.

البــارت 97 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


ثاني يوم في بيت اخو سالم..

اخوه: بغير جنان مالك بتخرف! حد يدخل بنته سكن جامعي مش انت داري ماعيتحاكوا الناس علينا !! لا لا هذا الخبر ماينفعش انت بعقلك ! صورتك مسحور ؟

اخوه: انت داري من عتصاحب ومع من تعيش؟ من البنات اللي معها وكيف سمعتهن !! الله يهديك يا اخي محد يفعل فعلتك مالك ماجرا عليك

سالم: لاتزيد تجنني قد لي اسبوع من حين جيت الوي واسير واجي

اخوه: قلك بيسير ويجي حرام انا ذلحين مااجلس دقيقه شاحاكي الجهال وعيقلوا لنا كيف وفين ندور

سالم: علي في اي قسم بيقرا؟

اخوه: هندسه لكن سهل قل لي اين سجلتها وعنبسر

سالم: قالت عتدرس امد قانون ويحولوها لطب بعدها سرت قالوا سافرت

اخوه: عنسأل كل بقعه ماعذر من خير الآن علي عيجي نتغدا ونخزن وحاكيناه يبسر كيف الخبر.

@rewayatyamania المصدر الأول للروايات

في المستشفى..
ايمن في الغرفه بيتفرج ابوه راقد بعد الادويه ..
وبيكلم نفسه.. زيد له الدلع هو واخوتي لوما ندم ذلحين مانفعله كم كلمناه يعلم الله ماوقع اكيد مش اتصالي السبب.. اتصل لامه وخرج من الغرفه عشان يطمنها ان حالة ابوه استقرت وانه يحتاج فتره متابعه.

جاوبت خالته ( ام عمر): نشتي نطلع جي لنا قلقه على ابوك

ايمن ضبح ومعصب: اين ابنش ياخاله بيلوي مخزن كلموه يديكم ماانا ماشافلت ابي

خالته: ماذلحين قدو ابوك وين انت وقت ما اتصل بك
ما قتلته الا انت السبب انت

ايمن حاول يكتم غضبه: مش وقت الآن الكلام هذا

خالته: اخوك قاتل نفسه بالعمل كله لاعاد سالم ولا ابوك بيعاونه كل شويه وتقطعوا له وهددوه اصحاب القريه وانت مرتاح مرتك عندك وزلطك وعملك

ايمن عشان لايتلكم بكلام يزعلها قفل التلفون وجلس ماسك نفسه من الضبح...

@rewayatyamania المصدر الأول للروايات

بعد الغداء بيت اخو سالم..

علي: ولايهمك ياعم خلي الموضوع عليا معي خبره وجن في كل بقعه اعرف الا اطلع لك بقعتها

ابوه بمزحه: ولو لقيتها عمك موافق يزوجك بها  ورينا همتك بس

علي ضحك وجلس يقطف القات ويخزن.

سالم: وين البقيه؟

اخوه: في المحل

علي: ذلحين ياعم نخزن شويه ونخطى هانك واوريك كيف العمل تبدأ تداوم معنا هانك تتعلم كيف امد مايجهزوا المحل الثاني

سالم: تم..

@rewayatyamania المصدر الأول للروايات

في الجامعه..
انس بيتفرج شباب بيتكلموا ويعلقوا على عيونها

الولد: تتحداني اكلمها

الثاني: تخزينتك عليا لو كلمتك.

انس ضابح اتصل لها: امشي من جنب المكتبه اسبقي لخارج واناولش المحاضرات

بلقيس: ليش؟

انس: هكذا به شباب بيتخيبلوا يا وافعل مقاتله معهم بس مااشتيش ادريهم انش قريبتي او حبيبتي عيعاندوا ويضايقوش

بلقيس: يوو مع مع خلاص شخرج مع السلامه.
مشيت..

انس مشي بعدها

الولد قام ومشي واصحابه بيعلقوا

بلقيس خرجت من الجامعه...

انس بيمشي

الولد يجي يمين

انس يحانبه يجي يمين

الولد يرجع يسار

انس يغير مكانه

الولد: عنلعب انا وانت او ايش؟

انس شافه بنظره: لو انت حق لعب سير العب في الشارع مش هنا

الولد: ومادخلك او طريقك؟؟

بلقيس لفت باتجاه السكن

والولد ماعد شافها ولا عرف فين سارت طنشه وجلس يمشي للبوابه..

انس انتظر لما مشي مسافه ضحك ولف بعدها...

بلقيس واقفه جنب السكن

انس وصل عندها: خلاص بطلي تجلسي تراعي لي هانك بيتجمعوا الشباب اكون اديها لاعندش احسن

بلقيس: تمام تسلم

انس ناولها سريع: يله ادخلي لاحد يشوفش.. مع السلامه.

@rewayatyamania المصدر الأول للروايات

في البيت وصل ايمن مع ابوه..
ايمن: افعلي لابي أكل بدون ملح ولاسكر ولا دسم وزيت خضار بس

سميه: تمام قد اتصلت عمتي وخالاتك يشتين تسير تديهن

الشيخ بيتكلم وفمه اثار الجلطه معوج ولسانه ثقيله: ولا حد يجي انا راجع بنفسي

ايمن: اول ارتاح ياباه ونتابع الدكاتره هنا عشان العلاج الطبيعي

الشيخ بعصبيه: قلت لك مااشتيش بتفهم والا تشتي تموتني وتفتهنوا

ايمن: خلاص ولايهمك ارجع انت وادي لك احسن دكاتره لاعندك اهم شي راحتك لاتغثي نفسك

الشيخ هدأ وسكت: اين اخوك؟

ايمن: قال معه عمل سار وعيرجع

الشيخ: قوم شلني البلاد

ايمن: ذلحين؟

الشيخ: ايوه والا اتصل للسواق حقي لو معك عمل

سميه بهررت لزوجها: افعل له مايشتي لاتناكره

ايمن: تمام
.
.

في المعرض...
انس: ما رأيكم نفعل جمعيه؟

زميله: عاد اصحاب الفروع كلمونا

انس: بس يامنعاه انا الاول محتاجها

زميله: شاقلهم تمام.

انس: رد لي خبر واذا وافقوا انا اسلمها لك الشهر هذا

زميله: ولايهمك الان بتواصل معهم وارجع انبيك
.
.

في السكن...
المشرفه جت لاعندهن ودعتهن كلهن لخارج الصاله..

بلقيس وزهور واقفات وبقية البنات وبيتساءلين السبب ايش في

بلقيس حااااسه بخوف...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 98 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


في السكن...
المشرفه جت لاعندهن ودعتهن كلهن لخارج الصاله..

بلقيس وزهور واقفات وبقية البنات وبيتساءلين السبب ايش في

بلقيس حااااسه بخوف واطرافها مخدره وبترجف يدها ومش متحملة الانتظار شكت ان ابوها بيدور عليها

المشرفات وواحده من امن الجامعه: وصلنا بلاغ بسرقه عندكن واحده من البناات ضاع عليها سلس ذهب وممنوع تدخلين الغرف لوما نتم التفتيش

@rewayatyamania المصدر الأول للروايات

بلقيس خافت بتشاور زهور: يو لو يبسروا هديه انس والوردة

زهور شاورتها: عادي مابش عندنا شي

بلقيس: عيطردونا من السكن

زهور: اهدأي مش وقت

البنت اللي ضاع عليها السلس: مالكن بتتشاورين؟

 المتنمره شافت المشرفة: ابدأوا بغرفتهن هذه عادها جديده وقلبي مش مرتاح لها

بلقيس: ماقصدش ان انا اللي سرقته؟

المتنمره ضحكت: قالتها بفمها واعترفت سمعتين

المشرفه: اهدأين ومااشتيش مشاكل دخلت هي والمفتشه لغرفه زهور وبلقيس بعد مالاحظتهن فعلا مربوشات بيتشاورين

المتنمره: نوفر التعب والتفتيش والرفاس عليكن يابنات

زهور لفتت لبلقيس: طنشيها ولاتردي.. قربت منها شاورتها: اعرفي ارد لش فقعستها بعد مايخرجين

بلقيس ساكته وخايفه بس يسألوها من ادالش الورده.

خرجين بعد عشر دقايق ولافي شي..

زهور: لقيتين شي؟

المفتشه: لا وين بقية الغرف

زهور: برأيي تبدأي بغرفه هذه اللي بتدور هدار كما هي رئيسة عصابه السكن حقنا ورا كل مشكله هي

المتنمره: شكلش خاوره اوريش من صاحبه المشاكل؟

المشرفه: اهداين رجاء يابنات

المفتشه شافت تصرفات المتنمره وسألت عن غرفتها ودخلت هي والمشرفه

المتنمره بتهديد ونظرات حاده: اذا ماطيرتكن من السكن الثنتين ماتسمني.

المشرفه والمفتشه خرجين وشافنها بنظرات: البسي يله وامشي معنا...

البنات كلهن منذهلات معقول عندها! !!

المفتشه ناولت البنت السلس حقها وشلين المتنمره وخرجين.

كان الوضع بينهن صدمه..

البنات اللي معها في الغرفه جلسين يتشاورين كم ضاعت عليهن اشياء ودايما مغلقه على شنطه بقفل شكين ودخلين الغرفه يفتشين

زهور وبلقيس دخلين غرفتهن مصدومات

بلقيس: يامجنونه ذلحين لوما ترجع عتطرحش في راسها

زهور: والله ماتوقعتها بس كنت اشتي استقضي حين سرقتنا

بلقيس: دايما زناطه ومغروره ولبسها احلى واحده ليش سرقت؟

زهور: الله اعلم تقولي عيرجعوها؟

بلقيس: مدري يارب مايجين طالبات في غرفتنا قد انا خايفه.

زهور: لو اقلش شي عتزعلي

بلقيس: ايش !!!

زهور: هذه آخر سنه لي هنا

بلقيس: بس جنان وتفلتيني؟

زهور: ابن عمي سار كلم مرة عمي اللي انا عندهم وتقدم لي ويمكن العرس في الصيف

بلقيس فرحت لها: صددددق

زهور بخزا: ايوه

بلقيس: سهل الله يسعدش يارب.

زهور: عقبالش انتي وانس

بلقيس: تخيلي ماعرفته كنا نلعب واحنا جهال...

@rewayatyamania المصدر الأول للروايات

في مجلس تأديب الطلاب..
المتنمره: البنات بيفعلين لنا مقالب ويكرهننا ومتأكده هن اللي طرحين لي السلس

المفتشه: بس مالقينا اي شي في غرفهن ومانقدر نتهمهن انا لقيت دليل عندش وعلى فكره من ضمن اللي لقيناهن في صور لزميلات عندش وبعض اشياء مااعرف هي حقش او حقهن المهم الآن نتصل لولي امرش

المتنمره ببرود: اتصلي ياسعم انه بيجي..

المفتشه ضبحت منها  وبتفتش اوراقها والارقام اللي عندها
.
.

في القريه بيت اخت انس..
ام انس في الباب بتكلم عم انس: والله يا اخي مالي علم بشي ولا مع سليم اي اوراق مانا داريه وينهن

اخو سليم: وين انس؟

ام انس: في المدينه وانت داري سافر وعادو جاهل ولا داري بشي

اخو سليم: كنت اشتي احاكيه في موضوع ادي لي رقمه

ام انس: الان اخلي اخته تديه لك.. بعد مامشي

ام انس: اتصلي لاخوش يابنت احاكيه يعلم الله ماقد يشتوا

اخت انس بتتصل مشغول..


في المعرض..
انس بيكلم عمه: انا شاكمل الدوام الساعه 9 .. تمام اي حين عتوصل ياعم؟ انس مستغرب: عتطلع الان ؟ ليش الموضوع مهم لهذه الدرجه خير!
خلاص تمام اول ماتوصل اتصل بي ونتلاقى

@rewayatyamania المصدر الأول للروايات

بعد المغرب بيت الشيخ..
محوشات فوقه
ام ايمن: الف سلامه عليك قدر ولطف اهم شي انك بخير

ام عمر بتتفرج بحقد لايمن: حسبه الله من هو السبب

الرابعه بتبكي: يو جعله فيهن ولا فيك حين يسخوا عليك هكذا

ايمن فلتهن وخرج للقريه..

عمر فوق السياره مخزن وبيشرب سجاره بيتفرج لاخوه بنظرات زنط

ايمن بيأشر له براسه انزل

عمر بيتفرج له بتحدي وينفخ الدخان ومطنش

ايمن ماسك اعصابه واشر له بيده جي

عمر داخل نفسه رجم بقيه السجاره من طاقه السياره وشغلها: مفكر حين قدو البكر عيتأمر عليا حرام مايشم احترام مني ولا افعل له قيمه ساع ما فلت وجالس هانك مرتاح

ايمن حس بإهانة اخوه له وزنطه عصصصصب قدام بعض المزارعين قام خرج المسدس وضرب على واحد من التواير




📚 @rewayatyamania  🇾🇪

.

البــارت 99 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


كلهم حوشوا وتجمعوا لاعند ايمن: صلِ على النبي انتوا اخوه لايدخل الشيطان بينكم

عمر وقف السياره بعد ماشافه وراه من المرايه فتح باب السياره ونزل معصب.. انا ساكت لك وواصله معي لهنا وانت جاي لاعندي تدور هدار

ايمن: مارضيت تتعلم الادب وتحترم نفسك

عمر: مالك دخل مني اكل شارب والحمدلله صرفتي مش من جيبك ليش احترمك

ايمن هزره بالكوت ومشي من جنب المزارعين: على الاقل افعل لنفسك قيمه بينهم وانت شيخهم

عمر دهفه: انا لو سكت لك هذك اليوم فهو عشان ابي وفي مستشفى اما تجي لاوسطنا وبيتنا وتتعيفط حرام لاوريك الوش الثاني

ايمن بعصبيه: تتحداني هاه!

عمر بيهز راسه ويرفع حواجبه باستفزاز: ايوه والا ماعتفعل؟

ايمن هزره من الشال اللي فوقه وخانقه: والله لافحرك هنا واعلمك المرجله مش هي عيفطه وتحدي وقلة ادب.

المزارعين رجعوا لاعندهم يفرعوا..

ايمن مواصل كلامه: المرجله تكون قد المشيخه اللي انت فيها تبطل لوي وصياعه ولعب بالزلط حق خلق الله وانت بتمكن ابوها عماير وسيارات وشقاير وقات

المزارعين بدأوا الشكاوي لايمن: والله يا ابني ان قد لي شهرين مراعي لحقي بعت نص الغنم حقي

عمر شافه: وبيع الباقيات مابش حق لوما تدرا من عند من تطلب... دهف ايمن ومشي لاعند سيارته.. كان قد غيروا له بعض الشباب اللي في القريه التاير الاحتياط..

واقفين جنبه: تشتي شي ياصاحبي راسي فداك

عمر شاف ايمن: لا الله المستعان عادو اخي.

ايمن عصصصب منه ورجع البيت..

الشيخ سمع الرصاص: من بيتقاتل خارج

ايمن: ولاشي هذا تاير قرح

الشيخ: طلقة رصاص

ايمن: اباه تشتي امسك الارض بدل عمر

ام عمر: ليش واخوك ماله؟ عادك ذكرت تجي وكل شي جاهز

ايمن: اشتي اتحاكى مع ابي

ام عمر بمسخره: ماقصدك تطردني !

ايمن: كلام عن العمل ماينفعش حد يكون هنا

خالته: قد تميت تفعل لك قرشين في المدينه تمت عليك الزلط رجعت ذلحين ذكرت ان معك اب وارض فلته وهو محتاجك واخوك مافلت ابوك يوم وذلحين قد عمر ماينفعش

الشيخ: ارجع بقعتك وانا افهم اخوك العمل

ايمن ضبح وكان مفلت عمله وكل شي قام وقف: خاطركم

امه لحقته لاخارج: يا ابني لاتفلت ابوك وهو هكذا دعممها هي عتحرش بينكم امد ابنها

ايمن: خليهم يخطوا في الحرام هو وابنه مصدق له سرقوا اهل القريه

امه مسكت فمه: اص اص مالك بتخرف لو حد يسمعك منهن ويحارش له والله لايخرجك من كل شي

ايمن: ومن قال اني اشتي شي كل زلطهم حرام مع عمر فتره يلعب وبعدا انا شاوريه شارجع في الوقت المناسب وخرج

امه: ايمن ارجع من الجنان وابوك !

ايمن صيح من الحوش: هوذك ابنه عنده تحتاجي شي اتصلي لي مع السلامه.

@rewayatyamania المصدر الأول للروايات

الليل في السكن..
كانين كلهن متجمعات بيتعشين ومتخوفات منها ..

زهور: ليش بتخافين منها

واحده منهن: اصلا كانت تجلس تهددني عرفت بسر قلت لها وشلت صوري عندها خبتهن وكل ما شافت معي شلته والا تخليني اوقع معها بالغصب  والا تقل لي عتنشر صوري

بلقيس: وذلحين كيف عتفعلي؟

البنت: ولا شي دخلنا الغرفه وهي مابحد وشلينا ادواتنا ومن الان كل واحده تنتبه

زهور شافت بلقيس

واحده منهن ثانيه: وانتي يازهور اوبهي منها اول ماتجي ادخلي الغرفه عتوصل تضارب انتين تبسرين

زهور: اتحداها والله لاوريها المضاربه سوا وماحد عيحاسبني لان المشرفه داريه السبب

دخلت فجأة وهن متجمعات

كلهن لفتين لاعندها

بلقيس خايفه بتشوف زهور وتشوفها

المتنمره دخلت ومنزله راسها للارض محرجه منهن دخلت الغرفه وصرعت الباب.

كلهن بيتفرجين لبعض كملين ورفعين الصحون
اللي كانين مع المتنمره في الغرفه بيستأذنين من البنات الغرف الفاضيه ينقلين عندهن

زهور وبلقيس دخلين رفعين الصحون وغسلين شويه ودخلين الغرفه.

بلقيس بتشوف تلفونها مابش اتصال قلقت عليه لايكون حصل له شي مع الولد او تقطعوا له


في المعرض واقف
انس شاف عمه ومشي للباب: اهلا ياعم دقايق بس ادي التلفون والجاكت ونخطى.. بيمشي ويفكر داخل نفسه ايش ادا عمه فجأة بعد فتررررره كبيره وبهذه العجله ايش الموضوع المهم لهذه الدرجه.

عمه شافه ولبسه: ماشاءالله بتشتغل وصورتك مرتاح

انس: الحمدلله تعبنا شويه لوما فتح الله علينا

عمه: كلنا تعبنا محد جالها حاصله

انس داخل نفسه انت بالذات ولاتعبت في شي اراضينا واراضي اعمامي وابي متحكم بهن ومتنازل بهن للشيخ وقال تعب

رن تلفونه جاوب بسرعه: ها

بلقيس: مساء الخير

انس: مساءالنور والعافيه

بلقيس: كيف انت

انس: الحمدلله وانت كيف انت؟

بلقيس: مالك؟

انس: ولا شي بس مشغول شويه انا مع عمي ذلحين افضا واتصل لك

بلقيس: عمك من او هو ابي؟

انس ضحكككككك: ماشي والله

بلقيس: اها الحمدلله يله مع السلامه

انس قفل وهو مبتسم

عمه: وين بيتك

انس: ...

https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 100 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


عمه: وين بيتك

انس: اين بيت هي غرفه متشارك بها مع طلاب

عمه: ها ماينفعش جي نتجابر في الطريق نسير نتعشا اول
.
.

في القريه..

بيت الشيخ..
عمر رجع بعد اتصال امه له ان اخوه رجع المدينه

امه كانت مراعيه له في الباب: اسمع ادخل قل لابوك انك اديت للمزارعين الزلط وانك كنت بتشرف عليهم وتحل المشاكل حق الماء والساقيه المهم انك تدريه انك بتشتغل

عمر بهنجمه: انا داري.. دخل لاعند ابوه

الشيخ: سير لاعند سالم وقل له يدي لك نسخ من الاوراق اللي معه احتياط

عمر: اي ورق

الشيخ: هو داري عيديهن لك

عمر: بس مابحد هو قد سار

الشيخ: دوره انا مش داري اين الورق اللي معي الاصل اختفين دورهن

عمر شككك في اخوه: تمام

@rewayatyamania المصدر الأول للروايات

في المدينه بيتعشوا في مطعم صغير شعبي

انس: بس انا مالي علم بهولا الورق اللي كانين عند ابي حق ايش؟

عمه حس من ردة فعل انس انه مش داري بشي وهذا اللي كان يشتيه يتطمن انه مش عارف بشي: حق الاراضي متأكد ماتعرف ولا ورقه

انس: ولا ورقه ليش هن عند من

عمه: لوما نقلتوا مالقيت لابوك وصيه والا شي

انس: مع

عمه: تمام خيرة الله.. انا معي الاصول ارجع اصورلكم حقكم

انس: تمام تسلم ياعم الله يحفظك ويبارك فيك ماقصرت

عمه قام وهو شابع ومتطمن: يله بيننا تواصل

انس: ان شاءالله.

انس تم يشرب الشاهي وحاسب هو وضحك على عمه الطماع اللي مادفع لابن اخوه قيمه الشاهي وخرج وهو مبسوط.. اتصل لها

بلقيس: سار عمك

انس: ايوه فجعني قلت مدري ايش القصه وانه الموضوع تافه المهم انتي كيف انتي

بلقيس : الحمدلله مالصوتك متغير!

انس: شكلي شامرض حلقي وزكام

بلقيس: اشرب ليمون وشاهي

انس: ليش؟ خايفه عليا؟

بلقيس: ايوه

انس: ليش تخافي عليا

بلقيس: هكذا

انس: بتحبيني لهذه الدرجه

بلقيس محرجه تجاوب: بكره معنا محاضرات

انس: بتحبيني او مع

بلقيس: انت داري ليش تسأل

انس: اللي اعرفه ان انا اللي بين احبش ومجنون فيش بس وانتي تكرهيني مش طايقه تسمعيني

بلقيس: خراط انت بتقل هكذا من راسك واي حين انا قلت

انس: يعني بتحبيني

بلقيس: يووو منك ايوووه

انس ضحككك شاف معه خط ثاني: لحظه اجاوب وارجع لش

بلقيس: تمام

انس رد على صاحبه: ها .. أمانة؟؟؟ واي حين عنستلم

قلدك الله ! خلاص شادفع من الشهر اللي بعد هذا وسهمي اخصموها منه... تمام اتفقنا مع السلامه.
رجع لها: يابنت

بلقيس: ايوه

انس: صاحبي يشتي خدمه بس انا ماافهمش فيها

بلقيس: ايش؟

انس: يشتي يخطب واهله مثلي في البلاد عتسيري تختاري دبله ومحبس انيقات وتتصلي لي في اي محل وهو يسير يحاسب

بلقيس: تمام بعد الجامعه اسير انا وزهور السوق

انس: تمام بس مااشتيش ذوق زهور اشتي ذوقش انتي

بلقيس ضحكت: تمام من عيني
.
.

فوق السياره..
علي فهم كيف سجلوا وين ساروا: خلاص تم معك ياعم ورق او شي

سالم: ماشي مابلا على ماقلت لك

علي: خلاص مايهمك انا اعرف اخرج منهم

سالم: المهم لو اسمها موجود اتصل بي

علي: تمام على طول.

@rewayatyamania المصدر الأول للروايات

ثاني يوم..
علي دخل لاعند قسم شؤون الطلاب لقسم كليه الشريعه والقانون كان معه صاحب: مافي نفسك ادينا تلفونات وبالتقسيط وسعر لك خاص

صاحبه: قطف معك حد مبقي مواد؟

علي ضحك: مع مابلا اشتي اتأكد من واحد سرقني تلفون وقالوا هو عندكم مسجل ابسر الكشف اتاكد

صاحبه خرج الملف: المهم لحد يدرا انك شليته من هنا دور براحتك معي عمل

علي: تسسسسلم.
خرج سجاره لهم الاثنين ولعها وبيقلب الورق وبيمشي على الأسماء.. اسم اسم.
.
.

قبل ماتبدأ المحاضره..
بلقيس واقفه مع البنات وبتسالهن: هذه المحاضره لازم تحضير اسماء؟

المندوبه: ايوه انتبهي لازم تدخلي

بلقيس مسكت التلفون ومشيت من جنبهن: انس عادك راقد؟

انس: ايوه ليش تقيميني قلت لش شاصورها منش

بلقيس: قالوا مهمه لازم حضور وغياب الدكتور حقها مش متساهل

انس: قوا خليني ارقد يرسبوني والا ايش مافعلوا

بلقيس: فاتتك المحاضره الاولى هيا انس قد غبت من المدرسه اشوفك...

انس كان طرح التلفون جنبه ونوم مابيسمعها

بلقيس ضبحت وقفلت دخلت المحاضره.

دخل الدكتور

علي كان واقف في الباب


https://tttttt.me/rewayatyamania/51250



📚 @rewayatyamania  🇾🇪

☘

بارتـات يومنـا الثلاثـاء 👆🏻😍

.

البــارت 101 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


دخل الدكتور ...

علي كان واقف في الباب

الدكتور: انا قلت ادخل ومحد يدخل بعدي

علي: كنا انا وانت سوا بس سبقتني

ضحكوا اللي في القاعه

الدكتور ضحك: ادخل واخر مره

علي دخل وبيتلفت قسم البنات ذكر انه مايعرفها ولابيعرفها بين هولا البنات كلهن ..

جلس في المحاضره وهو بيفكرررر كيف يفعل شاف اللي جنبه ماسك كشوفات واسماء طلاب بيناول واحده من البنات

علي: ايش هذا؟

المندوب: الكشف بعدا شامررها وقع على اسمك

علي هز راسه ومحتار كيف يعرفها: تمام.


أثناء المحاضره...
بلقيس فتحت رسايل منه جلست توصل اجزاء الرساله بعد بعض منه (( حبيبي كان اشتي افاجئش بس خفت زهور تختارها الدبله اللي بتختاريها اليوم هي لش مش لصاحبي نقي اللي يعجبش انتي اشبع نوم وارجع اتصل بش ركزي عشان تشرحي لي سوا واكتبي بخط واضح مااشتيش خط الدكاتره وخربشه الدجاج ))

ابتسمت وردت له (( موضوع الدبله نتفاهم انا وانت بعدين بس النوم ارتاح انت مريض وبكتب لك كل شي لاتجي وانت تاعب )) وخبت تلفونها وحاسه بفرحه عجيبه منه وان الدبله لها ولافهمت اي شي في المحاضره بتفكر في كل كلمه قالها

@rewayatyamania المصدر الأول للرواياتت

بعد المحاضره..
بلقيس ضابحه منه وزاعله شافت تلفونها مابش اتصال.

مشيت من المدرج وبتنزل وقفت جنب الباب تفكر تتصل له او لا !!

علي لقي المندوب واقف مع واحده سار لاعنده: تعرف الطالبه بلقيس سالم؟

المندوبه: ايوه كانت جنبي تلفتت حولها شافتها ماسكه الدفتر البنفسجي حقها اشرت: هذك

علي ضحك باحراج: كلهن مبرقعات به 3 اين هي

المندوبه: اللي بدفتر بنفسجي انت تعرفها؟

علي خرج بطاقته وراها: بنت عمي

المندوبه هزت راسها بتمام

علي مشي سرررريع وخرج اتصل لعمه مابيجاوب

بلقيس فكرت عشان تفعل غداء مابش ولاشي في المطبخ قررت تخرج من الجامعه تشتري خضار ..

علي كان بيمشي بعدها بسررررعه

بلقيس خرجت من الجامعه

علي بعدها  المحل اللي يبيع مقفل حاسه بصداع قررت تستأجر تكس وتروح لسوبر ماركت تشل كل شي منه وقفت التكس وشارطته وطلعت

علي فتح الباب وطلع شاف السواق: معها

السواق مشي

بلقيس تلفونها بيرن وهي بتصايح السواق: لو سمحت وقف هنا من هذا اللي طلعته !

السواق شافهم: انتي معه؟

علي: لاتصدقها هي اختي

السواق بيصيح: الله يلعنه يوم دبور من اوله ناقص مشكله على 200 ريال

بلقيس ماتسمع التلفون وبتصيح: مااعرفهش والله مااعرفه وقف لو سمحت وبتبكي

عادت الاتصال به

انس جاوب بعصبيييييه: من هو هذا اللي انتي معه !! تكلمي مع من طلعتي؟ اول ماعرفتي ان انا مش جاي اخذتي راحتش وقلتي تخرجي مع من ماتشتي صح ! ليش ساكته !!

بلقيس سااااكته بتحاول تستوعصب صوته: انس؟ شافت اسمه مره ثانيه
رجعت السماعه اذنها منتظره يضحك يغير الكلام

انس: جاووبي خايفه يسمعش هامه مشاعره اكثر مني صح؟

بلقيس منذذذذذذذذهله مصدومه ماادالها فرصه تتكلم بشي جرحها كلامه قوووووي

انس: ساكته ليش تكلمي؟ قولي اي شي مفكرتني غبي اهبل تضحكي ع عقلي ماتوقعتي اشوفش صح

بلقيس ماقدرت تتحمل تسمع اكثر من هكذا قفلت التلفون وطفته مره ثانيه ورجمته في شنطتها... وجالسه تبكككككي بقهررر طلع صوتها..

علي محرج كيف يفهمها وزعلان انها بتبكي لفت لورا: خلاص مالش نسد في البيت عمي سالم قدو في المدينه وقال اجي ادور في الجامعه.

بلقيس: مادخلك انت مننا ومن انت

علي بهرر لها: ابن عمش

السياره كانت بتمشي نسيت تتصرف في المصيبه الي كانت فيها مش عارفه كيف تفعل .

وقدها بعيده من الجامعه مكان وطريق ماتعرفه خافت اكثرررر يمكن هذا الولد كذاب والا صدق ابن عمها !!! وقف التكس في الإشارة... بلقيس جنب الطاقه بتتفرج المكان غريب واول مره تجي له شافت واحد نزل من السياره ومشي.. ولاترددت لحظه واحده فتحت الباب بسرعه ونزلت
قطعت الرصده بسرعه والسيارات بيمشين

علي نزل والسيارات بتطرررق وبعضهن بيمشي واللي بدأين يلفين

صاحب التكس بيصيح: حاسبوا ياكلاب ياصيع ياسرق مكني اختي وتطلع بنت عمه ومدري شويه صيع.

علي رجع رجم له الفلوس بسرعه: احترم نفسك وقفل فمك والله لا سجن ابوك رقم السياره معي عنتفاهم بعدا مش فاضي لك

جري بسرعه للجهه الثانيه يتلفت في واحده بتمشي جري لاعندها..


من طريق السكن بيلوي معصب يتصل وتلفونها مقفل... عصبيته وصدمته بيتذكر انه بالصدفه شافها وواحد بيمشي بعدها وهي تمشي وهو وراها وطلعوا تكس سوا خلاه يفكر بكل كلام الشباب اللي معه في السكن.. ان في بنات بيصاحبوهن من الجامعه وبيخرجوا معاهن بدأ يلف في راسه الكلام اللي سمعه الموقف وكلام اصحابه وموقف اهلها منها ! والشيطان ماخلاه يفكر او يظن فيها خير.

زهور مستغربه فين صاحبتها تتصل لها مقفل ومش في الجامعه ولا راحت المدرسة...





📚 @rewayatyamania  🇾🇪

.

البــارت 102 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


زهور مستغربه فين صاحبتها تتصل لها مقفل ومش في الجامعه ولا راحت المدرسه وصلت السكن مش موجوده خافت وقلقت بدأت تفكر معقوله ابوها وصل لها !! كيف اعرف..

رغم انها مشيت من جنب انس بس ماانتبهت له ولا هو ركز عليها

@rewayatyamania المصدر الأول للروايات

في القريه بيت الشيخ..
عمر وصل وبشويه هنجمه بيوري ابوه كيف تفاصل مع مقاوته جداد وكيف بيغير الوضع ويزيد الزراعه ويدي لهم حقوقهم: يعني يا اباه لاتقلش بين العب ايمن بيجي يجلس يحرضهم عليا

الشيخ: اخوك؟

عمر: ايوه قالوا لي خبرتي انه بيجي يقلهم اعترضوا على عمر جعجعكم ومش فاهم بشي

الشيخ: وليش عيقل هكذا والارض حقنا كلنا

عمر: لانه ماتعب فيها ولا شقي مثلي ومثلك فلتك وحدك وسار بالزلط اللي اديت له فتح له تجاره وبياكلها وحده.

الشيخ: الله لاوفقه ولاهو ابني ولا عد له دخل في الارض اسمع الاوراق كلها تدورها ودور سالم من الجن دور اخوته واوصل لهم وشلهن

عمر: تمام مافيهن الورق هولا

الشيخ: هولا الورق مهمات قوي لما تلقاهن انا شاقلك.

عمر: اهم شي اشتي توقع هنا انك وكلتني في شؤون القريه واهلها وكل شي لان مش انا ضامن اخي يفعل مشاكل

الشيخ: ادي الورقه

عمر اطرح يدك هنا (( الختم )): وابصم

الشيخ بصم..

@rewayatyamania المصدر الأول للروايات

بلقيس دخلت الحاره اللي من هذك الجهه وشافت تكس وقفته وطلعت معه: الجامعه سريع لو سمحت

صاحب التكس بيتلفت: مالش !

بلقيس: امشي سريع اقلك مش وقت

صاحب التكس: مالش او به حد بيلاحقش؟

بلقيس: ايوه واحد مااعرفه يشتي اطلع السياره معه صميل

صاحب التكس: وين هو وانا انزل اربي ابوه الصميل جنبي

بلقيس: مااعرفش هربت منه لاتنزل ولاعد تدوره اخطى ياحج لو سمحت فيسع.

صاحب التكس مشي.

علي ذكر انها بترجع الجامعه وسكن البنات طلع تكس ورجع

بلقيس فكرت ماتروح للسكن بما انه عرف انها في الجامعه فاكيد ابوها هانك منتظر

السواق: اين اسير؟

بلقيس قررت تروح المكتبه المركزيه: امشي يمين

ونزلت حاسبته ودخلت المكتبه..


زهور كان اخر مكان تدورها فيه في المكتبه نزلت من السكن وهي خايفه عليها بتمشي

انس شافها استغرب فين رايحه يشتي يسألها وين بلقيس وايش حصل معها !

كانت تمشي بسرررعه

انس مستغرب فين رايحه وكمل الدوام !! تذكر وهي في طريق المكتبه المره الاولى لما تخبت فيها

مشي وأسرع من زهور

بلقيس كانت خايفه وبتبكي ومقهوره من أنس اكثر من ابن عمها وابوها لو لقيها.. مخبايه في زاويه جالسه في طاوله وقدامها كتب ومنزله طرحه البرقع وبتبكي.

انس دخل المكتبه وبيتلفت

زهور دخلت بعده ومشيت لكل بقعه وفي الاخير شافت واحده جالسه لوحدها راحت لاعندها قربت شافت شنطتها فوق الماسه

بلقيس شافتها وبكيت

زهور خااايفه وحضنتها: مالش ؟؟؟ ايش في وقفتي قلبي مالش

بلقيس ماقدرت تتكلم اخيرا لقيت حضن تبكي فيه

زهور بتهدأها ودقات قلبها بتزيد: بلقيس مالش ايش حصل تكلمي خوفتيني مالش

انس كان واقف من بعيد بيشوف ومعصب مش قادر يفهم سبب بكاها فكر انه خافت عشان شافها

زهور بنرفزه: تكلمي  بس بكاء

بلقيس: راعي حاسه نفسي مكتوم مش قادره اتنفس

زهور رفعت لها البرقع شويه يدخل هواء وبتهوي بالورقه

انس متردد واقف يمشي او يرجع ويخرج؟  يتفاهم معها ويعاتبها والا يمشي لايحرجها اكثر قدام صاحبتها

زهور مسكتها: قومي نخرج خارج تننفسي شويه هنا ماينفعش نتكلم

بلقيس: خايفه يشوفني

زهور شافت انس واقف وفكرت ان في بينهم مشكله: ولو شافش محد يقدر يفعل لش شي امشي هيا قدام المكتبه نجلس

بلقيس قامت معها وبيمشين..

انس منتظر لما تمشي من جنبه تبرر موقفها وتشرح ايش اللي حصل

بلقيس شافته ومشيت وعيونها حمراء من البكاء..

انس شافها ماعبرته حنق فلتهن ومشي

قدام المكتبه واقفات شافته زهور مشي: ايش حصل بينكم

بلقيس رجعت تبكي

زهور ضبحت فلتتها: اسير ابهذله والله لابهذله

بلقيس مسكتها: اصبري افهمش ايش حصل.. بدأت تكلمها كل اللي حصل

زهور: يا الله.. الحمدلله انش هربتي منه ذلحين مابش حد قدام السكن ابوش مابحد جي نروح قبل

بلقيس: متأكده

زهور: ايوه والله محد جاء

بلقيس: هيا نمشي بسرعه

زهور: طيب اتصلي فهمي انس ماذنبه وهو غار عليش هذا دليل انه بيحبش

بلقيس: لااا يغير عليا بس مايفكر فيني هذا التفكير وهو داري كيف انا

زهور: خلاص مش وقت امشي بسرعه وبس

@rewayatyamania المصدر الأول للروايات

قدام السكن بعد ما اتصل لعمه وقال له كل اللي حصل.. منتظرين لبلقيس بعد ماسألوا مسؤول السكن والمشرفات وقالوا عادها ماروحت.
.
.

في المعرض

انس شاف الزباين ولا قام زي كل مره مطنش

مرام: معك زبون

انس: شوفيه

مرام قامت بدله و...




📚 @rewayatyamania  🇾🇪

.

البــارت 103 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


مرام: معك زبون

انس: شوفيه

مرام قامت بدله واستغربت ماله بس عارفه انه مريض... خرجوا الزباين وراحت شلت له من الكافتيريا عصير ليمون ورجعت: مبين عليك عادك تاعب اشرب هذا باتتحسن

انس كان حاسس حلقه ناشف ومصدع  شله منها: تسلمي وخرج فلوس ناولها

مرام استفزها رجمت له فلوس: مش انا مباشره عندك.

انس شل الفلوس وانحرج من موقفه معها شرب الليمون وتشكرها.

جلس شويه هدأ اتصل لبلقيس حابب يفهم منها

بلقيس بتمشي هي وصاحبتها فتحت تلفونها توري زهور رسالته شافت الاتصال كنسلت

انس رسل: ردي لو سمحتي

بلقيس مطنشه

زهور: اكلمه انا؟

بلقيس: لا

زهور: ليششششش فهميه

بلقيس: ايش افهمه ان انا مش صايعه واطلع مع اي واحد !! طز فيه عنه لافهم

زهور سكتت..

وصلين جنب السكن..

فتح باب السياره ونزل: بلقيس

زهور حست رجلها ثلجت لما شافت ابوها

بلقيس جت عينها بعينه ماعد في مجال للكذب والهربه: خير

ابوها: تجاوبيني هكذا !

بلقيس شافت الولد اللي طلع معها فوق السياره: وانت ترسل واحد يتتبعني هكذا ويخطفني؟ هكذا!

ابوها: ابن عمش هذا وانا خليته يدورش بعد ماكذبتي

بلقيس: ليش ياسعم اعرف عيال عمي والا حتى اعمامي نفسهم او حتى انت؟ ولا اعرف أحد

ابوها: امشي معي ونتفاهم في البيت

بلقيس: مااشتيش

ابوها: امشي الآن بدون مشاكل والا حرام لاحرمش الجامعه واحبسش في البيت غصب وازوجش ابن عمش

زهور شاورتها: سيري امد اقنعيه احسن مايعاند

بلقيس خافت من ابوها وتهديداته مشيت معه وطلعت السياره.

زهور رجعت السكن دخلت غرفتها وجلست تبكي على صاحبتها وكل اللي حصل لها في يوم واحد... مش عارفه ايش تفعل

@rewayatyamania المصدر الأول للروايات

فوق السياره..
علي: اعتذر منش انه مافهمتش بس ماكان ينفع اوقفش واحاكيش في الشارع

بلقيس: تقوم تطلع السياره معي قدام الناس كلهم ويقولوا يعلم الله مع من طلعت.

ابوها: لاتكبريش الموضوع هذا ابن عمش وانا الي قلت له لو لقيش يديش للبيت

بلقيس: بهذه الطريقه وانا قلت مااشتيش ارجع

ابوها: مش على ماتشتي ماقد تحاسبنا.. عاد احنا في البيت نتفاهم

بلقيس: على ايش نتفاهم واي بيت انا معي دراسه

ابوها بنرفزه: قلت في البيت نتكلم.

بلقيس سكتت


وصلوا البيت...
علي: انا شرجع المحل

سالم: تمام ، تسلم شلحقك الليل

علي: عادي لو انت مشغول اليوم بكره

سالم: تمام

بلقيس واقفه جنب ابوها وحاسه بضيق في صدرها

ابوها فتح الباب: ادخلي

جدتها شافتها: اعوذ بالله من الشيطان الرجيم صرف كل شيطان

خالتها: يو وهذه من اين جت ! مش قلت انها ماتت

بلقيس شافت لابوها وضحكت باستهزاء

سالم: اصه مش وقت نتفاهم بعدا.. شاف بلقيس واقفه: ادخلي مالش

جدتها شافتها مطنشه: ولا سلام ولا كلام ! هكذا تربيتي

بلقيس ولا جاوبت حد  دخلت بعده الديوان..

خالتها دخلت: كنتي مسافره؟

بلقيس مطنشه

سالم شافها مطنشه فكرها زاعله على ردة فعلهن لما دخلت

زوجته واقفه

سالم: سيري افعلي شاهي

مرته خرجت

بلقيس قامت وقفلت الديوان بالمفتاح

سالم: مالش؟

بلقيس: اشتي نتكلم ومحد يتدخل

سالم: تمام

بلقيس: ليش فعلت بي هكذا !

سالم: انا تكذبي عليا يقلوا مسافره؟ خليتيني البج عليش كل بقعه

بلقيس: لو كنت تشتيني مافلتني بيدك من الاول وناذقت بي من بقعه لبقعه حتى ريال واحد مارسلت لي.. ليش ذلحين تشتي ارجع

سالم: قلتي عتدرسي طب رضيت وبدعوا بي اهل القريه كلهم وادرا انش كذبتي عليا

بلقيس: وليش ذاحين تشتي ترجعني

سالم: لان قد انا في المدينه ومابش عذر معش سيري اقري من هنا

بلقيس: كيف لك رديتني وهن بيقلين مااداها

سالم: ماعليش من حد ذاحين ماينفع جلستش في السكن حق الجامعه عمش قال انه مش هو سوا

بلقيس: وهو مادراه؟ جاء وابسر بعينه

سالم: على مابيسمع

بلقيس: على مابيسمع لكن محد ابسر بعينه فيه بنات ناس ومحترمات اكثر من وهن في بيت اهلهن وفيه بنات الله يهديهن بس ليش فعلت معي هذا الأسلوب تخلي الكل يتحاكا عليا

ابوها: محد عيتحاكا عيدروا انه خطيبش وابن عمش

بلقيس: واي حين قد خطبت لي؟

ابوها: عمش حاكاني

بلقيس: وانا وافقت؟

ابوها: مابش عندنا بنات يوافقين او مع اللي ابسره صح تخطي بعده

بلقيس: لا ربيتني ولا تعبت فيني وجاي ذلحين تقلي اللي تبسره صح !

الباب بيدق مرته بترزع الباب

ليش كان صح تفلتني امد مرتك اتهمتني قتلت ابنها وجدتي تقلك هذه البنت نحس
ومرتك تقلك ياانا ياهي في البيت ورجمتني امد مرتك اللي واحمه بالولد!

ابوها ززززعل وعصب من اسلوبها: عيب تتحاكي معي هكذا احذرش والا شكسر راسش

بلقيس بكككيت: اكسررره احسن ريحني افتهن

ابوها شافها متأثره سكت شويه

الباب بيدق بقووه

سالم: مانشتيش شاهي سيري ابسري الجهال

مرته سارت لاعند عمتها: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 104 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


الباب بيدق بقووه

سالم: مانشتيش شاهي سيري ابسري الجهال

مرته سارت لاعند عمتها: يعلم الله مابتعلمه وتشكي له ياعمه مقفله الباب

الجده: رجعت من اولها بجنان ومشاكل الله يخارجنا

@rewayatyamania المصدر الأول للروايات

في المعرض..
انس بيتصل..

بلقيس سمعت تلفونها خااافت فتحت شنطتها وطفته

ابوها: من بيتصل؟

بلقيس: صاحبتي بتقلق اين انا

ابوها: كيف بتقلق وهي كانت معش؟

بلقيس ارتبشت: واحده ثانيه

ابوها: المهم الآن ترجعي وعيشي هنا وسيري الجامعه وافعلي مااشتيتي بس سكن ماشي.

بلقيس: مااشتيش ماعيخلين لي حالي وانت داري

ابوها: ماتدخليش بحد ومعش غرفه لاراسش

بلقيس بتبكي: مااشتيشششش

ابوها: تحملي امد عتنخطبي وتتزوجي وتفتهني من التعب هذا كله

بلقيس: بس مااشتيش ولا انا موافقه

ابوها: خلص الكلام انا سايري العمل تحتاجي شي؟

بلقيس: مطنشه وبتبكي

ابوها: لو تشتي تجلسي في الديوان لحالش براحتش وبكره نسير ادي كتبش وثيابش

بلقيس بتبكي ومستسلمه

سالم فتح الباب وخرج...

بلقيس قفلت على نفسها بعده وجلست تبكي

لفت نظرها صور اخوتها اللي ماتعرفهم معلقه في الجدر.. فتحت الستاره وبتشوف من الطاقه ابوها خرج وقفل الباب.

جلست بعدت البرقع وفتحت شنطتها خرجت التلفون ولعته واتصلت لزهور..

زهور: طمنيني قلقه عليش

بلقيسجلست تشكي لها..
.
.
في المعرض..
جالس معصب وضايق وحاسس بغمووووض ايش بيحصل كل شويه وتلفونها طافي..
وصل له اشعار تم تسليم الرساله.. اتصل لها مشغوووول
بعد ماقفلت مع زهور...

بلقيس شافت رقمه ردت: الو

انس: ليش تلفونش مشغول ومقفل ايش في ممكن تفهميني الموضوع انا على اعصابي وشاجنن

بلقيس بصوت واطي بتتكلم: عتجنن ليش قد جننت خلاص كفيت ووفيت واشتي اقلك لاعد تتصل بي رجاء

انس: مابين اسمعش ليش بتتكلمي هكذا ! اقلش انا قلق عليش وللآن مانسيت الموقف ممكن تفهميني

بلقيس: طيب بفهمك بس بعد ماتفهم لاعد تتصل ولابيننا شي خلاص
انا الآن بيتنا عند ابي ، اللي شفته ابن عمي اللي رسله يراقبني وطلع معي التكس وكان عيشلني لاعند ابي افتهنت ! اتطمن مش انا صايعه اطلع واصاحب اي حد مش معناه انه اديت لك وش وكلمتك اكلم غيرك.. للاسف ماتوقعتك هكذا ، رجاء لاتتصل عشان لا اضطر اغير رقمي.

انس منذهل حس بالندم في كل لحظه فكر فيها وكلمها هكذا تمنى لو ماتسرع او تصرف او فعل شي لما شافها: بلقيس

بلقيس: رجاء اقلك غلق الموضوع وخلاص كل واحد في طريق

انس: رجاء قدري موقفي بين اشوفش بتمشي وواحد بعدش اول شي مافكرت بشي خالص فجأة اشوف طلع نفس سيارتش وانتي ولافعلتي شي اتصل ولا تردي ايش تفسري هذا كيف ماتشتي اغير عليش وافهمش غلط.. رجاء حسي بي

بلقيس: ماعد ينفع الكلام خلاص ذلحين.. مع السلامه.. قفلت..

انس عصب ومسك التلفون بقووووه جلس يرزعه في الجدر.

المحاسب شافه وخرج للباب لاعنده: مالك خير في شي؟

انس رجع التلفون جيبه وحاسس بقهر وخوف عليها: ولاشي يا اخي غباء والله غباء.

المحاسب: مالك؟

انس: خلاص ولاشي ينفع اروح؟

المحاسب :طيب روح الله معك

انس دخل شل الجاكت حقه

مرام: انس

انس طنشها وخرج

المحاسب على خرجته: الله يفرج همك

انس مشي وحاسس بقهر عمره ماحس به من قبل دخل البقاله اشترى سجاره وخرج جلس يمشي ويكلم نفسه ايش التهور اللي فعله ليش ماتفهمها ليش ما انتظر تبرر له ليش ما سأل.. كيف يفكر في واحده عرفت معنى الاعجاب والحب معه كان هو البدايه في حياتها كيف واحده مثلها تخون!
انا غبي واستاهل والله.. جلس ينفخ السجاره وخايف ان ابوها يحرمها دراستها.. نفسه يتصل يعتذر لها الف مره بس خايف عليها يفعل لها مشاكل.. (( وفي الغياب نعزف اوتار الندم ))
.
.

في الديوان جالسه تسمع صياح جدتها من ورا الباب: افتحي ماعناكلش مالش هكذا !

خالتها: ماقدلها يوم وقد بتفعل هكذا

بلقيس مطنشه تعليقاتهن وسارحه في كلام أنس ومشاعرها له (( أتمنى لو أخبرتك اني بدونك
كنت وعدت أعيش بخوف ،
ولكن..!! غدرت بنا الظروف.
بك بدأت قصة حب لم تكملها الحروف💔))

@rewayatyamania المصدر الأول للروايات

في المحل مخزنين وبيتكلموا..
سالم: وبس كلمتك كل اللي حصل عشان تعذر موقفها لو حصل بينكم نصيب

علي تعاطف مع بلقيس: الله المستعان ياعم حين صدقت جدتي ومرتك والله انه ظلم لكن الآن عين الصح مافعلته اهم شي انك رجعتها

سالم: خيرة الله اللي حصل حصل والآن هي عاقله وعتعرف تتصرف معهن وتخارج نفسها اهم شي فعلت اللي عليا.

علي: الله يتمها على خير واوعدك انك تتطمن عليها.

سالم: الله يكتب مافيه الخير خليها شويه لوما تتأقلم على الوضع وبعدا نحدد موعد.

علي: ان شاءالله

سالم: ...




📚 @rewayatyamania  🇾🇪

.

البــارت 105 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


سالم: استأذنك اخطى وبكره رد لي نابي لو عتسافر انت او اخوك امد ندرا كيف نقسم العمل

علي: اخي مايقدر يسير انا بين اسافر واتعامل معهم لذلك انسق معهم واسير ادي بضاعه للمحل الجديد

سالم: ان شاءالله بيننا تواصل واللي حصل اليوم مايخرج في البيت عندكم

علي: ولايهمك

سالم: مع السلامه... وخرج

زهور جالسه تفكر خايفه على بلقيس تخسر انس وهو المخرج الوحيد لها من اهلها.. وخايفه من انس يكون فهمها غلط اتصلت لبلقيس..

بلقيس كانت منعسه والغرفه ظلام: الو

زهور: انتي نوم وانا بين اكل نفسي عليش! تغديتي

يلقيس: لا مقفله على نفسي الديوان

زهور: كلمتي انس

بلقيس: ايوه خلاص

زهور: خلاص ايش

بلقيس: قلت له لاعد يتصل ولا شي.

زهور: طيب اشتي رقم انس

بلقيس: ليش

زهور: اكلمه

بلقيس: مابش داعي قد كلمته

زهور: ماعليش ادي الرقم احتاج اكلمه بشي ثاني.

بلقيس: مسجل عندش في الملزمه ثاني ورقه في الاخير في رقمش ورقم في الوسط حق المديره والثالث حق ابي والاخير حقه

زهور: تمام

بلقيس: بس ليش تشتي تكلميه

زهور: عترجعي تعرفي بعدا.

بلقيس ماكان فيها طافه تسأل وتراشي وتمنع ولافرقت معها اي حاجه: طيب.. يله مع السلامه.

ابوها وصل: مساء الخير

امه: اي خير وقد بدأت بنتك العناد وقلة الحياء

سالم: رجاء محد له دخل منها فتره لوما تتعود

مرته: تتعود على ايش ياسعم جت من الفضاء تحمد الله لقيت بيت يلفها

سالم: قسما بالله لوما تغلقي فمش وتسيري من دوار المشاكل لاترجعي القريه.

مرته: الله يلعنها حين تجي وتوقع انت هكذا.

سالم عصب منها قام وفتح الديوان بقوة

بلقيس كانت بتسمعه فتحت الباب

سالم: ليش مغلقه على نفسش؟ اخرجي تغديتي !

بلقيس: شابعه.. بس اشتي اصلي

سالم: سيري مالش مخبايه هنا.. ياجهال جوا ابسروا اختكم.

بلقيس شافتهم مخبايين ورا الباب وامهم بتدعيهم ذكرت اخوها الصغير اللي مات خافت تتكلم معهم او تحضنهم... خرجت وبتسأل فين الحمام

جدتها: دوريه ماكبرش البيت

بلقيس شافت اخوها اشر لها وفتح باب الحمام دخلت وقفلت غسلت وشها وتبكي وتغسل شافت نفسها في المرايه حست انها رجعت لها ملامح الطفوله الحزينه اللي عاشتها معهم.. كل الجمال اللي كان يتغزل به انس وابتسامتها في المرايه وكنوز بتنكت وتمزح كلها راحت.. احلى ايام في حياتها اللي كأنها لحظه كملت.. ((فقط اخبرني بماذا تشعر بعد أن كنت جميعهم ووثقت بك واتخذتك سندا لي فخذلتني ))

سالم شاف مرته: جهزي العشاء

مرته: اليوم بس ومن بعدا كل واحد يخدم نفسه يله بك وجهالك وعمتي.

سالم طنشها حب يتعودين على بعض وبعدا يفرض قوانينه.

@rewayatyamania المصدر الأول للروايات

في غرفته جالس يتفرج الاوراق اللي قدامه وخطها ويتذكر كل لحظه كان معها وانه هذا الوقت اللي بيكلمها فيه حس بحنين وشوق وندم...

رن تلفونه قاطع تفكيره وفز بسرعه يرد شاف رقم غريب جاوب: الو

زهور: مساء الخير

انس: من انتي؟

زهور: انا صاحبة بلقيس

انس: خير فيها شي؟؟

زهور: منك صدق ذكرت تسأل هذا السؤال ذلحين بعد ايش؟؟

انس: قالت لش اللي حصل!

زهور: اكيد طبعا ما اقتهرت على الموقف اللي حصلها مع اهلها بقدر ما انجرحت واقتهرت منك

انس: خلاص بس يا اختي انا قد فهمتها موقفي ماافعل اي حد مكاني كان عيجنن ويغير ويطلع له ابليس هذك الساعه.

زهور: غلطان مش كل الناس بتفكر مثلك.. لو كنت مكانك ماافكر ابدا هكذا كنت شاقول حد خطفها حد هددها حد بيلاحقها مش اجلس اتفرج سكته
ولما تتصل لك بتبكي تزيد انت تنزل عليها كنت تتفهمها وتعاتبها قبل ماتنطق حرف واحد

أنس: خلاص قلت لش ماكان بحسي هذك الساع وفهمتها

زهور: بعد ايش انت عارف اليوم سمعت ابوها بيقلها هذا ابن عمش وعيكون خطيبش

انس مسك راسه ورجع جمززز على يده: قال هكذا؟ والله لاقتله والله لو حد يشلها مني لو حتى ابوها

زهور: يا اخي فكر بعقل وتصرف قبل ماتضيع منك سير اخطبها تقدم لها

أنس جلس يسمع كلامها: بس عتوافق بي بعد اللي حصل قفلت في وشي

زهور: اكيد ردة فعلها طبيعي اي واحده مكانها ولو انا والله ماارجع لواحد شكك بي بس بلقيس طيبه وعلى نياتها.

أنس حس بقهر اكثر: طيب لو اتصلت لش او شكت لش من شي قلي لي طمنيني عليها مااشتيش اتصل وافعل لها مشاكل

زهور: تمام .. اهم شي شك بأي حد الا بلقيس.

انس بيسمع سكته بندم

زهور: مع السلامه.. قفلت

@rewayatyamania المصدر الأول للروايات

ثاني يوم الصبح في الجامعه..

بلقيس قامت بنفس اللبس غسلت وجهها وتبرقعت رايحه الجامعه

سالم بيشرب الشاهي: طيب راعي اوصلش..

بلقيس واقفه منتظره له..

بعد ماوصلت باب الجامعه ترددت تدخل...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 106 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بعد ماوصلت باب الجامعه ترددت تدخل حست بكل اللحظات اللي جمعتها به وفرقهم موقف كسر نفسها منه رجعت من البوابه ومشيت لطريق السكن

انس كان مراقبها من بعيد كان منتظر الصبح بدون نوم ، كان عنده أمل ترجع تداوم يفهمها يكلمها بس ماعد عنده جرأه يلاحقها نفسه يوفي بالوعد اللي وعدها بس خايف تفهم غلط ويجرحها انه بيراقبها

(( كان الأمر عاديا
وليس كما ظنيت
ولكنه أصبح عاديا
بعد
معارك هجمت على عقلي
 حينها .. عانيت الف كسرا في قلبي والف دمعة  ترغب بالسقوط عن عيني أن لا ترحلي من قلبي .. هكذا بين ليلة وضحاها
استنزفت كل مشاعري
دفعة واحدة  وكان الأمر جدا عاديا .. الا ألف تبا لي ..!! ))

بلقيس طلعت السكن دخلت غرفتها جلست تبكي.. وصل لها اتصال.. بلقيس شافت رقمه طنشت  دخلت غسلت وجهها وفعلت لها سندوتش واكلت ورقدت..

زهور وصلت وشافت انس جالس ع الرصيف المقابل للسكن: ليش جالس هنا ماكفاكش اللي حصل !

انس: لو سمحتي فهميها انتي وعقليها الآن هي فوق

زهور: ليش جالس بتراقبها !!!

انس: مش اراقبها كنت قلق عليها وخايف والله كان نفسي اكلمها بس ليش ماداومت !

زهور: مدري المهم انت لاتلحقها هنا ولا مكان وهي عتهدا من نفسها وتكلمك.. مع السلامه.. طلعت

انس قام ومشي وخرج من الجامعه.

زهور فتحت باب الغرفه دلا شافتها نوم خلتها براحتها واتصلت للمدرسه تعتذر من غيابها هي وبلقيس..

بلقيس سمعتها وقامت.. جلسين يتجابرين وزهور تبرر لأنس وتقنعها تعذره وانه بيحبها وبيغير عليها وو...الخ

بلقيس غيرت موقفها شويه بعد ما زهور جلست تفهمها موقفه واللي قاله لها.

بلقيس: بس ايش الفايده خلاص ابي عيزوجني بابن عمي

زهور: وانتي غبيه مابش معش رأي هذا وانتي بتدرسي قانون محد يقدر يجبرش على شي ماتشتيه

بلقيس: يا زهور انتوا عندكم في المدينه غير عندنا البنت ماتختار ولاترفض ولاتقل كلمه

زهور: وعندكم مابش بنات بيكملين دراستهن الا قليل وانتي كنتي المميزه وواصلتي وتعبتي والآن تقدري تفرضي رأيش عليهم

بلقيس ساكته

زهور: يعني هذك كان ابن عمش اللي يشتيش؟

بلقيس: ايوه

زهور: طيب كلميه انتي

بلقيس بتشوفها ساكته

زهور: مني صدق قلي له انا مش موافقه وابي هو اللي مصمم ليش ماتدور حد غيري

بلقيس: اخزا اكلمه وكيف وفين ماينفعش

زهور: تقدري بس شكلش راضيه خلاص انتي حره

بلقيس: كم الساعه؟

زهور: 12 الظهر ليش عتروحي؟

بلقيس: اكيد قلت لابي شاتصل له

زهور: مش انتي مستعجله اجلسي نتغدا سوا وذاكري اللي فاتش وروحي

بلقيس: شاكون اجي هنا حتى لو مابش معي محاضرات

زهور فرحت: يله انتي اليوم ضيفتي ايش افعل لش غداء

بلقيس ضحكت: ولا شي قلي لي اسامح انس او لا

زهور: من رأيي سامحيه ماله ذنب ولو انتي بموقفه اكيد عتستغربي وتشكي فيه وتزعلي

بلقيس هزت راسها: ايوه

@rewayatyamania المصدر الأول للروايات

في المحل..
علي شاف عمه

سالم: تأخرت وصلت بلقيس الجامعه وجيت

علي: عتخليها ياعم تتم الجامعه

سالم: ايوه

علي: وبعد الزواج كيف

سالم: اكيد شرطها تتم

علي: بس ابي خصمه في الجامعه ماخلا حتى خواتي يدرسين

سالم: بنتي غير ماشاء الله ذكيه

علي: بس ماكملت طب

سالم: واختارت قانون وهذا اللي عينفعها ما خرجنا من القريه لهنا الا لانه مابش قانون ولاحقوق لنا

علي: والله مالي علم بشي سد انت وابي

سالم: وانت ايش موقفك

علي: انا للأمانه مااشتيش مرتي تدرس وتشتغل ولا شي

سالم: خلينا في العمل الآن وكل شي من وقته

علي: انا جاهز اي وقت تردوا خبر نجي نخطب

سالم: اليوم شاكلمها وبعدا سهل
.
.

في القريه..
جالسين المزارعين بيتفرجوا عمر بيحاسب المقاول والعمال

واحد منهم: 3 ادوار طلعين في شهر سبحان الله

والثاني: واحنا مراعيين لهم شهر ونص وحقنا ماوصل

الثالث: عندي فكرة ما رأيكم نخارج نفسنا احنا كنا معهم صادقين وهم زادوا علينا

الثاني: مانفعل

الثالث: نبيع من حال اللي بنقطفهن ونخارج نفسنا

الاول: وناكل حرام

الثاني: ايش من حرام هذه ارضنا حقنا وين كان مخ اخوك وابي لوما وافق للشيخ ليش بيتحكم هو

الاول: والله مانا داري مااقلك ياخي البن كان يخارجهم زمان

الثاني: زمان ذلحين مايخارج الا القات صدقني

الثالث: المهم انا شاخارج نفسي وانتوا اجلسوا راعوا لحقكم يوصل بعد الطرحه الرابعه حق الجاهل هذا واشر لعمر
.
.

في بيت الشيخ..
عمر بيكلم نفسه ابي قد صحته تاعبه وايمن معه تجارته وانا لازم اوثق لي كم قطعه ارض بإسمي  بس اين القى الورق الاصل.. جلس يفكر طلع غرفه ابوه ودخل يدور فيها..
.
.

في السكن..
انس رسل لها رساله ممكن لو انتي فاضيه تجاوبيني

بلقيس ورت زهور الرساله

زهور ضغطت اتصال ورجمت لها التلفون وضحكت

بلقيس انصدمت و...





📚 @rewayatyamania  🇾🇪

.

البــارت 107 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


زهور ضغطت اتصال ورجمت لها التلفون وضحكت

بلقيس انصدمت وشافتها وبتسأل ليششش

زهور: هيا لاتكبري الموضوع خلاص اللي بينكم اكبر من سوء فهم ولحظة غضب جاوبي هيا

انس: الووو

بلقيس: الو.. هي زهور اتصلت بك

انس: بلقيس لاتقفلي دقيقه ادي لي فرصه اتكلم لاتكرري غلطتي اولا انا اسف واعتذر منش والاعتذار قليل في حقش انا غلطت سامحيني

بلقيس ساكته بتسمع بدون ماترد

انس: انا عارف ان اللي فعلته كان بقمة الحقاره فيش والله اسف مدري كيف كنت غبي هذك اللحظه مااعرف ليش فكرت بغباء

بلقيس: خلاص غلق الموضوع الان

انس: صدق يشتي عمي سالم يخطبش لابن عمش؟

بلقيس: ايوه

انس: طيب انا شاسير لاعنده قلي لي فين هو واكلمه

بلقيس: لاتفعل مشكله اكبر عيشك ان احنا مع بعض ونعرف بعض

انس فرح من ردها هذا معناه سامحته!! بتحبه!! نسي الموضوع وقال: بلقيس ماعد انتي زاعله مني؟

بلقيس: الا

انس: طيب بس تحبيني صح!

بلقيس: لا

@rewayatyamania المصدر الأول للروايات

انس: صدقيني لو ماكنت احبش والعب عليش ماتفرق معي تكوني مع حد بس انا حسيتش خلاص حبيبتي خطيبتي جننت هذك اللحظه يامنعاه لايخلي الموقف هذا يعميش من حبي لش وخوفي عليش

بلقيس ذكرت اهتمامه بها وحبه الصادق لها: آخر مره لك يا انس تفكر والا تشك والا تتهور بأي شي  صدقني المره الجايه ماعد اسامحك ولا ابقى معك لحظه واحده انت صغرتني جدا في نظر نفسي حسستني ان انا واحده غيرر

انس: اخر مره وعد.. حتى لو شفتش مع حد ماعد اشك او افهم غلط بدي لش الف مبرر لان انتي غيررر

بلقيس: طيب انا برجع البيت لاتكون ترسل او تتصل

انس: وابن عمش الان كيف نفعل به يووو لو تعرفي كم نفسي اقتله واضربه زي مافعل هذك الموقف بش

بلقيس: مادخله هو ابي السبب

انس: ناهي لاتبرري له وهو مجنون يجي هكذا فجأة يفعل

بلقيس: وانت كنت اخس منهم كلهم

انس: يا جناااه كل مااحاول انسيش تذكري قوا انسي اللي حصل يامنعاه

بلقيس ضحكت: خلاص طيب

انس: ماانحرم من الضحكه والصوت والقلب الطيب هذا قلي آمين

بلقيس: ماعه

انس: طيب كيف اكلم عمي سالم قبل مايوافق

بلقيس: انت ولاتفعل شي انا بتصرف بطريقتي

زهور سمعتها وبتجاوب: كذابه بطريقتي انا

بلقيس ضحكت: المهم خلاص ننسى اللي حصل

انس: طيب اكلتي؟

بلقيس: ايوه

انس: مرتاحه في بيت ابوش؟

بلقيس: لااا

انس: سهل فتره تحمليها اهم شي خلاص تجي الجامعه واول ماتقلي جي يا انس عتشوفيني قدام الباب

بلقيس ضحكت: ان شاءالله

انس تنهد: واخيرااااا هم وانزاح من قلبي الله يفرج همش مثل ما رجعتي ورجعتي الروح لقلبي

بلقيس: يارررب

انس: يله استأذنش اسير الحق الصلاه واي وقت تحتاجي شي او فاضيه وضابحه رسلي لي انا ماششغلش ((نسامح لإننا نحب بصدق ولكن لمرة واحده))

بلقيس: تمام.. مع السلامه

انس قفل

زهور نبعت صاحت وحضنتها: ايوه هكذااا

بلقيس ضحكت: يامجنووونه هيا نتغدا واجهز كتبي اروح اذاكر مااشتيش اشوف صورهن هانك

زهور: هياااا  اسير ادي الغداء وانتي تجهزي بس

@rewayatyamania المصدر الأول للروايات

سالم غلق تلفونه وشاف ابن اخوه: خاطرك اسير اروح البنت من الجامعه

علي طرح اللي في يده الشواحن: خلاص اقفل نسير نتغدا ونرجع عصر شاوصلك ع طريقي ياعم

سالم فرح شافها فرصه تشوفه بلقيس اكثر وتوافق بدون مشاكل


في السكن..
بلقيس حضنت زهور: عتوحشيني لبكره يله اسير الجامعه اصور محاضرات اليوم وابي عيجي لي

زهور: بكره تداومي وبطلي جو النكد اللي انتي فيه اهم شي سديتي مع انس وموافقين تدرسي

بلقيس: اكيد بس انتي مش داريه لسانهن

زهور بعدت سماعتها من فوقها والمسجله الصغيره وناولتها: اجلسي واصل بهن ولاتسمعي حد

بلقيس ضحكت: مع خليهن خلاص شادعمم

زهور: والله لاتشليهن يله سيري لاتتأخري

بلقيس: مع السلامة

على خرجتها من السكن حست شعور غير لما دخلت وشعور امس والموقف اللي انحطت فيه.. ليش مش حاسه بخوف وحزن انها راجعه للبيت اللي خافت ترجع له ! معقول عشان الشخص اللي بتحبه وبيحبها ومهتم فيها منسيها كل شي

يعني مشاعري امس ماكانت انه زعل ارجع مع ابي.. كانت الصدمه اللي من انس!

دايما تسألني لو احبك او لا ياريت وعندي الجرأه اقلك اني مش بس احبك مشاعر مااقدر اوصفها لاني عايشاها معك.. لما امشي كل خطوه واحس انك معي فيها ، لما التفت لأي زاويه القى نظراتك بتشاكسني بها

انت مش بس حب انت شخص عايش معي وداخلي وتفكيري واحساسي وكياني ياريت وانا اقدر اشرح لك حبي لأن كلمه ماتكفي

نسيت بشاعه الغيمه السوداء اللي حصلت بيننا.. وبررتها لك سوء فهم يا أنس لاني احبك لان مواقفك معي وبطولاتك كانت اكبر من ثواني وسوء فهم وغرور وكرامه وشك وكل شي لازم نتنازل لبعض شويه ونتفهم بعض انس الشخص اللي ماعد بخسره بحاول اثبت قوة شخصيتي اللي تمنيتها به


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 108 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


و((طول الطريق بتمشي وكل فكرها حبها ومشاعرها واحساسها له.. كانت بتواسي نفسها في الطريق بذكرياتهم اللي مشيوا مع بعض المسافات هذك كلها)) انا لازم اكون اشجع من ابي اللي تخلى عني في لحظه خوف نفسي اعيش عكسه غير مبادئه وأفكاره مااشتيش اكرر صفات كرهتني فيه

يكفي خسرت من حياتي كثير ولا عشت فيها يوم حالي الا بعد ماعرفت زهور وانس.. انا من الان غير

لو سمحت هات المحاضرات لو صورت دفاتر طلاب حق اليوم لسنه اولى شريعه وقانون..

شلت الاوراق اللي تحتاجها وهي بتفكر  كيف تتصرف عشان ماتندم بعدين!

خرجت والسياره واقفه قدامها للحظه افكارها كلها سكتت وطلعت بهدوء داخلها فضول ليش جاء معه!

ابي رجع هذه المره بقصه جديده لا هو اسف بي ولا حسه عندي يشتي يزوجني لابن اخوه اللي موظفه عنده.. ( ضحكت ضحكة استهزاء ) يعني ابي جاء يبيع غنمه من غنماته اللي بيخليهن يتربين في الارض من نفسهن واخر الليل يدخلهن الحوش ويحبسهن ولا جاء مشتري باعهن وذبحوهن ووقع له منها زلط!

هذه المره انا الكبش الفداء حق أبي.. طيب

سالم قاطعها: مالش ساكته! عاد الناس يردوا السلام

علي بيسرق نظرات من المرايه بسرعه ويسسوق

بلقيس: انت علمتني مااتكلمش لما يكون به حد غريب

سالم ضحك وشاف علي: ماشاءالله ابسرت مارسلت الا وانا راكن

بلقيس داخل نفسها: راكن ايش ! مش داري ان الغريب ابن قريتنا وقع اقرب لي منه وحبيته ازيد منه وحافظ كل اللي يعجبني واكرهه وتفاصيل وقتي احسن منه وقلك راكن!

مش حاسه بأي ذنب على ركنك يا اباه

سالم: وبتجي الاولى ساع المدرسة

بلقيس باستهزاء داخل نفسها حتى مش داري ايش الفرق بينهن: عاد احنا ماتمينا السنه ادرى اوائل او مع

سالم: اسكه يا ابني وقف هنا انزل بسرعه اشتري قات وارجع

علي لقيها فرصه يجابرها براحته: تمام

سالم: ماتشتي قات!

علي: مع مااشتيش اخزن بين اقطع التخازين قبل السفر

سالم نزل: تمام

غلق الباب ومشي

بلقيس جالسه بتتفرج من الطاقه الناس اللي في الرصيف اللي بيطلبوا الله فتحت شنطتها خرجت فلوس ونزلت

علي افتجع فتح الباب بعدها ونزل

بلقيس ناولت المسكين ورجعت شافته قدامها فكرت خايف تهرب..مشيت من جنبه وطلعت السياره

علي: نزلت بعدش قلت لايفجعش المجنون

بلقيس: والا عشان لا اهرب! ان هو ع المجنون تطمن فيني جن عنسد انا وياهم

علي عقد حواجبه وساكت

بلقيس: ماقالوا لك؟

علي: ايش؟

بلقيس: ان فيني جن وفي الاخير جدتك افتجعت مني وخلوني اسير بيت خالي

علي مصدوم: لا محد قال لي

بلقيس: خلاص وانت لاتكلم حد افضل وبين اقلك امد بتجي لي حالات اوقاات ويجوا لي

علي حس شعر يده وقفين شل باكت السجاره ونزل يدخن وبيفكررر

بلقيس ماسكه ضحكها حست انها تأثرت من مقالب زهور وخرطاتها رسلت لها ((خطه جديده يارب تنجح))

سالم شافه بيشرب سجاره: هيا

علي رجم السجاره وطلع معه وسااكت سارح بيفكر في كلامها منطقي نوعا ما والدليل انه عمه فلتها فتره

@rewayatyamania المصدر الأول للروايات

في بيتهم بعد ماوصل..
علي: انا ماعد اشتي اخطب بنت عمي

ابوه: ليش؟

علي: هكذا مااشتيش جامعيه وهي مصممه تتم الجامعه وماارتحت لها مااشتيش وبس مش هو صميل

امه: قد بنقل لابوك مابيفهم

ابو علي: خلاص ابسري له انتي ع مايشتي وبس

علي تطمن وجلس بيتخيل نفسه لو كانت معه ايش بيحصل له
.
.

في بيت ابوها..
امه: مالبنتك؟ عتتغدي؟

بلقيس: قد تغديت معي مذاكره وين غرفتي ياباه

خالتها: عادها تشتي غرفه

سالم شافها: ادخلي هنا المكان حق اخوتش

بلقيس: بس معي مذاكره ومتعوده ارقد لحالي

سالم: امد قصدي ماافرش لش غرفه عاد البيت فاضي

بلقيس: تمام شدخل اذاكر

سالم: اجلس معش شويه وبعدا افعلي مااشتيتي

خالتها بتشاور عمتها: تذاكر قذا رسبوها من الطب قلك تذاكر


في غرفه اخوتها
سالم دخل وقفل: ماشاءالله عليش جمال وذكاء وقد انتي ثانيه

بلقيس فرحت بكلام ابوها مبتسمه وساكته بتلعب باظافرها

سالم: يابنتي لو تبسري مااحلى حظش امانه انش تستاهلي كل خير

بلقيس شافته

سالم: لو تبسري ابن عمش والراحه اللي هو فيها وسفريات ومعه بيت ومحلات وكل شي

بلقيس: الله يهنيه

سالم ابتسم: اكيد الله يزيده من رزقه بس قصدي واحد يشتيش وبهذه الراحه اللي هو فيها ومن الاهل ياسلام

بلقيس: تعرف اخلاقه! كمل جامعته!

سالم: اكيد ابن عمش كيف مااعرفش وجامعته عادو عيتمها مهندس الولد

بلقيس: كيف تعرفه وعادك الا عرفتني ذلحين ان انا كبرت وتغيرت!

سالم انحرج وتوتر: احنا الرجال نفهم ع بعض الولد مصلي مايفلت فرض ومش هو حق بنات وحركات كم يدخلين لاعنده لغج وهو للأمانه محترم

بلقيس: اول تقل لي مرتاح والان محترم اين اهم برأيك

سالم: كلهن اهم شي ولد حق طلبة الله ومحترم

بلقيس بتتخيل في ذاكرتها بهذه المواصفات انس: خلاص انت اخبر..





📚 @rewayatyamania  🇾🇪

.

البــارت 109 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بلقيس: اول تقل لي مرتاح والان محترم اين اهم برأيك

سالم: كلهن اهم شي ولد حق طلبة الله ومحترم

بلقيس بتتخيل في ذاكرتها بهذه المواصفات انس: خلاص انت اخبر بس انا مش موافقه ومااشتيش الان انخطب او اتزوج قل لهم يراعوا

سالم: خلاص بس ادي موافقه مبدئية؟

بلقيس: لا

سالم فكر بينه وبين نفسه دلع بنات وقرر يسد هو وعلي وهي عتقتنع معها معها.

يله قومي ذاكري والا افتهني والا ماشتيتي وانا اسير اتغدا واصلي واخزن شويه وارجع العمل

بلقيس هزت راسها تمام.. وبتتفرج الغرفه كيف مرفوسه وكيف تجلس فيها وهي هكذا !! اباه؟

ابوها لفت: مالش

بلقيس: حرام اغلق غرفه اخوتي ومابش اين يلعبو اين الغرفه الفاضيه سهل شاجلس فيها احسن

ابوها: تمام على راحتش سيري.

بلقيس خرجت معه.

@rewayatyamania المصدر الأول للروايات

في المعرض مبسوط ورجع لطبيعته

مرام: كيفك اليوم؟

انس: بخير كل يوم ليش في شي؟

مرام ضحكت: لا مابش شي بس انت واحد اناني وبس مشيت من جنبه

انس جلس يسمع كلامها ويتعجب هي بتبدا وهي بتحنق وهو مش مدي لها وش.. جالس يفكر بكلام بلقيس وانه ما سامحته الا واكيد بتحبه ذكر الكلام اللي قال لها وانحرررج وحس بندددم للتسرع اللي سوا.
.
.

في المحل بعد المغرب..
علي جالس مخزن

سالم: انت قلت ماعتخزن !

علي: والله ياعم غيرت رأيي شويه قلت اليوم اخزن واتكلم معك في موضوع

سالم: خير مالك

علي: ولاشي.. انت زد تحاكيت معهم ع الخطبة؟

سالم ضحك: شكلك مستعجل بنقلك حتى لو وافقت عاد العرس شويه.

علي: ياعم تشتي الصدق

سالم: خير

علي: الصدق انا ماكنت اشتي اتزوج ومعي واحده احبها ومنعتها جامعه ومعهد وخليتها تجلس في البيت واستمعتني واشتي اخطبها  مااشتيش اظلم بنتك معي بس هو ابي مصمم الله يهديه قلت نحلها بيننا

سالم سكت  شويه: خير مفروض كنت تتكلم معي من قبل مش تسكت لذاحين

علي: عاد احنا ماقد خطبنا ولا شي

سالم ساكت

علي: المهم ياعم ذلحين مارأيك امد تسامحني تسافر معي

سالم ضحككك

علي: يعني ما افهم

سالم: من قال زعلت

علي: ولو ماكان يسبر اللي فعلته المهم عتجي معي اقطع لك تذاكر!

سالم: والله كم نفسي اسافر  اقطع بس

علي: خلاص تم اجهز كل شي وانبيك.

@rewayatyamania المصدر الأول للروايات

بلقيس رسلت له: ذاكرت؟

انس: لا وانتي؟

بلقيس: يعني شويه شكلي من الضبح شاحفظ الكتاب غيب

انس ضحك: خلاص بكره ذاكري لي انتي

بلقيس: احلم

انس: وبتضحكككي ياسلام

بلقيس: لو تشوف ايش فعلت

انس متحمس معها بتتكلم بصوت هادئ: خير ؟؟؟

بلقيس: اول اسألك

انس: اسألي

بلقيس: لو اقلك انا فيني جن وبتجي لي حالات وافهم على المجانين عتفتجع مني..

انس: لا شاحبش مجنونه واحب الجن حقش والكل

بلقيس ضحكت: يعني فشلت الخطه

انس: اي خطه !

بلقيس جلست تحكي له بصوت هادئ اللي حصل مع ابن عمها

انس ضحككك: اكيد عتتفركش بس انا لانه احبش راضي بش وجنانش

بلقيس سمعت فتحة الباب خبت تلفونها بسرعه وماسكه الكتاب.

دخلت جدتها: صرفوا كل شيطان بتحاكي نفسش

بلقيس: بين احاكيهم

جدتها صاحت: ياساتر يا الله اعوذ بالله.. خرجت وقفلت الباب

بلقيس شلت التلفون سمعته عادو موجود بيضحك

ضحككككت معه

انس: عتجننيهم يابنت

بلقيس: خليهم مايجوا الا بطريق المشعوذين هكذا اتخلص منهم.

انس: اهم شي انش لي لو حتى توقعي جنيه.
.
.

بعد ماوصل سالم...

امه: ياابني بنتك فجعتني

مرة سالم: ليش

سالم قام للغرفه فتح الباب خير فيها شي!


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 110 ○


الثــروة الـمنسيـة 🍀

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


بلقيس نكزت سمعت ابوها جنب الباب طرحت تلفونها وسط الكتاب

ابوها دخل فجأة: مالش مريضه فيش شي؟

بلقيس شافتهن وراه واقفات مستغربه ساكته

هن خايفات جدتها ومرته بيتلفتين للطيقان ولكل بقعه

سالم فكرها هربت او تاعبه مافهم: مالها هذه بخير

امه مسكته بيده وسحبته للصاله بتكلمه

خالتها واقفه جنب الباب بتتأمل بلقيس ومنتظره تشوف تصرفاتها

بلقيس مربوشه وخايفه ابوها يجي يصيح شافت خالتها واقفه وماقدرت تتكلم في التلفون مسكت الكتاب وبتتكلم من جنب الكتاب.. غللللق غلق بتسمع.. مش وقت ذلحين به هنا جن ثانيين غلق انت ذلحين واجابرك بعدا لوما اطايرهم.

مرة سالم جلست تعوذب من الشيطان وهربت بسرعه خاااايفه ولزوجها: هذك بتكلمهم يماه والله ماتجلس عندنا

سالم صاح: بدأنا كل يوم معش قصه وكل يوم معذري احسن لش اعقلي معش جهال

امه بتغمز له بعينها الثنتين وتأشر للغرفه: والله انه صدق ياابني

بلقيس خبت التلفون في الشنطه وجلست تحفظ التعاريف وتخطط تحتهن وتسمع لنفسها بصوت مرتفع

سالم قرب من جنب الباب سمع صوتها... دخل فجأة لو بيشوف شي

بلقيس كانت مغمضه عينها وبتعد باصابعها وتتحفظ

سالم شافها وتنهد تطمن: بتذاكري

بلقيس نكزت: ايوه اي حين دخلت فجعتني

سالم: ذلحين جيت يلا تمي مذاكره ماششغلش

خرج وبيتفرج لهن بنص عين وبضبح لانهن بيدورين لها سبب يخرجنها

مرته: ماهو مابسرت

سالم: بتجابرهم.. لحد يدخل عندها ولا شي خلوا لها حالها.

امه : يوو افتحي يابنتي قران ملان البيت وبخري بتثويررر

مرته قامت: ولا حد يسير كذاك ياجهال قروا هنا

سالم كمل يصلي وشل 2 قلصات شاهي ودخل عندها

بلقيس جالسه مستغربه جيته

سالم: ارتاحي شويه من المذاكره يكفي قومي تقهوي

بلقيس طرحت الكتاب وشلت قلص شاهي وبتشرب

سالم بيقرا الكتاب: ليش تشتي تدرسي شريعه وقانون ! وانتي بتحبي الطب!

@rewayatyamania المصدر الأول للروايات

بلقيس: لاني كرهت الظلم وكرهت الضعف وكرهت الاقوياء اللي حيلهم على المساكين لاني نفسي ادافع على كل حد ماقدر يدافع ع نفسه مثلي وقت مااحتجت حد يدافع عني

سالم: اللي يسمعش يقول قد قتلتي والا سرقتي والا انسجنتي

بلقيس: انقتلت لما ماتت امي وجاهله في عمري تقلها جدتها انتي السبب مالحقتي امش تخيل العقده اللي كبرت بها بنت قتلت امها !! ولما كبرت وفهمت انه مالي دخل ولا سبب وهذا من عند الله وكره جدتي لي ان انا بنت فهمت انها عقدتني من كل شي !!

انا انسرقت مش سرقت ، انسرقت مني طفوله تمنيت اعيشها مثل كل الجهال

سالم حاسس بندددم: يابنتي انا دورت مصلحتش

بلقيس: انت كذبت وصدقت الكذبه ياباه ايش من مصلحه اعيش بين أسره وانا معي اسره محرومه منها والسبب ذنب مافعلته خلاني انحرم منك

انسجنت في بيتك عندك وكنت مظلومه وماقدرت اقل كلمه واحده.

سالم تنهد وشرب الشاهي وساااكت سارح في الارض

بلقيس: انا قررت ادرس شريعه وقانون اكفر عن ذنبك

سالم لفت لها

بلقيس: لما اشتغلت مع الشيخ السارق الظالم وكنت ساااكت ع كل الغلط اللي فعله مثل ماسكت عني

سالم سارح في كلامها وداخل نفسه ايش من شيخ وماقصدها !! اكيد متحمسه مع القرايه اطنشها بس ياسعم ماعتفعل اخرتها عتتزوج وتجلس في البيت

بلقيس شافت سكوته نرفزها اكثر ندمت على كل حرف قالته له ماكان يستاهل عتاب ماعنده اي ردة فعل !!

سالم جلس يتفرج الكتاب ويشوفها تذكر علي وكنسله الخطبه: بين ابسرش مهتمة بالمذاكره مارأيش الغي الخطبة؟

بلقيس فرحت لفتت له: صدق؟

سالم: ماهو

بلقيس: يعني تلغيها !

سالم: ايوه مانقطع نصيب ابن عمش مراعاه لوما تتمي

بلقيس: ايوه صدق عاد باقي لي 3 سنوات لوما اتم

سالم: خلاص الان اهتمي بقرايتش والنصيب اي حين ماجاء وانتي موافقه تم.

بلقيس ابتسمت بدون شعور مش لطيبه ابوها بس حست في امل تكون لأنس

سالم خرج من عندها.

@rewayatyamania المصدر الأول للروايات

بعد اسبوع بدون أحداث مهمه..

في القريه بيت الشيخ..
الزوجه الرابعه نزلت لاعند طباينها: واحده تطلع تأكله ماقدرت له.

الزوجه الثالثه: هيا مالش ماعد قدرتي لشي ذلحين ! وين الزقع والمقاتله عليه والزلط ملان جيبه

الزوجه الرابعه: على الأقل قدكن راكنات بجهالكن شفطوا جيبه وعمروا وفعلوا كل شي مانا يارحمتاه لي وجهالي لاوقع به شي عترجمني خارج

الثانيه: مالكن صلين ع النبي بتفولين عليه

الاولى فلتتهن يتحانبين وطلعت لاعنده تأكله.
.
.

عند المزارعين..
ايمن وصل عندهم وجلس معهم وناقشهم وسألهم كم شهور مااستلموا.. ادالهم من ماله الخاص مساعده او سلفه يمشوا حالهم بها امد..


https://tttttt.me/rewayatyamania/51250




📚 @rewayatyamania  🇾🇪