.

البــارت 61 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


لما وصلين السكن

البنات: هيا دورش ادخلي اليوم افعلي لنا عشاء

بلقيس: تمام اصلي وادخل المطبخ.. سألت صاحبتها فين الطحين وورتها اماكن الاشياء...

بلقيس بدأت تعجن وتفعل الاقراص وفورت الحليب وجهزت السمن وقربت

واحده منهن بقزازه: ايش هذا الخباص

بلقيس: يو مايجوز ع النعمه تقلي هكذا

البنت: امانه تعبتي نفسش قوي تعشيه وحدش جين يابنات نفعل لنا شي ثاني

صاحبتها جلست وبدأت تاكل هي وياها

واحده منهن بضبح: بكره عليش الصبوح والعشاء

صاحبة بلقيس: مش هي مشاركتنا في الغرفه ليش عليها

البنت مسكت خصرها: ياسلااام وهي ليش جلست معنا 3 ايام

صاحبة بلقيس: عادي وانا اكلتش 3 ايام لما جيتي اعتبريها بدلها

بلقيس مصدومه: يووو مع سهل انا شا ارد لهن اللي سمحين لي اكل معهن سهل بس ماعرفت من فين اشتري

واحده ثانيه: من البقاله كان من وين عتشتري من الصيدليه

ضحكككين

صاحبه بلقيس شلت العشاء وقامت: هيا بلقيس نسير غرفتش

واحده ردت افف مقلع: افتحي الطاقه نتهوى

بلقيس وصلت الغرفه جلست

صاحبتها: هيا تعشي

بلقيس: شبعت خلاص الحمدلله.. انتي غاثيه مني من شي

صاحبتها: لا ليش؟

بلقيس: ليش كنتي ضابحه مني في العرس

صاحبتها: ضبحت من طيبتش قوووي طيبه بتخلي الناس كلهم يستغلوها ويضحكين ويكلمنش باسلوب مش لايق ليش ترضي لهن يتهيبلين ويشلين زلطش وتحاسبي عليهن

بلقيس: سهل مافيها شي احنا خوات

صاحبتها: شوفي يابلقيس واحنا صغار قالوا لنا انتين خوات بس لما تكبري غير .. الطيبه حقش هذه عتخليش تندمي في ناس عتستغلها يعني لاتحاسبي لحد كل واحد يفرق ولاتسلفي حد لان هنا ماعد في شي بيرجع ولا تثقي بحد لانهن هنا مقلبانيات ولاتخدمي حد لان ماعتلقي وقت حاجتش ومرضش حد جنبش

بلقيس: يووو اللي بتقليه غير مانتي لانش طيبه وفعلتي لي كل اللي قلتي لافعله

صاحبتها: لاني كنت مثلش وتعلمت بعد ايش

بلقيس: طيب اخاف يطردني من هنا

صاحبتها ضحكت: ياسعم انه بيتهن محد يقدر يطردش الا لو بينتي لهن ضعفش وانش خايفه.. خليش قويه قدامهن يحترمنش ولو تجلسي هكذا صدقيني لاتخرجي بنفسش من السكن وماتتحمليهن

بلقيس: الصدق ماعد اشتي احاكيهن خلاص شاجلس لحالي.

صاحبتها: افعلي بس اللي قلت لش واستمعيني.

@rewayatyamania المصدر الأول للروايات

الليل..
انس وصل تاااعب علق ثيابه وامتد شويه جلس يفكر ايش الغباء اللي فعله في الجامعه.. حس بجوع قام يدور ايش معه فوق الماسه لقي روتي بايت من قبل بيوم وجبنه اكلها تذكر وهو بياكل الروتي يابس اكل امه الدافي والشاهي ذكر خواته الكبار لما كانين يلاحقنه ويلقمنه وهو يدلع عليهن ابتسم وامتلت عيونه دموع شوق لابوه لما يجلس ياكله ويخور له اللحمه والدجاج والنصيب الاكبر له من بين خواته.. كمل اخر لجع: الله يرحمك يابه.
.
.

بلقيس بعد ماتعشت ورتبت ثيابها امتدت ترقد وذكرت شي قامت جلست مسكت وشها: يووو احرمت الولد يدرس وانا شانقل الطب
ياعيبتااه ياو كيف وقعت مالي مااذكر حرام والله مايسبر بكره اسير ادوره واقله.
.
.

في القريه.
امه: هيا ماعتفعل؟

سالم: الصبح اديها وامري لله عتتحملنها

مرته: ايوه بس بشرط تتحمل عمل البيت كله هي

سالم بيبرر لايحس انه بيظلمها مافيها لو امها عايشه انها متحمله عمل البيت كله: تمام ناهي.

@rewayatyamania المصدر الأول للروايات

ثاني يوم الصبح..
الشيخ لقيه: اين عتسير؟

سالم: اطلع المدينه

الشيخ: قد وصلك الخبر؟

سالم: اي خبر!

الشيخ: قد اهل القريه بيتكلموا على بنتك

سالم: ماقالوا ومافيها البنت بتدرس

الشيخ: محد فعل فعلتك ياسالم قلك تدرس ذلحين عتسير تديها؟

سالم: ايوه

الشيخ: قبل ماتسير للمدينه اشتيك تسافر لمنطقه ثانيه اسألهم واتفحص وابسر كيف نوع القات اللي بيزرعوه لو افضل نغير هذا النوع اتعبنا

سالم: تمام ولايهمك ياشيخ.. بدأ المطر ينزل فوقهم..

الشيخ رفع الكوت فوق راسه ومشي: يلا مع السلامه

سالم طلع السياره وقفل واشر له بيده باي شغل السياره ومشي.. وجالس يكلم نفسه ويلوم نفسه كيف ودف ووافق ولو تشتي تدرس تسير بعدا لو تزوجت زي بنت الشيخ.. بيكلم نفسه ان في وقت يلحق يردها وانه ماقد بدأت ومحد بيصدق الكلام لانه رجعت وبيسكتوا الناس
.
.

في الجامعه... بلقيس مراعيه يتموا يجهزوا لها البطاقه وهي واقفه شافته جلست قدامه تفكر ومربوشه اولا كأنها تعرفه بس مش ذاكره.. ثانيا في شي تشتي تقل له ايش !! راح من بالها ماعرفت كيف تفعل اول ماقرب لاعند المختص لشؤون الطلاب قالت ا.. وسكتت

انس: انتي اللي جيتي امس؟

بلقيس هزت راسها بخزا وبعدت من جنبه خطوتين لاورا: كنت اشتي اقلك

انس: ايش؟

بلقيس: عادي سجل انت وانا شاسجل هانك

انس ما ادالها فرصه تتم: لا مايسبرش تعب تكوني تسيري لحالش عادي انا.. قاطعهم اتصال تلفونه: هلا هلا امانه..




📚 @rewayatyamania  🇾🇪

.

البــارت 62 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


انس: ايش؟

بلقيس: عادي سجل انت وانا شاسجل هانك

انس ما ادالها فرصه تتم: لا مايسبرش تعب تكوني تسيري لحالش عادي انا.. قاطعهم اتصال تلفونه: هلا هلا امانه.. صدق؟
يعني عادي؟ حلووو حلو خلاص ماتفرقش عندي اسير للاختبار بس واداوم هنا.. تمام ولايهمك والف شكر مع السلامه

بلقيس مافهمت من جواباته شي رجعت تشتي تكمل

انس: خلاص بس خليش انا حليت موضوعي بس اهم شي المحاضرات

بلقيس: تمام بس ماتفرق معي لو تشتي تسجل انا شانتقل للطب اصلا

انس: وليش جيتي شريعه وقانون؟

بلقيس: قالوا قبل مايتم التسجيل

انس: لاتصدقي واوبهي تودفي عتضيع سنه عليش كلية الطب فعلوا امتحان الطب وقبلوا طلاب وتم التسجيل خلاص.

بلقيس: صدق

انس: الا لو تراعي للسنه الجايه وحولي والان ابداي شريعه وقانون.

@rewayatyamania المصدر الأول للروايات

بلقيس بتتلفت الكل بيشوفهم وهم بيتكلموا واقفين مع بعض انحرجت وبتبعد: لازم ابدأ يعني مااشتيش اراعي

انس شافها مربوشه اشر لها لاخر الممر: مدري كيف اسأل لش انتظري هانك افضل

بلقيس جلست منتظره... وتشوف تلفونها اتصال من ابوها خافت ترد يسمع الشاب اللي بيكلمها ماردت..

انس جاء لعندها: قال تداومي امد عادي وتغيري السنه الجايه.

بلقيس فكرت عشان لاترجع تداوم مؤقت للسنه الجايه وتغير

انس: خلاص ماتحتاجي شي يا اختي ثاني؟

بلقيس شافت الشباب محوشين: لا شكرا اراعي تتم الزحمه وادي بطاقتي

انس: راعي هنا انا شديها لو جهزت

بلقيس بتدعي له لطيبته ووقفته معها

انس شل البطاقه واشر للموظف عليها واشر لها تجي

بلقيس راحت

انس شلها منه وبيشوف فين تسجلت لمح صورتها بسرعه ونزل نظره بس كانت حلوه ملامحها مألوفه انف مرسوم ووش ملامحه رقيقه عيونها واسعه وعسلي ورموشها كثير فمها صغير وخدودها كأنها بلون الرمان !! فين مش ذاكر نزل البطاقه وقلبها مانتبه للقب واسم ابوها ناولها

بلقيس: يووو ياخزا البلا وصورتي ابسرها الرجال وانت؟

انس: لازم يلصقوها لش العفو ماانتبهت انا بس اتأكدت فين سجلش هنا او المنطقة الثانيه

بلقيس خبتها بسرعه: يله شكرا.. ومشيت

أنس بما انه كمل معاملته واستلم بطاقته مشي بعدها

كانت بلقيس تخرج من مكان لمكان وتتلفت وتغلط وترجع تعيد المكان لما لقيت البوابه

انس لما شافها مربوشه حس انه يمشي وراها لو احتاجت شي يقلها

بلقيس خرجت وبتتلفت  السيارات يوقفين تقطع الطريق

انس واقف وراها

جت رياح طيرت البرقع وافتتش شويه من وشها.. مسكته بسرعه ورجعته وجلست ماسكه بيدها ومن الربشه قطعت والسياره بتمشي ووقف بسرررعه الرجال وبيصيح: مالش ماتستضي..

بلقيس: ياالله كيف بين احس الكل بيتفرج لي اخطى بسرعه واهرب لايصيح اكثر .. ليش الطريق بطيئه !! اوف وهولا مالهم بيتفرجوني خلاص انقلعوا ماوقع بي شي.. مااشتيش ارفع راسي الناس كلها بتحسسني انه مابلا انا هنا .. جحفه للزحمه والشباب اللي ملان هنا ساع يوم حصاد الزرع.. يو على بنات مااحلى لبسهن وهذه كيف بتحس وهي فاتشه اكيد فارحه ومابتكتتم مثلي هنيت لها.

ايوه اجلسي جابري نفسش مجنونه مجنونه سهل اهم شي تتم الطريق واوصل.. لفتت يمين ليش بين احس انه الكل بيضحك عليا  مع مع هو صاحبه بيزبج...

سياره قدامها فيها واحده جالسه وجنبها رجال كبير في السن وبتتكلم معه.. اكيد هذا ابوها هنيت لها.. واقفه متردده اسير للبقاله او السكن؟ ضروري اسير البقاله قدو خزا اشتي اشتري بيض وخبز ومازد !

على هكذا ماتكفيني الزلط لو نجلس نأكل جمعه.. اقلهن مااشتيش واكل لوحدي احسن ؟ بس اول ارد لهن اللي اكلني

ماافعل مش داريه بسمهن هنا.. ارجع احسن واخرج مع خبيرتي.... رجعت والتفتت ورا وتصنمت بينهم شبرين بس  تشتي ترجع بسرعه رجعت لجنب واحد شيبه..

انس مد يده يأشر لها: انتبهي

بلقيس داخلها متأمله تفاصيل وشه فيها وسامه وعيونه فيها طيبه وداخل نفسها تلوم: مالي وقعت هكذا ؟ يو عيب ليش ابسر لاعنده .. بس هو ماجابه؟

انس شافها واقفه منتظره يكلمها وحس بربشه لاتحس انه بيراقبها: كنت مروح من هنا شفت السياره كانت عتخبطش ( تصدمش)؟

بلقيس مربوشه وخايفه بتكلمه وسط الشارع فلتته طنشت ومشيت رجعت للجامعه

انس حس بحيره مالها هذه ! ايش قصتها؟ والله لابسر مالها.. البنت جواد ومش داريه بشي.. اشتي اتطمن عليها.. بس ليش ما اهتميت الا بها ! ولا شي يعني ليش لانها مسكينه جديده وانا جربت الجعجعه مثلها وهي بنت.. كل واحد كان يحس بشعور غريب وبيبرر لنفسه انه مابش شي.

مشيت سريع

انس كان يلحق بعدها بسرعه.. وصلت السكن ودخلت..

انس رجع وسأل واحد بيمشي هانك: ايش هذا من قسم؟

الشاب ضحك وغمز له: من معك هنا ؟ هذا سكن طالبات

انس شاف له بنظره: وانت مادراك خبره ها

الشاب ضحك وهو بيمشي اشر له باي

انس رجع وبيفكر فيها: يعني ساكنه هنا ! ظنيتها مع اهلها




📚 @rewayatyamania  🇾🇪

.

البــارت 63 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


في الطريق من المنطقه اللي سافر لها قبل مايرجع للمدينه عند بنته مطررر والجبل لفات ولفات وقفوا فجأه تأخروا نزل يشوف ايش في !!.. وانهن صخور كبيره بينزلين من الجبل للطريق بعدوهن..

جت قاطرة مسرعة عاكس الخط وعلى سرعته شاف الصخور جاء يبطئ السرعه ماقدر لف لاداخل شويه من المنعطف وصدم اللي قدامه...

@rewayatyamania المصدر الأول للروايات

بعد ساعات...
الشيخ جاوب: ما اقرب له ولا شي بس بيشتغل معي خير !

المتصل: ي اخي صاحب هذا الرقم في المستشفى ومااحنا داريين لمن التلفون كانوا خيرات اللي في الحادث سيروا للمستشفى الفلاني تتبع مديريه....

الشيخ: الله يلطف تمام تمام .. اتصل بابنه عمر يجهز السياره وتحركوا لاعند سالم.. اول ماخرج لقي ايمن وصل هو ومرته

الشيخ: هيا اخطى معي سالم فعل حادث

ايمن: اوو فين؟ هيا انزلوا ياجهال.. اطلع يابه.

الشيخ: الودافه لو وقع به شي انه بسببي رسلته انا

ايمن: هذا قضا ءالله مادخلك انت..
.
.

في بيتها..

الجده: ماعد بش معنا حطب خيرات

مرة ابنها: عتجي بنت ابنش تحطب لاتشغليني في روحي خليني اتم اقرص الخبز.
.
.


بيت الشيخ..
مزارع واخوه وصلوا: يا اخي قل لابوك يتقي الله فينا حرام عليه يدي بصيرة بيتي

عمر باستهزاء مثل ابوه: وانت مالك بتوزع بصايرك في سندوتش او كيف

ابن خال عمر ضحك

المزارع: ياابني اتقوا الله جالسين تاكلوا حقنا وارضنا وزرعنا

ابن خال عمر: او قلبتهم غنم ياكلوا هذا كله

المزارع: على  قد جهال لافي احترام لكبير ولاشي

عمر بهنجمه: هيا اخطى لك ياحج كل من حيرف ذكر دين ابوه من عند الشيخ حق القريه
مابش عندنا لكم شي.

المزارع: والله ماافلتكم لو يسير راسي لاسير اشتكي بكم

عمر: اوصلك ؟ ههههاي

المزارع اقتهر من الاستخفاف وقلة ذوقه معه. مشي وهو بيدعي عليهم.
.
.

وصل المعرض وهو جالس فكره وحسه عندها ويسأل
من هذه وكيف جت وحدها وكيف عتفعل ولو تحتاج  شي ! ولو تصدمها سياره والا تضيع ؟

شاف الزبون وقام يوريه القسم الرجالي اللي كان مختص عليه

المشرف جاء: أنس

انس شافه وراح: نعم

المشرف اشر له على  واحده واقفه: هذه جت موظفه جديده للقسم النسائي علمها الجرد وعد الكمية والنوع وتفاصيل البيع

انس: طيب والزبون؟

المشرف اشر له للموظف الثاني: خليه عليه هو زبونه

انس: تمام ومشي معها لقسم النساء ناولها دفتر وقلم وبدأ يعلمها كيف تصنف المنتجات والكميه وكيف تستخدم العينه لاقناع الزبون مثل المكياج وغيره

البنت بتتعلم وتسأله وتسجل وتكتب انواع الشركات واسعارها... رغم انه مع هذه بس بيفكر في هذك ويتذكر تفاصيل كلامهم ولقائهم اليومين هذه

@rewayatyamania المصدر الأول للروايات

لما وصلت السكن وخرجت مع صاحبتها راحين سوبر ماركت كبير فيه كل شي ورتها من فين بيشترين المصاريف وكيف..

صاحبتها: بعدا انتي لصقي على اشيائش او افعليهن في كيس انهن حقش لان الثلاجه مشتركه.

بلقيس: سهل يهنى احنا خوات

صاحبتها: جالسه مارضيتي تعقلي طيب انتي عتجربي بنفسش.

بلقيس ماكانت فاهمه ولو فهمت كانت مستحيل تفكر تبخل على لقمه وهم في القريه يتقاسموا كل شي ولو جاهم ضيف ذبحوا له من اغنامهم


بعد مارجعين في الطريق

صاحبتها: تميتي تسجلي؟

بلقيس: ايوه

صاحبتها: كيف فعلتي؟ قدرتي؟

بلقيس: في واحد الله يستر عليه ويسخر له كل خير ساعدني كثير.

صاحبتها: بلقيس قوا لاتثقي في حد ولا حد طيب

بلقيس: الا والله انه طيب

صاحبتها: ماعيفعلش شي بلاش اكيد طلبش رقم ؟ والا اي شي

بلقيس: ايوه طلبني بس مش رقم قال ادي له محاضرات

صاحبتها: شفتي؟ يعني انتي بطلي الطيبه حقش واعرفي انه مابش حد طيب

بلقيس: مافيها لو اديت له قد سجلوني بدله وخلا لي اخر مقعد وعيتعب وانا سهل ادي له

صاحبتها بغمزه: او قدش معحبه به بدري عليش عاد انتي

بلقيس بخزا ضحكت وضربتها ع يدها: قلعش عيب هذا الكلام والله انه محترم حتى بيقل لي يا اختي.

صاحبتها: هي كل العلاقات تبدأ اخي واختي

بلقيس: وبعدا ؟

صاحبتها: وبعدا حب ويطلع كذاب ويفلت وقت مايلقى غيرش.


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 64 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


صاحبتها: وبعدا حب ويطلع كذاب ويفلت وقت مايلقى غيرش.

بلقيس: يو يو الا هذا الكلام مايسبرش عيب

صاحبتها: ليش عيب ! هوذا انا بين احب

بلقيس بتعجب: صدق؟

صاحبتها: ايوه بس مش زي بعض بنات يعني مااصدق كل شي يقوله مراعيه يصدق ويخطب

بلقيس: يو والحلا لو يخطبش بعد مايحبش شفت فلم مع بنت خالي رووووعه حبها وتزوجها رغم انهم كفار ماخدعها

صاحبتها ضحكت: هذك عندهم تزوجها لانه مش عيب الحب احنا هنا لو حبينا خلاص

بلقيس: ابسرتي قلت لش انه عيب

صاحبتها: مش قصه عيب بس الشباب يفكر انه اي بنت حبته يعني انها جريئه وحبت غيره وبتكلم غيره وانه مستحيل يتزوجها

بلقيس: وحبيبش مش هو هكذا؟

صاحبتها: مدري مااعرفش صدقه من كذبه ولا بين اتواصل معه قدلي فترة

بلقيس: ليش؟

صاحبتها وصلين: ارجع اكلمش مااشتيش البنات يعرفين شي وانتي لاتكلمي حد.

بلقيس دخلت غرفتها شافت واحده جالسه

صاحبتها: انتي طالبه جديده؟

البنت : اكيد كان ايش شايفه

صاحبتها شافت بلقيس: اللي علمتش

بلقيس خرجت ودعتها: قد نسيت ايش؟

صاحبتها ضبحت منها مسكتها من يدها: اللي بيفعلينه بش هولك والزنط وحركاتهن افعلي لها قلدي اخس شخص بحياتش تكرهي وكرهي عيشتهن عشان تعيشي بينهن انا تعبت لش وتعبت معش خاطرش

بلقيس ضحكت: والغداء ؟

صاحبتها: ماليش نفس اكلت في الكافتيريا مع البنات باي..وراحت غرفتها

بلقيس دخلت وبتكلم نفسها لو طيبه اوقع طيبه ولو شريره بوقع لها كنز والا خالتي والا جدتي هيا ها

البنت: كيف قادره تجلسي وناقصش اشياء كثير هنا

بلقيس: عاد انا جيت مثلش ولا داريه بشي ومن اين

صاحبتها: لا سلة زبالة ولا مراية

بلقيس: اخرجي اشتري لش انا مااحتاج بين اسير اخرج الزباله للمطبخ هو قريب هنا شق اذني

البنت الجديده سكتت وبدأت تخرج ادواتها: وهذا الدولاب بس مايكفيش لثيابي

بلقيس مطنشه وبتخرج الصابون من الكيس والشامبو والمعجون وادوات اللي اشترتهن

البنت الجديده: حتى ماسألتيني ايش اسمش

بلقيس: مايعجبني اتفيضل في شي

البنت الجديده: اسمي زهور وانتي؟

بلقيس خرجت من الكيس زبادي وصحون وقلصات اشترتهن: اسمي بلقيس... وخرجت غسلت لها صحن وقلصين ورجعت.

زهور قامت ترتب ثيابها

بلقيس فرشت الجريده وفتحت علبه زبادي والخبز وجلست: هيا جي تغدي

زهور شافت الزبادي كان معها عشار ومخلل وسندوتش وشبس قربتهن وجلسين ياكلين.

@rewayatyamania المصدر الأول للروايات

في القريه وصل الشيخ باب بيت سالم..

امه فتحت الباب وبدون ماتشوف دخلت: تأخرت ياابني هيا ادخل

الشيخ: ياااي ياحجه ام سالم

امه من ورا الباب: من انت؟

الشيخ: ايوه انا الشيخ خالد.

ام سالم: هو سالم مابحد سافر المدينه

الشيخ: ياحجه البسي وابدي ماحاكيش

ام سالم رفعت اللثمه وبدت راسها: ماتشتي مني؟

الشيخ: جيت اقلش انتي مؤمنه بالله

ام سالم: لا اله الا الله.. شي معك خبر هذا الساع !

الشيخ ضبح من لقانتها: شكل قلبش حديد هيا ياحجه اترحمي ع ابنش.. وقع له حادث اليوم وسرنا نبسره في المستشفى جلس في العنايه ساعتين ومات ماقدرنا نلحقه وقع له نزيف في الدماغ

ماكمل كلامه الا وهي بتصيح وتغور ملان البيت

قامت مرة ابنها وجهاله ووقفت تسألها مالها وتصيح معها

الشيخ: المهم ماعد لقينا له شي لا سياره ولاتلفون يعلم الله من اسعفه واين كان القلافد لكن انا تواصلت مع الاقسام ويجي خبر نبلغكم والدفن لاتقلقوا شاتكلف بكل شي انا.

مرته جلست تلطم نفسها وتدعي ع البنت المنحوسه هذه انها هي السبب
.
.

بعد المغرب..
جلست ضابحه شافت صاحبتها بتقرا: معش كتاب ثاني اقرأ ضبحت

زهور بضحكه: هولا مجلات ها شلي

بلقيس فتحت اول صفحه عرض لروج احمر من عارضه: يووو والخزا بشعرها ! ومنزله صورتها لخلق الله.

زهور: ياسلام تتلثم امد تعرض الحموره

بلقيس: بس والله روعه فظيعه.. ابسري هذا الطقم الاكسسوار مااحلاه.. قلبت المجله يووو ماهو هذا الاكل الغريب ؟؟ جوعني

زهور: هذه مكرونه بالفرن ياسعم وين الغرابه !

بلقيس: كيف بالفرن ! وماهي المكرونه؟

زهور: امانه انتي عشتي في الفضاء والا هنا !!

بلقيس سرحت في المجله في قصه من المراسلات اللي يشكين قصصهن ويشتين حل كانت واحده مشابهه لحالتها كانت اخر كلمات زهور بترن في اذنها انتي عشتي فين ! كانت بتمر لحظات معيشتها فين في فرش قدام الحمام والمطبخ وبضرب وصياح !!
.
.

بعد مارجع غرفته بيفكر فيها.

مسكينه ماعتعيش في سكن الا لو مابش معها حد !

لهجتها مثل بلادنا او بيتخيلي
بكره اسير اراعي لها ولو لقيتها اقلها واسألها وادي لها رقمي لو تحتاج شي تتصلي..

فتح تلفونه ذكر امه واتصل لبيت اخته .. واتصل لبقية خواته اللي ردت عليه واللي ماردت لانه التلفون مشترك للبيت كله

حس براحه واطمن على امه بس ادت له مهمه...





📚 @rewayatyamania  🇾🇪

.

البــارت 65 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


فتح تلفونه ذكر امه واتصل لبيت اخته .. واتصل لبقية خواته اللي ردت عليه واللي ماردت لانه التلفون مشترك للبيت كله

حس براحه واطمن على امه بس ادت له مهمه يرجع القريه يستلم الزلط حق ارضهم بما انه مابيشتغل ابوه ومتوفي بيدوا لهم مبلغ بسيط مقابل الارض اللي شلوها وزرعوها.. خلاص اسير اشوفها لو تحتاج شي وارجع انزل البلاد


بعد العمل وارجع في نفس اليوم.. تمدد وغمض عينه تخيل ملامحها لما شاف صورتها.. ابتسم وبيكلم نفسه: مظهرها بالبرقع غيرر وهي فاتشه في الصوره جميله قووي والا انا ماتحققت من الصوره!

@rewayatyamania المصدر الأول للروايات

ثاني يوم الصبح..

قامت لبست وراحت مع صاحبتها الجامعة

زهور: ماقد بدأوا الدراسه مم مارايش نخرج نفعل لغه في السوق

بلقيس: ايوه احتاج اشياء مابش معي بس ياي اول تعرفي السوق اين

زهور: ايوه اعرف ولو ماعرفت نسأل اي حد عادي مش هي معادلة رياضيات ضحكت

بلقيس ضحكت وحست معها بشويه اندفاع للخوف اللي داخلها ماكملت ابتسامتها ولفتت له

التقت نظراتهم ببعض مباشره.. بلقيس مواصلة مشيتها بس ماعرفت الاحساس اللي حسته كأنه اقرب شخص لها في هذه المدينه الغريبه رغم انه وطنها !
يمكن لانه اللي ادالها الأمل والحظ الايجابي كانت تتفاءل بيومها لما يبدأ به ويلتقي بها تغيرت من داخلها كثير من اللحظه اللي التقت به وكأنها عرفت نفسها وحبتها وحددت اهدافها وتمسكت اكثر بطموحها باختصار حبت الحياه اكثر ونوت التغيير

أنس ماقدر يواصل 3 خطوات بدون مايكلمها كان مجهز ومرتب ايش يقلها هذك اللحظه اللي عينها جت بعينه نسي كل شي.. رجع تذكر وخرج من جيبه ورقه معطفه مشي سريع ودعاها
يا اخت لو سمحتي دقيقه

زهور لفتت لبلقيس بتعجب!

بلقيس: دقيقه اجاوبه مشيت من جنبها خطوتين

انس مد يده بالورقه وعشان تشلها وماينحرج من ردة فعلها قدام الكل: هذه حقش ارجعي افتحي لما تروحي

بلقيس شلتها ومشيت

انس حس بإحساس غريب بيتعلق بها اكثر واكثر..

بلقيس طرحتها في شنطتها ومشيت مع زهور

زهور: يو يو ماتوقعتش خطيره هكذا وبتقلدي المسكنه

بلقيس: مالش؟

زهور: من هذا وما ادالش تعرفيه؟

بلقيس: ايوه هذا سجل لي وعامل البطاقه لما جيت

زهور تراجعت عن ظنها: اها قد قلت

خرجين مع بعض ونفسها بتحززز تعرف ايش في الورقه معقول غير رأيه ويشتي يرجع يسجل بدلي يووو يارب سترك.

@rewayatyamania المصدر الأول للروايات

بيت سالم..
ام سالم بتصيح وتجنن: اين ابني ! اي حين يدوه من المستشفى ويقبروه ؟؟

مرة سالم بتبكي: انا سايره الان بيت الشيخ ابسر ماله ولا ادا خبر

ام بسام: خليكن انا اسير الان بيت الشيخ اسألهم واجي ... خرجت ولما وصلت

مرة الشيخ: عادهم اتصلوا لزوجي الان وساروا يدوه.

ام بسام بزعل: الله يعينهن ويعصم قلوبهم

مرة الشيخ مش فاهمه تفتكر معهن موت: الله يعينهم.


مرة سالم: وليش مات وحده وهي عاشت؟ قلت لش ياعمه البنت هذه نحس

ام سالم: ياخبلا هو كان ساير يديها وجلست تبكي وتترحم عليه.

مرة سالم: ياريت ماوافقت ياريت وماقلت له

ام سالم: حسبها وامرها لله
.
.

في المستشفى..
ايمن خرج للسياره: يا اباه

الشيخ: ماهو؟ ساعه داخل وماقد اديتوه

ايمن: ماعرفته سوا اسكه جي ابسره انت من منهم يمكن ناسي له حين قدلي خيرات في المدينه

الشيخ فتح الباب ونزل معه..
.
.

في المدينه في السوق..
بلقيس كانت منبهره باشياء كثيررره كل محل تدخله يعجبها كل شي فيه: هذه حاليه وهذه وهذه بكم ؟ طيب وهذه بكم !! وتعد اللي في شنطتها وتشوف السعر المناسب وقيمتها رخيصه وعجبتها تشتري..

زهور: بس بس عتتمي زلطش

بلقيس: قد عتتم والله ماعد بش معي بس شاكلم ابي سهل يدي لي.

زهور: تمام هيا نسير مطعم نتغدا جاوعه

بلقيس: احنا بنات مايسبرش نسير بين الرجال

زهور: عاد انتي مثل العجايز حق زمان امشي سكته في قسم خاص للنسوان

بلقيس: صدق؟

@rewayatyamania المصدر الأول للروايات

في القريه..
ام سالم بتسمع الرجال بيتكلموا بصوت عالي ويوحدوا الله حست قلبها ووووقف ابنها جاء... بتتخيله مكفن وتبكي بصوووت وتلطم وشها وتنتف الطرحه اللي فوقها

مرة سالم: ماسكه راسها بيدها ومتخيله شكله قدامها ميت

خارج جنب الباب كانوا اخوال سالم وعياله وانسابه جوا على اساس المقبار والدفن.. دق الباب.

امه بدون شعور وقفت ورجعت ماسكه ركبها وجلست ودقات قلبها بتسرررع

خارج الباب يشتي يدخل..

خال سالم ابو مرته مسكه: لحظه انا شدخل قبلك لايفتجعين اهديهن
.
.

في المدينه..
بلقيس بتتلفت للماسه والمكان كان روعه والقائمة قدامها مش فاهمه شي فيها

زهور ماسكه قائمه طعام ثانيه تعبت وهي بتشرح لها كل اكله ايش عتاكلي ذلحين

بلقيس: ايش هذا شكله ساع الكدم بس حالي


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 66 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


في المدينه..
بلقيس بتتلفت للماسه والمكان كان روعه والقائمة قدامها مش فاهمه شي فيها

زهور ماسكه قائمه طعام ثانيه تعبت وهي بتشرح لها كل اكله ايش عتاكلي ذلحين

بلقيس: ايش هذا شكله ساع الكدم بس حالي

زهور ضحكككككت: كدم الله يقلعش ..
هذا برجر روتي داخله لحم وجبن وخس وكتشب..انا شاطلب لي منه

بلقيس بحماس ع ماذكرت نطق زهور للوجبه: وانا اشتي همجر

زهور ضحككككت بصوت عالي: همبرجر

بلقيس تحاول تنطقه صح: همرجر

زهور ماسكه بطنها من الضحك: خلاص قلي كدمه اخرج... طلبين واكلين وبيضحكين

بلقيس تذكرت ابوها اتصل وماجاوبته ونسيت تتصل اتصلت للتلفون

@rewayatyamania المصدر الأول للروايات

في القريه بيت سالم..
خاله دخل: مالكن تبكين صلين ع النبي والا مااخليهم يدخلوه

امه مسكته: قوااا يا اخي ابسره الله يحفظك

ماعد قدر يتحمل الوقفه تعب دخل يشتي يتكلم..

مرته صاحت: يوووو ياووو... ودوخت

امه لطمت وشها: اعوذ بالله صرف كل شيطان شكلي جننت بين ابسر ابني حي

سالم: من قال ان انا مت هو كان حادث والشيخ مدري كيف يجي يقلكم هكذا وما تأكد..

خاله (ابوها) بيفوق بنته بيلطمها تصحصح قامت وبيشرح لها

امه حضنته وبتبكي وتحمد الله ع سلامته

سالم مستوجع من الحادث: دلا دلا يدي

امه فلتته: يووو الله لاوفقه ولا ابراه ولاسامحه سع ماهدمنا هكذا

سالم: ولا عد دريت من اسعفنا ومن شل تلفوني ولا دريت كيف اتواصل مع بلقيس

مرته بتبكي بعد الصدمة: والله ماذلحين قبال ابي لو ترجع ما اجلس لك في بيت لارجع مع ابي.

امه: خلاص امن بالله منها.. من يوم ماجت مابسرنا يوم حالي.. معك جهال ماتشتي منها وانت

سالم: مكلفي وبنتي مايسبر افلتها هكذا افتهن وارجع لها
وانت ياخال كلمها تعقل قد فلت بنتي خيرات عند اخوالها مايسبرش قد اهل القريه بيتحاكوا عليا بسببها

خاله ضرب ع رجله وقام وقف: مادخلني سد انت ومرتك ولطف الله بك الحمدلله ع سلامتك.. خاطركم.
.
.

في المدينه..
بلقيس اتصلت لتلفون ابوها: الو

اللي رد عليها: الو

بلقيس: اباه !

اللي رد عليها: ماتشتي مني؟

بلقيس: مالصوتك متغير؟

اللي رد عليها بيضحك هو واللي جنبه: تاعب مريض

بلقيس: سلامتك انا اسفه امس اتصلت لي ومابش معي وحدات (رصيد) اتصلك

اللي رد عليها بيتهيبل: وليش تتصلي هااه ! ولاعد ابسر رقمش

بلقيس خرجت من عند صاحبتها لاتحس وراحت الحمام حق المطعم

اللي رد عليها: مالش ساكته؟

بلقيس: ليش هكذا يا اباه بتعاملني قد فلت لمرتك البيت وسافرت تفتهنوا مني وعادك تقلي لاتصل هيا صدقت انها بتعلمك عادك كنت تحاكيني لما وصلتني

اللي رد عليها بيقلد لهجتها وكلامها: وذلحين مااشتيش احاكيش, ولا ابسرش يوم مع السلامه... قفل وجلسوا يضحكوا

بلقيس كانت مفكره انه تغير واكيد جدتها وخالتها علموه عليها زي كل مره ...قفلت وجلست تبكي غسلت عيونها وخرجت

صاحبتها دخلت لاعندها بالاكياس: هيا مالش تأخرتي ها شلي قلافدش

بلقيس شلتهن منها

زهور: بتبكي؟ خير في شي

بلقيس: هيا امشي تأخرنا ماصليت

زهور: طيب..

بلقيس جالها فضول وقت مابتحاسب تشوف الورقه خرجت فلوس لصاحبتها وناولتها ومنتظره لها بتقرا الورقه ... (( مش عارف كيف اقلش بس لاحظت ان عاد انتي غريبه في المدينه وحسيتش طيبه كتبت لش رقمي لو تحتاجي اي شي امانه اتصلي انا مثل اخوش ..ورقمه في الورقه..شافت صلحبتها جت عطفت الورقه سريع)) وشلت الاكياس وقامت معها روحين..

@rewayatyamania المصدر الأول للروايات

في القريه..
وصل الشيخ لبيت سالم مش عارف كيف يبلغهم الخطأ وكيف يقلهم انه ماعد لقي سالم ويتصل والتلفون مش معه..

فتح له سالم فجأة

الشيخ مسك قلبه: الله يهديك الله يسامحك ياالله وقفت قلبي من اين جيت ؟

سالم مستوجع وبيمشي وهو بيعرج: ادخل اتفضل.. طريق الله الله

الشيخ بانفعال وعصبيه: قلبت المستشفى عليك

سالم: من اللي قال لك انني مت

الشيخ: اتصل واحد قال فعلت حادث وسرنا للمستشفى اللي اسعفوك لابينه وركنت ع ايمن قال سألهم قالوا سالم من بين اللي توفوا والبقيه مابين منصاب وفي العنايه

سالم: الله يسامحه اللي قال لكم انا ماوقع بي الا كسور بس امي والمره حالتهن حاله من امس فجعوهن وخايف لايكون فجعوا بنتي وهي وحدها هانك يارحمتاه

الشيخ: ذلحين تباخر وبعدا ردها سهل.
.
.

في المدينه في المعرض

انس كل شويه وهو بيشتغل بيتفاقد تلفونه يولعه ويفتح البريد الوارد مابش ولارساله يدور في سجل المكالمات ولا حتى رنة..

الموظفه في يدها بطاط: أنس تفضل كل معي

أنس بيده اشر لها: لا شكرا

مرام: ليش؟ طعمه يجنن

انس كان محرج يمد يده وياكل معها: شاابع.

مرام بضحكه: وفرت

انس ضبح كل شويه ويشوف تلفونه مابش شي.

مرام: بتدرس؟

انس: ماقد بدأت الجامعه عادني سجلت

مرام: ...




📚 @rewayatyamania  🇾🇪

.

البــارت 67 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


مرام: بتدرس؟

انس: ماقد بدأت الجامعه عادني سجلت

مرام: ايوه اقصد سنه كم وايش تخصصك؟

انس وهو بيتفرج تلفونه: سنه اولى شريعه وقانون

مرام: انا سنه ثانيه اداره اعمال

انس هز راسه بتمام

مرام: مالك كأنك ضابح او منتظر اتصال؟

انس: يعني ايوه

مرام : الله يسامحها تأخرت عليك

انس انصدم كيف عرفت: من هي؟

مرام بابتسامه: اللي منتظر لها

انس: وايش دراش انها واحده يمكن صاحب

مرام: على غيري قلك صاحب تراعي هكذا

دخل زبون انقذ انس من استجوابها وبدأ يلف معه المعرض.

@rewayatyamania المصدر الأول للروايات

في السكن..
صاحبتها جت للغرفه: وين انتي خلاص زهور جت نسيتيني

بلقيس ضحكت: ماشي والله بس كنت ضابحه شويه

صاحبتها: عتتعودي هكذا ضبح البدايه وبعدين تتأقلمي

بلقيس كان زعلها بسبب ثاني بس عشان ماعد لها نفس تتكلم بشي يخصها: ان شاءالله

صاحبتها: تعالي نرقص البنات عندي بيجننين

بلقيس: مااعرفش بس اجي معاكن ابسر

صاحبتها: هيا تعالي وين زهور اليوم؟

بلقيس: راحت بيت عمها.

صاحبتها: خلاص جي غيري جو معنا

بلقيس: اسبقي انا ابدل واجي

صاحبتها: حركات

بلقيس قامت وخرجت من الكيس بلوزه: لحظه  هذه خورتها لش معي

صاحبتها: تسلمي ليش تعبتي نفسش؟

بلقيس: تستاهلي انتي طيبه قوي.. فتحت الدولاب وخرجت فستانها: وهذا حقش تسلمي عارتش العافيه

صاحبتها انبسطت منها: خليه لش لو عجبش

بلقيس: لا مايسبرش حقش مااحتاجه.

صاحبتها شلته وسبقتها

بلقيس لبست بنطلون جنز وبلوزه مشطت شعرها و لحقتها

@rewayatyamania المصدر الأول للروايات

في القريه..
مرة سالم فتحت الباب: من؟

مرة الشيخ: ايوه افتحي ام عمر

مرة سالم دخلتها غرفه الجده ومستغربه من جيتها عندهم هذا الوقت: حيا حيا اسير ادي قهوه واجي

ام عمر: مابش داعي جيت احاكي ام سالم كلمتين واسير ابني مراعي لي

ام سالم: خير مالش؟

ام عمر: كنت اشتي اسألكم وين بلقيس ولا عد بسرناها ولا سمعنا عنها خبر

مرة سالم قززت: مالها شي

ام سالم خافت ع ابنها من كلام الناس: هي بيت خالها

مرة سالم: قالت سميه انها في المدينه وبتدرس وحدها هيا كيف الخبر كيف لكم جيت اليوم ادي لش شور مابش للبنت الا بيتها وزوجها

مرة سالم: اكيد ماهذا لاجا النصيب ما مع البنت الا بيتها

مرة سالم: هيا صلين على النبي

رفعين صوتهن: عليه افضل الصلاة والسلام

ام عمر: كنت اشتيش تحاكي سالم انتي وافتحي الموضوع معه نخطب بلقيس لعمر

ام سالم: خير ان شاءالله شاحاكيه

مرة سالم بفرحه: وماعيقل شي لانه ابن الشيخ وانتي داريه كيف يعزه

ام عمر: خير ان شاءالله امانه ردوا لنا خبر فيسع ( سريع) قد الولد جننا يشتي يتزوج

ام سالم: بإذن الله كل خير

ام عمر: يله خاطركم اسير قد ظلمت وقدو شرق.

مرة سالم بفرحه وبدل المشاكل جاء حل لبلقيس يريحهم منها غلقت الباب بعدها ودخلت لاغرفتها وقد عمتها سبقتها

سالم: عمر كان مش سوا لكن كبر وعقل وبيشتغل بدل ابوه يعني المشيخه في يده

مرته: يعني موافق

سالم: اكيد

امه: يعني نرد لها خبر

سالم: ايوه وانا يومين افتهن واسير ارجعها.. شاف مرته وبدون حنوقه ماشي لاعد ترجعيش تتحملي جلستها امد ماتتزوج

مرته: تمام ولايهمك موافقه مااشتيش الا راحتك ولا اشتي حد يتحاكى عليك

سالم: نور الله قلبش هيا جهزوا لنا العشاء ميت جوع

@rewayatyamania المصدر الأول للروايات

في المدينه..
في غرفتها بتناقشه.. كنز: مافيها والله ما اكون اسير الا اختبر وادرس من البيت.

زوجها: مابش داعي خلاص تميتي الثانويه كفايه.. الجامعه ممنوع بدون نقاش

كنز بتبكي: قوا الله يحفظك خليني ادرس ووقت الاختبار جي معي

زوجها: مستحيل اوبهي لجهالش وعادش عتولدي وبزا مابش وقت للقرايه
خلاص غلقي هذا الموضوع والا سيري بيت ابوش ادرسي عنده... وخرج

كنز جلست تبكي: الله يسامحش يابلقيس كل شي سابر لش وانتي الا بنت سالم وانا بنت الشيخ ومش قادره اكمل قرايتي رغم انهم وافقوا في العقد...
.
.

في السكن عند بلقيس..
البنات بيرقصين بعضهن وبعضهن جالسات بيتشاورين..

صاحبه بلقيس: قومي تعلمي هيا ولو ماتعرفيش

واحده ردت: تشتي تتعلم كل شي في يوم اصبري عليها قد مالها شي بدأت بالبنطلون الجنز بس البلوزه لونها في وادي ماتناسب ابدا البنطلون ..

بلقيس جلست تسمعهن بعد ماكانت فارحه انها بدأت تتغير انكسفت

صاحبتها: ماعليش منهن بيحسدينش على الحلا هذا طنشي

بلقيس: مش انا زاعله كل واحد وذوقه
لبسهن ماعجبني وانا ماعجبتهن عادي

واحده ردت: ايش ايش؟ ماعجبش ! ليش انتي تحلمي بمثله ! صدق قلة الولف عنا

بلقيس: الله يهنيش يااختي.

صاحبتها: ماعليش منهن.. قلي لي شليتي البطاقه

بلقيس: ايوه

جلسين يتجابرين بلقيس ذكرت انس ..!


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 68 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بلقيس: ايوه

جلسين يتجابرين بلقيس ذكرت انس واللي كتبه لها والرقم خافت حد يشوف الورقه قامت: يله انا اسير ارتب الادوات اللي شليتهن وارقد

صاحبتها: بدري

بلقيس: ضبحت ومعي كتب من حق زهور شاقراهن بيعجبني

صاحبتها: تمام.

بلقيس دخلت الغرفه رتبت ادواتها راحت فتحت الشنطه خرجت الورقه سجلت رقمه في تلفونها لو احتاجت منه شي للتسجيل.. وعطفت الورقه لأصغر حجم وخبتها تحت فرش السرير.

شافت مسجله صغيره حق زهور وشروط اغاني فتحتهن وجلست تقرا المجلات

@rewayatyamania المصدر الأول للروايات

في المعرض قبل نهايه الدوام...
المشرف: يا انس

انس راح يجاوب: ايوه

المشرف: معك يوم عطله في الاسبوع غير الجمعه اختار

انس: الخميس عشان لو نزلت البلاد

المشرف: تمام يعني انت خميس واليوم حق عطل زملاءك تغطي بدلهم

انس: تمام

مرام: انس قدك مروح؟

انس: ايوه

مرام: ايش رأيك اخرج معك لراس الشارع واطلع باص الوقت متاخر واخاف وحدي

انس انحرج يرفض لانها بنت: تمام على طول

في الطريق بيمشي قبلها وهي وراه

انس منحرج انه بيمشي مع بنت قدام الناس ..

مرام بتحاول تسرع بعده خطواته اسرع منها كانت وداخل نفسها: قوي شايف نفسه على ايش هذا وهو من البلاد جاء

انس سألها: وين رايحه

مرام قالت له طريقها

انس: وقف لها باص وانتظر لما طلعت وحاسب.. ومشي رجل وهو بيتفقد تلفونه ولا اي خبر..
.
.

في غرفتها..

بلقيس فتحت الاسماء شافت اتصالها لابوها وذكرت كلام اللي جاوبها ع اساس ابوها وبكيت.. شافت رقمه استغربت من ! ذكرت ع طول وحفظته باسم  الطيب الجام... تحاول تكتب بقيه الحروف عه وبقيه حروف الاسم مفقوده محدد حروف الاسم حفظته ودخلت الالعاب تلعب ونعست وهي جالسه فوق السرير.. حست رقبتها بتوجعها صلحت راسها ع الوساده ويدها تحت خدها

@rewayatyamania المصدر الأول للروايات

في الكافتيريا..

انس طلب له مطبقيه وشاهي حليب وجالس ياكل حس تلفونه هز ورن .. رقم غريب جاوب: الو .. الو.. محد بيرد.. الووو....محد بيرد جلس 3 دقائق وانقطع الاتصال..

حس بشي غريب معقول هي! لا لا عتتحاكى ليش تسكت.. بعدين كل يوم بيتصلوا ناس غلطانين ويمكن زبون يشتي يرجع شي.. عاد الاتصال مابش معه رصيد كمل ياكل سريع وخرج يشتري كرت من اقرب اتصالات بيخدشه ويعبي الرقم وهو متشوق تكون هي... بدأ يفكر انها هي بس خازيه
.
.

في القريه بيت الشيخ..

مرته مغلقه اذنها من صياحه: انت وافقت ماسرت الا بعد ماوافقت

الشيخ: وافقت قبل مانسمع كلام عليها من قال لش تتفيضلي موضوع ساع هذا انتي من راسش

مرته: وانا مادراني مافيها

الشيخ: كيف مافيها تشتي الناس يتكلموا علينا بعد ماتكلموا عليه وعلى بنته.

مرته: هي بيت خالها

الشيخ: بتصدقي العجوزه الخرفه امه

مرته: واحنا نقل للناس هكذا عيصدقوا

الشيخ اقتنع بكلامها: ليش عدمين البنات مابلا هي

مرته: هي جميلة قوي وحماشه وطيبه ويتيمه ترحم وبعدا تشتي مرة ايمن توقع احسن من مرة عمر مابلا الثنتين سوا قاريات

الشيخ: يله شاتحاكى مع سالم وابسر كيف لوما القاه

مرته فرحت: تمام.. اكيد عيوافقوا بابنك انت الشيخ.
لو بنتي مااطلب حتى مهر

الشيخ فرح وحس بهنجمه من مدحها له.

@rewayatyamania المصدر الأول للروايات

في المدينه..
انس تم يعبي الرصيد واتصل

بلقيس كانت نوم حست خدها بيهتززز وموسيقى في اذنها نكزت قامت ومغمضه عينها طفت المسجله.. ماكانت مركزه ايش اللي بيرن

انس بيشوف ماردت

بلقيس شافت الصوت مستمر.... قامت مره ثانيه وشافت التلفون بيضوي ويهتز جنب يدها  فكرت ابوها جاوبت: الو ها اباه

انس استغرب: اباه !! يمكن غلطت تشتي تتصل له واتصلت لي: الو

بلقيس حست صوت غريب عن ابوها: من؟

انس: انتي اتصلتي لي قبل شويه على هذا الرقم؟

بلقيس بتجاوب وهي نوم: والله مااتصلت اتصال من الخرط...قفلت

انس شاف التلفون وتأكد الرقم نفسه اللي اتصل به قبل شويه !!! ايوه نفسه ؟؟ طيب صوتها والله .. وصوتها فعلا نوم ؟ كيف هذا !! بس فرررررح ان رقمها عنده دخله جيبه ومشي مبسوط واخيرا وصل له رقمها.

@rewayatyamania المصدر الأول للروايات

ثاني يوم الصباح..
السواق حق الشيخ نزل لبيت سالم دعاه يجي معه يجاوب

سالم خرج وطلع معه السياره

لما وصل..

الشيخ: كيف قد انت؟

سالم: الحمدلله

الشيخ: اخرج تشمس يجبر عظمك من الرقده وسط البيت

سالم: اين اسير قدك داري مع التعب مطروح

الشيخ: شاخدمك خدمه لو تشتي الان يوصلك السايق تدي بنتك من المدينه ويرجعك حين انت تاعب وسيارتك مدري وين

سالم فرح: تسلم ياشيخ الله يحفظك دايما صاحب واجب

الشيخ: بين اقلق عليها اكثر منك وانت ابوها.. المهم منتظر لموافقتك

سالم انحرج من الشيخ: اكيد ياشيخ البنت بنتك وانا ماالقى احسن منكم ومن عمر

الشيخ: كان...





📚 @rewayatyamania  🇾🇪

.

البــارت 69 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


سالم انحرج من الشيخ: اكيد ياشيخ البنت بنتك وانا ماالقى احسن منكم ومن عمر

الشيخ: كان توكلنا على الله تجهز والبس وسير اديها.. وانا اقله الان يتحرك يشلك

سالم: تمام

@rewayatyamania المصدر الأول للروايات

في السكن..
بلقيس قامت رتبت الغرفه وكل شي ولبست وتجهزت تسير الجامعه خايفه يبداوا الدراسه كل يوم تروح تتفاقد الوضع وترجع

خرجت مابش حد معها كانت خايفه شويه وبتتلفت وتمشي من طرف الشارع

انس في الطرف الثاني في الجهه الثانيه بيكلم نفسه: اقلها انها اتصلت والا ماشي! بس كيف قالت مش هي وصوتها.. كيف اتأكد اول انها هي.. صح مرام تعرف رقمي بس صوتها ثاني وحكاها ثاني.

دخلت من الباب وهو سبقها كان واقف قدامها..

بلقيس شافته حست بربشه يمكن بداية اعجابها به.. ماكانت ذاكره ابدا صوته والاتصال اللي وصلها وهي نوم .. مشيت وبتصلح البرقع حقها وبتسأل البنات الواقفات: اي حين تبدا الدراسة؟

واحده من البنات: مابش اليوم بس بيقولوا من بكره اكيد.

بلقيس راحت جنب المكتبه وبتسأل واحده من البنات ايش كتب سنه اولى عشان تبدا تقراهن

البنت: كل دكتور ومعه كتاب يعني نراعي نشوف من عيدرسنا

بلقيس حست ماعد في شي تسويه وبتحس بتوتر من نظرات الشباب وتعليقاتهم... قامت خرجت...

انس لمحها خرجت مشي بعدها.

ماتجرا يوقفها ويكلمها..

وبلقيس بتمشي خطوات سريعه وعينها في الارض مش شايفه حد جنبها او قدامها او وراها.

بتفكر كيف تفعل وتطلب ابوها فلوس مابش معها لو تزيد تتصل له لايرجعها..

رجعت السكن بعد مااشترت حبه خبز ببقيه الفلوس اللي معها ومش عارفه متى وكيف واي حين بيبداوا يدوا لها الراتب اللي قالت لها المديره عليه.

ذكرت المديره !!!! فكرت تتصلها جلست فوق كرسي في حوش الجامعه

انس كان بيفكر يتأكد من رقمها شافها جلست اتصل ع الرقم نفسه

بلقيس شافت الاتصال جاوبت: الو ..الو..؟ قفلت
واتصلت بالمديره..

انس تأكد انها هي وشافها ماسكه التلفون بتتكلم قرب ومشي من وراها لاتشوفه

بلقيس: ايوه يا استاذه انا بلقيس اشتي اسأل متى عيسلموا لي الزلط

المديره: عاد لما يداوموا سوا ويرفعوا الاوراق لاتستعجلي

بلقيس انحرجت تقلها مابش معها: تمام
قفلت وواصلت مشيت

انس وصل بعد ماقفلت مالحق يسمعها.. جنب البقاله وقف وقفا عشان لو خرجت ماتلمحه

بلقيس خرجت وفي يدها حبه خبز وجبنه في كيس ومشيت بدون ماتلفت لحد

انس شافها وبيمشي بعدها  وداخل نفسه: وعد لاحرسش وماافلتش وحدش ولا يوم...


وبعد مارجعت السكن وهو بيتتبع خطواتها شافت قدام السكن سياره نزل منها ابوها مشي لاعندها..

بلقيس مسكته ومشيت معه شويه بعيد من قدام البوابه عشان صاحباتها مايحسوا ويسمعوا شي: اباه ليش جيت لهنا !!؟

انس بيشوف من بعيد مش فاهم من هذا واقف معها وبيكلمها وليش مسكته وراحت معه؟ ليش بعدت من هانك ! ليش خايفه !! من هو هذا؟ ؟؟؟ وجلس يكلم نفسه

انا لو سرت بحرجها وماليش دخل بها! طيب اخاف لو انا ساكت وواحد بيغازلها او يهددها !!! اجلس اشوف للاخير ايش عيحصل واتصرف

سالم كان ظهره لاعند أنس وواقف يكلمها: يابنتي ابردي من الدراسه الصدق نزلتي راسي للارض في القريه وماعد بيت واحد ماتكلموا عنش والان لازم ترجعي

بلقيس بتبكي: اين ارجع !! يا اباه انت ليش هكذا بتعاملني تعبتني والله ماعد دريت لك ماتشتي اسكه فلتوني لحالي امس تقلي مش بنتي ولا اعرفش واليوم تجي تردني انت من يومك بتهم كلام الناس وانا ولا اهتميت بي يوم..

انا مابرجع معك ولو تموتني والله ما ارجع .. مارجعتني لما كنت صغيره ورجمتني بيت خالي تربيت بعيده عنك وانا محتاجتك ليش ذلحين تجي تردني عشان الناس!!

سالم تأثر بس ماعد عرف يلف الموضوع  والان ماينفع العتاب خلاص بالذات بعد ان الشيخ يشتيها لابنه وكلام الناس اللي طلع وسمعه اخوتها الصغار اللي بيكبروا ويرجعوا شباب ويتكلموا عنهم في القريه كان ملان راسه كلام سمعه وجاي يطبقه ماكان ابدا مشاعر اب اشتاق لبنته حب يكمل بقيه عمره معها اللحظات اللي انحرم منها وحرمها حنانه وعوضها عن غياب امها في حياته

بلقيس جلست ع الرصيف وبكيت حست نفسها قاسيه مع ابوها بس مش اقسى منه ومن عدم احساسه بها كانت اول مره تحس بهذه القوه قدامه خلاص صممت على رأيها وماعد كان يهمها شي حتى لو قتلها كانت تموت ولا انها ترجع للعذاب اللي كانت فيه وبالذات انه اسباب ابوها كانت عشان الناس و...الخ.

انس كان مستغرب حركة يدها كان في بينهم صياح كان الوضع غريب بس هذا مش حد بيهدد ماقرب منها ولا سوا شي.. يمكن قريبها ... طيب ليش بكيت ؟؟ ليش جلست يوو .. اروح ! اقرب !

بدأ يمشي بدون مايحس ماعد كان هامم انها تبهذله وتقله ليش لاحقني وليش جيت !


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 70 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بدأ يمشي بدون مايحس ماعد كان هامم انها تبهذله وتقله ليش لاحقني وليش جيت !

كان همه انه يفهم من هذا الشخص اللي بيحصل كل هذا معه قريبها او غريب ناوي يأذيها...!!! وصل ع اقسى واوجع كلمة..

ابوها بتعصيب وتهديد وصوته مرتفعع وبيرن المكان: اخر يوم بيني وبينش لا انتي بنتي ولا اعرفش

بلقيس بضبح وبعد اخر اتصال لما ضاع تلفون ابوها فكرت انه بسهوله بيقول هذه الكلمه ويستغني عنها فكان مستقبلها اهم من رجعتها
اللي بترضي فيها اهل القريه.

انس تفاجأ وانصدم وانذهل من الكلام اللي سمعه حس برحمة لها يعني ابوها هذا !! وليش جرحها هكذا حرام مالها ماترجع معه ابوها الدراسه وقد عتغثي ابوها مش مثل ماتوقعت طيبتها شكلي غلطان فيها.

ابوها طلع السياره ضابح شغل السجاره وقال للسواق امشي.. شفط السجاره بنخس واحد ورجمها بضبح

بلقيس كانت تحس بتردد تقله ينتظر والا يمشي !! مشيت السياره منها بسرعة البرق

السواق لابو بلقيس: مالك مابش حد؟

السواق: قالت لي صاحبتها ان بنتي قد فلتت التسجيل للسنه الجايه ( تذكر انها قالت له انها بصعوبه وتعب درست ونجحت وثابرت وسجلت ويجي عشان كلام اهل القريه يخليها تبطل وهو متخلي عنها طول عمره).
.
.

بيت الشيخ...
كنز كانت بيتهم: يعني ليش الا والا بلقيس مااشتيهاش لعمر اخي؟

امها: ليش؟

خالاتها: مش كانت صاحبتش

كنز: كانت ايوه .. بس تجوا تزوجوه بواحده عايشه لحالها في المدينه وبتدرس طب عيراعي لها والا يسير معها.. والبيت والعمل والبزا لمن؟؟ قدهي بغير طبيعتها لقيتها في عرس ملبسه وبشعرها ولبس ياساترنا استر تقلين الا مزوجه.. والله انتوا اخبر الصدق انا قد نبيتكم مش تقلوا ماحاكيتكم

ام عمر: يو مالش ماتحاكيتي

كنز: عادني الا دريت

@rewayatyamania المصدر الأول للروايات

بيت سالم..
مرة سالم جالسه تكلمها بمشاوره: اسمعي ذلحين انتي جننيهم يسرعوا بالعرس يتموا كله في شهر من الخسارة المهم لفي عقلهم

ام بسام ضحكت بمسخره: عاد انتي مصدقه؟ هو الا خبر قلك يسرعوا؟ عادني جيت من عندهم جوا يقلوا لي اقلش ماعد يزوجوه الا من الاهل

مرة سالم لطمت وشها: يو منش صدق !!! كيف افعل بروحي ودفت الله يقلعني حين قلت له يسير يديها

ام بسام: ياعيبتش عليها يا مره انتي والخباثه هذه ولا عتريحيلش البنت ترحم يتيمه تخيلي لو جهالش تيتموا ووقع لهم خاله ساعش

مرة سالم: الله يقطعش انتي والحكا هذا مالش قد بتفولي عليا مافعلت بش اتقي الله حسستيني ان انا عذبتها

ام بسام: ماتخرج بنت وتتجعجع من بقعه لبقعه الا وحد خرجها بنفسه

مرة سالم: ماقصدش مابتدوري تقلي لي تشتي تقلي لي انه انا اللي طايرتها من البيت؟ ؟

ام بسام: انتي اخبر انا قذا قلت لش انهم عيخطبوا له واحده ثانيه اعتذروا انتوا قبل ماتتبدعوا قد الناس كلها تتكلم عليها زد لوما يغير بيت الشيخ رأيهم فيها
.
.


في السكن..
جلست بلقيس في الشارع ع الرصيف تمسح دموعها وتفكر في كلام ابوها !! حتى نسيت تطلبه فلوس طيب وكيف تسوي وتجلس وتدرس ؟!

قاطع وضعها وحزنها وتفكيرها والضيق اللي كانت فيه صوت...

انس: ليش جالسه هنا !؟

بلقيس نكزت وتفاجأت قامت وقفت: ولاشي

انس ردة فعلها خلته يحس انه تسرع في فضوله: طيب ليش بتبكي؟ حد غثاش حد خوفش ؟؟

بلقيس بتمشي بتسرع للسكن تتهرب منه وسؤاله ولايكون شافها او سمع شي حست بربشه: لا لا مابش فيني شي

انس: ممكن توقفي تكلميني

بلقيس: خلي اي موضوع على البطاقه الان وقت ثاني

انس: ايش من موضوع وايش من بطاقه !!
انا بين اقلش من هذا اللي كان يكلمش وايش حصل !

بلقيس ذكرت الموضوع و بكيييييت: ليش انت سمعت؟؟

انس ماسمع الا بقية الكلام بس كان يشتي يفهم منها السبب: ايوه واشتي افهم ايش السبب

بلقيس: مالك دخل لو سمحت رجاء لاتتكلم معي

انس: عتتكلمي والا ادعي الامن اقلهم واحد غريب جا يهدد طالبه

حب يضغط عليها عشان يفهم هو فعلا ابوها او حد بيهددها ))

بلقيس: ليش هكذا تفعل ! هذا ابي ومالك دخل رجاء يله سير من هنا ولاتجلس تلحق بعدي.

انس يشتي يمشي ومترد

بلقيس ماتركت له فرصه هربت ودخلت السكن.

انس ضبح ومتردد يجلس ينتظر جنب السكن والا يمشي

بلقيس دخلت غرفتها وقفلت على نفسها بالمفتاح كانت راكنه ان زهور مش راجعه اليوم ماحبت تكلم حد وتشوف حد
.
.

في القريه...
سالم رجع ضابح

مرته بتتفرج لما دخل وين بلقيس فتحت الباب ومابش حد

الجده: وين بنتك؟؟

سالم: رجعتها لبيت خالها

مرته بفرحه: الله يحفظك صدق

سالم لفت لها: ليش؟

مرته: لو تبسر؟

سالم: ايش؟

مرته: اليوم جت ام بسام قالت قد غيرين نسوان الشيخ رأيهن ماعد يشتين بنتك لعمر

سالم بضبح وحزن: ...


https://tttttt.me/rewayatyamania/51250



📚 @rewayatyamania  🇾🇪

#اعتذر عن عدم نشر بارتات العصر بعوضكم الآن.. وحق الليل لبعدين

.

البــارت 71 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


مرته: لو تبسر؟

سالم: ايش؟

مرته: اليوم جت ام بسام قالت قد غيرين نسوان الشيخ رأيهن ماعد يشتين بنتك لعمر

سالم بضبح وحزن: احسن

مرته: يو ليش

سالم جالس يتذكر بنته: اص سيري خلي لي حالي

مرته: استغفر الله قلنا لكم انها نحس مامن البنت هذه الا النكد ووجع الراس

@rewayatyamania المصدر الأول للروايات

في غرفتها
بلقيس حاسه بخوف وقلق كيف تسوي !!! لو رجع ابوها يرجعها ؟ اي حين تغير سكنها ! نفسها تضيع تختفي منهم  بعد مابكيت نعست

انس بيقلق عليها ومتردد ماسك نفسه اتصل او لا ؟؟ يده سبقت تفكيره ولقي نفسه بيتصلها

بلقيس شافت رقم غريب خافت ليكون انس بلغ من صدق: الو

انس: ممكن لو سمحتي تدي لي فرصه اكلمش فيها

بلقيس: من انت؟

انس: انا انس

بلقيس: من أنس ؟؟؟

انس: انا اللي سجلت بدلش في الجامعه واديت لش مقعدي

بلقيس: وعشان سجلت بدلي خلاص بتذلني كل شويه تشتي تكلمني وتجابرني !!

انس: يا اختي انا ماقصدي شي والله انا غير قلقت عليش ومااشتيش تغثي بس اشتي لو بيدي شي افعله لش

بلقيس حست بغرابه وسخريه معقول الشخص الغريب اللي شاف ماحصل لها بيكون احن واطيب من ابوها !! اسمع ياولد

انس: اسمي انس

)) ماوقعت  هذه الجمله انقالت مره منها بس ماعرف انها نفس الشخص اللي قالتها له وهم في القريه )) انا مش حق الخبر ذيه انا جايه ادرس وابعد عن المشاكل والهدار والله مانا ناقصتك ولو تشتي تسير تشل المقعد اللي خليته لي شله خلاص ولاعد تلاحق بعدي وتتصل بي بتسمع !

انس: مابين الاحق ولا والله ان انا خليته لش من طيب خاطر ماهنتي عليا تسيري لاخر الدنيا وابسرتش ماتعرفي بالجامعه والمكان فقلت هنا اقرب لش

بلقيس: ذلحين ايش تشتي مني ليش اتصلت.. لحظه لحظه ممكن تجاوبني وتدي الصدق كيف عرفت رقمي من اداه لك ؟؟ (( شكت في صاحباتها السكن بعد ماحذرتها صديقتها الطيبه من مقالب البنات))

انس: انتي اتصلتي بي  من رقمش

بلقيس: يعني انا مجنونه اتصلك ليش؟!

انس: والله انش اتصلتي وجلستي ساكته ورجع تأكدت وعرفت انه انتي

بلقيس معصبه: انا مش ناقصتك الان تقلي من منهن اللي ادت الرقم عشان ادرى

انس: ادخلي سجل المكالمات وشوفي التاريخ الليل اتصلتي بي

بلقيس لاحول ولاقوة الا بالله قفلت ودخلت السجل تشوف فعلا هي كانت من اتصل به... انصدمت واستغربت كيف ومتى تذكرت التاريخ واحداث هذك اليوم عشان تعرف متى اتصلت وتذكرت لما سجلت الرقم وضغطت اتصال بالخطأ

بعد خمس دقايق..

انس اتصل بها: ها ! كيف صدقتي

بلقيس: ايوه العفو منك يمكن بالغلط اهتمس الاتصال كنت نوم بعد مالعبت.

انس: عادي خير.

بلقيس: مع السلامه

انس: يابلقيس

بلقيس اول ماسمعت اسمها منه حست قلبها تلخبطت دقاته ردت بهدوووووء واحراج: ايش؟

أنس: لاتزعلي امانه ولو تخلوا عنش الناس كلهم انا معش واي شي تحتاجيه ولايهمش والله اني صادق بكل حرف قلته ولو سألتي ايش معنى انتي بالذات بهتم بها من بقية بنات الجامعه والسكن شاقلش اانا بصراحه معجب بش

بلقيس سكتت وانصدمت تعجبت انذهلت من اللي سمعته

انس: الوو.. الو ! بلقيس؟

بتسمع حروف اسمها منه ومتعجبه ايش الجرأه اللي فيه ! ايش الاحساس الغريب اللي هي فيه يمكن عشان اول مره في حياتها حد يحبها ويهتم بها: رجاء لاعد تتصل لي باي.. قفلت وحست انها ضعيفه قدام هذا الكلام ، حست انها كانت محتاجه انس في حياتها بس احساس بالقلب اما عقلها اللي كان له النصيب الاكبر في اللي بيحصل كان يقلها عيب توقعي زي بقية البنات اللي بيحبين اصلا الحب عيب وحرام واهل القريه لو عرفوا لايتكلموا اخس وابي عيقتلني والبنات كلهن بيقلين العيال كذابين.. لااصدق له !!

جاوب قلبها: بس ها كيف مهتم بي الوحيد اللي احسه معي واصل بيلاحقني صح بس ما اذاني ولا مره كلامه وتصرفاته معي طيبه قوي ...!

عقلها: بس انا جيت ادرس وخلاص تعبت من كل الناس وماعد بصدق لاي واحد في الدنيا خلاص.

فجأة قاطعت تفكيرها وانسجامها وبتدق الباب قووي بتسمعها بتلعب بالمفاتيح وتفتح وتقفل قامت تفتح لها

زهور دخلت: يف منش تعبتيني قلت او نسيت المفتاح مارضي يفتح الباب

بلقيس: انا قفلت

زهور: ليش قفلتي




📚 @rewayatyamania  🇾🇪

.

البــارت 72 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


زهور: ليش قفلتي؟

بلقيس: البنات ازعاج واصل سيره جيه

زهور بتبعد ربطة البرقع وتعلقهن: يله خلاص.. المهم اسمعي

بلقيس: ايش

زهور كملت تخلس عبايتها وجلست: في مدرسه قالت لي بنت عمي يشتوا مدرسات للروضه الاطفال براتب مارأيش

بلقيس: صدق! كم الراتب؟ تقلي عيقبلونا ومابش شهايد؟

زهور: نجرب نسير مارأيش؟

بلقيس: تمام

@rewayatyamania المصدر الأول للروايات

في المعرض..
مرام: مالك اليوم شكلك كذا وضابح

انس: وانا مادراني

مرام: براحتك عادك بتتدلع احمد الله حين سألتك وعبرتك

انس مطنش وجالس يرتب الشمزان ويلمع الزجاج والمرايات

مرام ضابحه مش معبرها ولا بيتلفت لها وهي معجبه به جت طرحت يدها فوق الزجاج وبتأشر له في هنا وسخ مسح سوا

انس مسح البقعه

مرام: عادت الكره

انس شافها تعجب  رجم لها الممسحه: مسحي انتي

مرام انكسفت انها حاولت تجذبه وتلفت نظره وماقدرت: مالك اليوم بتتفرج لنا بنص عين

انس مطنشها وساكت

مرام: انت بتسمع او لا ؟؟

انس بضبح شافها بنظره: سيري يله تمي عملش سكته ماجيناش نتجابر هنا.

مرام: ليش من فاكر نفسك عشان واحد يكلمك؟

الموظف اللي معهم: اص بس مالكم ايش حصل تعرفوا لو المشرف او المدير يعرف باللي حصل الان لاتنطردوا الاثنين
.
.


في القريه...

بيت الشيخ..
الشيخ كان مراعي له في الديوان

سالم دخل: السلام عليكم

الشيخ رد السلام

سالم جلس

الشيخ: كيف قد انت احسن؟

سالم: نعم له الحمد

الشيخ: رديت البنت؟

سالم: قد بطلت ورجعت بيت خالها

الشيخ: هيا صلِ ع النبي وخزن نتجابر شويه من شباب اليومتين هذه.

سالم: ليش خير؟

الشيخ: ايش من خير.. بنتك سارت تدرس وخلت القريه يتحاكوا عليك وبسببها الولد دري من النسوان وبطل يخطب

سالم: خلاص يا شيخ لو سمحت عطف الموضوع سكته وكأنه مافتحنا شي من البدايه.

الشيخ ضحك ضحكة تهديد: بين اشوفك يا سالم نسيت نفسك قد بتهنجم وتزنط ع الشيخ كيف لوما !
وبتتصرف من راسك وماعد بتفعل لي اي قيمه مثل اول.

سالم: الله المستعان بعد العمر اللي اشتغلته معك تجي تقل لي هكذا !

الشيخ: المهم اذكرك لو نسيت.. حاسب ع تصرفاتك

سالم قام وقف: تسلم حين ذكرتني.. خاطرك

الشيخ: الله معك

سالم حس انه ذله وبدأ يتغير عليه هذا كله بسبب بنته.

@rewayatyamania المصدر الأول للروايات

ثاني يوم الصبح

زهور: هيا بلقيس تجي معي؟

بلقيس: لا مره ثانية

زهور: ليش؟ مش اتفقنا نسير نقدم للوظيفة ؟

بلقيس: مابش معي حق مواصلات.

زهور: انا بسلفش ولما يقع لش رديها

بلقيس بفرحه: تمام

وصلها اتصال جاوبت

بلقيس جلست منتظره لها تتم تتكلم وتتذكر اتصال انس بها.. شافتها بتجاوب بغير عادتها يعني بخجل بهمس..

بلقيس استغربت..

زهور قفلت وجلست سارحه..

بلقيس: من كنتي بتكلمي كنتي واحده ثانيه فظيعه

زهور ابتسمت وخزيت: ابن عمي

بلقيس فهمت ابن عمها يعني حبيبها.. (( ماترك لها فرصه تتمنى او تحسدها كان ابن حلال واتصاله في لحظه حسست بلقيس بشعور كانت حاسده البنات عليه برغم مشاعرها اللي بدأت تتغير واعجابها به الا انها رفضت ترد على رقمه ))

خرجين وراحين للمقابله واتفقين مع المديره..

زهور تكون مسؤولة مكتبات وبلقيس تدرس صف التمهيدي.

بعد ماكملين رجعين الجامعه نزلت الجداول وعرفين الدكاتره والكتب المقرره.

انس كان موجود بيلوي وعينه على الاماكن اللي بتجلس فيها ومالقيها.. فجأه التقوا جنب المكتبه... اول ماشافها ابتسم وعينه بعينها

بلقيس بتشوفه مبتسمه من تحت البرقع بس بتحاووول تتأمل وتذكر ملامحه فين شافته!!

انس مسك تلفونه ورفعه يأشر لها واتصل لها

بلقيس شافته بيأشر ويحاول يتكلم بنظراته سمعت تلفونها رن فتحت شنطتها وخرجت التلفون جاوبت: انا مش قلت لك ماتتصل !

أنس: اتصلت اقلش لاتختاري الدكتور الفلاني انضمي لمجموعه ثانيه هذك واحد يحنبش في المواد

بلقيس: كيف يعني؟

انس: يعني يرسب كثير

بلقيس: اها طيب ينفع اغير

انس: ايوه عادي.

بلقيس: طيب لو سمحت لاتجلس تتصل

انس: ولو في شي مهم؟

بلقيس: مم ..سكتت

انس: مابتصل الا لو في شي مهم

بلقيس: طيب تسلم

انس: تحتاجي شي؟؟

بلقيس : لا شكرا

انس يحاول يطول الكلام قد مايقدر: طيب لو احتجتي شي عتتصلي؟

بلقيس: تمام

انس: يله انتبهي على نفسش وانا مابخليش لحالش تأكدي ان انا دايما جنبش

بلقيس ماعرفت ايش ترد عليه سكتت خافت تشكره تأكد له موافقتها ع الحب وخافت ترفض

انس بيتفرجها تمشي عشان تختفي من نظراته ويلحقها: انتي ادي لي فرصه بس وبثبت الكلام اللي قلته

بلقيس: خلاص ناهي ياولد هيا قفل

انس ضحككككك على ردة فعلها وموافقتها وعصبيتها وكلمه ياولد اللي دايما تقولها له

بلقيس سمعته بيضحك ضحكت من ضحكه وماسكه فمها من البرقع تفكر بهذه الطريقه بتكتم الصوت

وهو كان بيشوف...




📚 @rewayatyamania  🇾🇪

.

البــارت 73 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بلقيس سمعته بيضحك ضحكت من ضحكه وماسكه فمها من البرقع تفكر بهذه الطريقه بتكتم الصوت

وهو كان بيشوف ويسمع.. انس: ضحكتش حلوه الله يسعدش يارب

بلقيس كانت بحاجه الدعوه هذه ف بعفويه: آمين يارررررررررب وقفلت

انس: ا... الو !! سمع رنه الخط بعد ماتقفل.. كان نفسه يطول الوقت لساعات معها في التلفون وهو بيسمعها.. بقي له ظلها يتتبعه ويمشي عليه..

بلقيس جلست تمشي وتسلم على البنات اللي تلقاهن طريق طريق وفارحه وحاسه بسعاده رغم انها مش عارفه سببها.

انس يمشي خطوه ويتفرج حركاتها تصرفاتها عفويتها في بنات كانين مايعبرنها وفي بنات يرحبين بها ويضحكين معها وهو بيتتبع تصرفات وملامح وحركات واحده أسرت قلبه بصدق

@rewayatyamania المصدر الأول للروايات

بيت سالم..
سالم جلس وبيتفرج الصندوق اللي فيه اهم اوراقه وسلاحه.. جلس جنبه فتحه وبيخرج الاوراق ويقرا

زوجته جلست وبتتفرج اخيرا الصندوق اللي نفسها كانت تعرف ايش فيه.. خرجت صره فتحتها
سالم مندمج بيقرأ.

زوجته شافت الذهب ومصدومه 2 بليزقات و2 خواتم واخراص وسلس لبستهن وبفرحه: مالك ماتدي لي هذا الذهب ليش مخبي له !

سالم لفت لها وهي لابسته مد يده لها: اديهن سريع مابش فتحتيها

مرته: ماشدي حاجه قدهن لي انت مااديت لي ذهب سوا حين تزوجتني

سالم: ناهي هذا حق المره الله يرحمها

مرته: الله يرحمها قد قلتها بفمك لمه مخبيهن

سالم: لبنتها

مرته: امااانه ! عيجلسين مخبايات هنا !

سالم: ايوه ولا حد عيعسهن الا لما تتزوج اديهن لها.. هزرهن من يدها ولفهن وخباهن وجلس يقرا اوراق مهمه كانت تنازلات بينه وبين الشيخ

جلس يحس بقهر وبياكل نفسه من داخله كتب في الورقه كل التوضيح

فكر في الحادث اللي فعله وكان بيموت فقرر يكتب وصيته.. ولفهن كلهن مع الذهب في شنطه صغيره داخل كيس وشلهن وخرج.

دق باب بيت واحد طيب وامام جامع وشيخ وامنه يحفظ وصيته وحاجته لو وقع به شي يكونين لبنته.

@rewayatyamania المصدر الأول للروايات

في المعرض..
سارح بيفكر فيها ورقتها وعفويتها رغم انها مش من البنات اللي بيشوفهن كل يوم اشكال وانواع وجمال ومظاهر بس هذه البنت غير بالنسبه له مش قادر يفسر اللي حاسس به غير الحب اللي بيجمع القلوب بدون مواعيد، بس الصدف والمشاعر اللي كانت بتتحكم بأي قلبين.
.
.

بعد مارجعت السكن..
واحده من البنات اللي دايما تتنمر عليها شافتها جالسه في الارض وقدامها لجن (وعاءغسيل) بتغسل ملابسها: ها غسلي هولا معش رجمت ملابسها  للارض قدام بلقيس ومشيت .. رجعت: انتبهي تزيدي لهن الفحر 
ولاتفعليش كلوركس عيخربين كلهن غاليات وماركات.

بلقيس: بس معي..

البنت خرجت..

دخلت واحده ثانيه: هيا سريع اشتي اللجن اغسل

بلقيس بتغسل بسرعه: طيب دقايق اتمهن .. شافت الملابس حق المتنمره: يله اغسلهن لاتفعل لي مشاكل مش ناقصتها

زهور دخلت بتتمطط كانت نوم: يا بلقيس حاسه نفسي تاعبه ايش عتتغدي؟

بلقيس: اكلت تفاحه وعاد انا شابعه

زهور: طيب لما تجوعي وتاكلي ادعيني

بلقيس شافتها: مابش معي انا وانتي شي هذه الصرفه حق البنات

زهور: يوو مافيني من خرج للبقاله تمي قوا وسيري انتي

بلقيس: خلاص اتم ونخرج سوا الصدق افتجع وحدي.

زهور: تمام شالبس واراعي لش

بلقيس بسرعه بتغسل سكبت الصابون الباقي والماء وجمعت ملابس البنت كلهن بسرعه بسرعه غسلتهن وقامت راحت للغرفه حقها خرجت ملابسها للسله وراحت ببقيه الملابس غرفه المتنمره دقت الباب فتحت واحده من صاحباتها..

بلقيس: ها قلي لها غسلتهن ومشيت لغرفتها هي وزهور...

على خرجتهن جت المتنمره: وليش ماتضحيهن( تنشريهن)  يعني بتمني عليا انش بللتيهن بماء وصابون

زهور: احمدي الله قد غسلتهن لش ع قلة عقل

المتنمره: وانتي حقها محامي الدفاع او ايش مابش معها فم صاحبتش

بلقيس: الا معي فم وانتي مابش معش يد

المتنمره ضحكت: مابش معي يد !! طيب شاوريش طولها عشان تعرفي تتكلمي معي

البنات خرجين على صياحهن ودخلين في الوسط بينهن

زهور مسكت بلقيس ومشين سوا خرجين

بلقيس بتبكي

زهور بضبح: وانتي هبلا تستاهلي ليش تغسلي لها

بلقيس: عادي قلت اهجع هدارها وكنت اغسل ملابسي على الطريق بس فجعتني  عادها تشتي تضارب

زهور: لاتكوني تتكلمي معها وتجاوبيها ابدا

بلقيس: عيب

زهور: خلاص تستاهلي الضرب.

@rewayatyamania المصدر الأول للروايات

في المعرض...
مرام دخلت بقلصين عصير طرحت واحد لأنس: اشربه بارد

انس شاف بس قلصين رغم انهم 4 في المعرض: ليش انا وانتي بس ! وهم؟

مرام : احنا عملنا سوا ومانسيت فضلك لما علمتني كل شي

انس: عادي هذا عمل

مرام: يو كيف انت طبعك ابدا ماتتجمل ابدا ماعندك أسلوب اشربه والا طز فيك

أنس شله ومشي لاعند زميلهم الثالث: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 74 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


أنس شله ومشي لاعند زميلهم الثالث: ها ادت لك مرام عصير لاتكسفهاش

المشرف كان بيشوفهم من بعيد وحب أسلوب انس انه مش حق ضحك ولعب ودايما يصدها: ليش لناس من جنب ناس واحنا مانستاهل او كيف

مرام شافت انس: هيا اعجبك اللي فعلته كنت تشربه وبس !!

انس: مره ثانيه كوني اشتري للكل والا لنفسش لاتحرجي روحش

مرام داخل نفسها: ولاحليت منك يا انس دايما تكسفني هكذا مغرور على ايش مامعك الا شكلك بس والا لو واحده تعرفك ماتفكر فيك

@rewayatyamania المصدر الأول للروايات

في القريه جالسه مع بناتها تجمعين يزورنها

ام أنس: ناقص وجود انس الله يحفظه ويوفقه

شمس: وارزاق يعلم الله كيف هي؟

امها: قال انس بيجابرها دايما وانها بخير مرتاحه

الام مسحت دموعها: الله يرحمك ياسليم

شمس: هيا كل ماتجمعنا وبكيتي وزعلتي ماعد درينا مايفرحش

الام: نفسي ازوجش انتي وانس وافتهن لا جاء الموت بعدا ركنت عليكم

شمس: يو من غير شر صلِ ع النبي عاد بنتش عتولد لاتزوجت من ينتبه لها غيرش مانا شاقل لأنس يزوجني لواحد من خبرته في المدينه

امها: استحي يابنت عيب عليش هذا الكلام

شمس: هيا ناهي انتي اللي بدأتي ودعيتي لي

امها: اتصلي لأنس فاقده له

شمس ضربت رقمه وناولتها السماعه


في المعرض كان تلفون انس بيشتحن...

مرام سمعت اتصال ومكتوب بيتنا جالها فضول تتكلم مع امه او اخته .. شافت انس منشغل مع زبون جاوبت: الو

ام انس: الو؟

مرام: اهلا يا خاله كيف الحال

ام انس: الحمدلله هذا تلفون ابني انس؟؟؟

مرام: ايوه انا زميلته في المعرض

ام انس بدهشه شافت بناتها بصوت واطي: يوو والفعله جاوبت خبيرته ليش تلفونه معها او ابني فيه شي؟؟

مرام سمعت وشوشتها في السماعه انحرجت: عفوا ياخاله هو معه زبون وانا رديت لو في شي مهم

ام انس: اهم شي انس بخير

مرام: ايوه لاتقلقي عليه

انس كمل الزبون ورجع شافها ماسكه تلفونه مشي سريع دخل هزر السماعه وشافها: من بتكلمي وليش تتفيضلي؟

امه: انس .. عيب يا ابني مش هي اختك تقالعها هكذت

انس: غلقي يمه شاتصل انا لاخسركم.. مع السلامه

مرام بتمثل المسكنه: بيتصل ويرن من اول خفت ليكون في شي

انس عاد الاتصال: مره ثانيه ماتلمسيش تلفوني رجاء

امه جاوبته: من هذه ياابني

انس بيغالط لايتكلم قدامها: كيف انتي وخواتي خير او في شي؟ انتي بخير !

امه: انا بخير الله يحفظك الا فقدتك قلت ابسر كيف انت

انس: انا بخير الحمدلله معي الاسبوع هذا دوام في الجامعه آخر الاسبوع وانا عندش

امه دعت له من دعواتها وبعدها: او بتحبها يا انس

انس: ماااشي يمه مالش من الخبر هذا

امه ضحكت عشان انحرج: الله يوصلني لوما افرح بك وازوجك.

انس: ان شاءالله يله خاطرش ارجع العمل بيصيحوا لي

@rewayatyamania المصدر الأول للروايات

في الطريق بيتمشين
زهور خرجت اللي معها: وفي لي خمسين

بلقيس خرجت لها الزلط: قدها كل اللي معي

صاحب العربيه حق البطاط سمعهن: وهذه زياده مني لكن

زهور: تسلم ياعم

بلقيس: خلاص نخليه للمغرب وناكله قدو عشاء

زهور: انا جاوعه وشويه اتصل لأختي يدوا لي زلط لاتهمي كلي بس

بلقيس: وين سايره؟

زهور: جي نتمشى بدل مانرجع للوجوه اللي في البيت

بلقيس: اين نسير

زهور: نتمشى جي ندخل محلات نتفرج

بلقيس: مابش معنا زلط

زهور: التفراج ببلاش اخطي سكته من الدحس

بلقيس ماسكه يد زهور: بس ملان ناس بين ارتبش لوما امشي

زهور ببرود: عتتعودي

جلسين يدخلين المحلات ويمشين

بلقيس شافت قد الشمس بتغرب وبدأ الظلام: هيا نروح اتأخرنا كيف نفعل

زهور: باقي هذا المعرض فخم خلينا ندخل وبعدا نرجع عنمشي سريع ونوصل لاتخافي

واقفات باب الباب..

بلقيس: ماشي خلاص يكفي اصلا مابنشتري ضبح بين اتخور كل شي

زهور: انا شدخل وانتي براحتش لو تشتي تراعي هنا

بلقيس جالسه تفكر لو ادخل عنتأخر جالسه تتفرج بمهل وتسأل وترجع تخرج ! اراعي لها هنا عشان تقطب وتخرج افضل.

زهور دخلت..

بلقيس مراعيه خارج

مرام كانت بتعرض الملابس لزهور

زهور بتتفرج وراها مالحقتها بلقيس ولما شافت الاسعار انصدمت غاليه خرجت

انس كان بيتكلم مع المشرف وظهره للباب..

@rewayatyamania المصدر الأول للروايات

في القريه..
سالم رجع من عند اصحاب القريه لاعند الشيخ ...

الشيخ: هيا مالك شيبت على الأرض ماعد لك هيبه الظاهر

سالم دخل في نفسه الكلام حق الشيخ: ماقصدك ؟

الشيخ: كان اول تدي كلمه والكل بعدك

سالم: ياشيخ انت مش انت داري بشي جالس الا في البيت انزل وابسر بنفسك كل يوم عتدرى الوضع كيف

الشيخ معصب وبيصيح: وانت مابتفعل !!

سالم: اول ماكان يتقاتلوا ويتقاسموا الارض والشجر قدو طمع بينهم الان بسبب القات كل من بيبسر نفسه

الشيخ: والبن كان نفس الشي

سالم بضبح بيدهف يده في الهواء: ...





📚 @rewayatyamania  🇾🇪