👌🏻👇🏻 😍
📚 @rewayatyamania  🇾🇪


ملخص القصـة 🥀

رقـم القصـة : 244

اسم القصـة 📖 :  الوجـه الآخـر

اسم الكـاتبة✍🏻 :  يـاسميـن أميـن

عدد البارتـات : 27

مدة العرض 🗓 : 5 أيـام

وقت العرض ⏰ : المســاء



#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة






📚 @rewayatyamania  🇾🇪

.

البــارت 1 ☆


#الوجه_الآخر
#للكاتبة_ياسمين_أمين

👌🏻👇🏻 😍
📚 @rewayatyamania  🇾🇪


كان في مكتبه يراجع بعض الاوراق ويوقع عليها وهو منهكك في شغله..

دخل السكرتير وسأله: استاذ الدوم انتهى لو محتاج شي قبل لا اطلع؟

التفتت له حمد بابتسامه: لا ياموسى تسلم ما احتاج شي

موسى: طيب عن اذنك

حمد: اذنك معك

خرج موسى وهو سرحان غادر الشركه ودخل بيت يبعد مسافه قصيرة عن الشركه ..

فتح الباب ريماس وبتوتر: بسرعه بسرعه

دخل موسى وهي غلقت

ريماس: محد شافك

بعدت الملابس من فوقها: يوووه طفشت من لبس العيال هذا

ريماس ضحكت: سهل بتتعودي عليهن

جلست بتعب: والله لولا الحاجه ! والا انا نهايتي اشتغل عند حمد؟

ريماس تضحك بس

تكمل: والله لو يعرف اني جودا اللي بيني انا وهو مشاكل ما تنتهي وبنت الجيران حقهم لايطردني بالجزمة

ريماس ميته ضحك: ههههههههههههههههههه

التفتت لها بعصبيه: ايوه انتي بس اضحكي

ريماس: والله ميتة ضحك تصوري حمد يكره البنات وممنوع اي بنت تشتغل عنده فما بالك لو يعرف انه جودا عدوته اللدوده هي السكرتاريا حقه ههههههههههههههه ما يمديهم حتى يقبروش

جودا: ما بيعرف ما بيعرف انا ممثله محترفه وان شاء الله ما يعرف وبعدين شكلي حلو وانا ولد هههههههه

هذه اول اربع ايام لي وقدني طافشه منه ونفسي اذبحه تصرفاته تقهر بس مع الايام الله يدي لي صبر

ريماس: هذا اذا ما كشفك وعرف خطتك

جودا : لا لا ما بيعرف متأكدة

جودا وهي تتذكر اليوم اللي راحت تقدم فيه للوظيفه عند حمد...

قدمت ملفها وكانت واثقة جدا من انه بيقبلها لانه معدلاتها عاليه انصدمت برد فعل حمد عندما التفتت لها: آسف بس ما اوظفش بنات عندي؟

جودا بانفعال: كيف؟ وليش

حمد يحرك كتوفه: كذا انا حر ما احبش اوظف بنات عندي

جودا: يوه مالك هي شركة ما قلت لك تدخلني بيتك

حمد: وكمان ملقوفه قلت لا

جودا: مابتحصلش حد بمهارتي ومعدلاتي

حمد: هو الا سكرتاريا يدخل ورق ويخرج ورق ويرتب لي مواعيد بدي اي واحد حتى لو مش مكمل ثانويه ماتفرق معي

جودا وقفت: تقارني انا بحد مش مكمل ثانوي

حمد: المهم ولد

جودا: انت مستفززززززززززززز

حمد ترك الاورق من يده ووقف: اولا انتي بنت جيراننا ومااشتيش كلام طالع نازل بيقولوا وظفها عشان عجبته وثانيا انا انسان مااحبش اختلط بالبنات ولا احتك بهن وانتي عارفه ي جودا من واحنا صغار واخيرا ياليت تطلعي من امامي الان قبل ما اطردك!!!

مسكت ملفها وهي بتنفجر وخرجت وهي تكلم نفسها: عاد امي بتقل روحي عند حمد بيوظفك.. يوووه الله يحرق قلبه مثل ما حرق دمممي والله ماتروح لك وانا والله ياحمد لارجع اشتغل هنا واخذ ذي الوظيفه ويا انا ي انت برجع بأي طريقة!!!


نقزت من سرحانها ولميس بتدي لها العبايه وتقل: هيا البسي البسي صدقت نفسها رجال

جودا وقفت وضحكت: رموس بتشوفي خليه يجهز لصفقه ضخمه والله لاخربها عليه وانتقم..


جودا هي البنت الوحيده لرجل الاعمال المتوفي قبل اشهر عمرها 24 سنه.. بعد وفاه ابوها خسرت كل ثروتها واضطرت تبحث عن وظييفه تعيش بها هي وامها..


حمد هو جارهم المغرور والمتعجرف والغير خلوق
الابن الاكبر بين اخوته معه خمس خوات ريم 23 هديل 29 اريج 20 ريما 18 والاخيره سجا 16 ابوه تزوج بعد موت امه مافيش عنده اخوه لهذا قد هو كاره النسوان ههههههه
عازب عمره 28 سنه ..

@rewayatyamania المصدر الأول للروايات

المغرب وصلت ..
جودا: سلاااااام

ام جودا بابتسامه: وعليكم السلام هاه كيف الشغل

* طبعا ام جودا ماتعرف انه حمد رفضها مفكره انه قبلها ذاك اليوم*

جودا: تمام تمام بس قدني ميييييته جوع يمه فديتك هاتي لي العشاء من ايديك الجميله

ام جودا ضحكت: يووووه والاسلوب الذي معش طيب طيب ادخلي غيري ملابسك وبجهزه لك

جودا بابتسامه: تسلم لي امي العسل

طلعت وهي تشوف بعدها

دخلت غرفتها المقابله لغرفه حمد وكان هو رجع من الشغل ودخل غرفته بنفس الوقت

راحت هي بتنزل الستاير وتبعد العبايه وهو كمان بينزل الستاير
وشافها وشافته
وبحركه متشابهه من الطرفين

غلقت الستاره بقوه ورجعت عيونها: ييخخخخخخخ ناقصني اتمسي بوجهه!! كريييييييه

رجع هو الستاره بقوة: مدري على ايش شايفه نفسها الخبلا هذه لا وعاد كانت تشتي اوظفها عندي؟ كان عيجي لي سكر من شكلها وحركاتها المقزززه.
* ويتذكر شكلها ودلعها * اكررره دلع البنات الماسخ





📚 @rewayatyamania  🇾🇪

.

البــارت 2 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


البارت الثاني

ريما: يمه روحي كلمي حمد ياخذنا بكره لعرس شيماء

ريم: يازعم بيرضي بيقل معه شغل ومش ضروري نسير اعراس

اريج بمسخره: ايوه اصلا ماضروري الا له

ام هديل: هوذاك امامكن واحده تطلع تكلمه او ما تتفلسفين الا عندي

ريما: مشو راضي

ام هديل: خلاص طالما عارفه انه مش راضي اسكتي

ريما: يممممه ذي شيماء صاحبتي كلهم عيسيروا

ام هديل: يازعم ما انا عيسمع كلامي خلي ابوك لوما يجي وكلميه يكلمه

اريج: يمه ابي ما يقلش لحمد لا.. بيوقف معه

ريم: خلاص نستخدم آخر حل

كلهن التفتين لسجا اللي تشوف التلفزيون

شافت لهن: ماهو؟  مشني سارحه

ريما: سجا هيااااا انتي الوحيده الذي يحبش من بيننا اطلعي

سجا: ماااااااعه

ريم: سجا هيااا كلميه

سجا: وما عتدي؟

اريج: اللي تشتي

سجا ضحكت: طيب بطلع اكلمه وانتين وحظكن كله ع حسب مزاجه

ريما: اطلعي اطلعي


تركت الريموت وطلعت دقت الباب وكان هو على السرير: ادخخخخل

سجا دخلت وهي مبتسمه: مساء الخير

حمد عدل جلسته: مساء النور ادخلي

دخلت وجلست وهي ساكته

حمد: ايوه ما تشتي

سجا: حمد بكره عرس شيماء صاحبه ريما واحنا نشتي نسير**

قاطعها: اي واحده شيماء ذي؟

سجا: ماا تعرفهاش

حمد: كيف هي مشحوطه والا سامجه

سجا ضحكت: لا لا تمام

حمد: مشو كلامها سامج سع بنت الجيران

سجا ضحكت: ههههههههههههههههه قصدك جودا

حمد: ايوه .. اي واحده مثل جودا مااشتيش تصاحبينها

سجا: ههههههههههههههه بس جودا صاحبه ريم

حمد لف وجهه: لولا ابي كان صاحب ابوها حرام ما اخليها تدخل البيت لكن ما نفعل!

سجا: ههههه حمد ليش تكرهها

حمد: لانه كلامها سخيف مدري كيف تتكلم وتحرك ايديها بها دلع زايد نفسي اكسر فمها

سجا: هههههه ماشي شيماء ثانيه مشي مثلها

حمد: خلاص تمام باخدكن وانا خارج الشغل الآن انزلي ابسري ابي لو قد جاء جهزين العشاء قد انا ميت جوع

سجا: حاضر من عيوني وتسلم

ابتسم لها: تعجبيني مثل اخوش شحطه وبنيه مش مثل خواتش

ضحكت وخرجت وغلقت: يووووه جعلني فداك

نزلت وهن منتظرات ومتوترات

وابتسمت: قال بياخذنا وهو طالع الشغل

ريما ابتسمت: قلي والله

سجا: والله

ريم: يخخخخ مثل ماقلت مايردهاش

ام هديل ضحك: هههههههههه

@rewayatyamania المصدر الأول للروايات

جودا كانت بغرفتها : بكره خميس آخر دوام بالاسبوع وبعده جمعه اتعطل على الاقل يوم افتك من وجهه

جلست على سريرها: بحياتي ماكرهت حد مثله اتصور ذا الادمي اخس بني ادم على وجه الارض مااعتقدش بكره حد اكثر منه.. كل اطباعه زفته محد يقدر يتعايش معه مدري كيف خواته متحملته
وهي تكلم نفسها وصلتها رساله من ريم: جودا بتجي بكره عرس شيماء؟

فتحت وردت: لا والله كان نفسي اجي بس الشغل

ريم: خلاص معوضه بعرسي او عرس حمد

جودا: عرسك تمام لكن عرس حمد والله ما احضره ييييخخخ

ريم: ههههههههههههههههههه امانه انه كريه صدق

جودا: عادني اقل كيف متحملاته؟

@rewayatyamania المصدر الأول للروايات


اليوم الثاني سارت الشغل
جااءت واحده وقدمت ملف: لو سمحت قريت اعلان انه يحتاجوا موظف هنا وهذا ملفي

جودا في نفسها* اكلمها انه مايوظفش بنات او ادخل ابسر رأيه *

شافت لها واخذت الملف: طيب بدخل اكلم المدير

البنت جلست وهي دقت ودخلت

حمد شاف لها: ايش في يا موسى

قدمت الملف: استاذ واحده شافت الاعلان وقدمت ملفها تشتغل

حمد: رجعه وقل لها مانوظفش بنات!!

جودا بفضول: طيب ليش ي استاذ

حمد: مش هن حق شغل يا موسى بتمكنك اجازات حفله خطوبه صاحبتها زواج صاحبتها ابن خالها مات او اجازه ظهرها بيوجعها او تشتي تخرج المول او حامل وقد عتولد او ابنها مريض لهذا ما اوظفش بنات!

جودا: طيب

حمد شاف تعجبها وضحك: كم عمرك يا موسى؟

جودا: اممم 17

حمد: لاحظت ان عادو عمرك صغير من شكلك وصوتك *مجرز ماقال كذا رجعت وجهها وخايفه ينتبه لملامحها* انت عارف ي موسى اني رجعت جامعيه ووظفتك عناد لها بس

جودا: وليش

حمد: ي اخي البنات ما تقدرش تعرف ايش يفكرين والعيش معهن متعب قوي وكلهن طلبات وبعدين البنت ذي من نوعية البنات الذي اكرههن البنات الدلوعات

جودا: حتى انا *وفي نفسها * اكرهك *

حمد: حتى انت ايش

جودا: حتى انا اكرههن

حمد ضحك: ايوه لو تبسرها عتحرم النسوان.. تتكلم من طرف لسانها ومدري كيف تنطق الراء والطاء حذفته من القاموس ولبسها مدري كيف ومشيتها تدي الغثيان

جودا تغير شكلها

حمد: المهم رجع ملفها وقل لها هكذا

جودا حاضر بتطلع وقفها: ولو جاء إلياس قله يمرني

جودا: حاضر

خرجت وقد عتنفجر مكنتها الملف: قال مايوظفش نسوان

البنت بتعجب: ييييخ وماله هذا؟

جودا: مدري

خرجت وجودا تتذكر كلامه وضربت يدها على الطاوله: انا الذي ميته فيك يا سلطان زمانك

وهي تتكلم نقزها عندما قال: ...





📚 @rewayatyamania  🇾🇪

.

البــارت 3 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


خرجت وجودا تتذكر كلامه وضربت يدها على الطاوله: انا الذي ميته فيك يا سلطان زمانك

وهي تتكلم نقزها عندما قال: ايش

التفتت وهو الياس

إلياس: ايش بتكلم نفسك جننت هههههههههه

جودا ضحكت: لا ولاشي

إلياس: هههههههه هات هات اوقع حضور

جودا مكنته الدفترر: ع فكرة المدير قال لو جيت تمر له

إلياس: تمام

دخل وهي تكلم نفسها: كيف انطق الراء؟ وكيف مشيتي؟ عيجعل لك الله صاروخ ينفضك حيوان

@rewayatyamania المصدر الأول للروايات

كانت ضابحة وهي تتذكر كلامه عنها ومنتظرة اللحظه الذي بيوقع في يدها وتلقي ثغره تضيع بها شركته..

وهو خارج ابسرها سرحانه وصل جنبها: مالك يا موسى

شافت له ونفسها عتطلع ابتسمت بمجامله: ولاشي يا مدير

حمد: لو محتاج شي يا موسى لا تتردد انا موجود

جودا: لا لا تسلم ماقصرت

مشي وهي تشوف بعده: لو تعرف اني جودا بتحرم الكلام هذا
ليش ما الرجال يتعامل معه بابتسامه ولو انا بنت مافيها الله يعين بناته بس

وهي تكلم نفسها نقزها مره ثانيه: رجعت تكلم نفسك

شافته وضحكت: ههههههههه

إلياس: مالك هههههه

جودا: ولاشي هههه

إلياس: عتروح

جودا: اجمع الورق وامشي

إلياس: المدير عازمنا السبت كلنا بالقاعه اللي تحت على الغداء كلمك؟

جودا وهي تجمع الورق: لا

إلياس: ههههههههه ليش او نسيك؟

جودا في نفسها* يارب ينسى صدق مالي خلق اشوفه*: مدري

إلياس: اكيد السبت بيكلم الكل بينهم انت

جودا كملت: عن اذنك

إلياس ابتسم لها

جودا: كان ناقصني حمد يجي لي إلياس الاثنين اكره من بعض

حمد لو يعرف اني جودا بيمسح بي الارض وإلياس لو يعرف اني جودا بيكون معي وقح لانه انسان تافه

كل الناس بيحصلوا عيال حاره تمام وانا حصلت كل واحد اخس من الثاني..

خرجت عند لميس..
جودا: قال مدري كيف بين انطق الراء وكلام يسد النفس

لميس: وهو صدق؟

جودا: انا بين احانكه هو بس لاني اعرف انه بيكره هذه الاشياء وهو فكره كلامي

لميس: ههههههههههههههههههه

جودا: اليوم قال ملامحي تبين صغيره وحاولت اتداري الموقف خفت يركز ع شكلي مع انه مايعرفنيش من واحنا صغار غطيت وجهي وخلاص بس مع ذلك توترت

لميس: كوني حذرهز

جودا: قد بين اغير نفسي180 درجه واصلا عارفه حمد مابيركز ع شكلي قوي اصلا بيكرهني

لميس: هههههههههههه ما اعتقدش بيظن ابدا انش موسى

جودا: ههههههههه والله ما تسير له مثل ما قهرني ذاك اليوم لاخرب له اهم عقد بشركته..

لميس شافت تلفونها بيدق: هذا انس بيتصل

جودا وقفت: خلاص انا بلبس واروح وانتي كلمي زوجك مع السلامه

لميس: تمام ي رروحي غلقي بعدش

لبست وروحت وهي مروحه تقابلت مع إلياس
وبيسأل نفسه: هذه جودا من فين جاءت

شافته وردت وجهها: ييخخخ كيف بيشوف

إلياس: يوووه والزنط الذي فيها كيف بتشوفني بنص عين

جودا تشوف نظراته وتقرف دخلت وغلقت بقوة وهو بيشوف

وهو رفع حواجبه! !!! وفي نفسه* نفسي ابسر من الرجال الذي عيخلي البنت هذه تخضع له "! من بيقدر يكسر غرورها ودلعها! !*

@rewayatyamania المصدر الأول للروايات

سجا كانت ترسل صاحباتها واتس: خليتهن دخلين عرس شيماء وانا طلعت

بشرى: طلعتي فين؟

سجا: تمشيت شويه

بشري: مابتبطلي طبعش هذا مشو حلو وبعدين لو يعرف حمد بيذبحك

سجا: ومن فين بيعرف حمد؟ محد عارف انا اخذ احتياطاتي وبعدين كنت مع عنود

بشرى: هي عنود ذي اللي بتخربك!
.
.

الجمعه العصر
لبست وخرجت
دقت الباب وتفاجأت بحمد الذي فتح اول ماشافها رد وجهه: نعم؟

جودا تذكرت لما قال انه يكره حرف الراء من لسانها وزاد رققته: اشتي ررررررريم

حمد ينطقه بطريقتها: ررررريم؟

جودا بدلع: ايوه

حمد رد وجهه * يخخخ مالها هذه عادها اخس من اول *: لحظه

جودا: تيب

حمد بنرفزه: قصدش ططططططيب

جودا: يب تيب

قال بضبببح وصياح: يا رررريم جاوبي

ريم: من

حمد فك الباب: بنت الجن

جودا: سخيف

شاف لها وطلع وهي دخلت

ريم بغرابة من بنت الجن
وصلت شافتها وضحكت: ههههههههههه جودا
سلمت عليهاو

جودا جلست: ماله اخوش الزفت هذا

ريم: ههههههههههههههههههه ماعليش منه هو هكذا

سجا نزلت شافتها وضحكت: ريم وين حمد

جودا فهمت قصدها: لا تقلقيش فتح لي هو

سجا جلست بابتسامه وتحمس: وماقال لش

ريم ضحكت: بنت الجن هههههههه

سجا ضحكت: ههههههه بنت الجن ههههههههه

جودا قلبت عيونها: عادهن بيضحكين انا استاهل ذي بين اجي

ريم مسكت يدها: لا لا ههههههههههه بس مااقدرش ما اضحكش ههههههههههههه محد بيقدر ينرفز حمد غيرش هههههههههههه

جودا: جعلني نار على  قلبه

سجا: هههههههههههههههههههههه مشاعركم متبادله

ريم بمزح: جودا تخيلي نهايتك تتزوجي حمد؟

جودا: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 4 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


ريم بمزح: جودا تخيلي نهايتك تتزوجي حمد ؟

جودا: والله لو كان آخر رجل بالعالم لو اموت

سجا: هههههههه يمه بطني ههههههههههههه

ريم: ههههههههههه تخيلي تخيلي

جودا: ولا اتخيل ولاشي قد الموت ولا وجه اخوش

سجا: ههههههههههههههه وهو بيقل نفس الكلام

دخلت مع ريم غرفتها..

جودا بعدت العبايه: ايوه قلي لي م عاد فعلتي مع عاصم؟

ريم: مافعلت يا جودا ما فعلت هو ذا انا مثل الخبلا احبه ولا وهو معبر!!

جودا: بصراحه يا ريم مدري كيف احسه مش مهتم بك

ريم بقهر: عارفه عارفه مش مهتم مايشوفنيش ملفته لاني عاديه وهو يشتي واحده بمواصفات خياليه!!

جودا: وليش قاهره نفسك خليه طز فيه

ريم: لو اقدر اقنع نفسي يا جودا ياليت ياليت .. بكره بروح عنده
فرح قالت بتجي معي بااخذ منه الكشافه واطلع

جودا: وعادك ما اخذتيها؟

ريم تنهدت: خليتهن حيله يا جودا عشان ارجع اشوفه!! يمكن يكون بكره آخر يوم لي بالعياده آخر يوم بشوفه انا تعبت تعبت من حبي الاعرج اللي من طرف واحد انكسرت ياجودا كأني ورقه تلعب بي الريح!!!

جودا: والله ما يستاهل حارقه نفسك عليه!!

ريم: فرح تحب الياس قوي وهو مش معبرها قالت لي امس انها مركزه عليه حاط عينه عليش قوي

جودا وقفت: عليه اللعنه عينه بتنقلع وهو يشوف لي اليوم، هذا النوع ما يلفتت انتباهي كل شويه مع بنت واذا مل منها هجرها وهكذا وبعدين فرح هبلا طاحت عليه بكل قوتها وهجرها مثلها مثل غيرها.. انا عارفه يا ريم الياس طارحني براسه تحدي بس لانه عارف اني طريق صعب

@rewayatyamania المصدر الأول للروايات

روحت من عند ريم بعد اذان المغرب عملت العشاء لامها وطلعت تنام لانه السبت عندها دوام
وشافته ارسل لها على رقمها تبع الشركه * موسى بكره معنا احتفال بمناسبه التوقيع ع العقد الاخير ونجاح الشركه المستمر وعازمكم على الغداء بالقاعه تبع احتفالات تحت .. ضرووي تحضروا*

ردت له* ان شاء الله بكون موجود *

وفي نفسها * هذي اخر مره بتحتفل بها يا حمد لهذا احتفل من قلبك المره الجايه بطير لك العقد وسمعة الشركه ويا انا يا انت*

فتح هو الباب ودخل كان يراسل وهو بالشارع
شاف ريم في وجهه: ماجاءت تفعل ذيك هنا؟

ريم بتوتر: من قصدك جودا؟

حمد: ليش في غيرها

ريم: حمد ذي صاحبتي

شدها من يدها: مااشتيش تصاحبي ذي الاشكال يا ريم!! البنت ذي ماعاد اشتيهاش تدخل بيننا

بعدت يدها: ليش ايش عملت؟ حمد قل لي ايش عملت؟ جودا ولا عليها غلطه!! شفتها مع احد

حمد: وعادها تتليقف علي؟  كذا ما تعجبنيش مااشتيش تدخل بيتنا

ابو حمد من الصاله: وليش يا حمد؟ يعني حين مات ابوها وبقيت هي وامها لوحدهن عنقاطعهن عيب يا ولدي

التفت لابوه: يابه ذي البنت اكرهها اكرههها ما اطيقهاش ومااشتيش تدخل بيتنا!!

ام هديل: حمد واذا تكرهها خلاص؟ لو لقيت عليها شي نقدر نمنعها لكن البنت ماشيها بحالها عيب

التفت امامه بنرفزه ورجع شاف لخواته: والله لو ابسر واحده تتكلم مثلها وتقل رريم وتيب لاقلع لسانها فهمتين

عصب وطلع غرفته غلق الباب ودخل ينزل الستاير وشاف غرفتها ونور الغرفه مبين من خلف الستار: الله يقرفك بيتكم طويل عريض وما اخذتي الا ذي الغرفه تقرفيني!!

غلق الستاير بضبح ورجع ع السرير ومسح شعره: مستفزه

@rewayatyamania المصدر الأول للروايات

اليوم الثاني..
سارت الاحتفال حاولت تتحجج ماقدرت
كانوا كلهم رجال هي البنت الوحيده

جلسوا وبدوا ياكلوا وهم يضحكوا وهي ساكته وحمد يشوف لها

بعد الغداء وقفت: انا بروح الشغل

حمد وقفها: لحظه وانا وإلياس بنجي معك

طلعوا سوا وهو والياس يتكلم وهي ساكته
شاف لها: مالك يا موسى اليوم متضايق؟

جودا بهدوء: لا ولاشي راسي مصدع شويه

إلياس: من كثر ما تكلم نفسك

جودا ضحكت وفي نفسها* ثقيل دم *

ورجع شاف لحمد: والله ياحمد الشركه مش حلوه حين مافيش بنات

حمد التفتت له: والله ان هي حلوة ليش البنات والازعاج ماعاد بتشتغلوش اصلا بتمكنوني غزل وقصص حب

إلياس ضحك: ههههههههههه

ورجع التفتت له بجديه: انت عارف عيال الحاره كلهم بيتكلموا على جارتك؟

حمد بدون ما يلتفت له: جارتي من؟

إلياس تنهد: المغروره من غيرها؟

جودا انتبهت وهي ساكته

إلياس يكمل: ي اخي ملفته ملابسها انيقه وعيونها حلوه ودلعها مثير **

قاطعه: لا تفتح لي سيرتها امانه

إلياس: اشتي اخليها تخضع لي يا حمد

جودا رفعت حواجبها وهي ساكتة

حمد دخل مكتبه وإلياس بعده كان نفسها تكمل تسمع بس ماقدرت جلست وفي نفسها: يالطيف ع ايش حبته فرح؟
.
.

ريم خرجت مع فرح عياده الاسنان على اساس تاخذ الكشاافه حقها

اول مادخلت هو شافها ورجع دخل وهي انتظرت فرح همست لها: ريم هو هذاك الدكتور؟

ريم: ايوه هذاك عاصم

فرح: بصراحة...




📚 @rewayatyamania  🇾🇪

.

البــارت 5 ☆


الوجه الآخر 🌛🌜

للكـاتبـة: يـاسميـن أميـن

👌🏻👇🏻 😍
📚 @rewayatyamania  🇾🇪


ريم خرجت مع فرح عياده الاسنان على اساس تاخذ الكشاافه حقها

اول مادخلت هو شافها ورجع دخل وهي انتظرت فرح همست لها: ريم هو هذاك الدكتور؟

ريم: ايوه هذاك عاصم

فرح: بصراحه ماالومش لو اغرمتي به شكله وسييييييم

ريم: وسيم وخلوق بس وين هو ووين انا

شوي ونادتها الممرضه ودخلت مع فرح

كانت فرح تشوف له بنظرات لفتت انتباهه

عاصم: ايوه ي ريم كل شي تمام

ريم: ايوه تمام بس جيت اخذ الكشافه

عاصم وهو يشوف لفرح خذيها من السكرتاريا
ورجع شاف ريم: من ذي

ريم: ذي صديقتي فرح

عاصم بابتسامه: تشتي تقويم او حشوه او ايش

ريم: لا هي بس مرافقة

كان شكل فرح ملفت ونظراتها له ملفته

رد لها: ع العموم لو تشتي شي العياده امامك

فرح ابتسمت: ان شاء الله

خرجت وهو يشوف بعدها: صاحبتها ملفته!

كانت هي سرحانه قاطعتها ريم: مالش

فرح ضحكت: الآن هو حق بنات مثل الياس او لا

ريم قلبت عيونها: ليش او قد اعجبك؟

فرح: هههههههههههههه لا لا بس الوسيمين يجوا خونه!

ريم: لا يا قلبي مشو حق بنات لوشي ان قد اخذته

فرح: .......

@rewayatyamania المصدر الأول للروايات

جودا كملت شغلها وخرجت دخلت عند لميس وروحت

وإلياس واقف امام بيتهم

وصلت جنبه وهو يشوف لها وهي تحاول تفتح البيت توترت ورجعت شافت له: ايش بتفعل هنا؟

إلياس حرك اكتافه: انا حر!!

جودا: حر امام بيتكم مش امام بيتنا؟

إلياس: والا مابتفعلي؟

جودا: لا تفكر حين مافيش معنا رجال بالبيت مااقدرش لك بدخل اخذ سلاح ابي واديك طلقه في راسك لو ما تحركت

دخلت وغلقت بقووه وهو رفع حواجبه: وتهدد كمان؟
شاف للبيت شوي ومشي وهو مبتسم
.
.

حمد دخل البيت جلس بالصاله بتعب: بكره بفتح عقود التعاون بشوف من بيدعم الاعلان
ونتعاون معه

اخذ جاكته وطلع: اشتي شركه قويه ونزيهه اوقع معها العقد

هذا بيكون اول دفعه والعقد الثاني بيكون الحاسم..

انا كلمت موسى يجهز كل شي وهو بيشتغل تمام
بس..
فتح الغرفه وغلق الستاير وهو يحاول يتجنب يشوف غرفتها: بس مدري كيف بشرته ناعمه

ورجع شاف ليده: وايديه ناعمات ومافيهن شعر؟
مدري يمكن لصغر سنه؟
يله وانا اشتي موظفف للاوراق او اشتي مصارع؟
المهم رجال..

@rewayatyamania المصدر الأول للروايات

جودا بتجهز الاوراق وهي تكلم نفسها: بكره حمد معه عقد مهم بيبدأ مع الشركات الكبيرة.. هذا بتكون بداايه نهوض الشركه لو حمد يقدر يوقع مع واحده من الشركات الكبيره بتكون دافع قوي لشركه تدخل مجال الرياده لهذا لازم اخرب عليه هذا العقد بأي طريقه!!!!!
لازم احطمه ادمره واخليه يعرف من انا!!
.
.

اليوم الثاني سارت وهو منتظرها
دخلت وهو يتكلم ويشتغل: موسى معنا اليوم لقاء عمل بثلاث شركات كبيره.. وانت بتجي معي هات معك كل اوراق الشركه بنقابلهم واحد واحد باماكن عامه تمام

ورجع شاف لها: جهز نفسك

وقف بياخد الاوراق بسرعه ويده وقعت ع زجاج الطاوله وقطعها ومسك يده بسرععه: ايييييي

شافت له: استاذ انت تمام؟

اشر لها للمكتبه: هات لي فاين من هناك.

ادت الفاين وفتح يده والجرح عميق وكبير

شافت له: استاذ الجرح عميق والدم بينزل بغزاره الفاين وحده ما بيكفيش خليني ادي شاش

حمد ماسك بيده: طيب

نزلت الصيدليه بسرعه اخذت معقم وشاش وطلعت

وهو منتظر ويده كله دم

جودا: مد يدك

مد يده فعلت له المطهر وهو مركز ع يدها *لو مصور لي يده بس مستحيل بظن انه ولد ايديه ناعمات قوي وبدون شعر
مستحيل حد يصدق انه يد رجل وين الخشونه؟*

لفت الشاش وشافت له وهو مركز على ايدها رفعتهن بسرعه: خلاص كملنا

وهو رفع عيونه له: تسلم ي موسى.. بس بصدق ايديك لفتين انتباهي
اسكه ارفع الشميز شوي اشوف معك شعر مثلنا او ماشي

جودا ضحكت بتوتر: هذا تقليل من شاني يا استاذ

حمد ضحك: انا اعتذر

ورجع وقف: شكرا يا موسى الشركه بدونك ولاشي انت اهم ركن فيها وشكرر ع اهتمامك.. والحمد لله اني وظفت ولد
والا تخيل وظفت ذيك؟ كانت بتقل يوووه دم يمه وتغمض عيونها وما تنفعني

جودا عضت شفاتها بالخفيف وهو يجمع اوراقه
ورجع شاف لها: اخرج جهز اللابتوب لوما اجي

خرجت وهي تشوف ليدها وبتوتر: يووووه كيف بيركز؟

غطتهن وتذكرت كلامه * شكرا لاهتمامك*

الان انا اهتم بحمد؟ حمد يقول لي هكدا! !! البني ادم اللي نفسي اذبحه!!

معه شخصيه ثانيه هنا ... يبين لطيف وطيب والوجه اللي اعرفه عن حمد ثقالة دمه!!

الآن جودا يا حمد اللي تتمسخر عليها بتضرب لك شركتك ضربة قاضية!


https://tttttt.me/rewayatyamania/51526




📚 @rewayatyamania  🇾🇪

.

البــارت 6 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


خرجت معه ودخلوا مطعم جلسوا بقسم الضيوف وهي بتراجع رسائل الايميل حق اول شركه وتكلم نفسها* حمد مستحيل بيضيع العقد مع هذه الشركة العروض حقهم قويه والتكلفة عالية وغير كذا شركه مشهوره وكبيرة بس استغرب رغم انه شاف عرض هذه الشركه ليش اصر يقابل بقية الشركات المفروض كان يقبل به على طول ويوقف الشركات

شافت له وهو يشوف لساعته * بيقل محد يفهم البنات وهو بحد ذاته لغز؟ *

شويه ووصل صاحب الشركة

وقف ابتسم وسلم عليه وجلس وهي جنبهم ساكته

بدأ يتكلم: اعتقد انك شفت عرضنا يا حمد واتوقع لو اي حد مكانك ما بيرفض؟

شاف له برفعه حاجب: وكيف لوما شركه كبيره مثل حقك توقع معي عقد بثمن باهض!

رد بابتسامة: عاجبني عقلك تفكيرك رغم انك بدأت حديث الا انك قدرت تصنع نفسك! انا يعجبني اشتغل مع العقول هذي انا بدعمك يا حمد بخليك اشهر رجل اعمال داخل المنطقه!

جودا رافعه حواجبها * واثق!! لكن انا في وجه رجل الاعمال هذا *

حمد بابتسامة: ايش رأيك لو اقل لك اني رافض عرضك؟

جودا بتعجب: !!!!

رد عليه: مش انت غبي!

حمد شاف له ورفع حاجب وطرق باصابعه على الخفيف بالطاوله: شوف يا استاذ فتحي شركتك رايده وعرضك مغري لكن انا ما اتعاون غير مع النزهاء!! لو ما ترجع حق البنت وامها الذي في ذمتك نرجع نتفاهم!!

شاف له بدهشه: حمد!! تشتي تقنعني انك بترفض عقد مثل هذا عشان موضوع مالك علاقه فيه!!

حمد وقف ومد يده: اعتذر استاذ فتحي مااقدرش اقبل عرضك وانتهى اللقاء عشان مششغول

فتحي وقف شاف ليده ورفض يسلم عليه: حسبتك تعرف بالشغل طلعت ولاشي بتندم على قرارك هذا اشد الندم

خرج وهو ابتسم وجلس وسط صدمه جودا اللي قالت بسرعه: استاذا**

قاطعها: عارف ايش بتقل يا موسى!!

تعرف الرجال هذا كان شريك مع جارنا الله يرحمه وكل العقود والتوكيلات امنه عليها وبعد ما مات اخذ كل شي لانه جارنا عنده بنت واحده وماكانت تعرف شي عن شغل ابوها.. وهذا استغل ضعفهم والناس امثال هذا لو يغرقني بالذهب ما اتشارك معه الا لو ما يرجع حق البنت

جودا بصدمه: من البنت؟ لا تكون البنت اللي كنت بتوظفها قبلي

هز راسه مقاطعها: ايوه هي

بلعت ريقها بصعوبه وتحول لونها احمر! !

وهو يشوف تلفونه منتظر العرض الثاني

وهي متوتره شافت له: استاذ بروح الحمام وارجع

هز لها راسه

ومشت دخلت وغلقت: معقوله الآن انا ناويه اخرب العقد على حمد وهو الوحيد الذي واجه شريك ابي النصاب!!
معقوله يكون حمد شهم هكذا؟
طلع احسن مني!!
كيف يفكر هذا الانسان!! يكرهني ومع ذلك دافع عني؟

معقوله يكون خلوق هكذا وانا اللي افكره نذل!!!
ضربت يدها بالجدار: تبا خرب خطتي الان لو انفذها بكون انانيه!!

@rewayatyamania المصدر الأول للروايات

كانت بالغرفه تفكر: الآن ليش اكله نفسي عليه وهو ولا معبرني
يوووه قد لي يومين مابسرته قد عجنن عليه
شافت تلفونها بيرن ردت: ايوه فروحه

فرح: ريم انا ناويه افعل تقويم لواحد من اسناني عند الدكتور حقك هذا ايش رأيك تجي معي

ريم وقفت: صدق طيب متى بتروحي

فرح: اليوم!!

ريم: اكيد بجي باستأذن من امي والبس واجي لك

فرح: وانا منتظره لك

غلقت وهي تشوف التلفون: ذوقك حلو يا ريم عجبني

@rewayatyamania المصدر الأول للروايات

التقى حمد بالوفد الثاني ووقع معهم العقد وسط دهشه جودا

كانت اتصلت لامها انه بتتأخر

وخرجوا بعد صلاه المغرب

كان مبتسم وهو يمشي وهي تشوف له * غريبه مبتسم ررغم انه خسر عقد كان ضربه قاضيه لمنافسيه!!! عشان من؟ عشاني انا وامي؟ *

التفتت له عندما وصلوا عند السياره: موسى شكل السياره تعطلت!!

ضرب على الكفر حقها برجله: اتصل لحد يجي يبسرها وشكلنا عنروح مشي

ضحكت

حمد: تعال نمشي للشركه هي قريب وبعدين بوصلك انا للبيت طالما كملنا شغلنا

جودا: لا وصلني للشركه وبروح!

حمد ضحك: ما تشتيش تدخلني بيتكم وتضيفني لا تقلق مابدخلش

جودا باحراج : لا مش كذا بس البيت قريب بروح مشي

التفت لها طيب

مشي وهي جنبه

وقد كان بدأ الظلام حست نفسها دخلوا بين مجوعه كبيره من الكلاب

وهي نقزت والتفتت لها: مالك ي موسى؟

جودا: كلاب

حمد: ضحك تخاف منهن؟

جودا: احيانا بس شكلهن مسعورات

حمد مد يده: بعتبرك طفل بما انه عمري 28 وانت 17
امسك يدي ونمشي يله

جودا باحراج: بس كذا

حمد ضحك: بتقل اقلل من قدرك ههههه شوف هو ظلام محد بيشوف ان رجال عمره 17 سنه ما يقدر يعبر الحي هذا من الكلاب

ترددت

نزل يده: مالك متردد هكذا؟ طيب بمشي واخليك؟
وهي ساكته ما انتبهت الا وقد مسك بيدها وسحبها: هياااا

وهي انسحبت بعده وهي تشوف له وهو ماسك بيدها ويمششي

حمد: لما كنت صغير كنت اخاف منهن قوي كان ابي يمسك يدي ويمشيني من بينهن ويقل مابيفعلين بك شي خوفك بس هو اللي بيفعل بك

كانت تشوف له بدهشه لوما وصلوا الشركه فك يدها: لو تحب...




📚 @rewayatyamania  🇾🇪

.

البــارت 7 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


حمد: لما كنت صغير كنت اخاف منهن قوي كان ابي يمسك يدي ويمشيني من بينهن ويقل مابيفعلين بك شي خوفك بس هو اللي بيفعل بك

كانت تشوف له بدهشه لوما وصلوا الشركه فك يدها: لو تحب بوصلك

مسكت يدها بتوتر: لا بروح لوحدي

مشي وهي تشوف بعده ورجعت دخلت بيت لميس

لميس: يعني الآن حمد رفض العقد عشان صاحب الشركه كان شريك ابوك النصاب؟

جودا: ايوه انا منصدمه يا لميس قوووي.. ماتوقعت ذي الحركه منه ابدا طالما اشوفه مغرور متعجرف ونذذل والخ

لميس: هذه شهامه منه

جودا وقفت وهي تلبس: قوي يالميس قوي

@rewayatyamania المصدر الأول للروايات

وصل هو البيت وكل واحد في غرفته

خالته خرجت: تعشيت ي حمد؟

شاف لها: انتوا تعشيتم

هديل: ايوه ابوك جاء تاعب يشتي ينوم وتعشينا بدري

حمد: عاد انا

هديل: خلاص بخلي اريج تعمل لك

حمد: طيب

طلع وهي تشوف بعده دخل غرفته وتمدد بتعب: خلاص اقتربت من هدفي اليوم وقعت الانطلاق ومجرد ما تنجح الشركه بتزوج واستقر وانا مرتاح



كانت هي بغرفتها وتشوف للضوء من غرفته
شافت ليدها وهي تتذكر قبضته: ايش حصل لي؟
لازم ما اضعف!! حمد اهانني ذاك اليوم
لازم ما اردها له

يعني عشان تنازل عن عقد مع شريك ابي خلاص قد بشوفه الشخصيه المثاليه؟ وهو واصل يتمسخر بي

بستلم العقود والعروض والفكر وبرسلها لشركه المنافسه واخليها تضرب به القاع..
.
.

اريج كانت تتصل: ياسين انا مااقدرش اعيش بدونك بيجوا لي خطاب واردهم عشانك ماعاد اقدر اتحمل هذا الحال تعال ونتزوج

ياسين: اسماء يا قلبي انتي عارفه اني مش في اليمن لوما ارجع بجي واخطبك ونفعل احسن عرس وبتعرفيني ع اهلك تمام

اريج بتتكلم امها دقت الباب: اخرجي جهزي لاخوك العشاء؟

اريج: حاضر يمه

ورجعت: الان بغلق بروح اعمل لاخي عشاء الله معك

ابتسم: ومعك

غلق وشوف لتلفونه: من جدها الهبلا هذه بخطبها وانا اعرفها من خلال الانترنت بس؟ واعلم الله كلامها صح او لا ومدري اسمها اسماء او ماشي الله يكملها بعقلها هي مجرد ضياع وقت
وخرج وامه بالصاله وجلس: ذلحين كيف يمه

ام ياسين: ابوك بيكلم ابو حمد بكره ونحدد الخطوبه

ياسين: ايوه يمه قدوه وقت عتجلسوا تماطلوا

ام ياسين: اي واحده تشتي سجا والا ريم والا اريج

ياسين: اي واحده يمه المهم بنت مثل الناس مؤدبه

ام ياسين: هن بناات تمام وسمعتهم حلوه

ياسين وهو يشوف امامه: هذا اهم شي..
.
.

الصباح وهم يتكلموا

ابو حمد: خلاص يا ابني بنيت نفسك واستقريت مارأيك ازوجكك

حمد: باقي معي شغل واحد اعمله واتزوج ان شاء الله

ام ريم: ومابقي يا حمد كل مره هكذا ابوك يشتي يفرح بك

حمد: شوي ياخاله معي وعقد اعمله واتزوج

ابو حمد: مارأيك يا حمد بنت الجيران ماهي الا لحالها وهي حلو و**

بيكمل وهو قاطعه بعنف ووقف: لو تفكر يابه تخطب لي جودا والله ما اتزوجها البنت ذي آخر بنت افكر بها.. شيل فكرة جودا من راسك ابقي طول عمري عزب ولا اكون معها ذيك مقرررفه
خرج معصب وهو يشوف بعده
.
.

ريم كانت روحت البيت وهي مقهوره من تصررفات فرح وعاصم وكيف يميل لها وطنش ريم ولا كأنها موجوده!!

غلقت الغرفه وجلست ع الفراش فكت شعرها ولفت ايديها ع ارجلها ودموعها نزلت: انسان شكلي!  يهم المظهر! ! عشان شكل فرح حلو اهتم بها وانا ولاكأني موجوده!!

سهل يا عاصم سهل.. انا استاهل اديت لك قلبي وهو زجاج ابسر كيف نثرته!!!

@rewayatyamania المصدر الأول للروايات

سارت الشغل وهي تفكر تجمع اوراق واتفاقية العقد حق حمد لشركه المنافسه بالوقت المناسب
وصلت عنده دخلت
جودا: سلااام

حمد التفتت لها: وعليكم السلام
موسى جهز نفسك عنخرج اليوم مطعم +....+ وعنحجزه كامل نحتفل بالاتفاقيه الجديدة

وقف ويمشي من جنبها ويتكلم: انا بنزل اكلم الياس وبقية الشباب انت اسبق احجز المطعم

جودا: حاضر

خرج وهي مسكت بايديها مكتبه ومنزله راسها: احتفل يا حمد احتفل وبعدين بوريك ايش ممكن البنت تفعل!!!
وخليها الحرب بيني وبينك
.
.

فرح خخرجت مع ريم العيادة

وصلت وهو شافها وابتسم: حيا فرح

ضحكت

عاصم: كيف كل شي تمام

فرح: ايوه

ريم تحس كأن مالهاش لزوم
خرجت ووقفت خارج
والتفتت لداخل العياده وهم يضحكوا

ورجع شاف لها: وين سارت صاحبتش جاات معش او ماشي

فرح: يووه ريم كانت هنا؟

ابتسم: خليها اصلا وجودها وعدمه سوا

فرح: هو صدق انا بين اديها معي بس عشان ما اجيش لوحدي

ريم رفعت حواجبها: !!!!!!
.
.

جودا وصلت المطعم بتحجزه كامل واخذت الاذن
طلعت بتطلع من الموجودين اللي انتهوا من الغداء يخرجوا
وتفاجأت بسجا اخت حمد مع صاحبتها

شافتها من بعيد ووقفت: ذي سجا ؟ ولحالها مع صاحبتها بس وفي مطعم؟ مش تقول حمد ما يخليهنش يخرجين

اخذت التلفون ودقت لها: سجا وينك

سجا بتوتر: انا انا بيت صاحبتي


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 8 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


اخذت التلفون ودقت لها: سجا وينك

سجا بتوتر: انا انا بيت صاحبتي

جودا عرفت انها تكذب وانه حمد مش عارف ولو يشوفها بالمطعم بتحصل مشكله كبيره

جودا: سجا انا عارفه انك تكذبي وانك في مطعم .....*

حمد معه اجتماع بالمطعم بيوصل الآن اخرجي بسرعه

سجا وقفت بسرعه: يووووه قلي والله يووووووه
توترت وشافت لصاحبتها: حمد بيجي يمه يوووه
جمعت اغراضها بتمشي بسرعه وانصدمت عندما شافته وهو داخل من الباب

رجعت ورا بتوتر: يووووه والله ليقتلني كيف افعل يووه يا بشرى

بشرى: اهداي اهددي بنشوف حل

وهي متوتره وتشوف له وهو بيتكلم مع الناس

جاء العامل: لو سمحتي المطعم محجوز ممكن تتفضلي؟

سجا: محجوز لمن

العامل: لشركه ***

سجا: كلهم رجال او كيف

العامل: ايوه

سجا بتوتر

وجودا تشوفها من بعيد وحمد واقف عند الباب
راحت له: استاذ حمد تفضل عشان نبدأ

ابتسم لها: طيب يا موسى من بعدك

حاولت جودا تشغله وسجا خرجت بسرعه وقد بترجف: يمه لو شافني انه اعدمني

بشرى بتعجب: من كلمش انه جاء؟

سجا وقفت: جودا! !!
يوووه كيف عرفت جودا ان حمد بيجي المطعم؟

بشرى: والمعازيم كلهم رجال!!!

سجا: كيف عرفت كيف

بشرى: لايكون كلمها

سجا: لا مستحيل

بشرى: وليش مستحيل ليش مايكونوا ع علاقه

سجا: بشرى مجنونه انتي حمد وجودا يكرهوا بعض كره محد يقدر يوصفه من وهم صغار.. حمد ممكن يتقبل اي بنت الا جودا وهي كذلك تجي تقولي يحبها؟
مجنونه! !! مستحيل!!

@rewayatyamania المصدر الأول للروايات

تحججت جودا بشي وخرجت وهي تكلم نفسها: قرررف انا الوحيده بينهم البنت

اروح اجلس مع ريم احسن وابسر سجا ماقصتها؟
وخلوا حمد يحتفل كلها ايام واسرب العقده حقه لشركه منافسه!!

اخليه يعرف ايش يعني جودا ويعرف كيف يكون يرفض الموظفات البنات بارجع اعتبر نفسي ..

وصلت عند ريم فتحت لها ودخلت

جلست وسألتها عن سجا: الا سجا وينها؟

ريم: سجا طلعت بيت صاحبتها تعبانه وللآن ماجااءت

جودا: اهاااا
عرفت انه سجا كذبت انها عند صاحبتها

ريم تكمل: انتي كيفك

جودا: تمام
كانت تشوف للباب منتظره سجا تدخل

ريم فكرتها قلقه انه حمد بالبيت

قاطعت نظراتها: حمد طلع معه شغل مابيجيش الا آخر الليل ارتاحي

جودا: ومن قال لك اني افكر بحمد

ريم: ههههههههههه شفتك تشوفي الباب كل شوي حسبتك قلقه لايجي

جودا شافت لها ورفعت حاجبها بغرور: انا اصلا ما اقلقش منه وما يهمني ولا افكر به اصلا ولا اعتبر له وجود

ريم: ههههههههه انتي عارفه ابي اليوم قال يخطبش له

جودا بدهشه: ايييش؟

ريم: ابي يشتي تتزوجي حمد عشان ابوك كان صاحبه وعشان احنا جيران احسن ما تجلسي لوحدك انتي وامك بس حمد رفض وخرج قبل ما يكمل فطوره وانا وسجا كنا نضحكك لانه عارفين ان الكره بينكم متبادل

جودا شافت امامها: ولا يزعل ولا ينفعل يعني انا اللي ميته فيه؟

ريم: ههههههههههههههههه

جودا: حتى صاحبه ازعجني واصل امام بيتنا

ريم: الناس بتتكلم لانش لحالش حاولي ماتدي لهم فرصه يقولوا شي عليش والياس طنشيه وبس

جودا التفتت لها: عاد فرح تحبه؟

ريم نزلت عيونها: فرح.. هه فرح قد معها واحد ثاني

جودا بغرابه: من؟

ريم: عاصم سرت يوم معها وشكله اعجبها وهي اعجبته؟

مافي الا النظرات بينهم والحركات وبعدين يطنشني قوي لو هي موجوده

جودا: بس هي حلوه

ريم: .....

جودا رفعت رجل فوق رجل: والله يا ريم ما يستاهل تفكري به قلت لش من البدايه ما يستاهلك ما يستاااااهلك

ريم: غصب احبه ويمكن لانك مش مجربه الحب مفكرته بكيفي بكره ي جودا تكوني مكاني وتبطلي تلوميني!!

جودا بتتكلم وسجا دخلت شافت جودا وتوترت: سلام؟

ردين وعليكم السلام

ريم: كيف بشرى تعافت

سجا بتوتر وتشوف لجودا: قدي احسن

جودا: ريم هاتي لي ماء لو سمحتي

ضحكت: حاضر من عيوني

قامت

وهي وقفت ووصلت عند سجا: ذي المره عدت على خير مره ثانيه بشوف حمد ايش بيفعل بك وانتي اخته المقربه والمدللة ويثق فيك وانتي ماتقصري تقولي له انك بتروحي مكان وانتي في مكان ثاني

ورجعت رفعت صوتها: خلاص ي ريم تسلمي بروح

ريم ترد بصوت رافع: ليش طيب لحظه ادي الماء

جودا: بس تسلمي

وصلت بتفتح الباب وهي مسكت بيدها بشده: كيف عرفتي اني بالمطعم والمعازيم اللي دخلو كلهم رجال؟
كيف شفتيني؟ ووين كنتي

بعدت يدها بقوه: ممممش شغلك
وخرجت وهي تشوف بعدها: !!!!!!!!

ريم خرجت وبيدها ماء: يوه مسرع روحت ماوقع

سجا كانت سرحانه ورجعت شافت لها: ماجاءت جودا تفعل
وقربت منها: انتي عارفه ان حمد يكرهها ويشوفها كسرة راسه وانتي كل شوي تستقبليها؟

ريم: وانتي مادخلش

سجا ضربت ايدها في شنطتها وطلعت معصبه

وريم تشوف بعدها: مالها هذي؟





📚 @rewayatyamania  🇾🇪

.

البــارت 9 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


روح البيت وهو مرهق وصل ودخل غرفته لصى الضوء وغلق الستاير وشاف غرفتها وتذكر كلام ابوه: ابي اكيد مجنون! ! انا يله يله اتحمل اتكلم معها دقائق وهو عاد يشتيني اتزوجها؟

غلقهن وجلس على السرير واخذ التلفون وارسل لها: موسى جهز الاوراق الذي قلت لك وهاتهن بكره وانا بسلمك اوراق العقود تمام

سمعت النغمه وشافتهن مسكت التلفون وردت: طيب

وفي نفسها الآن تركت الاكل وعصبت عشان ابوك قال تتزوجني؟ لذي الدرجه تكرهني؟ على اساس انا الذي احبك؟ وانا زاد حقدي ووووططططيب يا حمد خليني اخذ العقود بس

خرجت من الواتساب الذي فعلته خاص بالشركه ودخلت واتسابها
شافت الحاله حق ريم فتحتها وتوترت
كانت صورة ايديهن هي وفرح وريم واريج
خافت يشوفها حمد ويعرف يدها

ارسلت لها: ررررريم احذفي الخلفيه
كانت متصله وكان هو شاف الحاله وانتبه وفعل دائره على ايد جودا وارسل ايد من هذه؟

ريم ردت عليه: ليش

ورجعت ردت على جودا: يوووه مالكم على الحاله اليوم انتي وحمد؟

جودا بتوتر: وماقال

ريم: فعل دائره على يدك وقال يد من هي هذه

جودا وقفت: يوووه وما قلتي

ريم: مالك متوتره كذا؟ عادني مارديت

ورجعت رسلت له: جودا ليش؟

حمد بيكلم نفسه.. تشبه يدد موسى قوي؟ لكن مادخل موسى بجودا؟ مالي قد بين اخرف يخلق من الشبه اربعين وبعدين هي الا يد؟
ورجع رسل لها: لا ولاشي ههههه بس لفتت انتباهي

ريم ضحكت: هههههههه قد قال ابي اخطبها

حمد: بس ي خبلا بس

ورجعت رسله لجودا كلامه

جودا في نفسها حتى لو شك مستحيل بيتوقع هو بيفكرني بنت سامجه ودلوعه وكلامي احوس مابيظنش انه انا بس ريم خبلا لانه لو ازترع داخله شك بيكون يركز ع كل شي

@rewayatyamania المصدر الأول للروايات

اريج تكلم ياسين

ياسين: اسماء انا هذي الايام بقفل اسبوعين بالكثير معي شغل تمام

اريج: كيف اسبوعين كثير مابقدرش كون افتح حتى دقائق كلمني

ياسين: مااقدرش مشغووول

اريج: بس يا ياسين

ياسين: يله مع السلامه

قفل وهي تشوف للتلفون: حسبك الله ما اقسى قلبك تهجرني اسبوعين كيف اوقع بعدك؟

ياسين غلق وهو يتذكر كلام ابوه انه كلم ابو حمد ورحب بهم: خلاص بخطب وابتعد عنها شوي شوي
.
.

اليوم الثاني
جاءت فرح على اساس تسير مع ريم العيادة

فرح: مالش ما لبستيش

ريم: مابجيش اليوم

فرح: ليش

ريم: كذا تاعبه؟

فرح: وانا مع من اسير

ريم هزت اكتافها: مدري.. اكلم لش سجا
فرح: ياليت
.
.

لبست هي من بيت لميس وطلعت
وصلت وهو بالكنب حقه
دخلت: مرحبا

ابتسم: اهلا
ورجع يشوف للكمبيوتر: موسى العقود بالدرج خذها ودخلهن الارشيف وهات الورق الذي معك

اخذت العقود ورجعت عنده: هذه الاوراق

رفع عيونه ليدها ياخذ الاوراق وسرح وهو يحاول يتذكر الصوره اللي كانت بخلفيه ريم

وهي لاحظته وبتوتر: استاذ!!

نقز: هاه
واخذهن وابتسم: طيب موسى تقدر تكمل شغلك

خرجت وهو ترك الاوراق ويفكر: نفس اليد؟ مش معقوله ذا التشابه؟ لا لا شكلي اتوهم!!

خرجت وبتوتر تركتهن على الطاوله وخرجت تلفونها تصورهن قبل ما يدخلين الارشيف
تركتهن على الطاوله وخرجت التلفون وهي تشوف يمين ويسار لوحد يشوفها

صورت الورقه الاولى وبتكمل الثانيه وهو خرج معصببب

فتح الباب بقوة وطلع لفتت انتباهه
نزل تحت بسرعه وهي نزلت بعده

دخل على القسم الذي بيشتغل فيه الياس

وصل مكتبه وجودا بعده بهدوء والفضول قاتلها

فتح مكتب إلياس بقوه ودخل: ايش ذا؟ فقدت عقلك او كيف

إلياس وقف وجودا خلف حمد وبيدها اوراق

إلياس: ايش عملت

حمد فقد اعصابه ومسكه من الشميز حقه: كيف تنشر صور البنت بذي الطريقة

إلياس بتوتر: مانشرتهن هي ارسلتهن لصاحبها وهو نشرهن

حمد بعصبيه: الياس صح البنت سخيفه وسامجه بس مستحيل تعمل هكذا انا واثق بتربيتها تقدر تضحك على الكل مش عليا انا عارف انك لعبت بالصور الآن تدخل حسابك الزفت ذا وتحذفهن بسرعه قبل لحد يشوفهن

إلياس: حمد؟ وليش احذفهم ومالك معصب هكذا مش تكرهها

حمد بعصبيه وهو ماسكه من رقبته: اكرهها ايوه بس اطعن في عرضها وشرفها لا ذي مش رجوله وانا ما اصاحب الا رجال

إلياس: حمد خليها تستاهل***

حمد بعصبيه: انا بطلع الان المكتب وافتح حسابك الوهمي ذا ولو اشوف الصور مازالت فيهن بيكون لي تصرف ثاني

طلع معصب وجودا امام المكتب شافها وتجاهلها

إلياس ضرب برجله الكرسي ورجع فتح الكمبيوتر

وهي اقتربت تشوف الصور اللي خلت حمد يفقد اعصابه هكذا

اقتربت تشوف وإلياس فتح الكمبيوتر بيحذف وانصدمت...

https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 10 ☆


الوجه الآخر 🌛🌜

للكـاتبـة: يـاسميـن أميـن

👌🏻👇🏻 😍
📚 @rewayatyamania  🇾🇪


اقتربت تشوف والياس فتح الكمبيوتر بيحذف وانصدمت بصورها!!! صورها بملابس عاريه!!!
رجعت ورا من شدة الصدمه حاولت تستوعب اللي شافته ورا ورا لما صدمت بالجدار
مسكت فمها!!!!

ثواني وطلعت بالدرج وغمضت عيونها والدموع نزلت غصب!!! ماتوقعت توصل به احقاده لذي الدرجه

الف سوال في راسها كيف ادي الصور ومن فين اديهن
وصلت مكتبها وعيونه حمراء والدموع تنزل بلا سيطره

ضربت المكتب بيدها
ورفعت راسها شافت اوراق العقود حق الشركه
اخذتهن وفي نفسها: لو حمد ما اجبر الياس يحذف الصور كنت بنفضح فضيحه ولا لي ذنب فيها!!
وعاد انا ذي التافه واشتي اسرب عقوده
غلقت التلفون وتركته بالدرج: مستحيل متسحيل بضرك ي حمد بعد موقفك هذا

وهي تكلم نفسها طلبها
دخلت وعيونها مبينات

حمد وهو يشوف الاوراق امامه: ارشفت الاوراق يا موسى؟

قالت ببحة بصوتها جعلته يرفع نظره: الآن بدخلهن الارشيف

شاف لها: مالك يا موسى؟

جودا: ولاشي يا استاذ ولاشي

ترك القلم من يده: محتاج شي؟

جودا ابتسمت: لا والله يا استاذ انت مش مقصر بس تعبان شوي

حمد: خلاص ارشف الاوراق وروح

جودا ابتسمت: مشكوور

ررجع يشوف الورق وهي تشوف له: شهم كريم محترم كيف ماكنت اشوف فيك ذي الصفات من قبل

وصلت عند باب المكتب بتغلق والتفتت له: انا كنت عمياء! !!!!!!!!

@rewayatyamania المصدر الأول للروايات

خرجت من عنده اخذت الاوراق وتركتهن بالارشيف واخذت بقيه الورق بتتطلع تصادفت بإلياس ردت وجهها بقرف

اقترب هو برفعه حاجب: خير مالك رديت وجهك هكذا

جودا: ايش تشتي

إلياس: المدير كيف؟ روق او ماشي

جودا لفت وجهها: ومادراني ادخل شوف

إلياس: مالك بترد وجهك مني هكذا

جودا: لانك مقرف

إلياس يحرك حواجبه بتعجب: وليش ان شاء الله

جودا: لانك نشرت صورة بنت جيرانكم وبطريقه مقرفه

مسك ايدها بقوه ورجعها ورا: انا ضابح من نفسي تستفزني اكسر عظامك! !

جودا بصوت رافع: ماعتفعل يا نذل اكسر!!

إلياس: اكسرها وادعس ع وجهك

حمد سمع الصوت وخرج
وشاف لإلياس: مالك عاصر الولد هكذا فكه

إلياس فك يدها: بيستفزني

حمد شاف له ودخل المكتب وهو دخل بعده
وجودا رجعت تسمع

إلياس: ماتوقعتك بتنفعل عليها هكذا فكرتك بتفرح حن هي كريهه

حمد: ومادخل هذا بذا يا إلياس كريهه مع نفسها؟  قل لي كيف اديت الصور

إلياس: ابسرت الصور او كيف!! حلوه بنت الكلب

حمد: لا والله ماركزت عليهن اصلا هي لابسه نقاب لهذا ماشفت لوجهها بالصور  وماركزت ع شكلها بس قريت المنشور الذي كتبته

جودا تحاول تركز معهم

حمد: هذا كلام يا إلياس حتى الكلام مستفز

إلياس: وماقلت؟ اديت الصدق
ابسروا بنت جيراننا المحترمة والذي ما تشتيش حد يقرب منها حين هي عايشه مع امها لحالهن بتفعل الذي تشتي وترسل صورها لاصحابها

جودا في نفسها * اللعنه عليك *

حمد: إلياس كيف اديت الصور

إلياس: فرح رسلتهن لي وانا زد اشتغلت عليهن

حمد: اتمنى ذا الشي ما يتكرر.. الذي يجلس يتبع اعراض الناس الله بيفضح عرضه!

إلياس: خلاص ولا تزعل اول واخر مره وهي جعلها في حريقه تحرقها

جودا سمعت اسم فرح وخرجت وهي معصبه
.
.

وصلت بيت لميس دخلت وانفجرت بكاء: تصوري يا لميس لو حمد ماخلاهش يحذفهن بسرعه كان محد بيصدقني الناس اصلا حاطين عينهم عليا طلعت نزلت لحالها لو يزيد يدي لهم شي ما بيسكتوش
امي المسكينه بتنجلط
حسبي الله عليه وعلى فرح الغبيه لكن والله ماسارت لها

لميس: خلاص اهدي خلاص عدا الموضوع على خير

جودا: ماشفتي الصور يا لميس والله اني دوخت .. تعرفي الصور الذي تصورتهن في عرس ريما هن بس زد لعب بهن الكلب

اكيد فرح اخذتهن من تلفوني لوما قالت تشتي تنقل برامج نذله

@rewayatyamania المصدر الأول للروايات

سجا كانت تكلم نفسها وهي منتظره فرح بالعيادة: الان جودا بتشغل مع حمد او فين؟ يمكن كانت تشتغل مع الشركه الذي وقع حمد العقد معها؟ لا لا لا كانوا كلهم رجال؟ كيف عرفت كيف؟
لايكون بينها علاقه هي وواحد من اصحاب حمد؟وقفت امام الشباك وتشوف للحاره

إلياس واصل امام بيتهم لاتكون بينهم علاقه؟  مش معقوله تكون عرفت صدفه!!
.
.

ام ياسين بتكلمه: سرت امس وشفتهن.. هديل وريما قد تزوجين بقيت ريم واريج وسجا

ياسين: ومن احلا واحده فيهن

ام ياسين: اريج تجنن البقيه يشبهين بعض بس هي حلوه ومختلفه تشبه شويه ابوها واخوها البقيه مثل امهن

ياسين: من اكبر واحده بينهن

ام ياسين: ريم

ياسين: وبيرضوا يدوا لي اريج وريم عادها ماتزوجت؟

ام ياسين: نسير نخطب ونشوف ما يقولوا

ياسين: بروح بكره جمعه بجلس مع حمد ونتكلم

ام ياسين: تمام
.
.

جودا غيرت ملابسها بتطلع

لميس: طيب جودا اهدي شوي

جودا: كيف اهدأ يا لميس كيف والنذله ادت للنذل صوري

لميس مسكتها و...


https://tttttt.me/rewayatyamania/51526




📚 @rewayatyamania  🇾🇪

🌛

بارتـات يومنـا الثلاثـاء 👆🏻😍

.

البــارت 11 ☆


الوجه الآخر 🌛🌜

للكـاتبـة: يـاسميـن أميـن

👌🏻👇🏻 😍
📚 @rewayatyamania  🇾🇪


جودا غيرت ملابسها بتطلع

لميس: طيب جودا اهدي شوي

جودا: كيف اهدأ يا لميس كيف والنذله ادت للنذل صوري

لميس مسكتها ومسكت وجهها: جودا
مسحت دموعها: بس عيونك خلاص ورموا ارحمي نفسك

حضنتها وبكت: بروح ابسر فرح اعرف بس ليش عملت هكذا

لبست وطلعت وسط قلق لميس عليها

اتصلت بالطريق لريم: ريوم انتي وفرح بالعياده

ريم: لا ماسرتش بعد ماقالت انها تاخذني معها احتياط وانا ليش اسير اقهر نفسي

جودا: طيب فرح سارت العيادة

ريم: ايوه مع سجا

جودا : طيب مع السلامة

قفلت وريم تشوف لجوالها: مالها جودا صوتها تاعب هكذا

@rewayatyamania المصدر الأول للروايات

وصلت العياده وفرح مع عاصم داخل وبتضحك معه
بيسألها: انتي مرتبطه اقصد مخطوبه او

قاطعته بابتسامه: لا ولاشي

عاصم: ايش المواصفات الذي تتمنيها في زوجك المستقبلي

فرح: يكون يحبني

عاصم: انا افكر اتزوج مره ثانيه لو *

دخلت الممرضه: فرح في حد منتظرك خارج

عاصم: بس شوي اكمل الشغل

اشتغل بسرعه وهو ساكت لما كمل وطلعت مع الممرضه
وانصدمت بجودا

وسجا جالسه ساكته ومستغربه من جودا وشكلها

جودا سحبتها من يدها: ليش اديتي صوري لالياس

فرح انصدمت: اي صور

جودا: لا تمثلي دور البريئه انطقي

الدكتور بيشوف وجودا تهمس لها والفضول داخله؟

سسجا تحاول تسمع تهمساتهن

فرح: جودا

جودا: انطقي احسن ما افضحش امامهم الصور الذي عند الياس

فرح التفتت لهم وهي تحرك ايدها بتوتر: هددني!! صوري عنده وهددني بينشرهم كنت مجبوره

جودا فكتها بقوة: الله ياخذك انتي وهو
وخرجت

عاصم وصل جنبها: مالها بتلعنش ومن هو الذي بتلعنه جنبش ومن ذي

فرح شافت له وطلعت

وسجا بتوقف بعدها وقفها: مالهن؟

سجا هزت اكتافها بمدري؟؟

عاصم: ماتعرفيش ايش بينهن

سجا: مااعرفش يمكن بيتكلمين ع حبيب فرح

عاصم: حبيب فرح!!!!

سجا: ايوووه

وخرجت وهو يشوف بعدها!!!

@rewayatyamania المصدر الأول للروايات

وصلت البيت سلمت ع امها وتحاول

تتجنب تشوفها
دخلت الغرفة غلقت وجلست تبكي

ارتفعت تشوف لغرفته مقابل لغرفتها: حمد! ! كيف ارد لك جميلك.

وقفت الى امام الشباك حق غرفتها ويدها عليه: لك وجه ثاني ينحب!!
.
.

فرح روحت مقهوره اخذت التلفون واتصلت لإلياس: جودا كيف عرفت اني مكنتك الصور! !!!!!

إلياس بدهشه: عرفت!!!! كيف عرفت

فرح بعصبيه: إلياس انا وثقت فيك ليش تعمل بي هكذا!! عرفت وجاءت بهذلتني بالعياده حرام عليك يا اخي

إلياس: لحظه لحظه!  من وين عرفت! ! فرح مافيش غير حمد عارف ان صور جودا عندي وانك ارسلتيني؟ عتجنني او كيف؟
او بيطلع حمد بيتواصل معها ؟ لا مستحيل

فرح: يتواصل معها يحرق معها مايهمني ودور البريء ذا بطله .. انا مستحيل بسامحك

إلياس: فرح اسمعي

قفلت وهو يتكلم

شاف التلفون وهو مصدوم: كيف عرفت! !!!!!!! مستحيللللل

@rewayatyamania المصدر الأول للروايات

حمد كان بغرفته دخلت سجا: مساء الخير

عدل جلسته: يا هلا

ابتسمت: حمد بس عندي سؤال بالرياضيات بشوف لو حلي صح او لا

حمد شاف لها: هاتي

مكنته وهي من داخلها شي ثاني
وبتردد: حمد.. جودا تشتغل معك

التفت لها بتعجب: لا ليش؟ هذا السؤال

سجا: بس امها مفكرتها تشتغل عندك

شاف لدفترها: لا مش عندي ولا تهمني

سجا بتردد: طيب هي بتشتغل بشركه تعرفها

التفت لها بنرفزه: سجا عتقفلي سيرة البنت هذه؟ لا تشتغل عندي ولا انا داري بأي جهنم هيه

سكتت

مكنها دفترها: وامسكي الدفتر الحل صح

ابتسمت وخرجت غلقت الباب وهي تفكر: يعني حمد مايعرف جودا فين بتشتغل ولا بتشتغل معه
طيب كيف عرفت ذاك اليوم اني وسط المطعم والمطعم كان محجوز؟حن اتصلت  هل هي صدفه! ! مستحيل
.
.

كانت هي بغرفتها شبهه نايمه

دخلت امها: جودا تعالي اتعشي ومالك جيتي بدري او انتي تاعبه؟

ردت: لا يمه انا بخير بس تعبت اليوم بالشغل واشتي انام

ام جودا: طيب الله يعينك ويوفقك يا بنتي

خرجت وغلقت وهي تبكي والدموع تسقط على خدها: ياترى يمه لو شفتي الصور عاد كنتي بتدعي لي؟ حسبي الله عليك يا الياس..
.
.

اليوم الثاني كان جمعه وهم معطلين
ياسين اتصل لحمد انه بيجي عنده عشان كذا جلس بالبيت

جودا كانت تحس بشي غريب داخلها وكأنها فقدته او شي ما تفهمه

قررت تروح عند ريم تجلس معها شوي

دقت الجرس وهو فكره ياسين اول مافتح تفاجأ بها ورد وجهه

وهي ساررررحه فيه

التفتت لها واستغرب ورجع قال: ادخلي البنات داخل

دخلت لاول مره بدون ما تستفزه وبهدوء
ورجع صيح: ياااريم صاحبتش

ودخل مجلس الرجال

وريم خرجت: جودا حيا




📚 @rewayatyamania  🇾🇪