ايش الذي قالته

سيلأ  خايفه: هي جاهله ماهي داريه ايش بتقل 

احمد بصوت عالي وعصبيه: سيلاااااااا اتحاكي

سيلأ بخوف: ا ا ا ابه مابش من هذا الخبر شي

  احمد: اتحاكي

اسيل: ايوه خرجنا نشتغل بلبس عيال

احمد: وليش

اسيل: ليش

احمد: ايوه ليش

سيلأ: ابه انت أخرج من السجن اول شي وبعدا عد اقلك

اسيل ابسرت سيلأ: ليش بتخبي عليه قلي له أن ابن عمك واخوك ابو زوجي ومرتك هم السبب

اسيل: وبعدا يابه احنا جينا نبسرك مش وقت هذا الخبر

احمد: بناتي انا ينذلين ويتهانين وانا ولا قادر افعل شي والذي امانة بناتي عنده ولا داري وين بناتي في من ازيد اوثق يا ناس في من وثقت في عناد طلع مشو قد الثقه وثقت في وليد طالع مشو قد الثقه في من أوثق وامن على عيالي عنده ياربي

اسيل: انت اوثق بنا يابه واحنا قد الثقه

سيلأ: احنا بناتك وعارفات ايش الصح من الغلط وبعدا يابه احنا ماكان في أيدينا خيار ثاني إلا أن احنا نشتغل كأن احنا عيال مش كان احسن من ما نفعل الغلط

احمد: واثق فيكن وما قهرني إلا الذي بيسموني ابوهم وانا طلبت انهم ينتبهوا على عيالي وما اقدروا بس خليني أخرج واوريهم من كبيرهم لا صغيرهم

اسيل: ابه هم كانوا يسموك ابوهم في أوقات المصلحه بس والآن كملت المصلحه ايش عاد يشتوا بك وبنا وحساب هذك العائله عندي لوما انت تخرج وبعدا انت حاسبهم

احمد ابسر اسيل اتفاجأ

عمر: ابه احمد ورب العرش ما انا داري انك امنت بناتك لو كنت داري

احمد: حصل خير وبناتي بخير متعافيات

وليد: ابه ورب السموات اني دورت عليهن دورت دورت وما لقيتهن ايش افعل ومعي عمل ودراسة وهذا غير الضغوطات ابه لا تلومني

احمد: وليد كنت عتنبش تحت الأرض على شان تلقى خواتك بس لا انت دورت لك عذر وحاجة وكنت تجي تزورني وتقل عد القاهن عد القاهن وفي الاخير ولقيهن صاحبي طارق أما انتوا مابش منكم فايده صدقني

وليد: ابه وربي ان...




📚 @rewayatyamania  🇾🇪

.

البـارت 32 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


احمد: وليد كنت عتنبش تحت الأرض على شان تلقى خواتك بس لا انت دورت لك عذر وحاجة وكنت تجي تزورني وتقل عد القاهن عد القاهن وفي الاخير ولقيهن صاحبي طارق أما انتوا مابش منكم فايده صدقني

وليد: ابه وربي أن ما كان ليلي ليل ولا نهاري نهار وانا ادور من تيه المنطقه للثانية ابه انا سرت الجوف المره الاخيره منه معي عمل ومنه قلت يمكن خواتي في الجوف وما خليت منطقه في الجوف وما دورت فيها وفي الاخير تقلي هكذا 


احمد: ابني وليد انا داري ما معي وانا داري انك دورت عليهن  بس ولو اخوتك أهم من كل شي افترض وقع بهن شي لا سمح الله ايش عتكون ردة فعلك بس

وليد: ابه لقيناهن وماوقع شي بهن

احمد: الحمدلله سلمت الجره هذه المره

وليد: الحمدلله

احمد ابسر حسام

احمد: انا معي ابني حسام عينتبه لخواته انا معي رجال وسيد الرجال

حسام: تربيتك

احمد: كيف حالك

حسام: نحمدالله على النعمه

احمد: والنعم

حسام: ايه والله

احمد: حسام

حسام: لبيييه

احمد: خواتك امانه في رقبتك لا يوم الدين وانا واثق فيك

حسام: خواتي فوق عيني وراسي وهن قدهن حياتي وروحي من معي في الدنيا كلها غيرهن انت يابه وثقت في الناس الغلط وما وثقت في ابنك 

احمد: يشهد الله أن كلامك صح وفي صح مع صغر سنك كلامك أكبر منك

حسام: ابه الصغير صغير العقل مش صغير العمر

احمد: افدي عقلك وتفكيرك

حسام: تسلم

احمد: ومن قال

حسام: ابه ويحين عتخرج

احمد: قريب

حسام: وربي لا اخرجك من هنا وعتشوف

احمد بيتحيلى لحسام وكلامه

احمد: داري من معي غيرك عيخرجني من هنا

عناد: ابه واحنا ايش يفعلوا بنا إذا ما خرجناك احنا من عيخرجك

حسام: لو كنت عتخرجه كنت عتخرجه من زمان جيت آخر شي تقل عد اخرجك هيا اسمع ما دام وانا ووليد موجودين مابش داعي تفعل شي وانا ووليد عنخرج ابي من هنا والا ما نكون عيال ابي

عناد: حسام بتتكلم بشي أكبر منك وما أنت فاهم له اسكت احسن

اسيل: حسام صح صغير بس كلامه حقيقه والواقع ومحد يقل الحقيقه إلا الأطفال وحسام ما يكذب يا عناد

عناد: وانا قلت كلامه كبير كبير يسكت احسن له


اسيل: لا بتهددنا عند أبي اسمع يا عناد بدل ما تهدد وتتخيبل اعتذر واطلب السماح من أبي لأنك غلطت في حقه وخنت ثقته فيك وخنت الامانه

عناد: اسيل وما قلنا شي وما هددنا بس قلت يسكت

اسيل: ليش يسكت لانو بيقل الحقيقه على الأقل قال الذي ابسره مش مثلك سكت على كل شي وانت شاهد على الذي فعله ابوك
 
عناد: اسيل ليش ذلحين بتخرجي كل ضبحش فوقي

اسيل: لأنك واحد كذاب ومخادع و  وسكتت

عناد: كملي كلامش عادي عنتحمل

اسيل: ومصلحي وخاين و وسكتت

عناد: اسيل هذا كلامش كله على راسي وما عاد انساه طول عمري

اسيل: انت؟ انت تنسى كل شى نسيت ايش فعل لك ابي نسيت حاجات خيرات كل ما أقل عناد تغير اكتشف انك واحد عنده نفسه تسوى كل الدنيا تسوى حب حياته تسوى كل شي انا ما نسيت حن طردنا ابوك من بيتنا ولا فكرت تقل لابوك خليهن هن بنات يابه وين عيسيرين بس بتتفرج وساكت هذا انت يا عناد انت واحد كذب وانا اكرهك

احمد بعصبيه وصوت عالي: اااااااسيل

اسيل ابسرت ابوها وسكتت

احمد: حقك عليا يا عناد

عناد: عادي اعرف اسيل لوما اعرفش كنت زعلت منها

احمد: يله كل واحد يرحله

وليد: اشتي اتحاكى انا ويك يابه

احمد: يوم ثاني يله مع السلامه

الكل خطي أما اسيل تشتي تقتل عناد وكل واحد طلع سيارته سيماء وحسام طلعوا مع وليد عناد واسيل طلعوا السياره وخطيوا ولا حد كان يتحاكى


بعد فتره من الصمت

عناد: ليش مصره توجعي قلبي

اسيل: لاني اشتيك تفهم كيف وجع القلب

عناد: مش هكذا وعند الكل تقلي اكرهك

اسيل: وايش عتفرق هم داريين من زمان

عناد: الوضع مختلف احنا الان متزوجين ما يصح انش تقلي هذا الكلام عني عندهم

اسيل: اوه وضع مختلف انا وانت نكره بعض وهذا الكل داريين به

عناد: بس انتي اليوم هنتي كرامتي حسستيني اني ماني راجل

اسيل: اكرهك اكرهك اكرهك لو عليا اني اقتلك وربي لا اقتلك

عناد كلامها قهره قهر كأنه سهم بيصيب قلبه

عناد: تكرهيني يا اسيل

اسيل غمضت عيونها: ايوه

عناد: وانا وعد ما زد تبسري صورتي طول ما انا عايش

اسيل ابسرته وسكتت كانت تشتي تقل لا تفلتني وانا بهذه الحاله محتاجه لك اليوم هذا بالذات ودموعها نزلين لا اراديا وقالت

اسيل: هذا إذا عتوفي أصلا

عناد: ما اكون رجال إذا زد ابسرتي صورتي إلا بحاله وحده اذا قلتي لي ارجع غير هكذا مانش راجع

اسيل: إذا تشتي تسير نار جهنم سرت انا ايش دخلني منك هاه

عناد: كلمه وانا اذا ابسرتي صورتي وربي

اسيل: طيب وسكتت

عناد: اسيل انا عد ارحلي من اليمن بكلها على شان ترتاحي مني

اسيل: احسن

عناد: وعد اتزوج واخلف وحياتي عتكون سعيده 

اسيل: ...




📚 @rewayatyamania  🇾🇪

.

البـارت 33 ☆


كفــاح زهـرتيـن 💔

👌🏻👇🏻 😍
📚 @rewayatyamania  🇾🇪


عناد: وعد اتزوج واخلف وحياتي عتكون سعيده 

اسيل: تتهنا

عناد يشتي يخليها تغار بس ردة فعلها مش متوقعه سكت


وصلوا البيت اسيل سارت الغرفه حقها وعناد دخل الغرفه حقه وجهز ملابسه في شنطه وحجز طايره لا روسيا وخطي ولا ودع حد خطي وبس

عند اسيل بتبكي ابسرته حن خرج من الحوش كانت في البلكونه ودخلت الغرفه ورقدت شويه

الساعه 10 الليل اسيل قامت من النوم على صوت ام عناد بتبكي

اسيل قامت سع المجنونه بتتخيا أنه حصل لعناد شي نزلت

اسيل: مابه

علياء: اخي عناد سافر لا روسيا وقال ما عيرجع إلا بعد سنتين

اسيل: اوف كنت بين اتخيل انه فعل حادث

علياء: يعني عادي أن زوجش يهجرش صح

اسيل: عادي ولا يموت وبعدا هو ما عيهجرني بس معه عمل

ام عناد: ابني بعيد عليا بعيد

اسيل سارت جنبها: أمه وبعدا كل ما عتفقديه عتتصلي له

أم عناد: أخ يا اسيل لو سرتي معه كنت عد اتطمن عليه

اسيل: لا تخافي عناد رجال كبير وعاقل

ام عناد: أخ بس

اسيل: خلاص وجلسين للساعه 12 واسيل طلعت الشقه ابسرتها ظلمي وفتحت الغرفه حق عناد ودخلت وجلست فوق السرير وتذكرت كل شي منهم صغار لوما كبروا

اسيل: لا يكون احبه لا لا ما لازم احبه وتمددت في السرير ورقدت
.
.

بعد مرور ثلاثه اشهر واسيل وعناد على نفس الحال ولا حتى بيتصل لها ولا شي في يوم سارين اسيل وسيلأ المستشفى اسيل كل يوم تسوء حالتها من ضيق التنفس وسارت عند الدكتور تتعالج فعلوا لها فحص دم بيسروا ايش مالها


عند الدكتور

الدكتور: اسيل كم قد لش بتحسي بيضق النفس

اسيل: 3 أشهر

الدكتور: اسيل انتي فيش تحسس في الصدر يعني بداية ربو

اسيل: طيب وكيف افتهن منه

الدكتور: الربو عيجس معش طول العمر بس نقدر ندي لش علاجات تخفف شوية

اسيل: طيب وخرجت وابسرت سيلأ فارحه وعمر فارح

اسيل: خير ليش الفرح هذا

سيلأ: اسيل به معي خبر لش بمليون ريال

اسيل بتتخيل انو على عناد

اسيل بفرح: ايش

سيلأ: عتكوني خاله

اسيل ابسرتها وضاعت الابتسامه

سيلأ: شكلش ما فرحتي

اسيل ضحكت: عد اكون خاله يا سلام وحضنت سيلأ وباركت لها ولعمر

سيلأ: وانتي ايش قال لش الدكتور ايش فيش

اسيل ما حبت تخرب الفرحه عليهم

اسيل: قال تحسس بسيط في الصدر ادى علاجات وعد ابخر هيا نخطى وخطيوا وساروا البيت وقالوا لهم كلهم وفرحوا وحسام ووليد قالوا بيفعلوا مفاجأة لسيلأ بمناسبه حملها
.
.

بعد مرور 9 أشهر

اسيل: حسام وليد قذا سيلأ عد تولد وانتوا ما قد اديتوا المفاجأة

حسام: غطوه عتجي

اسيل: إن شاء الله
.
.

في اليوم الثاني
كانت اسيل وسيلأ بينزلين ومعهن جود وابسرين وليد وحسام دخلوا حاجه سع الكيك

اسيل: عد أسير ابسر

وليد: اتفضل يا ابو حسام ادخل البيت بيتك

اسيل اول ما سمعت اسم ابوها حملت وابسرته

اسيل: ابه

احمد: السلام والرحمه

طبعا كانوا كلهم جالسين في الصاله حتى ابو عناد وام اسيل

ابو عناد: و وعليكم ا ا السلام والرحمة

احمد: أو ابسرت شبح يا ابو عناد

ابو عناد: لا

احمد: كان ليش خايف

ابو عناد سكت وكلهم سلموا على احمد ما عدا اسيل

احمد بيدور اسيل

حسام: ابه مالك

احمد: وين اسيل جي رويني وين غرفتها

حسام: هيه وخطيوا دخل الشقه ابسرها في الصاله جالسه في الكنبه واشر لحسام بمعنى يخرج وحسام خرج وغلق الباب

احمد: السلام والرحمة

اسيل ابسرته: وعليكم السلام والرحمة

احمد: مالش ما تسلمي عليا

اسيل باسته في راسه: حقك عليا يا غلا

احمد: يله وين عناد أو عاده في روسيا

اسيل: ايوه

احمد: قد له سنه ما قد فقد لاهله

اسيل: مدري مانش داريه ايش عنده وايش بيفعل هو قدوه اخبر في حياته إذا كانت راحته في البعاد عند أهله هو اخبر

احمد: ما فقدتيه

اسيل: لا

احمد: طيب جي ننزل نحتفل

اسيل: طيب ونزلوا احتفلوا


في اليوم الثاني
ساروا يشتروا بيت لاحمد وعياله ولوليد وجود

اشتروا ونقلو وفي يوم ولدت سيلأ وأدت اثنين عيال توأم

اسيل: ياربي ما احلاهم

احمد: قد انا جد

جود: لا

اسيل: جود لا تجامليه قدوه شيبه

جود: لا عمي احمد مو شيبه

احمد: هههههه بتزعل عليا

جود: ههههه

اسيل: عمر ايش عتسميهم

عمر: إلياس وحسان

اسيل: إلياس حسان نورتوا الدنيا
.
.

بعد مرور يومين عمر اتصل لعناد ما بلا يجي اليمن والا يجي على شان يبسر عيال اخوه

عناد: عمر ما عد اقدر

عمر: ليش

عناد: ما عد اقدر وبس

عمر: على شان اسيل صح

عناد: لا انا خايف يكتسر قلبها

عمر: وليش

عناد: انا تزوجت وخلفت ومعي ولد عمره 5 أشهر وأمه ماتت وما عد اقدر افلته وحده في روسيا واجي

عمر: كيف كيف ويحين هذا الخبر

عناد: تزوجت وخلاص

عمر: جي انت وابنك وبعدا سهل

عناد: طيب بكره أو بعد بكره واحنا عندكم

عمر: إن شاء الله وغلق الخط وجلس يفكر في اسيل ايش عتكون ردة فعلها اليوم الذي عيجي فيه عناد


https://tttttt.me/+Ecxq_OzMYh40M2E0




📚 @rewayatyamania  🇾🇪