.

البــارت 82 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


عند السكن..
ابوها واقف وبيتصل التلفون مغلق..

زهور كانت بتراقب من الطاقه اول ماشافته نزلت خافت يسأل مسؤول السكن عنها

ابو بلقيس: لو سمحتي يابنت

زهور وقفت: خير

ابو بلقيس: تعرفي بلقيس سالم؟

زهور: ايووووه كانت معي في الغرفه حقي ونقلت

ابو بلقيس: فين نقلت؟

زهور: سكن طالبات الطب

ابو بلقيس: فين هو ؟

زهور: مدري اسأل ياعم

ابو بلقيس: معش رقمها بين اتصلها وهو مغلق

زهور: ماشي تلفونها خارب

ابو بلقيس ضبح ومشي

زهور فعلت نفسها بتمشي لما شافته خرج من الجامعه ورجعت للسكن اتصلت لها..

@rewayatyamania المصدر الأول للروايات

في المكتبه..
بلقيس جاوبت: ايوه

زهور: ابوش جاء

بلقيس: وبعدين ماقلتي

زهور: قلت نقلتي سكن الطب وخطي

بلقيس: متأكده

زهور: ايوووه خطيت معه لما خرج من الجامعه ورجعت

بلقيس: مش مطمنه شاراعي شويه واروح

انس كان بيسمع وجالس بيقرا الكتاب اللي اختارته

بلقيس قفلت التلفون

انس: الكتاب رووعة والقانون اروع اللي فاهم له يقدر يعيش حر في هذه الحياه بدون استعباد

بلقيس حست الكلام الي قاله مناسبها قوووي

أنس: ماتعبتي من الصبح لاذلحين؟ جامعه ومدرسه وزد جيتي المكتبه !

بلقيس داخل نفسها تعبت من الخوف والهروب ومالقيت راحتي الا في هذا التعب اللي بيزيدني قوة

ردت: لا ماتعبت

أنس: تشتي شي مني قبل ما اسير العمل !

بلقيس: ماشي تسلم.

انس: مش عارف ايش اللي بيحصل معش وليش غيرتي رقمش بس لو في حد بياذيش ادي رقمه وانا اتصرف معه.

بلقيس: تمام

انس: مع السلامه.. ومشي

بلقيس جلست تتأمل خطواته لما خرج من المكتبة ورجعت اخذت الكتاب اللي كان بيقراه ويتكلم عنه وشمت عطره فيه.. جلست تقرا لما وصلها اتصال من زهور

زهور: مارأيش نخرج نتمشى شويه لما يوقع مغرب امد المكتبه عتقفل وين عتسيري

بلقيس: تمام

زهور: وقع لي زلط الان هيا جي معي نسير السوق

بلقيس: انتي مزلطه انا ما افعل

زهور ضحكت: شاسلفش شكل راتبش هذا لاجيبي

بلقيس: موافقه هيا نتلاقى

@rewayatyamania المصدر الأول للروايات

عند البوابه..
وصل بعد ماراح يدور في سكن الطالبات حق الطب وماوصل لاي نتيجه قرر يرجع يستفسر اكثر عنها في السكن القديم متردد يدخل يسأل والا يسير يشوف البيت اللي دله عليه واحد..
.
.

في المعرض..
انس وصل خلا دفتره واوراقه في درج وعلق الجاكت وبدأ يرتب ويناقشوا على البضاعه الجديده اللي وصلت

مرام شافت الموظف زميلهم غايب لقيت فرصه تتدلع عليه وتفرض عليه يشتغل معها يمكن يعجب بها أكثر.. رشت عطر خفيف وجلست تعدل المكياج بسرعه قدام المرايه وراحت للمشرف: لو سمحت خلي انس يفرز معي الملابس كثير وتعب عليا لحالي كلهن

المشرف: انس مع مرام دفعه ملابس جديده ساعدها

انس: تمام

بدأت تخرج الملابس وترتب المقاسات وتعلقهن وتتعمد تتدلع وتخليه يساعدها: ها هذا مارضي المعلاق مدري ايش فيه

انس بدون مايلتفت لها شله من يدها وبعدهن من بعض ناولها وبيفرز بسرعه الملابس

مرام: كيف الدبله اللي بيدي

انس: وانا مادراني

مرام بضبح: طيب شوف

انس شاف بسرعه وبعد عينه: مبروك

مرام: ما انخطبتش طبعا بس طفشت من العرسان وانا ما بوافق  الا على واحد بس كيف وهو مش فاهمني؟؟

انس بعد ماشاف التغيير اللي فيها: ولا اي واحد بيتفهمش ويفهمش بشم العطر هذا والكحل..

مرام: ايش قصدك؟؟

انس: مافي داعي تجذبي نظره بالعطر والمكياج لانه لو الحب هكذا ، انه حب كل واحده شافها في طريقه.

مرام: ومن قال ان انا بين اجذبه بعطري ليش كلامك دايما دفش شكلك عادك على مخ البلاد

انس: خليني على مخي هذا ووافقي على اطرف عريس صدقيني من كلام الافلام هذا.

مرام: وانت ايش دخلك بي اوافق او لا هذه حياتي وانا حره فيها اختار الشخص اللي من مستوايا ويناسبني

انس اخر مجموعه ملابس في يده فرزهن وعلى وقفته: كنتي تقلي لنفسش هذا الكلام ، انا مايخصني ولا يهمني من يجي لش ولو بتتهربي من العرسان و لمن منتظره.

مرام عصبت: والله ان انا الغبيه اللي بين اتكلم معك اصلا

المشرف سمع جملتها هذه وشافهم الاثنين وانس مطنش بيكمل ترتيب الملابس وشاف ثنتين دخلين وبيشوفهم من بيروح يشوف الزباين

مرام قربت لاعنده وبصوت واطي: لو فاكر انك بتقلد عليا دور الثقيل والمغرور وانت ميت فيني تبقى غلطان اصلا انت اخر واحد افكر فيه واهلي يقبلوا به

انس سمعها ضحك ع كلامها وبصوت واطي وهو قريب منها: ولاتحلمي

كانت على دخلتها من المحل واقفه مصدومه ان هنا انس !!! وواقف جنب البنت من هي هذه ! وحلوه وفاتشه وانيقه ؟؟ وبيضحك معها ليش قرب منها وايش قال لها وهي مشيت !!! معقول هذا انس

زهور بتسحبها: مش قلت لش عتبتلدي على اشياء فخمه عادش ولا شفتي شي جي

بلقيس: ليش مصممه من هنا جي نشوف مكان ارخص

زهور: ...




📚 @rewayatyamania  🇾🇪

.

البــارت 83 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بلقيس: ليش مصممه من هنا جي نشوف مكان ارخص

زهور: عجبتني البلوزه هذك والله ماافلتها اشتيها.

انس مشي لاعندهن ومش مركز للعيون اشر لهن بيده
ومشي قبلهن: تفضلين هنا قسم السيدات.

زهور سبقتهم من نفسها ودخلت لاعند مرام

بلقيس بصوت واطي شافته ماانتبه لها: مبين انه قسم السيدات من ضحكك مع البنت

انس سمع صوتها ولفت راسه لورا ووقف: بلقيس؟

بلقيس: ايوه مالك افتجعت

انس دخل مكانه وبيخرج البضايع مايحسس حد بشي: مش افتجعت بس مادراش ان انا هنا ! وكيف لحقتي تجي شكلش المره هذه انتي بتتبعيني وتنتبهي لي صح ؟؟

بلقيس مش عارفه ايش اللي بيحصل معها ليش ضابحه منه هكذا وحست بكسرة نفس معقول غيره معقول بتحبه!! فلتته وبتمشي تتفرج

انس خرج ومشي بعدها شاف المشرف بيراقبهم: نقي اللي يعجبش براحتش وماركات مضمونه ومايهمش السعر

بلقيس: ايش يعني ماركات

انس: يعني علامة الملابس او الشركه المصنعه بيكونين معروفات عالميا ومضمونات

بلقيس: سبحان الله بيضمنوا الملابس واحنا مابنضمن الاوادم نفسهم كيف هذا الخبر

انس ضحكككك من تعليقها

بلقيس: شكلك رايق اليوم قوي ماعندك حجه بتشتغل مع القمر هذه

انس بصوت واطي: ليش بتغيري؟؟

زهور جت لاعندهم قطعت كلامهم: بلقيس جي اوريش اختاري لي اللون

بلقيس مشيت معها ونقت اللون البنفسجي: حالي قوي هذا

زهور باستنكار: يو منش صدق لونه بلدي قوي انا بين اقلش بين اللون الرمادي والابيض والاسود

بلقيس: قلدش الله اين البلدي ساع التلفزيون الابيض والاسود هذا حالي قوي عجبني

زهور شلت الرمادي: انا عجبني هذا

انس بيتفرجها سكته

بلقيس: مره ثانيه لاتسأليني وانتي مصممه على اللون اللي تشتيه

زهور شافتها استغربت ضحكت: ماعرفتش قد صاحبتي اللبوه ( المتنمره ) عتتغيري عليا

بلقيس كانت ضابحه: مش وقت هيا اقطبي

انس: لا عادي على راحتكن.

زهور شافته تذكرت ملامحه وشافتها: اهاااا افتهم لي ذلحين مالش

مرام جت لاعنده: اعتقد الحريم عليا روح شوف زباينك الثانيات

انس: هولا زبايني من قبل ماتتوظفي انتي هنا، وهولك عادهن جداد ف اكسبيهن لش زباين عشان تزيد لش نسبة الربح.

مرام ضبحت منه ومشيت.

زهور شافت بلقيس وغمزت لها وشاورتها: شوفي عشانش كيف بيميزونا قوا قلي له يخفضها لي

بلقيس: ماعه والله مااتدخل

زهور: خلاص ماشاسلفش

بلقيس: مااشتيش

انس بيسمعهن يتوشوشين بعد من جنبهن شويه وبيتفرج لبلقيس كان الملازم اللي تصورت عادهن في شنطتها استغرب ليش ماقد روحت السكن من الصبح

بعد ما اختارين وحاسبين خرجين.

انس جلس يتفرج لها لما خرجت

اول ماخرجين بدأين الحش

زهور: يو كيف نظراته لاعندش ولا بعد عينه منش

بلقيس: شكله مش مسكين شفتي لما دخلنا بيضحك مع البنت وواقف جنبها

زهور: صحححح عشان هكذا كنتي قالبه

بلقيس: مدري

زهور: ياخبلا لو بينهم شي مايجلس يتفرجش وواقف معنا

بلقيس: طز فيه

زهور: ليش ما اشتريتي شي اليوم

بلقيس: مابش نفس.

زهور بضحك وسفاط تساليها: جبر اللي بتغيررر جبرها اللي بتحب

بلقيس: بس خباله مايعجبني هذا الحكا

زهور: مكنتنا هكذا وطلعت احسن مني.. هيا نخرج نفعل اكل جاوعه

بلقيس: تقلي ابي ماعيرجع الليل؟

زهور: ماشي ولو رجع عنفعل خطه اخبيش ونقل مابحد انتي ولو نكذب على الكل هنا

بلقيس ضحكت: خطيره انتي ساع الجنيه

زهور: عشان صاحبتي حبيبتي شاوقع جنيه

بلقيس ضحكت وتجملت منها: الله يحفظش والله انش احسن من الاخت.

@rewayatyamania المصدر الأول للروايات

في البيت اللي دخله واستاجره جالس ماسك قصعه معدنيه ( علبه حليب شاهي) بيشرب فيها شاهي وياكل سندوتش: اين سارت الجنيه هذه ومالها مغلقه تلفونها كيف افعل انا ذلحين؟ ما اقلهم.. اقلهم ماتت وافتهن منها ادت لي الكلام وبدعت بي وخلتني السيره حق القريه.. اذا مالقيتها ماعد معي الا هذا الكلام وافتهن واريح راسي وبعدا معي معي ادورها وقد انا هنا اذا ماسحبتها وربطتها وحبستها في البيت غصب عنها وعن خالتها وانا اوريهم كلهم كيف الخبر..
.
.

الليل..
بعد ماوصل كمل يصلي ويراجع المحاضره وصل له اتصال استغرب اول مره تتصل له !! جاوب من الفرحه حب يمزح معها ويقلدها: ليش تتصلي يابنت؟؟

بلقيس خافت: العفو منك بس كنت اشتي اسأل اصلا مافهمت ماكتبت في السطر الثانيه في الورقه اسكه اقراه

انس ضحك انها صدقته وارتبشت: تمام اهداي سهل كنت امزح معش بس بين اقلدش

بلقيس: هااا.. بس انا مني صدق اتصلت اسأل بس

انس راعي اقرا: كقانون الضمان الاجتماعي وقانون او قانون التربية والتعليم

بلقيس: ايش قصده بالتعليم؟

انس: في قوانين تتفرع تحت القانون العام ومن ضمنها قوانين تشمل بعض الوزارات وفئات افراد المجتمع

بلقيس: مثل ايش؟


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 84 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بلقيس: ايش قصده بالتعليم؟

انس: في قوانين تتفرع تحت القانون العام ومن ضمنها قوانين تشمل بعض الوزارات وفئات افراد المجتمع

بلقيس: مثل ايش؟

انس: مثلا  يضمن حق التعليم للطلاب والمدرسين والعاملين في الوزاره وغيره

بلقيس: على خرط

انس: اقري الكتاب ايش من خرط

بلقيس: انا داريه بس مش احنا عايشين مثل الكتاب  تعبت وتبهذلت لوما درست

انس: كلنا تعبنا واجبات وعمل وكل شي

بلقيس: انا درست نفسي مرحله الابتدائي
من البيت ليش مالقيت قانون يضمن تعليمي؟

انس: مناطق الارياف هذه ماوصلوا لها بشكل كافي

بلقيس: يعني نقدر نحاسبهم بالقانون !

انس: تحاسبي من؟

بلقيس تشتت: مدري بس ايش الفايده لوما ندرس شي مابيطبق في بلادنا !

انس: ندرسه عشان نطبقه احنا

بلقيس: خلي لي الطب اعالج خلق الله وانت لاحق بعد القانون اللي ماعينفع حد

انس: ليش ماينفع حد ! الا بينفع وبتطبق بعض القوانين

بلقيس: كان ليش عندنا عيب ندرس وعيب نكمل التعليم وما للبنت الا بيتها وزوجها مافايده ندرس شي ومجتمعنا شي ثاني

انس: نغيره احنا

بلقيس: انا وانت عنغيره وماقد درسنا الا محاضرتين ليش ماغيروه اللي قبلنا واللي بيدرسونا؟

انس: لان ماكان هدفهم مثلي ومثلش هم درسوا وبيدرسوا وبيشتغلوا محاميين وقضاه

بلقيس: تمام

انس: ذلحين ممكن تقلي لي ليش ضابحه كنتي؟

بلقيس: زعلت ان انا ماخليتك تكمل كلامك مع خبيرتك

انس ضحكك: خبيرتي ياسعم ان احنا في نفس المدرسه اولا هذه زميلة عمل موظفه... ثانيا مش انتي داريه بشي لاتحكميش

بلقيس: ولا لي دخل ادرا سدوا الله يسعدكم

انس: ياليلاااه كيف افهمش

بلقيس: مش ضروري تفهمني عادي انت حر

انس: لا مش حر ، بهذا التفكير انتي بتحسسيني اني واحد بيلعب ويضحك على عقول البنات.. انا معجب بواحده بس وقلت لش من هي وهذك زميلتي ومابش بيننا غير عمل مع الايام عتعرفي السبب وايش اللي حصل بيننا

بلقيس: ليش مع الايام راكن قوي ان انا شاجلس احاكيك!

@rewayatyamania المصدر الأول للروايات

انس: ايوه قوي راكن ولا شافلتش ولا خطوه

بلقيس سكتت

انس: ليش مااشتريتي مثل صاحبتش؟

بلقيس: ماعجبنيش

انس فهم لانه غالي: ولا شي؟

بلقيس: ولا شي

انس: او ماعجبتش البنت اللي في المعرض

بلقيس ببراءه: الا حاليه

انس: بس انا ماعد بين اشوف بعد واحده اي شخص حالي تقلي ليش

بلقيس مافهمت قصده: يمكن فاعله لك سحر

انس ضحك: لا والله انها طيبه مش حق هذه الاشياء

بلقيس: وانا ما افعل لها !

انس: ادي لها فرصه ومابتندم

بلقيس: وانا مادخلني منها

انس: الا لش دخل انتي بس اسمحي لها تحس بحبي لها

بلقيس: مااعرفهاش

انس: قومي اوقفي قبال المرايه وشوفيها عتعرفيها هي نفسها اللي بين اكلمش عليها

بلقيس فهمت كلامه وجلست تستوعبه ثواني وقطع الاتصال بينهم..

بلقيس استغربت ليش قفل !! جلست سارحه في كلامه وبتفكر ليش كان اليوم بيتكلم مع البنت وبيضحك وكأنها حبيبته ! ماقدرت تفهم شي.. وقفت جنب الطاقه وتتفرج لو ابوها جاء او لا مش موجود.

زهور: اخرجي معنا سامرات بنتجابر مدري كيف لهن قالين اين انتي

بلقيس: تمام الآن شويه واجي

جلست منتظره اتصاله... وفعلا اتصل وهو بيلاحق نفسه: كمل الكرت وخرجت اديت واحد ثاني العفو قفل لاوشش

بلقيس: سهل العفو مني انا خسرتك

انس مستغرب: انتي داريه ان فيش طيبه وبراءة غير اي بنت عرفتها

بلقيس: اهااا ليش كم قد عرفت بنات؟

انس: مابلا اللي تعاملت معهن في معهد.. زباين بس اشوفش واحده ثانيه

زهور فتحت باب الغرفه ودخلت: هيااا

بلقيس كانت واقفه جنب الطاقه اول ماسمعت فتحة الباب فجأة ردة فعل سريعه خافت لو حد من البنات نزلت التلفون في جيبها

زهور: مالش جنب الطاقه عاد انتي مفتجعه من ابوش؟ اكيد قد روح القريه مايخليه لليل خارج

بلقيس: لا مش هذا

زهور: مالش الا أتعذر له لوما يتعب ولا ترجعي القريه وعتجلسي وتدرسي وتفعلي كل مافي نفسش

بلقيس نسيت التلفون وتجملت منها: يو تسلمي الله يحفظش

زهور مسكتها من يدها: هيا جي

بلقيس بتبعد يدها: طيب دقيقه لحظه بس

زهور سحبتها بقوة: ولا ثانيه مراعيات من اول قد عنرقد معنا دوام

انس كان بيسمع كلامهن والخط مفتوح.. وتقريبا فهم اللي كان مش فاهمه ان خوفها من ابوها وكمان لما سألته عن موضوع التعليم... تذكر قريته وكيف التعليم فيها معاناه بس ماخطر على باله انها من نفس قريته وانه نظام كل القرى هكذا.. بس استغرب ليش هي طيبه وبريئى وعلى نياتها

وماخافت وماسمعت كلام ابوها ورجعت معه!
.
.

ثاني يوم..
سالم وصل للجامعه ومعصب وين بنته كيف تختفي وماعد حد يسمع عليها معقول انخطفت ! هربت او سافرت؟

وصل للمسؤول حق السكن وهو مخزن شويه وقت الظهر: ...




📚 @rewayatyamania  🇾🇪

.

البــارت 85 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


ثاني يوم..
سالم وصل للجامعه ومعصب وين بنته كيف تختفي وماعد حد يسمع عليها معقول انخطفت ! هربت او سافرت؟

وصل للمسؤول حق السكن وهو مخزن شويه وقت الظهر: ذلحين مش انت داري اذا بنتي في هذا السكن او مع

المسؤول: وانا مادراني من بلقيس من شذى ورشا وسعيده مالك ياعم هذا الساع هي بنتك او بنتي وبعدا يضيع شابه لو هي جاهله ناهي

سالم زعل وحس انها اهانه له فعلا هو ضيعها من طفولتها ماكان جنبها ولا حاسس فيها والآن رجعتها لمصلحتهم زي كل مره.


زهور خرجت من السكن وشافت ابو بلقيس رجعت سريع وقدها وراها بلقيس رجعت دهفتها وماسكه فمها لاتتكلم وتحاول تغطي لايشوف

بلقيس فهمت هربت لداخل: ايش مالش فجعتيني

زهور: ابوش واقف عند الحارس حقنا ويعلم الله ماقالوا له اقلش شي اسير احاكيه

بلقيس: عيدرا انش بتخرطي ماتعرفيش ابي انتي

زهور: لاتلحقيني وتفرجي سكته كيف انفع اوقع ممثله... اخذت نفس ونزلت البرقع وغطت عيونها لايعرفها ومشيت سريع لاعنده.. غيرت صوتها وبنبره: ياعم ماتشتي ممنوع هنا وجود ولي الامر سكن بنات

سالم: انتي ساكنه هنا معهن

زهور: ايوه

سالم: تمام تعرفي بلقيس؟

زهور: بلقيس سالم.. ادت له الاسم كامل

سالم بحماس: ايوووه هي اين بنتي؟؟

زهور بصوت واطي: هي بنتك ! كيف تجي تسأل عليها

سالم: ليش كيف مااسألش

زهور: لانها سافرت وانت اكيد داري.. وقعت لها منحه للخارج وسافرت مع بنات

سالم: اي حين؟

زهور: قبل اسبوع

سالم: بين اقل ليش تلفونها مقفل وكيف ماادت لي خبر

زهور: مدري المهم انت عتتعب نفسك ياعم هنا سيره جيه تعب عليك

سالم: اي والله تعبت سيره جيه وانها سافرت !!!

زهور: يله خاطرك ياعم.

بلقيس جلست تسمع وتلطم وشها ايش بتخرف زهور

زهور دخلت وسحبتها لاداخل وجلست تضحككك

 وبلقيس خايفه: ليش تزيدي المشكله ياهبلا ماعيصدق

زهور: خلاص صدق وراح

بلقيس شافت وفعلا مشي خلاص

زهور: يلا ربع ساعه ونسير يكون خرج من كل مكان

بلقيس: تأخرنا هيا نسير وبس.

@rewayatyamania المصدر الأول للروايات

في قاعة المحاضرات
انس مستغرب ليش ماجت خاف يكون حصل لها مع ابوها شي اتصل بها وبمشاوره من تحت الماسه: فين انتي يا بنت بدأنا المحاضره..

بلقيس: يله مع السلامه.. ودخلت

انس قفل ورفع راسه يشوف الدكتور شافها ابتسم..
.
.

في القريه بعد ماوصل للمدرسه..
الوكيله: مابحد هي في المدينه

سالم ضابح: ادي لي رقمها الآن

الوكيله: عفوا بس من انت؟

سالم: انا ولي امر طالبه وين هي

الوكيله: طيب الموضوع ضروري

سالم: حياة او موت ويانا وياهي لوما تدي بنتي

الوكيله خافت تمام شل رقمها..

سالم سجل الرقم وخرج من عندها وضعط اتصال

المديره: عفوا من معي

سالم: انا ابو الطالبه بلقيس

المديرة: اهلا يااخي تفضل

سالم: اين البنت انا مااحملش الا انتي مسؤولية سفرها دون علمي

المديره: ممكن تهدأ وتفهمني ايش من سفر؟؟

سالم: سرت السكن وقالين الطالبات غيرت منحتها وسافرت

المديره: اتصلت بها؟

سالم: نعم .. والتلفون مقفل والان انتي السبب شجعتي بنتي انتي

المديره: ياسلام ليش وينك من بنتك وهي صغيره ! ومن اللي طلع سجلها للجامعه بنفسه الحمدلله ختمك وموافقتك في كل الاوراق ولو معك شي سير بلغ للقسم مع السلامة

سالم حس انه تسرع: طيب لو سمحتي

المديره قفلت واتصلت لبلقيس ومغلق التلفون

سالم يشوف تلفونه المديره تتصل به جاوب: نعم

المديره: شكلها سافرت.. واتمنى لبنتك الخير خليها ترجع بشهاده وترفع راسك يكفي وانت تحارب تعليمها حرام عليك وبنتك ذكيه هكذا

سالم قفل لاوش المديره وهو معصب.. ورجع لبيته ومرته: خلاص يانقلنا كلنا المدينه او مابش خطيه من هنا.

مرته: مالك ماحصل وين البنت

سالم بضبح: ماتت صدمتها سياره وماتت ماعد بش معي بنت افتهنتي؟

الجده صاحت: يووو صدق ! بتتحاكا صدق؟

مرته بتتفرجه مكذبته: لو ماتت عيجي هكذا صدقتي ياعمه شكله ماعد بيقدر عليها والبنت وقحه ردت ابوها مرتين

سالم: غلقي فمش وقربي الغداء سكته

الجده: البنت ماتت صدق

سالم بعصبيه: قلنا ايووووه ارتحتين ذلحين !!

الوضع كان غريب عصبيته وردة فعله خلتهن يسكتين..
.
.

بعد المحاضره..
انس خارج بيشوفها بتسرع بيمشي بعدها

بلقيس لفتت له وشافته بيمشي بعدها ومعهم محاضره ثانيه استغربت واتصلت: ليش تجي بعدي معنا محاضره

انس: اوصلش بسرعه وارجع

بلقيس: لوين؟

انس: المدرسة

بلقيس: اعرف الطريق مالك

انس: ولو اتطمن عليش وارجع

بلقيس انحرجت وغيرت اسلوب كلامها وبخجل: تسسسسسلم بس مااشتيش اتعبك وعشان تكتب المحاضره كلها واصورها منك

انس: تمام ولو مافهمتي اشرح لش في المكتبه

بلقيس: تسلم

انس: يله مع السلامه

بلقيس: مع السلامه


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 86 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


انس: هيا قفلي

بلقيس: قفل انت اول

انس: هيا الاثنين سوا نقفل

بلقيس قفلت وخرجت

انس ابتسم ورجع للمحاضره وبعد ما بدأت المحاضره بدأ يكتب بخط حلو وينسق الأقلام

@rewayatyamania المصدر الأول للروايات

في القريه..
فتحت الباب ومعصبه: من بيدق الباب هكذا !!

واحد من جهال القريه : قال الشيخ اقل لابوش يجاوبه

مرة سالم: من ابي ومايشتي منه؟؟ وهي واقفه في الباب

ابنها وقف يشوف الولد

الجاهل: ابو هذا الولد يجاوب

سالم جاء للباب: من؟

مرته: جاوب الشيخ

سالم لبس وخرج مشي شويه ولقيهم متجمعين ومصياحه قرب منهم والشيخ بيتصايح مع واحد

الشيخ لفت لسالم: متأكد انك خليت اهله يوقعوا ع الارض؟

سالم: من انت ؟ اول مره ابسره في القريه؟

الشيخ سالم: مالي دخل منه انت كلمت اخوه الكبير؟

الرجال قاطعهم: اخي مات ولو وقع على الارض انا مااستلمت حقي اذا ابتاعت واذا عادها ملكنا اشتيها

سالم: كيف تشتيها انزرعت من جيز الاراضي وبندي لكم حق الارض شهريا

الرجال: انا حرررر مااشتيش زرعكم اشتيها فاضي ابنيها انا حر

الشيخ شاف سالم: هذا بيتذرب مفلت القريه عمر وعادو الا ذكرها فهمه وعقله ماشي عنفهمه بطريقتنا... ومشي

سالم سحب الرجال ع جنب وبيحاول يقنعه: يا اخي القات ززززلط ابسر الشجر كيف قدهن مثمرات كم بيبتاع والشيخ لاطرح حد في راسه ماعد عتشوف ارض ولا زلط القات

الرجال: حقي والا حقكم مادخلكم ! هذك اخي وهو عايش تصرفتوا بموافقته الان انا رافض واشتي الارض

سالم: يااخي الشيخ ماعيخلي لك حالك عنده يا واحد يخطى بعده والا يمسك نقطه ضعفك ويذلك بها والا جهز كفنك وانت اخبر.

الرجال ضبح من التهديد وراح يشتكي في القسم شافهم منحازين وبيبرروا للشيخ قرر يتخذ طريقه ثانيه.

@rewayatyamania المصدر الأول للروايات

في القريه..
مرة سالم نفسها تعيش في المدينه بأي طريقه: ياعمه انتي مستغنيه عن ابنش؟ تشتي يقتلوه

عمتها: فال الله ولا فال ابليسش مالش

مرة سالم: جاء الشيخ الان وناس دعوه وبين ابسر وانه مصياحه يالطيف خايفه يقتلوه

عمتها: ليش هكذا يقتله وهو صاحبه؟

مرة سالم: اين صاحبه قد قلب عليه وللمه سالم يشتي يسير المدينه الا لايقتله قد هدده.

عمتها: ومالش ماتقلي لي من يومها

مرة سالم: مارضيتي تسمعي وقال مااحاكيش مايشتي الا راحتش

عمتها: خلاص يجي واحاكيه
.
.

في المدينه في المدرسه بعد دوامهن.. في طريقهن للجامعه

بلقيس: وين بيتكم ماقلتي لي

زهور: انا ابي مات وانا صغيره وامي تزوجت وشلني عمي وتربيت عنده وبعد موته مرته جننتني كانت تكرهني وتحسد ان عمي بيعاملني ساع بناتها وجيت ادرس في الجامعه واسكن هنا احسن

بلقيس: وامش؟ مابتسيريش عندها !

زهور صوتها كله غصه وحزن: ماشي

بلقيس شافتها واستغربت: ليش؟

زهور: زوجها بيضبح يكرهني.

بلقيس سكتت بعد ماشافتها متأثرة وبتبكي.

وصلين.

زهور شافته واقف والورق في يده: هنيت لش مابش معش اهل بس يكفيش هذك المسكين بيهمش اكثر من نفسه

بلقيس ضربتها في كتفها: الله يقلعش خزيتي بي.

زهور: خاطرش مع السلامه نلتقي في الغرفه.. ومشيت عند صاحباتها

بلقيس وقفت بعيد شويه منه: قد صورت المحاضره !

انس مبتسم وعينه بعينها مد يده بالورق

بلقيس مدت يدها تسحبهن

انس رجعهن ليده وخرج قلم من جيبه وكتب جنب الموضوع اهم سطر في الملازم هذه في اخر ورقه قبل السطر الاخير... وناولها

بلقيس شلتهن منه: شكرا

انس: العفو

بلقيس شلتهن ومشيت

انس بيمشي بعدها..

بلقيس بتلف الورق داخل الدفتر وهي بتمشي

واحد مشي من جنبها وصاح فجأة نكزها: معك رقم يااااجميل؟؟

صاحبه شافه وضحك: مابش معي ماتشتي من الرقم وانا جنبك

بيتلفتوا لها ويضحكوا

انس شافهم وضابح منهم ليش نكزها وعاكسها بصوت مرتفع مشي من جنبهم ومسك وش اللي كلمها ورجعه يسار باتجاه صاحبه: هذا جميل
ليش تتحاكا مع جميل لاوسط اذنها.

الولد دهف يده ودهفه من صدره لاورا

الكل تجمع يفرعوا بينهم وكبروا المشكله بصياحهم

بسسسس..خلالاص مالكم

بلقيس سمعت الاصوات التفتت تشوف ايش في وانس واقف مع2 بيتضاربوا

خافت وجلست واقفه جنب بنات بيتفرجين ايش بيحصل !!!

الحارس حق الكليه عرف وسمعهم جاء لاعندهم: خيررر مالكم ماتتصايحوا خارج !! امشي انت وياه عند العميد يله

بلقيس خايفه عليه ! ليش العسكري مسكهم وشلهم؟ يعني اكيد عيفصلوه !
طيب ماله خور يضارب وكان ماله شي مبتسم

سمعت تلفونها خرجت تلفونها تجاوب: لا ماقد رجعت انا في الجامعه.. لا روحي انتي وانا بلحقش.. ماشي مش عشان هذا روحي وارجع اكلمش.. مع السلامه
.
.

داخل مكتب العميد..




📚 @rewayatyamania  🇾🇪

.

البــارت 87 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


داخل مكتب العميد..

العميد: مفكر الجامعه انت وهو الشارع حق ابوكم تعاكسوا وتتضاربوا؟؟

انس: يا استاذ اللي فعله مايصلح وانا بين اتحاكا معه اوريه من مفروض يحاكي هو بدأ

الولد: وانت مادخلك مني اتكلم بصوت عالي بصوت واطي مادخلك او هي حبيبتك

العميد صيح ووقف: ولا عد في اي احترام لعميد ودكاتره هنا !

انس: خلاص يا دكتور اعتذر منك

العميد: اعتذر من صاحبك ووقعوا تعهد هنا انت وياه المره الجايه لو تكرر الأمر فصل

انس مطنش انه يعتذر للشباب وقع التعهد وخرج قبلهم.

العميد شافهم وقعوا ويشتو يخرجوا: لحظه انت وياه الان شفت لكم تعهدات من قبل

الطالب: تشتي اخلي ابي يتصل بك يادكتور على فكره امني امانه اسلم عليك

العميد ضحك باستهزاء لما قري لقبه: قل لابوك لو يرتصين النجمات لاعند اصابعه.. النظام هنا نظام ومش انت في المدرسه ، انت في جامعه القانون على الكل.

@rewayatyamania المصدر الأول للروايات

خارج..

انس شافها واقفه فرررح انها حست به او خافت عليه مشي من جنبها وهو بيتصل وخرج من الكليه

بلقيس شافته خرج خرجت وجاوبت التلفون: مالك ماحصل فجعتني

انس فارح: خايفه عليا صح

بلقيس: ماشي خفت يفصلوك

انس: المهم ان انتي خايفه عليا

بلقيس واقفه بتتكلم في التلفون وبتتفرج لاعنده

انس: انتي عارفه وقفتش هكذا ونظراتش بتدري اللي هنا كلهم ان احنا بنتكلم

بلقيس خافت: يوو يله مع السلامه قفلت.

انس استغرب انها قفلت!! قفل ومشي لما دخلت السكن وهو خرج وطلع الباص.

بلقيس وصلت تمت تصلي واتصلت له: ذلحين على ايش تضاربتوا

انس بيتغدا وهو بيتكلم: ما قال لش وهو قريب منش؟

بلقيس: كان بيكلم صاحبه بس انا افتجعت لانه صوته عالي

انس: انتي ماشفتيه قرب راسه وبيشوفش

بلقيس: بس سمعته قال لصاحبه معك رقم ياجميل

انس ضبح وعصب ولانها جديده وماقد شافت معاكسات العيال: هو يقصدش انتي

بلقيس: الله يقلعه الوقح

انس: لو قال لش تدي له الرقم عتدي له؟

بلقيس: ليش ياسعم ان انا مجنونه

انس: وانا؟

بلقيس: انت ايش

انس: ليش اديتي لي رقمش

بلقيس ضحكت: هو انت اللي اتصلت بي وبتلاحقني

بكره اسير اشتكي بك عند العميد

انس: والله !!! وانا اليوم اتبهذلت بسببش؟؟

بلقيس سكتت

انس: تغديتي؟

بلقيس عطست ورجعت تجاوب: لا

انس: يرحمش الله

بلقيس مالحقت ترد وعطست مره ثانيه

انس: شكلش عتمرضي.... انقطع الرصيد

بلقيس شافته قفل قامت عشان تتغدا شافت الورق فوق الماسه مكتوب فيها اهم شي قبل السطر الاخير

فتحت الورق وبتقرا...

زهور دخلت: هيا غداء برد الاكل مراعيه لش

بلقيس عادها كانت بتقرا اول كلمه غلقت الورق وقامت معها خرجت..

زهور شافتها: مالش ايش حصل !

بلقيس: انا على مرواحي وشفته بيتضارب معهم ودخلوا للعميد قلت عيفصلوه وراعيت لما خرج.

زهور: اها.. بتاكل سريع اتصلت مرة عمي قالت اسير اليوم ويمكن اجلس للجمعه عندهم عمي الثاني يشتي يحاكيني الله يستر . يله شاسير اجهز الثياب

بلقيس: تمام تمي كلي بساعتش وانا اعاونش اجهز لش ثيابش سهل... بتسعل

زهور: تمام.. مالش تاعبه ! شكلش شربتي بارد

بلقيس: خرجت الصبح والبالطو ماقد نشفت يمكن بردت.

زهور قامت: رفعي انتي

بلقيس: تمام ، قامت رفعت الاكل وبتغسل الملاعق والصحون.. ودخلت لاعند زهور.

زهور جهزت ملابسها وبتلبس..

بلقيس بتتفرجها: شجلس ضبح بدونش

زهور: قد معش الاحسن مني ياخبلا.

بلقيس خزيت..

زهور تمت تلبس البرقع وخرجت
.
.

الليل..
بلقيس جاوبت على تلفونها  وهي نوم: الو

انس: اخيرا جاوبتي رسلت لش رسايل واتصلت مالش ماتردي

بلقيس: كنت نوم ماسمعت ماتشتي؟

انس: نوم من عصر للآن؟؟

بلقيس بصوت متغير: ايوه

انس: مالصوتش؟ تاعبه !

بلقيس: يمكن ايوه

انس: شربتي علاج

بلقيس: لا

انس: طيب تعشي واشربي ياسعم انش جاهله

بلقيس: وانا مادراني اني شمرض

انس: يعني كيف ! هذه البنت عتجنني انا داري

بلقيس: يعني مااشتريت علاج مرضت فجأة

انس: اهااا فهمت طيب كلمي صاحبتش!

بلقيس: مابحد سارت بيت عمها

انس: طيب يله شويه واتصل مع السلامه

كان في طريقه للبلاد شاف السواق: نزلني هنا لو سمحت

@rewayatyamania المصدر الأول للروايات

في القريه..
سالم: كيف لوما غيرتي رأيش؟

امه شافت مرة سالم بتبهرر لها: امد المدينه اسهل اتعالج فيها

سالم فرح ان امه اقتنعت: خلاص جهزوا نفسكم ولفلفي البيت وغطوه ادي قلاب نجحف الأداة حقنا قد هانك البيت جاهز.
.
.

في المدينه..
بلقيس جاوبته بعد ساعتين من اتصاله: الو

انس: اسمعي البسي فنيليه والبالطو وانزلي شلي العلاج

بلقيس: ايش من علاج ! من عند من

انس: افتحي الطاقه

بلقيس فتحت الطاقه الاولى مابش حد راحت للثانيه شافته دخلت سريع وغلقت الستاره لانه لفت لاعندها

https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 88 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


انس: افتحي الطاقه

بلقيس فتحت الطاقه الاولى مابش حد راحت للثانيه شافته دخلت سريع وغلقت الستاره لانه لفت لاعندها

انس صيح: كيف تفتحي الستاره والسراج والع؟

بلقيس: ليش مايوقع!

انس: ولا شي شفتش وماسكه الفاين بتمسحي انفش

بلقيس خافت: يوووو !! صددددق !

راحت لبست فوق شعرها الطرحه شافت نفسها في المرايه كانت مشعفله لبست البالطو ونزلت

انس: الووو وين سرتي

بلقيس: كنت البس كيف جيت؟ كيف خلوك
تدخل لهنا !!

انس: عشينا الحارس سندوتش ماعد بقي لش الا 2

بلقيس كانت واقفه قدامه قفلت التلفون.

انس شافها متلثمه بلثمه اهل قريتهم بنفس الطرحه اللي لبستها.. كانت المساحه بين عيونها وحواجبها باينه اكثر شويه ومع ضوء القمر لاوشها عاكسه بياضها ولون عيونها البني، لفت لخصلة شعر كان طولها متجاوز اللثام اللي فوقها ولونها العسلي الفاتح فرق بين سواد اللثام..

بلقيس انحرجت منه متصنم: مالك

انس كان سارح فيها رجع شافها متوتره وبتتلفت شاف للكيس ومده لها: عفوا ارتبشت.. ها امسكي

بلقيس اخذت الكيس منه ومشيت بسرعه قبل محد يشوفها

انس شافها بتطلع اخر 3 درجات قدامه بسبب السرعه فلت شعرها من ورا الطرحه اتصل لها..

بلقيس غلقت لحد يسمع الاتصال مشيت بسرعه شافت واحده في المطبخ اللمبه والعه وظلها معكوس للصاله خافت وقفت لما اختفى الظل ودخلت لغرفتها وقفلت بالمفتاح لحد يكون شافها.

@rewayatyamania المصدر الأول للروايات

جاوبت ثاني اتصال له ردت وهي بتتفرج الاكياس العشاء والعصاير والعلاجات وفارحه مبتسمه: مالك ياولد جحفت السوق لهنا

انس بضبح: اول شي كيف تنزلي بهذه اللثمه ! ليش ماتبرقعتي؟

بلقيس: مالقيت البرقع وانت واقف خفت حد يبسرك

انس: وليش ماتلفي شعرش سوا.. مره ثانيه لوما تنزلي ربطي شعرش وغطيه

بلقيس بتتحسس وراها: يو صدق شعري؟ ابسرتني؟

انس: المهم مره ثانيه لاتتلثمي هكذا وتنزلي.

بلقيس بتسعل: تمام

انس: يله تعشي واشربي العلاج واتصل بش لما تتمي مع السلامه

بلقيس قفلت وجلست فوق سريرها بعدت اللثمه من فوقها ورفعت شعرها وفتحت الكيس خرجت السندوتش والعصير وبتاكل  لقيت قدامها فوق سرير زهور مجله قامت لاعندها وشلتها جلست تتفرج وهي بتاكل وفارحه انها شافته او انه ادالها هذا كله اول مره تحس انها مهمه لشخص.

بدأت تقرأ في صفحة عنوانها كان.. العائلة السعيده.. دور الأم في المجتمع هي تلك العناية المتكامله من حنان وحب وأمان مهامها لاتقتصر على إعداد الطعام وغيرها من الواجبات المنزليه بل هي التي تسهر حتى الصباح لعناية صغارها..الخ

اما الأب.. فهو الذي يجهد نفسه وينفذ وقته في العمل من اجل إعالتهم، هو الذي يقلق ويوصل اطفاله للمدرسه والبيت...الخ

الاخ... الاخت...الخ افراد الاسرة... تمت تقراها ودمعت حست انها عايشه بدون عائله بس الشخص اللي معها وبيهتم بها كان بمثابة كل العائله اللي انحرمت منها..


انس وصل غرفته واتصل لها: شربتي العلاج

بلقيس: الان بين اقرا العلاجات وبعدا اشربها

انس: تمام

بلقيس طرحت كرتونه العلاج وبنبره كلها تعاطف وشكر: أنس

انس: اووول مره يسمعها تنطق اسمه جلس يرن في راسه وبعدها ركز على بقية كلامها

بلقيس: دايما بتتعب نفسك عشاني شكرا

انس: قلك اتعب والله ماهو تعب ان انا دريت انش مريضه وحدش ونزلت من الطريق رجعت

بلقيس: ياخزا البلا صدق ياعيباه رجعت من الطريق !

انس: مافيها شي سهل بكره الصبح وانا هانك..المهم قريتي الورق

بلقيس ذكرتهن قامت للماسه: ماشي

انس: ليش؟؟

بلقيس كانت بتفتح اخر صفحه: لان شغلتني زهور وبعدا رقدت

انس: اها سهل

بلقيس قريت وسكتت

انس: مالش ساكته!!

بلقيس بتعيد قراءة الكلمات ( يبتهج قلمي كلما كتبت لك
ومن الان وصاعدا  سأكتب عنك)

انس: الو

بلقيس مافهمت اخر جمله سأكتب عنك وتجملت من اول جمله: تسلم قوي

انس: هو الا سندوتش حسستيني مدري ما فعلت

بلقيس: الآن قريت اللي كتبت لي

انس ابتسم: ايش قريتي؟

بلقيس: انك عتكتب لي المحاضرات دايما

انس: مش بس محاضرات اكتب لش وعنش

بلقيس: كيف عني!

انس: المحاضره الجايه ارجعي شوفي

بلقيس: تمام

انس: يله انا الصبح مسافر بلادنا ماتحتاجي شي قبل ما اسير !

بلقيس: تسلم.

انس: يله تصبحي على خير

بلقيس بعد ماقفلت تذكرت مديرتها وانها مارسلت لها رقمها الجديد كتبت رساله وتحتها ( بلقيس رقمي الجديد )

@rewayatyamania المصدر الأول للروايات

ثاني يوم الصبح..
ردت ع التلفون بعد مارن مرتين وماقدرت تقوم تجاوب من الحمى والتعب اللي في جسمها: الو

المديره: الو .. بلقيس؟ ويحين جيتي!

بلقيس: ماجيت من قال!

المديره استغربت: كيف والرقم يمني

بلقيس: ماقصدش مافهمتش

المديره: اي حين سافرتي واي حين رجعتي

بلقيس: ...





📚 @rewayatyamania  🇾🇪

.

البــارت 89 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


المديره: اي حين سافرتي واي حين رجعتي

بلقيس: ماسافرت البلاد انا هنا من يوم ماجيت

المديره: ابوش جاء يدورش للمدرسه وقلب الدنيا عليش وهددنا قال ان انتي سافرتي

بلقيس: ايوه صاحبتي قالت له هكذا بس انا ماسافرتش في السكن مكاني

المديره: وليش تكذبي عليه وتقلقيه وتجننيه مااتفقناش هكذا يابنتي ماينفعش عيب

بلقيس: مش انتي داريه بشي يا استاذه هو يشتي يرجعني عشان الناس بيتحاكوا عليه بس مايشتيني ولا عمره كان يشتيني رجم بي من وانا صغيره بيت خالي ويجي ذلحين يدورني والله ما ارجع

المديره: وانا مادخلني في مشاكلكم انا ساعدتش تدرسي بس حلي الموضوع مع ابوش انا ماقدرت للمشاكل

بلقيس: انتي قلي له مااعرفش وبس وانا وياه عنسد كما تميت ادرس شارجع بنفسي

المديره: ماينفعش تكون الدراسة عندش اهم وابوش بيدور عليش ويقلق هكذا

بلقيس كانت مع تعبها واحساس الوحده اللي فيها اشد عناد وحقد عليه واهماله لها: تمام شارجع اتفاهم معه بس انتي لو سمحتي لاتقلي له شي ولا برقمي هذا وان انا اتصلت

المديره: انا مابقدرش اكذب لو رجع يدور عليش شاحاكيه

بلقيس: خلاص وانا شاسافر من صدق.. مع السلامه

قفلت وطفت تلفونها وجلست تبكي.

@rewayatyamania المصدر الأول للروايات

في القريه وقت الظهر...
انس وصل القريه وبيمشي وبيتفرج الفروقات بين عيشته في المدينه وبساطه اهل قريته والحرمان من كل الحقوق اللي هربوا بعضهم للمدينه عشانها...

مشي من جنب بيت سالم لقيه: سلام ياعم كيف الحال؟ مد يده يسلم عليه؟؟

سالم سلم عليه: الحمدلله ، كيف حالك؟

انس بيتفرج وهم بيحملوا ادواتهم لسياره: الحمدلله ، شكلك مسافر وين !

سالم: المدينه

انس: اهلا وسهلا تنورنا ياعم واي خدمات ولايهمك شل رقمي لو احتجت شي.

سالم: ايوووه اديه الله يحفظك

@rewayatyamania المصدر الأول للروايات

تموا يسجلوا الارقام ومشي انس لقي عمر بيهنجم ويتأمر فوق المزارعين تعجب من طريقته نفس ابوه.. وواصل طريقه لما وصل لامه وخواته...

امه بفرحه: ماهو هذا كله؟؟

شمس بتخرج الهدايا عطور وشامبوهات وملابس واكسسوارات لامه وخواته..

جلست تدعي له وتعاتبه: ليش يا ابني تتعب نفسك وتكلف على نفسك هذا كله

انس: خير الله وهذا قسمكم والله يقدرني واقدر اشلكم معي ان شاءالله

امه: يا ابني ارض ابوك جوا ناس يشتروها وقالوا الشيخ مارضيش

انس: ليش؟

امه: قالوا انه هو اللي بيتصرف باراضي اهل القريه ومارضي يبيعهن

انس: بس هي ارض ابي

امه: مدري

انس: انا شاتابع الموضوع ماعليكم انتوا منه.

امه: قد انا راكنه عليك حقك انت وخواتك تابع بعده ولاحق الظالم هذا

شمس: يمه لاتخلي انس يدخل في مشاكل معه انتي داريه ماقد فعل بنا

امه مسكت راسها: يووو نسيت نسيت خلاص ياابني مانشتي شي.. الله يرحمه ابوك وصاني انك ماتقرب منه

انس: مش انا فاضي له بس افهم الموضوع وبس.

امه: تمام المهم كيف انت وقل لي مابتفعل هانك وكيف القرايه معك.

انس جلس يجابرهم وخواته بيجهزين له احسن غداء معهم.
.
.

بعد العصر ..
بلقيس حست بتحسن بعد العلاجات خرجت للمطبخ تفعل لنفسها غدا

المتنمره: مالش بتفتجعي ع نفسش وزهور مابحد تختفي وتقفلي على نفسش

بلقيس: كنت تاعبه رقدت

المتنمره: وليش تقفلي لو متي والا وقع بش شي
وبعدا امس وين خرجتي الليل؟

بلقيس خافت لو شافتها: ويحين خرجت؟

المتنمره شافت صاحبتها: قلتي انها خرجت !

صاحبتها: شفتها رجعت لابسه دخلت الغرفه استغربت كيف خلوها تدخل

بلقيس خايفه منهن: سرت ادي لي علاج

صاحبتها ضحكككت: يو بلثمه البلاد خرجتي

بلقيس: وايحين شفتيني

صاحبتها: سمعت صوت خطوات بديت من باب الغرفه وانتي راجعه لغرفتش

بلقيس: انا حره اخرج كيف مااشتي

المتنمره: عاد احنا بنرحمش وان انتي قلبتي قدش لقانه

بلقيس تمت تصلح الشاهي شلت القلص ومشيت طنشتهن.


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 90 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


بلقيس مسكت التلفون واتصلت له.. (( مغلق )).

جلست تقرأ في كتاب القانون ( اللي كان على اساس تدرسه مؤقت )) كل اللي فيه والقضايا اللي يتم حلها بالقانون كانت تمر من قدام عينها اشياء تذكرتها حبت جدا الاحساس هذا لانها جربت تكون مظلومه وتمنت حد يكون معها يدافع عنها فكيف لما يكون المحامي دوره يشارع لهذا كله ومش لشخص لناس كثير !!


بعد 3 ساعات قراءة قفلت الكتاب وقررت تستمر في كليه الشريعة والقانون لان المريض معه في الاخير مسكنات ومهدئات اقرب صيدليه بيقدر ياخذها ويخفف وجعه بس المظلوم اذا مافيش معه بيت خال مثلها ولا معدل جامعي يفتح لها باب احلامه واللي اخذوا بيته وارضه وحقه واللي قتلوا ابنه بدم بارد عشان سعايه والناس اللي بياخذوا حقهم بالقوه غصب عنهم وهم ساكتين بقهر عارفين انه مافيش لمن يشتكوا ولا حد بيدافع عنهم..

غمضت عينها للنوم وهي بتتخيل نفسها محاميه بتدافع عنهم وبترسم كم من ابتسامه على وجوه انهكتها الدمعات والاوجاع

@rewayatyamania المصدر الأول للروايات

في القريه..
خرج جنب اقرب مكان فيه تغطيه واتصل لها... بلقيس كانت بادئه تنعس شافت رقمه بسرعه جاوبت

انس: مساء الخير

بلقيس: مساء النور وينك تلفونك مقفل ليش؟

انس فرح: ليش اتصلتي لي ! فيش شي

بلقيس انحرجت: لا ما اتصلت.. بس ايوه اتصلت عشان اسألك بكم العلاجات وقعين

انس: شكلش عاد انتي محمومه.. كيف انتي اليوم
العفو تلفوني مقفل لاني في القريه ومابش تغطيه

بلقيس: ليش مابش !

انس بعد مابيتفرج الارض اللي مزروعة وكلها باسم الشيخ علق بمزح: الشيخ شافطها لبيته

بلقيس: شكلكم مثلنا معكم شيخ ظالم

انس ماركز كثير كان بيفكر فيها اكثر: ايش سويتي اليوم وهو عطله ماضبحتي

بلقيس: يعني شويه بس قريت كتابنا كله وعجبني قوي وقررت ماعد اغير للطب

انس فررح ووقف: امااااانه؟؟؟

بلقيس: والله

انس: يعني عتدرسي معي شريعه وقانون

بلقيس: ايوه

انس: وبعد مانكمل ندرس!

بلقيس: نكون محاميين

انس: لا انا اشتي اوقع قاضي عادل

بلقيس: وانا محاميه

انس: ونحبس السرق وياويلش تدافعي عنهم.

بلقيس: وانت ياويلك تخرجه براءه اللي يشل حقوق الناس

انس: خلاص اتفقنا بقي شي واحد مااتفقناش عليه

بلقيس: ايش

انس: انه لازم نكون مع بعض

بلقيس مافهمته قصدها في الشغل والتعيين الوظيفي: نقدر نحدد ان احنا نكون مع بعض !

انس: ليش اهلش بيمانعوا !  انا اهلي عادي

بلقيس: ايوه وانا عادي.

انس: يعني اي حين اخطبش

بلقيس تفاااااجأت وسكتت

انس: بلقيس.. الو.. بعد السماعه من اذنه وبيشوف المكالمه موجوده الوووو

بلقيس خزززيت ماعرفت ترد: ماتشتي

انس: مالش سكتي

بلقيس: وانت ماهو هذا الكلام ! مش وقت

انس: لاتفتكري ان انا ساع العيال بين اضحك عليش واجابرش واقضي وقت واتزوج واحده ثانيه.. انا لما اعجبت بش ولاحقتش ووعدتش مافلتش يوم كنت عند كلامي ومازلت.. ولازم اوفي بوعدي واخطبش عشان تحسي ان انا صادق.

بلقيس منحرررجه ومش عارفه ايش ترد: يله تصبح ع خير.

قفلت وغطت وشها بالبطانيه وحاسه بفرررحة وقلبها بيدددددق

انس قفل واستغرب مالها زعلت !! لو واحده مكانها مابتزعل بس ليش؟ معقوله السبب اهلها! !
قفل ومشي مستغرب وبيفكر من ردة فعلها للبيت.. تذكر بنات قريتهم لما كانين يلعبين وتخيل ان قد كل واحده فيهن مزوجه ومخلفه حماسهن للدراسه ضاع من ضمن الحقوق والعادات اللي ضيعت احلام كثير مثلهن.


بلقيس قامت جلست بعد ماقفلت وبتفكر في كلامه ولعت الكهرباء وجلست تتأمل شكلها في المرايه هي حلوه او لا !!! لبست اللثمه وجلست تتأمل عيونها ايش اللي فيها خلاه يحبها !!! البنت اللي معه فاتشه وحلوه !

واللي في الجامعه في بنات احسن من لبسها واسلوبها بس ليش مااعجب بهن ايش معنى هي !!

حست بثقة نفس اكبر اول مره تحب شخصيتها وتحس انها مثل البقيه... يعني كلام البنات ومسخرتهن بها ماعد حست هذك اللحظه بأي شي كان جارحها... رقدت وهي بتتذكر وتسمع كلامه في اذنها

@rewayatyamania المصدر الأول للروايات

بعد يومين..

في المدينه بيت سالم..
مرة سالم ضبحت من طلبات عمتها وضبحها من المدينه تشتي القريه تشتي تخرج تتشمس وتلوي براحتها وزعلانه على غنماتهم اللي ابتاعين والسبب كله بيرجع فوق مرة سالم قررت تدحس زوجها وتفهم قصه موت بلقيس ايش: هيا مه عتحاكينا بصدق اين بنتك ؟

سالم: تكون اين ماكانت خلاص مادخلني .. بيت خالها اكيد هم معها ومستقويه بهم

امه: عترجع لك كم ما سارت وبعدا ياجنيه ماتشتي منها وانتي اللي طايرتيها من البيت

مرة ابنها: يووو ياعيبتش ياعمه انااا !! والا انتي اللي قلتي انها نحس من يوم ماجت

عمتها: ...


https://tttttt.me/rewayatyamania/51250



📚 @rewayatyamania  🇾🇪

☘

بارتـات يومنـا الاثنـين 👆🏻😍

.

البــارت 91 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


سالم: تكون اين ماكانت خلاص مادخلني .. بيت خالها اكيد هم معها ومستقويه بهم

امه: عترجع لك كم ما سارت وبعدا ياجنيه ماتشتي منها وانتي اللي طايرتيها من البيت

مرة ابنها: يووو ياعيبتش ياعمه انااا !! والا انتي اللي قلتي انها نحس من يوم ماجت

عمتها: ايوه هي نحس لكن انتي اللي طايرتيها من البيت وقلتي يا انتي يا هي مالش ذلحين بتدحسي خلي لنا حالنا

سالم كل مايكرهها ويقرر انه ماعد يهتم بها بسبب ردة فعلها يتذكر منهن انهن السبب في خرجتها من البيت واللي قسين قلبه عليها فقرر بخطه يفعلها في وقتها ومايكلمهن بها.

@rewayatyamania المصدر الأول للروايات

اول يوم في الاسبوع بعد دوام الجامعه راحت المدرسه.. سلموا لهن الراتب كان النص لزهور والنص لها بقي لها بس من المبلغ 7000 ريال بس كانت فارررحه بها اول فرحه زلط تحسها  لانه من تعبها...

مشيت ولقيت واحده مسكينه مع ابنها المولود ع الرصيف بتطلب الله طرحت لها مبلغ منه وقالت لها ادعي ان الله يرحم امي ويسكنها فسيح جناته

زهور استغربت وبقصتها: ليش هذا كله؟؟ مالش ياهبلا هن خراطات

بلقيس: ماعتخرط واحده بهذه الحاله وع الرصيف الا وهي محتاجه

زهور: الناس يدوا مبلغ مش هذا كله مجنووونه

بلقيس دمعت: مش انا مجنونه تذكرت امي لوما ماتت وهي بتولد كان نفسي تدرا ذلحين ان انا تعلمت ومعي فلوس.. وتصدقت لاروحها اقل شي اقاسمها راتبي وهي بعيد عني.

زهور تأثرت من كلامها وسكتت.. بعد شويه: هيا نسير السوق اليوم

بلقيس ذكرت التيشرت اللي عجبها: ايوه نسير
.
.


في المعرض
بيتخيل نظراتها اليوم كانت متجنبه تشوفه ليش !
ماقلت كلام يزعل يمكن ماصدقتني !! انا لازم اثبت لها ولازم ابدأ أجمع ولو قيمه دبله ومحبس واثبت لها ان انا مش كذاب

مرام: ممكن اسألك سؤال يا أنس

انس شافها: نعم

مرام: في واحده بحياتك؟

انس تفاجأ من سؤالها وفضولها: ليش؟

مرام: جاوبني عشان اقتنع وابدأ اهتم بنفسي وبس

أنس شاف في زبون خارج متردد يدخل وقف وعينه لاعنده: ايوه في ، لذلك يابنت الناس اقدر العب عليش واقضي معش وقت هنا والعب في الجامعه واحب في مكان ثالث لكن مش هذه اخلاقي الله يوفقش.. ومشي

مرام زعلت وراحت قسم النساء جلست تبكي حست ان شكوكها في محلها لانه انس مش مغرور بس بيتهرب منها يعني في حد بحياته.

انس دخل مع الزبون وكان شخص مهم جدا نسق معه واختار له اكوات وبدلات وكرفتات وشمزان طلع نسبته في المبيعات مع الزبون هذه كبيررره... بعد ما مشي

المشرف: انس معك مبلغ رمزي تشتري به اي شي من معرضنا بتخفيض 90%

انس كان محتار بين بدله نفسه فيها وبين التيشرت اللي كان عين بلقيس عليه راح خرجه لانه كان اخر واحد خباه ومشي لاعند المشرف

المشرف: عتحاسب او نخصم ال10% من راتبك

انس: والله انت داري بالسلفه الاخيره اللي شليتها قبل يومين

المشرف ضحك: يبقى نخصمه من راتبك

انس: تمام .. شله وخرج للمكتبه اللي في اخر الشارع غلفها ورجع للمعرض خباها في كيس في الدرج الخاص به.

@rewayatyamania المصدر الأول للروايات

في سكن البنات في المطبخ..

زهور سمعت صياااحهن خرجت لاعندهن

واحده من البنات: هي بلقيس اخر واحده امس فعلت لها عشاء

زهور دخلت للغرفه: انتي فعلتي امس العشاء!

بلقيس استغربت: ايوه ليش

زهور: بيتصايحين وايناس قالت انه انتي الاخيره ومانظفتي

بلقيس قامت وخرجت لاعندهن: من قال ان انا مانظفت

ايناس: انتي محد غيرش

بلقيس ذكرت في الكتاب اللي قريته انه اهم شي في حل موضوع التهمه الأدله مشيت للحوض وشافت علبة فاصوليا وراس بصل وطماط وو: انا ماتعشيت فاصوليا !! فعلت لي قلص شاهي ودخلت اكلت جبن

ايناس لفتت لبثينه: انتي فعلتي الفاصوليا

بثينه: وغسلت مالي دخل انا

جت المشرفه وقررت تعاقبهن كلهن اللي دخلين المطبخ.

بلقيس جلست واقفه رافضه تغسل شي.

المشرفه: لاتعانديش عتتعاقبي وارفع عليكن شكوى

ايناس شافت بثينه: عيب عليش خليش شجاعه وغسلي هو انتي

زهور خافت على بلقيس راحت للمغسله غسلت قلصين وملعقتين وسكينه: انا غسلت بدل بلقيس

المشرفه شافتهن واشرت لهن يمشين.

بلقيس: ليش غسلتي مش هو انا  كل مره يفعلين هذه الحركه.

زهور: مش انتي داريه بالمشاكل هنا وانتي مش ناقصه تنطردي.

بلقيس حست انها مش وحيده ومش بس انس اللي معها.. معها اخت كمان جلسين يتجابرين ايش حصل

زهور في الغرفه: كذاااابه جاء ونزلتي والله انش مجنونه

بلقيس: لحظه وعاد باقي شي اهممم

زهور: احكي وانا معي لش خبر

خرجت زهور من العلبه حقها كيك وقربت لبلقيس: هذا قسمش خبيت لش من اللي ادته لي بنت عمي.

بلقيس: جلست تكلمها باللي حصل

زهور تحمست وفرحت لها: مش قلتي نخرج السوق ! هيا سريع نصلي عصر ونخرج





📚 @rewayatyamania  🇾🇪

.

البــارت 92 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


في المعرض..
وصلت لباب الباب وهي خااااايفه ومتوترره

زهور سحبتها ودخلين

انس اول ماشافها خرج عطر بسرعه والتفت تعطررر ورجع مشي لاعندهن ومربوش شويه ونظراته لاعند بلقيس ثواني وينزل نظره للارض.

زهور فلتت بلقيس ومشيت لعند مرام

بلقيس بتبهرر لها وتشتي تمشي بعدها

انس: مالش او شاكلش؟

بلقيس اول مره تكلمه وجه لوجه بعد اعترافه لها بحبه

انس شاف رموشها: فاعله مسكرا !!

بلقيس: ايش يعني؟

انس: كيف ايش يعني انتي !! ماتوقعتش تفعليها

بلقيس: ماهي؟

انس : المسكرا

بلقيس: ايوه ماهي هذه اللي قلتها

انس تعجب ماتعرفها؟ وكل الزباين اللي بيجين يجربنها فكر كل البنات تعرفها.. يعني هذه رموشش

بلقيس شافته: ماناش فاهمه قصدك.

انس تنهد من اعجابه بها: انا كل يوم اكتشف فيش حاجه وفتنتني عيونش يا الله ماتكفيني محاضره فيها

بلقيس بتتلفت لو حد سمعه: مجنون مالك ! اوووص

انس فلتها ودخل وخرج الكيس وطرح فيه علبه فيها كعك ادت له امه: راعي

بلقيس: ايش

انس: امي ادت لش حاجه.

بلقيس: امك؟

انس: ايوه شاطرح الكيس وشليه سكته.

بلقيس: لا

انس طرحه ومشي: شليه سكته لحد يشوفش

@rewayatyamania المصدر الأول للروايات

بلقيس توترت واضطرت تشله لحد ينتبه لهم

انس: ماعجبش شي في المحل

بلقيس بتتلفت: كله حالي

انس مشي ووقف قدامها: وانا؟

بلقيس استحت فلتته ومشيت لاعند زهور: هيا نمشي الولد جنن

زهور كانت بتجرب كريم ع يدها: لحظه اتم

بلقيس بتسأل مرام ع التيشرت اللي باعته لزهور

مرام: للاسف كملين لانهن بيجين من كل لون حبه واحده بس

بلقيس: يو اسف كان نفسي فيها

انس بيسمع  سكته ومبتسم

زهور كملت اختارت وشافت بلقيس: طيب اختاري غيره

بلقيس بتشوف نظرات انس لاعندها: مااشتيش الا هذك خلاص بس هيا نخطى تأخرنا

زهور: طيب راعي احاسب من الدحس ساع الجهال

انس بيحانكها ع الصرعه

بلقيس كانت من داخلها فاررررحه بس توترها ونظراته لها خلتها تتهرب منه ومستعجله تعرف ايش اللي في الكيس من ام انس !!

المشرف بيتفرج نظرات انس وابتسامته العجيبه اللي ماشافها مع اي زبون !! حماسه ووقفته معهن رغم ان مرام موجوده للقسم النسائي؟ غريب اليوم امره الولد هذا

خرجت بلقيس بالكيس

المشرف ( المحاسب) ركز ع الكيس كان في يد انس لما رجع من المكتبه وشافه معها... ضرب ع الماسه: انسسسسس تعال انا فدال المشخره هذه جي

انس كان بيكتب لها رساله نصيه وتكمل عدد الحروف قليل جزء من النص مفقود.. كمل الباقي برساله ثانيه ومستعجل عشان يجاوبه ورسلها ..

وصلت لها نغمه الرسائل طنشته وصلت الثانيه والثالثه تعجبت فتحت الرساله وبتقراها ومش مركزه في الطريق وجهتي قلبيَ لغرامك حبيبتي
هنيئا لي بهٰذا الحب يا فاتنهِّ عيناكِ بن ذائب حتى لون شعرك
والخدود لون ثمراته قبل حصاده
ويلُ قلبي من عيونِك الناعسةْ
يابلقيس ليست هناك لك شبيهةٌ

صوت تفحيطه البريك طيرت لها كل اللي قريته...

@rewayatyamania المصدر الأول للروايات

عند انس ...
المشرف: ليش اليوم فرحان هكذا فرحني معك اشتي افرح لك

انس بيتفاقد تلفونه ليش مابش رد !!: من انا ؟؟؟

المشرف: يووو لو بس شفت نفسك عتعرف من

انس انتبه لكلامه: ماقصدك

المشرف: من الزباين المهمين هولا !

انس قلب وشه: مالك اليوم

المشرف: مالي شي حسيت ان المعرض رجع حديقه السبعين مالك انت ! وضحككك

انس ضحك: بتدور لنفسك مجبر بس

المشرف: والله ان انا كنت مفكر هكذا بس بعد ماشفت الكيس اللي كان في يدك عندها طلع مجبري في محله

انس هزر نظارته وعلقها جنب الكاميرا المراقبه وهو بيضحك: غير بقعتك هنا بكره ادق لك مسمار  واوضع لك مدكا الصدق ماعد نحتاج كاميرات وخساره

المشرف ضحكك: بس ياولد طلعت خطير مش مبين لك انك حق هذه الحركات
انس: والله مانا حق لعب صدقني

المشرف: صدقتك بعيني

جلسوا يضحكوا ويمزحوا

خارج

زهور صيحت فوقها: مالش ماتنتبهي كانت السياره عتصدمش كلبه فجعتيني وقت التلفون كنتي عنده

بلقيس: اص مش انا ناقصه لش والله قلبي وقف

زهور: خليه يوقف شويه يمكن تحسي... كنتي عنده ودحستيني هيا نروح هيا نخطى وماقد خرجتي وماسكه التلفون

بلقيس ضحككككت

زهور: اضحكي

لفتت ليدها: اي حين اشتريتي؟

بلقيس: ما اشتريته قال امه ادت لي

زهور بتهزر الكيس منها

بلقيس ماسكته بقوة: ماعه انا اشتي افتحه اول واحده

زهور: هيا قوا

العجوزه شافتهن بيتهازرين ع الكيس ضربتهن بالعصا اللي كانت بتسند عليها: تقاتلين في البيت مغارب شلوكن بنات لاعد حياء ولا شي بيتسافطين في الشارع

لفتين لها استغربين كانت كبيره في السن فلتت عليها الستاره في الارض

زهور رفعتها وطرحتها فوق راسها

بلقيس: عادش عتلبسيها هيا  تأخرنا

زهور: يو كيف قد انتي يابنت وين طيبتش اللي جيتي بها

بلقيس: ...




📚 @rewayatyamania  🇾🇪

.

البــارت 93 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


لفتين لها استغربين كانت كبيره في السن فلتت عليها الستاره في الارض

زهور رفعتها وطرحتها فوق راسها

بلقيس: عادش عتلبسيها هيا  تأخرنا

زهور: يو كيف قد انتي يابنت وين طيبتش اللي جيتي بها

بلقيس: انا طيبه بس اكره العجايز يجين شريرات خبيثات

زهور: مابلا جدتش بس

@rewayatyamania المصدر الأول للروايات

في المعرض مابش زباين ...
مل من انتظاره لرساله منها لرد لشكر لاي شي.. حس المكان كئيب بعد ماخرجت منه جلس يلوي ع نفس المكان اللي كانت تمشي فيه ويفكر كيف بيكون ردها !
.
.

بعد ماوصلين السكن على آخر دقايق قبل تسجيل مخالفه وتأخير

بلقيس تعبت مشي بسرعه جلست في الدرج وفتحت الكيس

زهور هزرته من يدها وسبقتها للغرفه

بلقيس لحقتها بسرعه وهن بيضحكين

زهور شافت في علبه مقفله وفي هديه.

بلقيس هزرته منها وجلست فوق سريرها.. فتحت الكيس لقيت الهديه مغلفه ولقيت علبه فتحتها فيها كعك بالحطب نفس اللي كانوا يخبزوه في قريتهم.. وفتحت الهدية لقيت التيشرت اللي كان نفسها فيه

زهور: يووو ما احلاه

بلقيس: مش قلتي شوعه اللون

زهور ضربتها ع راسها: مااحلى المسكين هذا حبيبش

بلقيس ردت الضربه: عيب

زهور كانت ماسكه ثياب الصلاه: كلبه اذا ماحبيتيه شاشله عليش

بلقيس: اسبقي صلي لاموتش وانتي قاطعة صلاه.. يله اسبقي وانا بعدش

زهور ضحككت وخرجت

بلقيس فتحت رسالته قريتها ودمعت

مشاعر وفرحه ماتعودتها وخايفه من هذا الاحساس لانها جربته من قبل ومابيدوم... كانت تحب امها حب وفلتتها وتعقدت انها تحب اي شي في حياتها.. اتصلت له قبل ماترجع زهور من الحمام

انس: اخيرا

بلقيس: الآن وصلت

انس: مااشتيش تقلي شكرا وتعبت نفسك ياولد

بلقيس: لا مش هذا اللي شاقوله يمكن تسمع كلام ماعيعجبك

انس: ليش هكذا !

بلقيس: لاني تعودت طول عمري اي شي احبه مايدوم لي

انس فرح: يعني بتحبيني !

بلقيس ساكته

انس: ليش التشاؤم هذا !! قصدش ماتشتي تحبيني

بلقيس: مااقصدش هذا بس كل شي حبيته ماكان يدوم امي كانت اقرب واحده لي وفلتتني وماتت وابي كان يحبني واحبه واحس الشخص الاقرب لي بعد امي وفلتني وتزوج وتخلى عني ، جدتي كانت وانا صغيره تدلعني وبعد ماكبرت كرهتني وعاملتني اخس معامله عشت بيت خالي وكان اطيب واحد وفيه طباع كثيره من امي ومات ودراستي اللي احبها ونفسي فيها تجعجعت لما وصلت للنجاح اللي وصلت له درست نفسي بنفسي وعانيت واقنعت ابي اسافر المدينه وادرس حتى صديقة طفولتي تغيرت عليا.. ماعد اشتي اتعلق بشي لاني عارفه انه مابيكمل للنهايه

انس: ليش تفكري بهذا التفكير هذا نصيب انتي مالش دخل ولا حظش ولا شي

بلقيس ساكته وبتتذكر كلام جدتها انها نحس

انس: وانا وعدتش وعند وعدي ما اتخلى عنش ولا يوم.

بلقيس ابتسمت من كلامه وصدقت لانها شايفه وحاسه باهتمامه لها من اول ماجت وحست بالخوف والوحده في المدينه الكبيره هذه: وكيف عرفت ان انا اشتي البلوزه هذه

انس: اللي يحب يعرف من نظرات حبيبه كل شي مرضه تعبه زعله فرحه كل شي بيحبه ويكرهه

بلقيس شافت الكعك اكلت واحده: يو ذكرتني بالكعك اللي كانت تفعله امي الله يرحمها وجارتنا

انس: عجبش

بلقيس: قوووي جنان ، شكرا لك ولأمك على الكعك

انس: عيب تقلي امك قلي عمتي

بلقيس مافهمت قصده: ليش انت حاكيتها عني؟

انس: مع عادني بس انا من نفسي قلت هكذا

بلقيس: يعني انت اللي اديتهن لي

انس: ايوه

بلقيس: طيب شكرا

انس: شكرا لش انش اديتي لي فرصه اثبت لش ان انا بوفي معش لآخر لحظه في عمري ومن اليوم ببدأ اجمع كل فلس واجهز نفسي اخطبش

بلقيس شافت زهور دخلت: طيب

انس بابتسامه: صدق !

بلقيس: صدق ايش؟

انس سمع جنبها صوت: ولا شي بس احسش مربوشه في حد عندش

بلقيس: ايوه

انس: طيب اشوفش بكره في الجامعه انتبهي لنفسش

بلقيس: طيب

انس: مع السلامه

@rewayatyamania المصدر الأول للروايات

بيت سالم..
سالم بيصتبح معاجل ويشوف الساعه

مرته: عتدور عمل !

سالم قام بسرعة: مدري ماتشتي من صرفه

مرته: ادي لنا غاز قد كملت الدبه

سالم: بتشربيها او ايش؟ عاد احنا ادينا دبه اول ماجينا

مرته: تمت مابش سخان بندفي لامك كل شويه ماء ونفصلها ونوصلها للتنور ونردها للبوتجاز ماهو هذا التعب

سالم: مش انتي قد المدينه كنتي تجلسي تحطبي واقتصدي الغاز

مرته: قل لامك مادخلني انا ، وجهالك يشتوا طلبات للمدرسه

سالم: بنقلش ماقد بش عمل ولازلط اهجعي يامره.

مرته: شاسكت وسدوا انا مادخلني

سالم خرج من البيت ضابح.
.
.

في القريه...

متجمعين المزارعين قدام بيت الشيخ..

الشيخ جالس بيتفرج الاخبار في التلفزيون

ابنه الصغير: يا اباه جاوب الناس ملان عند بيتنا


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 94 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


في القريه..

متجمعين المزارعين قدام بيت الشيخ..

الشيخ جالس بيتفرج الاخبار في التلفزيون

ابنه الصغير: يا اباه جاوب الناس ملان عند بيتنا

الشيخ: قل لاخوك عمر يجاوب

ابنه: عمر مابحد

الشيخ قام وخرج: مالكم؟

ياشيخ اين الزلط.. ابنك بيسرقنا.. والله ماعد نشتغل ماهكذا مايخارج،، وين الاتفاق قلتوا ندي الارض وتربحونا ذهب هذا مامعنا الا ديون

الشيخ: اسكتوا ياجن واحد يتكلم مالكم

واحد منهم: ياشيخ لنا شهرين بيدي لنا ربع القيمه

الشيخ: اشتغلوا كل ما شتغلتوا وقع لكم زلط من يدي

واحد منهم: لو نشتغل ونبيعه بمعرفتنا ان احنا بنينا مثل ابنك دورين في سنه.. اتقوا الله فينا انت وابنك

الشيخ: احترم نفسك واوبه لكلامك لاتندم

جاوبه بعصبيه: ماعتفعل تسجننا ! ابدأ واحنا لها المشارعه هذه.. قد كنا راضيين باراضينا وحقنا قمنا نصدقك

الشيخ دخل وقفل الباب ومعصصصصصب شل تلفونه وبيتصل لعمر

عمر جاوبه والاغاني مفتوحه في السياره ومخزن: الو

الشيخ: وين انت؟

عمر: جيت للمدينه معي عمل مع المقاوته

الشيخ: عمل ايش؟

عمر: اتفاق مع مقاوته جداد الاولين سرق

الشيخ: وانت المزارعين ملان البيت جوا بيشتكوا مابتدي لهم زلطهم

عمر: وانا من اين ادي لهم والمقاوته الاولين بيبخسوا بالقات

الشيخ: قد قلت انك فاااشل مش انت حق عمل.. قفل في وشه التلفون

أيمن جاوب تلفونه: الو

الشيخ: اسمع الان تدي مرتك وترجع البلاد

ايمن: ليش خير امي فيها شي؟

الشيخ: ماشي بس اخوك بيلعب بالزلط ويسرق المزارعين وانا ماعد قدرت للعمل ياولدي جي امسك العمل

ايمن: يا اباه ماينفعش هذا الخبر وانا معي هنا عملي وتجارتي مااقدرش

الشيخ: والاراضي لمن تشتي يجوا يقلبوا القريه على راسي فضي نفسك وارجع مكن عملك اي حد

ايمن: يا اباه ماينفعش انت فهم عمر العمل وسالم معه ومش هو غاوي اصغر منه وكنت ماسك كل شي انا

الشيخ عصصصصصب: انااا هكذا يقع بي اخر عمري وتعبي لكم !! سالم شبع وفلت العمل واخوك بيسرق ويعمر وانت شليت جهالك وسرت بعد ما زوجتك واكلتك وشربتك واديت لك زلط تفتح تجاره استغنيت عني.. الله يلعنكم واحد واحد ...قفل وجلس ماسك قلبه ومش قادر يتنفس بيلاحق نفسه فلت ودوخ

زوجته دخلت وبتصيح دخلين كلهن بعدها وخرجين للحارس يسعفه
.
.

في الجامعة
عند شؤون الطلاب قسم كلية الطب

سالم: تقدر تطلع لي كشوفات الطلاب المبتعثين للخارج؟

الموظف: يا حج قلت لك مش هنا الله يرضى عنك لاتضيع وقتك ووقتنا

سالم: كان على من

الموظف: وزاره التعليم العالي

سالم قام وبيلاعنهم: فاشلين مش هم دارين بشي

خرج من الجامعه معصب

ونسير وزارة التربيه والتعليم العالي ونشوف آخرتها بنت الكلب هذه اذا ماسرت وسحبتها بشعرها لهنا

@rewayatyamania المصدر الأول للروايات

في الجامعه..
انس بيتفرج بعد المحاضره مالقيها اتصل لها

بلقيس كانت في المدرسه

انس: ليش ماجيتي فيش شي؟

بلقيس: اتصلوا لي من المدرسه قالوا المربيه غايبه اسير من الصبح وارجع المحاضره الثانيه

انس: بس فاتتش المحاضره كانت مهمه ومعنا بحث

بلقيس: برجع للجامعه وصور لي المحاضره

انس: تمام بنتظرش ونشتي نتفاهم على هذا الموضوع

بلقيس مربوشه من الطلاب بتشوف واحد مشاغب: ايش من موضوع والله لاضربك

انس: والله؟؟! ضحككك مافعلت؟

بلقيس: هذا الولد جنني بيضارب الجهال

انس: يله سيري افرعي لايفصلوش
قفل وراح للمحاضره قالوا له تكنسلت المحاضره.. راح للمدرسه

بلقيس جالسه بتعلم الاطفال بالكروت التعليميه فيها صور.. دق الباب وفتح ودخل

بلقيس كانت فاتشه لثمتها فكرتها مدرسه اول ماشافته نزلت البرقع بسرعه

انس اندهش من هذه؟

بلقيس نزلت البرقع بسرعه

انس بعد مانزلت البرقع تأكد انها هي بس كانت مختلفه عن صورتها في البطاقه يعني فوق الجمال هذك جمال غير

بلقيس خازيه: كيف دخلت لهنا

انس كان محرج انه دخل بعد مادق على طول: عفوا بس مش داري ان انتي فاتشه خورت افعلش مفاجأة

بلقيس وقفت وخاززززيه من نظراته وابتسامته: ليش جيت

انس شاف ابتسامه بخجل ع عيونها: جيت اشوف ابني

بلقيس مبتسمه وبتتفرجه بنص عين

انس: لااا عفوا اقصد اللي بتكون ام عيالي

بلقيس قربت لاعنده شويه: عيب ياولد مايسبرش الجهال بيتفرجوا

انس مبتسم ناولها كيس في يده: خلاص ناهي يا استاذه لاتصيحي فوقي هذا لش

بلقيس بتتفرج للباب لحد يجي يسألها من هذا: انت داري انك مجنون

انس بصوت واطي: محد قال لش تخليني اعجب بش واحبش فعلا جننت

بلقيس: انس

انس: قلوا لها خلاص لاتبهرر اخر مره

الطلاب بيكرروا بعده: اااخرررر مررره

انس: سمعتي

بلقيس ضحكت ودقات قلبها بتززززيد كل ما ابتسم وشافها وفعل حركه طفوليه خااايفه بتتفرج للباب

انس: يله تشتي امشي؟

بلقيس: ايوه

انس: باقي اقلهم شي

بلقيس: لا

فتح باب الفصل ودخلت مدرسه: ...





📚 @rewayatyamania  🇾🇪

.

البــارت 95 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


فتح باب الفصل ودخلت مدرسه: الطالبه رنا تجاوب الاداره

انس شاف واحد من الطلاب: يله يا ابني كل السندوتش كله.. شافها بابتسامه وغمزه بعيونه الثنتين مع السلامه
خرج بسرعه

الاستاذه مسكت يد رنا وخرجت..

بلقيس حست يدها مجمده من الخوف والتوتر اللي كانت فيه غلقت الباب ومتركيه وراه بتتخيل دخلته فجأة وكلامه وشافها فاتشه ماسكه وشها بصدمه كل هذا اللي لخبط كيانها دقايق... شافت الكيس راحت فتحته داخله ورده وشكلاته فررررحت بالورده شمتها وابتسمت.

انس خرج وهو فارح بيمشي بسرعه ويسلم على صاحب العربيه.. وصاحب الميزان وحاسس انه اسعد واحد في الدنيا.
اتصل لها...

بلقيس: انت داري انك مجنون حد يفعل هكذا !

انس: من يحبش وما يجنن ! انتي داريه انش اجمل واحده في الدنيا؟

بلقيس: يعني شفتني يعوو والخزا

انس: ماشفتش

بلقيس: قل والله

انس: بس شفت واحده قمرررر تجنن

بلقيس انتهت حصتها وشافت الاستاذه: خلاص نتكلم  بعدا بيباي.

انس قفل التلفون: انا ايش بيحصل لي بدأت اتعلق بها اكثر واكثر اكره اللحظه اللي تروح فيها ومااشوفها واللي تنشغل فيها وما اكلمها..

@rewayatyamania المصدر الأول للروايات

في غرفه المدرسات جالسه بتسمع ثنتين بيتجابرين

واحده من المعلمات: يااختي مابش عندنا حب ولا كلام فارغ تزوجي بس اللي تقدم لش ولاتصدقي لهذك اللي عادو ماقد جهز نفسه ولا لقي شغل لش 6 سنوات منتظرته لو هو صادق انه قد تم يجمع

المعلمه شافت بلقيس وغمزت لها

بلقيس سمعتهن وماتدخلت جلست تكتب الملاحظات في دفاتر الطلاب

المعلمه: اسألي بنات هذه الايام صح يابلقيس

بلقيس: ايش؟

المعلمه: احسن زواج هو التقليدي

بلقيس: كيف يعني تقليدي

المعلمه: يعني عبر الأهل مش حب ومعرفه

بلقيس خافت وتوترت ايش قصدهن او عرفين او حسين او شكين بس ماكانين موجودات ولاشافين انس

المعلمه: مالش ساكته شكلش معارضه رأيي

بلقيس: لا بس مدري كل واحد على مايشتي

المعلمه: انتي كيف عتختاري تتزوجي

بلقيس: مدري انا مااشتيش اتزوج اشتي اتم الجامعه

المعلمة ضحكككت: البنت طموحه

الثانيه: كلنا سنه اولى كنا هكذا همنا الدراسه تخرجنا وما قبالنا عمل غير التدريس هههه
شويه بلقيس وتغير رأيها في الدراسه

بلقيس مبتسمه لهن وبتكتب في الدفاتر وبتفكر في كلام انس وكيف شافها ذكرت الكيس نسيته في الفصل شلت الدفاتر وراحت للفصل

الاستاذه: شكلش نسيتي هذه من اين لش

بلقيس ارتبشت: من واحد طالب

الاستاذه ابتسمت لها: ماعندهم حجه يحبوش طيبه قوي

بلقيس ناولتها الدفاتر وشلت الكيس: تسلمي.. روحت على طول

@rewayatyamania المصدر الأول للروايات

بيت سالم وقت الظهر رجع ضابح...

مرته: ادخل اخوك في الديوان مدري كيف دري بالبيت

سالم: ايوه قد اتصل بي جهزي الغداء

مرته: يله اتم اخبز واقرب

سالم دخل للديوان وسلم على اخوه

اخوه: وين انت تطلع المدينه وماتحاكيناش

سالم: وين انتوا لاعد حد بيتصل ولا بتجي تبسر امك

امه: مسكين كان مسافر يتعالج

سالم: سلامات

اخوه: وقع لي انزلاق وسرت اتعالج

سالم: اهم شي كيف انت امورك سابره

اخوه: لله الحمد.. قالت امي انك بتدور عمل مارأيك تجي تشتغل عندي الجهال ماسكين محل تلفونات وذلحين يشتوا يفتحوا فرع قريب منك

سالم: امانه؟ على طول

اخوه: خلاص بكره انتوا معزومين عندنا غداء وتجلس مع الجهال وتحاكوا

سالم: تم

اخوه: كيف بلقيس وين هي؟ ماشاءالله كم قد معك

سالم: 4 عيال

اخوه: عوضك الله

سالم بيتهرب من جوابه: الحمدلله

اخوه: ماقلت لي وين بلقيس او زوجتها ومش احنا داريين

سالم شاف امه خرجت: والله يا اخي وقعت مشاكل في البيت وشلينا البنت عند خالها

اخوه: ذلحين هي هانك؟

سالم: ماشي

اخوه ماانتبه لجوابه الاخير: كيف تجلس بيت خالها وانت ابوها مايسبرش او زوجتها لاعندهم

سالم: ماشي

اخوه: ضخم نخطبها لعلي

سالم فرح تتزوج لبيت اخوه بس فين هي يلقاها اول: ان شاءالله خير

اخوه: المهم انت اديها وبعدا نتحاكا بكره في الموضوع هذا

دخلت ام سالم بتقرب الخبز

سالم قام خرج وقرب صحن الغداء
.
.

في السكن..
بلقيس اتصلت لزهور: اتصلتي لي وانا في الباص ماجاوبتش

زهور: سهل بس قلت اقلش ان انا سرت بيت عمي

بلقيس: يوو وشاضبح وحدي

زهور: معش انس

وبيتجابرين..الخ

نفس اللحظه.. انس بيتصل لها مشغول... ويعيد الاتصال مشغول.. بلقيس كمل رصيدها

زهور عادت الاتصال: لوتبسري القيامه قايمه هنا

بلقيس: ليش

زهور: ابن عمي اتهموه بقتل واحد وان انا مفجوعه

بلقيس: كان ارجعي

زهور: ان شاءالله مايقع شي المهم متواصلات

انس بيتصل ربع ساعه وهو مشغول..ضببببح

بلقيس قفلت... بعد خمس دقايق عاد الاتصال

بلقيس: الو

انس: اخيرا مشغول من اول

بلقيس: ...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 96 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بعد خمس دقايق عاد الاتصال

بلقيس: الو

انس: اخيرا مشغول من اول

بلقيس: ايوه كنت اكلم زهور

انس: هي عندش ليش عاد الخساره

بلقيس: مابحد هي

انس: شويه واتصل لش..قفل

@rewayatyamania المصدر الأول للروايات

في المدينه المستشفى..

الدكتور: الحمدلله انكم اسعفتوه بسرعه الجلطه اثرت على النصف الشمال

ايمن: يعني ماعيتحرك؟؟

الدكتور: يحتاج علاج طبيعي وانتباه ورعاية  واهم شي الزعل ممنوع هذه الفترة

ايمن تنهد وتافف من نفسه حس انه بسبب اتصال ابوه: خير يادكتور تسلم
.
.

في السكن ( عاد لها الاتصال)

انس جاء لاعندي صاحب قفلت المهم ان انا قلقت عليش قلت لش اول ماتوصلي تتصلي لي

بلقيس: وصلت اتصلت لها كانت تتصل لي فوق الباص

انس: تمام المهم وحشتيني

بلقيس: مسرع من الخرط عادك ابسرتني

انس: والله ان انتي وحشتيني اول ماخرجت من عندش

بلقيس ابتسمت: تسلم على الورده

انس: تستاهلي كل الورد مش بس هذه

بلقيس: بس مره ثانيه لاتكررها وتجي خفت لو حد شافني

انس: قلي لهم خطيبي.. بلقيس اشتي اخطبش

بلقيس: مش وقت الكلام هذا خلينا نتم الجامعه

انس: اخطبش ونتمها عادي

بلقيس سكتت

انس: عيجبرني باللي بتخزى

بلقيس مبتسمه وتشتي تغير الكلام: تغديت

انس: شابع شفت القمر وخلاص ولاعاد اشتي اشوف شي بعدها

بلقيس: ورجع لنفس الكلام تشتي تذكرني

انس: ومااشتيش انسى ولا تفصيل واطبع ملامحش في عيوني

بلقيس: بطل خرط ياولد والله انك بتبسر احلى مني

انس: صح بنبسر خيرات بس عجبتني وحبيت واحده بس

بلقيس: مجنون

انس: بش

بلقيس: يعلم الله كيف كنت وانت جاهل تحب بنات القريه كلهن

انس: ماشي كنت احب واحده

بلقيس: هيا ابسرت انك خراط قلت لي انك ماحبيت ولا اعجبت الا بي

انس: الحب الحقيقي الان زمان كان غوا وكنا جهال وانتي ماحبيتي حد

بلقيس: ماشي كنت احب صاحبتي بس

انس ضحك: وانا حبيت واحده وعاد انا في المدرسه

بلقيس: وبعدا ليش ماتخطبها ذلحين

انس: ماعد تميت احبها تزوجت وعاد انا في المدرسه

بلقيس: وليش ماحاكيتها؟

انس: مالحقت كنت اجي المدينه وارجع وهي بعد ماكبرت بطلت تلعب

بلقيس: ايوه

انس: وحتى لو كبرت هي بنت شيخ ماكان عيرضى بي

بلقيس: ذكرتني بالشيخ حقنا

انس: ماله

بلقيس: كان معي بنته صاحبتي ولما خطبوها تغيرت عليا وزنطت وماعد صاحبتني

انس: هي الخسرانه خسرت واحده طيبه مثلش

بلقيس: بس كنز واحنا صغار طيبه معي قوي وتدرسني كانت هي الوحيده تسير مدرسه وانا جدتي ماخلتني

بلقيس: مالك ساكت

انس صاح فجأة: انتي بلقيس هذك!

بلقيس: كيف؟؟ مافهمت

انس: بلقيس صاحبتش كنز!

بلقيس: ايوه تعرفها؟

انس: يووو ياخادمه انتي بلقيس المشعفله

بلقيس ضحككككت: مالك؟

انس: ماتذكرينيش

بلقيس بتفكرر بتتذكر: لا

انس: يعني احنا من نفس القريه ! ماتذكريش خرافه البير والثروه المدفونه فيه ! نسيتي الكنز والجن

بلقيس: يووو انت الولد هذك

انس: من يوم يومي وانتي تداعيني ياولد لو حفظتي اسمي انش دريتي ان انا انس

بلقيس ضحككت: انت الخادم هذك ابو الزنه المشططه

انس: خلاص بس فضايح وانتي والكل على حلاش بالقرقوش

بلقيس ضحكت: يو يو من يصدق انو انت

انس: بس ايش حصل لش! ذلحين كلميني ليش اختفيتي من القريه انا قلت تزوجتي مثل كنز

بلقيس ذكرت كلامه: يعني كنت بتحب كنز!

انس: مش حب حتى ماحاكيتها يعني كانت تعجبني انها بنت الشيخ وتتدلع والوحيده بتدرس

بلقيس: يله سير دور لك بنت شيخ واحده ثانيه وبتدرس

انس: معي احلى بنت الشيخ سالم.. يو عاد انا لقيت ابوش انتي داريه

بلقيس قلبها ددددق: يووو او قلت له ان انا هنا وبتقرا معي

انس: ياذكيه كيف اقله وعاد انا الآن دريت ان انتي بنته مش داري كيف جيتي اوائل على الجواده اللي انتي فيها

بلقيس اتطمنت: اوبه تقل له

انس: اول فهميني الخبر وايش حصل وانا مااقله
.
.

في المستشفى.. رجع للغرفه

الشيخ بجهد ولسانه ثقيله شافهم معه: هذا آخر تعبي لكم هكذا تجازوني !! ماعد بتنسمع كلمتي وما اشوفكم الا وقت المرض مااسعفوني الا اهل القريه اللي جعجعتهم بسببكم

عمر: يا اباه الله يهديك ماقلنا شي انا بين ادي جهدي

ايمن مسكه وسحبه ع جنب وبصوت واطي: مش وقت اخرج لوما نتفاهم

الشيخ: وهذا اللي باع من مره خلاص طلع المدينه ولاعد خبر ولاعد بينزل حتى من العيد للعيد بعد اتصالات ومراشاه

ايمن: ارتاح يا اباه خلاص مش وقت تجهد نفسك احنا غلطانين وسامحنا

الشيخ: اخرج انت واخوك مااشتي اشوفكم

ايمن خرج هو وعمر وبيكلمه ان الدكتور بيحذر من انفعاله وزعله..

عمر بعصبيه: وانا مادخلني ياسعم انو انا السبب هو انت اللي مفلت كل شي فوق راسي خلاص عبيت جيبك وفحطت

ايمن هزره بجنبيته: اسمع والله لو ترفع صوتك مره ثانيه وتتكلم معي هكذا لاشنترك بها

عمر دهف يده ومشي وخرج من المستشفى..




📚 @rewayatyamania  🇾🇪