.

البــارت 12 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


وريم خرجت: جودا حيا

ابتسمت ودخلت معها

ريم مستغربه من صمتها على غير العاده وانه حتى ماسبت ولعنت في حمد: جودا انتي بخير؟

ردت بابتسامه: ايوه بخير

ريم: متأكده

جودا: ايوه هههه مالش

ضحكت ودخلت المطبخ تعمل شاي واريج نزلت سلمت عليها وجلست: ايش حصل بينش انتي وفرح امس سجا تكلمنا

جودا: ولاشي مهم

اريج: قالت تصايحتين؟

جودا: حاجه تافهة

اريج: اهااا

دخلت ريم: جودا انتي فيك شي اليوم

جودا: ههههه يوه يا ريم بين اقل لش مافيني شي

ريم: غريبه فتح لش الباب حمد ودخلتي عادي على غير العاده

سرحت

اريج: ههههه مالش؟

جودا: ولاشي مافيني من تصايح معه

ريم: سهل بكره يتزوج ويهدأ

نقزت وشافت لها: يتزوج من يتزوج

التفتين لها بتعجب

حاولت تعدل الموقف: اقصد من بتقبل تتزوج به

اريج: يوووه حمد اخي البنات عيتضاربين عليه مضاربه
اخي رجال

ريم: تمام امدحي هن بيشوفينه من خارج ومن داخل يطلع الضغط وشافت لجودا: صح

جودا هزت راسها: ايوه صح صح
وفي نفسها صح يا اريج اخوك رجال ومحظوظه الذي عيشوف لها ..

اريج ضحكت والجرس دق قامت امام الشباك تشوف من

كان منزل راسه شوي وارتفع وهي صدمه: هل انا اتخيل! !

ياسين كان رسل لها صوره من قبل لهذا بتحاول تقارن بين الصور وصاحب اخوها الذي منتظره
وفي نفسها: ما اصدقش انه ياسين؟ طيب هو قال لي خارج اليمن؟ وايش ذي الصدف؟ لا لا شكلي اتوهم

اخذت نفسها ودخلت غرفتها واتصلت له اكثر من عشرين مره بدون رد كان الجهاز يطلع مغلق؟

شافت للتلفون: اليوم المساء بعرف اسمه وما يشتي!

@rewayatyamania المصدر الأول للروايات

جودا روحت وهي تفكر في حمد
فتحت شنطتها بتشوف اللحيه والشنب الصناعي: هذول هم الشي الوحيد الذي بيعطوني تصريح اشوفك يا حمد وبراحتي

وهي تفكر هو اتصل لها

ردت: ايوه

حمد: موسى بكره بتجي واحده خليها تدخل لعندي اول ما توصل واستقبلها استقبال حلو

جودا بدهشه: ومن هي؟

حمد: بنت صاحب الشركه الذي وقعنا معها عقد بتشغل معنا نيابه عن ابوها

جودا: طيب حاضر .. ايش اسمها او شكلها

حمد: هي بنت حلوه عيونها خضر وطويله ونحيفه.. اسمها اعتقد ميساء

جودا: حلوه وعيونها خضر؟

حمد ضحك: هههههههههههه وماركزت الا ع هذول

جودا: اول مره توصف بنت ؟ وفين شفتها

حمد: اليوم بعد ما مشيت.. هي جاءت وانا وصفتها لك عشان تعرفها

جودا: طيب حاضر

حمد: مع السلامة

قفل وهي تشوف للتلفون: حلوه وعيونها خضر
وقفت امام الشباك المقابل لغرفته: يارب لو يحط حمد عينه عليها انها تموت يارب يارب يارب
.
.

اليوم الثاني خرجت الشغل وصلت قبله جهزت له الاوراق اللي يشتيها والملفات اللي وصلت يوقع عليها

ورجعت مكتبها جلست وهي منتظرته

وصلت البنت اللي قال عنها حمد عرفتها اول ماوصلت فمثل ماقال عيونها خضر وحلوه وطويله وذاك الوصف

جودا وقفت: مرحبا

ردت عليها: حمد جاء؟

جود في نفسها * حمد كذا حاف؟ مافيش استاذ؟ *: لا للآن ماجاش انتظري شوي ويجي

جلست وشافت لها: انت ايش اسمك

جودا: موسى

ابتسمت: وانا ملاك
ورجعت شافت لها: تبين صغير ي موسى كم عمرك؟

جودا: 17

كانت بتسألها نفس السؤال وحمد دخل .. شافها وابتسم: مرررحبا

ملاك وقفت: فيك

حمد اشر لها لمكتبه: اتفضلي

وشاف لجودا: هات لنا شاي يا موسى

دخل معها وهي تشوف بعده: اول مره حمد يبتسم لبنت! !!!!!

@rewayatyamania المصدر الأول للروايات

كانوا جالسين سوا اريج قلبها ياكلها من امس تتأكد هل الولد سلطان او لا وايش بيعمل مع اخوها خافت لو سلطان يكون كلم اخوها عن علاقتهم؟ او ربما بيفعل لها مفاجأة ويخطبها قاطع سرحانها ابوها بدأ ابو حمد يتكلم: امس جاء ابن صاحبي لعند حمد وجلس معه

ام هديل: ايوه قد حمد جلس بالبيت عشانه

اريج بتوتر: مايشتي

ابو حمد: يشتي يناسبنا! !

اريج قلبها بدأ يدق * معقوله سلطان فعل لي مفاجأة*

ابو حمد يكمل: قال يشتي اي واحده من بناتي ريم او اريج

تغير لونها وفي نفسها* يعني سلطان مايعرفنيش!! مايعرفش اني اسماء!! اذا سلطان خدعني! ! وضحك عليا *
شافت لريم بتوتر

ريم وقفت: ماقد اشتيش

طلعت وهم شافو لاريج وهي متوترة

ام هديل: اريج مارأيش

اريج بتوتر: ممكن تعطوني فرصه افكر! !

ابو حمد: خذي راحتك

طلعت وهي عتنفجر وصلت غرفتها غلقت وبكت: ضحك عليا قال معه شغل قال مسافر..
.
.

فرح راحت العياده مع سجا
كان آخر موعد لها

دخلت وكان عاصم مطنشها تتكلم وما يرد
اكتسفت من داخلها وسكتت وماعاد فتحت معه كلام

كمل وشاف لها: ارجعي لي بعد سته اشهر ابسرهن
والآن تقدري تخرجي

خرجت وهي عتنفجر

وخرج بعدها شاف سجا ووقفها

وصلت لعنده: ايوه

عاصم: بسألك عن اختك كيف هي؟  كيف قد اسنانها تمام

سجا: من قصدك ريم

عاصم: ايوه ريم كيف هي

سجا هزت اكتافها بمعنى مااعرفش

عاصم: طيب ممكن تدي...





📚 @rewayatyamania  🇾🇪

.

البــارت 13 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


عاصم: بسألك عن اختك كيف هي؟ كيف قد اسنانها تمام

سجا: من قصدك ريم

عاصم: ايوه ريم كيف هي

سجا هزت اكتافها بمعنى مااعرفش

عاصم: طيب ممكن تدي لي رقمها بسألها بعض الاسئله

سجا بتعجب: بس

عاصم قاطعها: عن اسنانها وكذا

سجا: طيب

مكنته الرقم وفرح تشوف وصلت عندها

فرح: مايشتي؟

سجا: قال رقم ريم؟

فرح: رقممم ريم ؟ ليش

سجا: وانا مادراني!

@rewayatyamania المصدر الأول للروايات

ملاك كانت مع حمد وجودا اكله نفسها خارج: طووول؟ ايش بيتكلم معها؟
يوووووه

شوي وخرجت وهو يتكلم معها رافقها للباب ورجع وهو مبتسم: موسى بكره معنا اجتماع معهم نكمل اخر بند بالعقد. بيكون خارج الشركه بتجي معنا

جودا: تمام

حمد دخل وهي تشوف بعده بقهر

شوي ودخلت مكنته ورق يوقعها وهي تحاول تفتح موضوعها: طيب استاذ على ايش كنتم تتكلموا

حمد ضحك: شغل بنتكلم بايش

جودا: طيب مش قلت ما تشتغل مع بنات

حمد: قلت ما اشغل بنات مش ما اشتغل مع بنات وبعدين البنت ذي تمام وتتكلم بأدب وعقل

جودا ودمها بيغلي: لو هذي جاءت تقدم وظيفه شغل معك مع بنت جيرانكم من كنت بتختار

حمد ضحك قوي: ههههههه عادك ذاكر بنت الجيران ..

مسك الورقه وبيتكلم: طبعا ذي ما تتقارن مع ذيك

جودا حست بقهر وخرجت غلقت الباب وجلست على المكتب: انا غبيه انا غبيه حمد يكرهني كيف نسيت يكرهني جدا مثل ما كنت اكرهه كيف افعل كيف اخليه يحبني كيف لو يتزوج واحده ثانيه انا بموت قهر مااشتيش يضيع من ايدي اشتيه يكون لي لي بس.
.
.

روحت البيت وهي تفكر فيه وفي ملاك هذي
اتصلت لريم تتكلم معها كانت طافشه دقت على تلفونها ماردت

دقت على تلفون البيت ورد هو: الو

سمعت صوته وفزت: اممم ريم موجوده

سمع صوتها: من؟

جودا: جودا

حمد: هاااه اتصلي لتفونها اعتقد معها تلفون وياليت ماعاد تزعجينا لهنا
غلق لوجهها..

تغير لونها حست داخلها انكسر: لذي الدرجة يكرهني

رجعت على الفراش حقها وغطت وجهها: يا الله ما كنتش اعرف ان الحب صعب هكذا انه بيهلكني هكذا، كيف افعل مع قلبي
كيف افعل مع حمد.. كيف اخذه او ابتعد عنه
شافت لشباك غرفتها: كيف ابتعد وغرفته مقابل غرفتي!!

@rewayatyamania المصدر الأول للروايات

سجا تكلم ريم: كان اليوم متجاهلها من بعد ما تصايحت مع جودا

ريم بعدم اهتمام: طيب

سجا فجأة وبدون مقدمات: وطلب رقمش!

ريم التفتت لها بدهشه: رقمي؟

سجا: ايوه

ريم شافت لتلفونها وهو طافي يشحن اخذته وشافت اتصالات من جودا ومن رقم غريب
فتحت الواتس وشافه منه رساله: كيفش يا ريم

ردت بتعجب: من؟

عاصم: معش الدكتور عاصم

ريم بقهر: ايوه وما تشتي

عاصم: ولاشي بس اسأل عنك

ريم: وعادك ذكرت تسأل عني؟ سير اسال على فرح والا حين عرفت ان معها واحد قبلك تركتها؟ وبعدين مشو وجودي وعدمه سوا؟
.
.

اريج كانت تتصل تتصل لسلطان وهو مقفل آخر شي فتح

سلطان: ايوه

اريج بتوتر: سلطان كيفك

سلطان: تمام مشغول ما تشتي ليش كل ذي الاتصالات

اريج: بأيش مشغول! بس وحشتني!!

سلطان: حتي انتي وحشتيني بس مش فاضي يله مع السلامه

غلق وهي شافت للتلفون وجلست: كذااااب مخاااادع
.
.

اليوم الثاني الصباح راحت بدري عشان الاجتماع تبعهم وصلت وحمد هناك ويجمع ورق بسرعه

دخلت وهو شافها: موسى اسرع عشان نلحق

جودا: كل شي معي جاهز

حمد بياخذ الورق بسرعه من تحت الطاوله ونفس الحركه جرح يده وسحبها بسرعه: ااااايي

جودا نقزت وتركت الملفات من يدها للارض وصلت جنبه بسرعه: انت بخير!!!

التفتت لها: يووه يا موسى مالك نقزت هكذا هو جرح خفيف

شافت للمكان وهو نفسه الزجاج حق المره الاوله بس الجرح ذي المره خفيف

حمد: لا تقلقش يا موسى هو جرح خفيف

جودا سحبت نفس عميق: كيف ما اقلقش يا مدير والله اني حسيت الزجاج الذي جرح يدك في قلبي !!

حمد رفع حواجبه: لذي الدرجه مهتم بي يا موسى

جودا: ولو ما اهتم بك يا استاذ بمن اهتم؟ انا مش موظف عندك بس انت عزيز عليا قوي

حمد ضحك وهو ضاغط على الجرح بفاين: تسلم يا موسى
خذ الاوراق من تحت المكتب نلحق

جواد بتاخذهن: لانك مستعجل جرحت يدك والا عادوه بدري

ضحك لها وخرج وهي بعده بيسألها: تعرف تسوق

جودا: لا

حمد: خلاص بسوق انا

خرج حمد مع جودا


والحارس تبع الشركه بيتكلم مع الحارس الذي بيجلس على كاميرات المراقبه ..
كان مطلع فيديو فيه جودا وهي تصور عقود الشركه بالتلفون ومتوتره

الحارس: شفت الفيديو والموضوع اثار شكوكي تصرفات موسى مش طبيعيه وبعدين ليش يصور العقود حق الشركه الا لو يشتي يسربها

الحارس الثاني: مدري فعلا تصرفه غريب ضروري اعرض الفيديو للمدير

الحارس: المدير خرج معه اجتماع لوما يرجع كلمه ورويه الفيديو .. وشوف ايش بيقول لك


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 14 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


دخل معها الفندق اللي بيلتقوا فيه.. وجلسوا منتظرينها

جاءت وهي لابسه عبايه ملفته وانيقه ووسطها ابيض

جودا شافت لحمد وهو بيشوف لملاك
ورجعت شافت امامها وهي تااكل من داخلها

وصلت ملاك: مرحبا لاكون تأخرت

حمد : لا ابدا تفضلي

جلست وجودا بتنفجر

حمد: دقيقه بس يوصل الشاي.. انتي كيفك وابوك كيفه

ملاك بابتسامه: تمام يا استاذ حمد وابي معجب بشغلك وانا كمان

جودا رفعت حواجبها: وانتي ايش

ملاك ضحكت: معجبه بشغل حمد

وشافت له وهو ابتسم

وجودا تشوف لهم الاثنين جاء النادل بيوزع الشاي وجودا دمها بيفور

حاول يوصله لملاك وهي مدت رجلها النادل فقد توازنه وانسكب الشاي لفوقها

قامت بسرعه وحمد قام: انتي بخير

ملاك بعصبيه: ما تشوف

النادل يتأسف

جودا مبتسمه

ملاك شافت لحمد: بروح الحمام

حمد: طيب

راحت تحاول تغسل الشاي

حمد جلس وشاف لجودا وضحك: مافعلت يا موسى

جودا بدهشه: مافعلت

حمد: انا شفتك وانت بتمد رجلك له يعني متعمد

جودا باحرراج: انا انا

حمد ضحك وغمز له: خليها تستاهل والا ايش هذا اللبس احنا جينا عمل او عرس

جودا ابتسمت ونفسها طابت

@rewayatyamania المصدر الأول للروايات

ريم بالغرفه عندما دخلت سجا وغلقت: ريم انتي عارفه انه في واحد تقدم لش؟

ريم بتعجب: من

سجا: ابراهيم جارنا مش قلت لش انه شكله معجب بك؟ امس ابوه كلم ابي وهند قالت لي انه يحبك قووي ويشتيك

ريم: ابراهيم؟ 
سكتتت وفتحت جوالها

عاصم شاف رساله ريم ورد: ريم انا خضت تجربه زواج فاشله واشتي اتزوج مره ثانيه ومااشتيش افشل ذي المره.. وانتي انسب واحده لي.. لو اتقدم لك بتوافقي؟

شافت لسجا: خلاص خليني في حالي

سجا: ريم والله ابراهيم ما يتعوض ويحبك صدق وانتي واضح عليش بتحبي الدكتور الاهبل ذك.. ريم فكري

ريم بنرفزه: سجا خلاص اخرجي

خرجت وهي ردت على عاصم: وليش اوافق؟ ليش اوافق يا عاصم .. حين عرفت ان فرح كانت تحب غيرك رجعت لي؟ هل انا بديل او احتياط؟ مش كان وجودي ماله قيمه؟ كنت اجي ولا تعبرني وانت تضحك مع فرح؟ عشان شكلها اجمل مني؟ انت انسان شكلي تهتم بالشكل بس.. بكره يا عاصم تحصل واحده جميله وتتركني

تنهد وهو يقرأ رسالتها: ريم... خلاص انسي الذي حصل انسي فرح ذي نبدأ من جديد..  ريم والله انا ماكلمتك كذا الا وقد فكرت وحسبت كل شي.. انا اشتيك كيف ما انتي.. وهذي اخر مره اتزوج بها واتمنى تنجح.. ومستحيل عاد بتركك

ريم بقهر: بعد ما كسرت قلبي؟
مفكرني جدار او جماد او ايش!!
بس فكني في حالي
غلقت التلفون ورجمته وبكت ..
.
.

سجا دخلت غرفتها وتلفونها بيرن اخذته وانه 13 مكالمه من بشرى

فتحت بقلق: ايوه بشرى ايش في

بشرى: في خبر انا اتوقع مالشش علم به لانه لو عارفه اكيد كنتي بتكلميني

سجا: وماهو هذا الخبر

بشرى: بشار ابن خالتك جاء من بريطانيا

سجا حست اعصابها فلتت وجلست بدهشه على السرير: متى جاء؟ وانا ولا عندي علم؟ معقوله امي مش عارفه

بشرى: مدريش بس اخي قال انه شافه وسلم عليه فقلت بقول لك

سجا: ....

بشرى بتردد: سجا تتوقعي هل عاده حافظ الوعد؟

سجا بهدوء: مدري يا بشرى مدري

بشرى: طيب بس قلت بقول لك الآن بروح ابسر امي ما تشتي

سجا: الله معك

قفلت وهي تحس روحها برردت
فتحت الدولاب حقها وخرجت صندوق فتحته وبه صورها مع بشار وهم صغار شافتهم وابتسمت: الله ي بشار بعد ذي السنين كلها.. كيف بفعل لوما اشوفك!! صبرت كثير يا بشار وانتظرتك كثير .. احس مابقدر امسك روحي لما اشوففك اعلم الله ايش بيحصل بي

مسكت الصوره والدموع تجمعت بعيونها: ببكي وبنهار
الشوق بيقتلع قلبي .. ماعاد اقدر اتحمل
سرحت شوي وهي تتذكر لما كان عمرها 9 سنين


سجا وهي بغرفه خالتها: الآن صدق بتسافروا يا بشار

بشار: ايوه خلاص بنروح

سجا: الآن انا ومن العب انت صديقي الوحيد انا ومن اجلس.. من بيضارب معي ومن اذا سمعت شي اجري اكلمه

شاف لها لثواني ومسك يدها: سجا حتى انا مااشتيش اسافر عشانك لكن اوعدك اني برجع برجع يا سجا اتزوجك ونعيش سوا لما نكبر وانتي اوعديني ما تصادقي غيري احد وتجلسي تنتظريني

هزت راسها: اوعدك


صحيت من بحر ذكرياتها وتنهدت قامت لامام الشباك: ليش امي ماقالت لي انك رجعت يا بشار .. وليش ماجيت بيتنا ع الاقل اشوفك من هذا الشباك.. قد بجنن عليك .. نفسي اشوفك كيف قدك هل مازلت ذاك او تغيرت! !

@rewayatyamania المصدر الأول للروايات

حمد وجودا كملوا الاجتماع مع ملاك

جودا روحت وحمد رجع الشركه ياخذ اشياء دخل والحارس متنظره: استاذ حمد؟

التفت له وهو ماسك اللابتوب: في شي اشتيك تشوفه

حمد جلس على الكرسي: ايش هو

الحارس جلس وشغل الفيديوهات: شوف بنفسك موسى ايش بيفعل

حمد شاف وهي بتصور وتتلفت خايفه

حمد بتعجب: ...





📚 @rewayatyamania  🇾🇪

.

البــارت 15 ☆


الوجه الآخر 🌛🌜

للكـاتبـة: يـاسميـن أميـن

👌🏻👇🏻 😍
📚 @rewayatyamania  🇾🇪


الحارس جلس وشغل الفيديوهات: شوف بنفسك موسى ايش بيفعل

حمد شاف وهي بتصور وتتلفت خايفه

حمد بتعجب: موسى بيصور اوراق العقود!!! ليش؟

الحارس: هذا اللي مافهمناه

حمد: بس ذا ممنوع!! ما بيصورهن الا اذا بيسربهن
وقف وبدهشه: ايش قصته ذا !

@rewayatyamania المصدر الأول للروايات

نزلت وكانوا مجتمعين

ابو حمد شاف لها: ماقررتي يا اريج الناس منتظرين

اريج: انا موافقة

ام هديل ضحكت: الله يوفقش يا بنتي ويجعلها زواجة الدهر

ابو حمد ضحك: خلاص نكلمهم ليش الانتظار

اريج ابتسمت ودخلت المطبخ: بشوف لفين بتوصل يا ياسين.. اذا ماتزوجتك وانا اسماء بتزوجك وانا اريج
.
.

جودا بغرفتها تكلم ريم: ريوم والله ابراهيم احسن الف مره من عاصم

ريم: جودا انا عارفه انه ابراهيم احسن بس انا احب عاصم صح انا هبلا بس احبه وبعدين خايفه اتزوج ابراهيم واظلمه معي وانا ماقد نسيت الاول.. ابراهيم يستاهل واحدة احسن مني

جودا: بكره تعجزي ورجمك

ريم: انا عارفه عاصم ماعرض عليا الزواج الا وهو حاسب حساب لكل شي وبعدين فاجأني بالعرض الصدق كأنه كان حاسس اني احبه بس يتجاهل

جودا: انتي حره بس رأيي ابراهيم احسن

ريم: ليتك تفهمي يا جودا .. كيف اتزوج حد وقلبي عند حد ثاني بظلم الولد معي

@rewayatyamania المصدر الأول للروايات

حمد روح البيت والافكار في راسه تعشى وطلع غرفته وهو يفكر: ايش قصه موسى؟

اكيد كان ناوي على شي بكره براقبه وهو مروح بعرف فين بيروح بالضبط..

وهو يكلم نفسه الياس اتصل له: كيفك يا مدير

حمد ضحك: ههههههه الحمد لله وانت كيفك

إلياس: حمد في شي اشتي اقوله لك بس مااشتيش تفهم غلط

حمد: قل قل

إلياس: اشتي اعرف كيف عرفت جودا انه اخذت صورها وكيف عرفت انه فرح اللي ارسلتهن

حمد بتعجب: عرفت؟

إلياس: كلمتني فرح انا مستغرب ومندهش ماحد يعرف بالموضوع غيرك؟

حمد بتعجب: انت فاجأتني؟

إلياس: اكيد في حد قال لها

حمد: لايكون تعرف حد وسط الشركه؟

إلياس: انا شاكك بموسى!!

حمد: لا لا مستحيل من فين بيعرفها

إلياس: هذا الذي مجنني من فين بيعرفها!! وكيف عرفت! ! المشكله مابش غيره لانه لما جيت مكتبي هو كان وراك

حمد: اسمع انا ببحث واعرف كل شي ريح نفسك
.
.

سجا تكلم بشرى: ماقال لش اخوش متى وصلوا

بشرى: قلت لش يمكن اسبوع كذا

سجا: وايش زد قال!!

بشرى: بصراحه هو قال لي خبر بس مشني متاكده منه

سجا بتوتر: ماقال! !

بشرى: بصراحه ....!!! قال انه جاءوا عشان يزوجوا بشار وانه قد ..

سجا بتوتر: وانه قد ايش انطقي

بشرى: وانه قد خطبوا له!!!

سجا وقفت: ايش!!

بشرى وهي قلقه من ردة فعل سجا: قال خطبوا له واحده من اقارب ابوه وبيتزوج بعد اسبوعين! !

سجا بعدم تصديق: كذابه!! امانه يا بشرى لا تنرفزيني

بشرى: والله يا سجا ما اكذب

مسكت وجهها بيدها: بشررى

بشرى: اهدائي اهدائي

حاولت تتكلم بس ماقدرت الدموع نزلت رجعت قفلت التلفون وجلست تبكي: معقوله انا انتظرتك الوقت ذا كله وانت جيت خطبت!! ليش يا بشار لييييش
.
.

اليوم الثاني
جودا سارت الشغل ..

وحمد مركز عليها كملت عملها بتروح طلعت وهو طلع بعدها

وشافها دخلت بيت لميس

حمد بتعجب: هذا مش بيت انس جارنا الاول.. ما بيفعل موسى فيه

جلس منتظر ربع ساعه وطلعت جودا

حمد بتعجب: موسى وجودا بنفس البيت!!!
مابيفعل موسى مع جودا وببيت من؟ انس؟

دخل سيارته وبتععجب: معقوله يكون موسى بيشتغل لجودا؟ وصور لها الورق؟ بس ليش؟
جودا تكرهني اصلا؟ لو وصلت لها العقود بتسربهن لاي شركه!!
يعني كلام الياس صح!!
موسى هو الذي بينقل الخبر لهذه!!

طيب انا بتصرف معك ي موسى! !! انا بخليك تندم على اليوم الذي قررت فيه تشتغل عندي .. وزوجة انس لها حساب معي..


https://tttttt.me/rewayatyamania/51526



📚 @rewayatyamania  🇾🇪

🌛

بارتـات يومنـا الاربعـاء 👆🏻😍

.

البــارت 16 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


كانت بغرفتها مقهوره عندما دخلت اريج وبيدها دعوه: سجا انتي عارفه ان بيت خالتي قد رجعوا

سجا هزت راسها: ايوه
وببحة حزن: كلمتني بشرى

اريج مدة الدعوه: ابسري ارسلوا لنا دعوه لعرس بشار!

شافت ليدها وبتردد اخذتها وقد الدموع مليان عيونها

اريح لاحظت: سجا خير مالش؟ او عادش ذاكره بشار؟
ي هبلااا لايكون فكرتي انه بيرجع يخطبك صدق هههههه والله انك هبلا ذاك كلام اطفال

وسكتت عندما نزلت دموعها

اريج: يووووه مش قصدي ابكيك بس صدق كان مجبر اطفال والله احسب قد نسيتي! مستحيل بشار يا سجا عاد بيجلس ذاكرك بعد هذه السنين!! بعدين قد هو عريس كم باقي لزفته يومين خلاص امسحيه

تنهدت وهي تشوف لها مازالت تبكي ورجعت ضمتها: امانه خلاص لا تخليني اشعر بالذنب اني تكلمت
.
.

ريم لبست وخرجت وصلت العياده وجلست بالانتظار
ولما جاء دورها دخلت ماكانش عارف انه بتجي تفاجأ بها ووقف: ريم

شافت له وبحزن: قلت بجي اوعدك وتكون آخر مره تشوفني لاني خلاص بتزوج

شاف لها بدهشه: تتزوجي؟ كيف ومن وانا؟

ريم: وانت!! وانت ايش ي دكتور؟ مش انت من اهملني؟ وتخلى عني؟ اول ابديت اهتمام ولما شفت فرح مسحتني؟

عاصم قاطعها: ريم والله والله اني كنت معجب بك من اول مابدأت اتعامل معك، انا عمري ماشفت بنت برزانتك وثقافتك وعقليتك.. وفرح ذي كانت مجرد وقت

ريم: لا وقت ولا غيره.. فرح ذي كشفت لي من انت!!
بس بقول لك شي يا عاصم .. بقولها للمره الاوله وللاخيره! انا والله حبيتك من قلبي وما اتمنى شي من الدنيا ذي الا ان الله ينزع حبك ويزرع بدله حب ابراهيم!!
وهذي اخر مره بشوفك ويارب مايضعفني لاشوق ولاشي

خرجت وهو يشوف بعدها وهي مقهوره على قصه حبها الفاشله وعلى الاحلام الذي علقتها عليه طول ذا الوقت!!
.
.

حمد وصل الشركه وهو طول الليل يفكر بموسى والذي فعله ويحاول يشوف رابط يشرح له ليش عمل كذا وايش علاقته بجودا وزوجة انس هو عارف ان هي صاحبه جودا بس مش عارف ايش دخل موسى بينهم..

كان منتظره يوصل يصفي حساباته معه.. للآن ماكلمش إلياس بالذي حصل رغم انه سأله بس بيحاول يفهم الموضوع قبل..
.
.

ريم بتكلم سجا: امي قالت بنروح بيت خالتي عشان عرس بشار بدأ من اليوم وقالت البسي وانزلي

سجا ردت وجهها: مابجيش؟

ريم: ليش

سجا: راسي مصدع

ريم: خلاص بقول لها بتجلسي تنتبهي للبيت

سجا: تمام

ريم نزلت مع اريج وخرجو سوا

وصلتت هناك

وريم بتسلم على اخت بشار: ليش محد جاء عندنا او كلمتونا انكم جيتم

اخت بشار سميه بتشوف لخلف اريج: واختك الاخيره وين هي

اريج: قصدك سجا

سميه بردة وجه: ايوه

اريج: راسها مصدع وجلست بالبيت

سميه: ماجيناش عشانها

اريج بتعجب: وليش

سميه: تعالي اجلسي

جلست وبدأت تتكلم

سميه: اسالش بالله يا اريج مشو قهر! ! اخي رجع عشانها والله قد كان عيجنن عليها والا يرجع يتزوجها وقد كنا عنزوجه واحده جارتنا هناك وقال لا مايشتي الا سجا ورجعنا عشانه وبالاخير ترفضه؟

اريج بتعجب: ترفضه؟

سميه: ايوه امك قالت لنا انها قالت ما تشتيش؟ ليش ماله اخي يا اريج وبعدين والله ماتحصل حد يحبها مثله!!
هو مريض من حين وصلنا عليها عاده خرج الا الآن كسرت فرحته

اريج بدهشه: ومتى قالت لك امي

سميه: اول ماوصلنا هنا اتصلنا لها وقالت للعشي اكلمها وبعدين اتصلت وقالت ماشي قالت عادها ماتفكرش بالزواج

اريج تحاول تفهم وهي مصدومه * شكل ابي وامي هم رفضوا وعشان بشار يقنعا قالو انه اريج الذي رفضت.. بس ليش عملوا كذا ليش*

سميه: والله انه انقهر عليها قوووي ماعاد قدرش ياكل ومرض اربعه ايام وامي وابي رجعوا خطبوا له قلنا نزوجه يمكن ينسى شويه وما نقل من اختش يا اريج كسرت له روحه

اريج: .....
.
.

جودا وصلت وهو منتظر لها

دخلت: السلام عليكم

شاف لها بنظرات كلها علامه استفهام ووقف: وعليكم السلام

وحرك يده ع الطاوله وشالها بسرعه: اااايييي

وهي اسرعت لعنده: يوووه مالك

مسكت يده وهو فكها ولابها شي وابتسم: يازعم بتخاف عليا يا موسى

كانت ساكته ومستغربه من حركته

اقترب منها وهي ترجع ورا لوما وصلت للجدار وهو مسك بيده برقبتها: الآن بتقل لي من انت؟

كانت متوتره قوي ومش عارفه ايش تفعل وانفاسها تطلع

ححمد: ايش علاقتك بجودا؟
وليش صورت اوراق العقود

جودا بتوتر وخوف: اي عقود

حمد بعصبيه: عقود الشركه! كاميرات المراقبه صورتك مافي داعي للانكار

جودا: انا صح صورتها بس والله مافعلت بهن شي صورتهن عشان احفظهن

حمد بعصبيه: اضحك على غيري

فك يده وهي مسكت رقبتها وتتنفس بسرعة

حمد: خليك كذا لا تتكلم وانا برسل صورتك وانت خارج من بين انس وارسلها له واقل له يا صاحبي انت مسافر وزوجتك تدخل شباب للبيت

جودا بقلق: يوووه لا مش انت مجنون

حمد: الا مجنون خليها تتأدب

جودا: حمد حرام تدخل بعرضها

حمد: ...




📚 @rewayatyamania  🇾🇪

.

البــارت 17 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


حمد: خليك كذا لا تتكلم وانا برسل صورتك وانت خارج من بين انس وارسلها له واقل له يا صاحبي انت مسافر وزوجتك تدخل شباب للبيت

جودا بقلق: يوووه لا مش انت مجنون

حمد: الا مجنون خليها تتأدب

جودا: حمد حرام تدخل بعرضها

حمد: هي اللي غلطت مش انت... بوقف ارسل الرساله بحاله واحده انك تقل لي مابتفعل هناك

جودا: حمد لو سمحت

رد بعصبيه لوما نقزها: تكلم قلي ايش علاقتك ببنت جيرانا

فلتت ايدها والقهر في عيونها وبعدت الشعر الصناعي من وجهها وقالت: انا جودا جودا: هو انا جودا بنت جيرانك يا حمد ارجوك لا تخرب بيت لميس بسببي!

الحارس الجالس على الكاميرات اقترب من الشاشه بدهشه؟

فتح عيونه بدهشه وبردة فعل سريعه ضربها كف بقوة لما رجعت للجهه الثانيه ومسكها بذراعه بقوه ورجع وجهها له: كييييف يعني طول ذي الفتره وانتي تمثلي عليا؟

شفتيني ساذج امامك يا تافهه!!!


فكت يدها وهي تبكي: ايش اسوووي ايش اسوي انت رفضت تقبلني قلت ما توظف الا عيال! ! انا كتت محتاجه للوظيفه يا حمد انا وامي بحاجه لها

قال بعصبيه: كنتي بتروحي اي مكان ثاني بيوظفوك

جودا: صح صح.. لكن انت اشعلت داخلي النار بكلامك وكنت اشتي انتقم منك.. كنت بسرب العقود صح
وهزت راسها: وكنت بتفشل بشغلك

بس لما شفتك دافعت عليا عند صاحبك الكلب ضعفت وماقدرت افعل شي

رد وجهه: بس بس اسكتي خااااالص وانقلعي من امامي ولا عاد اشوف صورتك ولا اسمع صوتك ...
وبصياح: انقللللللعي

مسحت دموعها بيدها وخرجت وهي تبكي وتلف وجهها بالشال..

اول ماخرجت الحارس دخل بعدها: استاذ!!

حمد كان ماسك على راسه وهو جالس على الكرسي

الحارس يكمل: لو محتاله ابلغ الامن؟

حمد: لا لا ولا تكلم حد انتبه! حتى الياس مااشتيش يعرف بالموضوع ولا احد تمام

الحارس يهزه راسه: حاضر

خرج وغلق وحمد ضرب بيده بقوة على الطاوله: بنت ال **

@rewayatyamania المصدر الأول للروايات

خرجت وهي مقهوره وهي تبكي طول الطريق وهي تتذكر الكف الذي ضربها كانت ردة فعل متوقعه لانه انصدم

وصلت عند لميس وجلست تبكي

لميس: ماتوقعت بيحقق هكذا

جودا وهي تبكي: بروح البيت ارتاح احس جسمي خلاص بيفتلت مني

لميس: طيب وانتبهي لنفسك

هزت راسها وخرجت

وصلت بتطلع غرفتها وقفتها امها: جودا

شافت لامها وكانت امها مبسوطه: جودا خلاص من الآن ماعاد فيش شغل عند حمد ولاغيره

جودا بتعجب: ليش

ام جودا مكنتها ورقه: جاء اليوم محامي وادى هذه الورقه وقال حق ابوش رجع والشركه رجعت كلها لش ونسبة شريك ابوش ادوها تعويض

جودا بدهشه: كيف

اخذت الورقه من يدها ورجعت شافت لها: بس من شارع؟ ومن رفع محامي

ام جودا بتعجب: ليش مش انتي؟

جودا: طيب يمه انا تاعبه من الشغل بطلع ارتاح

امها بابتسامه: طيب

وصلت غرفتها وهي مستغربه فتحت تلفونها وفي رساله من حمد على حسابها تبع الشركه *لما جيتي ذاك اليوم لعندي عرفت انه ما بيديش لعنددي غير الحاجه.. انا رفعت محامي وشارعت على حق ابوك ... ولما عرض عليا شريك ابوك ذاك العرض هو كان يشتيني اتنازل عن القضية.. واليوم انا ارسلت لكم للبيت انه حق ابوك رجع وصارت لك شركتك الخاص.. وياليت يكون اليوم اخر يوم اشوفك فيه وياليت تبيعوا البيت وتنقلوا من عندنا انا ماعاد اقدر اتحمل اشوفك بعد الذي حصل اليوم انا كنت اكرهك قبل صح واليوم كرهتك اكثر وانقرفت منك *

جلست ع السرير بدهشه!!!!
حاولت ترد بس شافت نفسها محظوره رجمت التلفون على السرير وجلست تبكي

كان هو منفعل خرج بسرعه وقال للحارس: اذا جاء الياس خليه يداوم بدالي وقل له يشوف سكرتير والا سكرتيرة سع الجن

وخرج وصل البيت كان منفعل جدا طلع اخذ له ملابس في شنطه صغيره ونزل شاف لسجا: انا مسافر اسبوع كذا معي شغل اتمنى لا حد يتصل بي ولا يزعجني

خرج وهي تشوف بعده بتعجب: ماله حمد معصب كذا؟
.
.

إلياس وصل وانه الحارس بيكلمه: قال المدير داوم بداله وشوف سكرتير والا سكرتيرة تشتغل هنا

إلياس بدهشه: ليش وين راح

الحارس: مدري

إلياس اخد التلفون ودق له بس بدون رد
ورجع يفكر: شكله طرد موسى طيب وماله معصب؟ اكيد في شي؟
.
.

جودا اخذت نفسها ونزلت: يمممه بروح اشوف ريم

ام جودا: طيب

دقت وفتحت لها سجا: وين ريم

سجا: ادخلي شوي وتجي

دخلت

سجا: تعالي غرفتي لوما تجي

دخلت وخرجت تدي شاي

وهي بتشوف بالغرفه بتوتر وحصلت صورته مع سجا على الطاوله

اقتربت واخذتها وشافت له ومسحت وجهها بيدها* مااقدرش اتصور اني ماعاد اشوفك ، مااقدرش استوعب انك تكرهني ؛ احس اني بجنن بموت كيف افعل *

تركتها ورجعت بتخرج صدمت بسجا امامها: ايش بتشوفي بصورة حمد!!

جودا: وليش ما اكون بين اشوف صورتش؟

سجا: هه مفكرتني هبلا قد عينك عتخرج عليه

قلبت عيونها ومشت من جنبها ووقفت عندما سحبتها بيدها: تحبيه!!


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 18 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


تركتها ورجعت بتخرج صدمت بسجا امامها: ايش بتشوفي بصورة حمد!!

جودا: وليش ما اكون بين اشوف صورتش؟

سجا: هه مفكرتني هبلا قد عينك عتخرج عليه

قلبت عيونها ومشت من جنبها ووقفت عندما سحبتها بيدها: تحبيه!!

جودا ساكته

سجا: واضح تحبيه!! الحب بيطلع من عيونش !!
حمد سافر اليوم... اعتقد مش صدفه انه يسافر معصب وتجي انتي بهذا الوقت غير عن كل يوم وتطلبي تشوفي ريم؟  اكيد بينكم شي!!

جودا بلعت ريقها: سافر! !

سجا: ايوه سافر مالوجههك قلب كذا؟ قولي لي ايش بينكم؟ وكيف عرفتي ذاك اليوم اني بالمطعم !! اعترفي لي يا جودا اعترفي انك تحبي اخي وقد روحك عتخرج عليه!

جودا: ....

سجا: بتبسري لوما يرجع ونزوجه ونفرح به وانتي اجلسي ساكته هكذا.. وانا بزف لاخي عروسته امام عينش واخليش تتعذبي وانفاسك تطلع وكأنها الموت !

جودا فكت ايدها بقوه وخرجت

وهي التفتت تشوف بعدها وابتسمت: تحبه والله انها تحبه حسيت بدمها يغلي عندما نرفزتها!! هل هي بتتواصل معه وزعلته عشان سافر؟ او ايش العلاقه بينهم؟ مش كانوا يكرهوا بعض؟ او مسرحيه امامنا؟ او تحول الحب كرره مثل الافلام والروايات؟


وصلت البيت وقد عتنفجر*سافر؟  فين سافر! !!*
وصلت غرفتها دقت له وكان جواله مغلق
رجمت الجوال ورجعت تمسك براسها: اووووف اوووف بجنن ليش بيعمل بي هكذا ليش! !!!!!
ليش لما كنت اكرهه كان واصل امام وجهي وحين حبيته اختفى ليششششش!!

@rewayatyamania المصدر الأول للروايات

اريج رجعت وهي زاعله جدا من تصرف اهلها
دخلت عند سجا وهي تشرب شاي بغرفتها: كيفك!

شافت لها: كيف بشار
ورجعت تشوف امامها: مبسوط! !

اريج تنهدت وغلقت: سجا في شي اسمه نصيب**

قاطعتها: انا سألتك هو مبسوط او لا! !

اريج هزت اكتافها: مدري الله اعلم

سجا شافت لها والدمعه ع طرف عينها: اكيد بيكون مبسوط مش عرسه

اريج * ذلحين لو اكلمها ايش الفايده! زفة بشار بعد بكره.. بس بزيد لها طعنه من ابي وامي... قدني بسكت وخلاص *

ابو حمد دخل: سجا حمد ماجااش؟ ادق ع تلفونه مغلق

سجا: ايوه هو جاء وقال مسافر معه شغل؟

ابو حمد: مسافر وكذا فجأة ليش؟

اريج: شغل فين ومسسافر فين

سجا: ما اعرفش قال كذا وخرج

ابو حمد: كنا نشتيه لانه الاحد بنعقد لاختك وشاف لاريج! !
متى بيرجع؟

سجا: والله ما اعرف جاء فجأة وقال معي شغل ضروري ولاحد يزعجني وطلع

ابو حمد: طيب

خرج وهي شافت لاريج: تتوقعي جودا تحب اخوش!

اريج بتعجب: جودا؟!

شافت لها: اليوم جاءت تدور ريم وكانت تشوف لصورته!

اريج بمسخره: هه! ! شكلك حين جلستي لوحدك حششتي!!

سجا ضحكت: ههههههههههه

@rewayatyamania المصدر الأول للروايات

الياس شاف رساله منه * اهتم بالشركه ذا الاسبوع انا مسافر! متضايق شوي واشتي ارتاح ولا تتصل لي لانه بعد شوي بخرج عن التغطيه وبيكون مغلق *

بيسأل نفسه: ماله؟  ايش الشي اللي ممكن يزعجه كذا ويخليه يسافر؟
.
.

الساعه 11 الليل دخل غرفته وغلق ارتجم على السرير بتعب: احس اني مجروح وكل ادوية العالم ما بتعالجني!!
حبيت بنت واحده ووعدتني تنتظرني ووفيت انا للوعد وما حصلت !!
احس اني انطعنت! !

اشتي اشوفها واسمع منها وماعاد اشتيش اشوفها ولا اسمعها شعور متناقض داخلي!

كان المفروض ذي الايام اكون مرتاح لكن انقلبت احاولي

قام بارهاق من فوق السرير وشاف شنطه سفره فتحها ونفس الصوره كانت معه * عادك تحبيني يا سجا! ! لو تحبيني ليش رفضتيني ليش!  هل حصلتي احسن مني! حد بيحبك اكثر مني مستحيل *!
.
.

بعد مرور اسبوع ..

ريم انخطبت..

اريج تأجل العقد حقها لوما يرجع حمد

سجا كانت مريضه الاسبوع الذي فات ماحضرتش عرس بشار ولا عرفت ايش حصل انطرحت على الفراش..

حمد وصل راح الشركه عنده اشغال كثير

إلياس وظف سكرتاريا ..

دخل ودخل الياس بعده: ابو ملاك باع العقد لشركه قويه والشركه طلبتنا للاجتماع عشان نناقش تغييرات بيفعلوها بالملف

حمد: شركة من؟

إلياس: المدير بيقابلك بالمطعم الاول الذي وقعت العقد به مع الشركه الاوله بعد ربع ساعه من الآن

حمد وقف وشاف الساعه: خلاص بطلع الان يله

إلياس: كل شي تحتاجه مع السكرتاريا رنا

حمد خرج: قلها تلحقني

نزل وإلياس كلمها ونزلت بعده وهو يشوف: حمد وصل مستعجل ماقدرت اعرف منه ليش السفر!  يله لوما يرجع يصير خير

نزل مع السكرتاريا وصلوا المطعم ومكنته الورق: استاذ حمد

اخذهن وجلس ع الكرسي وهو يقرأهن
سمع طرق خفيف على الطاوله رفع عيونه وتفاجأ: اتمنى مانكون ازعجناك يا استاذ حمد

وقف بدهشه: مابتفعلي هنا

قاطعته رنا: هذي الاستاذه جودا الذي اشترت العقود!!

شاف لها بدهشه واخذ الاوراق: بنسحب

وقفته: استاذ حمد العقود موقعه! تحاول تتنازل اسجنك!

شاف لها برفعة حاجب: لا والله! ! علمتك كيف ترمي وبترميني

جودا جلست ورجل على ررجل: ...





📚 @rewayatyamania  🇾🇪

.

البــارت 19 ☆


الوجه الآخر 🌛🌜

👌🏻👇🏻 😍
📚 @rewayatyamania  🇾🇪


قاطعته رنا: هذي الاستاذه جودا الذي اشترت العقود!!

شاف لها بدهشه واخذ الاوراق: بنسحب

وقفته: استاذ حمد العقود موقعه! تحاول تتنازل اسجنك!

شاف لها برفعة حاجب: لا والله! ! علمتك كيف ترمي وبترميني

جودا جلست ورجل على ررجل: مجبور تكمل معي الشغل.. خليك انسان عملي وفكك من الامور الشخصيه!

رنا مستغربه وفي نفسها * شكله يعرفها والظاهر بينهم حرب *

حمد جلس بنرفزه

جودا في نفسها * ايش اعمل يا حمد اجبرتني على هذا! ! ماعندي غير ذي الطريقه عشان اشوفك *

@rewayatyamania المصدر الأول للروايات

حمد جلس وبهدوء: تكلمي

ابتسمت وشافت له: انا اشتي اتعاقد معكم بالاعلانات.. اشتي تعملوا اعلانات لمنتجات الشركه حقي.. بتقدموا لي سته نماذج وانا بختار ثلاثه..

حمد شاف لرنا: تمام

رنا: طيب ومتى تشتيهن الاستاذه جودا

جودا وهي تشوف لحمد: في غضون اسبوع يكونوا جاهزين..

حمد: طيب

جودا قربت له الورقه: وقع على العقد الجديد !

حمد وقع وهي شافت له ومشت وهو ضرب الطاوله بعدها: كيف اتخلص منها..

@rewayatyamania المصدر الأول للروايات

مشت وهي تحس نفسها ضعيفه! ضعيفه امامه.. كيف اهتزت من داخلها او ماشافته كيف قدر يسيطر عليها بهذي الطريقه!!
تحس بالضيق والخوف والقلق.. تخاف يروح من يدها..
.
.

المساء
رجع هو على عقد زواج اريج..

اريج كانت متوتره.. اول مادخل سلطان حاولت تسيطر على نفسها او تكبح دموعها * هو هذا الرجل الوحيد الذي حبيتيه ي اريج.. صار لك بس مايعرف انه انتي.. مايعرف كم تحبيه والا ايش يعني لك.. هو خانك مع نفسك ومع ذلك ما تخليتي عنه.. رغم انه كذب عليك!! ايش عمل بك يا اريج لذي الدرجه شغفتي به!!

وصل جنبها: سلام

اريج وهي تحس الدموع في عيونها: وعليكم السلام

سلطان: حلوه!  مثل ما وصفوك!!

كانت ساكته

بعد نص الساعه كانوا حددوا العرس الاسبوع الجاي..

دخلت غرفتها وجلست تبكي: صعبه!! صعبه كسرة النفس!!  بجلس اسايرك يا سلطان اعرف لفين بتوصل، بفعل واتساب بجوالي الجديد والقديم ذا ببخليه واعرف كم مره بتكذب علي... اااااخ
كيف انجرحت وهو تزوجني!!

فكيف كان شعور سجا بعرس بشار!!

اخذت نفسها ونزلت تحت

امها كانت جالسه بالصاله

سجا كانت بالمطبخ

اريج: يمه! صدق بشار تقدم لسجا ورفضتوه؟

سجا سمعت اسم بشار واقتربت تسمع

ام هديل: ايوه طلب اريج بس مازالت صغيره انا وابوك قلنا كذا

اريج: صغيره؟ عمرها 17 سنه وبتدخل ال 18 وتقولي صغيره؟

سجا بتحاول تفهم

ام هديل: بصراحه بشار بعيد بياخدها معه بريطانيا وانا وابوك ما نقدر نفارقكن لما تكونين بعيد نقلق عليكن

اريج: وعشان كذا قلتي لبشار ان سجا رفضته!!

سجا فتحت عيونها بدهشه!!!!!

ام هديل: ايوه!!

اريج: يمه حرام عليش!! بشار رجع عشان سجا ليش عملتي كذا ليش

حاولت تتمالك نفسها بس جلست على الارض: معقوله!! بشار كان عند وعده واهلي الذي رفضوه؟

ام هديل: ولا حرام ولاشي يجي لها الذي احسن منه

مسكت راسها: مااصدقش!! ليش عملوا بي كذا ليش!

حاولت توقف وطلعت غرفتها بتعب وغلقت وجلست على الارض بانهيار: يعني يا بشار مازلت تحبني!
جيت عشاني!!
ليش ليش طيب ما كلمتني!!
ليش ماسألتني!!
ليش فلتني وخلتني ابكيك دم!
.
.
حمد بغرفته يفكر: الآن ايش قصدها من ذي الحركه ؟
هل شغل بس او تشتي تنرفرني؟

شاف لشباك غرفته المقابل لغرفتها: ايش في راسك !!
وبعدين مااقدرش استوعب كيف خدعتني كل ذيك المده!!
كيف كانت انسانه جديه وعمليه!!
انا ماكنت اعرف عن جودا غير دلعها وسماجتها!!
معقوله كانت ذيك شخصيتها؟


وهي فوق سريرها وتشوف لشباك كمان: حمد!!
هل بيجي يوم تحبني؟
او اني غارقه في احلامي؟
هل بتقول لي احبك، هل باسمعها منك.. حتى لو كذب انا راضيه!!

حتى لو اسمعها واموت انا راضيه، انا كنت تمام محد لعب بي غير حبك! ! كيف افعل بنفسي !! ماعاد عندي اي هدف غير قلبك


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 20 ☆


الوجه الآخر 🌛🌜

للكـاتبـة: يـاسميـن أميـن

👌🏻👇🏻 😍
📚 @rewayatyamania  🇾🇪


بعد مرور شهر..

كانت اريج تزوجت..

وسجا جالسه مع ريم: عادش تفكري بالدكتور

ريم بغرابه: ايش جاب طاري الدكتور الان؟

سجا: لا بس بين اشوف نصيحتي جابت نتيجه لانه واضح عليش بدأتي تحبي ابراهيم خاصه من بعد العقد وبدأتوا تتواصلوا

ريم ضحكت: صح والله بدات احبه وليش ما احبه ابراهيم شخص مثالي

سجا ضحكت وطلعت غرفتها..

حصلت رساله من بشرى: سجا انتي عارفه ان قد بشار بيسافر بعد بكره؟ تصوري مسرع ما جلسش مع زوجته حتى سته اشهر

قرأت الرسالة وتركت التلفون وجلست تفكر *معقوله بعد كل ذاك الغياب تجي وتروح وما اشوفك حتى؟ مستحيل بسمح لك تروح بدون لا اشوفك مستحيل! *

@rewayatyamania المصدر الأول للروايات

جودا كانت بالشركه عندما دخلت السكرتاريا حقها: استاذه جودا الشركه اللي وقعتي معهم العقد الاول يشتوا يوقعوا معك عقد جديد

جودا ابتسمت وقفت: الاستاذ حمد جاء؟

السكرتاريا: لا هو ارسل شخص ثاني بشتغل بشركته.. اعتقد لإلياس

جودا جلست وبضبح: قولي له قالت المديره ما بتقابل الا المدير

السكرتاريا خرجت وكلمته

خرج جواله ودق له

حمد: ايوه إلياس

إلياس: قالت الاستاذه جودا ما تقابل الا المدير

حمد بنرفزه: يالطيف والغرور الذي فيها
طيب انا بجي

إلياس جلس بضبح: تشتي من يغير لها ديكور وجهها!!

وصل حمد اخد منه الاوراق ودق ودخل
شافته ووقفت بابتسامه: مرحبا استاد حمد تفضل

جلس: ماشاء الله عليش قدرتي تمسكي الشغل تمام

جودا: تعلمت منك!

حمد سكت

ورجع ترك لها الاوراق: بتوقعي!!

اخذتهن بدون ما تقرأ ووقعتهن

حمد بتعجب: بدون ما تقرأيهن؟

جودا ابتسمت ومكنته: الشخص الوحيد الذي نصرني هل بيظلمني؟

سكت ووقف اخذ الاوراق وخرج وهي تشوف بعده: احبببببك احببببك ليش ما تفهم بسلمك الشغل وحياتي وكل شي لو تشوف لي بس ولاشي يغلى عليك.. تعبت اتعمد الصدف .. تعبت منك ومن تجاهلك لي تعبت
.
.

روح بتعب وصل البيت وهم جالسين بالصاله
جلس بابتسامة الراحه بعد التعب وشاف لابوه: قررت اتزوج

ابو حمد بتعجب: من صدق!!

ريم: واخيرا

سجا: ومن ذي

حمد ضحك والتفتت لسجا: ذي عليكم .. انتم اختاروا لي العروسه!!

سجا في نفسها* يعني مش جودا؟ انا متأكده انها تحبها ماقدرش اتصور ردة فعلها *

ريم: حمد ايش رايك بمريم؟ اخت فرح؟

حمد: هي مثل اختها او **

قاطعته: لاااا مريم غير مريم عاقله خلوقه وحلوه

شاف لخالته: مارأيك بها

ام هديل: كلام ريم صح

حمد: خلاص على بركة الله بكره تروحوا لهم وتكلموهم.. اشتي الخميس الثاني العرس!

وهم يتكلموا سجا طلعت غرفتها واخذت جوالها وكتبت حاله متعمده جودا تشوفها * بنات واخيرا اخي قرر يتزوج *

وغلقت وجلست على السرير: بشوف الان جودا وهي تحترق واثبت شكوكي

@rewayatyamania المصدر الأول للروايات

اريج كانت غلقت تلفونها ذاك وتفتحه نادرا
سلطان ماعاد كلمها على حسابها الالكتروني ابدا
بس كان كل ما تكلم مع اريج ذكرها يحس اريج تشبه اسماء او هو ماقدر ينساها ..

كانت هي مستغربه من نسيانه لها بكل برود
كانت بالغرفه عندما دخل
سألته: تعشيت او؟

سلطان كان مبين مرهق: لا والله ما اكلت شي

اريج وقفت: طيب بروح اعمل لك عشاء

سلطان: لحظه لا تعملي شي انا جبت فاصوليا سخنيها بس

اريج: طيب

وهي خارجه وقفها: اسماء لا تنسي الشاي!!

التفتت له بتعجب: !!

ما انتبه هو زلة لسانه كان مستغرب ليش تشوف له

اريج: قلت اسماء؟

انتبه رفع حاجبه وبمحاوله لمدارة الموقف: هههههه تابعت امس مسلسل وشكلي اندمجت عليه

اريج: ايش اسمه

سلطان: انا ميت جوع بعدين نتكلم

خرجت وغلقت وهي تفكر: قال اسماء؟ هل يقصدني او فعلا تابع مسلسل!  مستحيل ايش من مسلسل !!

ذلحين اغار من نفسي او كيف
لخبطني لا حبني وانا هذه ولا حبني وانا هذه

جلس هو بتعب: ياالله! ! بعد شهر المفروض اكون نسيتها ليش كل يوم اتذكرها بها اكثر!! كيف افعل كيف اخاف اضعف وارجع لها
.
.

جلست بتعب

امها دخلت لها الشاي: مساء الخير

ابتسمت: مساء الفل

ام جودا: جبت لك شاي عشان تصحصحي وتكملي شغلك

جودا: فديت يداتك تسلمي

تركته لها وابتسمت وخرجت

جودا اخذت الشاي وفتحت الواتس

كلمت ريم وفتحت الحالات
شافت حالة سجا* واخيرا يا بنات اخي قرر يتزوج *
تركت الشاي من يدها وحست دقات قلبها ارتفعت ارسلت لها: يتزوج؟

سجا كانت تركت التلفون

ريم دخلت: يوووه مسرع عاده الا قال بتزوج وقد بتنشري

سجا: اشتي احانك جودا

ريم بتعجب: جودا؟ وجودا مادخلها

سجا بابتسامه: لانه هي تحبه وما تشتي تعترف

ريم ضحكت بقوه: تحبه؟ تحب من؟ حمد

سجا: اضحكي اضحكي بيجي يوم وتتأكدي من كلامي
واخذت تلفونها وشافت الرساله: وهذا هي ردت بسرتي

ريم: الله يكملش بعقلش

خرجت وسجا شافت للتلفون وكتبته لها: ايوه يتزوج مالك؟

جودا: ...


https://tttttt.me/rewayatyamania/51526



📚 @rewayatyamania  🇾🇪

🌛

بارتـات يومنـا الخميـس 👆🏻😍

#انتظرونا مساء يومنا الجمعة بإذن الله

   ومع آخر بارتات قصة

            الوجه الآخر



📚 @rewayatyamania 🇾🇪